كاتب الموضوع :
Julianna
المنتدى :
القصص المكتمله من وحي قلم الاعضاء
رد: ذكريات وهل الحب ينسى
الفصل السادس
لا تشد القيد
تجرح يدي ... أو تجرح القيد
قيدك غدى يوجع يدي
سجني أنا انت ... وسجنك أنا
والحب ... الحب عبدي وسيدي
لا ... لا تشد القيد
دمي ... جرى ... دمك ...
همي إني اشوفك في يدي
وإلاّ يدي همّك
في معصمي صرت
إنت السجين في معصمي
/
/
/
الواحدة بعد منتصف الليل !!
كانو اخوانها واقفين في ممر المستشفى الموحش !! رغم ان المستشفى اغلبها ابيض الا انها ما تبعث بالنفس الا الاكتئاب واحيانا المرض !! خبروهم انهم اخذوا عينات من دمها والنتيجة بتاخذ وقت .... محمد سرحان في امه وصولها والمواجهة بتكون قريبة ممكن دقائق ممكن ثواني !!
شعور متناقض في هاللحظات تذكر ابوه يوم طاح عليهم لكن المكان كان غير يومها ما تصور انه بيروح وما بيرجع !! انتفض من افكاره على صوت امه الي كان مرعوب وخايف !!
-محمد شفيها اختك ....؟؟
ناظرها يشوفها كيف الالوان هربت من وجها السموح وهي حاطة ايدها على قلبها تحاول تجمع انفاسها: ان شالله ما فيها الا العافية بعدها داخل حاطين مغذي وبسو لها تحاليل وبعدها بنشوف شو النتيجة..
عزيز قرب من امه ولمها يحاول يهديها: تعالي يا ارتاحي...
لكنها قطعت كلامه فورا: ابي اشوفها وينها هي ؟؟
الاخوان ردو كل واحد برد: يمه الدكتور قال ماحد يدخل عليها ......
ام محمد بعصبية :الدكتور وشو يعني الدكتور انا امها وينها فيه!!!!
دخلت ام محمد تدور غرفة بنتها وقلبها تحس طار من الوجع الا ضناها الا حبيبتها انا دارية فيها ما هي بطبيعية سالت عن غرفتها ودخلت غصب عنهم !!
كانت حبيبتها نايمة وتكشيرة بسيطة تزين وجهها ومغذي مغروس بكل جبروت في ايدها تالمت وغمضت عيونها وقربت منها تتلمس وجها وايدها ولانها ام دعت يكون فيها ولا في ضناها !!
وبكت ام محمد وهي تبوس راسها : شفيك وانا امك شفيك يا بعد عيني ...
وما حست الا بايد على كتفها لفت تشوف وطلع اخوها بو ريان..الا همس لها بشوية كلمات وخلاها تطلع من الغرفة..
بو ريان: ام محمد علامك ان شالله ما فيها الا العافية تعالي وانا اخوك الحين بتطلع النتائج وبنطمن عليها..
بو ريان يهدي اخته وهو يحتاج من يهديه من عرف الي صار من ريان وهو خايف !!
طلعو برة وكانو الشباب في الممر معاهم ريان الي قرب من عمته وباس راسها: ان شالله ما فيها الا العافية عمتي..
ام محمد بوهن ودون طاقة شوفتها استنزفت منها كثير: ان شالله..
بيت بو ريان...
عايشة بثورة على امها: يعني ليش ما نروح !!
ام ريان ماسكة راسها من بناتها كل وحدة تصارخ عليها من جهة:اقوول انطمي انتي وياها شو تروحين تسوون؟؟ ابوكم هناك واخوانها حتى اخوكم يلا كل وحدة على غرفتها لا صار شي بخبركم...ناظرتهم وهي تشوف التمرد عليهم وهي مو بناقصة وبصراخ:يـــــــــلا
شهد وعايشة قررو يتخلو عن المعركة لان ما في امل وطلعو لغرفهم..
عايشة دخلت غرفتها الا تلفونها يرن وفورا ركضت لعنده الا تشوف رقم اختها !!
-ميعاد؟؟
-هلا ذكريات شخبارها الحين ؟
-انتي خبلة متصلة تسالين عنها وزوجك وينه فيه !!
-اقول انطمي وجاوبي..
-مالت عليك للحين ما نعرف شي بس الكل نعرفه انهم حاطين مغذي والتحا......
-بس تحاليل ما يبالها سنة تطلع ينعن ابو الكسل الي هم فيه...
-ايه ايه شفيك علي اقول ميعاد هدي تراها ليلة زواجك
وما حست الا تلفون تسكر بوجهها طالعت في التلفون شوي وفي شهد شوي...
-سكرت بوجهي الخبلة
شهد ضحكت على منظر اختها مع انه ابدا مو بوقت ضحك: صدقها انتي وين وهي وين !!
المستشفى..
ريان ما قدر ما يتثاوب وهو يحس نفسه منهار من احداث اليوم غمض عيونه شوي وسند راسه على الجدار الى وراه يحاول يجمع خيوط مشاعره والي اغلبها عن الانسانة النايمة في سرير المستشفى وتنهد تنهيدة طويلة تكشف معاناة عاطفية...لكن قاطع خيوطه اتصال ريم!!
-السلام عليكم..
ريم وما هي حاسة بالدنيا: وعليكم السلام ..شحالك حبيبي ؟
-الحمدلله بخير.
ريم ما شالله بسحب منه الكلام:شفيك في شي؟؟
ريان ما حب يقولها عن ذكريات لانه المفروض محد يدرى وهي بالذات ابدا ما بتهتم!!: ابدا شوي تعبان ..
-سلامات...
ريان حس ان الكلام صار ما له اي قيمة ولا لون !! كيف تغيرت مشاعره بسرعة !! يمكن كان غرقان بوهم والحين للاسف سحب نفسه منه !!
-الله يسلمك ...ريم انا بسكر لاني تعبان بروح انام تبين شي؟
ريم رفعت حاجب وكبريائها غلب عليها:لا سلامتك تصبح على خير !!
-وانتي بخير..
سكرت من عنده وهي تحس نفسها ابدا مو فاهمته قام يتغلى علي كلامه قليل وما يسال مثل الاول...هزت كتفها ببرود وحطت راسها على مخدتها بتنام ...
في اليوم الثاني طلعت ذكريات من المستشفى وكانت نتيجة التحاليل فقر بالدم واخذت الي فيه النصيب من اخوانها وامها وحتى خالها الي ما خلو شي الا قالوه لازم تاكل كذا وكذا وترتاح ....الخ
في سيارة محمد:على فكرة ذكريات شكلك تحفة !!
ناظرته بلؤم وصدت عنه اوووف لا تذكرني كانت بعدها لابسة فستانها ومكياجها صار خريطة باختصار شكلها كان مهرجة ^^ يا فشيلتي الدكتور شافني !! والادهى والامر ولد خالها ريان غمضت عيونها ورددت اسمه الحمدلله انها ما شافته يوم طلعت !!
محمد:تعبانة تحسين بشي..؟
ابتسمت بضعف:لا الحمدلله احس نفسي احسن.
مسح على راسها بحنية: الحمدلله
ذكريات ضحكت يوم تذكرت ان امها راحت قبلهم البيت على قولتها بتسوي وليمة !!
-شفيك؟
-اتخيل شكل ماما الحين وهي حايسة بالمطبخ.
-زينب معها وبنات خالك المرجوجات
-والله
ناظرها بطرف عينه:اي والله مالت علي المفروض ما اقولك سوي عمرك غشيمة ^^
ابتسمت وهي تتخيل شكلهم كيف خيبة اربع حريم بالمطبخ ماما اكيد في حالة يرثى لها تعرفها ما تحب تشتغل وحدا معها اكيد الحين الضرابات على قدم وساق !!
وصلو البيت
ونزلت ذكريات وحست بدوخة خفيفة كانت الساعة تقريبا 10 الصبح دخلت هي ومحمد وشافت امها
تستقبلها لمتها وحضنتها وباستها: الحمدلله عالسلامة يا بعد روح امك..
ذكريات باست ايد امها:الله يسلمك يا الغالية..
-الله يرضى عليك..تعالي ارتاحي..
دخلو الصالة الا بدبيتين هجمو عليها وكانت بتطيح لولا اخوها كان وراها..
صرخ محمد على بنات خاله: وعـــــــــله قومو عنها مريضة حشا مو بنات يلا هنــــــــاك !!
عايشة وشهد كانو بقمة الاحراج لكن انقذتهم ذكريات : ما عليكم منه تعالو تعالو حبيباتي ..
شهد:عين وما صلت على النبي حسبي الله عليهم...
وقطع عليهم الحديث...
عزيز: ما اظن في غير توافق يعني هالرقة مع هالدفاشة في خلل..
ذكريات ضحكت عليه وعلى شكل بنات خالها هي متعودة على اسلوب مزحهم لكن عايشة وشهد مستحيل!!
قرب اخوها منها وباس راسها:الحمدلله عالسلامة نور البيت ...
-الله يسلم قلبك فديتك ^^
-وين ناصر؟
-نايم يبالها سؤال؟
ضحكت :لا بصراحة لفت على بنات خالتها:انا بروح بسبح تجوون ولا..؟
-وين يجون معك روحي انتي خلهم يخلصون مسوين زحمة علي في المطبخ..
مشت وهي تضحك لكنها وقفت:الا انتو شو مقعدكم من صباح الله خير...
محمد وعزيز وبنات خالها بكلمة وحدة: انتــــــــــي !!
كان يوم جمعة وبسبب الاحداث الي صارت قررت ام محمد انها تعزم اخوها وعياله عندها لمة وفرحة وعشان بالمرة تزغط بنتها ^^
غرفة ذكريات...
دق الباب ودخلت بهدوء مثل طبعها:نعيما يا قمر..
-اهلين الله ينعم عليك زوزو
-يا حلاة زوزو منك ويا كرها من اخوك...
ضربتها على كتفها بخفة: ايه زويز ما رضى ترى كله الا محمد..
-وعـله زويز شو بعد !!
-ها ها هذا يا ستي دلع اسمك يوم تكونين كريهة ^^
وقامت من عندها زينب حرمة اخوها ومسكتها يا ربي شكلها زعلت؟..
-علامك امزح انا زعلتي..؟
زينب وهي تشوف ملامح ذكريات مسكينة هالبنت تصدق كل شي: لا انا اقدر ازعل ؟
-اووف عبالي
ردت قعدت زينب وسالتها كيف تحس صحتها الحين وفتحو سوالف عن العرس...وعن ميعاد الي كلمتها اول ما وصلت غرفتها واقنعتها بجهد كبير انها ما تجي عندهم فشيلة مخلية زوجها وجاية تزور بنت عمتها وانتهى حديثهم على توصيات للمرة المليون من ميعاد انها تعتني بنفسها وانها بتتصل بتطمن عليها..
بيت بو ريان بعد الصلاة...
-يلا ام ريان تاخرنا البنات ومن غير شر مو موجودين وانتي تاخرتي خلاص احس بناتي مظلومات طلعتي انتي السبب...
-بس بناتك ما عرفتهن بصراحة راعيات سنع هالكثر !! يلا تراني جاهزة..
-وعيالك وينهم فيه؟
نط فيصل:انا جاهز من زمان المعرس ولدك العود ما ادري وينه فيه..
سرح بو ريان لثواني الا ريان يمشي صوبهم تبادلو الاثنين نظرة !!
-يلا مشينا
فيصل:يا سلام شو هالكشخة كل هذا حق عمتك..؟
ناظره ريان بلؤم :لا حق بنتها !!
ام ريان: نــــــــعــــــــم؟؟؟
بو ريان:بسم الله صمختي اذوني يلا يلا امشو...
ام ريان طنشت كلام ريان على انه يغيض اخوه بس لكن بو ريان ابتسم بخبث وهو ماشي !!
وصلو بيت بو ريان وصارت حفلة وهيصة ^^
ذكريات طبعا كانت شيخة لا لها ولا عليها بما انه العزيمة على شرفها ولانها بعدها مريضة فـ اجبرت انها ما تسوي اي شي وهالشي ناسبها لانها تحس ان قوتها ضعيفة..
دق محمد عليهم ونادى ذكريات وخبرها ان خالها يبي يشوفها بمجلس الرجال...انقهرت شوي مضطرة تشوف ريان بعد المواقف الي جمعتهم تحس ما لها اي جراة تحط عينها بعينه لكن اخيرا راحت تسلم على خالها حبيبها...
ذكريات كانت لابسة جلابية بيضا وفيها الوان مختلفة وحاطة شيلة سادة مناسبة وكان باين عليها التعب والضعف دخلت وهي تسلم وخالها اخذها بالاحضان على قولتهم ^^
فيصل ابتدا بالكلام: الحمدلله على السلامة بنت العمة..
-الله يسلمك
ريان مبتسم على شكلها الواضح انها ما تبي تحط عينها بعيونه لكن وين؟ كان وجها رغم التعب الواضح فيه جميل وصافي حس نفسه للحظات خاين !! كيف قلبي يدق لها وهو ملك لغيرها ؟؟
سمعت صوته ببحته الجميلة تسلم عليها ولا درت كيف ردت عليه لكنه رد وقال شي جبرها تناظره ما تقدر تتجاهله من دون ما تخلي حد يحس وتلاقت عيونهم عيونه في اصرار على شي هي ما تعرفه؟؟
وعيونها محتارة خجلانة و زعـــــــلانة؟؟؟
فجاة ابتسم لها ابتسامة هزت كيانها فاهم عليها وفاهمة عليه نزلت راسها تكلم خالها مع رغبة جامحة انها تقوم الحين وتطلع المكان بوجوده مثل المشي على خيط حساس !!
رن تلفونه وكانت ريم يمكن اتصالها العشرين حطه صامت وما رد عليها اكيد عرفت سالفة بنت عمته لان سمع امه تكلم خالته تقولها الي صار امس...واكيد عارفة هو وين الحين..رفع راسه ومشاعره للاسف مكشوفة لشخص واحد الي هو ابوه !!
مر شهر على الاحداث السابقة
بو ريان قاعد في الصالة هو وريان يعبث بالمسبحة: يا ام ريان...
ريان اخذ نفس عميق وهو يناظر ابوه...
-هلا تامر على شي بو ريان؟
ابتسم لها:ما يامر عليك ظالم تعالي نبيك بسالفة..
ناظرته شوي وولدها شوي ولسبب ما حست انه الموضوع ما بيعجبها !!
-خير ان شالله
بو ريان هز راسه: خير...ناظرها شوي:الموضوع يا ام ريان يتعلق بولدك وخطيبته !!
ام ريان ضلت ساكتة لثواني تبيه يكمل !!
لكنها وجهت كلامها لـ ريان: علامها ريم وانا امك؟؟
بو ريان ناظر ولده لازم الكلام يطلع منه
-انا بفسخ الخطــــبة !!
شو لا ما تظن انها سمعت عدل خطبة من وفسخ من !!!
ناظرته امه: نـــعـــم؟
بو ريان رد هالمرة: بيفسخ خطبته من بنت خالته !!
تقرير واقع للعلاقة غير انها خطبة ولبنت خالته اكيد اتخبلو؟؟
ام ريان بصدمة وغضب: من جدكم.؟
ريان: ايه يمه..
-يمه !! انت خليت فيها يمه ؟؟ ليش شصار شايف عليها شي صاير شي وما تبي تعلمني ؟؟
بو ريان: اسمحيلي بس بنت اختك ما تناسب ولدي !!
ام ريان انصعقت: ليش شفيها !! تكلمو ترى الزواج مو بلعبة وكيف وهي بنت اختي تفهمون شو يعني بنت اختي بعد كم سنة ياي تقول ما تبيها !!!
بو ريان يبي يهدي الوضع هو شايل كثير على حرمة ولده المصون لكنه ساكت لكن سكوته وصل لنهايته !!
-بعد كم سنة تراك قلتي كلمة حق على ما اظن كلنا نعرف من السبب بتاخير زواجهم للحين صح ولا انا غلطان؟ بعدين تكفين ما نبي نفتح مواضيع المفروض تتسكر بيفسخون الخطبة يعني بيفسخوها بنت اختك للاسف ما تناسب ولدي عارف ان كلامي يجرحك لكني صدقيني الحين ولا بعدين نصيبها مع غيره وهو نصيبه مع غيرها ...ناظره شوي وهو حاس ان كلامه يعذبه: عارف وانا ابوك انك تحبها لكنها لحبك تتغلى ومن تغلى تخلى !!
بعد كلامه كان في صمت صمت جاثم على صدر ريان مثل الجبل وصمت جاثم على امه ابوه حس بولده وانا ما حسيت ؟ رفعت راسها تشوف ولدها افا يا الريم من ما يحب ريان..
ريان ناظر ابوه وهز راسه وتنهد كيف الغرقان من سنين في قاع الحب يتم انتشاله !! كان مقيد بحب انسانة ما همها الا نفسها للاسف ولكنها بالتالي خسرت انسان حبها بكل ما فيها بعيوبها ويمكن احلى صفاتها !!
ام ريان وجهت سؤالها لولدها وما حاولت تخفي دمعتها: متاكد؟
ريان هزه السؤال امه وابوه يعرون ذاته: متاكد من شو؟
-متاكد من قرارك ؟
قراره ؟ شو هو القرار لا تقرر على ايد شخص ثاني؟ الريم قررت وهو بس نفذ !!
-متاكد...
ام ريان بالم وحزن على حال ولدها من جهة وبنت اختها من جهة ثانية لكن كله بالنهاية نصيب !!: خلاص بقول لام طلال !!
حلت الصاقعة على ام طلال ومنها لـ ريم الي كانت مو مصدقة ان ريان يقدر يسوي فيها هالشي !!
حاولت تتصل فيه لكنه للاسف ما رد عليها واتصلت بخالتها لكنها ما تكلمت معها صابتها حالة جنون وهستيريا انا ريان يخليني ليش وهو يحبني !! وبتهور وبدون اي تفكير ما حست بنفسها الا وهي تلبس عبايتها بتروح لبيت خالتها مستحيل بعد هالسنين يفترقو مستحيل !!
ذكريات بعد حنة ورنة بنات خالتها راحت لهم على قولتهم من راحت ميعاد وانتي ما قاطعة / تقول ميعاد بس هي بنت خالتها !! لكنها كانت مشغولة بدراستها وغير ان امها مسوية عليها حصار تراقب اكلها وشربها ونومها ^^
وصلت ذكريات وشكله كان وقت غلط !! لان الجو كان مكهرب حرمة خالها سملت عليها بشرود وبنات خالها نفس الشي ما قدرت تسال لان مو من طبعها تسال اذا حبو يتكلمو براحتهم...لكن ام ريان طردتهم بذوق لفوق وهي توصي الشغالات ياخذون للبنات حلويات وعصير...
دخلو لغرفة عايشة وقعدت ذكريات وهي تناظر شوي شهد وشوي عايشة لكنها سالتهم : خير شصاير؟
عايشة: ريان وريم فسخو الخطوبة !!!
ذكريات حست ان ماي مثلج انسكب عليها !! : ليش ؟
هزو البنات كتوفهم: ما نعرف الحين عرفنا من امي !!
-لا حول ولا قوة الا بالله.. وخيم الصمت على البنات تحولت القعدة الى حيرة وحزن...
ذكريات عارفة ان علاقة البنات مو باحسن من علاقة ريم فيها !! لكنها متاكدة مهما اختلفو ما بيتمنو هالشي يصير بين اخوهم وبنت خالتهم !! وهالشي واضح من ردت فعلهم...بعد شوي وصلت ميعاد الي دخلت بحوار طويل عريض مع امها وبعدين طلعت عندهم وفجرت مشاعرها لخواتها وذكريات ان الي صار كان لازم يصير من زمان !! ميعاد كبيرة وفاهمة الدنيا عدل ...والحين احسن من بعدين !!
وصلت ريم لبيت خالها وهي في حالة عصبية ما تتذكر كيف طلعت من البيت ووصلت هنا !!
دخلت ثايرة وشافت الي خلاها تثور اكثر ذكريات !! جاية تتشمت فيني كانت هي وميعاد يضحكون على شي الظاهر بتلفون ميعاد ومن دخولها حل صمت صادم !!
ريم بصراخ: وين ريــــــان !!
ميعاد قامت بهدوء ظاهر وهي مو مستوعبة كيف الريم تجي لعندهم بهالوقت: مو موجود !!
ريم وتتقدم بخطواتها:وخالتي وينها ....
ميعاد:شهد روحي نادي امي !!
شهد بخوف من شكل ريم راحت تركض لامها الي كانت ترتاح في غرفتها...ونزلو الاثنتين على عجل !!
ام ريان: ريم خير !!
ريم تتكلم بالم: ريان وين؟
ام ريان تنهدت: شتبين فيه ؟ كل الي بينكم انتهى !!
-لا ما انتهى انا اقول متى ينتهي !!
ميعاد: انتي ؟ ومن انتي انا بقولك انتي طلعتي ولا شي...
قربت ريم من ميعاد وهي ناوية انها تقتلها رفعت ايدها تبي تضربها كف الا بايد تمسكها بقووة !! لفت وشافت عيون رمادية متاسفة على حالها !!
ذكريات: ما عاش مين يرفع ايده على بنت خالي يا ريم !!
ريم بهدير صمخ اذونهم: انتي يا الساحرة كنت بخير قبل ما اشوفك وجهك الله ياخذك ...
وكانت ريم مثل النار الا ان دمعة قهر تلألأت بعيونها وبكل قوتها هجمت على ذكريات اولها كان كف بقوة ظالم مو مظلوم وبعدين مسكت شعرها تشده لدرجة ان ذكريات حسته بيطلع بايدها .....
الا بصرخة تهزها وتجرحها تنادي باسمها !!
ريـــــــــــــــــــــم !!
قرب ريان منها ومسك ايدها ودفها بعيد عن ذكريات وناظرها بكل احتقار وغضب
-انهبلتي شفيك هاجمك عليها !!
ميعاد: كانت تبي تضربني لكن ......
بـــــــس !!
-شتبين ؟
ريم وتملكتها رجفة من الغضب: انت ليش ما ترد علي..انت كيف تنهي الي بينا !!
غمض عيونه وفتحها يودع انسانة يعزها كثير: كل شي قسمة ونصيب !!
ريم: بهالسهولة..؟؟
ابتسم بالم على نفسه وعليها: اي بهالسهولة !!
ناظرته بكبرياء كبرياء ذابحها وذبح حب يوم من الايام جمعهم ....ما تكلمت ومثل ما دخلت باعصار راحت بكل هدوووء !!
ريان ظل واقف لدقائق يطحن ضروسه وقبضة ايدينه على جنبه نزل راسه شوي لكن كلمات اجبرته انه يلتفت لخواته...
ذكريات !!
كان خدها المسكينة مثل لون الرمان !! كف ريم انطبع بقوة !! كانت عيونها دامعة حز بخاطره الي صار فيها شو ذنبها هي ؟
سالها: انتي بخير ؟
ناظرته بكل كره بهاللحظة والشرار يطلع من عيونها: لا مو بخير...
خلتهم واقفين وراحت تركض على الدرج تحس نفسها مخنوقة اتصلت بعزيز عشان يروحها لكنه ما رد عليها تذكرت انه قال بيروح السينما !!
ريان مسح وجهه بايدينه مواجهة ما كان مستعد لها بس هذي هي الريم ما تسوي شي هو متوقع انها تسويه...وكان ناقصه الخبلة الي فوووق !!
دخلت ميعاد وهي تشوف ذكريات قاعدة ومنزلة راسها ..رفعته بطرف صبعها وماتت من شكلها الله يعينا على عمتي !!
-ماحد بروحني ؟
ابتسمت ميعاد:الحين يجي خالد وبروحك معنا..انزين؟
هزت راسها واتنهدت..ميعاد حست نفسها تكلم طفلة...
بعد ربع ساعة نزلت ميعاد وذكريات كان ريان قاعد مع امه يتكلمون ومن وصلو سكتو ريان كانت عينه على ذكريات الي كانت منزلة راسها...وساكتة
ام ريان رغم غليلها الا ان ذكريات قطعت قلبها: ها يمه وين بتروحين؟
ميعاد التفت على ذكريات الواضح انها ما بتتكلم: انا بروح وبوصل ذكريات..
لا !!
بهاللحظة رفعت ذكريات راسها مصدومة يا قواااات عيني يا اخي !!
ميعاد عاشو ريان ضرب فيوزه: ليش لاء؟
وهو يقوم: انا بوصلها نادي وحدة من خواتك تجي معنا..
ناظرتها ذكريات وكانها تقول ما تبيه يوصلها ...
ميعاد : ما في داعي انا رايحة.....قاطعها وهو يوقف بنص طريقه
-قلت انا بوصلها يعني انا بوصلها !!
مسكت طرف عبايتها وهي تشدها تحاول ما تغلط وتثور بوجهه !! لكنها تشجعت وتكلمت:بروح مع ميعاد..
هالمرة واجهها سكت شوي مو عارف شو قول لها !! وانتبه لدم كان ناشف عند انفها لف لاخته:انا بوصل بنت عمتي ما تطلع الا معي او مع اخوانها واذا ما رضت بكيفها تنام هنيه !! ولف عليها وكمل : مفهوم ؟؟
اكيد مو بس هي الي فاتحة فمها امها وذكريات كانو مثلها واكثر ؟؟ ريان من متى تفكيره اتجه لهالاتجاه ؟
تملك وغيرة ؟ لكنها ابتسمت بنفس الوقت ذكريات على الحمار الي بوجهها حستها الحين بتنفجر ...
كتفت ايدها وناظرته بمعنى انها موافقة...وراحت ام ريان تنادي على عايشة تروح معهم..
ظلت ميعاد واقفة تنقل بصرها بين اخوها والنار الوالعة جنبها ...لكنه بالنهاية انسحب اخذ نفس عميق وقالهم انه ينتظرهم في السيارة !!
ذكريات بعد ما راح قالت لميعاد:اخوك قمة بالسخافة يتامر علي !!
ميعاد ضحكت ما قدرت تكتم اكثر
ضربتها ذكريات على كتفها وهي تبتعد : للاسف ما خليتها تكمل !!
ميعاد شهقت: يا الشريرة...
وكانت تقصد ريم وكفها لميعاد !!
نهاية جزء وبداية لاخر !!
/
/
/
سافري كان يرضيك السفر
جربي لو ورى ليلي صباح
بدلي الرمل بأمواج البحر
واتبعي الغيم تحملك الرياح
سافري لين تبكين المطر
واضحكي لين ما يضيق البراح
|
12-02-13, 08:37 PM
جديد مواضيع قسم القصص المكتمله من وحي قلم الاعضاء
العرض العادي
