يعطيك العافيه ضلع.........
مياسه الله يصبرهعلى حبيب الحقير أكيد عارف انه طلقه لها يعتبر في الشرع. طلقه واحده وهي في العده استغل الفرصه لما شافها لوحدها حسبي الله عليه من رجال زوجته توه ميته ولاهامه شئ وأكيد بيدخل عليها الهمجي الثاني عشان يحرجها قدام أهلها وترجع غصب عليها
بس بليز خلي مياسه تقهره وترفضه بشكل قطعي وزوجها بدر احسه يستحقها واحرقي قلبه مثل ماحرق قلبها هو وأمه جعلها بالماحي والبلا المتلاحق
اكره ماعلي قلبي أم الزوج اللي تحشر نفسها في كل شئ لو زوج بنتها تزوج عليها أو ضربها أو طلقها تلقينها تقلب الدنيا عليه وتفضحه عند خلق الله
لكن بنات الناس في قريح ضلع بليييييييييييييز موتها وريحينا منهها

وساره حرام اللي يصير فيها هي ناقصه تدخل في حياه جديده هي ماتخلصت من الماضي
بس أن شاء الله جزاع بحبها لها قادر انه ينسيها ضاحي
رغم انه يكابر ويخفي حبه اللي فأضحه وحست فيه الجده

هادي ايش يحس فيه يوم انه يهاوش زهام هي وش ذنبها من جد سعودي 😝😝😝
كل مصيبه تصير في الدنيا يرجعونها علي الحريم حدسي يقول بيتسبب بحادث وتموت بنته وخليه وقتها يسفيد من خباله


ننتظرك .......

ضلع

ابدعتِ

ليلة من اجمل ليالي رغم سطوة الحزن ولكن نأمل بنور قريب يطلُ على ليلة خميس

المدخل رائع ووصفك جميل جداً - ما شاء الله تبارك الله

كاتبة جداً فريدة من نوعك تستحقين تميز وبجداره -


سارة صدمتها كبيرة مخليتها عايشه بجو كله سوداوي وفعلا طلعت هي ترسم ولها مرسم بيت جدتها
البنت مفتقدة صعوبة وضعها والي يأكد لي كلام بدر - الي يبي يساير الجده واكيد بخبر جزاع عن تخبطها بـ اللاوعي
وغياب عقلها بـ لحظات جراء صدمات عنيفة كله من ضاحي الي مدري وش مستفيد من ضياعه غير ذبح عمه وامه ظاهر بطريق لا حول ولا قوة إلا بالله

وجزاع جد اثبت انك رجال - وبعدين جزاع من ام ثانيه ومتوفيه ، مستغربة حركات الحبيب سبحان الله - تحبها وتكرهها بنفس الوقت شعور غريب ومتناقض بعد - وفكرة انك تاخذ ساره وتتزوجها خطوة كويسه وبعد ماتطلع من العدة إن شاء الله تكون لها وتنسيها الماسي والمواجع

حبيب افف ياخي تقهر ماتبيك البنت تغصبها ليه - وهذا مرتك توها متوفيه وتسوي كذا فيها - وتلوم ابوك ياخي ما انت رجال ولا بعد ما اخذ داكتوره على شنو ياحظي - اناني بحبك ومدري وين بتوصلنا بعنادك

مياسه ياحبيتتي والله حالك ماهو عاجبني - وصلت للاشمئزاز ما الومك والله - متزوج من سبع سنين وانتي ماتدرين إلا بعد مدة - لا تتسلمين له وابتعدي ما تستاهلينه انتي لبدر وبس

زهام صح غلطتي واعترفتي بعد - بس مفروض هادي يهدي الوضع شوي وعارف سرعة ماهي زينة
يمكن يحصلهم حادث واتمنى مايصير شيء


ومشكور كل الشكر على الابداع يا ضلع - والله يوفقك دنيا وآخره
متابعتك بشغف

ترانيم الصبا
وقلب السكر

حضوركم مطر يجعل الجفاف يرحل
ونوركم يعانق الزوايا ابتساما بقدومكم
شكراً لكم كثيراً


،

بداية

شنطة ليلة خميس ملئية بالنجوم واليوم انفتحت لـ قلب سكر
اجادت كلامها بـ ساره

وليلة العاشرة إهداء لـ الصقر ولعين وردة الزيزفون التي احبها لأنها تقرأنِ لي
وإن اشاء الله آخر الاحزان


قراءة ممتعة ...!

ليلة خميس

ليلة عاشرة


مدخل:







اليـوم قلبي بالهواجيس مكتوم

وفي خاطري بيتين يشفن غليله

ياصاحبي لا صار صاحبك مضيوم

يسوقه الغربي ليا شال شيله

في ديرتن سوامها يكسب السوم

يملا من اغلى ما حوت في شليله

الحبْـر تكتب به سواليف وعلوم

والحبْ يكتب لك مواعيد ليله

ياليل يا ما اطولك لا صرْت بغموم

يشبه قمرك عيون سود وكحيله

الرمش في كحل المواعيد مرسوم

والطـوق يلعب بالشعر والجديله

ماني مكمّلْ في وصوفه عسى اللّوم

على خيوطن اشعلت هالفتيله

ياليل يا ما اطولك لا صرْت محروم

يشبه قمرك عيون سود وكحيله


,








×




مساء الجمعة

بالأمس

على ضفاف تلك اللحظة المتأكلة صبراً.. أقاوم رياحاً تكاد تلقي بي في هاوية الإندثار.. يتسلل الحنين خلسه ليرسم على صبا الملامح تجاعيداً تضخ بالألم.. قف قليلاً ..

وسأخبرك كم

طفل ألم أنجبته وأنت هناك.. راحل بغرور .. في أحضان الغياب.. ب كتف العناق تتزاحم وريقات محملة بهمسات اشتهاء لامحدود.. عارية .. لامكترثة بقهر صلابة

الخجل الذي

أثقلها كثيراً.. فشيء عظيم لامس أعمق نقطة بها يفوقه قوة.. بل يضاهي نفسه الطويل قهراً.. اشغل جميع عظامي.. فباتت تأزره وتتمرد برغبة منها لا رغماً.. واثناء

ذلك .. لن أصغي

لذلك الصوت الذي يحاول أن يتسلل حنجرتي.. ويصرخ ب كفى.. أمرر شمعة حول معصمي لتشغله عن اختناق عقارب الساعة.. التي تحاول أن تعبره بهسيسها

لينبض بقوة فيغشى علي من وهل الإنتظار.. شمعة ف شمعة وبأخرها زهرة.. تبعث ب أنفاسي الثائرة .. الهادئة قليلاً من الشجن

أرتب جدائل شعري وأراها بمراءة كنت أغض البصر عن مشاهدتها.. لتبدأ برشقي بحكايات تلك القوانين التي خالفتها فور اقتحامك مدينتي.. ألم تقولي يوماً..

لن يوليني عنها جنس بشر ماحييت ! لن أذهب لتلك الباحة هرباً.. فأنا أعلم.. فور قدومي ستبدأ ببعث.. أناشيد ياسمينة حزينة تصب في أذني لمناجاة تلك الليالي

المؤجلة قدوماً ! أخبرني.. كيف سأرتفع من جديد وروحي بأسفل قعر الهلاك خيبة.. والشوك.. يدس نفسه بـ أعمق انحنائتها ألماً.. لاصوت فالصمت أرخى ستائرة

امتداداً من فاه المساء حتى خاصرة الفجر التوائاً.. يقاسم جسدي الفوضى .. ويخلع منه.. تعابير الشكوى حتى يكاد يختنق



حبيب: ساره افتحي الباب.. والله برجعك خلاص

صرخت بوجع: ليــــــــه.. ليه حرام عليك انا وش سويت لك.. عشان تجازيني كذا

حبيب بحزن: سامحني والله ما اقصد اجرحك بس انتي عنيدة وما انتي راضيه تفهمين اني احبك

غرقت بالضحك ومن خلف الباب ضربت بعنف مخالف لطبيعتي وثم

اردفت: حسبي الله عليك اشوفك فيك يوم يا حبيب والله ما احلل لك ولا ابيحك

حبيب: طيب الحين افتحي الباب وبعدين سوي اللي تسوينه وبوعدك ارجعك بس تكفين لاتدعين علي

مياسه: مالك دخل فيني واتصل على عمي يجي ياخذني وإلا والله لا قتل روحي وذنبي برقبتك

حبيب: بلاش جنان بـ اتصل بس لا تأذين نفسك

مياسه: اتصل وخله على سبيكر وإلا والله ما يبعدني شيء عن البلاكونه

حبيب: طيب طيب.. هذاني اتصلت

وقبل ما يتصل سمع صوت رنين جواله يدق .. رفع الجوال وشاف رقم البيت

اشعل صوته حطباً وأجهش بالبكاء: حبيب بنت عمك اختفت.. اختفت ياحبيب.. يابوك دورتها بكل مكان ماهي فيها وكان الارض انشقت وبلعتها

بألم: يبه لاتخاف مياسه عندي

براق بعصبية: وش موصلها عندك.. انت مو مطلقها تاخذها لييييه.. تبعثر حياتها ليه

بصوت مرتفع حتى ينتبه لي: عمـــي الحقى علي ولدك بغى يذبحني.. تكفى ياعمي تعال والله

وراح صوتي من البكاء

براق: يابوك هدي هدي.. وسويد الوجه انا بربيه والله ماتنضامين وانا حي.. حبيب ياقليل الخاتمة وينك فيه

حبيب: يبه

براق: والله وبسماه ياحبيب ان ليلتك حمراء.. انهبلت انت ماعاد بك عقل بنت الحرام توها ترابها مانشف وانت ولا على بالك لا رحمتني ولا رحمة ضعف بنت عمك..

وينك فيه ......

اسمع كلها مسافة طريق واحس عينك تنقلع.. حسبي الله ونعم الوكيل حسبي الله ونعم الوكيل فيك من ولد..


حبيب بقهر: يبه والله ماسويت لها شيء.. وبعدين عندي تصفية حسابات

براق: انت تبغى تموتني ناقصني عمر.. شوف ياولد ان لمستها والله والله لاتبرى منك ليوم يبعثون.. ولك وجه تبي تصفي حساباتك تعال عندي وانا وارويك كيف

تصفية حسابات

حبيب: يبه الله يخليك لا تجبرني على شيء انا رافضه.. ومياسه عندس وبـ تمم الزواج

براق: انخبلت

وانقطع كلام عمي اللي حسيت بتعب بصوته.. لمت نفسي " سامحني ياعمي والله كله من ولدك اللي بهذلني ولا احترمني ولا قدر مشاعري "

جزاع بغضب بارد: حبيب وينك فيه انطق





أم رفاء: وحسرتي على بنتي.. خطفوها الي ما يخافون الله ولا يرجونه

أم براق بحنان: خلاص يا ام رفاء جزاع ما بيقصر وبجيب اخبار طيبه

أم رفاء: ياعمتي حرقة الجوف توجع.. والله كانها روحي الي راحت..

جزاع: يا خاله سامحينا بنتك مع حبيب وانا رايح اخذها من عنذه

بصدمة: بنتي وش موصلها لـ حبيب

أم براق: هقوتي ان مبتلي.. روح يامك ولا تتاخر علينا

جزاع: إن شاء الله.. زمرد البسي عباتك والحقيني

زمرد: طيب ..





قبلها بوقت




دخلت أم رفاء علينا وهي منهاره..

أم براق: عسى ماشر يا أم رفاء

أم رفاء وهي تنشج من البكاء: ياعمتي مياسه مختفية من البارحه.. وانا هقيت انها نامت عند اطياف

أم براق: لا حول ولا قوة إلا بالله.. وين تروح بهالليول يالله يارب انك تحفظها من كل شر.. خن نخبر براق كود يعرف مكانها

أم رفاء: اي والله ياعمتي تسوين فيني خير

أم براق: اجلسي يمه.. زمرد يامك جيبي مويه لخالتك

زمرد: إن شاء الله ميمتي.. خالتي اجيب لك عصير ليمون افضل يريح اعصابك

أم رفاء: ما اشتهي شيء.. شلون اكل وبنتي بعيدة عن نظر عيني




×



تهجمت الفكرة واغتالتني آمال واماني.. ماذا عسى إذا لم تكن تريدني..؟ أليس من هي عشقت المجنون ذاك..؟ إذا تعرضت للرفض منها.. نفض افكاره المزعجة

وصوت جدتي المثقول بالحزن.. وإني أستعيذ بالله من وساوس الحزن التي اجتاح صدري. و أستعيذ بالله من قلبٍ أصابني الوهن.. كيف اسمح لنفسي بتخبط بسوداوية

في مستقبل لا يعلم ماهيته.. ابتسمت وتذكرت لحظة من لحظات عمري




امي وتعبثر بشعري: يمه جزاع

جزاع: عيونه يمه.. آمري

آمنه: يامك متى بتفرحني فيك.. خاطري اشوف عيالك حولك اسمع صوتهم والعابهم

جزاع: قريب يمه بحول لله قريب..

آمنه: الله يسعد قلبك يمه الله يسعده

جزاع: آمين يمه بوجودك ياروحي.. ليه تبكين تبي تكدرين خاطري

آمنه: لا بالله والله انها دموعي من الفرحه

جزاع: جعلها تدوم افراحك.. عاد اختاري لي عروس من ذوقك الجميل

آمنه: والله يمه ياكثرهم البنات.. وطب واتخير و اولهم بنت عمك خزام.. ساره ما شاء الله

جزاع بلامبالاه: الله يستر على بنت عمي.. انخطبت لـ ضاحي ولد عمي

آمنه: وش فيك متضايق.. والله ما تمنيتها إلى لك

جزاع: ماهي من نصيبي.. يمه قفلي سيرة

آمنه: وشفيك وانا امك .. حط حمولك على كتافي وانا اشيلها عنك

ابتسمت بوجع وانحينت لها وطبعت قبله على جبينها

ثم اردف: مافيني شيء يمه.. بس مشغول.. لا تنتظريني على العشا

وقفت ومشيت خطوتين توقفت لما سمعت امي تناديني

جزاع: آمري

آمنه: انتبه لا تسرع وحافظ على نفسك يمه.. ترى دنيا ما منها أمان.. الامان والراحة بالآخرة

جزاع: إن شاء الله ولك طولة العمر.. فمان الله يمه

آمنه: بحفظه يمه.. درب سلامة



ماكنت ادري ان ليلتها كانت آخر ليلة تجمعني مع ريح الجنة.. كان عمري وقتها مراهق ما يتجاوز 19 السنة.. وفاتها سببت لي أزمة.. ممرات ذاكرتي لن تتوقف..

وصوتها الحنون لم يغيب عن بالي يوماً واحد




زمرد: جزاع وش فيك انت مريض

وقف سيارته تحت البنايه وبضيق: مافيني شيء وقفلي الباب على نفسك.. شوي وجاي


دخلت العمارة وشفت الحارس سألته عن شقة حبيب واخذت منه الجواب اشرت لـ زمرد تنزل.. جاتني وقفلت سيارتي بـ الكنترول.. ودخلنا داخل المصعد سميت بالله

وانا بداخلي بركان واغلي من القهر.. كيف يطاوعه قلبه ويسوي ببنت عمه كذا.. خوته داشرة مع دروب داشرين اصغرته وكانه يتصرف تصرفات مراهق.. وصلت

للطابق المطلبوب وانا اتلفت على رقم الشقة.. شفتها على زواية وضغطت الجرس اقوى ماعندي.. فتح لي الباب ومن شفت وجهي ثرت وثار غضبي مسكته من ياقة

ثوبه ودفعته للجدار.. كورت يدي وضربته على فكه الي نزف دم مو هين

بغضب: انت ما عندك دم.. العرض دين ودقه بدقه سيد حبيب.. كيف تسمح لنفسك تتعدى على محارمك.. متى تفهم ان بنت عمك ماهي محرمه لك ما تجوز لك

ترضاها على اخواتك.. ياحيف عليك شارب.. والله والله ان شفتك في البيت وإلا اقابلك بمكاني ما ارحمك تفهم ... رميته على الارض ..

بغضب بارد: شوفي بنت عمك بســـرعة.. خن نخرج

بخوف وهي ترجف: إن شاء الله..

دقت الباب وعلى الغرف وهي تفتح كل باب وتدخل الغرف مافيها اثر.. وكانت آخر غرفة دقت الباب

ثم اردفت: مياسه حبيبتي انتي هنا.. افتحي الباب انا زمرد

فتحت الباب بضعف.. وتهاويت على الارض.. اتسعت عيونها وهي تصرخ بخوف: مياسه.. مياسه حبيبتي اصحي

فتحت عيوني بضعف و تنفست بسرعه.. سقط شعري على وجهي بغلاله سوداء لامعه متجاهله الوخز اللي احس فيه والالم الكبير.. و اخيرا انتبهت للبياض الواقف

زمرد: انتي بخير

بضعف: ما اقدر اوقف..

زمرد: الله لا يسامحك ياحبيب وش سويت فيها.. مياسه تسمعيني

واحس بثقل بـ اطرافي وتنمل.. وبصوت مخنوق من البكاء: ما اقدر امشي

زمرد: اوكي انا راح اسندك.. واقدر حتى اشيلك ما شاء الله وزني ولا عشر رجال.. لا تخافين ساعدني عشان نخرج من هنا

قمت بتعب وبعد ماعدلت عباتي ولبست غطاي.. ومستنده على كتف زمرد.. خرجت من الغرفة وطاحت نظري عليه وهو مرمي ومتوجع.. تقلصت جدران معدتي لميت

يدي على بطني وبعدت عن زمرد وانا انحني وتقيأت على الارض.. شوفته صارت تجيب لي الاشمئزاز.. مسكتني زمرد: تحاملي على نفسك ونخرج

مشيت معها وانا منحرجه من حالتي شفت جزاع.. يمه يخرع احسه له هيبة تجبرني احترمه.. نزلنا من الشقة ودخلنا سيارة جزاع.. واصرت علي زمرد إلا ان اروح

المستشفى بس انا رفضت.. ما احب المستشفيات رائحتها تخنقني.. وصلنا منزل جدتي وشفت أمي تنتظرني ورحت لها ولميتها وانا ابكي قهر...



أم رفاء: يمه سوى لتس شيء اذاتس.. لاتطيحن لي قلبي وش فيتس تبكين تكلمي يمه

بخجل: يمه خن نروح بيتنا.. مابي اجلس هنا

براق: ياعمك سامحني والله ماني مرخصك له.. ماهقيت ان يسوي هالسواة سويد الوجه

بست راسه: مسموح ياعمي..

براق بقلق: قرب منك

بخجل: لا ياعمي.. وجزاك الله خير على مساعدتك.. مشكور

قاطعها: يابنت تشكريني على شنو تسهلي بيتك وارتاحي ولا تخافين يابوك.. وحبيب دواه عندي

مياسه: اشوفك على خير

براق بصوت ضعيف: على خير يابوك على خير إن شاء الله


مشيت وانا مستنده على كتف رفاء.. دخلنا البيت وعلى غرفة امي تمددت على وسادتها كبيرة وخلط الوان.. في ثقب صغير غرس كلمة وارسلها ل رئتي وقلبي وشفتي

على الرغم من موتي إلا ان ذكراك ياحبيب ابت ميتة بخلايا ذاكراتي.. قتلت كل شيء فيني وانمسحت حتى لقائنا الاول

نمت على صوت ترتيل امي للقرآن ودمت بغيبوبة عميقة ونوم بدأ يداعب جفوني.. نمت وليلتها تناسيت كل آلالام وجعي











×







عصر السبت


بين ممرات الجدران الضيقة كـ ضيق قلبي.. تركت جدتي عند بنت عمي ومعها اطياف اللي تمشي بثقل.. وانا ويزيد دخلنا مكتب بدر.. ومدري وش فيني قلبي يرجف

وقف بدر وصافح يزيد: هلا تفضلوا

جلس يزيد مقابل الكرسي.. وباين علي الضيق نفخت من صدري زفره قهر.. و لما التفت علي بدر صادف عيوني الحاده تجمد الدم في العروق.. جلست بصمت و

عيوني تعبر اكثر من الكلمات التي يمكن ان انطق بها...الثوب الاسود الذي ارتديه يجعل الاخرون يفرون من الجلوس معي


يزيد بقلق: خير يادكتور بدر.. طمني على اختي وليه منومينها عندكم

بدر: كل خير إن شاء الله.. وحالة سارة آسف ابلغكم فيها.. البنت تعاني من حالة فقدان ذاكرة

بصدمة: شنو يعني فقدان ذاكرة

بدر: والله من الفحوصات الي اجريت عليها تبين لي انها فاقدة ذاكرة مؤقتا.. يعني يمكن بأي وقت تسترجع ذاكرتها اليوم أو بكره أو بعد سنين.. اللي عليكم الحين انها

تكون بجنبكم.. لأنها تحس نفسها الحين بضياع.. بعض من الحالات تستغربون عليها.. هي.. ماهي بوعيها الحين.. على عشان كذا ابيك تطول بالك عليها

حط يده فوق راسه ورفع راسه للسقف وهو يحاول يخفي دموعه.. ويداري روحه الكسيره

جزاع ويربت على فخذ يزيد: يزيد إن شاء الله انها بخير

بدر ابعتد عنهم وخرج من المكتب..

بكى بقل حيلة: آآآه يا جزاع.. اختي فقدت ذاكرتها يعني ماتعرفني تجهلني

جزاع: خيره ياخوك خيره.. ولله ماخذ ولله ماعطى.. يزيد ياخوك لا توجع نفسك خلك شديد اللي ما يهاب شيء.. وإن شاء الله كلها فترة وتزول اذكر ربك ياخوك

بإختناق: لا إله إلا الله.. يارب وش المصيبة ذي.. اختي جزاع ماني مصدق.. فقدت ذاكرتها وبسبة الكلب

جزاع بوجع: خلاص يا يزيد مايفيد الكلام الحين.. عليك تروح لـ عندها وتحتويها وإن شاء الله انها بخير هدي نفسك

يواسيه وهو محتاج من يواسيه ويربت على كتفه..

خرج يزيد وجلست على الكرسي: فقدان ذاكرة.. استغفر الله.. اللهم لا اعتراض

بدر: شكلك تعبان.. ياخي ريح راسك واخذ لك باندول

جزاع: يبي له اخذه لأن صداع الغريب هذا بدأ يزورني

بدر وهو يفتح درجه وعطاه حبة البندول مع علبة مويه صحة: سم

جزاع: بسم الله الرحمن الرحيم..

بدر: ماتكشف على صداعك هذا اللي بجيب لك أزمة نفسية

جزاع: مو ناقصني غير اسوي بلاويكم

بدر: ايا الهيس الحين الكشف صار بلاوي.. الله يرحم زمن اول

سكت عنه وتفكيره ياخذني لبعيد

بدر يشرب قهوته تركية: جزاع.. ياخي لي ساعة اكلمك وانت ولا كانك هنا..

بسرحان: خير وش تبي..؟

بدر ويقرب مني: انا اقول شكلك منتهي خلاص.. من الي ماخذه عقلك

ابتسمت بكسل: من هذاي

بدر بخبث: اللي طول اليوم تفكر فيها ومبتسم وكانك بتاخذ صوره معها

ابتسم وبانت غمازه بـ خده اليسار: إلا بدر شكلي يصلح عريس لأن قريب بحول لله بودع العزوبية

صفر بدر وبحماس: والله وقعت يا جزاع.. ماحد سمى عليك

جزاع: خبل انت.. يعني لازم تعلنها وتفضحني قدام ممرضينك

بدر: ياشيخ والله فرحتني.. واخيراً بتنفك عقدتك.. إلا مني هي نحسية الحظ

جزاع: ماني بقايل الحين لكن تسمع الخبر قريب

بخبث: ساره

جزاع بصدمة: ساره من

بدر: يعني فيه كم ساره بالعائلة.. ساره بنت خالتي صباح

جزاع: وش عرفك انها ساره

بدر: ياخوك خبير انا بنغزات العيون

جزاع: ياحمار انت ماتوب من حركاتك.. ياخي تدري انك مغثه

بدر بنص عين: لااااه الحين صرنا مغثه.. الله يرحم ايام اول ما تفارقني شبر

جزاع: انقلع عن وجهي بس.. خبل وبخبلني معه

بدر: وهذا انا جايب لك البشاره.. بس حامض على بوزك خل ثقلك ياثقيل

خرجت من عنده واناا منزعج من تصرف بدر

بدر واللي لاحظ انه زوده معي.. لحقني وهو يمسكني: جزاع لحظة.. والله مو قصدي لكن متفاجئ

بنرفزه: بدر.. تراني واصل حدي منك

بدر: والله فرحان.. ومن فرحتي ما قدرت اعبر لك إلا

قاطعته: بتفضحني قدام خلق الله وتقول فرحان.. تستهبل انت

وهو يحضني بقوة: ياشيخ جزاع اقولك فرحان.. مبروك ألف مبروك منك المال ومنها العيال

وانا ادفعه: فضحتنا ياشيخ.. وبعدين انت ماتستح على وجهك وبدري عن المبروك لسة ماخطبتها تقولي مبروك

بدر: وهي بترفض.. وين بتحصل مثلك.. مال وجمال واخلاق.. وزيادة عنده محلات ذهب وش تبي بعد

بإنزعاج: بـــدر.. تعال اخطبني.. ولا اقول سوى إعلان بالجرايد ابرك

بدر: هههههههههههه والله ما اخليها في نفسك.. يانذل فرحان فيك واخيراً بتدخل القفص الذهبي

ابتسمت وانا اشوف الفرحة في عيون بدر.. ودفعات أمل تزيدني اصرار على الموضوع وتفاؤل يضخ قلبي..





×




رفاء تتكلم بصوت منخفض: والله من جت يا اطياف وحالها مو عاجبني نايمه للحين.. لا صلت و لا اكلت.. وفي الليل بس تهذي فيه.. ياخوفي عليها

اطياف: لا حول ولا قوة إلا بالله.. والله حالة سارة ماتقل عن حال مياسه.. اختي ماهي عارفتني والله يا رفاء اشوف ضياع بعيونها.. موت ابوي فجعها لدرجة فقدت ذاكرة وإلا حال

امي والله الاكل مايطب جوفها.. ويزيد ياحبيبي يا اخوي تعبان وشقيان يدراي من ولا من

رفاء: الله يصبركم.. كيف ساره خرجت من المستشفى

اطياف: لا اصلا رحت اكلمها ماترد لا علي ولا على امي.. تخيلي بس امي اللي عندها اغلى البشر ماترد عليها

رفاء بضيق: ياقلبي لا تبكين يا اطياف تبين تأزمين البيبي.. صبر وانا اختك والله يفرجها من عند ربك

اطياف: ونعم بالله.. ما هقيت ان.. إذا فضفضت بـ ارتاح

رفاء: الله يصبرنا اجمعين إن شاء الله على العشا نزور ساره انا ومياسه.. متى وقت زيارة

اطياف: من 5 العصر لـ 8 العشا

رفاء: زين.. يالله حبيبتي تأمريني على شيء بروح اسوي شوربه

اطياف: سلامتك

رفاء: الله يسلمك من كل شر.. مع سلامه




×


رفاء: مياسه حبيتي تونسين من شيء

مياسه: يدي من امس تألمني ماني حاسه فيها

رفاء: زين حبيبتي قومي تصحصحي وبدلي لبستس بنسير على ساره

مياسه: ساره ليه وش فيها

رفاء: تعبت عليهم واكتشفوا انها فاقدة ذاكرة

شهقت بالم: فقدت ذاكرة رفاء انتي قاعدة وش تخربطين

رفاء: هذا اللي صار.. بروح اسوي شوربة لا تتأخرين علي.. لأن رايحين مع عمي

مياسه: طيب




×



شركة جزاع بن براق الحمدان


رنت النغمة الخاصة بـ جهازه.. رفع الجوال شفت من عند حبيب.. طنشته وانا اكمل توقيعي بالاوراق

أيمن: استاذ جزاع.. في موعد بعد نص ساعة مع شركة الخالد

جزاع: اجله لبكره.. والا اقول خلاص.. في مواعيد ثانيه

ايمن: لا طال عمرك

جزاع: تقدر تشوف شغلك الحين

دق جوالي وخذته على طول

بدر: السلام عليكم

جزاع: وعليكم السلام ورحمة الله.. هلا بدر

بدر: هلا فيك حبيبي .. كيف حالك ياعمري

جزاع بإنزعاج ونا اشير لـ، ايمن ياخذ الملف: الحمدلله وبلاها هالكلام

غرق بالضحك: ليه حبيبي

بحده: بديـــــر

بدر: وش تبي واسويه لك.. قاعد تغزل بمحبوبي

جزاع: لا ياشيخ.. الله والغزل الماصخ.. مير ما اقول غير الله يصبرها اللي بتاخذك..

بدر: لا وانت صادق الله يصبر ساره.. ماخذه واحد اسلوبه جلف ومتحجر حتى ريق الحلو ما يقوله

بحده: بدر

بدر: خلاص خلاص .. آسفين طال عمرك غثيناك

جزاع: ماتجوز من حركاتك.. اخبار ممرضينك والله انهم يكسرون خاطري

بدر يمثل العصبية: احلف بس.. الآ الله يعين أيمن واللي معه من أمورك

جزاع: وش تبي اخلص

بدر: اي الله لنا .. وهذا انت لامن بغيت شيء تنسى اللي حولك عزي لحالي

جزاع: بدر تراني مشغول مو فاضي لخرابيطك

بدر: زين زين يعني انا اللي فاضي.. انقلع عني

جزاع: هين مردوده لك .. سلام

بدر: شوف الخايس قفل بوجهي



×




بعد صلاة العشاء.. وتحديداً بالمستشفى

رفاء وهي تسلم علي: طهور إن شاء الله.. ماتشوفين شر حبيبتي

نظرت فيهم بضياع: مين انتي

شهقت مياسه وهي تبكي: ساره انا مياسه بنت عمك ماتذكريني

ساره: لاا بنت عمي صح واسمك مياسه

بفرحه وانا اشير براسي

ثم اردفت: بس انا ما اعرف مياسه.. اصلاً انتم ليه هنا انا ابي اروح بيتنا وبابا وينه خليه يجي عندي انا احب بس ابوي انتوا ما احبكم

بكت مياسه وأم رفاء: لا حول ولا قوة إلا بالله.. يمه ساره حبيبتي ماتعرفيني انا خالتك اخت امك ماتذكريني

بغباء وانا اردد: خالتك اختك امك.. طيب ماما فين وليه اختها تجي وهي ماجت

اطياف بتوتر: لان ماما تعبانة شوي ماقدرت تجي

بدلع: لانها ماتحبني لو تحبني جت مثل بابا شوفي جاب لي هدية

واشير بـ صندوق خشبي بداخله كرسي حجمه صغير مصنوع من الخشب الفاخر..

ثم اردفت: شفتي كيف حلوة هدية بابا مو مثل ماما ماجت هي تكهرني صح

اطياف وهي مستنده على كتف رفاء: ياويل حالي عليك.. رفاء اختي انهبلت ياخوفي انها انجنت

رفاء بعتب: وش هالكلام يا اطياف وهذا انتي اقرب ناس لها.. اجل ما على الناس ملام.. اختك ناسيتنا مو مجنونه

بخجل وتعب: والله ماعدت اعرف لها.. وامي هناك تبكي والله تعبت يارب

رفاء: صبر يا رفاء المؤمن صبور اصبري واحتسبي الاجر.. وبعدت عن اطياف وباست خدي

وبرقة: سارونه جبت لك شوربتي اللي تحبينها...

ساره: شوربه

رفاء بحنان: اي حبيبتي ذوقيها واكيد بتعجبك

ساره: طيب ..

فرحت لطلبها ساره لها مدة بعيدة عن الاكل.. عطيتها طاسة شوربه وبدأت اشربها مثل طفلة والله كانها ولدي حمودي تتدلع علي.. وعجبتها شوربه وحمدلله انها اكلت

أم براق: حسبي الله ونعم الوكيل وحسرتي على بنيتي.. يمه ساره ماتعرفيني انا جدتك ريحة الحنا الي ماتطيقنها

ساره: حنا شنو حنا

أم براق: استغفر الله.. يمه اطياف ازهمي على يزيد خن ياخذني ما عادني لي قدرة اتحمل شوفتها وهي تسذا لا حول ولا قوة

اطياف: إن شاء الله ميمتي.. يزيد برا ينتظرنا

رفاء: خلاص مثل ما قلت لك انا بجلس عندها.. وخذي معك مياسه وامي.. ولا تخافين ساره بـ ايدي امينه

اطياف: مشكورة والله لو مو تعبي كان جلست عندها بس ظهري موجعني

رفاء: لو تجيب عمل الشيطان.. توكلي على الله وارتاحي لا تجهدين نفسك







×


دخلت البيت وسمعت صوت جدتي المحبب لقلبي: السلام عليكم

أم براق: يمه وليدي.. حمدلله على سلامة طولت الغيبة

هادي: والله شغل يايمه مايخلص.. وعظم الله اجرك على عمي..

أم براق وهي تمسح دميعاتها: جزاك الله خير ياوليدي.. انت عساك طيب وعلامك غادي نحفان وينها مرتك نسره ماجت تعزيني ايه مقيوله

هادي: امسحيها بوجهي يالغالية.. ولا تشهرين والله اعلم بالي في القلب.. وينه يزيد ابي اعزيه لا يكون رجعوا رياض

أم براق: لا يامك أم يزيد هنا حدادها في بيت رجلها.. وينها بنتك

زهام: سلام يمه.. عظم الله اجرك واعذريني ماجيت مع امي

أم براق: هوو وش فيها بنتيتي علامها راسها ملفوف

بتعب: صار علينا حادث بس الله كتب لنا عمر

زهام: والله يمه اقوله يهدي سرعة بس مايسمع مني

أم براق وهي تضرب كتفه بالعكاز: اي يا الاشهب وشوله تسرع تبي تموت انت

بضيق: ياميمتي مافينا شيء وحتى حبيبة ابوها شوية رضوض..

ام براق وهي تحضن رفيف: ياعل عيني ماتبكيك يمه.. راستس تونسين منه

رفيف بدلع: اي يعورني كثير

أم براق: جلعها فيني ولا فيك

هادي: استغفري ربك ياميمتي.. وريوف تعالي هنا لا تعبين جدتك

أم براق: خلها بحضني.. الا ما قلت لي انت وين رحت

هادي: الرياض.. يمه الله وكيلك شغل متراكم فوق راسي وحمدلله قدرت افتك منه.. انتي علومك يمه وين ابوي ما اشوفه.. والبيت ماله حس.. وين زمرد وامي

أم براق: حمدلله ياوليدي.. وزمرد بجامعتها.. وامك الله يهديها في بيت جدك

هادي وهو معقد حواجبه: في بيت جدي وش تسوي هناك

أم براق: روح لأمك واستفسر منها..

هادي: زين انا رايح الحين بغيتي شيء..

أم براق: هالله الله بسواقه زينه.. وسرعه من الندامه

باس راسها: إن شاء الله..







خرجت من بيت جدتي وانا متضايق.. امي جالسة هناك بروحها في بيت خالي ومهجور من سنين.. وش اللي موصلها هناك وجدتي عتابنه عليها الله يستر

وانا اسوق سيارة وكالعادة بسرعتي المتهورة وصلت بيت جدي وانوار الحي شبه مظلم.. زين انها ماجنت

نزلت من سيارة ودخلت حوش بيت جدتي والغبار المتراكم رفعت ثوبي وربطته وانا انادي عليها: يمه يمه.. أم جزاع وينك يمه

سمعت صوت بكائها والانين.. قربت من صوت وانصدمت ...




×


نقف هنا


همسه:

أطيلُوا السُجودَ ، فـ معَ الله ، تضيقُ فجوَات الوجع


،


وتعلمون أنّكم النور الأكثر أثراً أمام بهجة قلبي .. تعلمون أنّكم الضِياء الذي حِين يكون يختفِي حزنِي ،
لا حرمني الله نوركِم +


أختكم في الله:
ضلع إعوجاج