يا مرحبا يا ام رنو

ابدااااع ها البارت

وانصدمت يوم قريت انا على وشك النهايه

علياء وياسر والجليد الي بيدى يذوب من حولهم

اكيد ان عيشتهم في بيت واحد ماهو المقصد انهم كزوجين لا

هم زواجهم اصلن ما كان عادي حتى ولوانه متوقع

صحيح بنت عمه وبنت خالته

لكن كان بينهم تنافر من الصغر

صار الزواج وموقف ياسر زاد البغض بغض عند عليا لما تركها معلقه لا مزوجه ولا مطلقه

تصرف حكيم من ام ياسر انها تركتهم بالحالهم في بداية زواجهم

والمكان الي سكنوافيه عليا مالها معارف فبتضطر تتساهل مع ياسر ويلين راسها وتتقبل ياسر

لأن المشكله فيها هي والا الرجال ضايعه علومه مبطي ومنفته تسبده عليها

لكن هي ماهي معطيته وجه

بترضخ عليا وتتقبل ياسر كزوج

لأنه بدى يفرض سيطرته عليها وبتشوف وضعها ووضع صديقتها الي تزوجة ارمل اختها

وانها افضل من حالها بكثير

واعقلي يا عليا وعطي الرجال وجه والا ترى بشرى قريبه والشرع حلل اربع

بندروعايلته تأخروا لاتجون الحين ان طبيتم عليهم الحين خرب كل تخطيط ياسر

بندر اشوفها كانت طبيعيه مع اني كرهتها لكن كان يشوف ان ياسر وعليا بينفصلون فحط نفسه لاشعوريآ البديل لياسر

وهذا هو رجع لعقله يوم تم زواجها

بس تكفى ضع يا رجال والا تأخر صرف نفسك مانبيك تنكد على ياسر

ولاتدق على سلطان لايلمح نسرين ثم عاد اقعدو فيها يا بشرى انتي وعادل

فايزه لاهروب من الحياه الجديده وضع الاثنين مالهم يد فيه

رجال توفت زوجته وبيبحث عن البديل
وحظك خلاك انتي البديل

تقبلي الحياه الجديده علشان كل الي حولك

وسند مثل ماكان لأختك بيكون لك الاحترام والتقدير وشي من الموده

تمشي الحياه

واختك في قبرها ماعاد لها رجعه

ايتامها آمانه وسند بيجاريك اليوم وبكرا يمل

حركة الشوي والرسايل الي وصلتك منه مجبوره تتقبلينها

اللهم اجعل من فقدناهم ورحلو عنا الي العالم الآخر في سرور وحبور

سلطان دنجوان زمانه

يا ابن الحلال في وحده ترى راضيه فيك
على شحومك ولحومك ما يحتاج ريجيم

ولا تعذيب

اسمها بشرى ومناسبه عمرك

اترك عنك البزر نسرين هم عيله مايدانو يطلعون بناتهم لاتحرج نفسك
ولا تحاول تخطب ترى بيرفضوك ثم عاد تطقك عقده وش بيحلها

انا مع ان نسرين لولد عمها

رأفه بحال بشرى

وعساك ما تقعد تحرث بالموضوع والا تلمح نسرين من جديد خلك على عماك انها زوجة عليان


ام رنو جاني هاجس بس عليا لاتغرق وتموت <<تذكرت مسلسل ليلة هروب يوم محمد حمزه ينادي نجوى

اجل بندر لا بالله تعال بسرعه وماهو بلازم تزين امورهم تزين بعدين بعيد عن البحر

لهم شقه ينضفون فيها



مبدعه ام رنو وياليت الروايه تطول اكثر

با انتظارك

خذي راحتس أم رنو بس المهم تثلجين قلوبنا بإنهائه مشبعه لياسر و عليا ومافيه مانع نشوف وش صار بالتفصيل بين فأيزه وزوجها. وسلطان تككفين زوجيه الجداويه نسرين ماتناسب له كبير عليها ، بالنسبة لي أنا طماعه ماودي تنتهي الرواية ، ننتظرتس فديتس

مساء الخير متابعين آلا ليت الزمان يعود
ان شالله موعدنا الليله الساعه 8 مع ختام الروايه انتظروني ❤

السلام عليكم ورحمةالله وبركاته

يسعد مساكم

الليله ختام رواية آلا ليت الزمان يعود

بإذن الله بيكون على جزئين

الجزء ال14 وال15



اسعدوني بردودكم ودعواتكم استودعتكم الله الذي لاتضيع ودائعه

14



في بيت الله وامام الكعبه



خلف الطائفين وامام الراكعين في هدووء الليل الساحر



واجواء الحرم الروحانيه استكانو في خشوع خلف مقام ابراهيم.



كلن له حاجات واماني يطلبه من الواحد الاحد



توجهت افئدتهم نحوه بالرجاء والطلب



فمن يرزقنا سواه لا احد لا احد











التفت لبندر :سي بندر ربنا يخليك سيبنا هنا كمان يومين



اصل بيت الله ما يتشبعش منو



بندر: عز الله ماينشبع من بيت الله



حنا تمينا يومين في مكه وبنقضي يومين في جده



وبعدهالازم نرجع انا وراي دوامي



والعيال مدارسهم بعد تنتظرهم يكفي غياب



نسرين: يا ابوي تكفى لا تجيب لي طاري المدرسه قطع طاري

فاجأوني بالرجعه ولا تعلموني ابدا



*************







يا رب ان تشفيها وتشفي كل مريض وتبدل سقمهم صحه وعافيه



ياربي ان تعيضهم بالحسنات وتكفر عنهم السيئات



يارب توفق ولدي وترزقه بالذريه الصالحه يارب

فرحني بعياله وعيال عياله يارب

دعيت من كل قلبي لبندر اللي جابني اعتمر واطلب ربي

دعيت لكل من جى في بالي

ما ودي اطلع من الحرم

يافيه من الراحه النفسيه والطمأنينه

والله لولا اني مرتبطه بناس اروح معهم وان ولدي ينتظرني ما طلعت من الحرم ابد



للاسف جا الوقت اللي نترك الحرم و لحقت بندر وعياله

بنروح لجده نشوف ياسر

ماسكه احرام عبدالله هو محرمي يازينه هو وعظيماته

رحنا للفندق واخذنا عفشنا متوجهين لجده







**********



تلاقينا مع صديق ياسر يوم شفته عرفته على طول



هذا الدب اللي دخلت عليه في مجلس جدي



سلم على ابوي ووقفو شوي يتكلمون



وحنا فاطسين من الحر والرطوبه



او ل ماركب ابوي السياره قلت له : تكفى ابوي وقف اشتري



لنا ماء بااارد وعصيرات فطسنا من الحر

قال ابوي : اصبري لا وصلنا اشربي اللي تبين

الحين الرجال بيدلنا على مكانهم

ولحقناه بسيارتنا

ومشينا ومشيينا وطالت المسافه

لين صرنا نشوف البحر على يسارنا

وكتمتنا الرطوبه وريحتها

قال عبد الله : يبه مطولين ثيابنا لصقت بنا

قال بندر: مدري والله انا احسب المكان قريب

اصبروو هذاهو يعطيني اشاره



ودخلنامنطقة الشاليهات و ووقفنا قدام شاليه فخم

نزلابوي ونزل عبد الله و تكلمو مع سلطان



وصلنا قالها سلطان وتشكر منه ابوي وركبسيارته وراح

وانا اناظره واقول الله يخفف عنا وعنه مسكين دب



*******







ياسرر يالله قوووم في احد يدق الجرس



مممم خليني شوي اناام

دفيته بشويش يا سر اقولك الجرس يدق اسممع

جلس وفرك عيونه بشويش وبصوت ضخم من النعاس

:صباح الورد ياورد

تبسمت بحيا وقلت :الجرس يدق اكيييد جات خالتي

قام بسرعه ولبس ثوب البيت ضحك بلؤم :ربي رحمس بجية امي

وطللع لمدخل الشاليه



كانت الساعه 3 الظهر



بنظرره سريعه شفت الصاله ورفعت اشياءنا المتناثره فيها



ودخلت المطبخ وركبت القهووه

سمعت اصواتهم بالمدخل ياسر : ياااولد

دخل علي المطبخ وبحزم قال: روحي فووق بسرعه

قلت له :القهووه

قال بملامح جاده : فووق بسرعه لاتخليني اعصب

مريت من قداامه وانا اخبط بالارض

لا يمكن يخلي اسلووبه

طلعت فوق بسرعه

فيه غرفه ثانيه غير غرفتنا مع الصاله

فتحت مكيفها مع مكييف الصاله عشان الاجوا ء حاره

ووقفت على الدرج انتظرهم يطلعووون







اول من طلع لي سعديه

: ياهلا ياهلا والله تو ما نورت جده

سعديه رفعت نقابها واخذت نفسها بقووه

: منوره بيكي ياحبيبتي

بس اصبري ياعلياااا عاوزه اخد نفسي

ايه ده ايه ده دا جو بيخنق



:خذي راحتس ونزلي عبايتس

سعديه : ألحقيني بس بكباية ميه حموت من العطش

قلتلها : ابشري

نزلت تحت ووقفت



الصاله اللي ما يفصلها عن الدرج الا امتداد بسيط في جدار الصاله لو كملت نزول اشوف اللي بالصاله واللي بالصاله يشوفني

ناديت ياسر: يااسر

بسرعةالضوء جااااااني ووجهه اسووود : وش اللي نزلس ؟

بندر بالصاله

قلت له : الحرمه تبي مويه

قال : طيب لاتحركين

قلت بعصبيه: طيب

غاب دقيقه ورجع بقارورة مويه مع كاسات بلاستيك

ناولني ايااها وقال: لاعااااااد اشوفس نازله سمعتي ترا احش رجولس حش

ناظرته بحاجب مرفوع وطلعت بعد ما قلت له : انا احرص منك على نفسي





***********



رجعت للصاله وعيني بعين بندر

بس بندر كاان عاادي ماحسيته متابعني يسولف مع امي

استغربت منه اللي مخلي بنته جالسه معانا ما طلعت مثل زوجته

قال بندر : ياسر اعرفك ببنت اختك حصه نسرين

البنت كشت ولصقت في ابووها

عقدت حواجبي وبعدها تبسمت

: أي والله حصه اختي من الرضاعه

ههههههههه وليه متغطيه عني قومي سلمي اشوف

تمسكت بغطاها على رقبتها كأنها تتحامى فيه

ضحك ابوها : يا بنت تراه خالس

هز ت راسها بقوووه بلاا

قالت امي وهي تضمها : خلوهااعلى راحتها

رووحي فوق عند خالتس يا قلبي

البنت ما صدقت طاارت لفووق

قام عبد الله وقال انا بعد بسلم على خالتي

قال بندر: انا باخذ المُدام وبرووح اقضي كم شغله

وبالليل ارجع لهم

و بنمشي بكره ان شالله



قلت: العشا عندي خذ راحتك انت ومرتك بس لا يأذن العشا الا وانت عندي

قال بندر: تعشى عندكم العافيه بكره ان شالله امركم

والتفت لامي ماعليس امر ام ياسر

ناديها لي انا انتظرها برى



***********



















خالتي حبيبتي اشتقنا لس مررررره



ضميتها بقووووه ياني مشتاقه لهم



مشتاقه لامي وابوي واختي واخوي



مشتاقه لبيتنا



وجاا عبدالله وضمني انا ونسرين خااااالتي ياقلبي



:وش ابشرس فيه نسرين صارت محرم لياسر ههههه



قلت: هاااه وش تخربط



ضحكت نسرين وسعديه قالت :



مش البت نسرين تبقى بنت اختكو انتي وقوزك

مش مسدأه ازاي يفوت عليكو حاقه زي كده

قال عبد الله : زوجس يا خالتي يصير بعد خالنا اخو امي الله يرحمها من الرضاع جدتي قمرا قالت انها رضعت امي مع خالي ياسر







طلعت خالتي ونطيت عندها

استقبلها ياقلبي ياخالتي وقعدت اصيح

: شلونكم بالله شلون ا مي وابوي وش اخبارهم

اشتقت مررره لهم وخالتي مبتسمه وهي تهدي فيني

:كلهم طيبين يا حبيبتي

والتفتت لسعديه وقالت : بندر يقولس انزلي له وانتم بتقعدون معي هنا

وتقافزت عليا ونسرين مثل الاطفال





وعبدالله يعدل في التلفزيون :الله عندكم قناة مصر



******

طلع بندر مع زوجته وطلعت فوق

يا هلاوغلا باللي لفانا نورتيي والله يا ام ياسر

قمرا: منور بكم ياقلبي

جلست جنب عليا وهي ابعدت عني بزعل

"بسم الله هذي شفيها

التفت للبنت اللي وراها جالسه بحرج

قلت بإبتسامه عريضه : ياهلا والله ببنت حصه

نزلت راسها مستحيه ضحكت عليها توها صغيرها



عبدالله متنح في التلفزيون اللي يوشوش

وباين فيه خيااال فيلم مصري قديم



وقال بحمااااس ياحظكم تطلع عندكم مصر

ضحكت عليه :هههه بالله ما انعمت عيونك وش تشوف

قال عبد الله : فيلم لفاتن حمامه

قلت لعليا :وين قهوتس ؟؟

قامت بسرعه قالت :هالحين ونزلت تحت

جلست انا وامي ونسرين وعبدالله

ونسولف عن اخبارهم وعمرتهم

وبعدها جت القهوه

واستمرينا نسولف بعدها قمت اوري امي الشاليه والبحر وعليا انشغلت مع نسرين













فرشنا قدام الشاليه بعد المغرب

وكنت احس عليا تتحاشاني

لين لقيتها لحالها بالمطبخ قلت : انتي وش فيس مبرطمه علي

قالت : انت اللي شفيك ليش تكلمني كذا ؟!؟!؟!

قلت:شلون يعني؟؟

قالت : اليوم عند الدرج انا تراني حريصه على نفسي

قلت بجفاف : ايييه قايلس لا تنزلين والا لازم تشرفين

وتشوفين من جانا ترااه الا بندر !!

قالت بحده :وش تقصد ؟؟؟

قلت : مااقصد شي انتي عارفه

ردت علي بحده اكبر : والله ما انت صاحي

اولا ان كان عندك كلام والا أي شي قله بصراحه

ثاني شي انا احرص منك على ستري وصدقني ماني شروف ولا فضوليه على قولتك

وزي ما قلت تراه الا بندر ولد عمي وزوج اختي

يعني ماله داعي اسلوبك ذا معي

وطلعت وخلتني بالمطبخ







فكرت بكلامهاهي ما نزلت الا لغرض بس ابليس لعب براسي



لحقتها



*******