بسم الله الرحمن الرحيم
صباح /مساء الخير
كيفكم جميعا وحشتووووووني كثييير
وسعدت فيكم وبردودكم الحلوه
والان مع الردود
بسمة عمر
ما ينكسر خاطرس على غالي عليا مهما سوت هو السبب بردات فعلها لانه ضغط عليها وغصبها
سعديه طيبه فعلا عسى بس يستمر بندر على رايه
نورتي ياقمر

وردة الزيزفون
زيزفونه انا اشوف كلامس منطقي وحلو بس اذا هي مش متقبله ياسر ولا نفسيتها مرتاحه
مغصوبه عليه وانجبرت للان هي ما حاولت ترضي نفسها بياسر هي لازالت بمرحلة الرفض له
فطبيعي أي تصرف منها بحق ياسر
سند وفايزه هي رااافضه أي تواصل وهو بعد بس ما يندرى بعد شوفته لها وهي متزينه وش يجد عليه
بندر وسعديه
هو دعا ربه وهو مخلص ان الله يزيل اية تفكير بعليا وربي استجاب انا هنا حبيتا وضح اثر الدعاء وان من تعلق بربي ربي يرضيه ويساعده

كل الود والتقدير زيزفونه
ريـــم ~!

حيا الله ريم
افضل متصفح لـ ليلاس هو فاير فوكس
تسلمين يا قلبي اسعدني جدا وجودس
بالنسبه لعليا والفستان انا برأأي الشخصي انه طبيعي ما تروح فيها وانها تغيره اذا العروس الطبيعيه بتكون خجلانه ومتوتره من فستان مثل كذا شلون عليا بوضعها هذا مع ياسر
وياسر اكيد انها صدمته بالحركه هذي بس يستاهل خخخخ
سند وفايزه الله يستر منه ما ينضمنون الرجال =)

روح تحب الحياه

يا حيالله اخيتي ام راكان
عليا وياسر هم الحين بمرحلة تسدسد الديون وذاتا عليا بترجع له كل ما اخذت منه من اذيه هههههه
بندر وسعديه بانتظار كلام بندر هل بيطلع عليه شمس والا لا
زي ما تعرفين كلام الليل يمحوه النهار

سند وفايزه ارجع واقول الرجال ما ينضمنون يمكن انه يستعجل عليه ويمكن لا


muslema13
حيالله مسلمه نورتي

ماشالله وش دراستس عسى علم نفس حلوووو
هههه تتوقعين عليا فعلا تضحك على نفسها وان الكبرياء هو اللي مسيرها ؟؟
انا قلت اول سبب لرفضها لياسر بعد مافكرت هو امهاا
وحطت الاسباب الثانيه حجج مساعده لها في رفضها
الا يا بنات -حيث ان ام رنو مطنشه ماترد- ابسألكم

والله ياقلبي ما طنشت بس اذا امداني ارد صدقيني ما اقصر
بس الله لا يشغلنا الا بطاعته بيت وعيال وتدريس اكيد بتعذروني
(ازين مابنا حنا اننا كلش نعلقه بالدين
زين شين عادي
المهم بالاخر نرضى بالقدر
ونخلي الاحاسيس شياطين نتعوذ منها)

شوفي حبيت الفت النظر للدعاء هو قال انه دعا ربه الدعاء امره عجيب واذا كان بإخلاص بيكون مبهر النتايج عرفتي المقصد

(واي ديكور؟
الا عسى ماحلق العوارض!!
وزرايره مثل ربعنا الشفافه البيضاء والا شارين درزن من حقات الحجز
وعساه لابسن كبك
وياقة الثوب وشلون واقفه و الا الي تقل مثلثات مثل مراييل المدرسة من اول؟)
ههههههه الله يسعدس يا شيخه ههههههههه
(ياويل كبدي بس
متنا من هالتفال)

نفث يختي ماهو تفال خاف على فايزه من عينه
شكل سند ما بلعتيه ولا هظمتي شخصيته L

زلت وفتحت لها الباب ونزلت ودخلت البيت
(لحظظظظظظظظظظظظظظظظظظظظظه!!
وشلون؟
من الي فتح بابها؟
لالالا
اكيد غاطانه يا ام رنو
يمكن ماشفتي زين؟

هههه ياسر هو اللي فتح الباب صدقي هو هو


وهذاني رديت عليس ياقلبي ولاتزعلين

طيف الأحباب

ياحيالله ام الوليد تو ما نورت القصه يوم قريتيها

شهاده اعتز فيها والله يسعدس ربي
زارا
يا اهلين وسهليين بهالقامه وهالعين حيالله زاارا نورتي ياقلبي والحمد لله اللي تطمنا عليس

ياسر ماكانت عنده نية طلاق ماعنده نيه اصلا بس نبهه شوفتها اول وكلام بندر

فايزه فعلا تنرحم هي واللي بوضعها الله يعين بنات الحلال

يا قلبي يازارا وانتيي عندس حضور وردود تفتح النفس شكرا لوجودس ومتابعتس لا تغيبين علينا

إرادة

منوره اراده كالعاده تشعين تألق والله بردودس الجميله لا عدمت هالحضور الراقي
ماشا الله عليس اراده وصفتي حالة عليا وبدقه ابدعتي وماهو جديد عليس

أم أنها مجرد نصائح نسديها للآخر
وحين يصل الأمر إلينا تتغير كل مفاهيمنا وآرائنا التي نتحدث بها
اعجبتني جدا العباره معبره فعلا

كل الود والتقدير لس يا اراده يا مبدعه

السلام عليكم ورحمة الله وبركاته

عدت اليكم بعد انقطاع بسيط

شكرا لكل من سأل عني وواهتم لغيابي

كالعاده المبدعه اراده اتحفتنا برائعه من حروفها تصف فيها حال عليا
لست أدري
كيف احتملت ذاك الألم
لست أدري
كيف خرجت من ذاك النفق
الذي أحسست أنه يطبق على أضلعي
ينتزعني من روحي
يخنقـــــني
حتى لا أكاد أتنفس
هل كان مقدراً لي أن أعيش
لكي أكون الضحية
أم أنه مقدر لي أن أعيش
لكي أعاني الألم في سبيل نظرة رضا
في عيون من أحب
نحمل في دواخلنا
أحلاماً وآمالاً
بغدٍ مشرق
فنفاجأ بأنها
مجرد أحلام
لا تغادر دواخلنا
لا تلمني يا صديقي
إن رأيت العقل مني قد ذهب
فالقهر أحياناً يقذفنا إلى الجنون
في لحظة نخالها هي خلاصنا
من ذلك الألم
ضحكاتي ودموعي
ليست إلا
نزف قلبي
من جراحٍ كمنت في داخلي
عمراً
ما كنت أعلم
كيف أبعدها
دون أن أجرح من أحب
أو يجرحني من أحب

اراده





والان استلمو الجزء الجديد
11

مسحت دموعي فرحانه لهم
وودعتهم ورجعت عند اخيتي الله يشفيها
بعد ما ياسر تعب وهو يطلبني اروح معاهم لجده
وعليا تترجا فيني
لين حلفت ما اروح معاهم بس وعدتهم اجيهم




ياعزي عنس ياعليا طلعت وهي توصيني على امها
ودموعها وهي تحضن ابوها
وتعلقت بعليان
حسيت بغربتها
بس ان شالله ياسر يراعيها
و عارفه ومتأكده انه بيتعب معها كثيير
للحين البنت شايله بقلبها عليه
واكبر دليل اللي سواتها بفستانها ليلة العرس
هههههه يستاهل مايجيه
انا بصف عليا ان كانها بتأدبه



جلست مع ياسر قبل سفرهم بليله
وحلفته ووصيته بعليا
قلت له: اصبر وخلي بالك معاها طويييل
واعدني خير وطمني
عساه يصدق




*********


تعرفت على اهل ياسر
يوم زواجه
عمه وعيال عمه
واتفقنا اني ارجع بسيارته لجده
وهو وزوجته بيسافر بالطياره
واليوم الظهر سافر وجيت لعمه المغرب
ابي اخذ السياره

وحلف علي عمه بالعشا يوم جيت اخذ سيارة ياسر
وافقت بس على شرط يكون عشا بيت مايتكلفون
قلطني بالمجلس ودخل داخل

جوعاااان واحب طبخ البيت
من زمان عنه من توفت امي الله يرحمها
وانا وياسر مقضينها اكل عزابيه
جلست اقلب السبحه بين اصابعي واتأمل مجلسهم الكبير
واتحلم بالعشوه اللي اكيد لذيذه


انتبهت على البنت اللي دخلت
ومعاها كيس فتحته وقامت ترص المباخر بالدولاب الكبير
حاطه شرشفها على كتوفها

بس ماشفت منها الا ظهرها
وشعرها اللي مرفوع بكعكه مرخيه من نعومة الشعر
غضيت بصري وتنحنحت انبهها
ألتفتت لي وهي تقول :وجع عبد الله
وماكملت كلامها حذفت اللي بيدها وهربت

قعدت اضحك على شكلها مسكينه انفزعت




*******
اتصل جدي يبيني اجيه عنده ضيف
خالي عليان بعيد
وجيت بسرعه وانا ادخل شفت نسرين
تركظ بسرعه وتدخل للبيت
استغربت
ودخلت المجلس لقيت سلطان صديق ياسر
ورحبت فيه وسلمت عليه
لفت نظري الكيس اللي مرمي في الارض
والدولاب المفتوح والمباخر اللي ما اكتمل رصها

قال سلطان بإحراج : الاهل دخلو مايدرون ان فيه احد


"هبط قلبي
يعني نسرين دخلت المجلس وشافها سلطان
قلت: حصل خير
وانا ودي انها قدامي وافك رقبتها



جا جدي وهو شايل القهوه
واخذتها منه وقمت اقهوي وانا بالي باللي شافها سلطان
شلون يعني جدي ماعلمهم ان عنده رجال
حسيت بصداع من القهر

*********


ايه يابت مالك وشك مخطوف
رديت بنشفان ريق : هااه ولا شي
ودخلت المطبخ اشرب مي
ورجعت للصاله
سألتني خالتي منيره : الا وش فيس ؟ تعبانه !؟صاير شي ؟
قلت بسرعه ابيهم يسكتون عني : لا والله مافيني شي


اخذت كاسة شاهي وجلست في الزاويه مع خالتي منيره
وسوسو وخالتي قمرا
وريم راحت لبيت اهلها


بصراحه بيت جدي خالي من بعد عليا
الله يسعدها خالتي راحت وهي متنكده
اول مره اشوفها كذا قفلت اخر شنطه معها
ناوليني مناديل :
وصدت عني ومسحت عيونها

قلت :ياعلوي خلاص غارت عيونس من الصياح
قالت نسرين امانه امي عندس امانه تكفين كل يوم مريها

قلت :والله حفظت الدرس كل يوووم ان شالله اجيها
بس خلاص وقفي دموع




سمعت خالي عليان ينادي قمت له

وسويت الشاي زي ماطلب
وعرفت ان الدب اللي عند جدي بالمجلس هو صديق ياسر
سلطان

" يهب ياعيونه الدب
بعد ماتمقل وشبع تنحنح وجع

رجعت جلست مع الحريم
قالت سعديه بفطنه : هو انتي يابت لما روحتي المجلس
شفتي حد ؟؟
قلت بربكه : ايه كان في واحد بالمجلس
حذفت اللي بيدي وهربت
منيره: منهو
رديت: خالي عليان يقول صديق ياسر


******
وصلنا ابوي للمطار يالله ما اصعب الوداع
تقطع قلبي على ابوي وهو يمسح دموعه
وهو يوصي ياسرعلي

دخلنا لصالة الانتظار


جلسنا ننتظر الطياره وسرحت بحالي ووضعي مع ياسر



صباحية العرس لقيت ياسر نايم جنبي بثوبه
قمت بسرعه
صليت ولبست عباتي بروح لبيتنا ابي اشوف امي

جيت بفتح باب البيت لقيته مقفول بالمفتاح
رجفت الباب برجلي رجعت لغرفة النوم
ادور المفتاح
مالقيت شي اكيد انه بجيب ثوبه

تذكرت الشباك اللي بيننا وبين بيت خالتي
اللي يفتح على الصاله
طلعت للصاله كان فيه دولاب كبير فيه تلفزيون كبير
حاولت ادفه بس مرره ثقيل ويأست من الشباك
الشباك اللي معه تذكرت
يوم يحشر ياسر نفسه
فيه ويدخل للصاله ويظربني
اذكر يومها عضيته بقوه وما فكيته
لين جدتي قرصتني بفخذي عشان افكه
هههههه اذكر جدتي بعدها راضتني برضاوه طيبه 500 ريال
لاني قعدت مزاعلتها وما اكلمها
وهو امه قالت ان رجله ورمت من عضتي له
يستاهل اجل يضربني ويبيني اسكت له
انا عليا على سن ورمح ولا يمكن اترك حقي
رحت لغرفة النوم وقعدت اتحرك واصك الباب بقوه
وافتح الدولاب ابي ازعجه ابيه يقوم
بس مافي فايده
نايم بعمق
ناديته : هيه انت قم قم يالله
تحرك بس ما صحي
يوووه وش هالورطه
رحت للباب ودقيته
بشكل مزعج ومتواصل قووم قوووم قووووووووم قوووووووووووووووم

صرخ بإنزعاج :يوووووووه بس بسس
وقفي عن الازعاج
وجلس وانا وقفت قباله بعباتي وغطاي مرفوع فوق راسي
قال وهو يتمغط : خييير وش فيس ليه لابسه عباتس
قلت قم افتح لي الباب بروح اشوف امي
عقد حواجبه : أي باب

قلت له: باب الشارع قم يالله
قال وهو عاقد حواجبه وكأنه يتذكر :ما قفلته
قام متوجه للحوش وانصعق من ضوء الشمس وغطى عيونه بيده وتوجه للباب وانفتح معاه بكل سهوله
:ماكان مقفل
قالها بلوم
انصدمت توه كان مقفل شلون كذا
قال : ماهو مقفل بس انتي ودس تزعجيني
سفهته ونزلت غطاي ابطلع
مسكني من يدي وقال : على وين ان شالله
قلت له بعجله وتعصيب : على بيتنا فكني
قال وهو ينزل راسه عن ضو الشمس :
ادخلي هالحين اجهز ونروح مع بعض
قلت له : لاا انا اروح وانت بكيفك متى ما جيت
قال : لا وسحبني معاه للصاله وبعدها لغرفة النوم
قلت له ابي اروح
قال : طيب اصبري دقايق ماني مطول
جالسه بعباتي انتظره بالصاله واهز رجلي بتوتر
ابي اطيير لامي الساعه 11 وهذا على مهله
طلع لي وهو متكشخ على الاخر شماغه الاحمر وثوبه الابيض
بكبكاته السودا وجزمته اللامعه حسيت انه جديد في جديد
ينطق اناقه
لبس نظارته الشمسيه وطلع قبلي وركبنا سيارته
رايحين للبيتنا اللي في الجهه الثانيه





********
بعد ما تغدينا عند عمي رجعت للبيت
بعد ما ناداها عليان وقالت لي ابي اجلس مع امي
تركتها ما ألومها ابدا عليا من حنا صغار
وهي متعلقه بأمها
وين ما تلقى خالتي بتكون عليا اكيد معاها

رجعت للبيت وانا نعساان انتظرت صلاة العصر
صليت بالمسجد ورجعت نمت
صحيت العشا وراسي كنه طبل

توجهت لبيت عمي بالثوب ماطقت ألبس أي شي لوهي طاقيه

جلست بالمقلط مع امي وما شفت عليا

قالت امي : اشرب شاهي يمكن تصحصح
قلت : يمه مصدع نومه زي السم اعوذ بالله
سكتنا شوي وانا منسدح على رجل امي وهي تمسد شعري
قلت : شلونها خالتي اليوم
قالت امي :الحمد لله طيبه
قلت : ابي اسلم عليها
قالت امي : اخبر عليا نايمه عندها اصبر اشوف لك الدرب

دقيقه وامي جايه تقول تعال
دخلت معاها الا عمي وعليان
وعليا واقفه بطرف الغرفه بتصلي
دخلت سلمت وجلست على سرير خالتي
اسأل عن احوالها وهي ترد علي برمشة عيونها

عيني على عليا وهي تصلي

احاول اتجنب مناظرها بس عيني تخونني كل شوي

همس لي عليان بشويش: ارحم نفسك لارحتو بيتكم تمقلها
قلت لها وانا امد فنجالي: صب صب وانت ساكت
ضحك علي عليان وانا عدلت جلستي عشان ما اناظرها

خلصت صلاه وجلست عند عمي محتضنه ذراعه
جلست بمقابلي
وما شاركت ابدا بالكلام والضحك اللي صار



قال عمي : جهزو نفسكم بكره رحلتكم وانا بوديكم
قلت :ان شالله
التفت عمي لعليا وبإبتسامه : جاهزه اغراضس يا عيني
هزت راسها موافقه
قمت واقف : يالله ياعمي اسمح لنا بنروح ننام
وناظرت عليا : يالله ألبسي عباتس
قالت : بنام هنا
قال عمي : قومي يا عليا يالله مع زوجس
قامت ونظرتها كلها غل
لو النظرات تقتل كان قتلتني نظرتها


رجعنا للبيت قلت لها : بكره رحلتنا
ان شالله الساعه 11 الضحى لازم نكون هناك
ماردت علي قلت لها : وش سويتي في الدوام
قالت: اخذت اجازه
قلت : لازم تقدمين طلب نقل
قالت : يصير خير
دخلت الغرفه وصفقت الباب وراها
بغيت اقوم أأدبها حركه بايخه منها وش انا قايلها

جلست وجبت الجرايد المكومه من يوم جيت
وقعدت اقراها سطر سطر ما ابي ادخل عندها ونتهاوش

******
ايوه يا خالتي اوم فالح
في امل يعني
قالت ام فالح بهدوء مريح
: يابنتي الامل دايم بربي
وانتي بإذن الله ما عندس الاشي بسيط
مع العلاجات بتحملين اذا كتب ربي
سعديه تناظر منيره :طيب يا خالتي قد ايه حياخد العلاج
ام فالح تعدل برقعها القطن
وتقوم تاخذ من دولاب جنبها اكياس صغيره
: بإذن الله يا بنتي شهرين واذا مالله كتب حمل تعالي مره ثانيه
وناولت سعديه الاكياس
قامت منيره يالله يام فالح بنمشي هالحين
قالت سعديه : بكام دي الادويه
قالت ام فالح : عطيني اللي يقسمه ربي
ناولتها سعديه مبلغ وطلعت مع منيره

قالت سعديه : ياربي يجعل في ايدها الشفا
منيره :يارب يارب يفرح قلبس سعديه


**************

من يومين وانا في جده مع ياسر

جاامده جدا معاه واعاند بكل شي
على ان ياسر وبكل صراحه انسان محترم
توقعت بيعاندني بيقهرني بيستمر في نرفزته لي
لكنه كسر كل توقعاتي
بالمقابل انا اللي طلعت سخيفه لحد قلة الادب
احاول انرفزه اطلعه من طوره
وهو ما يرد او بالاصح يعاملني مثل معاملة طفل مدلع
تصبر عليييه وفي الاخير تنفجر بوجهه


واليوم انفجر في وجهي
معزومين عند ناس اصحابه ورفضت اني اروح
قال بعد العشا تكونين جاهزه وماراح اكثر كلام
وجا بعد العشا وانا منسدحه بالسرير وأقرا لي مجله
ومسويه قناع لشعري فيه بيض وزيت زيتون
عشان اخليه ييأس من روحتي

فتح الباب بقوه فجعني
قال بعصبيه : ليه ما تجهزتي
رديت وانا اتصفح المجله ببرود
المجله اللي حفظتهامن كثر ما قلبتها
:قلت لك ماني رايحه
قرب مني ومسكني من عضدي ووقفني بقوه
:معاس بالضبط عشر دقايق

قلت بقهر :ما ابي اروووح يا اخي انت ما تفهم
صرخ علي وقال : انتي اللي ماتفهمين يالله

وراح للشنطه حقتي الي ما فرغتها


وطلع فستان مشجر بدرجات البنفسج شاريته لي منيره
وطبعا ما قسته ولا جربته ماااهو ذوقي يعني


وحذفه بوجهي : البسي يالله
قلت له " شعري حاطه فيه بيض
رد علي بقرف : وليه حاطته يعني عشان ما تروحين
بس ماهي علي هالحركات بتروحين بزفرتس وزنخ البيض

قلت بإستسلام : طيب اصبر عطني ساعه اكون جهزت
قال وهو قافله معاه : نص ساعه وتروحين معي
بالشكل اللي انتي فيه


فركت شعري بالشامبو كم مرره ابي ريحة البيض تروح
اخر شي طلعت
وحطيت لي فحم خليني ابخره يمكن تخف الريحه

لبست تايير اسوود ونشفت شعري بهوا الاسشوار
وربطته ذيل حصان بعد ما بخرته بعوده
بخيييت عطر بكثافه ما ابي اشم اية ريحه شينه

تمكيجت ببساطه ماحب اكثر

دخل علي وهو متنرفز على الاخر


ما خلصتي
وقف وعيونه تتفحصني

خفف من حدة صوته وقال :يالله امشي تأخرنا وطلع
كشرررت مااا ودي يشوفني كذا
وبعد هو مدري وش يبي هو ونظراته
اف بس

************


اه يا قلبي ذي ناويه تجلطني
وش هالزين
بس ما ودك تتكلم والا تعصب تخرب زينها كله

طلعنا من البيت سحبت نفس واخترقتني ريحتها
: انتي ليه متعطره كذا
قالت وش فيك لا تصارخ
قلت لها : انكتمي اخر مرره تطلعين متعطره
ريحتها تجنن
عارف اني بنجلط الليله منها كل شي فيها يجلط


وصلنا بيت ابو وليد

قلت لها : هذا بيت مديري في العمل ابو وليد

نزلنا ودخلتها من ممر مدخل الحريم وانا رحت للرجال

وكان ابو وليد الله يجزاه خير متكلف جدا
احسه ابوي من كثر فرحته فيني


**********



دخلت واستقبلتني ام وليد
يا هلا ياهلا بعروستنا
اتفضلي يا مرحبا بك
السلام عليكم وكشفت غطاي وطاحت عباتي على كتوفي

ام وليد : ماشا الله ماشاءالله ربي يحرسك
خجلت منها وهي تتفحصني
قالت لي : اتفضلي من هنا يا حبيبتي
مشيت وراها وعباتي تسحب وراي

وارفعها وتطيح حست فيها كأـني اول مره ألبسها
بس عرفت وش عيبها عباتي جديده وطويللللله
الله يسامحس يامنيره

دخلت مجلس ام وليد والا المجلس صاااك حريم

وبدت السلامات اثقل مهمه لا صرتي ما تعرفين احد منهم

كلللللهم جالسين بدون عباياتهم
وانا بجلس بعباتي ما تعودت انزل عباتي عند الناس
ووقفت قدامي ام وليد : اديني عبايتك
تبسمت بحرج : لا خليها
قالت ام وليد : وي اش خليها
هاتي عبايتك يالله انتي عروسه

مدري شلون نزلتها واكيد بان في وجهي اني مش متقبله

رتبت شعري بحرج وجلست
عن يميني عجوزه نحيفه و لابسه فستان كرته كحلي واطرافها ابيض
ومنديلها الابيض على راسها
وسبحتها في يدها وخاتمها الفيروز يزين اصابعها النحيله
قالت لي: مبروك يا عروسه منو المال ومنك العيال
قلت لها بحيا طاغي
مدري وش جاني: الله يبارك فيس
قالت اللي عن يساري وكانت بعد حرمه كبيره
بس مليانه :ايمتى كان فرحكم
قلت لها قبل اسبوع تقريبا
ضحكت بإستضراف : وي لسى دوبك جديده
ههههههههههه
مدري وش ارد عليها
تبسمت من غير نفس

دخلت المجلس وحده كنها القمر
وكانت لابسه قصيييييير وكعب عالي

وشعرها مرتب بشكل كأنها طالعه من مجله

جت عندي وقالت : اكيد انتي عليا
ياسر موصي عليكي
وقفت لها وبوستها وقلت بجفاف : اي انا عليا
من معي ؟؟
قالت برقه ودلع طبيعي : انا بشرى
اخت ابو وليد
قلت : اهلا تشرفنا
كانت الجلسه ثقيله على قلبي
حسيت نفسي غريبه
تمنيت اني في بيت اهلي وبين اهلي واحبابي
مع انهم رحبو فيني واسرفو في كرمهم لي
بس نااس غيررر
وانا غيير

بعد العشا اغلب الحريم راحو بقي
ام ابو وليد اللي هي ام كرته كحلي

وبنتها بشرى طبعا
جت جلست جنبي وقالت : انتي مدرسه صح
قلت لها: أي مدرسه
قالت انا لسى بدرس في الجامعه
وبدت تسولف :
اخويا ابو وليد بيحب ياسر كثيير ومعجب فيه
قلت بقلبي : وانتي بعد شكلس معجبه فيه

ضحكت وقالت بهمس :الكل في هادا البيت
بيحبو ياسر
طارت عيوني من جراائتها
ضحكت من كل قلبها على نظرتي
وقالت وهي تحاول تسكت : سامحيني يا عليا بس نظرتك وملامحك بتقتل كل كدا بتغيري عليه
حاولت اكون مؤدبه وحليمه عشان ما اقووم اصفقها

قالت وهي تمسح دموعها وبهمس : بس انا لا
الله يعينك على دموو التقييل
اخذت ثواني استوعب هي وش تقول
بعدين انا فكييييت ضحك
عجزت اسكت
اخيييييييييرا لقيت احد مثلي يشوف ياسر وثقل دمه


***********

ريمو علامس بس نايمه
قالت وهي يالله تفتح عيونها
: مدري بس ما اقدر افتح عيوني نعسااانه
عليان :طيب ازحفي ابي انام حتى انا
ريم : والله مافيني روح نام بمكاني
عليان : ما اعرف انام الا بمكاني
ريم وهي يالله تسحب نفسها واخذت مخدة عليان وعطته مخدتها
ضحك عليان ياحراميه عطيني مخدتي
تمسكت بقوه بالمخده وهي تشمها لاا خليها ياخي فيها ريحه تهبل
عليان :طيب بس لا عاد تقولين ياخي ناظر بريم لقاها نايمه وبعمق
عدل المخده ونام





من زواج عليا والعيال عند امي رافضه تجيبهم
ويوم راح سند يجيبهم
حلف ابوي مايطلعون من البيت الا بعد اسبوع
اتصلت على امي :
يمه ليه ليه ابوي يحلف
انتو عارفين اني هنا في بيت فوزه عشانهم
مو معقول والله اللي سويتوه

امي بهواش : بلا خرابيط انتي هالحين في بيتس ومع رجلتس

وفوزه الله يرحمها انسيها
لا تخلينها عذر وسبب لخراب بيتس
قلت بقهر : يمه سند اشتكى والا انا اشتكيت
قالت امي : ياافضحي وانتي تبين الرجال يشكي
قلت وانا ابكي : يمه تكفيييين انسوني انا وسند شيلونا من بالكم
قالت امي بزعل : انساتس انسى بنتي قطعه من قلبي
والله يا فايزه ان همتتس ماينومني الليل
قلت : يمه سامحيني بس ترا انتي مشغله حالتس
والا انا بخيير بس اعتقووني اعتقوووني


**********
من ليلة الزواج وهي تصدد عني
وانا بعد ما ودي اشوفها وما اقدر امنع نفسي ما اعجب
وزادها عمي بحركة العيال
ما تجي الامور كذا ياعمي
اسمح لي تصرفك غلط في وقت غلط


قررت اريح اعصابي واريح فايزه بعد
جهزت عزبة البر وطلعت مع واحد من اخواي
بعد ما بلغت عمي عشان يروح ياخذ
فايزه عنده بالبيت لمن ارجع
***********




قراءه ممتعه لكم وردود حلوه لي


ولكل من يختبر بالتوفيق يااارب

السلام عليكم..
تسلم الايادي ام رنوووو.. رووعه البارت... بس تعالي ام رنووو ماعلقتي على توقعاتي
يوم شفت نسرين داخله المجلس وشافها سلطان قلت الله الله ياااا الزوري رجعتي لمجدتس السابق وبدت توقعاتس تصدق.. بس يوم شفت ولد عمها دخل المجلس قلت..يوووه هذا سلطان جايبينه عشان يشعلل قلب الولد غيره على نسرين.. بس مدري ليش خطر في بالي خاطر(ن) اقشر وهو ان ولد عمها يمووووت.. >>فيس داري انه بيصدمكم..
بس شوووفي مانبي الولد يموووت صح انه بيخرب توقعاتي بس معليه الله يخليه لاهله نبيه يعيش ونسرين تتزوج سلطان>>فيس مصرررر..هخهخهخهخه

عليا وياسر: صراحه ياايااسر بسم الله عليك ..كيف متحملها؟؟ اهنيك على صبرك الله يجعله في موازيين حسناتك والله لووو اني منك لا امسكها واهفها بمخمس لين تروااااغ عيونها من الروووعه واصرخ عليها هذيك الصرخه اللي تقطع خلفها>>فيس يضحك على الخلف اللي بينقطع وهو للحين مابدت موارريه..هخهخهخه
وانتي عليا الله يعينتس على نفستس الخايسه..تدبلين الكبد. الصراحه ماتعاطفت معتس ابدااا.. لو ان الرجال يهينتس كل شوي وكل ساعه قلنا معها حق تبغضه وتقل ادبها عليه بس المشكله ان انت بنفستس عارفه هالشي مستمره بقلة ادبتس.. عسى بس تكون هالسماجه اخر شي وتنتهي من ترجعون من بيت ابو الوليد..
وتحسين ان ياسر هو اهلتس وهو الصديق الصدوق بوسط هالغربه.. ولو اني اعتقد ان عايلة ابو الوليد بيكون اهل لتس مثل ماكانوا اهل لياسر.. بس هي بشرى اللي مدري كيف عرفت ان ياسر دمه ثقيل .؟. هل حاولت تلفت له انتباهه وهو ماعاطاها وجهه وقررت ان دمه ثقيل.. والا هي موجه نظرها لسلطان وحابته وعشان كذا مايهمها ياسر؟؟

المهم هذي البنت اخت ابو الوليد بشرى اللي ماتحب ياسر .. شكلها تحب سلطان>>سلطان هذا لازم نخليه يحب احسه روومانسي بس للحين ما بعد اكتشف مواهبه بهالمجال وانا باذن الله على يدين توقعاتي بتطلع هالمواهب..هخهخهخه

سند وفايزه: القصه حلوه لكن اكثر اثنين متعاطفه معهم هم انتم.. احس انكم مضغووطين بشااااكل مو بسيط..بس انت ياسند ليش رحت للبر وخليت فايزه.. شكلك تبي ترتب افكارك عدل وترجع بشكل ثاني .. رحلتك هذي بتكون علاج لك ولفايزه ولازم مايستمر وضعكم كذا.. يا تقررون تعيشون مع بعض والا كلن يروح بحال سبيله.. وماعليكم من هالشيبان يدبلون الكبد اذا اعتقدوا انهم يعرفوا اللي ينفع الواحد.. يااعااالم زوج اختها وابو عيال اختها ويبونها تعيش عاد وتدخل عليه ترقص وتضحك صدق مهدذرين عصبوني هالشيبان وقهروني.. بس صادقه فايز لو يتركونهم يحلون وضعهم بنفسهم وبدون ضغط بيتعودون على بعض وكلشي يصير بالتدريج..

عليان ..مبرووك المدام حامل وازيدك من الشعر بيت نساتها مدري وحمها جا فيك.. خخخخخخ
ابي اعرف وش تبين بالمخده وراعي المخده برسم الخدمه حطي خشمتس عنده وانتي بتعافين الدنيا باللي فيها.. >>يااتسبديه ااع..
ام رنووووو كالعاده استمتعت بقراءه البارت جداا وكالعاده برضوو اتضايق من نهايه البارت..
ومن ناحية استمتعنا اي بالله استمتعنا ولله الحمد. وان شاء الله يكون ردي من الردود الممتعه>>فيس واثق ان مافيه كلام على رده..هع
بانتظار البارت الجاي وما يحمله من احداث تخص ابطالنا وان شاااء الله اشوف فيه صدق لتوقعاتي>>فيس يبتسم..هع

صباح الورد .......ياهلا والله باام رنو من طول الغيبات جاب الغنايم ........تسلمي ياقلبي على البارت الحلو .......مازل حال ابطالك في حروب طاحنة ماتحرك ولا تلحلح فيهم احد


عليوه وياسر

شي ان زاد عن الحد ماينبلع وعليا للاسف تصرفاتها ماتناسب وحدة بعمرها لو هي بزر ومراهقة عذرناها بس وحدة الي بعمرها عيالهم طولها

عرفنا انها مجبورة وماتبغيه وياسر انجبر عليها من قبل يعني لاتفرح كثير وتتوقع انها من اختياره بس الزواج وتم خلاص يني هي شايفة انو الي تسويه لصالحها

النتيجة الي تبغي توصل لها الطلاق يعني هذا الي بيرضيها وبيسعد امها وابوها ليش ماتحط ببالها انو هالامر ربي كاتبة لها ولو ايش ماسوت مابتقدر تغير المكتوب الحين حارمة الرجال من حقوقه بدون ماتهتم هو راضي او لا تتوقع نومتها ببيت طول هالاسبوع وصلواتها لربها بتكون مقبولة وزوجها زعلان ومو راضي

فوق عوابتها وسخافتها وصبر الرجال عليها تستفزه بتعمد هي لوين بتوصل يعني .........ترى لو عافها هي الخسرانة الوحيدة لو طلقها ورجعها لاهلها وخبرهم فعايلها لاتتوقع انها بترضيهم ولا بترفع راس ابوها على هالتربية ولا ام بترضى عليها

اما ياسر بدل الوحدة عشرات بيرضو فيه ماينقصه اي شي وترى هالبشرى ماارتحت لها خير الاخت جاية ورامية التكلفة اصلا شدخلها بياسر ثقيل دم او لا لو هو حاصل لها ماقالت هالحكي والظاهر عليا بتفتح اذنها لها وهذيك بتخرب حياتها لغرض تنال قربه ولا شمعنى هي الي كل شوي جايبة سيرته ولا لانه مااعطاها وجه صار ثقيل دم

ياسر مابيصبر كثير لابد بينفجر بيوم وبيطلب الي ربي كاتبة له ومو من حق عليا ترفض الرجال يبغي زوجة ويبغي يشوف عياله واذا سخافات الطفولة شايفتها حجة تمنعها تتقبله اتمنى توف حالها قبل ماتنضرب من ياسر هي شمسوية لاتقول بزر لانها لو بزر ماحاسبت ياسر الغير ناضج على تصرفاته


فايزة وسند

الرجال مو مقصر يحاول انو مايزعلها ويبعد عنها ويمنع حاجاته في سبيل مايزعلها مع انو لو طلب حقه ماعليه ملامة هو ماتزوج فايزة تكون مربية بس لكن انا اشوف انو يتعرف عليها عن قرب ويتقرب منها بالتدريج الين يكسبها وتكون راضية بالخطوة الي ممكن يخطيها لتغيير نمط حياتهم

بس اتمنى فايزة ماتكون مثل عليا يعني تعطي حالها وسند فرصة للتقرب من بعض ربي كاتب انها تكون مكان اختها مستحيل بتنسى بس لازم تتناسى وتتأقلم مع مرور الوقت ترى كثير عاشو نفس ظروفها حتى الي تترمل وتتزوج اخو زوجها تكون بنفس الموقف بس ربي يزرع المحبة بالقلوب علشان يعيشو حياتهم

انا عندي حال فايزة افضل من عليا لانها عاقلة وغير كذا ظروفها اصعب من عليا .....لذلك اكثر ثنائي حبيته واتمنى ظروفهم تتعدل مع الزمن


نسرين وسلطان وعادل

هالخبلة داخلة المجلس بدون ماتتأكد اذا فيه احد او لا وتلوم الرجال بدل ماتلوم حالها .......غلطانة وتكابر بعد .....المهم عادل مابيرضى انو بنت عمه تتزوج غيره في حال تجرء سلطان وخطبها ....

عادل شكله من زمان يتمناها وماادري ليش للحين ماخطبها بس الخوف من نسرين ترفض القريب وتفضل الغريب ننتظر نشوف الي مكتوب لهم


عليان والريم

شكل ولي العهد جاي في الطريق والاخت متوحمة على ريحته ههههههه يالله ولا تقلب بعدين وتنفر منه هنا عاد الوهقة والحوسة


سعدية

ان شاء الله ماتحتاج لاكثر من شهرين وتتحسن احوالها وتحمل عمرها بيروح وهي تتمنى الضنى خصوصا انو بندر ماعنده عيال كثير ربي يكتب الشفاء لها وتكون ام فلاح سبب في تحقيق الي عجز عنه الطب


في انتظارك يالغلا