مساء الابداع على ضمضم ومتابعاتها


من عاشر الجربا على الحول يجرب

هالكلمه لازم الزين تعرفها زين

مرات الفضول يدهور صاحبه ويدخله با امور هو غني عنها

صديقاتها هذولا اختك شايفه انهم ماينفعون خلاص ناقشتي بمافيه الكفايه

لايجي يوم تقولين ليت الي جرا ماكان


نجي للبارت الي نجمه اليوم كان ماهر بكل المقاييس

على بروده مع مع الدانه الا انه ما ناقشها بطلعتها من البيت

وهذا نقطه تحسب لصالحه وان ما يتلكك علشان يزعل

ثورته علي قايد اخته ومحد يلومه

ثريا اذا تجردنا من غيرة المرأه هذا هو الصحيح يعني يوقف حال الي ما توفقوا بأول زواج

الي اشوفه من حالات التعدد قدامي هو البقاء للأقوى الا من رحم ربي

ومثل ماقالواالعجايز الرجال خشير العقل ..

شيخه الله لايكثر اشباهك تبين الورث من ورى ارملة اخوك

يعني اكبر نعمه انها شباب وضافه امكم وقايمه على ها الايتام

المفروض فيه وصيه الانسان يتحسب الي ها الاشياء والاعمار بيد الله

عَنْ عَبْدِاللَّهِ بْنِ عُمَرَ رَضِيَ اللَّهُ عَنْهُمَا أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ: "مَا حَقُّ امْرِئٍ مُسْلِمٍ لَهُ شَيْءٌ يُوصِي فِيهِ يَبِيتُ لَيْلَتَيْنِ إِلَّا وَوَصِيَّتُهُ مَكْتُوبَةٌ عِنْدَهُ."

نجد لاتعليق .....



مشكوره ضمضم على البارت

والسموحه المخ قافل والا عندي هرج واجد

يعطيك العافيه ام يزيد عالبارت الروعه


ماهر الله يحنن قلبه على ديونه بعد مايدري بحملها ي قلبي عليها ماتستاهل


نجود الله يكفيها شر شيخوه اتوقع بتسوي مشاكل قبل ترجع لبيتها


الجموح اتوقع ابوها بيزعل عليها بسبب رفضها وتوافق لرضاه


انتظر البارت الجاي بشــــوق ياقلبي

صباح الفل والرياحين ......صباحك مسك وعود ضمضم .... ثرثرة جدا رائعة لكن اعتقد انها بداية تغير مجريات كبيرة بالاحداث القادمة ويمكن صدمات غير متوقعة ايضا


قبل ادخل في البارت حبيت بس احط مداخلة بالنسبة للتعداد او بزواج الثريا من رجل متزوج .... بالرغم اني ضد التعداد الا للضرورة القصوى .......ورغم اني متناقضة فيه اعظم من قايد الي يدور العدل للناس وهو اكبر ظالم لبنت عمه هههه امحق تشبيه ........بس والله مافي حرمة تتقبل هالشي بالرغم انو ربي محلله بس احنا الحريم مستحيل نرضاها لانفسنا ... حتى الحرمة الي فيها على وبسببها زوجها بيتزوج غيرها ماتتقبل شي غصب عنا مانقدر نتحمل هالشي ولا طاريه ولا التفكير فيه كابوس مرعب جدا ....... وخصوصا انو العدل وهو اهم شروط هالزواج شيء مستحيل من الرجال لابد كفة وحدة تغلب الثانية


الثريا وحاتم وابو سلمان

مثل الثريا مو اعتراضنا انها تتزوج واحد متزوج وعنده حرمة وعيال وهي مطلقة مو مضمون يجيها مطلق او ارمل

لا احنا مااستسغنا هالشي بسبب انو سبب طلاق الثريا هو زواج فهد عليها سواء من صديقتها او غيرها هي ماراح ترضى ولا تبقى على ذمته ... يعني سبب طلاقها زواج زوجها لو كان طلاقها لسبب ثاني ابد ماراح نستبعد زواجها من ابو سلمان ...سواء عنده حرمته او لا .... وخصوصا انو موافقة الثريا كانت بدون تفكير اصلا مجرد الانتقام الي مسيطر عليها والدليل سرعة موافقتها ..........لو فكرت بعقلانية اقل شي بيجي لراسها ردة فعل حصة زوجته من هالزواج هل بتسكت ولا هي بتهدم حياة انسانة غيرها وتشتت كذا طفل .....حصة لو جات عندها بعد ماتعرف ولامتها وقالت لها يوم انها مأيدة زواج الزوج على حرمته حتى لو هي مو مقصرة معاه ليش هي رفضت هالحق وهالحلال لفهد ليش مارضته على نفسها بس رضته عليها هي .......

لو جات لها حصة وقالت لها انتي عرفتي معنى انو زوجك يحط شريكة على راسك ورفضتي وفضلتي الطلاق اجل ليش الحين موافقة وراضية لي بالي رفضتيه لحالك ........لو لامتها حصة على تشتيتها هي وعيالها وعرفت انو حصة طلبت الطلاق هل بترضى وتوافق

الي عاش تجربة مرة وصعبة يكره هالشي حتى للعدو موقف الثريا بيكون صعب لانها الحين بس همها الانتقام وردة كرامتها من كلام فهد .........مافكرت انها لو تممت الزواج يمكن بيوم ابو سلمان يحط الثالثة على راسها وتعيد نفس التجربة ساعتها لو تطلقت بتكون خسرانة وبيتشمت فيها الي هي تبغي تقهره

هي مافكرت ليش ابو سلمان بيتزوج دام عنده عيال يعني زوجته مافيها عيب ........وهي ماتدري زوجته هل مثلها مداريته او لا فكيف تعلن موافقتها السريعة وماحطت ببالها الي بتعيشه والي بيترتب عليه بعد الزواج

ليش ابو سلمان خطب الثريا الي توها طالعة من تجربة وماخطب نجد الارملة من سنين وعندها عيال ......وليش قايد مااقنع نجد بالخطاب الي يجوها مثل ماهو مصمم على اقناع الثريا ........وكيف ماحط بباله انو الثريا ممكن ترفض هالزواج بالذات علشان لايكون مصير زوجة ابو سلمان وعياله مثلها ...اذا كان الرجال زين على قولة قايد ليش مايزوجه نجد


اما حاتم اذا هو عاشق للثريا المفروض من سمع انو في خطاب خطبوها يتحرك مو يحط تخمينات من راسه وهذا الي ضيعها من ايده قبل قال صغيرة وماراح تتزوج الحين الين طارت من ايده .......والحين حاط بباله رفضها على اي اساس يبني توقعاته وهو اصلا مايعرف شخصيتها ولا تفكيرها ........دام حاتم عاشق وموجود بالقرب اعتقد هو الي بيفركش الزواج او الخطبة وبيطلبها لنفسه وماراح يتنازل عنها ........دام هي ماعندها مانع تتزوج خلاص هو اولى يمكن لو حاتم مو لليوم عاشقها او حتى ماحبها بنقول انو في لنجد امل معاه بس صعبة يحب اختها ويتزوجها ...ننتظر ونشوف مين الي بيفوز بالثريا

اما تعليقي على فهيدان لما قال للثريا مين بيتزوجها اذا تطلقت اقوله وببساطة الي خلاك تتزوج الخاينة رزانوه وهي مطلقة من شايب قبلك وهي ماتملك ولا ربع الي عند الثريا يخلي احسن الرجال واطيبهم يخطبوها وعسى تصير سالفة طويلة بخطبة الثريا من ابو سلمان وتمسك حاتم فيها ويوصلك الخبر الي يسرك ساعتها بس بشوف وجهك الودر انت والعنز الي ماخذها


ماهر ودانة

ماهر لهالدرجة ينتظر الاشارة من دانة علشان يطلقها حتى بدون نقاش ........كذاب وبقوة بعد الي يسمع الكلام ويشوف التصرفات يعرف انو هالشي مو صحيح ......الي يدخل جناحه ويشوفه مظلم ويدور ريحة عطر انسانة تسكنه يعرف انو بقلبه لهفة لشوفتها بس يكابر .......الي يشوف ردة فعله وهو مايشوفها بالمكان وردة فعله لما صحى وهي عنده يعرف انو مايقدر يستغني عنها .......واحد ماتهمه زوجته ويبغي يطلقها اول مايدخل الجناح يفتقد ابسط الامور الي تعودها منها اي هين صدقت انا عاد

طيحة دانة مو ارهاق ولا ضعف هي حامل وشكلها شاكة او متأكدة بس ماادري ليش ماتبغي احد يعرف .......والله يستر مايصير شي يفرقها عن ماهر هوشة جديدة يكون الطلاق مصيرها بس هالحمل بيكون له دور في الي بيصير ..

ومتأكدة انو لو دانة غابت عن ماهر ماراح يكون الامر بسيط عنده مثل ماقال ابد وبيحس بالحنين وبالشي الي فقده وغاب عنه حتى لو تزوج غيرها مابيقدر ينسى ابسط التفاصيل بحياتهم


قايد والجموح

اجل ماتحرك الجبل الا يوم عرف انها انخطبت لغيره وتمتت الموافقة عليها وهو خبر خير ......وخمن انو في غيرها الكثير الي مادرى عنه ........اكيد بتنخطب دام فيها المواصفات الي كل رجل يتمناها ودامها لليوم عند ابوها ومافي اعلان لخطوبة ولا لملكة شدرى الناس انو محجرها ..........ولو ابوها مات لايتوقع انو اخوانها بيسايروه مثل ابوهم وهذا هو ماهر فجرها بوجههم ويستاهلو الابو وقايد

خلاص سنين وهي موقف حالها يتمم هالزواج الحين وبعدين بكيفه يرد كرامته بأسلوب ثاني لكن بقربها وهي عنده وملكه ويروضها بكيفه .......بس الحين هو محجرها طول هالسنين ومايدري عن التحاليل اذا هي متطابقة او لا طيب لو فعلا بعد هالسنين الي راحت والنتيجة سلبية شردة فعل الكل صدق صدمة كبيرة ..........بس مااعتقد انو هالشي بيصير ......اما الجموح ماراح يكون ردها هين ولا بتسكت على هالاتفاق ........بس ابوها بيجبرها بكلامه ترضخ بس طبعا بقرارة نفسها مستحيل يكون هالرضوخ لقايد والله المعين على الحروب الي بنعيشها مع هالبركانين

مع انو كلام بندر خلى الجبل يتحرك بس ماعجبني انو جاي يتكلم في سالفة صارت من زمان وهو خلاص متزوج وعنده عيال ماله داعي يعيد ويزيد بس يالله على الاقل كلامه جاب نتيجة


نجد وشيخوه

والله هالشيخوه ماجات لبيت اخوها الا بتحريض من رجلها وشكل حتى هالهوشة خطة بينهم هالمرة ....يعني تعترف انو ايام ابوها ماكان موجود كل هالخير .......والحين عينها على مال اليتامى .......معروفة انو حق الذكر من الورث غير حق الانثى يعني حق محمد بيكون اكثر من حقها ........واذا زادت نجد عليه ورثها بيكون راس المال كبير ...وشيخوه عارف بس من الطمع الي فيها تكذب على حالها

ماادري لو ام محمد ماتت شراح يكون مصير نجد مع هالطماعات ....الحين وامهم موجودة مو حاشمين وجودها اجل لو راحت شبيسوون

نجد بيجيها يوم بتكون بحاجة رجل يحميها ويكون اب لعيالها وخصوصا لولو الي ماعاشت مع ابوها ولا فهمت لوجوده بس مين هالرجل وهل بيتواجد قريب او لا


الزين

الزين فيها تصرفات تحتاج للحزم فيها حتى مع اخوانها في تصرفات منها ماعجبتني حلو انو يكون بينها وبين اخوانها قرب ومافي حواجز بس بعد الاحترام لازم يكون من اولويات علاقتها فيهم هي مو طفلة ولا مراهقة على هالتصرفات ..وفعلا هجومها على غرفة نوم اخوها وزوجته ماحبيته منها على الاقل تحط ببالها انو هالمكان له خصوصيته ....موبالضرورة تعيش هالموقف علشان تستوعب

اما بالنسبة للصحبة الفاشلة حتى لو على قولتها ماقلدتهم وتابعتهم في تصرفاتهم المنحرفة تضمن هي انهم مايستغلون وجودها معاهم ويبتلوها بمصيبة هي ماتدري عنها اصلا ........تضمن انهم مايستخدمو اسمها ويشوهو سمعتها ........الناس الي عارفة حقيقتهم وهم يشوفوها تمشي معاهم مو بياخذو عنها فكرة انها نفسهم .......اشياء كثيرة ممكن تضرها حتى لو ماسوت سواياهم لذلك لابد من الحزم والشدة معاها الدلع الزايد مانفعها ابد


في انتظار الثرثرة القادمة

بسم الله الرحمن الرحيم
.
.
.
ثرثرة 7
.
.
.



مدخل


.
.
.

عندي كثير أشيــاء يقبل بهَا : السوم


تبدأ ؛ بها الاحلآم لا زادها : الطيــش


يصعب علي أسّلم أحلامي فْــيوم


لكنهـــا : ماتلتفت ترفض / العيــش


دثرتها : عن نظرة الناس بهدوم


وكبرتها لين آتــضح فوقهآ / ريش !


يَا :شاري الاحلام عندي لك علوم


جهّز لي المنديل وأترك لي الـ : ليش



هي : أطول الاحلام وأنحلهٌم عزوم


وأن شحّ عزمي , ما تؤكلني : العيش



أشره على أقفال المقادير : والـــــوم


وأشوفها تفتح لــي الباب : بشويش



وأنا لَك : احكي زفّ لي حلمي اللوم


خلاص بس عّطنا من : الصبر بقشيش



مابين : ثورة كلام وقسوة أعذارك


تعزمّ : أبليس فينا وأنتهت [ عشره ]


ومن بعد قولة بأني : أجمل أقدارك


أشوف عينك : تدور حجة [ الهجره ] !


خلآص : أبعد لآ تشرح سبة : أصرارك


ماعاد : فيــها حمــول أخطائنا بُكره !


وأنا أيضا أبعد , وأحرم [ عورة أسرارك ]


ماعاد فيها : مجال صدورنــا / حكـره
















.
.
.

بدايه



يسعد مساء الأخوات المتحلقين هنا ..,


.
.
.


بودي أناقشكم قبل البارت في نقطتين ...


النقطه الأولى هي الردود الي مارد عليها...ترى يا الغوالي ماهو تجاهل ولآعدم تقدير ..يشهد علي الله مَ أحب أتجاهل

بذخ ردودكم...لكن عندي سوء أتصال أشبه بـ العم كايد...مره يخرف ومره يـجيك مضبوط ...!

فـ أتركو العتب مرفوع...

أنا أتابع ردودكم .. رد ..رد..وأسجل أعجاب وشكر وبعض الأحيان تقييم..وهذا أصغر شي أقدمه لكم...


النقطه الثانيه شخصية الثريا...

يا أخواتي الثريا شخصيتها جداً قويه...لكن هزة الطلاق للعلم قويه لـ أي مرأهـ...
فطـبيعي جداً...تشوفونها بألف حاله وحاله...
وطبيعي تشوفون لها ردات فعل معينه...وكثير راح تشوفونها متردده ..

بنتعمق كثير بشخصيتها...لأنها تمثل جانب المطلقات بمجتمع...مهما كان سبب الطلاق الا أن الشعور واحد...
وهو شعور الأنثى المجروحه..,


.
.
.
الغاليه انسام جبلية...و..الأخوات الي خمنو قضية الورث...
أعذروني مَ وضعت ببداية البارت الماضـي تنويه بردودكم الي خمنت القضيه...
كذا أخت توقعت هذا الشي ماشاء الله..بكلا المكانين ...
لكن أنا مَ عطاني الأتصال حرية مراجعة لردود البارتات وأشوف الردود المخمنه حتى
أحصر الأسماء..
لكن أن شاء الله من هذا البارت نـسجل التخمينات الحلوه بـمستند وننوه عن أصحابها ببداية البارتات...
ويـسلم ربي أصحاب التوقعات المضبوطه..=)



وبسياق التوقعات..



ما فيه أحد خمن الشخصيه الجديده الي راح تظهر اليوم...الا...القارئه ..
00:00:01
أنتبهت لبداية الروايه بثرثره الجماعيه للأبطال

وأقتبست المقطع الي كانت الشخصيه متواجده فيه..

لكن أبحرت بعيد جداً عن الشخصيه..=)


.
.
.
البيت الشعري مابين المقاطع هو من الذائقة المخمليه لـ الغاليه أموله بـ ردها الأخير...
.
.
.



لآتليهكم الروايه عن الصلاة في وقتها..,

.
.
.

أقـسى مافـي الحب ..هو...[الفراق..]...!

و

أقسى الفراق...هو...[ الموت...]...!


معادلة صعبه..لو..علم بـ وجعها العشاق...لمآ...أختلفو من أجل سخفات كثـيره...!


عندما فقط تتأكد أن الحبيب...بعيد عنك جداً...


بـركن مظلم من الكون ...يسمى.. [ المقبره..]....


تتأكد تماماً...


بأن كل شيء في الدنيا سخيف جداً...ولآ..يستحق التعب من أجله ولآ العناء...!


تركن ذاكرتنا العتيقه...لأبسط الأشياء والذكريات التي جمعتنا به...


فـا تعود تلك الذاكره..للوراء...للماضي...للأيام الخالية...كـي تتراقص على أوجاعنا..!





زفـرة بضيق...وأستغفرت ...


وشدت أناملها لـجهاز التحكمـ الذي بين يديها..,


أنتبهت شيخه وبستغراب \وش بلاك...؟

نجد وهي تلقي نظره لها \مآفيني شي...

شيخه \مانتبهت لـك أمس..وش أشتريتي من السوق...؟

نجد بملل \أغراض عاديه..كذا لبس لثامر ولـ لولوهـ...وكم غرض للبيت...

شيخه تشير بيدها المملؤه با الأساور الذهبيه بوجه نجد\مالت عليك يا الخبله وراك ماشريتي لعمرك شي..حمدلله والشكر..بتدفنين عمرك يعني..؟

نجد مبتسمه \ وش تقصدين..؟

شيخه \شوفـي ملابسك كلها الوانها قاتمه..أسود..رمادي...كحلي ...الخ...الوان تجيب الهم والغم وضيقة الصدر...!

لتردف \البسي وأكشـخي...و..وسعي صدرك...بس هآآآآ...ماهوب تشطحين مرة وحده و تعرسين...أجلسي ربي بزرانك ...!!

.
.
.

تريد أن تضحك با الفعل...!

فـا

شيخه وشخصيتها الـمزدوجه..


تارة تتحدث عن ميراث ليس لها فيه قرش..!

و

تارة أخرى تتحدث بـمحبه...!



تجعلها تضحك بفعل...


فآ آخر هم شيخه هو أن يتمكن الحزن منها...

فـهي أول من أفاقت من حزن الجميع على محمد...

و

طالبت بحقوقها من الأموال ...!

.
.
.

شيخه أنسانه سطحية جداً...

تعشق المال بشدهـ...

قلبها قد يكون طيب نوعاً ما...

لكن لسانها سليط جداً...


.
.
.

نجد \ وليـش بأعتقادك أني ممكن أتزوج...!

شيخه ترتشف الشاي \وليش لآ...بتقعدين طول عمرك كذا...أكيد بتعرسين...

حتى لو مزعجه روسنا ب أسطوانة ماتبين تعرسين أبد...

أنتي في بداية عمرك...

باقي الثلاثين وباقي الاربعين والخمسين والستين ووو..اذا الله عطاك عمر طبعاً...قولي يا حلوه..بتقدرين

تمشين في هذي السنين كلها من غير رجال....أكذبـي على غيرنا نجد وخليك واقعيه شوي..!

نجد \ تصدقين قلبت الموضوع براسي قبل فتره..وصادقه..والله الحياة بلا رجال جداً ممله...
بس خلي ثامر يشتد عوده هو وأخته شوي عشان
أخليهم عند عمتهم الكبيره العاقله...تعرفين مايصلح أخذ لي رجال يبي يونس عمره و أقعد ألجه بعيالي...وعاد أنتي عيال
أخوك الوحيد الله يرحمه ولآ أنتي بمقصرهـ أن شاء الله..


ختمة جملتها بغمزة عين ماكره..!


شيخه بـرعب \لآ والله ..وش لي ببزران ..و..وجع راس...عيالي راميتهم عند أبوهم...عجزانة منهم..تجين تبلشيني أنتي
تونسين وأنا أشل شليلك...لآ بارك الله فيك أنثبري أجل وخليك على ملابسك الي تضيق الصدر لآتشطحين..!



.
.
.

وقلبي اللي من فقدته مشعل حربه..
كل ما سجيت عنه قام ينخاني...
.
.
.


جلـست بـ الأريكه..بعد أن أغلقت بابها...





لمآ وافقت على أول خاطب بتلك السرعة الشديدهـ...


هل كـي تبر في قسمها وتحرق قلبه...!


أم


لـكي تقذف بوجه خبر بأن زوجته السابقه قد تمت [خطبتها..]




آه منـي..!


كيف وافقت...؟


وأن


ضاعة حياتي القادمه مع شخص أخر لآ أعرف عنه شـي الا التي أوردها قائد..!

و

خالد...!

لمن أتـركه لو أقترنة بـ الخاطب الجديد...!

لـ أيام مقفرة قادمة عليه ليس مع أب و لآ أم...

الكل منهما يجد ببناء حياته..و...هو معلق بين سماء وأرض...!


لكن مآ الخيار...؟



أنا سئمت من أحاديثهم الموجعة عنـي...التي تصـلني من حين الى حين...!


سئمت من النبش وراء قـصتي با الأحاديث الخافته....وقصة كيف وأين ولماذا أرتبط بصديقتي..!



لآ ..أريد لقب مطلقه..الذي أضحى وصمة موجعه..!


لآ...أريد تلك الدعوات العلنيه بأن يرزقني الله بزوج أخر يعوضني..فحتى الدعاء العلني أصبح موجع لي..!


لآ..أريد المكالمات الـمستغربه..من نساء تربطهم بهم علاقة غير متينة..فا..يتسارعون على ربط علاقات متينة فجأهـ..

كي يحضو ببعض الأسرار عن ذاك الطلاق فتصبح فاكهة مجالسهم...


لآ ..أريد التفكير با المستقبل..مع كبير سن في نهاية المطاف .. فيكون زواج والسـلامـ..





وبنات عمي وأخوتي يقنعوني با الدراسه...!


أي أحلام وردية يريدون أن يخيطونها لـي بـخيوط واقع مؤلم...!


أي نفسية تلك التي ترغب با الدراسه...!


أي طموح أعرج أريد أن أحققه...!


طموحـي كان زوج عاشق وأبناء ..


بيت صغير...وحياة هادئه...


وفجأه...ضاع كل شي...بـوجع قسم ظهري لنصفين...!


هم لم يتذوقو ذاك الكأس الذي شـربته كله...لم يتذوقوهـ...!



لذلك هم يجمعون تلك الغيوم لـي...

ويقولون أصعدي بسلم الطموح لها..!


سلم مكسورة درجاته !



ولآ..رغبت لـي بطموحهم...ولآ أريدهـ...أريد فقط أن أقسمه لشطرين..!


أريده..أن يأتي لي باكـياً..باكياً..باكياً..


عندها فقط...

سأشعر بنفـسي...

لآ..أحد يلومني...فمن تذوق ذاك الوجع هو فقط من يشعر بما أشعر به..!



و

أبا سلمان..مناسب لـي جداً...نعم...مناسب...!

عمره يقارب عمر قائد...

وقائد لن يخبرني بـخطبته مالم يكن الشخص المناسب...!

وكل شي ذكره قائد..هو با الفعل خصال جميله ...لما أرفض أذن..؟





زفرة بضيق لتلتقط عينيها أطراف الكتاب بـزاوية الأريكه...!


تلك الروايه....!


التي في عمق تفكـيرها ب حياتها....تطل برأسها عليها...!



شدتها بـ أطراف أناملها....,


وعبثت بتلك الصفحات من جديد..لتقرأ...!








و





يتداولون نسوة المدينه حديث خافة عن محبوبتي...


هامس جداً...


لآ


أكاد أسمعه حتى وأن أرهفة سمعي من خلف شقوق الأسوار العتيقه...!



تباً لنسوة المدينه لآ يتركون أحاديثهم الهامسه...لما لآيرفعون أصواتهم قليلا ً...؟؟






هم ...دائماً أصواتهم على بعد أميال من المدينة نسـمعها...!



وعندما أتى الحديث عن محبوبتي....


جعلو الحديث همساً...فلآ...أكاد ...أسمع ركزاً...!




سمعت...سمعت.....!



ماذا....هل رحمها يرفض أن يحمل جنينآ....؟




سأرهف السمع أكثر...!








يآ ...بشرى....يآ...بشرى....!



ذاك الأحمق... عقيماآآآ...!!



نعم..نعم...بتأكيد لن تبقـى معه....!!



ستطلب الطلاق عاجلاً...نعم...لم لآ..تطلبه...فا زينة الحياة الدنيا المال والبنون...


والمال لآيغني عن البنون...


فا البنون هم المتصدقون والمستغفرون والوارثون...!



بتأكيد سَ تمسك بيدها والداتها الحكيمه...وسـتؤكد لها بأن البنون هم الأبقى ...!



وشقيقتها المتزنه ستخبرها بأنهم الأنقى..!




محبوبتي سوف تنفصل عن أحمقها...يَ...نسوة المدينه ما أجمل أحاديثكم الخافته...!!!














لآ...!!!



لآ...!




أكذب عليكم أيضاً...!


فـا نسوة المدينه جاءو لـي ببشرى...بأنها حامل وستنجب صبياً...!


و..


ذاك الأحمق سيصبح أب لـ أبن من محبوبتي...!!!




لطالما كرهة الأحاديث الهامسة من نسوة المدينة...فـهي ثرثرة عقيمة لآتجلب خيراً...!





وضعت أناملها على شفتيها وهي تغرق بـضحكـ....\ ياربي ياحاتم...ليش تتهكم كذا بزوجها...والله

هي الخسرانه الي ماعرفت أنك لها عاشق...؟


أغلقة الروايه...

بعد أن أنتبهت أنها عابثة بصفحات لم ترتب القراءهـ...

فا تارة تقرأ أن الطفل قد أنجبته وتارة أخرى

تقرأ أن محبوبته حامل...

ستحاول أن تقرأ الرواية بترتيب...

فقد أعجبتها ثرثرة حاتم..!


.
.
.


وقلبي اللي من فقدته مشعل حربه..
كل ما سجيت عنه قام ينخاني...
.
.
.


فـتح عينيه..


لـرقم هاتفها يمتلـئ به الشاشه...

أنتبه لـتو بأنه لـه أكثر من نصف ساعه قابع بـسيارته بـ طرف أحد الشوارع ....!

فـخطبته لها اليوم...


و


بتلك الطريقه التي لم يتوقعها...


أجفلة روحه..بأنه بات على بعد خطوات من عاصفتها...



أنهكة روحه تلك القضية المبنيه على العناد والوجع لكليهما...!




رفع الـجوال ورد برصانته المعهودهـ..\أيوهـ يا أم أميره...سـمي...!


صوت الصغيره المدلـل ..\قايد أنت دب..ودايم تقول لـي ماتسوي الي قلته..!



غرق بـضحكة خافته لـيجاوب تلك الشقيه..\أنا دب...أفا..وش قلت لك يا حبـيبتي ولآنفذت..ذكريني بواحد بس..؟


أميره بـملل\إبـي أروح وأشتري العاب جديدهـ..حقاتي كلها كسرتيه دلال بنت خالـي الوسخه..ترى ماحبها ي قايد أكرها...


أبتسم \طيب..وش بعد يا أميره..أمري ...؟

أردفت\بعد أنت تكلميني تكلميني..طفشيت أقعد بحوش ...

قائد \طفشيتي...والله يا أمورتي مشغول..مره..بس بحاول أجيك يا حبـيبتي...

أميره بـغضب \ مشغول..كل دوم كل دوم كل دوم...!

القى نظرته لـساعه ليردف..\ كل يووم يالي لسانك معوج...خلاص قولـي لـ أمكـ..تجهزك ساعه وأجي أخذك

ونطلع نشتري العاب لكـ جديده غير القديمه..ونتغدى برا...أتفقنا...

أميره بـملل\أصلين أنتَ ماتجي..

قايد\لا بـجي...أن شاء الله...

أميره بـفرح\طيب...

أغلقت السماعه بوجه قائد..

لـيغرق بـضحكه خافته \ياحـلو البنات...والله قهر ها الصغنونه بـ أولى مفروض بـ ثاني..

من ثم زفر بضيق وهو يتذكر تلك الخطبه...فَ سيخبر أهله عندم يعود لهم بمساء...!!

لـيحرك سيارته ويخرج من الشارع ...!

.
.
.
وقلبي اللي من فقدته مشعل حربه..
كل ما سجيت عنه قام ينخاني...
.
.
.
حـآتم يدخل من الباب الرئيسي لـيجد ماهر جالـس على أحد الأحواض...!


شد الخطوات له وبـستغراب \ الـسلام عليكم...



لـيرد ماهر بهمس على سلامه...,



حاتم \ سلامات..وش مقعدك في ها البرد أدخل في المجالـس أدفى لك..والا تدخن...؟


ماهر بغضب وهو يقف \أنت عارف تارك التدخين من زمان ...!


أبتسم حاتم وبتهكم \مدري عنك أنت تقوله وأنا أحصل ولاعه وخنبقه بمخباك أذا بغيت شي من ثوبك وأنت تاركه معلق..!


تركه ماهر بتجاهل وصد بَ أنظاره للمكان الأخر...!


حاتم \ صايـر شي با الدانه...وجهك فيه علم...؟


ماهر بحده \ قايد ولد عمك خطب الجموح اليوم بشكل رسمي...!!!!


حاتم بفرح \تقوله صدق...الله يبشرك با الخير...الله يتمم بخير ...الله يتمم بخير...و..أخيراً,


ليردف بستغراب \وأنت وش الي مزعلك...مفروض أنت أكثر واحد مبسوط...؟

ماهر بتهكم \لن حضرته مابغى يخطب بشكل رسمي الاعقب سالفة بندر ولد سعود توها توصل له...وجاي اليوم نافخ صدره

ويهاوش يقول ليه وليه...

ويوم سكته...دخل علي أبوك وسكـتني...وطلعت بعدها وبعد كم دقيقه طلع قايد من البيت وجاني أبوي

وقال قايد خطب رسمي في الجموح ولسانك أبلعه بحلقكـ...


ليردف بغضب \المفروض ماياخذها جزى له في التحجير الي سواه فيها...اذا الجموح ماتبيه ماهو ماخذها..هذا أنا قلت لكم
من الحين...وبيني وبينهم الشرع لو يبي...!


حاتم بغضب \أنت مجنون...والا ...خبل...الحين تبي تشارع أخوك...وأبوي راضي وكلنا راضين..وحتى الجموح راضيه...!

ماهر بتهكم \راضيه...البنت كل مافتحنا لها الموضوع قلبت لوحده ثانيه وتقول راضيه..بأي لغه تفهمون كلمة لآ أنتم...!

حاتم يشير بيده لصدره\أنا الي فاهم كلمة لآ عند الجموح وش معناها..وأنا الي بتكفل في أقناعها...مالك دخل أنت...

ومثل ماقال أبوي لك أبلع لسانك ...لآتزيد النار حطب...

خل أختك توفق مع رجال بيصونها ويحفظها...و أنت أكثر واحد تعرف أن قايد شاري أختك لكن موجوع منها وبا الحيل...



ماهر بغضب وهو يترك المكان \أيه با الحيل با الحيل...!


.
.
.
وقلبي اللي من فقدته مشعل حربه..
كل ما سجيت عنه قام ينخاني...
.
.
.

أغلقت الستائر ...

بعد أن رأت عصبية ماهر الواضحه بوجه حاتم عن بعد....

تمتمة بهدوء \الله يهديك...الله يهديك...وش الي معصب فيك الحين...,


جلـست على طرف السرير..

و..

وضعت أناملها البارده على بطنها...


وبعد فترة هدوء أمتدت لدقائق


برقه \مآبـي أروح للمستشفى..ويقولون منت ياحبيبي هنا...أخاف أتفشل مثل كل مره..

ويطلع فقر دم...أو..تخيلات...لكن أنا متأكده أنك موجود...أحس فيك...!!


أنا متأكده ميه بميه..أنك هنا...ي روحـي أنت....خلاص قررت أول مايرجع أبوك أقول له يوديني..!


و بحنين \يوووه لو تجـي...والله بسوي لك أشياء كثيره...أعرف أخيط بسناره...بسوي لك ملابس...أذا بنوته..

بسوي لك ياقلبـي...فساتين ورديه..وشرابات بيضاء..وقبعه فيها فونكه أنيقه...وحركات حلوه...

وأذا ولد...
مممم أول شي أسميك على خالك قايد...أبيك تطلع له ...حنون..و..تهتم بأدق التفاصيل الصغيره..وأذا ربي رزقني

بعد بنات..تكون أنت تحن عليهم ...بس هآآآآ...لآتطلع على عصبية أبوكـ أبداً...!

لتردف بألم \أنا مادري ليش م حملت فيك من زمان مع أني حللت كذا مره وكشفت وكل شي الحمدلله سليم...يمكن
لأن الله كاتب هذا الشي....ي رب لك الحمد والشكر...جاء بوقته مررره أبي طفل الحين...!!






.
.
.
وقلبي اللي من فقدته مشعل حربه..
كل ما سجيت عنه قام ينخاني...
.
.
.

ناولته فنجال القهوه ..

كايد \وينك يا وصايف ماعاد شفتك ياعمك...

وصايف \أبد ياعم عندك قريب...سم ولبيه...,

كايد \ صدري ضايق ياعمتس على ها الولد خبل ..ومالـقى من يفطنه ويعلمه ضاع عمره على هباله...

وصايف \أيه والله ياعم..المفروض الحين عياله طوله..ماهو بس يخمخم عيال خواته كأنه عقيم مايجي عليه أحد...

والله ياعمي موجعنـي حالتهم الاثنين لكنك تعرف قايد ما يبي الا هي..و..هي أوجعته حيل...

كايد \ يا عمتس...الحب ماهوب بعيب..ولآ..هو حرام..يقوله لتس واحد بابه مخلوع...أنصح قايد وانا برجلي وطيت النار حافي...

وأنا داري انه لآسامع مني نصيحه وماغير يضحك ويقول شف حالتك ياعم...

وصايف بصدق \ ياعم...والله من الحب الطاهر الـي بين ضلوعك ليت مثلك في الرياجيل واجد....الله يرحمها ما قدرته وخذتك كان حياتها كانت سعيدهـ...

أبتسم بضجر \راح الي راح...الله يرحمها ويرحم نايف...!



سهم أخترق روحها بتلك الأشاره الموجعه لـنايف بتلك النقطه بذات...!



لتردف بوجع \الله يرحم موتى المسلمين...!

كايد \ بيحيه يا عمتس ..ترى نايف والله أنه كان يحبك ويغليك...!

وصايف..\ الله يحلل كل ميت...كل شي راح ..بحلوه ومره...!

.
.
.
وقلبي اللي من فقدته مشعل حربه..
كل ما سجيت عنه قام ينخاني...
.
.
.

بعد ساعتين...

.
.
.

بسيارهـ..


وضعت كيـس الوجبه بـقربه وأغلقت الباب وبهدوء\السلام عليكم ورحمة الله..

ماهر وهو يلتقط..الوجبه \وعليكم السلامـ...جوعاااااااااااان...!

أخرج وجبة البطاطس والتهم مجموعه...

وحرك سيارته بيد الأخرى..

الجموح تشد علبة الـكولا لتفتحها له..\ياربي دايم متصربع..قول بسم الله...

وأطلع من سور الجامعه ..و..وقف بمكان قريب وأكل..

مو تاكل بيد واليد الثانيه بسياره..وعين على الأكل وعين على المرايه..

ماهر بهدوء\يا أنك خوافه..يعني بصير لك شي ماهو بصاير لـي...وبعدين حنا يَ رجال متعودين كذا ..عادي...

الجموح بغضب\بسم الله علينا..وبعدين لآ تقول كذا..

ناولته الكولا...وضربت أنامله التي تمسك به وبغضب\أنا بشربك وأكلكـ..أنت بس سوق...لو داريه ماجبت لك شي..

أطلق قبله هوائيه لها وبخبث\..يا خواف أنت..تأكليني وتشربيني بيدكـ عشان ما نصدم شي..طول عمرك راعية مصالح ياجميح..

الجموح \وطول عمرك ماتحسب حساب شي الله يهديك ويخليك لنا...السرعه لـ أعلى شي والا ماترتاح..

وبستغراب \وبعدين وين حاتم ماجاء ياخذني..؟

ماهر بأرتباك\أنا قلت له لآيجي...أتصلت عليه..وقلت لآتطلع من مكتبكـ...بروح أخذ جموح بنفسـي...

الجموح \ولــيش أن شاء الله..عاد حاتم أهدا منك بسواقه وتعرف ماحب أروح معكـ...وهو با الأساس مكتبه قريب من جامعتي..

ماهر يرفع كتـفيه بمكر \ كذا عاد..!




أنتبه لـ جواله الموضوع على الصامت يضيئ...ليبتسم ويقلبه بهدوء..!


الجموح المـلتهيه بـ أوراق ب أحضانها...لم تنتبه له...!




ماهي الا ثواني لترفع رأسها له بحديث غاضب..\أنت ماتقولي وش قصتك مع الدانه...أشوف دايم عيونها تشكـي ولسانها ساكت...!


ماهر \وش قصتنا...مافيه قصه...مشاكل عاديه تجي وتروح بين أي أثنين..؟


الجموح بجديه \أسمعني ياماهر...أنت ترى مهمل الدانه بشكل غريب جداً...لآتسافرون مع بعض...لآتطلعون مطاعم مع بعض

لآتاخذها لمنتزه أو حتى لـطلعة مشـي عادي...

دايم أنت طلعات بر مع زملائك.. او.. مشاوير كثيره هي مالها فيها نصيب..هي دايم محبوسه بجناحها فوق..

حتى ماتجلس معنا كثير تستحي..!

ماهر \أنا كذا...وشلون يعني أعتذر لزملائي أذا قالو تعال عندنا كذا وكذا وأقول لهم لآ والله عندي زوجتي أبي أداري خاطرها
وأمشيها يومين..
والا...طالع معها مو فاضي لكم... يا الجموح هذي هي الحياه الزوجيه الحقيقيه والطبيعيه...ماهي خنبقة التلفزيون..والمسلسلات..
وبعدين هي حاطه كل عقدها بـعرجتها..مع انها ماتهمني أبد ...

الجموح بتأفف \لو ماطيشك ياماهر ما صار الي صار..

ألقى نظره لـجموح ..

من ثم \ عارف ومعترف ...والله العظيم عذاب الضمير رافقني في مراهقتي ..و..في شبابي..

كنت حاط قرار أن أتزوج دانه بأي شكل ..و..بأي ثمن مهما كان.. و...حتى لو ترفض برجع أخطبها بدال المره عشر..
و..
بدال العشر الف الى أن توافق..وأعيش معها..

لكن الدانه أنسانه اذا مابكت في اليوم كذا مره أستغرب أشوف وش له ماتبكي...!

أذا ماحضرت زواج ورجعت لـي وقالت الكل يعلق على عرجة رجلـي وتقعد تبكي أتعجب..!

أذا مارجعت من الدوام وقالت ياماهر فلانه صديقتي وعلانه يهمسون ويلمزون في مشيتي ..ما يصير...!

مليت من ضعفها ليش مافيها من قوة شخصية خواتها ..والا.. أنتي وقوة شخصيتكـ..

أي أحد يقدر يأثر عليها ويقلب مزاجها طول اليوم والأسبوع بكلمه وحدهـ...

أبتسمت بستهزاء\حساسه يَ الجلف حساسه...تحسبها مثلنا...والله يادندون النسمه تجرحها...يا أخي أصابعك أيدك مثل بعض..؟

كذا النسوان...الي معجونه بتمرد فا ما تقدر تقودها الا بمسايسها...والي ممرده بزجاج أي شي يكسره أذا ماعرفت تداريها...


ماهر بغضب\طول عشرتي معها أطبطب عليها وأحاول ما أجرحها...ماذيتها ولآجرحتها في يوم..

الجموح \..صارحني يا ماهر...حبيت الدانه ولآ تمشيت حال..!

ماهر بهدوء\عـادي...!



زفرة الجموح بوجع\ايه والله عادي ياولد أبوي صدقت..بس أذكر كلامي زين والله أن تشفق شوفتها بعدين..دام الوضع عادي الحين..!..



صمت لتمر دقائق معدود

ماهر \ أقول جموح...!

الجموح بغير أهتمام وهي تبحث بحقيبتها عن هاتفها \ لبيه

ماهر \ أنا بفاتحك بموضوع...وقبل ما أفاتحك فيه أبيك تتأكدين وتحطين براسك أنك تقدرين تحطيني على يمناك بكل شي...

بكل شي..!

الجموح \وش له ها المقدمه صاير شي..!


ماهر وهو يلقي نظره على المرآة الجانبيه وبتهكم \أأأأوه.....!

الجموح تلتفت بعد تهدئة سيارة ماهر ..و..وقوفها بجانب الأخر ..\وش فيه...!!!

لتردف بعد مارأت سيارة حاتم خلفهم متوقفه \ وش فيه .....!!!

ماهر بـهدوء \ مافيه شي..بس حاتم يجي دايم با الأوقات الغلط ..!



فتح الشباك وبتهكم كاذب \ حاتمـ...قايل لك بروح أجيبها...وش له متعب نفسك الله يهديك...!


لـيفتح الباب حاتم بغضب \وقايل لك لآتتدخل في الموضوع أفضل لك..!


شد ذراعه بـحده..ليسايره ماهر وينزل ..


ماهر بغضب \ وليش أن شاء الله ماتتدخل...أنت تنزلني من سيارتي وأبوي يسكتني... أنا مو أخوها بعد...!


تجاهله حاتم ليـركب بدل عنه...


أتـكئ ماهر على الشباك وبتهكم \أصلن الفزعه هذي الي فازعها.. صدقني لـي رد عليها بس ماهو الحين...!


الجموح بغضب \وبعدين معكم يا الاثنين ...أنتم في الشارع ...,


حرك حاتم أصابعه لـيغلق الشباك ...من ثم حرك السياره وترك ماهر خلفه...


ليتابعه بأطراف عينيه وهو يركب سيارته ...ويعكس الأتجاه...!



الجموح \اللهم لك الحمد والشكر مأكأنكم يا الأثنين شيبان...




حاتم مستفز من ماهر وبأعتقاده أن الموضوع قد عبث به ماهر بطريقته الخاصه..


حاتم وبهدوئه المعتاد \ ماعليك من ماهر...تعرفينه عنيد ..قايد والله أنه شاريك ويبيك...وماخطبك اليوم الا هو باقي
على خطبته الي قبل كم سنه وشاريك...ولقلقة ماهر عشانه بس مقهور من الوضع الي كان...وتفشيل أبوي له اليوم...
والا والله انه مايبي الا قايد لك...!!


.
.
.

وكأنها

لكمة قوية من شخص ضخم سددة لمعدتها للتتقـيئ ألم...!


أو...

قطع زجاج مفـتت..
مرغ فيه جسـدها ...
.

.

.

تنازل أخيراً وجدد الخطبه العقيمه..؟

سمح له ..عناده ..و..غروره...

والعنجهيه في أن يـزل لسانه بخطبتي..!

.
.
.

وصلكـ أن شعـري ظهر فـيه البياض...؟

رقـصت وطربت يومـ بشروك...؟

وش أهديت للي بشرك...؟

.
.
.
ياكيف أوجعك بمثل وجـعي فـي أن أشوف شعر أبيض فـي شعري الأسود..!

تدري أنت بوجع أنثى تشوف أوراق عمرها تتساقط ..؟

ولآ تقدر تنمو لها فروع عشان تورق من جديد..!

أكيد مايوصلك وجع أنثى...!

ياكيف أكيل لكـ الأوجاع ..!

ياكيف أرد لك الصاع صاعين يا قايد...؟

.
.
.

خلاص ملـيت من لعبت المراهقين... و...العناد الـي طاوعك عليها ناس مثلكـ ....؟

يومـ مليت وتعبت فـكرت فـي الـي بَ أخر الرف العتيق مركونه...!

تحـسب ماحد يحط راسه بـراسك ويقول لكـ الصاع بصاعين والبادي أظلم...!
.
.
.
و

دامكـ بـعرفهم عادل...!

وبعرفـي طغيت...!

وأنا بعرفهم ظالمه...!

وبـعرفك جامحه....!

وتركت سنين العمر ماتـزوجت غيري وحرمت أن أتزوج غيرك...؟

با أعلمك يا قايد كيف القاضي يكون هو المجلود...

وكيف يحكم ويوجعك حكمه...!


.
.
.
وقلبي اللي من فقدته مشعل حربه..
كل ما سجيت عنه قام ينخاني...
.
.
.
بأحدى المراكز التجاريه


بقسم المطاعمـ..



قايد \والله يا أموره أكره مطاعم الوجبات السريعه...أحس أنها لـمراهقين والـبنات...,


أميره منهمكه بأكل قطعة الهمبرقر والبطاطس...

أخذ قطعة من المـناديل..

ومسح بقرب من شفتي أميره الملطخه با الكاتشب..

وبـهمس\أموري بشويش لاتاكلين بسرعه...

أميره تشير بيدها \جوعينه..

أبتسم بـعفويه\جوعينه...أنتي عندك مشكله بـحروف...

أردف\أكلـي بشويش عشان ما تغصين...سميتي قبل..؟

اميره\أصلين أنا سميت قبل أشرب الكولا...

قايد بمسايره\وأصلين أنا قلت الكولا تعور بطن الأطفال ومو زينه..بس عندي وحده تبي أعضها عشان تستوعب..

غرقت بضحكه طفوليه وهي تخبئ شفتيها خلف أصابعها الملطخه بكاتشب

قايد\أيه أضحكي أضحكي..بكره تصيرين قزمه والبنات يطولون ويكبرون ويتزوجون وأنتي صغنونه ...أحسن...

أمالت شفتيها بـغضب\وأجلس مثليكـ ماتزوجت...لآ مابـي..!َ

ضحكـ بألمـ \وماتبين مثـليك..ياحبـي لك ي أمورهـ ياليت أمي يطيح الي براسها وتشوف ها السكر ها الـفتوفته...والله تونسين حيل..

أشارت بـ أصبعها الممتلئ كاتشب..\مميتي جايه شوف أكياس كثيره...!

أبتسم على تعليقها وهو يتجاهل القاء النظر لـها...

لـتشد مي الكرسي بجانبه وتضع أكياس المشتريات بجانب الأخر..\أوف الدنيا صايره نار..

قايد بدون مبالة\مدي رجولك على قد لحافكـ...

مي بخبث \الله يطولنا بعمرك..لحافنا بظلكـ طويل..

القت نظره لـ أميره وبـغضب\يوه يا قايد ليش طلبت لها كولا...أسنانها رايحه فيها...

قائد\والله يا أم أميره أنا ما أعرف للاطفال..

تجاهلت كلامه لـتردف\وماطلبت لي...يا ربي منكـ...

قايد بملل\الحين أقومـ أجيب لكـ...وش تبين..؟

مي \لآ خلاص باخذ معي وأنا طالعه سلطات..

بس تكفى قايد أبي أدخل محل بشتري لـي طقم الماس صغنون بس ما كفتني الفلوس..تساعدني..


قايد القى نظرهـ لـعيني أميره الـمتطلعه لهم بـ أبتسامه ...


مي تردف \بتزوج...بدخل على ناس مايعرفوني...والله ياقايد..أنت مثل أخوي...والله أتجرء عليك أكثر من أخواني...

أردفت \أخواني مع حريمهم ماحد يفكر في أحد...وخاصة بعد ماتوفت أمي العام الله يرحمها..حسيت أني وحيده أكثر...قايد معـي..!

قائد يـشرب بقايا عصير البرتقال..\أيه..خـلي الطقم بعدين..بسحب لك المبلغ الي تبينه وأحنا طالعين..

مي \والله ماحد بيوديني غيرك..تسحبه وش أسوي فيه..بعدين أصرفه في شي ماله داعي...أبي شي ينفعني..

حرك رأسه \طيب طيب..بس خلـي أمورهـ تخلص أكل...

ألقى نظره لـ أميره..

ليجدها تمسح يديها بقطعة المناديل..

أميره \قايد خلصيت...صح بسكن عندكم..

فضل الصمت وعينيه تفحص تلك الطفله...

أملتئت فمها بأبتسامه\أنا حلميت أن أنا نايمه بحضنك بعدين رفسيتكـ وأنت عصبيت..


أبتسم بوجع ...وصمت...
.
.
.

يؤلمه طفله صغيرة كـهذه يتوفى والداها...

وتتزوج أمها ...

وتتركها...لتتيتم مرة أخرى...!

وأمها أيضاً طفلة مثلها...وتريد أن تعيش حياتها..!



وهو الأخ الأكبر لتلك الطفله...

فيمثل دور الاب...

والأبن لـ أم غاضبه من تصرف مجبر هو عليه..

لآيستطيع التملص من مسؤليات ملقاهـ على عاتقه..

فـ هذه الصغيره تنتظر منه دور الأخ في ثياب الأب..

فـهي لم تتذوق طعم حنان [الأب...]

وهذه الأخرى..تريد منه دور [الأخ..]

الذي ألقتها الظروف مجبره لـتكون أرملة بـ أواخر العشرينات..

ومن هي خلفه..تريد منه بر [الأبن..]

الذي لآيؤلمها ..و..لآيجرحها.. و..لآيخدش أوجاعها..ولآيثير ملفات أوراق تؤلمها..!

يشعر بفعل أنه ممزق...

يريد..فرصه ليرتاح مع من [ أحبها..]...

فقد مضى العمر وهو لم يجعلها تبات بين أضلعه..

وتتقاسم ليله الطويل الممتلئ بثرثره...

لكن تلك التي أحبها...

جامحة جداً...

و...

سَ تصفعه وتمزقه وتـرمي به في قعر مظلم أن بآت معها ليله وتـأكدت بأمر عشقه لها..!
.
.
.

نقف هنا..,
.
.
.
همسة محبه..\الحمدلله أن لنا [..رب..]أذا أغلقت الأبواب لآيغلق بابه ..
و..
أذا أنقطعت الأسباب جاء مدادهـ..وأذا قست القلوب نزلت رحماته..

أكثـرو من قول [..الحمدلله..]
.
.
.

اللقاء يتجدد أن شاء الله يوم السبت القادم أذا كتب الله لـي عمر =)

أستودعكم الله...
.
.