باااك بعد قراءة متقطعة ..

قايد من الحين معاديته انا ..
ماله حق ابدا يفرض نفسه عليها ويحجر عليها ويخليها معلقة كل هالسنين !!!
مااااااحب هالنوعية ابد مهما كانت اسبابهم ..
احسه بكذا يسلب حق جمووح منها بالاختيار والرضى من طيب نفس ..
امحق محااامي بس ' ويين اللي يطالب بالعدالة !!

العم كايد حبيته ..
احسه بيكون شخصية مختلفة =) ..

امممممم حاتم اكثر شخصية جذبتني ..
حسيته كذا جنتل بما انه كاتب روائي وحركات ~_~ ..

ثريا وفهيدان عديم الانسانية ..
متشوقة لتفاصيل اكثر ..

وبس ..
امممم ماعدت احب اتوقع لاني احب أتفاجئ =) ..

تسلمين ام يزيد ..
لاول مرة بتابع معك رواية بارت بارت ..
ماتتخيلين وش قد مبسوووووطة ..*

صباحكم ورد
حاولت ارد امس لكن كل مَدخلت انقطع اتصالي
وخجلت والله انزل البارت قبل مَ ارد على بعض هذي المعرفات الطيبه
ويعذروني حبايبي الي مَ رديت عليهم بجوار
/

ام عبد الرحمن
حياك الله
ههههههه ما أعتقد

بفعل التعليم من سيء لاسوء وهذا مسؤلية الدوله من ثم المديره من ثم اولياء الامور
ماراح ننضج فكرياً ونتقدم اذا مَ اعطي المعلم حقه
وايضاً المعلم نفسه لابد من وقفه حازمه مع جيل المعلمات الحالي ولا اعمم
ف التعليم والقدوه الحسنه ليست من اولياتهم بشي وللعزاء لاحد

جميع اسئلتك تجيب عليها البارتات القادمه لاتستعجلون بعدنا في بداية المشوار

/

حياك الله يَالغاليه
بخير ي طيبه

يمكن لقايد اسباب وجيه ويمكن تروح الكره بملعب الجموح وتصير الخيوط كلها بيدها

فهد
استغفال من طرف وزلات اقدام تخلف كسر ب الاضلع من طرف اخر

لامافيه مشكله بخلفه من ناحية الدانه لكن هو دعاء روتيني

الدانه والميراث السبب بسيط وسهل تكشفه لكم البارتات القادمه ان شاء الله
تسلمين ويسلم غاليك

/


Aw
حياك الله
جميل جدا مرورك السريع على الشخصيات
انرتي المتصفح

/
شموخ
هلافيك ي شموخـ
يسلم لي روحك على دفئ الكلمات
فيه نقطه صحيحه بتعليقك بكلم المشرفات يحذفونه لايخرب الاحداث هههههههههه
مثل ماعرفتك ردود تستحق متابعة تفاصيلها

/

الانيقه / ضحكتك فـي عيوني
حياك الله يَ روح وقلم من طهر

تسلمين يَ الغاليه أنتي صاحبة المكان ونوره

يَ الضحكه

لو لمحنا مـعرفك من بين المتابعين تسلل لروح عبق مآ لعمق الثقافه والفكـر المملوك بين أنامل هذا المعرف
فكيف بتدوين رد ومتابعه من روايه سابقه واخرى حاليه
هو تواجد أنيق ..أنا ومتابعاتي نعتز بهذا التواجد

رزان لها تواجد بعد البارتات العشر الاولى او قد تلحق بركاب التاسع والعاشر
ولافيه شر مطلق بروايه هذا شيء اكيد فكل نفس بشريه بوجهة نظري لاتملك شر مطلق


قايد وموقفه انبنى عليه موقف للاهل

من ناحية الجموح وموقفها
الجموح مثل اي وحده فينا ماتقدر تخرج من سلطة اهلها الا
فقط ب الاعتراض الشفهي بحكم اساسيات تربينا عليها
وب الاحداث راح ينكشف لنا ان شخصين من عائلتها هم حجر الزاويه بهذا التحجير

انرتي المتصفح وصاحبته بهطولك ي الغاليه



/

تايم

حياك الله


بفعل العناد بين الشخصتين بجمله

قد تكون قضية التحيير قلت نوعاً لكن مَ أنعدمت للاسف


بنسبه لاستفسارك عن رهان
تخصصه هندسه كيمائيه




موقف ام حاتم فـي منتصف بارت الغد ان شاء الله


وحياك الله


/
اضواء

حياك ربي يَ الغاليه

سلمتي لغاليك

كلامك عن قايد صحيح والاثنين ينطبخون على نار هاديه
وكل ثرثره راح تقرب لكم الصوره اكثر

لا الزين مَ راح يتزوجها قايد=)
الجموح صعب جداً تستبدل ونظرة قايد لزين نظره اخويه بحته

بغض النظر عن قصة الثريا الا حبيت اطرح الطلاق على المرأه والمشكلات النفسيه المترتبه عليه


لاهنتي ي صبح

/

اموله

حياك الله يَ الغاليه

الجموح تبي توقف بند وقايد يبي يرد الصاع راح تتشابك الاحداث وتكشف لكم اكثر

الثريا
تغير جذري قادم


حاتم

وليش لا=)


لاهنتي اموله


/


دموع الماضي


ابشري =$


/

ام نواف

وعليكم السلام والرحمه

كلامك اعتز فيه يَ ام نواف لانه بصدق صادر من متذوقه فاتنه

بحرف تعليقك على قائد والجموح


ايه صدقتي الكوي و الكوي يشفي العله حتى لوبقى بعده اثر


انا ضد دفن الروح بعد دفن الحبيب


فاتنه ي ام نواف أينما هطلتي

/

زيزفون
هلافيك يا الغاليه
كايد فضل خيار الوحده حتى لايظلم احد

على هونك في قضية الجموح كل في موضوعها وجهة نظر
=)

الثريا ي زيزفون قريت خاطره تنطبق عليها
وهي

وحدها التي ستأتي بعدي ستنصفني وهي تفرغ جيوب قلبك ستكتشف .. كم كنت ثرياً بي !

سلمت لي الرائعه

/
حنين سع

شكرا على التعليق الباذخ استمتعت بحق
الثريا
سحابة صيف وبتعدي من حياتها

قايد ي حنين على عظم وجيعة الحب تأتي ردة الفعل
نجد مبكرين جداً انتم بتوقعاتكم=)

الزين متعة كل بيت
سلمتي ي باذخه

/

حنين

حياك الله والحمدلله على سلامة الوصول=)



وش ها الاستفتاحيه بوجه قايد هههههه


كل شيء بينحل ي حنين مهما تعقد

مَ فيه جمال الابفرضية التوقعات

وحياك ربي

اهلين ضمضم يسعد قلبك على هالرواية الجميلة قراءة البارتين دفعة وحده اسفة قبل ما جتني الجراءة اقراء بارت لوحده خفت عقب ادخل في دوامة الشوق التعلق والإنتظار غصب ضمضم الي يقراء بارتاتك يصير كذا

نرووح لابطالنا الحلووين يمكني شوي ملخبطه في الأسماء بس احاول قايد مدري وش تحس فيه !! حب يهبا الحب يكون بهالصورة هذا اسمه تملك تعلق ديكتاتورية اصلا انت ايش يفرق معك البنية المسكينة الي كبرت و احلامها تصبح بعيدة المنال الجموح هو سؤال او توقع انه جاكي شي كايد من قايد صار حاجز بينك وبين ما يبغيه شو السر !!


العم كايد قصة حب بس النتيجة مع نفسه

الهواشه الي حصلت بين شيخة ونجد الحمدلله الذي عافانا اسواء شيء مثل هالمواقف وتحصل امام الصغار

يقولون خلف محبة ولا تخلف مال

نقوول ليش ما يكونو الأثنين محبة ومال:)

ضمضم حبيبي ردي موو كافي واصلا لو اكتب الا بكرة ما اوافيك حق هالأبداع أحبك

.
.
.
بسم الله الرحمن الرحيم
.
.
.
.
ثرثرة 3
.
.
.
مدخل
.
.
.

*

شفت الخيول الجامحـة ..؟ هـذي أنـا


ناظر جمـوح الخيـل تعـرف عزتـي


ما تنلجم خيل(ن) ظهرهـا مـا انحنـى


للـذل .. يـا نفسـي علـى العـز اثبتـي


شفت النجم فـي الليـل يرمـي بالسنـا


أنـا نظيـر سهيـل حـاذر رميـتـي


شفت الرماح الواقفة شفـت القنـا ..؟


أنـا القنـا والرمـح يشـبـه قامـتـي


شفت الرواسي الشم في وادي الضنا ..؟


أنـا شمـوخ جبالهـا فــي هامـتـي


يا اللي ما حفر فـي صخرتـي إلا العنـا


مـن نايبـك والعـز نايـب صخرتـي


انـا الغديـر العـذب للصاحـب هنـا


والنـار أنـا للـي استهـان بشوفتـي


في العز لو موتـي دنا..لـو هـو دنـا


احسبـه أنـا عيشـي وغايـة جنـتـي


وإذا دنـت لـي جنـة الـذل انثـنـى


عنهـا فـؤادي وارتضيـت بجمرتـي


أنا المسلـم الحـر لـي ألعـزه منـى


فيهـا الكرامـة والكـرامـة غايـتـي


.
.
.
بدايه...



صباحكم طهر...




اليوم الوطني يَ أحبه ليس لهز الأوساط ولآ لجولات بطولية في ميادين الاسواق ولآ بتقليعات الغربيه...ولآ لصور ولآ لبرسونالات ولآ شعارات...


نأسف والله على الحال أن كان هكذا...,


وطنا ي أحبه كما قال الامير نايف رحمه الله [ أنتم مستهدفون في وطنكم...]


وهذا لاينطبق على بلاد الحرمين فقط...بل على العالم الاسلامي كله..


الفتره الحاليه لـيست فترة أحتفالات بل فترة تكاتف وترابط ...و..وقفة رجل واحد...لـذب عن مايحاكـ لنا...ولـ الاسلام...ولـ للمسلمين..,




[ اللهم أحفظ خرائطنا وحدودنا من أطماع اليهود والنصارى وأذنابهم الـذين هم خلف ظهورنا...]




>وجهة نظر صباحـيه أرجو ان لآتضايق أحد..=)


.
.
.

شكل حاتم أقلقكمـ من الحين وتبون تزوجونه قبل قايد ...=)

باقـي كذا شخصيه راح تظهر تدريجيا ً ب البارتات..

أحد هذي الشخصيات راح تكون مستفزه نوعاً ما و محركـ لـلاحدث بشكل متوتر لـ بطلين من أبطالنا...

أعتقد انها راح تكون مفاجئه للجميع =)

وعلى قولة زيزفون باقي ابطال بكراتينهم =)

.
.
.

لآتليهكم الروايه عن الصلاة في وقتها...,

.
.
.
الزين بـاابتسامه \شكلي بصبغ شعري...وش رايك يا دانه..؟
أبتسمت \لآيق عليك كل شي حبيبتي...
الزين \ايه خلاص بصبغه قررت خلاص...وأنتي بتصبغين..؟
دانه بتردد\محتارهـ...يمكن...؟
قاطعهم ماهر \أيه اصبغيه مثل صبغتك الي بعيد الفطر العام..
دانه بـ أبتسامه \بندقي..؟
ماهر\مادري عاد عن الوانكم وش تسمونها اللون هذاك لايق عليك...؟
تعالت ضحكات الدانه والزين ....
ماهربـ ابتسامه على ضحك الاثنيتن ...\عسى ماقلت نكته...أنا والله صادق عندكم اختراع في اسماء الالوان بصراحه تجهلني..أعترف..!
الزين \بقوووه يَ ماهر بقوهـ....انت حتى ماتعرف البمبي وشو..أذكر يوم اقولك شف الفستان البمبي الي بزاويه وتقول وش بمبيه...
أنتم يارجال كذا...؟
الدانه\لا ..مو كلهم...بس ماهر من النوع الـي ما يحب تفاصيل ماتهمه..
التفت لها بهدوء وأبتسم..
الزين \خلاص هذا هو الـمشغل....يالله وقف...
.
.
.

أنـتـظــرته...وهو...أسرف بغياب...!
.
.
.
جلست بغضب في مكتبها...

سماح بـستفهام\عسى ماشر..أمداك تخلصين محاضرتك..؟

الجموح \لا..تركت المحاضره ك عقاب لهم..
أرتفع حاجب سماح\غريبه...أنتي يا الجموح يطلع منك ها الاسلوب..دايم ترفعين لافتت حقوق الطالب وتفهمه..والى أخر الحديث الي ماله طعمه..!
الجموح\ومازلت..وراح أظل متسمكه برأي بس ساعات تجيك نوعيه من الطلاب تخرب على القروب كله...فلتت اعصابي وماعاد قدرت..
سماح\هدي نفسك...مافيه شي يستاهل..أقرصي أذانيهم با الامتحانات..!
الجموح أبتسمت \ لا..وش دعوهـ...لو غلطت كم بنت..ما..أشيل البقيه بذنبهم..الله يهديهم مدري انا الي متنرفزه والاهم الي تعمدو نرفزتي..
أستغفر الله...خليني أدق على أخوي الصغير يجي ياخذني...
ماعندي شي ثاني...
.
.
.
أنـتـظــرته...وهو...أسرف بغياب...!
.
.
.
أغلقت جناحها بـ أحكام..
و
تمددت على سريرها...
و
أستنشقت ثرثرة روح ..!
وبصوت مسموع ..
أطلقت عنان الوجع..!



.
.
.

ثريا نايف الكايد..
الحاله الاجتماعيه ..مطلقه...!
.
.
.
زمت شفتيها ..
و..
وضعت أناملها على صدرها لـتشده بقوه عله ينتزع النبض..!
.
.
.
خلاص..أنا صرت من المطلقات..!
المغضوب عليهم من المجتمع مهما كانت الأسباب..!
بزواجات بتكون العيون تراقبني..بعد طلاقي وأنفصالي كيف يكون شكلي..!
نحفانه...
متغيره...!
ذبلانه...
كل ها الكلمات بتلاحقني حتى لو ماتغير في شكلي الخارجي شي..!
بعزايم..!
بيكثر الهمس واللمز...!
وبتوصلني أخباره...و..زواجه..وسعادتهم...!
بيقولون حرام ضاع شبابها معه..!
با الأعياد..!
بيتحاشوني الحريم...بيقولون بتخطف أزواجنا...
البعد عنها فيه الف خير.!.
انا
مطلقه....!
مطلقه..!
مطلقه..!
.
.
.
أنـتـظــرته...وهو...أسرف بغياب...!
.
.
.
بمكتبه....

سكرتيره الخاص دخل وبيده أوراق ليهمس بـصوت منخفض \فيه وحده برى تبي تقابلك عشان قضيه..هيئتها جداً محزن...

أرتفعت أنظار قائد لـ السكرتير ..وبعد ثواني أبتسم لـشخص الذي يقابله..\يا أستاذ فالح...قضيتك في الارض ان شاء الله كسبانه...مافيه عراقيل او اشياء تعقد القضيه...ان شاء الله تساهيل..
فالح\أكيد سمعتك تسبقك وكل قضيه تمسكها هي أكيد كسبانه..مايبي لها نشدة شيخ..!
ختم كلامه بضحكه مجلجله تكشف صف أسنانه المتساويه...
أبتسم بثقل وهو يقف \وماتوفيقي الا بالله...
وقف بمقابل فالح ليودعه ...

التفت قائد وبصوت مستعجل \بسرعه دخلها يا فهاد...و..تعال انت بعد...!

خرج فهاد وبعد لحظات دخلت المرأهـ وأبنتيها....

.
.
.
بعد ساعه ونصف...
.
.
.
أبتسم لـصغيرتان..وهم يتناولون طبق الحلوى المقدم لهم ويكاد ينفذ...
وبثقه \أسمعيني ي أخت هدى..زوجك بترفع منه الوصايه..وبتاخذين طلاقك ان شاء الله من أول جلسه عند الشيخ...
يتعاطى وسلوكه مشبوه...وعندك شهود على الشغله الي ذكرتيها...لآتقلقين ولآعلى بالكـ..ان شاء الله...
هدى وهي تكفكف دمعها\الله يجزاك خير طمنتي..
وبتردد\كم أتعباك بقضيه...وياليت تراعينا..
أبتسم برقه\ عشان عيون هذولا الصغار ..مابي أتعاب..أبتعادهم عن أب مثل زوجك..هو قيمة أتعابي!
هدى بـتردد \ لآ..يا استاذ قائد...لآزم تاخذ اتعباك ..هذا حقك..أنا مابي شي بذمتي..ومعروف مثل هذا والله كبير أشيله على كتوفي..
قاطعها بهدوئه الرصين وهو يـريح ظهره على الكـرسـي \ أقدر أوظفك وتسدديني ..تبين تتوظفين..!
بتوتر\بس انا شهادتي متوسطه...وكيف أسددكـ...؟
قايد وهو يشد ورقه صغيره ويدون فيها عدة كلمات ورقم هاتف...ويمده لها \تروحين لهـذا المكان..هو ..نسائي...محتاجين موظفات..
بتحصلين مديرة المركز..أسمها خلود سامي...قولي لها انا من طرف المحامي قائد ويطلب منك توظفيني...!
أردف بصدق \تبين تسدديني...تقدرين تسدديني أذا ربيتي ها البنتين بلقمه حلال ودخلتيهم مدارس وعلمتيهمـ..هذا هو أجر أتعابي...!

أبتلعت ريقها المتوجع

وفضلت التمتمه الـهامسه

بروح فـهي أبقى وأنقى..!
.
.
.
متألم حقاً..!
متوجع بفعل..
وعينيه لاتفارق تلك الصغيرتان..!
الوردتين ...!
و
مختنق تماماً..
وهو يرى أمرأهـ...تشكو له
شرب وعربدة رجل..!
و
يريد منها ألوصايه على بناتها...
لأنه رجل والاب والحق له.!
وهي أمرأه طاهره..
من اخمص قدميها الى قمة رأسها

سواد طاهر..!
.
.
.
أنـتـظــرته...وهو...أسرف بغياب...!
.
.
.

أبتسمت وهي تركب بجانبه...

وشقيقته تركب خلفه...بـكلمات غاضبه...


الزين \ياربي شعري أحسه أحترق...رااااسي احسه يدور فيني ...ماعاد أقدر اركز في الي قدامي..

ماهربخوف يلتفت لمقعد الخلفي \تبين المستشفى..!

قاطعته الدانه برقه وهي تكتم ضحكتها\لا...بس عشان الشغل الي جاها وكذا حاجه بمشغل انت ماتعرفها..

الزين بثرثره مرتفعه \ياربي ياماهر ياربي مر اقرب صيدليه قسم اني صادقه ابي كرتون بندول..
عوااار عوااار براسي ماهو طبيعي الله يقطع الزين ويقطع سنينه

ماخذيت من اسمي شي اه ياربي استغفرك ماعترض على خلقتك ..

بس شعري عقدني والله العظيم..عقدني....!



صوت ضحكة ماهر لم يكتمها حاول لتهتز أكتفافه تفضحه..

الزين بقهر\ايه اضحك وش عليك...دانو شعرها حررررير..!

دانه بفزع \أذكري الله يا ام عين حاره...!

لـتردف الزين بحنق \ يعني جايبه شي شديد يوم تحمسيني بمشغل...داريه ان انا سمراء بعد...راضيه بلونـي ليه تروحين وتقولين لـي لآ خليهم يسوون لك حمامات و
خنبقتهم الي بمشغل قطعو فيها جلـدي ها التركيات...
يحسبون مع دعكهم لنا أن الوانا بتفتح وتـصير مثلهم...وحنى مع الخيل يَ شقرا...نشوف ها التركيات ويجينا ها الحماس لـزين
...قال ايش قال عشان أفتح درجه...هو أنا شكيت لك الحال..أنا بس قلت شعري ...ليه تقنعيني ليه...؟

الدانه بـضحك\ماقنعتك انتي أصلن كنتـي طايره بعجه من يوم دخلنا...وش اسوي لكـ...كنتي تسأليني وانا اعطيك راي...شوفيني انا بس صبغت وانتي أعوذ بالله أدهرتي بعمرك
تقولين معرسه...

ماهر بستغراب \وش سو لك ؟

الزين تتجاهلها وتلقي بظهرها على مرتبة السياره...وتلتفت لنافذه..

ماهر لدانه \ وش سو لها ؟

دانه وهي تشير لـماهر بأن يصمت لأن الزين الان غاضبه ...\اشياء ماتعرفونها...,

لتردف \لو سمحت ماهر مر بيت أهلي ونزلني...أمـي أمس صوتها كأنه تعبان..

أبتسم وبصوت هامس\خلاص بنزل الدانه وبـشوف صبغتك..؟

دانه بخجل..\أذا رجعت بليل...أنت بس لآتتأخر علي عند أهلي مثل عادتكـ...

صمت وأدار مقود السياره والابتسامه على ثغرهـ...
.
.
.
أنـتـظــرته...وهو...أسرف بغياب...!
.
.
.
أغلقت جموح الباب لتهمس\السلام عليكم..
رهان \وعليكم السلام...
وضعت حقيبتها بجانبها ...
وخففت غطائها لتتنفس بأرهاق..
.
.
.
با الفعل مرهقه..
بكل معاني تلك الكلمه العميقه..
مرهقه من حياة روتنيه ..
أجبرتها القوانين العقيمه على الخوض فيها..
مرهقه..
من جبروت رجل أقحمها في عنق زجاجه..
من ثم أغلق العنق..
و
قطع الأوكسجين الذي بداخله...
من ثم يطلبون منها أن تعيش..؟
كيف تعيش..بلا اوكسجين!
تؤلمها قضية انها بنظر المجتمع [عانس..]..
لكن عانس.. و..[خطابها ..]كثيرون..!
أي قضية مربكه تلك..!
وذاك الجلاد واقف بـا باب القصر يقوم بجلد حظها العاثر..
كلما أرغم على الوقوف..!
برغم من بقايا حب غابر بداخلها له..
كلما رأته..أو..لمحته...أو..أشتمت رأئحته بـزوايا ..!
الا
أن فتيل من الوجع يشتعل ويشتعل ويشتعل..
ويرغمني على الجموح من أن يقودني هو..!
لست بقائدي يا قائد..!
لست بقائدي ..!
.
.
.
رهان بـصوت عالي..\وش فيك ماتردين.!
أنتبهت من غفوة ثرثرتها \لبيه فديتك..وش قلت..؟
رهان \الي واخذ عقلك يتهنى فيه..!
أبتسمت وبهمس \الا الله لايهنيه..!
التفت رهان بستغراب\ما أسمعك وش قلتي..؟
أردفت\أقول وش كنتي تبي فديت روحك..؟
رهان \بنزل أخذ لي كم شغله وش تبين مشروبكـ..؟
أبتسمت \مابي شي..بس حاول تستعجل لأني شوي تعبانه..
أغلق الباب \سلامتك تبين نمر المستشفى...؟
الجموح \لآ..صداع خفيف...
رهان بمشاكسه جميله \وبلاش أغراض مالها طعم..نطلع للبيت طوالي...أذا جوجو تعبانه..؟
الجموح با أبتسامه \لآ أنزل جب الي تبي...
رهان \كنت بجيب بيره لـعمي كايد...لأني بتغدى معه...خلاص يشرب معي لبن...والله صار العكس الشايب يحب البيره والولد يحب اللبن...

الجموح ب أبتسامه \ ماتخـلي حركاتكـ...
رهان \قولي أمين..؟
الجموح بستغراب\أمين.
رهان بعنجهيه \مايحرمكم الله من عبقريكم ..!

غرقت بضحكه هادئه \الله يخليك لنا..
.
.
.
أنـتـظــرته...وهو...أسرف بغياب...!
.
.
.
نجد وهـي تدخل بـ حافظات ممتلئه لـمطبخ على وقع ترحيب والداتها...

وصايف بـ حب شفاف \ يَ مرحبا يَ مرحبا يَ الله أنك تحـييهم...

ثامر يـسبق والداته..لـيقبل رأس وكف جدته...تحت دعوات رقيقه ..\ نورت البيت يَ أبو محمد...وش أبطى فيك علينا...لك أسبوع ...

ثامر \والله يَ جدتـي معليش عماتي عندنا ولآ أبـي أخليهم لحالهمـ....لآزم رجال ببيت...!

وصايف \كفـو ...أيه والله رجال...الله يجعلهم كلهم بظلكـ...ويرحم الي جابكـ....

نجد تخطي الخطوات لـتقبيل والداتها بعد ان أنزلت الحافظات لتقبلها والداتها..وتحتضنها بـرقه...

أم قائد \وينك يَ نجد...أبطيتي علي هذي المرهـ....

نجد ب أعتذار شفاف \ والله يمه مجتمعين عندي خوات محمد ..صعبه أخليهم وأسير هنا وهناك..يجي والله في خاطر خالـتي أم محمد...ولآودي أزعلها...

أم قائد وهي تلتفت لـ الحافظات وصواني الحلا..\أنتي ماتتركين طبعك...وش له متعبه نفسك وأنتي تدرين ان قدامك خدم تامرين عليهم...لآزم تزعليني منك...

نجد \ لآوالله مابي أزعلك جعل عمرك طويل..لكن يمه والله مافيه تعب...هناك بعد خدم يساعدوني...وبعدين قايد يحب أكلـي ودي ياكل من أيدي كل ماجيتكمـ...

أم قائد..وهي تنظر لـ لـولوهـ الـصغيره..

واقفه بفستانها الوردي القصير بين التحف تحركها بـ أناملها الصغيره...\لولو..ي الله أنك تحييها...تعالـي سلمي تعالـي...

فتحت ذراعيها وصايف لتأتي الصغيره وتحتضنها..



.
.
.
أنـتـظــرته...وهو...أسرف بغياب...!
.
.
.

أبو حاتم وهو يضع فنجال القهوه الذي أعلن برودهـ...!
أم حاتم \ياتركي...الوضع هذا ماهو وضع عقال..البنت يطق بابها خطاب..ونردهم بزعم ولد عمها يبيها..
و..ولد عمها مثل ماتشوف..زاهد فيها واضح...بس حنى نرقع قطعة مايفيد فيها الترقيع..
لآتحسبني يوم اني بظاهر مأيده قائد وضد بنتي...أني من قلبي هذا الشي..لآوالله..
صح اني ابي قائد لها لانه رجال والنعم فيه يملئ المجالس بذكره الطيب ويعدل الصف بحضوره..!
لكن بنتي خلاص في الثلاثين..لآتزوجت ولآشفت عيالها جايتني وهي ماسكتهم بيدهم...
كل ماحضرت عرس معها بسم الله عليها جابت الخطاب من حسنها ومن شهادتها أذا نشدو عنها...
وبعزايم الحريم يهمزون ويلمزون..ليه ولد عمها الي محجر لها ماخذها وهي وصلت لثلاثين..!
وش أرد عليهم وش أقول..؟
وانت ماتقول لي ليش ماكلمت قائد في بنتك..ياهو رجال بيخطبها ويتزوجها والا يتركها لنصيبها..
ماعاد في العمر كثر ماراح..
ولآيدخل البنت في عناد ماله نهايه..!
أرتشف فنجاله ليهمس \ البنت لـ قايد...من يوم قايد صغير وانا قايل له ترى اول بناتي لكـ...وهو يبيها...ومازهد فيها مثل ماتقولين...
ام حاتم \وليش ماتزوجها لـ الحين دامه يبيها...ليش يماطل ولآ أعرس عليها..بنتنا فيها عيب وحنى مادرينا...والاناقصها شي..؟
والا يحسبنا حاذفينها عليه...؟
لآ..ياتركي لآ...
أذا ولد اخوك غالي عندك فا انا بنتي غاليه..والله والله اذا ماعزم اموره ها السنه ان مايعرفها ابد...؟

ابو حاتم بـزفره وحزم \ وآنتي تحسبني مرخص في الجموح...لكن هي الـي جابت هذا الـشي لـنفسها...قبل ماتروح مع أخوها دخلت عليها...
وقلت ...
ولد عمك محدد الملكه والعرس بعطله...وأنتـي بتروحين..وهو ماهو براضـي ولآ انا راضي...أنتي تبين تكملين دراستكـ...
وتتحملين كل شي يترتب بعدها...قالت أيه يَ أبوي أتحمل...المهم أروح مع حاتم وأكمل دراسـتي....
وأنتي شاهده على هذا الكلام ..ليش اليوم تلومون قايد ...أنتم الي أخـطيتو بحق قايد ماهو الي أخطـى...

أم حاتم \وش ها الخطـى الي مايغتفر..ضيع عمره وعمرها...خلاص كل حي يروح في حاله دام الخطى ماله غفران...

أبو حاتم..\يوم راحت هذاك اليوم الجموح..وتأكد انها بفعل راحت..جاء لي ..و..وجه مثل الليل...وقال يَ عم....أنت باقـي على عطاكـ حتى لو تطاولت السنين...؟

وفزيت من مركاي وقلت والله أنها ماتعرف غيرك دام هذا العقال على هذا الراس...!

ليردف بغضب \وتبون رجال غير قايد...من الـي يستاهل الجموح وكفوها دام ولد نايف ماهو بكـفو...؟

أم حاتم تزفر بضيق \ماقلنا ماهو بكـفو يَ رجال ...

أبو حاتم \أجل سكري على موضوع مخلصين منه من زمان..

.
.
.
أنـتـظــرته...وهو...أسرف بغياب...!
.
.
.
أبتسم أبتسامة وجع وهو يرى عرجتها الواضحها..

لتدخل الدانه بيت والداها..

وعينيه تراقبها بألم...!

بألم بحجم السماء..!

كلما شاهدها تعرج بتلك الطريقه..!

يؤلمه انه السبب ورى ذاك الوجع الذي يسكنها...

عرضها على أطباء..كي يصلح ما أفسده..ويرتاح من عذاب ضمير لآيهدئ


ليأتي التقرير بأنها لايمكن ان تعالج الـعرجه تلك الا بأنها تفقد حرية الحركه..

ولآتجلس الا على كرسي لآتستطيع الجلوس بمثلنا..ولآ..الحريه بجلوس كبقية الناس..!

بمعنى ..خروج من ألم.. و..وقوع بألم..!

معادله هو من أوجدها وهو من يتجرعها الان..!

يؤلمه انها تشعر انه متعلق بهَ بسبب تأنيب الضمير الداخلي..

تكشفه...!

و

تكشف كذبه على نفسه ومرواغته الدائمه..

دائم تردد..أنت...لآتحبني..بل..مشفق...

تغرس سهام مسمومه..


وتجلده بسوط الضمير الذي يعذبه كثيراً..

ليت طيش الشباب مات بمهدهـ...

ولم يوجد ذاك الالم بـبينا..

زفر بضيق لـيقفز فزع..من صوت طرقات الشباكـ...!


أبتسم بـضيق وفتح الشباك

قائد با ابتسامه \يارجال مالك قلب..وش ها الفزعه..؟
ماهر\سرحت شوي وأنت ماتعرف ان ترويع االمسلم مايجوز..؟
قائد رفع كتفيه بالامباله\والله ماروعتك..بس انت الي ودك تروع..أقلط..حياك..؟
أبتسم..\لآ..مواعد اهل البيت أجيب لهم أكل من المطعم ولو أخلف ذبحتني الزين توني منزلها ومواعدها..

ليردف\..و..الدانه تبي تسلم عليكم ونزلتها..

أبتسم قائد \اجل الله يستر عليكـ...

أشار بيده ماهر ليحرك السياره ويرحل عن المكان..ويدخل قائد بعدها لـبيت..
.
.
.
شد خطواته لـيدخل البيت ويبتسم لـوجود الدانه تنزع عبائتها لتعلقها...

فيحضنها بخفه...

لتصرخ بخوف..على ضحكاته

دانه بخوف ..\روعتني الله يهديك تعرف مالي قلب...

قائد غارق بضحكته \انتي ورجلك اليوم مالكم قلوب ...هذاك نقرت با اصابعي الشباك ونقز اكبر من نقزتك هذي...يبي لكم قرايه..

أبتسمت وهي تدفعه قليلاً..\انت الي يبي لك قرايه...بعد عني بس...مايسوى علي ها السلام...

تفاجت ام قائد بوجود دانه لتبتسم بحب \دوين يامرحبا..جيتي بوقتك ..
أبتتسمت دانه لتشد الخطوات وتقبل رأس والداتها\مرحبا فيك يمه..ليش أن شاء الله مافاتني شي...
ام قائد \ كل خير قدامكـ..مابعد فاتك شي..
لتردف الدانه \يمه شوفي حل مع ولدك...شغال تخرع فيني وفي رجلي..؟

أستغربت أم قائد \ماشاء الله...عندنا اجل رهان ثاني..ماخبرت الطفاقه في قايد...وراه يروعكم..؟

قائد مقاطع وهو يضع يده على فمـ دانه ليحاول كتمها...\ماعليك منها يمه...هذي في صف رجلها دايم...

أم قائد تضرب ذراع قائد بعكازها وتنهره \دوين لاتكتمها..الله يقطع مزح الرياجيل السامج اترك بنيتي يا قايد...

أبعد كفه وضحكته تتعالى ليجلس على الاريكه..

الدانه وجها محمر \لآبالله استخفيت صدق..أنت وش فيك اليوم...وش مفطر عليه...؟

الدانه بغضب \مزحك مزح بدو ...!

قائد يتهكم \شكل البدوي له مزح مخالف عن الجميع...؟

الدانه بـ ضحك \ايه يدهم ثقيله ومايعرفون المزح...وبعدين صدق فيك شي ..؟

رفع كتفيه\لاوالله سلامتك..بس فرحان بشوفتك...؟

الدانه\قول ها الحكي بهدواه ماهو بخنق وخرعات...قائد تكفى لاعاد تكررها ترى والله ماحنا متعودين عليك بشخصيتك الثانيه...

أبتسم \وش شخصيته الثانيه..؟

الدانه \الكوميديه..الي ماتصلح لك..ولآهي بثوبك ولا لآيقه لك..؟

أرتخى با الاريكه \أبشري طال عمرك..ولآعاد أكررها كم دانه عندنا..!


قاطعهم دخول لولوه ذات الاربع سنوات ونصف...مجلجله بضحك...وهي تسارع المشي هاربة بـَ شيء مآ بيدها....

تلقفتها أحضان قائد ليحتضنها وبـصوت ضاحك \والله ماتخذون الـي معها..خلاص وصلت خير...!

دخلت نجد على أثرها وبـَ ابتسامه لتقبل رأس قائد \والله انها سـروق ها البنت مدري من طالعة عليه....

لولوهـ تشتكـي لقائد بطفوله \ خالي حـقـتي..والله حقـتي...!

قائد بـضحك وهو يشدها لـصدره \أيه والله حقكـ...والـي فيه خير يقول لاماهو بحقكـ....

نجد بتهكمـ \طيب خلها تعلمك السروق وش حقها...أم حق...؟

جلـس من جديد على الاريكه \حقها من غير ماشوفه...

أردف بعد ان القـى نظرته على مابين أنامل لولوهـ لـيغرق بـضحكـ \وشلون خذتيها ..؟

نجد \داخله جناحك...وهذا والانوار مطفاهـ وهي تخاف من الغرفه الطافي انوارها لكن أقولكـ جايه سـروق...
شافت أقرب شي على الكومدينه ولطشته..أهم شي تفوز بحاجه بيدها...

قايد مبتسم لـ نظرات الصغيره لساعته ...ليشد الساعه من اناملها \ وش رايك تلبسينها...خلـيني أصلحها بيدكـ...

نجد \ أيه مَ فيه أمل دامها معكـ...

اردفت نجد \وش اخبارك دندون ان شاء الله بخير...سلمت عليك بسرعه من ها البنت الله يخليها لـي

الدانه \بخير يَ قلبـي أبشركـ....

نجد \بروح أنكب الغدى أحسن لنا ....وأنتي ي حبيبتي نادي الثريا و خالد فوق ...عشان نتغدى جميع...

الدانه ب ابتسامه \أبشري.....

قائد بعد ان وضع الساعه ب يد لولوهـ \يقولون الغدا من أيدينكـ كا العاده...ألله لايهينك يَ ام ثامر...تراك تكلفين على عمركـ...

نجد \لآوالله مافيه كلافه...مصلحه لك كل الاكلات الي تحبها عساها بعافيه على قلبك وقلب أهلـي...

قائد أبتسم ليحمل لولوه من جديد ويضعها بَ أحضانه...

.
.
.
أنـتـظــرته...وهو...أسرف بغياب...!
.
.
.
في المساء...
.
.
.
أغمض عينه...
لتغزوه تلك الغجريه بأحلامه..كمـا في أيامه...!
ترتدي..ثياب بيضاء...
وترقص رقص الغجر...!
ينتثر حول كتفيها أمنيات عاشق...
و
أهات مراهق...!

تلك الغجريه..يرسمها بحرفه المثير..
وجها الباسم كـ شروق الشمس..
ثغرها كـ حمرة غروبها...!

آنزل قلمه الذي اصابته البروده...
وهو واقف بين انامله...
أبتسم...
وفتح عينيه...!
حاتم زفر بضيق...
وتلك الروايه رافضه رفض تام ان تنساق بين يديه..فكل حرف فيها هو كولادة متعسره....!
أنتبه لطرقات خفيفه لباب...
ودخولها الهادئ يملئ اروقة هدوءه..عطر فاخر...!
.
.
.
الجموح بـرقه هادئه \قلت يمكن تحتاج لـ كوب بابونج...يريحك ويخليك تكتب بهدواه أكثر..؟
أبتسم وهس تضع الكوب بمحاذة الورق...\جاء بوقته..يا الغاليه...
أبتسمت لتجلس بكرسي قريب وتتدثر بصمت خجول وهي تراقب ارتشافه لكوب...
من ثم علقت على صوت البدر..
وهو يعانق نقوش مرسومة بزوايا غرفته المفعمة بَ ذوق رجولي خالص...\بدر..اذا بسمعه كل ليله..أحس ان الليالي كلها ليلة اكتماله..!
أنزل الكوب \ مثل دايم السيف ياخذك لـبعيد...
أردف \ذوقنا دايم واحد...با الاشعار وب الشعراء..با الكتب..با الأهتمامات..با الأفكار...تقولين تؤم..!
ختم حديثه بضحكه هادئه..
الجموح \ يمكن من حبي لك صرت أشبهك .. اذا قالو فيك ملامح من حاتم....أحس اني فوق الوصف كنت..!

وضع أطراف أنامله على خده يصغي لحديث جوريته ..و...يبتسم...,

أردفت \عارفه اليوم احتدينا بنقاش وزعلتك..بس والله مايهون علي زعلك لكن بهذا الموضوع انا أتنرفز...وأزعل الجميع..

حاتم بهدوء \ الظهر رحت لغرفتك وحصلتك نايمه...بلا غدى...يقولون مصدعه...عسى ماشر..؟

أبتلعت ريقها \صداع بسيط...

لتردف \لكن اوعدني ماعاد نفتحه عشان مانزعل من بعض واجرحك من دون ماقصد بكلامي...

حاتم بتهرب\ شفتي الروايه الي على الطرف..شق النهار...أقريها الليله...جميله وراقيه...باللهجه المصريه وانا عارفك تحبين اللهجه المصريه...

أبتسمت بتردد وهي تتناول باطراف اناملها الروايه لتفهم ان هذا الحديث كا المشنقه رباطها حول عنقها يشدها يوماً عن يوم...

الجموح \أستئذن...عندي كم شغله لازم اخلصها...تامر على شي يا الغالي..

أشار برأسه حاتم بنفي لتغادر الغرفه وييتبع بعينيه خطواتها..
و
أغلاقها للباب...
.
.
.


ترى هل أنا طرف أساسي في هذه اللعبه..؟


ماذنب الجموح كي تذبل يوم بعد يوم...؟




كي يتكرم قائد ويأتي لزواج بها...!


لما أصمت..!


لما لآ ارمي الكره خارج اسوار هذا الملعب الذي


ظلت حبيسة ملعب فارغ لايوجد به الا لاعب واحد...!
.
.
.
أنـتـظــرته...وهو...أسرف بغياب...!
.
.
.

صعد بخطواته الهادئه ليستغرب أطلالتها من ثم عودتها لصاله المفتوحه...

قائد بستغراب\ليش ماتنزلين...جارتكم ام حسين وبناتها..خبري فيك تحبينهم..؟

أرتبكت بألم \ها...لآ...مابي...!


أرتفع حاجبه وهو يلتقط أرتباكها وأنطوائها المفاجئ بحتضانها الكوب ..ليشد الخطوات ويجلس بـ الاريكة الاخرى...
ويشد ريموت الـشاشه ويقلب بـتظاهر بعدم اهتمام...

لحضات قليله...

ليستدرجها بهدوئه...\الى متى العزله...؟

ثريا ب مفاجئه تتداركها با ابتسامه\ها...وش عزلته..لآ...عادي...اصلن عادي..!

قايد \ ثريا أنتي صرتي انطوائيه زياده عن اللزوم...ماقلنا شي الواحد يبي له فتره يجلس بحاله لكن مايعتزلهم بشكل هذا...

أطلقت تنهيده \ قايد...انا نحفانه ها اليومين ومسمره..وحتى شعري تساقط...مابي يقولون من الحب يوم فارقة تطلقت شآينه

أكيد انها تبيه....وهو الي طلقها...

تعرف تفكير الناس الي ماهمه الا من تطلق ومن تزوج..!

أبي اجلس فتره واطلع بشكل ثاني وبلوك ثاني...أغيض فيه العدو وأفرح فيه الصديق...شكلاً ومضمون...

عطوني وقت أنا أقدر ارتب اوراقي المبعثره بنفسـي..ومن نفـسي برجع..!

وقف \على راحتكـ....أنا نازل لـعمي كايد....بنام عنده الليله خلـي الخدامه تنزل لـي فراش...,

الثريا \أن شاء الله...,
.
.
.
بعد نصف ساعه...
.
.
.
عند العم كائد....

مستغرق بنوم عميق...


تحت أنظار قائد الذي يتأكد من تدفئته كل حين...


أبتعد بخطواته عنه لـيجلـس بـقرب الجمر..ويقلبه بـ الملقط....

.
.
.

كم سنه مرت علينا يَ الجموح...؟

لآ..

أنتـي لـنتي بـتسريب الكلام الـي يوصلني من حين وحين...!

ولآ...

أنا طاح بعض الوجع الي بصدري عليكـ..!


ماقدرت أضمك لـصدري زوجه...


وأنتي الي تغافلـتي الحب الـي لكـ ..و..رحتـي....وأخر همومكـ قلب بـ شنطة سفر وشهاده بدلتيه...!

أيه أدبتكـ....


وأستكـثرو الناس علـي الملامه وهم عن الهوى وكسره مايدرون...!



.
.
.
نقف هنا...
.
.
.
همسة محبه...\ كُلما ضاقت عليك نفـسك ردد...ربي أني مسـني الضر وأنت أرحم الراحمين...,
.
.
.
اللقاء يتجدد اذا الله كتب لنا عمر...يوم السبت القادم بإذنه...
أستودعكم الله
.
.
.