توتو حبي البارتات صغيرة مايمديني أدخل بالجو إلا تخلص ><

خيتو حبيت هالقلايد وحبيت النمر بس أظن بيكون الذيب وإلا عبدالرحمن هم من نصيبها .. هذا توقعي ...

ودي أفهم ليش ذيب كان يسوي معاها زي كذا ؟؟؟ حرام عليه طفلة هي مهما كان ماشاف منها شيء ليش يأذيها كذا ؟؟؟

بانتظار الخامس غلاتي ,, ويسلم لي الجمال ^^

السلام عليكم و رحمة الله وبركاته


تركيبه الجميلة كيف هي احوالك ؟

اولا و قبل كل شيئ حبيبتي ليس هناك شيئ لتعتذري لي عنه فنحن اخوات قبل كل شيئ و لله الحمد ^_^

فلا نجعل شيئا يؤثر في علاقتنا

قلايد بدات أمور كثيرة تنكشف لنا

اولا انه سبب طلاق أمها من أبوها شكه في نسبها و ثانيا انها كانت راح تعيش مع اهل أبوها لولا مشاكل جرت و أكيد ما راح تكون الا من تحت راس عذيجة
الا أني أبوها حقدت عليه و كرهت لأشياء كثيرة اولها انه طلق ام قلايد قبل ما يتاكد و ثانيها انه رفض البنت مدة ثمان سنوات قبل ما يتأكد و ثالثها انه حتى و هو أكيد راح يكون عرف انها بنته ما حاول يصلح الأمور
و الذيب هذا اللي حاقد عليها حقده ما هو جاي من فراغ عنده اسبابه الكثيرة اللي خلته يحقد عليها
كما ان نمر عنده اسبابه اللي خلته يتعاطف معها

يعني هي عاشت معهم اربع سنين و مع جدتين شريرتين ما لقت الراحة على اي جنب المسكينة

لكن ارتحت انا كثيير لنمر ان شاء الله يكون معين لها و ما يكون اكثر من اخ لان حبيت لها عبد الرحمان سميي ولدي و حبيته يكون لها ههههههههههه

السيف و نعم الرجل و العم صراحة احب الرجولة اللي من هالنوع ما ألومها المسكينة على راحتها معه و مع جدها

اتمنى لها فعلا تغيير جذري لحياتها يكون لها فيه مستقبل احسن
و اتمنى و هي حاليا رجعت تلقى الإستقرار و الاهتمام و الراحة اللي كانت تنشدها


تركيبة مبدعة انت بحبكتك الجميلة و سردك الدقيق و تحول الأزمنة اللذي يجعلنا نعيش الماضي و الحاضر
موفقة عزيزتي في اول خطوات لك نحو درب تالق رائع و سمو فكر جميل

تابعي فنحن بالنتظااااااااااار دائماً بإذن الله

تقبلي مروري
اختك ام عبد الرحمان



*

لاااااااا لاااااااا ليش ماعرف الا بعد هالوقت >>> فيس يبكي هي هي هي

والله وطلع في مفاجأه عسسسل وانا ماعرف

قاعدة احفظ اللي فاتني واقعد اقرا واسستمتع بهدوووء والله مو مصدقه

أكيد كل شي مميز متل تميزك يالغاليه وبيرجعني لعالم الروايات اللي صارلي سنه هاجرته

بقراا شوو فاتني وارجعع اقوول شو بخاطري والله فيني فضووووووول وشووق لكل حرف

ربي مايحرمنا تواجدك وتآلقك

بحفظ الرحمن

اول شي ربي يصبرني ل يوم الاربعاء بس
ثاني مرة بحياتي اقرا روايه مو كامله هههههه اعرف نفسي مافيني صبر

والله اسلوب ووصف وابداااع ماعندي كلمات توفيه حقه ماشا الله تبارك الله
اكييد مو جديد عليك الابداع غلاتي بس انك تتحفينا بروايه منك بابداعك يزيييد بقلوبنا التشششويق والششوق وحب حرفك اكتتر واكتتر

والله هالقلايد تكسسر الخاطر من وين بتلاقيها والا من وين

ذكرياتها توجع القلب والله
ليش ابوها كان مايبيها وشاك انها مو بنته ?
وذيب ونمر ماكانهم اخوة ابداا

والله امها الصراحه ترفع الضغط في ام كذا حرامم عليها مو كانها بنتها قطعه منها

ذكرياتها بالورقة الرابعه علي قد ماكشفت اشيا جديده بس زادت الغمووض اكتر

بانتظاار الجديد علي احر من الجممر خييتو

سلمت اناملك يارب علي هالابداااع

صبباح الغلا ومساء الخيير لأحباب قلايد ..

والله ودي أمر وأرد عليكم وأعطييكم حقكم بالشكر بس الووقت مايسعفني ..
على طوول مشغووله ومآيمديني ..

أعتذر وأشكر الجمييع ولي عووده للتعقييب إذآ سنح لي الووقت ,,

البارت كمآ وعدتكم به ,,))(

ليس من السهل أن تكون بيدك قهوه ومزاجك يتوق لكافيينها ولاتشربها .. حينها تشتعل الاستفهامات ..!!
لم ! وكيف ! ومن المسؤول ! ومالمآنع !
حتى تبرد القهوه ويتبدد المزاج بلآ كيف ..
وكثيراً مآمضى من العمر على هذه الوتيره والمسؤول مفقود مجهول ,,!!
فكر/ أسوأ السيئآت أن تكون قهوتك بشراً .. غير مأمون جآنبهم .

’’’

نهلاء البنيان


,,,,




(الورقة الخآمسه)

شيء من البوح ,,!

ليس للأيآم أمآن أبدآ .. هذا مافكرت به بطفولتي .. التي يجب أن أعيشهآ بكل فرحهآ وجنونهآ وعنفوآنهآ ..
أفطرت ذلك اليوم بغرفتي مع عمي السيف .. فرحت به فرحاً شديداً وكيف لا وأنآ أحظى منه بإهتمآم لم أحظى بمثله أبداً..
جلس معي وأكل وأصر أن يؤكلني لقمة بعد لقمه ..حتى شعرت بالتخمه ..
وبعده دخلت الخآدمه حآملة معهآ سلة كبيرة الحجم بهآ عدة أستحمآم ..
لم أنظر للسلة بتآتاً إذ شغل فكري هذي الخآدمة التي كلفوهآ لتقووم لخدمتي ..
أخذت الرجفة المعتآدة لي بالظهوور .. حتى أزدآدت لتصبح رقصة هستيريه ..
مع أنين يشبه الهذيان ..
وكل مآ أقتربت خطووه تزدآد رجفتي أكثر ..
دآر بخلدي يوم ان سمعت من عوشه بأن من سيقوم بخدمتي هي جليله ,, وعرفت بأنهآ الخآدمه الخآصه ..
فبيت أمراً بأن اكلم عمي السيف بشأن هذا الأمر ..
وقد نسسيت ..
أقتربت بخووف وأمسسكت بعضدي ..
إيس فييه حبيبي إيس فيه ..!!
نفضت يدهآ برعب شل جسمي كله ولم أستطع التكلم ,,
عمي السيف كآن يغسل يديه بعد فطوره وسمع (جليله) تصرخ بي وأتى مسرعاً ..
_ وش فيج بنتي وش ياج ..!!
أخذني بأحضانه وضمني بشده وعينآه تنظر لي بقلق وخوف .. !!
_تحجي قولي شفيج شو مروعج تحجي ..!!
_ هدهآ عمي هدهآ ..
أتى صوته حآزماً قوياً هآدئاً ..
_ وش أهدهآ يابووك البنت فيهآ شي وخآيفه ..
_ إيه عمي وآضح بس هدهآ .. موقلت أنت بتوديهآ السوق ..!! خل آخذهآ أنآ بدآلك أنزين ..
رفعت رأسي لحضتهآ علني أعي مآيدور من حولي ..لأرآه يغمز لعمي السيف وهو يومئ له برأسه ..!!
ترآجعت بهدوء وأنآ أشهق وأنشج نشيجاً يخرج رغماً عني ..
_ جليله خلي الأغراض وأطلعي ..
قالهآ وحمل السلة منهآ وأدخلهآآ الحمآم ..
ليأتي ويجلس أمآمي ..
_ قلايد قومي البسي عشان أوديج تشرين لج اللي تبينه .
رفعت رأسي له ورأيته يومي برأسه لي ب أبتسآمة مريحه ..
نهضت وأغتسلت ولبست مآ أتت به جليله .. جلابيه كبيره نوعاً مآ خرجت وأنآ أتعثر بهآ ,,
رأيت النمر وآقفاً بأنتظآري .. أقترب مني بهدوء وأخذ يدي وقام بعقص الكم وتقصيره ..
أتى بحذآئي وألبسني إيآه وأمسك بيدي وخرجنآ للسيآره ..
قلت له وأنآ أنظر للسيآرة الصغيره ..
_نمر وينهآ سيارتك الخيمه .!!
_ ههههههه وش خيمته يابوي !! اسمه حوض فديتج ..
_ إيه الحوض وينه ليش مآنروح فيه ..
_ مآيصير فديتج ذاك حق القنص بس ..
رأيت الذيب يقترب منآ بسيآرته .. وأختبئت خلف نمر برعب فعيونه لاتبشر بخير .!!
سمعت صوت إغلاق الباب العآلي .. وصوته ..
_ على ويين ياخوك متوجه ..!!
_ قريب فديتك .
_ لاه أحسبه بعيد فديتك من جي استهميت ..!! أقول على ويين ..!!
_ وأنت شحآرك يآخووك ..!!
_ موأنت موآعدني تطلع معنآ أنآ وهذآل ..!!
_ هيييييه نسسيت ياخووك .. مآعلييه أطلع شوي وياي ..!! دلوني على مكآنكم بس وأجييكم تقدموا أنتم ..
كآن يحآدثه وهو يفتح لي الباب ويركبني ..
_ الليدي وين بتوديهآ .. !!
_ أبطيير وياهآ ..
أبتسم ملوحاً له بيده وركب ..
_ يالله حيهآ قلايد ..
شحآلج يآحييج .. !!
_ أنتم شلوون تتكلمون !!
_ ههههههههههه وشلون نتكلم شقالولج ألمآن أحنآ ..
_ كم عمرج قلايد .. والله صدق من سمآج قلايد .. قلاده وآيد لايق عليج ..
_ مدري كم عمري ..!! خاله ايمان تقول سبع بس من زمآن قالت يوم أنآ صغيره شوي ..
_ يعني عمرج ثمآن اللحين ..! يآحيج والله .. تبين بوضه شكولاته ولا حليب ولا فرآوله ..!!
_ أبي شكولاه زي اللي تآكلهآ بنت خآله مضآوي ..
_ وش أسمهآ عشآن أجيب لج زيهآ .. بعدين ليش مآتعطيج منهآ ..!!
_ حقتهآ وبعدين عشآن أنآ مآعندي فلوس أشري ..
_ آآهآآ طييب شرآيج تنزلين تآخذين اللي بخآطرج ويمكن تلقين زي اللي مع بنت خآلج لأني مآعرفهآ أنآ ..
_ عآدي أنزل ..!! بعدين تراي مامعاي فلوس .
_ فديتج أنتي وعيونج مآعليه أنآ أعطيج فلوس ..
_ لا مايصير آخذ من أحد فلوس ..
_ أحد أنآ مو أحد أنآ نمر نسيتي هههههه
_ هههههه لامآيصير آخذ من نمر فلوس مآبي ..
_ عيل سمعي اسلفج هآه وبعدين لو رزقج الله تردينهم لي ..خلاص
_ لا مآبي مآبي
_ أنزين هديه مني لج قلايد انزين جي ,!
_ إيه زين .
نزلت ممسكة بيده أتطلع له بـ أمل ..
هل أتى الفرح .. !!
هل هو دعوة من السماء ..!!
هو ,, غيمة وقتهآ أستفي بظلهآ وأنهل من عذوبتهآ ..
هو ’’ ينبوع من مآء عذب أستسقي منه مآحرمت منه وأشبع ..!
جبت الأسوآق برفقته وأشتريت كل مآ أحتآجه ..
وكل تلك اللحظات مآفتىء الذيب يتصل ويتوعد النمر والنمر يضحك ويتلقى غضبه وعصبيته بضحك وأبتسامه ..
بالطريق إلى المنزل سألني ..
_ قلايد انتي مآتبين )جليله( ..!!
_ .......... أآآآ أنآ كبيره وأسوي كل شي بروحي .
_ هيه انتي كبيره وعسب جي مآتبين جليله ..!!
_ إيه مآبيهآ ..
_ إذا مو عآجبتج أجيب لج غيرهآ .!
_ لا لا لا أنآ مآبي أحد أنآ أهتم بروحي أنآ كبيره .. عند الجآزي كل شي أسويه بروحي
_ كآن عندكم خدآمآت وآيد ببيت الجآزي وكنتي مآتحبينهم !!
_ إيه انآ مآحب الخدآمآت .
_ آهآ هم يضآيقونج ..!!
_ .............
_ أنآ يوم انآ بعمرج كآنوا الخدآمآت يضايقوني عسب جي مآحبهم .. بس يوم كبرت اشويه كانوا لما يضايقوني اخبر اخوي الذيب تدرين شنسوي فيهم ..!!
_ ..............
_ نحرقهم بالولاعات وهم نايمين ويقومون متخرعيين ههههههههههه
_...............
_ أنتي ماقد فكرتي تحرقينهم هههههه
_ أنآ صغييره مآ عرف بعدين هم كبارين ..
_ هييه لازم الواحد يصير ذكي ويعرف جيف يخوفهم ..
وصلنآ للمنزل ولم أعي بأنه كآن يستدرجني للحديث عن أسراري طوآل الطريق ..
..
ونحن ننزل رأيت أمآم الباب الكبير طفلة تكبرني بـ أعوآم .. كآنت تنظر خلسة من فتحة الباب ..
نظر لهآ نمر وضحك ,,
_ عفآري تعآلي سآعدي بنت عمج ..
خرجت عذيجه ونحن نقف أمآم السيارة ننزل الأكياس ,,
_ نمر خل الأمور تمشي بهوانآ ولاتحآول تقرب بينهم ..
_ ههههههه مو كل شي يجي على هوآنآ يآ عذيجه تجري الرياح بمآ لاتشتهي السفن .. متى ترضين بالوآقع عذيجه ..!!
_ نمر واللي يرحم والديك مآبي تفلسف أهم شي بنتي مآبي تقرب صوبهآ ..
_ ليش فآيروس الله يستر هههههههه
_ يابرودك ,,
سحبت عفاري واغلقت الباب بقوه ..
ومعه أنغلق قلبي عن تلك العائلة إلى الأبد ..
أدخلني للملحق وطمأنني بأن جليله لن تأتي وإن أتت فـل أخبره ..
أخبرني كم الحياة جميله وذات بهجه ولاتستحق أن أحزن لأجلهآ ..
وذهب ,,

’’’’’
الحآضر ,,

آآه كم من آيآم مرت بحلوهآ ومرهآ ,,
ولم يبقى فيهآ إلآ ذكره الطيب بأيآمي ..
ذكره العطر ..
ذكره الحلو المبهج ..
كنت جآلسة على عتبت الباب حينمآ استرجعت المآضي ..
وهآأنآ أجلس على عتبت باب المآضي ..
باب الملحق الذي أحتوآني ..
نهضت وأنآ أرى العآمل يدخل للمنزل بخرطووم المآء .. يسحبه من خلفه ليسقي النخل الموجود بالفناء ..
أخفيت وجهي بحجآبي وأنسليت بهدووء ..
وخرجت مع الباب ..
لأجد الجد أمآمي .. الذيب ..
حملق بوجهي ملياً .. وقال بغضب ..
_ شيابج هني قلايد العزبه ممزوره عمال أطلعي الله يهدآج ..
_ سم هاللحين نسيت حالي ومآفكرت بالعمال ..
_ قري داخل لين يروحون ..
_ سم ..
أسرعت بخطواتي وأنآ أخبئ وجهي بـ استحياء من الذيب ..
ذهبت لغرفة عمتي نوره .. هنآك حيث فراشي ,, أردت الرآحة وأستعآدة بعض الذكريات وأنآ مسترخيه ..
كنت أصعد بشروود ..
لتتلقآني عفآري ..
_ قلايد بن الحلال عند طآريه .. تو نطريج
_ عسى خير يارب ههههه
_ هييه الخيير بويهج حبيبتي تعالي نقي لج غرفه تبين غرفتج بجنبي ولا بجنب نوره ..!!
_ أختيار صعب الله يهديك.. كله وآحد عآدي
_ لآآع قاعدين نتنآقر ونتهآوش عليج كل وحده تبيج بجنآحهآ شرآيج ..
_ طيب سوي قرعه وكل وحده وحظهآ .. وآنآ يازين حظي تتنآقرون علي ههههه
_ هههههههه طيب انسوي قرعه ..
كنآ نصعد بضحك جميل .. وفي أعلى الدرج وقفت عذيجه ..
_ بتحطون قرعه ياعفاري شحقه هالتكلف .. خلاص قررنآ وخلاص غرفتهآ عند نوره .. أنزين !
ردت عفآري بكل هدوء ..
_ طيب يمه
أرتحت لهذا القرار دآخلياً وتوجهت لجنآح عمتي نوره ,, هنآك حيث غرفتي بالجآنب الآخر ..
رحبت بي وانآ اسمع ضحكهآ عآلياً ..
_ يآآحيج قلايد وجتنآ طلعه من ورآج ..
نظرت لهآ مستغربه ..
_ على وين أن شاءالله .. !!
_ على سوق الأثاث حبيبتي عسب تنقين غرفتج على ذووقج .. شرآيج ..
كثير علي ,, قلتهآ بخآطري ولم أنبس بهآ ..
_ مآبي عمه رووحي أنتي أختآري لي على ذوقك مآبي اروح انآ ..
_ ليش مآتبين تروحين وش بتسوين بالله .. لاحبيبتي ألبسي عباتج وأمشي جدامي يالله ..
_ والله مآبي أروح مآحب السوق ولا لي نفس أدور بالأسوآق واتشرى مآلي خآطر ..
كنت أتكلم وهي تبحث بدولابهآ وتخرج العبآءآت بأنوآعهآ ..
_ نقي لج طرحه وعبآة من حقاتي وأمشي .. هههههه خبرني الذيب عن عباتج حقة امي عوشه هههههههههه
أزددت حنقاً لهذا الذيب .. كم من ندرة ونكتة أغتآبهآ عني بغيابي ..!!
_ الشكوى لله كل وآحد يمد رجله على قد لحآفه .
_ صدقج بس انتي رجلج موب قد لحآفج ..!!
قالتهآ وهي تنظر لي بعين ثآقبه غآمضه ..!!
_ شقصدج ,,!!
_ بعدين قلايد أعلمج بقصدي اللحينه ألبسي عباتج وامشي جدآمي أشووف ..
خرجنآ ونوره تستعجلني ..
_ بسرعه خسج الله لايغيير رايه ..
_ منو هذا ..
_ وفيه غيره أحد يوصلنآ ..!!
رأيته يجلس متكتف وآضعاً السمآعآت بأذنه ويتحدث بـ هدووء غريب عليه ..!!
لا أسمع مآيقول أبداً ولا أعلم لمآ حاولت أن أسمع ..
لعلي أتطلع إلى أخبار عن ذلك البعيد ..!!
رمقني من المرآه الأمآميه وضحك وأنزل السمآعه ..
رن جهآزه للمرة الأخرى ,,
_ ذياب حبيبي وين بتودينآ ..
_ نوره صخي شويه بحآجي الريال ..

ليرجع ويرد بصخب ,,
_ هلاااا بحبيبي هلااا ..
!!!
غريب , مزآجي , ,,
يتحدث مع صاحبه بصخب وأنآ أتطلع لوطني الذي لم أحيآ فيه ,,
المباني الضخمه التي أزدآدت, وازدهردت ..أربع سنوات مضت غآدرتهآ وأنآ في الحآدية عشره ..
لأعود لهآ وقد تخطيت الخآمسة عشره .. .. أشتقت لهآ حتى الثمآله ..بلدي الذي أفتقده بشده .!!
,,
أيقضتني نوره من سرحآني ..
_ قلايد تبين باسكن ..
_ بآسكن .!! إذا بتشترين جيبيلي معك ..
_طيب أنآ أقولج إذا تبين اشتريلي معج ..
_طيب ..
_ تبين يعني نووقف هآه ,, وقف ذياب دخيلك هذاهآ تبي ..
نظرت للمآكرة بغضب ,,وقلت
.. لا مابي باسكن أبي قهوه ..
_ فقدتج
قالتهآ حآنقه وذياب يقف عند الكوفي ..
_ وش بغيتي !!
قالهآ ذياب وهو ينظر لي بالمرءآه ..
_ قهوه
_ شني القهوه حاره ولا بارده ..
_ مدري شرايك أنت ..اللي تلبس عباة أمي عوشه برايك تعرف للكـفيهآت .!!
ألتفت بغضب لـ نوره التي ضحكت .. وقال
_ فقدتج أنتي ويا هالضحكه .. مسويه نميمه ويا ويهج ..!
_ ههههههههه كشفتني قلايد ههههههههه
_ جب خسج الله ..
_ عيل دآمج مآتعرفين الكآفهآت على قولج .. أبجيب لج موكآ بآرد لايق عليج .. خل يطفي الحريقه اللي بقلبج ..هههههه
,,
أخترت الغرفة سوداء وأختلفنآ أنآ وعميمه ..
_ شفيج حبيبتي تاخذين سوداء لاحقين على الهم فديتج بعدين الله يهديج انتي صغيره تاخذين سوداء !!
_ كيفي عميمه معجبتني بعدين تعالي اقولج .. الفلوس اللي ابشتري فيهآ منين لج ..!!
_ طآع هذي شنو هالسؤال من وين لي اكيد من ابويه .. وجآن قصدج أنه تثقلين عليه ولا شي حبيبتي أحنآ أهلج وملزومين فيج لاعمرج تتحسسين من هالنقطه ,, وأبويه قالي امس اطلعي اشتري لقلايد غرفه وعطاني بيزآت وأنآ طعت الشور ..شرايج ..!!
_ طيب دآمك جبتيني مآسمعتي كلامي يوم أقولك روحي انتي نقي لي أبي الغرفه السوداء ..
_ طيب ويا ويهج براحتج
بالطريق سألنآ ذياب ,,
_ شحقه مآقلتوا لبنآت عمي سيف ييون معنآ
ردت نوره وأكتفيت أنآ بالصمت ,,
_ ليه يابووي عششان نتأخر بسسين وجييم من عذيجه ..
_ ماعليه نوره لازم نتحملهآ لو مو عشان البنات عشان عمي سيف طيب .
_ أأأوف رآحت عن بالي والله خلاص عفيه لاتنكد علييه .ـأبوس راسك

,,
رجعنآ ونمت عند عمتي نوره ذلك اليوم وغداً تصل الغرفه .. عكفت طوآل اليوم على تلك الكتب ..
حتى نسسيت نفسي ..
الأيام تكوون رآئعة هنآ .. رآئع كل شئ فيهآ ..
سمعت رنآت ونهضت أبحث في الغرفه ..

ربمآ أحد يريد عمتي نوره .. والمتصل يلح كل ثانيه يتصل ..!!
أقتربت من شنطتي الصغيره وسمعت الرنآت تصدر منهآ .. وشهقت ..
نسسيت هآتفي ولم أذكره بتآتاً ..
أخرجته بسرعه لأجد عبدالرحمن يتصل بك ..
أغلقته وكتبت رسالة له ,,
السلام عليكم ..
الحمدلله أنآ عند أهلي ومبسوطه وبخير ..
تآمر على شي ..!!

أتآني الرد سريعاً ,,
الحمدلله على السلامه ..
والحمدلله انك مبسوطه ..
أبي سلامتك .. وإذا بغيتي شي لايردك إلا أرسال الرساله ..
والله يحفظك .

أغلقته بـ أمتنآن ..
ودخلت عمتي نوره ..
_ قلايد العشاء حبيبتي ولاتقولين مآ ابي .. الغداء رفضتي وطوفتهآ لج ..
_ وووالله ووالله بي نووم معلييش أبنآآم
تلحفت ببطآنيتي معلنتن الرفض التآآآم ..
وأغمضت عينآي رآآحلتنـ عبر الأحلام ..
,,
(5)