()
غيآبهآ عن عشّآقهآ يصيبهُم بـ دوآر الحيآة .. فلآ يمكنهم إستيعآب أيّ أمرٍ وقتهآ !
وأقسم شعُوراً بأنّ هنآك من يجعلني غيآبهم بـ شعُور ممآثِل . .
فكر / الغيآب يمسحُ عن صورنآ كلّ العيُوب ويمجّد في شخصنآ كلّ المعآني السآمية ..
ولكنّ الغيآب قآتل بعضَ الأحيآن ,
أشيآء أخرى : لآ يعترف البصريّون بـ رسآئل الشوق الخآلية من الصور .
* نهلآء البنيآن .
))الورقه السابعه((
فرح سيأتي ..
,, \
أستيقضت لصلاة الفجر .. ولم أستطع العودة بعدهآ للنوم , فقد نمت الليل كله وشبعت ..
أيقضنآ عمي السيف للصلاة طآرقاً الباب علينآ بكل أزعآج .. وبصوته المحبب يقوول ..
_ الصلاة ,, الصلاة قوموا صلوو يابنات ..
استيقضت بسرعه على أثر الطرق .. أمآ نوره فقد تعودت على مثل هذا الصوت ولم تستيقظ ,,
فتحت الباب وطل بوجهي وجهه المنير السمح ..
_ صباح الخير والبركه يابنتي ..
_ صباحك نور ومسره عمي ,,
مد يده وحرك شعري ببعثرة حنونه , وقال
_ قومي اللي نومهآ جنه نوم أهل الكهف لاتفوتهآ الصلاة .
_ سم اللحين
_ ودآعت الله
وذهب وذكر الله على لسانه ,, أستودعته خآلقي وذهبت لأوقض نوره ..
صليت فرضي وجلست أقرأ وردي وحزبي ..
ونهضت نشيطة , غيرت ملابسي بتلك التي أعطتني جدتي , جلابيات ليست عصرية بالطبع
لكني سألبسهآ لأجلهآ, تذكرت قولهآ بنت الشقر ههههههه هذآ لأني كنت ألبس بنطآل وبلوزه طويله إلى حد الركب ..
كنت أرآهآ سآتره وليس بهآ مآيريب , فتحت الغلاية على المآء وقمت بتجهيز القهوه ..
نزلت للأسفل لأسلم على جدتي , فهي تجلس كمآ أعتقد حتى تشرق الشمس , ثم بعدهآ تنزل للعزبه ..
طرقت الباب عليهآ بالغرفة التي تجلس بهآ غالباً , وفتحت الباب بهدوء وأطلت بوجهي أبحث عنهآ ..
وجدتهآ تجلس بمصلاهآ والذيب مستلقي براسه على حجرهآ , تأففت بدآخلي منزعجة من وجوده ,
ألتفت برأسه لي ولم ينهض , اقتربت بهدوء وقبلتهآ برأسهآ من خلفهآ , وقلت هآمسه ,
_ صبآحج خير جديده ..
_ جديده جي تقولونهآ بالسعودي ههههه أنزين مافي صباحك خير لي آنآ ..
قالهآ وهو ينظر لي بمكر , جلست بالجآنب الآخر من جدتي , وقلت لهآ هآمسه ,,
_ أبسوي القهوه آنآ وين تبين أحطهآ ,!
ألتفتت برأسهآ لي وقالت ,,
_ الله يصبحج برضاه , أنزين وديهآ للعزبه
_ سمي
نهضت بسرعه لأهرب من نظرات المستلقي برآحه , وذهبت للمطبخ الخآرجي , قابلتني عذيجه مكشرة الوجهه ..
قلت لهآ مبتسمه ..
_ صبآح الخير عذيجه ..
_ صبآح النور , مآشاء الله قمتي ,,
_ إيه قمت مآتشوفيني هههههه
_ تصدقين مآشووفج ممره مآتبينين
قالت كلمتهآ وذهبت ..
رددت بخآففقي ,, الله يكفين شرك بس مآبي غير كذآ منك ,!
دخلت للمطبخ لأجده ممزوراً بالخآدمآت , ترددت بالدخوول بقلق , أكرههن أبغضههن بغضاً لايعلمه سوى خآلقي ,
أتى صوته من خلفي ,
_ عيل بتسوين القهوه قلايد .. ترآ أبويه الذيب للحينه يتطعم فيهآ ومفتشل يقولج سويهآ , زين اللي يات منج ..
_ أنت اللحين أشتبي جيت .!
_ ياي آخذ الوصفه ..
_ الوصفه أعطيك أيآهآ بعدين .. أترك الياهل بحآلهآ ..
قلتهآ وأنآ أبتسم ببغض ,
_ الياهل أخليهآ عند الخدآمآت مآيصير ..!!
قالهآ بمكر وهو يومي برأسه ..
تفآجأت ,
هل أخبره النمر بسري , !!
هل أفشى ذلك الحبيب عن مكنونآتي ..!!
شعرت بـ المهآنة الشديده , وقلت بغضب ,,
_ أقوولك خلني بحآلي وفآرق ..
_ يوم أقولج فآرجي أمس مآفآرجتي خلي أرد العنآد بعنآد شرآيج ..!!
_ أجل أنت اليآهل مو أنآ ..!!
_ هيييه أنآ أعترف أنآ جآهل مو يآهل ,, !! والجهل خييبه ولا شرآيج ..!!
,,
دخلت سيارة أحدهم ونحن نتعآرك بأحآديث للتو علمت كم هي تآفهه , ولكن حينهآ كنت أتمنى خدش عيونه التي تشبه عيون النمر المتوحش الذي كآد أن يبتلعني , تلك النمور المتوحشه التي يقوم بتربيتهآ بهوآية غرييبه ,,!!
نسيت أن أسأله أين هي ,, حتى بعد تلك الحآدثه سآفرت ولآ أعلم مآفعل بأمرهآ , بالتآكيد لن تكون بالعزبة كمآ كآنت , !!
_ أدخلي بسرعه المطبخ ..
قالهآ بنزق غريب وهو يشير بيده بسرعه لي ..
دخلت للمطبخ وأنآ أرتجف ذلك الأرتجآف الذي يعآودني عندمآ أشعر بالتوتر , أرتجآف رهييب يمر من أسفل قدمي حتى مقدمة راسي .. أتلفت بريبة نحووهن , وقلت بصوت وآهن ,
_ أنآ بسوي القهوه والريووق أطلعوا أنتم ..
أشآرن لي بأبتسآمة غريبه وجليله هآهي ذي بينهن تومي لهن وهي تتكلم معهن بتمتمة هآمسه ,, خرجن وهن ينظرن لي بغرآبه .. بالتأكيد توصيات النمر لازآلت تجري بمجرآهآ !!
قمت بإعدآد القهوة والفطور .. وجئت لأخرج ,, ورأيت السيآرة التي قد دخلت قبل قليل لاتزآل موجوده ..
تأففت بغضب ,, كيف أخرج الآن ,,!!
لو أنني قمت بإعدآدهآ بالمطبخ الدآخلي لأنتهيت بسرعه , ولكن هذآ المطبخ هو الأقرب للعزبه , ..
طرقت الباب بقووه ,, ولآ من مجييب ,!!
طرقت الباب مرة أخرى وأتى صوته ,
_ أنززين أنزين أنتبهي لاتحترقيين بس ..
_ أبطلع ليش مآتطلع أنت ويآه برآ ..
_ أصبري وش حآرج ..
_ أقوولك أبطلع جدتي تنتظرني بالعزبه ..
_ صبي لي طيب فنيان آخذه قبل مآ أطلع , الريال ملزم أطلع معه .. وأنآ نفسي بالقهوه..
أخرجت نقآبي من جيب جلابيتي , وعدلت ملفعي الطويل بغضب , وحملت الصينيه ,
حملق بي بغضب ,
_ حووه وين رآيحه ,, !! أن شاء الله بتطلعيين تتمشين قدآم الريال .. !!
_ إيه بطلع موب قاعده أنتظرك يآحضرة الظآبط ...
_ هههههههه حلوه ظآبط أتخيلني بس ,, أقول قري مكآنج لين أشرب الفنيال وأطلع ,,
_ وخررر عن طريقي بس موب صآبره ووخررررر
صرخت بهآ بغضب شديد لا أعلم مآ الذي حل بي حتى أصآب بهذآ الغضب ,,!!
برأيي الآن بأن الغضب لآدآعي له وأن هذآ مآيريده أن يكوون وأعجب به ,,
_ أنززين أنززين أعصآبج بس لا ينط فيج عررق .. والله أول مآييتي مآعجبتيني قلت البنت يآهآ شي اللحين زين هذا اللي ينآسبج ,,
_ أفففف اللهم طوولك يارووح ..
_ القهوه طررر يالله أستوودعج ربي .. سلااام وأنتظري لاتطلعين لين تشوفين السياره سايره .. أنززين ,,
كنت أنظر له بكرره عميييق ,, أبغضه بحق أبغضضه وتصرفآآته ,,التي لاتمس لمن بعمره بصله , رجل سيبلغ الثلاثين بعد بضع سنين قليله , غريباً على من مثل سنه هذه التصرفآت ,, ومع مثلي بقوله لي (ياهل ( ,, شر البلية مآيضحك ..
_ أتوقع لو عيونج تذبح جد لي ميت اللحينه ..
قالهآ وأبتسم بمكر وأنصرف يعدل غترته ويلفهآ بإحكآم على رأسه ,,
أنتظرت حتى أنصرفوا وخرجت ..
_ يارب رجعلي الصبر اللي كان عندي ..
دخلت للعزبة وتوجهت للديوانيه , لم أجد أحداً , ولكني لمحتهمآ يتمشيآن بين النخيل ذلكم العآشقآن ..
آآه جدي الذيب .. منذ اللذي غيره ..!!
أذكر حينهآ قبل ذهآبي للمدرسه , كنت أذهب للمطبخ وأعد القهوة له وأضعهآ هنآ بالدوآنية أو أضعهآ تحت تلك النخله ,
وكآن يسعد بذلك , وذلك بالطبع ليس بسهولة بدأت معه الرفقه , بل بعد أثر منآوشآت وتجآهلات , حينهآ النمر هو من بآت يقربني من الجميع , أذكر ,,
دآئماً مآ أكون قآدمة من هذآ المطبخ الصغير اللذي في العزبه .. خآرجة منه وألبس مريولي المدرسي , وألف حجآبي على رأسي , أحمل صينية بهآ دلة القهوة والتمر ,
قهوتي ليس لهآ مثيل , أتقنت صنعهآ منذ كنت بالسآبعه , قبل مجيئي بالطبع , علمتني الجآزي عليهآ لكي أقوم بصنعهآ لهآ ,
كآنت تضع لي الكرسي الصغيير بالمطبخ , وتفتح لي الفرن وتخرج , وأصبحت قهوتي ليس لطعمهآ منآزع ..
وبالطبع من مدح الجمميع وطلبهم لهآ شهآدة على إتقآني لهآ ..
أيآمهآ كنت أعدهآ للنمر ليخرج بهآ , وأحيآن كنت أعدهآ لنآ حين يقوم بمذآكرة الدروس لي , قال لي يومهآ ونحن نجلس يستذكر لي ..
_ قلاده شرايج تسوين القهوه الصبآح وتذوقينهآ أبوي الذيب ..
_ مدري نمر أخآف يعصب علي لمآ يشوفني .. ولا شي ..!!
_ شحقه يعصب وأنتي مآ غلطتي بشي , سوي القهوه الفير وأجلسي قهويه قبل مآتطلعين المدرسه ..
_ طيب أن شاءالله ..
_ عفيه قلايد .. حآولي تتقربين منه هو يحبج بس مو بعارف شقايل يتقرب منج ..جي ابوي الذيب جآف حبتين مثل الذيب أخويآ بس تقدرين باسلووبج تتقربين منه , تذكرين قصيدج اللي قعدتي تقصدينه عند الضو قبل البارحه , قوليه حقه وشوفي رده ..
_ أوووه نمر من صدقك أنتآ , هههههه أتخييل شكلي اقصد قدآم ابوي الذيب جآن يطآلعني بذيج النظره تلاقيني ميته هههههه
_ مو قاعد أتغشمر آنآ صوتج غرريب ووآيد حلو بالقصييد ويدي يحب القصييد جي عطييه من العلوم ويستآنس ,,
_ أنززين أنززين أشووف
_ سكتيني انزين سكتيني تبين أييب نمر ذيب يخرعج ..
_ لاااااااااا عفيه لآآآآآآ الله يخلييك الا الوحوش اللي عند أخووك
_ عيل يالله ذآكري زيين أبطلع أنآ ,, أنزيين ..
_ طيب ويب لي لاجيت بوضه شكولاه
_ حآظر عمتي أوآمرج تتنفذ .. سلآآم
,,
آآه نمر , أشتقت لك وربي ,, ربمآ صرآحتي مخجله , لكن هل يلومني أحد ,,!!
لا أعتقد .. نمر له فضل علي , بعدكم لم تروا شيء من فضله .. وأصبح أمتنآني ليس له حدود ..
يومهآ عملت بنصيحته كالعآده , وأعددت قهوتي وأتيت للذيب , وضعتهآ أمآمه ورمقني بنظرته القويه , حتى أرتجفت عظآمي ,
بآغتني بسؤآل لم أتووقعه ..
_ متى بتودرين اليلسه ويا نمر !!
_ هآه آآآآآآ
_ صرتي حرمه كبيره مآيوز تيلسين ويآه ومآمعكم حد .!!
قالهآ بغضب شديد ..
_ إذآ كآن الجلب مآيسمع كلامي , أقولج أنتي وخلي اشووف حجيي يتنفذ ولا لا ..!!
_ سم يبه وأنت صآدق بس أنآ نسسيت ..
_ أنزين عسب جي أذكرج ..
صمت خيم للحظآت ,, قلت له بعدهآ ..
_ أقهوويك ..
_صبي ..
شرب الفنجآل بعد الآخر , وقآل بعد هز الفنجآل أمآمي وهو ينظر لي بحده ,,
_ من مسوي القهوه ..!!
_ أنآ ..
_ هييه
نهض بهدوء وذهب , لم يقل شيئاً , أو بالأصح لم أتوقع بأن يقول شيئأ فهذا هو لايعبر بتاتاً عن شعوره ,
أقبل النمر ليصطحبني للمدرسه , وأوقفه الجد الذيب لحظآت يحآدثه بقسوه لاحظتهآ , والنمر مطرق الرأس بأحترآم شديد ..
فكرت بمآ أخبرني الذيب للحظآت عنه , بأن أكف عن الجلوس معه , واستشفيت بأنه ينهره بأن لايوصلني ,,
أقبل النمر لي بعد ذهاب جدي وهو مطرق الرأس يفكر , كآن نمر وقتهآ قد بلغ الوآحد والعشرين , وأنآ كنت بالحآدية عشره , لست صغيرة بالطبع ولكن كنت أظن بأني لست كبيرة أيضاً لأني لم أبلغ بعد ,
_ يالله خل أوصلج ..
قالهآ وهو يجلس على المركة ويأخذ الدلة ليصب له فنجآناً ..
_ هآه عسى أعيبت يدي القهوه .!!
كآن يتصدد بنظره عن عيوني ولا أعلم مالسبب ..!!
قلت بهدوء وخدآي يحمرآن بخجل , وفكري جآل بمآ سمعه من جدي قد يكون مثل مآقاله لي وهذا مخجل ,, مخجل جداً ,,
_ تعرف جدي مايتكلم , بس خبرني من اللي مسوي القهوه وقلت آنآ ,, بس ..
_ هيه أنزين يالله , نمشي
,,
أنقطع خيط الذكريات وأنآ أرى العآشقآن يقتربان ..
_ قوهم ..
قلت هذا وأنآ أنهض من مكآني لأقبلهم ..
_ قوآج ربي ..
قالهآ الذيب وهو يرمق القهوة , أكتشفت بأن كلام سميه صحيح , فجدي كآن ينتظر البآدرة مني , وأحمد الله أني قد فعلت ..
صببت لهمآ وبدأت أضيفهمآ ب حبور وسعآده .. وهمآ يتحآدثآن عن مشآكل النخيل والتمور ومآ تحتآجه العزبه ,,
قلت وأنآ أصب فنجآناً آخر لجدي ..
_ ابوي ذيب مآقد نمت هنيه بالعزبه ..!!
_ لا يابوج مآنمت ..
استمتعت بهذه الكلمه , لأنهآ نآدراً مآتخرج من فم الذيب , أستمتعت بهآ جداً , حتى أنفرجت شفتآي عن ضحكه ..
قلت له بسعآده ..
_ شرآيك نجرب ننآم بحوشهآ جنب النخل , وشرآيج جديده ..!!
_ رآيي من رآي الذيب ,
قآلتهآ وهي تبتسم وتمد لي فنجآنهآ ..
_ هآه الذيب يبون رآيك الشيووخ ..
_ الشيوخ نآخذ رآيهم بالأول ونخبرج ..
ضحكت من أعمآقي , وضحكت عوشه بخجل محبب , وهي تخفض رأسهآ لفنجآنهآ ..
لم يضحك الذيب وهكذآ عهدته , ضحكته أبتسآمه , وابتسآمته إيمآءه , وإيمآءته نظره ,,
مهيب جداً , رغم جفآءه إلا أنه مريح للنفس مرأه , ربمآ لأنه يملك قلباً صآفياً , فمآ بقلبه يخرجه بسرعه من لسآنه , \
حتى لو كآن مآيقوله قآسياً إلا أني لا استطيع أن أكرهه , أو أن أغضب منه , لا أستطيع , فعينآه ليست قآسيه رغم حدتهآ ,,
إلا أنهآ تملك صفآء مريحاً ..
_ البنات ليه مآيقومون .!
قالها لجدتي بغضب ..
_ عيزنآ عنهم ..
_ نوره مآردت عليج بشي .!!
_ لا تقول بتفكر ..
_ الريال معيبني ومآيحتاي تفكر زياده خلاص .. خبريهآ تستخير ربهآ بسرعه ..
_ أن شاءالله
,,
عرفت مايقلق عميمه , بالتأكيد هذا الأمر الذي أشغل ذهنهآ .. لم أنبس بشفه كنت أستمع بصمت , وأتعجب كيف اسرو بأمر أمآمي فليس هذا من عآدآت عوشه ولا الذيب .. ربمآيتوقعون أمراً مني ..!! ولكن مآهو ..
تحمحمت بهدوء وقلت ,,
_ أبويه تبين أقولهآ شي ..!!
رفع رأسه ونظر لي بعين ملؤهآ الأعجآب .!!
هل هذآ مآتوقعه مني ..!! أو كآن يريد أن يختبرني ..!! مآ أمره ..
_ لا بس أبيج تكونين ينبهآ وتشوفين شو اللي بخآطرهآ وتخبريني فيه ..
نظرت له بتعجب وأجبت ..
_ سم اللي تآمر فيه ..
بسري علمت أنه أختبار ليس إلا .. ولكن لمآ يختبرني .!!
غريب جداً هذا الذيب ..
,,,
كنت قد أستلقيت بفرآشي ونمت ولم أشعر ,
أستيقضت عصراً , وقمت بهلع , فآتتني صلاة الظهر ,
صليتهآ وصليت العصر واستغفرت ربي لهذا التفريط , ودخلت آخذ حمآماً منعشا ,
خرجت بعدهآ ,, وسمعت رنين هآتفي يتعآلى ..
عبدالرحمن , يتصل بك ,,
أحترت بأمره وأمري , فأنآ لا أريد محآدثته وربمآ بعدهآ يتمآدى , ولا أريد تجآهله وقد أهدآني مآ أريد ,
غيرت ملابسي , وظل الهآتف يرن مرة تلو الأخرى ,,
كتبت رسالة له ..
السلام عليكم , عبدالرحمن آمرني وش بغيت .!!
رد علي بسرعه ..
,, ردي
وأنآ أكتب له رداً أتصل مرة أخرى وضغطت على زر الرد من أرتباكي ..
_ مساء الخير ..
أتى صوته حآنقاً بعض الشي ..
_ مساء النور ..
_ ليش مآتردين .!
_ مآيصير عبدالرحمن أكلمك ..
_ ليش مآيصير ..! وأنآ اللي مآبغيت ألآ أشوف اخبارك..وش اللي تحتآجينه وأسويه ..
قآلهآ بضعف غريب ,,!!
_ عبدالرحمن تأكد لو بغيت شي مآبتصل ألآ عليك .. بس مآيجوز أكلمك بدون حآجه ..
_ مآتبين تسألين عن أمك ..!! مآتبين مرآت تسالين عن أخوآنك .. !! إذآ خوآلك مآيهمونك على الأقل ذولا ..
_ خوآلي هه هم اللي أخباري مآتهمهم ولاعمرهم بيسألون عن وعن أخباري ..
_ عندي أسأله كثيره وابي تجآوبين عليهآ ..
_ عبدالرحمن إذآ الأسئله موب ذآك الأهميه استحلفك بالله تسكر السمآعه ولاعآد تتصل ,إذآ بغيت شي ضروري أرسل رسآله وأنآ إذآ أحتجت شي مآيردني ألآ التليفون .
_ إيه أخآف التلفون مرآت يردك , مستعده تسمعين الأسئله إذآ فآضيه ..!!
_ إيه أسمع ..
_ وينك فيه يوم أنتي صغيره , !! مآكنتي عند أمك ومآكنتي مسآفره ولا نشوفك ولاتشوفينآ , وينك فيه .!!
_ كنت موجوده فوق بالصطح ..
_ قلايد من جدك ..!!
_ إيه
_ وين بالصطح مرآت أجي أدورك مآ ألاقيك ..
_ بغرفة الخدآمآت ..
_ آآآآآه أبي أعرف السر اللي خلا جدتي الجآزي تخبيك عنآ ..!! من روحتك وأنآ أتردد على خآلتي الريم أبي آخذ أخبآر منهآ وتعرفينهآ شلوون تتهرب من الأجابات ..
_ إيييه أيآم رآحت , وصدقني مآعندي أجآبه , من أعرف إجآبه لسؤآلك بخبرك ..
_ أجل وش مسويه عند عمآنك .!! شفتي أبوك .!!
_ تمآم الحمدلله مبسوطه , وابوي للحين مآشفته .. عبدالرحمن ابسكر تآمر على شي ,!
_ سلامتك , بس للحين أبي أعرف جميع اخبارك الساره والمحزنه ,,
_ عبدالرحمن لايمكن أكلمك ثآنيه خلاص ,, مع السلامه ابسكر ,
,,
أغلقتهآ بغضب منه وعلى نفسي , كيف أستدرجني للحديث , وتهآونت بذلك ..
أقسمت بأني لن ارد عليه مهمآ حدث , ويبقى مآبيننآ في المهم والضروري في الرسآئل ..
أكملت لبس ملابسي , وتوجهت لغرفة نوره أطرق الباب , ..
_ عميمه أنتي هني ..
_ يآزين منطووقح لاقلتي عميمه ..
قآلتهآ وهي تفتح الباب لي ,
_ هههههههه أخجلتم توآضعنآ ..
_ فديتج مآفي غيرج يقولي عميمه الكل هني قآط الميآنه وآيد ..
_ والله لاقلتهآ أتطعم فيهآ وآآيد تعجبني ..
_ هييه آكيد عسب أني عميمتج .. ياحيج وش النومه اللي نمتيهآ ماشاءالله ..
_ آآه شسوي قمت الفجر وكسلت الضحى جي ورجعت أنآم ..
_ يالله ننزل نتفول ويآهم هذا وقت القهوه ..
_ يالله ..
الأسره كل عصريه تتجمع في الصآلون الصغير , الجد والجده وعذيجه وعمي السيف , والبنآت والذيب ..
أجتمآع أسري محبب , فيه تدور النقآشآت الجآده , فـ لعمي السيف طريقة في التعآمل مع بنآته رآئعه ..
يشركهن في أحآديث سيآسيه ويأخذ رايهن ويرى آرآئهن , يحآدثهن بكل مآيخصهن دون حرج ,
وبـ إريحية تآمه ,
أنبهرت بـ أفكآر البنآت بشكل كبير , فمآريه ومريه , ليس هن كمآ أرآهن عندمآ نجلس لوحدنآ ,وعفرآء أرآ طريقة تفكيرهآ
وطموحهآ وأشيآء مدهشه تملكهآ ,
مآريه ومريه , سيقمن بـ أفتتآح مشغل للأزيآء , وسيسآعدهن عمي السيف .. ولكن بالطبع بعد التخرج من الجآمعه ..
وعفرآء , في السنة الرآبعة من الجآمعه , وتطمح للدكتورآه , وعمتي نوره مع عفرآء وفي سنهآ , ولكن بتخصص آخر ,
طموحهآ هندسه .. وستكون مهندسه معمآريه ,,
هآلني الطموح الذي أجده , ولم أفكر به .. كيف أرضى على نفسي ذلك ..
أطروحآت ’ وأفكآر , ومشآريع يخطط لهآ .. وأنآ ..!!
أحب الدرآسة بشكل جنوني , ومع حرمآني لهآ أزدآد بشكل موجع , حتى أصبح الحديث عنهآ يقلقني ويوترني ..
سمعت صوت عمتي نوره ,,
_ قلايد .. قلايد .. قلاااايد حوووه شفييج من زمآن انآديج ..
_ هلا معآج ..
_ وش معآي ..!! اخويه سيف يحآجيج وأنتي خبر خير ..
التفت بسرعه لعمي السيف الذي يبتسم بحنآن ..
_ موب معآنآ يآبوي مووليه .. ههههههه
_ هيه لا هذآني معآك
_ أقولج مآتبين تكملين درآستج ..
_ ألآ بس مو اللحين ..
_ ليه مو اللحين , مآيصير تمر السنين وتصيرين مع الصغار خلج من هالحينه دآمج بعدج صغيره ..
_ إيه أفكر عمي , خلني أفكر ..
_ أنزين خذي رآحتج ..
الأحآديث معهم لاتمل , ولكن لآ اعرف لمآ تعكر جوي بشده , ربمآ لموضوع الدرآسة سبب ..
أذن لصلاة المغرب .. وصمت الجميع ليرددوا مع الآذآن ..
عمي السيف وتدينه الجميل , جعل من أهل بيته آدآب جمه , لم أجدهآ بتآتا عند بيت الجآزي ..
محآفظته على الصلاة بوقتهآ وتذكير البنآت بذلك , حتى الترديد مع المؤذن ولا يرضى بالتكلم والآذآن يقآم . .
كل ذلك جعل من وجهه نورآ يشع للرآئي غريبا , مبسمه وعيونه المريحه, ولحيته المحيطة بوجهه , وأخلآق تخلق بهآ ,
تميز بهآ وجعل من صيته حباً من النآس له , أخلاق عآليه كلمآ تقربت منه وجدته أسمى وأجمل ..
عمي السيف ليس ملاكاً , فكمآ سمعت كآن متهماً , وكآن مبتلى ببلية عظيمه , وخآلقي جعل حب النآس له وذكره الطيب ..
بلسمأ ليخفف عنه مآكآن أصآبه .. فهو قد صبر , واشهد بأنه ظفر ..
كنت ألمح طوآل الجلسة نظرآت عفراء الغريبه , ولكن أتغآضى عن ذلك ..
توآصلت عينآنآ للحظآت , وانآ أبتسم لهآ مستغربه .. ولكن لم تبتسم ..
تنظر لي بنظرت أستشفيت منهآ ومن حدسي أنهآ ,, حذره ومندهشه ..!!
مالأمر ,, هذآ مآجآل بخآطري ,, مآ أمرهآ ماللذي أقلقهآ مني .!!
أستدرت بعينآي لأجد الذيب مطرق الرأس ممسك بهآتفه , في الجلسة لم يتكلم الذيب , حتى أني لا أعرف مآعمله ,!!
ولكن من اسئلة الذيب الجد له , اسشفيت بأنه محآمي ,,!! وهنآ زآد أستغرآبي ,!!
كييف بمن مثله يصبح محآمياً , لم يكن مجداً بدراسته , ولم يكن مهتماً بهآ من الأساس , كيف أصبح محآميا ً
وهو ايضاً بهذه الشخصية البغيضه , النمر ,, تليق به لكن هذا ..!!
,, قمنآ لصلاة المغرب ,,
صليت وتوجهت للمطبخ , اريد عمل ( القشد) لجدتي وجدي ..ذلك التمر المطبوخ , لذيذ طعمه ويرغبه الجميع ,
أعددته وتوجهت للجلسة مرة أخرى ,
يجلس أحيآن بعضهم بعد صلاة المغرب أيضاً ولكن ليس إلزآمأ مثل جلسة العصريه , جلست بـ أرتيآح أقرأ وردي
دخل الذيب , وهو يتحدث بهآتفه , وجلس ..
أخذ فنجآلاً من الصينية ومده لي وهو يشير لي بأن أقوم بضيآفته , أخذته وصببت له وأنزلته أمآ الطآولة أمآمه ..
اغلق الهآتف , والتفت لي ,,
_ فيه وآيد من هذآ ..!!
قآلهآ وهويشير على القشد الذي صنعته للتو ,
_ إيه فييه ..
_ أنزين ...
_ تبين أحط لك ..
_ لامشكوره أخآف تستجآب دعوتج ..ههههههه
_ برآحتك أنآ قآعده أقوم بالوآجب وأعآملك بأخلاقي ..
_ أووب أأوب .. قوويه بحقي هذي قلايد ,, أخلاقي مو عآجبتج يعني ..
أقترب برأسه للأمآم لي وهو يبتسم بـ استمتآع بغييض ..
_ أحآديث مهمه بينكم ...
قالتهآ عذيجه وهي تدخل ومن خلفهآ عفرآء تنظر لنآ بتوتر ,
_ لا مهمه ولا شي , تفضلي ذوقي القشد توني مسويته ..
_ مآشاءالله زين شرآيج نخليج طبآختنآ بدآل العم يسري .. ههههههه
_ مآعندي مشكله أحب الطبخ وآيد ..
_ والله , أممم حلوو مآعليييه
كنت أعلم بأنهآ تريد إهآنتي , وكنت استمتع بتخييب ظنهآ , وأبتسم لهآ ببسمة مآكره ..
هي تعرفهآ وتعرفني , ولن تفلح بإغآظتي ..
كل مآ أقلقني الآن هو نظرآت عفرآء الغريبه ,,!!
نهض الذيب متوجهاً للخآرج ونآدته عذيجه , وهي تلكز عفآري من خآصرتهآ ..
_ ذيب يابوي تبي شي تآخذه وياك ..
نهضت عفرآء مسرعه وهي تقول بهدوء ..
_ تبي أحط لك منه شويه ..
_ لامشكورين مآ أرييد شي .. يالله سلام .
أتى الجميع وابتدت جلسة أخرى خفيفه , ولكن اغلبنآ شآرد الذهن ..!!
أقتربت من جدتي وأمسكت يدهآ بحنو وبدأت بتدليكهآ بخفه ..
_ جديده ذقتي التمر اللي سويته , !
_ لا مآذقته ..
قربته منهآ وصببت لهآ فنجآلاً ..
رأيت عيون عذيجه تكآد تخرج من محجريهمآ .. وقلقت وبدا أرتجآفي ..
خفت أن تملأ رأس جدتي بأحآديث كآذبة عني كمآ فعلت في المآضي ..
خفت أن تقلب قلبهآ وتوغر في صدرهآ , ثم يذهب تقربي هباء ,,
ليس هنآك حل سوى الدعآء والتجآهل ,..
أكملنآ الجلسة بشرب الشآي وتنآول المكسرآت ,
واذن لصلاة العشآء ثم تفرق الجمع , قمت للصلاة وأنآ أفكر بعفرآء ,مابهآ ..!؟
,,
بعد أن أتخمنآ من مآئدة العم يسري , سآر كلاً إلى جنآحه , توجهت لجنآح جدتي وجدي وطرقت البآب ..
فتح الباب لي بسرعه , ورأيت جدي وآقفاً بوزآره ..
_ بلاج , بلاكم فيكم شي ..!
قالهآ بــ أستغرآب شديد ,
خجلت من نفسي , تمنيت أن تنشق الأرض لتبتلعني , وقلت بصوت قوي وأنآ أقترب منه ,,
_ لابويه مآفينآ شي , كلنآ بخير حبيت قبل لا أنآم أمر عليكم وامسيكم بالخير ..
فتح الباب على مصرآعيه , ودخل ..
_ أدخلي ..
قالهآ وهو يذهب للحمآم , ويشير لي بالجلوس عند جدتي , أقتربت منهآ بهدوء وهي تجلس على فرآش وضع على الأرض ,,
جلست بجآنبهآ وأقتربت منهآ قآئله ,
_ جديده بلاج جالسه هني ..!!
_ السرير قام يوجع ظهري ويلست هني ,
جلست فوق فرآشهآ , وأخذت تنظر لي بهدوء ..
_ فيج شي , تحتآيين شي ..!!
_لا جديده وربي جايه أمسيكم بس وكن بغيتوا شي ..
_ مآقآلت لج نوره شي ..!!
_ لا مآقآلت , أمس قآلت لي تعالي غرفتي كنهآ بتحآجيني بسالفه ومآرحت لهآ كنت نعسانه ونمت .
_ هييييه ..
تنهدت بعممق ومسحت على وجهآ ,
_ جديده تبين أدلكج .!
_ لا فديتج ..
خرج الجد يمسح وجهه بمنشفته , وأقترب لسجآدته التي كآنت في مكآنهآ لاتحرك كمآ يبدو ,
وكبر للصلاة , كنت أنظر بإنبهآر له وأنآ أتطلع في ملامحه الرآئعه ,
_ يشبه أبويآ ..
قلتهآ بهمس ولكنهآ سمعته ..
_ يوم أبوج بعزه كآن يشبهه , هاللحيينه وييل حآآلي على ولديييه ..
قآلتهآ ونشجت بخفوت , وبدأت تجهش بالبكآء ..
أقتربت لهآ ودمعتي على خدي , ومسكتهآ من كتفيهآ وظممتهآ بقووه , وبدأت أنشج معهآ ببكآء كآن لأزيزه لحناً في الغرفه ..
استلقت وهي تأخذني من كتفي وتدنيني منهآ , وظمتني بحنآن عمييق , وهي تبكي وجسمهآ النحييل يهتز ,
أستلقيت بجآنبهآ وأنآ اشمشم رآئحتهآ التي حرمت منهآ , وأستفي منهآ حنآناً بت أتشووق لرؤيته , ظلينآ لدقآئق على هذآ الحآله حتى أتى صوت الذيب قآئلاً ..
_ إذآ لبكآج رآحه أبجي لين تريحين , وإذآ بيتعبج خلي البنت تروح لدآرهآ وكولي دوآج وارقدي ..
رن هآتفي اللذي كنت أضعه بجيبي , برنين مزعج أزعجني , ليس هذآ وقته أبداً ..
_ شوفي تلفونج ..
قالتهآ جدتي وهي تنهض ببطء وتجلس ,
جلست وأنآ أمسح دمعي وأحآول التووقف عن البكآء بوضع يدي محكمة حول فمي , ورأيت المتصل رقم لا أعرفه ..!!
قلت كآذبه ,
_ عمتي نوره ,
قلتهآ وأنآ أقف ,
_ أخآف تبيني بشي , تصبحون على خير ..
وأقتربت اقبل كلاً منهمآ على رأسه ويده ,
_ وأنتي من أهله ..
قالوهآ هآمسين بهآ , وتوجهت لأخرج , أوقفني جدي بيده عند باب الجنآح , وقال بهمس ..
_ يابوج يدتج مآتبي زيآدة أوجآع , حآولي توسعين صدرهآ باللي يسر , وجنبي الحجي في أبوج علهآ تسلى ولو دقآيق ,
المرض يابوج هدهآ , ولاعآد هي قآدره تتحمل مثل أول ,
_ بلاهآ جدتي , شو اللي متعبنهآ .!!
_ الجلطه يتهآ وتشآفت , تبي سعة البال والسوآليف اللي تسر الخآطر, عسب ينشرح خآطرهآ وتطيب .
_ أنزين أبويه , خطآهآ السوء , اللي تآمر فيه ..
_ تصبح على خير ..
فتحت الباب وخرجت ,
...
تلك الضعيفة مالذي أعترآهآ , !!
وتلك البعيدة مالذي فعلته بهذه العآئله .!!
مالذي حل بأبي وأصــآبه ,!!
الموضوع كبير ,!! وكمآ يبدو ليس له علاج ..!! أو أنهم تأقلموا على هذآ , وتنآسوا أمره ..!!
_ خسسج الله وينج فييه ..!!
_ اسم الله شفييييج ..!!
_ أنآ اللي شفيني ولا أنتي .. أمشي جدآمي أشووف ,
_ خير خيير لاتسحبيني أنززين ,
_ جب خرعتيني ويا ويهج ..مآفي مكآن مآدورتج فييه ..
كآنت تمشي مسرعة بي نحو الجنآح , ليأتي صووته من الخلف ,
_ وين لقيتيهآ .!!
أجبته بغضب ..
_ وش وين لقيتهآ ..!! شقالو لكم أنتم وين باكوون يعني من صدقكم أنتم ..!! وجآنكم صآدقين ليش مآدقيتوا علي من أوول ..
_ جب لاتجذبيني ,تلفوني مقطوع وطلعتيني بانصاف الليالي لجنآح ذيب يب العزبه , مت من الخرعه
_ ههههههههه يآقلبي عميمه ,
_ جب بس جب
أقتربت منهآ وظممتهآ بقووه وانآ أضحك ,
_ هذآني أنزين برايك وين برووح !!
_ مدري عنج ,
_ إذآ خلصتوا المشهد الكوميدي خبريني وينج فييه !!
قآلهآ وهو يتكتف , وحآجبآه معقودآن ..
_ شفييكم .!! وآصله مشوآر .. مولازم تدرون ..
قلتهآ وأنآ أسحب , عمتي معي للجنآح , وأفتح الباب ,
جئت لأغلق البآب على وجهه وأنآ اقول ضآحكه ,
_ تصبح على خييييي
لم أكملهآ لأنه أقترب بسرعة رهيبه , وأوقف إغلاق الباب بقدمه , ثم مد يده وأمسك عروة الباب , وهو يفتحه برفق ,,
_ عآزمتني نوره , بتحرميني من العزيمه بعد .. !!
_ أنزين أتفضل ..
قلتهآ وأنآ ابتعد عن الباب بسرعه , وأذهب لغرفتي , أتآني صوتهآ ,
_ قلايد ويآويهج تعآلي , شحقه قآيمه أدورج أنآ , ولا تسأليين مووليييه ويييعه ..
_ ههههههه أنزيين جييت جييت ..
_ صج وين كنتي , قولي عآدي مآفي أحرآج ..
_ يآملغك لا تلطفتي , مره مآيليق ..
_ أدخلي أنززين , لازم أسحبج أنتي ...
كنت سأدخل لكن ذلك البغيض يقف بجآنب الباب , ..
_ لو سمحت شوي ..
_ آسف وآقف بطريقج آنآ ..
قالهآ وهو ينظر لي بمكر من جآنب رأسه , ويبتعد ليجلس على الأريكه ..
_ كنت بجنآح أبوي الذيب ..
_ وش ودآآج هنآآك ...!!
قالتهآ نوره بتعجب وهي تضع علب البيبسي والبيرة فوق الطآوله ,
_ أبد قلت أصبحهم بالخير بس مآكو شي ..
_ مآكو شي , قال من يشهد لك يا أبآ حصيين .......
_ بكيفك لاتصدقيين ..
أخذنآ نرتشف البآرد ونحن نتحدث عن أمور شتى , حتى قالت نوره ,
_ قلايد عرفتي أني مخطوبه , عندي أحساس أن ابويه خبرج ..!!
_ هههههههه لا مآخبرني ولاشي كنت حآسه بس ..بالبركه عميمه الله يسعدك ويوفقك ..
_ آآآآمميين , عقبآلج ..
_ ههههههههههه أووووه حرآم علييج تو النآس .. عقبآل الذيب أن شاءالله
كآن ينظر لي بنظرة غريبه منذ بدأنآ الحديث , وصآمت لم ينبس بشفه , ولم يشآكسني كعآدته البغيضه ..
كآن على غيير العآدة وهذآ الغريب , !!
_ هههه أووووه حرآم عليج تو النآس , عقبال النمر أن شاءالله
_ تطنز ويآوييهك , بعدين أنت أكبر من النمر بدقايق عشآن كذآ أنت أول ..
_شفتي نوره هالياهل تقولي وياويهك ..!
_ هييه أشووف طآح كرتك يآوولد أخووي خخخخ
_ هزززلت ..
قآلهآ وهو ينهض , ويقول وهو يشير إلي ..
_ على فكره يسلم علييج ...
_ منوووو
_ نمر
_ علييك وعليه السلام شحآله !!
_ بخيير مآعنده أخلاف , عند الشقر يتمرغد ..
سرحت بخيآالي عنده وأنآ أتطلع بششوق له ولرؤيته ,
_ حرآم علييك لا تغتآب الريال وتبهته ..
قالتهآ نوره وهي تتبعه لأغلاق الباب , وقفوا للحظآت يتحدثون واسمع همسهم ,
_ لايتنآجى أثنآن ,,
قلت هذآ وأنآ أرفع صوتي لهم , واقوم بفتح التلفآز وابحث في القنوآت ,
أتى صوته مشآكساً كعآدته المستميته ..
_ يقولج أثنآن دون ثآلث ويعني الشخص الكآمل وأنتي نص مو كآمله حتى ..
دخلت نوره تضحك ..
_ خسك الله فارج , ههههههه
_ ضحكتني وأنآ نعسآنه ,يمكن أنت تشوف كذآ وهذآ بُعد نظرك ..
_ سكتووك ياذييب هههههههه
_ إيه سكتوني .. يآبوي آنآ أسكت الرياييل بالمحآكم تيي هذي تسكتني , وشرآيج بالجهل نوآري ..!!
_ الله يعيينك يآآبن أخووي ههههههه
_ يالله تصبحوون على خيير ..
_ وانت من أهله ,,
أغلقنآ الباب ,, وتأففت بقووه , وأنآ أقوول ..
_ أكرهه يقههههررر ..
_ نفس الشعور قلايد , عسب جي لاتعذبين حآلج زياده وتحسين مرآت بتأنيب الضمير ,,
قآلهآ وهو يقف مسترخي عند الباب ,
_ بعدين مآييوز الغييبه فديتج , خلي كلامج بحضرتي ووجودي وآيد أحسن كفآيه تحملين ذنووبي بعد ..
نظرآتنآ تخترق بعضهآ بهدوء عآصف ,,
_ الديين على كيفك وهوآك أنت ,
قلتهآ بهدوء وأنآ أنظر له بمقت , ..
_ بليززز مزآجي مو متحمل الحرب البآرده اللي بينكم , ذيب تصبح على خيير ..
قالتهآ نوره وهي تمسك الباب لتغلقه ,,
_ أنزيين طرده وآيد محترمه ..
قآلهآ وغمز لي وهو يغلق الباب ,
,,
_ عميمه أنتي عطيتي رآيك لـ أبوي الذيب ..
_ لآ بآجر أن شاءالله ..
_ أنزين أقدر أسأل منو ..!!
_ وياويهج مع هالأسلووب ,, أكيد تقدرين , هذآ سلمج ربي يعرف نمر وذيب , رفقه جي يتشآوفون بس مو وآيد ,,
كلهم أمدحوه لي , بس بيني وبينج كنت متردده وآيد , وللحين خآيفه بس بصلاتي حسيت بأحسآس أنه هذآ اللي بآخذه . رغم أن موآصفآته مو اللي ببآلي ولا سرتني بس يالله عسب أبويآ ونمر وذيب كلهم يمدحونه وآيد .. وغير جي أنآ عمري منآسب الحينه عشآن أتزوج , كل اللي بعمري عندهم يهآل ,
_ أنتي مو كبيره لاتكبرين بعمرك, توك أربع وعشرين ,, أنتي كلمتي النمر قرريب ..!!
_ هييه كلمته , يسأل عنج دوم ترآ ..!!
_ شحآله وكيف عينه .!!
_ أووه قلاييد مآبتنسين ..!!
_ حرآم عليك ذآ شي ينسى ..!!
_ لا قصدي أنج تحسين بتأنيب ضمير مو جي .!!
_ إيه , لو مآقربت حول الوحش اللي يتفنن بتعسيفه ولد أخوك كآن مآصآبه شي نمر ..
_ لو تفتح عمل الشيطآن , وين إيمآنج أنتي , أللي صار قدر من رب العآلمين مكتوب من قبل مآتنولدين ,,
_ أنزين شسوى بعينه ..!!
_ كآن سفره أول شهر بعد روحتك عسب يسوي العمليه , وبعدهآ رجع , بعدهآ بأشهر قرر يسآفر يكمل درآسة المآجستير برآ ,
صآر يي وقت الأعيآد , ويرجع ..
_ طيب وش سوى بعينه ,! أذكر الدكتور قال خلاص مآتنفع صح .!!
_ هيه بس سوى عملية تجميل , زبط القطع اللي حولهآ وركب عدسه تجميليه , شححقه تبجين اللحينه ..!!
نوآري , قلبي يعوورني , بسبتي فقد النمر عينه , وقلبي يعورني عسب جديده اللي من تشوفيني تذكر ولدهآ اللي مو حآله حآل .. وقلبي يعورني على وآيد أشيآء كآبتتنهآ من زمآآن ,,,
أقتربت مني وظمتني بعمق ,,
_ قلايد فديت عيوونج , عسب جي لاتحملين نفسج فوق طآقتج , حرآم عليج نفسج حآفظي عليهآ , لا تفكرين باللي حولج وفكري برووج فديتج , أنتي اللي قلبج يعورج ويآمآ عآنيتي وتعبتي , كآفي عليج بسج أرتآحي واستآنسي , عيشي حيآتج عشآن خآطري وخآطر اللي يحبوونج ,,
_ آآآه أنززين , مدري شفيني دمعتي قآمت تطلع بالسآهل وهذآ منرفزني , يالله عميمه , تأخر الوقت أبي أريح ,, وللحديث بقيه
بآآقي كلام نتكلم فيه بعديين ,, تصبحين على خيير
_ وأنت من اهل الخير فديتج ..
,,
أستلقي بهدووء مووجع , حتى أني لم أبدل ملابسي , ولم أفرش اسنآني ,, ولكني متعبه ..
متعبه جداً من خيــال ذلك البعيد الذي أصبح بعين وآحده ,,
تدوور مخيلتي حوول تلك الحآدثه ,,
ونمت وأنآ أفكر بهآ , وأنتفض برعب وعينآآي تدمع ,()
(7)
_
30-09-12, 01:57 AM
جديد مواضيع قسم ارشيف خاص بالقصص غير المكتمله
العرض العادي
