دقآئق وَ ينِزل البآرتّ ليسَ وَآحدَآ آنما بآرتينّ جمعتهم معَ بعضّ


آحداثٌها عميقة ومؤلمة


.. آعتذر عن التأخير ..~!

الحِلمٌ السَآدسّ والسَآبعٌ ..








حَدث هَذآ قبلَ سنَوَآتِ سَبعّ كَآن قدّ مضَى على رحيل ذآك الغَآلي مَ يقَآرب السنة

بغرفتها تصلي ولما انتهت رفعت يدها وبدت تدعي .: اللهم اني اسألك بكل اسم هو لك سميت به نفسك او انزلته في كتابك او علمته احدا من خلقك او استاثرت به في علم الغيب عندك ان تجعل القران العظيم ربيع قلوبنا وجلاء احزاننا وذهاب همومنا
آلهي لي عزيز عندك آرحمه وآغفر له اللهٌم آجعل قبره روضة من ريآض الجنة ولا تجعلها حفرة من حفر النار اللهم نقه من الذنوب والخطايا كمل ينقى الثوب الابيض من الدنس

وكملت دعائها ..وترحمت عليه بقلبها
سمعت طق الباب والتفت ..: آدخل
.: مساك الله بالخير يالغالية
..: هلا يمه مسآك الله بالنور
قرب لها وباس راسها وهو يرى والدته ومعالم الحزن لم تفارق جهها ولا يستطيع لومها من قد ذهب لم يكن بالشخص البسيط هو كان السند والعون لهم جميعا بعد الله
تنهد بكل م يعتمل بصدره .: جيت ابشرك يمه
تالقت تلك العينان رغم ذبولها .: هااه يمه لقيت العنوان
هز راسه ببطء .: آآي يمه لقيته الحمدلله عقب سنه
..: ااي ياسعد هذي وصاة ابوك لازم نتعب عشانه
قرب لها وضمها .: بس يايمه مايصير اللي تسوينه بعمرك ابي لو كان حي وشافك ماراح يرضى على هالشيء
ساره بحرقه ودموع لم تفارقها ..: اللي راح مو ااي احد يايمه مو ااي ااحد
شد احتضانه لامه وهو يهديها ويقرأ عليها وبخاطرة انا لو رحت الححين لمن اخليهم مقدر اتركهم لحالهم الله يرحمك ياالغالي الله يرحمك

قطع اجواء السكون في تلك اللحظة كائن كان قد اقتحم الغرفة بنبرة عالية ..: لآ والله وانا اللي قاعدة ادورك ساعة وانت هنا تتمتع باحضان my mother
وقربت لهم ووقفت عند راسه وتناظرة بنص عين وكملت .: وخر اشوف عن مكاني كم مرة اقولكم هذا مكاني لحد يجيه لحد ما يجي فارس احلامي بالحصان الابيض وياخذني وبعدين على كيفكم
سعد بسخرية .: على التصرفات ماظنتي يجي ما كأنك ام 20 سنه
وابتسم بداخله وهو يدري بانها ماتحب احد يقولها كذا وتتنرفز منه
وكما توقع
بنبرة تشبه الصراخ ..: لآ والله مسوي فيها ترا كل اللي بيني وبينك ثلاث سنوات يادب
وتدفه وخر يلا خر
سعد بضحكة .: ههههه طيب خلاص ريلآكس
سارة وهي مبتسمة وبداخلها الله لايحرمني منكم لفت على بنتها وهي تفتح لها يدينها
.: خلاص ماما ياسمين تعالي ولاتزعلين
ابتسمت تلك الشقية واحتضنت والدتها وهي تهمس لها .: عساني مانحرم من هالحضن
وطلعت لسانها لسعد تبي تقهره
سعد هز راسه وهو يقول .: الله يعين اللي بياخذ
ردت برفعة حاجب ..: this is not ur business
قل انك غيران
ابتسم سعد وناظر امه ..: يلا يمه انا بروح ادور حجز
نطت من حضن امها ومسكت يده وهي تقول ..: تكفى سعد بسافر معك ابي اقهر جمون لا رجعت من السكول
سعد برفض تام .: لآ خليك هنا عند امي انا بروح اشوف عمي
ياسمين برجاء .: والله حرام عليك ودي اشوف السعودية متشفقه على شوفتها من كثر ماتكلم عنها ابوي الله يرحمه
ساره وطاري عبدالرحمن اعاد لها الذكريات مصحوبة بالحنين ..: خلاص ياسعد خلها تروح مععك احسن بعد يطمئن قلبي انك ماتصير لحالك
سعد بعدم اقتناع بس طاري ابوه لين قلبه شوي هز راسه .: خلاص يمه ان شاء الله
وناظر ياسمين بنص عين ..: بس ترآ ماراح نطول ثلاث ايام وراجعين مو تحطين لي شنطتين
ياسمين وبحماس حبت راسه ..: Of course بروح اجهز شنطتي تشااو
سعد حط يده على راسه .: الله يعيني عليها
والتفت على امه اللي حطت يدها على كتفه .: رح يايمه الححين ودور حجز وانتبه لنفسك
.: آن شاء الله يمه مع السلامة
وحب راسها ومشى
وبقيت هي تفكر ولا تعلم لما اجتاحها شعور عميق بالضيق
وتعوذت من ابليس


في غرفة قريبة من تلك الغرفة
تروح وترجع بالغرفة

طلعت الشنطة وفتحتها وفتحت الخزانة اخذت ملابس وحطتها بالشطنة ووقفت تفكر شوي وبعدها تغير رايها.:
لآ لآ هذي مهي حلوه اجيب الثانية احسن
وهذا هو حال ياسمين وحماسها لانها بتسافر
خلصت وسكرت الشنطة وهي تنط عالسرير وتنقز عليه وبصووت عالي .:
بسااااااافر السعوودية
Wooooow that's amazing
وسكنت بمكانها واحلام غزت فكرها ..
ممكن اقابل فارس احلامي هناك ولمت يدينها لبعض وسافرت لعالم من خيالها وهي تفكر بالمواقف اللي ممكن تصير لها وتخليها تقابل فارس احلامها
وغفت وابتسامة تزين ثغرهها

في الطابق السفلي
دخلت المطبخ وشافت الخدم كل وحده لاهية بشغل
صبت لها عصير
دق جوالها باسم سعد ..: هلا حبيبي
.: هلا يمه لقيت حجز عالساعة ثلاث الفجر
سارة بتقطيبة حاجب ..: بس مو كأنه متأخر شوي
سعد .: لا يمه عشان نوصل لهم هناك عالمغرب وهذا اقرب حجز لقيته
بس قولي لـ ياسمين تجهز نفسها
ساره بعدم اقتناع ..: طيب حبيبي انتبه لنفسك مع السلامة

انتهت المكالمة وهي تفكر وماتدري ليه شعور الضيق زاد عندها
قامت تشوف وش تسوي ياسمين
دخلت غرفتها وهي تشوفها محتاسة كالعادة وملابس عالسرير وعالارض
وانتبهت لبنتها شلون نايمة عالسرير وابتسمت ماراح تتغير عادتها
ربي رزقها ببنات العقل بعالم وهم بعالم
ياسمين وجمان
تشبهان بعضهما في الشكل ماعدا العينان
فالكبيرة اخذت لون والدها والاخرى والدتها
وكم اشتاقت لصغيرتها تلك فهي لا تاتي الا في نهاية الاسابيع فقط
تلك هي عيوب المدارس الداخلية
وعند قدومها تبدا الحرب فكلاهما ترى انها هي الاجمل وبنفس الوقت لاتستطيع واحدة منهن ان تفارق الاخرى
قربت من بنتها تبي تصحيها ضربت خدها بشويش
..: ياسمين wake up honey
فتحت عينها وشافت امها قدامها قامت ضمتها ونامت على كتفها
وبصوت ناعس .: ماما خليني انام شوي
ساره بابتسامة .: خلاص us you like بقول لسعد سافر لحالك
فتحت عينيها النجلاويين على وسعهها ونطت وهي تاخذ ملابسها وتدخل تتروش وهي تقول ..:
No way مستحيل مايروح الا وانا معه

...

في المطار
خلص شغله وحجز الرحلة وقص البوردينق والفندق وكل شيء
ركب سيارته ومسك طريق البيت
...
تذكر اخر لحظاته مع ابوه
وقتها كان عبدالرحمن يحتضر وكان بس سعد اللي عنده لانه ساره والبنات راحوا يجيبون اكل
قاعد يقرا قران عند راسه ابوه

عبدالرحمن بهمس وتعب .: سعد
سكر سعد المصحف وقرب لابوه .: هلا يبه آمر بغيت شيء
مسك يده ولده ..: قرب
قرب ونزل راسه عند ابوه
..: آسمع ياوليدي انا احس انه منيتي قربت
سعد يقاطعة ..: بسم الله عليك يبه عسى عمرك طويل وتقوم لنا بصحة وعافية
عبدالرحمن بالم وحسرة ..: يابوك انا اشوف الموت قدام عيني انت الحين المسؤول عن اهلك من بعدي لاتخليهم ينضامون ولايحتاجون لاحد خواتك ياوليدي حافظ عليهم من الهواء الطاير امك حطها بعيونك وسكر عليه ادري انه راح تحزن عقب فرقاي بس لاتخليه خلك دايم معها انت وخواتك ووصاتي لك هم ياوليدي اللي يمسهم بتراب مسه بالدم والنار لاتخليهم ينامون منقهرين او دمعتهم بعينهم
سعد وعلى شفير البكاء ضم ابووه ..: لآ يبه طلبتك لاتقول هالكلام لاتقوله بترجع لنا سالم
عبدالرحمن ودمعته نزلت .: امس شفت بالمنام امي وابوي جو سلموا علي يقولون انهم مشاقين لي ومسامحيني وانا طول هالسنين شوقي لهم ذبحني وقهرني يابوك
كح بصعوبه وهو يكممل ..: اخوي سعود ابيك تشوفه سلم لي عليه قله عبدالرحمن مسامحك دنيا واخره ويبيك تسامحه
تكفى ياسعد دور عليه وقله
بعد ولده عنه وهو يشهق
عرف سعد انه ابوه ينازع روحه قرب عند اذنه وهو يهمس وبصوت مبحوح من البكاء .:
قل اشهد ان لا اله الا الله واشهد ان محمد رسول الله قلها يبه
وكررها عليه اكثر من مره
رفع عبدالرحمن سبابته اليمين بصعوبه وتشهد وقد كان التشهد الاخير
بدخول سارة والبنات

وقد كانت تلك من اصعب اللحظات التي لاتنسى

....

صحى من الذكريات وماحس بدمعته تنزل وشاف انه وصل البيت
مسح الدمعه وهو ينزل ..: الله يرحمك يبه
وراح يجهز اغراضة استعدادا للسفر الى تلك البلد وذاك العم المجهول وبخاطره ان شاء الله السنه اللي كنت خلالها ادور على عنوانه ماتحسف فيها الحمدلله لقيته وبنفذ وصية ابوي

بعد ساعة من الزمن
واقفين تحت عند الباب

..: يلا يمه توصين على شيء
ساره وشعور الضيق لم يفارقها ..:
الله يحفظكم يايمه لا وصلتوا طمنوني
سعد يقرب يبوس راسها ..:
ابشري يالغالية ودعتك الله
ولف لاخته وهو يقول انتظرك بالسيارة
قربت لامها وهي تضمها بقووووة
.: بشتاق لك ماماتي اول مره اسافر من دونك
ساره وهي تشدد من احتضانها وتدعي الله ان يحفظ لها طفلتها
درب السلامة حبيبتي انتبهي على نفسك
ودعت صغيرتها ولا تعلم لما كان بودها لو منعتها

..
ركبت السيارة وهي ساكته
لف عليها وهو مستغرب من هدوءها وهذا مو من طبعها
.: ياسمين فيك شيء حبيبتي
لفت على اخوها وسندها وابتسمت ..:
لآ يالغالي مافي شيء بس مدري ليه احس اني متضايقة اني تركت امي
سعد وهو يمسك يدها .: لآتخافين خالي بيجي عندها
ياسمين تهز راسها بتأييد ..: آآي
وكملت بهمس .: آحس هالسفرة بتغير كل شيء

آستغرب سعد من كلامها وتعوذ من ابليس
وكمل طريقة

...
آقلعت الطائرة ومعها اقلعت قلوب كثيرة
سعد اللي مايدري شلون بيقابل عمه
ياسمين بحماس اختلط بخوف
ساره بقلق متزايد على ابنائها



...


ومرت الرحلة بسلآم ...

وحطت القلوب بدولة الامن والامان
لايعلم كلاهما لما نزلت تلك الطمانينة على قلبيهما
دق سعد على امه وطمنها انهم وصلوا وودعها بالدعوات والسلام
ولف على اخته اللي تتامل كل شيء حولها وتلتفت يمين ويسار
وهو يفكر بجمال اخته بعبائتها الواسعة تلك واللفة اللؤلؤية تغطي شعرها ورقبتها ونحرها
تبارك الله
ناداها ..: ياسمين
لفت عليه وكانها اول مره تشوفه وقربت منه وهي متحمسة مسكت يده ..:
وآآو سعد انا ماني مصدقة حنا بالسعودية

سعد ابتسم على حماسها .: لا صدقي يلا خلينا نروح الفندق

راحوا وحماس ياسمين ونشاطها يمنعانها من الراحة او النوم

وتنتظر مقابلة ذاك العم بشوق

لآتعلمين ماذا يخبئ لك ياصغيرة ..؟!

....

حل وقت المغرب وهو الوقت للذهاب ومقابلة العم سعود

ركبوا السيارة اللي استاجرها سعد وتوجهوا الى العنوان المطلوب
دخلوا حي اقرب مايكون الى الخرابه من ان يكون لبيوت

ياسمين فتحت عيونها وهي مستغربة ولفت لسعد ..:
معقولة في ناس يعيشون هنا
سعد ونظره على الطريق .:
ااي فيه انتي بس قولي الحمدلله

ووصلوا للعنوان .. ناظر سعد البيت يتأكد انه ماغلط بالعنوان او شيء
كان بيت من طابقين ولكن شكلة من الخارج كان مثل الخرابه الباب كان مكسور
والجدران وصخه

نزلوا ودقوا جرس الباب

...

كان نايم عالكنب عقب اخر سكره له شايب تجاوز الخمسين بثياب وهندام غير مرتب ابد
سمع صوت الجرس وازعجه قام وهو معصب ويسب مرته اللي راحت وخلته كل يوم سهر وشراب وبنات اخر الليل ونوم بالنهار


قرب للباب وكان ظلام وماشاف زين وهو معصب ويصارخ ..: مين عمى

بصوت جهوري ..: العم سعود ..؟

فتح سعود عيونه وهالصوت مو غريب عليه قرب بشويش

وشاف زول جسم وشهق ..: عبدالرحمن

قرب اللي عند الباب للنور وكان معه وحده مثل القمر

آنتبه انه مو عبدالرحمن بس واحد كأنه هو ..: شخبارك ياعم ..؟

سعود باستنكار ..: بخير من تكون ..؟

سعد مد يده ..: معك سعد بن عبدالرحمن ولد اخوك

ولف على اخته ..: وهذي اختي ياسمين


سعود ابتسم بخبث فقد اتت اليه تلك الفتاه كما الهدية فهناك ضيف مهم سيأتي اليوم

قرب لهم وبتظاهر .: هلا هلا والله بعيال اخوي يالله حيهم
ادخلوا تفضلوا

ومسكهم ودخلهم بالغصب

ودخلهم لمجلس بعيد عن مجلس سهرته اليومية

..: يالله حيهم متى وصلتوا

سعد بابتسامة ولايعلم لما لم يشعر بالراحة ..:
بخير ياعمي انت شخبارك شلونك

سعود يهز رأسه باسف مصطنع .: سمعت باللي صاربعبدالرحمن الله يرحمه اخوي مات وانا ماشفته
ونزل راسه بتمثيل لللبكاء

سعد بهدوء .: ياعم الميت ماتجوز عليه الا الرحمة

سعود وهو يمسح بشماغه دموع وهمية ..: صدقت خلني اقوم اجيب لكم شيء تشربونه

ياسمين واللي كانت طول الوقت ساكته لانه ما رأته لم يكن من ضمن توقعاتها ابدآ

لفت على اخوها وبهمس ..: سعد انت متأكد انه عمنا

سعد ضربها على كتفها بهمس ..: آووص خلاص

رجعت لمكانها وهي تشوف عمها جيب لهم شاهي

وجلس يصب لهم وقام سعد .: عنك عمي انا بصب

سعود بابتسامة ..: ماشاء الله ونعم التربية

وبدا بتنفيذ مخططه الخبيث

والتفت على كرتون كان في المجلس بقربه وهو وحده من يعلم محتوى هذا الكرتون

.. وشافهم مستغرقين بشرب الشاهي

نزل كاسته ..: يووووه يالله شلون نسيت

التفت عليه سعد وعقد حواجبه ..:
عسى ماشر عمي فيك شيء

سعود ومازال يكمل تمثيليته ..:
لا والله بس شايف هالكرتون كان لازم اوصله لواحد اليوم ونسيت وفيه اشياء مهمه اليوم ان ماوديته بفصل من شغلي واليوم عازم شباب ولا اقدر اوديه

( آي شغل هذا ياسعود )

سعد قام .: خلاص ولايهمك ياعم انا اوديه بس انت عطني العنوان

ولف على اخته .: يلا ياسمين خليني اوصلك الفندق

سعود فتح عيونه على وسعها ..: توديها لفندق وبيت عمك موجود لا مايصير


سعد بعدم اقتناع بس ياعم انت اليوم مشغول

سعود قرب منه ..: لاتخاف هي تطلع فوق وترتاح

ولف على ياسمين ..: ولآ شرآيك يابنت اخوي


ياسمين بهدوء على غير العادة .: اللي تشوفه ياعمي

وناظرت اخوها .: خلاص سعد رح انت ود اغراض الرجال انا بنتظرك هنا


سعود وبابتسامة خبث لم تظهر .: اصبر خلني اعطيك العنوان
واختفى فترة وبعدين رجع ومعه ورقه

.:تفضل هذا العنوان بس تراه خارج الرياض بكم ساعة انت انتبه للطريق ولاتضيع
وراح شال الكرتون وطلع فيه


لف سعد على اخته .: متأكده تبين تقعدين

ياسمين بتأكيد وتهز رآسها ..: آآي آبي استكشف المكان عمي كله غموض وابي اكشفه
وابتسمت


لآيعلم سعد لما لم يرتح لتركها ابدا ولكنه فعل

وطلع لعمه برا لقاه ركب الصندوق للسيارة

مسك كتفه .: آنتب لاتفتحه ولا ضاع شغلي مني

سعد .: آن شاء الله
طلبتك ياعم انتبه لياسمين

سعود بابتسامه .: آكيد بعيوني

وذهب سعد وترك خلفة زهرة

دخل سعود البيت وابتسامة الخبث لم تفارقه



تاكد انه لن يرجع قبل الفجر
وبذلك يكتمل مخططه



وصلها لغرفة فوق وتاكد انها بعيده عن سماع الاصوات من تحت وهي اول ماشافت السرير نامت فهي منذ وصولهم لم تذق النوم


بعد صلاة العشاء تحديدا ...



اجتمعت شلة الخرابة بـ وكر سعود وبدت سهرتهم التي قد تستمر الى الفجر

وصل البيت ونفسه التي كانت في غفلة تطمح للمتعه

.: هلا بالشباب كيف الحال اشوف انكم مبسوطين

وقربت له وحده من بنات الهوى وليس عليها مايسترها الا القليل

[اعاذنا الله واياكم من تلك الاشكال]

ومدت له كاس الخمره

ابتسم وهو يحاوط خصرها وياخذ منها الكاس

شافه سعود ولحق عليه قبل مايدخل جو

.: هلا والله حيا الله الوليد

لف عليه الوليد ..: هلا فيك هاه وش عندك قلت لي انك جايب صيدة فريش

سعود قرب له وهمس .: وبتعجبك اكيد بس في شيء لازم تسويه اول


واخذه معه وطلعوا من الغرفة وجلس بالغرفة اللي جنبها وهو يكمل ولايعلم انه هناك من يرى ويسمع سبحانه ..:
الله يسلمك هذي وحده فريش ماجربت توها عشان كذا لازم تتزوجها لانها لو راحت واشتكت عليك بالمحكمة محد راح يقول شيء اولا لانك ولد المساعد ولا آحد يقدر يتكلم وثانيا لانك متزوجها

الوليد وبخبث مماثل .: ليه لا موافق بس عساها تساهل

سعود بتأييد ..: آكييد تستاهل ونص يلا خلني ادق عالشيخ واجيبه


وحضر ذاك الشيخ وتم عقد الزواج واولى سعود نفسه انه ولي امر تلك العروس واحضر واحدة من بنات الهوى لكي تمثل انها العروس ويسمع الشيخ موافقتها ووقع سعود بدلا منها على اساس انه توقيع تلك العروس


وبدأت السهرة وفيها يحدث كل م يقد يغضب العزيز الجبار من فواحش وكبائر
قام وهو سكران امتل بالسكر من راسه الى اخمص قدميه وذهب لعروسه العتيدة التي هي غافلة عن كل تلك الاشياء وبجيبه عقد ملكيته لها

طلع فوق وهو بحالة سكر شديد مايشوف نفسه ووصل للغرفة المقصودة و فتح الباب ودخل وقفله والتفت الى تلك النائمة بامان

الوليد باستمتاع ..: وآآآو ماكذب سعود والله انها قمر

وبدا الشيطان يزين له السوء


..


استيقظت تلك النائمة واستشعرت وجود خطر ورأته لايتسطيع الوقوف معتدلا ويترنح في مشيته وقفت وهي تحاول تستر نفسها بحجاببها وبصرخه ..

..: وش تسوي هنا خير ان شاء الله

قرب لها ..: تؤ تؤ تؤ مو كذا يازوجتي العزيزة خليك مطيعة وعاقلة

وحاول يمسكها بس هي فلتت منه وراحت للباب ولقته مقفل ومن الخوف مانتبهت انه المفتاح موجود عالباب


ومسكها من ورا وثبتها وهي تحاول تفك نفسها منه وهي تصرخ .:: سعععععد
يممممممممه ... لكن لاحياة لمن تنادي

قطع ملابسها وهجم عليها وهي تحاول تبعده وتترجاه يتركها وبكت بدال الدمع دم وصراخ
اخذ منها حق كل فتاه لاتعلم ماذنبها بالذي حصل للتو لما هي بالذات لما وبصرخه ..:
لآأأأأأأأأأأأأأأأأأأأ

وسقط نائما على الفراش وهي تلملم بقايا تلك الكرمة المهدورة وتكورت عند تلك الزاوية


...



بنفس الوقت كان راجع وسلم الرجال الصندوق ومستغرب والتفكيره ماخذه
وصل العنوان المطلوب وطلع ذاك الرجال اللي ماراتاح له ابد وسلمه البضاعه
بس استغرب يوم قاله ..: غريبة سعود قال بيجيبها بكرا

وكان توه واصل الى مدخل الرياض ومسك طريق بيت عمه
ويدعي الله انه ياسمين بخخير



..



توشحت بالسواد وخرجت لاتدري الى اين فكرها مغيب وماحدث يمر عليها ويتكرر خرجت الى الشارع
مشت وسط الشارع تبي تبعد تبي تروح ااي مكان تبي تموت ولا حست بالسيارة اللي جايه وتزمر بصوت عالي

وصار الحادث وكل هذا قدام سعد ..: ياااااااااااسميييين

نزل سعد من سيارته وهو يشوف السيارة اللي صدمتها ماوقفت

راح لاخته اللي كانت مثل الجثه الهامدة ماتتحرك وطار فيها للمستشفى

دخلها الطوارئ وهو شايلها و يصررخ ..: دكتووووووور

تجمعوا عليه الممرضات وحطوها بحمالة ودخلوها غرفة العمليات على طوول ..

سعد من القلق رآيح جاي وطول وهو ينتظر وكله هم وش اللي خلى اخته تطلع ووين عمه عنها
يارب سترك ..

طلع الدكتور وقرب له سعد ..: هاه دكتور طمني .

ناظره الدكتور ببرود وشبه احتقار ..: وآنت من تكون للمريضة

سعد بلهفة ..: آنـآ آخوها وش صار عليها ..؟

الدكتور هز رآسه بأسف ..: آختك ماصار لها غير بعض الكسور البسيطه بس فيه شيء اعظم هي تعرضت لاعتداء تعرف من سبب هالشيء

سعد فتح عيونه على كبرها وبصدمة ..: آيش اعتداء آنت متأكد يادكتور ..؟

..: وانا بكذب عليك ليه

وراح وخلاه في دوامة افكارة



...



قبل هذا الوقت بسويعات





قام على صوت الجوال مزعجه وبصوت ثقيل ..: هااه مين

صوت غاضب اجابه ..: وينك يازفت

تأفف ..: راكان اخلص علي وش تبي

رآكان بصرآخ ..: آبوي بين الحياة والموت وش ابي بعد ابيك تجي
وسكر السماعة بوجهه

وقام دخل الحمام تروش بماء بارد عشان يصحصح ولبس ملابسه

وطاح عقد الزواج منه على الارض ونسى انه متزوج اصلا


وطلع للمستشفى ...

...


وصل المستشفى وكله امل انه ما تأخر ..



شاف اهله بالعنايه كلهم عند ابوه واقفين برآ ..

وصل لهم وبنبرة خوف ..: وش صاير

راكان باشمئزاز من حالة اخوه ..: بدري تو الناس

الوليد بتأفف .: راكان مو وقتك ابوي وش فيه

راكان اشر له باب الغرفة ..: ادخل شف وش فيه


دخل الوليد مستعجل .. وانهبل من منظر ابوه والاسلاك كلها حولة وكمامة الاوكسجين عليه

اهتزت مشاعره لمرأى والده بهذا الشكل

ابوه اللي ياما نصحه وهو كان يعصيه ابوه اللي وقف معاه وهو وش سوى غير انه تركه

مسك يد ابوه ونزل عنده وتفجرت دموعه وبدأت بالنزول

..: يبه تسمعني انا الوليد يبى تكفى افتح عيونك تكفى والله بتوب بس لاتخلينا

حس بابو يشد على يده ورفع راسه شاف ابوه فاتح عيونه .: الوليد يابوك وينك طولت علي
انتظرتك تجي وانتظرت خيبت ظني فيك كثير ماراعيت الله فيني وفي امك

الوليد نزل راسه بخجل ودموعه سيلان بقهر على تلك السنين اللي ضيعها وهو بعيد عن ابوه وحس انها
كلها بسبب شخص واحد وهو سعود حققد علييه وبقوة

شد على يد ابوه .: سامحني يالغالي سامحني اخطيت بحقك كثيير

ابوه بصد .: ماراح اسامحك وناد لي راكان

الوليد بصدمة ..: لآ يبه تكفى الا هالشيء طلبتك

مساعد بصرامة رغم تعبه .: قلت لك ناد لي راكان

طلع الوليد وهو يجر خيبته معه وناظر راكان .:
آبوي يبيك


دخل راكان بسرعة لابوه ولحقته امه وعمته ..

وهو واقف وحقده على سعود يزيد

بدون ااي تردد مسك الجوال .:
الشرطة.. لو سمحت ابي ابلغ عن واحدد مأذي خلق الله من زمان ومن كبار تجار المخدرات وراعي سكر وحريم الاسم سعود سعد الساري
العنوان ..... الحي .....

وسكر وهو يرمي الجوال باقرب زبالة ( وانتم بكرآمة)


تنهد بحرقة ..: حسبي الله عليك ياسعود شلون ضحكت علي وخليتني انجر معك بهالشغلة

وسمع صراخه من داخل الغرفة ..

دخل ويدعي انه اللي بباله مو صحيح

شاف امه وعمته لامين بعض وراكان واقف عند سرير ابوه ويغطي عيونه

قرب له .: ليش تسكر عيونه ابوي باقي حي مامات

الوليد يهز ابوه بقووة ويصرخ ..: طلبتك لاتروح وانت ماسامحتني لييييش ليشششش


راكان حضن اخوه بقووة ..: انا لله وانا اليه راجعون

ونزلت دمعته والوليد حضن اخوه بققوة وهو يبكي بكاء الطفل الرضيع

..: والله اني قلت له بتوب والله اني بتوووب خله يسامحني راكان تكفى
راكان وكلام اخوه زاد بحزنه ...

....




رجع سعد لبيت عمه شاف الشرطة مجتمعه عنده

خاف ونزل بسرعه وكان يبي يدخل البيت




..: وين يالاخو ..؟

سعد ناظر العسكري ..: ابي ادخل البيت

العكسري ناظره بشك ..: تعرف انت صاحب البيت

..: ااي ليه عسى ماشر

..: ماسكينه بتهمة مخدرات وخمر

سعد بصدمة .: مخخدرات ..؟!

..: للآسف آيه

..: طيب في اغراض لي بروح اجيبها

..: طيب تعال معي


ودخلوا داخل البيت وناظرة العسكري ..: لك شيء هنا

سعد .: لآ بغرفة النوم فوق وطلع هو وياه فوق ودخل الغرفة اللي كانت فيها اخته وشافها محيوسه فوق
تحت وانتبه عالورقة الطايحة ومسكها وقراها ..

وهز رآسة ..: ي حسافة ياعمي ي حسافة

واخذ الورقة وحطها بجيبه


وطلع من الغرفة ونزل تحت ومسكه العسكري قبل مايروح .: يالطيب وين لآزم نكشفعليك آول

سعد بضيق ..: آقولك اول مره اشوف هالانسان امس ونزلت عنده ضيف وطلعت لشغلة وجيت ولا آدري عن بلآويه

العكسري بعدم اقتناع ..: طيب الله يستر عليك توكل


سمع صوت جواله ..: آآي ياهلا

..: آخ سععد

..: نعم من معي

..: معك المستشفى الآخت ياسمين صحت وهي منهارة وتنادي عليك واضطرينا نعطيها ابرة مهدئه

سعد باستعجال .: طيب جاي انا بالطريق

وركب السيارة ودعس




وصل المستشفى بغضون دقايق ..




شاف اخته نايمه بسكون حب راسها ..: حسبي الله ونعم الوكيل آآخخ بس لو اعرف منهو هذا هاللي سوى بك كذا

وتحسر على اخته وشعور عميق بالذنب يجتاحه ماذا يقول لوالدته بل ماذا عن وصية والدة

عاهد نفسه انه راح يلقاه لو كان اخر يوم بعمره

ناظر اخته اللي فتحت عيونها وماستوعب اللي صا للحين ويوم تذكرت صارت تصيح بقوووة

قام لها سعد وضمها ..ويقرأ عليها

ببكاء موجع لحد الالم..:
طلعننني من هناااااا ماابي اقعد ابي ااااامي ودني عند امي تكفى سسعععد بيجي يهجم علي مرة ثانية طلللللللعنييي

وباسها على راسها وهو يهديها .: والله لا آطلعك من هنا والله بس ياعمري بس

وناد النيرس وقالها تجيب ااي عباية

ودخل عليه الدكتور .: خير ان شاء الله صحت المريضة

سعد ببرود .: آنـآ بطلع اختي من هنا

الدكتور باعتراض .: لا مايصلح المريضه فيها كسور لازم ترتاح

سعد وبشخصيته الجديدة ..: انا قلت بتطلع يعني بتطلع ماخذ رايك

الدكتور ..: طيب على مسؤوليتك

.....

ورحلت تلك القلوب ولكن بجروح لا تجبر وليس لها دواء
وبقى هناك تائها يبحث عن تلك التي نحرها ولايعلم حتى ماهو اسمها هي فقط مسماة بزوجته حاول ان يقابل سعود ولكن ذلك لم يكن مقبولا ولم يسمحوا له بمقابلته
آراد ان يعرف من تلك ولكن لايوجد سبيل الى ذلك




نِهَآيةٌ الحِلمّ .. ♫



تَوقعَـآتكمّ .. ♫♫






..

موعِدنَآ القَآدمّ يَومِ الجٌمعَةّ آن ششَـآء الله ..~

يالله وربي ماتوقعت كذاا
فيصل يعني ولد الوليد ؟
سعود ماتوقعته بهذي الحقاره ابد !
معليش تفهميني وش صله القرابه بين الوليد وسعود ؟

ننتظرك الجمعه ولاتتأخرين بالوقت ؛)
لاهنتِ،*

السلام عليكم و رحمة الله و بركاته

صباح الخير و المغفره يارب

ابصم انج لست مجرد هاويه فلقد فقتي توقعاتي تبارك الرحمن

ابدعتي في هالحلم برغم حساسيته و صعوبته برافو عليج ...



ياسمين .. اي ظلم حل بها ضحيه عم ظالم عبد للمعاصي و.الشهوات و رجل كان

مثله ؛؛ مهما حاولنا نرسم صوره لشعورها وقتها ما راح نوفيها صغب على اي انثى

ان تنتهك حرمتها بهالوحشيه حتى من محرم كزوج فكيف و هي كانت تظن انه اعتداء

عليها شعور مؤلم و موجع جدا .. أذا ما تنلام على هالغموض و القوقعه اللي وضعت

نفسها فيها حتى هالطفل فيصل كرهته مع هول اللي عاشته ؛؛

اتوقع ياسمين اللي كلها حياة ماتت صارت مجرد جماد يعني صغب تغفر او تسامح

للوليد هالخطيئه حتى لو كان تحت تاثير مسكر و.هنا المصيبه اعظم ...


الوليد .. اذا فتاة كوابيسه هي ياسمين بس معقوله الوليد يجهل تفاصيل هاليوم و انها

زوجته ما حاول معرفة طريقها و تصحيح الخطأ عي اول و تالي اصبحت مسؤله منه

او انه سعود ظلم اكثر و اكثر بانه خبى هويه ياسمين و انها بنت اخوه ؟؟شيء متوقع منه ...


السؤال مهم جدا فيصل مسجل باسم من ؟؟؟

يعني سعد اخذ عقد الزواج و اكيد وصله لياسمين و لا كيف تقبلت فيصل و حياتها

مستحيل بيخلي اخته تصارع هالالم و بيده يريحها !!


سعود .. اي ظلم و نفس دنيئه تملك كان الله بعونك على نفسك حتى بنت اخوك ما سلمت

من شرك بس الحمدالله طلع فيه خير يومه زوجها و لا صار بالحرام ...


كشف الخبايا و معرفة فيصل لابوه صارت قريبه بانتظارج لا تطولين علينا


سلمتي يارب

......