مسسَآءكمٌ رآحةٌ بَآل

عٌذرَآ لعدمّ وجودي بكَثرة في المنتدى حاليآ امر بضروف تمنع دخولي للمنتدى

يؤسفني انه الرواية حالها في تراجع بس آن شاء الله ترجع للاحسن

وتى ما ربي افرجها رجعت ان شاء الله

وديّ لآروَآحِكٌمّ ..

فزيت توقعت فيه بارت جديد (:
معذورة واخذي وقتك بس لا تتأخرين علينا

في أنتظارك يالغلا

تحياتي لكِ

السسَلآمٌ عَليكٌم وَ رحمَةٌ الله وَ بَركَـآآته

مسسَآكمّ الله بالخخَير والنورَ

شَخبَآركمٌ ..؟!! آن شآء الله بِ آفضل حَآل

طبَعَآ آول شيَء آشّتَقتٌ للرِوَآيةٌ وآشتَقتّ لُكم ..الحَمٌدلله آنتهَت آمتحَنأتيّ عَلى خخَير

رجعَت آن شَآء الله آفضَل مِن آول والعذر و السُموحة مِنكم عالتَأخير ..

البَآرت آن شَآء الله بٌكرَآ الآثنينّ بالليلَ

وِديّ لآروَآحِكٌم ..

مٌجَردّ هَآوِيَةٌ ..

الحِلمٌ الثَآمنَ عَششَرٌ ..







جالسة تناظر بملل مستغربة من نفسها شلون جت لفت على رنا شافتها مثل حالتها
لكزتها من جنبها وبهمس .: ذكريني وش اللي خلآني آغير رآيي وآجي
ناظرتها رنا وهي ماسكة الضحكة .: اللي غير رآيك هو ..
قاطعت كلامها وعلى وجهها ابتسامة سخرية وملامح مضحكة .: لآ لآ عرفت لآتقولين فضولي ولقافتي اللي خلوني اجي
رنا ابتسمت وطقت اصابعها .: بالضبط ..
زفرت بطفش .: آوف ملل ليتني ماجيت .. ماغير خلق الله ترقص على شيء مدري وشو واللي عزمتنا للحين ماشرفت ..
رنا .: آآي والله انا مستغربة سلمت علينا عند المدخل وعقبه ماشفنا وجهها
جنى وهي تناظر ساعة يدها .: ربع ساعة ان ماجت بدق على راكان يجي ياخذني .. وناظرت رنا .: وانتي دقي على رجلتس قولي له يجي بعد
رنا وهي تشرب من عصيرها .: آكيد تبين اقعد هنا مع نفسي رجلي على رجلك حبيبتي ..

دخلت لجين عليهم وهي تدف كرسي شافتهم جنى .. ناظرت البنت اللي على الكرسي .. بنت آية من الجمال .. شعرها آسود .. وكذلك كانت عيونها شديدة السواد .. وسمار بشرتها وجسمها زادها جمال
..
وبداخلها .: اجل هذي بنت عمها اللي تقول عنها
وهي تشوف شلون جو البنات يسلمون عليها ويبتسمون وهم يحاولون يمدحونها ويثنون عالحفلة الرآئعة على قولتهم وهي تبتسم ببرود وهي تناظر البنات كأنها تدور احد معين لين شافت جنى ولفت على لجين اللي نزلت لمستواها وسمعت وش تقول لها بصوت واطي

حست جنى برنا تقولها : قومي نسلم

قامت هي وياها قربوا يسلمون على بنت العم اللي الى الان مايعرفون شسمها ..
سلمت رنا آول وبعدين يوم جت هي تسلم مدت لها يدها : هلآ والله شخبارك يا لمياء اذا ماكنت غلطانه هذا اسمك ..؟!
لمياء بابتسامه وبصوت رقيق .: آآي حبيبتي ماغلطتي الحمدلله ماتتخيلين قد ايش انا مبسوطة انك جيتي لحفلتي يا جنى
جنى رفعت حواجبها باستغراب ... وببالها.: من متى المعرفة ..
كملت لمياء بصوت مدروس .: من كثر ماتكلمني عنك لجين تحمست اشوفك ...
ابتسمت لها جنى بمجاملة وكملت لمياء ..: ان شاء الله انها ماتكون اول واخر مرة نشوف بعض
جنى بأدب ..: آي آن شاء الله .. وبخاطرها .: هذا وجهي ان شفتيني مرة ثانية ...
وآنتهى السلام ورجعوا اماكنهم
جنى بهمس لرنا ..: خمس دقايق وبنطلع ..
رنا ابتسمت على صديقتها اللي ماتغير طبعها عنييدة الله يعين اللي بيأخذها ...
وفعلآ بعد عشر دقايق كانوا طالعين من الحفلة ..

...مر هذا الموقف على جنى مثل رمشة عين ما اهتمت فيه كثيير لكن كان عند لمياء يعتبر بداية لشيء مميز بعينها وبداية المشوار خطوة ...


...

في السيارة ...
لفت عليه بملل .: وش عندك سآكت غريبة ..؟!
راكان وهو مو معها سارح بعييد بافكاره
ضربت كتفه ..:هي راكان
آنتبه لها راكان ولف عليها ..: هااه هلآ وش بغيتي
جنى باستغراب .: سلآمتك بس وش فيك ساكت صاير شيء ..
رآكان بنفي .: لآما صار شيء بس واحد من الشباب تعبان شوي وافكر فيه
جنى اللي حست انه يصرفها ..: آهآآ آوكي ..

وصلوآ البيت ..
دخلوا وراكان يلعب بالمفاتيح وهي تنزل عبايتها وتتأفف .: آخر مرة آروح لعزيمة مثل كذا
ضحك عليها .: هذا آنتو يالبنات مية رأي باليوم ..
ناظرته بنص عين .. وطنشته
طلعت لهم سعاد ..: هلآ يمه جيتوآآ ..
نطت جنى لحضنها ..: مامتي حبيبتي آشتقت لك
آبتسمت لها سعاد .: انتي متى بتكبرين ..؟
جنى وهي تحضن امها آكثر ..: اذا هالشيء بيخليني آبعد عن حضنك مآبي آكببر آببد
وباستها بقووة مع خدهاا ..: يلآ ي قمميل بروح آغير ملآبسي
وأخذت عبايتها ورمى عليها راكان شنطتها ..: آعوذ بالله وش حاطه فيها آنتي
جنى ..: قنبله نووية عندك مانع
وطلعت فوق ..
ناظرت سعاد راكان ورجعت نظرة عيونها وتعبها اللي حاولت تخفيه عن بنتها .: قلت لها ..؟!
راكان وفهم عمته وش تقصد وبضيق ..: لآ والله يا عمه ماني قادر ..
تنهدت سعاد وهي تمسح على ظهره .: طيب يمه قم غير ملآبسك ونآد آخوك معك تتعشون من يوم جاء وهو بالمكتب
راكان وهو حاس بهم بقلبه .: آن شاء الله ي عمه ..

رآحت سعاد تشوف وش حطوا للعشاء

قام راكان وراح للمكتب وقف عند الباب محتار يخاف من اللي راح يشوفه سمى بسم الله ودخل
شاف الوليد حاط نظاراته الطبية وقاعد يتصفح اوراق وباين الضيق بوجهه
قرب له .: الوليد ..
رفع رأسه عن اللي كان مشغول فيه وشاف راكان واقف قدامه ترك اللي بيده ونزل النظاره وهو يفؤك بين عيونه
..: هلآ رآكان .. جبت جنى معك
راكان جلس عالكرسي اللي قدام المكتب ..: آآي جبتها ..
الوليد بقلق .: لآ يكون حست بشيء
هز رأسه بالنفي .: لآ لآتخاف ماحست بشيء ... بس يالوليد لمتى ناوي تخبي عليها
الوليد وهو يناظر راكان بقوة وبعيونه لمعةحزن .: مايحتاج نعرف يا راكان هذا احسن لها
راكان بشوية عصبي..: بس مو انت اللي تحدد وش اللي احسن لها ... جنى مو صغيرة
الوليد بتعب ..: راكان خلاص الموضوع انتهى ..
سكت راكان وهو مو راضي عن اللي يصير ...

دخلت سعاد المطبخ وهي سرحانه بافكارها ..آنتبهت لها ليلى واحزنها حال رفيقة عمرها ..:
عسى ماشر يام جنى وش صاير ..؟!!
ليلى بهم وضيق ..: والله ياليلى مدري وش اسوي محتاره .. الوليد يقول لاتعلمون جنى ماله داعي .. بس ياخوفي تدري من آحد ثاني
ليلى تشد على يد سعاد وبحنان .: تفائلي بالخير آن شاء الله ماراح تدري .. آصلآ هالموضوع محد يدري عنه غيرنا ..
سعاد تهز رأسها ..: آن شاء الله
سمعوا صوت جنى تصارخ وهي نازله من الدرج ..: يلآآآآآ وين العشى انا جيييت
ابتسموا عليها وقومت ليلى سعاد ..: قومي روحي شوفي بنتك لآتاكلنا الحين بنحط العشى
سعاد .: ههههههه طلعتي منها الحين ما كأنها بنتك آنتي بععد
رفعت ليلى يدها مستسلمة .: لآ في هالامور اشيل يدي انا .. آسمحي لي
سعاد بابتسامة ..: ليتها هنا تسمعك بس ..
..: آسممع وشووو
لفوآ عليها منخرعين
سعاد بعتب .: جنى انتي ناوية تذبحينا
جنى بابتسامة وهي تبوس امها .: بسم الله عليك ي قمر آذبح عمري بدآلك
ولفت لـ ليلى ..ورآحت وحضنتها بقووة .: مامتي نمبر توو آشتقت لك اليووم ..
ليلى وبضحكة .: ياعمري وانا اشتقت لكك اكثر
جنى آبتسمت لها .: فديت امي الثانية انا
ولفت تدور .: الآ وين الوليد وراكان
ليلى وهي تحاول تبتسم .: بالمكتب حبيبتي
جنى باستهجان وتحط يدينها على خصرها .: ياسلام آجتمعوا وانا مدري آكيد ورآهم سآلفة بروح اشوف وش عندهم
سعاد وهي تحاول تمنعها .: لآ لآتروحين يمكن عندهم شغل مع بعض ساعدي خالتك وانا بروح اناديهم
ورآحت ولآ عطتها فرصة تكممل ..






في مدينة الضباب ..








تناظر سقف الغرفة .. متضايقة ماتدري ليه ...
ناظرت فيصل اللي نآيم جنبها .. وقعدت تلعب بشعره وهي تفكر .. وش عنده ماتصل .. معقولة خلآص مايبي نجيه للسعودية .. انا ماعندي مانع لانه مايهمني .. بس وش آسوي مع فيصل .. ورجعت تناظر ولدها النآيم ..
لو سألني وين آبوه وش آقول له ... آبوك مايبينا ... بس جا يحرك قلبك عليه ويعشمك بالاخير مايبينا ..
سمعت طق الباب قامت تشوف مين .. وبهمس .: هلآ سعد
سعد بصوت واطي .: انزلي معي تحت للحديقة ..
ومشى ينتظرها تلحقه ولف عليها ..: لآتنسين تلبسين شيء دافي
استغربت سعد وش يبي .. آخذت لها شال قريب ولبست لها جزمة البيت وآنتم بكرآمة ونزلت له تحت
شافته جالس بناظر فووق .. : وش تناظر فوق ماراح تلقى شيء
لف عليها سعد بابتسامة ...: يمكن اشوف شهاب
ياسمين ..: خيالك واسع ياخوي
سعد بجدية .: عالعموم مو هذا اللي انا جايبك عشانه
ياسمين بتوتر .: وش فيه عسى ماشر ..؟
سعد مسك يدها .: تعالي خلينا نجلس وآعلمتس وش صاير
ياسمين بقلة صبر .: سعد وش فيه لآ تشغل بآلي ..
سعد وهو يهديها .:ماصار الا كل خير .. بس الوليد دق علي اليوم يقول انه الاسبوع الجاي آن شاء الله جاي ياخذكم ..
ياسمين والجمود غلف عيونها ..: وتوه يتصل حضرته مو المفروض قبل اسبوع يجي ياخذنا وش اللي غير رايه
سعد وهو يتنفس بعمق .: آصبري ي بنت الحلال السالفة جايتك
.. هو ماكلمك لآنه مو عارف احساسك بالنسبه لهالموضوع عشان كذ كلمني
ياسمين بتساؤل ..: آآآي موضوع ..؟!!
سعد بتمهل ..: سعود





...





يناظر الاوراق قدامة وعلى وجهه ابتسامة خبث ..: سعود حي آجل ..
والله ولقيتها عليك يالوليد ..














نِهَآية البَآرتُ ..


تَعّلِقَآتٌكم...

السُمُوحة لآنهَ البَآرت قِصير ...

..

مررره قصيير وعوضينا ببارت طول البارتاات اللي كتبتيها 
الله يستر من لجين تعبانه وفيها شرها
متحمسه للقاء فيصل وياسمين للوليد !

واخيرا صحى عمهم سعوود !

ننتظرك ،