الحِلمٌ السسَآبِعَ عَششَر ...♫♫
جالسة عالكنب بسكون وتناظر يدينها ... تحس بتوتر فضييع .... تسمعه وهو يتكلم مع فيصل ويضحك معه على اللي يقوله ... رفعت نظرها بلحظه تبي تشوف شكله لقته يناظرها ونزلت نظرها بسرعة وسوت نفسها انها مشغولة بشيء ... شافت فيصل يقوم من مكانه بيروح مسكت يده ماتبيه يروح هو أمانها ماتقدر تخليه يروح ويتركها وناظرته وبصوت هامس :
وين بتروح ..؟
فيصل بضحكه : ماما وش فيك بروح أجيب لبابا مويه اتركيني
وفلت يده منها وطلع وبطلعته حست كانه الهواء فضى من الغرفة وجاهاإحساس بالكتمة اللي يشوفها ويشوف هالتوتر يقول انها عروس ومستحيه بس هي ابعد من هالشيء توترها مو حيا توترها خووف وعت كل حواسها على صوته يناديها : ياسمين
طنشته وسوت نفسها ماتسمعه ويدها عرقت ولا تبي تبين له انها خايفهمنه عشان كذا رفعت راسها تشوف وش يبي
ناداها مرة ثانية بصوت واثق فيه بحة : ياسمين
قابلته بنظرة جامدة : بالنسبة لك أنا ام فيصل
تغلبت عليه ابتسامة ونزل راسه يخفيها ورجع يناظرها : ولايهمك يام فيصل أحلى الأسامي ... الله يخلي فيصل وامه .... وابتسم وكانه متوقع انها بترد لهالابتسامة
ياسمين وابتسامته أثرت فيها بس ماحبت تبين له وبنفس البرود :ماتوقع انك جاي هنا عشان تتغزل فيني ولا أنا غلطانه ...
الوليد ورجعت له نظرة الجدية بوجهه : لا كلامك صحيح انا مو جاي عشا نكذا بس
وقام وقعد قريب من مكانها .:
تعودي من اليوم ورايح على كذا أنا ابي اعودكم على وجودي كل يوم لين ربي يحلها وترجعون للسعودية معي ... وتعيشون ببيتي .. أشوف ولدي اربيه واراعيه وأقوم بكل حاجاته مو احد غيري وانتي بعد تعيشين مبسوطه ومرتاحه معي .. وانا رجال ابي زوجتي ولدي
ياسمين واللي كانت خايفه منه صار ناظرته مبهوته ومصدومة من كلامه
...
ناظرها وشاف شلون ملامح وجهها تغيرت وعرف انه صدمها بكلامه بس لازم يحطها امام الامر الواقع لقاهم عقب هالسنين ومستحيل يفرط فيهم .. كان عنده امل انه يلقاها هي .. بس كان معها ولده وهذا زاد من اصراره على انهم يعيشون عنده .. نعمه من رب العالمين بالنسبة له ولا يبي يجحد بالنعمة اللي جته .. الحين كل خوفه انها ترفض وقتها مايقدر يسوي شيء يبي يعوضها عن كل هالسنين .. وشكلي مالي الا فيصل .. هو الحل لمشكلتي ...
قطع عليه آفكاره صوتدخل عليهم ..: السسَلآم عليكمّ
قام احتراما للشخص اللي جا وقرب يحب رأسها .: هلا والله حيآتس الله ي خاله
ساره بهدوء .: الله يحييك ياوليدي شخبآرك شلون اهلك .؟!
الوليد برجولية بحته .:الحمدلله ماعليهم يسلمون عليكم
ساره .: الله يسلمك ويسلمهم ياوليدي .. الآ بسألك كم لك من اخوان ..؟!
الوليد .:والله ياخاله عندي امي الله يحفظها
ساره .: الله يخليها لك ويطول بعمرها
يكمل الوليد بهدوء .:ويخليك ويطول لنا بعمرك .. وعندي اخ واحد آسمه راكان
وبنبرة خاصة .: وعندي عمتي وبنته عايشين معنا .. وجنى تكون اختنا بالرضاعة ..
ساره هزت رأسها بفهم..: ماشاء الله ..
وتابعت بنبرة حازمة .:شف ياولدي .. يشهد الله اللي سويته مايرضي الله ولا رسوله وحنا مرينا بايام اللهالعالم به .. بس جيتك خير ان شاء الله عليك وعلينا .. وابن ادم مو معصوم من الغلط بس اهم شيء انه يتوب ويرجع لربه ...بسألك الحين وربي يشهد آنت بتصون ياسمين وفيصل ..؟!
الوليد بلهجة واثقه .:باذن الله لا اصونهم واحطهم بعيوني
ساره .: وانا بصدق كلمتك .. بس شف لو صار بيوم وآنظلمت بنتي وجتني تصيح او مقهورة آنساها ولا تفكرانه ترجع لك جاها ماكفاها ..
الوليد .: آن شاء الله مايصير الا خير
ساره .: خلاص الحمدلله كذا اتفقنا .. عشان نكون على بينه .. وقبل ماتروح بنتي معك .. ابي كل السعودية تعرف انك متزوج .. وابي مهرها مليون ريال .. صدقني مو طمعا فيك حنا الحمدلله ربي رازقنا وعايشين بنعمه بس ابي احفظ حق بنتي وياسمين تستاهل صح ولا انا غلطانه ؟
الوليد براحه ..: لوتبي بدال المليون .. مليونين ماعندي مانع وهي تستاهل
قالها وهو يناظر ياسميناللي تناظر امهاا ..
قامت ساره .: الله يرضى عليك .. الوليد واذا قلت لاهلك خلني اكلم امك
الوليد .: ماطلبتي ياخاله ان شاء الله اول ماكلمه اقولتس
ساره قبل ماتمشي مدت له ورقه وهي تناظر بعيونه وبصوت ماسمعته ياسمين ..: حافظ عليها امانه عندك بنتي مو بهالسهولة اعطيه لاي احد .. بس ابوها الله يرحمه جاني بالحلم يوم صليت استخاره وربي انزل علي طمانينة وراحة وانا متأمله فيك خير
قرب الوليد يحب راسها.: ياسمين بعيوني لاتخافين ي خاله ..
حطت الورقة بيده : الله يرضى عليك ياولدي
وراحت وخليتهم
دخل الورقة بجيبه وناظرالصامته اللي ماتكلمت ..
الوليد ابتسم .: فكري بكلامي .. بسافر السعودية بكرآ ويمكن ارجع الاسبوع الجاي ..
قرب لها وحب جبهتها بهدوء ..: بتنتظريني ..؟!
ياسمين ماستوعبت اللي صار ودفته عنها بقووة وقامت تبي تطلع ووصلت للباب الا تسمع صوته .: نادي لي فيصل اذا سمحتي يام فيصل ..
طلعت وخلته بسرعة جسمها كلها تغيب عنها تحس انها مو بهالعالم صدمة صدمة صدمة .. باي حق يجي يقولها عيشي معي وكانها ملكه ابد مو من حقه قهرها ححيل تخاف اذا رفضت ياخذ فيصل وهذا اللي ماتبيه .. شافت فيصل جاي لها بعد ماقلت له ساره يروح عنده ابوه
وصل لها وهي تناظره وحسه بيبعد عنها
فيصل باهتمام ..: رآح بابا .؟!
نزلت وصارت بمستواهوضمته لصدرها بقووه تبي تصدق انه ماراح يغيب عن عينها ..
وناظرت عيونه وهي تمسحعلى شعره ..: لآ حبيبي ماراح ينتظرك تجي
فيصل بفرحة طفولية .:آوك بروح له عشان مايزعل مني
وراح يركض للمجلس اللي فيه الوليد وياسمين تراقبه
كان جالس يشوف العقدبيده .. وبداخله حزن على اللي صار .. سمع الباب يفتح بقوة وبفيصل يجي بقووة ويطب بحضنه ..: ههههههه آآآووه على هونك
لف عليه فيصل وهو يضحك..: جيتك بسرعه خفت تروح
الوليد انعصر قلبه على هالطفل وبحنان ..: وين بروح حبيبي ..؟!
هز كتوفه بمعنى مدري .:اخاف كل هذا حلم اقوم بكرآ مالقاك
الوليد بضحكة .: هو انت صحيح بكرآ ماراح تلقاني لاني برجع بيتنا عنده جده ..تبي تجي انت وماما عشان تشوفونها .. هي تحبك مرره ترآ
فيصل بحماس ..: الله عندي جده ثانية .. بقهر خاله جمون ونآآسه
ضحك الوليد علييه ..:ههههههه خلآص انت قل لماما .. نبي نروح مع بابا عشان نشوف جده ونعيش عنده
وحط يده على خده .:بتقعد عاقل حبيبي .. يمكن اطول ما آجي
فيصل بعبرة ..: لاتروح اخاف ماترجع ..
ضمه الوليد لصدره وهويستنشق فيه عبير عطرها .: لآتخاف حبيبي برجع ان شاء الله وكل يوم بكلمك
فيصل بطفوليه .: بروميس..؟!
الوليد وهو يدغدغه ..:وش بروميسه قل تم خلك رجال هااااااه
فيصل وهو يتلوى بحضن الوليد ..: ههههههه باابا ههههه يكفي بابا خلاص هههههههههه
يتركه الوليد ويعض خده بقووة .: آآي خلك رجال .. يلآ حبيبي تبي شيء اجيبه لك معي لا جيت مرة ثانية ..
فيصل يهز رأسه برفض .:لا خالي سعد كل شيء ابيه يجيبه لي
تضايق الوليد من هالشيء بس مو بيده الولد تعود على خاله ومو بسهولة يخليه يعتمد عليه من اول يوم
مسح على راسه واغتصب ابتسامه .. .: طيب حبيبي رح نم انت الحين عشان تقوم بكرآ بدري
فيصل .: طيب ابي اضمك اول
شاله الوليد وهو واقف... وضمه فيصل وحب راسه .: آحبك بابا
الوليد طالع فيه ونزلهعند الباب .: آنتبه لنفسك حبيبي .. وسلم على ماما طيب
فيصل .: ان شاء الله
وطلع الوليد من الباب ونزل الدرج وقابل سعد بوجهه وتهيأ انه يرد عليه لين مد له سعد يده وبابتسامة اول مره يشوفها بوجهه ..: مع السلامة يالنسيب
سلم عليه وشد على يده بقووة ..: انتبه لهم امانه عندك
هز سعد رأسه .: لآتخاف كل هالسنين وانا منتبه لهم الدور جا عليك
وضرب كتفه .: لآوصلت دق علي
الوليد بصوت رجولي بحت.: لاتوصي حريص فمان الله
سعد بصوت واثق .: الله يستر عليك ..
ومشى الوليد ودخل سعدللبيت ..
...
بغرفتها ماسكة ورقةالتحليل .. شدت عليها بقووة وهي تتذكر كلام الدكتور لازم نبدأ علاج حالا ولاالسرطان بينتشر لآزم نتداركه قبل ماينتشر ... : انا لآزم اصير قوية لازم .. هذاابتلاء من ربي .. ولآزم اصبر ..
...
من بكرآآ ..
وصل بيت اهله .. طفى السيارة ونزل .. دخل البيت ونزل نظارته الشمسية .. سمع اصواتهم من غرفة الطعام
...
دخل وسلم عليهم ..:السسَلآم عليكمُ ..
ردوآ عليه السلام كلهم وقامت له جنى تحب رآسه وبصوت مرح ..: حيآ الله شيخنا الوليد ..
الوليد بابتسامة صافيةوهو يحاوط كتفها ..: الله يحييتس ..
وقرب للقاعدين و حب رأسآمه وعمته ... وقام له راكان يسلم عليه
ليلى وهي تصب له قهوة .:الحمدلله عالسلآمة ياوليدي
الوليد وهو ياخذ منها الفنجال .: الله يسلمتس يمه .. شخباركم عسى ماناقصكم شيء .؟!
سعاد بحنان : ماناقصناغيرك ياوليدي
وناظرهم كلهم وبشرود .:في موضوع مهم لازم ينقال ..
العمه سعاد وجنى جالسةجنبها .: خير ياوليدي عسى ماشر
الوليد بغموض .: لآياعمه آن شاء الله كل خخير
وناظر امه .: تذكرين يمه المووضوع القديم
ليلى وهي تحاول تتذكر عن أي موضوع يقصد .: آآي موضوع يمه
الوليد سند ظهره عالكنب.: موضوع اللي قلته لك انتي وعمتي
وبنبره معنية .: سالفة زواجي المنسي ..
ليلى وسعاد انبهتوا ..وراكان رفع حواجبه باستمتاع .. وجنى بهمس مستنكر ..: وشوو زواجه من متى ..؟!
تنهد الوليد وهو يراقب تعابير الوجيه ..: هذا مو موضوعنا الححين .. آسمعوا السالفة ..
....
بعد يومين ..
ماسكة الجريدة اللي صارت صديقتها من يوم شافت صورته دورت عن خبر له او أي شيء ..
فتحت الصفحة الرئيسية وشافت صورته موجودة ولا انتبهت للخبر .. وبحب .: يالبيه حبيبي
وضمت الجريدة لصدرها ..ورجعتها تبي تعرف وش كاتبين عنه ..وبصوت مسموع قرت .:
سيد الاعمال ورئيس شركات المساعد ومؤسساتها يكشف عن سره الكبير بزواجه و...
ماقدرت تكمل وبدت ترتجف وبصدمة ..: اييش من متى متزوج ... مستحيييل الوليد لي انا وبس مستحييل هالشيء يصير... بمووتها بذبححها
وبصرااخ .:لآآآآآآآآآآآآآآآآآآآآ
وبعيون ملاها الشر .:والله راح تندممم واللله
وحركت كرسيها ومشت تنفذ تخطيطها بعد ماكملت قراية المقال رمت الجريدة .. اجل متزوج من سبع سنين وعنده ولد لا وبنت الساري ... هين نشوف من بيكسب بالاخير يا انا ولا انت الشيء اللي ملكي مستحيل يروح لغيري
..
بحنان .: ياعمري عليهامرره صغيره
مسكها من كتفها .: خلاص هذا جبتك مثل ماوعدتك يلا خلينا نمشي ..
ناظرته بترجي ..:عبدالله تكفى خلهم يطلعونها بشوفها شوي
عبدالله برفض .: حبيبتي توها صغيرة لازم تقعد بالحضانه كم مره نعيد هالكلام
حنين بيأس وهي تناظرها..: بس ابي اشوفها
مسك يدها بحب .:بنشوفها وبنشبع من شوفتها بس خلينا نرجع الحين انتي تعبانه ومو زين لك الوقفه كثيير طيب حبيبتي ..
حنين نزلت راسها تغالب دموعها .: طيب
مشى وهو ماسك يدها .:آدري مو هاين عليتس تتركينها هنا
بصوت حزين .: ااي والله مو هاين علي ..
.. حبيبتي كل هذا عشان صحتها ولا انتي ماتبينها مثل باقي العيال
ناظرته .. وكأنه كلآمه آقنعها
شد على يدها .. يعلمهاانه معها ولا راح يتخلى عنها ..
...
قاعدين على طاولةالطعام
الوليد يترأس الجلسة وعلى يمينه وشماله امه وعمته وبعدين راكان وجنى
جنى بحمااس .: الوليد قلي متى بنشوف فصولي
راكان ناظرها وابتسم على حماسها .: انتي هيه اسمه فيصل ف ي ص ل عرفتي لايسمعك الولد بعدين يتعقد
جنى طلعت له لسانها تقهره .: كيفي ادلعه او اناديه باسمه مالك شغل ..
سعاد .. وهي تمد لهاالخبز .: جنى اهجدي
جنى .: والله مقدر يمه ماني مصدقة انه عندنا ولد صغنن بيعئد
ولفت على الوليد .: متى بنشوفه ..؟!
الوليد بهدوء .: لا كتب الله تشوفينه ..
وقام .: يلآ آنـآآستأذنكم .. بروح الشركة ..
وقرب يحب راس امه وعمته وناظر راكان .: وانت الحقني ..
راكان بابتسامة هبال .:آن شاء الله اخلص فطوري والحقك
وطلع الوليد
ليلى بهدوء .: آآآآه والله ماني مصدقه للحين هاللي سمعته ..
سعاد وهي تبتسم على كلامها.: وليه ان شاء الله مو مصدقة
ليلى بحزن .: آخاف افرح ويطلع كل هذا وهم وحلم
نطت لها جنى .: لآيمه صدقي انا اضمن لك مو حلم بخليك تصدقين بالغصب
راكان يناظرها بنص عين.: وش تبين انتي ... اعقلي
جنى باسى تمثيلي .: ابي افرح انا طيب حرااام
الكل تأثر منه جملتها مع انهم عارفين انها تستهبل
وكملت تمثيلها .: ماني مصدقه بيجي احد يملي علينا جو البيت
جا لها راكان وخرب شعرها .: انتي مدري متى بتعقلين
سعاد .: بتعقل لا اعرست بس هالراس اليابس مدري على من
اشرت جنى على راكان بدون ماينتبه .: الاخت على اخوهااا ..
راكان لاحظ امه الساكته وقرب لها وحاوطها من ورا .. : بسم الله علي اصير مثلك صح يمه
ليلى وهي سرحانه .:هااه وشو ..؟!
..: ههههههههه سلامتس يمه توصين شيء
ليلى .: لا ياعمري انتبه على نفسك وانت تسوق ولا تسرع
اشر على عيونه .: من عيوني يابعد كل اهلي
ولف على سعاد .: وآنتي ياعمه تامرين على شيء
سعاد .: سلامتك ياوليدي.. الله يحفظك
.: يلآ آجل فمان الله..
وناظر جنى اللي لبست عبايتها .: وانتي يلآ مشينا اوصلك بطريقي
جنى برفعة حاجب .: آنا لي آسم وبعدين يا انت ..
عرف راكان انه ماراح يخلص فسحبها واشر لامه وعمته بالسلام وطلعوا
...
وصلوا البنك ..
وقف السيارة وناظرها .:محتاجه شيء ..؟!
جنى بعبط .: واحد فلافل بطحينيه
راكان ضربها على راسها..: فاضي لك انا بتاخر عالشغل وبتجيني تهزيئة معتبره من البيغ بووس
جنى بشر ابتسمت .: آحسن تستاهل اللي يسويه فيك الوليد
راكان .: بتنزلين ولآآرتكب فيتس جريمة ..
نزلت جنى بدون نقاش لانها عارفته مايهدد عبث .. وشخط راكان بالسيارة مسرع
دخلت البنك .: آعوذبالله مايستنى ادخل شيء ..
شافت رنا راحت لها وسلمت عليها وبحماااس ..: رنووو ماراح تصدقين اللي بقولك
رنا بسخرية مرحة .:لايكون عن اللي طلع بالجرايد اليوم ..
جنى باستغراب وتساؤل..: وش طلع ..؟!
رنا بمرح .: سالفة زواج سي السيد المحترم اخوتس
جنى بصرخه .: يعني تدرريييين
لفت رنا تناظر حولها ورجعت تناظرها .: آآوص قصري صوتك ادري بس عن اللي كتبته الجرايد بس ابي اسمع التفاصيل منك
رنا سحبتها مع يدها .:امشي انزل عبايتي واقولك بالتفصيل الممل وش صار ..
...
وصل المكتب ودق على مكتب عبدالله يشوفه حضر اليوم ولا باقي باجازته ..
.: الوو
ابتسم ..: هلا والله حيا الله الخوي
عبدالله .: هلا بك يارجال حسبتك المدير
راكان .: هههههههه آآي عشان كذآ رديت علي بهدوء وادب وانا قلت الرجال عقل عقب ماصار اب
عبدالله .: هههههههههه على تراب بس وش عندك داق علي تراي مشغول ماني فاضي لسوالفك
راكان بصدمة .: آفا ياذا العلم تكرشني وانا ولد مساعد وانا اللي بقولك اني عازمك اليوم عالغداء بس طلعت منت كفوو
عبدالله بترجي .: لآ وش دعووة آمززح معكك ترآ مازوجك بنيتي اذا بتهون انا بعد بهون
راكان بمرجلة .: لآيابوك ماحنا مهونين بس بنتك لي مهي مشكلة ..
عبدالله .: آذا كذا .. كلام الرجاجيل قل تم
راكان بنخوة .: تم الغداء اليوم على حسابي بالمطعم اللي تختاره انت .. وش تبي بعد اكثر من كذا ابو المدام لازم ندلعك
عبدالله .: ههههههههه حسيت نفسي مهم لاول مره
راكان بسخرية .: لا تحس مرة ثانية تورطني
عبدالله .: آقول سقها بس
راكان .: اجل خلاص اقابلك وقت الغداء عندي شغل لفوق راسي
عبدالله .: اوك
...
يناظر الشارع من تحته وتفكيره ماخذه لبعيد ..
مايدري اللي سواه صح اوغلط انه علم اهله بدري ونشر الخبر بكل المملكة بس هذا كان شرطهم وهو نفذه ولازم انه يعلم اهله قبل ااي احد بس تساءل بنفسه عن شعور امه وعمته وبالاخص جنى وششعورها يوم عرفت انها بنت عمها ولا راكان ..
ياربي احس عقلي مشوش ماني عارف هل انا اشيل هم من لا شيء ولا لا
...
رجعت عالكرسي ورآ .:وبس ياطويلة العمر هذا كل شيء
رنا وهي تحط يدها على خدها وبحالمية .: الله كأنها من قصص عبير ولآ آحلآم .. الروايات الاجنية
جنى بعبط .: لآ هذي قصة حصرية made in ksa
رنا .: ههههههههههه جمييلة
جنى .: والله للحين ماني مصدقة انها بنت عمي وزوجة الوليد
قرصتها رنا على يدها بقووة ونقزت جنى بصرخه وهي تحك يدها ..: وش فييك يامجنونة
رنا بهبال .: لآ بس عشان تصدقين يعني
جنى .: سخيفه .. والله يعوور
واخذت تفركها
دخلت عليهم لجين .:سلآم صبايا
كشرت جنى ولفت وجهها .:هلا عليكم السلام
رنا بهدوء .: هلا حيآآك تفضلي
ناظرتها جنى بغضب
لجين بخبث .: لآ مابي اطول بس جيت أأكد عليكم تجون حفلتي
ناظرتها جنى .: قلت لك مقدر اجي
لجين بحزن مصطنع .: كان ودي انكم تجون لانه بنت عمي اول مره تحضر هالحفلة وهي ماتطلع كثير عشان الناس مايتكلمون عليها بس انا اقنعتهها
رنا بتساؤل .: ليه وش فيها
لجين بنفس الحزن .:مقعده ماتمشي .. عشان كذا عزمتكم ودي آفرحهها لا شافت الكل جاي عشانها مو عشان يتشمت فيها
جنى بتفكير .: خلاص بفكر وارد لك خبر
لجين بخبث غير ظاهر .:حلووو فكري وردي خبر بسرعه لاتطولون علي اوك
وراحت وجنى تناظر رنا كأنها تقولها متى بفتك منها ذي .: هالبنت مدري ليه ماني مرتاحه لها بس بروح اشوف وش اخرتها معها ..
...
صفارات الجهاز صووت قوووي تعلن استيقاظ شخص مضى عليه الدهر
يحس جسمه ثقيييل حاول يفتح عيونه ويحرك جسمها وفتحها بهدوووء وهو يفكر من هو .. ووين هو الححين ..؟!
....
نهِآيةَ الحِلمٌ ...♫♫
تَوقٌعَآتكممّ ..♫♫
26-10-12, 04:40 PM
رد: ياحلم من أحلامي
جديد مواضيع قسم الارشيف
العرض العادي
