الحِلمٌ الرَآبِعَ عَشَرّ ...♫♫







أحبك جداً

وأعرف أن الطريق إلى المستحيل طويـل

وأعرف أنك ست النساء

وليس لدي بديـل

وأعرف أن زمان الحنيـن انتهى

ومات الكلام الجميل

...

لست النساء ماذا نقول

أحبك جدا...

...

أحبك جداً وأعرف أني أعيش بمنفى

وأنت بمنفى

وبيني وبينك

ريحٌ

وغيمٌ

وبرقٌ

ورعدٌ

وثلجٌ ونـار

وأعرف أن الوصول لعينيك وهمٌ

وأعرف أن الوصول إليك

انتحـار

ويسعدني

أن أمزق نفسي لأجلك أيتها الغالية

ولو خيروني

لكررت حبك للمرة الثانية


نزآر قبآني .. [OLOR="Crimson"]♫♫



من منآ لمّ يسمَع بِلحَظة تُخبِرنآ آن كُل مَ حَصل كَآن فقطّ مجَردٌ وَهِمُ ...





ناظر المعلومات اللي وصلته عالفاكس واقل شيء ممكن انه احد يقول عنه انه مصدووووووووم ...
كل هذا صار لها مو معقولة يحس انه بحلم
خلاص مايقدر يقعد اكثر من كذا لآزم يشوفها ويقابلها وجها لوجه يبي يسمع منها هي
تنهد .. الظاهر انه راح يتعب كثيير وتوقع انه ماراح يقابلها بهالسهولة اجل ماله حل الا انه يشوف سعد ويقنعه بنفسه
وماكذب خبر وحجز له على اقرب رحلة

دق على مكتب راكان ..:
راكان تعال لي ضروري
خمس دقايق الا يدخل عليه وباستغراب .:
عسى ماشر وش فيه ..؟!
الوليد بحزم .: آنا مسافر الليلة واتوقع مايحتاج اقولك وش تسوي
راكان هز رأسه بفهم وما احتاج اخوه يقوله وين بيروح لانه عرف
..: آن شاء الله تبشر بس بتطول ..؟
الوليد بضيق وهو يناظر مع الشباك ..:
والله ياخوي مدري هاللي بروح عشانه يمكن ياخذ مني وقت لانه لو طلع صدق مدري وش بيصير فيني
ولف ناظره .: مآبي آحد يدري اذا سألوك قلهم اني رحت دبي خصوصا امي ياراكان
راكان بحميه .: آن شاء الله ماطلبت تروح وترجع بالسلامة
الوليد بهم ..: قل يارب آنه ينصلح حالي ويصير اللي ابيه
قرب لاخوه وشد على كتفه وبثقه ..: لآتخاف توكل على ربك وباذن الله كل شيء يتسهل
ابتسم لكلام اخوه آحيان يحس انه هو الكبير لولا الله ثم هو كان الحين هو باقي بطريق الفساد
وبأمل .: والنعم بالله




..




حاطه السماعات وهي تحرك راسها ومغمضة عيونها وداخلة جو
دخلت عليها امها وهزت رأسها ..: جنى وبعدين مععك ..؟!
..
فتحت عيوني شفت امي واقفه ورافعة حاجب قلت بقلبي ..: الله يستر
قمت من السرير ..: هلآ وغلآ بست الحبايب نورتي الغرفة هي منورة فيني طبعا بس انتي زدتيها نور
وبستها بقوووة على خدها وهي تحاول توخرني
ناظرتني بنص عين ..: ودي يوم آدخل الغرفة القاها مرتبة مدري متى بتحقق امنيتي
جنى بدلع ..: وش فيها الغرفة والله انها تهبل
شفت امي تناظر غرفتي وتتطنز على كلامي .: تهبل اجل والله لو القى به عش صراصير ماستغرب
نقزت كانه شيء قرصني آكره شيء عندي الحشرات خصوصا هالصرصور ابو شوارب
وناظرت امي بقهر ..: يمه لاتقولين .. ترآ بنام عندتس اليوم مالي شغل
..: آقول انثبري ونادي الخدامة تنظف الغرفة وخلاص
وطلعت وخلتني وانا منقهرة طيب هذا شيء نفسي ليه مايفهمون لاشفت الغرفة مرتبة احس فيه شيء غلط
لازم ملابس عالسرير والارض مكياج عالتسريحة ودفاتر وكتب عالمكتب
ولآ ماتصير غرفتي
رحت للسنترال ودقيت على هالخدامة اووف ماطيقها تدخل غرفتي وعاجبتني كذآ بس مشكلة اللي مايفهمون
مرت قشعريرة بجسمي وتذكرت الصراصير وكلام امي عنهم
ياربي آنـآ وش يقعدني هنا .. آنتظري يمممه بجي معتس ..




...




ناظرته بتحدي .: مستععد
ناظرني بنفس النظرة .: why not my aunt ?
بحماس وانا امسك يده .: ok lets goooo
ونطينا مع بعض بالمسبح .. آآآآآآآآآآآه
وغصت تحت وانا اسبح وادور العملة المعدنية عشان اخذها قبله وافوز
شفت فيصل ينزل تحت وياخذ شيء وبسرعة يطلع
عرفت انه اخذها وانقهههرت لاني خسرت كالعادة
وطلعت فوق وشفته سبقني وناظرته بقههر وهو يضحك علي
رفع لي حواجبه يقهرني ..: كالعادة انا اللي فزت يلآ الحين انتي اللي بتسوين لي الفطور
زفرت بداخلي هذا كان اتفاقنا اللي يفوز الثاني يسوي له فطور
طلعت من المسبح وانا بمووت قههر دايم اخسر قدام هالنتفه مع انه شبير ونص بس دايم يغلبني
وناظرته وضيقت عيوني ..: آنت ي نص متر ي حبة فاصوليا تبيني اسوي لك فطور
ضحك علي ..: وش دعوووة مو هذا كان الاتفاق .. خلاص بسامحك ونروح نسوي انا وياك وش رايك ..؟!
هزيت رأسي بقبول وبأمر .: يلآ آمش قدامي اشوف
فيصل .: ههههههههه وين بروح يعني
ومسك يدي وخلاني امشي معه للمطبخ ومرينا على امي وياسمين وسعد وهم قاعدين يلعبون ورقه ..
..: صبآآح الخخير
وبست خد ماماتي وضميتها من ورآ
ناظرتني ياسمين انا وفيصل ..: خلصتو سباحة
بملل ..: آي خلصنا ورايحين نسوي فطور
مسكتني امي مع يدي وجلستني جنبها
ياسمين بحب وهي تناظر فيصل .:
تعال حبيبي عندي
راح فيصل لامه وجلسته بحضنها
ساره بمرح وهي تناظر جمان .: تعالي ساعديني ابي اغلبهم مرة عجزت
سعد بضحكة .: وين الفوز عنك يمه الله يهديك عهدك قدييم باللعب
ياسمين وهي تغالب الضحكة ..: سعد لو سمحت كله ولا امي بلا تحطيم
سعد يغمز لها ..: آرحمينا ياللي ماتحطمتي للحين please jasmine dear العبي
ياسمين بضحكتها المميزة .: ههههههههههه اوك مو مشكلة يا مستر سعد نكمل لعب
ولفت على امها ..: هاه يمه بتكلمين ولا تنسحبين
جمان بتحدي .: نكمل ليه لا يلا وزعوا الورق
وناظرت فيصل بنص عين ..: رآح آغلبك هالمرة وتشوف ..
ضحك فيصل وهو يشوفها شلون متحمسه
نزلت ساره اوراقها بهدوء وهي تبتسم برقه وحزن .:
عبدالرحمن الله يرحمه دآيم كان يخليني افوز حتى مع انه عارف اني ماعرف العب بس يخليني افوز ولا يكسر بخاطري
وناظرت عيالها بمرح .: مو مثلكم عافانا الله محد يجبر بخاطري
كلهم آبتسمو على آمهم وترحموا على ابوهم بداخلهم
وجمان عشان تغير الجو غمزت لفيصل .: يلآ خلنا نلعب وهالمرة صدقني بغلبك
فيصل وهو معها بحماس ..: نشووف ياحلوة
وبدوو يلعبون ونسوا سالفة الفطور



...



طلع من المطار يسحب شنطته وراه حط نظارته الشمسية على عيونه
هالمره مايدري كم بيقعد حاس انه بيطول شكله بيمسك المشروع اللي هنا مره وحده بدال راكان
دق على مكتب الشركة يسأل عن سعد وبلغه السككرتير انه الاستاذ سعد باجازة لمدة اسبوع
تنهد ..: طيب وش ورآي بنتظر واشوف نزل في الفندق كالعادة
وبالغرفة ..
ناظر السقف وهو يفكر .. للحين مصدوم كل هذا صار لها مني انا يآربي رحمتك
غمض عيونه وحاول ينام وبخاطره ..: لآقمت آن شاء الله بروح اشوف البناء وش صار عليه
وغفت عينه وافكار كثيرة بخاطرة
ولا يدري عن الخطط اللي تحاك له من وراه



...



بغضب تملكي ..: يعني شلون سافر فهمني
بارتباك ..: طال عمرك اللي عرفته انه سافر بس لايش مدري
ضربت على كرسيها بقههر ..:
لآزم تعرف انا حطيتك ليش منظر مثلا يلآ آنقلع عن وجهي
هز رأسه بخووف ..: طيب ..
ورآح وخلآها بدوامة آفكارها
الوليد .. هذا بالنسبه لها شيء يخصها واللي يحاول يقرب حط لنفسه خسارة هو ملكها وبس
تذكرت يوم صار لها الحادث بسبب سواق ماكان يعرف سوق ومنا فقدت قدرتها عالمشي للابد عقبها انهار كل عالمها
كانت هي وحيدة ابوها وكل طلباتها مجابه ودلوعة ماينرفض لها طلب واللي صار لها هدوم حياتها
ماصارت تطلع ولاتدخل طول وقتها بغرفتها لين جا يوم حست انه الدنيا ضحكت لها مرة ثانية
جا ابوها ودخل الغرفة وهي كالعادة كانت قاعدة عالكرسي وتناظر اللي برآ
وداها ابوها لكل مكان بس مافادها بشيء للحين على الكرسي ولا احد راح يحبها ولا يبيها هذا كان تفكيرها

عطاها ابوها الجريدة وبحنان .:
اقري حبيبتي
ناظرت الجريدة بعدم اهتمام ..:
خير وش فيها
اصر بهدوء .:
آفتحيها وشوفيي ..
آخذت الجريدة وفتحتها بتشوف ليه ابوها يصر انها تقراها
مالفت نظرها شيء
بس يوم لفت على الصفحات الاخيرة شافت صورته وتعلقت عيونها عليه
جذبها شكله ملامح وجهه وحدة عيونه سماره وجسمه باختصار كل شيء عجبها فيه
قرت المقال اللي كان مكتوب عنه
الوليد بن مساعد رئيس مجلس ادارة شركة المساعدة ومؤسساته التابعة لها يبحث ادارة مشروع جديد .... آلخ
وخلصت من المقال ورفعت عيونها لابوها وكلها حيرة ..:
هذا اللي تبيني اقراه بابا
ابتسم ابوها ..:
ااي
باستغراب ..:
طيب ليه ..؟!
قرب لها ابوها وجلس جنبها ..:
لو قلت لك انه هالرجال ذا بيكون لك
دق قلبها وبفرحة ..:
صدق يبه
هز راسه لها بتأييد ..:
صدق ياعيون ابوك
ضمت ابوها وبفرحة ..:
آحبك بابا الله لآيحرمني منك
مسح على شعرها وبحنان ..:
ولآمنك حبيبتي ..

ومن يومها اصبح كل شغلها الشاغل الوليد وانه بيصير لها وانهم بيعيشون تحت سقف واحد
وطلعت كل المعلومات عنه عايش ببيت لحاله وعنده اخ واحد عايش مع امه وعمته وبنت عمته
ببيت قريب من بيته وآوهمت نفسها انه شرى هالبيت عشانها
بس تصرفاته الايام الاخيرة ماقامت تعجبها تحس في سر مخبيه ولا آحد يعرف عنه شيء
وقوست حواجبها وبحقد ..: بس لو كان يفكر باحد غيري راح يندم كثيير ..
وبهمس ووعيد ..: آنت لي بس انا يالوليد

ودقت على بنت عمها ..:
الوو لجين وينك
جاها صوتها ..: جآيه بالطريق ليه بغيتي شيء
لمياء بطفش ..: لآ بس بشوف وينك طولتي
لجين بتأفف .: خربتي علي مكالمة مع واحد لئطه عشان تشوفين ويني يلآ بآي
وسكرت ولا انتظرت لمياء تتكلم وعصبت لمياء من بنت عمها
تشوف انها غبية تضيع وقتها بالمكالمات ولا تركز على شخص معين
مو مثلها وتنهدت بحالمية وهي تفكر بالوليد ...




...




تأوهت بالم وهي تحس مكان العملية يوجعها
آمها بحنان ..: آرتاحي يابنيتي
حنين بألم ..: مقدر يمه مكان العملية يوجع حييل بنادي الدكتور يعطيني مسكن
حب رأس بنتها وهي تسوي لها الفراش ..:
آرتاحي عساني ماخلا وانا بنادي الدكتور او الممرضة تجي تعطيك ابره
ابتسمت حنين لامها ..: عساني ماذوق حزنك يالغالية
ضربتها امها الجرس .. خمس دقايق الا وتدخل النيرس
..: آيوه
آم حنين باهتمام ..: لو سمحتي بنتي تتوجع من العملية وتبي مسكن
قربت الممرضة لحنين .: وين الالم ..؟!
آشرت لها حنين بدون ماتتكلم
فتحت مكان العملية وشافت الجرح شوي مفتوح
رجعت الغطاء عليها وهي تقول .: لآتخافين هذا شيء طبيعي وخصوصا لانه اول طفل
بعطيك مسكن الحين
وطلعت وخلتهم ورجعت وعطتها مسكن وطلعت مثل مادخلت
ومسكت امها يدها تشد عليها
سمعوا طق الباب .. آنفتح ودخل عبدالله
آبتسمت حنين بدون شعور يوم شافته والتفت امها لعند الباب تشوف من جا وابتسمت ام حنين لزوج بنتها
وقامت من مكانها عشان عبدالله يقعد وهي تقعد جنب بنتها
بس عبدالله بسرعه وهو يحط يده على كتفها .: والله ماتقومين ياخاله
انا بقعد ناحية حنين من الجهه الثانية
ولف لعند حنين وجلس جنبها وباس راسها
..: شخبارك حنيني اليوم ..؟!
حنين بهمس .: الحمدلله بخخير
ولفت عليه .: شفت جوري
عبدالله بسعادة .: ااي وطلعت شهادة ميلادها خلاص
حنين بخوف .: ماقالك الدكتور شيء عنها ومتى تطلع
ضم زوجته لصدره ..: لآتخافين ياعمري تعرفين اللي ينولد بالشهر السابع لآزم يقعد فتره بالحضانه
والدكتور طمني على صحتها بس يبي لها تقعد فتره وانتي بعد عشان النزيف اللي صار
والتفت على صوت خالته وهي تقول ..: الحمدلله اللي سلمهم ياوليدي
عبدالله بابتسامه ..: آآي والله ياخالتي الحمدلله
وكمل .: ترآني ذبحت خروف بهالمناسبة ونصيبكم وصيت السواق يوصله لبيتكم
هزت ام حنين راسها .: ماكان له داعي وانا امك
عبدالله بحنان ..: وش دعوة ياخالة هذا بمناسبة قومة حنين بالسلامة
وناظر حنين وهو يكمل .: وحنين تستاهل اكثثر بس خلي تنور بيتها
وباس راسها
حنين بهمس .: الله لآيحرمني منك
عبدالله .: ولآ منك ياعمري ..



....





وهم راجعين بالطريق

سعد يسوق وامه جنبه
ورا ياسمين وجمان وفيصل بالنص بينهم
وجمان وفيصل كل واحد ماسك شيء ويطبل عليه ..:
يحلمون .. يحلموون .. اللي فيك يفكرون ... ويكملون باقي الاغنية
وكل واحد يهز راسه من جهه وياسمين تناظرهم وتضحك وهي تصفق لهم
ساره بابتسامة .: خلاص ترا ازعجتونا ..
نطت جمان لامها قدام ..: mam I loooove you sooo much
وباست خدها بقووة ووخرتها ساره بالقوة عنها وسعد ضربها مع رأسها
..: وخري عن امي ذبحتيها
جمان بغرور ..: مالك شغل .. آمي بعد مو بس انت
سعد رفع حاجبه وبسخرية وهو يناظرها من مراية السياره ..:
جمان هااه آعقلي آحسن لتس ..
جمان رجعت لمكانها بكل هدوء وبهمس ..:
يمه منه هو ونظراته
سمعها فيصل وضحك عليها .: ههههههههههههه هاوشوها مسكينه
هجمت عليه وهي تشد خدوده .: آنا تضحك علي ياحبة الفاصوليا انت
فيصل بألم .: ماما هلب مي ... وهو يحاول يفك عمره
بعدتها ياسمين عن فيصل وهي تناظر وجهه
.: ياويلك من الله شوفي شلون صارت خدوده حمر
جمان رجعت مكانها .: آحسن يستاهل
فيصل وهو يفرك خدوده .: مجرمة
ناظرته بنص عين
فيصل بخوف .: خلآص بسكت
اثناء ذلك وصل لسعد رسالة .. تبلغه انه الوليد بلندن وطالب يقابله ضروري
سعد بخاطره .. الله يستر الظاهر وقت كشف الاسرار حان
بعد ساعة وصلوا لندن .. نزلوا تعبانين ونادى سعد الخدم يشيلون الاغراض
ودق عالرقم وعرف هو وين وراح له الفندق




...




سكرت من سعد وهو يقول لي انه جاي بالطريق
اخذت الاوراق معي ونزلت تحت قعدت بالكوفي وطلبت لي قهوة سوداء
عشر دقايق الا هو يدخل ..
رفعت يدي انبهه لمكاني والتفت علي وقمت سلمت عليه
قابلني بنظرته الثلجية المعتادة .:
ياهلا والله حياك الله
وجلسوا وناظرته .:
وش اطلب لك سعد ..؟
سعد بهدوء .: قهوة
نادى الوليد عالجرسون وطلب لسعد قهوة
ولف عليه .: تحب عليها حليب او سكر
هز سعد راسه برفض
آبتسم الوليد بداخله اول مره يتشابهون بشيء
لما جاه الطلب مسك سعد قهوته وسأله بهدوء .:
وش مناسبة زيارتك هالمره
حط الوليد يده عالملف .:
جيت اشوف مشروع البناء اللي هنا
وكمل ببطء .:
وجيت عشان شيء ثاني
رفع سعد حاجبه بسخرية .: شيء ثاني مثل وشو
لف الوليد وجهه للشارع .:
تظن وين احسن مكان اشتري فيه بيت
سعد باستغراب ..:
تشتري بيت ..؟
الوليد ببرود .: آآي يمكن استقر هنا فتره
هز سعد رأسه ولآتكلم وهو ينتظره يكمل
مد الوليد الملف لسعد ... .: وش هذا ..؟!
الوليد .: ابيك تأكد لي الكلام اللي هنا صح او لا
فتح سعد الملف ويوم عرف انها معلومات عن ياسمين رماه عليه وبنبرة ثلجية ..:
كان قلت لي وانا اعلمك بكل شيء مايحتاج تستخدم طرق خسيسه
ضرب الوليد الطاولة بقهر .: ماكان قدامي الا هالحل وابيك تقول اللي صار
سعد بلمعة غضب ..: وش تبي تعرف بالضبط يا استاذ
تبي تعرف انها تتمنى انك مانخلقت على وجهه هالارض
شحب وجه الوليد وببرود .: سعد انا ماجيت اتهاوش معك ابي اعرف الحقيقة بس
تعوذ سعد من ابليس بخاطره لانه ياسمين ماعمرها قالت له كذا بس هو من قهره على اخته واللي صار لها قال هالكلام له
شبك يدينه مع بعضها ..: تبي تعرف وش اللي صار
ناظره بغموض .: انا بقولك اللي صار

قبل سبع سنين ونص ..:
وصلوا مطار هيثرو وهو يشوف اخته كانها جثه تمشيء مافي حياة بوجهها من يوم صار اللي صار ماطب فمها اكل ولا موية ولاشيء ماحس الا وهي تطيح قدام عينه وبصرخه ..: ياااسمييييييييين
وشالها بسرعة وتجمعوا الناس عليه واللي اتصل عالاسعاف
وصلت الاسعاف بسرعه وركب معهم .. وعلى طول للمستشفى
.. ماستغرب يوم قاله الدكتور انه اللي فيها انهيار حاااااد
ضرب الجدار بقههر وراح لها عند السرير وجلس جنبها وهو يمسك يدها ونزلت دمعته قهر على اخته واللي صار لها وتحسب الله على سعود الف مرة ... ماعرف شلون وثق فيه .. يمكن لانه شاف ابوه فيه .. آآخخخ يالقههر
حس فيها تتحرك وتفتح عيونها ... مسك يدها بلهفة .:
ياسمين عمري انتي بخير .. انا مععك لآتخافين
ياسمين بجموود .: ليه النور طافي ..؟!
ناظرها سعد بصدمة وبعدين وجه نظره للانوار اللي بالغرفة
وبهمس ..: مسستحييييييييل




..




نهَآيةٌ الحِلمٌ ..♫♫


تَوقعَآتٌكممّ .. ♫♫


...


[/COLOR]

مَسسَآئكمّ تَعلِيقٌ × تَعِليِقٌ
مدري هو منِ جهَآزي آو المٌنتَدى

دقَآيقٌ وَ يَنزلٌ البَآرتٌ ..
وآن شَآء الله مَ يعَلقٌ

السسُموحة مِنككٌم.. مقدّر آنزل بآرت هَألأأسبٌوعِ
مَوعِدنآ آن شَآْء الله الآثنِينٌ القَآدم ..

السلام عليكم ورحمة الله وبركاته

اعتذر لعدم الرد بسبب الانشغال لكن تاكدى اني متابعه بقدر ما استطيع من الاحداث


كم هو مؤلم شعور الوليد يتخبط بين صور مبهمه للبحث عن التفاصيل حتى يصل الى الهدف
يعتصر القلب من شده الالم لحاله ابنه يوبخه بكلمات طفوليه
موجعه حروف بسيطه من فيصل لم تتجاوز السته كلمات فقط فقط

وناظره ..: المفروض انك تعرفها

وبحزن .: وتعرفني انا بععد ..

كانت ناسفه للقلب الوليد حتى هشمته
فيصل تربى على يد خاله الذى منحه القوه والصلابه
لكن هنا شعرت بهذه القوه التي تريد ان تبحث لها عن دفء حتى تستكين
هو ينتظر فقط لمحه حانيه وذراعان تمتد حتى يرتمي بينها ليوجع تلك الاضلاع التي تهشمت من الالم ونزف الشوق والعذاب

ياسمين مارد فعلها حين تعلم ان ولدها قابل والده ويعرفه ؟
جمانه الخاله الحنون المشاغبه وجدت في فيصل روحها المرحه التي ترتبط به
كان هذا حاله حين علمت عن الوليد واخذه لفيصل
فاحرى بياسمين التي سوف تضحي بكل عمرها من اجل ابنها


حنين ربما يصيبها مكروه من اهمال الممرضه لجرحها المفتوح فتصاب بتلوث او حمى النفاس الشديده
وتصاب بجرثومه تفقدها الحمل مره اخرى

عذاً عزيزتي :

الاحداث في الجزئين الاخيره و احده وكانت اضعف من الاحداث في اول الروايه كانت بها من القوه فقد بهذين الاخيره
وان كان بهامن الغموض والتشويق
لكن كانت احداث روتينيه عاديه


شكراً لأعتذارك حتى لا ننتظر البارت
لكن لا تطيلي حتى لاتفقد الروايه مكانتها و متابعيها



دمت دوماً متالقه وبراقه يالغلآ

استودعك بحفظ المولى