كاتب الموضوع :
مُجَردٌ هَآويَةّ
المنتدى :
الارشيف
الحِلمٌ الثَآلثٌ عَشَرّ
الحِلمٌ الثَالثُ عَشَرٌ .. ♫♫
أتعبني الانتظار وااااخ من بابك
لاهو بمفتوح .. ولا هو بمتسكّر
الى متى وانت راكنّي على أعصابك
والى متى وانت بتفكّر وبتفكّر
يا اغمض الناس في سهلك وترحابك
ويا اوضح الناس حتّى وانت متنكّر
خذني من اصفر جفافي ل أخضر اعشابك
تراه ما احلا من الوسمي ليا بكّر
سعد علوش
وقفت وهي تتنفس بتعب والتفت عليه .: شف خلاص تعبت وانا اركض خلنا نغير اللعبة
رفع حاجبه وبسخرية طفل .: لا والله قولي انك ماقدرتي تهزميني بالسباق قلتي نجرب شيء ثاني
ناظرته بنص عين .: آقول آنت ي نص متر آخلص تبي تلعب لعبه غيرها ولا نرجع نقعد عندهم
تكتف وهو يقول ..: آتحفينا يا ام الافكار انتي
لمعت عيونها بحماس .: شف ي مستر فاصوليا ي نائبي وساعدي الايمن العبه فري سيمبل انا اتخبى وانت تدور علي ولا صدتني انا ادور عليك
وصفقت يدينها مع بعض وهي تنقز .: وش رايك
آبتسم لها بخبث وهو يناظر وراها .: آوك بس انا اللي ببدأ
هزت رآسها بنفي وبسخرية .: مو على كيفك ياحبيبي نسوي قرعة
يلآ .. حجر ورقة مقص
كانت هي الورقة وهو المقص
رفع حواجبه لها يقهرها .: قلت لك انا اللي ببدأ
ناظرته بقهر .: طيب يلا بعد للعشرين
وعطته ظهرها وهي تعد
ابتسم وبداخله .. خطتي نجحت
وركض للشجرة اللي رصدها وراها قبل شوي وبدا يتسلقها وبباله ..: خلني اطبق دروس الكشافه هنا
وتسلق لاعلى شيء قدر يوصله ..: ههههههه خلني اشوف تقدر تلقاني الحين او لا
وناظرها يوم خلصت عد وهي تلفت يمين وشمال تدور عليه وتنادي فيصل
ضحك بخفوت وهو يشوفها شلون تنزل راسها تحت تدور عليه ولا فكرت تطالع فوق وراحت ورا الشجرة وخاف انها تشوفه فتحرك يبي يروح لغصن ثاني وفجاه ماتحمل ثقله .: آآآآآآآآآآآآه وتمسك باقرب غصن له وللاسف كان مهتري على وشك السقوووط
تدور عليه يمين وشمال ..: داهية هالولد وين اتخبى فيه
فجاه تسمع صوت من فوقهاا ..: آآآآآآآآآآآآآه
بفجيعه وصوت عالي .: فيييييييييييييييييييييصل لآآآآآ آنتبه فيييييييييييصل
وركضت لتحت بالضبط وهي ماتدري وش تسوي وتحس بدموعها تغشي عينها
ماحست الا بسعد وراها
لفت عليه وبلهفه ..: سعد بيطيح الحقه تكفى ياخووي
ماكملت كلامها لانه سعد بدا يتسلق الشجرة بخبره ومهارة
وشافت اختها ياسمين شلون ماقدرت تسند عمرها وطاحت عالارض وهي تناظر فيصل وتتوقع باي لحظه انه بيطيح ويمووت
تعرفون لحظه اللي تحس انك شفت الموت بعينك هذا انا وقتها اشوف ولدي بين الحياة والموت ماقدرت اتحمل دخيلك ياربي لآتفجعني فيه
حست بجمان جنبها وتشد على كتوفها وامها وراهم تناظر اللي يصير بخووف وتدعي الله بسرها
وصل لعنده وهو يقرب له ومد يده له ..: فيصل عطني يدك
ناظر لخاله بخوف وبعدين ناظر لتحت وهز راسه بالنفي وهو مايقدر يتكلم ومتمسك بالغصن
عرف سعد ان الصدمة جمدته مكانه وانه من الخوف مايقدر يتحرك
سعد بحنان .: يلآ حبيبي دايم اقول فيصل رجال وقوي ما يخاف من شيء
وبتساؤل .: آنت ما قلت لي انك قوي ولا تخاف من شيء صح حبيبي .؟
هز راسه بتأييد لكلام خاله وعيونه مغمضه
سعد ابتسم ..: آجل يلآ خلك قد كلام وعطني يدك
مد له يده بخوف وحاول انه يقرب بس للاسف الغصن ماتحمل ثقله وانكسر لولا رحمة ربي ثم يد سعد اللي مسكتة والا كان مصيره نفس مصير الغصن اللي طاح
مسكه بكل قوته وهو يشده لاحضانه ويسمع نشيجه من الخوف
باس راسه وبهدوء .: خلاص ياحبيبي ماصار شيء
ونزل فيه بهدوء
واول مالمست رجله الاض لقى ياسمين قدامه تاخذه من يدينه لحضنها وهي تتمتم .: لآعاد تسوي كذا اخذت معك يامك
فيصل بصوت مبحوح من البكي والخوف .: آسف ماما
ناظرته ودموعها من شافت اللي صار م وقفت .: وعد حبيبي
هز راسه بتأييد .: آي ماما وعد
لف سعد لجمان لقاها ذابحه روحها من الصياح قرب لها وضمها .: بس خلاص ليه الصياح هذا هو قدامك الحمدلله مافي شيء
شدت على احضان اخوها .: خفت والله كله مني انا السبب
قربت لهم ساره ومسحت على شعر بنتها .: خلاص جوجو حبيبتي الحمدلله ماصار شيء
وقربت لفيصل وباست راسه وضمته لصدرها .: يلا خلونا ندخل داخل
ونزلت فيصل عالارض ومشت هي وياه والباقين لحقوها
جمان ناظرت ياسمين .: سوري جاسمين
ابتسمت لها ياسمين على اختها اللي ماتناديها جاسمين الا لا كانت غلطانه وتبي تعتذر
...
الظهران مول ..
دخلوا المجمع
لفت على اخوها .: آقول رويكن
ناظرها بنص عين
.: آحم آقصد الشيخ راكان .. وش رايك تروح تقعد بالكوفي على ماخصل اشغالي
راكان بلهجه حازمة .: امشي قدامي اقول .. عندك ساعة بس ماخلصتي ما علي اجرك مع عبايتك واطلع
جنى بقهر .: راكان بالله وش تكفي ساعة .. محل ولا محلين
هز كتوفه بعدم اهتمام ومشى وهي لحقته مغتاظه منه ومن بروده
ودخلت لها كم محل .. شافت اشياء اعجبتها اخذت لها بناطيل للبيت وبجايم وجابت لامهاتها كم جلابية كشخه
لفت على راكان عشان ياخذ الجلابيات يحاسب مالقته دورته بالمحل مو موجود
حطت الاغراض عند الكاشير وطلعت شافته واقف يكلم ويوم طلعت سكر ولف عليها وببرود ..:
هاه خلصتي
..: آآي بس ابيك تحاسب
.: طيب اجل يلا عشان بنمشي
ماعارضت لانها حست فيه شيء صاير
دخل المحل يحاسب وطلعوا على طول
وصلها البيت وشخط بالسياره
جنى بداخلها .: الله يستر
..
من يوم سمع صوت عبدالله حس انه فيه شيء صاير
الزم عليه يقوله وش فيه
عبدالله بصوت لاحياة فيه .: حنين يا راكان
راكان بهدوء .: سلآمات وش فيها ام ريان
عبدالله بضيق .: بغرفة العمليات
راكان .: ليه عسى ماشر
عبدالله بهم .: طاحت من الدرج ونزفت كثيير
راكان بهدوء وضيق على صاحبه .: لآحول ولا قوة الا بالله
خلاص انا جايك الحين
عبدالله .: آنتظرك ..
ماحس بنفسه الا هو واقف عند المستشفى
نزل ودخل يدور عبدالله وينه
شافه قاعد عالكرسي وراسه بين يدينه
قرب لمه وحط يده على كتفه وجلس جنبه
رفع راسه يوم حس بوجود راكان وتنهد بضيق ..: آآآه ياراكان
راكان وهو يشد على كتفه .: توكل على ربك مو صاير الا كل خخير ان شاء الله
ناظره عبدالله بامل .: آن شاء الله .. الله يسمع منك
وكمل .: هي بالعناية الححين ومايدرون متى تقوم
والبيبي بالحضانه يقولون انه رئته ماكتملت ومحتاج اكسجين وتنفس ويمكن بكرا او بعده او بعد سنه يموت
راكان .: وش جنسه .؟
عبدالله ناظره وبابتسامة حزن .: بنت ياراكان
راكان .: باذن الله تقوم لك هي وامها بصحة وعافية مافي شيء يصعب على رب العباد
عبدالله هز راسه .: والنعم بالله ..
راكان يقوم ويقوم عبدالله معه ..: يلا امش خلنا نروح المسجد حق المستشفى نصلي وندعي لهم
وسحبه معه للمصلى وكل واحد فيهم استقبل القبله وصلى وقعد يدعي
...
دخلت السيارة لحديقة البيت الكبيرة اللي تتوسطها نافورة
وقفت عند باب البيت الكبير
فتح له السايق الباب
نزل ودخل البيت اللي كان اشبه بالقصر لكبره وكبر مساحته
اخذت من الخدامه بشته وشنطته دخل للصالة الداخلية وشافها هناك تقرا لها كتاب
ابتسم بحنان لايظهر سوى لها .: حبيبة ابوها شتسوي
لفت على ابوها وبفرح .: بابا متى جيت
قرب لها .: الحين ياروحي توني جاي شخبارك بابا
هزت راسها .: الحمدلله انا بخخير
مسح على راسه بنته وابتسم لها بحنان وحز بخاطرة منظرها بهالشكل كل هالجمال اخرتها مقعده وعلى كرسي متحرك
وعى على صوتها .: ما اشتقت لي بابا
مسك خشمها .: شوي اشتقت لك فيه احد عنده مثل لمياء ومايشتاق لها
لمياء بخبث .: طيب وين اللي وعدتني فيه
تنهد .: قريب يا بابا بيصير
صفقت بوناسه ..: الله يعني بيصير الوليد لي
بحقد دفين .: هو اصلا لك ماهو لغيرك
لمياء وافكار والدها ملأت رأسها بانه وليد ملك لها ويهيم بها شوقها ..ضمت يدينها لبعض .:
متى يجي يخطبني ..؟
ابتسم لها .: هو صار خطيبك خلاص
لمياء بتملك .: آكيد اصلا هو لي انا بس واللي تفكر فيه امحيها من الوجود ولا ماكون لمياء بنت فواز النافي
ضمها لصدره .: ااي كذا ابيك لآتتنازلين عن حقك ابد
غمزت لابوها ..: افا عليك تربيتك
...
طول اليوم راسه كان مصدع طلع من الشركة عالمغرب ووصل لبيته
حط راسه حاول انه يرتاح شوي قبل صلاة العشاء بس ما كان فيه امل الافكار معذبته
خلاص ماهو قادر يتحمل لازم يرجعها لازم يجيبها هنا اصبحت هاجس لاتفارقه
مايبيها تكلمه او تسامحه بس يبيها تكون عنده عشان يقدر هو يحميها يصير المسؤول عنها
ويمكن بعدين يصير لهم امل مع بعض ويعيشون حياة مثل الناس فكر بقلق بس لو طلبت الطلاق
ي ترآ بيقدر ينفذه لها
هز راسه وهو يتعوذ من ابليس ويسمع اذان العشى
قام وتوضى وطلع وبفكره .. باذن الله بعوضها عن كل الم سببته لها
...
ناظرت ولدها النايم بامان بحضنها
وتفكيرها رحل لعالم اخر
حطت عالسرير وهي تسمي عليه وابتسمت وهي تشوف جمان نايمه مكانها
غطتهم وطلعت ... لقت سعد جالس برا يناظر النجوم
جلست جنبه .. لف عليها وبهدوء ..: هاه نام فيصل ...؟
ياسمين بتنهيده ..: آآي الحمدلله
ولفت وهي تكمل ..: وين امي ..؟
سعد ياشر على داخل ..: دخلت تصلي بغرفتها القيام
وناظر ياسمين نظرة ثاقبه ..: وش اللي بخاطرك
ياسمين وشعور بالقلق يهاجمها ..: مدري ياخوي اللي صار اليوم لفيصل خوفني من اشياء كثير
عقد حواجبه بعدم فهم ..: من أي ناحية
ناظرته ..: ناحية انه فيصل لو عرف منهو ابوه ماراح يسامحني لاني خبيت عليه
ابتسم لها بحنان ..: لاتخافين فيصل مو من اللي يسوي هالاشياء ..
ياسمين بهم ..: اتمنى والله اتمنى
سعد بداخله ..: اجل لو تدرين ان فيصل شاف ابوه وسلم عليه وش بتسوين
...
فتحت عيونها بتعب تحس بالم فظيع بكل جسمها والشمس اعمتها
شافته جالس قدامها وراسه عند يدينها ونايم
بصوت هامس وتعب ..: عبدالله
وحطت يدها عند كتفه تصحيه
قام على هزة من يدها على كتفه وفرك عيونه يحسب انه بحلم
وعى لنفسه وشاف انها قدامه صاحية وتناظرة بتعب
نقز من مكانه وهو يقرب يبوس راسها ويهمس ..:
الحمدلله على السلامة ياعمري
حنين بتعب .: الله يسلمك
وحطت يدها على بطنها ونزلت دموعها.:
سامحني عبدالله مقدرت احافظ على ولدك
جلس جنبها عالسرير وشد على يدها بحنان .:
بنتنا ان شاء الله بخخير ياعمري
ناظرته بصدمه وهي تكرر .: بنتنا
ابتسم وهو يهز راسه
زاد نحيبها وضمها لصدره ..:
آنا آسف آلف مره آسف
حنين بصوت متباعد ..: ليه تتأسف انت ماسويت شيء غلط انا كنت الغلطانه
باس راسها بحب ..: انسي ياعمري خلاص
ناظرته بلهفة رغم التعب .: عبدالله ابي اشوفها
ناظرها باسف ..: لا حبيبي بالحضانه هي ماراح تطلع الا بعدين
حنين بعبره ..: بس انا ابي اشوفها
عبدالله ماحب يكسر بخاطرها ..: خلاص طيب بس اشوف كرسي متحرك لك
جاب لها الكرسي وشالها واخذها للحضانه
حنين والفرحة مو سايعتها ..: شف شلون نايمة وا قلبي
ابتسم عبدالله ونزل لمستواها ..:هاه وش تبين نسميها
حنين هزت كتوفها بعدم معرفة
عبدالله بتفكير ..: وش رايك باسم جوري
حنين بابتسامه..: شورك وهداية الله خلاص اسمها جوري
شد على يدها وناظرها بعشق غير منتهي
.........
تكلم بمياعه ودلع ليس من الاصل فيها ولكنها اصطنعته
قاععدة بالسيارة والشيلة طايحة على كتوفها والعباية مفتوحة والسواق مايهمها يشوف او لا
ونسيت وجود خالق يراقب تصرفاتها وماتفعل
وبدلع مزيف ..: اكيد ياقلبي مافي غيرك احد ...
وضحكة .: هههههههه تعرف اني احبك يلا ياقلبي بااي
سكرت وبضيق ..: آآوف مليت منه هذا ثقيل دم
وردت عالثاني وكلام مثل اللي قبله
وهكذا تستمر
الى ان ابلغها السائق بوصولهم
نزلت ولفت عليها الشيلة أي كلام والعباية خلتها مفتوحة
اخذت شنطتها وجوالها ودخلت للبيت
..: آآآهلين لمياء حبيبتي شخبارك
لمياء بابتسامة .: هلا والله انا تمام وانتي
قعدت عالكنبه وهي تفك عبايتها .: بخير ياقلبي بخير
وبتأفف .: ووينها خدامتكم خليها تجيب لي كاس موية
نادت لمياء احد الخدامات وطلبت كاس مويه لصديقتها
ولفت عليها بحماس .: آآي ماقلتي لي وش صار معك مع بنت سعود
.: آبد الله يسلمك بس حاولت اتكلم معها و حسيت انها تقبلتني
لمياء بفتور ..: الموهيم تقربي منها لين تعزمك على بيتها
وناظرتها ببرود .: آنا مادخلتك البنك عشان تلعبي .. ابيك تجيبين راسها
غمزت لها وبخبث .: افا عليك الا تصير عند رجولك واجيبها لك
ابتسمت لمياء على خبث خويتها ووشاركتها افكارها
....
صحى متأخر وراسه يوجعه من قل الاكل والنوم
قام وتوضى وصلى الصلوات اللي فاتت عليه
وسمع صوت الفاكس وهو يصلي
خلص صلاة والتفت وشاف التقرير اللي وصل
المعلومات اللي طلبها عن ياسمين وصلت
قام واخذها وقعد يقراها بنهم وصل عند شيء معين وبصدمة وغضب
..: آآآييييييييييششش
نِهَآيةُ الحِلمٌ ..♫♫
تَوقعَآتكٌم .. ♫♫
|
05-10-12, 09:11 PM
جديد مواضيع قسم الارشيف
العرض العادي
