الحِلمُ الثَآنيّ عَشَرٌ .. ♫♫





يا اجمل الحزن .. لدموعـك سـلام

مـن حبيـبٍ ... بـقـى مـنـه الـكـلام

ويـن انـا منـك .. غربنـي الـزمـان

وخانني النور ... وابعدني الظـلام

لــو بعـزيـك ... سـالــت دمـعـتـي

تـدري الدمـع فـي حبـك ... حـرام

لـو بواسـيـك ... مايكـفـي الـهـوى

ولو أبي ... عـذر مايكفـي الغـرام

أعطـنـى مــن عـذابـك يــا البعـيـد

صرخةٍ ... تجعـل ظلوعـي حطـام

آه ...لـو فــي يــدي أبـكـي مـعـاك

قـطــرةٍ مـــادرى عـنـهـا الـغـمــام

ماابخل الوقـت ... يحرمنـي البكـا

وانــت لجـلـك حرمـنـي الإبـتـسـام

يا اطهر الحزن ... لو كان القصيد

يكـشـف الـغـم عــن بــدر الـتـمـام

لكتـب الشمـس شـعـرٍ فــي سـنـاك

وامحـي إمـن السمـا...عـج وكـتـام

ياعـسـي الـبــدر نـــوره مايـغـيـب

عــن حبـيـبٍ بـقـي مـنــه الـكــلام



بدر عبدالمحسن .. ♫♫




وصلوا المزرعة ومامدى السيارة توقف الا جمان وفيصل نازلين وركضوا وصوت ضحكهم يتعالى
آبتسمت ياسمين على هبال ولدها واختها ونزلت وهي تشوف سعد وامها ينزلون الاغراض
راحت لهم تساعدهم
ياسمين بضحكه ..: هههههههه ليتك مصورهم اللي يشوفهم يقول انهم بنفس العمر
سعد وهو يلتفت على مكان اللي اركضوا له ..: هالهبله اختك مدري متى تعقل
ضربته ساره على كتفه بشويش .: لآتقول عن بنتي هبلة ماتشوف نفسك
سعد بغرور ..: وآنـآ ولد عبدالرحمن والله مافي اعقل مني
ساره بسخريه من ولدها ..: الله العالم
ابتسم سعد على امه

دخلو الاغراض داخل الفلة الصغيرة وسط المزرعة
حطوا فطورهم عالطاولة اللي برا
وطلعت ياسمين لابسه بنطلون اسود وقميص ابيض هاي نك وايشارب على رقبتها ونظارة فوق شعرها
وكانت سارة لابسة بنطلون رمادي واسع وقميص سكري وقاعدة عالطاولة ترتب الفطور
رفعت راسها وشافت ياسمين طلعت من البيت وابتسمت وذكرت الله على بنتها اللي جمالها غريب وفريد
وصلت ياسمن لعند امها وبصوتها المبحوح الجذاب .: مساعدة يمه ..؟
هزت سارة راسها .: لآ خلصت كل شيء والعصير والقهوة الحين تجيبها جاكلين بس شوفي توم وجيري وين
ضحكت ياسمين على كلام امها ..: ان شاء الله من عيوني
والتفت تدور ..:آلآ يمه سعد وينهو ..؟!
ساره وهي منشغلة عالطاولة ..: راح يقول للحارس يكلم العمال لايجون هالاسبوع عشان ناخذ راحتنا
ياسمين .: اهاا .. آوك انا بروح اشوف وين جمان وفيصل راحوا
وراحت وتركت امها ورجعت لها ذكرى كلامها مع سعد قبل كم يوم تحديدا يوم انهارت لحظة شوفته

قبل ثلاث ايام .. في المستشفى ..
فتحت عيونها بتعب وشافت سعد جالس بالكرسي قدامها
همست بتعب ..: سعد
رفع راسه لها يوم سمع الصوت وابتسم بارتياح ..: الحمدلله عالسلامة كيذا تخوفينا عليك
حط يده على راسها ومسح على شعرها وهو يناظرها بحنان
تلفت يمين ويسار ..
عرف وش تفكر فيه مسك يدها ..: ماهو هنا ياعمري لاتخافين انا جنبك
شدت على يده وبنبرة لاحياة فيها .: يووه ياسعد عمري ماتوقعت اني بشوفه مرة ثانية رجعت لي كل الذكريات الماضية
اخذها لحضنه وهو يسمي على اخته وبهمس ..: آنسي يا ياسمين انسي
رفعت راسها له ..: بس مع كذا شفته قدامي نفسه هو ياسعد ماتغير كانه اللي صار لي امس
سعد ناظر اخته بحزن ..: يعني مافي امل تسامحينه بيوم ..؟
ياسمين بنفي ..: لآآآ مستحيل
سعد بصوته الفخم ..: طيب ولو قلت لك انه كل هالسنين كان يدور عليك عشان تسامحينه
ناظرته بصدمة ..: لآ مستحيل اللي مثل هذا مايعتذر
مسك سعد اخته .: ياسمين اسمعيني .. الى متى وانتي تعذبين نفسك حرام عليك عيشي حياتك ترا هالدنيا زوالة ومحد باقي فيها لمتى بتقعدين تنتظرين الشفقة ولا العطف من احد ابوي ماربانا على كذا ..
وناظرها بتصميم ..: تذكرين وش كان دايم يقول .. اعتمدوا على انفسكم ولاتنتظرون احد يمد لكم يده .. قابل من اساء لك باحسان .. وانتي قدها يابنت ابوي .. صح ..؟
ياسمين تهز راسها بنفي ودموعها تنزل ..: لآ لآ مقدر ياسعد مققدر انا كل ماشوفه اذكر اللي صار شلون تبيني اسامح
سعد بحنان .: الآ تقدرين وانا اعرف انك تقدرين .. ياسمين فكري بفيصل هو بعد محتاج ابوه .. مايستاهل تضحين عشانه
وكمل ..: انا ماقولك سامحيه على طول .. علميه انتي من تكونين .. خليه يندم قد شعر راسه اكثر مما هو نادم
وبعدين يالغلا .. مافكرتي يمكن اللي صار لك ابتلاء من ربي .. وعند الابتلاء المؤمن لازم يصبر .. ماتدرين الخيرة وين فيه ..
ماتدري ليه كلام اخوها جلب لها راحة وطمأنينة ليه ..؟!
ابتسمت لاخوها وهي تناظرة بحب ضمته وهي تقول .:
الله لايحرمني مننك
مسح سعد على شعرها وهو يحس انه اخته واخيرا راح ترجع مثل اول واحسن
غمز لها .: هااه خليك قوية مثل ماعرفتك
ياسمين بابتسامة .: ولايهمك .. على اخوي
وكملت بخوف ..: تتوقع لو عرف عن فيصل بياخذه مني ويحرمني منه
سعد بصوت واعد .: ولآ يحلم حتى .. لآتخافين مدام راسي يشم الهواء مايمسكم سوء

...
رجعت من الذكرى وهي تفكر شلون عقب هاليوم .. تغيرت .. وقررت انه لو جا مرة ثانية بتقابله بتشوف وش اخرتها معاه .. هي ماتتوقع انها بتستمر معه .. بس عشان فيصل بتحاول لو تروح القمر ماهمها ..
قربت من الاسطبل ومثل ماتوقعت لقتهم هناك وكالعادة يتهاوشون ...
دخلت عليه ..: سلآم وش تسوون
لفت عليها جمان ..: اوكل تمارا سكر عشان تصير نشيطة لاركبتها وولدك قاعد يهذر على راسي صدعني
فيصل بنص عين ويلتفت لامه .: يمه ترآها كذابة لاتصدقينها بس شاطرة تتامر علي جب هذا ود هذاك
رمت عليه جمان الفرشاة وجت على يده ..: آنـآ خالتك آحترمني اقول
راح فيصل لامه ..: ماما شوفي اختك المتوحشة وش تسوي فيني تبي تشوهني عشان البنات يهجون مني
شهقت جمان اللي كانت تمسح جلد فرسها ولفت عليه ..: من وين متعلم هالكلام يافصوليا هاااه ..؟
طلع لها لسانه ..: من نفسي عندك مانع ..؟!
جمان بغيض ناظرت جمان ..: ولدك هذا آفه عالمجتمع شيليه قبل لا ارتكب فيه جريمة
ياسمين اللي كانت طول الوقت تضحك عليهم ضمت ولدها لصدرها ..: بسم الله على ولدي لاتقولين عنه هالكلام
وفيصل وهو بحضن امه يحرك حواجبه يقهر جمان
جمان ناظرته بقهر ..: هالطفيلي هذا انا اوريك فيه
ياسمين بحزم .: خلآص آنتي وياه .. يلآ تعالوا امي جهزت الفطور
نفضت جمان ملابسها وبتبرم ..: ياربي وصخت ملابسي مرة ثانية
ناظرتها ياسمين من فوق لتحت ..: عادي البنطلون الاحمر مايبين عليه مره امشي يلا
ومسكت يد فيصل وسبقوها وطلعوا
لحقتهم وهي تمسك يد ياسمين الثانية وتمد لسانها لفيصل تقهره وهو لف وجهه عنها يقاله زعلان منها ...

...

في الشركة ..
دخل راكان المكتب على الوليد وحط قدامه ملف وبملامح جدية وبنبرة هادئة ..:
اللي طلبته مني هذا هو ..
رفع الوليد راسه من رسم التصميم وناظر راكان باستفهام
تنهد راكان وهو يجلس .: حق فواز النافي
تذكر الوليد وترك اللي بيده وهو يفتح الملف يتصفح ..: آآي وش فيه عنه لقيت
راكان بانزعاج .: اقرأ وشف ..
قرا الوليد المعلومات عنه وماكمل نصه ورماه .. فتح ازرار ثوبه العلوية وتسند عالكرسي وبضيق ..:
ابي افهم هذا وش يبي بالضبط ..
شلون جمع ثروته وحلاله غير معروف .. ومشتبهين فيه تاجر مخدرات .. وزوجته متوفية وعنده بنت ..
هالمعلومات هذي بحد ذاتها غموض .. وشهولة جاي لهنا ويبي يتعرف
راكان بغموض ..: تتوقع انه من ربع سعود
الوليد بغضب .: ماستبعد هالشيء .. وهالشخص ابد مارتحت له
وبتصميم ..: ورآه سالفة وانا لآزم اعرفها ..

وتذكر شغلة كان ناسيها
لف على راكان وبنبرة سكون ..: راكان تدري
راكان يناظر اخوه ينتظره يكمل
آبتسم الوليد ابتسامة من زمان مابتسم مثلها ..: لقيتها يا راكان وربك لقيتها
قام راكان حضن اخوه وهو فرحان له لآنه الوليد قاله عن كل اللي حصل وليه ذكر هالموضوع بالذات لانه ظلمها وندم
راكان بمواساة لاخوه ..: الحمدلله ياخوك قرة عينك واخيرا
الوليد بامل ..: ان شاء الله يكون قريب ان شاء الله
راكان بتساؤل ..: وين لقيتها ..؟!
الوليد بسخرية ..: تخيل انها طلعت اخت سعد الساري ويصير سعود عمها
راكان بصدمة ..: معقولة كل هالسنين ولا كنا نعرف شيء
الوليد يتنهد ..: تخيل
وبنبرة آلم ..: الله يسامح اللي كان السبب
راكان يكمل ..: بس على كذا تصير جنى بنت عمهم
وناظر اخوه .: هم يدرون انه عندهم بنت عم
هز الوليد راسه .: لآم اظن .. لآنه اسم سعود محضور عندهم بتاتا
راكان بهدوء ..: الله ييسر الحال ..
وحط يده على كتف اخوه .: توكل على ربك
الوليد بصوته الجهوري .:
ونعم الوكيل .. بس خلنا نخلص من سالفة هالفواز عقب يصير خير
راكان بتأييد .: آحسن بععد

...

فلة المساعد ...
نزلت جنى من فوق وبسخرية ..: هاه راحت ام صالح
لفت عليها سعاد ..: هلا يمه وينك ام صالح كان ودهها تشوفك تقول انها من زمان عنك
جنى بتقطيبة حاجب ..: من متى المحبة عشان تشوفني ؟
سعاد بعتب .: عيب عليك احترمي اللي اكبر منك
جلست جنب امها ليلى ..: بس يمه انا ماحبها
وتأشر على حلقها ..: وآقفة لي هنا
ضحكت ليلى على جنى اللي شكلها متأزمة .: ليه يابنيتي وش سوت لك المره
جنى بقهر .: الآ غصب تبي تزوجني ولدها
سعاد ناظرتها بنص عين .: يتهيأ لك
جنى ناظرت امها .: آحلفي انها ماسألت اذا انا انخطبت او لا
سكتت سعاد لانه كلام جنى صح وكملت شرب الشاهي
ومرت لحظظة من السكون لين دخل عليهم راكان .: سسلآم عالحلوات نفرا نفرا
ناظرته جنى ببرود .: الواحد لاجا يسلم يسلم سلام كامل هذا اولا .. ثانية شلون حلوات ونفرا نفرا
راكان طنشها وجلس بين امه وعمته ..: شلونهم المزيونات اليوم ..؟
ناظرته ليلى بحنان ..: بخير ياوليدي وينك ماقمنا نشوفك اعوذ بالله لا انت ولا اخوك
راكان بمرح ..: تعرفيني شخص مهم لازم اللي يبي يقابلني ياخذ موعد بس عشانكم قدمت تنازل وجيتكم انا بنفسي
جنى بتمتمه ..: عششتوا مابقى الا انت
سعاد ..: ااي هذا اللي شاطرين فيه انت واخوك العبوا علينا بهالكلام الحلوو
لف لها راكان وحاوط كتفها بيده العريضة .: آفا وليه الحلوو زعلان علينا وش اللي يرضيك ياقمييل وانا بعيوني اسويه
سعاد بابتسامه .: ابد بس خلنا نشوف هالوجه الحسن مسكينه امك انا وانا عمتك ياكلني قلبي عليكم كل دقيقة شلونها هي والله لو ان جنى ولد كان ابد ماشفتها
جنى بغيظ ..: يمه تراني للحين هنا
راكان لف عليها وبسخرية .: اووه حسبتك رحتي منذو مبطي
ناظرته بقهر وطنشته ورجعت تتابع التلفزيون
ابتسم راكان عليها لانه قهرها ولف على عمته وهو يبوس راسها .: مالك الا طيبة الخاطر ياعمة
سعاد بابتسامة .: الله يرضى عليك ياوليدي
ابتسم راكان على هالدعوة اللي تسوى عنده كنوز الدنيا
وقام قعد جنب جنى ولا التفت له وابتسم بداخله يعرف انها مقهورة وزعلانه منه
.: حيا الله جنى
ببرود .: الله يحييك
راكان بضحكه ..: وش عندك مسويتلي فيها انك زعلانه الحين
لفت عليه وببرود .: كيفي ازعل او ارضى كيفي
ضحك عليها وهو يحس انه قهرها زود
وهمس عند اذنها ..: الا اقول بستشيرك
بنبرة ملل ..: اخلص وش عندك
راكان بنبرة مرحة ..: لآ آبد سلآمتك بس هذا خووي يبي يعزم اخته على مطعم ويسأل وش الاحسن
قلت انا عاد بسألك .. هاه وش رايك
جنى بقهر داخلي ..: وصديقك هذا مايعرف وش المطاعم اللي هنا مثلا
راكان وعلى نفس مرحه .: لا لانه هو جاي من الرياض مع اهل يتمشون كم يوم
رفعت عيونها بطفش ..: ياصبر ايوب
لفت عليه وهي تكمل .: شف قل لخويك اتوقع انك تقدر تسوق فرفر عالخبر والدمام وشف لك مطعم زين
راكان بنبرة خبث ..: طيب وش رايك بفرايديز حلووو
نقزت من مكانها ورجعت مره ثانية هجدت وهي منقهره لانه هالمطعم بالذات مكانها المفضل
وسوت نفسها انها عاادي ..: ااي عادي حلوو قله يعزم اهله هناك
راكان وهو يسند ظهره عالكنب ..: شورك كذا ..؟!
هزت راسها دليل الموافقة لكن بدون صوت
قام راكان وهو يقول .: خلاص آجل تجهزوا الليلة عازمك عالمطعم
لفت عليه جمان وبحماس .: فراييديز
ابتسم لها راكان .: ااي فرايديز على قولتك
وناظر امه وعمته .: يلا انا مواعد عبدالله استأّذن
وطلع وكل وحده تردد دعاء بداخلها

...
طلع من الشركة

يحس انه تعب اليوم تعب مو طبيعي شغل همه موضوع فواز .. ياسمين .. سعد
ركب سيارته البنتلي الاسود وحرك .. لاحظ وهو يمشي سيارة تلحقه
يبي يتاكد من هالشيء لف من شارع ثاني بيشوف هي تلحقة او لا وطلعت فعلا تلحقه بس من بعيد
تعوذ من ابليس وهو يدخل بشوارع عشان يضيع اللي يلحقه
لين تمكن اخيرا من انه يضيع لف عالشارع راجع على بيته
ودخل البيت اللي يحس انه مهجور ..: هل بتجي هالبيت وتنوره ياترى
نزل راسه وهو يهمس .: آتمنى

...

وصل لمكانهم المعتاد شافه جالس ينتظره
وقف السيارة بالمواقف .. نزل وهو يلعب بالمفتاح بيده
..: سلام يابو الشباب
لف عليه وبهدوء غير معتاد .: هلا وعليكم السلام
عقد حواجبه مستغرب من صديقه ..: سلامات يابو ريان فيه شيء
هز كتوفه بمعنى مدري ..: الحال مثل ماهو عليه
جلس جنب رفيق دربه وحط يده على كتفه .: اجل وش اللي مضايقك
عبدالله لف عليه .: مدري ياراكان ابي انسى الهم واعيش حياتي براحة
راكان بهدوء ..: زوجتك سوت شيء
عبدالله بنفي ..: لا وهذا اللي ذابحني مو مخليتني احتاج شيء ولا ينقص علي شيء وشايلة امي وابوي على كفوف الراحة بس الى الان باقي بقلبي عليها شيء
راكان ..: تحبها ..؟!
لف عليه عبدالله ..: وبجنون ياراكان وبجنون كل يوم اشوفها قدامي واتعذب بس اصد لا ذكرت وش كانت تسوي قبل
راكان بصوت واثق ..: اجل مدام انك تقول انها تغيرت للاحسن وانك تحبها مالك حق تبعدها عنك اسمع نصيحتي ياخوك بكرا لاضاعت منك ولا صارلها شيء بتندم اشد ندم
عبدالله بسرعة ..: الله لايقوله .. الله يحفظها ويخليها لي
وناظر راكان ..: مشكور ياخوي من غيرك ماكنت عارف وش اسوي
راكان بغرور ..: عشان تعرف اني مهم
عبدالله بمرح ..: آقول لآيكثر وقم اعزمني على كوفي
راكان بتحطيم ..: طيب بس محنامطولين عازم الاهل عالمطعم اليوم
وغمز له ..: آعزم المدام وطلعها
ضحك عبدالله على خويه اللي مايخلي له فرصه انه يتضايق
وهمس بداخله ..: الله يخليك لي رفيق واخو
وقاموا لكوفي قريب ..


http://www.youtube.com/watch?v=oKT-u7mprIY

....
في المزرعة ..
جالسين يشربون شاهي العصرية وسوالف وضحك
سعد يشوف اخته شلون متغيرة وتسولف مع امه وتضحك وحمدالله بداخله
يعل هالبسمة دوم بثغرك يالغلا ..
ورجعت له ذكريات ايام شبابه لوحده طرت على باله مجرد وهم وانتهى
ولف على امه ..: الا يمه وين جمان وفيصل ..؟
ياسمين بتساؤل ..: آآي صح حتى انا عقب الفطور ماشفتهم
ساره بضحكة ..: وآختك ماشاء الله من متى تقعد الله يعينك لا اشتغلت عندك بالشركة
سعد بابتسامة ..: لآم اعليك الشغل بيأدبها ويعقلها
ياسمين بضحكة .: ههههههه والله ياخوي ماظنتي
ساره ..: وهي صادقة الا قل بتهبل باللي عندها
سعد وهو يشوف مكالمة من سمير السكرتير
رد عليه .: هلآ سمير
بهدوء .: آهلين استاز في بريد الكتروني هلاء وصل لعنندك
سعد بزفرة ..: وانا ماقلت لك مابي ااي شيء بخصوص الشغل هالاسبوع
سمير .: بس انت ياللي طلبت نبلغك اذا ارسل شي ولا حاجه سيد الوليد اسمه ماهيك
سعد بهدوء ..: خلاص ارسلها لي انا اشوفها
..: اوك متل مابدك
وانتهت المكالمة ..


رفع راسه شافهم يناظرونه

ساره بحنان ..: هذا الشغل يمه

سعد بتنهيده ..: ااي يمه قلت لهم هالاسبوع اجازة ولا ابي شيء يخص الشغل

ياسمين بتأكيد ..: آآي والله ارتاح شوي من زمان ماشفتك تاخذ لك فترة نقاهه

سعد ناظرها بنص عين ..: شوفوا من يتكلم .. ما كأنك انتي اللي تجبريني اداوم لانك ياحلوة لازم تداومين
شبه يومي وانا مقدر اخليك تداومين لحالك وانا ارتاح بالبيت

ياسمين بضحكة ..: آآي خلاص كبرت عالشغل صرت شايب

سعد برفعة حاجب واستنكار ..: آنـآ شايب لا والله جنيتي على نفسك يا بنت عبدالرحمن

وقام من كرسيه وهو ناوي يشيلها ويرميها بالمسبح

ياسمين تقرب لامها وتضمها وبضكحة..: خلآص تووبة ماعودها

سعد بابتسامة خبث .: آآي آحسب بعد ..

سمعوآآ صوووت صرآآآآآخ ... من بعييد
جمان وبصوت قوي ..:
فييييييييييييييييييييصصل لااااااااااااااا

انهبلوا كلهم وقاموا وياسمين بخوف .: يمه ولدي
وركضوا لمكان الصوت

....


تكلم رنا تسألها عن وصفة كيك وطرا ببالها

..: الا اقول رنا ..؟

رنا بمرح ..: قولي يابعد حيي

جنى ..: لبى قلبتس يختي .. الموهيم وش بغيت اقول نسيتيني

وحاولت تتذكر ..: آآآآآآآآي صح

رنا بطفش .: وش ..؟

جنى بلقافة ..: هذي البنت اللي جت تسلم علينا تعرفينها ..؟

رنا بنفي ..: لآ عرفتها من البنك كنا انا وياها جالسين جنب بعض وبدت تسولف علي وانا اسلك لها

جنى تهز راسها وبغموض ..: يختي مدري آبد مارتحت لها ابد

رنا بعدم اهتمام ..: حتى انا تصدقين بس يلا وش علينا منها سلام وعليكم السلام ويخب عليها

هزت اكتافها ..: صادقة

وكملت وهي تحس بالحماس .: يلا عن اذنك برروح مطعم فرايديز عازمنا فيه راكان

رنا بيأس ..: عقبالي يارب هالمحروس اللي عندي يتحرك ويتنحنح ويطلعني

جنى بضحكه ..: احد قالك اعرسي بدري

رنا بصوت مقهور ..: الشكوى لله عاد هذا النصيب

جنى بابتسامة .: على قولتك يلا سي يؤؤ ياعسل

رنا ..: الله يحفظك

وانتهت المكالمة

وقامت تجهز لانه راكان الحين على وصول ..

.....

قرب لعند بيتهم شاف اسعاف كانت واقفه ومشت عند الباب استغرب وش فيه
خاف انه امه ولا ابوه صار لهم شيء

نزل بسرعة من السيارة وهو يركض

دخل البيت شاف امه مقطعه روحها من الصياح

قرب لها وتكلم بخوف ..: يمه وش صاير

ناظرته امه وتوها تنتبه لوجوده مسكت يده وبنحيب .:
حنين ياوليدي

عبدالله بفجيعه ..: وش فيها حنين

وتلفت يدور عليها ورجع يناظر امه ...: وينها حنيني يمه

امه ببكاء خافت..: بالمستشفى

توسعت عييونه من الصدمة
..مستشفى ... ليييه

كملت امه بصوت حزين ..:
انزلقت من الدرج يوم كانت تجيب لها غرض
وطاحت ونزفت كثيير واضطرينا ندق عالاسعاف وابوك راح معها الححين

كل اللي فكر به ..: هل يا ترى هذا عقاب من ربي عاللي سويته بحنين

طلع وركب سيارتة وشخط ووصل للمستشفى بسرعة دخل الطواريئ

سأل الاستقبال ..: لو سمحتي في مريضه دخلت من قبل شوي
اشرت لغرفة العمليات

ناظر باب الغرفة كان متخوف وش ممكن يصير

جلس جنب الباب مرت ساعة .. ساعتين

طلع الدكتور .. وقام له متلهف ..: هاه دكتور طمني

عدل الدكتور نظارته ..: وش تقرب لك المريضة ؟

عبدالله بالم ..: زوجتي يادكتور

هز الدكتور راسه ..: الحمدلله قدرنا نسيطر عالنزيف ونوقفة ولازم نسوي لها عملية قيصرية حالا

وناظره .: بس اللي ببطنها ماظمن لك يعيش بس كل شيء تحت رحمة ربي

عبدالله بتاكيد .../ مو مهم اهم شيء هي تقوم بالسلامة

الدكتور..: خلاص بس محتتاجين توقيعك لآ هنت

عبدالله بهزة رأس لحق الدكتور وبقلبه يدعي لحنين تقوم بالسلامة








نهَآيةٌ الحِلمّ ..♫♫

تَوقعَآتكٌمّ ..♫♫

يااااوييلي
فصصول وش فيييهه !!
الله يسستر

جنى الله يستر عليها من ذي البنت < نسيت اسمها ><"

الوليد اخيراً لقى ياسمين متحمسه لحياتهم بعدين

ننتظرك اليوم

دمتِ ،

السلام عليكم و رحمة الله و بركاته

مساء الخير و المغفره يارب

هواوي وش هالقفله الاليمه ؟؟؟؟


ياسمين ... جو المزرعه راح يخليها تفكر صح و تتخذ القرار السليم و خصوصا

بعد كلام سعد لها و انها تعتمد على نفسها يعني بتاخذ حقها من الوليد و تطلع عيونه ...



الوليد ... فرصة على طبق من ذهب لازم يناضل عشان يثبت لها انه تغير و اللي

صار ماضي و ما كان بوعيه و بسبب طيش و جهل ...



فيصل ... وش صار لها اتمنى انها سوالفه مع جمان و لا يكون صارله شيء جايد

لانها وقتها اظن ياسمين بتلوم نفسها حيل و اقرب توقع انه طاح يا من خيل

او هو مسوي مقلب بجمان و مغرق نفسه ...


جنى ... الله يستر عليها من شياطين الانس اتوقع انه عارف انها نقطة ضعف

اخوانها عشان هالشيء هي اقوى سلاح يستخدمه ضدهم ...



عبدالله ... هذي هي حنين بتضيع من ايدينك و حياتها بخطر اظن اللحين الندم

ماعاد ينفع بشيء و اتمنى تقوم بالسلامه بس اتوقع راح يتضرر الجنين او انها ماعاد

تقدر تحمل من ثاني ....



سلمتي يارب

.....

آسمحوآ لي يَ الغَواليّ مققّدر آنزل بَآرت اليٌوم
لآنه عندي آختبارات
آن شَآء الله موعدنا يوم الجمعة ...
وديّ

السلام عليكم ورحمة الله وبركاته
عبدالله هذا مكان متوقع من خلال الاحداث ولكن كيف ستكور رد فعل حنين بعد ان تفقد ابنها ؟
هي من سوف تحاول الابتعاد عنه بعد ان كسرها لفتره طويله
فواز
ليس بمن كان زوج جنى اذاً يريد الانتقام من الوليد ربما بسبب خساره حدثت بسببه او انه انتقام سعود
سعد مالذى يخبيه في ماضيه
لا اتوقع ان يحدث اي مصاب لفيصل ربما مقلب هو وجمان يعدونه لترفيه عن الاسره
الوليد كيف ستكون فرحة حين يعلم عن ابنه اذا هذا مايشعر به من فرحه لانه وجدها
ننتظر احداثه بالحب والصراع للحصول على كسبها
جنى ماذا يخبى لها من مصائب بسبب وضيفتها ومن يتعرض لها ويبحث عنها
هل زوجها السابق ؟ام انه فواز يريد الانتقام عن طريقها ؟
دمت بخير وحفظ الملى