السلام عليكم ورحمة الله وبركاته
مساء الخير
مازال الغموض يلتحف حول الاحداث الماضيه
مازلنا نعيش الم احداث زرعت جذور اشواكها بوجدان بعض الشخوص
الم الوليد مما حصل و كبت حزنه و قهره من ماضي الضياع وموت والده وهو ليس راضي عنه
ربما رضي عنه لكن لم يحب ان يقولها له صريحه في وجه وقتها حتى يكون سبب لهدايته لان الاب اعلم بابنه
هل كان الوليد بعمر 28 موظف لدى والده ليكون ليه هذا المبلغ ليدفعه ؟!
هل تركه والده لضياعه ام كان له شركه خاصه فيه ؟!
فيصل من يحمل شخصيه الرجل الواثق الصغير بالسن الكبير بالعقل
يحب والده ويكن له اله المشاعر
وهذا دليل على ان خاله ووالدته لم يزرعوا بداخله الحقد الدفين لهذا الاب الغائب
ماذا قالوا له سبب غيابه ؟؟
نظرات الوليد لابنه هل سوف يربط من ملامح هذا الطفل مع الاسم ويشك لو لجزء صغير انه ابنه ؟
ام يريد العوده سريعاً حتى يذهب الى سعود ويستفسر من زوجته ؟
كيف اضيف فيصل بورقه ويضم الى اسم والده دون ان يوثق بهذه الورقه انها زوجته في المحكمه بالاحوال الشخصيه
ياسمين الطائر الجريح هل سوف تتحول الى لبوه تنتقم لذاتها من اسدها دفاع عن ابنها
ركان هل ستعلق صوره تلك العنيده جمانه بذاكرته بعد ان يعلم بصلة القرابه بين ابناء عبد الرحمن مع ابنة عمته
هل سينتقم سعد من الوليد بصله قرابه اخرى ان يتزوج ابنة عمه جنى لينتقم من والدها حين يعلم انها تعيش معهم

سوف تستمر هذه الالغاز و نريد بارت اطول من ذلك فانسياب الحروف والاسلوب يجعلك لا تملين من التدفق

ماهي مواعيد انزال الحلم

الحِلمٌ التَآسعّ .. ♫♫


دخلت الغرفة مستعجلة التفتت يمين وشمال تدور عليه ولا لقته وسمعت صوت بالحمام ( الله يكرمكم ) عرفت آنه دآخل وطلعت للصالة وقعدت تنتظرة يخلص وما طولت وهي تنتظر فتره وشافت باب الغرفة ينفتح نطت له بسرعه تلحق عليه قبل مايروح ووقفت بطريقه وحطت يدينها جنبها

ناظرها بطفش وهو يقول ..: جنى وش تبين آخلصي
آبتسمت .: يعجبني اللي فآهمني
بسخرية واستهزاء مضحك .: والله لو انه حمار فهم رايحة جايه على غرفتي وش عندك
تعلقت بيده وسبلت عيونها ببرائة اجادت تمثيلها .: آخوي العزيز الغالي آبيك بموضوع مههم جدا جدا
يتعوذ من ابليس بداخله وتنهد بصوت عالي .: جنى من الاخر قولي وش عندك تراني مستعجل مواعد اخوياي
جنى بقهر داخلي وابتسامة ظاهرية .: بس شوي ماراح اخذ من وقتك كثير تعال معي
وسحبته للصالة وجلسته معها
وبهدوء لم يعتاده منها ..: شف يابن الحلال انا كم صار لي متخرجة
راكان يكتف يدينه ..: خمس او ست سنين مدري
جنى .: طيب وانا من اول ماتخرجت قدمت عالديوان ولا جت لي وظيفة التدريس للحين وانا صراحة طق فيني الطفش وابي اشتغل شيء اضيع وقتي بدال قعدة البيت
رفع حاجب وناظرها بنص عين ..: والمطلوب ..؟
جنى ناظرته بجدية ..: هنا وصلنا لمربط الفرس وحده من صديقاتي لقت لي وظيفة ببنك وابيك تقنع الوليد يوافق
راكان قام ..: آنسي الموضوع بتاتا
بقههر ..: لييييييه ..؟
مشى وقامت تلحقه ..: هالموضوع مفروغين منه وتناقشنا فيه كثيير غير التدريس مالك حاجه بالشغل وانتي مو ناقصك شيء عشان تشتغلين
والتفت عليها وربت على خدها .: طيب ياحلوة
ومشى وخلاها ..
نزلت دمعتها ومسحتها بقهر ... ليه مو راضين يفهمونها لييييييه ..
...

ركب سيارته ودق جواله .. : هلآ عبدالله
..: هلآ بك وينك
راكان بملل ..: جاي بالطريق وينكم فيه
عبدالله بسخرية ..: بمكانا المعتاد يعني وين بنكون مثلا
وبنبرة حماس ..: لايفوتك الحق على خويك الثاني قرر يدخل يودع الحرية ويدخل القفص
راكان باستغراب ..: منهو ..؟
عبدالله بضحكة .: فهد
راكان وبضحكة ..: فهد ..فهد ماغيره لآ ماصدق
عبدالله بمرح ..: تعال عشان تعرف الموجز والتفصيل يلآ ننتظرك لآ تتاخر
..: آوكي جايكم بالطريق فمان الله

سكر جوآله وشغل سيارته bmw ومشى
وبالطريق مرت ذكرى وجت على باله اللي تهاوشت معه على شيء بنظره تافه
هي صحيح مره اللي شفتها بس مدري ليه مو راضية تروح عن بالي عيونها وجهها كلها على بعضها مانسيتها استغربت يوم شفت طريقة حجابها وخمارها الطويل ووبلد غربي وهي عربية نادرة مانلقى كذا لا سافرنا برا بس هي شكلها كان مميز بذوق وادب بس لو لسانها ينقص وابتسم على هالطاري

....


بيت عبدالرحمن الساري ..

قاعدة عالكنب ورجل على رجل
حاطه القلم الرصاص عند ذقنها وتفكر وماسكة الورقة بيدها وتكتب عليها
نزل من الدرج بشويش وجا من وراها ..: بوووووووووووووه
لفت عليه وناظرته من فوق لتحت وببرود ..: very funny
ورجعت تكتب عالورقة
رفع كتوفه وبابتسامه ..: هذا الشيء االوحيد اللي مقدر اغلبك فيه
قعد جنبها وبفضول ..: وش تكتبين ..؟!
بعدت الورقة عن مرمى نظرة وبرفعة حاجب ..: لقافة وش دخلك ..؟!
آبتسم وهو يقرب آكثر ..: please aunt tell me pleaaase
بطفش ..: ياربي من اللي يبون يعرفون كل شيء وملاقيف وكل شيء
ولفت عليه .: شف ياذكي قاعدة افكر اسوي حفلة
فيصل باستغراب .: وش مناسبة هالحفلة ..؟!
لفت يمين ويسار ..: آآآآوووش لآحد يسمعك آبيها تكون مفاجأة
سند ظهر عالكرسي ورفع يدينه عند راسسه وبخبث ..: آهآآ قلتي مفاجأه خلآص آجل خلي كل احداثها مفاجآت على قولتك
ضربته على راسه .: ياغبي المفاجات اللي خبري خبرك هذي علي وعليك مو على امي وسعد وياسمين
حك راسه وهو يتاوه من الالم ..: آآآي طيب فهمت وش تبين تسوين بالحفلة ..؟
جمان بتفكير ..: آآممم I think الاشياء المعتادة كيك سويت عصير كوفي
فيصل برفض قاطع .: لآ لآ قديمة هالاشياء
وبحماس .: انا عندي فكرة
وانتقلت لها عدوى الحماس ..: وش يابو الافكار انت
وقرب لها وهو يهمس لها باذنها
نطت بمررح وفرحة ..: يسسس يسس
ولفت عليه ..: برآفو عليك يابو الافكار انت
ناظرها بغرور ..: عشان تعرفين انك ماتقدرين تستغنين عني
قرصت خده بقووه ..: انت يالنتفه مقددر استغني عنك تخيل هالشيء
فيصل بعصبيه وهو يمسح خده..: آآي يعوور ترآآ
ضحكت وضمته لها بقووة ...

...

في الشركة ..

اخذ له شغل كثير هالايام مايبي يفكر بشيء كل يوم يطلع من الصبح ولايرجع الا اخر الليل مايقدر يشوف امه ماله وجه اصلا عقب اللي صار قبل كم يووم

... كان توه هو وفيصل راجعين عقب ماشاف ابوه اخذه ومشاه وعقب رجعوا البيت بعد ماصلوا العشاء لقى امه بالصالة اللي تحت قاعدة بمكانها المعتاد قربوا وحبوا راسها وبعدها راح فيصل لامه
ناظرته امه نظره ماعرف وش مضمونها وقتها عتب على لوم ماكان يعرف
قامت من مكانها وهي تقول ..: سعد آلحقني عالمكتب ابيك
سعد بقلبه الله يستر ولحق امه للمكتب
دخل للمكتب وسمعها تقول سكر الباب ورآك
سكر الباب وجلس قدامها ..: هلآ يمه آمري وش بغيتي
نآظرته بحزن ..: قلي يا سعد انا ماعرفت اربيكم صح
انتفض من مكانه وبعصبيه .: قطع من يقول هالكلام
رمت عليه اوراق وبصوت حازم وعالي ..: اجل ممكن تفهمني وش هالاوراق ..؟!
ناظر للاوراق وبصدمة شلون وصلت لامه
ساره باسى ..: جابتها لي جانيت يوم كانت تنظف لقتها بالصالة الداخلية ..
ونزلت راسها .: فيصل شاف ابوه صح
سعد بخجل من امه ..: آآي
رجعت تناظره وبعصبيه ..: آجل وش سالفة هالاوراق فهمني
سععد بقههر وهو يشد يده بقوه ..: آبي آحرق قلبه وآقههره مثل ماحرق قلب ياسمين
ساره بالم ..: طيب وفيصل مافكرت فيه انا يوم طلبت منك تسجله باسمك عشان ياسمين وعشان فيصل لين تلقى ابوه والحين تبي تحرق قلبه هالمسكين وتحرمه من ابوه
سعد بضيق ..: يمه تكفين افهميني انا يوم شفته ماصدقت اني اخيرا لقيته من بعد سنين ومن بعد مافقدت الامل يطلع فجاه الحين ياسمين تقدر تتطلق وتعيش مرتاحه معززه مكرمه غصبا عنه و...
ساره بابتسامة اسى .: كمل ليه سكتت تبي تخليه يوقع تنازل عن فيصل مو صحيح
وناظرت الاوراق ..: مو هذا اللي مكتوب بالاوراق .. ولا آنـآ غلطانه
بس فهمني شلون بتخليه يوافق يوقع عالتنازل بتجبره مثلا ولا حقدتك وغضبك اعماك عن هالنقطة
وهمست .: الضنى غالي ياسعد صعب تفرط فيه وصعب يبعد عنك
ورجعت تناظره ودمعتها نزلت ..: تتوقع لو ابوك عايش بيوافق على اللي تسويه ابوك جرب الفقد واتوقع انك شفت وعشت هالشيء

اعتصر قلبه على ذكرى ابوه
مسحت دمعتها وبهدوءها المعتاد .: آختك ياسمين لها رب هو اللي ياخذ حقها مو حنا يا سعد نواجه الغلط بغلط اجل وين تربية عبدالرحمن فيكم ياحسافة بس

وطلعت وخلت سعد بدوامة افكارة
صحى من دوامة افكارة على السكرتير يدخل ..
سمير بهدوء .: آيوه آستاز طلبتني شيء
سعد بصوت غليظ يخفي معه مشاعره المتناقضة .: آآي سمير الله يعافيك من الاسبوع الجاي راح تبدأ جمان تداوم ابي المكتب اللي جنب مكتب ياسمين جاهز
سمير بهزة رأس بسيطة ..: آمرك آستاز شي تاني ..؟!
سعد .: آتصل على شركة العقارات اللي اتفقنا معهم وحدد معهم موعد وياليت يكون خلال هالاسبوع
سمير ..: تكرم على عيني
سعد .: مشكور خلاص
وطلع ورجع سعد يكمل شغله لعله بهذا ينسى اللي يشغله

.....

في الخبر ..

ماتركوه من التعليقات ولا سلم منهم
راكان بضحكة ..: بالله بالله عد لنا القصة من جديد انا للحين مو قادر استوعب انك وقعت رأسا على عقب على قولتهم
فهد بغيظ منهم ..: يجيك يووم تجرب يا راكان ونشوف من بيضحك بالاخير
راكان بخوف تمثيلي ..: بسم الله لاتفاول علي ياشيخ
فهد برومانسية .: والله مافي آحلى من الحب
عبدالله بمرح .: مو هذا اللي كان يقول مابيها وصاجنا مابي اعرس ومابي
فهد بتفكير ..: آنـآ قلت هالشيء متى ماذكر
راكان لف عالشباب وهو يضحك..: جحده هذا لاتاخذون على كلامه
الشباب ..: ههههههههههههههه

وبعدها انتصف الليل وبدا كل واحد يرجع لبيته ..:
عبدالله بهدوء .: راكان اصبر بروح معك سيارتي خربانه
راكان عرف انه بخويه شيء لانهم طول ماهم قاعدين يحس انه مو معهم ولو انه يضحك من غير نفس
راكان بحميه ..: حياك الله السيارة وراعيها تحت امرك
ركبوا ومسك خط الهاف مون لين ووصلوا عند البحر
نزلوا وقعدوآ قدآم الشاطيء وراكان ينتظر عبدالله يتكلم يقول شيء
عبدالله بهدوء ..: رجعتها على ذمتي
راكان فرح لصديقه ..: زين الحمدلله تصافت القلوب وتركتوا هالعناد
عبدالله لف عليه وهو يقول ..: والله موعشانها بس عشان اللي ببطنها رجعتها
راكان فتح عيونه على كبرهن ضم خويه وبفرحة وبصوت عالي ..: ماشاء الله مبرووك يابو سالم
عبدالله بابتسامة خفيفة ..: الله يبارك فيك عقبالك
راكان هز راسه ..: وين يارجال تونا الموهيم انت حاولوا تتصالحون مايصير وضعكم كذا
هز راسه برفض ..: راكان المره بدالها الف بس امي وابوي مابدالهم احد بكل قوات عين تقولي حط امك وابوك بشقة ولا دار ابي ارتاح ببيتي لحالي
راكان بهدوء ..: بس مو انت تقول انها ندمت وتغيرت
عبدالله بضحكة اسى على نفسه ..: بس بعد ايش
وضرب على صدره ..: هنا شيء بداخلي انكسر
سكت راكان وهو يدعي لصديقة بداخله ان اموره تتصلح
اذن الفجر وقاموا يصلون ورجعوا للبيت
دخل البيت الا هدووء مايسمع صوت مر على امه وابوه دخل عليهم لقاهم نايمين راح لجناحه
فتح الباب وشافها كالعادة نايمة عالكنب وكانت تنتظره
قرب لها بهدوء وهز كتفها ..: حنين ... حنين قومي
فتحت عيونها الناعسة وبهمس ..: هلا حبيبي انت جيت وينك طولت كنت انتظرك
صد عنها وبغضب .: انا كم مره قلت لك لاتنتظريني نامي وارتاحي
وراح دخل غرفته وسكر الباب
هي بقت مكانها تشوف طيفه اللي راح وبحزن .: والله اني ندمت ليه مو راضي يسامحني ومسحت على بطنها متى تجي تلين قلب ابوك علي وقامت تصلي
من يوم رجعها وهي بغرفة وهو بغرفة حتى قربه حارمها منه بس هي تستاهل كيف قالت له هالكلام ماتدري

... آبطال جدد ما مصيرهم يا ترى ..؟

.......

من بكرا
جالس هو واخوه بالمكتب
رمى عليه الملف ..: شف صفقة شركة جو اللي اخذنااها ابيك انت اللي تشرف عليها يعني السفريات والشغل هنا والاشياء الثانية كلها عليك
راكان بتصنع للملل ..: الله يعيني
الوليد برفعة حاجب ..: اذا موع اجبك عادي ادور غيرك
راكان بابتسامة خبث ..: وليه انت ماتروح
الوليد بنفي صريح ..: لآ آنـآ ماسك الشغل هنا
وهو بالاصح يريد البعد عن كل ما يربطه بذاك السعد ومن سواه فمن بعد ما تقابل الاثنان احس بشيء من الحقد والكبرياء يلف به وعند مقابلته لذاك الصغير لا يعلم لما شعر انه خائف منه وكانه ارتكب جريمة نكراء لايعلم حقا هل هذا لتشابه الاسماء بين سعد وسعود ام ماذا ... تعب من التفكير حقاا وهو يريد الهرب
راكان بعد ماتصفح الملف وسكره وهو يقوم ..: خلاص مو مشكلة انا كل شهر او شهرين ان شاء الله بروح اشوف
يلا مشينا
الوليد باستغراب .: وين
راكان وهو يناظر ساعته وبطفش .: اولا اليوم الخميس ومحد يداوم فيه غيرك اتوقع ثانيا عمتي سعاد طابخة غدا اليوم يرد الروح امش يلا
ويسحبه معه ويطلعون للبيت

...
وصلوا البيت واول مادخلوا وصلتهم ريحة الاكل
راكان باباتسامه وهو يضرب كف اخوه ..: ماقلت لك
الوليد ابتسم من ابتسامة اخوه ..
طلع كل واحد لغرفته يلبس له لبس مريح
فالوليد بالاضافة الى بيته لديه غرفه هنا في منزل والده
ونزلوا عالغداء
لقاهم كلهم قاعدين ينتظرونه سلم عليهم وحب راس امه وعمته وجلس وسموا وبدوو ياكلون ولاحظ انه جنى مو معهم ابد وساكته على غير العادة

خلصوا من الغداء
الوليد وهو يستند عالكنب وكاسة الشاهي بيده ..: تسلم يمناك ياعمه طباخ ولا احلى
سعاد بابتسامة ..: هني وعافية يمه
قامت جنى ..: عن اذنكم
الوليد بصوت غليظ ..: جنننى
وقفت وهي معطيتهم ظهرها ..: نعم
الوليد ببرود .: لما اكلمك ناظريني
لفت عليه بدون ماتناظره وتكتفت بطفش
رفع حاجبه ..: ممكن افهم سبب هالتصرفاات ..؟
جنى بضيق ..: سلامتك مافي شيء
الوليد بعدم تصديق ..: كل هذا ومافيك شيء
راكان بضحكة سخرية ..: آنـآ آقولك وش فيها الاخت جاتها وظيفة ببنك وتبي تشتغل فيه
الوليد وبغضب ..: صحيح هالكلام ..؟
جنى التي لم تستطع الاحتمال اكثثر آنفجرت ..: آآي صحيح وش فيها شغل مو حرام ولا عيب ولا عاجبكم حالي كذا اقعد لاشغل ولا مشغله ولا ليه اني مطلقة حرام علي كل شيء
راكان بعصبية ..: لو انك موافقة على عبدالله من قبل ماكان صار هذا حالك
جنى بسخرية .: رجاءا لاتضحك علي ولا على نفسك انا وانت عارفين انه ماخطبني الا عشانك ولانه شفقان علي
وكملت بتصميم ..: اوكي اخواني على عيني وراسي بس لكل شيء حد
وراحت وتركتهم

الوليد حس انه كاسة الشاهي بتنكسر بيده .. مقهووور وبقوة اول مره جنى تسوي هالشيء وماكان حال راكان اقل منه حسوا انهم مقصرين مع اختهم وكل هذا على اساس انهم يحمونها ويصونونهاا

لف على امه وهي تكلمهم ..: آنا فاهمه قصدكم يايمه انتم خايفين عليها وهذا من حقكمم بس يايمه الضغط يولد الانفجار وهالشيء اللي تسونه مو صحيح مو ذنبها اللي صار
وكملت سعاد وهي تمسح دموعها على حال بنتها اللي ماشافت السعادة بحياتها الا قليل ..: روحوا لها تلقونها الحين ميته صياح بغرفتها
قامواا كلهم لها بعد كل شيء هي اختهم الوحيدة كابنة للوليد واخت لراكان
دخلوا عليها الغرفة ومثل ماقالت امها كانت ذابحه عمرها من الصياح كل واحد جلس جنبها من جهه مسكها الوليد وحطها بحضنه وبحنان ..: الحين كل هالصياح عشاني اخاف عليك وابي مصلحتك
جنى بصوت رايح من الصياح ..: انتم قهرتوني يعني وش فيها لا اشتغلت ببنك انتم كانكم تعاقبوني على اللي صار لي وش ذنبي اذا كان ابوي مزوجني واحد سكير مثله وانا مدري وفجاه يطلع من العدم يقول انه زوجي وقتها حسيت انه الدنيا انتهت بالنسبه لي ويوم خلصتوني منه حسيت بفرحة بس انتم رجعتوا كسرتوها
وكملت صياح وراكان زاد ضيقه عشانها مسح على شعرها : خلاص ولايهمك تبين تشتغلين اشتغلي
ناظرته بقهر ..: ياراكان المسأله موم سأله شغل المسأله آني آحس آنه ماعندكم ثقه فيني كل شيء لا لا انتم تقولون انه خوف علي بس انا اشوف انه هذا ابعد شيء عن الخوف
ضمها الوليد على صدره وتركها تطلع كل اللي بقلبها كان يحسب انه بهالشيء اللي يسويها يحفظها مادرى انه بغى يضيعها الحمدلله انها تكلمت ولا ماراح يسامح نفسه طول عمره لو صار لها شيء
بعد ماهدت ناظرها ومسح دموعها وهو يبتسم لها ..: خلاص من بكرا الصبح راح تبدين تداومين كل شيء ولا يضيق صدرك يالغلا
وكمل راكان بمرح ..: كم عندنا من جنى حنا
جنى وخشمها احمر من الصياح وبدلع طفولي ..: وحده بس

وضحكووا كلهم وهي بداخلها الله لايحرمني منكم


.....

بيت الساري ..
\
في الطابق العلوي ..
لآبسة بنطلون جنز وقميص رافعه كمومه
ماتدري وش اللي طرى عليها تبي تنزظف المخزن اللي فوق االيوم
كله غبار وكراتين واشياء قديمة من الطفولة تعيد الحنين ماتدري تبدا من وين وتخلي وين
بدت تنظف وترفع الصناديق والكراتين وطاح من احد الصناديق البوم
ونزلت اخذته من الارض وفتحته تشوف وشهو
لقته كله صور لها يوم هي صغيرة وكان معها شخص واحد بس ابوها ابتسمت بحنين لهالذكريات
ووصلها صوت جمان من تحت .: يااااسميييييين
طلت عليها تشوف وش تبي ..: I am here
جمان بابتسامه .: آختي العزيزة انتي مدعوة لحفلة بالحديقة بعد صلاة العشاء اليوم
وكملت بتحذير .: ياويلك لو ماتجين
وراحت وخلتها
رجعت هي وكملت تنظيف المخزن واخذت الالبوم معها على اساس تشوفه بعدين
ونزلت لغرفتها دخلت الحمام تحمم وتتجهز للحفلة
طلعت وصلت العشاء وقضت وبدت تلبس لها فستان سهره بسيط جدا لونه اسود فهي من عشاق هذا اللون وبعد مانتهت سمعت دق على باب غرفتها راحت تشوف من
فتحت الباب الا ولدها قدامها بالبدلة الرسمية وقناع على وجهه ..: هل تسمح سيدتي الجميلة ان ترافقني للحفلة


وقدم لها القناع اللي كان بيده
آبتسمت وطلعت وهي تقول ..: آسمح ولما لآ


ولبست القناع ونزلت مع ولدها للحديقة وشافتهم كل موجودين سعد امها وجمان
كانت حفلة شواء بسيطةولكن بجمعة الاحبه تصبح من اجمل الحفلات

ياسمين وامها قاعدين يشوفون فيصل وسعد وجمان يتهاوشون على من اللي يشوي

وكلا منهما لها مسار تفكير

فيياسمين تفكر بحياتها القادمة وما سوف يحصل

اما ساره فهي تفكر بوعد سعد لها بعدم فعل ما كان سوف يفعله الوعد الذي اراحها كثيرآ

ورسم ابتسامة على ثغرها ولكها امل ان حياتهم سوف تكون اجمل في الايام القادمة



نِهَآيةٌ الحِلمّ ♫♫



تَوقعَآتكممّ .. ♫♫

السلام عليكم ورحمة الله وبركاته

يعطيك الف عافية يا جميلة..

تسلم اناملك على ما قمت بخطه من كلام جميل..

سعود اي دناءة جبلت فيها تستحق اكثر من السجن.. كنت السبب في بُعد اخوك عن والديكما و انت السبب في تدمير حياة ياسمين.. ولكن لا عتب عليك من قمت حتى ببيع ابنتك بكل برود من اجل حفنة من المال...

الوليد هل توبتك ستكون شفيع لك عند ياسمين.. لا اظن.. كم هو مؤلم ان يتوفى والدك ولم يقل لك بانه راضٍ عنك..

ياسمين.. كيف ستكون عودتك للوليد كلي شوق للمعرفة ام انك ستكونين اقوى. و اصمد ولن تسامحيه ابدا... حتى من اجل فيصل..

سعد... ما الذي تخبأه لك الايام اكثر؟؟!

راكان و جنان.. متأكدة بأن ستجمعكم قصة رائعة و شائكة...

جنى... ما الذي سينتظرك بالبنك؟!


كل الود لك اخيتي بأنتظارك بكل شووق...



تم الإرسال من جهازي GT-I9001 بواسطة تاباتوك 2