من ارشيف الذاكره
نستعرض اليوم سويا إحدي مبالغات الشيوخ (و هي كثيره ) في خطب الجمعه

حدثت القصه قبل خمس اعوام
اثناء خطبة الجمعه قال الشيخ:
((يا جماعه محتاجين موتور للمسجد لإن ارسال المياه ضعيف و عايزين نيسر عالمصلين الوضوء
اللي ينفع يتبرع منكم بالموتور للمسجد جزاه الله خير ))
فالمهم انا وقتها لا كنت شيخ ولا اي شيء
كنت فقط ادخل المسجد وقت خطبة الجمعه فقط
من الجمعه للجمعه يعني
فلما سمعت الشيخ يقول ده ذهبت له بعد الصلاه استفسر منه عن سعر الموتور
كنت سمعت من فتره انه الموتور (طرومبه رفع المياه ) اللي يريدها تكلفتها الف جنيه تقريبا
قلت ابلغ امي او ابي هما يحبوا يتبرعوا كثير
بس انا ما كان معي اي نقود
فسألته يا شيخ هو الموتور بألف جنيه ؟
قاللي بألف و نص تقريبا
قلتله هشوف لو حد رضي يتبرع ممكن اجيبلك الفلوس
لحد هنا الموضوع خلص
جه الخطبه اللي بعدها يقول :
((يا جماعه و عشان تعرفوا انه الدنيا لسه فيها خير
الإسبوع اللي فات بعد الخطبه لما قلت عاوز موتور
جالي راجل و اتبرع للمسجد بالموتور
و والله جالي طفل لم يبلغ الرابعه عشر
(كان سني وقتها 16 سنه و كنت في آخر عام لي بالمدرسه و كنت شاب تقريب)
و قاللي يا شيخ انا محوش الف جنيه خدهم و هات الموتور ))
و هنا كبر الحاضرون
و هنا كدت اسبه في سري علي مبالغته اللي يكذب ليشعل حماس من حوله

عندي شلة شباب في الدفعه تعتبر اكبر و اشهر شله فيها
انا لي اصدقاء كثير منهم لكن مش من ضمنهم لأن افكاري مختلفه عنهم
المهم كل ما احلم حلم الشله دي موجوده فيه الاقي من ضمن الشله بنت كوريه او يابانيه
كان ممكن الموضوع يعدي معايا بس الغريب اني البنت دي ملهاش اي وجود علي ارض الواقع
و الأغرب اني حلمت بيها وسطهم اكتر من مره مش مره واحده مثلا
صعب اوي الصدف تتكرر بالطريقه دي
بجد مش عارف قصة البنت الكوريه اللي بتطلعلي في الحلم دي ايه

الحقيقه انا مش فاهم
هل لأن مظهري بفضل الله جيد و ملابسي انيقه و يبدو علي الثراء و عندي لحيه خفيفه
اني اكون عبيط مثلا
يعني مره واحده تقابلني في الشارع و تقوللي عاوزه خمسين جنيه
و واحد يقابلني و يقوللي عاوز 40 جنيه اسافر بيهم بلدي
و واحده تقابلني تقوللي اشتريلي الدوا بتاعي
ناس كتير بتطلب مني فلوس عشان عاوزه تروح
و كله يقول يا شيخ
هو ده اللي فلحتوا تعرفوه عن الشيوخ
يكثروا من الصدقات
لكن نقول نحكمكم
تزعلوا

لا تحب من تجد بل اوجد من تحب