الفصل السادس
سكت ونفسه بدا يرجع تدريجيا قلت بخوف وانا امسك يده : انت مريض ؟
فتح عينه وقال بهمس : لا
قلت بسرعه : احلف
ابتسم وهو يشد بيدي : الله يرزقني العافيه ادعيلي
شهقت بخوف : تعبان تركي بست يده بخوف تركي من إيش تشكي قولي الله يخليك أنا أحبــك لا تخليني لا تخليني تركي بكيتي وانا احط راسي على صدره مسح على شعري وقال بهدوء : الله بيشفيني يا ريما ادعيلي
قلت برجفة : تركي الله يخليك علمني من ايش تشكي ؟
بدا يحس نفسه يتحسن جلس على السرير وخرني عنه وقام من مكانه ..
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛
حاولت أعرف حق ايش الدوا الي قاعد يتعمله بس لاسف ما فهمت ولا شي ..
مر الاسبوع سريع وانا اراكض للبنات والمكتبات شي ملزمات وتصوير وتخطيط شريت لي اقلام جديده واوراق ودفاتر دخل علي تركي وانا ارتب اغراضي ناظرني بصدمه : ايش هااذا ؟
قلت بحرج : عشان اذاكر
قالت باستنكار : هذه مؤونة حرب مو اكل
كنت حاطه مخدات وجك عصير وموية وحلويات وتشبسات وبيتزا
شمر كمومه وجلس ضحكت وابتسم لي وهو يتفحص كتبي : نبدا بالرياضيات
قلت بشهقه : لالالالالالا من بدايتها
ضحك وقال : لا يا خبله خلك ذكيه نخلص من االصعب
قلت بملل : افف يلا
مر وقت طويل وهو يذاكرلي كنت طول الوقت اضحك عليه كان شكله يضحك وهو يلعب دور الاستاذ وبعض الوقت كان يستهب لمعاي على قوله بريك تهاوشنا ع الاكل لما نزلت وجبت له صينيه لحاله ضحك وهو يلقبني بمفجوعه افريقيا كان يقولي اشياء وينصحني اني احط في بالي اني راح انجح وبنجح كل ما غلطت بشي يضربني باصبعي بالقلم بعد 8 ساعات دراسه كتبلي اسئله للثلاث الفصول الاولى وطلع بديت احلها بحماس لحتى خملت ونمت وانا ماسكه الورقه والقلم دخل الغرفه وهو يصرخ : ويين النشـــــــــــــــــــاط
فزيت وانا اشخبط ع الورقه : وشو قاعده احل انت الي ما تشوف
ضحك علي وهو يقرب عندي ما حسيت الى اني في الهوا شالني وهو يقولي : قومي الصباح حليهم باخذهم معاي المكتب اصحح لك
ضحكت وانا ارخي راسي على صدره وغفيت ..
استمرت الثلاث الاسابيع على هذا النحو بس لاحظت شروده الشديد ماعاد جابلي طاري رنا ابدا كان مهتم بدراستي بشكل كبير وكان يعاملني بهدوء وحنان زاد حبي له بهذي الفتره بشكل مو طبيعي تعلقت فيه وصرت ما اصبر حتى على غيابه للشغل سافر لمده يومين وكنت اكلمه كل شوي وهو يتكلم معايب اسلوب عادي ومريح
في مادة وحده بس عتقني فيها وخلاني اذاكرها لنفسي بس برضو رجع سمعها لي
في صباح يوم السبت دخل تركي غرفه الطعام وانا اسمع صوت ضحك وكنه بعيد رفعت راسي بهدوء كنا غافين انا وسديم ع الطاوله والاكل قدامنا ولا حاسين ضرب ع الطاولة بقوة : قيــــــــــــــام
فزت سديم بقوه وهي تشهق : هـــــــــاه اختبااار رجع فيها الكرسي على ورا وطاحت وانا ميته ضحك عليها
ضحك تركي وهو يرفعا ضحكه أذابت قلبي ..
فطرنا ووصنا تركي المدرسه وهو يذكرنا باشياء حفضها من مذاكرته لي وبنصحنا ما نتعجل وندعي وهو يحفضنا الادعيه طلعت سديم بسرعه مسك يدي قبل لا اطلع التفت لي وانا مقطبه حواجبي قبّل راحة يدي : الله يوفقك
ولّع وجهي من حركته طلعت بسرعه للاختبار ..
مر اسبوعين الاختبارات مملين جدا بشكل مو طبيعي دخلت البيت يوم الاربعاء وانا هلكانه دخلت الغرفه ونمت بعبايتي من التعب بعدها بخمس ساعات دخل علي تركي وهو يصارخ وحالته حاله قمت بممل : خلني انااااام
قال بأمر : ماف ينوم فزّي
: تركي لو سمحتت
قام ينطنز : اااه يا حلو اسمي
قمت وانا اناظره باستحقار : لا تطنز
: بتطنزززز وطلع لي لسانه دفيته وانا ادخل الحمام ، فتحت الدش كلملنا 6 شهور مع بعض كانت اخر شهرين مريحة بشكل مو طبيعي تعامله معاي كان طيّب اكتشفت صفته الجميله كان حنون بشكل غير طبيعي مع انه اوقات يرجع تركي المتوحش بس كنت اتجاهله يمكن قدرت انسيه رنا لمده قصيره تنهدت بقلق لما مر على بالي ان النتايج بتطلع يوم الاحد واليوم اربعاء يعني بعد 4 ايام ياااارب اجيب معدل على ذاك التعب طلعت من الحمام وانا انشف شعري رفعته بالمنفشه على فوق ناظرته وقد تغير وجهه جلست جنبه : شفيك ؟
ناظرني بابتسامه : راح اسافر يومين وراجع
شهقت بخووف : لا تركي النتايج بعد اربع ايام
ضحك وهو يعيّب علي : انتي بس تشاهقين بس تشاهقين اركدي قلت يومين والسبت وانا هنا
زفرت براحه : لا تطوّل طيب
لف وجهي على جهته وهو يحط عيوني بعيونه همس بنبره غريبه : بتشتاقين لي ؟
زميت شفايفي وناظرت تحت قال بهمس ذوبني : طالعيني
رفعت عيوني بحذر : يمــكن
ابتسم وقال وفي نيته يحرجني : تحبيني ؟
حمر وجهي وانا اوخر بس هو مسكني بقوه وهو يناظرني بشغف : اقولك تحبيني ؟
ابتسمت وسكت فهم معنى ابتاسمتي وقال بامل : الله يقدرني واسعدك
ابتسمت بالم وقلت : الله يقدرك وتحبني
قمت وانا مخليته يفكر بكلامي ..
طلعت شنطته حطيتها على السرير وهو يناظرني قلت له بمرح : وش تبي احط لك .
قال بتفكير : اممم ثوبين وملابس داخيه وشماغاتي و أمممم بجايم وشورت سباحه
فرصعت عيوني وانا امشي له وانا مفرصعه عيوني : تــركي
عقد حواجبه بحيره : بســم الله وشفييك ؟
: تركي اعترف مع مين مسافر ؟
ضحك وضحك وطوّل وهو يضحك دفيته على السرير وانا اضربه : اعتتتتررررف
ضحك وهو يبعدني : وش بتسوين يعني
مسكت شعره وانا احاول اسحبه وهو يضحك : وخخري يا غيووورة يا شكاكــه ههههههههههههههه
نطيت من السرير وانا اصرخ واللله يا تريويييك والله ان سمعت انك قاعد مه حرررمه لا احش رجولك
قال وهو يتطنز : يا ماماما
مشيت بلا مبالاة ترا قلت لك وصرت ارمي ملابسه بالشنطه بجون ترتيب ضحكت وهو يضحك ما قدرت امسك نفسي ابدا بعد ساعه نزل سلم على اهله وكان الوضع عادي جدا وكانهم متعودين لاحظت نظرات سديم الخبيثه وكنها تنذر بقدوم شي يخووف انتفض جسمي فجاه وبدا قلبي يدق بسرعه ودعت تركي وطلعت جناحي بكيت لي شوي وفجاه ضحكت على نفسي انا الي ماكنت ابكي ابدا كل شوي باكيتلي على شي مرت اليومين وانا اكلمه كل يوووم كالعاده ..
نزلت تحت في يوم السبت وانا اننتظره بقلق طفشت وقلت شكله بيسحب علي طلعت الدرج وانا فيني الصيحه سمعت باب الصاله ينفتح وصوت شنط نطيت من الدرج وانا اركض شفته يضحك وهو واقف وماد لي يدينه ركضت له بسرعه وضميته بقوه لدرجة انه رجع على ورا تعلقت برقبته بقوه همس باذني بشوق : تصدقين وحشتيني
ضربته على راسه بخفه : اصلا غصبا عنك
لاحظت اصفرار وجهه المفاجئ ناظرني بصرامه : ريما لا تضربيني براسي
خفت من نبره صوتي قال وهو يخفف حدة الجو : تبين تكسرين رقبتي يا متوحشه
ضحكت ببرائه قال بتفائل : بكرا النتاائج هاه ؟
ررديت بقلق : اييه بكرا ، ناظر ساعته الساعه 12 قومي نامي عشان تنامين
مشيت معاه بعد ما جلسنا مه اهله شوي وانا وسديم نوددع بعض وندعي لبعض كننا داخلين على حرب بكرا
حاولت انام تقلبت وتقلبت بس بدون فايده هاذي النتيجه غير هذي بتحدد حياتي طموحي ووظيفتي كمان
واصلت لما جت الساعه 7 دخلت تروشت و لبست وصحيت تركي ونزلت لقيت سديم صاحيه وجالسه مرتبكه شكلها جمييل وهو متوتره سديم تشبه دلال قصيره ووجهها دايري وخدودها مليانه وعيونها نفس دلال واسعه ورموشها كثييره شعرها قصير لحد كتوفها واسود فاحم شفايفها سعنونه برضو نفس اختها ملمومه وورديه جميييله ونعوومه مره
فطرنا وطلعنا مع السواق بعد ما هددت تركي انه ما يترك البيت
وصلنا المدرسه واحنا نتنافض ونتعازم من تدخل اول قالت سديم : ادخخخلي انتي الكنه
ضحكت عليها وانا اشجع نفسي : خلاص يا بزر انا بدخل
دخلت واستلمت شهادتي وطلعت
قالت سديم بخوف : هـااه كيف
ضحكت : ما شفتها روحي جيبي حقتك وكل وحده تشوف حق الثانيه
طلعت سديم بسرعه ومعها شهادتها وحنا نضحك مسكناها وحنا نسمي فتحت حقتي وصررخخخخت بقوووة ارتعت : وشــوو
ضحكت بقووه : اول شوفي حقتي
نويت استلعن عليها وضليت اناظر بالشهاده بصمت مسكت كتفي بقوة غمضت عيونها : اصدمــيني
قلت بحسره : لييش يا سدييييم وش ذي النسبه حرااام وش بتدخلين تفصييييل ؟
توسعت عيونها وهي تشد على كتفي : اصدميــني يا مرت اخوي اصدمـيني
صرخت بقووة : ستـــــــــــــه وتسعييييييييييييييين
ناظرتني وفمها مفتوح صرخت وهي تضمني وتنطنط زي المجنونه : يـــــــــس يــــــــــــس
ضحكت علييها استوعبت فجأه : وأناااا ؟
ضربتي بقوة ورمت شهادتي بوجهي : شا شيييخه اهم شي نفسي مسكت شهادتي وانا اسب والعن
شهقت بفررحه وانا انطط واركض لها ضميتها من وررا : ثماااان وتسعييييييين
مشيت فجاه وانا اناظر لها باستحقار مصطنع : وخري ما اصادق الي اقل مني جلسنا بالساحه الداخلي هوجتنا شوق ترككض زي المجنونه وهي تصرخ : جبت تسسسسعه وتسعيييين
ضحكت سديم : تصادقين الي احسن منك ولا لأ طيب
سولفنا شوي ورجعنا واحنا متحمسين دخلت البيت وانا اركض للجناح شفت تركي وهو يدخل ورقه للدرج بسرعه ما اهتميت وضميييته بقوووة وانا ااصرخ : نجححت نججححت جبت ثماااانيه وتسعيييين يا ترككي
ضمني وهو يبارك لي بنبره مهمومه شوي وخرت عنه قلت بقلق : فيك شي ؟
ابتسم لي : لا مافيني شي والله
قلت بفرحه : الحمد الله مو مصددقه نفسسي
همس بداخله : الله يعينك لو صار فيني شي ياربي هالمسكينه اش راح يصير فيها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
سحر بحيره : وش فيك مجرجرتني في اخر الدنيا
قالت دلال بحذر : ابيك بمهمه ..
سحر بغرابه : وش مهمته ؟
: اسمعيني صحر انا لازم اطلع هالريما م ن البيت مستحيل اسكتب فابيك تضبطيني
: وانا اش دخلني ؟
دلال بدهاء : انتي فنانة فوتوشوب وتحريف الافلام والخرابيط حق الكمبيوتر ..
: ايووة ؟
: راح اتفق مع واحد من الجحلط الي عندي ويرسل لي صوره باوضاع مخلّه وكذا وبجيبلك صور ريما من تحت الارض وركبي عاد انتي والعبي فيهم على راحتك
ابتسمت سحر بخبث : والله ان داهيييه
دلال بغرور : ماراح اسمح لها تاخذ مكان رنا لو ايش يصيير!!!
: بس يا دلال كنها قويه شوي ؟
دلال بمملل : لا حبيبتي انا راح اوسع صدري الاسبوع الجاي
: لييش ؟
ضربتها دلال بخفه : وش فيك انتي يا خبله بطلع مع يسور البي
قالت سحر بضحكه : صصح صح المشكله الموقع بيتنا وناسيه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
إتفقنا انا وسدييم على حفل تخرجنا بالبيت عزمنا كل الي نبيهم البيت كبيير ويكفي انقضى اسبوع واحنا ندخل ونطلع ونحجيب ونحط وحالتنا حاله فصلنا فساتينا نفس بعض انا وهي وشوق كان موديله توب ترتر من فوق ومن عند الخصر يبدا ينفش بشيفون يوصل لنص الساق كان لون حقي فضي من فوق وابيض من تحت مع كعب فضي عالي وعريض اما سديم فختارت سكون سماوي من فوق وازرق من تحت وشوق ذهبي من فوق واخضر من تحت وكانت كعوبهم نفسي بس بالوانهم ..
اشكالنا كانت جمييله بشكل غير طبيعي لفيت شعري خفيف مره وفرقته من النص اما سديم رفعت شعرها بكعكه لفوق وشوق خلت شعرها كيرلي على طبيعته ومكياجنا ناعم أشكالنا تهووس اجتمعو البنات كلهم رقصنا وهسترنا وسلمنا على كل الناس طلعت فوق بسرعه اجيب عبايات التخرج استوقفنيي تركي التفت له وهو لابس ابتسم لي وهو يناشرني باعجاب : تعالي يا اميرتي
ضحكت بخفه وتقدمت له لمس شعري وهو يهمس باذني : طالعه كنك باربي ، بس عبده
ضحكت : على فكره انا لوني حلو ازين من اني اصير برصصه
ابتسم لي مسك يدي بقوه : قريتي على نفسك
عضيت شفتي : لا
هز راسه وهو يحط يده على راسي ويقرا علي رفعت عيوني له جلسنا نناظر بعض نظره طويله كانت نظراته مشتته موطبيعيه ابدا وكنه شايل هم ابتسمت بهم : انا راح انزل
مشيت وانا اسمعه يتمتم : الله يخليها لي ابتسمت من خاطر حسيت لوهله اني تمكنت من قلبه واخيرا
نزلت تحت وبدأت مسيرتنا ورجعنا نرقص مرا ثانيه بهبالنا المعتاد انتهى الحفل على الساعه 12 طلعوا كل البنات وبدو اشغالات ينطفون ما بقى غيري انا وشوق وسديم ودلال وصاحبتها
؛؛؛؛؛؛؛؛؛؛؛؛؛؛؛؛؛؛؛؛ح
همست سحر لدلال : هذي هي ؟
قالت دلال بقرف : اففف اييه
سحر باعجاب : حلوووة
دلال بعضب : سحر اذا مو قدها ادور غيرك
قالت سحر بخبث : والمقابل
ارتخت دلال عل الكنب : عارفه انك وجه فلوس ناظرت بملل باضافرها وقالت : لك 20 شهقت سحر من كبر المبلغ : قدها وقدوووووود
ضحكت دلال بخريه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
سمعت ضحكة دلال المريبه رجع جسمي ينتفض وقلبي يدق بسرعه طلعو البنات وطلعت لجناحي فوق ..
عقدت حواجبي : تــركي
ما فيه رد دورته هنا وهناك بس ما فيه شي ..
الفلفت نظري ورقه بيضا على الكوميد

فتحتها وانا متأمله انها متعلقه بدواه انصدمــت من الي قريته تجمدت اطرافي وتجمعت الدموع بعيووني صررخت بقوة : لاااااااااااا تـكككري لـاااا تخليي جثيت على ركبي بالم صرخت وانا انادييه
تــــررككككككككككككككككككي
نزلت تحت وانا اصصرخ بقوووة
طلعت سديم مفجوعه ودلال بغضب : وش فيـــــك ؟
مسكت بدلال بخووف شديد : تــركي
مسكتني دلال وهي تهزني : وش فيـــه
قلت ووجهي متغرق دموع : تــركي بيسوي عمليه نسبة نجاحها 20 بالميه
شفت الخوف والصدمه على وجههم طلعت دلال تصرخ لأبوها وبدر ورشا وكلهم طلعو كلهم مفجوعين وانا ضامه سديم وووجهي عليه اثار الميك اب ولسه بفستاني دخلتني سديم الغرفه وهي تبدل لي وانا ابكي وهي تبكي ..
طلعنا من البيت بسرعه للمستشفى دخل ابو تركي وسأل الاستقبال وتوجه بسرعه للاصنصير واحنا ندعي وانا ابكي بخووف بعد 10 دقايق طلع فيصل وبدر ورا ابوهم وشوي نزلو ووجيهم ما تبشر بخيير ابدا اشر لنا نجيه تعلقت فيه بقوه : وش فييه الله يخليك قولي
سكت وهو يطلع الاصنصير وانا قلبي يضرب بقوة رهيبه وخووف . . مــات اكيد مات
طلعنا لقسم العنايه المركزه مسكت الباب وانا اشهق بخووف شفت علامات الاسف على وجه ابو تركي وقفنا عند زجاج غرفه الاجهزه مشبوكه على جسمه كله شهقت وانا ابكي واسمع بدر يتكلم بألم : تركي كان عنده ورم حميد في الراس موقع الورم كان جدا خطير العمليه خطييره جدا نسبة نجاحها فاشله نتايجها اما عمى او شلل او غيبوبه فشلت العمليه ودخل تركي في غيبوبه طاحت ام تركي من الدمه سمعت سديم ودللال بصرخون وهم يبكون جمدت مكاني وانا اناظره بصدمه
ازعجني جوالي من كثر الا تصالات طلعته بجمود وانا مصدومه وعيوني متجمده في مكانها رفعت السماعه سمعت صراخ امي وهي تستنجد : إلحقـــي أبــوووك يا بنتي ابوووك بالانعاش يا ريمــا
توسعت عيوني ونزلت دموعي بقوة طاح الجوال من يدي وطحت انا وراه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛
إن فُجعتم بما حدث فما يمكنني اخباركم سوى أن الآتي أعظم ..
ربما كان الفصل قصيرا لا يليق بكم ولكن لم أشأ أطيل بالاحداث بلا فائده كما انني قد وضعت نقاطا وافكار رئيسيه لكل فصل ..
كونوا عند موعد اللقاء
عصر الاثنين او قبله ..

الله يغربل شيطانتس ياعبق وش اعظم من ان رجال الحرمه يروح بداهيه وابوها مجلوط؟؟

ضعيفيه ريما شكلها ببتطلق من تركي.. والا بيجلس عشر سنين بغيبوبه؟؟ وعقبها يصحى وهو فاقد الذاكره؟؟

تركي وش هالحب اللي نزل عليك فجه وقمت تدرس البنت ثمان ساعات ؟؟هو محاوله منك للتقرب لها والا من تانيب ضميرك اللي حاسه لانك عذبتها باول اربع شهور؟؟
وغير كذا وش هالطريقه اللي تعلم فيها البنت؟ ليش مابلغت اخوك عديم الفايده فيصل وخليته يروح معك وحطيت عنده خبر ؟؟ جاي تصقع البنت بالعلم كذا؟؟
اممممممممم .. ريما نجحت وخلصت من المدرسه والثانوي ..ايييييييييييه ياازين الثانوي وايامه..
وبتدخل الجامعه بس بين فترة الثانوي والجامعه بتكون احداااث حياتها متغيره مره..ابوها اتوقع يموت بس تركي لأ..
وهالحقيره دلال مدري لوين بتوصلها انا كنت واثقه انها بتودي البنت بداهيه معها وان مشكله تركي مع ريما بتكون بسبتها.. بس الحين الرجال بغيبوبه وسالفتها مع صديقتها مدري لوين بتوصل..يعني لو استمر بالغيبوبه ماراح تنفع خطتها..
بس لو صحى وهو اعمى اممممممم يمكن تسوي خطتها.. اعتقد ان دلال مريضه نفسيا .ويبي لها علاج..
بس اهم شي تطلع براءه ريما من الوضع اللي بتحطها فيه دلال..ايه فيه حاجه استغربتها الحين يوم ان تركي بيسافر ليش ماخد ريما معه؟؟ واذا ماخذها ليش ماراحت بيت اهلها وزوجها مو موجود بالبيت وخصووصااا ان الدراسه خلصت؟؟ يعني لاعندها عيال تجلس عندهم ولا زوجها موجود ؟؟اذا ليش ماراحت لبيت اهلها وتركت بيت اهلها زوجها اللي فيه شباب؟كيف ماخافت على روحها من فيصل وهو كان له سابقه محاوله تقرب لها؟؟ المفروض هي على طووووول تطلب من تركي تروح لاهلها لين يرجع؟؟

سليمان وينه اليوم؟؟ شكلي بصادره بس هو رجالن بيكون له قصه ووبيكون عزوبي ولقطه واصادره ؟؟؟و والابيكون كومبارس وماله دور كبير واصرف النظر عنه ؟والا بيكون له قصه تهز اوساط القصه هز..هخهخهخه
ان كان مايناسب طلعي لي واحد فيه مواصفاتي اللي ابيها وخليه لي احط ي مجموعاتي..هخهخه

عبق تسلمين وبانتظار الجزء الجاي اذا الله احيانا فلا تتركين انتظارنا يطول..

مساء الخير

الله يعين ريما ....ريما ....ريمااااا ....اسفين غلطنا بالاسم معليش السن واحكامه استروا ما واجهتوا ...
الحين فشلت العمليه يعني تهقون بيموت تركي ...ليتها ما تولعت فية طيب اذا مات فيس بيقهر زوزو بيتزوجها سليمان من كثر ما تكلم عنها تركي ولا فيصل بيكون له دور .....

مدري اتوقع تركي بيقوم من العملية بس وش بيصير الله اعلم !!!!

عبوقه حبيبتي اقري رد زارا سيم سيم بابا ماخلت ولا بقت ماشألله كفت وفت

ننتظرك لا تغلين عاد

عزيزتي زارا ..
الله يغربل ابيلس العدو ههههه ..*
عاد اسالتك هذه عن تركي راح تشوفي اجابتها في الفصل الجاي ^^
صح راح تصير اشياء كثير بالهفتره بس تتوقعين راح تدخل الجامعة او لا؟
يمكن احد يموت ويمكن مايموت احد اصلا !!
تعقيبك على انو ريما ماراحت بيت اهلها تبين الصدق انا سهيت عن هالشي صراحه بعدين البنت سنعه تبي تقعد في بيتهم ههههه استري على ما واجهتي :$
سليمان يا سليمان خذيه حلالن عليك لا تخافين مهوب كومبارس بيكون له دور قوي لاكثر من شخصيه ..*
ان شا الله بحاول انزل الفصل قبل يوم الاثنين

نجلاء الريم*
الي كاتبه ربي راح يصير زي ما قلت لزارا سليمان راح يكون له دور قوي لاكثر من شخصيه*
اشوفكم متولعين بسليمان راح ادخله كثير دامكم خاقين معاه كذا ^^"
لما الحين ولا شخصيه كومبارس كلهم لهم ادوار قويه سواء حاليا او بعد العشر سنين*
هههههههه بحاول انزله باسرع وقت ممكن*
الله يجبر بخواطركم يارب .