كاتب الموضوع :
Amoonh
المنتدى :
القصص المكتمله من وحي قلم الاعضاء
البارت الرابع والعشرون
*******
سلطان له ربع ساعه راجع البيت ومنسدح بالصاله ويدق على جوال ليان بس شافه مو معها بالصاله تاركته...
سلطان بقهر:اوووف وين ذالفه وانا ميت جوع وناظر بساعته 9 وربع...قام معصب وراح لبيت اهله...دخل البيت وشاف فيصل وعامر يأكلون..
فيصل:هلآ سلطان حياك تفضل
سلطان جلس:مافيه اكل غير البطاطس
عامر:رح المطبخ مشاعل مسويه اكل حلو
سلطان قام:عندها احد
فيصل بإستهبال:سيـــــتي
سلطان:ماتنكت غيرها
عامر:ليان
سلطان راح للمطبخ وسمع ليان ومشاعل يتكلمن ووقف يسمع...
مشاعل:تصدقين احس سلطان فيه شي
ليان:شي مثل ايش
مشاعل هزت كتفها:ماأدري احسه تعبان من ثلاث سنوات وهو متغير
ليان تذكر:بقولـــــ
:السلام عليكم>>دخل عشان ماتكمل ليان كلامها لأنه عارف وش بتقول
مشاعل:هلآ سلطان وينك ماتنشاف
سلطان ببرود وهو يناظر لليان:عـــــايش
ليان ارتبكت من نظراته وخافت..
سلطان وهو بيطلع:ليان الحقيني البيت وطلع
ليان بنفسها"الله يستر"
مشاعل:شكله سمعنا
ليان:لاتخافين هاذي عوايد سلطان وطلعت..
مشاعل بنفسها"الله يعين ليان على سلطان"
*******
دلال:هلا قلبي وبنفسها"يرفع الضغط"
خليل:اممم بسألك
دلال:اسأل
خليل:عبدالله
دلال بخوف:وش فيه
خليل استغرب من خوفها:دلال وش فيك بسألك
دلال بإرتباك:مافيني شي
خليل:طيب وش اسم زوجته
دلال بحقد:أميـــــره ليش وش تبي فيها
خليل بإرتباك:كذا بس
دلال:ياكـــــرهي لها
خليل يصرف:اتركينا منها
دلال:وانت صادق
خليل:اقول حبي متى اشوفك كل ماقلت صرفتي
دلال بإرتباك:مو الحين بعدين صعبه
خليل:اوكي بروح الشباب وصلوا باي
دلال:بايات
*******
سلطان بإستهزاء:ولا كأن عندك بيت
ليان ببرود:تبي شي
سلطان تذكر وبعصبيه:وش كنتي بتقولين لمشاعل عني وبصراخ:عـــــارف بتقولين ان فيني السرطان صح
ليان ماتدري وش تقول سكتت..
سلطان بصراخ وهو ماسكها بقوه مع كتفها:والله العظيم لو يعرف احد او تقولين لأحد لاتصير جنازتك على ايدي فـــــاهمــــــــــه
ليان بألم:آي فكني
سلطان جلس:ابي اجي لو مره وارتاح بالبيت بس كيف بأرتاح وانتي كـــــابوس بحياتي
ليان بصراخ لأول مره تصارخ مثله على سلطان:اصـــــلآ انت انسان ماعندك احساس متبلد احساسك وغير كـــــذا شكل فيك مرض نفسي
سلطان بإستهزاء:ههههه تدرين ارتاح وانا اسوي فيك كذا اشوف عيون عبدالله بعيونك وكأني اعذبه وعشان كذا استأنس
ليان بدموع:ألحين انا وش ذنبي
سلطان:ذنبك اخت عبدالله وغير كذا خالد كان يبي يتزوجك
ليان وهي تمسح دموعها:لو كنت متزوجه خالد ارحم منك
سلطان ببرود:ماعندي مانع اطلقك بس مو الحين اذا تزوج خالد
*******
الساعه 11 بالإستراحه"
خالد له نصف ساعه جاي واستغرب من ترحيبهم له كأنهم يعرفونه حتى باسل رحب فيه ولا كأن صاير بينهم شي...
عيسى:ياهلآ فيك واخيرآ شفت خالد بن ناصر الـــــ....
عوض:تصدق ماتوقعتك تجي
خالد بإبتسامه:ليش
عوض:يعني اللي مثلك مايجون للي اقل منهم مستوى
خالد:انا كل شي عندي واحد وكلنا بشر مثل بعض
عيسى:صدق بس فيه ناس مايتنازلون يجون
باسل:ترى العشاء وصل نتعشى ألحين
الشباب:ايوه عشان نلعب بعد العشاء
خالد:لايكون كرة قدم
عوض:لا طايره مافيه احسن منها
عيسى:اذا ماتحب تلعب عادي ترى
خالد"والله شكل عندهم شي قلبي مو مرتاح":لا نلعب عادي
باسل:حياكم العشاء جاهز تفضلوا ...وقاموا يتعشون...
*******
الساعه 11 ونصف
شذى وهي تضم ملاك:وحشتيني اخبارك
ملاك:الحمدلله بخير اشتقت لك ونزلت عباتها
شذى:قهر لو جود والبتول جن كان نفلها
ملاك جلست:مافيه احد ببيتكم هادي مره
شذى:وانا ليش عزمتك على سهره عشان مافيه احد من الشباب
ملاك:عاد تصدقين بالقوه وافقت امي بس عطتني ساعتين
شذى مدت لها عصير:لايكون بيجيك احد من اخوانك
ملاك:اكيد ماتتركني امي اطلع مع السايق بالليل
شذى:تصدقين احس بفراغ كبير بعد أميره
ملاك:يالله مشتااااقه لها
شذى:عاد بس انا وانتي وش حابه نسهر عليه
ملاك:بنجلس نسولف
شذى:وش رأيك بفلم هندي
ملاك:لا تكفين فكينا مليت من الأفلام والنت
شذى:هههههه لا بعد حتى البرامج نتابعها
ملاك شربت عصير:كلمتي أميره
شذى:بس مره استحي من عبدالله
ملاك:صادقه وفشله بعد
*****
الساعه 12 بالاستراحه
بعد ماخلصوا الشباب من العشاء جاب عوض الشاهي وجلسوا يتقهوون...
عيسى لباسل:تصدق ودي اقوم واذبحه
باسل:اسكت لايسمعنا احسه وده يمشي
خالد:اقول شباب
الشباب ناظروا لها
خالد:أنتم موظفين
عيسى:انا مدير شركة الوالد وطبعآ ابوي له شركات هنا وبدول الخليج
عوض:طبعآ عيسى مايقصر معنا كل شي نبيه يجيبه>>>عيسى غني وابوه من رجال الأعمال المعروفين بالسعوديه
خالد:بس صراحه شلتكم قليله غريبه مع انكم بإستراحه
عيسى:كثار بس مو كل يوم يجتمعون
*********
مر اسبوع سريع على الكل واليوم الخميس اخر خميس بالإجازه وبعده تبدأ الدراسه واخر يوم لنوف وعيالها بالشرقيه وبعده يرجعون الرياض....مجتمعين الشباب والبنات عند الجد بالحديقه بعد صلاة المغرب...
البنات شذى وخلود متغطيات عن الشباب وجالسات بس مها ماتغطت لأن مافيه الإ زياد وتركي وماتغطى عنهم.. عبدالعزيز:هيه يالأخو وش فيك سرحان
خالد:مافيني شي بعدين ماني سرحان
تركي بصوت عالي:اقول
الكل سكت عشان يتكلم
تركي:يوم طلعنا البر ذاك المره اكتشفت ان عزيز رخمه وخواف
فارس+زياد:هههههههههههههههه
عزيز:سخييفين
الجد:قل وش اللي اكتشفت بترول واحنا ماندري
خالد: لا ياجدي وانت الصادق كروية الأرض
الكل:هههههههههههههههههههههه
شذى:ههه تركي بشوف وجهك
زياد:ياقدمك انتي متى طلعتي
الكل:ههههههههههههههههههههه
عزيز:عاد حدكم الإ وشذى
خالد:ليش على رأسها ريشه
شذى:انت الحين وش لقفك
عزيز:عدنا لطيري ياللي
الجد:بسكم عاد مناقر
مها بخبث:اصلآ بس قدامكم يتناقرون
خالد عطاها نظره سكتتها..
تركي:ليش مهاوي شايفه شي
زياد:اذا شايفه قولي نقصبهم تقصيب
شذى انقهرت من مها"سخيفه ألحين يشكون"
خالد:"طيب شغلك عندي يامها"
الجد:اسمعوا انا بخطب لعزيز وخالد
عزيز وخالد فتحوا عيونهم على الأخر...
تركي:عزيز معروف طرفه بنت جيرانا وخالد موزه بنت ام جراح
الكل:ههههههههههههههههههههه
زياد:عاد طرفه شي هي وجلالها الأحمر هههههههههههه
عزيز بقرف:هذا اللي ناقص عاد
تركي:ههههه موزه تذكرها زياد شعرها طويل وتسوي جديله ولها غره من قدام
شذى:وانتم وين شايفينهن
تركي:لاتنسين انهن ماعقلن الإ قبل سنتين يوم دخلن الثانوي
عزيز:هههههههههههههه وناظرلخالد:تذكر وفطسوا ضحك ههههههههههههههههههه
الكل ماعدا الجد:هههههههههههه
الجد:استغفروا الله واتركوا الناس مالكم فيهم
مها بخبث:جــــــدي ماقلت لنا من اللي بتخطب لهم
الجد:لو على كيفي كان خطبت لعزيز من بنات عبدالرحمن او عبدالله بس كل شي بيد عزيز
مها بسرعه:مشاعل او ريم
خالد:انــــــتي وش لقفك
عزيز قام:عن أذنكم وغمز لخالد يقوم
خالد قام:استأذن
الكل:هههههههههههههه
الجد:ايه تهربوا
خالد وعزيز طلعوا وراحوا يتمشون...
***!!!!***!!!***
?? أجيك من الظما ولهان أبي ترويني بيدينك . .
أبي تطفي جمر هالقلب تعبني حيل بغيابك . ."
عجـــزت أطالع القمرا تعبت أعد نجماتك ..
أشوفك "هنا" جالس وأشوف حبي موجهه لعيونك
ياليت تناديني وأقولك ســـم أنا كلي تحت أمرك . . ؛
أنا من راسي لأقـدامي أخلي الغـالي يرخصلـك . .
فديـــــتك بأهلي وناسي لأنك كل ماأملـك . .
وكل الناس ماأبيـــها إذا ماضمنــــي إحساسك . . "
ياحلمي حلم أتحقق وياليـــت بيوم أناحلمك . . .
نصيــــــــبي أنكتب إني بيوم أصير محبـوبك . . !
[. . أناعينك إذاضـــــــاقت عليك بيوم عبراتك
رجيــــــتك لاتخلي الهم بقلبك يكتم أنفاسك. .]
أنا ناسك وأنا أهـلك وأنا من مطلبـه قلبك . . ؛
وأنا اللي لا أقبلت ضيــقه من أقدار الهوا جالك ..
أحبــــك وأكبر عيوبي أغـاآر من الهوا حـولـكـ . .?/
ولو بيدي أنا أضمــــــك ولاودي يشوفـونكـ . . "
أناخوفي عليك أنت لأني ماأبي غيرك . .
ولا أتخيل ولالحظه تجي ولغيري أشوفك . .
أحبـــــك ليـتـها تعبـر عن اللي بخافقي يمك ..
سعادت عمري بقربك عساني ماأنحرم منك ..
تحمل لاتخليني أنا مالي أحد
غيرك ..
وربــــي اللي خلق ذاتك محد عندي يساويكـ ..
غـــلاك بعيني بكفه وكل الناس يفدونك ..
ولو تزعل أنا أحبــــــــك وأحب اللي يحبونك ..?}
وأعيش العمر أنالرضاك وأسخر راحتي لجلك . .
بعد هذا وش المطلوب مدام إن قلبي بيدينك ، ،
تدلل بس بالراحه أنا لك والعمر يفدااااااكـ . .
أبي منك وعد حبيـــبي أكون لوحدي بقلبك ..
وخذ مني وعود الكون أنا وقلبي لك لحالك ..??
***
تنهد عبدالله بقوه وهو يشوف أميره مطنشته ولا حتى فكرت اذا تكلم تسمعه او تناظر له زفر بقوه وطلع صوته...
أميره بسخريه وهي حاطه رجل على رجل وتناظر قدامها:وش فيك ياساتر
عبدالله ناظر فيها وسكت
أميره ناظرت له:متى نرجع الشرقيه
عبدالله:بدري مالنا الإ اسبوعين
أميره:تصدق هالاسبوعين كنهن شهرين عندي
عبدالله بقهر:وش الأسباب
أميره:لأني كل يوم اشوف وجهك اللي يسد النفس
عبدالله بإستهزاء:والله يسد النفس وبغرور:عاد انا شوف وجهى احلى وجه بالكون
أميره بإستهزاء:هههههه من كاذب عليك بس
عبدالله قام وراح يمشي لها...أميره بنفسها"والله صايره اخاف منه"
عبدالله جلس جنبها:تدرين عاد كل كلامك عسل على قلبي
اميره ارتبكت من قربه وبعصبيه:بعد عني لو سمحت
عبدالله حط يده وراء رقبتها وبحب:تدرين اني أحبك لحد الجنون وقرب منها أكثر
أميره ارتبكت اكثر وخاصه ان انفاسه تخرق انفاسها...
عبدالله دخل أصابعه بشعرها:ليش ساكته
أميره بتقوم بس مسكها عبدالله..
عبدالله وهو ماسك يدها:ودي اعرف ليش انتي كذا
أميره سحبت يدها وبعصبيه:رجاء اتركني ترى ماأطيقك
وراحت وجلس بعيد عنه
عبدالله جلس على طرف الأريكه:شوفي انا مسوي اللي ابي غصب
أميره ناظرت له بغرور:ايش اللي ببالك
عبدالله قام وراح لها..
أميره بنفسها"الله يستر نظراته ماتبشر بالخير"
عبدالله قرب منها ومسكها مع وجهها وحط عيونه بعيونها:تدرين هالعيون عذبن فيني وطبع بوسه على خدها الأيمن
أميره بعصبيه:وععع قرف ومسحت خدها بيدها
عبدالله بإستهزاء:يعني حلال على باسل حرام علي
أميره انصدمت"شايف باسل"وناظرت له وبكبرياء:طبعآ وش جاب لجاب
عبدالله انقهر عصب وده يمسكها ويذبحها مسكها مع كتفها بقوه:شوفي هالــ....... لاتجيبين سيرته قدامي وبإستهزاء:شكل حتى انتي مثله
أميره عصبت ماتحب احد يسبها وقامت:مو أنا اللي يسوي كذا يا......
عبدالله قام ووقف قدامه:وحركاتك مع باسلوه اخخخخ بس انا ماقاهرني وملوع كبدي الإ بوسته لك آآآه بس وباسها بقــــــوه مع خدها
أميره ارتبكت اكثر وبدأ قلبها يدق بقوه خاصه ريحة عطره اللي خرقت انفاسها بعدت عبدالله وراحت للغرفه...دخلت الغرفه وصفقت الباب بقوه وتنفست بعمق:قليل ادب حــــــيوان اكرهه وراحت المغسله ومازال ريحة عطر عبدالله بأنفاسها فتحت الماء وغسلت وجهها"اكرهه هذا اللي ناقص بعد"وغسلت وجهها مره ثانيه بعصبيه....
عبدالله بإرتياح:وألحين ارتحت آآآه بس قهر ان باسل باسها قبلي آآآه وضرب يده بالطاوله:بس ألحين احس اني ارتحت وغمض عيونه:بس متى تحس فيني كل يوم تعذبني اكثر
أميره غسلت وجهها يمكن للمره الألف"احس الى الآن خدي نار وبقرف وععع عاد عبدالله"وسكرت الماء وراحت وجلست ع السرير وصورة عبدالله بمخيلتها"ولد امه عليه جمال أخخخ بس قهر ان هالجمال على عبدالله"
********
الساعه 8 م
سلطان منسدح بالصاله ويناظر بالسقف ويفكر بكلام لمى"اروح لها او لا احس فيها شي صوتها حزينه مره لازم اشوف وش تبي كاسره خاطري بعدين لمى مو اي احد حبيبتي لازم اروح"
ليان بغرفتها وتفكر بكلام لينا ومشاعل"يعني اسوي اللي قالن لي بس خايفه يقول سلطان شي بس بجرب واشوف وعشان بعد اهدي له lap toop بدل اللي كسرت وهذا احسن وقت"قطع عليها صوت جوالها ناظرت وابتسمت..
ليان:مراحب
لينا:مساء الورد
ليان:مساء الكادي
لينا:علومك فكرتي باللي قلت
ليان:بخير بس خايفه
لينا:وش خايفه منه منها تكسبين سلطان وبنفس الوقت تعبرين عن حبك له
ليان:اوكي بسوي اللي قلتن مع اني ماني مرتاحه
لينا:ياربيه وش فيك معقده
ليان:ههههه لو عندك مثل زوجي مالمتيني
لينا:بتركك ألحين وبكره ادق واسألك عن الأخبار مع السلامه
ليان:مع السلامه
دخل سلطان الغرفه وفتح الكبت وطلع لبس بدون مايتكلم
ليان بإرتباك:اقول سلطان
ناظر لها بدون مايتكلم
ليان:اممم متى بترجع
سلطان رفع حاجب:فيه شي
ليان:لا بس كذا اسأل
سلطان:يمكن الساعه 12 او 1
ليان:آهــــــ
سلطان بشك:بتروحين مكان
ليان:لا
سلطان اخذ لبسه ودخل غرفة الملابس...
ليان:"وين بيروح غريبه ماعنده دوام وسامي مو موجود"
سلطان لبس وطلع ...اخذ جواله ومحفظته وطلع...
دق جوال ليان وناظرت"فيصل لايكون ماجاب اللي قلت"
ليان:هلا فيصل
فيصل وواضح ان عنده ازعاج:ليان كيف اللون
ليان ماتسمع من الإزعاج:نعم
فيصل وهو يكلم عامر:شف هذا احسن ورد يكلم ليان:فيه لون اسود ورصاصي من LG واسود وابيض من hp
ليان:جب اسود من LG
فيصل:اوكي باي
ليان:باي
**!!!**!!!**
لمى جالسه بكوفي شوب تنتظر سلطان وهي مقرره تقول لسلطان كلام عشان تشوف يحبها او لا سمعت صوت جوالها وناظر وردت...
لمى:هلا سلطان
سلطان:اهلين وينك
لمى:داخل بالكافي وينك انت
سلطان:اوكي خلاص شفتك وسكر
لمى تعطرت وزادت القلوس عليها وفكت شعرها وناظرت وشافت سلطان..
سلطان بإبتسامه:السلام عليكم
لمى قامت وبإبتسامه:وعليكم السلام اهلين حياك
سلطان جلس:اخبار القمر
ليان بدلع:بخير دامي شفت حبي
سلطان:تسلمين وناظر لها وبهيام:ناويه تهبلين فيني الليله ياقلبي
لمى وهي تناظر تحت:اقول سلطان
سلطان استغرب من جديتها:فيه شي لمى بتقولينه
لمى:......
سلطان بخوف:قولي لمى
لمى بدموع تماسيح:أنــــــا انخطبت
سلطان:انخــــــطبتي
لمى:ايوه بس رفضت لأني احبك
سلطان:...... وحرك الكوب اللي قدامه
لمى"اخخخ يقهر طيب اذا ماخليتك تركض وراي":وش فيك كأن كلامي ماعجبك
سلطان:لا بس انا متزوج
لمى :طيب عادي لو كنت متزوج
سلطان"انا عندي عله ناقص بعد عله ثانيه":بس ياقلبي انا ماأرضى يكون لك ضره
لمى تسوي نفسها حزينه:مو عذر هذا بس عارفه لأنك خلاص ماتحبني وبكت>>طبعآ تمثيل>>
سلطان مسح دمعتها:انا ماأحبك من قال انا اموت بالأرض اللي تمشين عليها
لمى:اذا كنت صادق اوعدني
سلطان:اوعدك بأيش آمري تدللي ياروح سلطان انتي
لمى بدلع:تــــــزوجني وتخلي زوجتك تكرهك عشان تطلب الطلاق ومايصير عندك عذر
سلطان يموت بصوتها اذا كانت تدلع:ابشري اوعدك بس بشرط
لمى بفرح:آمر كل شروطك انفذها
سلطان:مو ألحين اصبري ثلاث اربع شهور
لمى:عادي لو اصبر سنه بس اهم شي تلبي اللي ابي ياقلبي>>قالتها بدلع
سلطان حط يده على قلبه:آآآه ارحميني ماأقدر انا على الدلع
***!!!***!!!***
الساعه 10م
عامر:فيصل
فيصل بإستهبال:عيونه وروحه وكل دنيته
عامر:ههههه رومنسي وانا ماأدري
فيصل بحالميه:آآآه بس وين اللي ادلعها وتدلعني
عامر:هههههه بالأحلام ياخي بجد مافيه بنات يفتحن النفس
فيصل تعدل بجلسته:وانت صادق اذا صارت حلوه اخلاقها زفت واذا مي حلوه اخلاقها حلوه
عامر تذكر أميره:اخخخ ياليت أميره لها اخت والله لأخطبها
فيصل:هههه وين عبدالله يسمعك
عامر:عليها جمال آآآه بس ياحض عبدالله فيها
فيصل ضربه:استح تراه اخوك
عامر:الله يوفقهم
***!!!***!!!***
الساعه11 ونصف م
ليان بعد ماخلصت من تجهيز العشاء راحت للغرفه واخذت شاور ولبست فستان أحمر قصير وناعم مره... رتبت الغرفه وحطت فيها إضاءه لونها أحمر وورد وبخرتها وحطت شموع بأنحاء الغرفه ووشغلت موسيقي هاديه جابت الهديه وحطتها على الطاوله...طلع جو الغرفه رومنسي مره...جلست على طرف السرير وهي مرتبكه خايفه من ردة فعل سلطان ناظرت بالساعه"12 الإ ربع شكله مو جاي الإ 1"
سلطان بعد ماتعشى مع لمى بمطعم ركب سيارته ورجع البيت"ماني مصدق اني بتزوج لمو فديتها انا وعدتها ولازم اخلي ليان تكرهني عشان اطلقها وافتك بس ياربي ماأقدر لها مكانه بقلبي بس بطنشها انا واعدت لمى"وصل البيت ونزل فتح باب الصاله وشم ريحة بخور تفتح النفس"اخخخ ياحلو الريحه"سكر الباب واستغرب ماشاف ليان راح فوق وفتح باب الغرفه وانصــــــدم ووقف مبلم...
انتهى,,,,,
لاتلهيك الرواية عن ذكر الله والصلاة
|
12-09-12, 01:12 PM
جديد مواضيع قسم القصص المكتمله من وحي قلم الاعضاء
العرض العادي
