السلام عليكم ورحمة الله وبركاته
صباح الرضى والمحبة من الله


البـــــــــارت الســـــابع عشر


>>>¤¤¤>>>>
الساعه 1 ونصف
ليان بعد ماطلعن من عندها البنات لبست برمودا اسود وتي شرت أبيض كت وتركت شعرها مفتوح على اكتافها وانسدحت بالصاله...
سلطان فتح الباب ودخل وليان ماأنتبهت له قرب منها وحط يده على رأسها
ليان حست بيده وتعدلت:اهلين جيت
سلطان بإبتسامه:ايوه وجلس جنبها وحط يده على رقبتها
ليان ارتبكت من قربه لها وتخدر جسمها ونزلت رأسها
سلطان مسكها مع ذقنها ورفع رأسها:تحــــ‏ــــــ‏ــبيني وحط عيونه بعيونها
ليان ارتبكت زياده ونزلت رأسها..
سلطان بنفسه"عارف انك تحبيني واضح من عيونك"وقام
ليان بعفويه:حبيبي وانتبهت لنفسها وسكتت
سلطان:بغيتي شي
ليان:هه لا بس بتسحر هنا
سلطان:ايوه وألحين بروح فوق اريح شوي واذا جهزتي السحور قولي لي
ليان:من عيوني كم سلطان عندي
سلطان:تسلم لي هالعيون اللي سحرتني وباس ليان على خدها وراح فوق...
ليان بنفسها"يارب دايم كذا احسه بدأ يتقبلني الله لايحرمني منه"وقامت وراحت فوق...
سلطان رمى نفسه ع السرير"آآه يارب ماتوقعت اني بحبها بهالسرعه بس ليان غير بسرعه تجذب الواحد خاصه عيونها"

¤¤¤¤>>>¤¤¤¤
مرت الأيام بسرعه ودخلت العشر الأواخر ومابقى الإ يوم على العيد...والكل فرحان بقرب العيد وزواج عبدالله الإ أميره خايفه وودها الأيام بدل ماتنقص تزيد...ليان بالأيام اللي فاتت مرتاحه ومستأنسه حيل وسلطان ابد مازعلها او عصب عليها مايقصر معها بشي ...عبدالله كلم دلال وهاوشها وقالها تبعد عن أميره بس قالت له أنا وراك وراك والزمن طويل ومستحيل ترتاح مع أميره وأنا حيه...
في بيت ابو زياد ليلة العيد الكل مشغول وو... الخ الإ أميره مصدعه ومنسدحه بالصاله وحاطه يدها على رأسها....
دخلوا زياد وعبدالعزيز وشافوها منسدحه..
زياد بمزح:يــــ‏ــوووه وش فيك لايكون بتمرضين
عزيز كمل:لايكون تعبانه وزواجك مابقى عليه الإ يومين
أميره سمعتهم وطنشت وجلست...
زياد جلس جنبها:وش فيه الحلو زعلان
أميره:مصــــ‏ــدعه
عزيز:اكلتي بنادول
أميره:ايوه
زياد بمزح:أصلآ مافيها شي بس تعرف لازم تدلع قبل الزواج
أميره ناظرت له بنص عين:ليش غيران بعد
زياد بإستهبال:لا بس يفضى لي الجو مو انتي اول آخذه كل شي بالبيت ألحين يصير لي كل شي
أميره حزنت بمجرد انها بتترك هالبيت اللي عاشت وتربت فيه نزلت دمعتها غصب ومسحتها قبل ينتبهون لها...
زياد:عاد تصدقين صراحه بفقدك
عزيز مايبي يضيق أميره:زياد والله لو بتهاجر تراها تزوجت مو راحت خلاص




>>><<<>>><<<
ليان ومشاعل بغرفة ليان ويسولفن...
مشاعل:ليوون
ليان:عيونها
مشاعل:كيف سلطان معك
ليان:فــــ‏ــديته بس عسل
مشاعل غمزت:من ألحين دفاع
ليان:والله احــــ‏ــبه احبه غصب
مشاعل:الله يديم عليك
ليان وقفت:تعالي ننزل تحت
مشاعل قامت:يالله ولفت وبضحكه:ليــــ‏ــوون حركات وش هذا
ليان:وجــــ‏ــع قليلة أدب وضربتها
مشاعل:هههههههههههه وطلعت من الغرفه
ليان طلعت وراها:سخييفه
مشاعل:ههههههههه عادي طيب

:وش اللي عادي

مشاعل:ســــ‏ــلطان
سلطان بإستهبال:لا ليــــ‏ــان
ليان:ههههههههههههههههه حلوه
سلطان:فــــ‏ــديت هالضحكه
ليان استحت ونزلت رأسها خاصه بوجود مشاعل..
قرب سلطان من ليان وقرصها مع خدها
مشاعل:احم احم نحن هنا
سلطان:زوجتي وكيفي وحط يده على كتف ليان
ليان استحت وراحت فيها ووجهها احمر...
مشاعل:ههه سلطان ارحمها خلاص شف وجهها
وصل مسج لجوال سلطان طلع جواله وشافه وانصدم وانقلب وجهه 180 درجه وترك ليان
ليان بخوف:سلطان فيك شي
سلطان بإرتباك:ه هه لا مافيني شي وراح للغرفه
مشاعل وليان استغربن منه وبنفس الوقت خافن..
مشاعل:ليان روحي شوفي وش فيه
ليان:لا خايفه
مشاعل:من ايش خايفه شوفي وش فيه وأنا بروح البيت بس لاتنسين تقولين لي
ليان سرحت:خلاص
مشاعل:ولاتنسين تشوفين جواله بدون مايعرف وراحت...

*********
سلطان دخل الغرفه وانسدح ع السرير وهو الى الآن مصدوم"لمى تطلقت ماني مصدق آآآه بس بعد ايش بعد ماحبيت ليان لا اصلآ أنا ماحبيت ليان ولاشي حبي الأول والأخير لمى وألحين حره ماني مصدق"اخذ جواله وناظر للمسج مره اخيره ومسحه ونزل جواله...
ليان دخلت وشافته منسدح تقدمت من السرير..
ليان بحنيه:حبيبي فيك شي
سلطان ارتبك وبيتكلم بس شاف ليان وحنيتها معه وسكت وناظر لها..
ليان جلست ع السرير ومسكت يد سلطان:قول وش فيك
سلطان ارتبك زياده وسحب يده بقوه.. ليان انصدمت من ردة فعله وجرحها..
سلطان بعصبيه:ليــــ‏ــان اطلعي برى
انصدمت ليان صدمه اخرى وقامت وبنفسها"لو الكل يتغير سلطان مستحيل يتغير"قبل تطلع من الغرفه ناظرت له بحزن وطلعت..
سلطان حن ورق قلبه لها بس ترك شعوره واحساسه وبنفسه"أنا لازم ابعد عن ليان واتجاهلها"واخذ جواله وبيد مرتفجه دق رقم لمى..
لمى:الووو
سلطان دق قلبه بقوه واخذ نفس:السلام عليكم
لمى:وعليكم السلام ودققت بالصوت:ســــ‏ــلطان
سلطان سمع صوتها وحن لحبه الأول:ياعيون سلطان انتي
لمى بدلع:كيفك مرتاح
سلطان:من سمعت هالصوت وأنا ارتاح كيفك حبي
لمى:مو مرتاحه
سلطان بسرعه:لييش
لمى:زوجي اللي مايتسمى عرف بحبي وعلاقتي معك وطلقني
سلطان:لأن ماعنده احساس والإ واحد يشوف القمر قدامه ويطلقه
لمى ابتسمت ابتسامه نصر:وكيفك انت مع زوجتك
سلطان ارتبك:هــــ‏ــه بخير
لمى:طلقــــ‏ــها وارجع لي أنا
سلطان ارتجف بمجرد انه سمع كلمة انه يطلق ليان وبعصبيه غصب طلعت منه:ليان زوجتي ومستحيل اطلقها فهمتــــ‏ــي وسكر بوجهها"هذا اللي ناقص بعد ليان مستحيل اتركها مستحيل"
لمى انقهرت من ردة فعل سلطان بس توعدت"طيب ياسلطان اذا ماخليت تتركها وتجي ركض وراي ماأكون لمى"
سلطان ندم انه كلم لمى"مو المفروض اني أكلمها حرام اخون ليان المفروض اني دست على قلبي وطنشت ليان زوجتي ألحين وخلاص"وقام وطلع من الغرفه وسمع ليان بالصاله وتكلم وتضحك"أكيد عبدالله ماتضحك وتستأنس هالكثر الإ معه اووه يالقهر"وتقدم لين وصل قريب من ليان...
ليان ارتبكت من قربه وزادت دقات قلبها وكأن الغرفه مافيها اكسجين..خاصه بعد ماحط سلطان رأسه بحضنها وناظر بعيونها
عبدالله:ليون وين رحتي
ليان انتبهت لنفسها:هلا عبدالله معك
عبدالله:وش قلتي تجينا ألحين بالبيت متجمعين احنا والبنات وعامر
ليان:طيب بشوف سلطان واقوله واجي
سلطان قام من حضن ليان وجلس...
عبدالله:وجيبي هالسلطان معك وبنفسه"ماخسارة الإ اسمه عليه"
ليان:اوكي باي
عبدالله:بايون
ليان لفت لسلطان:بروح لبيتنا
سلطان ببرود:بكيفك ماسكك أنا
ليان انهبلت من بروده قبل شوي بحضنها والحين بارد معها "صدق انسان ماعنده احساس او مريض هو ومزاجه المتقلب"راحت للغرفه ولبست وراحت لبيت أهلها...

<<<>>><<<>>>
في بيت ابو عبدالله...مجتمعين عبدالله واخوانه وخواته بالصاله...
عامر:ترى ماله داعي بكره نسافر بالعيد
ريم:اول مره اشوف احد يسافر بالعيد
عبدالله:عادي العيد الصباح وبس
عمار:عندك بس والإ مستعجل وغمز لعبدالله
عبدالله:ههههه ايه عندك مانع
عامر بمزح:مو حبآ بالشرقيه حبآ باللي فيها
عبدالله:طبعآ والإ متى أنا حبيت الشرقيه
ريم:طيب ليش مارحنا البارح احسن من بكره
عبدالله:من يقوله لأبوك
كمل عامر:اللي لازم العيد الأول بالقصيم
عمار:وععععع تصدقون ماأطيق القصيم بس غصب مجبور اعيش فيه
دخلت ليان:السلام عليكم
عبدالله قام:هــــ‏ــلا وغلا بالزين كله وضمها
عامر:عبدالله بعد عاد تراها اختي بعد
ليان سلمت على عامر:كيفك ماتنشاف ماكأنك هنا
عامر:مافي وقت
ليان جلست:غريبه جالسين بدون شي
عامر بمزح:قولي وش مشتهيه ونجيب
ليان:هههههه ماقصدي بس جلسه مافيها شي غريبه
عبدالله بغرور:فيها انا وأكفي عن كل شي
ليان:بهاذي عاد صادق
عامر:ألحين تمدح نفسك والجلسات الجايات تمدح أميره
عمار:عاد المتزوجين لو كانن زوجاتهم مو حلوات لازم يتغزلون فيهم
عبدالله بثقه:بس أميره حلوه
عامر بعفويه:صــــ‏ــادق عبدالله مو بس حلوه الإ تجننن
الكل ناظر لعامر بإستغراب وعبدالله ناظر فيه بنظرات قويه
عامر بإرتباك:هــــ‏ــه ماأقصد بس يقولون انها حلوه وش فيكم
الكل ماعد عامر وعبدالله:هههه ههههههههههههههههههههههههه
ليان بتخفف الجو بين عامر وعبدالله:عبودي وش فيك عامر مايقصد
عامر:والله صدق ماأقصد شي وعادي زوجة اخوي وأمدحها
عبدالله بإرتياح:الحمدلله
عامر بنفسه"الحمدلله بغى يأكلني عبدالله بنظراته وأنا غبي بغيت اروح فيها وعبدالله خلقه يشك فيني"



>>><<<>>>

يــــ‏ــــــ‏ــــــ‏ــوم العيــــ‏ــد**
بعد صلاة العيد في بيت أبو زياد...
أميره وهي تبوس ابوها:كل عام وانت بخير
ابو زياد:وانتي بخير
أميره وهي تسلم على أمها:من العايدين
ام زياد:من الفايزين
دخلوا زياد ويزيد وتركي وشذى وجنى
أميره:هلا والله وسلمت على واحد واحد واخر شي شذى..
شذى:فاتتك صلاة العيد شفت البنات وسلمت عليهن
أميره:لاتقهريني تراي متحمسه لها بس الظروف
شذى:ههههههههههه ابد مو وقته
ابو زياد والشباب راحوا لبيت الجد وام زياد راحت للمطبخ
أميره وشذى جلسن..
شذى بتقهر أميره:صدق أبد مو وقتها عاد يوم قرب زواجك
أميره:شــــ‏ــذى وجع قليلة ادب صدق هذا اللي تفكرين فيه
شذى:ههههههههههههههههههههه
أميره قامت:اروح لبيت جدي احسن
شذى:هههه حتى أنا بسلم على اللي ماسلمت عليهم
أميره وهي تلف طرحتها:العصر بيجون المحمد والعبدالرحمن والناصر
شذى:والحبيب اكيد بيجي
أميره بضيق:اكيد لا ويملك بكره
شذى:طيب عادي لاحفل ولاشي بعده الزواج
أميره:ترى اكره سيرة الزواج بنروح لانتأخر
طلعن أميره وشذى وراحن لبيت الجد عادل...

***>>>***
في بيت الجد عادل..مجلس الرجال مليان رجال ودله رايحه ودله جايه...ومجلس الحريم بعد مليان من جاراتهم وأكثر المجلس عجايز..دخلن شذى وأميره البيت..
ام زياد وهي طالعه من المجلس شافتهن:وينكن تأخرتن
أميره:فيه حريم
ام زياد:ايوه وكثار بعد
أميره سحبت يد شذى:تعالي نروح المطبخ او فوق ناقصه انا بعد يحرجني بالأسئله
شذى:لا بعد ام صالح فيه ماتسمعين صوتها
أميره:هههه وهاذي احد مايسمع صوتها وراحن المطبخ وشافن زياد ينتظر الدله تجهزها سالينا بيآخذها..
زياد:اهلآ وسهلآ بالعروس ولصقتها
شذى:ههه زياد ترى ماأحب هالكلمه
أميره جلست ع الطاوله:فيه رجال كثار
زياد:فيه شيبان مايشبعون من القهوه تكسرت يدي وأنا أصب
شذى:طيب وتركي وعزيز مايساعدونك
زياد وهو يقلد صوت عزيز:عزيز صب مره وقال أنا عمكم مايصير أتعب وانتم حاظرين وجلس
أميره+شذى:هههههههههههههههه
سمعوا صوت عزيز جاي:زياد وين القهوه ودخل..
عزيز:الله الله ايش هالكشخه وسلم على شذى وأميره
زياد اخذ الدله من سالينا
عزيز:ترى ابوي معصب بسرعه ود القهوه
زياد:طيب انت صبها تعبت
عزيز جلس ع الطاوله:اقول ودها وصب للرجال احسن انا بجلس عند شذى وأميره
زياد طلع:لازم تصرف وراح
شذى فتحت حلاوه:الله يهبل طعمها
عزيز:وش فيها أموره هاجده اليوم
أميره:هه عادي مافي شي
شذى بخبث:مع العريس بيجي الليله لازم تسرح
أميره بعفويه:ومن زيــــ‏ــنه عشان اسرح فيه وانتبهت لكلامها ونظرات عزيز لها
عزيز:اميره مو انتي وافقتي عليه خلاص وقام:وباسل انسيه لاتحسبيني ماأعرف شي
أميره وشذى انصدمن كيف عرف ان أميره تحب باسل ومن قاله..
عبدالعزيز وقف عند الثلاجه:يوم تبكين ذاك المره عرفت ليش لأن اللي مايتسمى بيخطب وفتح الثلاجه..
شذى ناظرت بأميره اللي انقلب وجهها وجمدت بمكانها كيف عرف عزيز
عزيز سكر الثلاجه وناظر لأميره:وألحين انتي بتصرين زوجة عبدالله وخلاص..
شذى يوم شافت أميره بتغير الموضوع:وش رأيك نروح بالصاله ونأخذ القهوه معنا
عزيز:انا بروح عند الرجال وطلع..
شذى لفت لأميره:صدق كلام عزيز مو عشان عبدالله شافك
أميره بصدمه:كيف عرف ومن قاله
شذى:بكيفه خلينا منه وتعالي أكيد الحريم راحن اسمع صوت تركي داخل
قامت أميره وراحت مع شذى للحريم...

>>><<<***>>><<<
عزيز لزياد:قلت لأميره وتغير وجهها وانصدمت
زياد بخوف:ليش ألحين تذبحني
عزيز:لاتخاف ماقلت انه انت قايل لي
زياد:واذا سألتك
عزيز:مستحيل تسألني واذا سألتني مستحيل اقول زياد سمعك يوم تكلمك منال وقالي
زياد:انا مابغيت اقول لك بس شفتك ندمان ان أميره زعلانه منك وقلت لك سبب زعلها
عزيز:عادي مارايح اقول لأحد بس تعال بنروح لمجلس الحريم مافيه احد وراحوا...

***>>>***
عائلة محمد وعبدالرحمن وناصر بعد ماصلوا العيد وافطروا راحوا الشرقيه ماعدا خالد وعبدالله وعامر بيرحون الساعه 2 طيران وسلطان وليان بكره...
عامر وعبدالله عند ليان وخالد عند فيصل لأن فيصل مو رايح الإ يوم زواج عبدالله وسلطان عند سامي....
عبدالله ضم ليان:كل عام وانتي بخير
ليان:وانت بخير
عامر:أنا شكلي ولد البطه السوداء ساعه واقف
ليان لفت لعامر:هلا وسلمت عليه: كل عام وانت بخير
عبدالله وعامر جلسوا
ليان حطت سلة الحلاو عندهم وصبت لهم قهوه...
عبدالله شرب قهوه:وش رأيك تروحين معنا شوي
عامر:احسن بعد من بكره
ليان:سلطان يقول بكره نروح
عبدالله:براحتك
عامر ناظر لليان:ليان انتي قاصه شعرك
ليان بإستغراب:لا ليش
عامر:لا بس احسه قصران
عبدالله:هههههه شكل عيونك اللي قصرانه
ليان:ههههههههههههههههههههه

****>>>***>>>
شذى وأميره وتركي عند الجده وأم زياد وأم تركي راحن لوحده من الجارات يعيدنها...دخلوا عبدالعزيز وزياد..
الجده:وش فيكم جيتم ابوك عنده احد
عبدالعزيز بمزح:حركااات يامامتي مشتاااقه لبابتي
كمل زياد:مالك الإ ساعتين عنه
الجده بعصبيه:يــــ‏ــازينكم ساكتين هذا اللي جيدين فيه صدق ماتستحون
الكل ماعدا الجده:هههههههههههههههههههههههههههه
عزيز باس امه:أهم شي مايزعل القمر
الجده:بعد بعد عني خلاص زعلت
عزيز باس يدها:ماعاش من زعلك
أميره بخبث:جدتي ماترضى عنك الإ اذا تزوجت
عزيز عطاها نظره..
الجده:صادقه اذا تزوجت أرضى
عزيز:يووه عدنا لطيري ياللي
زياد:يووه بعيد فكونا من سيرة الزواج
تركي بيعاند أميره:عادي طيب بعد بكره زواج أميره
شذى:عاد زواج أميره غير عن الكل
زياد بإستهبال:ليش زواجي وأنا ماأدري
عزيز:والإ زواجي أنا
الجده سمعت غلط:مــــبرووك تبي تزوج خلني أخطب لك
عزيز بسرعه:لاااا
الكل عدا عزيز:هههههههههههههه
الجده قامت:بروح ارتاح اذا أذن الظهر صحوني وراحت
أميره:أحسن انقلبت عليك
عزيز بتوعد:طييب يأميره شوفي وش بسوي بزواجك
أميره بخوف:وش بتسوي
عزيز:كل شي بوقته حلو
تركي:قهههر ماأقدر ادخل والإ صدق احرجك قدام عبدالله
زياد:لاتخاف انا موجود
أميره:لا عاد انت زيود اخوي حبيبي
زياد:لاتحاولين بس
عزيز:ياني بخليك تعصبين صح
شذى:بس لاتنسى أنا موجوده اقفل الباب
عزيز:سهله ندخل مع عبدالله
شذى:نقفل عنكم انتم وعبدالله معكم
الكل ماعدا شذى وأميره: هههه هههههههههههههههههههههههههههه
أميره:وش يضحكم صادقه
عزيز بخبث:لا ياحــــ‏ــلوه عبدالله مافيه مفر منه ذيك الليله
زياد+تركي:ههههههههههههههههه
أميره انقلب وجهها ألوان وحمرت خدودها"حسبي الله على ابليسك ياعزيز"
شذى:صــــ‏ــدق قليلين أدب وماتستحون
عزيز:عادي طيب هذا الواقع صح والإ
أميره قامت:أروح أنام قبل الغدا احسن
زياد:ههههههه بتهرب بس مافيه مفر منا اليوم
تركي قام بسرعه وسكر الباب وقفله وأخذ المفتاح
أميره بعصبيه:جــــ‏ــب المفتاح احسن لك
شذى:تركي اذا ماجبته بقول لأبوي
زياد طلع جواله ومده لشذى:خوذي قولي له يالله
شذى اخذته منه وطرااااااااااااااخ
بالجدار وتفكك..
الكل مات من الضحك وزياد فتح عيونه ع الأخر..
أميره:حلوه تعجبيني
عزيز:شذى لييش
تركي بعصبيه:جــــ‏ــيبه وركبيه احسن لك
زياد:لا عادي اتركه بمكانه عندي جهاز ثاني
أميره:تركي عطني المفتاح
تركي:اذا صلحتي جهاز زياد
أميره:لا والله شايفني مصلح جوالات وأنا ماأدري
عزيز بخبث:اختاري ياتركبينه وتطلعين ياتجلسين هنا وماتطلعين الإ وأنتي معصبه وتبكين
أميره:ألحين اللي مفككه انا والإ شذى
زياد:مو شغلنا انتي او شذى سوي اللي قال عزيز وبس
شذى قامت:خلاص انا اركبه بس افتح الباب لأميره
تركي:نــــ‏ــو
أميره بعصبيه:غصب عنك تفتح
عزيز:أعصابك طيب
تركي:افتح بس بشرط
أميره تقلد صوته بإستهزاء:افتح بس بشرط تفتح غصب
تركي:مافيه شي بالغصب ياحلوه
أميره خلاص راحت فيها من القهر والعصبيه وجلست ع الكنب وطلعت جوالها...
زياد قام بسرعه واخذه منها:مجنونه انتي
أميره بصراخ:عطني الجوال احسن لك
عزيز:نمزح بعدين وش تبين ابوك يقول عنا بزارين

>>>>***
باسل له يومين وهو ماارتاح بنومه او بالأصح ماغمضت عيونه للنوم حط يده على رأسه"ياربي ماني مصدق زواجها بعد يومين آآه بس ياأميره ليش توافقين على عبدالله"وجلس واخذ جواله"أنا لازم اسألها لازم ليش وافقت على عبدالله"ودق رقم أميره اللي اخذه من جوال منال بدون ماتدري...

>>><<<>>><<<
أميره بعصبيه:زياد عطني الجوال لاتصير بزر
زياد بيمد الجوال لها ودق وناظر
أميره:عطني مين
زياد ناظر للرقم بشك:رقم تعرفينه
عزيز قام:جب اشوف يمكن عبدالله
انقطع الأتصال...وبعد دقيقه وصل مسج.. فتحه زياد وجن جنونه وأميره خافت وبنفسها"يارب تستر من"
انتهى..

البارت القادم يوم السبت ان شاء الله

لاتلهيك الرواية عن الصلاة وذكر الله

تحياتي:Amoonh

السلام عليكم ورحمة الله وبركاته
مساء الرضى والمحبة من الله

البـــــارت الثامن عشر



زياد قام وشد أميره مع شعرها وبعصبيه وصراخ:هــــ‏ــذا اللي ناقص بعد مكالمات من ورانا
أميره بصياح:آآآي زياد هئ هئ فكني والله ماأعرف شي هئ هئ
شذى بعصبيه:زياد اتركها
زياد بعصبيه:خليني أذبحها هاذي ماوراها الإ المصايب مع الحقير باسل>>قالها وهو راص على أسنانه
عزيز اخذ الجوال وفتح المسج
((أميره الله يخليك اذا تحبيني ردي لاتتركيني اتعذب صح زواجك بعد يومين بس ابيك ضروري واذا لي خاطر عندك ردي **محبك للأبد باسل**))
أميره تصيح وزياد يضربها وشذى تصارخ عليه...
عزيز قام:زياد خلاص اتركها
زياد دفها على الجدار:لو عزيز ماقالي اتركك كان موتك على ايدي
عزيز قرب من أميره وبإستهزاء:شكلك ماتتوبين وماترتاحين الإ اذا جيتينا مطلقه تحسبين هالباسل بينفعك
أميره تصيييح وتألم ومي عارفه شي
زياد طلع شريحة أميره وكسرها بين أسنانه..وحذف جوالها عليها وطلع
زياد قبل يطلع وقف:بكره اجيب لك رقم جديد والإ بعد مو لازم
عزيز ناظر لزياد:لا انا اقول لعبدالله يطلع لها وبعد الزواج تأخذه منه وطلع هو وزياد وتركي
أميره زاد صياحها وشذى راحت وجلست جنبها...أميره رمت نفسها بحضن شذى وبكت..
دخلوا الجد وابو تركي وابو زياد
وشافوا أميره بحضن شذى وتصيح وشعرها حوسه وواضح ان احد شاده بقوه
ابو زياد راح لها وبخوف:وش فيها
أميره شافت ابوها ورمت نفسه بحضنها وبكت بقوه..
الجد:وش فيها
ابو زياد مسح على ضهرها:أميره هدي نفسك وقولي وش فيك
ابو تركي:شذى وش فيها
شذى قالت لهم كل اللي صار وعصبوا..
الجد:وعلى كيفهم يفسرون كل شي من عندهم
ابو تركي:زياد بزر ماطلع الإ أمس يمد يده على أخته
ابو زياد:شغلهم عندي
الجد:الشرهه على عبدالعزيز بس خبل مثلهم
أميره قامت ومسحت دموعها:والله ماكنت أكلم احد ولاشي وبكت
ابو زياد ضمها:بنتي وتربيتي واعرفك ماعليك منهم
الجد ماهانت عليه أميره يشوفها تبكي قام:انا ألحين اغسل شراعهم غسل وطلع..

****"""****
عزيز وزياد وتركي بالمجلس...
تركي:جدي وابوي وعمي راحوا للمجلس ألحين يشوفون أميره تبكي ويفتحون محاظره
زياد بقهر:آهــــ‏ــ بس ودي اقطع باسل قطعه قطعه
:لا شكل انا اللي بقطعك قطعه قطعه
زياد خاف وعزيز وتركي مثله..
الجد دخل وبعصبيه:وجالسين ولا كأنكم سويتوا شي ياقليلين الحياء هذا اللي جيدين فيه تمدون يديكم على البنات
زياد:جــــ‏ــدي
قاطعه الجد بعصبيه:بس ولا كلمه أنت ماكأن اختك بتروح عنك بعد يومين بدل ماتسولف معها وتدور رضاها تضربها
عزيز:يبه الله...
الجد بعصبيه:بس انت ولا كلمه لو فيك خير ماتركته يضرب اخته
عزيز نزل رأسه وسكت وتركي مسك نفسه لايضحك وبنفسه"عاد بقى دوري بسكت احسن"وماأمداه يكمل كلامه الإ الجد يتكلم:وأنــــ‏ــت الثاني تعال بكره بعد ضارب خواتك
تركي:أ أ أنا ماسويت شي
عزيز وزياد بالقوه مسكوا انفسهم لايضحكون وتجيهم تهزئه محترمه بعد...
الجد بتهديد:المره هاذي عديتها لكم والمره الثانيه خلوني بس اسمع احد مضيق او مزعل أميره او شذى وطلع...
زياد:الحمدلله عدت على خير
عزيز:هههههه بغى ابوي يقطعنا قطع
تركي:بس الحمدلله تراجع بأخر لحظه
عزيز+زياد:هههههههههههههههههه
عزيز طلع ورجع:عبدالله جاء استعدوا للهوش
زياد:يووه عاد أميره وضربتها شف وش بيسوي ابوي
دخل ابو زياد:حتى بالعيد ماسلمت أميره من حركاتكم السخيفه
زياد:بس يبه أميره غلطت وأنا شايف المسج
ابو زياد بعصبيه:بــــ‏ــس أميره تربيتي وأنا أعرفها بعدين مو أول شي ضرب تفاهم اسألها
زياد:ماقدرت أشوف المسج واسكت خاصه انه من باسل
ابو زياد بهدوء:طيب يمكن باسل اللي دق او ارسل وأميره مالها علاقه فيه
زياد:خلاص أنا آسف
ابو زياد:ماينفع الآسف بعد ماشبعتها ضرب
زياد نزل رأسه:.......
ابو زياد:اتركوني من سالفه المسج ليش تعاندونها بالكلام ولف لتركي:ليش تقفل الباب
تركي تفشل وبنفسه"عاد شذى معطيته الأخبار بالتفصيل وأكيد مزوده شي":كنت أمزح
ابو زياد:بس أميره نفسيتها الأيام هاذي ماتساعدها خاصه انها بتطلع عن البيت وبتروح عنا>>قالها بغصه
زياد حزن ونزل رأسه بالأرض"ماني مصدق أميره بتتركنا لا عاد صدق اني سخيف ضاربها بدل مااجلس معها واحاول انسيها أضربها بس كله من العله باسل"
عزيز قام وباس رأس ابو زياد:آسفين وأميره ألحين نراضيها
ابو زياد:لا لين تهدأ



*****
أميره راحت لبيتهم ودخلت الغرفه ورمت نفسها ع السرير وقعدت تصيييح...
شذى فتحت الباب ودخلت وسكرت..
شذى جلست على طرف السرير:خلاص أميره
أميره بصياح:ليش يشكون فيني ليش وأنا مالي ذنب مسج وراسله باسل أنا وش ذنبي
شذى بنفسها"هالباسل ماعرفناه وجانا من وراه الخير":خلاص انتي اهدي
أميره مسحت دموعها وجلست:لا ويبي عبدالله يطلع لي رقم وش بيقول
شذى:لاتخافين الرقم اخلي عزيز يجيبه غصب
أميره بحزن:ماتوقعت عزيز كذا سمعتي وش قال
شذى:طنشيه وبمزح:شكل زوجته اللي تطلب الطلاق منه اول ليله من حركاته واستهباله
أميره:ههههههههههههههههههههههه
شذى قرصتها مع خدها:فدييت هالضحكه وأخيرآ
أميره انسدحت:ظهري يألمني بنام واذا جاء العصر صحيني
شذى:اليوم ظهرك وبكره بطنك وبعده الله العالم
أميره:وزيزو ماتوقعت عليه قوه كذا قطع شعري
شذى لحفتها:نامي نامي عشان أصحيك والإ نسيتي ان اهل زوجك بيجون العصر
أميره:حتى عبدالله مو مباعد زياد وعزيز وتركي مثل حركاتهم
شذى:لا بعد عنده خالد يعطيه باليوم كم درس ويطبقه وسرحت بكلام عبدالله"خالد يحبك..خالد يحبك.."
أميره:وين وصلتي تراي ملاحظه هالأيام ماأنتي طبيعي تفكرين بشي
شذى بإرتباك:لا من افكر فيه ولفت بتطلع:نامي وارتاحي عشان اصحيك العصر وطلعت..واميره حطت رأسها واستسلمت للنوم...


>>><<<<
العصر الساعه 5 وصلوا الناصر والمحمد والعبدالرحمن وقبلهم بساعه واصلين عبدالله وخالد وعامر...طبعآ راحوا لبيت الجد عادل...
بعد السلام والترحيب فيهم الحريم والبنات بالمجلس والرجال بمجلس الرجال...
مها جلست بتعب:ياربي تعب سفر يكسر الظهر
ريم:لا وبيوم العيد شكل أهلنا فيهم شي
شذى تصب القهوه لهن...
أم خالد:شذى
شذى:هلا عمه
ام خالد:وين أميره
شذى:تجي ألحين
وعد:اكييد نايمه صح
شذى:ههههه قبل شوي صحت
خلود بنوم:ياحظها احسدها صراحه انا نمت ساعه بس
مها:كذابه طول الوقت نايمه بالسياره
خلود:واللي بالسياره تسمينه نوم

:السلام عليكم

الكل قام:وعليكم السلام وسلمن على أميره
خلود:آهلآ بالعروس
مها:ماني مصدقه يأميره
ام عامر:ليش وش حلاتها أميره يستاهل عبدالله
أميره استحت وبنفسها"هذا اللي خايفه منه بجد احراااج"وجلست..
ريم بمزح:وين عبود يشوف هالخشكه
مها:لا يشوفها عشان يجيب لنا العيد
أميره حمر وجهها ونزلت راسها"وجع يوجعك يامها حيوانه صدق"
ام خالد:بنات خلاص احرجتوا البنت
شذى صبت لأميره وقامت تعطيها الفنجال:تقهووي
أميره لشذى:احراج في احراج
شذى:هههه شوفي وجهك واضح المستحي والمنحرج
أميره:صدق
شذى:اي والله



>>><<<>>><<<
عند الرجال دخل ابو باسل ومعه باسل ونظرات عبدالله لباسل ومنقهر وده يذبحه اما باسل يتمنى يمسك عبدالله ويقطعه قطعه قطعه ولو كان عارف انه موجود كان ماجاء اصلآ ماله نفس بس ابوه اجبره وغصب جابه معه...
زياد بنفسه وهو يناظر باسل"لو مافيه احد بالمجلس كان ذبحتك بس ماأبي اتفشل قدام الناس وانفضح"
عزيز بنفسه"اخخخ لو عبدالله مو موجود كان مسكتك وخليتك غصب تعترف وش سبب المسج"
ابو عبدالله لف لأبو باسل:أخبارك ياأبو باسل
ابو باسل:الحمدلله بخير
ابو عبدالله لف لباسل:واخبارك ياباسل
عبدالله انقهر"اخخخ قهر ابوي يسأله عن أخباره"
باسل بدون نفس:الحمدلله بخير ووجه نظرات لعبدالله
ابو تركي:باسل انت تعبان وش فيك نحفان وتحت عيونك هالات عسى ماشر
باسل بإرتباك:هــــ‏ــه لا مافيني شي
خالد بنفسه"من كثر مايبلع مخدرات ويدخن حشيش"
ابو زياد:بما انكم كلكم موجدين بقولقم بكره عبدالله بيملك يوم الزواج صعبه
الكل لف نظراته لعبدالله وعبدالله لف نظراته لباسل اللي تغير وجهه وحرك الفنجال بعصبيه..
باسل:"آآه ياخااال الله يهديك ويهدي ابوي ماأدري وين جبرني اجي"
عبدالله:"قهر قهر ودي أذبحه مو قادر اشوفه قدامي لا ويحب حبيبتي بعد ماني قادر اتحمل"
خالد:"هههه ياقهرك ياعبدالله شكل لو مافيه احد كان ذبح باسل"
باسل قام:على أذنكم
ابو زياد:بدري وين
باسل:بروح البيت وطلع...زياد قام وراه وعبدالله لحق زياد..
باسل اخذ نفس:ياربي ارحمني تعبت تعبت وطلع زقارته وشرب بعصبيه..
:بشويش اعصابك
باسل عصب زياده هذا اخر شي تمنى يسمع صوته يكرهه من قلب لف له:نعم خير تبي شي
عبدالله بيقهره:ايه ياحلو حبيت اعزمك على زواجي
باسل مسك نفسه لايذبح عبدالله ورد ببرود:ماطلبت شي لعيون أميره احظر
زياد بعصبيه:مصدق نفسك انت
باسل فتح باب سيارته وركب ولف لزياد:لو ماأنت ولد خالي كان شفت شي بحياتك ماشفته وسكر الباب ومشى..
عبدالله بقهر:آآه بس قهر اني رجعته لأهله
زياد:كان تركته يموت أحسن

****
مر الوقت بسرعه وأذن المغرب والعشاء وجاء وقت العشاء والكل تعشى وراح ينام بعد تعب السفر..الإ عبدالله جلس بصالة بيت الجد عادل ينتظر خالد...أميره بتروح بيتهم بس سمعت صوت التليفون وراحت بترد..عبدالله بعد ماسمع صوت التليفون ولمح أميره تخبى وراء الستاره..أميره جلست وردت وماتدري ان عبدالله وراها متخبي بالستاره...
أميره:الوو
ملاك:مساء الخير وآخيرآ احد رد
أميره:هلا ملوكه اخبارك وحشتيني يالدبه
عبدالله بنفسه"ليتني بدال ملاك"
ملاك:ادق على جوالك مقفل وتليفون البيت ماأحد يرد قلت ادق على تليفون بيت جدك
أميره:حظك كنت طالعه بروح بيتنا وسمعت التليفون
ملاك:وجوالك ليش مقفل
أميره حطت رجل على رجل:الزفت زياد بيأخذ البطاريه وضيع شريحتي>>قالت لها كذا مي قايله زياد كسرها عشان وصلني مسج من باسل
ملاك:قهر عاد رقمك حلو
أميره:لا لو شفتي عزيز وش يقول بقول لعبدالله يطلع لك
ملاك:عبدالله مين
أميره بعفويه:عبدالله زوجي
ملاك:أحلى احلى من ألحين مابعد صار زوجك
عبدالله:"ياويل حالي يازين كلمة زوجي منك ماني مصدق"
أميره"مجنونه انا قلت زوجي":ملاك والله طلعت عفويه
ملاك:ع العموم كيف الجو عندكم بالبيت
أميره:الكل بينام بس تصدقين انحرجت عند الحريم بجد احرجني العروس العروس كأني اول وحده اتزوج
عبدالله:"واحلى وحده بعد"
ملاك:هههههههههههه الله لو كنت بمكأنك هربت
أميره:اقول وسمعت صوت خالد ينادي عبدالله:ملاك أكلمك من بيتنا شكل احد جاء باي وسكرت وراحت لبيتهم...عبدالله طلع من وراء الستاره"فديتها ياناس أحبها أحبها"
خالد دخل:ساعه اناديك ليش ماترد
عبدالله بهيام:أحــــ‏ــبها احبها
خالد:استغفرالله شكل عقلك صار له شي
عبدالله قال لخالد كل شي..
خالد:احمد ربك مابقى شي كلها يومين وتصير عندك مو أنا ياحسره

***<<>>***
ثاني أيام العيد العصر..بعد ماملك عبدالله أميره طالعه بتروح لبيت جدها واستوقفها صوت عزيز وزياد..
زياد:تصدق خايف تفشلنا
عزيز:لا ودلوعه بزياده
زياد:الدلع بتنساه غصب بس البلشه ان قالت شي عن باسل لعبدالله
عزيز:اقول مي وجه زواج بس
أميره انقهرت من كلامهم وطلعت من بيتهم ودموعها بعيونها"وش شايفيني لاهالدرجه يقللون من قيمتي ومن زين عبدالله عاد"وراحت للحديقه بمكان بعيد عن الكل وماأحد يشوفها او ينتبه لوجودها جلست واسندت ظهرها على شجره من الأشجار اللي بالحديقه وتركت دموعها تنزل وتطلع كل اللي بقلبها...
بعد ساعه ونصف...شذى بعد ماانتظرت أميره وطال الإنتظار وهي ماجت راحت لبيتهم وشافت ام زياد طالعه..
شذى:خاله وين أميره
أم زياد بخوف:مي عندكم
شذى:لا قالت لي بتجي بس تأخرت وجيت أشوف
ام زياد:قبل ساعه ونصف قايله لي بروح لبيت جدي
شذى:كلنا مجتمعات وجدتي عندنا بعد بس أميره ماجت
ام زياد:ياربي وين راحت لايكون صار فيها شي
شذى بدأت تخاف:بروح اشوف بغرفتها
ام زياد:غرفتها مافيها احد شوفي ببيتكم وانا بدق اسأل زياد
شذى راحت لبيتهم تشوف وام زياد دقت عليه..
زياد:هلآ وغلآ بأحلى ام بالدنيا
ام زياد بسرعه:وينك
زياد:بالمجلس عند الشباب
ام زياد:شفت أميره
زياد:لا ليش تسألين
ام زياد:ماأدري وينها من العصر مي فيه
زياد:طيب انا جاي ألحين وسكر وهو خايف وبنفس الوقت مستغرب وين بتروح يعني
عزيز:وش فيك سكرت وانت مبحلق
زياد:ولاشي وطلع..
شذى بكل أماكن البيت بحثث عن أميره ومالقتها وراحت تقول لأم زياد وطلع زياد بوجهها..
زياد:لقيتيها
شذى:لا
ام زياد:ياويلي على بنتي وين راحت
زياد:يمه لاتخافين يمكن بالحديقه
شذى:انا فكرت بالحديقه بس مو كلها ماشفت احد
زياد:خلاص انا اقول لعزيز وندورها

الشباب كلهم تفرقوا والكل راح بطريقه ماعدا عزيز وعبدالله بالمجلس..
دخل زياد:عزيز شفت أميره
عزيز:لا
زياد:من ساعتين قالت بروح لبيت جدي وماندري وينها
قاموا عزيز وعبدالله:صدق وينها
زياد هز اكتافه:ماأدري
عبدالله وعبدالعزيز وزياد طلعوا للحديقه يدورونها...وبعد ربع ساعه من البحث شافها عبدالله تبكي وراح لها...
عبدالله:"آآه ياقلبي وآخيرآ لقيتها"وجلس مقابل لها:أميره
أميره ماحسبت يجيها احد رمت نفسها بحظنه وبكت..
عبدالله بخوف:اميره وش فيك
أميره زاد صياحها..
عزيز وزياد شافوها وراحوا لها وزياد قال لأمه انها بالحديقه وارتاحت وراحت للحريم..
زياد+عزيز:من العصر ندورك وأخر شي هنا لا وبحضن عبدالله بعد
أميره رفعت رأسها ومسحت دموعها وبعصبيه:أنــــ‏ــتم أخر من يتكلم أكرهــــ‏ــكم
زياد:ياساتر ليش
عبدالله ماسك نفسه لايضحك...
عزيز بمزح:مسويه كل هذا كله عشان تبين عبدالله يجي وترمين نفسك بحضنه
كمل زياد:كان اختصرتي وقلتي لي واقوله وتنتهي السالفه
عبدالله:ههههه ألحين انتم وش حارقكم
أميره وقفت:وانت بعد لاتصدق نفسك تراي ماأقصد
زياد+عزيز:ههههههههههههههههه
عبدالله مسك يدها:انتظري
أميره:اتركــــ‏ــني
عزيز بخبث:عبدالله ترى عادي ألحين زوجتك سو اللي تبي
أميره بنفسها"وجع يوجعك ياعزيز بهرب قبل يحرجني" وماحست بنفسها الإ عبدالله شايله ورافعها فوق..
أميره بصراخ:نــــ‏ــزلنــــ‏ــي
زياد+عزيز:هههههههههه
عبدالله يدور بأميره واميره تصرخ عشان ينزلها..
أميره:نزلني بطيح نزلني
عبدالله:تطمني معي ماتطيحين
زياد بخبث:عبدالله وش رأيك توديها البيت وانت شايلها
أميره:لاااا يــــ‏ــمه نزلي
عبدالله:فكره حلوه ودار بأميره
أميره خافت انها تطيح تمسكت برقبته بقوه وعبدالله مستأنس وماأحد قده وزياد وعزيز ميتين ضحك...عبدالله نزل أميره
أميره بعصبيه:والله انكــــ‏ــم سخيفيين وقليلين ادب كلكــــ‏ــم
عبدالله بخبث:قليلين أدب هاه وشالها
أميره بصراخ:ترى اذا مانزلتني بأصرخ واخلي العالم تجي على صرختي
عبدالله مشى فيها وتوجه للبيت:اصرخي عادي
زياد:ترى الكل بالمجلس
أميره بترجي:عبدالله تكفى نزلني الله يخليك
عبدالله قرب فمه من أذنها:اذا عطيتيني بوسه انزلك
أميره بعصبيه:هنا بس اذلف
عبدالله:اجل تحملي اوصلك عند الحريم
أميره:تكفى وش بيقولن ماصدقت
عبدالله:يقولن اللي يقولن ماأحد همني

عند الحريم الكل مجتمع بالصاله والجده عندهن...
وعد:يمه وين أميره
ام زياد:تجي ألحين
مها:تأخرت متحمسه أنا بشوفها
خلود:لا انا متحمسه أكثر على الكيكه اللي جايب خالد
مشاعل:وهذا اللي هامك بطنك
مها:بس خالد حايسها كلها اسم عبدالله
شذى بنفسها:" ايه من ألحين أكلتها أميره عليها اسم عبدالله واللي جايبها خالد"
أميره بعد مادخل عبدالله الصاله وقرب من المجلس:عبدالله
عبدالله:اششش وسكر فمها وكمل طريقه للمجلس...
عبدالله:اللي تغطى تغطى بدخل ودخل وأميره دورو وجهها من الإحراج والفشيله
البنات قعدن يصفقن ويصفرن..
أميره سمعت اصواتهن وغمضت عيونها وقرصت عبدالله مع كتفه بقوه..
عبدالله:آآي ونزل أميره
الجده:ياللي ماتستحي وش مسوي ماتشوف وجه البنت
أميره مارفعت رأسها ماتبي تشوف احد لأن الصيحه واصله بس ماسكتها
البنات:عادي ياجده زوجته
الجده:زوجته لاتزوجها يسوي اللي يبي مو ألحين
عبدالله:ههههههههه هههههههههه
أميره قامت وراحت ركض وطلعت بس شافت العيال قدامها بالصاله ورجعت وطــــ‏ــرااااخ صدمت بعبدالله عند الباب كان بيطلع...
عبدالله:هههه شفتي ياعمه تلصق فيني أميره>>يقصد الجده
البنات:هههههههههههه
مها:وش فيك رجعتي
أميره:فيه عيال بالصاله
عبدالله راح للشباب والجده والحريم طلعن مابقى الإ البنات
وبدأن تعليق على أميره لين أذن المغرب...

بعد المغرب>>
الشباب بالمجلس وعندهم حلويات وكيكات جايبينهن عشان عبدالله...
والبنات بعد عندهن حلويات وكيكات وعصيرات وو..الخ..
طبعآ أميره جلست غصب عشان البنات بس ماكلت من الكيكه اللي جاب خالد..
ريم قصت قطعه وعليها اسم عبدالله:هاذي لأميره ومدتها لها:تفضلي ياأحلى عروس
أميره اخذتها عشان خاطر ريم والإ بنفسها"كيف أكلها وعليها اسم الزفت لا وجايبها الزفت الثاني احس اذا أكلتها بستفرغ بس كيف اتخلص منها فكري ياأميره وين راحت افكارك"
مشاعل لأميره:وين وصلتي كل هذا تفكير بعبدالله
كملت ريم:لو كنت عارفه انك بتسرحين كذا ماقدمتها لك
أميره انتبهت:تكلموني
البنات:هههههه ماأنتي معنا تفكرين بالحبيب
أميره طنشت ولفت لشذى:اقول شذى وش رايك تودين هاذي بالثلاجه>>تقصد الكيكه
شذى"كنت عارفه":من عيوني وقامت وقربت من أذن أميره:احطها بالثلاجه او الزباله
أميره:عطيها البزارين اللي بالصاله اهم شي خلصيني منها
شذى:والله طعمها لذيييذ
أميره:خلصيني بس قبل ينتبهن البنات
طلعت شذى من عند البنات وشافت يزيد ومهند بالصاله يلعبون بلاستيشن..
شذى:زيزو هنود
لفوا لها:نعم
شذى:تعالوا ومدت لهم الكيكه
يزيد+مهند:كلينا قبل شوي عند الشباب مانبغى
شذى:طعمها يجنن ياأغبياء لاتفوتكم
يزيد طنش ولف لمهند:العب بس
شذى: مالت وراحت المطبخ...

بالمطبخ>> خالد يأخذ ماء للشباب
دخلت وهي تكلم نفسها:والله أميره ماعندها ذوق والإ عبدالله احسن من.....وجمدت يوم شافت خالد يطالعها ويبتسم..
خالد انتبه لنفسه ولف وراء:وش رايك تعطيني اللي بإيدك
شذى بإرتباك:هــــ‏ــه ونزلتها ع الطاوله وطلعت ركض..
خالد:ههههه فديتها ياعالم واخذ الكيكه
:ننتظر الماء وانت جالس تفدى من اللي فديتها
خالد ارتبك يوم شاف عزيز:هه هاذي واشر ع الكيكه
عزيز:اكيد اكل بتفداه
خالد"الحمدلله كيف لو جاء وشذى موجوده":يكفي عليها اسم عبود بس واخذها
عزيز اخذ الماء:خلاص ألحين عبود بيتزوج
خالد:اووه لاتذكرني تراي شايل هم هالشهر وين اروح
عزيز طلع من المطبخ وخالد وراه:هذا مصير اللي ماعنده اصدقاء كثار
خالد:عندي بس عبودي غير عنهم


****
شذى بعد مارجعت من المطبخ وهي سرحانه وتفكر بخالد ونظراته وابتسامته لها...
أميره ضربت كتفها:وش فيك سرحانه
شذى بإرتباك:هأ لا مافي شي
أميره بنفسها"علي انا اعرفك عدل":شفتي خالد صح
شذى:كيف عرفتي
أميره:عرفت مو شذى واعرف وش تفكر فيه
شذى:من بعد كلمة عبدالله عن خالد وانا ماني على بعضي
أميره ببرود:عارفه وحاسه
شذى:تصدقين خايفه من شعوري
أميره:لاتخافين وخلينا نسكت لايسمعن البنات...

>>>><<<<
ليان بالبيت ومعصبه من سلطان من العصر تنتظره عشان مايتأخرون على رحلتهم الساعه 10 بس مارجع ومطنش مايرد على اتصالاتها...
ليان:ياربي وش فيه هذا من الظهر طالع ولارجع لايكون فيه شي بس فيصل يقول انه عند سامي لايكون فيصل يكذب بس انا اعرف فيصل عدل مستحيل يكذب او يخبي شي...
وسمعت صوت الباب ودخل سلطان...
قامت ليان:وينك تأخرت خوفتني عليك
سلطان ببرود:مافيني شي... ومشى بيروح لغرفته واول درجه ركب عليها وقف ولف لها:اجلت الرحله لبكره الصبح وكمل مشي وراح لغرفته..
ليان جلست ع الكنب مقهوره منه:ياكرهي لبرودك من العصر انتظره واخر شي يقول بكره الصبح صدق ماعنده احساس وسالن دموعها على خدها:لايكون بيحرمني من زواج اخوي بعد يسويها وحطت يدها على وجهها وبكت بقوه...
سلطان انسدح على طرف السرير"ماأودي اسوي فيك كذا بس غصب ياليان أكره عبدالله ولازم اقهره وأعذبه وماأقدر اسوي كل هذا الإ فيك انتي لأن عبدالله اهم شي عنده بالدنيا انتي"

***!!!***!!!***
عند الشباب خالد يأكل من الكيكه اللي اخذها من شذى وسرحان...
عبدالله قرب منه:شفتها صح
خالد بتنهيده:آآآه ياقلبي بس
عبدالله:هههه لايسمعونك الشباب
خالد:ياحظك ياعبدالله بس الليله وتاخذ راحتك
عبدالله:وانت مصدق ان أميره بتتركني ارتاح
خالد:غصب عليها بعدين شف مو تدلع عليك والإ تهاوش وتسكت لها تراها مو ليان طيوبه وهاديه
عبدالله ذكرت عليه ليان انها بتمشي الساعه10:ايه صح ماكلمت ليان اشوف متى تمشي
خالد:مو ألحين شوي عشان تستقبلها
عبدالله:سلطان نذل والإ ليش ماجاء معنا أمس
خالد:فكه احسن لو كان عندنا ألحين كان المجلس منقلب فوق تحت

>>>!!!!<<<!!!!>>>
عند البنات أميره عصبت من تعليقاتهن ودها تقوم وتكسر روسهن..
أميره بعصبيه:بــــ‏ــس عاد والله العظيم لأروح البيت
وعد خافت أميره من تعليقات البنات تقول شي عن عبدالله عند البنات لأنها تعرفها دايم تغلط وتندم:بنات خلاص غيرن الموضوع
مها:ماأقول الإ الله يعين عبدالله أميره الأيام هاذي صايره كبريت
أميره بإستهزاء:الله يعين عبدالله على أميره لا والله الله يعيني أنا ويصبرني على ماابتلاني فيه
وعد بنفسها:"بتفشلنا هاذي صدق لسانها متبري منها ألحين تقول شي ويوصل لعبدالله"
ريم فتحت عيونها:يعني عبدالله بلوه
أميره تبي تكلم بس سبقتها وعد:لا ماتقصد عبدالله
شذى:عاد لازم أموره ولفت لها:تعصب وتقول كلام غلط عشان جبنا طاري عبدالله على ألسنتنا ماتحب احد يتكلم فيه غيرها>>قالت كذا عشان تنقذ أميره من اسئلة البنات>>
البنات:احــــ‏ــلى احلى كل هاذي غيره
أميره بنفسها"مالت عليكن وعلى عبدالله معكن من زينه عاد"

الساعه 11 ونصف>>
عبدالله بسيارته عشان يروح يستقبل ليان...
خالد:طيب قبل تروح دق شف يمكن ماوصلوا
عبدالله دق على جوال ليان...

"""***"""***"""
ليان انسدحت بالصاله ونامت وسلطان فوق بغرفته...دق جوال ليان وفزت وناظرت بالرقم..
ليان بنوم:هلا عبدالله
عبدالله:أخبارك شكلك نايمه
ليان:ايوه اجلنا رحلتنا لبكره
عبدالله:ليش طيب
ليان بكذب:سلطان تعب وبكره الصباح نجي ان شاء الله
عبدالله:المهم العصر تكونين بالشرقيه
ليان:ان شاء الله
عبدالله:اتركك تنامي باي
ليان:باااااي
عبدالله بعد ماقفل:اجلوا رحلتهم
خالد:قلت لك عندي احساس سبحان الله
عبدالله:نتمشى
خالد ركب:يالله وسكر الباب

>>>***<<<***>>>
يوم زواج عبدالله>> الساعه11 ونصف الصباح...
ليان صاحيه من الساعه 9 وجالسه بالصاله تنتظر سلطان يصحى من النوم لأنها خلاص فقدة الأمل انه يصحى قومته خمس مرات بس لاحياة لمن تنادي..
سلطان صحى واخذ شور ولبس وطلع بيروح لسامي...نزل من الدرج وشافته ليان..
ليان قامت:متى نروح
سلطان:.....وكمل طريقه
ليان:أكلمك
سلطان:....وطلع وسكر الباب
ليان جلست على الأرض "لايكون مايبي يوديني بعد شسوي زواج اخوي وش بيقولون الناس"وغطت وجهها بيديها وبكت...

***>>><<<***
الساعه 2 الظهر>>
عبدالله واقف بالغرفه ومعها جواله ودق على ليان...

سلطان رجع وانسدح على الكنب وليان تكلمه بس مطنش ولا كأنه يسمعها..
ليان بعصبيه ودموع:أكلمك أنا لاتطنشني متى نروح حرام عليك زواج اخوي
سلطان ببرود:انا ماأبي اروح
ليان بصراخ:وأنــــ‏ــا حرام عليك حرام عليك وجلست ع الأرض تبكي..
سلطان جلس:بــــ‏ــزر انتي خلاص نروح العصر
ليان بصياح:مايكفي الوقت متى بروح المشغل
سلطان:مو لازم تروحين للمشغل انتي حلوه بدون مشغل
ليان:لا والــــ‏ــله ودق جوالها وناظرت:هذا عبدالله بيقول وينكم وش اقول
سلطان:طنشي لاتردين عليه
ليان بعصبيه:لا والله هذا اللي ناقص بعد
سلطان بعصبيه خوفت ليان:لاتــــ‏ــردين يعني لاتردين
ليان بصياح:حرااام عليك حرام ليش تسوي فيني كذا ليش وضمت رجولها لصدرها وبكت بقوه
سلطان ماهانت عليه وحن عليها وقام لها وجلس مقابل لها ويده على كتفها:خلاص ليان
ليان زادت شهقاتها وصياحها
سلطان رفع رأسها:ليون خلاص نروح الساعه 4 بس لاتبكين
ليان بصياح:انت كذاب كذاب لو كنت تبيني اروح كان وديتني أمس بس عارفه بتحرمني من زواج عبدالله
سلطان:ههههههه لاتخافين بنروح بس ألحين بروح أنام واذا جاء العصر نروح
ليان مسحت دموعها:الله يخليك ألحين بنروح تكفى سلطان
سلطان راح فوق:قلت العصر العصر وبنفسه"لو تعرفين اني ماني موديك كان اصابك انهيار عصبي"ودخل الغرفه
ليان:عارفه مو موديني ادري بس لازم اتصرف سلطان وعارفته اذا نام مستحيل يصحى بدري بس اذا جت الساعه 3 وماصحى بدق على عبدالله ووصلها مسج على جوالها((مساء الخير حبيت أقولك ان سلطان مو موديك يكذب عليك ولاتقولين له اني قلت لك أنا واحد ماأحب افرق بينكم وماأبي تصير لسلطان مشاكل مع أهله لانه عزيز علي قلت لك ألحين عشان تشوفين لك حل))...ليان قرآتها ورمت نفسها على الكنب وبكت...

>>><<<
سامي بعد ماأرسل المسج:يارب اللي سويته صح او خطأ بس والله كله خوف على سلطان من المشاكل مع أهله وخايف يتآثر لو تصير مشاكل ويزيد معه المرض...

<<>><<>>
الساعه3 الظهر
عبدالله:قلبي مو مرتاح احس ليان مي جايه
خالد:طيب دق واسألها
عبدالله:ماترد ثلاث مرات ادق وماترد
خالد:دق على تليفون البيت طيب
عبدالله:ماتــــ‏ــ....وقطع عليه صوت جواله وناظر:ليان
عبدالله:ألووو
ليان يوم سمعت صوته انفجرت بكي
عبدالله انهبل الإ ودموع ليان عبدالله:ليان وش فيك
ليان بصياح: س سلطان وماقدرت تكمل من الصياح
عبدالله بقهر:وش فيه اهدي وقولي وش صاير
ليان هدأت:مايبي يجيبني
عبدالله بعصبيه:مو على كيفه انا احجز واجيك ألحين
ليان:لا وماكملت لأن عبدالله سكر وراح ركض لسيارته
خالد لحقه:عبــــ‏ــدلله لحظه انتظر
عبدالله ركب سيارته وضرب على السكان:اروح واكسر رأسه
خالد ركب:وين بتروح
عبدالله:بروح المطار اجيب ليان
خالد بإستغراب:تروح متى مافي وقت تروح وتجي متى تجهز وتروح الحلاق
عبدالله:طقاق ان شاء الله ماأسوي شي بس أهم شي ليان
خالد:أنا أروح بدالك او عامر
عبدالله:صعبه انت
خالد بعد تفكير:صح فيصل بيجي تجي معه
عبدالله:بشوف يمكن كد جاء
خالد:دق شف
عبدالله طلع جواله ودق على فيصل..
فيصل:هلآ وغلآ بالمعرس
عبدالله:أخبارك وينك
فيصل:اخباري تمااام وبروح المطار ألحين
عبدالله بإرتياح:انتظر ليان بتجي معك اخوك المحترم رفض يجيبها
فيصل:.....
عبدالله:الووو
فيصل انتبه:ايه طيب ان شاء الله اجيبها
عبدالله:شف ليان تخاف من الطياره....
قاطعه فيصل:لاتحاتي انا اخليها ماتخاف بطريقتي
عبدالله:ههه يالأخو وش بتسوي
فيصل:سهله قبل تركب الطياره اعطيها حبه مهديه واربط لها حزام الأمان واعطيها سماعات تحطهن بأذنها وتسمع قرآن لين نقلع واذا نزلت الطياره نفس الحكايه
عبدالله:مشكور وماتقصر
فيصل:لاشكر على واجب ليان اختي
عبدالله:رح لها وانا بقول لها واذا وصلت المطار قلي
فيصل:حاضر عمي اوامر ثانيه
عبدالله:مشكور وماتقصر مع السلامه
فيصل:مع السلامه
عبدالله بعد ماسكر من فيصل دق على ليان...
ليان:هلا
عبدالله:تجهزي فيصل بيجيك ألحين
ليان:بس سلطان...
قاطعها عبدالله:سلطان لو كان يحبك ويعزك مانزل دموعك وعلى العموم فيصل بيجي ألحين لك
ليان:اوكي
عبدالله:بسرعه قبل يصحى جعله مايصحى
ليان بشهقه:لا عبدالله
عبدالله:اقول بسرعه تجهزي وسكر قبل يسمع ردها..
ليان:الله يهديك ياسلطان ماودي اسوي كذا بس جبرتني وراحت فوق واخذت عباتها وشنطتها وكتبت بورقه سلطان تراي رحت مع فيصل ولصقتها على باب الغرفه ونزلت تحت بالصاله تنتظر فيصل..
بعد عشر دقايق دق فيصل على جوال ليان وقاله تطلع له..
فيصل بنفسه:"والله ماتستاهل ليان والله يعينها على سلطان لو وحدها غيرها ماجلست عنده"
ليان فتحت باب السياره اللي وراء وبإحراج:السلام عليكم وركبت وسكرت الباب
فيصل لبس نظارته الشمسيه:وعليكم السلام حياك ومشى بالسياره
ليان بنفسها"الله يهدي سلطان بس"

>>><<<
الساعه 4 العصر
أميره الى الآن ماصحت نايمه ولا همها شي...فتحت وعد عليها ودخلت وسكرت المكيف وفتحت الشباك..
وعد:أميره وهزتها
أميره:امممم
وعد سحبت البطانيه:تأخرنا ع المشغل والسبب انتي
أميره:روحي لاتنتظريني
وعد بعصبيه:قومي بس وانتي
أميره ببرود:ماأبي اسوي شي
دخلت ام زياد معصبه:أميره
أميره بعدت البطانيه عنها وقامت:نعم
ام زياد:يالله قومي مانبي نتأخر
أميره راحت تغسل وجهها..غسلت وجهها وناظرت بالمرايه وسرحت:"لو ماني خايفه اني افشل ابوي وجدي كان هربت.."وذكر عليها باسل فجأه"آآه وش بيصير عليك الليله"
وعد:ساعه تغسلين
أميره انتبهت:جايه وراحت..
وعد:تراي جهزت لك شنطه لك تأخذينها معك الفندق
أميره:بس اهم شي شلتي الجلابيات
وعد بإبتسامة خبث:ايوه وبنفسها"وش بتسوين فيني اذا عرفتي ان كل اللي بالشنطه ماأنتي لابسته بس عاد انا واعدت عبدالله ولازم اوفي بوعدي"
أميره:بروح آكل جوعانه
وعد:رجاء لاتأخرينا

<<<>>><<<>>>
باسل بغرفته وجالس ع السرير وسرحان..فتحت عليه منال ودخلت:وهذي حياتك من أمس
باسل:.....
منال جلست على طرف السرير:باسل خلاص انساها البنت زواجها الليله
باسل بصراخ:مــــ‏ــااقدر ماأقدر وحط يده على رأسه:لييش انتم ماتفهمون اتركوني بحالي
منال بحزن على حالة اخوها:طيب خلاص هد نفسك
باسل بدموع:ماني قادر اشوفها مع غيري لا وعاد من عبدالله
منال:.....
باسل مسح دموعه:أحلامي كلها بنيتها معها وماتصدقين كيف فرحتي يوم رجعت وعرفت انها مي متزوجه بس للأسف ماتوقعت تخوني وتزوج غيري
منال:الزواج ياباسل نصيب بعدين انت تعرف ان أميره تحبك بس ماالله كتب انكم تزوجون
باسل بحزن:الله يوفقها

"""***"""***
الساعه 5 ونصف العصر>>
البنات كلهن بالمشغل رايحات من الساعه 4 الإ أميره ووعد تو ماراحن للمشغل مع زياد...
زياد:عاد اذا خلصتن شوفن احد يوصلكن انا مشغول
وعد:انا اقول لوليد
أميره:نعم نعم لا ياحلوه مستحيل اركب مع وليد
وعد:عادي تكونين متغطيه
أميره:لا لو صار مستحيل اركب معه
زياد:خلاص طيب متى تخلصن
وعد:على الساعه 8 9 كذا
زياد:اوكي اذا خلصتن دقن علي

>>>><<<<
بالمشغل..
مشاعل كل شوي تناظر بالساعه"ياربي مو معقوله ليان ماجت وهي قايله لي البارح الساعه 5 اكون عندكن بالمشغل والحين ادق وجوالها مقفل"
ريم:وش فيك
مشاعل:ليان
ريم:تأخرت مره
مشاعل:جوالها مقفل
ريم:دقي على سلطان
مشاعل:بنتظر نصف ساعه واذا ماجت بدق

<<<>>><<<>>>
الساعه 6
فيصل وليان وصلوا مطار الملك فهد وبعد ماخلص فيصل كل شي..شاف عامر جاي لهم
عامر:يامرحبآ تو مانورت الشرقيه
فيصل سلم عليه:فقدك يالدب ثاني مره ماتروح الإ رجلي على رجلك
عامر:هههه بعد بنسلم على ليون وسلم عليها
فيصل:بسرعه عشان ماتتأخر ليان ع المشغل
عامر:يبي لنا ساعه على مانوصل المشغل
راحوا لسيارة عامر وركبوا وراحوا للمشغل عشان ليان وبعده بيروحون للقاعه...

>>><<<
الساعه 8 مساء
خلصن البنات من المشغل وراحن القاعه ماعدا وعد عند أميره تنتظرها تخلص...

******
صحى سلطان من النوم وجلس ع السرير وناظر بالساعه"غريبه 8 وماصحتني لايكون فيها شي"وانتبه لورقه على الباب وقام من السرير وراح لها...قرأها وضرب يده بالباب بعصبيه"سوتها وراحت مع فيصل أخخخخ يالقهر "ورجع وجلس ع السرير وطلع جواله"طيب ياليان"ودق على جوالها بس مقفل انقهر وعصب وحذف جواله على السرير"طيب اذا ماوريتها الويل بحياتها ماأكون سلطان"

انتهـــــى...

البارت القادم يوم الاثنين ان شاء الله

لاتلهيك الرواية عن ذكر الله والصلاة

السلام عليكم ورحمة الله وبركاته

مساء الرضى والمحبة من الله

البـــــارت التاسع عشر

****<<>>****
الساعه9

جود والبتول وملاك دخلن القاعه..
جود:بنات وين نروح
ملاك:ندخل ألحين ونسلم ونجلس شوي ونروح لأميره
البتول وهي تشوف شذى جايه لهن:شذى جت
شذى بإبتسامه:هلا والله
ملاك سلمت عليها:أخبارك
شذى:بخير دامي شفتكم
وسلمت على البتول وجود
شذى:من زمان ماشفتكن
جود:اخبار أميره
شذى:بخير بس الله يعين عبدالله الليله
ملاك:لا والله الله يعين أميره احسه بيعطيها كف
شذى:هههه لا لا تخافين احسن من باسل
ملاك:لا حرام عليك باسل احلى عبدالله احسه نذل
شذى:اقول خلينا من عبدالله وباسل ماتبن تدخلن
ملاك:اكيد بندخل أميره وصلت
شذى:لا بالطريق
جود:تصدقن متحمسه بشوفها
نزلن البنات عبايتهن ودخلن الصاله...

عند الرجال>>
عبدالله تو وصل وهو جاي بالطريق سوو له موكب دخل القاعه وسلم على ابوه واعمامه والمعازيم...
فيصل لخالد:عبدالله متغير بالبشت صح
خالد:مره مطولته شوي وقام:بروح عنده
عبدالله جلس وابوه وابو زياد يستقبلون المعازيم
خالد وصل عنده:السلام عليكم
عبدالله:أهلين تعال هنا واشر لمكان جنبه
خالد:كيف النفسيه متحمس والإ
عبدالله:عادي والله يعين بس احسها بترفع ضغطي زي مارفعه سلطان العصر
خالد:لا عادي لو شفت تصير مرتبكه الليله وماتقول شي
عبدالله:والله ماأدري عنها

عند الحريم>>>
أميره وصلت من المشغل وراحت بجناح العروسين لين تجي الزفه...
أميره:وعد ابي ماء ونادي شذى
وعد مدت لها ماء:خوذي
دخلت ام زياد:تأخرتن بالمشغل
وعد:زحمه الطريق
ام زياد تحاول تخفي دموعها:مبروووك وباست رأس أميره
أميره مسكت نفسها بالقوه ماتبكي عشان مايخرب المكياج
دخلن شذى وملاك وجود والبتول
أميره بصرخه:هــــــلا والله جيتن
ملاك:افا زواج اموره ومانجي وسلمت عليها:قــــــمر 14 الليله مبروووك ياقلبي
أميره:الله يبارك فيك وعقبالك
ملاك رفعت يديها:آميــــــن
جود:مستعجله الاخت وسلمت على اميره:مبرووك
أميره:الله يبارك فيك
سلمن البتول وشذى...
وعد:عاد دامكم عند أميره بطلع
وطلعت...
شذى جابت قهوه وحلى وفطاير وعصير وفلنها سوالف وضحك واميره معهن...

****
الساعه 11
ليان وخواتها رقصن لين تعبن ومره متحمسات وكل شي قامن فيه...
مشاعل:مها كم الساعه
مها ناظرت:11 ليش تسألين
مشاعل:لا بس توقعتها 12 واكثر
وقامت:بروح عند ليان

عند الرجال>>>
عبدالله ناظر ساعته:اوووف الوقت توه 11
خالد:لاحق على الغثاء
جاء عزيز:هه عبود اشوفك كل شوي تناظر بالساعه
خالد:مستعجل الأخ
عبدالله:يووه والله رايقين وانا على اعصابي
عزيز:بدخل معك وبحرج أميره احراج
عبدالله:لا عاد لاتصير اناني
عزيز:عاد اذا عصبت بطلع وماعندها الإ انت تحط الحره فيك
خالد:ههههههههههههههه

عند الحريم>>
الساعه 12 ونصف
أميره مع السوالف نست كل شي وحتى الخوف راح عنها...
دخلت وعد:يالله أميره استعدي بتبدأ الزفه
أميره بإرتباك:ألحين بدري
وعد:لا مو بدري الساعه 12 ونصف
البنات بصراخ:لااااا راح الوقت ماحسينا فيه
أميره خلاص راحت فيها من الخوف والإرتباك...

******
البنات مزينات الدرج بورد وشموع وو..الخ..والكوشه مزيناتها بورد أحمر وابيض ومع الجوانب ريش احمر بأبيض وكريستال نازل من فوق ومره شكلها روعه...وصوت موسيقي هاديه..
نزلت أميره ورجولها ترجف من الإرتباك والخوف على أبيات شعر بصوت عبدالله اهداء لأميره ..
وصلت الكوشه واول ماوصلت اشتغلت موسيقي ونثرن البنات ورد...جلست أميره على الكوشه وهي ماسكه نفسها لاتبكي وهي تشوف امها تمسح دموعها شدت على المسكه بقوه
جتها امها وضمتها:مــــــبروووك
أميره ماقدرت تمسك نفسها وبكت
جت وعد:أميره خلاص لاتبكين يخترب المكياج
أميره مسحت دموعها..
شذى وملاك وجود والبتول سلمن على أميره وباركن لها وأميره ماقدرت تمسك نفسها وبكت وهي تشوف صديقاتها يدمعن يوم سلمن عليها...
بعدين باركن لها خوات عبدالله وباقي البنات..
واعلنوا دخول عبدالله ومعه ابوه وابو زياد والجد عادل وزياد وعبدالعزيز ونايف..
أميره بدأ قلبها يدق بقووه وشفايفها ترتجف..
وعد:ههه اميره تكفين لاترجفين
أميره بعصبيه:تضــــــحكين حظرتك وانا ميته خوف
شذى:أميره استعدي
وصل عبدالله الكوشه وهو مرتبك وقلبه يدق باس أميره مع جبينها:مبرووك
أميره ماقدرت تقول وسكتت
سلموا ابو زياد وجدها واعمامها وزياد وباركوا لها وأميره ماقدرت تمسك نفسها وبكت خلاص الليله تودع كل شي اهلها وشذى وصديقاتها وكل شي حلو بحياتها كرهت عبدالله بهاللحظه وحقدت عليه من كل قلبها...
عبدالله تقطع قلبه وهو يشوف أميره تبكي خايف اذا تكلم او قال شي تعصب او يزيد صياحها ابو زياد ضمها:خلاص أميره
زياد وهو يمسح دموعه وبمزح:والله انك خطيره بتشوفين غلاتك عندنا تبكين
كمل عزيز:لا وعارفه بعد انها بتصيحنا
أميره غصب ضحكت وضحكوا معها..وصوروا معها ابوها وأعمامها وامها ووعد ويزيد وجدها وقبل مصورات معها جود والبتول وشذى وملاك..
طلعوا ابو عبدالله وابو زياد وابو تركي وبقى زياد وعبدالعزيز
أميره راحت لجناح العروسين وراحوا معها عزيز وزياد ووعد وشذى...وعبدالله جلس يصور مع خواته..
ليان ضمت عبدالله:وأخيرآ شفتك وانت متزوج وبكت
عبدالله مسح دموعها:ليش الدموع
ليان:من الفرحه ماني مصدقه
عبدالله:دووم ان شاء الله
ليان:تعال عشان تصور مع أميره
عبدالله:ألحين وراح لجناح العروسين..
أميره:هههههههه زياد ماتوقعتك كذا
عبدالله دخل:دووم هالضحكه
أميره انحرجت وبنفسها"وجع يعني لازم يحرجني"
عبدالله:وش رأيكم تطلعون احسن
عزيز:نو بتصور صور
زياد:عادي خلنا نشوف حركات رومانسيه
أميره لعنت زياد مليون مره وعزيز معه..وبدأت المصوره تأخذ لهم صور...

>>>><<<<
خالد:عامر طلبتك بندخل
عامر:ندخل كيف
خالد:عادي قل لليان او اي احد عشان نرقص
عامر:اوكي ندخل ودق على ليان وقالها انهم بيدخلون وفتحت لهم الباب ودخلوا...

********
أميره عصبت من المصوره وعصبها زياده عزيز وعبدالله مستأنس وماأحد قده..
عزيز:ههههههههه
أميره قامت وبصراخ:اطــــــلع احسن لك
زياد+عبدالله:هههههههههههههههه
أميره بعصبيه:ماقلت شي يضحك ورمت المسكه عليهم
عبدالله وزياد وعزيز راحوا فيها من الضحك والمصوره طلعت...
أميره:ضحكتم بلا ضروس ان شاء الله
عبدالله:اوووف لا تكفين لاتدعين
زياد:صراحه اول مره اشوف وحده بليلة زواجها مثلك
عزيز:البنات يكونن مستحيات ويرجفن وانتي صدق لاحياء ولا مستحا
عبدالله ناظر بالساعه:يووه أخرتونا الساعه 2 الإ ثلث
عزيز غمز:لاحق لاحق على أميره
أميره خلاص دورو وجهها من الفشيله"وجع شكله مو طالع عزيز الليله الإ وهو مبكيني من الإحراج"
عبدالله:اقول انا بطلع وناظر لأميره:استعدي عشان نروح الفندق

*****
خالد وعامر رقصوا واستأنسوا وخالد كل شوي يناظر يدور على شذى بس للأسف ماشافها وانقهر وقهر زياده لأن عبدالله دق عليه وقاله يجي عشان يوصله الفندق وهو ماشاف شذى...وأميره لبست بكت وبكت معها أمها وشذى وبكاها زياده يزيد يصيح بيروح معها ساعدتها وعد بلبس عباتها وجاء عبدالله وعبدالعزيز وساعدوها لين ركبت السياره...
شذى جلست بأحد الغرف ورمت نفسها وقعدت تبكي لأنها بتفقد أميره اللي طول حياتها ماافترقت عنها وألحين بتفقدها شهر لا مو بس شهر بتفقدها خلاص لأنها بتسكن بالرياض حطت يديها على وجهها وبكت بقوه...

*****
بسيارة خالد أميره معصبه وعصبها زياده لأن خالد اللي وداهم الفندق...
أميره بنفسها"أكره عبدالله هو اللي آخذني عن أهلي وشذى أكره بس والله لأنغص عليه حياته لين يطلقني وافتك وارتاح منه اووه لا عاد مو أميره بنت عبدالله ترجع لبيت أهلها مطلقه مو عاد لاهالدرجه افكر كذا بس غصب اكره عبدالله" وقطع عليها صوت تكره وماتبي تسمعه..
خالد:عاد الله الله بعبدالله
أميره بعصبيه:لاتــــــحسب اني وافقت على شأنك هددتني والإ خوف منك انت وعبدالله لا انا وافقت عشان ابوي وجدي وبس والإ انت وعبدالله ماهميتوني وأكرهــــــه ماأشوف على الأرض انتم
عبدالله غمض عيونه وانتبه له خالد بس سكت وشغل المسجل لين وصلوا الفندق ونزلوا وخالد نزل وضــــــم عبدالله وهو ماسك نفسه..
عبدالله مسح دموع خالد:لاعاد ماأبي اشوف دموعك
خالد بدموع:غصب بفقدك
أميره عصبت واقفه تنتظر وعبدالله واقف يسولف مع خالد ويضمه"مالت عليكم انا طفشني الفستان وهو واقف مع الزفت ويضمه بعد"
خالد:عبدالله تلاقي ألحين أميره مفوره من العصبيه يالله باي ونزل شنطة أميره وعبدالله وسلم على عبدالله وراح للقاعه...
عبدالله اخذ شنطته وشنطة أميره ودخلوا الفندق...

******
الساعه 2 ونصف
بالقاعه البنات مره فالتها ومابقى بالقاعه تقريبآ الإ الأهل والاقارب والبقيه راحوا بعد ماحظروا الزفه وتعشوا...
مها:أميره طالعه تجنن
ريم:والزفه بعد مرره تجنن
خلود:بنات وين شذى
مها:صدق وينها صديقاتهن بعد ماطلعت أميره راحن
ليان:وحده منهن مره حلوه
مها:تقصدين اللي لابسه أسود
ليان:لا على ماأضن عنابي او ليلكي
مها:شكلها ملاك او جود
ريم:بنات تعالن نأكل تراي جوعانه

******
الفندق الساعه 3
أميره بعد مانزلت عباتها جلست بالصاله وعبدالله طلب لهم عشاء..
عبدالله:طلبت عشاء اذا بتبدلين ملابسك بدلي
أميره:ماأبي عشاء ماني مشتهيه
عبدالله:براحــــــتك
أميره قامت: ببدل ملابسي وين حطيت شنطتي
عبدالله:بالغرفه

دخلت أميره الغرفه وفتحت الشنطه وعصصصبت وضربت يدها بالشنطه"لا هذا لبس يلبس طيب ياوعد"وقلبت الشنطه"اوووف مافيه شي عدل"وقامت وطلعت"اكيد فيه شنطتين بس عبدالله مانزل الإ وحده"
وقفت عند الباب:هيــــــه انت وين شنطتي الثانيه
عبدالله مسك ضحكته:والله عاد أهلك ماشالوا معي الإ وحده
أميره:لا والله وش اسوي ألحين
عبدالله:والشنطه اللي معك مافيها لبس
أميره طنشته وجلست وبنفسها"اوووف حتى جوالي ماأدري وين حاطته وعد"
عبدالله بيقهرها:ماأنتي منزله فستانك تراه بجد مو حلو
أميره بقهر:وأنا اخذت رأيك حلو والإ مو حلو ترى مو عشانك لابسته لو مافيه زفه كان ماتعبت نفسي وفصلت
عبدالله بإستهزاء:لو مافصلتي احسن لأنه بجد يفشــــــل
أميره بعصبيه وهي تناظر لفستانها:غصــــــبآ عنك حلو بس انت ماعندك ذوق
عبدالله انفجر ضحك:ههههههه هههههههههههه
أميره عصبت أكثر:وش يضحــــــك اكرهــــــك>>قالتها بصراخ
عبدالله بيقهرها ويعصب فيها زياده:أضحك لأنك تقولين ماعندك ذوق آصلآ بجد فستانك يفشل حتى عزيز وزياد قالوا لي لاتنصدم من فستان أميره
أميره بصراخ:كــــــذاب أكرهك اكرهك وقامت ودخلت الغرفه وبكل قوتها صفقت الباب...
عبدالله:هههه مجنونه صدق صدقت أنا بس بأعصب فيها والإ فستانها يجنن وهي كلها تجنن فديتها بس
أميره بعد مادخلت الغرفه دورت جوالها بالشنطه ودقت على وعد...
وعد تلبس عباتها بيرحون البيت وشافت رقم أميره وخافت"لايكون فيها شي الله يستر بس"
وعد بخوف:هلا اميره فيك شي
أميره بعصبيه:ليــــــش حاطه لي ملابس ماتلبس
وعد ارتاحت:وداقه عشان كذا البسي روب او فستان
أميره:هههه ضحكتيني بس وين شنطتي الثانيه
وعد:بالبيت بكره يجيبها زياد وقفلت بوجهها...
أميره انقهرت من وعد وعصبت زياده وطلعت..
عبدالله بنفسه"الله يستر بس تنفجر بوجهي ألحين"
أميره:دق على زياد يجيب شنطتي
عبدالله:البــــــسي من اللي بالشنطه وخلي حركات البزارين
أميره:لو أنام بفستاني مستحيل البس من اللي بالشنطه
عبدالله ببرود:بكيفك
أميره:شف اذا مادقيت على زياد يجيب شنطتي بأصرخ واجمع كل اللي بالفندق
عبدالله:اصرخي ماهميتيني

********
الساعه 3 وربع الكل استعد ولبس وراح لسيارته عشان يرجعون البيت...
شذى لبست عباتها بعجله"اوووف ألحين بعد يروحون عني"ووقفت عند باب القاعه"اووف وين سيارة تركي او ابوي او زياد"وطلعت جوالها ودقت على تركي...
تركي:هــــــلا شذى
شذى:ويــــــنك
تركي:قريب من الشارع اللي فيه بيتنا
شذى بعصبيه:لا والله وانا تاركيني بالقاعه
تركي ببرود:اركبي مع اي احد يجي البيت وسكر بوجهها...
شذى عصبت"صدق سخيف تركي هذا وصراحه اول مره اشوف ام تروح ماتقول لبنتها"ودقت على جوال امها وقالت انهم بالبيت وتعالي مع خالد او مع البنات انقهرت شذى وعصبت زياده...
خالد دق عليه تركي وقاله يجيب شذى معهم طار من الفرحه وراح وشاف شذى وواضح انها معصبه...
خالد:شــــــذى
شذى ارتبكت:نعم
خالد:تعالي
شذى:وين أجي
خالد:تعالي معي
شذى:لا والله وين أجي معك
لا محرم ولا شي
خالد:لا تخافين معي مها
شذى:طيب طيب دقيقه وأجي ودخلت عشان تجيب أغراضها
دقت على تركي
تركي:نعـــــم
شذى بعصبيه:نعــــــامه ترفس ببطنك
تركي:هههههههههههه ليييش
شذى:مرسل لي خالد يأخذني وتقول ليش
تركي:عادي معه مها مافيها شي تعالي معه وإذا مو عاجبك أجلسي بالقصر باي.
شذى:ياربي والله ماأبي أركب مع خالد انا اذا شفته ارتبك مو عاد اركب معه واخذت اغراضها وطلعت...
خالد:اووه وش فيها تأخرت لايكون كل هذا كره لي ماتبي تركب معي
مها بعصبيه:خــــــالد بسرعه بنرجع البيت تعبانه وفيني نوم وانت حظرتك تنتظر شذى لو ادري انها راحت مع فارس او مع سياره ثانيه
خالد:"لا يارب اموووت قهر اذا راحت مع غيري"
شذى:"ياربي مدري كيف بتحمل لا والمسافه للبيت بعيده"وراحت تمشي وهي مرتبكه وفتحت الباب وركبت وسكرت الباب
مها:واخيرآ ساعه عشان تجين
خالد بإبتسامه:ماورانا شي وللغالين ننتظر للصبح
شذى استحت ونزلت رأسها"ياربي يحرجني قدام مها وتشك ألحين"

********
أميره قررت تلبس فستان غصبآ عنها فستان الزواج طفشها واخذت لها فستان أحمر قصير لنص الساق وسيور ونص ضهرها طالع ولبسته بس شتسوي هذا أرحم شي بالشنطه"ياربي وش بيقول عني ماتستحي بس بفك شعري عشان يغطي ضهري ووعد حسابها معي بعدين"
عبدالله فتح باب الغرفه ودخل ووقف مبهت بأميره ونسى كل الكلام اللي ناوي يقوله لها...
أميره ارتبكت من نظراته وبنفس الوقت انحرجت"ايه بيقول ماتستحي هذي"
عبدالله انتبه لنفسه وتوجه للحمام عشان مايحرجها...
أميره تنفست بعمق وارتاحت وطلعت من الغرفه وراحت بالصاله وجلست...
عبدالله طلع من الحمام وماشافها بالغرفه وطلع للصاله...
أميره بنفسها"فشله بدأت عصافير بطني والله اني جوعانه بس ماأبي أكل وهو عندي"
عبدالله جلس وعنده العشاء:تعالي تعشي
أميره بدون ماتناظر له:ماني مشتهيه
عبدالله بنفسه"لو ادري انها ميته جوع بس تبالغ"وسم بالله وتعشى...

<<<****>>>
خالد كل شوي يناظر بالمرايه ويطالع شذى بس انقهر لأنه كل ماناظر منزله رأسها..
شذى:"ياربي متى نوصل البيت"ورفعت رأسها وشافت عيون خالد بالمرايه وارتبكت ونزلت راسها"لا ومستأنس بعد يطالع فيني صدق مايستحي"
وصلوا البيت ونزلت شذى ومها وخالد مانزل بالسياره وسرحان يفكر بشذى.. وشذى من الربكه دعست على عباتها بدون قصد وطااااحت طرحتها وعباتها على كتفها...شافها خالد وانهبل وقعد يناظر فيها وهو حاط يده على قلبه..
شذى بسرعه حطت عباتها على رأسها وراحت ركض للبيت ومها فاطسه عليها ضحك....
خالد:فديتــــــها ياناس بتجنني أنا لازم اقول لأبوي يخطبها بكره لي...ههههه خطبه مره وحده ياخالد اعقل بس لاتفضح نفسك..بس خايف تضيع مني..بس ياويل احد يتقدم ويقرب من شذى شذى لي أنا وبس..بس خايف ترفض شذى ماتطيقني ودايم مناقر معي..>>هذا كل كلام دار بين خالد ونفسه وماقطع عليه الإ عزيز>>
عزيز:ياهووه وش فيك سرحان
خالد بعفويه:آآآه بس بتجنني فديتها وانتبه لنفسه وطاااح وجهه
عزيز تحمس:لا لا خلود يحب ماأصدق
خالد"عاد عزيز ينشب بحلقي لين اقول له" وبإرتباك:لا مم من قال اني أحب
عزيز:ههههههههههه ومسك بطنه هههههههه ياويلي الله يقطع ههههههههههه شكلك ههه ههههههههههههههههههههههههههه
خالد انحرج وحط يده على وجه:عــــــ‏ــــــزيز خلاص
عزيز:هههههههههههههههههههههه
خالد:عزيز عاد خلاص
عزيز مسح دموعه:والله لو تشوف وجهك بالمرايه شي صراحه
خالد:من شين حظي انت عاد
عزيز مسك خالد مع كتفه:ماقلت لي من سعيدة الحظ
خالد:هــــــه اصلآ كنت اقصد سيارتي
عزيز:هههه علينا بس مصيري عارف ياخويلد
خالد هرب:بــــــالأحــــــلام
عزيز من بعيد:نــــــ‏ــــــشوف ياخلــــــود

*******
عبدالله خلص من العشاء وحاول بأميره تعشى بس رفضت...
عبدالله قام:بــــروح أنام واذا بتنامين فهو مرحب فيك
أميره:هذا اللي ناقص عاد انام معك
عبدالله:احسن لي وناظر للكنبه:اذا بتنامين نامي عليها اللي بيتعب ظهرك مو ظهري وراح للغرفه...
أميره:هههه مصدق نفسه انام عنده بعد هذا اللي ناقص وانسدحت على الكنب"والله اني فيني نوم وتعبانه وجوعانه بعد"
عبدالله انسدح على السرير"آآه صعب التعامل مع أميره الله يعيني بس غريبه ماهاوشت ولا صرخت وانا متوقع منها تقوم الدنيا صراحه غريبه منها"

البارت القادم يوم الاربعاء ان شاء الله
لاتلهيك الرواية عن الصلاة وذكر الله

تحياتي:Amoonah

السلام عليكم ورحمة الله وبركاته
مساء الرضى والمحبة من الله..

البـــــارت العشرون

********
الساعه 11 صباح
صحى عبدالله من النوم وناظر بالساعه"يووه نمت عن صلاة الفجر"وقام واخذ منشفته ودخل الحمام...وبعد ربع ساعه طلع ولبس وصلى وبعدين طلع من الغرفه وشاف أميره نايمه والصاله ثلج من برودة المكيف قرب من أميره ووقف يناظر فيها شكلها وهي نايمه كيوت وشعرها متناثر على الكنب ويد على شعرها والثانيه على الكنب ولأنها نايمه بدون ماتغطي نفسها مثلجه قرب عبدالله يده من وجهها بس بسرعه بعدها وتراجع خايف تصحى راح الغرفه واخذ بطانيه وغطاها وحط يده على خدها ولمسه وباسها وراح خايف تصحى وتشوفه ونزل تحت يفطر...

********
ليان جالسه بالغرفه وسرحانه مانامت الإ ساعتين ماارتاحت بنومها تفكر بسلطان وبنفس الوقت خايفه منه لأنها جت لزواج عبدالله بدون مايدري...مشاعل نايمه عندها بالغرفه وفتحت عيونها وشافت ليان سرحانه وواضح انها حزيينه
مشاعل بنوم:ليان فيك شي
ليان لفت لها:صحيتي
مشاعل:بكمل نومي بس فيك شي
ليان:لا
مشاعل:اكيييد
ليان:ايه بس نامي ودق جوالها وشافت رقم عبدالله وابتسمت
ليان:هلا وغلا
عبدالله:صباح الخير
ليان:صباح الورد والكادي والياسمين اخبارك واخبار أميره
عبدالله:بخير اخبارك انتي
ليان:تمام
عبدالله:قلت بتطمن عليك البارح ماعجبني شكلك وفتح باب الفندق ودخل...
ليان:انا بخير لاتحاتي
عبدالله:اشوفك على خير باي
ليان:باي
عبدالله معه فطور لأميره نزله على الطاوله وراح الغرفه لأنه ماشاف أميره بمكانها...دخل الغرفه وسمع صوت ماء الحمام وعرف انها بالحمام..رمى نفسه ع السرير وانسدح وناظر بالسقف...طلعت أميره وهي لافه منشفتها على رأسها ولابسه الروب وشافت عبدالله ورجعت للحمام...
اميره من داخل الحمام:ممكن تطلع بلبس
عبدالله ببرود:مامنعتك ماتلبسين
أميره بعصبيه:ترى ماني رايقه للهواش على الصبح
عبدالله جلس:بتلبسين البسي انا ماني طالع
اميره طلعت وبعصبيه:مــــــصدق نفسك بألبس عندك
عبدالله قعد يناظر فيها وهو ساكت عشان يحرجها ويعصب فيها...
أميره فتحت الشنطه بعصبيه وتأففت بقوه
عبدالله:أعصابك لاتكسرين الشنطه
أميره بنفسها"اكرهه صدق مايستحي لا عاد وش البس حتى شنطتي الثانيه ماأحد جابها"
عبدالله دق جواله وشاف رقم وعد وطلع بالصاله...
أميره:فكه مابغى يطلع الاخ ونزلت المنشفه من شعرها وحطت يده بشعرها وحركته وتناثر على كتوفها ووقفت عند التسريحه...دخل عبدالله بعد ماقالت له وعد ان زياد بالطريق جايب شنطة وعد وشاف أميره ووقف مصنم بشكلها"بتجنني هذي كل مره احلى من الثانيه"...
أميره لفت له وبإستغراب:فيه شي بشكلي
عبدالله انتبه لنفسه:لا بس بقولك ان زياد جايب شنطتك
أميره:جايبها آهــ طيب رح جبها
عبدالله:نعم نعم
أميره:اللي سمعت جبها
عبدالله جلس ع السرير:آصلآ زياد مابعد وصل
أميره ناظرت بشكل عبدالله وسرحت فيه لأنها اول مره تشوفه من قريب...
عبدالله انتبه لها وبإبتسامه:أدري اني حلو
أميره راح وجهها من الفشيله"يووه يافشلتي بس غصب شكله يجذب عليه جمال ولد ابوه"
دق جوال عبدالله ناظر وقام:زياد وصل وطلع
أميره:"وأخيرآ طلع احس اذا جلست دقيقه معه بأختنق"وذكر عليها باسل فجأه وحزنت"آآه كيفك ألحين مبسوط والإ متضايق حزين او سعيد آآه بس ماتوقعت بيصير كذا بس هاذي الدنيا ماأحد مرتاح فيها"وحطت يدها على خدها وتذكرت موقف قبل سنتين...
كانت أميره ببيت خالها ابو باسل جالسه مع منال بالحديقه ويسولفن...
مر باسل من عندهن ومعه آيسكريم
باسل بإبتسامه:انا أشوف البيت منور أثري القمر عندنا
أميره:تسلم
منال:وكل هالإبتسامه عشان أميره
باسل ناظر بأميره نظرات ماعرفت معناها بس اربكتها وكل ماشافت باسل ناظرها بالنظرات اللي ماعرفت معناهن الإ بعدين وتغير شعورها تجاه باسل بالبدايه قالت مثل زياد أخوي وتجاهلت شعورها تجاه وبدأت تميل له لين بدأ حبه يجري بدمها بس كل مره تقول لا ماأحبه ومن هالكلام لين بدأت سالفه المزرعه المشؤومه وانطرد باسل واكتشفت انها تحبه وتعبت بعده..

طلعت دمعتها على خدها ومسحتها قبل يدخل عبدالله ويشوفها مادرت ان عبدالله له خمس دقايق وداخل ويناظر فيها وشاف دمعتها واستغرب بس سكت مايبي يضيقها...
أميره لفت وشافته وبعصبيه:وين شنطتي
عبدالله استغرب من عصبيتها:شوفيها وأشر لها
أميره:طيب اطلع بلبس
عبدالله:اوكي بطلع وترى جايب فطور وطلع
فتحت أميره شنطتها وطلعت لها فستان اسود ناعم وفيه حزام رصاصي وربطت شعرها وحطت كحل خفيف وروج وطلعت للصاله وماشافت عبدالله ارتاحت وجلست تفطر...


"""***"""***"""
دلال من البارح ماطلعت من غرفتها وحزينه وتبكي لأن كل شي قالته لأميره تبخر وكل خططها فشلت وعبدالله ضاع منها للأبد...
قامت ووقفت عند التسريحه وشافت وجهها اللي يخوف عيونها متورمه وخشمها أحمر من الصياح..ضربت يدها بالمرايه"اكرهك اكرهك ياأميره"ورمت كل شي قدامها وبصراخ:انا وراك وراك ياعبدالله ومردك لي وتشوف وضربت يدها بالتسريحه...وقطع عليها صوت جوالها ناظرت وطنشت"عاد هذا لصقه مصدق اني أحبه مايدري اني كذا بس عشان اخليه يفرق بين أميره وعبدالله"

##############
جالس وماسك بيده كأس وهذا الكأس الثالث اللي شربه من السم اللي دمر حياته فيه ويقول كلام غير مفهوم من ضمنه أميره والحقير وعبدالله وخانتي وتزوجته وو..الخ ومره يضحك ومره يبكي ومره يعصب ومره يصارخ وهاذي حالته من البارح...قام وكسر الكأس بالجدار وتناثر حول المكان..
سالم قام ومسكه قبل يسوي بنفسه شي:باسل
باسل بحاله هستيريه:أتركني اتركني ويحاول يفك نفسه من سالم
سالم:باسل مايصير تسوي بنفسك كذا
باسل بصراخ:تعبت تعبت ابي اموت وارتاح
سالم مسك باسل وجلسه وعطاه ماء:باسل مايصير اهلك من البارح يدقون على جوالك وانت ماترد
باسل انسدح وغمض عيونه واستسلم للنوم...

***"""***"""***
الساعه 4 العصر
سامي:سلطان رد طيب لاتسوي كذا لك ساعه وانت تدور رايح جاي
سلطان تنهد بقوه:غصب قاهرتني ليش تروح
سامي بنفسه:"لو تدري اني انا قايل لها ماأنت موديها وش بتسوي"
سلطان قام:بروح البيت
سامي قام ومسكه:سلطان مستحيل اتركك تروح وأنت حالتك كذا
سلطان جلس ودق جواله ناظر واستغرب"لمى غريبه"
سامي:وش فيك تناظر بالجوال
سلطان:لمـ‏ـــــــ‏ــــــى
سامي بعصبيه:لايكون تكلمها
سلطان ببرود:لا بس مره دقيت ورديت عليها
سامي:هـ‏ــــــذي وحده خايسه قليلة أدب
سلطان قام وبعصبيه:حـ‏ــــــدك عاد لاتنسى انها لمى
سامي بإستهزاء:هههه لمى تدافع عنها والمسكينه ليان تدق من ساعه ومطنشها
سلطان قام:عن أذنك وطلع وصفق الباب بقوه..
سامي هز رأسه:والله انه غريب بس الله يهديه

****"""****
مشاعل:ليان خلينا نطلع عند الحريم
ليان بحزن وهي تناظر الجوال:ليش مو راضي يرد ليش يسوي فيني كذا
مشاعل تفشلت من اخوها وبتغير الموضوع:ليان خلينا نطلع فشله ينتظرونا واحنا جالسات
ليان قامت وتنهدت:احبه يامشاعل وبحزن:وشي يجرح اذا سمعتي اهانات او تطنيش خاصه من اللي تحبين
مشاعل بحزن لليان:مع الأيام بيعرف قدرك ويجي يمشي برجوله ويعترف انه يحبك
ليان:ههههههه سلطان هذا اذا حس لأن قلبه حجر

***"""***
شذى جالسه بغرفتها وطفشانه"ياربي والله لها فقده أميره كيف بصبر عنها ماني مصدقه انها متزوجه ماأدري وين طلع عبدالله"وقامت :بروح لبيت جدي يووه لازم أبدل ملابسي البنات متجمعات فشله اروح ببجامه وفتحت الكبت..
شذى:يووه وش ألبس محتاره و قلبت بالملابس وطلعت لها تنوره كحليه ميد وتي شرت كت أبيض وحزام كحلي وربطت شعرها وتركت خصل شوي نازله طلعت من غرفتها وراحت لبيت جدها وهي داخله شافت رجال واقف عند الباب ومعطيه ظهره...
شذى:هذا تركي ونطت برأسها فكره وابتسمت بخبث وراحت تمشي بهدوء وقربت منه وبطته مع خسـ‏ــــــره وصـ‏ــــــرخ
ولف لها...
شذى جـ‏ــــــمدت بمكانها وانصدمت وراح ووجهها من الفشيله اللي بطته مو تركي خالد...
خالد وقف يناظر بشذى وهو من داخل بيطير من الفرحه..
شذى بإرتباك:ان انا آسفه احسبك تركي
خالد بإبتسامه:عادي ماصار شي بس انتبهي ثاني مره
شذى بحرج:ان شاء الله وانتبهت انها واقفه مع خالد لوحدها ومالبست شي وراحت ركض وقلبها يدق طبول..
خالد:ههههههههههههههههه فديتها ياناس

>>>><<<<
عبدالله:بسرعه عشان مانتأخر على الطياره
أميره ببرود:ماله داعي نسافر
عبدالله:عندك ماله داعي بس انا له داعي
أميره وهي تناظر قدام:وين بنسافر
عبدالله:اسبانيا
أميره بنفسها:"فله انا العطله هذي ماسافرت ليش اخرب على نفسي على الأقل استأنس واذا رجعنا الرياض أنكد عليه حياته"
عبدالله:وش فيك سرحتي
أميره ناظرت له بطرف عينها:اسرح ماأسرح افكر ماأفكر اضحك ابكي مالك شغل فيني
عبدالله بقهر:زوجك وغصب عنك لي شغل
أميره:هههههههه مصدق نفسك بالأحـ‏ــــــلام أصير زوجتك قدام الناس بس
عبدالله بعصبيه:أميـ‏ــــــره احترمي نفسك لأسوي شي تندمين عليه
أميره بتحدي:وش بتسـ‏ــــــوي هذا انا قدامك أخ عبدالله
عبدالله وقف ومسكها مع كتفها:احترمي نفسك احسن
أميره بعدت يده:بعد يدك ماأسمح لناس مثلك تلمسني
عبدالله بصراخ:أميـ‏ـــــــ‏ــــــره ومد يده بيعطيها كف بس تراجع
ومسك نفسه
أميره بإستهزاء:هـ‏ــــــذا اللي جيد فيه تهدد وتجبر ناس تزوجك مع انها تكرهك وأشرت له:لو عندك كـ‏ــــــرامه ماسويت كذا ومشت وتركته مصدوم ماتوقع انها بالقوه هذي دخل يده بشعره وتنهد
أگبر ??قہــــــر??
لاضاع?? عمـــــرگ??
ورا إنسان تبي??غـــــلاه??
وهو يبي إنسان ??ثانـــــي??

***"""***"""***
سلطان بعد ماطلع من عند سامي راح يتمشى بالشوارع يحس نفسه ضايع وضيقه بصدره مايدري وش سببها دق جواله وكشر"هاذي وش تبي كل ماجيت بنساها تطلع لي"وشد ع السكان بقوه...

بالمقابل لمى انقهرت"ليش مايرد انا جايبه رأسك جايبته قهر اذا كان يحب الزفته زوجته"ودق جوالها
لمى بدلع:هلا حبي
سعود:هلا لمو اخبارك
لمى:مو حلوه
سعود:لييش قلبو
لمى:طفشانه البيت ممل
سعود:طيب حبي وش رأيك اجي واخذت ونتمشى
لمى:مو الحين بعد المغرب
سعود:من عيوني كم لمو عندي
لمى بدلع ماسخ:اوكي سعودي بلبس عشان مااتأخر عليك
سعود:عاد الله الله بالبس الحلو
لمى بدلع:اوكي قلبي بسكر
سعود:باي
لمى:بايات
بعد ماسكرت لمى رمت نفسها ع السرير وتنهدت"سعود مره طيب وهذا احلى واحد عرفته بس سلطان لازم اكسر غروره واتزوجه غصب عنه"وقامت ووقفت عند المرايه ولمست خدها بغرور"أنــــ‏ـا احلى واجمل من زوجته"
>>>سعود متعرفه عليه لمى بعد ماتطلقت من زوجها وسعود تعلق بلمى بس لمى علاقتها معه تسليه بس لين توصل لسلطان طبعآ لمى جميله وجسمها فتان واللي يشوفها بسرعه يتعلق معها بس وش فايدة الجمال بدون اخلاق وأدب ودين>>
فتحت لمى الكبت وطلعت لها فستان أحمر لنص الركبه ومفتوح مع الجوانب ويديه سيور وطالع نص صدرها ورفعت شعرها فوق وحطت فيونكه احمر بشعرها ولبست بوت اسود وحطت ميك آب كامل وصارخ مررره وتعطرت بعطرها القوي واخذت شنطتها وطلعت من الغرفه...وهي طالعه شافت اخوها وكشرت"ناقصه بعد أنا"
حسام:على وين
لمى:بروح لصديقتي
حسام:كل يوم لصديقتك
لمى بعصبيه:مو شغلك اطلع ادخل مالك شغل فيني ابوي ماردني تجي انت
حسام بإستهزاء:هههه وش نهاية طلعاتك ودلعك جيتينا مطلقه
لمى تكره اي احد يقول لها مطلقه وبصراخ:مااالك شغل أنت كلكم يالرجال سواسيه وطلعت وسكرت الباب بقوه...
حسام:وجعع فقعت أذوني صدق ضيعه لو على كيفي ماطلعت بس ابوي مهددني مااعترض لها

***"""***
شذى جلست عند البنات وهي مرتبكه ومنحرجه من موقفها مع خالد وبنفس الوقت تحس بشي تجاه خالد...
مها بخبث:شذاوي من شايفه قبل تدخلين
شذى بإرتباك:هاه لا ماشفت احد
مها:ههههه شفتك سرحانه
شذى:هههههه شككتيني بنفسي
مها:حطي عيني بعينك
شذى ضربتها:سخيفه هنا بس
مها:اللي على رأسه بطحا يتحسس عليها
دق جوال شذى وقامت:دقايق بكلم وارجع وطلعت بالصاله..
شذى:هلآ وغلآ
ملاك:اخبارش وعلومش
شذى:تمام بس فاقده اموره
ملاك:اخبارها كلمتيها
شذى:لا مستحيه من عبدالله
ملاك:تراي شايله همها احس اخذها عبدالله انتقام
شذى:ههههههه لاتخافين مارايح يسوي شي
ملاك:اذا كلمتيها طمنيني عليها
شذى:ان شاء الله
ملاك:باي
شذى:بايات

****>><<****
عبدالله بعصبيه:ساعه انتي
أميره تلف طرحتها وبرود:طيب انتظر وش فيك معصب
عبدالله:الطياره مي منتظرتنا
أميره طنشت ومشت
عبدالله هز رأسه وطلع وراحوا المطار...

***<<<>>>***
سعود جالس بالمطعم وحاجز طاوله له ولمى...
دخلت لمى قسم العوايل وشافت سعود يأشر لها ابتسمت وراحت له
سعود بإبتسامه:هلآ بالقمر تو مانور المكان
لمى جلست وبإبتسامه:بوجودك
نزلت طرحتها وحطتها على كتفها وفكت شعرها وسعود ذاب من شكلها..
سعود:لاتجننيني اموت ترى
لمى بدلع:بسم الله على قلبك
سعود قام وبحركه جريئه وباسها على خدها...

***>><<***
الشباب بالمجلس وجالسين يسولفون ويضحكون...وخالد منسدح وطفشان ويقلب بجواله
فيصل:خلود وش فيها الآخلاق تجاريه
عامر:لو كنت بمكانك كان حجزت ورحت مع عبدالله
خالد:ليه قطه خله يستأنس مع زوجته
فيصل:مصير عبدالله بيرجع ان شاء الله
خالد:الله يعيني شهر ماأدري كيف اصبر
دخل عبدالعزيز:ســـــلام
:وعليكم السلام
جلس عبدالعزيز:وش فيكم غريبه هادين
عامر:مافيه شي يحمس نسولف فيه
عبدالعزيز بمزح:الإ سوق الأسهم
فيصل بقرف:رجـــــاء فكنا ترى قبل شوي جالس عند الرجال وسوالفهم كلها عن الأسهم والشركات
خالد رز نفسه:احم احم تراي رجل أعمال
عامر:رجل أعمال ماشفنا شي
الشباب:ههههههههههههههههههه
خالد طلع خمس ميه ومدها لعامر:خـــــ‏ـــــذ
عامر مد يده:جـــــب بس ماتكفي
خالد:ههههه خذ واحمد ربك بعد
عبدالعزيز:عامر طمااااع
فيصل بمزح:وانا بعد عطني
خالد:الحين مامعي اذا صرفت من البنك
عبدالعزيز:هههههه وتقول انك رجل أعمال
خالد بغرور:طبعآ رجل اعمال بس فلوسي بالبنك
عامر:مو عذر بس بخيل
خالد:كيفي اتعب واخر شي تأخذ فلوسي لا يابابا
فيصل:عاد عمي مو بخيل ولا جدي
خالد:هيه اللي يشوفك يقول مااطلع ريال واحد
فيصل وصله مسج على جواله فتحه(مثل ماأخذت ليان معك بدون ماأدري ترجعها الليله)
قام فيصل عشان يكلم سلطان وبنفسه"الله يعيني عليه ألحين"
وطلع...

!!!!!!!!!!!!!!!!!!!!
سلطان بعد ماتمشى وزهق رجع للبيت وانسدح بالصاله"ياربي احس بضيقه مي طبيعيه والبيت كئيب"دق جواله ورد بدون مايناظر...
سلطان:الووو
فيصل:السلام عليكم
سلطان:وعليكم السلام
فيصل:علومك
سلطان:فـــــيصل
فيصل:ههههه الله يخلف ايه فيصل
سلطان:هههه ماانتبهت لصوتك
فيصل:ليه فيك شي
سلطان:لا بس لو سمحت رجع ليان مثل ماأخذتها
فيصل ببرود:تبي زوجتك تعال خذها
سلطان بعصبيه:فيـــــصل
قاطعه فيصل:والله عيب بجيبها وانا ماني محرم لها اذا ماأنت جاي تجي مع أهلي
سلطان بإستهزاء:محرم توك تذكر مو اخذها معك بدون محرم
فيصل بعصبيه:اولآ اخذتـــــها لانك واحد نذل مع احترامي لك كيف بتحرمها من زواج اخوها
سلطان ببرود:زوجـــــتي وأنا حر
فيصل بإستهزاء:هههه حر لو كنت حر ماقلت لي جبها
سلطان بصراخ:فـــــيصل احتـــــ‏ـــــرم نفسك
فيصل:اذا ماتبي ليان واخذها عشان تقهر عبدالله وتعذبها طلقها وريح نفسك واتركها تعيش حياتها
سلطان بعصبيه:اطـــــ‏ـــــلقها مستحيل اطلق ليان
فيصل:دامه مستحيل تعال وخذها او اتركها تجي مع أهلي
سلطان:.....
فيصل:وش فيك سكت
سلطان:ولا شي مع السلامه
فيصل:مع السلامه
فيصل بعد ماسكر:الله يعين ليان على سلطان واخلاقه الزفت وراح للشباب....

***"""***"""***
ليان جالسه مع البنات وتفكر بسلطان واطباعه الغريبه مره حنون معها واكثر اوقاته عصبي وبس يهاوش"معقوله مريض او فيه شي او الى الآن يفكر بلمى"
دق جوالها وشافت رقم سلطان وطلعت تكلم بالغرفه...
جلست ع السرير وردت بأخر رنه وقلبها يدق بقوه..
ليان:هلا
سلطان بعصبيه:ساعه عشان تردين
ليان:......
سلطان هدأ نفسه:أخبارك
ليان"بدري":الحمدلله كيفك أنت
سلطان:تمـــــام بس انتي لازم ترجعين
ليان:ارجع ليش
سلطان:كيف ليش مو حضرتي زواج عبدالله وخلاص
ليان:اممم طيب من اجي معه
سلطان بإستهزاء:مو رحتي ولا قلتي شي دبري نفسك وتعالي
ليان:اذا بتجيني اجي واذا ماأنت جاي اجي مع اهلك
سلطان:ومتى بيجون أهلي ان شاء الله
ليان:بعد ثلاث أيام
سلطان بمزح:يعني يكفي الوقت اخطب واملك
ليان بخوف:والله ينخاف منك
سلطان:هههههههههههههههههه
ليان بدلع:ســـــلطان
سلطان بعفويه:عيـــــونه
ليان مي مصدقه قبل شوي زعلان وألحين مروق صراحه غريب...
سلطان:ليـــــلو وينك
ليان:معك حبيبي
سلطان:اقول ليونه ترى بجي ألحين
ليان بإستغراب:وين تجي
سلطان:لـــــمك وين بجي يعني لحبيبتي
ليان بدلع:ســـــلطان عاد تراي استحي
سلطان:ههههه ليون صدق ترى بحجز ألحين واجي
ليان بفرح:صـــــدق سلطان
سلطان:ايوه بقول لسامي يشوف لي حجز
ليان:اوكي اذا جيت بتركب الطياره قلي
سلطان:من عيوني اكلمك اذا ركبت الطياره باي
ليان:باااي
بعد ماقفل سلطان دق على سامي...
سامي:اخيرآ طاح الحطب ورضيت
سلطان:هههههههه وانا اقدر على زعلك
سامي:والله انك غريب
سلطان:شف لي حجز للشرقيه
سامي بإستغراب:الشرقيه ليش
سلطان:بروح فيها شي
سامي:لا بس غريبه لايكون مشتااااق
سلطان:ماأكذب عليك اذا قلت ماني مشتاااق احس البيت بدون ليان ولا شي
سامي:احجز لك برحلة الساعه 10 او 12
سلطان:12 احسن
سامي:ان شاء الله تبي شي ثاني
سلطان:سلامتك ماتقصر
سامي:باي
سلطان:بايون

*******
الساعه 9 م
عبدالله وأميره لهم ساعتين بالطياره...أميره بعد ماملت بالطياره نامت..
عبدالله يناظر فيها:غريبه أميره حتى الطياره ماتخاف منها فرق بينها وبين ليان وتذكر الموقف اللي صار لهم اول ماركبوا الطياره...
عبدالله بعد ماربط حزام الآمان تقدم بيربطه لأميره
أميره:تراي اعرف اربطه
عبدالله تركها وجلس بمكانه واستغرب يوم طلعت أميره سماعات وحطتهن بأذنها واندمجت..
عبدالله:تخافين من الطياره
اميره بعدت السماعات:قلت شي
عبدالله:الطياره بتقلع تخافين
اميره:هههههه لا ماأخاف وبإستهزاء:اخاف من السفينه بس لأنها بالبحر
عبدالله بمزح:أنا أخاف من الطياره
أميره بإستهزاء:تخاااف تعال أشيلك بالأحضان
عبدالله عرف انها تستهزأ من نبرة صوتها طنشها وسكت...
تنهد عبدالله حتى النوم مايحب ينام بالطياره واميره نايمه ولاحست...
ناظر فيها لحظات...واميره بدون ماتحس طاح رأسها على كتف عبدالله...عدلها وصار رأسها بحضن عبدالله...حط عبدالله يده على راسها ودخل أصابعه بشعرها..
مسكيـــــن ياقلبـــــي أنــــــــــا??
بـــــاع الہنـــــا وشـــــرى العنـــــا??
يمشـــــي ويطـــــرق كـــــل بـــــاب??
ومالقى غير "العــــــــــــــــــــذاب"...??

*********
الساعه 9 ونصف
سلطان رتب شنطته وناظر بالساعه"اوووف باقي كثير على الرحله بروح لسامي"
سمع صوت جرس الباب نزل تحت"من اللي بيجي ألحين غريبه معقوله سامي"فتح الباب وانـــ‏ــــــ‏ـــــ‏ـــصدم .....

*********
سالم:طيب وعبدالله تبي تنتقم منه
باسل:كنت ناوي بس ألحين لا خايف يسوي لأميره شي
سالم:عادي طيب وش دخل أميره بالسالفه
باسل:لاتنسى ان انتقامي مخدرات وخايف يرجع مره وهو متعاطي ويذبحها
سالم:ههههههه كل هذا خوف عشان أميره
باسل:اكيد بس خالد بنتقم منه انتقام يدمر حياته
سالم:وش رأيك ندمر شركتهم
باسل:صعبه مانقدر بس انا اعرف شباب صح وأذكياء وبعطيهم المهمه هاذي

*******
دلال:قـــ‏ــــــ‏ـــهر العصر سافر بس أميره مطلقه منه مطلقه وطلعت جوالها ودقت على عامر
عامر:خير
دلال بدلع:بوجهك حبيبي
عامر بقرف:وععع حبتك القراده
دلال:وش فيك حبيبي معصب
عامر:الحين وش تبين داقه
دلال:اسلم عليك فيها شي
عامر:ايه فيها شي اولآ ماله داعي ثانيآ انا مااطيقك ثالثآ خلي عندك كرامه ولاتدقين على واحد مايبيك
دلال بقهر من تطنيش عامر:عارفه ليش محزن على اميره
عامر:ايه محزن عندك مانع على الأقل احسن منك ومن خشتك
دلال استأنست عشان تبدأ تخطيطاتها:طيب ليش دامك تحبها ماخطبتها طوط طوط طوط... سكر عامر بوجهها انقهرت دلال ورمت جوالها على السرير"هـــ‏ـــذا صعب ماأقدر عليه بس انا متزوجه عبدالله متزوجته غصب عن الكل"

********
لمى بإبتسامه:وش فيك
سلطان وهو مازال مصدوم:لـــ‏ــــــ‏ــــــ‏ـــمى
لمى:ايوه والإ تزوجت ونسيتني
سلطان:.....
لمى:ماتوقعتك كذا ياسلطان وحطت يدها على وجهها وبكت بس طبعآ خطه من عندها
تقدم منها:لمى
لمى مسحت دموع التماسيح:أنا طلبت الطلاق من زوجي عشانك بس للآسف تزوجت
سلطان بحنيه:لمـــ‏ـــى
لمى بإبتسامه:عيونـــ‏ـــها
سلطان:ادخلي
لمى:طيب زوجتك
سلطان:مي موجوده بعدين شكلك تعبانه
دخلت لمى وهي تبتسم ابتسامة نصر وسلطان ر اح يجيب لها ماء...
لمى بنفسها"وأخيرآ عرفت ان سلطان مازال يحبني واضح من عيونه بس انشاء الله اتركه يطلق زوجته ويتزوجني"
سلطان جاء ومعه كوب ماء:وش فيك سرحتي
لمى بإبتسامه:افكر فيك
سلطان مد لها الماء:تفضلي
لمى:تـــ‏ـــسلم
سلطان جلس بعيد شوي عن لمى ويناظر فيها...
لمى:وش رأيك اعزمك على كوفي
سلطان:ماأقدر ولاتنسين اني متزوج
لمى بترجي:يعني بتردني ياسلطان وانا سويت كل شي عشانك
سلطان ماحب يكسر خاطرها:اوكي متى
لمى:بعد ساعه بروح انا ألحين وانت تجي وقامت وبتعمد منها فتحت عباتها ووضح لبسها..
خق سلطان عليها ووقف مبهور من شكلها..
سلطان:حرام عليك لمو ارحميني
لمى بدلع وهي تأشر بيدها:بـــ‏ـــااااي حبيبي أشوفك بعد ساعه وطلعت...
سلطان تنهد:آآآه كيف ضيعت لمى مني وتذكر ليان:يارب ارحمني ليان حبيتها غصب بس بحاول اتجاهلها عشان تبعد عني وارتاح انا غير لمى ماأبي أحب

********
مشاعل:أشوفك تبسمين وتغير الحال 180 درجه
ليان بإبتسامه:اكيد مو سلطان بيجي
مشاعل:صـــ‏ـــدق بيجي
ليان:ايوه بس قهر مايوصل الإ متأخر
مشاعل:والله انكم غريبين انتي وسلطان
ليان قامت:بنروح عند جدتي>>تقصد ام عبدالله ونايف وعزيز تقول لها جده لأن الجده تغلي ليان ومثل بنتها نوف>>
مشاعل:تصدقين شي جدتكم هذي
ليان:مره حتى مي مثل العجايز الحشريات
مشاعل:هههههه وتنكت بعد مسليه
ليان:اوكي بقولها تخطبك لعزيز
مشاعل ضربتها:وجـــ‏ـــع انا ماأخذ الإ من عيال عمي
ليان:احـــ‏ـــلى احلى مافيه الإ خالد وعامر
مشاعل:عامر يمكن خالد لا تكفين
ليان:ههه حاطه عينك على خيي
اوكي اقوله
مشاعل بمزح:خلاص انتظر تراي
ليان:ترى صدق بقوله
مشاعل:ليان وجع امزح
ودخلن الصاله عند الجده....

********
أميره صحت بس مافتحت عيونها الأخت تحسبها بغرفتها نايمه مدت يدها ولمست خد عبدالله وحست بوجه آدمي فتحت عيونها واستوعبت وفزت من حضن عبدالله
عبدالله:ههههه احسن السرير والإ حضني
أميره:لو كنت عارفه اني بنام بحضنك كان مانمت
عبدالله بيقهرها:وععع شكلك وانتي نايمه
أميره بعصبيه:احـــ‏ـــسن من شكلك عاد
عبدالله:ههههه وش جاب الثرى للثريا
اميره:اكرهك ماأطيقك
عبدالله:بس أنـــ‏ـــا احبك واموت فيك
أميره طنشته ولفت للشباك...
عبدالله بنفسه"ياربي كيف بأصبر تطنش وتعصب بس من حقها اخذها بالغصب اكيد بتكرهني بس ماأكون عبدالله اذا ماخليتها تبوس الأرض اللي امشي عليها"

*******
سامي بعصبيه:مجنون انت تقول احجز لي والحين تقول الغ الحجز
سلطان ببرود:كيفي طيب ماأبي اروح
سامي بعصبيه اكثر:الشرهه مو عليك علي انا صدق انسان مريض وشكل فيك حاله نفسيه
سلطان:مشكور ماقصرت يجي منك اكثر وقفل بوجه سامي...
سامي تنهد:غصب عصب فيني الله يعين زوجته عليه وانا بعد زودتها بس غصب رفع ضغطي وألحين عاد يزعل...

*******
سلطان غمض عيونه:مريض ادري اني مريض وبالسرطان بعد والحمدلله على كل حال دق جواله وشاف رقم ليان وطنش دقت مره ثانيه وطنش ارسلت له مسج(حبيبي مشيت والإ لا طمني عليك)
رمى جواله وقام:اوووف ابي ارتاح وكل شوي طالع لي واحد مره سامي والحين ليان وبقى العله الثانيه لازم اروح لها لاتزعل بعد

انتهى...
البارت القادم يوم السبت ان شاء الله

لاتلهيك الرواية عن الصلاة وذكر الله

تحياتي:Amoonh

السلام عليكم ورحمة الله وبركاااته

اموووونه حرااام عليك وش سوتي بلياان مايمديهاا تتهنااا لو يوم الا سااعه مااتتهنااا الا قالب عليهااا سلطاان

بس الله يعينه هو بعد بس المفروض يغير اسلوبه مع لياان خلاص عرفهاا وعرف طيبتهاا ليش القسااوه معهاااااا

لمى حقيره وشجااايبها لبيت سلطااان وكيف سلطااان يضعف ويدخلههها مسكينه ليان

مااامدااها تفرح بمكااالمة سلطااان

عبدالله واميررره الامور بتنحل لان الحب الصاادق دايم ينجح

ننتظرك وريحي ليااان امونه