لاتلهيك الرواية عن الصلاة وذكر الله
**البارت الرابع والسبعون والفصل الخامس من القسم الثاني**
اسيل قلبها يدق بقوه وغلآ مو اقل منها .....
عبدالله تقدم يمشي ببطئ لأسيل وقلبه محروق من الداخل وبهمس:ليش يااسيل ليش وبصوت شبيه بالصراخ:حرام عليك انا ابوك اللي تركتك وكل سبل الراحه وفرتها لك تفضحيني اخر عمري ونزلت دمعه غصب على خده:كل شي سويته عشان راحتك وهاذي اخرتها وبصوت متهدج:حـــــــامل حـــــــامل يااسيل مااصدق تخونيني وتفضحيني يابنتي
اسيل ماتحملت وبدفاع عن نفسها:بابا ان ان انا ح حامل من زوجي
عبدالله بصدمه وهو يمسك رأسه:ومتــــــــــــــــــــــــــــزوجـــــــه بعد لا لا يااسيل وقرب منها وبصراخ:مين الكلب اللي اخذتيه ميييييييييييييين
اسيل خافت من عصبيته وغلآ وقفت وخافت بعد
اسيل ونظراتها لأبوها وكأنها تتحدى:ج جهــــــــــــــــــــــــــــــــــــــــــاد
كــــــــــــــف ولأول مره بحياة عبدالله يمد يده على اسيل:يــــــــــــــكفي وبعصبيه وهو متوجه للباب:والله مااتركه الكلب هذا وانا محذر ابوه وطلع مسرع من المستشفى,,,
اسيل جلست وبسرعه:غلآ دقي على جهاد بسرعه لايذبحه ابوي
غلآ دقت على جهاد وقالت له وبعد ماسكرت لفت لأسيل:ياللا بنطلع اسيل
اسيل لبست عباتها:ياللا
غلآ واسيل ركبن تاكسي وراحن لبيت باسل....
عبدالله مسرع ومفور من العصبيه:والله مااتركه ال..... لعب ببنتي ابن ال...... وضرب يده بالسكان:هاذي نهاية الدلع والله ماتتم على ذمته وانا حي وضرب يده:مستحيل اكسر بخاطر الوليد يكفي ابوه قبله والله ماازعل خالد واكسر قلبه بولده.....
///////@@//////@@////////@@///
جهاد طلع من الغرفه بسرعه وهو خايف على اسيل وراح ركض وطلع من البيت وراح لسيارته وانصــــــــــــــدم لانه شاف عبدالله جاي مسرع له ويسكر سيارته ونزل منها معصب ومفور من العصبيه...
جهاد بلع ريقه هذا اللي كان خايف منه ووقف.....
عبدالله بصراخ وهو جاي له:يال...... يال..... ومسكه ودفه ع الارض وضرب فيه وهو يسب ويدعي ويضربه بكل قوته.....
اسيل وغلآ وصلن واسيل نزلت ركض وهي تصارخ:بـــــــابـــــــا لااااااااا بـــــــابـــــــا
غلا راحت ركض للبيت تقول لأبوها يفك جهاد من عبدالله
جهاد بألم:اسيل لاتقربين اسيل ارجعي البيت
عبدالله ضربه مع فمه بكل قوته:يا...... لاتنطق اسمها
اسيل بصياح:بابا لا الله يخليك بابا هئ هئ
باسل جاء ركض بعد ماقالت له غلآ وبعصبيه:اتـــــــــــــــــــــركــــــــــــــه
جهاد وفمه ينزف وبصعوبه:انا احب اسيل احبها
عبدالله جنت جنونه وزاد بضرب جهاد.......
باسل دف عبدالله وطاح ع الارض وبعصبيه:اتركه احسن لك كله من بنتك وبقهر:ايش ذنبه اذا يحبها ال..... ولف لأسيل وضربها وهو يصارخ:مو قلت لك لاتقربين من ولدي وضربها مع بطنها برجله وطاحت على ظهرها بعد ماقال جهاد لأبوه يتركها لانها حامل لانه توقع انها حامل بالحرام ماعرف انهم متزوجين,,,
عبدالله انهد على باسل وضرب هو وياه.....
جهاد مو قادر يتحرك من ضرب عبدالله وبصراخ:يبــــــــــــــــــــــــــــه
خالد والوليد جاييين لبيت باسل لغرض من مشاعل لشذى وانصــــــــــــــدموا من اللي شافوا ونزلوا ركض.....
اسيل تبكي من الالم ويدها على بطنها ومو قادره تتحمل,,,
عبدالله دف باسل:حسبي الله عليك كان ماوراك انت واولادك الا المصايب
باسل بإستهزاء:تربيتك لبنتك ياشاطر هههه والا حامل اخخخ بس
عبدالله بقهر:لان ولدك الزفت متزوجها
الوليد بصدمه:اسيـــــــــــــــــــــل وقرب منها وبخوف:اسيل
اسيل بصياح:بموت مااقدر اتحمل وشدت على بطنها بقوه
خالد مايدري ايش السالفه وبإستفسار:خيييير
عبدالله بقهر:اختك المصون متزوجه الزفت ولا ادري كم لهم وبإستهزاء:لا وبعد حامل
باسل راح لجهاد وساعده يقوم وناظر له بحده وهو مقهور منه,,,
الوليد شال اسيل وركب السياره وهي بحضنه وصرخ بخالد:خالد بسرعه اسيل تعبانه
خالد جاء وركب السياره وراحوا طيران للمستشفى.....
عبدالله بعصبيه:واللـــــــه العظيم اذا ماطلقتها الليله لأدفنك فـــــــاهـــــــم
جهاد بعصبيه:اسيـــــــل زوجتي ومستحيل اطلقها
عبدالله بصراخ:غـــــــصـــــــب عنك وبصراخ اعلى من الاول:الـــــــزوااااج بـــــــاطـــــــل ياحيوان لان مافيه ولي امر وبتطلقها غصب
باسل بهدوء:عبدالله هد نفسك و......
قاطعه عبدالله بصراخ:انـــــــت قبلـــــــه كسرت بخاطر خالد وتزوجت حبيبته ومستحيل ولدك يكمل ع الوليد وبتهديد:معك الى بكره وطـــــــلاق بتطلقها غصـــــــب عنك
باسل بعصبيه:يـــــــطـــــــلقـــــــها ليه بعد ماتزوجوا وبعدين بنتك حامل
عبدالله تقدم من جهاد وتفل عند رجله بقهر:بتنـــــــدم ولاتقـــــــول عبدالله ماقال
اسيل تصيح وتصارخ بالسياره والالم ببطنها مثل السكاكين واذا زاد الالم شدت على يد الوليد بقوه.....
الوليد وقلبه يتقطع عليها وبخوف:خـــــــالـــــــد بسرعه
خالد مقهور من اسيل:احسن خلها تموت فضحتنا هاذي والا فيه بنت تزوج من غير اهلها وبالسر
الوليد بصراخ:خــــــــــــــالــــــــــــــد بسرعه وسد فمك احسن
اسيل وجبينها يعرق من الالم وتشد على شفتها وبصياح:هئ ابي ماما هئ هئ
الوليد حس بشي ينزل عليه وناظر وشهق:خـــــــــــــــــــــالــــــــــــــد بسرعه شكلها سقطت
خالد ببرود:احسن ولو تموت بعد احسن
الوليد بعصبيه:وقـــــــتك انت بسرعه
خالد لف للمستشفى وبطفش:الحين بنبلش بعد لازم ولي الامر
الوليد بقهر:انت وصلنا المستشفى الحين
وصلوا المستشفى....والوليد نزل وهو شايل اسيل ويصارخ على الممرضات:بـــــــسرعه حاله طارئه
............//...........//.......//........//..........//....
باسل بعد ماساعد جهاد ع الكنب وجاب له ماء ومده له:اشـــــــرب
جهاد وتفكيره عند اسيل ايش صار عليها خايف ان يصير لها شي....
شذى نزلت وغلآ معها وشهقت يوم شافت شفايف جهاد تنزف:جهـــــــاد
باسل بقهر:تدرين ان ولدك الزفت متزوج
شذى عارفه من غلآ قالت لها قبل شوي:ايوه قالت لي غلآ وقربت من جهاد:غلآ جيبي المطهر بطهر له الجرح
غلآ:طيب...وراحت...
باسل جلس على الكنب وزفر:تدري انك فتحت باب مشاكل مع عبدالله وماادري متى بيتسكر الله يعينا
جهاد بقهر:طيب فيها شي ان تزوجت اللي احب
باسل بعصبيه:ايه فيها شي انا قبلك مااخذت اللي احب وهذا انا تزوجت امك وحبيتها وعايشين حياتنا
شذى:باسل هد نفسك ومسحت جرح جهاد وطهرته له.....
/@@/@@/@@/@@/@@/@@/@@/
بالمستشفى,,,الوليد على اعصابه وخالد دق على ابوه عشان يجي,,
الوليد بتوتر:خالد ابوك تأخر
خالد:يجي الحين بس انت ياليت تروح البيت وتبدل لبسك عن القرف
الوليد بتنهيده:اذا تطمنت على اسول اروح
عبدالله دخل المستشفى بسرعه وهو خايف على اسيل صح انه معصب ومقهور منها بس هذي اسيل بنت اميرته توجه لخالد والوليد وبسرعه:وينــــــــــــــها
خالد:بعد ماوقعت دخلوها غرفة العمليات اجهضت
عبدالله تنهد براحه:الحمدالله والله يقومها بالسلامه وحط يده على كتف الوليد:لاتخاف والله مايأخذها غيرك بس رح انا عمك وبدل لبسك وارتاح
الوليد:لا اذا تطمنت اروح لها
عبدالله طلع جواله ودق على اميره,,,
اميره بأخر رنه ردت:هلآ
عبدالله تنهد:السلام عليكم
اميره:وعليكم السلام
عبدالله:تعالي للشرقيه وياليت الليله
اميره بخوف:فيه شي عيالي فيهم شي
عبدالله مايبي يخوفها:لا بس اسول تعبت اليوم واليوم بتنام بالمستشفى
اميره:طيب بجي الحين بقول لزياد
عبدالله:انتبهي لنفسك
اميره:اوكي وطمني على اسيل
عبدالله غمض عيونه"اخخخ من اسول ذبحتني يااميره":ان شاء الله تبين شي ثاني
اميره:سلامتك مع السلامه
عبدالله:مع السلامه
@//@//@//@//@//@//@//@//@
الساعه 12 م..... خالد استغرب الوليد صاحي بدري ومو بغرفته ولا مر زي عادته يصبحه بالخير...دق على جواله ومقفل,,وخالد مايرد ...خاف ودق على عبدالله,,,
عبدالله:هلآ خالد
خالد:السلام عليكم
عبدالله:وعليكم السلام
خالد:وينك
عبدالله:بالمستشفى
خالد بشهقه:المـــــــستشفى لييييش لاتقول الوليد فيه شي
عبدالله تنهد:لا مو الوليد اسيل
خالد:ليه سلامتها
عبدالله:سالفه طويله بس بعد ماتطلع من غرفة العمليات
خالد بخوف:ايش صاير والا بأي مستشفى
عبدالله:مستشفى....................
خالد:طيب جاي الحين
عبدالله:طيب جيب ملابس للوليد معك
خالد بخوف:احلفك بربي الوليد ايش فيه
عبدالله:مافيه شي تطمن بس بعد ماشال اسيل تحوس لبسه
خالد بسرعه:جاي الحين وسكر...وراح لغرفة الوليد واخذ له لبس بدون ماتنتبه مشاعل وراح للمستشفى...
,,,,,,,,,,//,,,,,,,//,,,,,,,,//,,,,,,,//,,,,,,,,//,,,,,,,,,,,
باسل بعصبيه وهو يمسك جهاد مايطلع من البيت:مجـــــــنوووون انت بتفضحنا قدام الناس بالمستشفى
جهاد بعصبيه:بروووح لأسيل بشوفها واتطمن عليها
باسل دفه وجلسه ع الكنب:اول شي زواجك منها باااااطل تدري كيف بااااطل لانه بدون موافقة ولي الامر ثاني شي عبدالله بيخليك تطلقها غصب
جهاد بجنون مو متخيل يترك اسيل:لاااااا مستحيل اطلقها انا احبها مااقدر والله مااقدر وحط يده على راسه وزفر بقهر:ليش مااحد فاهمني ليش طيب حتى اسيل تحبني
غلا بحزن:جهاد هد نفسك الحين بعدين اسيل الى الان مااحد منا يدري عن حالتها
شذى بحزن على حال ولدها:جهاد تعوذ من الشيطان بعدين الله يهديك دامك عارف ان الزواج هذا غلط من البدايه ليش تزوجتها
جهاد غمض عيونها:احبـــــــها ومااقدر اتركها مااقدر وهذا الحل الوحييد
باسل بقهر وهو معصب:لا مو حل وحيد بس احسن اترك بنت عبدالله تنفضح
غلآ قامت وراحت لغرفتها وهي شايله هم اسيل ماتدري ايش صار لها اصلآ ماتدري بس سمعت جهاد يوم كان معصب ويقول يبه انت ضربتها وكانت تألم...طلعت جوالها ودقت على عبدالله وهي متوتره,,,
عبدالله رد بدون ماينتبه:نعم
غلآ بسرعه:عمي كيفها اسيل وايش فيها
عبدالله بعد ماعرف صوتها عصب:ايــــــش تبين انتي وبعدين ماعليك من اسيل ايش استفدنا من صداقتك انتي وياها تزوجت اخوك ال...... من اليوم ياويلك اذا سمعت انك جايه لأسيل او مكلمتها فكــــــونــــــا من شــــــركم ياعيال باسل وسكر بوجهها...
غلا جلست ع السرير ودموعها تنزل:الله يسامحك يااسيل انت اللي جبتي المشاكل وانا ايش ذنبي ومسحت دمعتها:اااه ياابوي كل اللي يصير لي انا وجهاد بسبب مشاكلك مع عبدالله وخالد زمان وبكت......
,,,,,//,,,,,//,,,,,,//,,,,,//,,,,,//,,,,//,,,,//,,,,//,,
الساعه 4 م......اميره وصلت الرياض هي وزياد وراحوا للمستشفى,,,واميره ماتدري باللي صاير جايه عشان اسيل وزي ماقال لها عبدالله انها تعبانه شوي وبينومونها,,,,وصلوا المستشفى...وراحوا الطابق اللي فيه اسيل,,,
زياد بإستغراب:اميره مو هذا قسم النساء والولاده
اميره بخوف:الا شكل عبدالله غلطان
:لامــــــو غــــــلطان
اميره بسرعه:عبــــــداللــــــه ايش فيها اسيل
عبدالله تنهد:سقــــــطــــــت
اميره بصــدمه:نعــــــــــــم س سق سقطت ومسكت الجدار قبل تطيح
زياد صرخ:امــــــيــــــره
عبدالله تقدم ومسكها وبخوف: امــــــيــــــره
اميره ومي قادره تكلم من تأثير الصدمه:...................
عبدالله بخوف:زياد ناد احد من الممرضات
:يــــــــــــمــــــــــــــــــه>> قالها خالد وهو جاي ركض وخايف:امي ايش فيها
عبدالله مايبي يخوفه:لا تخاف مافيها شي
اميره دمعت عيونها وعقلها مشوش وتفكيرها بأسيل:"لا كيف حامل ايش"وصــــــرخــــــت:لا لا كيف حامل كيف
عبدالله مسكها:اميره هدي نفسك سالفه طويله
اميره بسرعه:وينها بنتي وينها
عبدالله:بالغرفه نايمه
اميره ويدها على رأسها:اااه انت شفتها
عبدالله:لا زعلان منها والا كيف تزوج بدون موافقتي
اميره بصدمه ثانيه:ااا س اا اس اسيل متزوجه
خالد بإستهزاء:ايوه وهاذي نهاية الدلع بنتك متزوجه جهاد وحامل بس الحمدالله سقطت قبل تفضحنا
اميره بدموع:لا لا مااصدق كيف بنتي كذا كيف تزوجت كيف وبكت
عبدالله ضمها لصدره:اميره لاتبكين هدي نفسك
اميره بشهقات:كله مني انا هئ هئ
عبدالله:لا لاتحملي نفسك شي انا اتحمل كل شي لاني دلعتها
اميره مسحت دموعها:بشوفها طيب
عبدالله:طيب ادخلي لها واذا خلصتي دقي علي
اميره:لا اجي مع خالد
عبدالله:اوكي تأمرين على شي
اميره:لا
عبدالله راح واميره راحت لأسيل...
اسيل نايمه واميره بعد ماشافتها نايمه تركتها ترتاح وجلست عندها تنتظرها تصحى,,,
@//@//@//@//@//@//@//@//@//
عيسى متوتر حيييل وخايف من جيت عوض بعد ماتركه قبل سبع سنوات بسبب مشكله بينهم وهذا اول مره يتقابلون بعدها....واقف بالصاله ويحرك رجله بالارض بشكل دوائر وفكره شارد.....
امير بغرفته ويسولف مع واحد من اصدقاءه ببريطانيا بالمسن,,,
عوض وصل وهو يبتسم بخبث وبنفسه"ههه طيب ياعيسى عايش بنعيم طول سنينك وماجربت اللي جربنا بس انا اخلي ولدك يجرب حياة الفقر والشقى" ودخل,,,
عيسى بلع ريقه:هلآ حياك تفضل
عوض بإستهزاء:غصب عنك بتفضل ههههه
عيسى مد يده وعوض طنش,,
عيسى:السلام لله
عوض مد يده وبدون نفس:هلا وشد على يد عيسى بقوه,,
عيسى بتوتر:تفضل قل اللي عندك
عوض ابتسم بخبث:اللي بيننا طويييييل والا
عيسى وقلبه قابضه من جيت عوض:مرت سنين والى الان تذكر
عوض جلس وبقهر:اكييييد بتذكر وماانسى اللي سويت فيني ضربتني وشردتني بالشوارع كله عشان الزفت اللي خطفت
عيسى بعصبيه:احــــــــــــتــــــرم نفسك ولاتجيب طاريها على لسانك
عوض كمل بقهر:عذبتني سنين كله ع.......
قاطعه عيسى بصراخ:خــــــلاص انسى
عوض وقف وبتهديد:بس كل اللي سويت فيني بأسويه بولدك
عيسى كان متوقع وبخوف وهو معصب:يــــــاويلك تقهرب منه الا واميــــــــــــر عاد
عوض مشى:بتشوف ان شاء الله ووقف ولف:ولاتحاول تسافر او تسفره لان كل شي عنك اعرفه وطلع....
عيسى جلس وحط يده على رأسه:لا لا لا الا وامير عاد ايش اسوي ورمى الطاوله برجله بعصبيه:الا وولدي عاد
:بابا فيه شي
عيسى يحاول يصير طبيعي:لا لاتخاف
امير نزل من الدرج وجاء لأبوه:اكيييد
عيسى ضمه لصدره بقوه وامير استغرب,,
عيسى بغصه:انتبه لنفسك
امير بخوف:بابا فيه شي
عيسى ويحاول دموعه ماتنزل:لا بس الحذر زين
امير:.............
عيسى بحنيه:ياابوك انتبه لنفسك الدنيا تغيرت ومافيه امن
امير:ان شاء الله
عيسى مسك يد امير ووقف:تعال نطلع شوي نغير جو عن البيت
امير ابتسم:اوك
/////@/////@/////@/////@//////
اسيل فتحت عيونها وانتبهت لأمها مسنده راسها ع السرير وبتعب:ماما
اميره فزت:اســــــول وضمتها
اسيل بصياح:هئ هئ ماما
اميره بزعل:ليش كذا يااسيل
اسيل نزلت راسها ودموعها تنزل:ماما احبه و......
قاطعتها اميره بحده:بس اللي سويتيه ماتسويه بنت عاقل تزوجين بدون موافقة ولي امرك وكملت بعصبيه:الــــــزواج باطل تفهمين كيف باطل وزعلتي ابوك منك
اسيل:.............
طق ,,طق,, طق,, طق,,
اميره راحت وفتحت الباب وشهقت:جهــــــاد
اسيل فزت وجلست بسرعه وحست بألم بمكان ببطنها وتأوهت,,
جهاد بتوتر:السلام عليكم
اميره سحبته خايفه عبدالله يشوفه ودخلته وسكرت الباب وبعصبيه:مجــــــنون انت بتجيب مشكله لنفسك ليش جاي
جهاد ونظراته على اسيل:مااقدرت اصبر بشوف اسيل
اسيل بلهفه وتعب بصوتها:ج جهــــــــــــاد
جهاد ركض لها وضمها واسيل بكت بحضنه,,
اميره غمضت عيونها وبغصه:"لا لا يااسيل ماابي تجربي الفراق وعذاب الحب"
جهاد وهو يمسح على شعرها:كيفك الحين
اسيل بدموع:بشوفتك تمام وبحزن:جهاد لا تتركهم يفرقونا هئ هئ
اميره سمعت صوت عبدالله وبسرعه وهي خايفه على جهاد:جهــــــاد بسرعه ادخل بالحمام عبدالله جاء
اسيل بخوف:ياللا جهاد
جهاد راح للحمام(اكرمكم الله) واسيل انسدحت وغمضت عيونها خايفه من مواجهة ابوها,,,
عبدالله فتح ودخل:السلام عليكم
اميره ابتسمت:وعليكم السلام
عبدالله سكر الباب:صحت اسيل
اميره:لا
عبدالله تقدم منها:حلو بغيتك بسالفه بس بعد مااسلم على اسول وتقدم لأسيل وباس جبينها:الله يسامحك يابنتي اخخخ منك احمدي ربك انك غاليه بنت غاليه والا صار شي تندمين عليه
اسيل ماقدرت تحمل وفتحت عيونها ومد يديها وضمت ابوها:بــــــابــــــا هئ هئ
عبدالله قسى قلبه عليها وغمض عيونه:لاتقولين بابا بعد اللي سويتي ذبحــــــتيني يااسيل ذبحــــــتيني
اسيل بشهقات:ب ب ا با با بابا ا ح ب ه و و
عبدالله بصراخ:بــــــس ماابي اسمع شي مــــــــــــــــــاابــــــــــــي وغيــــــر الوليــــــد ماتتزوجــــــــــيييييين فــــــــــــاهمــــــــــــه انا وعدت خــــــالــــــد ومستحيل اخلف وعدي
جهاد سمع كل شي وضرب يده بالجدار:اسيل لي انا وبس مستحيل يفرقون بينا
اسيل جلست وبصراخ:انــــــا تزوجت جهاد ومستحيل تفرقونا عن بعض مستحيل
اميره بحزم:اسيــــــل احترمي ابوك
اسيل بعصبيه ودموعها تنزل:مــــــامــــــا مااسمح لك تكلمي مالك شغل فيني وبإستهزاء:لو كنتي تحبيني ماتركتينا كل هالسنين عايشه حياتك وبتحرميني اعيش حياتي بعد وكملت ودموعها تنزل:مو جريمه اني احب
عبدالله انصدم من اسيل وناظر لأميره اللي جلست ع الكرسي وغطت يديها وبكت مصدومه من رد اسيل كل شي سوته عشان تحميها وهذا جزاها....
عبدالله تقدم من اسيل وطراااااخ كف على خدها:امــــــك تحترميها يالبــــــزر
اسيل بصياح:وحتــــــى انت ماتحبني ولا شي بس عشاني اشبه اميرتك ويوم حصلت موافقة اميرتك بتنساني
اميره رفعت راسها وبدموع:بــــــس لا تصدميني اكثر
اسيل بصياح:لييييش لاني قلت الحقيقه......
قاطعها عبدالله بصرخه سكتتها:بـــــــــــس قص يقص لسانك
اميره لفت طرحتها وطلعت.....
عبدالله بتهديد:عشان هالجهاد طال لسانك والله ثم والله انك ماتكملين معه لو على جثتي وطلع وصفق الباب ولحق اميره,,,,
جهاد طلع من الحمام وهو مصدوم بعد كلام اسيل,,,
اسيل بصياح:هئ هئ جهــــــــــــاد
جهاد تقدم منها وضمها وهو الى الان اخذ بخاطره عليها بعد كلامها لأمها وسكت....
اسيل بشهقات:هئ ج جهاد ب بنروح هئ ياللا بنروح لشقتنا
جهاد تنهد:اسيل انتي تعبانه الحين هدي نفسك
اسيل بكت بشهقات:ج جه جهاد لات ت تتركني ان انا احبك او اوعد اوع دني
جهاد باس جبينها:اسول مايفرقني عنك الا الموت اوعدك بس هدي نفسك
اسيل بشهقات:هئ ج جه جهاد اح احبك مااقدر على بعدك
جهاد ضمها له اكثر:وانا احبك ياقلبي بس هدي نفسك انتي تعبانه الحين
اسيل مسحت دموعها:ابي ماء
جهاد سدحها ع السرير وصب ماء ومده لها:سمي
اسيل اخذته وشربت:يعطيك العافيه
جهاد باس جبينها:ياللا حبي بروح قبل احد يجي
اسيل بتعب:انتبه لنفسك وطمني
جهاد:ان شاء الله تأمرين على شي ثاني
اسيل:سلامتك
,,,//,,,//,,,//,,,//,,,//,,,//,,,//,,,//,,,//,,,//,
مرت ثلاث ايام ع الاحداث السابقه...واسيل طلعت امس من المستشفى...واميره الغت حفل الزواج اللي قال عنه عبدالله واكتفت بالملكه بدون الزواج عشان اسيل وبفلتها اللي قالها عبدالله هي واسيل وخالد,,,,عبدالله قال لجهاد يطلق اسيل ويملك من جديد ويتزوجها لان زواجهم باطل ومابغى يقوله بس عشان اسيل وخوفه على نفسيتها ومخطط يفركش الزواج بس مو هو يبدأ لا يبي جهاد اللي يفركش كل شي,,عيسى خايف من تهديد عوض له وخايف اكثر على امير.......خالد سمع ابوه وامه يوم يتكلمون بعيسى وعن خطفه لأميره و.....الخ بس مايدري ان امه لها ولد من عيسى...وقطعوا علاقتهم هو والولييييد بأمير بعد ماعرفوا انه ولد عيسى بس مايدري انه اخوه من امه....
الساعه 2 م.......اسيل منسدحه على الكنب بالصاله وامها وخالد جالسين يسولفون وهي سرحانه تفكر بجهاد.....
خالد بهمس لأمه:يمه ناظري لأسيل
اميره تنهدت:الله يعين خايفه عليها
خالد بقهر:يمه تدرين الوليد كاسر خاطري بعد ماعرف ان ابوي وافق على زواج اسيل من جهاد
اميره:......ايش اسوي انا مو بكيفي
خالد تذكر:صـــــح يمه نسيت ابوي بيتغدى معنا
اميره بشهقه وهي توقف:نعـــــم ليش ماقلت لي البس
خالد:هههههههههههههههههههه ورفع يديه للسماء:يارب ترزقني زوجه مثلك تحبني كثر ماتحبين ابوي
اميره راحت فوق تلبس...
اسيل بتعب:ابوي بيجي
خالد بإستهزاء:لا بيروح ايه بيجي
اسيل وقفت:بروح انام بغرفتي
خالد ناظر لها من فوق لتحت وطنشها.....
/@/@/@/@/@/@/@/@/@/@/@/@
عبدالله لبس ثوب وشماغ وتعطر واخذ بوكه وجواله وطلع.....
دلال بوجهه وبعصبيه:رايح لها هاه
عبدالله ابتسم:طبعا رايح لأميرتي ومن الحين اقول لك ماني جاي الليله
دلال بقهر:هذا اللي انا خايفه منه تصير عندها وتطنشني
عبدالله ببرود:زوجتي وكيفي
دلال تخصرت:ياسلام وانا ماني زوجتك
عبدالله:زوجتي بالاسم وعشان جوري ورغد بس والا زوجتي.....
قاطعته دلال بصراخ:غصب عنك تعدل بينا
عبدالله مشى:لاتخافين بعدل لاني اخاف من ربي يومين عندك ويومين عند اميره وطلع مع الباب وتركها وراح لأميره..........
/@@/@@/@@/@@/@@/@@/@@/
في بيت خالد....الوليد بغرفته وكل هموم الدنيا شايلها وحزييييييين حيييييل بعد ماقال له خالد(ولد عبدالله) ان ابوه وافق ان جهاد يملك مره ثانيه عشان الزواج يصح....جالس على سريره وضام رجوله لصدره وسرحان يفكر.....
مشاعل بدموع:خ خالد شف حل للوليد ماابي اخسره هئ هئ
خالد تنهد:مشاعل انا ايش اسوي مابيدي شي
مشاعل بكت:ماابيه يضيع مني مثل عيالي هئ هئ هئ
خالد بعصبيه:ان لله وان اليه راجعون خلاص لاتطفشيني اووووف ووقف وطلع من الغرفه وراح لغرفة الوليد,,,,
الوليد"اااه يااسيل ايش اسوي ايش"وصرخ وضرب يده بالسرير:تعـــــبت قلبي انحرق انجرح تعذب ياااارب امووووت والحق اخواني ياااارب ارتااااح من العذاب وبصراخ:ياااارب امووووووووت مثل اخواني
:لا لاتقول كذا كافي>>قالها خالد وهو يدخل ودمعته غصب سبقته على خده
الوليد بشهقه:بـــــابـــــا
خالد تقدم وضمه لصدره وهو يبكي بصمت:...................
الوليد بصوت يقطع القلب:بابا بموت وارتاح مااقدر ......وماكمل لان ابوه سكر فمه
خالد بحزن على حال ولده:لا يالوليد ماابي بنت تسوي فيك كذا ماابي اخسرك عشان الحب
@//@//@//@//@//@//@//@//@//
الساعه 2:30 م.....عيسى مرعوب من عوض اللي خانقه بقوه مع رقبته...
عوض بقهر:انت خلاص انتهيت وبتموت على يدي ان شاء الله
عيسى وهو يحاول يفك يدين عوض وبخنقه:ف ف ك فكني ب بعد
عوض ترك ودفه ع الارض:كل املاكك تسجلهن بأسمي
عيسى اخذ نفس:مستحيل الاملاك كلهن مسجلهن بأسم امير
عوض قرب من عيسى ورفسه مع بطنه وحط رجله على بطن عيسى وداس عليها:غصب عنك والا بتموت
عيسى بألم:اااي اااه امير اااه وينه امير
عوض بعصبيه:سجل الاملاك بأسمي ياللا وبإستهزاء:والا ليش تسجلهن انا بقتلك وافتك وبخبث:هههههه تذكر قبل عشرين سنه ايش سويت هنا وبنفس المكان دست على اصابع اميره ههههههه وداس على اصابع عيسى بقوه برجله ع الارض
عيسى صرخ:اااااه لااااااا ااااه
عوض طلع جواله ودق:دخل الزفت يودع ابوه قبل يموت
عيسى غمض عيونه وشريط حياته انعاد له وكل شي سواه طلع قدامه...حس برعشه ورجفه بجسمه وشد على يديه بقوه......
امير دخل البيت وانتبه لأبوه وصرخ:يبـــــــــــــــــــــــــــــــــــــــــــ ـــــــه وركض له وطاح على صدره وهو يبكي:لا تتركني هئ هئ لا بابا لاتتركني
عيسى وعارف ان نهايته قربت لان عوض مهدده ان يقتله وبألم:امير و و ل ولدي وبصوت متقطع:ام ام م امك عايشه م ما تت روح لها اس.....وماكمل لان عوض سكر فمه عشان مايقوله اسم امه وتضيع الاملاك منه
امير بصياح وهو يدف عوض:اترك ابوي اتركه
عوض دف امير بعصبيه:ابوك كانك ماتدري خط......
عيسى بصرخه طلعت بتعب:عـــــوض اتركه واسكت
عوض:ههههه اسكت ليش ولف لأمير:ابوك ياشاطر اللي تبكي عليه خطف امك وعذبها و.......
امير وهو خايف على ابوه:انت بعد بروح لأبوي ورمى نفسه على صدر ابوه:بابا لاتتركني مالي غيرك بالدنيا هئ هئ
عيسى وهو يصارع انفاسه عشان يتكلم:ا م ام ك اسأل خالد خالد ولد ع عبدالله يعرف اميره امك ع ..........وماكمل لان عوض خنقه عشان مايقول لأمير اسم امه
عيسى وهو يفك يدين عوض منه:ب بع د الله لا ي يس يسامح......وماكمل لان عوض خنقه بقوه....
امير وهو يصيح ويصارخ ويدف عوض ابوه:
بعــــــــــــــــــــــــد اترك ابوي ويضرب عوض ويحاول يسحبه عن ابوه....
عوض بعصبيه وهو يرمي امير بقوه ع الارض:انقــــــــــــــــــلع انت وسدد طعنه بالسكين برقبة عيسى
امير فتح عيونه من الصدمه وانهبل بعد ماشاف ابوه يتألم وينزف ويصارع انفاسه وطاح مغمي عليه....
عوض بعد ماتأكد ان عيسى مات دفه برجله:تستاهل وحتى الدفن ماني دافنك احرقك وافتك منك بس لا ذنب قتل يكفي ماابي ذنب غيره وبصراخ:جــــــــــــــــــاســــــــــــم
جاسم جاء ركض:هلا عوض
عوض:خذ الجثه هاذي وغسلوه وادفنوه بصحراء انت واللي معك
جاسم:ط طيب واشر على امير:وهذا
عوض:لا هذا انا اتصرف معه وبصراخ:ياللا قبل يجي راعي البيت اللي ببيعه عليه
جاسم طلع ونادى اثنين من الرجال اللي معه وشالوا عيسى وراحوا يغسلونه ويقبرونه......
عوض قرب من امير ودفه برجله:احسن هذا جزاء اللي ابوه عيسى وابتسم بخبث:هههههه الحين كل شي بأسمي والبيت ببيعه وكل سيارات ابوك واملاكه لي ههههههه والله وصرت ياعوض ولد نعمه ورجل اعمال ههههههههه وسحب امير ورماه ع الكنب وطلع جواله ودق على واحد من رجاله:تعال خذ امير وارمه بأي مكان يكون بعيد عن الحي هذا وياليت يكون بأحياء قديمه وسكر...وراح فوق واخذ كل شي من غرفة عيسى اوراق تخص البيت والشركه وكل املاك عيسى ....وراح لغرفة امير واخذ كل شي ماترك الا بطاقته الشخصيه وكرت العايله واوراق شخصيه تخص عيسى وامير وحطهن بضرف كبييير,,,نزل تحت ونادى واحد من الرجال:خذ الضرف هذا واذا رميتم امير ارموا الضرف عنده
:طيب..وشال امير وحطه بالسياره وراح........
انتهى
12-11-12, 03:05 PM
رد: روايتي قلبي مملكة غير امورتي مااحد يملكه
جديد مواضيع قسم القصص المكتمله من وحي قلم الاعضاء
العرض العادي
