حلزونه ، ،
منوره أسعدني حبك لهاذي الهجه
كما أسعدني متابعتك لروايه

رهووفا ، ،
إنتي العسل وكلامك عسل سعدت أن الروايه أعجبتك
وان شـألله تعجبتكم البارتات القادمه وتحصل على رضاكم

( البارت الرابع )*




( بيت ابو محمد )*

ابو محمد وهو يدخل البيت : وسميه وسميه*

وسميه *بصوت طويل : لبيك*

*الجده ؛ وجع فقعتي اذني جعلش الصقه *

وسميه تبوس راسها : هههههههههههه السموحه نفداش*

ابو محمد : بندر فالمقلط يتناش

وسميه : ووووويش
وسميه تحس بالخوف كانت تعرف انه ماراح يعديها لها من اسلوبه فالرساله " وش يبغي ذا مايستحي جاي بيتنا ويقول لابي بيشوفني وش ناوي عليه "*

ابو محمد : تراه رجالش ويحق له يشوفش*

وسميه : يبه قول له مايعتبرني زوجته الا عقب العرس غير كذا ماعندي

الجده : بعدي بنتي وهي صادقه ولا هو سافر للغرب وسج من سلومنا ( سج = نسى )*

ابو محمد : يايمه جعلني فداش رجالها ويبغي يتفاهم معها على ترتيبات العرس*

وسميه انتفظت من قال يبغي يتفاهم معها على ترتيبات العرس : يبه اي عرس*

ابو محمد : عرسش*

وسميه بصدممه : نعمممم*

ابو محمد : وش اللي مروعش ما ورا الملكه الا العرس*

وسميه بصرخه : اسسفه قل له مافيه عرس الاعقب ماتعرس اختي هيا*

ابو محمد غضب من طول صوتها وهو يعرف انها تكلم فالحق : وسسسميه مابقى الا ترفعين صوتش علي*
عرس وبتعرسين وغير كذا لا اسمع .... مشى رايح للمقلط وعقب وقف : وترا العرس عقب شهر انتي وشوق في ليله وحده والمهر قدهو هنا*

وسميه طاحت في حظن الجده تبكي بحرقه : ياجده كسرني كسرني*

الجده ماعجبها تصرف ولدها وراحمه وسميه اللي تعرف كبريائها حبها لبوها قالت تخفف عنها : يابنتي وهو الصادق مابقى غير العرس*

وسميه وهي تبكي : يمه انتي تعرفين السنع مهوب حق اني اتزوج قدام هيا عيب عيب*

الجده : هيا متملكه قبلش بس رجالها عنده التزامات ودراسه ومهوب عيب اذا اعرستي قدام اختش*

وسميه تبكي بقهر : ماحد بفاهمني ماحد .... وطلعت لغرفتها تبكي*

دخلت لغرفتها ورمت نفسها على سريرها وكملت نوبت بكاهت " الله يسامحك يا يبه الله يسامحك طعتك عشان ماحد يتكلم عشان انت وعمي ماتفترقون اخرتها تحرمني من ابسط حق اني ارفض يكون العرس قبل عرس هيا يبه هذا اللي موقف معه ضدي يخدعكم انت وعمي هذا متزوج اللي يبها غصب عنكم ولا همه طيحت ابيه بكره يكسر ظهوركم ولا عد ينفع ندمكم في قهري "*

نامت وهي تبكي بعد فتره من الوقت حست انها تنشال وتتغطى بالحاف افتحت عينها شافت فهد اخوها وحبيبها واغلا ناسها فهد يفهمها قبل لا تكلم يقدرها محترم عزت نفسها وكبريائها ولا مره قهرها نزلت دمعتها اللي مسحها فهد
*: وسميه هالشي لازم يصير الحين ولا بعدين لاعد تنزل دمعتش تراها غاليه علي جدا*

وسميه : فهد ابي كسرني اول وبيكسرني تالي*

فهد : لا ان شالله ليه تقول ذا الكلام بندر رجال وكلنا نعرفه ماشفنا منه شي يعذربه*

وسميه : ماتعرفونه كثري ماحد منكم عرفه .. وتنزل دموعها بهدوء*

فهد : وسميه انا اشوف كرهش مبالغ فيه بس الحين متاكد فيه شي مادري به وشو يا وسميه ؟؟

وسميه *: بتعرفونه كلكم بس موب الحين *..وسميه بدا النوم يغلبها فهد غطاها وباسها على جبينها*



قبل دخول فهد على وسميه .....*

فالصاله*

الجده : مهوب حق اللي سويتع في وسميه يا حمد

ابو محمد : يمه نفداش نصيبها*

الجده : تحرمها تقول ايه ولا لا

ابو محمد : الملكه وتملكت ماعد الا العرس*

الجده : ويلا مالك حق تغصبها وسميه طاحت تبكي وانت خابرها مايبكيها الهين ( ويلا= واذا،،، الهين = البسيط)

فهد : افا ايا يبه ماهقيت انك تسوي في وسميه ذا السواه وسميه اللي بدتك على روحها و وافقت على بندر وهي تبغضه تحزنها وتجبرها عقب ذا كله ماهقيتها منك *( تبغضه = تكرهه ) *

فهد قام على طول راح لها*



( بيت راجح أبو بندر )

العنود : بندر وش سالفتك يأخي كل شي سريع سريع
متى يمدينا نفصل ونحجز ونعدل

بندر ببرود : مهوب لازم تفصلون أهم شي ترتيبات العرس

العنود معصبه : يأخي ماتقدر تصبر لين تعرس مع تركي

بندر : تركي أجل عرسه لأن عنده رحلات ويبغي يفضي روحه لعروسته
وانا رجال مستعجل عاد وراي سفر

العنود : بندر حن مايمدينا نجهز ولا يمدي وسميه تتجهز أجل عرسك

بندر : العنودددد خلاص قراري ولا راح يتأجل وآنتو بيكفكم تأجل مافيه تأجيل
وانتهينا

العنود طلعت وهي معصبه : مادري مستعجل على وشو لونك شايفه كان عذرتك بس أدري لونها تمر قدامك ماعرفتها

بندر وهو يلحقها : عيدي عيدي عيدي

العنودي : ولا شي فكني باروح إسنع شي

بندر فكها وهوي يفكر في كلامها "وش قصدها آبغي آشوف ذا البنت اللي هلي كلهم في صفها ويمدحونها وش سالفتها "


(بيت مبارك أبو نايف )

رن هاتفها رنه واحده واغلق الخط
شوق ركضت له شافت المتصل " تركي "
: وحححححشتني مآبغيت تدق
كانت هاذي كلمتها لما شافت المكالمه كانت منه

رجعت الخط لها رن طويل وفالأخير رد

شوق : هلا تركي اتصلت " كان تحاول تخفي شوقها "

تركي في داخله أنا ليش دقيت لها ليش صاير اشتاق لها وانا أدري أن قلبها مع غيري ليش من أسمع صوتها أذوب وانا أدري أنها تصنع النعومه
:شوق لإعد تدقين علي أنا متصل بالغلط أزعجتيني وسكر الخط

شوق بصدمه من انفجاره ليه يتكلم معها كذا وهي مشتاقه له رد له المكالمه
رد على طويل : بقره ماتفهمين قلت لاتدقين زواجي منش غلططه نادم عليها أفهمي مابلعش مابلعش . . كان يعاملها بهاذي الطريقه لأنه غاضب من انشداده لها بسرعه

شوق : تركي ليه تقول كذا ليه تعاملني كذا وش سويت تركي أنا أحبك

تركي انصدم من كلامها وغضب من رعشة قلبه لكلمتها اللي متأكد أنها قالته لغيره : حححبش برص أن شـألله ماتستحين إنتي ولا متعوده على كذا أقول لش أنا مابلعش تقول أحبك تبغين تلوعين كبدي اللي بروحها لايعه . . سكر الخط للمره الثانيه

شوق انفجرت بكاء من معاملته لها وكلامه القاسي عليها . . شوق فتاه حالمه تتوهم بسرعه وتحلم بأشياء وتفعل كما هي تخيلت توقعت أن تركي يحبها وفكرت أنه غاضب لأنها ماتصلت لها فاتصل برنه واحده ليذكرها ردت له المكالمه وصدمها ردت فعله وكلامه "أكيد هذا كله زعل لأني ماتصلت له بس ليش كلامه كذا قاسي معي ليش "



ممممممرت الايام وهاهو يوم زفاف ( وسميه وبندر)



كانت اسطوره جميله جمالها ناضج الليله ليلتها الكل يهلل عليها جميله كماهو معروف جمال هذه العائله ولكل وحده منهن جمالها الخاص فيها بسيطات في مكياجهم ولباسهم وسميه ترتدي فستان أبيض بسيط جداً يفصل تفاصيل جسمها خصرها الصغير صدرها البارز ليس بالكبير و لا الصغير أردافها إلمتوسطة الحجم كان جسمها جداً متناسق تتميز وسميه ببشرتها البيضاء
الناعمه ووجها الصغير كان مكياجها بسيط يبرز جمال عينيها الكبيره ليست بالكبيره جداً ولكن مناسبها لصغر وجهها رموشها كثيفه ولذالك لم تقوم بتركيب الرموش لأنها في غنا عنها خشمها الحاد و فمها الصغير كانت غايه فالجمال والانوثه *

: يالله يا وسميه زوجش برا*

وسميه : وين امي*

فهد : راحت تجيب اغراضش يالله انا معش منا مخليش بروحش لين اوصلكم الفندق*

وسميه " ليه ارتجف عادي عرس العالم يعرسون وش ذا الخوف كله الا بندر طول الفتره حاقرته ومارد على مسجاته اكيد بيبرد الحره الحين ياررربي ميته جوع فضيحه بعدين عصافير بطني تصوصو وش بيقول *عني ليتني طعت امي بس غصب عني الاكل موب راضي ينزل احس بارجعه "*

فهد : وسسميه امشي يالله*

وسميه زادت رجفتها : هاه*

فهد : ههههههههههه مايليق عليش خايفه اخبرش قويه يا وسميه وش صار

وسميه تحاول تستمد قوتها من كلام فهد : لا بس خله ولا عادي( خله = جوع)

فهد : يالله مشينا بندر ينتظر برا

وسميه : بسم الله

تمسك فيه بقوه وقلبها يزداد فالخفقان وتزيد في التمسك به

فهد : ههههههههه اسم الله عليش كل هذا توتر عصرتي يدي

وسميه بجديه : فهد لاتخليني معه بروحنا

فهد بصدق : لين السياره وينتهي دوري

مشو لين السياره وركبت معه وبأسها فهد على جبينها
: بندر ماوصيك عليها الله الله فيها

بندر : أبشر

مشت السياره في هدوء تام كل منهم سارح في خياله
وصلو الفندق
: يالله أنزلي



آعتذر لكم على التأخير وذالك لعدم تمكني من التسجيل
ليلة أمس كان يطلع لي خطأ ولكن اكتشفت أن سبب ألعطل من جهازي
دخله فيروس وضطريت أعيد كتابة البارت لأنه للأسف تمكن من تعطيل الجهاز
(القاكم بإذن ??لہ يوم الأحد أن شـألله )

بارت روعه بس للأسف قصير خيزرانه والله يستر من بندر وش بيسوي بوسميه بانتظارك ويعطيك العافيه حبيبتي الي الامام

بسم الله الرحمن الرحيم

ابومحمد الله يهداك الحين بنتك سوت اللي انت تبيه ليش الطلايب والعلم الخايب وشو له يتدخلها على بندر وش بيتفاهمون عليه
ليش تضغط عليها
وسميه تعالي الحين انا ما فهمت بندر معرس متىىىى؟ وشلون !!!! ليش .... كيف؟؟؟؟
انتي شلون عرفتي ؟؟؟؟؟؟من اللي قاللك صدق كذب !!!!!!!
كل وسائل الاستفهام والتعجب جبتها الحين تهقين ابوك وعمك دارين وساكتين ولا انتي متوهمه مدري بس الله يعينك يا وسميه شكله متحلف فيتس الله يعينتس

تركي وشوق
شوفوا هو طيار بس وش يطير حمام عصافير المخ من العقل
بيذبحني طيار ودارس وفاهم وهذي تصرفاته؟؟؟؟
شوق كسرتي خاطري ليش ترخصين نفسك ما لقاك وجه لا تدورينه
وحع مايهجع وكل ماطاب رجع ياتر كي ليت شوق تتركك انت مريض بالشك وبتموت قهر شوق منك الله يعينها بس ما امداها تفرح الا وانت منكد عليها وين الرجوله وين الشيمه
الا يا عسى القوم ياخذونك كانك شبيت كبدي الله يعينك يا شوق
نحتريك خزوره نشوف هالافه بندر وش بيسوي بشوق
مشكووووووووورة

يسلمووووو ياا عسل
ع

الباارت مررره جنااان بس قصيرررر

تركي قهرنيي بتصرفه

وسميه الله يعينهاا ع بندر

بانتظاارك بكل شووق