الجوهره وسلطان وأخيرا رجعت لصوابها. أبي أشوف اللقاء مع سلطان متحمسسسسسه حددي للقاءهم
ياسر وشجون : ليه يعني سوا الي في باله وبعده قال لا مابيهاا حراام عليه يعني هذي جدارتها حبته من كل قلبها وهانت أهلها عشاانه وهذا رده عليها صح ان فعلهم خطاء بس هذا فعل يمينهم

بارت رائع كروعتج يعطيج العافية

السلام عليكم ورحمه الله وبركاته
باارت جداً جمييل
مابي أطول في الرد بس جد جد ابهرتينا
اممم متى راح تنزلي البارت يالين تحددين لنا وقت

"





بسم الله الرحمن الرحيم ..

السلام عليكم ورحمة الله وبركاته ..

الحمد لله والصلاة والسلام على رسول الله ..

توكلنا على الله .. لا اله الا الله محمد رسول الله ..






البارت 56 ..








لحظه قبل لا تطلب البعد وتغيب
وتنهي معايه مرحله من حياتك
أخذ الهدايا والصور والمكاتيب
دامي خسرتك ما أبي ذكرياتك
يمكن يكون فراقنا رأيٍ مصيب
خيره .. كتبها الله جتني وجاتك
رح واترك بقلبي لك أربع معازيب
معزتك طاريك حبك غلاتك
وإن شفتني أجمع شتاتي .. ماهو عيب
باكر مع الأيام تجمع شتاتك
وإن شفتني شايل جروحٍ معاطيب
باكر يصير الجرح أبرز صفاتك
أكبر مصيبه في زمان العذاريب
إنّي أحبك وأنت حبك لذاتك
الطيب لو إنك تجازيه بالطيب
ماكان تالي الوقت هذي سواتك
يا صاحبي لا صرت أغلا الأصاحيب
لا تزعل بكيفك وتطلب رضاتك
أنا حبيبك مبعد الشوح مانيب
من صيّع جهاته .. يدور جهاتك
إن كان ماعديت روس المراقيب
ماني كفو أصلاً أنام في عباتك
شفني مقدر عند عكف الأشانيب
مانيب من تومي عليه بعصاتك
رح للفراق إللي تركنا مصاويب
شمّت اعداتي قبل تشمّت أعداتك
الله معك .. رح وين ماودك تغيب
هذي حياتك .. وأنت حر بحياتك





الشاعر " ثامر شبيب " ..






بمنتصف الصالة ..




بصوت غاضب و صراخ / يا قليل الحياء .. ماحطيت لي حشمة ولا مقدار ..
و لا حطيت لاهلك .. روح الله لا يبارك فيك .. قهرت البنيه و قهرتني .. حسبي الله عليك ..
" تركتهم و توجهت لجناحها و هي تردد حسبي الله عليك .. حسبي الله عليك " ..
كان و اقف وهو عاقد حواجبة .. لبس ثوب ابيض و شماغ احمر .. شنطة الابتوب السوداء بيده اليمين ..
و المسبحة بيده اليسار .. ساكت طول الوقت و يلف بخرزات المسبحة بهدوء ..
هيفاء جالسه على الكنب و تمسح دموعها .. والجوهرة جنبها متضايقة .. طالعت بغيث / ما ترد .. قول شي ..
غيث رفع حاجب و تنهد .. طالع بالمسبحة / الله يستر على البنت و ما في نصيب بينا .. و انتهى ..
و قفلوا على الموضوع .. " سحب النظارات السوداء من على صدره و لبسها " .. السلام عليكم ..
هيفاء و الجوهرة طالعوه و هو طالع .. هيفاء بقهر وهي تمسح انفها / والله مو صاحي ..
" سمعت صوت ولدها سعود يبكي و قفت و توجهت له " .. الجوهرة بتمتمه / الله يهديه ..







ـــــــــــــــ







بالعيادة ..





د. ليلى باهتمام / ارجعي للبيت ارتاحي .. و الا روحي للمستشفى سوي تحاليل ..
نوال وهي تلف شيلتها .. بتعب / الحين زوجي يوصل .. وبروح المستشفى .. لاني احس التعب زايد ..
د. ليلى / الله يشافيك و يطمنا عليك ..
سمعت صوت رنين الجوال .. رفعته بارهاق / هذا سعود .. " قفلت الجوال وهي توقف .. ربطة نقابها و وقفت " ..
نوال / سلام ..
د. ليلى / وعليكم السلام .. الله يسهل لك ..




:
:
:



بسيارة ..


سعود باهتمام / سلامات ايش فيك ..
نوال بغصة / تعبانه . مدري ايش فيني ..
سعود وهو يمسك يدها / بسم الله عليك .. ايش تحسين ..؟
نوال وهي تمسج دموعها من تحت النقاب / مدري .. بس تعب .. حيلي مهدود ..
كل ما اوقف احس الارض تهتز تحتي .. و جسمي ترتفع حرارته فجاه ..
سعود وهو يحرك سيارته وبهم تنهد / الحين نروح المستشفى ونسوي فحوصات كامله ..
" مسك يدها و بحنان " .. هدي يا روحي ان شاء الله مافيك الا الخير .. لا تخافين ..
نوال هزت راسها و بأمل / يارب ..








ــــــــــــــ





باستراحة البنات ..




مشيرة و مرام جالسين قبال التلفزيون .. و شجون و اماني و روان و ساره بالمطبخ ..
و صوت ضحكهم و صراخهم واصلهم وهم عند التلفزيون ..
مرام بضيق / الحين هالمبزرات ما يعرفون يخفضون صوتهم ..
مشيرة تنهدت / الله يهديهم .. " و بطفش " .. هذي وينهي قالت ربع ساعة واجيكم لها فوق ساعة الحين ..
مرام طالعتها وبضحكه / يمكن بتال منعها ..
مشيرة ابتسمت / والله اثنين مجانين .. كل شي جايز ..
مرام بتعجب / سبحان الله الي يشوفهم يقول ايش الثقل والعقل الي فيهم .. والي يعرفهم يغسل يده من عقلهم ..
مشيرة ابتسمت .. جات عينها على عبدالعزيز .. وبضحكه / سبحان الله .. كانه ريان ..
مرام ابتسمت / يشبه لابوه و طلال يشبه ابوه و ريان بعد يشبة ابوه .. فيجيب الشبه ..
مشيرة / ايه مثل وليد وبتال و سلطان الصغير .. تشابه بينهم كبير ..
مرام وكانهاا تذكرت شي ../ اي صدق .. وليد ايش مرضه ؟
مشيرة رفعت كتوفها / ما سالت عن التفاصيل .. بس اعرف فقر دم حاد عنده ..
مرام تقرب من مشيرة / سمعي .. ريان قالي شغله مافهمتها .. يقول ان وليد ماياكل يضحك على اهله ..
لمن يروح الحمام اكرمك الله " والقارئ ".. ينزل الاكل .. يدخل يده و يطلع الاكل ..
مشيرة عقدت حواجبها / يرجعه يعني ..؟
مرام هزت كتوفها / والله هذا الي سمعته و حاولت افهمه من ريان ..
مشيرة بتفكير / بقول لسلطان و هو يشوف ولده .. انا ماراح اتدخل بعيال الجوهره ..
بتال الوحيد بسبب العنود الي قريب مني .. و لو تشوفين امه لمن يقعد معاي كيف نظراتها ..
مرام عقدت حواجبها / مو يقولون تقبلت الموضوع و خلاص ..
مشيرة ببساطه / لو انها لانت شوي .. بس مهما كان اظل شريكة لها ..
مرام بصراحة / ماتنلام .. و الله يعينكم اثنيناتكم ..
مشيرة ابتسمت / امين ..









ــــــــــــــــ






بعد اسبوع ..
بيوم عقد قران طارق و شجون ..





...... بتنهيده وبطريقة كوميديا / يالله يارب مثل ما رزقت شجون بعريس ترزقني ..
ياربي متى اوقف مثل وقفتها واسوي نفسي خجلانه .. والله بخاطري ياربي ..
البنات / ههههههههههههههههههههه ..
ومن بين ضحكاتهم صوت حاد/ ياقليلة الادب تقولينها وبصوت العالي .. و انتم تتضاحكن عليها ..
اماني بضحكه / شفيك جديده انا دعيت ربي بشي شين .. انا قلت ابي اعرس .. ااااااااااااي ..
البنات / هههههههههههههههههههه ..
ام سطام بغضب / لا والله ضاع الحياء .. اعوذ بالله منكم .. بكره بتجيبون لنا مصايب .. الله يكفينا شركم ياذا الجيل ..
" تركتهم وكملت مشيها لمجلس الحريم .. وهي تستغفر ربها " ..
غرام وهي لبسه فستان ابيض لحد الركبة و بمنتصفه شريطة خضراء .. و فارده شعرها .. ابتسمت / رحتي فيها ..
اماني طالعت بشجون / انتي ايش دعيتي .. اكتبيها وارسليها لي ..
شجون فتحت عيونها / شايفتني مشفوحة مثلك ..
رنا بدون قصد / ايش تبغين بزواج هم و نكد .. عيش حياتك ..
الكل طالعها باستغراب و مية علامة استفهام على روسهم ..
رنا ما انتبهت لزلتها .. / خلنا ندخل نشوف البوفية جوعانه ..








ـــــــــــــــ







باستراحة الشباب ..






طلال بطفش / غير القناة ياهو ..
ياسر باهتمام / قبل شوي معلنين عن موضوع الحلقة شكلة حلو ..
بدر بضيق / الي عن البرود و مدري ايش .. غير غير يا ياسر مانا ناقصين قرف ..
ياسر باصرار وهو ينتبه لتلفزيون / بدا .. شوي بس اذا ماعجبنا نغير ..
الي طنش التلفزيون و ياسر .. و الي بدا يلعب بالوت .. و الي من الطفش طالع التلفزيون مع ياسر ..
بدر فالاول مكان عاجبة بس شد انتبه نقطة تكلمت فيها الدكتورة ..
انتهى الموضوع و غير القناة ياسر و بدر مازالت عيونه على الشاشة و كلام الدكتورة يدور بعقله ..
عناد هز كتف بدر / هييي ..
بدر طالع له .. عناد ابتسم / يااخي مشتاق لها روح وخذها ..
بدر ابتسم وهو يعدل جلسته ../ لا مو لها الدرجة ..
عناد بجدية وهمس / طيب ايش فيك .. ليه قطعت سفركم و رجعتوا .. ايش صار ..
بدر هز راسه / ولا شي .. بس ماعجبني الجو ..
عناد رفع حاجبة / الجو اروع منه مافي ..
بدر / كان بارد وجاف .. اتعبني و اتعب المدام فرجعنا ..
عناد بضحكه / اهاا المدام ماعجبها فطاوعتها ..
بدر ابتسم و صد عن اخوه .. / ............







ــــــــــــــــــ





يوم جديد ..




وقف السيارة قدام احد المباني .. طالعت فيه .. بدر بامر / انزلي ..
رنا عدلت شيلتها و فتحت الباب ونزلت ..
تقدم منها بدر ومسك يدها غصب عنها وسحبها معاه .. راحت تمشي وراه وهي تتلفت يمين ويسار ..
طلعوا للمصعد .. شافته يضغط على رقم الدور الي رايحين له ..
طلعوا من المصعد و دخلوا لـ " عيادة النساء و الولادة " .. فتحت عيونها للاخير .. ليش جابها هينا ..
بدر سحب كرت من جيبه و اعطاه الممرضة .. " رنا بداخلها .. يعني جاء قبل للعيادة واخذ موعد " ..
الممرضة بابتسامة / سواني بس وهئلا بيطلع المريز " ثواني بس و يطلع المريض " ..
فعلا طلع المريض و دخل بدر و رنا لعند الدكتورة .. الدكتورة ابتسمت من شافت بدر .. / اهلا و سهلا ..
بدر برسمية / اهلين دكتورة .. هذي زوجتي رنا الي كلمتك عنها ..
الدكتورة بابتسامه / اهلين مدام رنا .. فيك تفتحين وجهك و تاخذين راحتك ..
رنا نزلت النقاب .. وبين ملامحها و الخوف و الضياع مرسومه فيها " ..
الدكتوره بابتسامه / زوجك جاني امس و كلمني عن وضعكم .. فانا حابه اسمع منك ..
رنا للحين مو فاهمه .. الدكتورة بدات توضح لها ورنا احمر وجهها خجل و بدا العرق يتصبب منها ..
الدكتورة طلبت من بدر يطلع حتى تتكلم هي ورنا اكثر و على نطاق اوسع ..







ــــــــــــــــــ








تحت العريش ..





ام سطام / والله البنات معاد يستحون ..
ابو سطام وهو عاقد حواجبة بسبب الشمس / انتي ايش تبين ..
ام سطام وهي تشوف نايف يتقدم منهم / مو ذا يبيها .. خله يتزوجها .. لا تجيب لنا مصيبه ..
ابو سطام بضحكه / الله اكبر ..
نايف بضحكه / مساكم الله بالخير ..
ام سطام وابو سطام / ومساك ..
ام سطام بدرعمه / انت ما تبي تزوج ..
نايف فتح عيونه / هاا ..
ام سطام بعصبية / انت ماقلت تبي بنت عمك اماني ..
نايف ببساطه / الا .. بس ..
ام سطام بحزم / لا بس ولا غيره .. رح سو التحاليل و ملك عليها وخلاص ..
نايف طالع جده وشافه يطالع بالسماء و الطيور .. يعني مو معارض و لا موافق .. طالع بجدته / بس ياجدتي ....
ام سطام بحده / لا بس ولا شي ..
نايف هز راسه يسايرها / طيب طيب ..








ــــــــــــــــــ






بعد العشاء ..



بيت عيال ابو راكان ..





نايف باستغراب / الا ماسكه روح روح .. مدري ايش جاها ..
العنود وسارة يضحكون عليه وهم عارفين كل السالفه ..
راكان وهو ياكل من صحن الحلا / طيب ايش بتسوي الحين .. ترا طيب عند جدتي يعني وعد ..
نايف تنهد / مدري عاد .. هي قالت بتكلم عمي عبدالعزيز .. و انا توكلت على الله .. كيف مامشت خيره ..
العنود بهمس لساره / وهذي نهاية المزح ..
نايف يطالع بالعنود / ما علقتي على الموضوع ..
العنود تنهدت / تبي الصراحة .. اتمنى تتزوج و بعد ساره تتزوج ..
ساره الي كانت تشرب عصير شرقت و صارت تكح ..
العنود طالعتها بنص عين و بجديه / كحي كحي .. " طالعت بنايف و راكان " .. اماني صح صغيرة و محنونه شوي ..
بس قد المسؤولية .. وانا اشوفها مناسبة كثير لنايف و حابتها .. وانت مو ناقصك شي ..
فلوس و عندك و بيت وعندك و هذا انت تشتغل و تدرس .. فليه ما تتزوج و تكمل نص دينك زي ما يقلون ..
ساره تتنحنح .. و بعصبية / طيب الموضوع يخصهم انا ايش دخلني ..
العنود بحده / راح يكون زواجك مع زواجه صقر مثل نايف ماينقصة شي ..
و عمتي مياسة زوجة كل بناتها و فضي عليها البيت .. و ودها تفرح بصقر و صقر مافيه عيب حتى ينرد ..
ساره شوي و بتبكي / و انا ايش دخلني فيه .. و عمتي عندها روان و ريما .. انا مالي دخل و لا ابغى اتزوج ..
" و قفت وراحت لغرفتها و هي تحاول تمسك دموعها و تكتم شهقاتها " ..
العنود و هي تحط رجل على رجل و تريح ظهرها على الكنب / لانها منتظرين موافقتك ..
نايف يطالعها و يطالع راكان اللي ياكل من الحلا و لا علق بكلمه .. نايف / وانت ايش رايك ..؟
راكان وهو يعدل جلسته / بصراحة انا كنت شايل همك انت و ساره اكثر شي ..
واتمنى صقر يتمم خطبته و يعجل بزواجه .. صقر رجال .. و اثبت هالشي بعد الي صار ..
نايف سكت شوي .. تنهد بعدها / طيب .. ربك يسهلها و يكتب الي فيه الخير .. لكن ساره ..
العنود بكل تاكيد / خلها عليه انا اعرف لها ..










ـــــــــــــــــ








بعد شهر ..





قبل زواج متعب بليلة ..





بيت مياسة ..




رنيم تطالع بريهام / ما حد سالك ليش ماحملتي ..؟
ريهام بهدوء / من تقصدين ..؟ .. و علشان اريحك .. لا محد سالني ..
رنيم باهتمام / ما لمحتلك شي جدتي ..
ريهام تنهدت و بطفش / لا .. محد .. و بعدين الي يسمعك يقول لي من سنين متزوجه .. مو شهرين ..
رنيم و هي تاكل تفاحة / ابرار مو طبيعيه ..
ريهام طالعت برنيم وبتمتمه ساخره / والله انتي الي مو طبيعيه ..
رنيم / مجننه فارس كل اسبوع رايحة المستشفى تسوي تحاليل ... من عرفت ان نوال حامل ..
ريهام سندت راسها على مخدة الكنب .. و هي تكلم نفسها " حنا خلينا نعيش مثل المتزوجين و بعدين اسالوا ..
ابتسمت .. بس تحسن كثير عن قبل .. الحمدالله .. صار يسولف و يضحك معاي .. " ..
فاقت على صوت رنين جوالها .. رفعته و شافت صورة زياد .. فتحت الخط و بهمس / هلا ..
الحمدالله بخير .. " ابتسمت بفرحة " طيب .. بس نص ساعه واكون جاهزة ..
رنيم اول ماشافت ريهام تنزل الجوال / خير ..
ريهام و هي توقف و تعدل بلوزتها بفرحه / زياد عازمني على العشاء برا ..
رنيم ابتسمت / طيب .. مع السلامه ..
ريهام طلعت بسرعة و ريما نزله .. ريما بتساؤل / ايش عندها .. مابقى الا تطير .. " تقصد ريهام " ..
رنيم وهي ترتخي على الكنبة / زياد عزمها على العشاء برا ..
ريما ببرود / اممم .. " جلست على الكنب وهي تسحب الريموت من على الطاولة و تغير بالقنوات " ..
ريما ببرود / ما بتروحين زواج متعب ..
رنيم وهي تغمض عيونها بخدر / لا تعبانه و ثقلانه .. ما فيني .. راح اجي عندك انا وفهودي يافرحتك ..
" وبتساؤل " .. الا صح ليه تقولون زواج متعب و لا تطرون سيف كان الي بيتزوج متعب بس ..
ريما ابتسمت / يمكن لانه الاكبر .. " وبضحكة " .. ترا امس نوال تتكلم عن ذا الموضوع تقول سيف منقهر ..
يقول الكل يقول زواج متعب .. فقدت احساس الفرح بزواجي ..
انتظرت الرد من رنيم لكن ماسمعت منها الا انتظام انفاسها .. رجعت تطالع بتلفزيون وهي مو مع الي ينعرض ..
مرت من قبالها ريهام و ودعتهم و لا انتبهت لها .. كانت تبين للكل من عرفت بطلاقها بان مايهمها شي ..
بس هي تحترق من داخل .. جلست جنبها روان و هي تنفخ على اظافرها لينشف الصبغ .. / ريما ايش رايك ..
ريما طالعتها و ببرود / حلو ..
روان بضيق / شوفي زين .. هالحركة حلوة والا ....
ريما قاطعتها بطفش / روان قلت لك حلو .. اذا مو عاجبك غيري .. ولا تغثيني ..
روان زمت شفايفها بضيق ووقفت راجعه لمكانها ..







ـــــــــــــ






بيت ابو عناد ..



ام عناد بهدوء / ان صرتي تفكرين في الحمل و مشغله بالك وشايلة هم ترا ماتحملين .. توكلي على ربك ..
ابرار تنهدت / والله مو بيدي بس افكر ..
ام عناد / يابنتي مدام الدكتورة قالت مابك خلاف يا ربي لك الحمد و انك سليمه انتظري ولا تفكرين ..
بعدين ان حملتي بذا الشهر ماتولدين الا برمضان .. فاصبري 3 شهور و بعدين فكري ..
ابرار تفكر .. ام عناد تكمل / وبعدين شوفي ريهام .. تزوجت معاكم .. ماسوت سواتك ..
ابرار زمت شفايفها / حتى فارس يقول كذا ...
ام عناد بتنهيده / والله يا ابرار بسواتك ذي بتزعلين فارس ..
ابرار رفعت جوالها وصارت تفتحه وتقفله بضياع .. ام عناد / شجون وينهي ..
ابرار بضيق / في غرفتها .. تكلم طارق ..
ام عناد بصدق / يالله توفقهم و تسخرهم لبعض ..







ـــــــــــــــــــ








شقة بدر ..
بعد رجوع بدر من فترة انتدابة بمكه .. " لموسم الحج " ..





رنا بحضنة وهو يلعب بشعرها / رنوشتي ..
رنا بخدر النوم / هممم ..
بدر بجمود / افكر اترك العسكرية ..
رنا فتحت عيونها و بتفاجاء / ليه ..
بدر بجمود / اتعبتني .. و مليت .. حبيت ارجع لشركة ومنها الدوام بيدي متى ما اشتقت لك انسحبت ..
" ابتسم لها ببرود " .. " رنا طالعت بدر لفترة و بعدها رجعت صدت " ..
بدر بهمس / ايش فيك ..
رنا وهي تغمض عيونها و بنبرة مقصودة / انا والا انت .. ترا من جيت من مكه وانت مو طبيعي ..
بدر تنهد / رنا ..
رنا الي التفت بجسمه و صارت تطالعه .. بدر / انتي تعرفين قضايا عمي راشد ..
رنا بسرعة / احد سالك عنها .. والا قالوا لك كلام ازعجك ..
بدر عقد حواجبة / معاد لي مكان بالعسكرية .. كل ما اشتغلت شي احس احد يراقب شغلي ..
وهو مشكك بامانتي و لا واثق فيني و مخوني وانا ما احب هالاحساس .. فافضل اترك العسكرية ..
رنا حطت يدها على خده و باسفه ودموعها غرقانه دمع / اسفه حبيبي ..
بدر عقد حواجبة / وليه تتاسفين .. ترا مو انتي الي غلطتي .. واذا هو ابوك فهو عمي ..
رنا دست وجها بصدر بدر وبدر شد من احتضانها ..









ــــــــــــــ






بيوم زواج متعب و سيف ..




بيت ابو طلال ..



سيف بتوتر / اااا الـ شسمه .. غرفة النوم شفتيها يمه ..
ام سيف بغصة / ايه يمه شفتها و بخرتها .. ربي يبارك لكم و يجمع بينكم بخير .. كلووووووووووولووووووووووش ..
سيف من شاف دموع امه حضنها و بطريقة كوميديا / لا تبكين يمه .. خلاص بطلت اتزوج ..
ام سيف وهي تبتعد عنه وبخرعه / لا من غير شر .. هذي دموع الفرح ..
ام طلال بفرحه / الله يوفقك يارب وعقبال مانفرح بعرس عيالك ..
سيف وهو يقبل راس ام طلال / الله يطول بعمرك ..
طلال يفتح باب البيت وهو ينادي بعالي صوته / يا عـــــريــــــس .. ههههههههههه ..
سيف بضحكه / ايش عندك ..
طلال بفرحه / الشباب ينتظرونك .. مسوين لك مفاجأة ..
سيف رفع حواجبة / والله ياخوفي مسوين لي مفاجعه ..
طلال بضحكه / امشي امشي .. اسمع صوت المطرب فارس فقع طبلة اذن من معاه ..
سيف باستغراب / من معاه ..
طلال بعجله / كل الشباب .. يالله امشي .. تاخرنا ..








ــــــــــــــــ








في اليل ..



البقاعة ..




سند يهمس لعناد / ما شاء الله ياخوال متعب ماتوقعت يجون هالكثر من الجنوب ..
عناد يطالع بالمعازيم / ما شاء الله شوف كيف وقفتهم مع بني خيهم .. ما شاء الله ..
سند بهمس / ايه ماشاء الله .. انا وقفت شي احسيت رجولي طاحت ..
عناد بروقان / شبنا و كبرنا يالنسيب ..
سند بضحكة / تكلم عن نفسك .. لكن انا بعز شبابي ..
عناد بضحكة / و اضح و الشيب الي بدا يطلع بالدقن .. بس مانقول الا جعل ربي يعطينا الصحة ..
و طولة العمر ونربي عيالنا .. " و بفرحة " .. الا غرام ماقالت لك شي ..
سند باهتمام طالعه / زي ايش ..
عناد بفرحة / خالد جاي في الطريق ان شاء الله ..
سند بفرحة / مبروك مبروك .. الله يتمم عليكم يارب ..
عناد بابتسامه / الله يبارك فيك .. امين يارب ..
بعد دقايق .. سند باهمتمام / سويت تحاليل .. شفت الدم و الحديد و الكالسيوم .. لا تنسى الي مرت فيه يا عناد ..
عناد بجديه / لا ماسوينا .. هي توها اليوم سوت الاختبار المنزلين و عرفنا .. بكرة الجمعة مافي عيادات ..
السبت ان شاء ربي رحنا و سوينا فحص شامل ..
سند رجع يريح على الكرسي و حط يده على فمه ياكل شاربه وهو يفكر ..









:
:
:





واقف عند المدخل و هو بكامل اناقته لها الليلة .. سيف جنبة و هوو مو اقل اناقة عن متعب ..
و قبالهم جالس ابو عبدالعزيز وابو سطام يستقبلون المعازيم معاهم .. ابو عبدالعزيز كان يطالع بمتعب ..
بنظرات حنونه و بداخلة " الله يرحمك يا ام متعب ياما تمنيتي هاليوم و دعيتي ربك .. هذا متعب والجوري ..
كبروا و هذا هو عرسهم بليلة وحده .. الحمدالله الي الله مد بعمري .. و شفت هاليوم .. الله يرحمك يا تمرا ..
و يجزا ام عبدالعزيز كل خير ربتهم و كانهم عيالها .. يالله توفقهم و وترزقهم بالذرية الصالحة .." ..






:
:
:






بداخل القاعة بقسم النساء ..







ماسكتها من يدها وتشدها .. و هي تمشي معاها بخطوات سريعة ومو عارفة وين رايحة ..
شجون بخوف / انتي وين بتوديني ..
البندري وهي ماسكه طرف فستانها و رافعته .. / تعالي انتي و بس ..
شجون رافعه حواجبة / انتي اعطيتيني فرصة حتى اقرر سحبتيني معاك ..


,
,
,


..... و اقف بالغرفة و هو يعدل نسفة شماغة / طيب لو بلغتوني قبلها على الاقل استعد اجيب شي معاي ..
مشيرة جالسة على الكرسي و بابتسامة وي تطالع اخوها / انا قلت لك شبكتك هدية مني ..
وهذي هي بالعلبة الحمرا الي على الطاولة .. و البندري اختارت الدبل و جابتها هدية لكم ..
وامي هديتها لام عناد .. و جدتي بعد ماقصرت جاب اسوره بعد هدية لشجون ..
طارق وهو يشد ثوبه من الصدر / طيب هي عندها خبر ..
....... وبضحكه / تتتااااا ..
انشدت الانظار على الباب .. كانت و اقفه بفستانها الوردي بقصاته الرائعه .. معطيها نعومة و انوثة ..
شعرها رافعته كذيل حصان و الغره على جبينها .. بشرتها البرونزية مع مكياجها الناعم .. اعطاها طله جميلة ..
طارق برغم انه تعود عليها بسبب المكالمات المتواصلة بينهم لكن تظل الحظة القاء المباشر غير ..
طالع بمشيرة يبي مساعدتها .. مشيرة ابتسمت وهي توقف و تمسك يد شجون الي ثلجت ..
من اول ماشافت الرجال الي واقف قبالها .. بهدوء / حياك شجون .. اكيد البندري ما قالت لك عن وجود طارق ..
ثواني حتى يتقدم طارق بعد ما اشرت له مشيرة يقبل جبين شجون و بمزاح / ارعبتك هالخبلة ماعليه شغلها عندي ..
دخلت ام طارق و ام عناد و ام سطام وام عبدالعزيز الي اعطتهم الخبر قبلها مشيرة و استاذنتهم ..
بعد مالبس طارق الشبكة لشجون و استقبل التبريكات و الدعوات .. طلع الكل من الغرفة و بقيت شجون و طارق ..
طارق جالس جنب شجون على الكنبة .. مسح على شاربه و بابتسامه / كنا مخططين لشي و صار شي ..
طالعها شافها منزله راسها تطالع الارض بخجل و هي تفرك اصابعها .. ابتسم .. و بلا مقدمات ..
باسها على خدها و وقف .. و بعذر / الحين مشغول و لزم اشوف المقهوين و جدي ماعنده احد ..
اكلمك اذا فضيت ان شاء الله .. " بقي واقف الا ان شجون استغربت طول وقفته حتى ترفع راسها تطالعه " ..
طارق بابتسامه / ما توقعتك كذا .. " تغيرت ملامح شجون لبرود ,, حتى يكمل طارق " .. طلعتي احلى بكثير ..
شجون ابتسمت و هي تنزل راسها بخجل .. طارق بضحكه / طيب ممكن تشوفين لي الممر ليكون فيه احد ..
شجون وقفت و توجهت لباب وفتحته .. طالعت يمين و يسار .. حتى ترجع للغرفة / مافي احد ..
طارق تقدم و مسك يدها و مشي معاها الممر الا ان قرب من باب الخروج الخلفي .. / استودعتك الله ..
شجون ضلت واقفه بمكانه بعد ماتركها طارق و طلع وهي تحس بان قلبها طلع معاه .. تنهدت و رجعت للقاعه ..
شافت الطاولة الي العنود و مشيرة و نوال و غرام جالسين عليها .. نوال نايمه .. و مشيرة و اضح عليها الارهاق ..
العنود بهمس / طيب ماسويتي تسيت بالبيت ..
مشيرة بتعب / مافضيت .. بكرة وخير ان شاء الله .. " طالعت بنوال " .. مسكينه و حامها على النوم ..
العنود ابتسمت / امممم .. " شافت شجون جايه جهتهم ابتسمت لها وهي تغمز بعينها " ..
شجون جلست بمكانها بين غرام و العنود .. مشيرة وقفت اول ماندتها امها وراحت لها ..
شجون بهمس للعنود / شكرا ..
العنود طالعت شجون و باستفهام / على ايش ..
شجون ابتسمت / طارق قالي بانك انتي الي رشحتيني له .. شكرا ..
العنود فهمت عليها / انتي تستاهلينه و هو يستاهلك ..
شجون بغصة / مرات افكر اقوله عن الي صار قبل ..
غرام بحزم / لا .. اياك .. راح تخربين على نفسك .. و راح تفتحين ابواب كثيرة ..
العنود بحزم / انسي .. انسي هالمرحلة يا شجون .. كل بنت في فترة مراهقتها ولها موقف ماتتمناه صار ..
وهذا الشي من الاشياء الي تنسى ولا عاد تنذكر الا كدرس لك و تستغفرين ربك وتحمدينه بانه ارزقك واحد مثل طارق ..
شجون هزت راسها .. التفتت على غرام و شافتها مكشره و واضح انها متضايقه .. / ايش فيك ..؟
غرام ابتسمت / ولا شي .. بس احس اني اختنقت .. و دي اروح للبيت ..
العنود بهدوء وهي توقف / كلها ساعة و ينتهي وتجي الزفة و يخلص الزواج على خير ..
انتبهوا لي على الظبي " الي نايمة بعربيتها بهدوء " .. انا رايحة اشوف متعب دخل على عروسته ..









:
:
:







سيف واقف مع طلال .. وبتوتر / طيب ايش اسوي ..
طلال بضحكة / ايش الي ايش تسوي .. ربك يسهلها يا اخوي .. انت ما تشوفها الا عدت و لا حسيت كيف ..
سيف بقهر / كيف يعني .. ابي اعرف كيف ادخل .. ادخل مدرعم و الا اتنحنح .. كيف اسلم عربة و الا مصافحة ..
طلال يضحك / هههههههههه داخل على واحد كم الشباب انت ..
سيف بغبنة / طلال ...
طلال يهدي من الضحك / طيب تقبلها على جبينها وتقول لهاا مبروك وبعدينن عاد مدري ايش يصير ..
سيف برعبه / ليه ايش بيصير ..؟
طلال بابتسامة / كل خير .. يعني يمكن تجيب مصورة يمكن ماتجيب .. مدري ايش مخططين له ..
بعدين تطمن مابتكون لحالك امي و امك وخواتنا معاك ..
سيف بحزم / ايه اكيد اهم شي امي لزم تكون معاي ..
طلال يكتم ضحكه / يالله بتوفيق ..








:
:
:






بعد مادخل متعب على زوجته و باركوا لهم و تصوروا وانزفت عروست متعب .. دخل متعب على اخته ..
و بعدها دخل سيف وابو عبدالعزيز و عبدالمحسن و ابو طلال .. وبعد التبريكات طلعوا ..
ودخلت ام سطام وام طلال و ام سيف و اماني ونوال .. كان سيف واقف جنب الجوري وهو مرتبك ..
وبداخله " جعلك تنحشر يامتعب الليلة .. كله منك .. لو ما وقفت بطريقي و ماخلتني لا اشوفها ولا اكلمها ..
كان حالي اهون من ذا الحال .. حسبي الله عليك الله ينتقم منك .. و الليلة "..
سمع صوت اماني .. / هييي .. المصورة تبي تصوركم تحرك ..
طالع فيها بنص عين / وين اروح يعني ..
اماني وهي تحط يدها على خصرها / اسمع كلام المصورة هي تقولك ..
سيف طالع بالمصورة الفبينية وهي تاشر لهم ووتامر عليه و مو عاجبته بس مايقدر يقول شي ..
المصورة طلبت من سيف يحتضن وجه الجوري و لأول سيف ينتبه لملامح الجوري .. بفهاوة / ما شاء الله والله حلوة ..
سمع صوت ضحكه عاليه .. التفت الا اماني ميته من الضحك لدرجة جلست على الكرسي من كثر ماتضحك ..
والجوري احمر وجهها خجل .. سيف بقشلة وخرعة من ضحكة اماني / انتي ايش مقعدك .. و راء ما تطسين ..
اماني من الضحك مو قادرة تقولة جالسة علشان اساعد الجوري بحركة فستانه ..
سيف يشد بشته / تطلعين بالطيب و الا ..
اماني خافت من اخوها و هي توقف و تتوجه للباب اشرت للجوري تودعها و طلعت وهي مازالت تضحك ..








:
:
:







ام سند جلست جنب ام طارق و بمحبة / عقبال عرس طارق و ماجد ..
ام طارق بابتسامه / امين .. يارب ..
ام سند بابتسامة / ما شاء الله يا البندري .. عروس ..
ام طارق بابتسامة / الله يرزقها بالزوج الي يصونها و يحفظها لها اليتيمه ..
ام سند بابتسامة و نبرة مقصودة / ان ما عندكم مانع .. اتمنها في حلي و محلي ..
ام طارق برزانه / الله يكتب الي فيه الخير .. العلم بيد اخوها و جدها ..
ام سند بمحبة / انا بغيت اجس نبضك قبل الرجال ..
ام طارق بابتسامة / والله يا ام سند .. انتم اهلنا .. انساب و اخوان .. و ما راح القاء لبنتي حمله احسن منكم ..
لكن انا ما بيدي شي .. كل امرها بيد جدها الله يطزل بعمره و اخوها .. انا اكلمهم و ارد لك خبر ..
ام سند بفرحة / خير ان شاء الله ..







:
:
:







بعد ما انتهاء الزواج ..





بيت ابو طلال ..



ابو طلال و ام سيف و ام طلال و اماني و مرام ..
طلال و هو بيطلع الدرج تذكر سيف و بضحكه .. وهو يلتفت / اماني ..
اماني الي شايلة جزمتها الكعب بيدها / نعم ..
طلال بضحكة / انتي ايش مسوية لسيف ..
اماني من تذكرت الي صار انفجرت ضحك / هههههههههههههههههههههههههههههههههههه ..
ابو طلال الي مسترخي على الكنبة ضحك من ضحكت بنته / ايش صار ..
اماني وهي ترمي نفسها على الكنبة .. / و لدك .. خقققققققققققققققققققققق ..
ابو طلال مازال مبتسم .. / ما ينلام ماشاء الله ..
اماني بضحكه / لا هههههه .. مسك وجهها و قال بفهاوة و ماشاءالله والله حلوة .. هههههههههههههههههههه ..
ابو الغزل ياهووووووووووووووو .. ههههههههههههههههههههههه ..
الكل / هههههههههههههههههه ..
ام سيف بعبرة / ياروحي يا ولدي ..
ابو طلال يوقف و بابتسامة / الله يوفقه و يسهل عليه .. " طالع اماني " .. ترا نايف كلمني ..
نتيجة التحليل طلعت .. والحمدالله متوافقة ..
اماني وهي توقف و تسحب جزمتها " اكرمكم الله " .. بجرائه و جنون / صدق .. مبروك يا نفسي .. كلوووولووووش ..
طلال بصراخ / بنت عيب ..
ابو طلال / ههههههههههه .. خليها .. مالكم دخل فيها .. انا عاجبتني خلوها براحتها ...
اماني تمد لسانها لطلال .. و هي تبوس خد ابوها / فديت باباتي انا ..







:
:
:






بعد مانزل الظبي بسريرها .. التفت على العنود و هو يتنهد .. العنود مدعية انها تدور على شي ..
وبضيق / يووووه بتال .. نسيت جوالي بسيارة .. الله يخلك روح جيبه ..
بتال قرب منها و بهيام / ضروري ..
العنود برجاء و غنج / اكيد .. كيف اتطمن على ساره .. بــلــــيــــز ..
بتال بابتسامه / تامرين امر ..
اول ماطلع و تاكدت العنود خروجه من البيت .. سحبت الفرشة و المخدة الي كانت مجهزتها مسبقا ..
و تركتها على الكنبه الي بصالة .. قفلت جناحهم و الباب المشترك مابين الصالة و غرفة سلطان و الظبي ..
وتركت المطبخ و الصالة و حمام الخارجي لبتال .. فتحت شنطتها و طلعت الجوال .. حتى ترسل لبتال ويرجع ..
اول مادخل وشاف الي على الكنبة عقد حواجبة باستغراب .. تقدم و فتح باب الجناح الا مقفل ..
و باب غرفة سلطان والظبي مقفله .. كان جناحهم و غرفة الظبي و سلطان بينهم باب مشترك ..
بتال حط يدينه على خصره وهو يفكر .. و من بين اسنان / العنود ..
العنود بضحكه / تصبح على خير يا الساخن .. و خيرها في غيرها .. ههههههههههههههه ..









انتهى ..




سبحان الله و الحمد الله و لا اله الا الله و الله اكبر ..

اتمنى تعذروني عن التاخير .. والقصور .. ولكل من سال عني .. شكرا و الله لا يحرمني منكم ..



مشاعل السعودية ..