شوفى يا مشاعل شكلى وحش انا علقت قبل قراية الفصل معلش سماح عامة اتمنى لعنود التوفيق وتعرف تذل بتال وتجيب راسه يسلمو ميشو

السلام عليكم ورحمه الله وبركاته كيف حالك شعوله ، هذي اول مشاركة ليا ، ومشكوره على الرواية الاكثر من رائعه ، طولتي الغيبة على محبينك ان شاءالله انك بخير انتي وكل من هو غالي عليك

"





بسم الله الرحمن الرحيم ..

السلام عليكم ورحمة الله وبركاته ..

الحمد لله والصلاة والسلام على رسول الله ..

توكلنا على الله .. لا اله الا الله محمد رسول الله ..





البارت 55 ..








الأسمر اللي زارني في محلي
الله يجيره من جميع الصواديف
عيا على قطع المواصيل خلي
يومه درى في علتي زارني ضيف
جلس يسليني بهرج يسلي
صادق لو إن الهرج بدعه وتأليف
اليا ضحك جيته من الضحك كلي
واليا سكت ضاعت جميع السواليف
قال التغلي ؟ قلت ما من تغلي
قلت الفراق ؟ قال ما من تكاليف
وقال أبروح وقلت واكبر غلي
وقامت تدق طبول قلبي تحاسيف
ليال عمري كلبوها غدن لي
عداك ياليلة رجوع المواليف




" عابرة سبيل .. رحمها الله " ..







عند مدخل صالة الافراح ..

ام عبدالعزيز / جعل افراحكم دايمه .. و الله لا ينكد عليكم ..
ام سطام / امين بحياتك يا الغالية وعقبال ما تفرحين بعيال ولدك ..
ام خزامى و هي واقفه جنب ام بتال و ام طلال / الا اقول يا ام بتال ..
الجوهرة طالعتها بنظرات " لانها زوجة عم مشيرة " .. و بجفاف / نعم ..
ام خزامى / ماودك تروحين تزورين ام بندر ..
ام طلال عقدت حواجبة / ايش عندها ام بندر ..
الجوهرة باهتمام تستمع .. ام خزامى بحزن / ربي يشافيها و يرفع عنها .. بالعناية المركزه من شهر و اكثر ..
ام بتال بصدمه / لااا ..
ام طلال بضيق / لا حول و لا قوة الا بالله .. ايش فيها ..
ام خزامى / والله يا اختي ما سالت بس حق العيش الي جمعنا و حق السلام و اجر زيارة المريض بروح لها ..
واتسامح منها .. برغم على الي وصلني انها ما تحيط عن الي حولها ..
ام بتال و ام طلال / الله يشافيها ويرفع عنها ..
ام بتال / ان شاء الله ابي اروح ..
ام خزامى / خلاص اجل خلك جاهزة يوم السبت قبل الظهر .. نروح سوى .. اذا الله شاء ..
ام بتال / ان شاء الله ..







ــــــــــــــ







رنيم و هي تربط نقابها / رايحه بيتي .. سند ينتظرني برا ..
ريهام وهي تشيل شنطتها / وانا رايحه زياد ينتظرني برا .. يالله اشوفكم المغرب ان شاء الله ببيت امي ..
" التفتت لريما " .. ترا كل شي مرفوع و جاهز وارسلناه لسيارة صقر ..
ريما هزت راسه / ايه عارفه ..
روان قربت من رنيم / امي تقولك سند معصب وليه مقفلة جوالك ..
رنيم بعصبية وصراخ / مززززاااج .. انقلعي عن وجهي .. " وهي تتوجه لباب الخروج من القاعة " ..
روان حاطه يدها على قلبها / وانا ايش دخلني ..
ريما بضحكه / هي من حملت وهي معصبه .. كان حنا السبب ..
روان تكش على اختها رنيم الي طلعت / ياختي خلها تروح لمصدر الريحة الاساسي خنقتنا بريحة عطره مغير تبخبخ به..
ريما / هههههههههههههه .. يالله خلينا نروح نشوف امي ..








ــــــــــــــــــ









امام الباب الخلفي لبيت عيال سطام ..




حملت الظبي على كتفها و دخلت ..
,
لحقها و هو شايل سلطان على كتفه و مخلي السيارة شغاله ..
,
اول ما دخلت على طول توجهة لغرفة الظبي و سلطان ..
,
لحقها .. شافها تنزل الظبي على سريرها و تحاول ترجعها تنام .. نزل سلطان على سريرة و غطاه بالفرشه ..

تنهد وهو يقرب منها و بهمس حتى لا تصحى الظبي / رايح اجيب باقي الاغراض من السيارة و ارجع ..
العنود هزت راسها و هي تطالع بالظبي .. ما نطقت بكلمه من طلعت معاه ..
وقفت بعد ما تأكدت من نومة الظبي .. وبخطوات سريعه و هي تلتفت لباب الجناح ..
دخلت لغرفة النوم و من بعده غرفة الملابس سحبت الشيلة و نزلت العباية ..
اخذت روب الحمام من العلاقة .. و فتحت الدولاب حتى تطلع ملابسها ..
وبقهر و هي تعض شفتها .. / الحين لزم امر من الغرفة حتى اروح للحمام " اكرمكم الله " ..
و بداخلها ترتجي ربها / يارب ما جاء يارب ..
اول ما خرجت من غرفة الملابس التفتت لباب غرفة النوم حتى تمشي خطوتين سريعه متجه للحمام ..
شهقة بقوة اول ما شافت بتال منزل غترته و واقف قبال التسريحه .. بتال التفت لها باستغراب ..
العنود انخطف لون و جهها .. حتى تعتدل و تكمل طريقها و لا كان شي صار ..
بتال الي انتبها انها بتروح للحمام وبيدها روب الحمام .. بداخله " معناتها بتغسل ذا الزين " ..
بحده / على وين ..
العنود التفتت له ورفعت حاجب على النبرة الي تسمعها / ابي اتحمم ..
بتال يتقدم لها وهو يرفع حواجبه / لا والله .. عادي كذا ..
العنود رمشت عيونها باستغراب / ......
بتال اول ما اقترب منها شدها حتى يقبل جبينها .. حتى يحمر وجه العنود ..
بتال بهدوء / مبروك ..
العنود بهدوء اكبر / يبارك فيك .. " و لفت عنه تبي تكمل طريقها للحمام " ..
مسك يدها و خلاها توقف .. و بحده / على ويييين ..
العنود بطفش / ابي اغسل قبل لا تصحى الظبي على وين يعني ..
بتال يقرب منها اكثر خلاها ترجع خطوه لورا من الخرعه / و بامر من ..
العنود حطت يدها على خصره / ومحتاجه امر .. هذا شي بديهي .. الوحدة قبل ما تنام وهي جاية من عرس تغسل ..
بتال بخبث / هذا لمن تكون ماعندها زوج او زوجها ما يبي يشوف زينها ..
" بخبث اكبر " .. او يكون زوجها خلاص اخذ الي يبي و بعدين .. " بمط بالكلمه " .. تـــتـــوكــــل ..
العنود زمت شفايفها لا شعوريا .. بتال قرب منها اكثر و بهمس / يا مفتريه .. احنا كان عرسان بأول ليله ..
تصرفي كانها اول ليلة نعرس فيها .. ابي احس بها الليلة الي يقولون عنها ليلة عرسه .. اسمع بها ما احس فيها ..
العنود فهمت مقصده و بعناد وخبث / والله اول ليلة الي تتكلم عنها هذي حقت اول ليلة للي توهم متزوجين ..
مو مثلك انت و انا .. الي عندهم عيال .." وهي تاشر على غرفة عيالهم " .. لو يصحون وما يلقون احد حولهم ..
بيبكون و يدورون امهم .. يعني اتركني اسوي شغلي و اروح لعيالي الي رجعت لك بسببهم و حط ذا الشي في بالك ..
وتركته و هي تمشي للحمام .. بتال الي رفع حواجبه و ابتسم بروقان لحقها حتى يسحبها من ورا ..
العنود الي ما انتبهت له انه لحقها شهقة وهي تلتف .. وجات عيونها بعيون بتال الي مبتسم بخبث ..
بتال باستمتاع / طيب نتصرف كالمتزوجين و عندهم بزران وبيستغلون فرصة نومهم ..
العنود بعدم فهم وهي مكشره بوجهها / هااا ..
بتال بضحكه / يعني ابي حقيييي و الليلة ..
العنود حمر و جهها و جات بترد .. بس بتال سبقها / بتقولين لا الملائكة تلعنك .. انا ابي و ما ابي اسامح بحقي ..
" وبخبث " .. الا .. بشرط .. " وهو يرفع يده و ياشر بصباعه ..
العنود حطت يدها على خصرها .. و بطفش / الي هو ..
بتال ينزل يدها عن خصرها .. و بحده / اعتدلي بوقفت و كلامك لا اغير رايي ..
العنود اعتدلت بوقفتها .. بتال يقرب منها تجلسين معاي الين ما يجيني النوم ..
العنود بتلعب عليه وهي تتوجه للحمام / طيب اغير و اجيـــ ..
بتال يمسكها و يسحب الي بيدها ويرميه على الكنبه بس ما وصل للكنبة و تناثر على الارض / لالالا ..
كذا بزينك .. " انتبه للبس الي رماه .. حتى يقرب منه و يجلس يفتشه و يتاكد .. رفع حاجب و بصدمه "..
هذا لبس تلبسه وحده عند اول ليلة بعرسها .. " كان بيجامه قطنيه بالون الرمادي و الابيض طويلة و باكمام "..
العنود رفعت حواجبها / ان شاء الله تبيني البس قميص نوم ..
بتال وقف / و ليه لا .. مو من حقي انك تتزينين لي ..
العنود بقوة و ثقة / لمن اكون راجعه لك علشانك .. هذك الوقت تستحق اما علشان عيالي ..
" وهي تاشر على نفسها " .. لا .. ما يحقلك شي ..
بتال يقرب منها / وباي دين ذا .. انتي رجعتي لي .. و صرتي زوجة لي .. وكل شي يحق لي .. غصب عنك ..
العنود ابتسمت بسخرية / عادي صدقني .. لانه مو اول مره تغصبني او بالاصح تغتصبني ..
بهت وجه بتال وسكت .. اما العنود سحبت الروب و ملابسها و دخلت الحمام " اكرمكم الله " ..







ــــــــــــــــــ







بشقة عناد ..




دخل غرفة النوم و هو ينشف شعره من اثر الماي ..
شافها واقفه عند التسريحة تمشط شعرها .. لبسه قميص نوم ابيض مخصر و من الركبه و تحت شفاف ..
خلصت تمشيط شعرها و تركته .. سحبت الدورج الصغير وحطت المشط فيه ..
حست بيدين عناد تحاوط خصرها .. حست بانفاسه على خدها .. و بهمس / نعيما ..
غرام بخجل / ينعم عليك ..
عناد وهو يبتعد عنها .. و ياخذ عطره من على التسريحه و هو يتعطر / تراني جوعان من اول ..
" التفت لها وبخبث " .. والحين جوعت اكثر " وهو يغمز لها " .. وانتي ..
غرام بتطنيش تركته و راحت لصاله .. ابتسمت غصب وهي تسمع ضحكة عناد العالية ..






ــــــــــــ





بشقة بدر ..



رامي غترته و عقاله و البشت على الكنبة جنبه .. وقاعد يطالع قدامه بباب غرفة النوم وهو ينفخ و معصب ..
استغفر ربه ووقف توجه للحمام يتحمم و يهدي اعصابه ..

اما هي ..
كانت قاعده على السرير ترجف من البكي و الخوف ..لملمت الفرشة ولفتها على نفسها تحس بالبرد كسر عظامها ..



بعد وقت ..


دخل بدر ابتسم لها مجامله .. / ترا اذن الفجر .. بروح اصلي في المسجد ..
رنا انكمشت على نفسها اكثر ..
بدر تنهد وهو يقرب من السرير و يسحب المخده ../ ما راح اسوي لك شي .. و تراني ما اكل و لا سفاح ..
و لا اعتقد وجهي مرعب حتى تخافين هالخوف كله .. و علشان تتطمنين اكثر راح انام بصالة ..
وانتي خذي راحتك هينا ..
رنا نزلت عينها بخجل وهي تلوم نفسها .. بس مو قادره تسيطر على هالخوف ..
بعد ما سمعت صوت باب الشقة يتقفل .. وقفت حتى تتوجه للحمام " اكرمكم الله " ..






ـــــــــــــــــ







يوم جديد ..




قاعد على الكنبة قبال التلفزيون ويقلب بالقنوات .. وهو عاقد حواجبه ..
العنود و الظبي وسلطان قاعدين على طاولة الاكل ..
العنود بيدها ملعقة الاكل و هي تاكل اولادها / مين البطل مين .. مين .. يييممممميييي .. شطورة الظبي ..
بتال طالعها بطرف عينه و رجع يطالع بالتلفزيون ..
فجاه نط عليه سلطان .. التفت على سلطان و ابتسم .. شال سلطان و حطه بحضنه و هو يبوسة بقوه ..
انتبه ان العنود دخلت المطبخ تغسل الاواني .. و تطالع فيه و تطالع بجه ثانية ..
طالع بالجهه الي هي تطالع فيها وشاف الظبي واقفه وتطالع فيهم و هي تفرك يدينها خجلانه ..
ابتسم لها / تعالي بابا .. حبيبتي الظبي .. تعالي يا روحي ..
سلطان بلكنته الطفولية / الي ..
الظبي التفتت لامها وراحت تجري لامها و تحضنها ..
العنود وهي تشطف يدينها طالعت بالظبي .. / روحي لبابا .. بابا حبيبي ..
بتال ابتسم على كلمة العنود .. وقف وهو شايل سلطان على كتفه .. / وماما حبيبتي ..
العنود طالعته ببتال / قلتها حتى تامن لك ..
بتال بابتسامه " وهو يوقف خلفها مباشره " ../ وانا قلتها علشان تصدقين ..
العنود كش جسمها وهي تبتعد .. وتقدم الظبي ..
بتال بابتسامه / ياالله نروح نتمشى .. نغير جو شوي ..
العنود مسحت على شعر الظبي .. وبهدوء / طيب اغير ملابس الظبي و سلطان و نمشي ..






ــــــــــــــــ








بيت ابو عناد ..



عناد يشرب من فنجان القهوة .. / الساعة 8 الطيارة ..
ابو عناد / من يوصلكم المطار ..
عناد ابتسم / اكيد سند ..
غرام طالعته وبنص عين / احمد ربك و اشكره ان الشيخ سند بيوصلك ..
عناد طالعها وبابتسامه يخفيها / هذا اخر شي اسمح له يتدخل فيه و يزعجنا ..
غرام فتحت عيونها / خير في ايش ازعجك سندي ..
عناد التفت لابوه و بخبث / اجل يا ابويه فيه احد يجي لاحد بعد صلاة الفجر و هو توه عريس ..
غرام بدفاع / جواليه نسيته و جابه لي .. اجل كيف يتطمن عليه ..
عناد بصدق / ليته ما جابه .. فرايض و سنن كانها .. كل بعد صلاة متصل .. ازعجني ..
و اذا ما رديتي اتصل عليه .. ايش البلشه ذي .. يامن شراله من حلاله عله ..
غرام بعصبية / لا والله .. سند ازعاج و انا عله .. ترا انت الي جيت لنا مو حنا جينا لك ..
ابو عناد بعصبية / وهي صادقة .. " وبخبث " .. مدام هذي سواياك اجل سافر لحالك و خلي غرام عندنا ..
و يا محلى علتها و ازعاج سند ..
غرام بزفرة / وعمي صادق روح لحالك .. " وهي تصد عنه " ..
بعد ثواني .. / الو هلا ابو فهد .. اسمع يا اخوي ايش تقول اختك .. و انا داخل بوجهك تنصفني ..
تقول سافر لحالك .. و انا ابي اقعد عند سند .. ما اقدر اسافر بدونه .. " فتح عيونه على الاخير " ..
اقول كل تبن و انقلع صدقت بغيتك عون بتصير فرعون ... اجل طس .. اكلم عمي ابرك منك ..
قفل جواله و رجعه لجيبه .. ثواني سمع جوال غرام يرن .. غرام فتحت الخط و هي تبتسم / هلا ..
لا .. بس .. طيب .. هو كله منه .. حتى اسال عمي خالد .. " ابتسمت " .. طيب .. حتى انا بس هو خبل ..
عناد فتح عيونه وبصدمه / انا خبل يا الخبلة ..
ابو عناد الي فرحان بهم و بنقارهم .. دخلت شجون و بيدها صينية معجنات و فطاير ..
و بعدها ام عناد بيدها صينية الشاهي .. غرام قفلة الجوال و دخلته بشنطتها ..
عناد ابتسم من شاف شجون / يا الله حي العروس قريبا ..
ابو عناد اعتدل بجلسته .. و بجديه / خل شجون بحالها ما لك دخل ..
عناد طالعه و باستغراب / ليه ..؟
شجون بجديه / ما ابي اتزوج ..
عناد عقد حواجبه وبحده / نعممم ..
شجون بقوة بوجود امها و ابوها / ما ابي ياسر .. ما ابيه ..
عناد طالع بـ ابوة باستفسار .. ابو عناد بهدوء / انا شاورتها اول شي بياسر ..
عناد بطوال بال / طيب ..
ابوعناد / وانا استخرت ربي .. و شاورتها و كلمت ابو سند و سند ..
ابو سند قال الراي عند شجون .. و سند حلف ان ياسر ما يتبدا على طارق .. طارق اخير من ياسر ..
غرام تدخلت / عمي ..!
الكل طالعها / الحين بسالك و لا تعتبر ياسر اخوي و لا ولد اخوك .. لو جاك ياسر و طارق .. من الي تاخذه لبنتك ..
ابو عناد سكت .. و عناد طالع بشجون وهو ياخذ فنجان الشاهي و طنش سؤال غرام ../ وليه ما تبين ياسر ..؟
شجون و هي تعطي غرام فنجان الشاهي .. / استخرت اكثر من مرة .. و ماني مرتاحه له ..
عناد بنظرات صغيرة حادة / و طارق ..
ابو عناد / نهاية الاسبوع ارد له خبر .. يا ايوه يا لا ..
عناد عقد حواجبة / وليه يعني نهاية الاسبوع ..
ابو عناد / هذا طلب عمك ابو سند .. وخلنا نفكر زين و نتريث ..
عناد تنهد و هز راسه / خير ان شاء الله ..







ـــــــــــــــــــ







شقة بدر ..


بالصاله ..
ياكل من الفطاير و يطالع برنا ..
رنا كانت تشيل الاكياس و تحطهم بسلة الزبالة " اكرمكم الله " ..
لبسه بنطلون جينز بنقوشات خفيها و بلوزه بيضاء بنقشات مشابها للي بالجينز .. ورافعه شعرها كله لفوق ..
نزل عينه اول ما حس بانها تبي تلتف .. رنا بصوت خافت خجول / خلصت ..
بدر رفع عينه / ايش ..
رنا احمر و جهها و انبح صوتها / خـ.. خلصــ..ــت ..
بدر ابتسم / يعطيك العافية .. " و هو يطالع بصحن الي قدامه " .. خلاص جهزي نفسك مادام انزل الشنط ..
رنا هزت راسها و راحت لـ الغرفة .. بدر تنهد و هو يسترخي على الكنبة يفكر بحالها .. وبهمس / ..
خجل .. او خوف .. او شي ثاني .. " غمض عيونه " .. لالالا .. لا تفكر كذا ..
" وقف وهو يتنهد " .. يا الله .. افرجها من عندك يا كريم ..







ـــــــــــــ






جناح زياد و ريهام في بيت سطام ..



ريهام وهي واقفه قدام المراية بغرفة النوم .. بهمس / اغير او لا .. طيب هو زوجي يعني عادي ..
" تنهدت " .. خليه يتعود .. شوي شوي .. " شدت شعرها " .. مدري يصير او لا ..
" شدت نفسها وعدلت الفستان و شعرها " .. بسم الله .. " وطلعت من الغرفة ..
شافت زياد يطالع بالفراغ و شكله سرحان .. ريهام تقدمت منه وهي تهدي نفسها ..
زياد انتبه لصوت الكعب .. حتى يلتفت و يشوف ريهام بكامل اناقتها .. ابتسم لها بحنان ..
وردت لها الابتسامه بخجل .. جلست على الكنبة و هي تشد الفستان التيفاني بنقوش خفيفه يوصل لنصف الفخذ ..
بعد وقت .. ريهام باهتمام / زياد .. ايش فيك ..
زياد طالعها .. و بعده طالع الارض / راكان .. شاك بشي .. وناشب لي اساله ..
ريهام بتساؤل / عن ايش ..
زياد احمر وجهه و بتوتر / عن .. عن .. يعني .. " وسكت " ..
ريهام بنبرة مقصودة / عن علاقتنا ..
زياد طالعها .. ريهام تكمل / العنود سالتني قبل زواج عناد و بدر بكم يوم ..
زياد فتح فمه من الصدمة .. ريهام تستكمل / مو بطريقة مباشرة .. بس انا فهمت ..
زياد اختنق حتى يصد عن ريهام .. سحب شماغه و كان راح يطلع .. ريهام و قفت بوجه .. / وين بتروح ..
زياد صد عنها وحاول يبتعد .. بس ريهام مسكت يده / انا زوجتك .. الي يضرك يضرني ..
و انا وعدتك راح اساعدك .. و اوقف معاك و لا اترك .. تذكر .. تذكر لمن اخذتني من بيت امي ..
ورحنا البحر و تكلمنا .. و وعدتك .. و انت وعدتني تساعد نفسك و تتغلب على هالخوف ..
و الدكتور طمنك .. " وبرجاء " .. لا تخيب ظنوني و تتركني زياد ..
زياد طالعها لثواني حتى يرفع يده و يلفها عليها ويحضنها .. ريهام رمت نفسها بحضنه و لفت يدينها عليه ..
كان راسها على صدره .. و صوت ضربات قلبه باذنها يضرب بقوة .. خافت عليه .. حتى تبتعد عنه خوف عليه ..
زياد الي كان وجهه محمر و بدا العرق يتصبب منه ..
ريهام بعد ما ابتعدت عنه ابتسمت / فيه فطاير امي مسويتها و مرسلتها علينا .. ايش رايك احطها مع الشاهي ..
زياد هز راسه .. ريهام راحت للمطبخ بسرعة .. وزياد رمى نفسه على الكنبه يحاول يضبط انفاسه ..
اما ريهام و قفت بالمطبخ و هي تحاول تختفي عن زياد .. تبلع عبرتها حطت يدها على صدرها .. / يالله .. يالله ..
بعد ما هديت شوي .. ابتسمت .. وبهمس / حضني .. " شهقت بخفوت و بمزح " .. قليلة ادب فرحانه لانه حضنك ..
وهي ترمي شعرها على كتفها / ويعني .. زوجي " وهي تهز خصرها حتى تضحك و تكتم ضحكتها وهي تعض لسانها..







ـــــــــــــــ






بسرعه و هي تفتح الباب بالمفتاح ..
حتى يدخل وهو شايل الظبي على كتف و سلطان على الكتف الثاني ..
العنود بسرعه تدخل غرفة عيالها .. و بضيق / لو شلت انا و احد مو احسن من العناد ..
بتال وهو واقف رفع حاجب / محد منعك ..
العنود فتحت عيونها و حطت يدينها على خصرها / مو من اول قايلة لك خليني اشيل و انت الي مو راضي ..
بتال وهو يرفع حواجبه / اول مو ذحين ..
العنود فهمت وهي تنقز بسرعه تشيل الظبي حتى تنيمها على سريرها وتغطيها ..
التفتت حتى تشوف بتال ينزل سلطان على سريره ويغطيه .. سحبت نقابها حتى تسحب الشيلة ..
طلعت من الغرفة متوجه لغرفة النوم .. دخل و راها بتال وهي تنزل عبايتها و تعلقها ..
تقدم منها و حضنها العنود ضمت جسمها و التفتت له ..
بتال وظهر العنود على صدره .. بهمس / ماطاح شي من الحطب ..
العنود وهي تحاول تبتعد عنه .. عقدت حواجبها / اي حطب ..
بتال بابتسامه و هو يطالع لفوق / هو يا انتي بريئة .. و الا غبية .. " طالعها بخبث " ..
بس الي انا متاكد منه .. لا هذا ولا ذا .. وانتي فاهمه مقصدي زين ..
العنود صدت عنه و هي تبعد يدينه .. بس بتال ما سمح لها .. و بهمس / مو مسموح لك ذا المرة ..







ـــــــــــــــــ






يوم جديد ..





واقفه قدام العناية ..
ام خزامى تدعي بهمس مسموع .. و ام بتال عيونها معلقه على الجسم الي قدامها .. وبهمس / وين عيالها ..
زوجها .. اهلها .. ليه ماحولها احد .. غير هـ الهندية شغالتها ..
ام خزامى بهمس / كلن لاهي بحاله ..
ام بتال / بس مهما كان .. ذي امهم ..
ام خزامى تنهدت / يا ختي مثل ما تقدمين تلاقي .. الله يجعل ها الالم و المرض تخفيف عنها بالاخره .. خلينا نمشي ..
ام بتال رجعت الشيلة على عيونها و مشيت وراء او خزامى وهي تفكر ..






ــــــــــــــــ







بيت ابو سند ..




سند وهو يقلب بمجلة قدية لقيها على الطاولة بدون تركيز .. بنبرة / لا ..
ابو سند عقد حواجبة / ليه لا .. انت ايش بينك وبين اخوك ..
ياسر تنهد / يبه .. انا ما ابيها ..
سند بسخرية / عاد هي الي تبيك وميته فيك .. بنت رجال ما تشتري الا رياجيل ..
ياسر بعصبية / ليه مانت شايفني رجال ..
سند هز راسه و بابتسامه ساخره / لا .. رخمه ..
ياسر بعصبية توقف / لو هي اخر بنت بهالكون ما ابيها .. و راح اتزوج الي انا اختارها ..
ام سند بعصبية / لا اله الا الله .. انت و اياه ايش عندكم .. انت ما تبي شجون وهي ماتبيك ..
خلاص انتهى الامر .. بس انت ما بتقعد كذا .. بتتزوج و غصب عنك ..
ابو سند بحدة / وامك صادقة .. لا تحسبني مدري عن سهرك لا اخر اليول ..
لا زوجت اسهر قد ماتبي بصُرك .. مانا مكلفين بك ..
ياسر تنهد و بطفش / بس ما ابي اتزوج الحين ..
ابو سند بحدة و قرار صارم / يا تختار الي تبي .. والا و الله لتتزوج بنت عمك غصب عنك ..
ياسر بعصبية / شجون لا .. ما ابيها ..
ابو سند و قف و بعصبية صرخ / وليه ايش فيها بنت اخوي من عيب ..
ياسر طالع بسند و رجع طالع ابوه و هو يهدي نفسه / الله يستر علينا و عليها ما شفت منها شي ..
بس شجون كانها غرام .. اختي كيف اتزوج اختي ..
ابو سند هدي و جلس / اجل تتزوج غيرها ..
ام سند بترغيب / والله عند بيت المنصور بنت حلوة و مزيونه .. اخت طارق الصغيرة ..
ياسر بدون تفكير / خلاص اخطبيها لي ..
سند طالع اخوه بصدمه .. ام سند و ابو سند بفرحة ابسموا .. ابو سند / خلاص اكلم جدك و نخطب البنت من اهلها ..
سند طالع اخوه وهو رافع حاجب / تاخذ اخت طارق الي بيصير زوج شجون ..
ياسر طالع بسند و بعدها سحب جواله و هو طالع قرب من سند / افهمها زي ما تبي .. ما تهمني ..
ترك ام سند وابو سند يتناقشون بالموضوع الجديد .. وسند يفكر بتصرف اخوه ..








ــــــــــــــــــــــ








جالسه على الطاولة و تاكل الظبي و سلطان .. لبسه بنطلون رمادي و بلوزة زيتيه .. رافعه شعرها كله فوق ..
جالسه قبال التلفزيون .. مرة يطالع بالتلفزيون ومرة يطالع بالعنود .. وبهمس / يا لطيف ..
عاقده الحواجب و مبوزة .. و تاكل الظبي و سلطان كانها تحارب .. و الالوان الي لبستها ..
واحد بالجيش .. " شافها تطالعه .. ابتسم ابتسامه عريضه وكلنها دعاية لمعجون اسنان " ..
العنود طالعته باستغراب .. كانت بتقوله بروح لجدتي بعد شوي ..
بس من شافت شفايفه تتحرك وهو يطالعها ضيعت ايش تبي .. وبهمس وهي ترجع تاكل عيالها / الحمدلله و الشكر ..
بتال تنحنح وبصوت مسموع / اقول حضرت الضابطه ..
العنود رفعت عينها تطالعه ولانها ما فهمت / هااا .. ايش قلت ..
بتال وهو يتعدل بجلسته / اقول يا مدامتي يا زوجتي يا حلوة .. هل تعلمين بانك عروس ؟..
و لزم تكونين كاشخه , حلوة , مبتسمه " وهو ياشر على شفايفه بعلامة الابتسامه " ..
طيب خلينا من عروس .. مو مهم .. هل تعلمين بانك انثى ..
العنود طالعته ببرود و بخبث / فقدت الشعور بـ الانوثة و فرحة العروس و لا يحتاج اذكر لك المسببات ..
بتال عصب .. / اوسكار بالنكد .. " وقف وهو يسحب محفظته و جواله و سبحته " ..
العنود ما كان صار شي / بروح لجدتي ..
بتال بدون لا يطالعها / لا .. مالك طلعه من البيت ..
العنود بخبث / راح اطلع .. و انت بنفسك الي راح تتصل و تقول مسموح ..
بتال طالعها و بنبرة جادة / لا تعانديني يا العنود .. انتي الخسرانه صدقيني ..
العنود ابتسمت و هي ترفع صوتها / ما في شي اخسره كثر الي خسرته ..
بتال قفل باب الشقة بقوة .. وهو وراء الباب / صبرا جميل و بالله المستعان ..







ــــــــــــــــ








شقة سند ..




دخل شاف الشقة حايسه .. عقد حواجبه .. سمع صوت قربعه بالمطبخ .. فتح عيونه للاخير ..
وهو يشوف فهد بالمشايه واقف عند الادراج و يلعب بالملاعق .. بسرعه قرب منه ..
و سحب الملاعق من يده .. و رجعهم بالدرج .. تفقد و جه فهد و شاف خدشه قريب من عينه ..
و باحد اصابعه اثار دم .. بعصبية .. سحب فهد من المشايه و غسل وجهه و يده .. و تطمن ان الخدوش خفيفه ..
طلع لصالة و بعصبية / رنيممم .. رنننييييم ..
رنيم الي غفت عينها وهي على الكنبه .. فتح عيونها و بخرعة وهي تعتدل وتجلس / هااا .. ايش فيه ..
سند بعصبية / منخمدة و مخليه الولد .. لقيته بالمطبخ يلعب بالسكاكين شوفي عينه بغى يفقعها ..
رنيم فزت واقفه و رجعت جلست من الدوخه الي جاتها فجاه ..
فهد الي اول مرة يشوف ابوه يصارخ زم شفايفه حتى يفتح فمة بصراخ و يبكي ..







ــــــــــــــــ






بيت ابو بتال ...





بتال بقهر و هو يتكلم بصوت منخفض ../ اذا مرت ساعة مانكد عليه فيها اتوقع تموت ..
مشيرة بهدوء / لا تقول كذا ..
بتال طالعها و تنهد / اقولها انسي و خلينا نبدا صفحة جديدة .. الا ترجع للموال الاول .. وتنكد عليه ..
مشيرة ابتسمت و هي تتذكر كلام العنود / تبي الصدق ..
بتال طالعها ../.......
مشيرة ابتسمت / هي مستحلفه فيك ..
بتال ابتسم / عارف تبي تبرد قلبها يعني .. " تنهد " .. يعني انا الي قلبي مافيه شي .. وخاطري طيب ..
مشيرة بجدية / ترا العنود طيبة .. تصدق لو غيرك سوا فيه الي سويته كان ممكن تنسى وتسامحه ..
بتال باستغراب طالعها / وليه انا لا ..
مشيرة بجدية / لانها قالت ذا الي راح اقدر اقول له عن ابوي حاله .. وراح يفتح عين راكان علينا ..
بما انه قريب من راكان .. كانت تشوفك انت الوسيلة الي تشيل عن كتوفها ..
بتال بعصبية / هي ماتكلمة .. كيف بنعرف وهي تغطي ..
مشيرة بقهر / ماكانت تبي تعلن و لا كانت تبي تخبيه عنكم ..
بتال بعدم فهم / هاا ..
مشيرة تنهدت / كانت تخاف من ان ابوها و امها ينضرون .. كانت تشتغل من وراء لوراء ..
حتىى يسلمون من شر الي اذوهم .. " و بعتب " .. و لا تنسى .. انت ما ترك لها مجال حتى تقول ..
كسرتها من اول ليلة .." بتال طالعها متفاجأ " .. العنود قالت لي كل شي ..
بتال صد عنها وهو يتمتم / ياحبكم يا الحريم للفضايح ..
مشيرة ابتسمت و هي توقف / اقول .. اتصل على العنود و قول لها تروح لخالتي ..
بتال طالعها / لا .. خلي عنادها يفيدها .. " وقف " .. ان شاء الله اجي بعد العشاء عسى القي امي من كم يوم ما شفتها ..






ـــــــــــــ






يوم جديد ..





مشيرة بهمس / طيب جاريه ..
العنود وهي تشرب من فنجان القهوة / ليش ..
مشيرة فتحت عيونه / ايش الي ليش .. بتعيشين عمرك كله نكد ..
العنود ببرود وهي تطالع فنجان القهوة / عمري ما فيه شي الا هو ..
مشيرة تنهدت / لا .. بس ثلثينه هو ..
العنود بدون اهتمام / مستغنية ..
مشيرة بقهر / وعيالك ..
العنود طالعت مشيرة / ايش فيهم بعد ..؟
مشيرة / كل عمرهم بيشوفون امهم و ابوهم عايشين بين عدم الاحترام و الصراخ على بعض .. اكيد راح يكبرون ..
و يتصرفون نفس التصرف لا يحترمونك و لا يحترمونه .. و انتي و هو الي بتخسرون ..
العنود صدت عن مشيرة وجات عينها على الجوهرة .. حتة تاشر عليها بحواجبها و هي تهمس / ايش فيها ..؟
مشيرة طالعت بالجوهرة وبصدق / مدري .. بس مرة متغيرة .. سجلت بالتحفيظ .. مع عمتي و بناتها ..
و تطلع من غرفتها .. و تسلم عليه و تجلس معاي .. .. وتسال عن الاخبار .. و لكن شي بيننا ..
العنود بهمس / اهااا .. الله يثببتها ..
مشيرة بنبرة / الي هداها يهديك ..
العنود ابتسمت و هي تغير الموضوع / متى راح يجون اهلك يخطبون ..
مشيرة رفعت حواجبها / و كان الاخبار مو عندك ..
العنود بصدق / لا و الله ما سالت .. و لا عندي علم ..
مشيرة / نهايه الاسبوع .. و اذا تمت الامور راح يسوون التحاليل و يملكون بعدها ..
العنود بضحكه / كل شيء بسرعة ..
مشيره بضحكة / مسكين ماجد .. كل يوم يستعجلهم .. واذا قالوا يمكن يصير شيء .. راح تصدق هههههههه ..
العنود ضحكت / ههههههه يستاهل .. لا مو داري انا ايش بسوي بعد ..
مشيرة فتحت عيونها / حرام عليك .. و الله ليسوي سوات سعود .. ترا هو من عرف بقصة خطوبة سعود ..
وهو معجب بها .. و يقول ليتني عرفت بها من زمان كان سويتها وريحت عمري .. ههههههههههه ..
العنود بخبث / اووووووه جاتني بدون لا اتعب ..
مشيرة عقدة حواجبها / ايش هي ..؟!!
العنود بضحكة / راح اوصل امنيته لخزامى .. و يحب كوعه اذا شاف اظفرها ..
مشيرة برعبه وبصوت عالي / و اللي يرحم و الديك لا تجلطينه .. العنود لا تخربينها بينا ..
الكل فجاة التفت عليهم .. و العنود انفجرت ضحك .. مشيرة تمسك كتوف العنود / حلفي ما تسوينها .. حلفي ..
العنود مو قادرة ترد من الضحك .. و مشيرة صارت تضربها و تقرصها ..








ــــــــــــــــــ








بتركيا ..





عناد دخل الجناح و هو يدور عن غرام .. شافها و اقفه عند الشباك .. وقف و راها وهو يحضنها / ها كلمتي سند ..
غرام وهي تسند راسها على كتف عناد .. ابتسمت / ايه .. يسلم عليك ..
عناد ابتسم / الله يسلمه و يبعده .. ما يصر يمر يوم و ما تتصلين ..
غرام ابتسمت / الا يصير .. لمن هو يتصل عليه ..
عناد وهو يقبلها على خدها / طيب خلينا نطلع .. و سند نشوف لها حل بعدين ..
غرام وهي تبتعد عنه و تلبس الشيله / ههههههههههه .. ما راح تقدر تبعده ..
عناد ابتسم و هو يسحب المظله .. / نشوف ..





:
:
:




بجناح ثاني بنفس الفندق ..



لهم نص ساعة راجعين من برا ..
بدر تحمم و غير ملابسها و جلس قبال التلفزيون .. رنا ما زالت بالحمام " اكرمكم الله " ..
شاف الساعة .. تاخرت بالحمام .. و قف حتى يستعجلها تطلع .. و يشوف اذا جوعانه مثله ويطلب لها اكل ..
دخل الغرفة شافها واقفه عند دولاب الملابس و هي بروب الحمام .. تقدم بهدوء و حضنها ..
رنا الي فزت بخرعه و هي تشهق .. لفت و جاء وجهها بوجه بدر ..
بدر وهو يشدها له .. بهمس / لمتى .. " وهو يبوسها برقبتها و كتفها .. حس بثقل جسمها " ..
اول ما جاء بيبعدها انزلقت من بين يدينه و طاحت على الارض مغمى عليها ..
بفجعه .. وهو ينحني عليها .. ويضرب خدها كف حتى تصحى / رنا .. رنااا ..
رفع راسه يدور على ماء او عطر اي شي يساعده .. شاف كاسة ماي على التسريحه ..
رش على و جهها و مسح عليه .. حتى تفتح عيونها و ترجع للوعي شوي شوي ...
اول ما حست على وضعها .. و تذكرت الي صار .. جلست و هي تشد الروب على جسمها و تبتعد عن بدر ..
بدر جلس قبالها وهو مقهور ../ ايش فيك .. ما انتي طبيعيه ابدا ..
رنا الي عيونها امتلت دمع نزلت راسها ../ ....
بدر و هو يقرب منها / رنا .. انا واحد فاهم .. و متعلم .. اذا فيك شي قولي لي .. و الله ما راح اسوي لك شي ..
رنا هزت راسها بلا / ......
بدر بطولة بال / ايش معنى ذا الحركة .. يعني ما تبين تقولين لي .. و الا ما فيك شي .. و الا ايش بضبط ..
رنا وهي تشد الروب على جسمها .. و ترجع على وراء .. بدر تنهد و وقف / بكره رجعين السعودية ..






ــــــــــــــــ







يوم جديد ..









شقة رعد و هيفاء ..





هيفاء / رعد ..!
رعد و هو منسدح على الكنب و منيم سعود على صدره / هممم ..
هيفاء / للحين عمي و خالتي ما يدرون انك مانت دكتور ..
رعد وهو يلعب بشعر سعود " ولده " / من قال اني ماني دكتور ..
هيفاء تطالعه بنص عين / رعيد .. ترا اعرف انك مانت دكتور ..
رعد بروقان / انا دكتور بس مو طب ..
هيفاء / المهم .. عمي و خالتي ما يدرون ..
رعد / لا ..
هيفاء / ماراح يزعلون لو عرفوا انك كذبت عليهم ..
رعد بتفكير / لو زمان .. ايه يزعلون .. لكن الحين لا .. اهم شي اني جنبهم و متزوج و مبسوط و طيب ..
هيفاء عقدت حواجبها / الا عمي ايش فيه له كم يوم ضغطه مرتفع و تعبان ..
رعد بتوقع / شكله فيه شي مزعله بس ما يبي يقول .. بكرة او بعده بيقول لسلطان و الا سند ..
" رعد طالع هيفاء " .. ليش سالتي هالسؤال ..
هيفاء بتفكير / البارح .. دخل وكان بيروح غرفته .. قاموا البنات و سلموا عليه .. حسيت سلامه بارد لـ الكل ..
و لمن جات ريما تسلم عليه صار يطالعها بنظرات غريبه ..
رعد بسؤال مفاجاء / الا اخوك غيث رجع ..
هيفاء تنهدت بضيق / رجع .. بس صاير قالب ثلج .. و طول وقته بالشغل ..
رعد / و ريما .. ما جاها .. و الا اتصل ..
هيفاء هزت راسها / لا .. و امي كل ما كلمته قال الله يستر عليها ..
رعد عقد حواجبه / ايش قصده ..
هيفاء رفعت اكتافها / مدري ..
رعد تنهد / اليوم بروحح اشوفها .. اما يعتدل .. و الا تسريح بإحسان ..
هيفاء فتحت عيونها / يطلقها ..








ـــــــــــــــــ









شقة بتال و العنود ..





العنود بالمطبخ .. تجهز كيك و عصير ..
و بتال و الظبي و سلطان جالسين على الارض يلعبون ..
العنود نزلت الصحن على الطاولة .. و جلست على الكنب ..
بتال رفع راسه و طالع بالعنود / خلصتي اخيرا .. نفسي اعرف سرك طايح بالمطبخ ..
العنود طنشته و بدات تاكل من الكيك .. اشرت لت الظبي / تعالي ماما ..
الظبي هزت راسها يعني ما تبي .. بتال طالع بالعنود و قام و جلس على الكنبه جنبها ..
بعد ثواني .. / انتي ليش بارده ..
العنود بتسايره / كيف يعني ..؟
بتال انقهر من برودها / زي كذا .. " وهو يكب كاس العصير عليها " ..
العنود شهقت .. و الظبي و سلطان ضحكوا عليها .. بتال فز واقفه و ابتعد عنها ..
العنود بعصبية طالعت ببتال / خذ راحتك .. بس والله مردوده ..







ـــــــــــــــــــــ







مجلس ابو سطام ..




سند جالس جنب جده / ايش فيك يبه .. لك كم ما انت عاجبني ..
ابو سطام تنهد .. و بضيق / جاني غيث بعد الزواج ..
سند عقد حواجبة / متى جاك .. و حنا و ين كنا ..
ابو سطام و هو يحط يده على عكازة / ضحى اليوم الثاني .. وجاب معه هالورقه ..
" وهو يطلع ضرف من جيبه " .. وانا والله من اعطاني اياها و جثم شي على صدري ..
سند وهو يفتح الظرف و يشوف الي فيه .. بصدمه / طلاق .. طلق ريما ..
ابو سطام هز راسه ../ طلقها .. و بثلاث ..








انتهى ..



سبحان الله .. و الحمدالله و لا الله الا الله .. و الله اكبر ..



عذرا لتاخير ..
ظروف صعبة امر فيها ..
دعواتكم لي ..



مشاعل السعودية ..

بآرت ججميل مثل جممالك
اول مافتحت وشفت البارت نزل قمت ااصارخ , خخخخ الله يسعدك ~

السلام عليكم

باااارت جمييييل سلمت اناملك الفنانه
باارت حماس بعد غيبه دائماً تذهليننا بكتاباتك

تعليقي على البارت :
رنيم وسند : ههههههههه رنيم واقع نعيشه بس أتمنى أنها تخفف على سند والله مااايستاهل ولازم بعد تنتبه لفهوود هو توه صغير حراام
العنود وبتال :اممممم لكل فعل رده فعل وهذا ردها على بتال خليها هال فتره تبرد خاطرها فيه لانه يستااهل بس هال فتره وبعدين لا بس هي زودتها شوي بس بتلين بعدين يصبر عليها ولا يقسى عليها عشان مايطول الجفا
عناد وغراام :الله يخليهم لبعض ولا يغير عليهم سمن على عسل
بدر ورنا : اممم خوف طبيعي عند كل البنات بس هي بزياده اممم هو مو نفس زياد أتمنى كذا لان بيكون موقفهم حساس جداااً
وأتمنى ما تزودها السالفة اذا زادت مصخت
زياد وريهام : فتره وبتعدي على خير ان شاء الله بس الصبر .........