ااانا ماسجلت الا علشان الرواية:$
بليز مميشوو حددي متى ينزل البارت ..
ونبي فيها اكشنن وحمماس وكيذا طوولي البارتات :)
شككرا ععلى هيك روايه

السلام عليكم و رحمة الله و بركاته ..


كل عام و انتم بخير ..

و عيدكم مبارك ..

تقبل الله منا و منكم ..


الي سجلو على شاني ربي يعلي شانكم .. مشكورين و نورتوني ..

وحشتوني حيل حبيباتي ..


البارت ان شاء الله بعد دقائق بسيطة يكون موجود ..


كونوا بخير ..

كل عام وانتي بخير شعوله

ننتظرك وننتظر العنود وبتال

سبحان الله لهم من اساميهم نصيب

هي عنيده وهو مبتل بخباله وشكه

حزني زياد ووضعه يا الله شلون بيقدر يتجاوز مشكلته

وانا ضد انه اعترف لزوجته مهما كان بيظل هالموضوع بينهم

وجهة نظري الشخصيه يمكن صح ويمكن خطأ

"





بسم الله الرحمن الرحيم ..

السلام عليكم ورحمة الله وبركاته ..

الحمد لله والصلاة والسلام على رسول الله ..

توكلنا على الله .. لا اله الا الله محمد رسول الله ..





البارت 54 ..









هذى اللى غلاها مايبى قول قايل
هذى اسباب غيضى والرضا والهيام
هذى رسومها بين الضلوع النحايل
هذى اللى على صدر القصيده وسام
الاصايل يجنّك مثل أهلهن أصايل
والوكاد إنّها منهن بليّا كلام
يوم فلّت على الخصر النحيل الجدايل
وإستدارت خجل مدرى تصنّع غرام
عودها مال لو هى ماتبيه يتمايل
ماهو بكيفها من لين ذاك القوام
واقف وكن رجلى فوق جرف متهايل
للجمال بعيون العاشقين إحترام
قلت فى خاطرى مانى عليها بعايل
لكن القلب سابقنى برد السلام
مانى اللى حذف عند الزناد الفتايل
يومها ولّعت ناره تغطّى ونام
واجد الزين عند الحاضره والقبايل
شفت واجد ومرّنى مرور الكرام
بس هذى وصايفها علوم وهوايل
كنّها قطعةٍ من نور بدر التمام
ياكثر ملحها والا الحلا له دلايل
حورٍ عيونها والخشم سلّة حسام
كن ذيك الخدود.... بروق ماتنتخايل
لا كساهن شعرها شفت برق وظلام
تعسف الخيل ونفوس البشر تنتحايل
مير خيل القصايد مايطيق اللجام
إنتحيت ولقيت القلب مامن صمايل
كل ماذعذع الغربى من الشوق هام
ياكثر مانى من الشوق والحب شايل
من عشق مثلها وشلون بالله يلام






" متعب التركي "..











في غرفة سلطان بالمستشفى ..



سلطان على السرير يلعب مع طلال .. عبدالعزيز جالس جنب العنود و يلعب الظبي بمفتاح سيارته ..
الظبي تدخل بحضن امها وتبتسم بخجل .. عبدالعزيز ابتسم وهو يكلم العنود وعيونه في عيون الظبي ..
... / والله انكم انتم مسببين رعب للبنت .. ها جيت كم يوم وراء بعض والعبها امنت لي ..
العنود تنهدت / والله يا عمي مدري .. انا محتارة معاها ..
عبدالعزيز يمد يده بالمفتاح حتى تمسكه الظبي .. وهو يسحب الظبي لحضنه ..
الظبي رمت المفتاح وكانت بترجع لحظن امها .. عبد العزيز شد عليها وهو يضحك و يدغدغها ببطنها ..
الظبي ضحكة و تعفس شماغ عبدالعزيز وطاح عقاله .. طلال يطالع بابوه و الظبي و هو متفاجأ ..
طالع بالعنود وبضحكه / ما شاء الله .. حبت ابوي ..
عبدالعزيز من شاف ان الظبي بدات تتضايق و تبتعد وشكلها بتبكي اعطاها امها .. وبضحكه / اووووه ..
انا كل الاناث تحبني .. " وبغرور ودلع وهو يلوي لسانه " .. وخصووصن خصووصن المزيونات ..
العنود و طلال / ههههههههههههه ..
سمعوا طق على الباب .. حتى ترجع العنود وتلبس نقابها .. دخل سلطان و بتال وبعدهم الممرضة ..
بتال ابتسم وهو ييقرب من سلطان / ها يا بطل .. نروح البيت ..
سلطان ابتسم وهو يرمي الكورة الاسفنجية على ابوه .. بتال يمسكها / اوووباااا ..
عبدالعزيز باهتمام / ها ايش قال الدكتور ..
العنود انقهرت من بتال الي ما تكلم .. ابو بتال بفرحة / الحمد الله و الشكر له .. طلع سليم ..
والتحليل الي قبل مالها من الصحه شي ..
العنود بهمس / الحمد الله .. الحمد الله .. الحمد الله ..
ابو طلال و طلال .. / الحمد الله ..
طلال رفع حاجب و بتعجب / ما تلاحظون الاخطاء الطبية كثرانه ذا الفترة ..
ابو طلال / والله يا ولدي دائما الشر يكون واضح اكثر من الخير ..
الحين يوم انتبهت على تحاليل سلطان و الخطاء وتعلق عليه .. ليه ما تعلق على الدكتور حاتم وشطارته ..
و غيره .. بالطب وانا ابوك فيه الشين و فيه الزين ..
ابو بتال براحه / المهم الحين سلامة سلطان .. " الممرضة الي سحبت الابره و بكي سلطان متالم منها " ..
بتال حمل سلطان و ضمه .. وبحنان / خلاص حبيبي .. " باسه بقوة على خده ".. اااه يا حلو هالريحه ..
العنود كانت تطالع ببتال و هو يحضن سلطان وما انتبهت لنظرات عبدالعزيز ومراقبته لها ..
عبدالعزيز يقرب منها وبهمس / وانا عمك .. علاج عيالك عند ابوهم .. لو تبين علاج عيالك ومصلحتهم ..
ارجعي لبتال .. انا ابو .. واعرف ايش يعني الولد لابوه .. استخيري و فكري ..
العنود كش جسمها و نزلت راسها تطالع بيد الظبي الي على يدها .. و تمسح عليها ..
عبدالعزيز تعدل بجلسته و وقف وبصوت و اضح / ما تشوفون شر و الحمدالله على سلامتها ..






ــــــــــــــــــــ





بعد صلاة العصر ..




طلع من المسجد بسرعة .. وهو يدور بعيونه على اخوه .. من الصبح ما شافه ..
شاف نايف و اقف مع فارس و سيف و سامر و صقر .. و قف جنبهم / سلام ..
الشباب / وعليكم السلام ..
سيف بابتسامه / ناموسيه كحلي يا باشا .. شكلك طولت في النوم ..
راكان الي كان سهران و نومه ما كان مرتاح فيه .. سبب له صداع .. بعصبية / نايف تعال ..
نايف هز اكتافه لشباب بعد ما ابعد راكان " يعني مدري ايش فيه " .. ولحق اخوه ..
راكان تباطا بالمشي حتى يلحقة نايف .. نايف من قرب من اخوه / سم ..
راكان اول مادخل المجمع صار يتلفت يدور سيارة اخوه / وين زياد ..
نايف / جاء بعد الظهر سلم على العنود و مشي لرياض قبل العصر ..
راكان وقف متفاجأ / وزوجته ..
نايف باستغراب / معاه .. الفجر صلى و راح لبيت عمتي مياسه اخذ زوجته و راحوا للفندق ..
راكان طالع بنايف لفترة و بعدها مشي لبيتهم .. نايف طالع باخوه باستغراب وبعدين لحقه ..







ــــــــــــ







بعد المغرب ..



بيت ام سطام ..



ام سطام تطالع بساره / يابنت العنود وينها ..
ساره وهي معاها صحن الحلا / يمه العنود تعبانه شوي ما نامت زين بالمستشفى ..
والحين مصدعه و دايخه تنتظر يأذن العشاء حتى تحط راسها جنب عيالها و تنام ..
مشيرة وهي تشرب من فنجان القهوة / اي والله انها تعبانه مسكينه .. واضح الارهاق بوجهها ..
ام سند / انتم متى بتجون بيتكم ..
مشيرة التفت لها و ابتسمت / من امس وانا في بيتي ..
ام عناد فتحت عيونها / والله .. ما درينا ..
ام عناد وهي تجلس توها جاية من الغرفة صلت المغرب / لا اله الا الله .. الجوهرة وينها فيه ..
ام سند طالعت بمشيرة الي كانت تسولف مع ساره و عادي عندها الوضع .. وبهمس / من شافت مشيرة داخله ..
قبت عباتها و اخذت الباب .. " و بخبث " .. شوفي سوايا اخوك فيها .. شوفي رقبتها و صدرها ..
ام عناد ابتسمت وبهمس / اص .. ما تنلام الجوهره يوم قبت عباتها وهجت .. " قبت يعني اخذت " ..
مياسة وهي تنغز الهنوف / خذي من الحلا .. حلي حتى يحلو هرجك انت واختك ..
ام سند ابتسمت وبخبث / تبين حكي حلو يا ام صقر؟!! .. من اي نوع ؟!!..
مياسه فهمت مقصدها وبابتسامه / اص لا تفضحين عمرك عند حرمة اخوك الجديدة ..
مشيرة انتبهت لهم وبضحكه / ام سند .. كلامها يبي له تشفير .. ترا بينا بنات صغار ..
ام سند وهي تفتح يدينها / الله يا الصغار عاد .. يرحم زمان الطيبين .. متزوجة و مخلفه وماتعرف ايش يعني الجنابة ..
اماني دخلت عرض بالسالفة وهي فاتحه عيونها / الله .. فيه وحده ما تعرف ايش معنى الجنابة ..
ام سيف الي كانت جالسه قبال بنتها .. اخذت الخدادية ورمتها عليها / اص .. يا قليلة الحيا ..
الحريم كلهم ضحكوا .. ام سند / هههههههههه ام سيف .. على ما اذكر وانتي حامل بأماني عرفتي ايش يعني الجنابة ..
ام سيف حمر وجهها خجل من تذكرت الموقف / اي والله ..
ام عناد بضحكة / الظاهر المعلومة عرفتيها انتي و وصلت لبنتك .. هههههههههههه ..
الكل / ههههههههههههههههههه







ــــــــــــــــ












بعد الساعة 10 ..





دخل البيت .. شاف بتال و سعود و سامر قبال التلفزيون ..
سعود و سامر يلعبون بلايستيشن .. و بتال يطالعهم ..
ابو بتال / السلام عليكم ..
الكل وقف و تقدموا منه سلموا عليه و رجعوا جلسوا كل و احد مكانه ..
ابو بتال طالع يمين و يسار / وين وليد ..
بتال باحترام / تعشاء و نام ..
ابو بتال باهتمام / شفت وزنه كم ..
بتال / ايوه ناقص 3 كيلوا ..
ابو بتال عقد حواجبة و بضيق / انتم ماتراقبون اكله ..؟
بتال بضيق / انا انشغلت بعيالي ..
سامر وهو يطالع بشاشة / انا اراقب اكله .. و ادويته عند خدامته .. و انا اشرف عليها ..
اخر موعد رحت معاه عند الدكتور .. قال تحليله سليمه .. و الدم طيب عنده ..
ابو بتال ما عجبه الوضع / بكره انا اخذه لدكتور ان شاء الله و اشوف موضوع الضعف ذا ..
" توجه لدرج وطلع فوق متوجه لجناحه .."
بتال واخوانه يراقبون ابوهم الا ان اختفاء عن عيونهم ..
سعود يلتفت على بتال وبلقافه / ظنك يروح يمين والا يسار ..
بتال وهو يمسح على شنبه / يمين امي .. و يسار نمبر تو ..!!
سامر بكل تاكيد / نمبر تو يا حلو .. انت شفتها .. اوووه صاروخ ما شـ .. ايييييي ..
سعود يمسك الخدادية اللي رماها بتال على سامر وطاحت بالارض .. / ههههههههههههههه .. ضربة موفقه ..
سامر بعصبية / انا ايش قلت ..؟
بتال بعصبية / تغزلك بالحرمه .. ما تستحي انت ..
سعود بضحكه / امس ماشفتها يوم دخلت مع ابوي فاتني قهر ... واليوم اول ما دخلت بعد العشاء ..
وامك كانت هينا .. قسم بالله قلت الحين بتقوم مذبحه .. من شفتك دخلت وراها ارتحت .. لو انا لحالي تربط يديني ..
بتال بتافف / انت مطول .. ما تبي تروح لحرمتك ..
سعود وهو يمسك جواله / الا بس انتظر اتصـ ... " فتح عيونه للاخير " .. اوووه جوالي مقفل .. خلص شحنه ..
بتال ابتسم / جعلها تكون اتصلت و انت مطنش .. وتعصب وتطردك من البيت ..
سعود عقد حواجبه وهو ياخذ شماغه وعقاله .. بتمثيل انه ضايق / لا تدعي على اخوك .. يكفي ان حرمته عوبا ..
بتال و سامر / ههههههههههههه ..
سعود بضحكه و هو يلبس شماغه / بس الحمد الله عوبتي تحبني .. ما تقدر على طردي .. سلام ..
بتال و سامر بضحكه / وعليكم السلام ..






:
:
:
:




فوق ..
قبال جناح الجوهرة ..
حاول يفتح الباب اكثر من مره بس طلع مقفل .. طق الباب .. و لا رد وصله ..
اتصل على رقم الجوهرة سمع رنين جوالها و بعده تقفل .. تافف بضيق وصد عن الباب ..
جات عينه على باب جناح مشيرة .. البارح قضاه بمكتبه سهران وما شافها ابد .. مشتاق لها ..
بس لازم من عقابها .. عقد حواجبه و كشر بوجهه .. مشي لـ الجناح وفتح الباب ..
كانت توها طالعه من الحمام لفة الروب على جسمها و شعرها تاركته مفتوح واثر الماء فيه..
حطت من المرطب على يدها و صارت تفرك في جسمها .. سمعت صوت باب الجناح انفتح ..
عقدت حواجبها باستغراب .. من فتح الباب بدون لا يطقه .. وقفت بسرعة وراء باب غرفتها ..
سلطان اعطاها خبر بالواتس انه راح ينام عند الجوهره .. / مين ؟ ..
سلطان الي ما شاف احد بصالة الجناح و لا المطبخ .. دخل الغرفة وبصوت جامد / انا ..
دخل وسحب شماغه و فك اول ازرارين من ثوبه .. وبدون لا يلتفت ..
مشيرة رجعت لتسريحة و اخذت الكريم المرطب و حطت على يدها الثانية وصارت تفرك ..
وبنبرة مقصودة وهي رافعه حاجب / ما قلت بتنام عند ام عيالك ..؟
ابو بتال التفت عليها و بحدة / غيرت رايي عندك مانع والا بعد ماتبين قربي ..
مشيرة ابعدت شعرها عن وجهها و حطته خلف اذنها .. تقدمت بهدوء و بنعومه / ماكنت قاصدة ..
كنت اخذها من بعد ماجبت منصور .. واستمريت عليها و تعودت .. حتى بايام عدتي اخذها ..
ما كان قصدي اخذهم .. وها .. " وهي ترجع لتسريحه و تطلع علبة حبوب مانع الحمل وترميهم بالزبالة " ..
وهذا هي رميناها .. " اعتدلت بوقفتها و ضلت تطالع ابو بتال تنتظر منه جواب " ..
ابو بتال طالعها لثواني و بعدها صد وهو يطلع الي بثوبة من محفظة و مفاتيح و يحطهم على الطاولة ..
سحب الفوطة ودخل الحمام يتحمم .. مشيرة توجهت لغرفة الملابس و طلعت لها قميص نوم ..
مشطت شعرها و تعطرت .. شافت منصور بالغرفة الثانية بجناحها وتطمنت عليه ..
رجعت للغرفة و سمعت صوت ابو بتال بغرفة الملابس .. تركته و توجهت لسرير ..
نزلت روب القميص و نامت على السرير .. بعد شوي .. حست الإضاءة تنخفض و حست بثقل ابو بتال على السرير ..
دقايق بسيط وحست بيده تشدها لحضنه .. ما مانعت و لا قدرت تقول لا .. ليلة وحدة غاب عنها اشتاقت لحضنه ..
بعد وقت بسيط .. بهمس / ليه ما رحت لام بتال ..
سلطان بهمس / مارضت .. قافلة الباب على نفسها ..
مشيرة بهمس / ما عليه .. لها الحق .. هي تحبك و انت اخذت غيرها .. اكيد موجوعه ..
سلطان و هو يقبل جبينها / انا ابي اراضيها .. بس هي ما تبي ..
مشيرة بهمس / لا تقول كذا .. " وبنبرة " .. ترا بكره اذا جيت عندي راح امنعك و اطردك ..
سلطان ابتعد شوي ورفع حواجبه / لا والله ..
مشيرة ابتعدت شوي / اي والله ..
سلطان بنبرة / هي ما تبيني وزعلانة مني .. وانتي ..
مشيرة بنبرة واثقة / ما ابي حق غيري ..
سلطان عقد حواجبه / ايش حق غيرك ..
مشيرة / ليلة الجوهرة لها .. تسهر فيها تروح لها تروح لعيالك انت وياها بكيفكم ..
بس ليلتي ليلتي .. ما اسمح لك تقضيها بمكان بدون ما تستأذن مني ..
سلطان فتح عيونه للاخير / بعد ..؟!!
مشيرة بكيد النساء / اجل مفكر التعدد سهل .. لا يا بابا .. التعددية صعبه قوية ..
سلطان ضحك وهو يضمها / هههههه طيب يا الصعبة القوية ..






ــــــــــــــ






يوم جديد ..




نايف وهو يشرب قهوة / والله هو قالي ..؟
العنود باستغراب / هو ايش عرفه ..؟
نايف عقد حواجبه / اتوقع زياد .. لانه خويه و دايم معاه لجاء الخبر ..
العنود سكتت تفكر ../.........
راكان ببحه من اثار الزكام الي صابه / خله يجي .. بس بدون لا يدري الخبل ابوهم .. كحح كحح ..
نايف بضحكه / طيب ..
العنود تنهدت / كلمه نايف .. وخله يجي .. ومثل ما قال راكان .. ابوهم لا يدري ..
نايف وهو يطقطق بجواله .. وقف / خلاص الحين اكلمه و ارد لكم خبر .. " وطلع برا يكلم " ..
راكان التفت على العنود .. / العنود .. فيه شي من اول ابي اقوله لك ..
العنود برعبه / بسم الله ايش فيه .. ايش صاير ..
راكان وهو يطالع الباب و يطالع العنود .. عقد حواجبه / اهجدي و اسمعي .. ابيك تسالين ريهام .. كيف زياد معاها ..
العنود باهتمام / طيبين الحمد الله .. اتصلت اليوم عليـ .....
راكان يقاطعها بعصبية / افهمي .. " قرب منها " .. ابيك تسالينها كيف معاه .. رجال ..
العنود فتحت عيونها للاخير و بعدم فهم / هاا ..
راكان مسح على شعره بتعب / زياد مو طبيعي ... ولمن سالته قال ولا شي .. وبعد المرة الي فاتت ..
كان فيه شي بينه وبين زوجته .. متزاعلين او .. او .. ما ادري بس فيه شي .. انا قلبي قارصني من زمان ..
و زوجته ... ابي اتاكد .. بس الحين قلبي ماكلني اكل .. صرت اهوجس ..
العنود سكتت شوي تحاول تفهم و تربط الكلام .. رمشت اكثر من مرة .. واول ما وصل المقصد لها ..
صدت عن اخوها بخجل .. و ارتباك / انت بعقلك .. تبيني اسالها ايش اقولها ..
راكان بعصبية / وانا ايش يدريني .. انتم تعرفون لبعضكم يا الحريم .. " وبقهر " .. انا كنت بكلم جدتي ..
بس جدتي يحسن لها خاتمتها .. ماتمسك شي .. وعماتي .. " حط يده على راسه " .. راح افضح اخوي .. اوووووف ..
العنود سكتت ثواني .. تنهدت / لا اله الا الله محمد رسول الله .. " وبهدوء " .. يصير خير ..
دخل نايف و باهتمام / بعد صلاة العصر يمر علينا ان شاء الله ..
العنود هزت راسها .. و راكان صد يطالع التلفزيون ..






ــــــــــــــــــــــ






بيت ابو سند ..





سند جالس بالصالة تحت يطالع بالتلفزيون و شكله معصب ..
ام سند طلعت من جناحه والعباية على يدها والجوال ماسكته .. / غرام .. بنت .. يا غرام .. يالله تاخرنا ..
غرام نازله من فوق و هي لبسه العباية .. / هذا انا يمه .. مرام وين ..
مرام طالعه من الغرفة الثانية / هذا انا .. نيمت عزوز و مريومه ..
ام سند وهي تربط نقابها / يالله ياسر برا ..


:
:

..... بعصبية / سواق انا عندكم .. نص ساعة لطعيني بالشمس ..
ام سند بعصبية / وبعدين معاك .. من حركنا من البيت و انت بس تصارخ .. ما تحشمني ..
ياسر / ..............
ام سند بعصبية / قلة ادب .. ما بقى الا يسحب الحذيان و بوجهي .. الي يسمعه يقول مسكين قاعد تحت الشمس ..
ما كان بالسيارة و تحت الظل و المكيف شغال .. الله من الجيل الفاسد .. يكفينا شر ها الزمان ..
غرام بضحكه وبهمس لاختها / اكلهااا هههههههههههههه ..
مرام تضربها على كتفها / اصص .. " وبصوت واضح " .. يمه استغفري ربك .. و صل على النبي ..
ام سند / اللهم صل و سلم عليه .. استغفر الله العظيم .. استغفر الله ..
ياسر و هو يطالع غرام من المرايا ../ اي صالون ..
ام سند طالعته و بحده / اي صالون .. الي امس و ديتنا له .. والا كل يوم رايحين صالون حنا ..
ياسر بقهر / مدري عنك يا الحريم .. كل يوم طالعين بموضه ..
ام سند طالعته بغبن / انطم .. و طالع قدامك ..
مرام تبي تغير الموضوع / الا صح يمه ام طارق خطبت شجون لولدها ..
ياسر رفع حواجبه باستغراب / ام طارق من ؟
غرام طالعت بياسر و صدت عنه / .........
ام سند وهي تعدل عباتها / ايوه .. امس قالت لي امي .. الا انتي من قالك ..
مرام بضحكه / جدتي يحسن لها الخاتمه .. لا بعد محرصه ما اعلم احد .. هههههه ..
ام سند بضحكه / هههه يحسن خاتمتها .. " و بجدية ".. خطبت هي و ام عبدالعزيز قبل فترة ..
بس ام عناد قالت ما بيدي شي .. الامر بيد ابوها و اخوانها .. وسالت ابو عناد قالوا ان البنت لولد عمها ..
ياسر الي وصل قبال الصالون و قف من قبل خمس دقايق بس ينتظر امه تخلص السالفه ..
التفت على امه و باستغراب / اي ولد عم ..
ام سند / انت .. من غيرك ..
ياسر رفع حواجبه / لا والله ..
ام سند تفتح الباب .. وبتطنيش / يالله يا بنات .. " بعد مانزلت و قبل ما تقفل الباب " ..
ياسر خليك منتبه للجوال .. متى ما خلصنا اتصلنا عليك ..
" ياسر الي كان صاد و يطالع لجهة الثانية "..
بعد ما نزلوا و دخلوا لصالون .. سمعوا صوت جوال غرام .. غرام سحبت الجوال من الشنطة و فتحته ..
شافت رسالة من ياسر .. " انا مو فاضي .. لخلصتوا اتصلوا على فارس والا سند "..
غرام زمت شفايفها و قفلت الجوال و رمته بشنطة .. رفعت راسها و شافت امها و اختها يتكلمون مع المسؤولة ..







ــــــــــــــ













بيت ابو سطام ..




راكان وهو يشرب من عصير البرتقال ../ بس هذا الي قاله ..
سمر باهتمام / يعني الظبي بس نخلطها مع الناس و خلاص ..
راكان / ايوه ..
العنود وهي تمسح على شعر الظبي / مو نخليها و نروح .. لا يعني ما نأكد لها ان اي احد راح ياذيها ..
ما نحبسها .. نخليها تأمن لـ الناس .. يعني نرجع ثقتها بالناس .. بس شوي شوي ..
سارة / طيب و الشمس و التراب الي قال عنه نايف ايش قصته ..
العنود / اطلعهم يمشون بالارض بدون جزمه .. يكرمكم الله .. حتى الطاقة السلبية الي بجسمها تطلع ..
سمر رفعت حواجبها و ماعجبها الوضع / والله ما عنده سالفه ..
راكان طالعها / المهم .. عنده ما عنده .. بتال ما يدري ..
سمر زمت شفايفه و صدت عنه .. وهي تتابع كلام العنود مع ساره / سلطان ايش قال عنه ؟
العنود تنهدت / قال ان جلس بمكان وسخ وتأذى .. بالقران ربك يزل الشر بأذن الله ..
راكان وهو ينزل الكاسة على الطاولة / هونيها و انا اخوك .. الشيخ سالم طمنا ..
وهو معاد راح يحتاج يجي ثاني للبيت .. سلطان اخذه انا و الا نايف نوديه له ..
" وقف " .. يالله انا رايح لـ الاستراحة تبون شي ..
الكل / سلامتك ..
العنود / انا ابي اروح لبيت جدتي ..
راكان هز راسه / احسن .. " ابتسم " .. مشي الدلوعه حافية من هينا لبيت جدتي ..
العنود ابتسمت / وانا ابي اسوي لها كذا .. حتى سلطان .. والشيخه بعد ..
راكان بضحكه وهو يرسل بوسه لشيخه / من تواضع لله رفعه وانا ابوك ههههههه ..
العنود ابتسمت / لا تنسى تاخذ علاجك ..
راكان هز راسه .. وبخبث و هو يطالع سمر / يخليك لي يا خيتي .. لولا الله ثم انتي .. كان مت و لا احد درا عني ..
سمر رفعت حاجب .. العنود ابتسمت / يخلي لك ام شيخه .. من تعبت و طحت و هي ما طلعت من البيت ..
سمر / ايوه هذا الي ينقال عليه ماكوله مذمومه .. بس ولا يهمك يابنت عمي .. اليوم اخذ حق حبستي من عيونه ..
بروح بيت جدي .. وبعده استراحة البنات بيسهرون .. وبعدها يمكن ارجع البيت ..
و اذا اذن الفجر اروح انام في بيت ابويه ..
راكان حط يدينه على خصرة ويقلدها وهو يطالع بالعنود / ايوه يا اختي ان ما شفت حرمتي جنبي .. والله لجيب الثانية ..
ترا طالعة ذا الايام .. خذ وحدة والثانية مجانا .. البنات معبين البيوت .. لا بعد .. يمكن هي تدفع المهر ..
سمر الي فتحت عيونها على الاخير .. و سارة و العنود ضحكوا بصوت عالي ..
راكان بسرعة مسك راس سمر و بوسها بقوة و هو يجري لدرج / امزح امزح .. وحدة و انكوينا خلاص ..







ــــــــــــــــــــ







شقة سند ..





سند بعصبية / ايش الي براسك ..؟
رنيم بغضب / ابي اعرف ايش الي بينك وبين العنود ..
سند بعصبية / استغفر الله العظيم .. انتي ما تفهمين .. انا شريك و بس .. ما في شي ثاني ..
رنيم بغضب / كذاب .. كذاب .. كذاب .. نظراتك و كلامك يقولو غير الي تقوله ..
سند وجهه سود من الغضب .. / والله لو مو عارف انك حامل و هذي هواجيس حمل ..
كان وريتك ايش يعني تقولين ذا الكلام .. استغفر الله العظيم .. " سحب شماغه و محفظته و طلع من البيت "..
رنيم جلست على الكنبة وهي تشهق من البكي ..







ـــــــــــــــــــ








يوم جديد ..




راكان / ايش فيه سند ذا الايام مغير عاقد النونه ..
عناد هز اكتافه / مدري .. " وباهتمام " .. ايش صار بينك وبين بتال ..
راكان ببرود / ولا شي ..
عناد عقد حواجبه وبجدية / راكان .. ترا الي تسوية غلط ..
راكان طلع سيجارة من جيبه و ولعها تحت نظرات عناد الي مو راضي عن وضعه .. ببرود / اهاا ..
عناد بعصبية / ايش الي اهاا .. الرجال طلبها اكثر من مره .. وخلاص عرف غلطة ..
راكان بنظرات ساخره / عرف .. انت ما تدري عن النار الي حارقة جوفي ..
تخيل لو اقول اختك فيها وفيها وفيها .. واطالعها بنظرات .. واطالعك و اقول اختك مو متربيه ..
عناد مكتف يدينها على صدرة ويطالع راكان / لا والله .. طيب بسالك ..؟
انت يوم تربت اختك وكبرت انت وين كنت فيه .. يوم ولد خالتك سو اهذيك السوايا انت وين .. امك ابوك وحالهم ..
" راكان طالع عناد بصدمه ".. عناد يكمل ../ راكان .. لا تسوي نفسك بتعوض خواتك واخوانك ..
و بدال لا تعوضهم تكسرهم .. " ضل يطالع راكان الي واقف قدام و هو يطالع فيه بصدمه "..







ـــــــــــــ








بيت ام سطام ..




العنود جالسه و مخليه الظبي جالسه قبالها .. و وليد و ريان معاها ..
و كل ما بعدت الظبي عننهم قربتها منهم .. و كل ما جاتها الظبي بتحضنها ..
بعدتها عنها و رجعت تجلسها و تسولف مع جدتها .. دخل رعد ومعاه ولده ووراهم هيفاء ..
رعد وهيفاء / السلام عليكم ..
ام سطام و العنود و ساره / وعليكم السلام ..
رعد بابتسامه / ما شاء الله ام سلطان .. وين ذا الغيبه و حشتينا ..
العنود وهي تسلم / الي يبيني يلاقيني ..
هيفاء وهي تضحك / ههههه قصفتي جبهته ..
رعد بعد ما سلم على ساره / يا فرحتك .. " جلس جنب ساره " .. ها يالعروس اخبارك ..
ساره الي طالعته بنظرات قاتله ووجهها محمر .. فز رعد و راح يجلس بجنب امه ..
العنود عقدت حواجبه / ايش ؟..
رعد يلوح بيدينه و ياشر على فمه يعني " مالي شغل و لا ابي اتكلم "..
العنود طالعت ساره الي صدت عنها .. وهيفاء حطه يدها على فمها كاتمه الضحكة ..
العنود عقدت حواجبها / ايش ما سمعت شنو قلت ..؟
ام سطام لعد ما وشوش لها رعد .. ام سطام / اهاا قال لها يا العروس .. الله يوفقك يابنيتي ..
العنود فهمت الموضوع / اهااا .. لسات الموضوع بس كلام .. الراي عند الشيخة ساره ..
اذا تبي خير و بركه و اذا لا .. لا .. و كلن يشوف نصيبة ..
ساره الي رجع الدم لجسمها و رجع لون وجهها ابتسمت وبدلع / لا ..
رعد رفع حاجب وبضحكه / كان من الاول يا حلوه مو توقفين الدم بعروقي ..
" التفت على الظبي و سحبها و باسها بقوه .. الظبي من الخرعة صرخت " ..
حتى يفز سعود الصغير و يبكي .. هيفاء بعصبية / ها سكته الحين .. " وقفت وهي تدور بسعود حتى يهدا " ..
رعد قرب من العنود الي حضنت الظبي و بهمس / كيف حالهم الحين ..
العنود / الحمد الله احسن ..
رعد بهمس / للحين سلطان يروح لسالم ..
العنود طالعته / تدري ..
رعد هز راسه / ايه .. حتى بتال يدري .. ترا بتال يحب عياله مثل ما تحبينهم .. ويخاف عليهم ..
زعل بالاول انه ما عرف بالموضع .. بس يوم شاف تحسن حالهم سكت ..
العنود بهمس / هو ما خل لي مجال ..
رعد التفت لهيفاء و امه .. الي اخذت سعود و حطته بحضنها .. رجع طالع العنود / لا تقولين هو .. وانتي ..
ما غلطتي .. من اول كان الغلط منك ومنه .. بس انتي غلطتي بعد و غلطاتك اكبر .. حملتي و ولدتي ولا درا عنك احد ..
العنود طالعت بسلطان الي يضحك ويلعب مع ريان ووليد .. رعد بهمس / العنود .. الحين عيالك صغار ..
وهذا انتي تعبتي بشيلهم وحطهم لحالك .. لاتقولين اخواني .. اخوانك بكرة بيلهون مع حريمهم وعيالهم ..
العنود تنهدت / انا مالي دخل .. الامر بيد اخواني ..
رعد سكت شوي يحاول يفهم .. حتى يعتدل بجلسته .. اخذ فنجانين قهوة بسرعة .. و بعدها طلع من البيت ..







ــــــــــــــ












بعد ساعتين ..
بالاستراحه ..



بتال ببرود / يعني ..
رعد بعصبية / ايش الي يعني .. بلا فهاوة ..
بتال ببرود / ايش المطلوب طيب ..
رعد فتح عيونه / بتذبحني انت ..
بتال ببرود / هاا ..
رعد تنهد بطفش تافف / استغفر الله العظيم .. " طالع ببتال " .. ارجع اخطبها ..
بتال صد / من راكان لا ..
رعد طالعه / غبي انت .. روح لابوي .. وكلمه .. و هو بيحطها بنص جبهة راكان ..
بتال سكت وهو يفكر .. حس بفتور بجسمه ..






:
:
:




مكان ثاني ..



.... بضيق / مو صاحيه .. يمكن علشان الحمل ..
...... ببرود / وليه ما تكون صادقه ..
..... طالعه وهو عاقد حواجبه / من جدك انت تتكلم ..
...... / لا من عمي .. ايه من جدي .. انا يا اخوها ما ادافع عنها كثر ما تدافع انت ..
...... بنبرة / انا اعرفها من قبلك ..
طلال رفع حاجب وبصدمه / كيف تعرفها من قبلك ..
سند بهدوء / من زمان ايام ما كنت اروح لرياض ..
طلال / شغل ..
سند بامر / اسمع .. كنت اروح لخالي سطام .. بعد وفاة جدي .. طلبني اجيه لرياض .. وشفت الظبي ..
طلال اعتدل بجلسته / اهاا ..
سند سكت لثواني / قالت ان فيه امانه لجدك .. سند وسعود .. وبعد جدتك موضي و شيخه و مزنه ..
بس هالامانه ما تاخذها الا بعد وفاتي .. انا لان جدي سند علمني بها و وصاني ان لقيتها اطلب منها تسامحه وتحلله ..
و اكون لها عون .. قبلت بشرطة .. ويوم عرف جدي سعود عنها .. حاول يشوفه بس هي رفضت ..
المهم .. ما طولت الا وصار الحادث و توفت هي وولدها الله يرحمهم ..
طلال / الله يرحمهم .. وايش هي الوصية ..
سند تنهد / بذيك الفترة كنت اروح واجي على خالي .. واشتغلت معه .. وبعد وفاة ام نايف .. تغير عليه خالي ..
وصارت مشكله بينا .. و طردني .. وحلفت اني معاد اجي بيته ولا ارد لـ الشغل معاه ..
طلال / اهااا ..
سند تنهد بقهر / وهو انقطع عنا .. وزادت مشاكله مع راكان .. الين فجاة مسك الشركة راكان ..
طلال بتذكر / اللي اذكرة ان راكان قال ابوي اعطاني الشركة .. قبل ما يتعب خالي ..
سند / ايه .. بس وقتها كان خالي بداية المرض معه ..
طلال / اها ..
سند بارتباك / خالي كان يبي ... اتزوج لـ العنود .. بسـ.....
........بحدة / ايش قلت ..
التفتوا وشافوا بتال ... بتال بعصبية / تبي تتزوج العنود ..
سند يطالع ببتال .../.....
طلال يطالع ببتال و بسند / ...........
بتال بعصبية / انا من شفت رفضك لرجوع لشركة و الا تشارك العنود بشسركتها وانا عارف ان براسك موال ..
بس تحلم بالعنود .. العنود زوجتي وبس ..
طلع سعود و رعد و فارس و سيف و بدر و ياسر .. رعد تقدم منهم / خير .. ايش فيكم ..
بتال بعصبية / اسمع ايش يقول قليل المرؤة .. يبي يتزوج زوجتي ..
سند بغضب / طليقتك .. ماهي زوجتك ..
بتال تقدم منه يبي يتضارب معاه .. / يا حقـ ...*** .. انا اشوف تدافع عنها و تحط الوم عليه تبي تبيض صفحتك عندها ..
رعد يمسك بتال ويبعده / ولد عيب عليكم .. " تدخل سعود حتى يبعد بتال " ..
سند تقدم من بتال / لا الظاهر انت ما براسك عقل تبي من يرجعه لك ..
طلال و فارس و سيف يمسكون سند و يبعدونه و تدخلوا باقي الشباب حتى يبعدونهم عن المكان و عن بعض ..







ــــــــــــــــ





يوم جديد ..



راكان بهدوء / ها يا اختي .. الي تامرين فيه يصير ..
العنود بهدوء وهي تطالع باعيالها / الي اشوفه ان العيال يتربون بين ابوهم وامهم احسن من انهم بعاد عنه ..
راكان طالع بالظبي و سلطان .. / اذا على الظبي و سلطان تـــ...
العنود ابتسمت / الله لا يحرمني منك يا خوي .. بس الاب غير ..
راكان سكت شوي .. / ايش شروطك ..
العنود طالعت باخوها / ولا شي ..
راكان بخبث / الا لك ..
العنود عقدت حواجبها باستغراب ../ .........
راكان بخبث / البيت .. هينا ..
العنود بتساؤل / كيف يعني ..
راكان / الجناح الكبير الي تحت تسكنون فيه ..
العنود فتحت عيونه بصدمه / .....
راكان بحقد / حتى يكون تحت عيني كلمه حركه .. برا ..
العنود باستغراب / هههههههههههههههههههههه .. من جد تتكلم ..
راكان ابتسم / افا عليك .. من جد و عم و خال .. لا بعد .. ما يعقد الا ليلة الزواج ..
العنود ابتسمت / براحتك .. سو الي تبيه .. " انتبهت لجوالها الي يرن سحبته من على الطاولة و شافت المتصل " ..
فتحت المكالمه و بابتسامه / هلا .. وعليكم السلام .. الحمد الله بخير .. " و باستغراب " .. والله .. ايه ..
طيب .. اهاا .. لا ما ادري .. طيب .. خير ان شاء الله .. " ابتسمت بخجل " .. يبارك فيك .. مع السلامه ..
راكان / من ..؟
العنود / هذا ابو غازي صلاح .. يقول ان سند اليوم مكلمه و قايل انه بـ يبيع حصته و عارض علينا اذا نبي نشتريها ..
راكان عقد حواجبه / كلام و الا بطريقة رسمية ..
العنود / لا بطريقة رسمية .. المحامي متقدم بها ..
راكان باستغراب / يمكن شاف ان شراكته مالها داعي ..
العنود تنهدت / المهم طلع ..ومعاد فيه شي اسمه شريك وغيره ..
راكان وقف / الله يقدم الي فيه خير .. " قبل جبين العنود " .. مبروك .. والله يجمع بينكم بخير ..
العنود بخجل / يبارك فيك ..









ـــــــــــــــــــــ







بيوم الزواج ..
" زواج عناد و غرام " ..
" زواج بدر و رنا " ..
" عودة العنود لبتال " ..






:
:
:




رنيم بعصبية / انا ابي اعرف ايش سبب هالرجفه .. تراك اقلقتيني ..
ريهام تنهدت / رنيم روحي انتي ارتاحي و اتركينا .. انتي بدال لا تهدينها تزيدين الوضع سوء ..
رنيم تركتهم و راحت لصالة المعازيم .. ريهام التفتت لرنا / حبيبتي .. ما له داعي هالخوف الزايد ..
رنا تشهق و تتنافض و كانها بردانه .. / ........
ريهام بهدوء / برنامج الاذكار منزلته بجوالك .. و القران موجود .. اقري الاذكار و اقري لك كم ايه و راح تهدا نفسك ..
رنا هزت راسها / انا بردانه .. خفضي التبريد ..
ريهام بهدوء / هذي اخر درجة خلاص .. والغرفة دافئة بس انتي بردانة علشانك متوترة بس ..






:
:
:





بدر بضحكة / الحين اختك ما تقدر تدلع .. انا ما عندي دلع خلاص .. انا عسكري ما اعرف لدلع ..
ما اعرف الا " وبصوت خشن " .. الى الامام دوووور ..
صقر و ياسر / هههههههههههههههه ..
ياسر بضحكة / يا خوفي هي تقولك الى الوررراااااء دووووور .. هههههههههه ..
عناد التفت عليهم و بجدة / انتي و اياه ايش موقفكم هينا .. روحوا شوفوا المقهوين و المعازيم بسرعة ..
ياسر و صقر بضحكة / طيب تامر يا العريس ..





:
:
:






ابرار / غرام جاهزة .. شوي و يدخل عناد ..
مرام بهدوء / ايه جاهزة .. " خذت بنتها وطلعت "..
بعد دقايق دخل عناد و سند و فهد و خالد و سلطان و رعد .. بعد السلام و المباركات ..
دخل ابو سطام و عبدالعزيز و فارس و ياسر .. و قدموا الهدايا ..
بعدها طلع الجميع ماعدا عناد .. دخلت ام عناد و ام سند و ام صقر و ام سطام و ام عزام .. و باركوا لهم و طلعوا ..
الا ام سند و ام عناد .. عناد بهمس لغرام / ها خلاص نمشي ..
غرام بهمس / ايه .. بس ابي عبايتي ..
عناد رفع صوته / خالتي وين عباية غرام بنمشي ..
ام عناد بضحكة و فرحة / بدري و انا امك لسع غرام ما انزفت ..
ام سند تنهدت وهي تطلع عباية بنتها / غرام ما تبي تنزف ..
ام عناد فتحت عيونها للاخير / ليه بسم الله عليك ..
عناد ابتسم / يمه انا غيران عليها .. وقلت لها ما ابي غيري يشوف زينك ..
غرام ابتسمت بخجل ... ام عناد بجدية / يا امي يا غرام .. اذا بخاطرك تنزفين و تفرحين ..
والله لتنزفين و ترقصين و تسوين الي بخاطرك كله و غصب عن ذا الي جنبك ..
غرام بضحكة / لا خالتي هذا قراري انا ..
ام سند وهي ترفع شنطة اليد لبنتها .. / لا تحاولين يا اختي انا حاولت معاها من شهر و هي ابد ما تبي تغير رايها ..
ام عناد تنهدت / الله يسهل لكم و يرزقكم الذرية الصالحه ..






:
:
:




ام صقر بعصبية / بتذبحني ذا البنت ..
ريما / يمه ايش رايك نخليها تنزف و بعدين تسري بيتها .. قبل لا تفضحنا ..
ريهام / اي صح .. خلها تشوف صحباتها وترقص شوي .. يمكن تهدا ..
ام صقر وهي تاشر بيدها / اقلعوها عني تصرفوا فيها انا مالي دخل لو عليه مصعت رقبتها ..
ريما اشرت لروان و قالت لها تروح لـ دي جي و تطلب منهم يشغلون شريط الزفه ..




:
:
:




.... بضحكة / اي والله صادق ..
بدر بتوتر / يعني ما يحتاج ادخل و اتصور وكذا ..
صقر الي جلس على الكرسي يضحك على شكل بدر .. ياسر الي وصل لهم .. / يالله بدر ..
بدر طالع بياسر / عناد راح خلاص ..
ياسر وهو يعدل شماغه / ايه راح الله يستر عليهم .. معاه سند و ابوي .. " ابتسم " ..
والله يا سند كانه ورع ضايع .. عيونه تدور دوران .. ما غير يتصدد عن غرام ..
بدر / سند راح مع غرام عارفين هوس سند بغرام .. و واضح عليه هالايام جنونه طالعه ..
و كان غرام بتروح لمكان بعيد .. ما كان الي بينه و بينها شارع بس ..
ياسر ابتسم / بس ابوي عرف له .. راح معاه بنفس السيارة ..
" وبضحكة " .. خايف لا ينام عندهم والا يرجع غرام معاه ..
بدر بضحكة / يذبحه عناد ..
صقر و هو يدخل الجوال بجيبه .. ويضرب كتف بدر / يالله امشي تاخرنا على العروس و الا ما ودك تاخذها ..
بدر يعدل بشته / الا بس ابوي و ين هو فيه ..
ياسر وهو يمشي قدامهم / كلهم واقفين عند الباب عجل بس ..









:
:
:








كانت تطالع بالمعزيم وهم داخلين لصالة العشاء ..
تطالع فيهم بدون وعي ..
و اضح بعيونه الخوف و الارتباك ..
,
,
كانت تراقبها من وقت طويل ..
اجبرتها تلبس الفستان الي جابته لها مفاجأة ..
و بعد دخلت ام سطام وام عبدالعزيز حتى يجبرونها على تغيير الفستان ..
المجنونه كانت تبي تلبس فستان بلون الكحلي ..
صحيح مفصلته من قبل ما تقرر الرجوع لبتال ..
لكن خلاص اختلف الوضع الحين ..
طالعت فيها باعجاب و ابتسمت ..
فستانها الابيض بتطريزات خفيفه ذهبي و حبات لولو متناثرة بطريقة رائعة ..
مكياجها و تسريحتها العرائسية .. هي عروس و لزم تكون بطلت العروس ..
تقدمت منه بهدوء و حطت يدها على كتف العنود .. حتى تلتفت ببرود لها ..
مشيرة بهدوء / ايش فيك ..
العنود وهي تصد عنها و تحط يد مشيره على صدرها / احس بوجع هينا ..
مشيره حست بان قلب العنود بيطلع من مكانه من كثر مايدق .. سحبت يدها و جلست العنود على الكرسي / ارتاحي ..
اشرت لوحده من المضيفات تجيب لها كاسة ماي .. اعطت الكاسة لـ العنود / اشربي ..
العنود شربت شوي و نزلت الكاس على الطاولة .. / .......
مشيرة بتذكير / اكلتي شي بعد ما اخذتي الدواء ..
العنود تحط يدها على راسها .. وبتنهيده / لا .. " رفعت راسها و طالعت بمشيرة " .. ما ادري احس بشي غريب ..
مشيرة وهي تجلس جنبها / خايفه ..
العنود تنهدت / لا .. بس ....
......./ العنوووود ..
العنود و مشيرة التفتوا لسمر ..
سمر ابتسمت / ليه ما تردين على جوالك ..
العنود عقدت حواجبها و بخوف / سلطان فيه شي ..
سمر ابتسمت / لا بس ..
العنود التفتت على مكان عربية الظبي الي نايمه فيها / الظبي صحيت ..؟
سمر طالعت بمشيرة يعني ساعديني .. مشيرة بهدوء / العنود ..
العنود انتبهت لهم .. سمر / بتال ينتظرك برا ..







انتهى ..


سبحان الله و الحمد الله و لا اله الا الله و الله اكبر ..


كل عام و انتم بخير ..

و اعذروني على القصور و الاخطاء الاملائية ..



مشاعل السعودية