لا اله الا الله

اتمنى لكـِ الصحـــه والعافيه

آآآآآمممممم لووكيما مره وحده <<<مومصدقه صراحه <<بس الاعراض اللي يعاني منها سلطان هي اعراض اللوكيما

الله يشااافيه اهوو مع الظبي


آآمممم زيـــــــــــــــآآد <<<وش سالفته

مشيره مبرووووووك

عناد وش فيك قلبت على غرام ههههههه زين سوت فيك غرومه

العوبه نووال ،،حياتها مع سعوود اكششن

غيث يتعالج اصلا بره عشان كيذا مايروح لريم خايف ينهزم

وووبتال والعنود اول الغيث غطره ,,,<<<سقوطها دليل على رجوعها لبتال خاصه انوو احد عيالها مريييييض مرض شين الله يبعد عنا وعنكم هالاشياء

ووووفي انتظارك ياحلووه انتي كريمه وحنا نستاهل هالبارتات اللي وراء بعض
بس لاتتعبين نفسك


سبحان الله والحمد الله ولا اله الا الله والله اكبر

"





بسم الله الرحمن الرحيم ..

السلام عليكم ورحمة الله وبركاته ..

الحمد لله والصلاة والسلام على رسول الله ..

توكلنا على الله .. لا اله الا الله محمد رسول الله ..





البارت 52 ..







لا تـلمس الجرح يا معود وصبحا عزوم
الـبرد فتق ضلوعي وانت دوار صيت
ضيعت عمري اطاول في حزومي رجوم
وايست اباقول كل الشعر في شطر بيت
لا الـوقت وقتي ولا حلومي تطيع وتنوم
ولا الركايب وحادي العيس ترضيه ليت
ذهـايب الـذود راحت مع ذواهيب قوم
لا صـار لك الف قوماني فلك الف بيت
ترى اصعب الموت موت يذبحك كل يوم
واصعب حياتك تعيش وانت جواك ميت
(( اواه يـا طـول عمري لا حسبت الهموم
يـا كـني اكبر من الدنيا ولا قد شكيت ))
عـلمك دهـاني يا لاقي خير خل العلوم
اسرجت صفرا من همومي عليها حديت
واطـلقت لـلبيد راحـلتي وفوق النجوم
راسي وانا كل راسي تيه فخر و هميت
واقـول لـلي يـبي كـرامتي لا تهوم
لا انـته ولا الـف مثلك يهدم اللي بنيت




الشاعر .. طلال الرشيد " رحمه الله " ..








طلعت من الحمام اكرمكم الله وهي لفه الفوطة على شعرها المبلول ..
سحبة الفوطة ورمتها على جنب بتعب .. جلست على السرير حتى ترمي نفسها عليه وتتنهد بتعب ..
كان جالس على الكنبة .. و يطالع بجواله يشوف رسائل الواتس اب .. طالعها بطرف عينه ورجع طالع بالجوال ..
ثواني وقفل الجوال ورمة على الطاولة بجنبه .. طالع فيها وهو عافد يدينه وحاطهم بحضنه ..
سند بهدوء / رنيم ..
رنيم بتعب وخمول وهي مازالت منسدحه عرض على السرير ومغمضة عيونها / ههممم ..
سند بهدوء / تعبانه ..؟
رنيم وهي تنقلب على جنبها الايمن وتحط يدها اليمين تحت راسها واليسار على عيونها تحس فيها حراره ..
تنهدت / شوي يمكن من السهر و الزواج البارح ..
سند بسؤال مفاجاء/ متى اخر مرة جاتك فيها الدورة الشهرية ..
رنيم فتحت عيونها بخرعة و هي شاكة بالوضع بس ماتبي تقول حتى لنفسها .. بغضب / ياقليل الادب ..
سند رفع حواجبه بصدمه .. رنيم فزت بسرعة حتى توقف وبعصبية / انت وسخ .. اول بالشفاء ووواا..
حتى تجلس على السرير غمضت عيونها ورفعت يدها اليمين على جبينها .. سند وقف وراح لها وبتساؤل / دختي ..
رنيم حطت يديها على وجهها وصارت تبكي وتشهق ... سند جلس جنبها هو يحضنها و يكتم ضحكته ..
رنيم بشرهه / ماابي احمل .. للحين ايام طلقي على فهد اذكرها.. فهد صغير والله .. ما ابغى سند ..
سند وهو يمسح على راسها / استغفري الله .. وقولي لا اله الا الله ..
رنيم وهي تشهق ومازال وجهها بصدر سند / لا اله الا الله ..
سند بهدوء / انتي مسوية كل احتياطاتك .. بس ربك كتب لك هالرزقة وهالامر .. ماتدرين الخير وين هو فيه ..
رنيم وهي تسمع كلامه وتشهق ابتعدت عن حضنه / ادري .. بس انا خايفه .. والله على فهد بغيت اموت من الوجع ..
سند ابتسم وطالعها وهو يمسح على شعرها / كله مكتوب عند الله واجر لك باذن الله ..
" و بحنان وهو يحط يده على بطنها " .. يمكن ربي كاتب لنا بنوته حلوة ودلوعة مثل امها ..
رنيم ابتسمت وهي تحضنه وتحط راسها على صدرة / انت تحب البنات والا العيال ..
سند رفع حاجب وهو يحاول يستوعب تغيراتها و تقلباتها بهالفترة / احبهم كلهم الي من الله حياه الله خير وبركة ..
رنيم وهي تحس بخدر / لالا .. انت تحب غرام و مرام اكثر واا ........
سند انتظرها تكمل واستغرب سكوتها .. ابتعد شوي عنها وشفها مرتخية وثقلان جسمها .. وبخوف هزها ..
حتى تتمتم بهلوسة وتخدير النوم / اممم .. ابي اناام ..
سند براحه تنهد .. حسب اغمى عليها .. نيمها على السرير وهو يغطيها بالفرشة ..
حط يده على شعرها وشافه مبلول .. وقف وهو يستودعها الله .. رفع يده وشاف الساعة ..
بقي 10 دقايق عن صلاة الظهر .. حاس بتعب و خدر النوم .. البارح الزواج وسهر لبعد الفجر ..
نام ساعتين و بعدها صحاهم فهودي بصراخة .. تو نام فهد و رنيم نامت .. باقي هو ..
بيصلي الظهر بيرجع بعدها بسرعة ينام .. مايبي لا غداء ولا شي ..
دخل الحمام اكرمكم الله و توضأ .. طلع من الحمام وهو يطالع برنيم الي نايمه حتى بدون تكييف ..
وفهد نايم بسريره .. سحب شماغة .. وجواله ومفاتيحه وطلع للمسجد ..







ــــــــــــــــــــــ







دخل الغرفة وهو يحس بتعب بكل جسمه .. فوق تعب الزواج والسهر .. هم هالخبر زاد عليه ..
مايدري كيف صارت الحين .. دخل وشافها جالسه على سجادتها و هي رافعه يدينها بجهة القبلة ..
تقدم اكثر وسمعها تشهق وتدعي .. من صحيت بعد حالة الاغماء الي صابتها من ارتفاع الضغط ..
وهي بس تبكي .. و لا مره شاف العنود تبكي .. الا وهي صغيره .. كان ينقهر لمن تبكي ..
مايبيها تكون ضعيفه .. و يعصب لمن تكون قوية ومغرورة .. العنود كثر ماهو اكثر واحد يفهمها ..
الى ان بعض الاحيان يعجز عن فهمها .. تركيبتها غريبة .. التفت على السرير و شاف الظبي و سلطان ..
حس بغصة بحلقه .. يالله هالصغار وضعهم يكسر القلب .. انقلب حالهم 360 درجة خلال شهرين ..
ما يدري هذا عقاب لوالديهم مثل ما الله عاقبة .. و الا اختبار و بلاء ..
وبهمس وهو يمسح وجه و يصد عنهم / استغفر الله .. استغفر الله .. استغفر الله ..
جلس على الكنبة و رجع التفت على الظبي اللي فزت بصراخ لان امها مو حولها ..
شاف العنود توقف وتتوجه لها شالتها من جنب سلطان الي فتح عيونه بخدر من التعب والحرارة الي رجعت لطبيعتها ..
العنود مسحت على شعر سلطان بحنان وغصة .. وبصوت مبحوح / يارب تشافيه وتحميه يا كريم ....
سلطان غمض عيونه و رجع نام .. المغذي بيده .. التفتت على راكان .. الي نادها حتى تنتبه له ..
العنود جلست على الكنبة بتعب والظبي بحضنها .. راكان بهدوء / بتال برا .. بيدخل يشوف ولده ..
العنود كانت بتقوم تسحب نقابها الي على الطاولة .. راكان وقف لانه اخف منها .. بما ان الظبي نايمة بحضنها ..
سحب النقاب واعطاها اياه .. العنود لبست نقابها و هي تحاول تكتم شهقاتها ..
راكان وقف عند الباب و نادى على بتال الي جالس على الكرسي و هو لفة شماغة على وجهه وعاقد حواجبة بعصبية ..
وقف و دخل الغرفة .. وما كان العنود موجودة .. توجه لسرير سلطان .. حط يدينه على طرف سرير سلطان ..
وهو يطالع بسلطان بحزن وقهر .. قال وهو يوجه الكلام لراكان / قلت لدكتور مايعطيه اي نوع من المضادات ..
بس مضاد السخونه .. والحمدالله خلص جرعات المضاد .. و السخونة راحت .. و حرارة جسمة رجعت طبيعية ..
الحين تجي الممرضة و تطلع الابره .. ونطلع من المستشفى .. ان شاء الله ..
راكان عاقد يدينه على صدرة و عاقد حواجبة .. طالع بتال .. وبطفش / الدكتور قال ....
بتال قاطعة بعصبية وهو يوقف / هالدكتور الغبي مو مرتاح له .. " تنهد وهو يطالع بسلطان " ..
اليوم راح ادور حجز على الرياض .. و اشوف احسن مستشفى و اسوي له هو والظبي فحوصات شاملة ..
كل يوم واحد يطلع لنا شغلة .. " رفع يده و هو يمسح جبينه يحس بصداع " .. حسبي الله ونعم الوكيل ..
سمع صوت جواله يرن .. دخل يده بجيبة حتى يشوف الممرضة داخله ومعاها ادوات .. طالعها بحدة ..
الممرضة بخوف و ارتباك من نظراته / راح اطلع ابرت المغذي .. و الاوراق جاهزة ..
بتال طنشها وهو يرد قبل لا يشوف من المتصل .. / الو ..






:
:
:
:





سند الي استغرب من عدم وجود راكان و بتال في المسجد ..
وسال نايف وقال انه ما شاف راكان .. و نفس الجواب قاله سامر ماشاف بتال ..
رفع جواله و اتصل على بتال .. / السلام عليكم ..
بتال من سمع صوت سند وهو يحس بخنقته تزيد يبي احد يستشيره .. طلع من الغرفة / هلا ابو فهد ..
سند الي استغرب من صوت بتال و البحه الي فيه / عسى ماشر يا ابو سلطان اليوم ماشفتك بالمسجد ..
بتال بغصة / انا في مستشفى *****... سلطان ..... " وسكت بغصة خنقته ومنعت طلوع الصوت "..
سند بخوف واهتمام / الو .. بتال .. ايش فيه سلطان ..
بتال مو قادر يقول كلمة .. سند سمع زفرات بتال حتى يقطع عليه / دقايق واكون عندك ان شاء الله ..
" انهاء المكالمه .. و توجه لسيارته .. شاف نايف يطلع من المجمع وشكله مستعجل .. طلع سيارته و طلع وراه " ..







:
:
:






بتال توجه على دورات المياة " اكرمكم الله " .. توضأ و غسل وجههه اكثر من مره ..
اخذ كم دقيقة و رجع دخل الغرفة .. بدون لا يستاذن او ينبه .. نسي العنود ..
العنود كانت تلف شيلتها و راكان واقف قبالها .. وكانوا يتكلمون عن شغله ..
فجاه نزلت العنود راسها حتى تسحب انقاب و تلبسه .. بتال ابد ما انتبه ..
راكان التفت باستغراب لمن دخل بدون لا يستأذن .. شاف بتال .. وهو يقرب منهم ولا كانه سوا شي ..
بتال بضيق / سند الحين يجي ..
راكان رفع حاجب / مره ثانية لدخلت على احد تنحنح و استأذن ..
بتال طالع براكان بفهاوه و بعدها تذكر وبضيق صد التفت على الباب لمن سمع صوت ..
شاف نايف يدخل .. نايف بخوف / السلام عليكم .. عسى ماشر ايش فيه سلطان ..
بتال بهدوء / انا رايح اشوف الاوراق .. " وطلع من الغرفة " ..
راكان طنش بتال / وعليكم السلام .. " جلس نايف جنب العنود و بدا يتكلم معاها " ..
:
:
:
بتال نزل تحت بالمصعد وتوجه لـ الموظفين المسؤلين عن الحساب .. سمع صوت احد ينادية ..
التفت وشف سند سلم عليه و ساله عن الحال .. سند / عسى ماشر ..
بتال ياشر له على الكنب الي بالاستقبال / خلنا نجلس و اقول لك .. انا احس بموت من الخناقه ..
سند تقدم و جلس حتى يجلس بتال جنبه .. بتال مسح على وجه / الفجر اتصل عليه راكان ..
وقال سلطان تعبان ارتفعت عليه حرارته .. كنت اظن حرارته الي لها شهرين وهي تجيه وتروح ..
جيت وفعل حرارته حول الـ 40 .. تحاليل و فحوصات و امور روتنيه عارفها .. وبعد كم ساعة جاني دكتور ..
و يقول لي انا شاك بشي و لزم اقولكم عنه .. " حط يده على راسه وغمض عيونه " ..
سند باهتمام / عسى خير .. كمل ..
بتال بغصة / سرطان بالدم ..
سند بصدمة / اعوذ بالله .. " وبعصبية " .. و هذا على ايش استنتج تحاليل و فحص بساعتين اكتشف هالمرض ..
بتال بقهر / قهرني .. والله لو مافكه راكان من بين يدي كان هديت فمه و كسرت يدينه ..
سند / استغفر الله .. استغفر الله .. استغفر ربك يارجال .. " وسكت ما يدري ايش يقول " ..
بتال بضيق / انا قلت لهم ما يعطونه الا مضاد لسخونه .. و قلت لهم ابيه يطلع على مسؤوليتي ..
سند بهدوء / لا تستعجل ..
بتال بقرار نهائي / انا صليت الاستخاره .. خلاص ماني مرتاح لها الدكتور .. ذبح و لدي بالمضادات حسبي الله عليه ..
سند تنهد / لعله خير .. " وبعد سكوت لثواني " .. و الحين ايش بتسوي ..
بتال بتفكير / بروح الرياض .. ابي احجز اليوم .. بطيارة .. و اخذهم معي .. الظبي و سلطان ..
واسوي لهم فحص شامل .. و ابي اشوف احسن الدكاترة و المستشفيات بالخارج ابي اراسلها .. و ابي اروح لها ..
سند مسح على عوارضة / كلمت ابوك ..
بتال بهم / لا .. ابوي مع زوجته الثانية .. وامي ... آآآآآآه بس .. ايش اقول و ين اروح ..
وهو يشد ثوبة من الصدر بقهر / ابي اهج ..
سند حط يده على فخذ بتال / اذكر الله يا رجال .. و صل على النبي ..
بتال بضعف / لا اله الا الله محمد رسول الله ..







ــــــــــــ








انقلبت على جنبها الايمن شمت ريحة عطر غريبة .. فتحت عيونها بخدر و شافت سعود نايم جنبها ..
ابتسمت بخجل .. التفتت تدور على روب .. شافته بعيد شوي عنها .. رفعت الفرشة و وقفت بهدوء ..
اخذت الروب و لفته عليها و توجهت على الحمام اكرمكم الله .. فتح عيونه و ابتسم ..
صحي من ساعة .. و تحمم و اتصل على امه حتى ترسل له غرض نسية بغرفته .. ارسلته مع السايق ..
ولمن شافها مطوله بنومتها .. انسدح جنبها وهو يطالع بتفصيل وجهها .. نوال مو جميلة بجمال الي يسحر ..
لكن لها حضور وملح يجذب .. اول ماحس بحركتها غمض عيونه .. و اول ما حس بوقوفها و ابتعادها .. فتح عيونه ..
سمع صوت الماي بالحمام .. وقف ومشي بيطلع لصالة .. بس رجع و وقف قبال المراية .. طالع بشكله ..
شعره ماكان مرتب .. مشط شعره و رتبه .. و عدل لبسه ورش من العطر وطلع بالصالة ينتظرها ..
بعد ساعة .. طفش وهو ينتظرها .. توجه للغرفة وهو داخل الا هي طالعه .. كان راح يصدم فيها ..
سعود ابتسم وهو يطالعها من فوق لتحت .. نوال بخجل دفته عن طريقها .. / اعمى ماتشوف قدامك بغيت تصدمني ..
سعود ابتسم عارف انها تغطي خجلها بعوبتها و طول لسانها .. بسرعة لحقها ومسك يدها ..
حتى يشدها لحضنه .. و ابتسم / امممم غمضي عيونك ..
نوال طالعتها وهي فاتحه عيونها بكبرها .. / ..........
سعود بضحكه / اقولك غمضي تفتحينها .. انتي كيف صرتي دكتورة الله يعين مرضاك ..
نوال لوت فمها / مو ......
سعود يحط يد على فمها و يد على عيونها .. وهو يقرب فمه من اذنها وبهمس / هششششششش ..
انتي دائما تخربين الشي الي مخطط له .. الا تعاندين .. " مشاها خطوتين و نوال تمشي برعب معاه " ..
وقفها قبال الطاولة و شال يدينه من على عيونها و فمها .. نوال طالعت فيه و شافته ياشر على الطاولة ..
طالعت على الطاولة وشافت علبه سوداء مربوطه بشريطة حمراء .. طالعت بسعود ..
سعود بهمس / هدية صباحيتك ..
نوال وهي تحس بقلبها يضرب ضرب .. لفت على الهدية وفتحتها ..
سعود كاتم ضحكته على تصرفاتها .. طالع بوجهها يقرا تعابيرها ..
نوال اول مافتحت الصندوق .. شافت ورقة ملفوفة بشكل أسطوانة و مربوطة بشريطة حمراء .. و علبه ذهبية ..
و كرت مطبوع عليه عيادة الدكتورة نوال الفارس .. و التخصص و ارقام تلفون .. طالعت بسعود وهي مو مصدقة ..
ولا فاهمه .. و تحس برجفه .. سعود و هو يحط جبينه على جبينها / شفتي غلاك ايش سوا فيني ..
الف مبروك على العيادة و يعطيك خيرها و يكفيك شرها .. وربي يفتحها بوجهك ..
نوال لا شعورين نطت عليه حتى تلف يدينها حولين رقبته و هي تضحك فرحانه ..
سعود بضحكه وهو يحضنها / ههههههههههههههه .. احبك يا المجنونه ..
نوال من فرحتها و مو مصدقه / و انا اموت فيك ..
سعود و هو يحملها بين يدينه وتوجه لغرفة النوم .. حتى نوال تصرخ برعب وهو يضحك عليها ..






ــــــــــــــ








كانت غرقانه بنومها .. حست بانفاس حارة على خدها .. وفيه شي مقيد حركتها ..
فتحت عيونها بانزعاج .. حتى تشوف وجه قبالها .. صرخت برعب وهي ترفس برجولها و يدينها ..
ابتعد عنها بخرعة والم .. وبارتباك / ابرار انا فارس .. بنت اهجدي ..
ابرار الي جالست من الخرعة وهي حاطه يدها على قلبها .. طالعت بوجه فارس و بخوف / فجعتني ..
فارس ابتسم / والله مدري من الي فجع الثاني .. " وانفجر ضحك و هو يتوجه لصالة " ..
ابرار انتبهت انها بفستان زواجها .. تذكرت زفتها و فشيلتها فيها ورجعت تنزل دموعها ..
وقفت بصعوبة من الفستان .. اول ما وقفت رفعت الفستان على فوق و توجهت للحمام ..
اول مامرت من قدام المراية صرخت برعب من شكلها .. المكياج حايس حولين عيونها ورايح اسود ..
ووجهها من الدمع صاير خطوط سوداء .. بكت بقهر اكثر و فشيله .. و توجهت للحمام " اكرمكم الله " ..
رمت الفستان على ارض الحمام بقهر وحقد .. و فتحت المويه و نزلت تحتها .. تبكي و تغسل شعرها و وجها ..
بعد ساعة و نص طلعت من الحمام .. ووجهها احمر من الفرك و من البكي .. مشطت شعرها و لفته بشباصة ..
ولبست بنطلون ابيض و بلوزه ليمونية حفر .. ماحطت اي شي على وجها غير كريم مرطب و رشت عطر ..
طلعت لصالة وشافت فارس مرتخي على الكنبة ويطالع بالتلفزيون .. جلست على الكرسي و طالعت بالتلفزيون ..
فارس من شم ريحة عطرها التفت لها .. شاف شفتها ترجف واضح انها بعد بتبكي .. طنشها و صار يقلب بالقنوات ..
ابرار بهمس و غصة / فارس ..
فارس وهو يقلب بالقنوات وببرود / نعم ..
ابرار بعبرة / ابي امي ..
فارس التفت لها بصدمة / نعم ..
ابرار حطت يدينها على وجهها وصارت تبكي / ابي امي .. وديني لـ امي ..
فارس مسح على شعره و بتافف / ابرار لمتى بتبكين .. ترا طفشتيني ..
ابرار بشهقة / الله يخليـ..ـك .. ودينــ..ــني عند امي ..
فارس عارف انها بهالوضع ماراح تسمع له .. بهدوء / طيب .. بس كلي لك شي .. و بعد صلاة العصر اوديك ..
ابرار مسحت وجها بيدينها .. و باصرار / وديني الحين .. ما ابي اكل .. " و برجاء " .. الله يخليك ..
فارس طالعها و تنهد / طيب جهزي نفسك ..
برار و قفت و بسرعة راحت الغرفة حتى تسحب عبايتها و شنطتها الصغيرة .. و طلعت / جاهزة ..
فارس طالع لها .. متردد مايدري هالتصرف الي بيسوية صح والا غلط .. توكل على الله و وقف .. / مشينا ..






ــــــــــــــ






قاعدة على طرف السرير .. ماتدري تطلع والا تجلس في غرفته ..
تذكرت احداث ليلة البارح .. بارده .. كل الي كانت راسمته طلع خيال ..
فيه شي غريب مو مفهوم .. اكيد لانه مرفوض من قبل .. ومغصوبة على الثاني ..
بس هو غريب .. اول مادخلوا جناحهم بقي هو واياها .. تركها ودخل الحمام اكرمكم الله ..
بعد ربع ساعة طلع .. واخذ مخده و فرشة و حطها على كنبة بالصاله ... و جملة وحده قالها ..
زياد ببرود / بكرة طالعين لـ الرياض .. خليك جاهزة ..
ريهام بانكسار و صدمة طالعته .. مازالت واقفه بمكانها من اول مادخلت .. بعد وقت ..
مشت بهدوء تسحب معاها خيبة امل و قهر .. دخلت الغرفة و غيرت فستانها و تحممت و لبست قميص النوم ..
و انسدحت على السرير .. وبصدرها وجع .. غمضت عيونها و بكت بسكات .. ماتدري متى نامت وكيف ..
بس صحيت على صوت الباب و هو يتقفل .. التفتت بخرعة على جهة باب الحمام الا هو مفتوح .. وباب الغرفة مقفل ..
صحيت و غيرت لبسها و توضأت و صلت الظهر .. لبست بنطلون اسود و بلوزه بيضاء .. كانت مجهزة كل شي ..
سمعت صوت باب الغرفة ينطق .. متاكده انه مفتوح رفعت عينها و شافت زياد واقف على الباب ..
زياد بهدوء / فيه شي انزله معاي ..
ريهام وقفت وهي تاشر على شنطة متوسطة بجنب الباب .. وبخجل / بس هذي ..
زياد اخذ الشنطة و مشي قدامها .. ريهام لبست عبايتها بسرعة و هي تسحب شنطة اليد الصغيرة ..
ولحقت زياد شافت واقف عند باب الجناح و الجوال بيده .. وبداخلها " ايش سر الجوال .. ما ينزله من يده " ..
زياد طالعها وهي ارتبكت حتى تربط نقابها وترفع عبايتها على راسها ..
زياد فتح الباب و طلع و ريهام وراه .. طلعوا من الفندق .. و ركبوا السيارة و شغل زياد اذاعة القران ..
ريهام حست بالامان من سمعت صوت الذكر .. حتى تحس باحساس غريب ولذيذ يستوطن صدرها ..
من بعد ليلة انكسار و خذلان وجع .. طلعوا من الخبر حتى ما مروا على اهلهم .. ولا هي علقت ولا طلبت هالشي ..








ــــــــــــ








بيت ابو عناد ..



بغرفة ابرار الي نزلها فارس وراح لبيت اهله ..
ام عناد بعصبية / بتذبحني .. بتذبحني .. ايش اسوي فيها ..
شجون الي منسدحه على الارض و ميته ضحك .. ابرار جالسه على السرير و تبكي مره ومره تطالع شجون بقهر ..
شجون بضحكه / والله وناسة ههههههههههههههههههههههههههههه لتني شفت وجهك ..
ام عناد تطالع شجون وبعصبية / انتي ايش مقعدك عندنا انقلعي برا .. انقلعي ..
شجون وهي توقف و تطلع وهي ماتشوف طريقها من الضحك .. قابلت عناد وهو طالع من غرفته و شكله معصب ..
شجون وقفت ضحك وهي تتنحنح .. عناد وهو مستعجل يقفل ازارير ثوبة والشماغ على يده ..
شجون رفع اكتافها ماتدري ايش فيه .. شافت بدر طالع من غرفته وهو متضايق ..
شجون بخوف / ايش فيها .. صاير شي ..
بدر بضيق / بس سمعنا خبر يضيق الصدر ..
شجون بخوف / ايش صاير ترا رجولي معاد تشيلني ..
بدر بضيق / سلطان ولد بتال .. تعبان .. الله يشافيه ..
شجون حطت يدها على صدرها / ايش فيه سلطاني .. ساره قالت بس سخونه ..
بدر هزت اكتافه / ماادري .. بس الي سمعته انه مرض مو ..... " وهو يهز راسه بضيق " ..
شجون تجمعت الدموع بعينها ونزلت .. / ياربي تحميه و تشفيه .. ايش فيه .. ايش المرض ..؟
بدر سمع صوت امه من غرفة ابرار و باستغراب / امي ايش عندها بغرفة ابرار ..
شجون وهي تمسح دمعتها / ابرار هينا ..
بدر فتح عيونه بصدمة حتى يفتح الباب و يدخل على امه وابرار / ابرار .. ايش صار ..

بعد نص ساعة ..

بدر يمسح دموعه من الضحك و شجون تقلد طريقة مشيت ابرار بزفه / هههههههههههههههههههههههه
ام عناد بضحكه / بس مو واضح شي .. بالعكس زفت ابرار كانت متميزه ..
شجون بضحكه / لو تشوفين البنات .. الكل يسال تدربتي عند وحده تعلمك كيف الزفة والا انتي شفتي برنامج ..
والا من اختراعك .. ههههههههههههههه .. مايدرون انها من خرعتك هههههههههههههههههههههههههه ..
بدر / ههههههههههههه ..
ابرار تطالعهم بحقد .. ام عناد بضحكه / والله يابنتي ان عقلك ناقص .. قوم يا بدر و انتي يا شجون اطلعوا برا ..
بدر بلعانه / يمه ترا بعد شهر زواجي .. ابي اتعلم ..
ام عناد الي حمر وجهها خجل رفعت رجلها حتى تسحب الشبشب .. بدر راح يجري طالع من الغرفة و هو يضحك ..
شجون رفعت يدينها بعلامة الاستسلام / طالعه .. طالعه .. " وهي تطلع من الغرفة وتقفل الباب وراها " ..








ـــــــــــــــــ







بعد المغرب ..




سعود و الجوهرة وسامر جالسين بالصالة ..
سعود بتساؤل / وين بتال ..؟
الجوهرة بارتباك طالعت بسامر و رجعت طالعت بسعود / نايم ..
سعود باستغراب / نايم لذا الوقت غريبه ..
سيتي وهي طالعه لدرج انتبه لها سعود .. / سيتي وين طالعه ..
سيتي / سير بتال يبقى باندول ..
سعود ابتسم / مصدع راسة من زود النوم .. " وقف " هاتي انا اودية ..
الجوهرة / لا سعود .. خلي اخوك بحاله ...
سعود طالع امه باستغراب وشك / انا حاس ان فيه شي .. بتال مايرد عليه .. و انتي وجهك مسود .. ايش صاير ..
الجوهره تنهدت / اا....
سكتت وهي تلتفت على باب المدخل الا سلطان " ابو بتال داخل " .. وبنبرة / السلام عليكم ..
سامر و سعود / وعليكم السلام .. " الجوهره صدت " ..
ابو بتال / وين بتال ..
سامر / فوق ..
ابو بتال يرفع ثوبه و يطلع الدرج حبتين حبتين وهو ينسف احد اطراف شماغه الابيض ..
سعود طالع بسامر و امه و رجع طالع بالدرجة حتى يلحق ابوه ..








ـــــــــــ






بيت ابو طلال ..



طلال يلعب مع مريم .. سمع صوت جواله .. شافه رقم غريب .. فتحه / الو ..
......../ السلام عليكم ..
طلال عقد حواجبة / وعليكم السلام ..
بابتسامه / اشلونك يا ابو عبدالعزيز ... اكيد ما عرفتنا ..
طلال بحرج / الحمدالله بخير من الله .. لا والله العذر والسموحه ماعرفتك ..
......./ ههههههههههههه افااا الظاهر الحرمة اخذت عقلك .. و نسيت ايام التفحيط و الدرباوية ههههههههه ..
طلال وكانه عرف الشخص .. بفرحة و صدمه / حااااتم .. هلا هلا هلا .. هلا بالدكتور الداشر ..
حاتم / هههههههههههههههههههه هلا فيك .. كيفك اخبارك علومك ..
طلال بضحكه / الحمدالله من الله بخير .. انتي كيفك وكيف دنياك ..
حاتم تنهد / الحمدالله .. طحت على رقمك بصدفه .. كنت ادور رقم رعد و لقيت رقمك .. قلت اتصل و اسال عن رعد ..
طلال ابتسم / اوو رعد عاد الحبيب الي لحضر يغطي عن الكل عندك ..
حاتم / ههههههههههه لا والله محشوم يا ابو عبدالعزيز غالي و عزيز .. بس رعد عارف كبري و اطباعنا متشابها ..
طلال ابتسم / تسلم والله يا ابو .... تزوجت والا لساتك على حالك ..
حاتم سكت لثواني .. وبنبرة ثانية / لا تزوجت .. ابو غلا ..
طلال حس بتغير صوته / يخليها لك .. دقايق وارسلك رقم رعد ..
قفل المكالمه و حفظ الرقم .. وبعده ارسل عليه رقم رعد .. شاف تنبيهات برسال في الواتس ..
التفت على مريم و شافها نايمه .. فتح الواتس و شاف الرسايل .. عقد حواجبه و فز بعدها ..
حتى يغير لبسه ويلبس ثوب و يسحب شماغه و يتوجه لبيت اخوانه راكان و العنود ..







ــــــــــــ








بعد العشاء ..



بيت ابو عناد ..


الهنوف وهي واقفه جنب ابرار الي تلبس عبايتها عند المدخل / لا اوصيك .. وكلامي الي قلته فوق لا تنسينه ..
ابرار ووجهها محمر خجل / ان شاء الله ..
سمعت صوت جوالها .. رفعته وشافت " حبيبي .. يتصل بك " .. رمت الشيلة على وجههها .. و حطت الجوال بشنطة ..
ابرار بهدوء / هذا فارس .. اكيد برا .. " طلعت من الباب " ..
الههنوف / مع السلامه وربي يوفقكم .. استودعتك الله .. " و بصوت مرتفع " .. وسلمي لي على فارس




:
:
:





بيت ابو طلال ..



نوال جالسه بالصالة و الجوال بيدها .. و باستغراب و ضيق / سعود مايرد ولا ارسل عليه ..
مريم بهدوء / ماعليه يمكن مشغول ..
حتى يرن جوال نوال .. اول ماشافت المتصل فزت واقفه / هذا هو ..
فتحت الخط وهي تتوجه لاحد الغرف ..وبهمس / الو ..
سعود بضيق / انا عند باب المجلس افتحي لي ..
نوال غيرت وجهتها ودخلت للمجلس فتحت الاضائة .. وفتحت باب المجلس ..
دخل سعود و وجهه اسود .. جلس على الكنبة و هو يسحب شماغه يرميها على جنب ..
نوال قفلت باب المجلس وطالعت بسعود .. اول ازارير من ثوبه مفتوحه .. و وجهها مهموم ..
بخوف تقدمت منه وجلست جنبة وبتساؤل / .. ايش فيك .. ليه شكلك كذا ..
سعود وهو يمسح شعره و بضيق وتعب تنهد / جيب لي شي بارد اشربه وبعدين اقلك الي صار ..
نوال وقفت و بهدوء / من عيوني ..






:
:
:




اول ماركبت السياره ..
فارس ابتسم وبنبرة / هلا بالدلوعة هلا ..
ابرار ابتسمت بخجل / السلام عليكم ..
فارس وهو يطالعها بنظرات مفضوحه / وعليكم السلام ..
حرك سيارته و توجه للفندق .. دخلوا جناحهم .. ابرار على طول توجهةة لغرفة النوم .. علقت عبايتها ..
و وقفت قبال المراية تضبط نفسها .. رتبت شعرها و تعطرت .. و طلعت لفارس ..
فارس نزل اكياس الاكل على الطاولة .. اخذ شماغه ورتبه و حطه على يد الكنبه ..
فتح الاكياس و طلع الاكل .. حتي يروح يجيب الصحون و الملاعق ..
كان جوعااااان .. فتح اول ازرارين من ثوبة وجلس على الكرسي قبال الطاولة ..
وبصوت مرتفع شوي / ابرار ..
ابرار الي كانت تمشي له بخجل همست / نعم ..
فارس رفع راسه وهو مبتسم / الـــ... " انقطع باقي الكلام .. ضيع مايدري ايش يقول " ..
كانت لبسه فستان طويل بالون الأورانج مرسوم على جسمها .. عاري الاكتاف .. بتطريز خفيف من الصدر ..
شعرها لفته كيرلي .. مكياج برونزي .. مايدري يوقف والا يكون عادي .. ارتبك وواضح الارتباك عليه ..
فارس ابتسم بارتباك / ااااا .. " حتى يرفع يده ويمسح شعره " .. ترا جوعان و ما ادري ايش اسوي ..
ابرار تقدمت من الطاولة وبضحكه / حتى انا جوعانه .. سحبت الكرسي وقعدت قبال فارس " ..
بعد العشاء .. وقف وراح للحمام " اكرمكم الله " .. غسل يدينه و رجع لصاله .. شاف ابرار تلملم بقايا الاكل ..
فارس وقف وراه حتى يلف يدينه على خصرها و يحضنها بحيث صار ظهرها على صدر فارس ..
قبل كتفها العاري حتى يهمس لها / خلاص انا احترقت ..
مسك الي بيدها ونزله على الطاولة حتى يشدها لغرفة النوم ..








ــــــــــــ







يوم جديد ..




بيت راكان و اخوانه ..




ام سطام و العنود و ساره جالسين على الارض و قبالهم ترمس القهوة ..
العنود حطت يدها على جبين سلطان وهو منسدح بينها وبين جدتها ..
ام سطام اول ماشافت ساره توقف وتتوجه لـ المطبخ .. التفتت على العنود وطالعتها بنظرات ..
ام سطام / يا امك يا العنود ..
العنود طالعت بجدتها / سمي يمه ..
ام سطام بهدوء / ابي اقولك كلام .. من مبطي ودي اقوله .. لكن ما دري وشلون اقوله ..
العنود ابتسمت وهي تعدل نومت الظبي بحضنها / يمه قولي الي بخاطرك .. كيف ما كان قوليه ..
ام سطام / يمك .. هالزمان ماهو مثل زماني .. زماني و زمان ام نايف رحمة الله عليها .. غير ..
انتي تحرقين عمرك مثل ما جدتك احرقت عمرها .. " تنهدت " .. ما ودي اعيد و ازيد بالحكي ..
و اقول القصة من الاول ..
العنود عقدت حواجبه زهي تكز مع جدتها وبهدوء / ايش الي بخاطرك يمه ..
ام سطام سكتت و هي تلف طرف شيلتها باصبعها السبابه وترجع تفتحه ..
رفعت راسها وطالعت بالعنود / يا امك .. ربك قال .. وَلاَ تُلْقُواْ بِأَيْدِيكُمْ إِلَى التَّهْلُكَةِ ..
وانتي يا امك .. ترمين نفسك رمي على النار .. وليته يفيدك الا يضرك ..
" تنهدت .. وهي تشوف نظرات العنود الي موفاهمه المقصد " .. يا امك .. لحضرتي بمكان ..
قمتي به .. ولا اهتميتي بورعانك .. و لا بحالك .. " بنبرة " .. تسوين سوات الظبي .. وايش جنت الظبي ..
وكانت بزمان فيه الوفاء ورد المعروف ازود من ذا الزمان .. " مسحت على راس الظبي بيدها " ..
يا امك ما تشوفين البنات .. لبسهم وزينتهم .. و انتي مغير مراكض .. بين المطبخ و بين تلبية طلباتهم ..
يا امك الخدم بزود .. والله الحين ان شفوك جلسوا وحطوا رجل على رجل .. عارفين انك بتشيلين كل شي ..
يا امك جسمك عليه حق عليك .. و ورعانك .. تركطي عنك سوات الظبي .. و والله لو هي حيه ..
وتشوف سواتك انها ما تعجبها .. الظبي لو هي حيه و مشاها نار تاكل .. الا انها على الزين و البس محد يحوم حولها ..
العنود سرحت وتذكرت ايام جدتها .. كيف كانت تهاوشها اذا ماكانت كاشخه .. و تجلس بينهم كانها اميره " ..
العنود بهدوء / ايه يمه صدقتي .. " تنهدت " .. بس انا ارتاح لا لهيت عمري بالشغل ..
ام سطام بحده / وايش الي ترتاحين .. انتي شايفه عمرك .. الضغط جاك وانتي بعز شبابك ..
و عيالك هذا هم .. تعبانين و لا مثل الورعان الي بعمارهم .. مالك دخل باحد .. هالزمن زمن نفسي نفسي ..
انتي لاتحسبين ان الي تسوينه يعجب الكل و الناس بتمدح .. لا يا امك .. محد مادحك .. و اذا انتي ما شلتي عمرك ..
محد شايلك .. يا الله طوله عمر بلا مذله .. بكرة ان طحتي من بيشيلك .. عيالك صغار .. و اخوانك بينشغلون ..
بشغلهم و عوالهم .. وانتي ما حولك احد .. عيالك بيكبرون و يشوفون حياتهم .. " تنهدت " .. استغفر الله العظيم ..
العنود سكتت .. و الجده صارت تستغفر تبي تهدا .. دخلت الهنوف و الجوهرة و العنود " ام سند " ..
الكل / السلام عليكم ..
ام سطام والعنود رفعوا راسهم / وعليكم السلام ..
بعد السلام والسؤال عن الحال و الاحوال .. ام سند / راكان قال لنا انه مسوي الغداء وعزمنا ..
سمعوا صوت جوال العنود .. حتى ترفعه و ترد بهدوء / هلا .. وعليكم السلام .. لا .. حياكم ..
بارتباك طالعت بجدتهها وبعدها بالجوهره الي جلست بجنب سلطان وهي تمسح بشعره و تتفداه ..
......../ السلام عليكم ..
و بصوت ناعم / السلام عليكم ..
الكل / وعليكم السلام ..
الجوهرة رفعت راسها و شافت سلطان داخل و معاه مشيرة .. وقفت و طلعت من الصاله ..
بوقت ما سلطان ومشيرة يسلمون على الموجودين .. مشيرة بضيق وهي تسلم على العنود و تهمس لها / ليه ماقلتي لي ..
العنود بهمس مشابه والظبي بين يدينها / ما قدرت ..
سلطان الي جلس مكان العنود و رفع سلطان الصغير بين يدينه وهو يقبل راسه .. / يا روح جدك ..
التفت على العنود و سالها / كيف سوا سلطان يا ام سلطان ..
العنود بابتسامه خفيفه / الحمد الله على كل حال ..
مشيره وهي جالسه على الكنبه طالعت بالعنود و بتساؤل / نحفانه .. اكيد ما ناسيه نفسك ..
العنود عضت على شفاتها يعني سكتي .. ام سطام بعصبية / قولي لها .. توني اكلمها وهي مو معي ..
سلطان يطالع بالعنود الي واقفه قدامهم .. بحنان / تعالي اجلسي .. " وهو ياشر لها بمكان جنبه " ..
العنود ابتسمت / بس اجيب القهوة و ......
قاطعتها ام سطام بعصبية / والله ما تقومين .. الخدمات و ايش لهم فايده ..
العنود بصدمة طالعت بجدته / يمه ليش حلفتي ..
ام سطام تسحب عصاتها وبحلفان / ان دخلتي المطبخ انا ما الي قعده .. ها انا قلت لكم ..
ابو بتال بضحكه / تعالي يا العنود اجلسي .. وانا متقهوي ومعين من الله خير .. تعالي بس ..
العنود جلست جنب عمها و ام سطام جلست على الكنبه جنب مشيرة ..
ابو بتال بصوت خافت / ايشلونك وانا ابوك .. عساك بخير ..
العنود ابتسمت / الحمدالله يا عم بخير من الله ..
ابو بتال سكت لثواني .. و بعدها بنبرة / بتال حجز اليوم لت الرياض ..
يبي ياخذ الظبي و سلطان معه .. جهزي لهم كم لبسه ..
العنود حست بان قلبها بيوقف .. وبنبرة خوف / كيف ياخذهم .. الظبي ما تسكت الا معي ..
ابو بتال بنبرة / هو ابوهم .. وان بكت شوي بعدها بتسكت ..
العنود وهي تضم الظبي لصدرها / لا عمي .. اعذرني .. عيالي بدوني ما يروحون لمكان ..
ابو بتال بهمس / ما عليهم خوف .. ومثل ما انتي تخافين عليهم ابوهم بعد يخاف عليهم ..
العنود بعناد هزت راسها / عيالي بدوني ما يروحون لمكان ..
ابو بتال بنبرة / وايشلون تروحين مع بتال .. باي صفه ..
العنود كش جسمها .. و بارتباك / راح يروح نايف معاي .. و الا راكان .. " وبتذكر " .. زياد .. زياد بالرياض ..
ابو بتال بنظرات حاده / نايف وتوه بدا يرجع لدراسته و الجامعه .. بتشتتينه عن دراسته .. وزياد توه متزوج ..
بتنغصين عليه و على عروسته .. و راكان تو ماسك الشركة .. وين يفضى لك ..
العنود صدت وهي تطالع الارض بنظرات متشتته ../ .....
سلطان قرب منها .. وبهمس / يا بنتي .. مايشيل العيال الا ابوهم .. اذا تبون عيالكم .. ترجعون لبعض ..
العنود رفعت عينها وهي صاده عن عمها تطالع بالصالة بشتات .. مشرة كانت تراقب الوضع ..
ابو بتال تنهد بضيق ورفع راسه يطالع بالي جالسين .. جات عينه بعين مشيرة الي كان واضح بانها تراقبهم ..
ابتسم لها و التفت على امه سالها عن الحال و سولف معاها شوي حتى يوقف و يتوجه لمجلس الرجال ..
وراء الباب .. كانت واقفه تطالعهم .. بدون لا ينتبهون .. حست بيد على كتفها التفتت وشافت سمر ..
الي طلعت من المطبخ بعد ما شافت ايش جهزوا الخدامات و اذا فيه شي ناقص ..
سمر بهمس / يمه ..
الجوهرة التفتت و ملامح وجهها جامده / هلا ..
سمر باستغراب / ليه واقفه هينا ..
الجوهرة هزت راسها .. و ببرود / ولا شي .. تعالي سلمي على عماتك ..
الجوهرة دخلت الصالة وجلسه بابعد كنبة عن الكنبة الي جالسة عليها مشيرة ..
سمر سلمت على الجميع و جلست بجنب امها .. طالعت بمشيرة وطالعت بـ امها و سكتت ..
مشيرة الي بعد ما قام سلطان قامت من مكانها و جلست بمكان سلطان .. على الارض و بجنب العنود ..
مشيرة بهمس / وايش قلتي له ..
العنود بضيق / ولا شي ..
مشيرة بنفس الهمس / وانتي ايش رايك ..
العنود شدت شفايفها .. " يعني ما ادري " ..
مشيرة بهمس وهي تقرب من العنود اكثر / عنود ما دام تحبين بتال .. ليه ما ترجعين له ..
العنود التفتت عليها بحدة وهي تخفض صوتها / ومن قالك اني احبه ..
مشيرة رفعت نظرها ليكون احد انتبه بس شافت الهنوف و العنود يسولفون ويضحكون بصوت عالي ..
والكل مركز معاهم .. رجعت التفتت على العنود / انتي قلتي ..
العنود فتحت عيونها للاخير .. و مشيرة كملت / انتي قلتي ما اكرهه يعني تحبينه ..
العنود بعصبية / لا ما احبة .. انا قلت ما اكرهه بس ما احبه ..
مشيرة بنبرة هادية / لا تكذبين عليه يا العنود ..
العنود صدت و هي ترفع خصلة طاحت من شعرها على وجهها / مشيرة سكتي ..
مشيرة ابتسمت / اذا رجع وخطبك راح توافقين ..
العنود حست بشي نط في نص حلقها .. حتى تغمض عيونها وتحاول تبلع ريقها ..
حتى تكح فجاه وبقوة .. حتى الكل ينتبه لها .. و يسمي .. " بسم الله " .. عليها ..
مشيرة بخرعة تلتفت على الطاولة وتسحب كاس الماء و تعطيها العنود .. الي شربت منها شوي وتاخذ نفس شوي ..







ــــــــــــ






بالمجلس ..




....... بحدة / وان قلت لا ..
بتال طالع براكان .. رافع حاجب / وانا منتظر شورك ..؟
راكان بنفس العصبية والحدة / بغصب عنك ..
ابو سطام بغضب / اخو سند .. ولد .. تهاوشون قبالي لا حشيمه ولا قدر ..
ابو بتال بطفش من بتال و راكان / انتي واياه .. شوركم يمشي عليكم بس .. العيال مالكم خص بهم ..
بتال بضيق / يبه .. انا ابوهم .. مو ماكلهم .. " وبنغزة " .. ولا مضيعهم ..
راكان بعصبية / بتاااال .. ترا حاشمه لمجلسي ساكت عنك .. والا اكسر فمك ..
ابو بتال بغص / اص .. ما الكم شور ولا راي .. والسفرة الغيها ..
بتال بقهر / يـ......
ابو بتال بعصبية / انا قلت اص و خلاص .. " طالع بسعود " .. وانت مره خلاص ما ودك تسافر ..
سعود بهدوء / لا يبه خلاص .. الغيت كل شي ..
ابو سطام / يا ولدي اصل و ايش حلات ديرتنا ماله داعي هالسفر سويت خير ..







ــــــــــــــــــ







بيت فارس ..




فارس يعدل نسفت شماغه .. قبال المدخل ../ يا ابرار يا الله تاخرنا ..
ابرار طلعت والعباية على يدها / يالله جاهزة ..
فارس التفت عليها و بضيق / وين جاهزة وانتي ما لبستي عبايتك ..
ابرار تنزل شنطة اليد على الطاولة قبالها / خلاص الحين البسها ..
فارس / انا راح اقرب السيارة واجي .. وعلى طول تطلعين ..
ابرار وهي تقفل عبايتها / طيب ..



:
:



في السيارة ..




فارس / اقول ابرار ..
ابرار التفتت عليه / همم ..
فارس / ايش رايك .. بما ان سفرتنا تكنسلت .. نروح لـ الرياض و بعدها نطلع لمكه و جده و بعدها الجنوب و نرجع ..
ابرار طالعته / لوحدنا ..
فارس / لا .. نكلم سعود وزياد .. ونشوف ..
ابرار بهدوء / طيب ..






ـــــــــــــــــــ






بيت ابو عبدالعزيز ..





منصور يلعب بالكورة مع ماجد ..
ام طارق لبسة عباتها و تنتظر نزول البندري معاها اغراض منصور ..
طارق يشرب من فنجان القهوة و يطالع بالتلفزيون ..
ام طارق متردده و مرتبكه .. و كان واضح ارتباكها .. طول الوقت وهي تمسح يدها بعباتها ..
طارق منتبه لحركة امه .. ابتسم .. و بهدوء / خير يا ام طارق ايش ودك تقولين ..؟
ام طارق بخرعة / هاا ..
طارق ابتسم / امري يمه ..
ام طارق بهدوء حاولت تظهر به / يمك .. ما تبي تفرح قلبي ..
" طارق ابتسم .. وقبل لا يفتح فمه بيتكلم .." ..
ام طارق تكمل بفرحة / ام سلطان شارت عليه بعروس .. يوم كنا بابها .. والله يا وليدي انها دخله قلبي البنت ..
من قبل لا تكلمني عنها العنود .. ويوم كلمتني انفتح لها قلبي زود .. وهي بنت اصل وفصل ..
طارق الي تصلبت عيونه على فنجان القهوة .. وبنبرة / اخت نايف شارتها عليك ..
ام طارق بفرحه / اي والله .. البنت مملوحه .. اكبر من البندري بحول اربع سنين .. بنت خالد الفارس الصغيرة ..
طارق نزل الفنجان و بهدوء / مدام انها شور اخت نايف .. فما على شورها خلاف ..
ام طارق بفرحة / يعني اكلم امها وجس النبض ..
طارق بصمت غريب / .................
ماجد الي كان سامع الحديث .. وبفرحه / ايه يمه .. كلميهم .. و عجلي .. خليني اعرس .. ترا نشفت ..
طارق ابتسم ببرود .. وام طارق من الفرحه مو عارفه ايش تقول ..
البندري نزلت وبيدها الشنطه / وهذي هي شنطة الشيخ منصور ..
طارق يوقف .. و هو يسحب الشنطة بيد .. و يمسك منصور من اليد الثانية / يا لله يمه .. مشينا ..







ـــــــــــــــــــ








بالرياض ..





تو داخلين الشقة .. بعد ماتغدا زياد و ريهام في بيت صلاح .. عزمهم على الغداء ..

ريهام دخلت غرفة النوم وهي تسحب الشيلة عن راسها .. جلست على السرير بملل ..
ماسكه الشيلة بيدينها وحاطتهم بحضنها .. تنهدت بضيق .. رفعت راسهاا اول ما حست بدخول زياد ..
زياد .. هالشخص الي من تزوجوا من ايام ماسمعت الا بعض كلمات منه .. السلام .. تبين شي ..
و اليوم لمن قال لها صلاح عازمهم على الغداء .. لكن تفأجات من زوجة صلاح ..
الي قالت لها انهم كانوا يبيونه عشاء كبير بس زياد رفض واصر على انه يكون غداء و بسيط ..
تذكرت ترقيعها للسالفه .. بان يمكن عنده مشروع في اليل .. " الليل " .. زياد ايش بينه وبين الليل ..
ليش مايطلع الا لصلاة العشاء ويرجع .. هالادمي صار يخوفني .. بس قلبي مرتاح لانه محافظ على الصلاة ..
جدا محافظ .. " كان كل هالحكي تقوله بداخلها وعيونها تراقب تصرفات زياد بالغرفة .." ..
اخذ ملابسها و دخل للحمام ( اكرمكم الله ) غير ملابسه وتوجه للمسجد يلحق صلاة العصر ..
وقفت ريهام وهي ترمي الشيله على الاريكه و تفك العبايه بعصبية .. وترميها على الارض ..
اخذت الفوطه و توجهت للحمام ( اكرمكم الله ) .. تحممت وبعد نصف ساعة طلعت ..
مشطت شعرها وتركته حتى يجف براحته .. طلعت بنطلون و بلوزه طويله .. حتى توقف لثواني تطالع البس ..
وبقهر رمتها لداخل الدولاب و سحبت بنطلون سكيني ابيض وبلوزه ورديه بدون اكمام ..
بحزام نحيف من الوسط بلون الابيض .. كحلت عيونها .. و حطت روج وردي .. رشت من العطر ..
سحبت السجادة بجلال الصلاة .. وفردتها على الارض متجه للقبلة .. صلاة العصر وبعد ما انتهت .. طلعت لصاله ..
اول ماشافته جالس بالصالة قبال التلفزيون ومنزل راسه يطالع بالجوال .. حست برجفه بعظامها من الخجل ..
زياد رفع راسه فجاه وجات عينه بعينها .. حتى ينزل راسه بسرعه و وجهه احمر ..
ريهام من الحرج رجعت للغرفة وهي مقهوره من نفسه .. قفلت باب غرفة النوم ورمت نفسها على السرير وهي تبكي ..
وتعاتب نفسها .. " ملقوفه انا الي جبته لنفسي الحين اكيد بيقول قليلة ادب .. تستاهلين .." حتى تثقل اجفانها وتنام ..
اما زياد مسك جواله و فتح الواتس حتى يتكلم مع الشخص الي صار اقرب قريب له ..







ـــــــــــــــ







بعد المغرب ..




بقسم راكان وسمر ..


كان يشرب شاهي .. و يلعب شيخه .. دخلت سمر ومعاها صحن فطاير ..
راكان اول ما شم ريحة الفطاير .. رفع راسه وهو جوعان / اووووه ريحتها تجنن .. ماشاء الله ..
سمر ابتسمت / انا سويتها ..
راكان رفع حواجبه و بنبرة لعوبه / اييييه .. انتي .. من الي سوى العجينة ..
سمر بعفوية / سوناتا ..
راكان بخبث / والحشوة ..
سمر وهي تاكل شيخه ومو منتبهه لخبثه / سووننناااااتااا " وتبتسم لشيخه وهي تاكلها " يممممممي ..
راكان بضحكه / وانتي الي سويتيها ههههههههههههههه .. " وهو يهز راسه " ..
سمر التفتت عليه و هي رافعه حواجبها .. و متاكده بانها هي الي سوتها / ايه انا ..
راكان بضحكه يهز راسه / طيب طيب .. تسلم يدينك ..
سمر بقهر تضربه على كتفه / انت بس تنافخ عليه وعلى اخوي ..
راكان وقف اكل وطالع فيها بنظرات حاده / ايش دخل اخوك بالسالفه ..
سمر وهي تعتدل بجلستها وتاكل شيخه وتشربها عصير .. / ترا سمعت كلامكم انت واياه بعد العصر ..
راكان بسخرية / و يعني ..
سمر بجدية / يعني مالك حق ترفض .. اسال العنود وشوف رايها ..
راكان بسخرية / انتبهي لبنتك ومالك دخل بسوالف ما تخصك ..
سمر رفعت حواجبها / نعم .. مايخصني .. سالفة اخوي و اولاده ما هو من خصوصيتي ..
راكان يهز راسه وبنبرة بارده / ايه مالك خص .. وكلام زايد ما ابي .. " حط الفنجان على الطاولة ووقف " ..
شيخه من شافت ابوها وقف صارت تصرخ بفرح وتصفق تبي ابوها ياخذها معاه ..
بس ركان طنشها و دخل غرفة النوم .. حتى تبكي شيخه .. سمر حضنت شيخه وبضيق / معليش ماما .. بابا دُب ..







ــــــــــــــــ







بالرياض ..



دخل غرفة النوم وشافها نايمه على بطنها .. تقدم منها بخجل .. حتى ينادي بصوت عالي / ريهام ..
ماكانت نايمه .. بس خدرانه ومغمضه عيونها .. اول ماسمعت صوته فزت بخرعه وجلست على السرير ..
زياد ابتسم بارتباك / اممم .. لا تفوتك صلاة المغرب .. " وطلع من الغرفه ..
ريهام وقفت وهي تتوجه للحمام " اكرمكم الله " .. تحس بصداع راح يفجر راسها .. توضأت و صلت ..
عدلت كحلها .. وكانت بتغير لبسها بس تفاجات بدخول زياد لغرفة النوم ..
زياد ابتسم / اممم .. جهزي نفسك بنطلع نتعشى برا .. " وطلع من الغرفة " ..
ريهام التفتت على المراية وهي متفاجاة .. نقزت بفرح وهي تضم يدينها / اخير بيتحرك ..
لفت لجهة اليمين وجهة اليسار وهي تطالع بلبسها .. غمزت لنفسها / جبنا نتيجه ..
" وقفت وهي تطالع بلبسها " ... وبضيق / تجعلكت .. امممم .. صار لزم نغيرك ..
" مدت لسانها لصورتها بالمرايه " .. التفتت لدولاب و بدات تشوف ملابسها .. وايش راح تلبس ..










انتهى ..



لا اله الا الله محمد رسول الله ..

الحمدالله .. و.. سبحان الله .. و.. الله اكبر ..


اتمنى يعجبكم .. واعذروني على القصور والاخطاء الاملائية ..



لا تنسونى من دعواتكم ..


مشاعل السعودية ..

بارت اكثر رائع يا ميشو
متى تحنين يا العنود على بتال الضعيف
ميشو بانتظار البارت القادم ياليت تنزلين البارت