"





بسم الله الرحمن الرحيم ..

السلام عليكم ورحمة الله وبركاته ..

الحمد لله والصلاة والسلام على رسول الله ..

توكلنا على الله .. لا اله الا الله محمد رسول الله ..





البارت 50 ..








بيني و بينك عرفت الموت
تحب و الحظ متجني
تبي الصدق حبها منحوت
و أصبحت منها و هي مني
أفرشلها القلب بالياقوت
و أقول يا دلي إتمنّي
صدري قصور و مدن و بيوت
و هي المليك اللي يحكمني
يا ويل ويلي عليها صوت
تحكي تقل كنها تغني
و سكوتها غير كل سكوت
كل شي فيها يكلمني
قد شفت شمس زرعوها توت
بشفاتها التوت متثني
يا حلوها و القلم مبهوت
وش يكتب بوصفها عني
هي دنيتي و الهوى و القوت
و إن غبت عن وجهها كني
متغرب و غربتي تابوت
ميت و أنا حي مستني
قولو لها لو يفوت الفوت
هو ينفع الصوت متعني
و قولو لها و الله إلا موت
لو خاب في حبها ظني




" طلال الرشيد " ..







واقف و هو يطالع بالميدان و كساب يركض قباله .. و هو سرحان لبعيد ..
تنهد وهو يتذكر سلطان والظبي .. اشتاق لهم .. ابتسم بحنين و شوق لذكراهم ..
حس بان احد واقف وراه و شاف كومار .. بتال بضيق وعصبية / خير ..
كومار ينافخ / كير كير .. بكرة فيه شقل كتير .. انتا لازم يسوي فيه نوم .. علسان بكرة يشتقل كويس ..
بتال رفع حواجبه باستغراب / نعم .. تامر امر عمي كومار ..
كومار حس ان بتال عصب .. وبارتباك وهو يهز راسه / هذا انا كلم بابا .. فيه يقول بابا سند هدا قول ..
بتال بجمود / ومن كلم بابا ..
كومار يهز راسها / انا فيه يقول .. انت فيه جيب كساب من مزرعة تاني .. و في يجي يكسر هينا ..
بتال تنهد و هو يصد عنه و يطالع بكساب .. وبهدوء / كومار روح شوف شغلك وبكره خير ..
كومار هز راسه / تيب .. مافي يسهر كتير علشان شقل بكره كتير ..
بتال غمض عيونه بعصبية و هز راسه .. كومار تحرك و راح لجهة غرفته و هو يتثاؤب بصوت عالي ..







:
:
:




بصراخ وهي و اقفه عند باب بيت منار / يعني كيف اقعد .. عيالي وين ..
نايف باستعجال / العنود خليني اروح .. اشوف ايش يصير .. و اي شي يصير راح اخبــ....
العنود قاطعته بصراخ / نااااايف .. لا تجننيييييييييي .. ايش تخليني .. ما تروح الا ورجلي على رجلك ..
نايف تنهد وخلاص عارف ان مافي اي امل بان العنود تتركه / طيب طيب .. امشي ..
العنود بسرعة رفعت عبايتها على راسها و تحركت لسيارة ..






:
:
:






عند الحرم ..
قبال الكعبه ..



سلطان و هو ينزل جواله .. / هذا كومار يقول بتال عنده .. و قلت لسعود عنه ..
سند بهدوء / عسى يهدا و يحط عقلة براسه ..
سلطان بهدوء / انت ايش عندك قعدت ..
سند الي كان يطالع الكعبة .. التفت لخاله .. / ابي ازور عمي راشد .. ابوي و عمي خالد ما رضوا ..
و خالتي مياسة حلفت على صقر مايروح و ما رضي يكسر كلمة امه .. او بـ الاصح هو بعد ماكان يبي يزور ..
سلطان هز راسه / انا فكرة تبي تكلم راكان ..
سند التفت على الكعبه / وابي اكلم راكان بعد .. " حس باهتزاز جواله رفعه و شافه رقم عناد " ..
فتح المكالمه وبهدوء / هلا .. " عقد حواجبه " .. متى .. وهم وين .. طيب .. لا .. لا ترجعون و لا تخوف احد ..
وصلوهم .. و خلكم بمحالكم .. ان شاء الله بسيطة .. لقدر الله واحتجناكم تجون بطيارة .. مع السلامه ..
" وقف وهو يستعجل بخاله " .. خال خلنا نطلع بسرعة ..
سلطان باهتمام وهو يوقف / عسى ما شر ..
سند وهو يمشي / ما شر ان شاء الله .. بسيارة اقولك ..








:
:
:






العنود وهي تدور بالحديقة .. وبعصبية / كيف يعني اختفاء ..
نايف وهو يمشي معاها و يجاري خطواتها السريعة / اكيد لانه خلص وقت شغله .. شوفي الساعة 3 الفجر الحين ..
العنود و هي تحس راسها بينفجر من الالم و تنفسها يضيق .. / انا حاسه انهم قريب ..
ما بعدوا بس فيه احد ماخذهم .. " مشت لمسافه شوي بعيده عن مكان العربية " ..
نايف مد يده و وقفها / خلاص هالجهة مقطوع و مظلمه .. ما اتوقع يروحون لها ..
العنود تبعد يد نايف و هي تتقدم من المكان شافت خشب و جذع شجر مرمي .. و بعض اكياس الزباله .. و خلفها شبك ..
وهي تكبر خطواتها و تنقز الزبايل " اكرمكم الله ".. تقدمت من الشبك و هي تمشي بجنبه ..
الا ان شافت جزء من الشبك مقصوص .. حطت يدها على صدرها .. انحنت حتى تدخل من فتحت الشبك ..
وتطلع من الجهة الخلفية للحديقة .. طالعت يمين ويسار بعيون زايغة ..
نايف بخوف / العنود انتبهي .. " لحقها " .. انتي وين رايحه .. " حط يده على كتفها ..
العنود خارت كل قواها حتى تجلس على الارض وهي تشهق .. / راحوووا .. راحووووووا يا نايف ..
نايف بخوف و هو يشوف اخته تبكي و تشهق .. من سنين ماشاف دموعها ..
جلس قبالها و هو يحضنها / اذكر الله يا اختي .. و ان شاء الله بنلقاهم ..
العنود و هي تشهق / انا .. اناا كل الي حبهم .. يـ.. ـرووحووون .. اناا .. عياااالي ...
سلطاااااااااااااااااااان .. الظببببببببببببببببي .. ناااايف ابي عيااااالي ابيييييييييييهم ..
نايف انتبه لراكان و زياد و عمر و كم عسكري يدخلون من تحت الشبك و يجون جهتهم ..
حس بثقل جسم العنود .. و بخوف / العنود .. العنووووود ..
وصل راكان له حتى ياخذ العنود بحضنه و شافها فاقدة الوعي .. حتى يصرخ / اطلبوا سيارة اسعاف بسررررعة ..








:
:
:





بعد صلاة الفجر ..




سند واقف مع راكان عند مركز الشرطة / وكيف وضعها الحين ..
راكان بضيق و تعب / ضغطها مرتفع حيل .. الحمدالله مو جلطه .. " ضغط على جانبي راسه " ..
علقوا مغذية فيها و قلت لـ الدكتور يخليها نايمه .. بربر ما ادري ايش قال .. تركته وجيت هينا ..
سند / نايف عندها ..
راكان هز راسه / ايه .. " وبنبرة مقصودة " .. نبلغ بتال ..
سند رفع يده و شاف الساعة / يمكن الجماعة وصلوا الخبر .. قلت لطلال و عناد يحجزون بالطيارة و يجون ..
وهم يكلمون بتال و يجيبونه معاهم .. يبلغونه وجها لوجه احسن من التلفون .. ويجيك طاير مع الخط ..
راكان جلس على الدرجة وهو يحس جسمه كله مكسر .. و بخوف / سند ..!
سند طالع فيه .. راكان بهم / تخيل لو يطيحون بيد مافيا التسول الي نقرا عنها بالجرايد .. ايش نسوي ..
و الا يهربونهم برا البلد .. والا ....
سند قاطعه بهدوء خارجي / لا ان شاء الله تفاؤل بالخير .. وحنا وزعنا صورهم بكل مكان .. حتى بالاعلام ..
راكان نزل راسه بين يدينه و هو يداري دمعته .. سمع صوت عمه سلطان .. صد عنهم وهو يمسح دمعته ..
وقف وهو يسال / هااا .. ايش صار ..
سلطان وهو يجلس على كرسي .. وملامح وجه كبرت فوق العمر الي هو فيه .. / وايش صار ..
وقع ورقه .. و قع ورقه .. " التفت على سند " .. ما تعرف احد مسؤول هينا بجدة يساعدنا .. انا مخي وقف ..
سند وهو يفكر / متعب .. اكيد متعب يعرف .. " رفع جوالة واتصل بمتعب .. نزله و بضيق " .. مقفل ..
راكان بضيق / نايف بلغه .. و خابر انه جاي بالطريق من ابها ..
سلطان بهدوء / يجي بسلامه ..






:
:
:







بعد المغرب ..




بتال واقف قبال بيت عمر .. وهو حالته حاله .. الازارير الاماميه مفتوحه .. والشماغ مرمي على الكتف ..
العقال و الطاقية مرمية بسيارة الي مستاجرها سند ..
عمر بهدوء / ادخلوا بالله .. كلوا لكم كم لقمه .. تلم عضمكم شويه .. لكم من الفجر واقفين ..
سلطان حط يده على كتف ولده .. وبحنية / تعال يا ولدي ادخل ارتاح شوي ..
بتال بضيق وقهر / وين ارتاح يا يبه .. وين يجيني نفس لراحه .. وانا عيالي من امس ماندري عنهم ..
اكلوا شربوا .. " بغصة وهو ينفض يدينه " .. حيين والا ميتين ..
سعود بامل / باذن الله يرجعون بخير و سلامه .. انت ادعي ربك .. و كل شي من ربك خير ..
سلطان شد يد ولده ودخله لمجلس عمر .. عمر الي جاب لبتال عصير بارد ../ هدي اعصابك وازكر الله ..
وصل على النبي .. وتصدق .. والله مافي احسن من الصدقة .. تدفع البلاء ..
حمزة الكبير ابو عمر / والله ياولدي الصدقه لها فضل كبير .. اذكر مره .. وانا طالع من البقالة ..
شفت حرمة مسكينه وولدها .. قاعدين عند باب البقالة .. ويطلبوا حسنه ..
طلعت الي في جيبي الا هي خمس ريال وماعندي غيرها .. الي كانت بجيبي كلها اشتريت فيها اغراض البيت ..
طالعت وشفت خبز اسمر بين الاغراض اخذتوا لي و جبنه كاسات .. طلعتها مع الخمسه و اخدت اتنين عصير ..
واعطتها هوا .. فرحت به كتير .. و دعت بان الله يخلي لي احبابي و يحفظهم لي و يحفظ بزورتي ..
ما وصلت البيت الا اسمع اولادي يقولوا يا ابويا عمر و منار صار عليهم حادث على طريق رابغ ..
والله ياولدي .. لو تشوف السيارة .. موجوده صورتها بجوالات الاولاد .. كيدا .." وهو يجمع منديل بيده "..
عجينه راحت .. محد يصدق ان الي فيها نجوا من الموت .. الحمد الله الي الله صرف عنهم البلاء بسبب الصدقة ..
بتال الي كان يسمع لكلام حمزه شرب كاسة العصير و اكل كم فطيرة لحم .. وقف وهو ينزل الكاسة على الطاولة ..
وقف سعود معاه .. بتال / انا ابي اشوف ايش صار ..
سلطان بتعب / ياولدي توك جاي من المركز ..
بتال تنهد / ماعليه ابي ارجع اشوف .. و ابي ارجع لـ الحديقة الفها و اشوف يمكن احصل شي ..
سند اشر لسلطان يخليه براحته .. طلع بتال و معاه سعود ..
حمزة ابو عمر / ربي يريح قلبنا و يرجعهم بالسلامه ..
الكل / امين ..






:
:
:






فجر اليوم الثاني ..






صوت الرسايل اللاسلكية بينهم .. و الشيفرات ..
متعب على الجهاز وهو يسمع الارسال ..
الضابط / اهم شي سلامة الاطفال .. لا تستخدمون السلاح الا عند الضرورة القصوى ..
...../ علم سيدي ..



بعد ساعة تقريبا ..



صوت صرخات ممزوجه بصارخ الاطفال ونساء ..
طالقات النار ..
من جميع الجهات ..




متعب بعد ما تم القبض على المافيا ..
طالع بوجيه الاطفال الي يركبونهم بالحافلة .. ماكان بينه لا الظبي ولا سلطان ..
بسرعة دخل البيت الي هاجموه وكان موجود فيه المافيه ..
طالع بالعسكر الموجودين .. شاف عربانات بليلة و ذرة و الاهم و الي كشفت سرهم و قادتهم لوكر ..
عربانة الكريسبي .. متعب بخوف وعيونه تجول بوجية الاطفال الموجودين / سلطان .. الظبي ..
دخل اكثر لداخل البيت حتى يدخل للممر مظلم و تطلع منه رائحة كريها ..
وقف بصدمة وفرحه وهو يشوف سلطان حاضن الظبي .. والعسكري واقف جنبهم ..
كان بينزلهم عن الكرسي الخشبي الي جالسين عليه .. بسرعة وهو يقفز عن الاشياء المرمية بالارض ..
حضن سلطان والظبي وهو يحمد الله و يشكره .. انتبه لخروج عسكري من داخل الغرفة الي جلسين بجنبها ..
وهو يطلع الي في بطنه .. شاف الظابط خارج وهو يغطي على خشمة .. ويردد / حسبي الله ونعم الوكيل ..
رفع الظبي و سلطان .. و بفضول دخل يشوف ايش بالغرفة .. حتى يحس ان معدته بتطلع من حلقه ..
وبسرعة طلع من المكان وهو يحاول مايتنفس .. اول ما خرج نزل الظبي و سلطان .. وصد عنهم ..
و طلع كل الي في معدته .. الظبي و سلطان يطالعون بالي حولينهم ..
متعب رجع وهو يمسح وجيههم الي موسخه .. شاف علامات على وجه الظبي و سلطان ..
فالاول فكر انها تراب .. ولمن مسح عليها .. شاف لونها البنفسجي مع ازرق واخضر .. " ضرب " ..
متعب بقهر / الكلاب .. ضاربينكم .. والله لينضربون مثل ما انضربتوا .. " ضمهم وهو مخنوق بعبرته " ..
حملهم وتوجه لسيارته .. ركبهم .. حتى يوقفه الضابط .. / متعب .. لحضة .. انت عارف القوانين والاجرائات ..
متعب تنهد / عارف عارف .. الحين رايح معاك .. بس ما بغيتهم يركبون الحافلة ..
الضابط هز راسه / طيب .. والحمد الله على سلامتهم ..
متعب / الحمد الله .. الحمد الله .. " ركب سيارته و هو يمشي وراء سيارة الشرطة " ..






:
:
:





بالمستشفى ..




العنود وهي تمسح دموعها / والله .. خذني لهم ..
نايف بابتسامه / كلنا رايحين لهم .. انتي البسي عباتك وتجهزي حتى نروح لهم ..
العنود لبست عبايتها وهي ترجف .. اخذها نايف و نزلها بالطواري تحت .. قسم الاطفال ..
اول مادخلت و شافها سلطان انفجر بكي و هو ينادي / ماااااامااااا ..
العنود بشهقه و هي تحضنه و لا انتبهت للي حولها .. / ياروح ماما ..
" شافت الظبي ساكته وهي تطالع فيها بنظرات غريبة .. حضنتها وهي تحمد الله و تشكره "..
بتال بسخرية / لا ما شاء الله عليك .. ام مثالية ..
سند الي كان واقف جنب الصغار واول ماشاف دخول العنود ابتعد لخلف الستاره ..
مد يده حتى يسحب بتال ويطلعه برا الغرفة .. من لقوا سلطان والظبي وهو ينفث سم على الكل ..
راكان ماسك نفسه بالغصب .. ومتعب ما قصر اعطه كم كلمه وسكت بعدها .. لكن بتال مايبي يجيبها للبر ..
بتال ينفض يده وبعصبية / اتركني .. اعلم هالي شايفه نفسها فاهمه امـ.....
سند يرفع يده يسد فم بتال ويلوي يد بتال حتى يخلي وجه بتال ملاصق للجدار .. وبهمس حاد / انت غبي ..
كيف تفكر .. ماتعرف تتعوذ من الشيطان .. ماتشوف وضع عيالك .. ماتحمد ربك على رجوعهم لك بالسلامه ..
ماتقول لعله خير .. متى تفوق هااا .. تراك اتعبتني ومعاد فيني حيل لجنانك ..
بتال غمض عيونه وبقهر صرخ / آآآآآآآآآآآآآآآآه .. آآآآآآآآآآآآآه ..
سند تركه حتى يلفه على جهته ويحضنه .. وهو يهمس / اذكر الله .. و صل على النبي ..
بتال وهو يغطي وجها بكتف سند و يبكي / لا اله الا الله .. لا اله الا الله .. الحمدالله الي رجعوا لي .. الحمدالله ..
سند بهمس وهو يمسح على شعر بتال / ايه احمد الله .. واشكره .. الحين روح توضأ و صلي ركعتين شكر لله ..
بتال هز راسه و هو يبتعد عن سند .. التفت و شاف دورات مياه " اكرمكم الله ".. وتوجه لها ..
سند انتبه لـ الضابط يتكلم مع سلطان و متعب و راكان ... تقدم منهم وهو يسمعه يقول ..
الضابط / الحمدالله سلطان والظبي مالهم الا يومين من اختفائهم .. بعض الاطفال لهم ايام و اسابيع و شهور وسنين ..
سلطان " ابو بتال ".. / الحمدالله اللي يصبر اهلهم .. و يقويهم .. والله يومين و حسيتهم دهر ..
الضابط / الحمدالله على سلامتهم مرة ثانية .. و السلام عليكم ..
الكل مودعين له / وعليكم السلام ..
متعب ابتسم / عاد اليوم غدانا عليك يا ابو بتال ..
ابو بتال ابتسم وبفرحة / واحلا غداء على شرف سلامة الظبي و سلطان ..
سعود بقهر وآن وهو يحط يده على صدره / آآآآآآه انا مو شاب النار بصدري الا الي بخد الظبي و بجسمها ..
ضاربينها الكلاب ضاربينها ..
متعب بهدوء / الحمدالله انه بس ضرب .. انا شفت شي .. " وسكت وهو يغطي فمه وانفه ويهز راسه "..
سند عقد حواجبة و باسف / بعض الاطفال شفتهم هينا .. نقلوهم للعناية .. وفي بعضهم على غرفة العمليات ..
طلال بتساؤل / ليه ..
سند وهو متقرف / حسبي الله عليهم .. مقطعين اجزاء من جسمهم و مشوهينهم .. و غير الاشياء الثانية ..
ما قول الا الله يعتني فيهم و يعين اهلهم .. ويصبرهم ..
ابو بتال وهو يلف شماغه و يتلثم بها / هذيك البنت الي على راسها طين ما ادري وصاخه ..
هذيك حالتها مره شينه ..
سند بهمس مسموع / هذيك خلطه .. تموت خلايا الدماغ .. وتخليها مختله .. حسبي الله ونعم الوكيل ..
سعود بصدمة / تمزح ..
طلال وهو يطالع بعمه / هذيك الي يوم دخلنا وهي بسرير يدخلونها ..
ابو بتال هز راسه .. طلال بخوف / ياربي لك الحمد الي حمى هالصغار .. " ودخل لغرفة العنود و صغارها " ..








ــــــــــــــــــــ







بعد يومين ..





راكان بهدوء / بنروح ابها .. تبين تروحين معانا حياك .. تبين تروحين مع ابوك و اخوانك الخبر .. الله يسهل لك ..
سمر بهدوء / يعني ما راح تزعل ..
راكان ابتسم وهو ينحني وياخذ شيخه ويرفعها فوق وينزلها / لا مو زعلان .. وانا سمحت لك .. الشي الي يريحك سوية ..
سمر نزلت راسها و طالعة بأظافيرها الي صابغتهم بالون الاحمر..
راكان جلس جنبها على طرف السرير وحضن كتوفها .. انحنى حتى يقبل كتفها .. وبهمس / ايش تفكرين فيه ..
سمر هزت راسها وهي على نفس الوضع .. وبغصة / ولا شي ..
راكان بهمس / مو على ركونك .. هـ الكلام ..
سمر رفعت راسها و طالعته / انت متضايق مني ..
راكان بهدوء / لا .. ليش .. حاسة بشي ..؟
سمر بغصة / لا .. بس علشانك قلت روحي ما ازعل ..
راكان ابتسم / قلت على راحتك .. وانا اشوفك ذا الايام مو مرتاحه .. وام لسان طويل مناروه اعرفها ..
بس قلبها ابيض .. وانتي حساسه بزياده .. " وبغمزة "... ودلوعه ..
سمر ضحكت وهي تطالع بأظافيرها .. راكان بخبث / ترا داري ان ما عليك صلاة خلاص ..
سمر بخجل شهقت وهي تضربه على كتفه / دوووووب ..
راكان وهو يضمها و يضحك .. / ههههههه .. طيب .. يالله جهز نفسك الحين اخوك يوصل ..
سمر هزت راسها و هي تبتعد و وقفت / طيب ..





" طلال و سعود و سند و عناد .. راحوا بسيارة طلال " ..
" و بتال و سلطان و سمر راح يروحون بالطيارة "..






ـــــــــــــــــ






بغرفة العنود ..



دخلت سارة وشافت العنود حاضنه الظبي وسلطان و صوت القران بالغرفة كلها ..
تنهدت و هي تقفل الباب عليهم بهدوء راحت لمنار الي جالسة بالصالة / نايمه ..
منار و هي ترضع و لدها / خليها ترتاح .. مسكينه ماتنام الا تصحى و هي تصارخ مفجوعه ..
ساره بتفكير و استغراب / تصدقين الظبي ما تصارخ و نسمع صوتها الا بالنوم .. وهي صاحيه ابدا ما لها صوت ..
منار تتذكر الظبي .. تنهدت / شفتي كيف ضربت حمزاوي ..
سارة هزت راسها / هممم .. وقطعت لعبتها الي جابها لها سعود .. صايره عنيفه ..
منار بضيق / الله يستر بس ..
ساره بحنان / يا حياتي ياسلطان .. تغير عليه الجو و تعب .. الحراره اخذت منه العافية كلها ..
منار وهي تتذكر حال سلطان الي نحف بوضوح خلال هاليومين الي مر فيها .. / اي والله .. ضعف مره ..
ساد الصمت لثواني .. حتى قاطعته تنهيدة منار / اااااه نفسي اروح معاكم ابهااااا ..
ساره ابتسمت / والله انا ودي .. بس حلفان خالي متعب يكفي و يوفي على اني اقولك انثبري في بيتك ابرك لك ..
منار كشرت بوجهها .. / قال يشربني السمن قال .. وووووووع .. والا ياكلني العصيده .. يييييييييخ ..
ساره بضحكه / ههههههه اجل سجن عمر و لا ابها متعب هههههههه ..
منار ابتسمت / اي والله نار حبيبي و لا جنة اهلي ..







ــــــــــــــــــــــ







يوم جديد ..
في ابها ..





العنود بضحكه والظبي بحضنها / عاد خلاص افردها ابو منصور ..
متعب وهو يشرب من فنجان القهوة .. / انا مو قاهرني الا قوله بوسط مجلس الرجال و لا عزم على العرس ..
العنود غمزت لمشيرة .. مشيرة وقفت / انا ابي اشوف سلطان ومنصور و ارجع لكم ..
متعب / جيبي لي شي بارد اشربه ..
مشيرة ابتسمت وبخبث / ابشر و احلا شراب بارد ..
متعب رفع راسه و شافها طلعت من المجلس الصغير .. بديكورة الجنوبي ..
طالع بالعنود و شافها ماسكه جوالها تطقطق فيه وهي تهز الظبي الي نايمه بحضنها.. تنهد / انا حاس ان وراكم مصيبة ..
العنود رفعت راسها و طالعت متعب بصدمه / نعم .. ايش مصيبته من غير شر ..
وقف وهو ينزل الفنجان على الطاوله .. / المهم .. انا رايح و خليكم بمخططاتها الي ماريحتني ..
العنود تطالعه وهي رافعه راسها تطالعه باستغراب / اي مخططات .. بسم الله ترا انا مو فاهمه ايش تقول ..
سمع صوت مشيرة / تعالي .. بسم الله .. لا اله الا الله ..
متعب التفت و شاف بنت مع مشيرة .. بشرتها برونزية شعرها بني على حمره , من اثار الحناء ..
ملامحها الحادة .. كانت تشبه لامه كثير .. شاف الجوري واقفه و راهم عند الباب و عيونها فيها لمعة الدمع ..
ابتسم لها و هو ينزل راسه .. مشيرة جلست البنت جنبها .. والعنود سحبت ثوب متعب و همست / اجلس ..
متعب جلس بهدوء استغربته العنود و مشيرة .. بس كتموا ضحكتهم .. العنود ابتسمت / ها خالي .. ايش فيك ..
متعب رفع راسها وطالعها بنظرات حاده .. / صبي قهوه ..
العنود ابتسمت و بخبث / مو انا .. تمارا هي الي تقهويك ..
تمارا رفعت راسها لـ العنود .. وشافتها العنود تاشر لها يعني قومي ..
وقفت بخجل و ارتباك وهي تصب قهوة لمتعب .. مدت يدها لمتعب وهي ترجف و بهمس / تفضل ..
متعب رفع راسه وجات عينه بعيونها الكحيله .. تمارا بخجل نزلت نظراتها ..
متعب اخذ الفنجان و شربها الي فيه دفع وحده .. نزل الفنجان على الطاولة و وقف ..
تمارا بخوف رجعت على وارا مستغربه وقوفه المفاجئ .. متعب بارتباك / ااا .. صار لزم اطلع ..
طلع بسرعة .. شاف الجوري واقفه قريب من باب المجلس .. شدها من يدها و ضمها ..
الجوري تبكي / ما توقعتها تشبه امي لها الدرجه ..
متعب بغصة / الله يرحمها ..
الجوري ابتعدت عن حضنه / يعني تشبه لها صح .. انا شفت صورت امي و حافضتها .. بسسس ..
متعب رجع ضمها / تشبه لها .. بس مو امي ..
الجوري وهي تبتعد وتمسح دموعها / متعب وافق .. تزوجها .. الله يخليك ..
متعب بحنان و هو يمسح ماتبقى من اثار الدموع .. ابتسم / طيب ما تباركين لـ اخوك ..
الجوري باستغراب / يعني بتتزوجها .. موافق ..
متعب وهو يعدل نسفت شماغه / ايش رايك يعني ..
الجوري بضحكه حضنته / هههههه مبروووك .. " حتى تنفجر بكي " ..
متعب زاد من احتضانها وهو يضحك ..







ـــــــــــــــــ






بعد شهر..




بالعشر الاواخر من رمضان ..




ياسر بعصبية / اوديكم .. بس هذيك الوسخه معاكم لا ..
غرام بصراخ / ياسرررر .. لا تضحك عليه ولا اضحك عليك .. انت الي ابتدأت الغلط ..
لو ما زنيت على البنت و طاردت ورها مكان اعطتك وجه .. اذا فيه احد وسخ .. فهو انت ..
" تركته بغضب حتى تطلع من جناحه وتنزل تحت .. شافت سند قاعد بالصالة جلست جنبة وهي زعلانه .."
سند نزل كاست العصير وباستغراب / خير .. ايش مزعلك ..
غرام شافت ياسر نازل مع الدرج وهو يضبط لياقة بلوزته / السلام عليكم ..
ومر على طول وطلع من البيت .. سند تنهد / الله يهدية ويصلحه ..
غرام طالعت سند وبعصبية / قلت له ودينا السوق .. قال اوديكم بس شجون معاكم لا ليته قال اسمها .. لا قال الوسخه ..
سند هز راسة / خليه ..هو الخسران مو هي .. بكرة تلقي من يتزوجها ويحطها فوق الراس ..
غرام تنهدت بضيق / ما بقي الا كم شغله صغيرة محتاجتها من السوق ..
سند يوقف / عشر دقايق عندك تجهزين وتجيني السيارة ..
غرام بفرحه / طيب ثواني بس ..
سند ابتسم وهو يطلع مفتاح السيارة من جيبه .. ويتوجه للباب ..




بعد دقايق .. في سيارة سند ..




غرام وهي تلتفت له / رنيم ماتبي السوق ..؟
سند وهو يلف الدريكسون / لا كلمتها .. حتى اخواتها خلصوا ..
غرام تنهدت / وابرار و شجون راحوا مع عناد ..
سند ابتسم و بخبث / من قالك عناد و الا اخواته ..
غرام / ههههههههههه لا عناد ..
سند بضحكه وهو يلتفت يشوف الطريق / اوووو .. تخرفن الوالد .. ههههههههه ..
غرام / ههههههههههههههههههههه ..







ــــــــــــ






بيت راكان ..




بالمجلس ..




بتال وهو يحضن الظبي ../ صايرة عصبية ..
راكان بهدوء / من بعد الي صار لهم بجدة وتصرفاتهم هي وسلطان غريبة.. امس ضربت شيخة ..
نايف بهمس مسموع / الظبي لها شهر ما نطقت بكلمه .. بس تصارخ و تضرب ..
بتال وهو يمسح على شعرها .. وبضيق / وهي لساتها ما كبرت ولا فهمت هذاك الفهم الكبير ..
الظبي كانت تلعب بجوال ابوها .. حتى ترفع يدها و ترمي الجوال ..
بتال طالع فيها وشافها عاقدة حواجبها وزامه شفايفه ..
نايف بهمس / الطفل يحس بالي حوله و ياتاثر من هو في بطن امه .. " سكت لثواني " .. محتاجة لدكتور نفسي ..
بتال طالع نايف بغضب / ....
نايف طنش نظرات بتال وكمل / وسلطان الصخونه ما تفارقه .. كل يوم والثاني راجعه له ..
راكان رفع حاجب و باستغراب / قبل اسبوع مسوين تحاليل شامل لهم .. سليم ما فيهم شي الحمدالله ..
بتال تنهد وبضيق / الحمدالله .. " انحنى وهو يقبل راس الظبي " ..







ــــــــــــــ







شقة رعد ..




هيفاء وهي تحس بالم اسفل بطنها و ظهرها .. تعدلت بالجلسة و بضيق / بطني يوجعني ..
رعد بخوف / ليكون ولاده ...
هيفاء وهي متوقعه هالشي بس خايفه / لالا .. مو ولادة .. " وبغصة " .. رعد .. فيه شي غريب ..
رعد وقف وهو يشد ثوبة من علقت الملابس ../ يالله خلنا نروح المستشفى .. ونتطمن ..
هيفاء برعب / رعد .. رعــد ..
رعد التفت عليها وهو يسحب المحفظة و المفاتيح من على الطاولة / نعـ..
هيفاء واقفه وهي تطالع برجولها / اولد .. اولد ..
رعد بسرعة سحب العباية ولبسها .. وبرعب / تنفسي .. خذي هواء .. لا تولدين ..
هيفاء وهي تمشي ببطى .. / كلم امي .. علشان اخذها معاي ..
رعد يسايرها / طيب طيب .. بس انتبهي تولدين ..
هيفاء بعصبية / هو بيدي ..
رعد بتنبيه / هششششش لا تعصبين .. خذي نفس .. نفس ..







بعد ساعات ..




امام غرفة الولادة ..
رعد رايح جاي .. وكل شوي يطالع بساعته ..
بتال ياكل من السندويتش ويشرب عصير / عمي كل قبل لا ياذن ..
رعد يهز يده / لا ما ابي احس بغثيان ..
بتال ابتسم .. و بداخله وجع .. " لو كانت مع العنود بوقت مخاضها .. كانت اقلق مثل رعد .." ..
شاف ممرضة تطلع من غرفة الولادة / مبروك ولد ..
رعد فتح يدينه و كان بيحضن الممرضه لو ما انكمشت و رجعت لورا ..
بتال نزل الساندويتش و وقف و توجه لعمه حتى يحضنه و يبارك له / مبروك مبروك .. يتربى بعزكم و دلالكم ..
ويجعله من الصالحين البارين فيكم .. مابغى يجي .. " التفت على الممرضة " .. كيف مدام ..
الممرضة بهدوء / كويس .. الحمد الله ..
رعد من الفرحة مو عارف ايش يقول بس يطالع و ساكت ...






ــــــــــــــ






قبل العيد بيومين ..





نوال و هي تشرب شاهي اخضر / يوه يا شهر رمضان سريع مرة ..
ابرار تنهدت / هي الاشياء الحلوة تمشي بسرعة ..
نوال ابتسمت / قرب عرسك يا ابرار ..
ابرار بنص عين / يعني انتي الي ابعد ..
نوال بسخرية / عاد انا حاله استثنائية .. ابو زوجي يتزوج قبل ولده باربع ايام بس ..
ابرا تلتفت حولينها و بهمس / وطي صوتك سمر موجوده ..
نوال تهز راسها بقهر / انا ما ادري ليه يبي يتزوج قبلنا .. باااربع ايااام .. افففف ..
رنا وهي تاكل / هو زواج .. زواج يعني .. كبير يعني ..
نوال بسخرية / ما شاء الله على الفاظك و مفاهمك ..
رنا ابتسمت برواقه / .....
ابرار ابتسمت / لا .. بس عشاء بالمزرعة و خلاص ..
ساره جاءتهم و جلست وهي تنزل الجوال على الطاولة .. ابتسمت / منار تسلم عليكم ..
نوال تتربع على الكنبة وهي تنزل الكوب على الطاولة .. وبجدية / تعالي هينا ..
ساره بخوف / هااا .. ايش فيك ..
نوال ابتسمت / ما في شي .. ابي اسالك .. " وبحدة " .. بس ها تجاوبين بصراحة وبدون لفلفه ..
ساره هزت راسها وطالعت نوال باهتمام / طيب ..
نوال بجدية / اول مرة يوم جيتوا في ذا .. من الي كانت موجودة .. العنود و الا منار ..
ساره ترمش وهي للحين ومفاهمه شي و متنحه / اول مرة انا والعنود وخالاتي و......
قاطعتها نوال / ما نبي خالاتك ولا بناتهم .. نبي نعرف من اول مره جات العنود والا منار ..
ساره ببساطة / العنود ..
ابرار / طيب ليه كنتم خايفين ..
ساره نزلت راسها وسكتت لثواني .. و تنهدت بضيق / خالتي شريفه الله يرحمها .. كانت .. " سكتت " ..
يعني ما كانت تبينا نختلط كذا .. لان .. " بتبرير .. ماكانت تبي تكشف كل شي " .. خايفه علينا وكذا ..
ريهام نغزت نوال وهمست / خلاص لا تحرجين البنت ..
نوال طنشت ريهام .. والتفتت على ساره / طيب بعرس طلال .. من الي حضر ..
العنود الي دخلت الاستراحة وسمعت كلام نوال من الاول .. / منار .. ولا تكثرين اسئلة ..
سمر طالعتها .. وكان ودها تسال .. العنود شافت نظراتها .. جلست جنبها .. وبهمس / اذا عندك سؤال اسالي راكان ..
سمر طالعتها .. العنود ابتسمت / وانا صادقه .. ماراح يكذب عليك ..
سمر ابتسمت / انا سالته من قبل .. بس كانت اعتقد انتي .. " رفعت اكتافه " .. خلاص شي راح ..
وعلى قول راكان .. الحكي فالي فات نقصن بالعقل .. " و بهمس " .. الحين كل شي تغير ..
العنود ابتسمت على تغير سمر وتفاهمها مع راكان .. وبداخلها " وليت اخوك يعقل "..
انتبهت لرنيم الي تدخل و هي تنافخ " .. ابتسمت / ايش فيك ..
رنيم وهي تعدل بلوزتها / فهودي تعبني .. ماصدقت شفت سند الا شحنته له .. الله يحفظه ..
" جلست جنب العنود .. التفتت على البنات " .. صبولي قهوة .. راسي مصدع .. ما شربت المغرب ..







ــــــــــــــ








قبل السحور ..





العنود تطق باب جناح زياد ..
زياد بهدوء / ادخل ..
العنود فتحت الباب و دخلت وهي مبتسمه / زيزوو ..
زياد التفت له و هو ينزل كتاب باحد الكراتين ../ هلا ..
العنود تقرب منه وهي تشوف كم كرتون متروكه على جنب .. و شنطة متوسطه بجنبها ..
العنود بهدوء وهي تجلس على الكنبة / اممممم خلصت اغراضك ..
زياد ابتسم وبهدوء / ايه ..
العنود سكت .. ثواني .. ودخل راكان .. ابتسم / سلام ..
الكل / و عليكم السلام ..
زياد طالع براكان و العنود .. حس بانه عندهم كلام يبون يقولونه .. بارتباك اخذ الكرتون و قفله بـ الاصق ..
حمله ونزله عند الكرتون الثاني .. حتى يسمع صوت راكان الجاد / زياد ..
زياد التفت له .. شاف راكان يطالعه بنظرات جاده / تعال نبي نتكلم شوي ..
زياد مسح يدينه في بعض .. و بارتباك / ابي اغسل يديني من الغبار و ارجع ..
راكان و العنود راقبوه وهو يدخل الحمام .. العنود وقفت و راحت تشوف المكان .. فيه غبار او لا ..
طالعت براكان واشرت له وهي تهمس / ما في غبار بس يتحجج ..



" بالحمام .. اكرمكم الله " ..


زياد واقف قبال المغسله و هو فاتح الماي و يطالع بالمراية وبهمس .. / ايش عندهم .. اكيد راح يسالون ..
والا يتكلمون عن الزواج .. " تنهد بضيق وهو يبلع غصته .. غسل و جهه اكثر من مره و مسح على شعره .. وطلع " ..
راكان والعنود الي رجعت مكانها .. طالعوه .. وهو ياخذ الفوطه و ينشف وجهه و راسه .. تقدم وجلس قبالهم ..
راكان تنهد / زياد ..!
زياد رفع راسه و طالع راكان / .............
راكان بهدوء / ايش الي فيك .. ترا واضح انك مانت طبيعي ..
العنود زمت شفايفها ما عجبها اسلوب راكان .. زياد طالع براكان و العنود وهو مستغرب و مرتبك / كيف يعني ..
راكان ببساطه / هالبرود و الانطوائية الي انت فيها .. مالك حضور .. يا اخي بعض الاحيان ننسى انك موجود ..
زياد بارتباك صد .. / ما .. ما فيني شي .. عادي ..
العنود بهدوء / لا مو عادي .. وضعك انت مو عادي .. " وبتغير في الموضوع " .. انت ما تبي الزواج ..
اذا ماتبي فينا ناجله .. او ننهيه .. لساتك انت على البر ..
راكان طالعها و طالع زياد .. و بجدية / ماتبي تتزوج ..
زياد طالعهم .. / لا .. عادي ..
راكان تغيرت ملامحها للعصبية / زياااااد .. ايش الي عادي عادي .. انت فيك شي مو طبيعي .. ايش فيك ..
انت من زمان كذا .. والا انا الي توني انتبه ..
زياد وقف و بضيق / انا طول عمري كذا .. ايش الي تغير ..
العنود بجدية / الي تغير وضعنا .. " وبهدوء " .. زياد .. انت مريض تحس بشي .. قول يا اخوي ..
خلنا نتساعد اذا فيه مشكله نحلها باذن الله ..
زياد بعصبية / لا مافيني شي .. و ياليت تهتمون باعيالكم الصغار وبس .. انا مافيني شي .. افهموا ..
راكان طالع بالعنود وطالع بزياد .. وقف وبهدوء يخبي خلفه ضيق / مدام انك بخير فالحمدالله ..
و يالله السحور قبل لا ياذن ..
زياد ببرود / ما ابي ... تسحروا انتم ..
العنود بحنان / زياد هذي اخر سحور برمضان هالسنه .. يالله الله يخليك .. تسحر معانا .. لا تزعلنا منك ..
راكان وهو يحرك شعره بعشوائية / روح تسحر يالله .. انا ابي الحق اتسحر واحلي شوي .. " وهو يغمز لزياد " ..
زياد حمر وجهه خجل وهو يبتعد عن راكان .. العنود حمر وجهها خجل وبهمس / قليل ادب ..
راكان وهو يفتح الباب و يطلع / ههههههههههههههههه .. " العنود طلعت وراه و هي تقفل الباب و تتوجه لجناحها "..
راكان يوقفها / على وين ..؟
العنود تنهدت بضيق / ابي اشوف الظبي .. اخاف تصحى و تنتبه وبعدها ترتعب ..
راكان هز راسه / الله يفرجها و انا اخوك .. الله يفرجها ..
العنود بحزن / امين .. " وبتساؤل " .. الا سمر رجعت من عند امها ..!!
راكان ابتسم / لا .. ليه ..
العنود بشبة ابتسامة وهي ترفع حاجب / وليه قلت الي قلته داخل ..
راكان بضحكة خافته / هههههههه احب احرج زياد .. خجووول جدا هالولد ..
" سكت و صد عن العنود وهو ضغط على شفايفة و شكله يفكر " ..
العنود تقرب منه و تحط يدها على كتفه / ايش فيه ..؟
راكان و هو يطالع بـ باب جناح زياد .. تنهد / مو عاجبني حاله .. احس وراه شي ..
لا هو قادر يقول و لاني قادر اسوي شي .. اخاف اخسرة بعدها .. والله زياد حيرني ..
العنود بتفكير / تعرف من أصدقائه ..
راكان هز راسه / زياد ماعنده اصدقاء الا اصدقائي .. وهم عيال عمي .. مافي غيرهم " وهو يفكر " .. بس قبل فترة ..
اشوفه كثير مع واحد .. ومندمج معاه بقوة .. اكثر من مرة القية جالس معاه اما بالمسجد او قبال جلسة بيته ..
العنود بخوف / من ؟ ..
سمعوا صوت باب ينفتح حتى يلتفتون .. الا زياد طالع من جناحه .. طالعهم بنظرات و بعدها توجه لغرفة الطعام ..
العنود نزلت راسها .. وبارتباك / انا رايحة اشوف الظبي .. " تركت راكان و توجهه لجناحها " ..



:
:
:



شافت سارة واقفه عند الباب .. وبخوف / صحيت ..
سارة هزت راسها وبهمس / لا ..
العنود فتحت شوي من الباب و طالعت بالظبي وهي حاضنه المخده الي ملبستها العنود بلوزة من بجامتها ..
ومعطرتها بنفس عطرها .. واوهمت الظبي فيها ..
العنود بهمس وهي فرحانه / الحمدالله .. خدعتك مشت ..
ساره ابتسمت وبهمس / ايه .. بس لساتها ما تثق فيني ..
العنود تنهدت / ربك كريم .. يالله خلينا نتسحر ..



على طاولة الطعام ..



راكان يطالع بالعنود الي تاكل بسرعة / عنود شوي شوي .. لا تغصين ..
العنود و هي تشرب ماي / ابي الحق اتسحر قبل لا تصحى الظبي .. و تنفجع ..
راكان بضيق / للحين ما ينامون الا بحضنك ..
ساره / ايه .. و متمسكين بملابسها .. حتى الحمام يدخلون معاها الله يكرمكم .. " و القارء " ..
نايف بهدوء / بس سلطان اخف من الظبي .. سلطان يجلس معانا و مع ابوة ..
" هز راسه باسف .. " .. لكن الظبي .. مرررره .. حتى ابوها ما تأمن له ..
العنود وقفت / الحمدالله .. عن اذنكم .. " وهي تتوجه لجناحها و كانها تركض "..
راكان تنهد / الله يعينهم ..







ــــــــــــــــــ







اول يوم في العيد ..



انقضاء بين تبريكات و تهاني و معايدات ..


بعد العشاء ..



بيت ابناء سطام ..


في جناح العنود ..



العنود تحط الكمادات على راس سلطان .. رفعت جوالها و اتصلت على راكان ..
بس مافي رد .. قفلت و اتصلت على نايف .. وبعد مافي رد .. رجعت تتصل على زياد و كان مقفل ..
تاففت .. مو وقت ابد نومتهم بالاستراحة .. و سمر نامت عند امها في بيت جدتها ام عزام ..
رجعت شافت مقياس الحرار على سلطان و شافتها 39 و شوي .. بهمس / مافي غيره .. خلني اتصل ..
.... بعد رنه ..
ورنتين ..
وثلاث ..
جاها صوتها المستغرب و الثقيل من اثار النوم / الو ..!!
العنود بهدوء .. وارتباك / ابو سلطان اذا فيه حولك احد من اخواني يا اليت تخليه يجي البيت ضروري ..
بتال عقد حواجبه و هو يبعد الفرشة عنه و يوقف .. طلع من الغرفة الي كان نايم فيها مع الشباب ..
و بخوف / خير فيه شي ..
العنود بضيق / سلطان حرارته مرتفعه .. اعطيته مسكن و خافض للحرارة و لا نزلت .. لزم اوديه المستشفى ..
بتال بدون تردد / جهزيه الحين اجي اخذه .. " وانهاء المكالمة " ..





بعد ساعة ..



واقفه عند باب مدخل البيت .. و شايله الظبي على كتفها وهي نايمه .. لبسه عبايتها و برقعها ..
جات سارة وهي لبسة بيجامتها .. و تاركه شعرها الي طول لنص ظهرها ..
وقصة شعرها الجديدة معطيته حيوية ولمعان .. وبيدها كاسة فيه عصير مانجو .. ببحة النوم / لسع ما جاء ..
العنود وهي تهمس / لا .. " وبضيق " .. و الظبي اليوم حالها زايد ..
فجاة فزت الظبي و هي تصارخ و تبكي .. العنود ضمتها وهي تسمي و تقرا عليها ..
سارة طالعت في العنود بحزن على حال اختها و اولادهم .. رجعت لداخل البيت ..
وبعدها رجعت وهي لبسة بلوزة بيجامة العنود و معاها شال يخص العنود ..
رمت الشال على الظبي بخفه .. و مدت يدها وهي تهمس للعنود / هاتيها .. راح اخليها معايه ..
العنود بضيق و خوف / اخاف تصحى ..
سارة شافت لمعة الدمع بعين اختها .. ماعمرها شافت الدمعه بعين اختها .. الا من بعد هذاك اليوم ..
والعنود كل ليله تبكي على حال الظبي المحزن و تعب سلطان ..
ساره بحنان / خليني اخذها .. الحين يجي بتال .. كيف تاخذين سلطان منه ..
العنود كش جسمها و هي تتذكر كيف اخذ سلطان منها .. تنهدت و اعطتها الظبي بشويش .. شوي شوي ..
حتى لا تصحى الظبي و تنتبه لهم / بسم الله .. و لدخلتي خلي اذاعة القران شغاله ..
ساره بهمس خافت / لا تخافين مضبطه الوضع من قبل .. " وغمزت لها " ..
اخذت ساره الظبي ودخلت لداخل البيت .. العنود تنهدت و هي تلتفت على الباب ..
طلعت خارج البيت وقفت عند الدرجات .. رفعت راسها لفوق و دعت ربها بصمت ..
سمعت صوت عجلات سيارة التفتت و شافت سيارة بتال .. وقف و نزل .. رجع للباب الخلفي و اخذ سلطان ..
حمله بين يدينه بشويش .. شوي شوي .. وهو يسمي عليه .. ترك باب السيارة مفتوح ..
وتوجه لـ العنود .. نزل سلطان على يدينها بدون لا يلمسها .. العنود حضنت سلطان بسرعة و هي ترجع على و راء ..
ووقفت .. بتال بصوت خافت / اعطوه ابرة مضاد و مغذي .. بكرة عنده ابرة كمان .. لمدة ثلاث ايام ..
العنود وهي تضم سلطان .. وبصوت مخنوق / ياروحي .. " ليه هالابر .. ايش سبب الصخونه ..
بتال تنهد / التهاب في الحلق و نزل على البطن ..
العنود طالعت وبضيق وناسية وضعهم/ اي التهاب .. من شهرين وهم بس التهاب التهاب .. وانا مهتمه باكلهم و شربهم ..
انا مو مرتاحه لوضعهم .. خايفة اخذوا لهم فايروس من هذاك المكان .. ابي اسوي لهم فحص شامل ..
بتال يطالعها باهتمام ومافي باله الا اولاده / الحين عيد .. ماراح تلقين مختبرات مفتوح ولا دكاترة موجودين ..
العنود قاطعتها / ومن قال ابي اقعد في السعودية .. ابي اخذهم لبرا واسوي لهم فحوصات شامله ..
ومو رابطني الا زواج زياد .. ينتهي وراح اسافر ..
بتال طالعها وبنبرة باردة / يصير خير .. " تركها و توجه لسيارة .. وقبل لا يطلع " ..
لا قدر الله وصار لعيالي شي خبريني انا قبل الكل باتصال او مسج .. لا تنسين انهم عيالي ..
العنود هزت راسها ودخلت وهي مو معاه ولا منتبه ايش يقول .. بتال رفع حاجب بعدم رضا و طلع لسيارته و تحرك ..









ــــــــــــــــــ






بيت ابو سند ..




دخلت البيت و بيده كيس من المطعم .. شاف البيت هدوء .. شكلهم الكل نايم ..
طلع لسطح على طول .. مكانه المفضل .. شاف باب السطح مفتوح .. استغرب ..
دفع الباب و دخل الا يشوف الي لبسه بيجامه ورديه بكم طويل .. وهي يبخرعه التفت على ورا لمن شافته / سند ..
سند وهو يتقدم منها ابتسم / سلام ..
غرام ابتسمت /وعليكم السلام .. " لمن شافت الي بيده .. " اكل .. ياروحي والله جوووعااانه مووووت ..
سند ابتسم و هو ينزل الاكياس عندها / يخسى الجوع .. " توجه لغرفة الي بسطح " ..
غرام وقفت وهي تنفض ملابسها / سنود .. ابي اشوف الي بالغرفة ممكن ..
سند ابتسم وهو يفتح الباب بالمفاتح الي معلق من بين مفاتيح السيارة / تعالي ..
غرام بفرح تنقز بسرعة و تدخل معاه .. فتح الإضاءة و غرام تتلفت بالغرفة .. شافت الغرفة الواسعه ..
فيها كم الة رياضية بجهه معينه .. وبجهه ثتنية كل الجدار مرايا .. وجهه كلها رفوف فيها كل شي قديمة ..
كورة مفقوعة .. سيارة مكسورة .. دبدوب مقطع .. تقدمت من الرفوف .. وهي تطلع الي مكتوب فيها ..
كل ما تقرا شي تبتسم .. شافت البومات لصور .. حطت يدها عليهم .. والتفتت لسند ..
الي كان اقف عند المطبخ التحضير .. بزاوية بشكل ربع دائرة .. / فيني اشوفها ..
سند رفع عينه وشافها تاشر على الالبومات .. و بحزم / لا .. " وبجدية " ..
بس فيك تشوفين الألبوم الي مكتوب عليه اسم عناد ..
غرام عقدت حواجبها / ليه ..
سند طالعها بنظرات .. / علشان ..............








انتهى ..



لا اله الا الله محمد رسول الله ..

سبحان الله .. و .. الحمدالله .. و .. الله اكبر ..

اتمنى ينال اعجابكم .. و اعذروني عن القصور و الاخطاء الاملائية ..

لا تنسوني من دعاكم ..

كونوا بخير ..
مشاعل السعودية ..

السلام عليكم ورحمة الله و بركاته


شكرا نجلاء الريم على النقل ..
يعطيك الف عافية يجعلها بموازين حسناتك ..

لا خلا و لا عدم ..


اتمنى تستمتعون بها البارت ..


كونوا بخير ..

مشاعل السعودية ..

لا اله الا الله

،،، الله يلبسك الصحه والعافيه يامشاعل

آآآآآآآآآآآآآمممم بارت جميل جدن

واخيرا العنود وبتال بيتصالحوون
رب ضاره نافعه <<<يعني عيالهم اختطفوووو وصار فيهم خوووف وبالذات الظبي
وسلطان حرارته

امم المهم انووو الاتصالات بين العنود وبتال تكثثثثثثر ويتعوودون ع بعض اكثر <<<ووووبعدين يطيح الحطب خخخخخخ

نتمنى نشووووووف الجانب الرومانسي للعنووووووووووود <<<طقت كبودنا من قوة باسها هههههههههههه

وووياسر ماله الا شجووون احسس

عناد ههههههههه تخرفن هاااااا غرام مو سهله صراحتن

ووووفي الانتظااار يامشمشه

"





بسم الله الرحمن الرحيم ..

السلام عليكم ورحمة الله وبركاته ..

الحمد لله والصلاة والسلام على رسول الله ..

توكلنا على الله .. لا اله الا الله محمد رسول الله ..





البارت 51 ..









البارحه مابين وشلون يمديك ... في يوم واحد ياحبيبي تغيّرت
الليل خلاني وخلا طواريك ... تلعب بقلبي كل ماداخلي ثرت
سويت شين حدني غصب ماجيك ... والا قبل لاسير الليل سيرت
هدمت كل اللي بنيت بتجافيك ... هدمت لا والله بالعون دمرت
خليتني ماقلت لي شلون اخليك ... ليتك بحالي قبل مارحت ناظرت
الله كريم يصبر اشواق مغليك ... لاقام ينثرني غلاك وتناثرت
والله يسامح قلبي اللي مواليك ... اخذت كل اللي تبي منه وانكرت
منهار جيت العام تسبق خطاويك ... واليوم ماكنك قبل جيت وانهرت
في ذمتك لامن تذكرت ماضيك ... من يطري في بالك اليامن تذكرت ؟
من كثر مافكرت وشلون اراضيك ... وياك في نفسي ولا يوم فكرت
على كثر ماكنت متمسكن فيك ... وعلى كثر ماحتجتني ماتعذرت
جيتك وعندي حاجتن بين اياديك ... والمشكله تقدر عليها وقصرت
رح بشر اللي ملتفت لك يناديك ... قله تركته لخاطرك ماتأخرت
صدقني انها غلطتي يوم اداريك ... ولا انت لولا غلطتي كان ماصرت
كبرتك بعين البعيد وحواليك ... ابيك تكبر والمصيبه تكبرت
حاولت اغيّر فيك من كثر مغليك ... قدرت لكنك عليّه تغيّرت



" المبدع .. ثامر شبيب " ..






:
:
:






سند رفع عينه وشافها تاشر على الالبومات .. و بحزم / لا .. " وبجدية " ..
بس فيك تشوفين الألبوم الي مكتوب عليه اسم عناد ..
غرام عقدت حواجبها / ليه ..
سند طالعها بنظرات .. / علشان تعرفين كيف تتفاهمين مع عناد .. و تعرفين كل شي عنه ..
غرام طالعت اخوها .. وبعدها طالعت بالألبومات .. شافت اسم " راكان , عناد , بتال , طلال , سيف , رعد ,
راشد , البنات ..... " رفعت طالعت سند و هي تاشر له وبنبرة استغراب " .. / البنات ..
سند وهو يسحب ابريق الشاهي الي سواه ويسحب صحن يحط فيه الاكل .. وبجدية / يالله خذي حق عناد و اطلعي ..
عطيتك وجه .." غرام كشرت و هي تسحب الألبوم و نفسها تسحب غيره .. تنهدت و طلعت وراء سند "..
نزلت الالبوم على الفرشة .. و رجعت للغرفة حتى تغسل يدها و سند معاها ..




:
:


بعد ما تعشوا و هم يشربون الشاهي و غرام من عجلتها تصفحت الالبوم وهي تاكل ..
و سند يهددها ان طاح شي من الاكل على الالبوم و اخربه راح يكسر يدها ..



:
:


غرام وهي تنزل فنجال الشاهي / يعني هو من جد كان يحبها ..
سند وهو متكي / لا .. بس هي اغوته .. بنت حلوه .. وصغيرة وهو شاب مراهق ما شاف من الحريم الا امه و خواته ..
سحرته بكلامها وغنجها .. و احترامها .. و الي اعماه زود انها من اصول عربية ..
غرام بنبرة غيره / اهاا .. و ايش عجب استاذ عناد ..
سند كتم ابتسامته و بجدية / غرام انا ما قلت لك السالفه و اسرار عناد الا علشان تقدرين تتملكين عناد ..
لايغرك كلامه المعسول الحين وروقانه ترا عناد ميزاجي درجة اولى .. و بعد اللي صار معاه صار عصبي وبقوة ..
غرام بهمس خافت / تعلمني فيه ..
سند طالعها وهو كان حاس بان بينها و وبين عناد شي .. / ايه انا بعلمك عن عناد .. عناد من نفس الي راسمتيه بعقلك ..
غرام طالعته .. وبمسار مخالف عن المحور الي يتكلمون فيه / انتم يا الفارس فيكم ميزة وحدة ..
سند عقد حواجبة / الي هي ..
غرام بكل بساطة / الظلم ..
سند تفاجاء / الظلم .. " وباستغراب وهو يجلس " .. ليه تقولين كذا ..
غرام تتكلم وبنبرة تميل للعصبية / ايه الظلم .. اول شي جدي سند الله يرحمه .. ظلم جدتي الظبي ..
و بعدها ظلم جدتي شيخة .. و قبل جدي سند جدي جابر .. ظلم الكل لمن ابعد الظبي .. خلها تحقد علينا ..
و ربت العنود على الكره لنا .. و بعد عمي راشد .. ظلم نفسة و خالتي مياسة وبناته .. " شافت استغراب سند " ..
ترا كلنا ندري عن عمي راشد .. اقصد البنات .. بس نسوي انه ما ندري عن شي .. علشان بناته ..
مو علشان شي ثاني .. وراكان ظلم ابوه و امه .. و ظلم اخواته .. و ظلم سمر .. وبتال ظلم العنود ..
ورعد ظلم نفسه و ظلم ابوة و امه و عبير ظلم الكل .. وعناد ظلمنا يا البنات .. وغيث ظلم ريما ..
و خالي سلطان ظلم خالتي الجوهرة ..وبعد نفسه .. و جدي سعود ظلم بناته و اولادة ..
وخالي عبدالعزيز و عمي خالد و ابوي .. كلكم .. وبعدها رجعتوا .. ولا كانكم سويتوا شي .. تغيرت الملامح ..
بس المضمون نفسه .. " تنهدت وهي تطالع لبعيد وكان لسع باقي شي في قلبها تبي تطلعه بس مو عارفه كيف تقوله " ..
سند طالعها " و بعد صمت لثواني طويلة " .. بهدوء ../ وانت الحين يا البنات ملائكة ما تغلطون ولا تسون شي ..
غرام التفتت له .. و رفعت حاجب / منكم .. انتم السبب ..
سند طالعها مسك ابريق الشاهي وصب له .. وطنش كلامها .. وبنبرة مقصودة / كيف علاقتك مع عناد ..
غرام كشرت ولمت شفايفها / مزاعلته .. وما ابي اكلمه ..
سند ابتسم / للحين ..
غرام طالعته .. سند اشر لها على الالبومات / حتى بعد ماشفت ذي .. " وغمز لها " ..
غرام صدت عنه بارتباك / ............
........ / ماشاء الله .. ايش الجلسة الحلوة هذي ..
سند وغرام طالعوا على جهة الصوت .. سند ابتسم / هلا وغلا .. و بتحلو اكثر بجيتكم ..
رنيم تجلس و تجلس فهد بحضن ابوه / السلام عليكم ..
غرام و سند / و عليكم السلام ..
رنيم بجوع / مافي من عشاكم .. ليه ما سالتوا عني .. و الله من البخل .. حنا عيد ..
سند ابتسم / يخسى الجوع يا ام فهد .. شوفي تركت لك قسمك بالميكروويف هينا .. " وهو ياشر لها على الغرفة " ..
رنيم بتعب تنهدت / يووووووه مالي حيل اقوم .. جسمي مكسر مره ..
غرام باستغراب / انتي ايش فيك بس تعبانه .. وتنامين .. ومعصبه .. صايرة كوكتيل ..
رنيم تثاوب / لا تجبين طاري النوم على طول انام .. " قالتها وهي تنسدح بنص الجلسة وغمضت عيونها " ..
سند يطالعها بنظرات .. جلس فهد بجنب امه و رمى عليه الجوال .. و وقف راح لـ الغرفة .. جاب الاكل و رجع ..
سند بهدوء / رنيم قومي الاكل .. رنيييم .. بنت نمتي ..
رنيم بكسل وهي مغمضة عيونها / هممممم ..
سند ابتسم / قومي كلي ..
رنيم تجلس بتعب / ايش الاكل ..
سند / سندويتشات كباب .. من المطعم التركي ..
رنيم بضيق / فيه بيبسي .. نفسي في بيبسي ..
سند ابتسم وهو يبعد القصدير عن الساندويتش .. / ايش تبغين بالبيبسي .. مافيه فايدة ..
رنيم تاكل بشراهه .. وتشرب من العصير .. وسند يراقبها .. وغرام تلعب مع فهد ..







ـــــــــــ











ثاني يوم في العيد ..



بيت ال عزام ..




الجوهرة رافعه حاجب و بعصبية / وين الظبي ..
بتال تنهد وهو يقبل راس سلطان الي جالس بحضنه اللي و داه المستشفى ..
واعطاه ابرة المضاد و راح لامه .. / يمه الظبي ماتتحرك الا مع امها .. وامس شفتيها بالمسجد كيف حالتها ..
الجوهرة بحزن / يا روحي .. خايفه من الكل .. " تنهدت بقهر " .. حسبي الله ونعم الوكيل في امها ..
بتال غمض عيونه وبضيق / و ايش دخل امها ..؟
الجوهرة بحدة / وايش دخلها .. لو هي مهتمه بعيالها ماكان رمتهم على فلان و علان ..
غيث يدخل و بنبرته الباردة الي يتكلم بها من اول ما وصل من السفر في يوم 28 رمضان .. / يعني انتي الي مهتمه ..
الجوهرة طالعته باستفهام .. غيث يجلس جنبها / جاوبي انتي الي مهتمه بعيالك .. وليد كم مرة داخ و دخل المستشفى ..
وانتي ولا اهتز رمشك .. على الاقل ام سلطان تحاول تعالجهم .. و ما كانت متقصدة الي صار .. ولا اختها متقصدة ..
مو انتي الي ماسكه على اخر العمر كرامتي و حقي .. ورامية عيالك .. تراها طالت و مسخته يا ام بتال ..
الجوهرة ترفع حاجب وبنظرات حادة تطالع اخوها .. سعود ضاغط على شفايفه بضيق .. بتال يراقب ردة فعل امه ..
سامر ماسكه جواله و يطقطق فيه و وليد يلعب بجوال جالكسي نوت 2 عيدية ابوه له .. ومطنشين الكل ..
الجوهرة برفعه حاجب / ليكون مضايقتك .. وانت وين زوجتك .. " وبعصبية " غيث اا..
قاطعها عزام وهو معاه محمد ولدة الصغير .. / الجوهرة .. انا تكلمت مع ابو بتال .. قبل رمضان ..
واعطيته كلمه ترجعين لبيتك قبل زواج سعود .. وغيث و موضوعة مالك دخل فيه ..
هيفاء وهي تمشي شوي شوي ويدها على بطنها / ايش فيكم .. صوتكم واصل لغرفتي ..
غيث طالعها ووقف ببرود / ولا شي .. " التفت للكل " .. انا بكرة مسافر .. وبما اني مشغول و ماراح اشوفكم ..
فمن الحين اودعكم .. اشوفكم على خير .. وانتي يا اختي .. اهتمي بعيالك و شيليهم اليوم حتى يشيلونك بكره ..
هيفاء بغصة / بس كذا ببساطه ..
غيث يطالعها ببرود / ايه كذا .. ببساطه ..
هيفاء نزلت دموعها وهي تستند على عامود الرخام و هي تشوفه يتوجه لجناح امه ..
طالعت بعزام / عاجبك وضع اخوك..
عزام طالعها و بعدها صد عنها و طالع محمد وهو يلعبه / خليه .. خليه الحين .. وخله يسافر ..
بتال طالع خاله وهز راسه " يعني ايش الموضوع " .. خاله غمض عيونه وهز راسه يعني " بعدين " ..







ـــــــــــــــــــ






بيوم زواج سلطان ومشيرة ..



قرروا يسوونه بالمزرعة .. حفله صغيرة مرتبه ..





طارق يطالع بمشيرة الي لبسه فستان ذهبي ومسوية شعرها بطريقة الرومانية و عليها تاج ناعم ..
مشيرة رفعت عينها وجات بعين طارق ابتسمت ونزلت راسها ..
طارق تقدم منها وحضنها .. يقبل جبينها وبهمس / امانتك وانا اخوك اذا ماتبين الزواج قولي ..
والله ماتسرين مع سلطان لو يوقف العالم كله بوجهي ..
مشيرة رفعت راسها وعيونها مدمعه ... ابتسمت / ربي يخليك لي ولا يحرمني منك .. والله راضيه .. و مقتنعه ..
طارق بضيق / وليش شكلك يقول متضايقه .. ايش فيك ..؟
مشيرة هزت راسها / ولا شي .. بس مشتاقة لمنصور ..
طارق ابتسم بحنان / عند اهله ما عليه اخلاف ان شاء الله .. لا تخافين عليه ..
الجوري دخلت / طارق .. يالله ..
مشيرة تنهدت و هي تهز براسها .. طارق / توكلنا على الله ..
جات البندري وهي لبسه عبايتها ومعاها شنطة يد صغيرة تخص مشيرة ..
الجوري ساعدة مشيرة في لبس العباية .. وبهمس / لا تحطين هرج عمتك في بالك .. اعذريها .. و انتي تعرفينها ..
مشيرة ترفع عيونها لسقف حتى لا تنزل دموعها / ما راح احطه .. ما راح احطه .. " اخذت نفس طويل " ..
البندري بغصة وهي ترمي الشيله على وجهها / طارق يستعجلنا .. يالله ..
نزلوا وهم يتوجهون من مزرعة ابو عبدالعزيز لمزرعة ابو بتال القريبة من مزرعتهم ..





:
:
:




بعد ساعات ..


نوال الي كانت لبسه فستان اسود طويل و فاتحه شعرها وحاطة كحل و روج وردي بس .. / مشيرة تجنن ماشاء الله ..
ابرار وهي تاكل كيكة بضحكة / شفتي خالي سلطان ..
الكل / ههههههههههههههههههههههه ..
ريهام وهي مبتسمه / كان مرتبك مرة مسكين ..
غرام بضحكة / امي لاول مرة اشوفها ترحم احد من تعليقاتها ..
ريهام طالعت بالصالة الي مابقي فيها احد .. / الكل نام ..
نوال وهي تطالع بالصالة / ايه .. لان بكرة راجعين ..
ابرار تطالع بريما وبهمس / ريهام .. " التفتت لها ريهام و نوال " .. ريما ما تتكلم معاكم ..
ريهام هزت راسها / لا .. بس مع امي .. و الا نايمه بغرفتها .. " تنهدت " .. حسبي الله ونعم الوكيل ..
رنا الي انتبهت لهم / تدرون انه جاء و رجع سافر ولا سال و لا مر عليها ..
ابرار و نوال / مين ..
ريهام بقهر / من غيره .. غيثوة ..
غرام الي ما كانت معاهم بالهرجة و تسولف مع اماني و روان / يا عمري يا الظبي ..
البنات طالعوها .. " غرام تكمل بحزن / شفتوها كيف كانت خايفه ..
نوال بحزن / و سلطان ضعفان .. والعنود مسكينه .. حتى الحمام " اكرمكم الله " .. يدخلون معاها ..
سمعوا صوت صراخ و بكي .. وقفوا بخوف و راحوا لجهته الصوت ..






:
:
:







العنود حاضنه الظبي وهي تبكي معاها وتسمي .. العنود تبعد الظبي عن حضنها الي مغمضه عيونها و تبكي / الظبي ..
ماما .. فتحي عيونك ماما .. " حتى تسكب ساره مويه بيد العنود وتمسح بوجه الظبي " .. بسم الله الرحمن الرحيم ..
الظبي فتحت عيونها شافت امها حتى ترجع تبكي و تشهق وهي ترمي وجهها على صدر امها ..
الي حضنتها و صارت تبكي معاها .. و هي تقرا عليها .. و تسمي بالله ..
البنات كل وحدة واقفه وحاطه يدها على فمها وعيونهم مغرقه دمع .. ام سطام بضيق وحزن / لا حول ولا قوة الا بالله ..
" وهي راجعه لغرفتها .. و هي تستغفر و تدعي لـ العنود و عيالها " .. استغفر الله العظيم .. استغفر الله ..
ام سند تاشر للبنات يطلعون .. و هي تهمس / ربي يلطف بحالهم ..
ام عناد الي خفضت الاضاءة وهي ترد الباب بشويش .. وهي تهمس / لا حول ولا قوة الا بالله ..
البنات يطلعون في بعض .. نوال بتساؤل / ايش صار ..
ام عناد بضيق / العنود راحت الحمام و صحت البنت و ماشافتها .. و انفجعت وصارت تصيح ..
البنات بأصوات متفرقه / ياروحي .. يا قلبي .. مسكينه .. يا الضعيفه ..
ام سند بحدة / هشششششش و يالله روحوا باتوا .. بكرة ورانا مشوار .. يالله ..








ـــــــــــ







بأحد الفنادق ..





جالسة بالغرفة .. هدوء .. ماتحس باي غربة .. كانها تعرف سلطان من سنين ومتعودة عليه ..
راحه غريبة ساكنة قلبها .. تلعب بالجوال في يدها بحركة دائرية .. و عيونها على الفراغ سرحانه ..
سلطان الي كان جالس بالصالة .. و استغرب فترة غيابها .. طق الباب عليها لكن لا مجيب ..
فتح الباب بهدوء ودخل .. شافه جالسه على طرف السرير و سرحانه .. وغرقانه بفكرها ..
ما انتبهت لوقوفه .. احساسه غريب ولذيذ .. و ده يضمها ويزرعها بصدرة .. عمرة ما حس بها الشعور ..
بهمس / مشيرة .. " ما ردت عليه , رفع صوته " .. مشيرة ..
التفتت باستغراب وهي عاقدة حواجبها / هلا ..
سلطان ابتسم / الي ماخذ عقلك يتهنا به ..
مشيرة تنهدت / افكر بمنصور .. مدري متعب جابة عند امي والا لا ..
سلطان بهدوء / طيب اتصلي ..
مشيرة انتبهت لوضعهم .. وبخجل / اسفه .. اممم .. دوشتك ..
سلطان ابتسم وهو يتقدم لها .. كان بثوب وراسة ماعليه شي .. جلس جنبها و بهدوء / لا دوشة ولا غيرها ..
اتصلي عليه و اساليه مافيها شي .. و لساته الوقت " رفع يده و طالع بالساعة " .. بدري .. تو ما اكملت الوحدة ..
مشيرة وهي تفرك الجوال بيدها طالعته و انتبهت لشعره الكثيف الاسود و تخلله بعض الشعيرات البيضاء ..
بهدوء لا يخلو من الخجل / اتصلت لكن طلع مقفل ..
سلطان بحنان رفع يده و مسح على ظهرها / ماعليه .. يمكن بمكان مافيه شبكة ارسال او خلص شحنه ..
" وقف " .. قومي الحين غيري ملابسك .. وسمي بالرحمن و تعشي .. و بعده ارجعي اتصلي ..
مشيرة و قفت و هي تهز راسها / ان شاء الله ..
سلطان وهو يتوجه لصالة وقف عند الباب / ايه قبل انسى .. ترا العشاء وصل ..
مشيرة ابتسمت بخجل و فشلة وهي تنزل راسها .. فهمت قصده .. سلطان بضحكه طلع و هو يقفل الباب خلفه ..
مشيره وهي تتوجه لشنطتها و تفتحها .. وطلعت روب الحمام منه و ملابسها .. وادوات الاستحمام ..
وبداخلها " يارب استودعتك منصور احفظه وارعاه يا كريم .. يارب يسرني لكل خير وصلاح يارب "..
وتوجهة للحمام " اكرمكم الله " .. اخذت دوش سريع وتجهزت و طلعت لسلطان ..







ــــــــــــــــ






يوم جديد ..





بيت ابو سند ..


في المجلس الداخلي ..





غرام تدخل و هي لبسه بنطلون ابيض .. و بلوزة طويله لحد الركبه وعريضة بالون الرمادي ..
عليها كتابات بالابيض والاسود .. فاردة شعرها .. و حاطه كحل و مرطب .. / هلا ..
عناد رفع راسه و شاف ملامحها متفاجأه .. ابتسم / من كنتِ متوقعه تشوفين ..
غرام تنهدت وهي تتقدم له .. / سند .. لانه قال انه بالمجلس ويبيني ضروري .. ما قال لي انه انت ..
عناد وهو مازال جالس .. بخبث / لو قالك ايش بتسوين يعني ..
غرام الي عرفت طبعة .. ببرود / ولا شي ..
عناد وقف و هو يضحك / طيب تعالي عايديني .. والا ما تبين ..
غرام وهي تقدم منه بغنج .. / برغم انها متاخره .. " حتى تمد يدها تصافحه "..
عناد شدها له و هو يقبل خدها / كل عام و انتِ بخير " و هو يبتعد شوي " و ابشري برضاك .. " و يقبل جبينها " ..
غرام بخجل ابتعدت عنه ويدها مازالت بيده وبهمس / وانت بخير ..
عناد ماترك يدها شدها حتى يجلس و تجلس جنبه .. سحب شماغه و حطهم على الطاولة الي جنبه / ها .. اخبارك ..
غرام زمت شفايفها بضيق / ايش ها ذي ..
عناد التفت عليها وهو مبتسم / على كل شي بتعلقين و تكشرين ..
غرام ابتسمت / كيفي .. الي ما يعجبني اكيد راح اعلق و اكشر ..
عناد / ههههههههههه طيب يا الي على كيفك .. بس لا تنسين ان فيه كيف غير كيفك ..
غرام صدت وهي تقوس شفايفها / بدينا ..
عناد تنهد وبجدية / غرام .. ما فهمت لك والله .. ان سالتك و استفسرت منك .. قلتِ تحقق ..
وان تركتك زعلتي .. و ان تصرفت بطبيعتي ماعجبك وقلتي بدينا .. " وبحدة " .. وبعدين ..
غرام بهدوء / ولا شي ..
عناد وقف وهو يسحب شماغه و بعصبية / تدرين .. الشرهه مو عليك على الي يجيك يبي يسال عنك ..
غرام وقفت قباله وهي تمسك يده وبهدوء وهي تطالع بعيونه / عناد ..
عناد طالعها و بعصبية وهو يسحب يده / نعم .. ايش عندك ..
غرام بهدوء / اجلس وتعوذ من الشيطان .. و خلني اجيب القهوة و الشاهي ونروق ونسولف وناخذ علوم بعض ..
عناد رفع حاجب .. و بسخرية / لا والله .. " وبعصبية " .. ما ابي لا شاهيك و لا قهوتك و لا اخبارك ..
وخري عني .. خليني اطلع .. " مشى خطوه حتى ترجع توقف غرام قباله " ..
غرام بابتسامه / وانا ماراح اخليك تطلع الا لمن تتقهوى و تعطيني اخبارك ..
عناد بعصبية و حده / ايش بتسوين يعني بتمنعيني .. " رفع يده حتى يبعدها "..
بس تفاجاء وهي ترتمي عليه و تلف يدينها حولين رقبته ووجها دفنته برقبته .. وبهمس / لا تروح مشتاقتلك ..
عناد بسرعة تبخرت كل عصبيته .. ابتسم و هو يلف يدينه حولين خصرها / طيب يا الي مشتاقتلي ..
" ابعدها عنه شوي حتى يشوف وجهها " .. راسي مصدع ابي اتقهوى و اذا فيه حلا من الي تسوينه برمضان ..
وترسلينه على خالتك بطريقة جحا .. جيبي منه .. " وبتكشيرة " .. والا لتكونين مثل خواتي ..
خلاص خلص رمضان معاد فيه مطبخ و حلى زين ..
غرام وهي تفلت يدينها .. وبضحكه / ابشر .. وحتى لو مافي اسوي لك .. كم سيد عناد عندنا ..
وهي تبتعد بسرعه عنه و تطلع من المجلس .. عناد وقف بنفس مكانه .. دخل يدينه بجيوبه والشماغ على كتفه ..
رفع حاجب مستغرب من تصرفها ويحس بنشوة فرح .. رجع جلس في مكانه الاول و طلع جواله يطقطق فيه ..
الا ان ترجع له ..





:
:
:



بعد وقت ..


عناد بهدوء / خلاص ما راح اسالك .. هي كلها يومين و تتزوج ابرار وراح افضى لشجون ..
غرام بجديه / اذا مافضيت لها الحين ما راح تفضى لها بعدين ..
عناد تافف وهو يشرب من فنجان القهوة .. وبضيق / خلاص غرام .. المهم .. بدات بتاثيث الشقة ..
غرام التفتت عليه بستغراب / لقيت شقه ..
عناد ابتسم / ايه .. برمضان .. مو بعيده من هينا .. وتوها جديدة .. تعرفين ابو عوض الله يرحمه .. صاحب جدي ..
غرام تنهدت .. وبلعت الغصة .. بتذكر لابو عوض / الي يسمونه الاحمر ..
عناد ابتسم وهو يمد يده بفنجان القهوة حتى تصب له غرام / ايوووه .. هو .. عياله باعوا بيته القديم الي و راء المسجد ..
غرام شهقت وبقهر / هئئئئئئ .. لالالا .. بيته كان يجنن و تاريخي .. خاصة شجرة اليمون الي فيه .. لذيذه ..
عناد ابتسم / العنود اشترت البيت وهدت البيت و بنت عمارة من 5 ادوار .. وشجرة اليمون موجودة ما قطعتها ..
غرام بهدوء / ماشاء الله الله يرزقها .. والحمد الله ما قطعت شجرة اليمون ..
عناد ابتسم / عاد هذي فكره سند ..
غرام بحنين / يا حبيبي ..عاد اليمون حقهم كبره كبر التفاح .. ماشاء الله .. و طعمه .. " وهي تبلع ريقها " .. يجنن ..
عناد انفجر ضحك على برائتها و عفويتها / ههههههههههههههههههه .. شوي شوي .. ههههههههههههههههههه ..
غرام ابتسمت بخجل و هي توقف وتبعد ترمس القهوة و تقرب ترمس الشاهي / ايش قلت علشان تضحك ..
وانا صادقة ليمونه يجنن .. " عناد يطالعها و هو يهز راسه و مازال يضحك " ..
عناد يتنحنح / احححم احححمم .. طيب .. ههههههههه .. بكره اجيب لك منه .. بس لا تغرقينا ..
غرام فتحت عيونها للاخير .. و عناد انفجر ضحك عليها ..
عناد بعد ماهدي من نوبة الضحك .. بنبرة مقصودة و سؤال مفاجأ / ايش غيرك ؟..
غرام طالعته باستغراب / ايش تقصد ..!
عناد طالع قدامه .. وبهدوء / انتِ ما كنتِ كذا .. كنتِ مو مرتاحه .. ايش الي غيرك .. غير ..
" وهو يمد يدينه " .. حضنتك و منعك لي من الروحة ..
غرام بخجل ابتسمت وهي تصد عنه / زوجي وحضنته فيها شي ..
عناد سكت و هو يتأملها و بهمس و ابتسامه خفيفة على شفايفه / لا .. خذي راحتك ..








ـــــــــــــــــــ






بعد يومين ..





بيوم زواج سعود .. و فارس .. و زياد ..






بالصالون ..




نوال تصارخ و تبكي / ايشلون عادي .. شوفي الساعة .. وشوفي مكياجي .. وهذا انا مسوية بروفه قبل و مفهمتها ..
ام سيف / يا بنتي خلاص لا تبكين .. كل شي يتصلح .. و الوقت معانا وقت .. بس انتي هدي نفسك ..
جات يارا الي صلحت مكياج ابرار وابتسمت وبهدوء / ليش العروس زعلانه ..
نوال انفجرت فيها / ايش برايك .. ماتشوفين الي بوجهي ..
يارا ابتسمت / بس هيك .. هلا كل شي بيتزبط و ما بيصير الا الي بدك اياه ..
بس انتي ريحي اعصابك و نشفي هالدموع .. " ومسكت الاسفنجه و بدات تعدل بمكياج نوال ..
و تسوي الي نوال تبيه مع شوي لمسات خاصة من يدين خبيرة التجميل يارا ..
بعد 45 دقيقة ..
نوال تنهدت براحه / ايه الحين ارتحت ..
يارا ابتسمت / انتي عينيك اسم الله اكتير حلوه .. ومابدها مكياج غامئ وتيئل .. " غامق و ثقيل " ..
نوال وقفت و توجهت للمرايا الكبيرة وهي تقرب وجهها من المرايا / ايه ادري .. يمه .. اتصلتي على المصوره ..
ام سيف وهي ماسكه عباية بنتها وبستعجال / البسي عباتك و امشي .. سيف برا .. هاااا بعد تبين تعدلين شيء ..
نوال وهي تشوف الطرحه .. و شعرها والمكياج / لا الحمدالله .. الحين كل شي تمام ..
ام سيف بتعب / طيب يالله امشي اتعبتيني الله يصلحك ..








:
:
:





في القاعة ..




بعصبية / اليوم كل شي خارب من بدايته .. الطرحة نسيتها اماني .. والصالون ما قصر ..
الفستان و انقطعت السوسده .... و الحين المصورة صار عليها حادث و ماتقدر تجي .. هاليوم منحوس من اوله ..
الا الزواجه بكبرها نحس .. " وبغصه " .. و ين ابوي .. ابي ارجع البيت .. ما ابي اتزوج .. ابي اتطلق ..
اذا هذي اولها ينعاف تاليها ..
ام طلال بهدوء / بنت استغفري .. و اذكري الله .. قولي لا اله الا الله ..
نوال وهي تحاول تمنع دموعها من النزول / لا اله الا الله ..
ام طلال / مصورت ريهام خلصت و صورتها .. و كلمتها .. و طلع معاها كم فيلم زياده .. واتفقت تصورك ..
مو هي الي كنت تبين تحجزينها بس سبقتك ريهام ..
نوال هزت راسها كاطفل وعيونها تلمع بدمع / الا ..
ام طلال ابتسمت / اجل اهدي و روقي .. واكثري من الاستغفار .. وربي بيسهل عليك كل شي ..
نوال بتوتر / امين امين .. استغفر الله استغفر الله .. " وبلهفة " .. متى تجي تصور ..
ام طلال بهدوء / اذا انتِ هديتي و ارتحتي .. ورجعت موية وجهك تجي تصورك ..
نوال تاخذ نفس و تزفره / خلاص هديت ..
ام طلال ابتسمت / الله يهديك يابنتي و يوفقك ..
طلعت من الغرفة حتى تدخل المصورة .. شافت ام سيف جالسة على الكرسي بالممر وترضع بنتها ..
طالعتها .. ام سيف بضيق / ها ايش صار ..
ام طلال ابتسمت / كل خير .. كلمة مصورة ريهام و وافقت تصورها ..
ام سيف براحه / الحمدالله .. و يارب ما يصير شي ثاني يعكر علينا و يربشنا ..
ام طلال / اذكري الله و ادعيه .. و ربك يتمم هاليله على خير ..
" وتوجهت لصالة .. شافت عند الاستقبال ام سطام و ام سند و ام عناد و العنود و معاها اولادها ..
ام طلال وهي تطالع بالعنود الي حاضنه الظبي و تهزها و واضح الضيق عليها .. بحنان / نامت ..
العنود تنهدت / ايه .. " طالعت بسلطان الي جالس على الكرسي بجنب امه ومسند راسه على امه "..
هيفاء يالي خلصت توها 15 يوم دخلت والجوال باذنها تقدمت من العنود وهمست لها / العنود ..
العنود حطت عينها بعين هيفاء .. هيفاء كملت / بتال يقول يبي سلطان .. يكفي الظبي .. و انت تعبانه ..
العنود بتعب / اي والله خليه ياخذه .. سلطان يسكت مع ابوه ..
هيفاء ابتسمت وهي تسمع رد بتال .. العنود ابد ماكانت مركزه معاهم ..
وقفت و هي تمسك سلطان وتحطه بالعربية و بجنبه الظبي .. وبدات تدفعهم .. التفتت على هيفاء ..
وبتعب / خليه يوقف عند الباب الخلفي للقاعة .. راح اخلي سلطان هناك ..
هيفاء وهي تجلس على الكرسي بجنب ام طلال / طيب .. " وبهمس " .. اكيد سمعت ..
بتال بسرعه وصوت انفاسه وكانه يمشي / اي سمعت .. سلام ..
هيفاء ابعدت الجوال عن اذنها وهي تطالع بالجوال / قفلة بوجهي ..
ام طلال بحزن / ياروحي يالعنود .. الهم مرسوم بوجه مرة ..
هيفاء بحزن / مسكينه .. النوم ماتنام مثل الخلق ..
ام طلال تنهدت / الحمدالله الي جاء وضعهم على ذا الحال .. والا سمعتي عن البنت الي شدت انتباه العيال الي شافوها ..
هيفاء عقدت حواجبها / اي وحدة .. الي كانت بالغرفة و قالعين عينها حسبي الله عليهم ..
ام طلال بحزن / لا الي انخطفت من شهرين هي من الرياض .. الي كان على راسها زي الطين او عجين على راسها ..
هيفاء هزت راسها / ماسمعت عنها ..
ام طلال / هذي وحدة شافها سند وطلال .. واستغربوا من شكلها والي على راسها .. و يوم سالوا واحد عنها ..
قال حالقين شعرها .. و حاطين عليها مواد تخرب المخ .. حسبي الله عليهم .. حتى يختل عقلها ..
ويضحكون على الناس ويقولون مريضة .. ويشحدون و يعطونهم الناس .. حسبي الله عليهم ..
هيفاء وهي حاطه يده على فمها / يا حرام .. ربي يشافيها .. والحين ايش صار عليها يقدرون يعالجونها ..
ام طلال تنهدت / ربي رحم حالها واخذ امانته .. توفت في العشر الاواخر من رمضان ..
هيفاء وهي تصد بغصة / الله يرحمها .. " سمعت صوت امها ووقف بتعب وتوجهت لها .. حتى تاخذ ولدها الي صحي "..






:
:




عند الباب الخلفي ..
كانت واقفه وراء الباب .. بتال سحب سلطان وحضنه وبحنان / كيفك بابا .." رفع صوته " شكله بينام ..
العنود من خلف الباب / او بترتفع حرارته ..
بتال عقد حواجبة .. و طالع سلطان الي نايم على كتفه .. تنهد / انا رايح البيت .. الرجال خلص عرسهم ..
اذا احتجتي شي اتصلي عليه .. " وبتدارك " .. اقصد الظبي ..
العنود براحه / طيب .. شغل القران علشان ينام و لا تبعد عنه ..
بتال ابتسم .. / ان شاء الله ..








:
:
:






اول مارجعت العنود لصالة ..



شافت مشيرة واقفه عند الباب بتدخل .. ابتسمت ونادتها / مشيرة ..
مشيرة التفتت وابتسمت حتى تتقدم منها وتسلم عليها ../ كيفك ..
مشيرة مبتسمه / الحمد الله .. انتي كيفك .. " وباست الظبي على خدها " .. وكيف الحلوة ..
العنود / الحمدالله على كل حال .. " بنبرة " كيف اوضاعك انتي ..
مشيرة ابتسمت وهي تغمز للعنود / تمام التمام ..
العنود ابتسمت / ربي يتمم عليك .. ويجعلها دائم " وهي تغمز " .. تمام التمام ..
مشيرة تنهدت / امين .. تعالي ندخل ابي اسلم على الجميع .. " وهي تشد شفايفها " ..
العنود رفعت حواجبه وهي فاهمه / ترا شابه ضوء ..
مشيرة هزت اكتافه / انا مالي دخل .. " دخلت بكل ثقة وتقدمت من الكل الي رحبوا فيها بطريقة عادية " ..
مشيرة وقفت قبال الجوهرة ومدت يدها .. بس الجوهرة صدت و هي ترفع حاجب ..
مشيرة تركتها وهي تبتسم .. وتوجهت لطاولة اهلها ..







:
:
:






قبل الزفة ..



العنود حاضنه الظبي وبهمس حاد / كيف مايبي يدخل ..
ساره بهمس والجوال بيدها / ما ادري ..
العنود بضيق من وضعها ومن وضع اخوها .. بعصبية / اتصلي على راكان .. وهو يتفاهم معاه ..
انا معاد فيني حيل .. " سارة اتصلت على راكان وبلغته بالي صار "..




:
:
:





راكان بعصبية / زياد .. احد قالك بنزفك على الحريم .. انت بتدخل على عروستك بس ..
زياد برتباك / ما ابي اتصور .. ولا ابي انزف خلاص خليني على راحتي ..
راكان بغضب وهو يوطي صوته / زياد .. لا تخليني اتوطى في كبدك قدم خلق الله ..
انت كيف تفهم .. مافي لا مصورة ولا زفه .. انقلع وادخل وخذ زوجتك .. الله لا يبارك فيك ..
" دخل راكان لقاعة الرجال .. وطلع سلطان ورعد و عبدالعزيز و صقر .. ودخلوا مع زياد على العروسة " ..
زياد مشي معاهم وهو متوتر و يتصبب عرق .. ورعد وعبدالعزيز ما خلوا من تعليقاتهم شي ..






:
:
:




ريهام واقفه وهي منزله راسها بالارض .. خجلانه من خوالها و من زياد ..
دخلت ام سطامو ام صقر.. و ام عناد وام سند .. وباركوا لهم وطلعوا .. وطلع بعدهم صقر حتى تدخل العنود وساره ..
العنود واقفه بجنب سارة وهي معاها كاميرا كانون .. وتصور زياد و ريهام ..
زياد يحاول يتمالك رجفته ويهدي نفسه .. ماكان قادر يتكلم ..
ساره من لمحت وجه اخوها بدا يتغير وقفت التصوير .. والتفتت على العنود ..
شافت العنود ملتهيه ببنتها .. دخلت ام صقر حتى تعلن موعد زفة ريهام ..
العنود طالعتهم وبمفاجاه / زفيتوا نوال وابرار ..
ام صقر مسكت ضحكتها / ايه .. يالله يمه سمي بالله ..
التفتت على زياد ... وابتسمت / ربع ساعه ونرجعها لك ..
زياد ابتسم مجمله .. ووقف وبارتباك / انا .. انا برا .. الشباب عند السيارة ..
ام صقر ماكانت منتبه لوضعه .. كانت تعدل فستان بنتها وتمشيها .. / الله يسهلكم و يوفقكم ..
العنود كانت تطالع بتفحص لاخوها .. طلعت بساره واشرت لها تطلع وراء العروس ..
زياد بتوتر يعدل غترته .. وبشته .. العنود بهدوء / زياد ..
زياد طالعها .. العنود / ايش فيك ..
زياد هز راسه / ولا شي ..
العنود فزت من صرخت بنتها حتى تحضنها و تسمي عليها وترجع تهزها على كتفها ..
زياد طلع من الغرفة و وقف بجنب سيارته .. ابتسم وهو يسمع تعليقات الشباب ..
فتح الباب و طلع سيارته .. حتى يطلع جواله .. و يطقطق فيه ..







:
:
:





بعد ساعات ..





بجناح سعود و نوال ..




سعود بصاله ينتظر نوال ..
نوال بالغرفة .. عدلت نفسها وغيرت فستانها .. ابتسمت وهي تتذكر زفت ابرار ..
نوال بهمس وهي تطالع بالمراية / الحمدالله عدت زفتي على خير .. والا انتحر لو صار لي الي صار لـ ابرار ..
ابتسمت وهي تتقدم بخجل للباب فتحته وطلعت .. سعود اول ما سمع صوت الباب وقف وتقدم لها ..
سعود بابتسامه / ياهلا بعوبتي ياهلا ..
نوال وقفت بزعل و طالعته وهي مكشرة .. سعود بضحكه وهو يحضنها ..
وبهمس / واحلا عوبه بحياتي ربي لايحرمني منها ولا من عوبتها ..






:
:
:








بجناح فارس و ابرار ..




فارس جالس جنبه على الكرسي .. و بحنان / طيب تبين المستشفى ..
ابرار وهي تمسح دموعها وتشهق هزت راسها وبهمس / لا ..
فارس بحنان وهو يمسح على ظهرها / طيب ليش تبكي .. " حط يده على رجلها " .. توجعك ..
ابرار من تذكرت كعب جزمتها الي انكسر وهي بالزفه وفشيلتها .. زاد بكها ..
فارس حضنها وهو يطبطب على ظهرها / خلاص يا روحي .. خلاص .. اهم شي سلامتك ..









ـــــــــ






بعد صلاة الفجر ..



بيت راكان ..




العنود بخوف / لزم اوديه المستشفى .. الخافض ما سوى شي ..
راكان يوقف / البس ثوبي و انزل .. و نروح المستشفى ..
العنود توقف وهي تلبس عبايتها .. والظبي صارخت بصوت عالي مفزوعه تبي ترتمي على حضن امها ..
العنود حملت الظبي .. وراكان الي لبس ثوبه ونزل حمل سلطان ..



:
:
:



بعد ساعات ..




:
:
:



بتال واقف وبجنبة راكان قبال سرير سلطان بغرفة الملاحظة .. ويتكلم مع الدكتور ..
العنود واقفه وراء الستارة .. والظبي و سلطان نايمين على سرير واحد ..
راكان بتعب ونعاس / ايه .. " تثاؤب " ..
الدكتور بارتباك / امممم يعني هو .. مش موكد ..
بتال بخوف واهتمام / ايش .. قول ..
راكان حس بان الموضوع خطير ركز معاهم وصحصح .. وهو يعدل وقفته ..
الدكتور برسمية / لوكيميا .. سرطان الدم ..
بتال وراكان بصدمه يطالعون الدكتور .. نقزوا بفزع من سمعوا صوت الطيحه ..
التفتوا بسرعة وشافوا العنود طايحه على الارض .. مغمى عليها ..













انتهى ..



لا اله الا الله محمد رسول الله ..
سبحان الله .. و .. الحمدالله .. و .. الله اكبر ..

اتمنى ينال اعجابكم .. و اعذروني عن القصور و الاخطاء الاملائية ..

و لا تنسوني من دعاكم ..

مشاعل السعودية ..

كونوا بخير ..