بسم الله الرحمن الرحيم ..



السلام عليكم ورحمة الله وبركاته ..



الحمد لله والصلاة والسلام على رسول الله ..



توكلنا على الله .. لا اله الا الله محمد رسول الله ..











البارت 49 ..

















تل قلبي .. تل طيرٍ على طلعٍ وكيد

جود المقرود سبقه وعيا يطلقه

يوم فاع اركى جناحه على قاسي الحديد

وانكسر ريش النداوي ولا الله وفقه

يكفخ القلب المشقي على الخل العنيد

ما وفا بالعهد لا شك قلبي صدقه

واهني اللي على الحول ينبت له جديد

وش سواة اللي جناحين قلبه محرقه

يا لطيف الروح وبحق خلاق العبيد

اكرم المملوك بالوصل والا فاعتقه









" بدر بن عبدالمحسن " ..













بعد الظهر ..







في المزرعة .. طلال و نايف يتمشون مع بعض ..

طلال / هههههههههههههههههههه ..

نايف وقف عند شجره و هو يطالع ثمرها .. / تين صح ..

طلال وهو يمسح مكان النظارة الشمسية و يطالع بالشجرة / ايه تين .. " وباستغراب " .. امس كانت مليانه ..

نايف شاف شخص خلف الشبك الي قريب منهم .. وهو ياشر بحواجبه و بهمس / شكل عندنا جيران جدد ..

طلال التفت وعقد حواجبه / الي قبل ما صدقنا يروحون ويفكونا من الازعاج ..

نايف عقد حواجبة بانزعاج وهو يسمع صوت شخص يتكلم / قلة ادب .. كيف تاخدو حاجه بدو لا تستئزنو ..

كلموا اصحاب البيت والا البوستان .. ايش هالهمجية دي .. السلام عليكم ..

طلال التفت لشخص و باستغرب / وعليكم السلام ..

نايف ابتسم وهو يشوف الشخص الي لف فوطه على راسه ولبس قميص نوم رافعه من اسفل بيده و شكله معصب ..

... / معليش يا اخوية البزروه قطفوا التين من مزرعتكم و قالوا ما استازنوا .. فااااا ..

نايف / هههههههههههههههههه عموري كيفك يا رجال .. ايش هالصدفه ..

عمر فتح عيونه وابتسم / نايف والله ما عرفتك ايشبك ليش متغيركذا ومتشخبط ..

نايف / هههههههههههههههههههههههههه .. " وهو يتقدم من الشبك الي كان مو طويل مرة فسلم على عمر " ..

التفت على طلال / هذا اخونا طلال ..

عمر ابتسم / اخوكم التاني المحشور بينكم مثل الي عندي ههههههههههه ..

نايف / ههههههههه يا ويلك لو تسمعك .. " التفت على طلال " .. هذا عمر زوج منار اختنا الي قلنا لك عنها ..

طلال اول شي عقد حواجبه بتذكر و بعدا فردها و هو يتقدم / هلا .. كيفك ابو حمزة ايش اخبارك ..

عمر ابتسم وبلهجته الحجازية / هلا فيك الحمدالله بخير .. كيفك انت ..

طلال ابتسم / الحمد الله ..

نايف بتساؤل / منار ايشلونها ..

عمر بمزح / لونها لون الجني .. جننتنا الا بتطلع .. شقوا لها بطنها و برضه جنانها ما وقف ..

نايف فتح عيونه / هي مو عبانه ولدت بسابع و ظهرها بعد الحادث و بعد مطيوره ..

عمر بضيق / ايش تسوي فيها .. وعمي حمزة عاد الا ام حمزة الصغير ..بس تبكي خلاص ..

لو فيه الموت ما تقعد بخاطرها تصير الشغله الي تبغاها .. جابها .. و هي و بكيفها لو تموت انا معاد اتكلم ..

نايف ابتسم و بخبث / اتحداك ..

عمر رفع حاجب / ايش لوه الكلام هادا .. عديها ليه الا تقعد لي على الحبه انت و اخوك راكان ..

طلال و نايف / هههههههههههههههه ..

عمر / نقعد واقفين كيده .. تعالوا نشرب شاهي برا .. الشباب جالسين جلسه يحبها قلبك .. تعالوا ..

طلال و نايف التفتوا لبعض و مشيوا متجهين لبوابة البيت الرئيسية ..












ـــــــــــــــــــ

















بعد العصر اصروا البنات يطلعوا من المكان و يروحون لاحد المنتجعات ..

طلعوهم .. الى بعد العشاء رجعوا و هم هلكانين ..













امام البيت المجاور ..

كان فيه كرسي تحت شجرة .. جلسين عليها العنود وسارة و منار ..









ساره بضحكه / منوووووووور وحشتيني .. " وهي ترجع تحضن منار و تبوسها "..

العنود ابتسمت / من يصدق ان الصدف تخلينا نستاجر جنب بعض ..

منار ابتسمت / والله عمي ما قصر .. لمن شافني متضايقه حلف ان اسوي حفلة اربعيني بالشفاء ..

العنود تنهدت / والله من جنانك .. اجل مالك شهر من ولدتي طلعتي من البيت .. وليتك تسعه شهور تم حملك ..

ساره بضحكه / هذي هي منور ههههههههههههههه متفرده بالجنون ..

منار وهي تضم ساره / ههههههههههههه .. والله وحشتوني .. الا وين اولادك عاموده ..

العنود طالعتها بنص عين .. / يعني الحين انتي الي مو عامودة .. و اولادي نايمين من بعد العب الي لعبوه ..

ساره ابتسمت / وانتي و ين حمزاوي ..

منار تنهدت و بضيق / لانه ما تم تسعه شهور خلوه بالحضانه " وابتسمت بفرح " ..

بكره يتم التسع شهور ويطلع ان شاء الله .. تراه دبوج من ضغنون ..

العنود ابتسمت / اذكري الله .. وواا .. راكان قال قبل ما نرجع الخبر نمر عليك .. باذن الله ..

منار ابتسمت / يا مرحبا بكم .. احنا بكره ماشين .. راح اطلع حمزة من المستشفى .. ان شاء الله ..

العنود ابتسمت / على خير .. " وبهدوء " .. منار .. انتبهي على صحتك حبيبتي .. الحين صرتي ام يعني كبري عقلك ..

منار ابتسمت و بخبث / يعني انتي يوم صرتي ام كبرتي عقلك ..

العنود بحدة / منووووووور ..

منار / ههههههههههههههههههههههههههه ..

وبعد دقايق صمت / من يصدق ان كلنا نصير امهات .. " التفتت على ساره " .. ما بقي الا انتي ..

العنود رفعت حواجبها / عندك خبر عن حنان و مها ..

منار بضيق / تحزني مها .. حنان كل ما اسالها عن مها تبكي .. زوجها فوق كبر سنه الا انه شرير ..

مصبحها و مسيها بضرب ..تخيلي قبل لا يكمل عمر و لدها شهرين حملت ..

العنود صدت وبغموض / جعل صبرها يمحي ذنوبها .. " وقفت " .. يالله ساره صار لزم نرجع ..

وانتي " تقصد منار " .. قبل لا ترجعون جده .. مري سلمي على جدتي و عماتي .. وعمانك ..

منار زمت شفايفها .. و بضيق / مستحيه .. وكل ما اذكر الي سويته اخجل اكثر ..

العنود تنهدت / ما عليه .. كان الوضع غير .. اذا احد سالك نوضح الموضوع .. مو مشكله ..

" وهي تربط نقابها ".. يالله فمان الله .. " وقفت منار و ساره و كل توجه لجهة معينه " ..

منار تذكرت شي و نادت ساره .. حتى توقف ساره و ترجع لها ..

العنود كملت طريقها ولمن انتبهت لساره وقفت تنتظر ساره.. شافت عمر زوج منار جاي جهتها ..

شكله راجع من البقالة .. و بخجل ردت السلام على عمر وباركت له بالمولود ..

بتال الي كان خارج من البيت متوجه لسيارات الي واقفه خارج السور ..

انتبه للعنود الي كانت و اقفه بمسافه لهي بعيده و لا قريبه من عمر.. و بجنون توجه لهم ..

العنود انتبهت لساره الي جايه جهتها .. عدلت عباتها و مشت خطوتين و تفاجات بالشخص الي نط على عمر ..

و بدا يتضارب معاه .. عمر الي ماكان منتبه لشخص اختل توازنه و طاح على الارض ..

العنود فتحت عيونها بصدمه .. و ساره شهقت .. التفتت جهة منار و ماشافتها مكانها .. دخلت للبيت ..

العنود بخوف / بتال .. يا مجنون ..

بتال بغضب .. كان يضرب عمر و يتلفظ الفاظ خلت كل عرق بالعنود يرجف ..

سند كان يتكلم بالجوال و هو طالع من البيت .. قفل جواله و التفت باستغراب جهة الاصوات ..

شاف بنتين و اقفين بخوف و شخصين يتقاتلون على الارض .. ميز احد الاصوات و راح يجري لهم ..

وبصعوبه ابعد بتال عن عمر .. لكن كان يفتلت منه و يرجع يضرب عمر ..

طلع و احد من البيت الي ماخذينه اهل عمر وبسرعه جاء يساعد سند و يبعد عمر عن بتال ..

سند ضرب بتال كف .. حتى يختل توازن بتال و يطح على الارض .. و بحده / بتااااااااال ..

التفت على البنات .. / يالله روحوا لاهلكم ..

ساره سحبت العنود الي كانت متصلبه بغضب في مكانها .. تحركت العنود متوجه للبيت ..

سند بصدمه من ان البنتين من عايلتهم .. اخو عمر سحبه و رجعه البيت .. باعتقاده ان اخوه الغلطان ..

سند بحده / انت انجنيت ..

بتال بغضب / الـ****** .. و اقفه معاه .. لا حي و لا مستحى ..

سند رفع يده كان راح ينزله على وجه بتال / انت كيف تفكر .. ما قلت لك اوثق بالعنود ..

انت تعرف سبب خروجه .. تعرف من الشخص الي و قفت معاه سالتها .. اكيد لا ..

لان عقلك المرض صور كل شي و وثقه .. " تركه و رجع للبيت بخطوات غاضبة سريعه " ..

بتال بقهر قبض يده و صار يضربها بالارض بغضب .. و قف و توجه جهة البيت ..

وما انتبه للاعصار الي طلع من البيت المجاور ..

بتال اول ما دخل شاف سند واقف قدام نايف و طلال و العنود عند باب البيت ..

نايف بغضب وهو ياشر على بتال / انت ايش لك دخل باختي ..

بتال بغضب اكبر / ايش لي دخل .. تبغاني اشوفها واقفه مع رجال غريب واسكت ..

طلال بغضب اكبر ../ وانت تدري من هو .. لو واقفه مع سند .. بتضربه .. و تشك في وضعهم ..

......... من خلفه بغضب / يا **** ... انت باي حق تضرب زوجي .. " سحبت شبشبها حتى تحذفه بوجه بتال " ..

نايف بغضب / مناااروة وجع .. انقلعي لبيتك ..

عمر الي لحق منار سحبها من يدها و بغضب / انتي انجنيتي .. ايشبك طلعتي زي المجنونه ..

ارجعي للبيت انا احل الموضوع .. " منار فلتت يد عمر و توجهة لخواتها "..

بتال بغضب توجه لعمر لكن سند مسكه و دفعه بقوة لبعيد حتى يطيح بتال على الارض ..

نايف يتوجه لعمر و اخوه الي دخل بعد عمر .. و بضيق / العذر والسموحه يا عمر .. الجماعه ما يعرفونك ..

الكل طالع بنايف و طلال باستغراب .. و ينتظرون تفسير ..



,

,

رنيم باستغراب واقفه عند باب البيت / ايش فيه .. ايش صار ..

العنود دفعت الي عند الباب و هي تدخل بغضب سحبت نقابها و جلست على فرشت جدتها .. دخلت ساره و منار بعدها ..

الكل طالع بمنار باستغراب .. منار تجلس بجنب العنود و بعصبيه / هدا الـ***** ايش دخله فيك ..

العنود بحدة وهي تحط اصباعها في فمها / اااااص ..

سمر طلعت من الغرفه بضيق و طالعت بغرام / يقول ما راح يجي .. " طالعت بوجيه الكل و بخوف " .. ايش فيه ..

منار طالعت بسمر من فوق لتحت وشمقت لها .. و بتساؤل لسارة / وين راكان ..

ساره بهمس / ما جاء ..

..... / لا اله الا الله .. السلام عليكم ..

الكل طالع بالجده الي خارجه من احد الغرف و هي تمسح وجهها بشيلتها .. توها مصليه الوتر ..

تقدمت من العنود و منار و ساره و بتساؤل / يا مرحبا .. من المزيونه ..

منار و قفت و تقدمت منها و هي تقبل راس جدتها / انا منار ..

العنود بصوت جامد / هذي منار بنت خالتي شمه اختنا بالرضاعه ..

ام سطام ابتسمت و بحنيه / يا مرحبا .. والله قال لنا سطام رحمة الله عليه ان عنده بنت رضاعه بس ما شفناك و لهينا ..

منار ابتسمت وهي تمسك يد جدتها و توجه للفرشة / ايوة .. انا ما شفتكم الا مرة يوم زواج طلال و مرام ..

الكل تلفت في بعض و تساؤلات كثير .. سمعوا صوت صراخ وفجاه هدي ..

حتى تسال الجده / هو ايش جاهم .. ليش هالتخبط و الصياح ..

الكل يطالع في بعضه .. مريم بهدوء / مغير الشباب الله يهديهم ما تعرفينهم يمه ..

نوال تهمس لـ ابرار / فهمتي شي ..

ابرار هزت راسها بلا .. نوال طالعت بالبنات و شافت الضياع بملامح و جيههم ..

ام سند بفضول / جيتي زواج طلال .. متى و ين كنا ماشفناك .. بس شفنا العنود و ساره ..

مرام رفعت حواجبها وبداخلها .. " علشان كذا لمن جاتني العنود طلبت تشوف الصور ..

و كانت تمدح وكانها اول مره تشوفها .. طلع لانها ماحضرت " ..

سمر مركزة و هي تحاول تربط الاحداث و تفهمها ... والكل مركز ..

منار طالعت بالعنود الي الغضب واضح متملك كل ملامح وجهها .. بارتباك / انا .. انا الي انتم تحسبوني العنود ..

" و بتبرير " .. والله كله من خالتي شريفه .. هي السبب .. كانت تهددني و تهدد البنات .. وكنا نخاف ..

" وبغصة " .. محد حولنا و لا احد يقدر يساعدنا .. " سكتت وهي تطالع بالوجيه .. الي واضح ان محد فاهم شي "..

سمر طالعت بـ العنود و طالعت بمنار .. فيه اختلاف واضح .. العنود نحيفه و ملامحها اجمل و ساحره ..

منار ملامحها حلوه بس حدتها و سحرها مو مثل العنود .. و بعد متينه .. عقدت حواجبها " بس ماكانت كذا قبل " ..

نوال طالعت بالبنات / هااا ما قلت لكم كانهم اثنين بواحد ..

ابرار تضربها على كتفها / اسكتي خلنا نكمل الفيلم ..

مريم ام طلال بهدوء / يا مرحبا بك .. والي فات مات .. و الحكي بالفايت نقصان بالعكل و انا امك ..

حنا عيال اليوم .. " ابتسمت بحنان " .. ايشلونك انت و ايشلون صحتك ..

منار ابتسمت و باريحيه / الحمد الله .. " حطت يدها على بطنها مكان العمليه "..

العنود انتبهت لحركتها .. رفعت عينها و طالعت بملامح اختها و شافت عرق منتفخ بجان حاجبها ..

سالتها بهمس / تعبانه ..

منار بهمس متالم / العمليه توجعني .. و المضاد و قته فات من زمان ..

العنود طالعت فيها بغضب حتى تصرخ / ناقصه مصيبه ثانيه انا .. " التفتت لسارة " ..

روحي قولي نايف ياخذها ويوديها لبيتها .. " التفتت على منار " .. روحي ارتاحي في بيتك .. وبكره يصير خير ..

منار مسكت يد ساره و وقفت بوجع .. طلعت منها .." آآآآه " ..

التفتت على الجميع / اسمحولي .. توني والده والعملية توجعني ..

شهقت ام سطام / و الله ماتروحين ارتاح عندنا .. علاجك مقدور عليه .. يروح نايف يجيبه ..

منار طالعت بالعنود و شافتها صاده .. طالعت بالجدة و هي تقول لها / انا حلفت ..

ساره طالعت فيها .. و بحنان / تعالي نامي بالغرفة الثانية ..

منار راحت مع ساره و نامت بفرشتها .. بعد ما ارتاحت التفت على ساره و بهمس / متى يوصل راكان ..

ساره رفعت كتوفها / ما ادري .. بس سمر قالت مو جاي ..

منار تنهدت و هي تغمض عيونها بتعب .. وبهمس / ساره فيه اي مسكن عندك .. بطني يوجعني ..

ساره هزت راسها / لا ما عندي .. " وقفت " .. اكلم نايف يكلم زوجك يجيب ادويتك ..

طلعت ساره قبل لا تسمع رد من منار .. و توجهة لنايف ..

بالصالة الكل سكت عن الموضوع و لا ناقش فيه .. بامر من ام سطام ..















:

:

:















عند الرجال ..







بتال اخذ مفاتيح الجيب حق ابوه و ركبه و راح بدون لا يقول لاحد و ين وجهته ..

سند يحاول يهدي نايف .. الي حالف ما يسكت عن الموضوع ..

نايف بعد محاولات تهدئة من سند .. بات بالفشل .. سمع رنه رساله .. فتح جهازة و بعدها هدي او بالصح تجمد ..

عمر و اخوه و عمه الي لحقهم بعد فترة .. رفضوا الجلوس و طلعوا من البيت راجعين بيتهم ..

سلطان يمسح على وجهه و بضيق / وليه ما جبتوا طاري هالاخت ..

نايف صاد و لا تكلم .. ابو سطام بهدوء / عندنا خبر من زمان يا ولدي بس حنا ما اهتمينا ..

" تنهد بضيق " .. لا حول و لا قوة الا بالله .. قد الله و ما شاء فعل ..

ابو سند / لعله خير الي صار .. و ترجع المياة لمجاريها ..

نايف و قف و ابتعد عن الجلسه اذا بقي يستمع لهم راح ينفجر و العنود طلبت منه الصمت ..

ما يدري ليه طلبت هالشي .. انتبه لسارة تناديه توجه لها .. و بهدوء / نعم ..

ساره بضيق / منار تعبانه .. تبغى ادويتها و جدتي حلفت ما تطلع و تنام هينا ..

نايف هز راسه رفع جواله بيتصل على عمر .. لكن فجأة صوت عمر و هو يرد السلام ..

عمر ابتسم / السلام عليكم .. " كان بيده كيس واضح بانه ادويه " ..

عمر بضيق / هدي ادوية المجنونه .. ما اخذت منها حاجة و وقتها فات ..

"وبمزاح " .. انا قبل اقول من فين جابت الجونان هدا .. طلع من عرقكم ..

نايف غصب ابتسم و هو يتقدم له .. و بهمس / اعذرنا يا عمر ..

عمر ابتسم و بساطة / يا اخويه ما صار حاجه اخوانا و صار سوء فهم .. ادري ان المجنونه ماراح ترجع دحين ..

فجبت لها الادوية .. وبكره الصباح طالعين جدة .. امر عليها و اخذها ... " ابتسم بفرح " .. بكره يطلع حمزاوي ..

نايف ابتسم / و حنا بعد بكرة ان شاء الله نلحقكم .. راكان بيوصل الليله ان شاء الله ..

الحين هو في مكه اخذ له عمره هو وزياد و طالعين ان شاء الله ..

عمر / يوصلون بالسلامه .. يالله سلام ..

نايف / وعليكم السلام ..

التفت على ساره الي واقفه بعبايتها وراء الباب وناولها الكيس .. سمع صوت خلفه التفت و شاف سند ..

سند بحزم / تعال ابيك شوي ..

نايف تقدم منه بهدوء / نعم ..

سند بحزم / عند علم بان راكان راح يجي اليله .. ما ابي اول ما يوصل تقوله .. انا ابلغه و افهمه السالفه ..

نايف طالعه ببرود و تركه و توجه للبيت .. سند طالعه و تنهد بضيق .. / الله يهديكم بس ..

سمع صوت شخص عقد حواجبه والتفت باستغراب جهة الصوت شاف ياسر لبس بنطلون اسود و بلوزة سماوي ..

عليه جاكيت اسود .. وبهمس / هذا متى وصل من المغرب .. وكيف عرف المكان ..!

انتبه لصقر وسامر الي يسولفون مع الشباب .. وبهمس / اهاااا صقر و سامر ..

تقدم بهدوء وهو يجلس بدون لا يطالع اخوه سحب المسنده و نام عليها ..

ياسر طالع باخوه و بهدوء / اشلونك ابو فهد ..

سند وهو صاد وبنبرة جافه / من الله بخير ..

ياسر صد وبدا يسولف مع ابوه .. / اخذت طيارة من جدة لـ الطايف و اخذ تكسي من المطار الى الشفاء ..

و جاني سامر و صقر و جابوني عندكم ..

ابو سند / وين كنت ذا ا لفترة كلها ..

ياسر يمسح على شعره بعبث / ابد قريب .. شفت دبي و " ابتسم " .. غزلانها ..

ابو سطام عقد حواجبه و طالعه بغضب .. حتى يضحك ياسر / رحت الشوف الظبي الي يتغنون له ..

غزيلٍ فله .. بدبي لاقاني ..

امشط القذله .. سلمت وحياني

قال اشبلاك مدله .. قلت ضاع برهاني

اسبابه الكحله .. تسحر بالأعياني

ابو سطام بانزعاج / خلاص اص .. ازعجتنا ..

سامر و صقر و ياسر / هههههههههههههههههههههههههههه ..

انتبهوا ان وجيههم فيه حكي .. سامر التفت على سعود و شاف وجهه اسود من الضيق ...

تلفت يدور بتال و بتساؤل / وين ابو سلطان ..

سلطان بهدوء / راح له مشوار و يرجع ان شاء الله ..

سامر طالع بوجيه الكل .. و صمت ..



















ــــــــــــــ




قبل الفجر بساعتين ..







عند جلسة الشباب الي بالغار ..





سعود واقف و بيده الجوال .. تنهد بضيق / ما يرد ..

سند جالس قبال النار وهو يشرب من كوب الحليب .. ببرود / خله .. متى ما هدي غضبه يرد عليك ..

سعود زفر بضيق / ها الادميه ماخلت براسه عقل ..

سند ابتسم وهو يطالع بالكوب / ...............

سعود انتبه لابتسامته سند .. رفع حاجب و باستغراب / على ايش تبوسم ..

سند بنبرة هامسه / اخوك ما براسه عقل من زمان .. " رفع راسه و طالع بسعود .. وبنبرة مقصودة "..

اجل فيه واحد عنده مثل العنود ويطلقها .. " طالع بسعود لفترة سعود بارتباك صد عنه "..

سند رفع حاجبه و بصدق / استغفر الله .. هي ان مشت مع البنات تلفت كل الانظار لها .. وما كان حولها احد ..

سعود زفر بضيق / ............

سند هز راسه /اعوذ بالله من الشيطان الرجيم .. استغفر الله العظيم ..

............/ السلام عليكم ..

سند وسعود التفتوا و شافوا راكان وعناد و زياد يدخولون .. و قفوا و سموا عليهم .. وبعد السؤال عن الحال و الاحوال ..

جلسوا حول النار .. و تقهوا .. دخل نايف و طلال و بعده فارس و سيف .. وسلموا ..

راكان يطالع بنايف و بتساؤل / ايش فيك ..

نايف بهدوء / سلامتك ..

راكان طالع بوجيه الكل .. / شكل جو الشفاء مو عاجبكم ..

سند ابتسم / الا والله .. بس ما يعكر الا بعد المدام ..

رعد الي دخل عليهم / عاد انت بذات ما يصير تتكلم عن ذا الامر .. السلام عليكم ..

الكل باصوات متفرقه / هههههههههه و عليكم السلام ..

وقف راكان وزياد و بعد السلام و السؤال عن الحال .. راكان ابتسم وهو يجلس / ليش ايش سوا ..

رعد ابتسم / اكل من الحلا بالخلا ..

راكان عقد حواجبه و هو يطالعه باستفسار .. رعد ياشر له / المدام .. اخر اليل ..

راكان فهم / اووووووووووه ..

زياد حمر وجهه .. رعد حط يده على فخذ زياد و بعفوية مسح عليها .. / اوووه يا الحلو خجلت ..

زياد انتفض بطريقة غريبة و هو يبعد يد رعد بعنف .. الكل استغرب من حركته ..

راكان طالع اخوه باستغراب / ايش فيك ..

زياد و تنفسه مضطرب و وجه متصبب منه العرق .. تركهم و طلع بدون وجه معينه ..

الكل التفت لبعض باستغراب .. سند عاقد حواجبه / هاالرجال مو طبيعي ابدا ..

عناد وهو يطالع قفاء زياد الي بدا يختفي في الظلام / من زمان و انا قايله ..

راكان و قف و لحق زياد .. ونايف لحقه .. و قفه سند / ناااايف ..

نايف طالعه برفعة حاجب و ابتسم بسخرية و تركه و توجه لاخوانه ..

طلال بنبرة مقصوده / سند لا تدخل .. ان نايف سكت .. " طالع بسند " .. العنود مو ساكته ..

سند طالعه بنص عين / العنود انا اتفاهم معاها ..

طلال طالعه و بسخرية / اذا في يدك لا تقصر .. " وقف و ترك المكان "..

عناد تنهد / ترا الي مسكتتهم العنود .. و الا كلامك مو شايلينه من ارضه ..

رعد بدوء / تكلمت مع العنود .. و كانت باااااارده و لا كان صار شي .. بصراحه خوفتني ..

سند صد عنهم و هو يشتت نظراته .. وبداخله " تبي تسوي سوات جدتها .. ما راح اسمح لك يا العنود " ..

بالمزرعه ..







زياد يرجف وهو يبكي .. ويكتم صوت شهقاته ..

صد وهو يمسح دموعه و يشد الجاكيت علية .. اول ما سمع صوت راكان يناديه ..

زياد وهو يعدل صوته .. ويتنحنح / احمم احمم .. هينا .. راكان ..

راكان تقدم منه و بخوف و اهتمام / زياد .. انت ايش فيك .. ايش صار لك ..

زياد بكذب / بس من المشوار لعت كبدي وااا .. طلعت ..

راكان مسح على ظهره .. و بتطمن / و الله خوفتني .. طيب الحين كيف صرت ..

زياد يمسح وجهه بالشال و هو يتنهد و يوقف / احسن ..

راكان لف يدينه على زياد وحضنه .. زياد تجمد مكانه ..

راكان ابتعد عنه و بحنان / ربي لا يفجعني فيكم .. تعال خلانا نرجع لشباب ..

راكان شاف طلال و نايف يتهامسون بصوت واطي .. هز راسه وهو يتقدم لهم و زياد يمشي بتعب من وراه ..

راكان بتفحص / ايش فيه .. حس بان فيه شي صار و انا ما اعرفه .. ايش صار ..

طلال شايف التعب المرسوم بملامح راكان .. من جاء من الشرقية اخذ عمره و كمل طريقة على الشفاء ما ارتاح ابد ..

طلال بهدوء / لا ابد ما صار شي.. بس شكلك تعبان .. متى اخر مره نمت فيها ..

راكان يتثاؤب اول ما جاء طاري النوم / لي يومين وداخل على الثالث مانمت احس راسي بينشطر بين النص ..

صدددددددددددددااااااع .. " وهو يمشي بخطوات ثقيلة " .. متى ياذن الفجر .. ابي اصلي وانام ..



















ــــــــــــــ

















بعد الظهر ..











منار تسلم على العنود و ساره و الكل .. وهي تودعهم .. / يالله فمان الله و سامحونا ..

ام سطام بحنان / انتي الي سامحينا و انا امك .. قصرنا بحقك واجد ..

منار حضنت ام سطام و بغصة / ريحتك زي ريحة جدتي الظبي .. يا حلوها يمه ..

ام سطام بعبره / الله يرحمها ..

العنود مسكت يد منار و هي تمشي معاها عند الباب و بهمس / اليوم ان شاء الله نكون عندك .. انتبهي لنفسك ..

و روحي لدكتورة تشوف مكان العملية .. لا يكون انفتق و الا التهب .. و ريحي نفسك و بطلي جنان ..

منار تهز راسها و هي تنزل النقاب على وجهها / ان شاء الله ..

طلعت لعمر الي واقف عند الباب ينتظرها .. العنود ابتسمت .. وهي تشوف التغير الملحوظ بلبس منار في العباية ..

شافت رنيم معاها ترمس شاهي و هي طالعه .. رنيم تحلف / والله تطلعين معاي ..

العنود الي مخنوقه من الجلسه و ترقب الكل لها .. هزت راسها / اصل طالعه بدون حلفان ..

لبست العنود عبايتها و نقابها و طلعت .. شافت رنيم واقفه وبجنبها سند .. سند اول ما انتبه لـ العنود ..

ابتعد و على كتفه فهد .. العنود تقدمت ومشت بجان رنيم الي تسمع صوت زفراتها وشكلها معصبة ..

العنود بهدوء / ايش فيك ..

رنيم بعصبية / ولا شي ..

العنود طالعتها باستغراب و هي تمشي .. رفعت حاجب و طنشتها .. مصيرها تقول الي بخاطرها ..

اول مادخلوا المزرعة .. سمعوا صوت سند .. ينادي العنود ..

التفت العنود له .. سند وهو يتقدم لهم و ملامح وجهه جامده ..

رنيم تطالع بنظراته بس مواضح شي منها بسبب النظارات الشمسية ..

سند بعد ما صار مواجه لهم .. بنبرة لا تخلو من الحدة / لا انتي الظبي و لا انا سند العاشق .. اياك تفكري بابعاد راكان ..

ولا .......

قاطعته العنود الي اعطته ظهرها ببرود و تركته .. سند فتح عيونه للاخير وبعصبية / بنننننننننننت ..

العنود ولا كانه قال كلمه .. كملت طريقها حتى تصادف زياد ونايف وطلال ورعد ..

الي فارشين لهم تحت شجرة و متسدحين .. العنود بهدوء / السلام عليكم ..

نايف وقف باستغراب و هو يشوف سند جاي عليهم بعصبية ..

سند وهو يطالع بالعنود بغضب / والله ان ما عقلتي لكون انا الي مكسر راسك مو بتال .. اياك تخلين احطك براسي ..

راح اكسر يا العنود .. " قالها وهو يرفع اصباعه بتهديد بوجه العنود " ..

وقفف نايف بين العنود وسند وبحدة / سند .. الزم حدودك .. و لا تعداها .. من انت حتى تكسر راسه العنود اخت نايف ..

رعد مسك يد سند وابعده عن الجلسه غصب و طلال جلس نايف .. والعنود البرود متملكها .. ولا كانه صار شي ..

نايف بعصبية /هالـ*** كل واحد يعتقد بانه هو الي الي له الحق بكل شي .. يخسون ..

العنود حطت يدها على فخذ نايف و بتهداه / نايف ايش فيك .. " ابتسمت ".. ايش صار ..؟

نايف و طلال فتحوا عيونهم / ايش صار ..؟

العنود برود / هههههههههههه .. ايه .. ايش صار .. محد يمشينا على كيفه .. يعني كلامهم طار مع الهواء ..

نايف الي فاهم العنود و فاهم تفكيرها سكت .. طلال طالع بزياد / انت اكثر واحد فاهم .. ما تدخل بشي ..

زياد ابتسم بآلام و هو ينزل راسه .. /....................













:

:

:











سند بثوران / هذي ماتفهم .. تبي تخرب الدنيا .. والا تذبح جدي ..

رعد يضرب كتفه وبحزم / سند .. كانك ناسي من تكلم .. لا يكون عطيناك مكانه تبي تتفرعن على الكل ..

احترم حدودك سند .. وانت ايش دخلك بالعنود .. حي الله بنت خالك .. وشريكتك ..

العنود احنا نتفاهم معاها .. جدها وعمامها و اخوانها موجودين .. والا مو مالين عينك ..

سند زفر هواء بضيق وهو يطالع رنيم الي تطالع فيه بعصبية وهي متخصره ..

سند بعصبية / خير .. تعالي اعطيني كف احسن ..

رنيم بعصبية / والله تستاهله .. يمكن تفوق على نفسك .. " تركته و توجهت للبت و هي معصبة للاخر " ..

رعد ابتسم / هذا اولها .. الله يستر من تاليها ..

سند طالعه بنص عين و طنشه و هو يروح للجلسة .. سمع ياسر يتكلم مع جده ..

ياسر بابتسامه / والله ياجدي الي قال ان دبي دار الحي من دخلها شايب طلع الصبي صادق ..

ابو سطام ابتسم وبنغزة / يعني ظنك لو اروح دبي اخذلي من غزلانهم غزال صغير غض ..

ام سطام بنفس النغزة / الله الله .. حتى العجوز تطلع من دبي صبية ..

الكل / ههههههههههههههههههههههههههههههههههههه ..

سامر بضحكة / حلووووووووووووووووووه يا جده حلوه ..

صقر بضحكة / تم نسف الجبهه ..

ابو سطام يرقع / اجل خلنا نروح سوا .. و نرجع لشباب .. ها ايش قلتي ..

سند رفع حاجب بامر لياسر / قوم صب لي قهوة ..

ياسر شاف سند معصب .. وقف من سكات و اخذ ترمس القهوة من ياسر و صب قهوة لسند ..

سند اول ما اخذ الفنجان شرب منه شوي حتى يرمي القهوة بوجه ياسر وبصراخ / تعطيني قهوة بارده ..

كانت القهوة حاره .. و ارمت بوجه ياسر الي نقز بصراخ .. وبعصبية لسند / انت من مفكر نفسك ..

رمى الترمس على الارض / اذا مو عاجبك قوم سوي قهوتك على كيفك ..

سند وقف .. و قف معاه فارس الي وقف بينه و بين ياسر .. و قف الكل ..

ابو سند بصراخ / ولـــــــــــــــد .. الظاهر ما عرفت اربيكم .. وهو يسحب عقاله .. ضرب فيها سند على ظهره ..

بس ما تحرك سند ولا شبر .. و لا تاوه و لا كانه اخذ هالضربه .. اما ياسر الي ابتعد عن الضربه حتى ياخذها فارس ..

ياسر ترك الجلسه و المكان بعصبية وهو يطلع برا البيت .. رعد الي انتبه لفهد وهو يتمايل ..

حتى يمسكه هو وسلطان و يجلسونه .. ابو سطام بحدة / اطلع انتي واياه اطلع من قدامي ..

طلعوا كل الشباب و هم يتساسرون ايش الي صار ..

سند توجه لسيارته طلع فيها و طلع برا البيت .. فارس اول ما دخل المزرعة فسخ بلوزته وهو يتاؤه ..

سيف الي كان معاه اول ما شاف اثر الضربه الي تحول لمجموعه الوان بني و احمر و ازرق و بنفسجي ..

سيف بتقزز / اوووووووه .. يبغالك مرهم يخفف هالتورم ..

فارس بالم / اتصل على امي و قول لها تعطيك الفيقس .. اااااااااااااااه ..













:

:

:









بعد العصر ..











راكان وهو ينشف شعره / صدااااع .. ابي بنادول ..

زياد بهدوء / العنود مجهزة لك كل شي .. تعال تغداء وتقهوى و بعدها خذ البنادول ..

راكان يمشط شعره وبعدها لبس الكاب الصوفي عليه .. جلس على الفرشه و قباله صينية الاكل ..

وهو ياكل / ايش الي صاير .. " عقد حواجبه " .. كاني سمعت اصوات صراخ .. مدري هو حلم و الا حقيقة ..

زياد هز اكاتافه و سكت .. راكان طالعه و بتفحص و بثقة / ما تبي تقول .. معناته شي كبير ..

صار ياكل بسرعه .. اخذ بعدها البنادول وشرب وراها موية و وقف وهو يسحب ترمس القهوة و الفناجين ..

راكان / خلنا نطلع نتقهوى برا ..

زياد وقف وهو يشيل الصينيه و يوديها لـ العنود .. راكان اول ما مر من قبال المزرعه شاف سمر و معاها شيخه ..

تقدم منهم و هو يبتسم بشوق .. وكانه يغني / وحشتوني وحشتوني و حشتتتتتتتتوووووووني ..

نزل الترمس و الفناجين على صغره و هو يفتح يدينه يضم سمر و شيخه ..

سمر بشوق وهي تحس بقبلته على راسها ../ وانت اكثر .. " وبدلع " .. ليه ما سلمت علينا اول ما جيت ..

راكان ابتسم و هو يبتعد عنها و يسحب شيخه يقبلها بجنون يلعب معاها / كنتم نايمين .. بابا .. بااااباااااااا ...

سمر ابتسمت .. راكان يجلس على وحدة من الصخور و شيخه على فخذه تنطنط ..

راكان بضحكه / من علمك على هالترقص .. خربوك يا بنتي .. هههههههههه .. " وهو يبوسها على خدودها " ..

وااااااااااااه بس .. ااااااا ياهالريحه الحلوة .. الي فكت الصداع من راسي .. ربي لا يحرمني منها ..

سمر وهي تفرك اصابيعها بتوتر .. / راكان ..!!

راكان على طول التفت له .. سمر طالعته .. كان لبس بنطلون اسود و بلوزه صوفية بيضاء عليها كتابات رمادية ..

راكان بهدوء / ايش فيه ..

سمر بتساؤل / ليه ما قلت لي عن منار ..

راكان رفع حاجب / الا قلت لك .. كم مر دخلتي عليه و انا اكلمها و اقولك اختي منو ..

سمر و كانها تتذكر .. هزت راسها بلا / لا و لا مره قلت لي ..

راكان بتساؤل /لو مو انا قايلك ايش عرفك فيها ..

سمر بهدوء / لانها جات و شفناها .. " وبارتباك " .. تتذكر الي قلته .. عن العنود ..

انها تبغاني لمها .. مو العنود الي قالت لي .. طلع منار ..

راكان هز راسه و هو يرجع يلعب مع شيخه / ادري .. ادري عن كل شي صار .. العنود قالت لي كل شي ..

ايه .. طيب .. وهذا انتي عرفتي السالفه و بعدين ايش صار ..

سمر من سمعت النبرة الجافه سكتت وهي تصد .. شافت الشباب يتجمعون و الرجال .. وقفت ..

سمر وهي تفتح يدينها .. / اعطيني شيخه .. الشباب يطالعونك ..

راكان يعطيها شيخه / اصل شكلها سوت البوبو حقها .. " عفس وجهه و هو يطالع بشيخه " .. بطووووطه ..

ضحك يوم ضحكة شيخه .. و رجع يبوسه بقوه .. / غيري له و راسليها عليه .. مشتاق لها موت ..

راكان توجه لشباب .. وسمر راحت لـ بيت الحريم .. راكان / السلام عليكم ..

الكل باصوات متفرقه / وعليكم السلام ..

جلس و بحضنه ترمس القهوة .. وصار يشرب منها و يسولف مع الشباب .. و يضحك ..











:

:

:









عند الحريم ..





العنود مو قادر تتحمل اكثر .. فتحت جوالها و ارسلت رسالة لراكان عن طريق الواتس ..

اول ماشافت انه فتح الرسالة وقفت و لبست عبايتها و نقابها و طلعت ..







راكان طالع بجهة بيت الحريم اول ما شاف العنود طلعت وقف ..

سند بهدوء / راكان ..

راكان طالعه ..و بنبرة مقصودة / من اول و انا حاس ان فيه شي .. " تركه و توجه لـ العنود " ..

سند وقف و كان بيلحقهم .. بس و قفه صوت نايف الحاد .. / ابو فهد ..

سند طالع بنايف وطنشه حتى يوقف بعيد عن المغارة و قريب من باب المزرعه ..

اول ما شاف راكان طالع و وجهه مشدود .. تقدم منه .. لكن راكان رفع يده بمعنى لا تقرب و لا تتكلم ..

راكان اشر لنايف و زياد .. حتى يوقفون و يتقدمن منه .. شافوا العنود تدخل لبيت الحريم ..

راكان بحزم / مشينا اجمعوا اغراض اخواتكم .. " وبصوت عالي " .. طلال ..

طلال و قف وجاء جهتهم .. راكان .. / حنا نازلين جده .. و بعدها طالعين لت الجنوب ان شاء الله ..

الرنج ما تكفي .. محتاجين سيارتك ..

طلال قبل ما يكمل راكان هرجته سحب المفتاح و اعطاه لراكان .. / يفداكم .. و الله يستر عليكم ..

نايف انتبه لشنط الي طلعتها العنود .. توجه لها و اخذها .. بعد نص ساعة ..

راكان بحزم وعيونه بعيون سند / اتوقع حنا كبار وعقولنا براسنا و نفهم .. وانت ما لك دخل .. حي يالله و لد عمتنا ..

و شريك معانا بنسبة صغيرة .. فخلي الاحترام بينا لانخسر بعض ..

ابو سطام تنهد بضيق / لا حول ولا قوة الا بالله .. ما اقول الا الله يصلحكم ويهديكم ..

سلطان مسك كتف راكان وهو متوجه لسيارة .. وبهدوء / لا رجعت لـ الخبر لنا كلام ان شاء الله ..

راكان هز راسه وهو يلبس نظارته الشمسية / ان شاء الله .. و ولدك لي كلام ثاني معاه .. فمان الله ..

تركه و هو يطلع لرنج روفر الاسود .. وبجنبه سمر و خلفه ساره ..

و بسيارة طلال نايف و زياد و العنود .. طلال و اقف عند سيارته و هو يكلم العنود الي بداخل السيارة ..

طلال بهدوء / لا تعصبين وتتعبين .. انبسطي و فليها .. ترا جده غير .. " وهو يغمز لها " ..

العنود / هههههههههههه .. طيب ولا يهمك .. اعذرنا اخذنا سيارتك ..

طلال يضربها على راسها .. و بتقليد للهجة العراقيه / فدوه لعيونك ابويه .. " عدل صوته " .. يالله استودعتكم الله ..

تحرك راكان و بعده زياد بسيارة طلال ..



















ــــــــــــــــ



















الساعة 3 فجرا ..











نوال و صحن المكسرات قبالها / لالا .. الوضع مو طبيعي .. الكبار مغير يتساسرون ..

ابرار تقرب منها و هي تطالع غرام الي تسولف مع رنا ومو منتبها .. و بهمس / عيال عمي فهد تضاربوا ..

نوال طالعتها / حلفي ..

اماني تقرب منهم / اسمعوا .. انا الي عرفته ان بتال يحسب العنود منار و كان يحسبها وحده صايعه ..

نوال فتحت عيونه / امانيوه عيب ايش ذا الكلام .. " رفعت حاجب " .. الا ايش عرفك ..

اماني تطالعها بنص عين / عيب و بعدين تسال .. المهم اسمعي الي سمعته ..

يقولون .. " طالعت باختها " .. الحريم الكبار .. يقولون ان مره لمن يحسبون منار العنود ..

كبت الشاهي على الجوهرة و قالت كلام لسمر و كل شي يعرفه بتال .. ولو تذكرون قبل كيف كانت تصرفات منار ..

اهاا بتال شاف كل شي و عرف كل شي .. وزاد عليها انهم قالوا ان واحد قريبهم يحبها و يبي يتزوجها ..

وما ادري كيف .. وقام راكان زوجها لبتال .. و بتال ما يبي .. فاول ما صارت مشكلة سمر .. طلقها ..

نوال و ابرار يطالعون فيها .. مو فاهمين .. نوال بقهر / الحين عدلتيها .. دوختي روسنا ..

اماني شمقت / الشرهه مو عليكم عليه انا الي ابي اعلمكم ..

غرام بهدوء / الحين ايش لكم دخل في خصوصيات الاوادم ..

شجون تنهدت / فضاوة .. " و بحنين " .. بس والله لهم وحشة .. مكانهم خالي ..

ابرار طالعت باختها / من .. العنود .. نفسي اعرف ايش الي بينكم ..

شجون بارتباك / ولا شي عادي ..

غرام بهدوء / العنود الي يقرب منها ويفهمها يحبها .. و يحب الجلسه معاها .. دمها خفيف .. و كلامها موزون ..

ريهام ابتسمت / بس لا عصبت شينه .. والا لاحد ضايقها .. لو تبين انها مو متضايقه .. بس يوضح من تصرفاتها ..

رنا / فرق كبير بين شخصية سارة و شخصية منار و شخصية العنود ..

غرام / بس فيه شيء يجمعهم ..

الكل / الغرور ..

غرام بضحكه / هههههه لا حرااااام عليكم .. بس عندهم عزت نفس كبيرة ..

ريهام كانت تطالع بجهة اختها ريما الي جالسه بكرسي بعيد عنهم شوي .. و لفه الشال عليها ..

نوال انتبهت لنظرات ريهام و لفت تشوف لوين تطالع .. و بهمس / من وصلنا وهي بس ساكته و جالسه لحالها ..

ريهام تنهدت بضيق / ما ادري ايش يحس فيه هالغيث ..

ابرار عقدت حواجبها / عمري ما تخيلت ان غيث راح يتصرف مع ريما بذا الطريقة ..

نوال رفعت حاجب / والله يا قلبي يا مان لرجال يا مان المي بالغربال .. قلوها من زمان ..

ابرار وهي تنزل كوب الحليب / يعني ...؟

نوال بتفتين / ياعني خذي احتياطاتك من اول ليله ..

غرام باستغراب / كيف يعني تاخذ احتياطاتها ..؟

نوال بضحكه / ما يقولون لرجال اقطع راس القط من اول ليلة ..

البنات / ايه ..

نوال بضحكه / حنا نقطع راس عكس القط .. الي هو الفار ههههههههههههه ..

البنات / هههههههههههههههههههههه ..

غرام بضحكه / مجنونه انتي و ممكن تسوينها و سعود مو اقل منك .. لكن اخوي قلبه رهيف ..

ابرار بنبرة / ويعني انا الي قلبي قوي ..

غرام بضحكه / والله ما يندرا .. من صحوبيتك للعوبا ..

نوال بتضرب غرام / ما العوبا الا انتي ..

غرام فزت واقفه و هي تضحك تبتعد عن نوال ..















:

:

:

رد: بردان ياحضن الدفا عطشان واظماني الجفا / بقلمي



:

:













قبال بيت الرجال ..













سلطان واقف جنب سعود و سند .. / ما جاءكم خبر عن بتال ..

سعود تنهد بضيق / لا . جواله مقفل ..

سند ببرود / خلوه .. متى ما هدي يتصل .. مو رايح لبعيد ..

سلطان عقد حواجبة وبضيق / بكرة خلنا نرجع للخبر .. ابوي ضايق ومعاد يبي يقعد ..

سند هز راسه / الله يستر عليكم ..

سلطان و سعود طالعوه باستغراب .. سلطان / ايش قصدك .. مانت رايح معانا ..

سند هز راسه / لا .. عندي شغله في جدة .. اخلصه و اجيكم .. باذن الله ..

سلطان طالعه و بنبرة مقصودة / وانا جالس بعد ..

سعود فهم المقصد .. هز راسه / براحتكم .. انا رايح شوف بتال .. وادور عليه .. يمكن رجع لـ الخبر ..

سلطان وهو يدخل البيت / خير ان شاء الله ..

















ــــــــــــــــــــ



















يوم جديد ..

















في جده ..











منار بضحكه / والله ما اعرف .. اخاف يطيح ..

العنود بعصبية / بنت مناروه .. امسكيه و بلا دلع زايد ..

منار بخوف / طيب .. " مسكت الصغير وهي تحطه بحضنها بخوف ".. بسم الله .. بسم الله .. بسم الله ..

العنود ابتسمت / شفتي مافي شي يخوف .. والحين طلعي صدرك وارضعيه ..

منار رفعت حواجبها وبصدمه / لااااا تمزحين .. بعدين صدري يطيح و يكبر ..

العنود بحدة / يعني الحين مو طايح و كبير .. رضعي ولدك وبلا هرج زايد ..

منار بتحجج / ما فيني حليب ..

العنود بحدة فتحت عيونها / مو البارح مغير تستعملين الشفاط .. وتحطين بالرضاعة و ترسلين للمستشفى من قبل ..

وبعصبية / منااااروووووة .. لا تزيدينها عليه .. كف على وجهك يرجع عقلك لك ..

منار بارتباك / طيب ما اعرف ارضع ..

العنود تنهدت وهي تطالع بالسقف / اللهم طولك يا روح .. " طالعت بمنار " .. تعلمي ..

مو صعبه محد طلع على هالدنيا متعلم .. " قربت من منار اكثر " .. يالله بسم الله ..

منار بخوف و ارتباك .. بدات تلقم الصغير ثديها .. في الاول رفض لكن بعد اصرار العنود محاولاتها ..

بدا الصغير يرضع .. الا ان تم اشباعه و نام بسلم ..

منار بعد ما نيمت ولدها بالجلسه / الحمدالله .. " ابتسمت " .. والله رضعت .. " وبعجاب " .. شي ..

العنود بحزم / اذكري الله .. قولي ما شاء الله ..

منار ابتسمت / ما شاء الله .. لا اله الا الله .. ارتحتي ..

سارة تنزل جوالها وهي متحمسه / يا الله العنود .. راكان ينتظر برا ..

منار برجاء / ابي اروح معاكم ..

العنود بحزم / رياح تاخذ العدو .. انثبري بمكانك .. " التفتت على ساره " .. روحوا انتم انا قاعدة عند ذا الخبلة ..

ساره وقفت / طيب .. سلااااااام ..

العنود / وعليكم السلام .. استودعتك الله ..















:

:

:















خارج بيت منار ..









نايف معاه سلطان والظبي ..

زياد بالسيارة راكب ..

راكان وسمر بسيارة طلال ..

راكان اول ما شاف سارة نزل و باستغراب / وين العنود ..

ساره وهي تفتح باب سيارة رنج روفر ../ العنود بتقعد عن منار ..

نايف عقد حواجبه / وسلطان والظبي ...

ساره بدون اهتمام / ناخذم معانا .. خلهم يلعبون ..

نايف بلا مباله / ناخذهم ناخذهم ..

طلع زياد ونايف و سارة بالرنج روفر .. وراكان و سمر بسيارة طلال .. وتوجهوا يتمشون بجدة ..

















ـــــــــــــــــ



















بالشفاء ..











البنات و كل وحده متجها لسيارة .. نوال بضيق / اوووووف ما ستانسنا زين ..

ابرار وهي تعدل شيلتها / احمدي ربك انك غيرتي جو .. و بعدين رمضان ما بقي عليه شي ..

نوال و هي تطلع من الباب رايحة سيارتهم / على قولك .. الحمد الله .. يالله سلام ..

ابرار وهي طالعه وراها / سلام ..







:

:

:





ابو سند / خلاص طلال ياخذ الجيمس .. و يمشي به بدال سند ..

طلال وهو يلف الشماغ على راسه / خير ان شاء الله ..







:

:

:





رعد بضحكه / ام الحشرة يا شيخ ..

سعود وهو يفتح باب السيارة / الله لا يحوجنا لك .. لو ما خالتي اصرت تاخذه ما تنازلنا عنه ..

وليد رفع حاجب وبعزت نفس / انا اعتذرت من خالتي .. و قلت له ابي اخاوي صديقي ريان ..

سامر يصفر / يوووووووووووه تم نسف الجبه يا الشيخ ..

وليد يتركهم ويروح لسيارة ابو طلال و يركب معاهم ..

سعود توجه لجيمس ابوسطام و ركب هو وسامر..

وتحركت السيارات متوجهه لـ الخبر ..

سلطان وسند اشروا لهم بالوداع .. وركبوا سيارة فورد بيضاء .. استأجرها سند ..

وتوجهوا لمكه ..

















ـــــــــــــــــــــــــ

















بيت منار ..







العنود تجلس على الكنبه / اعوذ بالله .. قلبي قارصني .. و صدري ضايق .. و هواجيس تدور في راسي ..

ليتهم ما اخذوا سلطان والظبي .. تؤ .. استغفر الله العظيم و اتوب اليه .. اعوذ بالله من الشيطان ..

منار وهي منسدحه على الكنبة / يا شيخه اذكري الله .. تعشي بس العشى بيبرد ..

العنود تنهدت وهي ابد مو مرتاحه تحس بشي غريب .. و قفت / تعشي انتي و شربي هالمرقه ..

بالعافية .. انا ابي اروح اصلي ركعتين .. عسى ارتاح .. انتبهي لولدك ..

منار وهي تشرب من كوب المرق / طيب ..











:

:

:











باحد حدائق جدة ..







سارة عند عربانه صغيرة تبيع كرسبي ..ومعاها سلطان والظبي ..

سارة لراعي العربانه / لو سمحت ممكن اثنين صحن كرسبي ..

البايع هندي هز براسه / تيب .. هت شته .. " طيب .. احط شطه " ..

ساره فالاول ما فهمت بس لمن شافته ياشر على علبه الشطة / لالا .. لا يحط شي ..

طالعت باحد المنتجعات الي كان نفسه تدخله بس زحمه و رفضوا اخوانها ..

تاففت بضيق / اووووووووووف .. والله بكره اخليهم يجيبوني له .. زحمه ما زحمه .. مالي دخل ..

انتبهت للبايع ياناديها .. اخذت الصحنين و التفتت على الظبي و سلطان / سلطوني ظبـ..بيـ ..ــي ..

التفتت يمين ويسار .. و بصوت عالي / سلطااااااان الظبـــــي .. " وبخوف " .. سلطااان ..

انتبهت لصوت نايف يناديها من وراها .. وبامل / معاك سلطان والظبي ..

نايف هز راسه / لا .. انتي ليش تحركتي انا ما قلت لك لا تتحركين ..

سارة بخوف و هي تتلفت / سمر بنتها وسخت وراحت الحمامات مع راكان . .وزياد ما ادري وين راح ..

" وبكيه " .. انا اخذت سلطان والظبي و مشينا .. " بكت بخوف " .. نايف سلطان والظبي ما ادري و ينهممممممم ..

نايف عقد حواجبه مو فاهو وهو يمسح على يدها / بنت ايش تقولين ما فهمت لك ..

سارة تشهق و بيدينها الكرسبي / سلـ ..طاااان .. واا .. الظــ.. ظــبي ..

نايف طالع حولين ساره و ماشافهم .. وبصدمه / وين .. وين راحوا .. انتي مع من تركتيهم ..

ساره تبكي وتشهق / والله .. والله كانوا تحتي .. انا بـ .. انااا بس اخذت هذا .. " قالته وهي ترمي الصحنين بعصبية " ..

نايف التفت على الهندي الي يطالع فيهم مو فاههم الهرجه .. نايف بارتباك / شفت ولد وبنت قد بعض .. تؤام ..

بعمر السنتين تقريبن .. مشوا من هينا .. كانوا معاها .. " وهو ياشر لسارة " ..

الهندي هز راسه / لا ابويا ما في شوف ..

نايف يمشي بتخبط و خوف حولين العربانه و يسال الي يشوفهم .. راكان كان يمشي و هو شايل شيخه على يده ..

استغرب حركات نايف و واضح انهم مو طبيعي .. تقدم منه و بتساؤل / نايف .. ايش فيك ..؟

نايف بصدمه / الظبي و سلطان .. اختفوا .. ضاعوا ..

راكان عقد حواجبة و بحدة / ايش تقول انت ..

سمر توجهت لسارة و بخوف مسكتها / ايش صار وين ضاعوا ..

سارة و هي تشهق / انا .. اناا .. " وهي تاشر على العربانه الي بدا راعيها يبتعد عنهم " كنت اشتـ..ـري ..

و بعـ..ـــدين ..طالعت ما شفـ .. ـــفــتــههممممم .. هئئئئئئئئئئ .. اااه ..

سمر الي صارت تلفت بخوف وهي تبكي .. / يا ربي تحفظهم يا ربي ..

راكان ارسل نايف يسال حراس الامن .. ومسك ساره يستفسر منها .. / وين ضيعتيهم ..

ساره وهي تشهق وكلامها متقطع / عنـ..ــد الكــ..ــكــر...ســسبي .. " وهي تاشر على مكان العربانه الي اختفت " ..

هنـ..نــااااااك .. " بصدمه " .. راح .. راحــــ...ـــت .. والله .. والله هيــ...ــنااا كان .. والله .. ااااااااااااااااه ..

راكان مسكها وبهدوء خارجي / طيب اهدي .. اجلسي على هالكرسي انتي وسمر .. ولا تتحركون ابدا ..

جلست سارة و سمر .. راكان نزل شيخه بحضن امها .. / انتبهوا .. لا تتحركون .. واي شي يصير اتصلوا علينا ..

تركهم راكان وهو راح يدور بالحديقة يسال .. ويحمد الله انه صورهم اول ما وصلوا الحديقة ..

فتح جواله و كل ما شاف شخص سأله .. عنهم اذا شافهم .. و الكل نفس الجواب .. لا ..















انتهى ..







لا اله الا الله .. محمد رسول الله ..



سبحان الله .. الحمد الله .. الله اكبر ..





اتمنى يعجبكم و اعذروني على القصور الاخطاء الاملائية ..







لا تنسونا من صالح دعواتكم ..







اختكم ..





مشاعل السعودية ..



كونوا بخير ..

متى بنزل البارت و متى مواعيد نزول البارتات

ب