كاتب الموضوع :
مشاعل السعودية
المنتدى :
القصص المكتمله من وحي قلم الاعضاء
رد: رواية بردان يا حضن الدفا .. عطشان واظماني الجفا / بقلمي
"
بيت ابو طلال ..
ام سيف تبخر سيف و هي تقرا عليه و تحصنه بذكر الله .. سيف بضيق / كح .. كح يمه خلاص اختنقت ..
ام سيف بغصة / ليه كم مره ابغى اشوفك و انت رايح تخطب ..
سيف بمزاح / يمكن اطلع عوام مثل ابوي و عمي واتزوج الثانية ..
طلال واقف قريب منهم ياكل من المعمول الي على الطاولة و يشرب قهوة / هههههههه ..
ام سيف ضربت سيف على صدرة / انت شوف عروستك بالاول ..
سيف توتر و بارتباك / ضنكم يخلوني اشوفها ..
طلال بخبث / قول لابوها منصور ابغى اشوف عروسي ..
سيف يطالع بطلال بنظرات ضايعة مايدري مزح والا جد ../ ......
طلال ابتسم / وان شاء الله العصى ما تتعمق كثير بس احولال بالعيون و اختلال بالعقل .. بسيطة ..
سيف بعصبية / بايخ .. " ابتسم بخبث " .. بس مردودة ..
طلال و هو يصب له فنجان قهوة / ما تقدر ..
ــــــــــــــــ
بعد الخطبة .. و تناول العشاء ..
صلاح بهدوء / اذكر الله ..
طارق بقهر / لا اله الا الله .. محمد رسول الله ..
متعب لف يدينه على صدره وواقف يطالع البحر بضيق / ............
صلاح بهدوء / هذا قسمة ونصيب .. اذا الله اراد ان يكون نصيبها مع ابو بتال بيكون نصيبها ماتقدر تعارضة او تغيره ..
طارق مسح وجهه / و النعم بالله .. بس انا مقهور ما عرفت الا من يومين بس ..
طيب مسافر .. على راسي مليون مصيبة شي يخص اختي ما يقولون لي عليه .. ليييييييه ..
صلاح بتافف / قدر الله و ماشاء فعل .. نسيوا .. امك مريضة .. و اختك يالله بحالها ..
و جدك ما تفهم لشيبان بعض الاحيان . ومتعب هذا هو قدامك بس ساكت .. من يومين وهذا حاله ..
متعب طالعهم بنظرات بارده و رجع يطالع البحر / ................
صلاح تنهد / انت ما تقول ايش فيك مغير تطالع بالبحر ..
متعب بنبرة شوق و الم / اشتقت لنايف ..
طارق و صلاح بحزن / الله يرحمه ..
بعد وقت صمت .. و كل منسجم مع صوت الموج .. متعب جلس جنب صلاح ..
متعب بهدوء / متى راجع لـ الرياض ..
صلاح بهدوء / يومين ان شاء الله و تخلص اموري و ارجع ..
متعب بنبرة مقصودة / العنود سوت شي ..
صلاح بتعجب / لا .. ابد .. بالعكس .. كانت هادئه و متجاوبه .. استغربت ..
والي زاد استغرابي .. حصت سند كانت عارفة فيها .. و بالمشروع بعد ..
متعب باستغراب عقد حواجبه / اي مشروع ..
صلاح بهدوء / ابو راكان الله يرحمه .. كان مسوي ملف شامل عن مشروع بناء استثماري .. سكن و ترفيه ..
المشروع مافي منه بمنطقتنا .. كاتصميمه و كا محتواه و فكرته .. مساعدة بالمشروع سند .. و الي عرفته جديد ..
ان رعد بعد معاهم .. الملف بشكل كامل مو مطلع عليه كثير من الاشخاص .. بس تفأجات .. ان العنود عارفة كل شي ..
بكل التفاصيل .. و فاهمه كل الي يحتوية .. كنا متوقعينه ان الملفات احترقت في البيت .. طلع لا .. كلها عند العنود ..
متعب عقد حواجبة / مو قلت لك .. هالبنت جنية ..
صلاح ابتسم / ليه .. لان بدال لا تساعدك قلبت الطاولة عليك ..
متعب ابتسم / لا .. لسع ما صار شي .. و انا مازلت صامد .. لا للعرس لا للعرس ..
طارق بضحكة / والله يا ماجد انحرق .. هههههههههههه ..
متعب ابتسم / انا قلت له .. العنود مو ناسية .. لا تأمن لسكوتها ..
صلاح ابتسم / علشان تأجيل ملكته على بنت عبدالمحسن ..
متعب ابتسم / الله الله .. " سكت لثواني " .. سبحان الله الي كاتب الارزاق .. بتال كم مرة خطب بنت عبدالمحسن ..
طارق عقد حواجبة / مرتين .. مدري ثلاث ..
متعب بابتسامة / ونهايتها الرفض .. وشوف اشلون .. دارة الدنيا .. وابوة خطب بنت عمها له ..
طارق عقد حواجبة بضيق / و الله بدري .. جرحها ما نشف ..
صلاح تنهد / اقدار .. مقدر و مكتوب .. ويمكن يكون علاج لجرحها .. يمكن لا انترك ..
يلتهب و يعفن و تصيبه غرغرينه .. " وهو يطبطب على فخذ طارق " .. لعله خير يا اخوي .. لعله خير ..
ـــــــــــــ
بعد ايام ..
الساعة 8 صباحاً ..
امام قصر ابو سطام ..
جمس يوكن 2013 .. اسود الون .. صعدت فيه .. ميري .. و ام سطام و العنود .. و ابو سطام ..
الكل بالسيارة ماعدا السواق الا باعتقادهم انه سلطان .. الكل ينتظر سلطان ..
شافوا سمر تطلع بسيارة جيب .. معاها سعود و سامر و وليد و سيتي ..
تحرك رعد بسيارته بانوراما و معاه هيفاء و خدامتها .. تحرك عبدالعزيز بالجيب ومعاه حريمة و بناته ..
نايف و سيف يجهزون الدسن الي فيه بعض من المفارش .. و تجهيزات الرحله ..
وبعد أتأكد من تجهيزها .. ركبوا السيارة و تحركوا ..
سند معاه جمس يوكن ذهبي الون 2013.. معاه رنيم و خواتها و صقر و بعد غرام ..
فارس با البي ام .. معاه ابوه و امه و خالته ام صقر ..
فارس التفت وهو يسمع صوت خالته .. ابتسم و طالع للي جالسه جنب امها ..
ابرار الي كانت تطالعه .. اول ما شافته صدت عنه .. ما زالت زعلانه منه و عتبانه ..
عناد بالجيب 2013 اسود .. معاه ابوه و امه و خواته .. و خدامتهم ..
بدر بسبب دوامة ما قدر يروح معاهم .. عناد ابتسم وهو يسمع امه تعيد اتصالها على بدر ..
( مخلية لك اكل بالثلاجة .. بس سخنه و كل .. لا تنام و انت جيعان .. و تدفى زين ..
ما رجعت كلمت رئيسك .. قله يومين و راجعين ما حنا بمتاخرين .. خله يكسب له اجر ..
قله و الله امي لتدعيلك .. " بحزم " .. انت قله و بس .. يمكن يلين قلبه .. " بضيق " .. تضحك ..) ..
عناد الي كان منزل زجاج الشباك .. ضحك على كلام امه .. سند الي كان بيطلع سيارته التفت باستغراب على عناد ..
عناد شاف سند واقف عند سيارته .. و شكله سمع ضحكته .. نزل الشباك الي جهة امه ..
التفت سند عليها و سمعها تقول / لا تنسى الصلاة .. و اذكار المساء و الصباح .. و تحصن .. ولا تسرع ..
ولا اتصلت عليك رد .. لكن ان كنت نايم قولي حتى لا ازعجك ..
سند ضحك و طلع سيارته .. و قبل لا يقفل الباب سمع خالته تقول بزعل / انتم ليش تضحكون عليه ..
ابو عناد ببتسامه / معليك فيهم .. خبول ..
ام عناد طنشتهم و كملت مكالمته / استودعتك الله .. و لا تنسى كلم المدير .. و قولة والله ان فكك لدعي له ..
" و بحب الام " .. ان ما فكك لدعي عليه ..
عناد بشهقة ضاحكة / استغفر الله يمه .. هذا شغله ..
ام عناد بضيق / ما عليه فيكم .. خله يخلي ولدي يروح معاي و انا ادعي له .. و بكيفه ..
ابو عناد الي تلثم بشماغه من الضحك .. ام عناد و هي تقفل الجوال / اها طيب .. فمان الله .. وداعت الله .. مع السلامة ..
ربي يحفظك .. " الا ان قفل بدر الاتصال " ..
ام عناد مسحت دميعاتها .. و بحنان و غصة / و الله ما ادري كيف نروح و نخليه لحالة ..
عناد ابتسم و بحنان / مو لحالة يمه .. راكان وزياد مو رايحين معانا .. بعد يومين ان شاء الله يلحقونا ..
تحرك سند و فارس و عناد .. و لحقهم سعود ..
ابو سطام بضيق / مشينا .. ايش بلاكم ابطيتوا ..
العنود كانت ترتب فرشة سلطان والظبي .. الي مجهزينها لهم باخر السيارة .. و جنبهم جالسه ميري ..
....... بضحكه / و هذا حنا جينا .. بسم الله و توكلنا على الله ..
العنود رفعت راسها بسرعة و شافت السيارة تتحرك .. و بتال هو السواق ..
بتال جات عينه بعين العنود و كان و اضح فيها الصدمة .. صد عنها و هي صدت عنه ..
عدل المراية الامامية .. وهو يردد دعاء السفر بصوت عالي حتى يردد و راه جده و جدته و ميري ..
العنود رفعت جوالها .. و شافت رساله من نايف .. " بتال راح يكون سواق السيارة الي انتي فيها ..
اذا بتغيرين انزلي ".. كانت من اكثر من 20 دقيقة .. يعني بعد ما تحرك نايف ..
الحين ما فيها تغير السيارة مو حلوة لا بحقها ولا بحق جدها و جدتها .. توكلت على الله و التزمت الصمت ..
ـــــــــــــــــ
في بيت ابناء سطام ..
راكان يفطر بكل برود .. و زياد مبتسم ..
ساره بتافف و هي تطالع بالشباك .. / تاخروا .. " دققت بنظر .. سحبت الستارة و هي تقرب وجهها لزجاج " ..
راكان انتبه لحركتها و ببرود / راحوا ..
سارة ببراءة / اشوف السيارات تتحرك ..
راكان وقف و هو يتحمد الله على النعمة .. سحب مفاتيحه .. ومحفظته .. و بكل برود / الناس كلها راحت ..
محد بقي غيرك .. الساعة 2 الظهر راجع .. القي الغداء جاهز .. و بعد العصر القهوة ..
سارة بصدمة تطالعه مو فاهمة .. زياد و قف و حاول يجيد التمثيل / ترا راكان قال للكل انك بتقعدين معاه ..
سارة بسرعة تجمعت الدموع بعيونها .. راكان صد عنها / حتى تعرفين كيف تحطين راسك براسي ..
سارة جلست على الكنب و هي مصدومه و مقهورة و مو مصدقة .. احساس غريب و مؤالم ..
زياد بحزن همس لراكان / حرام عليك .. خلاص ..
رن جوال راكان رفع جواله و شاف طلال .. / الو .. هلا .. " ابتسم " .. طيب .. سلام ..
التفت و بتمثيل الضيق / افففف يا الاخ الملقوف .. الا حلف الا أنك تروحين معاه .. وهو ينتظرك الحين برا ..
سارة قاعدة في مكانها مغير دموعها تنزل .. راكان بضحكه .. / ما تبين تروحين ..
سارة غطت و جها بيديها و صارت تبكي و تشهق ..
راكان عض على شفته السفلية / كاني دفشت معاها .. " تقدم منها و جلس على ركبه قبالها .. حضنها و هو يضحك " ..
ساره بكل قهرها عضته بكتفه .. راكان صرخ / ااااااااااه ..
حتى توقف و تروح جهة زياد و بقهر / احسسسسسسسسن ...
دخل طلال بوقت ما وقف راكان بيمسك ساره .. بس سارة راحت لطلال قبل ما يوصلها راكان ..
الي ما اوجعته العضة كثر ما فجعته و صدمته .. و بحزم / طلال روح توكل على الله .. اما ذي لا ..
سارة رمة الشيلة على وجهها و راحت تجري للباب .. مطنشه شنطتها و نقابها و جوالها ... وكاميرتها ..
اخوانها / ههههههههههههههههههه ..
طلال بضحكة / حرام عليك ..
راكان بضحكة / طولان لسانها ..
طلال ابتسم / يالله .. هات اغراضها و خلني الحق على الجماعة ..
جمع اغراض سارة و ساعده بحملها زياد و راكان ..
بعد ماحط زياد شنطة سارة بالسيارة .. راكان و قف على جنب و بيده كاميرة سارة ..
الي كانت تمشي و تصور كل شي .. لقط لها صورة وهي بسيارة و مسوية له حبتين و هي تعاندة ..
راكان بضحكة وهو يهدد / احسن لك .. كلها يومين و جايكم ..
ساره تاشر له انه مو خايفه .. و بصوت من خلف زجاج الشباك .. " جدي فييييييه .. ما تقدددددر " ..
راكان يحاول يفتح الباب بس مقفل .. و هي ارتعبت جد .. لتصرخ / لالالا امزح امزح ..
طلال فتح باب سيارته البانوراما و هو يضحك .. / يالله مع السلامة نشوفكم بعد يومين ..
راكان ابتسم / باذن الله .. و اذا ما قدرنا .. عاد انتبه للبنات ..
طلال ابتسم / لا توصي حريص .. و لا تطولون علينا .. فمان الله ..
راكان و زياد .. / بحفظ الله .. مع السلامه ..
ــــــــــــــــــ
"
اجواء السيارة هدوء ..
مغير صوت الشخير الصادر من جدتها و جدها ..
كانت مرتبكه .. فتحت جوالها و فتحت المصحف الي بجوالها و صارت تقرا فيه ..
بتال الصداع بيشق راسه .. تنهد و بهدوء و صوت منخفض / ام سلطان معاك بندول ..
العنود كل مافيها تصلب .. سمعت صوت الظبي وهي متضايقة بنومتها .. التفتت لها ..
وشافتها نايمه بطريقة خطاء والفرشة مكشوفه .. عدلت نومت الظبي .. و عدلت فرشتها ..
بتال ما سمع صوت الظبي .. رفع عينه و شاف العنود صادة و تطالع وراها ..
عض على شفته السفليه .. مسك طرف شماغه و لفه على راسه .. ينتظر يشوف محطة و ينزل يشتري بندول ..
العنود بعد ما تاكدت من نومة الظبي .. اعتدلت بجلستها .. و فتحت شنطتها الصغيرة .. طلعت شريط البندول ..
فرغت منه حبتين في المنديل .. مدت يدها وحطته على المسند " المرتبة " .. الي بين السواق و الراكب ..
فتحت ترمس القهوة .. و انتشرت ريحتها بالسيارة .. بتال شم ريحة القهوة .. و زفر بقهر ..
العنود بهمس / ابو سلطان .. شف البندول في المنديل على المرتبه " المسند " ..
بتال انفكت العقدى اللي بين حواجبه .. والتفت على المرتبة .. سحب المنديل و اخذ الحبتين وبلعهم بدون ماي ..
سمع همس العنود / القهوة ..
غصب عنه ابتسم .. وهو يمد يده حتى تناوله الفنجان ..
العنود شافت يده وطنشت .. مدت يدها ونزلت الفنجان على المرتبة ..
بتال انتبه لحركتها .. التفت على المرتبة و اخذ الفنجان .. و بنبرة لعابه / جعل يدينك سالمه ..
العنود صدت و صارت تطالع الطريق .. ثواني و سمعت صوت الظبي و هي تتمغط ..
التفتت لها و شافتها مفتحه عيونها وتطالع حولها كانها مفجوعه .. حملتها و هي تسمي عليها و تحضنها ..
بتال التفت و ابتسم بحب / صح النوم يا روحي .. " و رجع يطالع الطريق " ..
الظبي بكسل صارت تتمغط بحضن امها و انسدحت وهي تطالع الشباك ..
بتال بهمس / الظبي بابا .. حبيبتي ..
الظبي من سمعت صوت ابوها اعتدلت بجلستها و ابتسمت بفرح .. وقفت بحضن العنود ومدت يدها لابوها ..
بتال يمد يدها .. وهو مبتسم / يا فديت هاليد الحلوة ..
رفع عينه و طاحت بعين العنود الي تطالعهم بعفوية و هي مبتسمه .. و كانت واضحة ابتسامتها بعيونها ..
... طييييييييييييييييييييييييييييييييييييط ..
فز بتال و التفت على السيارة الي مرت من جنبة بسرعة و هي تضرب بوري " بوق السيارة " ..
ابو سطام فز برعب و ام سطام كذالك .. و ميري ..
ابوسطام بعصبية / حسبي الله و نعم الوكيل .. هذا ما يخاف الله .. مسرع و ين متلقي ..
بتال بقهر رفع جواله و اتصل .. وبعصبية / يا كلب .. فجعت جداناك .. " ابتسم " .. يا النذل ..
" قفل المكالمه و هو يضحك " .. هذا عناد يبه .. يقول شفت جدي نايم .. و قلت الذيب ليأكل الغزالة ..
ابو سطام ابتسم / ليه هو ايش شاف ..
العنود الي صدت ووجها احمر حرج و قهر ..
بتال عاجبة الي صار / ابد .. ما صار شي .. بس قهوتني و طيبت راسي ..
ابو سطام يعدل شماغه و يعتدل بجلسته .. و بابتسامه / والله .. اجل عطينا يا ام سلطان من دواك ..
العنود بحرج .. حولت تسيطر عليه / يبه .. لك علاج تاخذ الحين ..
ابو سطام / اي والله .. عندي ..
العنود تطلع حافظه فيها فطاير وخبز بر و تمد لجدها / كل شي قبلها يبه .. علاجك بنص الاكل .. و انت مفطر بدري ..
ام سطام وهي تعدل عباتها و برقعها / والله ان راسي يفجني فج ..
العنود ابتسمت / تبين قهوة يمه .. " و هي تمسك ترمس القهوة و تصب لجدتها و بعد لميري " ..
ثواني وصحي سلطان .. و بدا يصارخ عليهم الا يجلس عند جده و ابوه .. و العنود رافضة ..
ابو سطام بضيق/ و انا ابوك هتيه .. مو مضايقني ..
العنود / يبه ان جاك سلطان غارت الظبي و جاتكم ..
بتال بابتسامه و هو يلتفت لسلطان الي يبكي .. مد يده و سحبه .. و سلطان ما صدق خبر .. نقز لابوه ..
العنود بضيق صدت و هي تمسح على شعر الظبي الي جالسة بحضنها و بيدها بسكويت ..
بتال جلس سلطان بحضنه و هو يسوق .. الظبي انتبهت لسلطان و بدات تصارخ بغيرة ..
بتال / هههههههههههههههههه انتي يا بابا لا .. السواقة لـ الاولاد مو البنات ..
الظبي الي بدات تصارخ و ترمي نفسها .. شدتها العنود لحضنها بعد ماسمعت كلام بتال ..
ومسحت فمها و يدينها .. و دفعتها لعند ابوها و جدها ..
بتال انتبه لحركتها ابتسم مد يده اليمين وحضن الظبي و بيدة اليسار ماسك الدريكسون ..
ابو سطام بتنبيه / انتبه لطريق ..
ـــــــــــــــــــ
بعد نصف ساعة تقريبا ..
توقفت بعض السيارات عند المحطة ..
" رعد .. وسند .. وعناد .. وبتال .. " ..
اما البقية فكملوا طريقهم .. " ابو طلال .. و سيف .. فارس .. سعود .. "
بتال وهو فاتح الباب .. وبحضنه سلطان .. التفت / تبون شي من البقالة ..
العنود سكتت .. ابو سطام / جيب شي ناكله و ماء و لصغار جيب لهم سكاته ..
بتال ابتسم " على كلمة سكاته / تامر .. " نزل سلطان و الظبي تنقز تبي تنزل " ..
بتال وهو يقفل الباب / لا يا بابا .. سلطان و يكفي ..
الظبي من تقفل الباب صارت تبكي .. العنود سحبت الظبي وحضنتها ..
بتال و معاه سلطان حامله بيده .. شاف سند يسال عناد / انتي ايش فيك تضرب بوري ..
عناد اول ماشاف بتال قريب منه / هههههههههههههههه .. نطرد الشيطان .. ههههههههههه ..
بتال ابتسم وهو يتقدم لهم / نذل .. بس ترجع لك ان شاء الله ..
سند ابتسم / ايش السالفه ..
بتال رفع حاجب و هو يوقف عندهم / ما فيه شي .. مغير وسوسات عناد .. " ابتسم " .. زوجوه و فكونا ..
عناد / ههههههههه لا والله .. الا فيك انتي .. ماغير اقول يالله تعجل بشفاه ..
بتال كتم ضحكته و هو يعض شفته السفلية .. سند بقهر / تقول والا كيف ..
عناد ابتسم / مريت من جنب بتال .. والا كاني المح جدي نايم .. و اتباطى شوي والا اتاكد ..
ولا بعد .. جدتي و ميري نايمين .. خبرك جمس خالي مو مضلل .. وضح كل شي ..
واركز على بتال و الا هو يتبوسم و يتقهوى .. قلت بس ابليس وصل عندهم .. خلني انقذ بنت خالي ..
ههههههههههههههه " وهو يبتعد متراجع للخلف عن بتال الي رفع يده بيضرب عناد بمزح " .
سند / ههههههههههههههههههه .. " وهو يلتفت على عناد " اجل فعل خير..
" التفت على بتال " .. ها بشر عسى شفت الين منها ..
بتال طالع بعناد و صد عنه و بخبث / اقولك بعدين .. حتى محد يخرب عليه ..
عناد بضحكة / افا .. الا والله ابغى لك كل خير .. وجعل يبتل ريقك اليوم قبل بكره هههههههههههههههههه ..
بتال يقبل سلطان و يدخل البقالة وهو مبتسم .. و يدخل وراه عناد و سند وهم يضحكون ..
:
:
:
بعد مارجع من البقالة .. و ركب السيارة سمع همسها و واضح انها معصبة / لا عاد تفرق بين الظبي و سلطان ..
بتال بهمس وهو يلتفت لها بدون لا يشوفها ولا ينتبه جده / تامرين ..
العنود طالعته بقهر مفكرة انه يتمسخر عليها .. بتال التفت على الجهة الثانية وسحب الظبي ..
و هو يقبلها و يحطها بحضنه .. و حرك السيارة .. بعد ما شاف طلال الي وصل لهم يركب سيارته و يتحرك ..
ــــــــــــــــــــ
بعد المغرب ..
....../ هلا .. لا لسع ما وصلنا .. كلها ساعتين او اقل و نوصل .. باذن الله ..
هههههههههههه .. كله من اخويانا الي معاهم بزرانا و الي حريمهم ما يقدرون يطولون بالجلوس ..
.. لا قدامنا .. سيف وفارس ونايف و طلال و الظاهر ان سند وصل بعد .. ايه .. طيب .. مع السلامه ..
ابو عناد وهو يعدل حرامه .. / لا ان شاء الله كلها ساعة بالكثير وحنا بالحرم ..
ام عناد بلهفه / ما قال بدر ان المدير اعطاه اجازة ..
عناد ابتسم / لا يمه .. " وبغير الموضوع " .. ادعوا و لبكوا .. " لبيك اللهم عمره ..
ام عناد التهت بدعوات و هي تهمس و بناتها جنبها يهمسون بدعوات ..
ـــــــــــــــــ
بعد وصول الكل .. و انتهائهم من العمرة ..
سند واقف عند الفندق الي حاجزين فيه .. بتعب / من راح يجيب العشاء ..
عناد وهو شايل شنطة متوسطة / سامر و نايف و صقر ..
سند هز راسه و هو يلعب بمفتاح السيارة / عسى ما يتاخرون ..
عناد يطلع الدرجات وراء سند بتعب و ارهاق / المطعم قريب .. " ابتسم " .. البنات بيتشرطون بطلباتهم ..
لكن فكنا النوم منهم .. احسن .. " تثاؤب .. وحط يده على فمه " .. يا النوووووووم ..
سند ابتسم الي كان واقف ينتظر المصعد ينفتح .. انفتح ودخل .. و بهدوء / نتعشاء و ننام ان شاء الله ..
عناد و قف جنبه و غمض عيونه و هو يرجع راسه للخلف مستند على المصعد ..
ـــــــــــــــــ
|
30-05-13, 12:50 AM
جديد مواضيع قسم القصص المكتمله من وحي قلم الاعضاء
العرض العادي
