"

السلام عليكم ..


يسعد مساكم ..



ملتقانا باذن الله .. اليله ..



كونوا بخير ..



اختكم ..


مشاعل السعودية ..

"





بسم الله الرحمن الرحيم ..

السلام عليكم ورحمة الله وبركاته ..

الحمد لله والصلاة والسلام على رسول الله ..

توكلنا على الله .. لا اله الا الله محمد رسول الله ..





البارت 45 ..







لا تسأله ناسي .. خله مثل ما هو

ياقلبي إحساسي .. ماهو معي هو

والله لا أمر .. صوبه لا امر

أصرخ بامر .. أبكي بامر

ما التفت .. لو هو العمر

وما ينحني راسي ..

كافي .. ترى ذل

يا خل .. ياخل

مكسور انا الخاطر

في نظرة الكل

لا تذكرني .. وجه مع الناس

لا تصبرني .. ما في الجفا إحساس

ضاع العمر .. وانت لا شمس لا ظل

والله لا أمر .. صوبه لا امر

ما التفت .. لو هو العمر

وما ينحني راسي ..

جف الكلام ..وسكت الدمع

الليلة .. با طفي الشمع

باترك ملامح .. صورتك تحت الغبار

واترك شوارع ديرتك .. لارض النهار

با نساه انا ... ما ادري متى

بالصيف يمكن .. او فـ الشتاء

والله لا أمر .. صوبه لا امر

أصرخ بامر .. أبكي بامر

ما التفت .. لو هو العمر

وما ينحني راسي ..



" بدر بن عبدالمحسن " ..






ليلة الرجوع من المزرعة ..



كان و راء مكتبة اللي في البيت ..
يطالع بـ الابتوب ..


دخلت وهي لبسة بيجامة حرير .. بالون السكري .. بدون اكمام ..

دخلت بهدوء و هي راسمه ابتسامة غريبة على شفاتها .. و لفه يدينها على صدرها ..

حس بدخولها .. رفع راسه و شاف ابتسامتها و نظراتها .. قفل الملف اللي كان فاتحه و يشتغل فيه ..
و تركه على صورة فهد الصغير ..

رجع بظهره على الكرسي و هو يتنهد .. و ابتسامه مشاكسه على شفاته .. / ما نمتي ..
وقفت جنبه .. و هو يدور بالكرسي بخفيف .. و ما زالت الابتسامة على شفايفه ..
التفتت على الابتوب و شافت صورة فهد ... و بنبرة / اممم شنو تسوي ..
سند بخبث / اطالع بصور حبي ..
رنيم طالعته بنظرات مقهورة و تركته .. توها تحركت وماتوقعت تجيها حركه من سند ..
شهقت و هي تطيح بحضنه .. سند يحضنها و هو يقبلها على خدها .. و بهمس / ايش تبين ..
رنيم وهي تحاول توقف .. وتبتعد عن حضنه .. سند بجرائة و خباثة ..
عمل لها حركة بيده خلها ترجع لحضنه و هي تصرخ .. همس بـ اذنها / هششششش لا يسمعونك ..
رنيم جمدت بمكانها .. و هي تاكد لنفسها بانه نفس الصوت .. ابعدها عن حضنه سند ووقف ..
قفل شباك المكتب اللي كان فاتح .. التفت و شافها و قفت وجلست على كنبة واسعه ..
توجه لها .. جلس جنبها .. مسك يدها و هو يسالها / فهد نام ..
رنيم هزت راسها و هي تطالع بالطاولة .. و بصوت مرتبك .. / اممم .. سند .. ابغي اسالك ..
قاطعها بصوت هادي اقرب للهمس / عن قصة ابوك ودلال ..
رنيم التفتت له و هي تحبس عبرتها .. طالعته بنظراتها وكانه تستحثه على الكلام ..
سند قدم نفسه و هو يترك يدينه بحضنه .. وقتها جاي اخذكم و اجيبكم الشرقية ..
خالتي طلبت مني .. قاطعته و هي بصوتها حزن و و جع / لانها مضروبه ..
سند تنهد و هز راسه .. / ايه .. جيت اخر الليل .. كان باقي على الفجر 3 ساعات ..
دخلت للبيت و انا عند باب الحوش اللي كانت خالتي مخليته مفتوح .. شفت بنت تجري جهة زاوية من البيت مظلمه ..
خفت ولحقتها .. فالاول مكان واضح لي انها بنت .. خف انه حرامي ..
لكن تاكدت لمن شفتها و اقفه جنب جدار البيت لبسه قميص اورنجي لنص الساق ..
شعرها مضفرته و مرمي باهمال .. خصل متناثره على وجهها .. الي مرسومه عليه ملامح الصدمة ..
ولا انتبهت لوجودي القريب منها .. شفتها وهي تتقدم لجدار وطلعت عليه بخفه ..
ولا خافت بان الخشب الموجد تحت الجدار يجرحها .. قرب اكثر و بهدوء وحذر هالمره ..
وشفت الي شافته .. انصدمت بس قدرت اتمالك نفسي بسرعة لانها مو اول مره اشوف الشخص هذا بذا المنظر ..
انتبهت لملامح البنت .. و عرفتها .. كان لازم ماتشوف ذا الشي .. راح يكسر اشياء كثيرة بداخلها ..
هالشخص ابوها قدوتها .. واول ما جيت ابي اسحبها .. حصل اللي غير متوقع .. انكشف ابوها من اهل البنت ..
شفتها ارتعبت و هي تنزل من الجدر بطريقة خطيرة .. مسكتها باخر لحضه .. بس رجلها نزلت بقوة على الخشب ..
فسبب لها جرح عميق .. صرخت من الوجع و الخوف .. و كتمة صوتها .. " التفت لها و هو يطالع برجلها " ..
رنيم تمسح دموعها / كانت صديقتي .. دائما اكلمها عن ابوي و قد ايش انا احبه .. و اتمنى اتزوج واحد مثله ..
كنت اشوفه اعظم رجل بدنيا .. و امي كانت تدائما تدعي له و هو مسافر او غايب عنا .. كانت توضح لنا انها سعيدة ..
" ضحكت بسخرية " .. هههههههههه ... و حنا نصدق .. لانها كل يوم تحط مكياج ..
ما ندري انها تخفي علامات الضرب .. " حطت يدينها على وجهها و هي تبكي و تشهق " ..
ضمها سند و هو يقبل راسها .. و بصوت حنون / كل شي مقدر و مكتوب .. و كل فيه خير ..
رنيم رفعت راسها / اي خير .. اي خير ..
سند مسك يدها و هي بحضنه / ايش استغفري ربك .. ما تدرين و ين الخير فيه ..
رنيم هزت راسه و راسها على صدر سند .. بهمس / و النعم بالله ..
بعد و قت قصير سمع صوت اذان الفجر .. سند تثاؤب بكسل / اعوذ بالله من الشيطان ..
رنيم ابعدت عنه .. سند وقف / خلني اتوضأ و اروح المسجد قبل لا يغلبني الشيطان و انام ..






ــــــــــــــــ




يوم جديد ..



بيت ابو سند ..


على طاولة الطعام .. و جبة الافطار ..



فارس يطقطق بجواله .. و بيده فنجان الشاهي ..
ام سند باستفسار / يعني مو متقصدها ..
سند بهدوء / لا .. كان متقصد ولدك .. " رفع راسه و طالع بفارس و ابتسم بشماته " .. للحين مارضت ..
فارس بقهر / لا .. و بعد ابشرك زعلت لان اليوم ما صمت .. ايش دراها ..
غرام و هي جالسه على الكنبة قبال التلفزيون / ههههههههههههههههههه ..
الكل طالع عليها و شافوها تاشر بجوالها .. وبخبث / صورتك و انت تشرب الشاهي و ارسلت لها ..
فارس بصدمة / و انا اشوف طلبت صورتي بوضعي الحالي .. و صرت اتميلح على بالي مشتاقه لي ..
الكل / ههههههههههههههههههههههههههه ..
ابو سند بضحكة / كفوك اخت عناد .. الا صوم ايش ..؟
ام سند التفتت على ابو سند / الايام البيض .. " و بخبث انتقام لولدها " .. الا على طاري عناد .. متى يبي يملك ..
سند بضحكة / تم نسف الجبهه .. هههههههههههههههه ..
فارس اول ما شاف غرام اللي غطست بالكنبة .. و قف بفرحة و راح يقبل راس امه / فديت شيخة الحريم انا ..
نزل ياسر و بجفاف / سلام .. " و قف قدام الطاوله .. اخذ قطعة توست و دهن عليها عسل و زبده و اكلها "..
ام سند باستغراب / اجلس و كل زين .. احد يطرد وراك ..
ياسر بقلة احترام و هو ياخذ فنجان شاهي يشرب منه / مو فاضي ..
سند بحدة / ياسر ..
ياسر نزل فنجان الشاهي .. و توجه لـ الباب الرئيسي .. وبنفس الاسلوب / انا مسافر ..
ما فتح الباب الا الي ضرب براسه خله يلتفت غصب .. و هو يتألم ..
شاف سند و اقف و وجه اسود من الغضب .. طالع بالارض وشاف فنجان الشاهي طايح متكسر ..
رفع يده على راسه .. حس بالسائل الساخن اللي ينزل من راسه .. طالع بيده و شاف الدم ..
غرام و اقفه مصدومه و هي حاطه يدها على فمها ..
فارس و ابو سند ماسكين سند الي لو انفلت ليذبح ياسر معروف سند بغضبه ..
ام سند حست برجولها تخونها .. جلست تبكي مو عارفه ايش تسوي ..
ياسر فتح الباب و طلع ركب مع احد أصدقاءه و طلب منه يوديه لـ المستشفى ..







ــــــــــــــــ






بيت اولاد سطام ..



دخل نايف و شاف العنود تحط اخر لمسات مكياجها ..
تامل ملامحها .. العنود انتبهت له .. و بنبرة مقصودة / اخفيتها صح ..
نايف ابتسم وبخبث / ضرب الحبيب مثل اكل الزبيب ..
العنود و هي ترمي الفرشة على التسريحة .. و تتوجه لدولاب .. / لا يكثر هرجك ..
نايف طالع بلبسها .. بنطلون اسود و عليه بلوزه بيضاء و فوقه جاكت نمري ..
سحبت شنطتها اليد بجلد النمر .. و جزمة مثل الشنطة .. فتحت دولاب ثاني و سحب منه عبايتها ..
لبست عباتها و لفت شيلتها .. اخذت جوالها .. و رمته بالشنطة .. و بعجله / يا الله ..
كانت بتطلع بس التفتت باستغراب من نايف الي واقف ومتكي على الباب ويطالعها بنظرات و ابتسامه غريبة على شفاته..
العنود تسوي نفسها مو فاهمة / ايش فيك ... " رفعت الشنطة على كتفها " .. امشي بس ..
نايف ابتعد عن طريقها / هههههههههههههههههههههه ..


نزلوا تحت ..


شافت سارة جالسه بعبايتها و واضح عليها الانزعاج .. و قبالها سلطان و الظبي جاهزين ..
العنود و هي على الدرجات الصغيرة الي تنزل على الصالة / هههههههه تاخرت ..
ساره بنبرة سخرية / لا ابد العنود تتاخر ..
نايف يسحب الظبي اللي لبسه فستان ابيض و حاطه بشعرها فلونكه بيضاء .. يرفعها فوق وينزلها وهي تضحك ..
نايف يضحك على ضحك الظبي و صراخ العنود / هوووووب هووووووووووب ههههههههههه ..
العنود بعصبية / نايف سم بالرحمن و نزل البنت .. لا تمصعها .. نويف ..
نايف يخلي الظبي على كتفه .. التفت و هو مبتسم / انا سابقكم على السيارة ..
" سحب سلطان بيد وحدة و حمله على كتفه " .. هههههههههههههه .. " ضحك وهو يسمع شهقة العنود و صراخها " ..
العنود بعصبية و هي تلبس شيلتها / هالولد بيجنني .. بيذبح هالصغار ..
سارة و هي تسحب شنطتها و تتوجه للباب .. بسخرية / اهااا اهاا .. امشي بس ..
العنود و بيدها برقعها .. فتحت عيونها للاخير مستغربة سخرية نايف و سارة .. لبست برقعها و طلعت و راهم ..





ــــــــــــــ









باحد المطاعم ..




راكان بضيق / ما ادري والله .. " هز اكتافه " .. بنسبة لي طول عمري و انا اشوف زياد هادي و بارد ..
بس ولا مره توقعته يكون مرض .. " شرب من كاسة الماء شوي " .. توقعناه مسحور ..
رعد و هو ياكل قباله / لالا .. لو مسحور ما كان شفته با المسجد ..
راكان تنهد بضيق / ما ادري و هو كل ما سألنه قال ما فيني شي .. " عقد حواجبه " .. انا الي مستغرب منه ..
عصبيته بالأيام الاخيرة من رجعنا من الشاليهات و هو يا جالس لحاله يا برا البيت حتى الشركة ما عاد يروح لها ..
رعد بسرعة / راقبه وين يروح ..
راكان هز راسه / امس لحقته .. شفته بصدفه عند الاشارة الي تدخل على الحي .. والحقه ..
راح للبحر .. جلس على جنب و اكل ذره و اذن المغرب وراح للمسجد ..
رعد باستفسار / ما لحضت شي غريب عليه ..
راكان بضيق / لا .. و لا كان احد حوله ..
رعد باستغراب / ليه انت ايش تفكر ..
راكان يقرب منه و بهمس / ارهابي .. ناسي تركي كان صديق لنا كلنا .. يمكن لف على زياد و زياد .........
" هز راسه " .. عارف ايش اقصد ..
رعد سكت لثواني بصدمة .. و بعدها انفجر ضحك .. / هههههههههههههه .. من جدك ..
راكان التفت حولينه بفشلة / وطي صوتك ..
رعد كتم صوته .. و بهمس / بالله راكان انت تتكلم من جد ..
راكان بجدية / ايش رايك .. با الله فكر فيها .. هدوئه و انطوائه .. تصرفات الغريبة ..
رعد بجدية / هو من زمان كذا .. بس احنا مو منتبهين له .. يمكن شي نفسي .. وبصراحة ..
مرة صار موقف .. مخليني شاك بوضعه ..
راكان باهتمام / ايش صار ..
رعد / اخر مرة لمن كنا بالمزرعة .. ما نبح الكلب .. " اكرمكم الله " .. شفت اشلون خاف و ارعب ..
راكان بعدم اهتمام / اهاااااا .. مو الحاله كلنا قمزنا .. لانه نبح فجأة ..
رعد هز راسة / ما اتوقع ..
راكان بتفكير هز راسة / نشوف ..






ــــــــــــــــــــ







بيت ابو عبد العزيز ..




العنود طق باب غرفة مشيرة وقفت لوقت و هي مستغربه عدم رد مشيرة عليها ..
ففحت الباب بهدوء .. و هي تنادي / مشيرة ..
انتبهت ان مشيرة على سجادتها و بجلال الصلاة ..
دخلت و قفلت الباب .. جلست على السرير .. و هي تطالع بمشيرة بحزن ..
" هالبنت ما لها حض .. كل م اقالت راح تضحك الدنيا لي رجعت و كشرت لها ..
هههههه .. يعني انتي اللي حضك ازين من حضها .. " تنهدت بضيق " ..
انتبهت لصوت مشيرة ترحب بها .. التفتت لها و ابتسمت / هلا بك .. " وقفت " ..
وبعد السلام و السؤال عن الحال .. مشيرة جلست جنب العنود / ايش عندك جيتي من بدري ..
العنود بابتسامه / جيت نفطر سوا .. و اااا .. ابي اكلم جدي بالموضوع ..
مشيرة تنهدت .. و بهدوء / لا .. لا تكلمينه ..
العنود باستغراب / ليه ..
مشيرة حطت يدها على راسها / ما ابي احد يكلمها .. انا با الوقت المناسب اكلمها ..
العنود سكتت لثواني / طيب هو شنو قالت اول مرة بعد ما بلغت متعب ..
مشيرة سكتت .. و بعد فترة و بغصة / بس قالي صلي و استخيري ربك ..
العنود بهمس / و استخرتي ..
مشيرة رفعت شعرها و هي تنهد بالم / ضعت اكثر .. خلاص العنود .. انا تعبانه ..
" خانتها العبرة " .. تعبااانه و الله ..
العنود ضمتها .. مشيرة بكت الا ان ارتاحت .. ابتعدت عن العنود و هي تمسح دموعها ..
مشيرة و هي تبعد بقي الخص الي عن وجها .. و وقفت / خلينا ننزل .. و نشوف ايش نسوي ..
مشيرة توجهة للحمام " اكرمكم الله " .. و العنود تمت تنتظرها الى ان طلعت و نزلوا تحت ..







ــــــــــــــــــــ






سمر و بتال و سعود و سامر ..


بجناح بتال ..



سمر بعبرة / مو من صدقك ..
بتال طالعها بنظرات حازمه / ايش يعني . على بالك ابوي يقول شي و ما ينفذه .. من متى ..
سعود تنهد بضيق / مو صفيت الاجواء بينهم ..
بتال بابتسامه ساخرة / من صدقك .. تستغباء انت .. عارف ان الي يسونه تمثيل علشان وليد بس ..
" وبنبرة " .. و شفتهم اكثر من مره .. " و بجديه " .. المهم الحين .. ابوي ملزم على السالفه و ما بأذنه ماء ..
سمر توقف / انا ابي اكلمه ..
بتال بعصبية / اجلسي بس .. انتي ما انتي قادرة تحلين مشاكلك مع راكان تبين تحلين مشكلة ابوي ..
سمر بهت لونها رفع يده سامر و مسك يدها و جلسها .. و بهدوء لبتال / و المطلوب ..
بتال تنهد / يا اليوم او بكرة ابوي بيكلم امي .. فلا تبعدون و خلنا حولها ..
سامر انت عليك تبعد وليد من البيت .. الا ان يهدا الوضع .. و ما ظنيت بيهداء بسرعة ..
بتال سمع صوت شيخه الي كانت نايمه على السرير وراه .. التفت لها و ابتسم ..
حملها بين يدينه و هو يقبلها / يا صح النوم يا حلوة ..
شيخه تطالع حولها بخدر .. بتال يقبل خدها بقوة / فديت ها العيون الحلوة ..





ــــــــــــــــــــــ






بيت ابو طلال ...



ابو طلال بعصبية / انقلع عن وجهي يا سيف ..
سيف وقف وبضيق / لو طلال الي مسويها ما زعلت عليه كذا ..
" سحب مفاتيح سيارته و محفظته و طلع بعصبية " ..
ام سيف و هي تلف هيام / انت ماكنت بتخطب له .. خلاص صار ..
ابو طلال بعصبية / عاجبتك الطريقة ..؟
ام طلال تدخلت / الله يهديك .. مو عاجبتنا طريقته .. بس كتب الله انها تصير كذا .. خلاص ..
ابو طلال تنهد / بعد ما نرجع من مكه نتكلم بالموضوع ..
ام طلال بهدوء / براحتك .. " التفتت على ام سيف و غمزت لها " ..
ام سيف هزت راسه و صدت تطالع بتلفزيون .....





ـــــــــــــ






بشقة طلال ..


طلال كان بصالة يطالع التلفزيون .. وقباله كوب الشاهي الاخضر ..
طلعت مرام من غرفتها .. التفت طلال و ابتسم .. كانت لبسه فستان لركبة ناعم و انيق و واسع بالون الوردي ..
جلست جنبه بهدوء / تاخرت عليك .. كنت اغير لبسي ..
طلال لف يده حولها / لا .. ناموا الصغار ..
مرام تنهدت بتعب / ايه ناموا الله يحفظهم .. تعبوني ..
طلال رفع حواجبة وبضحكه / افااا .. و انا الي قلت ابي الثالث ..
مرام ابتعدت برعب / لاااااااااا ..
طلال يسحب يده .. وبجديه / اجل بتزوج الثانية .. " وكتم ضحكته من سمع شهقة مرام " ..
مرام انتبهت لضحكته .. حتى تضربه على كتفه بقهر / طلااااااال ..
طلال و هو يحضنها / ههههههههههه .. يا روحه ..
مرام تصد عنه وبدلع / لا تكلمني زعلت ..
طلال بخبث ينغزها بجنبها و يقرصها الا ان ضحكت مرام ..





ــــــــــــ






بيت ابو عبدالعزيز ..



بالصالة ..



ابو عبدالعزيز بعصبية / ان تبين تكلميني عن عرس متعب لا تقعدين في بيتي .. الخلاء ..
العنود بضحكه وهي تقبل راسه / افا يبه .. ماتبيني ازين عرسه ..
ابو عبدالعزيز وكانه هدا / هااا ..
العنود بابتسامه / اقول اشلونك عساك بخير ..
ابو عبدالعزيز بنبرة مقصودة / من الله بخير ..
العنود بهدوء / الا ماودكم تخاوونا على مكه ..
ابو عبدالعزيز / كلمني ابو سطام .. لكن انا ودي با الجنوب و اتمم امور ذا الخبل اللي عندي .. الله يستر عليكم ..
العنود هزت راسها / خير ان شاء الله .. و يمكن نمركم انا و اخواني من الطائف ..
ابو عبدالعزيز / زين .. " وبنبرة حازمه " .. وانتي ما ودك ترجعين لبتال ..
العنود صدت / .................
ابو عبدالعزيز بحزم / سمعي يا العنود .. خبالك اللي قبل معاد ينسك عنه .. احكمي الموضوع بعقلك .. مو قلبك ..
و لا تنسين و جع الظبي .. و ايش كانت تتمنى .. و الي ابوك كان يقوله .. الحين عرفتي كل شي ..
و الصورة و ضحت قبلك .. ولا توجعين الصغار .. انتي ذقتي الوجع .. وانا ابوك فكري و ادعي ربك ..
العنود بتهرب / يصير خير ..






ــــــــــ






بيت ابو صقر ..



وقفت سيارته قبال البيت .. نزلت ريما و نزل غيث وراها ..
غيث دخل المجلس وريما دخلت داخل البيت ..
ام صقر لبست جلال الصلاة و دخلت المجلس تسلم على غيث ..
غيث بعد السلام والسؤال عن الحال و الاحوال .. بضيق / والله يا عمه ما ادري ايش اقول ..
ام صقر بخوف / ايش فيه .. قول ..
غيث تنهد و هو يطالع بالطاولة قباله .. وبارتباك / امممم .. انا راح اسافر وبطول واراح اخلي ريما عندكم ..
وامور ابو صقر تكفل بها محامي ثاني اشطر مني واكبر خبره .. " وقف " .. انا استأذن .. " وطلع بسرعه " ..
ام صقر باستغراب وهي تطالع بخياله .. وقفت وهي تتمتم بـ " يا الله سترك " ..
دخلت الصالة وهي تنادي على ريما .. / ريماااا .. ريمااا ..
ريما من بين خواتها الي يطالعون التلفزيون بصوت باهت / نعم ..
ام صقر / تعالي ابيك ..
ريما وقفت وتبعت امها لغرفتها .. ام صقر سحبت جلال الصلاة و رمته على جنب .. و جلست على السرير ..
اشرت لريما تجلس جنبها .. ريما جلست جنبها .. ام صقر بهدوء / ايش بينك وبين غيث ..
ريما بضيق وحزن / ما ادري ..
ام صقر بحزم / كيف مدري .. طيب وين مسافر ..
ريما بتفاجاء / مسافر .. " بسخرية " .. ما ادري ..
ام صقر بعصبية / ما تدري ما تدري .. ايش تدرين عنه اجل ..
ريما بقهر وحزن / انه يبي يطلقني ..





ــــــــــــــ








بعد المغرب ..



مشيرة بهدوء / هدوووووء .. هذا احساسي ..
العنود بهدوء / يمكن عمي يكلم جدي منصور ويتفركش الموضوع ..
مشيرة هزت اكتافها / ما ادري .. " تنهدت " .. خلاص انا لعت كبدي .. خلنا نغير الموضوع ..
ابتسمت وهي تاشر على ذقن العنود / كيف الضربه ..
العنود بضيق وهي تحط يدها مكان الضربه / راح المكياج و وضح .. علشان الوضوء صح .. خف الوجع شوي ..
مشيرة بابتسامه خبيثه / اهاااا .. خف .. شوي .. اهاااا ..
العنود بنظرات / مشيررررره ..
مشيرة بهدوء و جديه عدلت جلستها / جد العنود تكلمي عن بتال .. با الي يقوله قلبك .. كرهته و الا تحبينه ..
العنود تنهدت / كره لا والله ما اكرهه .. احبه .. " هزت اكتافها " .. ما ادري بس .. اهتم لـ سماع اخباره ..
يلفتني حضوره .. امممم ... " بضحكة " .. ما ادري .. بس الي حابه اقوله انه شي مهم و مميز بحياتي ..
مشيرة بضحكة و نظرات استغراب / يا لطيف .. مميز و مهم و حياتي و اخبار و يلفت .. معناته تحبينه الا تعشقينه ..
العنود قرصت عيونها / اعشقه مرة وحدة .. " وبجدية " .. لا مو كذا ..
مشيره ترجع و تريح بنومتها / هاااا ..
العنود بهدوء / امممم يمكن لانه ابو الظبي و سلطان .. لا تنسين انه عشنا سنه انا واياه مع بعض ..
جمعتنا ايام حلوة وايام مرة .. يعني اكيد له مساحة بقلبي ..
مشيرة بهدوء / طيب .. و علشان هالمساحة .. ما تبين ترجعين له علشان اولادك ..
ها شوفي كيف تعنى و جاء لهينا حتى يا خذهم .. عاجبك تشتت اولادك ..
العنود بضيق / لا والله مو عاجبني .. بس في شي .. ما يريحني .. صدقيني .. حاولت اقبل الموضوع بس ..
مشيرة هزت راسها / ربي يكتب لك اللي فيه خير لك و لـ الصغار ..
العنود / امين .. " سمعت رنين جوالها رفعته و شاف المتصل نايف ".. " وقفت " .. / يا الله هذا نايف و صل ..
مشيرة هزت راسه / اهاا .. خلني انادي سارة .. خلصت تصوير و فوتوشوب ولا ..
العنود با عجاب / ما شاء الله تصاميم الجوري و شغلها با الفوتوشوب مرة حلو ..
مشيرة وهي تفتح الباب / ايه مبدعه ما شاء الله عليها ..






ــــــــــ






قبال البحر ..





غيث بحزن / ما في اي امل .. انا عقييييييم ..
عزام بضيق على حال اخوه / لا تياس روح شوف هالدكتور الي دلوك عليه .. و توكل على الله حق توكل ..
غيث بغصة / راح اطلق ريما ..
عزام بحزم / غيث ايش قلنا من قبل .. لا تستعجل .. " رفع يده و شاف الساعة " ..
قوم ما بقى شي على طيارتك .. خلني اوصلك للمطار ..
وقف غيث .. وتنهد .. / عزام اذا ما لقيت نتيجة راح اطلق ريما .. ولا تزعل عليه ولا راح تجبرني على ترجيعها ..
عزام يضرب كتفه / امش بس امش .. الله يهديك ..






ــــــــــــــــــــــ







قبال استراحة البنات .. وقفت سيارة نايف ..
نايف من شباك السيارة / انا رايح للاستراحة .. اليلة سهرة لشباب كلهم .. تبون شي قبل لا اروح ..
العنود و هي تعدل شيلتها على راسها / سلامتك ..
نايف اشر لهم مع السلامة و راح .. العنود التفتت و شافت ساره دخلت الاستراحة ..
طلعت جوالها و اتصلت على عمها .. و خبرها انه بالمكتب و ينتظرها ..







بعد ربع ساعة ..


بيت ابو بتال ..



في المكتب ..



العنود بهدوء / يعني ..
ابو بتال بهدوء / يا بنتي .. لو كنت حاس بواحد بالمية ان هالزواج ما فيه صلاح لا لي و لا لبنت ..
ما كان تممته .. انا صليت الاستخارة و دعيت ربي .. و قلبي تعلق بالصغير منصور ..
العنود بهدوء / ................
ابو بتال باستفسار / هي ايش قالت ..
العنود بخجل .. حولت تسيطر عليه / و لا شيء .. و قفت و هي " تستأذن " .. اخذت من وقتك ..
ابو بتال ابتسم وهو يوقف / حياك في اي وقت .. " مشي معاها لباب المكتب .. فتحه و طلعت العنود وطلع وراها " ..
كان الباب على الصالة .. وقفت و الصالة بكبرها مكشوفه قدامها .. سمعت صوت ضحكات .. التفتت عليهم ..
وشافت سعود يضحك .. وبتال و اقف وبيده كاسة ماي ..
بتال بقهر / تضحك على بنتي .. " سكب كاسة الماي على راس سعود " ..
سعود بشهقة وهو يحاول يبتعد / بتاااال ..
سلطان الصغير هو ياكل من البسكويت ويده بفمه .. / ههههههههههه ..
بتال ينزل الكاسه على الطاولة و يحمل الظبي و ينيمها على كتفه .. و بحنان / حبيبتي تعبانه و بتنام ..
سلطان الصغير بغيرة وقف و مسك برجل ابوه .. بتال / هههههههه يا غيار .. انيم اختك بسريرها و اجيك ..
كان بيطلع لو ما انتبه لسواد الي واقف .. طالعها لثواني و صد عنها و طلع الدرج ..
سعود التفت و شاف العنود واقفه جنب ابوة .. مسك سلطان الصغير و باس خده و اشار على امه ..
سعود و هو ياشر على العنود / سلطوني .. شوووووف ماااااماااا ..
سلطان بفرحة رمى البسكويت وراح يجري لامه .. العنود اول ما وصل لها سلطان ..
مسكته و توجهه للمغاسل غسلت يده و وجهه .. وسلطان الكبير جلس قبال التلفزيون ..
العنود سمعت صوت خلفها .. التفتت و شافت بتال معاه ملابس لسلطان ..
و الظبي جالسه على الكنبة بكسل و مغير ملابسها .. العنود حست بحرج و ندمت انها جات لعمها ..
بتال ترك ملابس سلطان على الطاولة و طلع لغرفته .. العنود لبست سلطان ..
وجات الخدامة واخذت ملابس سلطان الوسخه .. العنود بعد ما عدلت شيلتها .. و اخذت شنطتها ..
جات بتطلع شافت بتال نازل وهو مغير ملابسه .. " بداخله .. ماشاء الله ايش ذا السرعة " ..
سعود جالس مكانه بين الالعاب ..و ياكل باقي بسكويت سلطان .. بتال وهو يمر من عند سعود ..
بتال بابتسامه / تاكل اكل ولدي .. كُل .. كُل .. حتى تكبر .. و تربي عوبتك ..
سعود بخبث هامس / السرعة الجنونية احذر منها لا يصورك ساهر ..
بتال بضحكة / هههههه نذل .. " توجه لـ الظبي و حملها و طلع من البيت " ..
العنود باستغراب طالعته .. مسكت يد سلطان وطلعت .. شافت بتال يمشي متوجه للاستراحها ..
العنود بهمس / اهااا يبي يوصلها للاستراحة .. " وقفت لثواني تفكر تلحقه او لا " ..
شافت بتال ينزل الظبي عند باب الاستراحة .. سمعت صوت بكاء الظبي ..
نزلت بسرعة و هي تسحب سلطان معاها .. و توجهه للاستراحة حتى تلحق على الظبي و تسكتها ..






ــــــــــــــــ





با الاستراحة ..
بحديقة الاستراحة ..



ام سند بضحكة / يا دافع البلاء .. كل وحدة ماسكه ركن و طقطق بذا الخربان ..
ام عناد بضحكة / يكلمون رياجيلهم .. ماهو مثل ايام زواجنا ..
غرام بفضول / الا صدق كيف كان زواجكم .. كيف تزوجتي انتي و ابوي .. من الاول قولي ..
ام سند ابتسمت / زواجنا .. " تنهدت " .. كنت العب و انا عمري تسع سنين .. مع حمدان ولد ابو مطلق .. الله يرحمه ..
كان كبري او اكبر مني بس انه مريض .. الله يرحمه .. و عمي سند شافني .. و اليوم الثاني تزوجت ابوك ..
نوال رمت جوالها و بصدمة / اووووف .. تسع سنين ..
ام سند / ايوه .. تسع داخله با العشر .. فهد كان فاهم شوي .. و كان يتركني العب .. حتى هو صغير تو ماخط شاربه ..
بس الله يرحم عمي .. ياهو كان متجبر و قاسي .. الله يغفر له و يسامحه ..
نوال بابتسامة / طيب ايش صار .. كيف فستانك .. امي تقول فستانها اخضر حق بنت عمها و لا انزفت به امي مريم ..
البنات بصوت واحد / امااااااااااا ..
العنود تدخل / السلام عليكم ..
الكل / وعليكم السلام ..
نوال بحماس / ايوه .. ايوه .. كملي ..
العنود باستغراب طالعتهم ودخلت داخل الاستراحه ..
ام سند بضحكة / انا لبست فستان لونه كحلي .. ازرق هناك .. كانه اخضر ..
غرام رافعه حاجب / ايش هالون ..
ام سند تطالع حولها / اممممم .. مثل .. مثل .. ما عاد فيه من هذاك الون راحت ..
ام طلال بضحكة / لونه كحلي .. بس من كثل الغسيل و البس تغير لونه ..
ابرار باستغراب / عادي تلبسون فساتين غيركم ..
ام عناد / ايوه .. وكلها كانت تتجمع عند الخطابة ام مرزوق جعلها بالجنة ..
الجوهرة بغرور / انا عاد فستاني كان ابيض وبس لي انا محد لبسه قبلي ولا بعدي ..
ام سند / محد لبسه بعدك لانها نحرق .. حرقتيه يا الرفلاء ..
الجوهرة بقهر / ام سند .. بلا فضايح ..
ام عناد دقت ام سند وغمزت لها تسكت عن الجوهرة .. مايبون يضيقونها .. و واضح انها ما تدري عن شي ..
رنا باستفسار / من ام مرزوق ..
ام عناد / ام مرزوق تكون الخطابة و الولادة و الخياطة و الحناية ..
ام سند تضحك / تذكرين يوم رقدتي " نمتي " .. على الفرش .. ههههههههههههههههههه ..
ام عناد بضحكة و الم / الله لا يعودها من ايام .. كنت حامل .. و دي العب .. عمري على 11 او الـ 12 ..
و البنيات يالعبون بالشارع اللي وراءنا .. حمدة و مزون و مسعدة و مستورة و نورة ..
الله يذكرهم بالخير و يرحم اللي ماتوا .. و كان في فرش مطبق و مرتب على جنب من الجدار ..
و اتعلق فيه و اطلع و انسدح حتى لحد يشوفني .. و اشوفهم ينطون و يلعبون و اراقبهم و غفيت ..
ام سند / هههههههههههههههههه و الله يا انقلبت الدنيا عليها صراخ و نداء وهي ولا حس ولا خبر ..
ام عناد بضحكة / ههههههه لو ما انحشرت ما صحيت ولا دريت عن الدنيا .. " تنهدت بوجع " ..
بس والله ياوقتها يا طقني ابوي و سلطان و فد وعمي سند كلهم طقوني مات ولدي الا شوي ..
ام سند بصدق / جعل سطام با الجنة الباردة .. مكان احد يوقف معانا الا هو .. ربي يسامحه ويغفر له ..
ام عناد بغصة مسحت دموعه و صدت .. مياسة اللي كانت خانقتها العبرة من وضعها انفجرت بكي ..
:
:
:
داخل الاستراحة ..
:
:
العنود نيمت الظبي .. و عدلت لبسها و شعرها .. و هي عند المدخل شافت ريما تدخل توها واصله ..
ريما التفتت على المكيف .. وببرود / التكيف بارد ..
العنود عقد حواجبها / انتي متحممه .. بعدي عن المكيف .. لا تتعبين ..
ريما ببرود علقت عبايتها .. وطلعت لحديقة الاستراحة .. / ..........
العنود عقد حواجبها باستغراب من تصرف ريما .. بعد ثواني .. طلعت العنود ..
و باستغراب و هي تشوف الكل يبكي / بسم الله ايش فيكم ..
ساره تشهق و هي بحضن مرام / تذكرنا ابوووووووووي ..






ـــــــــــــــــ






با استراحة الشباب ..




سند يشرب من فنجان القهوة / متى يوصل ..
راكان / بكرة .. و كذالك المحامي ..
سند / خير ان شاء الله .. ام سلطان عندها خبر ..
راكان هز راسه و هو يشرب من القهوة / ايه .. و عمي سلطان و عبدالعزيز و جدي .. ومتعب بعد ..
بتال تنهد / الا جدتك ليش ارضعت متعب و صلاح .. تدري ..
راكان يتكي / تبيهم عزوه لنايف .. بما انه وحيد .. " وبسخرية " .. وعلى قول العنود .. صاروا عزوة لي ..
بتال بسخرية / اهاا اهااا .. لو تتكلم مثل الخلق كان لقت لها عزوة واجد ..
سند بحزم / و ليه هي لقت لها احد تثق فيه .. انت اخذت سوالف حريم و ركبتها براسك على شور ابليس و مشيت ..
لا سالتها ولا استفسرت .. تبيها تثق فيك .. سالمتها عنود سطام .. طول عمرها حكيمة و لا تخالف الشور السليم ..
لكن حضها العاثر طرحها فيك ..
بتال بنظرات نارية لسند / يا شينك لتفلسفت ..
طلال بابتسامه / و انا ا لعبد المسكين .. تم ارضاعي لمساعدة انسانية فقط ..
سند انتبه لدخول بدر و باستفسار غامض / ها وين ..؟
بدر بضيق / في الرياض .. و يمكن يسافر دبي ..
سند بغضب / هذا الولد كبر وجن .. " وقف و هو يسحب جواله من جيبه " ..
راكان يسال بدر / من تقصدون ..؟
بدر تنهد / ياسر .. سألني سند قبل وينه .. و سألت و عرفت انه بالرياض ..
بتال رفع حاجب وبنبرة مقصودة / هالولد يبي له عقاب العصى و الجزرة .. شغل سند .. " و ابتسم " ..
الكل / هههههههههههههههههههههه
راكان يطالع بزياد الي يقلب بجواله .. وبتسال / انت ايش تشوف بذا الجوال ..
زياد طالع براكان / اتصفح بالمنتدى ..
راكان هز راسه .. ثواني حتى يدخل عناد ومعاه كلب " اكرمكم الله " .. / سلاااام عليكم ..
الكل .. باصوات متفرقة / وعليكم السلام ..
طلال بتقرف / يعععع .. طلعه برا ..
راكان بصمت يراقب زياد .. شاف زياد طالع الكلب في البداية بارتباك وبعده صار طبيعي ..
راكان لعناد / ليش جبت ذا ..؟
عناد بشبة ابتسامه / بس كذا .. بكره ارجعه للمزرعة .. " وبتذكر " .. الا ما تدرون ..
صبري حقكم .. حرمته ولدت بالمزرعه ..
راكان بابتسامه / ما شاء الله .. ايش جاهم ..
عناد رافع حاجب / ايش دراني .. انا قالي ابو محمد .. قال الظهر حرمته ولدت حرمة صبري ..
طلال بتقرف /خلاص اسكتوا ..
الكل التفت عليه و شافوا معالم وجهه اشلون متغيره .. طلال وقف بسرعه و راح جهة الحمامات " اكرمكم الله " ..
الكل / هههههههههههههههههههههههههه ..








ـــــــــــــــــــ







يوم جديد ..




على طاولة الفطور ..


راكان و هو يشرب الشاهي / ايه .. سمر راح تروح مع عمي سلطان .. و انتم مع نايف ..
العنود و هي تاكل الظبي / خير ان شاء الله ..
سمر بهدوء / وانت متى تلحقنا ..
راكان بخبث / انا ما ابي الحقكم .. انا اخلص شغلتي و مسافر على الخارج .. اروي ظماي شوي ..
سمر طالعته بنظرات مغرورة و وواثقة / عادي حبيبي .. واثقة بانك ماراح تلقى احسن مني ..
راكان بضحكه .. / اوف ترا بعض الغرور يكسر الراس ..
سمر بغرور / بعض مو كل .. و انا غروري يرفع الراس ..
راكان بضحكه / هههههههههههههه .. قوية يا ام شيخه ..
العنود مبتسمه و تاكل سلطان والظبي .. و ساره تقلب باستديو جوالها ..
راكان انتبه لسارة و شاف جوالها .. سحبه و شاف الصور / ايش هذا ..
ساره بابتسامه / تذكر الصور الي اخذتها بالمزرعة والبحر ..
راكان / اهااا ..
سارة بابتسامة / صلحنا عليها فوتوشوب انا و البندري و الجوري ..
راكان شاف صوره تجمعه مع اخوانه .. و عيال عمه .. و كل وحدة احلى من الثانية ..
وهو يوقف .. ويسحب جواله .. / كلها ارسليها على جوالي .. خلاص ..
ساره باستغلال / بس مافي شي ببلاش ..
راكان رفع حواجبه / افااا .. الحين برصيدك مليون ونص .. و ارض و بيت .. و تبين فلوس على صور ..
ساره بتكشيرة / قل اعوذ برب الفلق .. خلاص .. راح ارسلها و مجانا .. صدقه عني .. دفعة بلاء ..
راكان رفع حواجبه بصدمة / انا بلاء .. " و بخبث " .. اجل مافي روحه لمكه ..
ساره وهي ترجع خصله من شعرها خلف اذنها .. و بابتسامه / جدي ما راح يسمح لك تمنعنا ..
راكان .. ياخذ محفظته من على طاولة قريبة من المدخل .. التفت عليها .. و هو يدخل المحفظه لجيبة ..
و بابتسامة / جدي هاا .. طيب يصير خير .. يا سوير .. نشوف نقدر و الا لا .. يا الله تامرون على شيء ..
العنود و سمر / سلامتك ..






ــــــــــــــــ






بيت ام صقر ..



ريهام بتعب / يمه .. البارح ريما ما خلتنا ننام ..
ام صقر با ستغراب / ليش ..؟
ريهام بتعب / كل شوي رايحة جاية من الحمام اكرمكم الله .. و اتوقع ما بقي شي في بطنها ..
ام صقر بفرحها و قفت ... / خير .. خير .. ان شاء الله .. انا رايحه اشوفها ..
وهي باول الدرجات .. رنا نزلت بسرعة و بخوف / يمه لحقي .. ريما طاحت با الحمام ..







انتهى ..


لا اله الا الله محمد رسول الله ..

الحمد الله .. و .. سبحان الله .. و .. الله اكبر ..

اتمنى يعجبكم .. و اعذروني على القصور .. و الاخطاء الاملائية ..

خففت من القفلة شوي .. اما الي طلبوا موت العنود ..

اسفه .. لن يتم تنفيذ طلبكم .. ههههههههههه ..


دمتم بخير ..
ولا تنسوني من صالح دعواتكم ..

اختكم ..
مشاعل السعودية ..

:



السلام عليكم
مو عارفه ايش اقول
أو كيف اعتذر
ﻻن ما بقى لي وجه
بس راح أقفل الرواية لفترة
مضطرة لرحيل
وان شاء الله ربي يكتب لنا رجعه
بغنائم وفيرة وترضي الجميع
سامحوني اذا غلطت على أحد فيكم
نلتقي بخير

اختكم
مشاعل السعودية


:

تغلق بطلب من

الكااااتبة