مساء الفل ميشو ......وحشتيني ووحشوني ابطالك بس مو كلهم طبعا البعض بس ......وماتشوف دندونة شر الله يحفظها ويخليها قلب خالتها هي يارب يطمن قلبك عليها وتبشرينا بصحتها .......غبت بارتين والحمد لله وصلت لكم قبل مايتراكمو اكثر علي

سند والظبي

بما انو قصتهم وضحت حبيت انوه على شي انو سبب الي صار هو جابر هو الي جنى على بنته يوم اخذها وهج فيها بعيد عن الديرة كان يقدر يغير بيته ببيت ثاني بس مايهجر مكانه لمكان مقطوع

الشي الثاني كان يقدر يزوج بنته حتى لو بدون حفلة عرس من باب خوفه عليها انها تظل بدون سند من بعده هو مو يروح فيها اخر الدنيا وبعدين شهالتناقض سند ولد اخوه طمعان فيها والراعي المنتف الي ماينعرف اصله هو الي مو طمعان الي سواه جابر في الظبي مثل العقاب لها وكأنه يأكد ظنون سند انو بنته مو كويسة

والظبي بعد جنت على عمرها يوم ردت الرد الي مثل وجهها مهما كان غرضها .......والشي المهم الي الناس دايم تنكره هو انو الشي الي اذا ربي ماكتبه مستحيل يصير لو مهما كانت الاوضاع والظبي مو من نصيب سند من ولادتها بس هي طبعا ماعاشت على هالشي ولا امنت فيه ولا كانت نست سند

الي انظلم صحيح هي زوجة سند هي الضحية والي تيتحق التعاطف والظبي ساهمت بضررها اكثر لانها ماخافت ربها وهي ترسل لسند خصل شعرها يعني شهالوقاحة الي فيها رجال متزوج غيرها وهي على ذمة غيره بأي حق تسوي هالحركة العيلة من القديم فيها صفات غير مقبولة ولا مستساغة وكملتها الظبي بزرع الحقد بقلب العنود المتخلفة مثلها والا الي صار من كتبة ربي لاهو من سند ولا من غيره مو ماقدرت على المنتف سعد طلعت حقدها على غيره مرض حمد لله والشكر


العنود وبتال

العنود الى متى بتصحى من المرض المتمكن بقلبها الاسود يعني ايش تبغي من عيلة الفارس تركع عند رجولها علشان ترضي غرورها ولا لايكون مفكرة انو ذل الفارس وانكسارهم بيرجع الظبي هذا هي بقبرها والعنود هذي تصرفاتها اجل لو لليوم عايشة شكانت سوت بالفارس الي كانت مقهورة انها ماتزوجته مات مثلها مثله وكان عايش حياة مو زينة يعني ماتهنى مثله مثلها

العنود لامن زوج ولامن اخوان منفرة الكل منها وبس هي الي على حق وبس هي العاقلة كل الناس اغبياء ويستحقو العقاب في نظرها هي بس الي من حقها تتحكم في الناس وتمشيهم على كيفها اما الغير مو مسموح لهم

بتال غلط واعترف بغلطه وابدى ندمه مو هي الي لليوم مسوية لنا فيها الملاك الطاهر المعصوم الي مايغلط ابد ولا عمرها اعترفت حتى بينها وبين نفسها بغلطها مو بس زياد الي مريض حتى هي تحتاج لطبيب نفسي يمكن تعقل وتهجد من الجنون الي براسها

عيالها مشتتين همها رضاها راحت تخبت بعيال مو بس هي تملك السلطة عليهم ناسية احقية بتال فيهم يتمتهم وابوها على الدنيا يتمنى قربهم ووجودهم بحضنه شهالقلب القاسي الحجر الي تملكه الظاهر مابتصحى الا اذا فقدت عيالها قدام عينها مع اني ماتاتمنى موت الظبي بس علشان بتال بينحرق قلبه ولا العنود ماتهمني لو اشوفها مقطعة لانها ماخلت لها عذر نتعاطف معاها ونعذرها على اغلاطها وذنوبها غرور وتكبر ومكابر وحقد وقسوة خير وين بتوصل والى متى كل المصايب الي مرت فيها ولا انهدت ولا تعلمت

المفروض دام الكل جالس عند البحر بسهولة بينقذو الظبي خصوصا انها يادوب دخلت البحر والشباب كثار اتمنى بتال هو الي ينقذ بنته علشان تعرف ام راس كبير انها مو كل شي تقدر تسويه ولا تقدر تستغني عن الرجال بحياتها يمكن احساس الخوف الحين الي بيجيها على بنتها يصحيها من غفلتها وترحم الي حولها وترحم عيالها وولد عمها وتلم شملهم مو من حقها تحرمهم من العيش ببيت واحد يعني ترضى انو ابوهم يتزوج ويربيهم عند زوجته لانو طال الزمن ولا قصر بيجي يوم والحضانة من حق الابو وخصوصا للظبي مااقول الا الله يبرد قلب بتال ويعوضه سنين عمره تروح اذا فارس بالثلاثين وزياد نفس الشي اجل بتال وغيره اعمارهم ضاعت وهم دوبهم بيتزوجو ميشو نبغي حياة مستقرة لبتال وعياله


شجونوه وياسروه

تستاهل وربي فرحت من قلبي على الي جاها ولا مين اعطى رقم الصايع للصايعة سميوه غيرها ومين الي خبرها بالسالفة كلها تستاهل يوم انها مشت ورى ولد عمها في الحرام وتحمد ربها انو بس هذا الي صار لها عقبال ماتتكفخ هي بعد ويزوجوها غصب عنها لياسروه ويعيشو بجحيم اثنينهم مافي عذر يمنع ياسر من الزواج عمره مو صغير بس تخلف العيلة هو الغريب مايتزوج الصغير قبل الكبير ليش شدعوة عاد

نوالوه وسعودوه

نوالوه شمفكرة روحها بس الشرهة مو عليها على ابوها الي ماعرف يربيها ومشجعها على البطر ولا لو تخيس ماحد خطبها وعطاها المهر والي طلبته على ايش بيعطوها بس للاسف الخروف الي متزوجها ماعرف يستغل هالشي ويكسر راس الكل .......يخليها بدون مايبين لهفت عليها وهي مثل مالاحقته قبل بتسعى له وبشروطه هو اما يسكتو لها ويشجعوها ماراح تسكت من الطلبات حتى بعد الزواج ناس طماعة ماهمها غير المظاهر والسطحية


ريهام وزياد

زياد حالته غريبة في شي صار له غير قصة الكلب هل ممكن لشرفوه دخل بعد غير السحر ماادري ليش جاني احساس انو ممكن تعرض لتحرشات من احد سواء عمال او خدم او اي احد وهالشي سبب له عقدة ولان السالفة مو هينة كبتها في نفسه وماقدر يخبر احد عنها ..

لكن احس من الظلم يخطبو له ويجبروه على الزواج وهو بهالحالة ريهام شذنبها المسكينة يعني مو كافي عليها انكسار فرحتها لما خطبها عنادوه وفرحته الي مااخفاها عن احد يوم التحاليل ماتطابقت بعد تتزوج واحد يعاني من ماضي مأثر عليه بقوة كلمته انو احسن من اخوته كلهم تدل انو يعاني من نقص او شي من هالقبيل اتمنى فعلا العنود بدل ماتركض ورى الماضي وتفكر بالانتقام تهتم بحالة اخوها وتشغل نفسها فيها قبل مايتمم زواجه


ريما وغيثوه

ريما بتكون غبية اذا تعاملت بطيبة مع غيثوه وقت مابغاها اخذها ووقت ماجاء براسه رماها وماهمه مشاعرها وجروحها هيفوه اخته مو احسن منها يوم رعد ببساطة رجعها ضربته كف وصار لها خروف مثل ماتبغي

لذلك لازم تتخذ عقاب صارم له وتحرمه من اي شي يحبه الين يحس على دمه بنات الناس مولعبة عنده والي مايرضاه لخواته لايسويه لبنات الناس

راكان وسمروه

اشوف راكان انظم لركب الخرفان بالعيلة نست سمروه يوم يطنشها وكانت تلاحقه وبتموت من تطنيشه اشوف الحين متفرعنة عليه مايعجبني الرجال الي يعطي زوجته انطباع انها تقدر تتحكم فيه وبنات العيلة كلهم ماعدا وحدة لو ثنتين كلهم يبغو رجالهم خرفان الرجال اذا ماكانت كلمته مسمعوة في بيته وماكان له هيبة وزوجته تتعامل معاه على انو رجال البيت وله احترامه مايستحق يكون رجال يعني يايضرب ويكون همجي ياخروف زوجته تتحكم فيه ويخاف من زعلها بحريقة زعلها اذا كان لشي تافه وسمروه ماعقلت نفس تصرفات امها سطحية جدا جدا وعمرها مابتحس بالمسؤلية على اتفه الاسباب تزعل وتبين بحركاتها التافهة للي حولها بس راكان هو الي مخليها تزودها لانو بس لو يهجرها يوم مشت مثل الناس


عناد وغرام

احساسي يقول انو غرام مابتتزوج عناد ومابتتوافق التحاليل كل الي انخطبو تم تزويجهم والي كان مختار وحدة اخذها والي حطت واحد براسها جابت راسه اعتقد هالمرة بتكون غير

خصوصا سبب قبول غرام لعناد كلام اهلها يجرح بصراحة وماادري ليش عندي احساس انو غرام بتتزوج طارق في الاخير لانو اهله عندهم خلفية عن مرضها السابق وغير كذا تصرفاتها الي تغيرت ونضجت وصارت تستحق واحد مميز وعناد صار مايعجبني ولا صار يناسبها بس كيف ممكن طويرق يلتفت لغير العنود ويتزوج غيرها مافي الا برجوعها لابو عيالها في هالحالة بيشيلها من راسه وغرام شخصيتها احسن من العنود بمليون مرة وحدة مافيها غرور وعجرفة العنود ولا فيها حقد مثلها ولا بتستفزه بوقاحتها وفرض رايها عليه مثل ماهي تبغي تتحكم في الكل واذا طنشوها طاحت علينا بتموت

مشمشة في انتظارك ياعسل

مساء الخير ياميشو البارت كان رائع كاسر خاطري بتال والضبي اتمنى مايصير لها شيء لن بيزيد حقد العنود ضد بتال وبانتظارك من يوم الخميس لاتتأخري علينا ودلعينا ها الاسبوع بار ت ثاني هدية وشكرا ياقلبو

"





بسم الله الرحمن الرحيم ..

السلام عليكم ورحمة الله وبركاته ..

الحمد لله والصلاة والسلام على رسول الله ..

توكلنا على الله .. لا اله الا الله محمد رسول الله ..





البارت 44 ..






من خصايص عنود الصيد كثر الطواري
و عادة الظبي يجفل ليتحرك ظلاله
مايصيد الجوازي كود بخص و داري
القنص بالركاده و التسرع جهاله
و لا يعرف الطرد من لا يعرف الصحاري
ماتعرض سموم و لا تعرض شماله
كل درب عليه من المخاليق ساري
للسوالف رجال و للشكاله رجاله
و انت عشقت حياتي يا غزال البراري
اتفاول بوجهك سعد من صرت فاله
انت و الله حبيبي و انت و الله داري
إن نظرة عيوني يم غيرك جماله
ما نقطع سيل حبك بالمعاليق جاري
كن قلبي خلقه لله لحبك سباله
ليتني يا قمرها غار منها نهاري
حيث وصل الموده همسة في لياله
ليت واهج غرامك مثل وجدي و ناري
مير ماظن في دنيا المحبه عداله




" خالد الفيصل " ..





بصراخ .../ الظببببببببببببي ..
فز بتال و اقف .. و برعب راح يركض جهة البحر .. كل من كان جالس فز واقف مرعوب ..
الظبي اللي اول ماوصلت لشاطي .. صرخت امها مع برودت ماي البحر ارعبتها ..
حتى ترجع للخلف .. بالوقت اللي وصل فيها ابوها و حملها بين يدينه ..
الظبي برعب وهي فاتحه عيونه .. وبكلمات الاطفال المضحكه / بذاغذييثياثه .. << تعبت وانا اكتبها ..
بتال بخوف و غضب و ضحكه .. طالع فيها و هو يهزها بخفه / بذاغثيه هاا ..
الظبي ضحكت وهي ترفس برجولها .. وابوها ماسكها من الخلف و يضحك ..
الكل / ههههههههههههههههههههههه ..
العنود جلست بتعب حست بان الارض لفت فيها .. رنيم بخوف / فهد .. وين فهد ..
سند اللي توه جلس و تكى .. عدل جلسته برعب و بثواني رجع يسترخي على المركى .. و بضحكه / مو نايم ..
رنيم براحه و هي تتذكر / اهاا الا صح .. نايم ..
الكل / هههههههههههههههه ..
طلال بمرح يلتفت على مرام / وين عيالم يا حرمه ..
مرام تطالع فيه و بهدوء / نايمين استودعتهم الله ..
طلال بفخر / يا فديت العاقلين .. بسم الله عليهم ..
الشباب بصوت واحد / لا يكثر ..

:
:
:
:
:

بعد ساعات ..




بغرفة البنات ..



ابرار تطقطق بجواله و تتبوسم .. نوال نايمه على بطنها و تراقب حركات ابرار بنظرات غاضبة ساخره ..
غرام جنب شجون و يتهامسون وواضح ان الجو مكهرب بينهم ..
مرام بضيق وهي مغمضه عيونها و حاطه يدها عليهم و اولادها نايمين جنبها / الي مافيها نوم تنقلع برا الغرفه ..
العنود و قفت و هي تاخذ الظبي و سلطان .. وبتعب / انا طالعه برا العب الظبي و سلطان لحد ما يتعبون وينامون ..
ساره وهي تحت فرشتها بضيق / كله من نايف و بتال هم اللي نيموهم المغرب .. والحين حنا اللي ابتلشنا ..
العنود تلبس عبايتها على البيجاما .. / خلاص ناموا .. و اللي مافيها نوم تطلع لصالة ..
ابرار قفلت جوالها و اعطت البنات ظهرها و نامت .. و شجون كذالك .. غرام بعصبية رفعت الفرشة ودخلت تحتها ..
العنود طلعت و هي تاخذ الطبي و سلطان بعد مالبستهم ثقيل لخارج الشاليه .. فالمكان اللي كانوا سهرانين فيه ..
جلست على الفرشة و نزلت العاب سلطان والظبي على الارض و بداو يلعبون ...
الجو حولها هادي .. صوت الموج و ريحة البحر تاخذك لبعيد .. ضمت رجلينها لصدرها ..
ولفت يدينها حولينها .. ميلت شوي عليها واتكت .. و هي تطالع البحر .. دندت بصوت خافت ...

خاطري الليلة أسولف حاسس بقلبي كلام
لو تحبني يالله اسهر لو تحبني .. لا تنام !
يعني ما تقدر تحمّل تنتظري لين أكمل ؟
ضاق صدري وانا أحكي كل ليلة للظلام
فيني أشياء بخاطري ما أقدر أحكيها لغيرك
فيني زحمة من مشاعر تنتظر رحمة ضميرك
وآهـ يتلعثم صداها بصرخة ما أعرف مداها
وكلمة مخنوقة في صوتي ما تخليني أنام ..


تنهدت بعمق وهي تغمض عيونها بالم .. فتحتهم التفتت على الظبي و سلطان ..
ابتسمت بحب و حنان و هي تشوفهم يلعبون برمل .. مدت يده و مسحت على شعر الظبي .. ورجعت تضم يدينها ..
سلطان و هو يصفق بيدينه و بفرحه / بابااا ..
العنود ما انتبهت للي واقف و راها بمسافه لا هي بعيده ولا هي قريبه ..
العنود ابتسمت و هي تمسح خده / فديت المنطوق .. " نزلت يدها و هي تشوف سلطان يوقف ..
ويمشي مر من عندها التفتت على الجهه اللي رايح لها و شافت بتال واقف و هو لف يدينه على صدرها ..
حست برجفه تسري بجسمها وكان الجو برد فجاه .. صدت عنه ..
بتال جلس على ركبه و هو يفتح يدينه لسلطان .. ضمه و رجع وقف .. تقدم كم خطوة قريبه من الفرشة ..
الظبي رمت لعبتها بغيره و تقدمت منه .. ابتسم و نزل ضمها و رجع وقف .. الظبي و سلطان وهم بين يدينه ..
صوت ضحكاتهم و لغاتهم الطفولية الغير مفهومه .. العنود حست بريقها جاف .. حاولت تبلع جرعه من ريقها ..
لكن عجزت .. وهو واقف بصمت خلفها .. تقدم اكثر و مر من جنبها و تعدا الفرشه .. جلس على الرمل ..
و نزل الظبي و سلطان .. وصار يخطط على الارض و يلعب الظبي و سلطان .. مرت ربع ساعة ..
مانطق حرف .. صمته كان مربك لها .. و شي بقلبها مو مفهوم .. خوف او توتر او شي ثاني ..
وقفت و مشيت بخطوات سريعه مرتبكه لشالية .. وقف اول ما سمعته يناديها بنبره غريبه ..
بتال بنبره غامضه .. هادئة ممزوجه ببرود لدرجة الصقيع ../ العنود ..
العنود وقفت وهي معطيته ظهرها لفت كفوفها ببعض بتوتر /........
بتال بنفس النبرة / ما ادري اذا عندك علم او لا .. باني رجعت طلبتك من راكان ..
العنود لفت عليه وطالعته .. كان يمسح كف الظبي .. وبرود كمل / انا غلطت و اعترف .. وانتي غلطتي ..
العنود تقاطعه / ا....
بتال بهدوء قاطعها / لا تقولين شي الحين .. فكري بالعيال و مستقبلهم .. استخيري .. وانس اللي مضى ..
ومثل ما اقلت .. انا غلطت و اعترف .. و انتِ بعد غلطتي ولا تنكرين ..
العنود عصبت .. كانت بترد بس سمعت صوت نايف وهو يسال باستغراب / ايش فيه ..
بتال ابتسم وهو يطالع عياله يكتم ضحكته .. العنود بقهر / هذا لانكم نيمتوهم المغرب مارضو ينامون الحين ..
استلموهم وانا رايحة انام .. " توجهة لشاليه و هي تمشي بعصبية .. توها دخلت اذن الفجر " ..
بعد ماانتهاء الاذن .. نايف بهدوء وهو يجلس / بخاطرك كلام ..
بتال رفع عينه و رجع يطالع بالعاب الظبي و سلطان .. و بهدوء / انت الوحيد اللي عارف بكل شي صح ..
نايف هز راسه / صح .. كل كلمه و كل حركة وكل نظره ..
بتال بهدوء / انا غلطت .. وهي غلطت .. صح ؟
نايف بهدوء / بس انت اهنتها و جرحتها .. شكيت بعفتها .. و ضربتها و طردتها ولا سالت ..
بتال هز راسه / وانت تدري انها هي سكتت وكانه عجبها .. او حابه تكون مظلومة ..
نايف عقد حواجبه / انت ماعطيتها فرصة ..
بتال ابتسم بسخريه / انت تعرف العنود اكثر مني .. لو بتغت تقول شي تقوله ..
نايف سكت و هو يطالع بالظبي اللي تتثاوب بنعاس .. ابتسم / الظبي شكلها تعبت بتنام ..
بتال يوقف / اصلا صار لزم يدخلون .. والحين تقوم صلاة الفجر .. شوف سلطان كيف نام ..
نايف التفت على سلطان وشافه نايم على الرمل فز واقف و هو يبتسم بخوف / والله لو تشوفنا .. تصير علوم ..
بتال اخذ الظبي بين يدينه و نايف اخذ سلطان .. اول ماوقفوا عند باب الحريم نادا على العنود .. نزل بتال الظبي ..
وراحت تمشي لامها .. العنود طلعت اخذت سلطان ونايف راح يتوضأ لصلاة ..






ـــــــــــــــ






الساعة 10 صباحا ..





العنود بـ ارهاق .. / انا ابي انام .. عن اذنكم ...
الكل باصوات متفرقة / الله معاك .. نوم العوافي ..
ابرار دخلت بوقت خروج العنود .. تقدمت بخجل لامها و انحراج من الموجودين ..
همست لامها .. ام عناد ابتسمت وهز راسها ../ روحي ربي يوفقك ..
ابرار و قفت بخجل و طلعت من الشالية وهي تربط نقابها ..
نوال طالعت ابرار بنظرات .. و رجعت تطقطق بجوالها .. نزلت جوالها و هي مقهوره ..
مرام ضربتها على كتفها و بمزح / اذكري الله .. لا تطقينهم عين و تفرقين بينهم ..
نوال فتحت عيونها / من .. انا .. " عقدت حواجبه بغضب " .. روح هناك .. تحسبني احسدها ..
مرام ابتسمت / العين حق ...
نوال تقلب عيونها وبضيق / لا اله الا الله .. ما شاء الله تبارك الله .. اللهم صل على النبي ..
مرام ابتسمت / على افضل الصلاة و السلام .. طيب قولي لي .. ايش صار بينك و بين سعود ..
نوال تغير وجهه و هي تكتم ابتسامتها / اعتذر لي .. و راضاني ..
مرام رفعت حاجب / انتي ما عندك غير هالكلام ..
نوال تتنهد وهي تعدل جلستها / ايش يدخلك .. بيني و بين زوجي ..
مرام بتفاجاء / اوه حركات .. زوجي .. تطورنا ..
نوال ابتسمت و صدت عنها .. مرام بهمس / مادام للحين تحبينه ليش هالعوابة كلها ..
نوال بضحكة / هههههههههه اذبح الاسد من اول ليلة ..
مرام / ههههههههههههه عوبا ...






ــــــــــــــــــ





بمجلس الرجال ..





سعود قفل جواله و وقف .. كان لبس بلوزه خضرا وبنطلون بيج .. جلس جنب عمه عبدالعزيز وابتسم ..
عبدالعزيز كان يتقهوى ويسولف مع اخوانه و عيال عمه .. استغرب من تصرف سعود التفت عليه ..
و رجع طالع لخوانه .. بس رجع بسرعة لمن شاف ابتسامه غريبة على شفات سعود ..
عبدالعزيز باستغراب / ايش عندك ..
سعود بابتسامه / عمي حبيبي ..
عبدالعزيز بنظرات .. يعني اخلص " .. / هاااا ..
سعود بابتسامه / بنتك نادتني تقول ابي اشوفك لحين لا اموت ..
عبدالعزيز بضحكه / نوال .. هههههه .. ليتها تسمعك والله .. كان عرفت تعلمك كيف تكذب على لسانها ..
سعود يسحب جواله يفتحه حتى يمده لعمه حتى يشوف رسايل نوال على الواتس اب ..
عبدالعزيز يتاكد من الرقم عقد حواجبه و التفت على سلطان بصدمه .. / يتحاكون ..
سلطان بفخر / هههههههههههه ولد سلطان ..
عبدالعزيز بضحكه و هو يرمي الجوال .. / خذ .. خذ العوبا وانقلع انت و اياها .. يا الله .. ههههههههههه ..
سعود وقف وهو يسحب جواله و يطلع من المجلس ..





ــــــــــــــــ






عند جلسه قريبه حيل من البحر ..


ابرار مبتسمه بخجل / الي يعجبك ..
فارس وهو ماسك يدها و يمسح عليها بحب و بابتسامه / اشلون يعني ..
ابرار وهي تسحب الشيله لا تطير .. بخجل / فارس ..
فارس تفهم خجلها و بهدوء وهو مبتسم / طيب يعجبك الاسود .. انا شفت سرير نوم اسود عجبني ..
قلت اخذ رايك بالاول .. و اذا ودك تروحن معاي تختارين ماعندي مانع .. ويفرحني ..
ابرار بخجل / لا ..
فارس يرفع يدها و يقبلها / برو .. حبيبتي .. لا تخلين هالخجل يبني حاجز بينا .. معي ابيك تكوني براحتك ..
ابرار بخجل / .................
فارس رفع يده و سحب النقاب عن وجهها .. ابرار شهقت و بسرعه رفعت يدها بترجع النقاب ..
فارس بحزم / ما فيه احد .. ابرار ..
ابرار بحرج تنزل يدها .. و وجهها مكشوف .. كان احمر من الخجل / اخاف حد يمر ..
فارس رفع حواجبه / يعني لو المكان ممكن يكون مو امن اقولك افتحي .. ليه انا ديوث ..
ابرار بخوف و ارتباك / لا .. بس .. يعني ..
فارس وهو يصد يطالع البحر .. ابرار بضيق تمسك يده / لا تزعل .. مو قصدي ..
فارس بجفاف / عادي .. " رفع جواله و طالع بساعة " .. الساعة قربت على 11 ..
الحين الشمس تحتر اكثر .. قومي نرجع ..
ابرار مسكت يده و شدت عليها قبل لا يوقف .. بخجل قبلته بخده .. و بهمس / اسفه ..
فارس التفت لها و هو مبتسم و بحب / انا ازعل من الدنيا كلها الا منك ما ازعل .. " وهو يقبل جبينها " ..
ابرار بخجل ربطت نقبها .. و قف فارس و وقفها معاه .. مسك يدها و صار يمشي على الشاطى و يسولف معاها ..





ـــــــــــ





نوال و سعود بالسيارة ..



نوال بقهر / لا والله .. انا ابي اكل دجاج ما ابي سمك ..
سعود بلعانه / خلاص مو لا زم تاكلين .. اقعدي قبالي و انتي تنفخين على الاكل .. و تاكليني .. مثل حريم اول ..
نوال فتحت عيونها للاخير / لا و الله .. احلللللللللللف ..
سعود بحزم / هذا امر من زوجك بتعصينه .. تلعنك الملائكة ..
نوال سكتت بقهر / .................
سعود كتم الضحكه بصدرة .. و هو يتحلف بنوال .. و صلوا المطعم و دخلوا و طلب اكل ..
نوال قاعده طول الوقت وي بس تنافخ .. سمعت صوت القرسون وهو يجيب الاكل ..
سعود نزل صحون على الطاوله و نوال ما زالت صاده تطالع البحر من خلف الزجاج ..
سعود يجلس جنبها على نفس الكرسي حشرها .. حتى تقفز بخرعه لجته الزجاج ..
سعود ببتسامه / مدي يدك و كلي ..
نوال بارتباك و عصبية و هي ما زالت صاده / ما ابي و ابعد عني ..
سعود بلعانه / انا ابي و راح تاكليني بيدينك ..
نوال تقلب عيونها بضيق / ماابي سمك مو مشتهيتهه ..
سعود بهمس / طيب شوفي الاكل يمكن مو سمك ..
نوال طالعت الاكل و شافته كله دجاج مافي سمك .. طالعت بسعود و رجعت صدت و هي تحاول تخفي ابتسامتها ..
نقزت وانكمشت على عمرها لمن حست بيد سعود تلف حول كتفها ..
سعود يهمس قريب اذنها / ما اقدر ازعلك يا العوبا .. " و هو يقبل خدها بعمق " ..
نوال اللي بلعت لسانها و صارت قطه مسالمه مالها صوت .. الحمرة اكتستها .. و هي تاكل شوي شوي ..
سعود كل ما حس ان الضحكة بتخونه صد بوجهه عن نوال ..





ـــــــــــــــ





بالغرفه ..


تطالع سقف الغرفة .. تنهدت بتعب .. كل ما تغمض عيونها تذكرت اللي صار ..
سمعت صوت الظبي و سلطان .. معناتها صحيو ..
بعد ما حممتهم و غيرت لهم .. ارسلتهم لنايف .. رفعت جوالها و ارسلت لنايف ..
" لا تخليهم ينامون .. و لا تسمح لابوهم ينيمهم .. مو مثل امس .. انا ابي انام شوي " ..
نزلت الجوال جنبها .. سحبت الفرشه عليها و غمضت عيونها بتعب .. بعد دقايق ..



.....بابتسامه و صوت هامس / عنود ..
..... بتعب و ضيق / شكلها نايمه خليها ..
العنود بين التعب و النوم و التفكير .. فتحت عيونه و هي تفكر نفسها تحلم .. التفتت خلفها و هي عاقده حواجبها ..
الجوري بخجل / ازعجناك ..
العنود مازالت بتسلط النوم / ...............
مشيره بتعب و ضيق / خلاص عنود كملي نومك ..
العنود جلست و هي ترفع شعرها / لالا تعالي ..
الجوري ابتسمت و هي تسلم عليها و سالت عن حالها واحوالها و استأذنت بالخروج ..
العنود سحبت مشيره وجلستها على السرير / ايش صاير ..
مشيره انفجرت بكي بحضن العنود .. بعد وقت / مالي اسبوع من انتهت العده .. وهذا اولها ..
العنود تنهدت بقهر / طيب ايش قال جدي منصور ..
مشيره تمسح دموعها بقفى يدها ../ طردها من البيت .. انتي تعرفين عمتي .. لسانها متبري منها ..
كانت ساكته طول فترة زواجي علشان سمير .. ربي يرحمه و يسكنه فسيح جنانه وجميع اموات المسلمين ..
العنود بضيق / استغفر الله العظيم .. هي بس تبي منصور ..
مشيرة بوجع / انا ما ابي امنعه عنهم .. راح يكون عندهم من الاربعاء الصباح الا مساء الجمعه ..
وطول الاشهر اللي مضت مامنعته عنهم .. بس هي تبيني اسكن عندها في البيت .. تخيلي ..
العنود بثقه / ما راح تقدر تجبرك .. و مالها سلطه عليك .. عندك اخوانك و جدي منصور ما راح يسمح لها ..
مشيره هزت راسها بضعف / انا موكله امري و امر اليتيم لربي ..
العنود تنهدت / والنعم بالله ..
بعد صمت لثواني .. مشيره بهدوء / اخذتي اخباري .. ما بتعطيني اخبارك ..
العنود هزت اكتافها / ما ادري .. احس باشياء كثيره ملخبطه .. " تنهدت " ..
ان حكيت محد فهمني و ان سكت محد فهمني ..
مشيره بهدوء / قولي و انا اساعدك ..
العنود توقف و هي ترفع شعرها / مو الحين .. قومي .. خلنا نشوف الوضع برا ..
مشيره هزت راسه / اصل انا تعبانه وانتي الواحد وهو صاحي ما يفهم كلامك .. كيف و هو تعبانن ينجلط ..
العنود طالعتها بنظرات عتب و صدت عنها .. مشيرة بضحكه خافته / لا تزعلين .. انا ما كذبت ..
العنود هزت راسها و هي تلف شيلتها و تطلع من الغرفة ..







ـــــــــــــ





بمجلس الرجال ..


بتال حضن الظبي و سلطان و بدا يلعب بشعرهم الا ان ناموا و نام معاهم ..
نايف بزاوية المجلس نايم ..




المتواجدين ..
" ابو سطام .. ابو عبدالعزيز .. فهد .. خالد .. سلطان .. عبدالعزيز .. متعب "..



متعب بمزاح / ها يا ابو بتال انت قلتها من قبل ان اصروا عليك تراها بوجهي ..
سلطان بضحكة / و انا عند وعدي ..
خالد بضحكه / لا تسمعك ام بتال ..
سلطان بثقة / وان سمعت .. انا ما امزح بذا الهرج .. انا ناوي التزوج ثانية ..
فهد بتحذير / سلطان ثننتين مابها مزاح ..
سلطان باستغراب و زعل / انتم ايش فيكم .. انا بزر .. و الشرع محلل اربع ..
ابو سطام و ابو عبدالعزيز اللي كانوا مستمعين فقط .. و كل له هم يفكر فيه ..
متعب قطع سرحانهم / هااا يبه .. العروس اللي خطبتها بوجه سلطان ..
ابو عبدالعزيز بحزم / انت ملزم يا ابو بتال ..
سلطان بضحكة / الله الله ..
ابو عبدالعزيز بثقه وكان الموضوع اللي يقوله لان يعاد نقاش فيه / اجل جاتك بنت ولدي و ما تنرد ..
متعب اللي كان مبتسم فجاه بهت لون وجهها و جمد و كانه احد صفعه كف .../..........
الكل بحالة صدمه .. / ....................
ابو عبدالعزيز بحزم / ايش فيك سكت .. ما دام منت قد الهرج ايش له تهرج فيه ..
سلطان شافت نظرات ابوه الحازمه و الغاضبه .. و بثقه وانا ان شاء الله صاينها و حافظها .. ونعم الاصل و الفصل ..
متعب بصدمه / يبه ..
ابو عبدالعزيز بغضب / اصصصصصصصصص ..







ــــــــــــــــــــــ







الساعة 8 .. مساء ..







بجلسة على الشاطي ..



بتال بحضنه سلطان يلعب بجوال ابوه .. و الظبي بحضن سعود ..



بتال / هههههههههههه و مشت ..
سعود بضحكه / مثل الشطوره ..
بتال / هههههههههههه جعله دايم .. مو بس غيره ..
سعود بضحكه / لالا .. دايم ان شاء الله .. عرفت وين الصمام ..
بتال ابتسم و هو يطالع بسلطان / انا ما قلت لك .. كلمت ام سلطان و قلت لها ابي ارجعك ..
سعود بجدية / ايه ايش قالت ..
بتلا تنهد / شايله بقلبها .. " و بصدمه " .. البنت شايله في قلبها بزود عليه .. برغم مو انا لحالي اللي غلطت ..
سعود باستنتاج / يمكن لك مكانه بقلبها عاليه و انت خذلتها .. ان اللي سمعته انها زعلانه على متعب ..
بتال بقهر / احسسسسن جعلهم ما يتراضون .. " و برفعت حاجب " .. وانت كيف تقارني فيه ..
سعود بسخرية / الحين خليت الب و رحت للقشر .. شغل مخك يا اخي ..
بتال بفهاوه / هاااا ..
سعود يعطي المسبحه لـ لظبي .. و با اهتمام / الحين يوم تزعل على راكان و الا احد من اخوانها ..
كيف تعامله .. ايش يقول راكان .. ايشلون هم يراضونها ..
بتال بنظرات ساخره / يعني تشبهني با اخوانها ..
سعود تافف / اوووووف .. طبعا .. انا اللي اقصده ان لو مالك مكانه بقلبها ما عاملتك بذا الطريقه ..
بتال رفع حاجب و بعدم تصديق خارجي و امنيه داخليه / ايش الاستنتاج البايخ ذا .. ما اتوقع ..
سعود جلس الظبي على الارض / طيب .. جربت تدخل نايف بالموضوع ..
بتال هز راسه / ايه .. و شكلها بصفي . وانا دخلت من نقطة الضعف .. العيال ..
سعود هز راسه / حلو .. " انتبه ان الظبي قطعت المسبحه و كانت راح تدخل فص منها بحلقها " ..
سعود شهق بخوف .. وهو ينفض يدها .. الظبي اخترعت .. و صارت تبكي ..
بتال بخوف يحملها بين يدين .. و يحضنها .. يهديها ..
سعود وقف و هو ينفض بنطلونه من الرمل / انتم اللي يقعد معاكم يجيه جلطة بالدماغ .. خلني اشوف عوبتي ..
بتال بفخر و ثقه / الحين تترك هالجلسه اللي توسع الخاطر و تروح لغثاء .. صدق من قال الحب عذاب ..
" قال الاخيره و هو يستهزاء على حاله و حال اخوه "..
سعود / هههههههههههههههههههههههههههه ..







ـــــــــــــــــــــ






ابرار و فارس جالسين بزاوية بعيده عن الكل ..



الحريم مفرشين لهم تحت الشاليه .. و الرجال مو بعيد عنهم ..
الشباب متنتشرين .. اللي يلعب و اللي يجهز العشاء ..
العنود ومشيره جالسين على الشاطي الكل يشوفهم بس ماينسمع صوتهم ..
اماني و روان و البندري و ساره .. يصورون بكاميرا كانون ..




اماني / امسكي ذا الشمعه .. و كانك تنزلين دمع على الورده .. و حطي الدب هينا ..
روان / لا تصير ثقيله كذا .. شيلي الدب ..
البندري و ساره مطنشينهم و يصلحون شغله ثانية ..
واماني و روان مو منتبهين لهم قاعدين يتناقرون ..



العنود بهمس و هي تطالع البحر قبالها / ابي ابكي مو قادره ..
مشيره بهمس وهي مثل العنود تطالع البحر / طيب ليه ما رحتي لدكتورة نفسية ..
" سكتت شوي .. و كملة بارتباك " .. انتي اللي شفيه مو بسيط .. و اللي كنتِ عايشته و فجاة تغير عليك ..
العنود تنهدت وهي تقاطعها بهمس خافت / رحت ..
مشيره بصدمه سكتت .. العنود كملت / مع نايف .. مره وحده و هربت .. " سكتت بالم " ..
مشيره سكتت الثانيه .. بعد فترة صمت / ايش قلك نايف ..
العنود بغموض / طلب بتال ..!
مشيره تستحثها على الكلام / همممم ..
العنود تنهدت / ما ادري .. مرات اقول علشان الصغار ابي ارجع له .. ومرات يشلني الخوف من الخذلان ..
بتال الوحيد بخذلانه اوجعني .. اوجعني كثير ..
مشيره ابتسمت بالم / تحبينه ..
العنود صمتت لثواني / ما ادري ..ان قلت هذا .." وهي تحط يدها على قلبها "..
لشافه او سمع صوته ما تتغير نبضاته اكون كذابه .. و اذا " و هي تحط يدها لى راسها " .. يرفضه ..
مشيره بعد صمت / لو مات ..
العنود بسرعه التفتت لها / بسم الله عليه .. جعل عمره طويل ..
مشيره ضحكه بالم / اجل لا تقضين باقي عمرك بندم .. و لا تجربين هالندم .. طعمه مر و يوجع ..
العنود طالعت البحر و سكتت .. حست بيد تلف حولها .... وبصوته المازح / ايش تحشون فيه ..
مشيره ابتسمت / فيك اكيد ..
العنود حاولت تبعد يده ما قدرت .. متعب اشر لمشيرة تروح و تتركهم لحالهم ..
مشيرة وقفت و بعدت .. راجعه لجلسة الحريم ..
متعب بهمس / اذا غلطتي اعترفي بغلطك ..
العنود بجمود / لو شخص مايعرفني كان تقبلتها منه ..
متعب بحزم هامس / مو مهم .. انتي عارفه انك غلطانه و انتهاء ..
العنود التفتت عليه وهي رافعه حاجب .. متعب و لا التفت .. / ابوي بيزوج مشيرة لعمك سلطان ..
العنود بصدمه / نعم ..







ــــــــــــــــــــ








بجلسة الرجال ..




ابو عبدالعزيز / الحين اللي اصغر منك تزوجوا و انت قاعد ...
عناد بضحكه / عجبتني .. حر .. محد يقولي و ين رايح و ين جاي .. والا اصير مثل هالخبول ..
و احد جالس هناك حاط راسه براس حرمته .. و الثاني هناك .. " يقصد سعود و فارس " ..
والا اللي يلحقون بزرانهم .. " يقصد بتال و طلال و راكان و سند " .. والا اللي يروح يشتري بذا الاكل..
و يعطي حرمته .. ماكان عمرها اكلت .. " يقصد رعد " ..
ابو سطام يضربه / اذكر الله ..
عناد / ههههههههههه لا اله الا الله .. و لا ازيدك من الشعر بيت .. و احد مغير عاقد الحواجب و يطقطق بذا الجوال ..
" يقصد بدر " .. و ياليت معطينه و جه .. و واحد ميت .. مدري من الشوق و الا الهم .. وبعض الاحيان منسي ..
" يقصد بدر " .. و واحد انخبل .. من شاف اخوانه تزوجوا و هو يصيح ..
سيف يقاطعه / اي والله زوجوني زوجوني .. قبل افسخ عقلي زوجوني ..
ابو عبدالعزيز بضحكه / ليه ما تقول لاهلك يدورون لك ..
سيف حطها بالوجه / يا عمي امي مدحة لي بنتكم .. و انا قلت لابوي ابوي قال انتظر ..
و انا مو قادر انتظر انتي اعتبرني ولدك كيف تزوجني ..
عبدالعزيز فتح عيونه للاخير .. مشهد الظهر للحين ماراح عن باله .. قبل لا يتكلم .. صار اللي خايف منه ..
ابو عبدالعزيز / جاتك .. بس صلح تحاليلك و تعال خذها ..
ابو سطام بفرحه / و النعم يا ابو عبدالعزيز .. زين الاصل و النسب ..
عناد طالع بسيف و طالع ببدر و زياد .. وهو يحرك حواجبه يعني راح فيها ..
سيف من نظرات ابوه صار يتاتا بالكلام ../ ااا .. امممم .. " بلع الكلام من شاف نظرات جده ..
قام و راح يلعب كورة مع طلال و سند و راكان وبتال .. اللي يلعبون صغارهم "..
ابو سطام ضرب رجل عناد بعصاته / انت متى تملك ..
عناد نقز في مكانه منخرع / يبه .. طيب اسمع انا بس لا تضربني ..
ابو سطام فتح عيونه / ...........
عناد بضحكه / هههههههههه على هونك يا ابو سطام .. " و بتغيير الموضوع " .. الا مالك خاطر بمكه ..
ابو سطام هز راسه بسخرية / الا والله .. " تنهد " ... وهو فيه احد ما وده بمكه ..
ابو عبدالعزيز / ايش يردك عنها .. و المدارس كم يوم و تخلص .. رح قبل الزحام ..
فهد / و الله صادق .. ومرة وحده نغير جو حتى العيال ضاقت صدورهم من زمان لا سافروا و لا استانسوا ..
ابو سطام هز راسه / يصير خير ..






ــــــــــــ







جلسة اخر ..





خالد بهدوء / هذا اللي صار و انا ابوك ..
صقر بغصه / و انا و ين كنت .. ليه ما قلتوا لي ..
خالد بحزم / الحين مو وقت وين و ليه .. انت لازم تعرف انك الحين انت رجال البيت ..
كمل دراستك .. و شف امور خواتك .. و بخصوص امور القضية هذا غيث عندك .. اساله ..
غيث كان ساكت و يطالع البحر .. صقر التفت لغيث و شاف عمه يوقف و يروح لجلسة الرجال ..
صقر بضيق / علشان كذا مشاكل بينك و بين ريما ..
غيث بدون لا يطالعه / لا .. انا وريما فيه وعد بيننا .. " تنهد " .. المهم ..
انا اخذت توكيل من ابوك .. يوكلك بكل شي .. " و بدا يسرد له الامور و يوضح له " ..
و صقر يستمع بالم و قهر و حزن ..







ــــــــــــــــــــ








بعد العشاء ..
و بوقت متاخر ..


مابقي الا الشباب و البنات صاحين ..

الشباب على فرشه .. واالبنات مو بعيد عنهم ..


العنود جالسة في بلكونه الشاليه .. ماسكه عيالها و رافضة روحتهم جهة الشباب ..
بس سلطان والظبي جننوها بصياحهم .. فقرر بتال ياخذ له فرشه و يجلس قريب من الشاليه ..


متعب و راكان و طلال و رعد يلعبون ورق ..
نايف و عناد و فارس يعلقون و يضحكون ..


نايف بدا يغني

فـي غــربتي تـغـرب النـــور عــن عــيـني
وش حـاجـتي فـي نور عـيـن غـاب غـاليها
أمر السـفـر يـا نـظر عـيني قــضى فــين
نـفـسي عـلى مـا تـعـاف امـر الله حـاديــهـا
يـمـك حبيـبي عـظيم الشـــوق يـدعيني
يسرى بعروقي كما تسرى الدما فيها
عـلـى خـطــرها حــيـــاتـي يـا مــعنـيــني
بعـدك عـطـبها وشــوفــك حيـــل يـشـفـيـهـا
أخـاوي الـلـيـل وهاجـس ليـل يــخـاويـني
يـمك سرابي داعـي الذكرى بـحـاليها
أقـضي بـدنيــا لــعـيني شـــوفـهـا مــشيني
إلى مـتـى عـيـني عـلى شـــــوفــك تــمـنـيـهـا



الكل سكت و يستمع لصوت نايف .. اماني بعفوية تنهدت ..
حتى يلتفت الكل عليها .. اماني بفجعه / بسم الله ايش فيكم ..
طلال بسخرية / اماني خانوم .. والله خفنا .. حسبنا احد احترق من تنهيدتك ..
نايف ابتسم .. اماني بعبط / لا عاد تحسبون بعدين تموتون ..
الكل طالعها بنظرات حارقة حتى تبلع ريقها و تسكت .. وسط ضحكات البنات الخافته المكتومه ..
سيف بقهر / مالله عطاني خوات سنعات .. جعل العوض فيك يا هيام ..
الكل / ههههههههههههههههههه ...
سعود وهو يرفع حواجبه و يكتم ضحكته / عاد حدك الا نوالتي .. كل العقل فيها .. فديتها ..
الكل طالعه با استغراب .. سند الوحيد اللي انفجر ضحك / ههههههههههههههههههههههههههههه ..








و بجلسه بعيده عن هالجو .. و محد منتبه للوضع ..




بتال يقسم التمره و ياكل نص و النص الثاني يعطيه الظبي ..
الظبي تقزز منها و تروح لامها اللي مو منتبه ان بتال هو اللي يعطيها الظبي و عاجبته الحركة ..
الظبي و هي تطلع بحضن امها و تاكلها التمره ..
العنود مو منتبه تسولف مع مشيره .. و بما ان بتال تحت و المكان أضأته ضعيفه مو شايفته ..
العنود و مشيرة منسجمين بالكلام و هم يتهامسون و لبسين عباياتهم و براقعهم ..
بما ان الاضاءه قوية عندهم .. العنود الظبي ترفع نقابها و تحط التمره بفمها و ترجع لابوها و هي فرحانه ..
و بتال يستمتع بخبثة و هو ياكل نص التمرة و النص الثاني يعطيه سلطان او الظبي ..


العنود بعد فتره و هي خلاص ملت من اكل التمر .. مسكت يد سلطان ..
العنود بحنان / خلاص يا ماما ..
مشيره باستغراب وهي ترفع ودها اللي نام بحضنها و توقف / هم من وين يجيبون هالتمر ..
العنود بدون اهتمام / يمكن من عند ابوهم ..



بتال اللي ارسل لسند .. و ثواني سمع صوت ضحكة سند ..
مشيرة دخلت داخل الشاليه تنيم و لدها .. العنود باستغراب طالعت جهة الشباب ..
وقفت و هي تسمع صوت ضحكات الظبي و سلطان .. شافتهم يلعبون بالرمل ..
و بعفوية طالعت جهة بتال اللي قضم من التمره نص و رمى النص الثاني و هو يضحك ..
العنود و كان الصور ترتبت بعقلها .. بخجل و غثيان رجعت لشاليه وهي معصبه ..
دخلت على طول الحمام .. " اكرمكم الله " .. حولت تطلع اللي ببطنه بس ماطلع شي ..
سمعت طق الباب .. و مشيرة تسالها بخوف / عنود فيك شي ..
العنود غسلت وجهها بقهر .. و طلعت .. و بغضب مع خجل / طلع هو اللي ياكل نصها و يرسل نصها ..
" و بقهر " .. متقصصصد .. " ضربت بطنها " .. ابيه يطلع .. اطلع ..
مشيرة تطالعها بصدمه لثواني و بعدها انفجرت ضحك ..
طلعت رنيم من الغرفة و هي تسال باستغراب .. / ايش فيكم ..
مشيره بضحكة / بتال .. اكل العنود تمر ..
العنود ضربت كتف مشيره بقهر .. رنيم رفعت حواجبها / نعم .. لا فهموني .. كيف صار ..؟







ـــــــــــــــــ






الفجر ..




العنود و نايف جالسين على الشاطى ..
نايف بهدوء / ها .. ايش رايك ..
العنود تنهدت بتعب / نايف ايش فيك .. قلت لك ابي افكر مالي يوم من قلت لك ..
نايف تثاوب / طيب .. انا رايح انام .. الساعة 11 راح نرجع عندك خبر ..
العنود بضيق / ايه .. " و بقهر " .. انا امس ماقلت لك تنيمونهم .. " وهي تطالع سلطان والظبي ..
نايف بضحكه / ههههه اصل داخوا الحين اول ما تحطينهم بفرشتهم ينامون ..
العنود بابتسامه / طيب .. جيبهم لي ..
نايف بخبث / اقول عنود .. كانك لينه بموضوع الرجعه .. مثل اللي يقول مستحي مشتهي ..
العنود فتحت عيونها للاخير .. نايف / هههههههههههه " وهو يبتعد " ..








ــــــــــــــــــــــ








الساعة 11 ..





الكل عند سيارته ..



عناد .. / من اللي بقي من الشباب معطيناه شغله ..
سند / رعد و عمي عبدالعزيز و ابوي و صقر راحوا ..
من بقي .. سيف و فارس و ياسر و بدر و من " و بتذكر " .. راكان و بتال وطلال معاهم اهلهم .. من باقي ..
عناد بثقة / محد ..
سامر / زياد ..
عناد / اووووووووه صح زياد .. " و بمزاح " .. زياد ذا ابد ماله حس .. " ابتسم " ..
يا اخي البنات و جودهم اقوى من وجوده .. هههههههههههه ..
زياد الي كان جالس بسيارته و معطيهم قفاها حتى يحطون شي فيها .. و هو يشوف جواله اللي طاح بالبحر ..
احتراق او سلم .. جمد كل مافيه .. حتى انفاسه صار متقطعه ..
ساره كانت بالسيارة برعب طالعت فيه .. و في ملامح و جهه اللي تغيرت بشكل يخوف ..







بتال كان يربط الحبل على الفرش اللي بالددسن 2013 ..
بتال معصب .. ما شبع نوم .. و لقي الشباب حاطين على ظهره اشغال ..
التفت على فارس اللي مشغل الاغاني و رافع الصوت ..


هيلا هيه
هيلي يلا
هيلا هيه
هيلي هيلي يلا

One two three four five six seven eight nine ten
ولد ولد ولد ولد ولد

سيدي يلبس باروكة
وأنا قرعة قرعة ليه
ليه ليه
قرعة ليه
ليه ليه

سيدي يركب روز رايز
وأنا هوندا هوندا ليه
ليه ليه
هوندا ليه
ليه ليه

سيدي يشرب ريد بول
وأنا كولا ليش ليه
ليه ليه
وأنا كولا
ليه ليه
ليه ليه





بتال التفت بعصبية و صرخ / فااااااارس ..
فارس رفع راسة باستغراب .. كان يراسل ابرار على الواتس و مندمج و ناسي العالم .. ببرود / هلا
بتال بعصبية / و طي صوت هالخربان .. وقوم ساعدنا ..
فارس بابتسامه / روق يا عمي .. و اسمع ..


يا بو الشويره الحمره و ناشرها ع الرمانه
دق الماني دق الماني
طولك يا عود الريحان و العيون الغزلاني
دق الماني دق الماني
يا بو الشويره الحمره و ناشرها ع الرمانه
دق الماني دق الماني
طولك يا عود الريحان و العيون الغزلاني
دق الماني دق الماني
ثلاث غزلان بعيني وردن ع البير الغيداني
دق الماني دق الماني
ويلي ع غزيل شارد حود ع العين و ما جانمي
دق الماني دق الماني
يا بو الشويره الحمره و ناشرها ع الرمانه
دق الماني دق الماني
طولك يا عود الريحان و العيون الغزلاني
دق الماني دق الماني
جانا الخبر من قبله شوقي لابس مبرومه
دق الماني دق الماني
و شلونه و أرباع أرباع بصدر الغالي مبرومه
دق الماني دق الماني
يا بو الشويره الحمره و ناشرها ع الرمانه
دق الماني دق الماني
طولك يا عود الريحان و العيون الغزلاني
دق الماني دق الماني
ثوب المزيون مطرز رماني بس خيوطه
دق الماني دق الماني
و العرجه لون الهدبان فوق جبينا مربوطه
دق الماني دق الماني
يا بو الشويره الحمره و ناشرها ع الرمانه
دق الماني دق الماني
طولك يا عود الريحان و العيون الغزلاني
دق الماني دق الماني




كانت طالعه من الشاليه .. مستعجله .. ساره خوفتها بالمسج اللي ارسلته لها ..
" زياد فيه شي مو طبيعي .. تعالي بسرعه .. انا خايفه " ..



بتال اللي التوى الحبل بطريقة موجعه في اصباعه و جرحه ..
و صل حده من الغضب ..
ترك الحبل .. حتى يسحب عقاله و يرميه بقوة جهة فارس ..


كانت محتاره من فين تعدي .. " تمشي " ..
السيارات مقفلة المدخل ..
اضطرت تمر بين الددسن و سيارة فارس ..




التفت الكل بفزع و استغراب .. لمن سمعوا الصرخه ..






انتهى ..


الحمد الله .. سبحان الله .. الله اكبر ..



ما شاء الله تبارك الله ..



اتمنى يعجبكم ..


واعذروني على التقصير و الاخطاء الاملائية ..

والله الله بالتقييم الزين ..



اختكم ..


مشاعل السعودية ...

السلام عليكم
تسلمين ميشو الله يعطيك العافيه

العنود الشخصيه الأسطورية الي كل ماتحركت او راحت مكان كانت محط أنظار العائله حتى في حكيها
الي عرفناه أن شخصيتها قويه بس كان سكوتها عن بتال في بدايه حياتهم يدل على صدمتها فيه مثل ماقال سعود أي كانت تميل له أو حبتها من كلام أبوها عنه وهو الشخص الي تمناه زوج لها فكان طلاقه صدمه قويه وسبب هروبها
لكن هل قلبها بيغفر زلات بتال عشان حبها لها أوبتتنازل عشان الظبي وسلطان بس مع كبريائها و حقدها ماضنتي

وبتال وعيالها ويش يحسون فيه يقال الحين نص التمره بتجمعكم صدق غبي ماغير لوعة كبدها الله يلوع كبدك
أتوقع لو تثقل وتسفهاء وتترك حركات المرهقين والتنطط كل شوي
هي بتجيك وتدور وراك وبتتحجج بعيالها

نجي لي الصدمه الي مابلعتها كيف مشيره بتبلعها وها العرض من ابو عبدالعزيز
عمره الزواج ماكان أستهبال في مجالس الرجال
متى يابني قومي تعلموا ذاك ؟؟؟<< معصي يفهمون أو يتغيرون أحسها طقوس وعاده متأصله في مجالسنا
أبو بتال غلط في عرضه للموضوع بهذي الصوره وعلى سبيل الاستهزاء وان كان صادق في رغبته بالثانيه ثلاث جدهن جد وهزلهن هزل وهو يبها من الله وجات على الكيف بس فكر قبل يوافق انها تناسبه على الأقل يقول شاوروها ماهو خذني جيتك كانه بضاعه
إحساسي يقول أن أبوه كان رافض زواجه فما صدق انه ابوعبدالعزيز يعرضها عليه فوافق ولا ليش خزه بذيك النظرات
وهو لاأحترم عياله ولا حضور أخو الجوهره وغيث حاضر معهم بالشاليهات مهما كانت الجوهره مستخفه وتستحق الي جاها وزود بس أقلها حط خاطر لللعشره الي بينكم

ومشيرة وش بتكون ردة فعلها للموضوع وهم باعوها ولاأخذوا رأيها وهو حق من حقوقها طبعا بتبلع لسانها وتوافق مجبره واصلاً مايجوز نكاح الثيب إلا بذنها وأن وافق ولي أمرها بس حنا عندنا العكس يجبرها ولا يرد لها خبر وبعدها يقول تبين تسودين وجهي وتصغريني في المجالس

وزياد وش صار عليه الله يستر من مفاجعاتك الي فهمته أنه نزل يأخذ جوله الي طاح بس ايش صار يمكن قرصه شي و أحس انه تذكر شي صار له وهو صغير في البحر

وبعدين ميشو منتي حاسه ان العنود صايره طرزان ماغير تصارخ كل مره وتراكض أن شاءالله ركان هالمره يعطيك كم تهزئه


ننتظرك ميشو بكل ود

العنود
عنيدة متكبرة حاقدة مليئة بالالم كتمت وتحملت وما دافعت عن نفسها وحقدت على اخوانها
يمكن حتى على نفسها كان من البداية قدرت تشرك اخوانها بهمومها واوجاعها بدون ما تكون هية محور كل شي
اعتقد ان الظبي زرعت حقدها كله فيها من هية وصغيرة ومحت وجود للعنود
وصارت الظبي بس بشكل ثاني
بتال
ما ادري ليه ما احس فيه ابدا ولا احسه يحب العنود يمكن حتى هو ما يدري ليه حب العنود
او هو يحبها او لا قوتها جذبته او لانه ما يبي تكون لغيره ويضغط عليها عشان العيال


سند
غموض اعشقه فيه يمكن لو العنود له كان صاروا ثنائي خطير اتمنى ان اعرف سره
واحسه يفهم اكثر من بتال وعقله داهية