السلام عليكم ورحمة الله وبركاته

بسبب خراب بجهاز كاتبتنا العزيزة مشاعل السعوديه

طلبت مني اني انزل البارت عنها

تفضلوا قراءه ممتعه

*











"





بسم الله الرحمن الرحيم ..

السلام عليكم ورحمة الله وبركاته ..

الحمد لله والصلاة والسلام على رسول الله ..

توكلنا على الله .. لا اله الا الله محمد رسول الله ..





البارت 40 ..




ياوجودي وجد منهو خاب ظنـه
في عشيرن هاقين فيه الهقـاوي
خـاب ظنـه والليالـي خالفنـه
وخاب ظنه بالرفيق وبالعـزاوي
جار وقته والصواديـف ابتلنـه
لين طاح من المقادير امتسـاوي
هل دمعه يوم كلـن صـد عنـه
وزاد همه وابتلا بكبـر البـلاوي
وسط سجنه يلحق الونـه بونـه
عقب ماهو بالكرم حرن نـداوي
ايتطيب دون فضـل ودون منـه
وانعطى فالطيب اله كفن رهاوي
والليالـي عقـب عـزه حولنـه
ولابقالـه لاصديـق ولامخـاوي
اتوجـد مثـل ماصابـه واكنـه
همن اونس منه وسط الكبد لاوي
من سبايب واحدن رديـت عنـه
ولاتجيبـه لامفازيـع ومنـاوي
اتوجـد يـوم الايـام ابعـدنـه
وانتحتبه لين عدتـه الحـراوي
مل قلبن عقبها اهمومـه طونـه
مثل طي الحبل في سرد المطاوي
والطواري عقبها القلب ازعجنـه
ولاتريح خاطري دايـم شقـاوي
واعذابي من غلاها يوم احنـه
حن ذودن حن ففجوجن خـلاوي
حـن يومـن الليالـي ضيعنـه
في نفوذن بين هاوي وبين عاوي
وغرهن شوف السراب وطردنـه
واهلكن في مهمهيات ومشـاوي
قمت احن ودمع الاعيان اذرفنـه
من هنوفن مالها عندي مسـاوي



" منقول " ..






" باستراحة البنات " ..



باحد الزوايا ..


شجون واقفه متوترة .. طالعت حولها بضياع .. وبين اصابعها جوالها .. جالكسي اس 3 .. تحركة بشكل دائري ..
كرسيين من جلد .. ابيض مخططه بالاسود .. " كـ جلد الحمار الوحشي " .. و خداديات حمراء ..
جدار ملبس بالمخمل الاحمر .. وعليه كرستالات سوداء .. و جدار اخر مقابله ابيض بكرستالات حمراء و سوداء ..
العنود كانت جالسه على وحدة من الكنبات .. و تطالع شجون اللي واقفه قبالها بنظرات حادة ..
نزلت كاسة العصير على الطاولة الي جنبها .. وبحدها هامسه / اجلسي ..
شجون ترفع الخصلة عن وجهها بتوتر .. / ما ابي اقعد .. ابي اروح للبنات ..
العنود رفعت حاجب وبرود / يعني ما تبين تتكلمين ..
شجون بقوة / قلت لك .. صديقتي .. بس انتي ما تبين تصدقين ..
العنود طالعتها بنظرات غاضبة .. وهي تزم شفايفها بغضب ../ ........
شجون بقوة عين .. طالعتها وهي تصرخ / انتي لانك ما انتي خاليه تبين تخلين الكل مثلك ..
العنود باستغراب عقدت حواجبها / نعممممم ..؟؟
شجون بغرور / عبدالله .. حبيبك ..
العنود فزت واقفه و تقدمت لها بغضب شدت بلوزت شجون من البطن .. وبغضب / انا لو غلطت .. اعترف ..
مو مثلك .. اكذب و ازيد فعلي شين فوق شينه .. " وبتهديد " .. لكن ما دام هذا رايك .. يتصرف معاك اخوك ..
ابعدتها و كانت بتطلع و تروح للبنات .. بس وقفت اول ما مسكتها شجون .. العنود طالعتها بنظرات غرور ..
شجون بضياع / لا تروحين ..
العنود طالعت شجون بغموض .. شجون بضيق توجهة للكرسي و جلست عليه ..
العنود بهدوء جلست على الكرسي و حطت رجل على رجل .. و صارت تطالع لشجون ..
شجون بارتباك / امممم .. اكلم .. ياسر ..
العنود نزلت رجلها و تقدمت لشجون وهي تتكي بيدها على ركبها .. و بتساؤل / من ياسر ؟؟..
شجون بتوتر وهي تشتت نظرات على المكان .. نزلت راسها بخجل / ياسر ولد عمي فهد ..
العنود بصدمه / ......................
شجون لمن ما سمعت صوت من العنود .. رفعت راسها و شافت نظراتها المصدومه ..
شجون بارتباك / اااا .. اممم .. والله ما اكلم غيره .. هو كانه خطيبي .. يعني ا....
قاطعتها العنود بذهول .. / شجووووون .. انتي تتكلمين من صدقك .. ولا تكذبين والا تستغبين .. شنو وضعك بضبط ؟؟..
شجون تغمض عيونها وتفتحهم .. بعدم استيعاب .. / لا من جد ..
العنود بغضب وهي ترص على اسنانه / استحييي .. اخجلي .. " وقفت بقهر و صارت تدور بنفس المكان " ..
و بحزم / من متى تكلمينه .. و كيف صارت ابي اعرف كل شي .. كل شي .. حتى من يعرف بموضوعكم ..
شجون بتوتر .. ما تدري ليه هي حابه تتكلم بالموضوع مع احد غير سميه .. و خايفه .. لو عرف ياسر يزعل ..
العنود تضربها بقوة على كتفها .. وبحدة / تكلمي ..
شجون بخوف / بس لا تعصبين .. ولا تقولين لاحد ..
العنود ترفع يدها وكانه بتعطيها كف .. / انطقي و مالك دخل باللي راح اسويه ..
شجون .. بغصة و ارتباك / اول كان مزح معاي .. عادي .. مثل غرام و اماني و نوال ..
و بعدها بدا يتصل يسال عن غرام بوقت مرضها .. وبعدها صار مزحه معاي غير عن البنات .. وبعدها صار يرسل ..
العنود تقاطعها بسخرية / وانتي رضيتي على طول طبعا ..
شجون بسرعة / لالا .. لا والله .. بس هو .. " وسكتت " ..
العنود تطالعها بنظرات قاتله / هو ايش ..
شجون برجاء / لا تطالعيني كذا طيب ..
العنود رفعت حاجب وطالعتها بنظرات وكانها تقول لها " تامرين بعد " .. وبهدوء / كملي ..
شجون تنهدت / اول شي انا تهاوشت معاه .. وقلت له اذا ما بطل حركاته راح اقول لعناد ..
بس هو قال انه انا خطيبك .. بس انتظر الكبار يتزوجون .. يعني فارس وسيف وبدر وعناد ..
و قال بدال ما نتزوج بطريقه تقلديه مثل سند و طلال و.. " سكتت .. وكملت بارتباك " .. يعني ... " ورجعت سكتت " ..
العنود بهدوء وهي تجلس على الكنبه / ومثل بتال .. و راكان ..
شجون / ................
العنود بسخرية / نعيش قصة حب مثل لميس و مهند .. والمسلسلات التركية الكذابه ..
شجون بلعت ريقها .. وطالعت لـ العنود .. العنود لفت يدينها على صدرها .. وبهدوء / هممم صح كلامي ..
شجون هزت راسها .. وبدفاع .. / بس هذا شي عادي بالعائلة .. راكان يحب سمر و عناد يحب غرام ..
العنود عقدت حواجبها .. / راكان صح يحب سمر .. وكان معروف بس ما سوء شي حرام .. وكان بـ العلن و تزوجها ..
" وباستغراب " .. و عناد يحب غرام .. كيف .. " وبصدمه " .. يكلمها ..
شجون هزت راسها بارتباك / لا .. ما ادري .. غرام ما قالت .. بس انا حاسه .. و اصلا غرام مخطوبة له من زمان ..
بس ما ادري ليه خطب ريهام .. وهذا هو طلع غير نتائج الفحص علشانها .. " سكتت اول ما شافت العنود تاشر لها " ..
العنود حست بوجود احد خلف الجدار .. وقفت وراحت تشوف اذا احد موجود وما شافت احد .. ورجعت لمكانها ..
العنود بهدوء / ومن قالك عن هالاشياء ..
شجون تطالعها باستغراب ../ اشلون يعني .. من .. من قالي .. ما فهمت ..
العنود تنهدت بهدوء وهي تلف يدينها على صدرها / يعني من نبهك على حركت عناد .. " وبسخرية " ..
يعني بصراحة .. فكرة تغير نتائج الفحوصات ما تطري الا على العاشق الولهان وبقوة .. روميو ..
شجون قلبت وجهها لزعل .. العنود بحزم / قولي لي .. من الي يعرف بالسالفه ..؟؟
شجون بضيق / محد .. غرام شاكة بس انا ما سمحت لها ..
العنود بنبرة مقصودة / علشان كذا تهوشتوا بالمزرعة ..
شجون صدت عن العنود .. العنود تكمل ../ طيب .. البلاك بيري .. من يعرف عنه ..
شجون بصدمة وهي تلتفت لها / بلاك بيري .. " وبارتباك " .. ما عندي ..
العنود بحدة / لا تكذبين .. ادري عن البلاك بيري و الاي فون .. " وبهدوء " ..مو عيب انه يكون عندك اكثر من جهاز ..
ولا خطاء .. بس الخطاء انك يكون مخبيته عن الكل .. يعني اكيد فيه شي خطاء ..
شجون هزت راسها .. وهي تصد عن العنود / لالا ..
العنود بهدوء / طالعي فيني و قولي انه مافيه شي خطاء ..
شجون بعد فترة طالعتها بارتباك / ما فيه شي .. " نزلت نظره " .. وانا مخبيته علشان عناد ما يحبه .. وبس ..
العنود بنبرة مقصودة / وياسر ..
شجون تهز راسها / بس الاي فون يعرف عنه .. لانه هو جابه ليه ..
العنود بسخرية و كانها معجبة / والله .. امممم .. " و بجدية " .. من يعرف بقصتك معاه .. من صديقاتك ..
شجون بارتباك / ليه يعني .. " وبنفي " .. محد يعرف ..
العنود تطالعها بنظرات يعني " ما صدقتك ".. / .........
شجون تنهدت / بس صديقتي .. مو من العايلة يعني هي اجنبية ..
العنود رفعة حاجب وبسخرية / وهي المستشارة .. " وقفت و تنهدت " .. المهم .. هالعلاقة تنهينها ..
وانا مو مثل غرام .. " وبتهديد " .. ان ما انهيتوا هالمهزلة انتي و الي اسمه ياسر ..
راح اقول لعمي سلطان وهو يتصرف معاكم ..
شجون توقف برعبه / لالا العنود .. الله يخليك كذا راح تخلين ياسر يكرهني .. ويمكن ما نتزوج ..
العنود ابتسمت بسخرية / وانتي على بالك بعد اللي صار بيتزوجك .. " شجون تطالعها بصدمة " .. لا ..
" وبجدية " .. وان صار و تزوجتوا .. راح تعيشون بزواج سليم .. لا .. بيقعد شاك فيك وبكل حركة ..
شجون تغير لون وجهها .. و بهت .. جلست على الكرسي .. العنود حست بانه فيه شي ثاني مخبيته ..
العنود باهتمام / فيه شي ثاني ..
شجون هزت راسها .. " لا " .. العنود تقدمت منها وبحنان .. / حبيبتي .. انا خايفه عليك ..
شجون بضياع وغصة / العنود .. انا نفسيتي تعبانه .. " نزلت دموعه " .. ما ادري ايش اسوي ..
العنود جلست قبالها .. و رفعت اصباعها لفوق / فوق رب .. رحيم و كريم .. ادعي و صلي و هو كفيل بكل شي ..
شجون مسحت دموعها وهزت راسه / والنعم بالله .. " ابتسمت " .. شكرا ..
العنود و قفت و ابتسمت / العفو .. ومتى ما حبيتي تتكلمين او واجهتك مشكلة انا موجودة .. والغريبة ترا ما تنفعك ..
فابتعدي عنها .. " شجون طالعتها بغموض .." يالله خلينا نطلع للبنات .. " شجون وقفت و طلعت معاها ..






ــــــــــــــــــ







بشاليه ..




قاعد على الكرسي .. وقباله راشد ياكل ..
سند بحزم / عندك ملف عن البلاوي اللي مسويها ..
راشد وهو ياكل فخذ الدجاجة / لا ...
سند عصب بس مسك نفسه .. زفر / اووووووف .. " سكت شوي .. و بنبرة مقصودة " .. دلال ..
راشد غص بالاكل وصار يكح .. شرب من كاسة الماي .. و طالع سند .. عقد حواجبه / من دلال ؟؟
سند بخبث / افاااا .. نسيت دلال .. دلال بنت جارك الي با ابها .." وبجدية " .. تذكر عوض .. اخوها الصغير ..
كبر و صار رجال .. ويدورك .. و نبش الملف من اول وجديد .. و ملف فتح ملف و طلع ملف ..
و كل يوم ينسحب خيط .. و كبر الموضوع .. وانفتحت ملفات سجن المدينه .. و القضية الاولى .. تذكرها ..
انفتحت بعد .. " تنهد " .. المسائلة طلعت من تحت يدينا .. و خالي سطام توفى الله يرحمه .. وتركي توفى ..
راشد بخوف مع عصبية / كيف يعني .. ايش تقصد ..
سند وهو يرجع ظهرة على الكرسي و حط رجل على رجل .. لف يدينه على صدره .. و ببرود / مؤبد .. او اعدام ..
راشد بصراخ / لااااا .. سجن مرة ثانية .. لااااا ..
سند بعصبية / وما دام ما تبي السجن وخاف منه .. ليه ما تعدلت .. ليه ما احترمت شيبتك ..
لمتى وكنت تعتقد بتقعد كذا .. حر .. تسوي اللي تبيه و محد يعاقبك .. ان ما اخذت عقابك بدنيا تلقها بالاخره ..
سند وقف و كان بيطلع .. راشد يصرخ عليه / لحضضضضضه ..
سند التفت عليه ببرود .. راشد بخوف وذل / لا تخليني .. وكلي محامي .. شف محامي سطام ..
شاطر وذكي .. و عنده واسطه .. اكيد ما راح يخليني .. كلمه ..
سند ببرود / ما اعرفه .. ولا اعرفك .. راح اسلمك لهم .. " طلع وقفل الباب بالمفتاح و هو مطنش صراخ راشد " ..
بعد ما طلع من الشاليه .. سند بصوت عالي / حسني ..
جاه حسني يجري / نعم يا باشا ..
سند بضيق / لا تفتح له الباب ابد .. واذا فتحته لا تفتحه لحالك .. ناد الجماعية يكونون معاك ..
حسني يهز راسه / فاهم يا باشا .. ما تخفش ..
سند طلع مفتاح سيارته من جيبه و توجه لسيارته .. شغلها و تحرك .. وحسني يدعي له .. " ربنا معاك " ..






ــــــــــــــــــ





بيت ام عزام ..



ريما لبست بيجامة و جلست على قبال التسريحة تمشط شعرها .. طالعت غيث من المراية و شافته سرحان ..
له كم يوم بس سرحان و وجهه واضح عليه الهم .. نزلت الفرشة وحطتها بدرج .. تعطرت وتوجهت لغيث ..
وقفت قباله و هي تفرك يدينها في بعض بهدوء ... وبحنان / غيث ..
غيث رفع عينه فيها وابتسم بهدوء / لبيه ..
ريما ابتسمت وهي تتقدم منه الا ان جلست جنبه على طرف السرير .. وبحنان / ايش فيه حبيبي في ايش يفكر ..؟
غيث ابتسم وهو يطالع تفاصيل وجهها وكان اول مره يشوفها .. ملامحها طفوليه حادة .. لمن يشوفها يجن ..
ريما حمر وجهها خجل ... وصدت عنه .. حست بيد غيث اللي تشدها لحضنه .. طاوعته وهي تدخل حضنه الدافي ..
غيث يقبل عنقها .. لف يدينه حولها وضمها بقوة لصدرة .. ريما رفعت راسها وطالعته بنظرات غامضة ..
ريما بهدوء / طلعت نتائج الفحص ..؟؟
غيث تنهد .. و بهدوء / بكرة ..
ريما عقدت حواجبها / طيب ايش فيك ..
غيث طالعها وسكت ثواني و بعدها ببرود / لو طلع العيب مني .. راح اطلقك ..
ريما فتحت عيونها للاخير بصدمه .. / .................
غيث ضمها لصدرة وكانه ما قال شي / .............
وريما بقيت جامدة بحضنه / ................







ـــــــــــــــــــــــ






بيت ابو سند ..



طلعت من الحمام .. " اكرمكم الله " .. وزعت المرطب على جسمها .. ونشفت شعرها و مشطته .. وتعطرت و لبست ..
التفتت باستغراب في الغرفة .. ماسمعت صوته غريب .. ممكن راح لغرفة فهد .. اخذت الروب و لفته على جسمها ..
وطلعت من الغرفة .. ودخلت لغرفة فهد .. شافت ولدها نايم بهدوء .. طلعت من غرفته التفتت بالصالة ما شافته ..
شافت اضائة المكتب مفتوحه .. توجهة للمكتب .. دخلت بهدوء .. طالعت سند باستغراب .. و تقدمت منه ..
كان لبس بجامه سوداء بكتابه انجليزية بيضاء .. ماسك قلم رصاص و مثلث و اداوات هندسة قريبة منه ..
رنيم بهدوء مع استغراب / سند ؟؟..
بدون لا يلتفت عليها وهو عاقد حواجبة بعصبية .. / هممممم ..
رنيم اول مرة تشوفه بهالحالة .. يرسم و يخطط و يكتب وكانه يحارب مع الادوات .. طلعت بهدوء من المكتب ..
جلست على الكنبة في الصالة وهي فتح التلفزيون .. قصرت الصوت وصارت تقلب بالقنوات بطفش ..
رفعت شعرها عن عيونها و شدته لفوق شوي .. التفت على سند و شافته ما زال على وضعه ..
قفلت التلفزيون ورمت الريموت الكونترول على الكنبه .. وتوجهة لغرفتها .. توجهت لسرير ..
رفعت الفرشة و دخلت تحتها .. غمضت عيونها لكن النوم جافاها .. تذكرت شكل سند ابتسمت ..
وبداخله " العقل نعمه .. هالشايب خرف " .. قطع تفكيرها صوت سند ..
سند بسخرية / خير .. تبوسمين وعيونك تطالع السقف .. استخفيتي .. الحمد الله على نعمة العقل ..
رنيم رفعت حاجب وطالعته .. وبسخرية / من اللي استخف .. الي يتضارب مع المسطرة والمثلث و الا اللي نايم ..
سند فهم انها تقصد اخذ الفوطة ونشف وجهه و يده من اثر الماي .. رمى الفوطة على الكنبة و رفع الفرشة ..
ونام معطيها ظهره .. رنيم طالعته باستغراب وهي رافعه حاجب .. نفضت الفرشة وتوجهت لشنطته ..
طلعت الجوال و خلته على الصامت .. رجعت لسرير و نامت على الفرشة .. اول ما حست سند يلف عليها ..
صدت عنه .. مرت دقايق وهي تسمع صوت انفاسه .. واضح انه ما نام .. ابتسمت وهي تفكر بخبث ..
جمدت ملامحه اول ما حست بأصبعه على مكان جرحها القديم .. سند وهو يمرر اصبعه ببرود على اثر الجرح القديم ..
باسفل الساق من الخلف .. سند بخبث يخفيه / اممم رنيم .. كيف انجرحتي هنا .. الاثر يقول ان الجرح كبير ..
رنيم و صدرها يطلع وينزل بعصبية / .................
سند بهدوء خبيث وهو يهمس / ما تبين تقولين سالفة هالجرح اللي صرت اغار منه ..
رنيم التفتت عليه و ببرود / عادي .. وانا صغيرة .. العب مع خواتي .. طحت وانجرحت ..
سند يعلب بشعرها .. يلف خصله من شعرها على اصبعه ويفلته .. وبهمس / امممم .. كيف صار ..
رنيم بقهر وهي تنفض يده شدت الفرشة و تغطت .. وبعصبية / وانا ايش يدريني كنت صغيرة ما اذكر ..
سند شدها لحضنه وهو يحط يده على فمها .. وهمس بصوت خافت جمدها / هيييششششش .. راح يسمعون صوتك ..
رنيم جمدت عيونها .. صارت تتنفس بخوف .. سند كان ينتظر ردت فعلها .. حس بارتعاشها ..
رفع نفسه و شاف دموعها اللي تسيل و هي فاتحه عيونها بصدمة وخوف .. جلس بسرعه و هو يجلسها معاه ..
سند ضربها على خدها بهدوء .. وبخوف / رنيم .. رنيم .. ردي عليه ..
التفت يشوف وين جك الماي شافه على الطاولة .. بسرعه توجه له صب كاسة و جبها لرنيم ..
شربها منه و رش على وجهها .. رنيم تطالع بسند بغضب وخوف .. وكل الموقف اللي صار يرجع لها ..
" الجدار .. الصوت الغريب .. ابوها .. طلق النار .. امها .. دلال .. " ..
سند ضم وجهها بين يدينه .. وبهدوء / رنيم .. حبيبتي ..
رنيم ابعدته عنها ويدها ترجف .. و بصوت يرجف / انت قاصد اللي سويته ..
سند طالعها بهدوء .. وببرود / خفت ان صوتك يزعج فهد ويصحى ..
رنيم بقهر / لا تكذب ..
سند طالعها بنظرات غامضة / قاصد او لا .. ايش تفرق ..
رنيم ودموعها تسيل .. وبقهر وحقد و كره / اكررررررهك .. " دفعته وابتعدت عنه وهي تجري متوجهه لغرفة فهد " ..
سند رفع يده على راسه و صار يشد شعره بتعب و قهر .. رمى جسمه على السرير و غمض عيونه يفكر باللي صار ..
و بعز افكاره .. اسرقه النوم ..








ـــــــــــــ





يوم جديد ..




بالجامعه



رنا بابتسامة / سلام عليكم ..
صديقاتها " لوجين .. نهى " / وعليكم السلام ..
رنا بابتسامة / لولو كيف الجامعه بعد الزواج ..
لوجين ابتسمت / رووووووعه .. ههههههههههههه ..
.........بصرخة / لووولووووو .. هههههههههههه .. " جيهان " ..
لوجين وقفت بضحكة / ههههههههههه .. شوي شوي " وحضنتها "..
جيهان تجلس بين رنا ولوجين / هااا كيف الزواج ..
لوجين بابتسامة / تمام ..
جيهان بجرائتها المعروفة / هاا كيف أول ليلة " وغمزت لها " ..
لوجين / ههههههههههههه هذي جوجو ههههههههههههه ..
جيهان / ايوه حبيبتي على بالك ابي انسئ .. يالله غردي ..
رنا بصدمة تطالعهم مامزوجه بخجل وتفاجات اكثر وهي تسمع كلام لوجين وضحكات جيهان ..
وقفت وهي تاخذ شنطتها وكتبها وتمشي بسرعه مطنشة تساؤلات و ندأت لوجين ونهى وجيهان ..






ــــــــــــــــــ






قصر ابناء سطام ...




العنود رمت الفوطة على العلاقة .. التفتت على جناحة الجديد .. مكون من غرفتين نوم و غرفة ملابس ..
و صالة ومطبخ صغير و حمامين " اكرمكم الله " .. تنهدت بتعب ..
وبهمس / رجعنا لبيتنا يا ابو راكان ..
دخلت ساره وهيه فرحانه .. / ههههههههههه .. عنود ما توقعت جناحي كذا .. " تنهدت بفرح " .. حسيت نفسي اميرة ..
العنود ابتسمت لها / وانتي اميرة و احلا اميرة بعد ..
ساره ابتسمت / ايه .. ترا راكان يقول ان فيه مسوي عزيمة اليلة في البيت ..
العنود عقد حواجبه / صاحي ذا .. عمتي بالمستشفى و اولادها .. وغير جدي منصور و اللي هم فيه ..
ساره بهدوء / سمر قالت له ما يصير اليوم وهو صارخ و هب فينا ..
العنود توجهت لتسريحة ومشطت شعرها ورفعت بشباصه وهي تفكر .. التفتت على ساره / انا راحيه اكلمه ..
طلعت من جناحها بعد ما تاكدت من نوم الظبي و سلطان .. ولحقتها ساره ..





في الصاله ..




العنود بهدوء / خير ..
راكان وهو ياكل من الفطاير .. ويشرب شاهي / اقول انا عزمت .. والذبيحة عند الطباخ ..
العنود بهدوء / ومن عزمت ..
راكان يبلع الاكل / عمامي وعيالهم .. وانتم كلموا الحريم ..
العنود هزت راسها و بهدوء ونبرة مقصودة / ابشر ..
راكان وقف اكل لثواني مستغرب نغمتها طالعها شوي و رجع ياكل من الفطاير .. / .......
سارة طالعت العنود باستغراب .. العنود وقفت .. وتوجهت لتليفون .. ضغطت على كم رقم .. ابتسمت / الو ..
هلا جدتي .. ايشلونك .. الحمد الله .. تسلمين ربي يخليك لنا .. ايه .. الله يحيك الليله ..
لا ابد بس ابو شيخة مسوي عشاء .. هلا .. ايه انا الحين اكلمهم .. لا لا .. مابه غريب ..
بس حريم عمي وعماتي و بناتهم .. ايه صغيرة الكبيرة بعدين ان شاء الله .. يا مرحبا بكم ..
قفلت السماعة والتفتت على راكان وبابتسامة / تامر يا ابو شيخة ..
راكان طالعها بنظرات " يعني فاهمك " .. ورجع ياكل بالفطاير .. / ................
العنود تقدمت منه واخذت الفطيرة اللي بيده / خل لنا شوي ..
راكان ابتسم و هو يبلع الاكل .. وبنبرة مقصودة / ايش عندك !!..
العنود ابتسمت بخبث / زين انك فاهم اني عارفتك مثل .. " ورفعت كفها " .. كفي .. يعني لا تلعب معي ..
راكان رفع حاجب و وقف .. / هممممم .. العب ..
العنود وهي تاخذ كوب الشاهي تبع راكان وتشرب منه و بهدوء / وااا وصل هالعلم لجدك وولد عمك ..
راكان يسحب منها الكوب و هو عاقد حواجبة / جدي و ولد عمي .. " اشر لها براسه ما فهمت " ..
وبعدين من سمح لك تاخذينه و تشربين منه " يقصد كوب الشاهي " ..
العنود طنشته بخبث وهي تتوجه لجناحها .. / ورانا تجهيزات للعزيمة .. مو فاضين لك ..
راكان ابتسم .. و جلس على الكنبة وهو يشوف سارة راحت لجناحها و سمر اخذت شيخة وراحت لجناحها ..
التفت يطالع في الصالة بحنين وشوق .. ايام كان كل شي بحياة ابوة .. كل الاهتمام منصب عليه ..
وفجاة تركه بدون سابق انذار .. من سفره لسفرة .. صار سلطان هو المسؤول عنه .. و ابوه سعود ..
اما ابوه سطام فما كان يسال عنه زيي ما يظن .. رفع عينه على الوحة المرسومه و بنص الصالة معلقه ..
سطام وبحضنه ساره و نايف بيد راكان الواقف يمين ابوه و زياد على يمين راكان والعنود جالسه على طرف الكرسي ..
تنهد بحنين والدمع عالق بعيونه وقف وتقدم من الصوره وبهمس / سامحني ..





ــــــــــــــــ






"






بالمستشفى ..



عناد يرجع جواله في جيبه .. / هذا راكان يعزمني للعشاء ..
بدر بهمس / روح ..
عناد رفع حاجب / وانت .. لا مو رايح .. وتعذرت منه ..
بدر تنهد / مسكوا الرجال ..
عناد بعصبية / ايه .. و حطوة بالمستشفى الصحة النفسية .. الحين لو ..... " ما كمل كلمه " .. اعوذ بالله اعوذ بالله ..
بدر بهمس / الحمد الله .. مقدر ومكتوب .. والله يعافية ولا يبتلينا ..
عناد بقهر / امين .. بس ما يصير ان يكون مفلوت بالشارع وهو عدواني .. " وبتعجب " ..
تدري انك مو اول شخص يطعنه .. فيه قبلك .. بس هذاك بالكتف .. و " بعصبية " .. ما دام ان يمشي ويذبح بالخلق ..
يمسكونه .. يا اخي يسجنونه و يعالجونه .. ما دام اهله مو قادرين عليه ..
بدر ابتسم / ....................
عناد التفت عليه و باستغراب وهو عاقد حواجبه / ايش فيك ..؟
بدر بهمس / بامانه .. لعبت بالنتائج ..
عناد بنص عين طالعه / لا .. و بعدين انا استخرت ربي اذا زواجنا فيه خير يسهله .. واذا فيه شر يبعده ..
والحمد الله .. بس انا مستغرب ليه الكل يقول غيرت الفحوصات و النتائج ..
بدر بهمس / ابوي زعل ..
عناد بهدوء / شوي بس بعدين اقتنع .. " ابتسم " .. بس انت ما ودك تشوف العروس .. يا دافع البلاء ..
اعلنت النتيجة من هينا .. انطعنت من هينا .. " بخبث " .. يبغالك تحلايه .. تنسيك طعم الالم والاه ..
بدر بخبث / على يدينك ..
عناد / ههههههههههههههههههههههه .. على يدين خالتك مياسة .. كلمها و هي تضبط الوضع ..
بدر تعدل بنومته / ما ابي اشوفها وانا تعبان .. " ابتسم " .. لا زم اكون كاشخ حتى اطيحها بدباديبي ..
عناد بضحكه / هههههه .. اما يا دباديبي ذي ... تعبان فيها .. هههههه ..
بدر اللي كان ماخذ ادويته و مسكن غمض عيونه بتعب و نام ..
عناد وقف اول ما شاف اخوه نايم وطلع من الغرفة وتوجه لغرفة امه ..
طق الباب و سمع صوت ابرار / تفضل ..
عناد ابتسم وهو يدخل و شاف خالته العنود و غرام و مرام .. كان عناد لبس ثوب وبس بدون شماغه ..
عناد بابتسامه / هلا وغلا .. با ام سند هلا .. " وهو يقبل راسها " ..
قبل راس امه و جلس جنبها على السرير .. وهو يسالها عن حالها ..
غرام بهمس لمرام / هذا ما شافنا .. يقوم يطلع ليش قعد ..
مرام دقتها من كوعها و بهمس / هشششش .. صوتك واضح ..
غرام طالعتها وطالعت عناد .. بنفس الوقت اللي رفع فيه عناد عيونه ..
غرام نزلت عيونه بسرعة وهي مرتعبه .. وبهمس لمرام / يمه يخرع ..
مرام تقرصها و هي تهمس .. / صوتك ما ينخفض اكثر من كذا ..
ام سند بخبث / اقول عنيد ..
عناد / هههههه .. من يوم ما فيها عنيد معناته استجواب .. يا لبيه ..
ام سند تعدل جلسته / اسمع ما دام ما الله كتب بنصيب بينك وبين ريهام .. ايش رايك اخطب لك ..
عناد بخبث و هو ودة يقهر غرام لان سمع كلامها / يعني افهم منك يا خاله انك حابة تزوجيني بنتك الخبلة ..
غرام التفت عليه وعيونها طايرة .. ام سند عارفة انه مزح ومشتها / خذها بثيابها و توكل ..
عناد وقف و بوجة جاد توجه لجهت البنات .. ابرار كانت فاصلة بينهم و معاها ترمس القهوة بتقهوي اخوها ..
عناد بجدية لاخته / بعدي ..
ابرار بفهاوة بعدت .. ام سند وقفت وبخرعه / هيييي .. عناد ..
عناد التفت على عمته و باستغراب كذاب / هلا .. ايش فيك يا خاله ..
ام سند بذهول / ايش اللي ايش فيني .. انت من صدقك .. تبي تاخذ البنت وتمشي ..
عناد بجدية / اجل امزح .. يا خاله .. ثنتين ما ينمزح فيها .. العزيمة و الزواج ..
ام سند صدقت / بس انا كنت امزح معاك ..
عناد بجدية / كيف تمزحين .. انتي اعطيتيني البنت .. وانا قبلت .. خلاص ..
غرام بعصبية / احللللللف .. لو تكون اخر واحد ما تزوجتك ..
عناد لو عصب من كلمتها بس فرح انه عصبها التفت عليها وبخبث / الحمد الله اني ماني با اخر واحد اول واحد ..
غرام تذكرت الموقف اللي صار بزواج طلال و مرام .. حست بكهرباء تسري بجسمها و رعشة ..
ام سند / الـ .." و سكتت و هي تشوف عناد يسحب جواله من جيبة و يرد على المكالمه " ..
عناد بعد ما خلص المكالمه و رجع الجوال لجيبه .. / بدر عنده زوار .. يا الله سلام ..
ام عناد بتعب / عناد ..
عناد التفت عليها / لبيه ..
ام عناد / كيف بدر الحين ..
عناد ابتسم وبحنان وهو يقبل جبين امه / طيب .. وان شاء الله الليلة نجيك ونسهر عندك ..
ام عناد بخوف وغصة / لالا .. لا تتعبه .. خله مرتاح ..
عناد وهو مازال منحني عليها / لا تخافين عليه يا الغالية الحمد الله بخير و الجرح مو هذاك الكبر الحمدالله جات بسيطة ..
ام عناد تنهدت / الحمد الله ..
عناد رجع يقبل جبين امه و وقف / تامرون على شي ..
ام سند وام عناد / سلامتك ..
عناد ابتسم و هو طالع / الله يسلمكم ..
غرام تنهدت براحة .. وبهمس / فكه ما بغى يطلع .. " ونزلت الغطاء عن وجهها " ..
طق الباب من جديد .. وغرام بارتباك رجعت الغطاء بس الباب انفتح و دخلت شجون .. و هي تسلم ..






ــــــــــــــــــــ






بالعزيمة


مجلس راكان ،،




أبو سطام بغصة / جعله منزل مبارك ،،
أركان ابتسم / يبارك بعمرك يبه ..
أبو بتال بابتسامه / بعدتوا عني الصغار ،، لكن ابشرك كل صبح فطوري عندكم و بعد مسائي عندكم ..
راكان / ههههههههههههه يا مرحبا بك ..
دخل نايف وهو يمشي بعكازة ومعاه سلطان ماسكه بيده .. أول ماشاف ابوة ترك نايف وراح لبتال ..
بتال يفتح يدينه وحضن سلطان / ههههههههههههه يا فديت هالخشم " وهو يقبل أنف سلطان " ..
طلال بضحكة / ههههههههههههه ها الصغير اخذ محله بقلب الجميع ما شاء الله عليه ..
سعود بنبرة مقصودة / عقبال ما يجي ولدي وياخذ مكانه ..
أبو طلال طالعه بنص عين / يالله العافية ..
أبو بتال ابتسم / شد حيلك .. و جمع مهر بنت عمك ..و سوي زواجك وبعدها فكر بالولد ..
سعود بقهر / طيب ساعدوني ..
أبو سطام / كم عندك الحين ..
سعود بفرحة يحسب جده بيساعدة / 450 الف ..
أبو سطام / خلاص راح الكثير ما بقي الا القليل ..
سعود بقهر / جدي .. " وباستغلال " ..طيب اعطيها المهر بدون بيت وسيارة ..
أبو سطام / لا .. أول شي البيت .. ومو أي بيت الا بيت على الكيف .. وسيع وفخم ..وسيارة اخر موديل ..
أبو طلال / ولا تنسى الخدامه والسواق ..وبما انك خربت شغلها وطلعتها من المستشفى ملزوم تسوي لها عيادة خاصة ..
سعود بقهر / قولوا لا تتزوج احسن ..
الكل /هههههههههههههههههههههههههه ..
أبو سطام / ويوم انك تنافخ و تصارخ وأنت مانت بقد هالعرس ليش تلجنا ابي اعرس ابي اعرس هي فك عمرك ..
سعود بقهر / لأن بنتكم عوبه ..
سيف / وأنت الدفش الخبل ..
الكل / ههههههههههههه ..
دخل زياد وبلغ راكان بان العشاء جهز .. راكان وقف / حياكم الله..






_____









"









في مجلس الحريم ..



أم سطام تسمح دموعها و مياسه بعد .. العنود ابتسمت / يمه الله يهداك ليش تبكين ..
أم سند بصوت حزين / ااااه يا العنود .. بعدتي عنا معاد بنشوفك و لا بنشرب قهوتك .. فمان الله يا مسافر ..
أم سطام زاد بكاها ومياسه بكت معاها .. أم سيف بقهر / حسبي الله على عدوينك يا أم سند ، زدتي بكاها ..
أم سند بضحكة / خلها تطلع يا الجازي ان كتمتها ارتفع ضغطها .. امي واعرف لها ..
العنود وهي توقف و تروح تجلس جنب جدتها .. قبلت راسها وبغنج / هههههه جديداااا كل يوم الصبح والمساء ..
بتشوفيني انا وعيالي عندك .. وبتصيحين علينا وتقولين لنا صجيتوني فارقوني ..
أم سطام تسمح دموعها وبصدق / جعل لساني القص قبل لا اقول صجيتوني .. الا شوفتكم تشرح الخاطر ..
العنود لفت يدها على كتف وجدتها وقبلت راسها / جعل عمرك سالم و طويل ويخليك لي ..
أم سند بضحكة وهي تشوف مياسه تبتسم / هههههههههه مياسه أنتي بكوا بكيتي ضحكوا ضحكتي ..
هههههههه هذا اللي ينقال له .. معاهم معاهم عليهم عليهم ههههههههه ..
الكل / هههههههههههههههههههههه ..
مياسه التفتت على أم سند و بضحكة / ايش اسوي قلبي رقيق ما يتحمل .. " والتفتت على بناتها وهي مبتسمه ..
بس ماتت الابتسامه وهي تشوف كل وحدة مرسوم على ملامحها الحزن و الهم و الخوف "..
رجعت تسولف مع الحريم وعقلها شارد الذهن و تفكر بحال بناتها ..






ــــــــــــــــــ






في المطبخ ..





العنود تجهز الشاهي .. و طلال جالس على احد كراسي الطاولة الموجودة بالمطبخ ..
طلال بهدوء / كيف يعني ..
العنود بهدوء / امك تحبك حد الجنون .. لمن عرفت انها خلاص معاد تقدر تجيب غيرك ..
خافت ترجع للوحدة .. ابوك كان مهملها .. طيش شباب و بداية حياة .. وهي يتم وجوع و خوف ..
كل اللي تملكه بدنيا انت .. فجاة شافت وحدة تشاركها فيك .. وقالوا لها انها امه .. " ابتسمت " ..
امي كانت تسال عنك كل يومين ثلاث .. تقول قلبي تعلق فيه .. مثله مثلكم .. بس امك كانت تجن ..
لمن تسمع سؤال امي عنك .. امي اخذت فترة وهي زعلانه و تبيك تعرف با نها امك و تبيك تنام معانا ..
بس امك تتعب نفسيتها و تصير انطوائية فيخاف عليها ابوك .. و بعدها ابوي تدخل و اقنع امي بانها تبتعد ..
امي ابتعدت بس مو كثر كانت تتصل وتسال .. اما على امك او جدتي موضي .. او ابوي يتصل على عمي عبدالعزيز ..
ويخليها تكلمك بدون لا تدري امك .. " اخذت ابريق الشاهي بدات ترتب الفناجين " ..
طلال ابتسم / تصدقين اذكر سوالفها مثل الحلم .. بس كان بعتقادي انها زوجة عم بس ..
العنود هزت راسها / المهم .. كلمك امك .. وقول لها ان الوضع عادي بنسبة لنا .. ما له داعي هالانطوائية ..
و حاول تكثر جلساتك معاها .. ترا توصلني علومك الخايسه .. " وابتسمت " ..
طلال / ههههههههههههه .. طيب .. بس لا تزعلين علينا و تعطينا من اللي معطيته راكان و متعب و بتال ..
العنود طالعته بنظرة خلت طلال يبلع ضحكته .. وقف و هو ياخذ صحن فناجين الشاهي ..
طلال بضحكه / هههه .. خلني اروح لـ المجلس قبل لا انذبح بعد ذا النظرة .. " وطلع وهو يضحك " ..
العنود ابتسمت و هي تاخذ ابريق الشاهي الي مجهزته للحريم وطلعت لهم ..






ــــــــــــــــــ





يوم جديد ...



بيت ابو بتال ..



بتال و سعود .. و الظبي و سلطان .. جالسين على الارض ..
الظبي و سلطان يلعبون و سعود و بتال يلعبون معاهم .. و وليد و ابوه يلعبون في البلايستيشن 3 ..
بتال رفع راسه و ابتسم على شكل ابوه .. و التفت على امه و هي تكلم بتلفون ..
بتال يهمس لسعود / امك كانها هالايام هادية شوي ..
سعود طالع امه ورجع يطالع بالعبه اللي بين يدينه و يلعب فيها الظبي / الله يستر لا يكون الهدوء اللي يسبق العاصفه ..
بتال بهمس / لالا ان شاء الله .. يمكن رجعت لطبيعتها .. مو هيفاء قالت ان اضطراب الهرمونات بذا السن ..
تسبب ايش اسمه .. " و كانه يتذكر " .. ايش ..؟؟
سعود بلا مبالاة / ايش يدريني ... " وبمزح " .. انفصام بشخصية ..
بتال بحزم يضربة على كتف / استح عاد .. هذي امك .. " وبهدوء " .. هي قالت ان اضطراب الهرمونات في ذا السن ..
تسبب الكابة و القلق وعدم النوم .. و تغير المزاج ..
سعود و هو ياخذ العبة اللي بيد الظبي و يعطيها لعبة ثانية .. بسخرية / بس امك قلبتها لـ حالة انتقام ..
بتال طالعه بنص عين .. وبحدة / سعود ..
سعود بضيق / بس حالة الياس ذا و الاضطرابات تصيب حتى الرجال .. " طالع ابوه " .. شف ابوك ..
بتال بدون لا يطالع .. وبنبرة مقصودة / ابوك عايف امك .. ومن زمان .. ما تذكر ..
سعود بقهر / اذكر .. بس تغير و صار يعامله كالبشر ..
بتال تنهد / علشان سمر .. و الحين لو تشوفه يعاملها عادي قبالنا .. مو مسامحها .. ولا ناسي .. علشان وليد بس ..
سعود بضيق و هو ياخذ سلطان ويحطه بحضنه / والله انا تعبت .. معاد ابي افكر في شي غير نفسي ..
بتال رفع حاجب / يا الاناني .. وتبي احد يساعدك ..
سعود تنهد وهو ينزل سلطان من حضنه و وقف و بسخرية / عاد اللي يسمعك يقول احد بيساعد ..
ما اقول الا لك الله يا سعود .. " طالع سلطان " .. وانت سلطون .. وراء ما تساعد عمك يا الخايس ..
بتال بعصبية / ما الخايس الا انت ..
سعود / ههههههه انا رايح للاستراحة .. تروح معي والا بتقعد عند صغارك ..
بتال طالع سلطان والظبي و هو مبتسم / يا فديتهم .. جلستهم ما تنمل .. بس لزم ارجعهم لامهم .. موعد اكلهم ..
سعود بخبث / موعد اكلهم .. والا تمنى شوفة زولهم لو هو من بعيد ..
بتال بصوت خافت /
ياسعود تكفى عشيري كان مـريته
قله تر الحال عقبه صارت احــوالي
الليل طال ودمعة العين هليـته
دايم جلوسي على مركاي ولحالي
سويت فنجال بن ماتقهويــته
من حر لاهوب صدري كنه الصالي
هاجوس يطريلي وهاجوس خليــته
واساوم الدمعات من ضيقة البـــالي
الموت شفته وعزراييل لاقيــته
اليا متى ينتظر والحال نحـــالي
قله ترا كان ماجاني فنا جيتــه
ما لي بغيره لو يقولون محتـــــالي
جالست ناس وبالمجاليس جاريتــه
لقيتهم يركبون النصب خيـالي
الي يبونه يدقونه بتوقيته
والي يبي غيرهم يعطون مــوالي
ليه عشير لياسولفت واطريتــه
غصبٍ علي دمع عيني يهمل اهمـالي
ماله اوصوف او كان بالوصف حليتـه
وصفه يخلي كامل العقل مهبــــالي
ابو ثمانٍ ياضحك شعة الليتـــه
ولا بروق بأضلم الليل بخيــالي
والجسم لو طولت بالبحث ماجيتــه
مقيوسة قيس لاتفصيل تفصـالي
غصبٍ عليك ليانضرته وحليتــه
تفقد شعورك تغني لآل يـــالآلي
ليته جفاني ليت ياليت ياليتــه
لاشك قلبي غيرها ماله الــوالي
بشوش وجه لاقسم الله وجيته
وصفه شبيه القمر في نصف الهـلالي
ارجوك لامريت لي حارة لبيتـه
وصلي المرسول ياسعود للغـالي
" منقول " ..
سعود اللي كان واقف .. ابتسم / صح السانك .. يا ابو سلطان ..
ابو بتال من وراهم .. وبتساؤل / ايش عندك .. انت تصور ؟..
بتال التفت على سعود وشافه يضحك .. و بقهر / صورتني و ارسلت با الواتس ..
سعود بضحكة .. / مو انت قلت و صلي المرسول يا سعود للغالي .. وانا وصلته ..
حس بتال بهتزاز جواله عرف ان قروب عيال عمه اشتغل حش عليه و تعليق .. سحب جواله و فتحه و هو مبتسم ..
التفت على سعود و هو يضحك / جعل العوبا نويل ما تخلي فيك عقل .. هههههههههههه ..
سعود وابو بتال / هههههههههههههههههههههه ..






ـــــــــــــــــــــــ






بيت ابناء سطام ..



بجناح العنود ..


جالسه على طرف الاريكة و سرحانه .. تطالع بنقطة معينه وهي رافعه حاجب و واضح انها تفكر بس مهم ..
دخلت سارة وهي تناديها .. / العنود .. عنوووووده .. ام سلطان .. " رفعة صوته " .. العنووووووووود ..
العنود سرحانه و لا ردت عليها ولا انتبهت لها .. ساره طالعت باختها ..
جالسه و مستنده على ركبها .. وبيدينها ورقة تقطع فيها لقطع صغيرة .. طالعت على الطاولة وشافت كيس الادوية ..
ساره بخوف تقدمت منها و بهدوء وهي تحط يدها على كتف العنود / العنود ..
العنود نقزت / هممم .. ساره .." عقدت حواجبها " .. ايش فيك ..
ساره با ستغراب / انتي ايش فيك ؟ .. من اول انادي عليك وانتي مو معاي ..
العنود تنهدت و هي تعدل جلستها .. و بتعب / ما فيني شي .. " انتبهت للورقة وبضيق " .. اووووه ..
ساره طالعت بالورقة وباهتمام / ايش هالورقة ..
العنود قرمشت باقي الورقة و رمتها بزباله " كرمتوا " .. / عادي .. الارشادات حقت العلاج الجديد .. مو مهم ..
العنود و قفت و توجهت لتسريحة .. و بتساؤل / سلطان والظبي رجعوا والا لسع ..
ساره ابتسمت وبمزح / ايه رجعوا .. ما شاء الله عليهم عيالك .. مؤدبين .. على الوقت بضبط اللي حددتية لرجعه ..
العنود رفعة حاجب وهي ترفع شعرها .. وبسخريها / اااها ...
ساره بضحكة / هههههههه خلاص فهمت .. النظره لحاله ترعب .. " وطلعت من الجناح " ..
العنود ابتسمت و هي تهز راسها .. اخذت جوالها و اتصلت على منار ..
العنود بهدوء / السلام عليكم .. اوف ليه معصبة .. " ابتسمت " طيب مبروك .. " عقدت حواجبها و بعدها ضحكت " ..
ههههههههه .. منار يا الخبلة .. بتصيرين ام و لساتك مطفوقه .. " و بجدية " .. معاه حق .. ناسية اجهاضك اللي قبل ..
و اصابة ظهرك .. الجية لشرقية .. " و بطفش من حال اخوانها " .. يمكن لك خيره .. ما تدرين الله وين حاط لك الخير ..
" وبعصبية " .. مناااااااار .. ايش ذا الكلام .. هي تعالي و شوفي ايش اسوي فيك .. يالله سلام .. " وقفلت المكالمه " ..
و بعصبية رمت الجوال على التسريحة و هي تافف .. / اوووووف .. استغفر الله العظيم ..
لا من اللي هينا مرتاحه ولا اللي من هناك .. حتى متعب و صلاح صاروا مثلهم .. يا رب ساعدني ..







ـــــــــــــــ







يوم جديد ..




بيت ابو سطام ..



العنود مبتسمه / ها يا جدتي .. مو قلت لك .. ان صبح و مساء عندك .. وراح نطفشك ..
ام سطام بمحبة / لا ما طفشتوني .. الا وسعتوا خاطر .. جعل عيني ما تبكيكم ..
العنود تاكل الظبي من البسكوت .. وسلطان يلعب في الصالة قبالها ..
جات الخدامة .. / ام شولتان .. " ام سلطان " .. شئود " سعود " .. يبقا شولتان .. " يبغى سلطان "..
هيفاء بضحكة / قلبت الاسماء قلب ..
ام سطام بتذمر / هالخدامه اتعبتني .. مريم " تقصد الخادمة ميري .. كل مرة تعطيها اسم " .. عيت تعلمها هرجنا ..
العنود و هيفاء ضحكوا على ام سطام اللي كل يوم تطلع اسم لشغالات / ههههههههههههه ..
العنود التفتت على الخدامة / طيب وينه سعود ..
هفاء بضحكة / شئود ..
العنود ابتسمت وهي تسمع الخدامه تقول لها " هينا بلاء " وي تاشر على باب الفلة .. هزت العنود راسها / طيب ..
بعد دقايق العنود توقف وهي تربط ملثمها / يالله .. انا صار لزم ارجع البيت .. يدوب اجهز الغداء ..
هيفاء وام سطام / الله يعينك ..
العنود اخذت الظبي و طلعت من الفله .. سمعت سعود يتنهد و يكلم سلطان ..
سعود و هو يلعب سلطان بالكورة / انت لو فيك خير كان من يوم ما تسمع عمك يتوجع و يون .. تفزع له ..
و تقول ابشر يا عمي جاك ما تبي .. لكن انت طالع لابوك و خالك راكان .. بخالاء ..
العنود بهدوء / ما هقيتها منك يا ابو سطام ..
سعود التفت و وقف بسرعة بحرج و هو يطالع سلطان و مبتسم / هههههه ما قصدتها ..
بس من حر ما بجوفي على ابوه و خاله .. " العنود ابسمت وهي فاهمه مقصد سعود " ..
سلطان من شاف امه و اقفه و بالعباية ترك الكورة وتوجه لها وهو فرحان ..
العنود مسكت يد سلطان وتوجهة لبيتهم .. سعود راح لسيارته و مشي رايح الشركة ..







ــــــــــــــــــ





بيت ابو سند ..




على طاولة الغداء ..




ام سند بهدوء / اليوم خالتكم ان شاء الله تطلع .. ابي احد منكم يوديني السوق ابي اشتري اغراض ..
فارس عارف لوين المشوار بسرعة / انا مشغول مواعد واحد رجال لزم ضروري اقابله ..
سند بسخرية / خف علينا يا المهم .. " التفت على امه و بهدوء " .. ياسر فاضي مغير منبطح في الاستراحة ..
حتى الشركة ساحب عنها لهه يومين .. انا ذا الايام مشغول .. لفضيت اورية ..
ام سند بعصبية / عاد انا بلغتكم .. العصر القي واحد منك عندي ..
نصلي العصر و نمشي ما ابي ابطي .. لو عيال خالتكم فاضين كان رحت معهم و جبت عازت امهم ..
سند ابتسم / افااا يا ام سند .. انتي تامرين امر .. " رفع جواله واتصل على ياسر .. وبامر و صوت حاد " ..
دقايق واشوفك قدامي في البيت .. ان تاخرت يا ياسر .. ما تمسي الا بالمستشفى .. " وقفل المكالمة " ..
ام سند بخوف / يا ويلي عنه .. الحين يسرع و ما يشوف قدامه .. وهذي حزت زحمة .. يا لله تستر عليه و تسلمه ..
سند و فارس ابتسموا لها / امين ..







ـــــــــــــــــ






بيت ابناء سطام ...




قبل الفجر بدقائق ..



سارة دخلت المطبخ .. فتحت الثلاجة وطلعت جبن و زيتون و طماطم وخيار ..
قطعت الخيار والطماطم شرائح و رتبت الصحون على الطاولة .. حطت الخبز في الميكروويف ..
التفتت ياستغراب و قرف / ايش ذا الريحة .. شكلها من الفواحة ..
العنود دخلت وهي تلم شعرها وباستغراب / انتي .. ايش صحاك ..
ساره ابتسمت / حسيت بالجوع و قلت انزل اكلي شي .. دخلت عليك شفتك نايمه ..
العنود بضيق / ايه .. " وهي تحط لها ماي بالكاسة .. و بغصة " .. شفت كابوس خنقني .. اعوذ بالله منه و صحيت ..
ساره و قفت قبال الباب الزجاجي المطل على الحديقة الخلفية للبيت .. حطت يدها على الزجاج وهي تطالع لبرا ..
العنود باستغراب وقرف / ايش ذا الريحة ..
ساره هزت اكتافها / ما ادري .. " تنهدت " .. تصدقين اشتقت لامي و ابوي .. ودي ارجع انام بحضنهم ..
العنود نزلت الكاسة .. وطالعتها بضيق و حنين .. حت هي اشتاقت لهم ..
بلعت غصتها .. وهي تتقدم من الباب راجعه لجناحه .. طالعت ساره / بعد ما تتعشين .. ااا ..
........ بوووووووووووووووووووووووووووووووووم ....
صوت انفجار هز البيت كله .. العنود بصراخ / سااااااااااااااااااااااااااااااااااااررررررررررررر ررره ..






انتهى ..

لا اله الا الله .. محمد رسول الله ..
سبحان الله .. و .. الحمد الله .. و .. الله اكبر ..

اعذروني عن القصور و التاخير .. و الاخطاء الاملائية ..
كتبت هالبارت من التاب .. فاعذروني اذا كان فيه اخطاء ..

لا تنسوني من صالح دعائكم ..

كونوا بخير ..

مشاعل السعودية ..























"





بسم الله الرحمن الرحيم ..

السلام عليكم ورحمة الله وبركاته ..

الحمد لله والصلاة والسلام على رسول الله ..

توكلنا على الله .. لا اله الا الله محمد رسول الله ..





البارت 40 ..




ياوجودي وجد منهو خاب ظنـه
في عشيرن هاقين فيه الهقـاوي
خـاب ظنـه والليالـي خالفنـه
وخاب ظنه بالرفيق وبالعـزاوي
جار وقته والصواديـف ابتلنـه
لين طاح من المقادير امتسـاوي
هل دمعه يوم كلـن صـد عنـه
وزاد همه وابتلا بكبـر البـلاوي
وسط سجنه يلحق الونـه بونـه
عقب ماهو بالكرم حرن نـداوي
ايتطيب دون فضـل ودون منـه
وانعطى فالطيب اله كفن رهاوي
والليالـي عقـب عـزه حولنـه
ولابقالـه لاصديـق ولامخـاوي
اتوجـد مثـل ماصابـه واكنـه
همن اونس منه وسط الكبد لاوي
من سبايب واحدن رديـت عنـه
ولاتجيبـه لامفازيـع ومنـاوي
اتوجـد يـوم الايـام ابعـدنـه
وانتحتبه لين عدتـه الحـراوي
مل قلبن عقبها اهمومـه طونـه
مثل طي الحبل في سرد المطاوي
والطواري عقبها القلب ازعجنـه
ولاتريح خاطري دايـم شقـاوي
واعذابي من غلاها يوم احنـه
حن ذودن حن ففجوجن خـلاوي
حـن يومـن الليالـي ضيعنـه
في نفوذن بين هاوي وبين عاوي
وغرهن شوف السراب وطردنـه
واهلكن في مهمهيات ومشـاوي
قمت احن ودمع الاعيان اذرفنـه
من هنوفن مالها عندي مسـاوي



" منقول " ..






" باستراحة البنات " ..



باحد الزوايا ..


شجون واقفه متوترة .. طالعت حولها بضياع .. وبين اصابعها جوالها .. جالكسي اس 3 .. تحركة بشكل دائري ..
كرسيين من جلد .. ابيض مخططه بالاسود .. " كـ جلد الحمار الوحشي " .. و خداديات حمراء ..
جدار ملبس بالمخمل الاحمر .. وعليه كرستالات سوداء .. و جدار اخر مقابله ابيض بكرستالات حمراء و سوداء ..
العنود كانت جالسه على وحدة من الكنبات .. و تطالع شجون اللي واقفه قبالها بنظرات حادة ..
نزلت كاسة العصير على الطاولة الي جنبها .. وبحدها هامسه / اجلسي ..
شجون ترفع الخصلة عن وجهها بتوتر .. / ما ابي اقعد .. ابي اروح للبنات ..
العنود رفعت حاجب وبرود / يعني ما تبين تتكلمين ..
شجون بقوة / قلت لك .. صديقتي .. بس انتي ما تبين تصدقين ..
العنود طالعتها بنظرات غاضبة .. وهي تزم شفايفها بغضب ../ ........
شجون بقوة عين .. طالعتها وهي تصرخ / انتي لانك ما انتي خاليه تبين تخلين الكل مثلك ..
العنود باستغراب عقدت حواجبها / نعممممم ..؟؟
شجون بغرور / عبدالله .. حبيبك ..
العنود فزت واقفه و تقدمت لها بغضب شدت بلوزت شجون من البطن .. وبغضب / انا لو غلطت .. اعترف ..
مو مثلك .. اكذب و ازيد فعلي شين فوق شينه .. " وبتهديد " .. لكن ما دام هذا رايك .. يتصرف معاك اخوك ..
ابعدتها و كانت بتطلع و تروح للبنات .. بس وقفت اول ما مسكتها شجون .. العنود طالعتها بنظرات غرور ..
شجون بضياع / لا تروحين ..
العنود طالعت شجون بغموض .. شجون بضيق توجهة للكرسي و جلست عليه ..
العنود بهدوء جلست على الكرسي و حطت رجل على رجل .. و صارت تطالع لشجون ..
شجون بارتباك / امممم .. اكلم .. ياسر ..
العنود نزلت رجلها و تقدمت لشجون وهي تتكي بيدها على ركبها .. و بتساؤل / من ياسر ؟؟..
شجون بتوتر وهي تشتت نظرات على المكان .. نزلت راسها بخجل / ياسر ولد عمي فهد ..
العنود بصدمه / ......................
شجون لمن ما سمعت صوت من العنود .. رفعت راسها و شافت نظراتها المصدومه ..
شجون بارتباك / اااا .. اممم .. والله ما اكلم غيره .. هو كانه خطيبي .. يعني ا....
قاطعتها العنود بذهول .. / شجووووون .. انتي تتكلمين من صدقك .. ولا تكذبين والا تستغبين .. شنو وضعك بضبط ؟؟..
شجون تغمض عيونها وتفتحهم .. بعدم استيعاب .. / لا من جد ..
العنود بغضب وهي ترص على اسنانه / استحييي .. اخجلي .. " وقفت بقهر و صارت تدور بنفس المكان " ..
و بحزم / من متى تكلمينه .. و كيف صارت ابي اعرف كل شي .. كل شي .. حتى من يعرف بموضوعكم ..
شجون بتوتر .. ما تدري ليه هي حابه تتكلم بالموضوع مع احد غير سميه .. و خايفه .. لو عرف ياسر يزعل ..
العنود تضربها بقوة على كتفها .. وبحدة / تكلمي ..
شجون بخوف / بس لا تعصبين .. ولا تقولين لاحد ..
العنود ترفع يدها وكانه بتعطيها كف .. / انطقي و مالك دخل باللي راح اسويه ..
شجون .. بغصة و ارتباك / اول كان مزح معاي .. عادي .. مثل غرام و اماني و نوال ..
و بعدها بدا يتصل يسال عن غرام بوقت مرضها .. وبعدها صار مزحه معاي غير عن البنات .. وبعدها صار يرسل ..
العنود تقاطعها بسخرية / وانتي رضيتي على طول طبعا ..
شجون بسرعة / لالا .. لا والله .. بس هو .. " وسكتت " ..
العنود تطالعها بنظرات قاتله / هو ايش ..
شجون برجاء / لا تطالعيني كذا طيب ..
العنود رفعت حاجب وطالعتها بنظرات وكانها تقول لها " تامرين بعد " .. وبهدوء / كملي ..
شجون تنهدت / اول شي انا تهاوشت معاه .. وقلت له اذا ما بطل حركاته راح اقول لعناد ..
بس هو قال انه انا خطيبك .. بس انتظر الكبار يتزوجون .. يعني فارس وسيف وبدر وعناد ..
و قال بدال ما نتزوج بطريقه تقلديه مثل سند و طلال و.. " سكتت .. وكملت بارتباك " .. يعني ... " ورجعت سكتت " ..
العنود بهدوء وهي تجلس على الكنبه / ومثل بتال .. و راكان ..
شجون / ................
العنود بسخرية / نعيش قصة حب مثل لميس و مهند .. والمسلسلات التركية الكذابه ..
شجون بلعت ريقها .. وطالعت لـ العنود .. العنود لفت يدينها على صدرها .. وبهدوء / هممم صح كلامي ..
شجون هزت راسها .. وبدفاع .. / بس هذا شي عادي بالعائلة .. راكان يحب سمر و عناد يحب غرام ..
العنود عقدت حواجبها .. / راكان صح يحب سمر .. وكان معروف بس ما سوء شي حرام .. وكان بـ العلن و تزوجها ..
" وباستغراب " .. و عناد يحب غرام .. كيف .. " وبصدمه " .. يكلمها ..
شجون هزت راسها بارتباك / لا .. ما ادري .. غرام ما قالت .. بس انا حاسه .. و اصلا غرام مخطوبة له من زمان ..
بس ما ادري ليه خطب ريهام .. وهذا هو طلع غير نتائج الفحص علشانها .. " سكتت اول ما شافت العنود تاشر لها " ..
العنود حست بوجود احد خلف الجدار .. وقفت وراحت تشوف اذا احد موجود وما شافت احد .. ورجعت لمكانها ..
العنود بهدوء / ومن قالك عن هالاشياء ..
شجون تطالعها باستغراب ../ اشلون يعني .. من .. من قالي .. ما فهمت ..
العنود تنهدت بهدوء وهي تلف يدينها على صدرها / يعني من نبهك على حركت عناد .. " وبسخرية " ..
يعني بصراحة .. فكرة تغير نتائج الفحوصات ما تطري الا على العاشق الولهان وبقوة .. روميو ..
شجون قلبت وجهها لزعل .. العنود بحزم / قولي لي .. من الي يعرف بالسالفه ..؟؟
شجون بضيق / محد .. غرام شاكة بس انا ما سمحت لها ..
العنود بنبرة مقصودة / علشان كذا تهوشتوا بالمزرعة ..
شجون صدت عن العنود .. العنود تكمل ../ طيب .. البلاك بيري .. من يعرف عنه ..
شجون بصدمة وهي تلتفت لها / بلاك بيري .. " وبارتباك " .. ما عندي ..
العنود بحدة / لا تكذبين .. ادري عن البلاك بيري و الاي فون .. " وبهدوء " ..مو عيب انه يكون عندك اكثر من جهاز ..
ولا خطاء .. بس الخطاء انك يكون مخبيته عن الكل .. يعني اكيد فيه شي خطاء ..
شجون هزت راسها .. وهي تصد عن العنود / لالا ..
العنود بهدوء / طالعي فيني و قولي انه مافيه شي خطاء ..
شجون بعد فترة طالعتها بارتباك / ما فيه شي .. " نزلت نظره " .. وانا مخبيته علشان عناد ما يحبه .. وبس ..
العنود بنبرة مقصودة / وياسر ..
شجون تهز راسها / بس الاي فون يعرف عنه .. لانه هو جابه ليه ..
العنود بسخرية و كانها معجبة / والله .. امممم .. " و بجدية " .. من يعرف بقصتك معاه .. من صديقاتك ..
شجون بارتباك / ليه يعني .. " وبنفي " .. محد يعرف ..
العنود تطالعها بنظرات يعني " ما صدقتك ".. / .........
شجون تنهدت / بس صديقتي .. مو من العايلة يعني هي اجنبية ..
العنود رفعة حاجب وبسخرية / وهي المستشارة .. " وقفت و تنهدت " .. المهم .. هالعلاقة تنهينها ..
وانا مو مثل غرام .. " وبتهديد " .. ان ما انهيتوا هالمهزلة انتي و الي اسمه ياسر ..
راح اقول لعمي سلطان وهو يتصرف معاكم ..
شجون توقف برعبه / لالا العنود .. الله يخليك كذا راح تخلين ياسر يكرهني .. ويمكن ما نتزوج ..
العنود ابتسمت بسخرية / وانتي على بالك بعد اللي صار بيتزوجك .. " شجون تطالعها بصدمة " .. لا ..
" وبجدية " .. وان صار و تزوجتوا .. راح تعيشون بزواج سليم .. لا .. بيقعد شاك فيك وبكل حركة ..
شجون تغير لون وجهها .. و بهت .. جلست على الكرسي .. العنود حست بانه فيه شي ثاني مخبيته ..
العنود باهتمام / فيه شي ثاني ..
شجون هزت راسها .. " لا " .. العنود تقدمت منها وبحنان .. / حبيبتي .. انا خايفه عليك ..
شجون بضياع وغصة / العنود .. انا نفسيتي تعبانه .. " نزلت دموعه " .. ما ادري ايش اسوي ..
العنود جلست قبالها .. و رفعت اصباعها لفوق / فوق رب .. رحيم و كريم .. ادعي و صلي و هو كفيل بكل شي ..
شجون مسحت دموعها وهزت راسه / والنعم بالله .. " ابتسمت " .. شكرا ..
العنود و قفت و ابتسمت / العفو .. ومتى ما حبيتي تتكلمين او واجهتك مشكلة انا موجودة .. والغريبة ترا ما تنفعك ..
فابتعدي عنها .. " شجون طالعتها بغموض .." يالله خلينا نطلع للبنات .. " شجون وقفت و طلعت معاها ..






ــــــــــــــــــ







بشاليه ..




قاعد على الكرسي .. وقباله راشد ياكل ..
سند بحزم / عندك ملف عن البلاوي اللي مسويها ..
راشد وهو ياكل فخذ الدجاجة / لا ...
سند عصب بس مسك نفسه .. زفر / اووووووف .. " سكت شوي .. و بنبرة مقصودة " .. دلال ..
راشد غص بالاكل وصار يكح .. شرب من كاسة الماي .. و طالع سند .. عقد حواجبه / من دلال ؟؟
سند بخبث / افاااا .. نسيت دلال .. دلال بنت جارك الي با ابها .." وبجدية " .. تذكر عوض .. اخوها الصغير ..
كبر و صار رجال .. ويدورك .. و نبش الملف من اول وجديد .. و ملف فتح ملف و طلع ملف ..
و كل يوم ينسحب خيط .. و كبر الموضوع .. وانفتحت ملفات سجن المدينه .. و القضية الاولى .. تذكرها ..
انفتحت بعد .. " تنهد " .. المسائلة طلعت من تحت يدينا .. و خالي سطام توفى الله يرحمه .. وتركي توفى ..
راشد بخوف مع عصبية / كيف يعني .. ايش تقصد ..
سند وهو يرجع ظهرة على الكرسي و حط رجل على رجل .. لف يدينه على صدره .. و ببرود / مؤبد .. او اعدام ..
راشد بصراخ / لااااا .. سجن مرة ثانية .. لااااا ..
سند بعصبية / وما دام ما تبي السجن وخاف منه .. ليه ما تعدلت .. ليه ما احترمت شيبتك ..
لمتى وكنت تعتقد بتقعد كذا .. حر .. تسوي اللي تبيه و محد يعاقبك .. ان ما اخذت عقابك بدنيا تلقها بالاخره ..
سند وقف و كان بيطلع .. راشد يصرخ عليه / لحضضضضضه ..
سند التفت عليه ببرود .. راشد بخوف وذل / لا تخليني .. وكلي محامي .. شف محامي سطام ..
شاطر وذكي .. و عنده واسطه .. اكيد ما راح يخليني .. كلمه ..
سند ببرود / ما اعرفه .. ولا اعرفك .. راح اسلمك لهم .. " طلع وقفل الباب بالمفتاح و هو مطنش صراخ راشد " ..
بعد ما طلع من الشاليه .. سند بصوت عالي / حسني ..
جاه حسني يجري / نعم يا باشا ..
سند بضيق / لا تفتح له الباب ابد .. واذا فتحته لا تفتحه لحالك .. ناد الجماعية يكونون معاك ..
حسني يهز راسه / فاهم يا باشا .. ما تخفش ..
سند طلع مفتاح سيارته من جيبه و توجه لسيارته .. شغلها و تحرك .. وحسني يدعي له .. " ربنا معاك " ..






ــــــــــــــــــ





بيت ام عزام ..



ريما لبست بيجامة و جلست على قبال التسريحة تمشط شعرها .. طالعت غيث من المراية و شافته سرحان ..
له كم يوم بس سرحان و وجهه واضح عليه الهم .. نزلت الفرشة وحطتها بدرج .. تعطرت وتوجهت لغيث ..
وقفت قباله و هي تفرك يدينها في بعض بهدوء ... وبحنان / غيث ..
غيث رفع عينه فيها وابتسم بهدوء / لبيه ..
ريما ابتسمت وهي تتقدم منه الا ان جلست جنبه على طرف السرير .. وبحنان / ايش فيه حبيبي في ايش يفكر ..؟
غيث ابتسم وهو يطالع تفاصيل وجهها وكان اول مره يشوفها .. ملامحها طفوليه حادة .. لمن يشوفها يجن ..
ريما حمر وجهها خجل ... وصدت عنه .. حست بيد غيث اللي تشدها لحضنه .. طاوعته وهي تدخل حضنه الدافي ..
غيث يقبل عنقها .. لف يدينه حولها وضمها بقوة لصدرة .. ريما رفعت راسها وطالعته بنظرات غامضة ..
ريما بهدوء / طلعت نتائج الفحص ..؟؟
غيث تنهد .. و بهدوء / بكرة ..
ريما عقدت حواجبها / طيب ايش فيك ..
غيث طالعها وسكت ثواني و بعدها ببرود / لو طلع العيب مني .. راح اطلقك ..
ريما فتحت عيونها للاخير بصدمه .. / .................
غيث ضمها لصدرة وكانه ما قال شي / .............
وريما بقيت جامدة بحضنه / ................







ـــــــــــــــــــــــ






بيت ابو سند ..



طلعت من الحمام .. " اكرمكم الله " .. وزعت المرطب على جسمها .. ونشفت شعرها و مشطته .. وتعطرت و لبست ..
التفتت باستغراب في الغرفة .. ماسمعت صوته غريب .. ممكن راح لغرفة فهد .. اخذت الروب و لفته على جسمها ..
وطلعت من الغرفة .. ودخلت لغرفة فهد .. شافت ولدها نايم بهدوء .. طلعت من غرفته التفتت بالصالة ما شافته ..
شافت اضائة المكتب مفتوحه .. توجهة للمكتب .. دخلت بهدوء .. طالعت سند باستغراب .. و تقدمت منه ..
كان لبس بجامه سوداء بكتابه انجليزية بيضاء .. ماسك قلم رصاص و مثلث و اداوات هندسة قريبة منه ..
رنيم بهدوء مع استغراب / سند ؟؟..
بدون لا يلتفت عليها وهو عاقد حواجبة بعصبية .. / هممممم ..
رنيم اول مرة تشوفه بهالحالة .. يرسم و يخطط و يكتب وكانه يحارب مع الادوات .. طلعت بهدوء من المكتب ..
جلست على الكنبة في الصالة وهي فتح التلفزيون .. قصرت الصوت وصارت تقلب بالقنوات بطفش ..
رفعت شعرها عن عيونها و شدته لفوق شوي .. التفت على سند و شافته ما زال على وضعه ..
قفلت التلفزيون ورمت الريموت الكونترول على الكنبه .. وتوجهة لغرفتها .. توجهت لسرير ..
رفعت الفرشة و دخلت تحتها .. غمضت عيونها لكن النوم جافاها .. تذكرت شكل سند ابتسمت ..
وبداخله " العقل نعمه .. هالشايب خرف " .. قطع تفكيرها صوت سند ..
سند بسخرية / خير .. تبوسمين وعيونك تطالع السقف .. استخفيتي .. الحمد الله على نعمة العقل ..
رنيم رفعت حاجب وطالعته .. وبسخرية / من اللي استخف .. الي يتضارب مع المسطرة والمثلث و الا اللي نايم ..
سند فهم انها تقصد اخذ الفوطة ونشف وجهه و يده من اثر الماي .. رمى الفوطة على الكنبة و رفع الفرشة ..
ونام معطيها ظهره .. رنيم طالعته باستغراب وهي رافعه حاجب .. نفضت الفرشة وتوجهت لشنطته ..
طلعت الجوال و خلته على الصامت .. رجعت لسرير و نامت على الفرشة .. اول ما حست سند يلف عليها ..
صدت عنه .. مرت دقايق وهي تسمع صوت انفاسه .. واضح انه ما نام .. ابتسمت وهي تفكر بخبث ..
جمدت ملامحه اول ما حست بأصبعه على مكان جرحها القديم .. سند وهو يمرر اصبعه ببرود على اثر الجرح القديم ..
باسفل الساق من الخلف .. سند بخبث يخفيه / اممم رنيم .. كيف انجرحتي هنا .. الاثر يقول ان الجرح كبير ..
رنيم و صدرها يطلع وينزل بعصبية / .................
سند بهدوء خبيث وهو يهمس / ما تبين تقولين سالفة هالجرح اللي صرت اغار منه ..
رنيم التفتت عليه و ببرود / عادي .. وانا صغيرة .. العب مع خواتي .. طحت وانجرحت ..
سند يعلب بشعرها .. يلف خصله من شعرها على اصبعه ويفلته .. وبهمس / امممم .. كيف صار ..
رنيم بقهر وهي تنفض يده شدت الفرشة و تغطت .. وبعصبية / وانا ايش يدريني كنت صغيرة ما اذكر ..
سند شدها لحضنه وهو يحط يده على فمها .. وهمس بصوت خافت جمدها / هيييششششش .. راح يسمعون صوتك ..
رنيم جمدت عيونها .. صارت تتنفس بخوف .. سند كان ينتظر ردت فعلها .. حس بارتعاشها ..
رفع نفسه و شاف دموعها اللي تسيل و هي فاتحه عيونها بصدمة وخوف .. جلس بسرعه و هو يجلسها معاه ..
سند ضربها على خدها بهدوء .. وبخوف / رنيم .. رنيم .. ردي عليه ..
التفت يشوف وين جك الماي شافه على الطاولة .. بسرعه توجه له صب كاسة و جبها لرنيم ..
شربها منه و رش على وجهها .. رنيم تطالع بسند بغضب وخوف .. وكل الموقف اللي صار يرجع لها ..
" الجدار .. الصوت الغريب .. ابوها .. طلق النار .. امها .. دلال .. " ..
سند ضم وجهها بين يدينه .. وبهدوء / رنيم .. حبيبتي ..
رنيم ابعدته عنها ويدها ترجف .. و بصوت يرجف / انت قاصد اللي سويته ..
سند طالعها بهدوء .. وببرود / خفت ان صوتك يزعج فهد ويصحى ..
رنيم بقهر / لا تكذب ..
سند طالعها بنظرات غامضة / قاصد او لا .. ايش تفرق ..
رنيم ودموعها تسيل .. وبقهر وحقد و كره / اكررررررهك .. " دفعته وابتعدت عنه وهي تجري متوجهه لغرفة فهد " ..
سند رفع يده على راسه و صار يشد شعره بتعب و قهر .. رمى جسمه على السرير و غمض عيونه يفكر باللي صار ..
و بعز افكاره .. اسرقه النوم ..








ـــــــــــــ





يوم جديد ..




بالجامعه



رنا بابتسامة / سلام عليكم ..
صديقاتها " لوجين .. نهى " / وعليكم السلام ..
رنا بابتسامة / لولو كيف الجامعه بعد الزواج ..
لوجين ابتسمت / رووووووعه .. ههههههههههههه ..
.........بصرخة / لووولووووو .. هههههههههههه .. " جيهان " ..
لوجين وقفت بضحكة / ههههههههههه .. شوي شوي " وحضنتها "..
جيهان تجلس بين رنا ولوجين / هااا كيف الزواج ..
لوجين بابتسامة / تمام ..
جيهان بجرائتها المعروفة / هاا كيف أول ليلة " وغمزت لها " ..
لوجين / ههههههههههههه هذي جوجو ههههههههههههه ..
جيهان / ايوه حبيبتي على بالك ابي انسئ .. يالله غردي ..
رنا بصدمة تطالعهم مامزوجه بخجل وتفاجات اكثر وهي تسمع كلام لوجين وضحكات جيهان ..
وقفت وهي تاخذ شنطتها وكتبها وتمشي بسرعه مطنشة تساؤلات و ندأت لوجين ونهى وجيهان ..






ــــــــــــــــــ






قصر ابناء سطام ...




العنود رمت الفوطة على العلاقة .. التفتت على جناحة الجديد .. مكون من غرفتين نوم و غرفة ملابس ..
و صالة ومطبخ صغير و حمامين " اكرمكم الله " .. تنهدت بتعب ..
وبهمس / رجعنا لبيتنا يا ابو راكان ..
دخلت ساره وهيه فرحانه .. / ههههههههههه .. عنود ما توقعت جناحي كذا .. " تنهدت بفرح " .. حسيت نفسي اميرة ..
العنود ابتسمت لها / وانتي اميرة و احلا اميرة بعد ..
ساره ابتسمت / ايه .. ترا راكان يقول ان فيه مسوي عزيمة اليلة في البيت ..
العنود عقد حواجبه / صاحي ذا .. عمتي بالمستشفى و اولادها .. وغير جدي منصور و اللي هم فيه ..
ساره بهدوء / سمر قالت له ما يصير اليوم وهو صارخ و هب فينا ..
العنود توجهت لتسريحة ومشطت شعرها ورفعت بشباصه وهي تفكر .. التفتت على ساره / انا راحيه اكلمه ..
طلعت من جناحها بعد ما تاكدت من نوم الظبي و سلطان .. ولحقتها ساره ..





في الصاله ..




العنود بهدوء / خير ..
راكان وهو ياكل من الفطاير .. ويشرب شاهي / اقول انا عزمت .. والذبيحة عند الطباخ ..
العنود بهدوء / ومن عزمت ..
راكان يبلع الاكل / عمامي وعيالهم .. وانتم كلموا الحريم ..
العنود هزت راسها و بهدوء ونبرة مقصودة / ابشر ..
راكان وقف اكل لثواني مستغرب نغمتها طالعها شوي و رجع ياكل من الفطاير .. / .......
سارة طالعت العنود باستغراب .. العنود وقفت .. وتوجهت لتليفون .. ضغطت على كم رقم .. ابتسمت / الو ..
هلا جدتي .. ايشلونك .. الحمد الله .. تسلمين ربي يخليك لنا .. ايه .. الله يحيك الليله ..
لا ابد بس ابو شيخة مسوي عشاء .. هلا .. ايه انا الحين اكلمهم .. لا لا .. مابه غريب ..
بس حريم عمي وعماتي و بناتهم .. ايه صغيرة الكبيرة بعدين ان شاء الله .. يا مرحبا بكم ..
قفلت السماعة والتفتت على راكان وبابتسامة / تامر يا ابو شيخة ..
راكان طالعها بنظرات " يعني فاهمك " .. ورجع ياكل بالفطاير .. / ................
العنود تقدمت منه واخذت الفطيرة اللي بيده / خل لنا شوي ..
راكان ابتسم و هو يبلع الاكل .. وبنبرة مقصودة / ايش عندك !!..
العنود ابتسمت بخبث / زين انك فاهم اني عارفتك مثل .. " ورفعت كفها " .. كفي .. يعني لا تلعب معي ..
راكان رفع حاجب و وقف .. / هممممم .. العب ..
العنود وهي تاخذ كوب الشاهي تبع راكان وتشرب منه و بهدوء / وااا وصل هالعلم لجدك وولد عمك ..
راكان يسحب منها الكوب و هو عاقد حواجبة / جدي و ولد عمي .. " اشر لها براسه ما فهمت " ..
وبعدين من سمح لك تاخذينه و تشربين منه " يقصد كوب الشاهي " ..
العنود طنشته بخبث وهي تتوجه لجناحها .. / ورانا تجهيزات للعزيمة .. مو فاضين لك ..
راكان ابتسم .. و جلس على الكنبة وهو يشوف سارة راحت لجناحها و سمر اخذت شيخة وراحت لجناحها ..
التفت يطالع في الصالة بحنين وشوق .. ايام كان كل شي بحياة ابوة .. كل الاهتمام منصب عليه ..
وفجاة تركه بدون سابق انذار .. من سفره لسفرة .. صار سلطان هو المسؤول عنه .. و ابوه سعود ..
اما ابوه سطام فما كان يسال عنه زيي ما يظن .. رفع عينه على الوحة المرسومه و بنص الصالة معلقه ..
سطام وبحضنه ساره و نايف بيد راكان الواقف يمين ابوه و زياد على يمين راكان والعنود جالسه على طرف الكرسي ..
تنهد بحنين والدمع عالق بعيونه وقف وتقدم من الصوره وبهمس / سامحني ..





ــــــــــــــــ






"






بالمستشفى ..



عناد يرجع جواله في جيبه .. / هذا راكان يعزمني للعشاء ..
بدر بهمس / روح ..
عناد رفع حاجب / وانت .. لا مو رايح .. وتعذرت منه ..
بدر تنهد / مسكوا الرجال ..
عناد بعصبية / ايه .. و حطوة بالمستشفى الصحة النفسية .. الحين لو ..... " ما كمل كلمه " .. اعوذ بالله اعوذ بالله ..
بدر بهمس / الحمد الله .. مقدر ومكتوب .. والله يعافية ولا يبتلينا ..
عناد بقهر / امين .. بس ما يصير ان يكون مفلوت بالشارع وهو عدواني .. " وبتعجب " ..
تدري انك مو اول شخص يطعنه .. فيه قبلك .. بس هذاك بالكتف .. و " بعصبية " .. ما دام ان يمشي ويذبح بالخلق ..
يمسكونه .. يا اخي يسجنونه و يعالجونه .. ما دام اهله مو قادرين عليه ..
بدر ابتسم / ....................
عناد التفت عليه و باستغراب وهو عاقد حواجبه / ايش فيك ..؟
بدر بهمس / بامانه .. لعبت بالنتائج ..
عناد بنص عين طالعه / لا .. و بعدين انا استخرت ربي اذا زواجنا فيه خير يسهله .. واذا فيه شر يبعده ..
والحمد الله .. بس انا مستغرب ليه الكل يقول غيرت الفحوصات و النتائج ..
بدر بهمس / ابوي زعل ..
عناد بهدوء / شوي بس بعدين اقتنع .. " ابتسم " .. بس انت ما ودك تشوف العروس .. يا دافع البلاء ..
اعلنت النتيجة من هينا .. انطعنت من هينا .. " بخبث " .. يبغالك تحلايه .. تنسيك طعم الالم والاه ..
بدر بخبث / على يدينك ..
عناد / ههههههههههههههههههههههه .. على يدين خالتك مياسة .. كلمها و هي تضبط الوضع ..
بدر تعدل بنومته / ما ابي اشوفها وانا تعبان .. " ابتسم " .. لا زم اكون كاشخ حتى اطيحها بدباديبي ..
عناد بضحكه / هههههه .. اما يا دباديبي ذي ... تعبان فيها .. هههههه ..
بدر اللي كان ماخذ ادويته و مسكن غمض عيونه بتعب و نام ..
عناد وقف اول ما شاف اخوه نايم وطلع من الغرفة وتوجه لغرفة امه ..
طق الباب و سمع صوت ابرار / تفضل ..
عناد ابتسم وهو يدخل و شاف خالته العنود و غرام و مرام .. كان عناد لبس ثوب وبس بدون شماغه ..
عناد بابتسامه / هلا وغلا .. با ام سند هلا .. " وهو يقبل راسها " ..
قبل راس امه و جلس جنبها على السرير .. وهو يسالها عن حالها ..
غرام بهمس لمرام / هذا ما شافنا .. يقوم يطلع ليش قعد ..
مرام دقتها من كوعها و بهمس / هشششش .. صوتك واضح ..
غرام طالعتها وطالعت عناد .. بنفس الوقت اللي رفع فيه عناد عيونه ..
غرام نزلت عيونه بسرعة وهي مرتعبه .. وبهمس لمرام / يمه يخرع ..
مرام تقرصها و هي تهمس .. / صوتك ما ينخفض اكثر من كذا ..
ام سند بخبث / اقول عنيد ..
عناد / هههههه .. من يوم ما فيها عنيد معناته استجواب .. يا لبيه ..
ام سند تعدل جلسته / اسمع ما دام ما الله كتب بنصيب بينك وبين ريهام .. ايش رايك اخطب لك ..
عناد بخبث و هو ودة يقهر غرام لان سمع كلامها / يعني افهم منك يا خاله انك حابة تزوجيني بنتك الخبلة ..
غرام التفت عليه وعيونها طايرة .. ام سند عارفة انه مزح ومشتها / خذها بثيابها و توكل ..
عناد وقف و بوجة جاد توجه لجهت البنات .. ابرار كانت فاصلة بينهم و معاها ترمس القهوة بتقهوي اخوها ..
عناد بجدية لاخته / بعدي ..
ابرار بفهاوة بعدت .. ام سند وقفت وبخرعه / هيييي .. عناد ..
عناد التفت على عمته و باستغراب كذاب / هلا .. ايش فيك يا خاله ..
ام سند بذهول / ايش اللي ايش فيني .. انت من صدقك .. تبي تاخذ البنت وتمشي ..
عناد بجدية / اجل امزح .. يا خاله .. ثنتين ما ينمزح فيها .. العزيمة و الزواج ..
ام سند صدقت / بس انا كنت امزح معاك ..
عناد بجدية / كيف تمزحين .. انتي اعطيتيني البنت .. وانا قبلت .. خلاص ..
غرام بعصبية / احللللللف .. لو تكون اخر واحد ما تزوجتك ..
عناد لو عصب من كلمتها بس فرح انه عصبها التفت عليها وبخبث / الحمد الله اني ماني با اخر واحد اول واحد ..
غرام تذكرت الموقف اللي صار بزواج طلال و مرام .. حست بكهرباء تسري بجسمها و رعشة ..
ام سند / الـ .." و سكتت و هي تشوف عناد يسحب جواله من جيبة و يرد على المكالمه " ..
عناد بعد ما خلص المكالمه و رجع الجوال لجيبه .. / بدر عنده زوار .. يا الله سلام ..
ام عناد بتعب / عناد ..
عناد التفت عليها / لبيه ..
ام عناد / كيف بدر الحين ..
عناد ابتسم وبحنان وهو يقبل جبين امه / طيب .. وان شاء الله الليلة نجيك ونسهر عندك ..
ام عناد بخوف وغصة / لالا .. لا تتعبه .. خله مرتاح ..
عناد وهو مازال منحني عليها / لا تخافين عليه يا الغالية الحمد الله بخير و الجرح مو هذاك الكبر الحمدالله جات بسيطة ..
ام عناد تنهدت / الحمد الله ..
عناد رجع يقبل جبين امه و وقف / تامرون على شي ..
ام سند وام عناد / سلامتك ..
عناد ابتسم و هو طالع / الله يسلمكم ..
غرام تنهدت براحة .. وبهمس / فكه ما بغى يطلع .. " ونزلت الغطاء عن وجهها " ..
طق الباب من جديد .. وغرام بارتباك رجعت الغطاء بس الباب انفتح و دخلت شجون .. و هي تسلم ..






ــــــــــــــــــــ






بالعزيمة


مجلس راكان ،،




أبو سطام بغصة / جعله منزل مبارك ،،
أركان ابتسم / يبارك بعمرك يبه ..
أبو بتال بابتسامه / بعدتوا عني الصغار ،، لكن ابشرك كل صبح فطوري عندكم و بعد مسائي عندكم ..
راكان / ههههههههههههه يا مرحبا بك ..
دخل نايف وهو يمشي بعكازة ومعاه سلطان ماسكه بيده .. أول ماشاف ابوة ترك نايف وراح لبتال ..
بتال يفتح يدينه وحضن سلطان / ههههههههههههه يا فديت هالخشم " وهو يقبل أنف سلطان " ..
طلال بضحكة / ههههههههههههه ها الصغير اخذ محله بقلب الجميع ما شاء الله عليه ..
سعود بنبرة مقصودة / عقبال ما يجي ولدي وياخذ مكانه ..
أبو طلال طالعه بنص عين / يالله العافية ..
أبو بتال ابتسم / شد حيلك .. و جمع مهر بنت عمك ..و سوي زواجك وبعدها فكر بالولد ..
سعود بقهر / طيب ساعدوني ..
أبو سطام / كم عندك الحين ..
سعود بفرحة يحسب جده بيساعدة / 450 الف ..
أبو سطام / خلاص راح الكثير ما بقي الا القليل ..
سعود بقهر / جدي .. " وباستغلال " ..طيب اعطيها المهر بدون بيت وسيارة ..
أبو سطام / لا .. أول شي البيت .. ومو أي بيت الا بيت على الكيف .. وسيع وفخم ..وسيارة اخر موديل ..
أبو طلال / ولا تنسى الخدامه والسواق ..وبما انك خربت شغلها وطلعتها من المستشفى ملزوم تسوي لها عيادة خاصة ..
سعود بقهر / قولوا لا تتزوج احسن ..
الكل /هههههههههههههههههههههههههه ..
أبو سطام / ويوم انك تنافخ و تصارخ وأنت مانت بقد هالعرس ليش تلجنا ابي اعرس ابي اعرس هي فك عمرك ..
سعود بقهر / لأن بنتكم عوبه ..
سيف / وأنت الدفش الخبل ..
الكل / ههههههههههههه ..
دخل زياد وبلغ راكان بان العشاء جهز .. راكان وقف / حياكم الله..






_____









"









في مجلس الحريم ..



أم سطام تسمح دموعها و مياسه بعد .. العنود ابتسمت / يمه الله يهداك ليش تبكين ..
أم سند بصوت حزين / ااااه يا العنود .. بعدتي عنا معاد بنشوفك و لا بنشرب قهوتك .. فمان الله يا مسافر ..
أم سطام زاد بكاها ومياسه بكت معاها .. أم سيف بقهر / حسبي الله على عدوينك يا أم سند ، زدتي بكاها ..
أم سند بضحكة / خلها تطلع يا الجازي ان كتمتها ارتفع ضغطها .. امي واعرف لها ..
العنود وهي توقف و تروح تجلس جنب جدتها .. قبلت راسها وبغنج / هههههه جديداااا كل يوم الصبح والمساء ..
بتشوفيني انا وعيالي عندك .. وبتصيحين علينا وتقولين لنا صجيتوني فارقوني ..
أم سطام تسمح دموعها وبصدق / جعل لساني القص قبل لا اقول صجيتوني .. الا شوفتكم تشرح الخاطر ..
العنود لفت يدها على كتف وجدتها وقبلت راسها / جعل عمرك سالم و طويل ويخليك لي ..
أم سند بضحكة وهي تشوف مياسه تبتسم / هههههههههه مياسه أنتي بكوا بكيتي ضحكوا ضحكتي ..
هههههههه هذا اللي ينقال له .. معاهم معاهم عليهم عليهم ههههههههه ..
الكل / هههههههههههههههههههههه ..
مياسه التفتت على أم سند و بضحكة / ايش اسوي قلبي رقيق ما يتحمل .. " والتفتت على بناتها وهي مبتسمه ..
بس ماتت الابتسامه وهي تشوف كل وحدة مرسوم على ملامحها الحزن و الهم و الخوف "..
رجعت تسولف مع الحريم وعقلها شارد الذهن و تفكر بحال بناتها ..






ــــــــــــــــــ






في المطبخ ..





العنود تجهز الشاهي .. و طلال جالس على احد كراسي الطاولة الموجودة بالمطبخ ..
طلال بهدوء / كيف يعني ..
العنود بهدوء / امك تحبك حد الجنون .. لمن عرفت انها خلاص معاد تقدر تجيب غيرك ..
خافت ترجع للوحدة .. ابوك كان مهملها .. طيش شباب و بداية حياة .. وهي يتم وجوع و خوف ..
كل اللي تملكه بدنيا انت .. فجاة شافت وحدة تشاركها فيك .. وقالوا لها انها امه .. " ابتسمت " ..
امي كانت تسال عنك كل يومين ثلاث .. تقول قلبي تعلق فيه .. مثله مثلكم .. بس امك كانت تجن ..
لمن تسمع سؤال امي عنك .. امي اخذت فترة وهي زعلانه و تبيك تعرف با نها امك و تبيك تنام معانا ..
بس امك تتعب نفسيتها و تصير انطوائية فيخاف عليها ابوك .. و بعدها ابوي تدخل و اقنع امي بانها تبتعد ..
امي ابتعدت بس مو كثر كانت تتصل وتسال .. اما على امك او جدتي موضي .. او ابوي يتصل على عمي عبدالعزيز ..
ويخليها تكلمك بدون لا تدري امك .. " اخذت ابريق الشاهي بدات ترتب الفناجين " ..
طلال ابتسم / تصدقين اذكر سوالفها مثل الحلم .. بس كان بعتقادي انها زوجة عم بس ..
العنود هزت راسها / المهم .. كلمك امك .. وقول لها ان الوضع عادي بنسبة لنا .. ما له داعي هالانطوائية ..
و حاول تكثر جلساتك معاها .. ترا توصلني علومك الخايسه .. " وابتسمت " ..
طلال / ههههههههههههه .. طيب .. بس لا تزعلين علينا و تعطينا من اللي معطيته راكان و متعب و بتال ..
العنود طالعته بنظرة خلت طلال يبلع ضحكته .. وقف و هو ياخذ صحن فناجين الشاهي ..
طلال بضحكه / هههه .. خلني اروح لـ المجلس قبل لا انذبح بعد ذا النظرة .. " وطلع وهو يضحك " ..
العنود ابتسمت و هي تاخذ ابريق الشاهي الي مجهزته للحريم وطلعت لهم ..






ــــــــــــــــــ





يوم جديد ...



بيت ابو بتال ..



بتال و سعود .. و الظبي و سلطان .. جالسين على الارض ..
الظبي و سلطان يلعبون و سعود و بتال يلعبون معاهم .. و وليد و ابوه يلعبون في البلايستيشن 3 ..
بتال رفع راسه و ابتسم على شكل ابوه .. و التفت على امه و هي تكلم بتلفون ..
بتال يهمس لسعود / امك كانها هالايام هادية شوي ..
سعود طالع امه ورجع يطالع بالعبه اللي بين يدينه و يلعب فيها الظبي / الله يستر لا يكون الهدوء اللي يسبق العاصفه ..
بتال بهمس / لالا ان شاء الله .. يمكن رجعت لطبيعتها .. مو هيفاء قالت ان اضطراب الهرمونات بذا السن ..
تسبب ايش اسمه .. " و كانه يتذكر " .. ايش ..؟؟
سعود بلا مبالاة / ايش يدريني ... " وبمزح " .. انفصام بشخصية ..
بتال بحزم يضربة على كتف / استح عاد .. هذي امك .. " وبهدوء " .. هي قالت ان اضطراب الهرمونات في ذا السن ..
تسبب الكابة و القلق وعدم النوم .. و تغير المزاج ..
سعود و هو ياخذ العبة اللي بيد الظبي و يعطيها لعبة ثانية .. بسخرية / بس امك قلبتها لـ حالة انتقام ..
بتال طالعه بنص عين .. وبحدة / سعود ..
سعود بضيق / بس حالة الياس ذا و الاضطرابات تصيب حتى الرجال .. " طالع ابوه " .. شف ابوك ..
بتال بدون لا يطالع .. وبنبرة مقصودة / ابوك عايف امك .. ومن زمان .. ما تذكر ..
سعود بقهر / اذكر .. بس تغير و صار يعامله كالبشر ..
بتال تنهد / علشان سمر .. و الحين لو تشوفه يعاملها عادي قبالنا .. مو مسامحها .. ولا ناسي .. علشان وليد بس ..
سعود بضيق و هو ياخذ سلطان ويحطه بحضنه / والله انا تعبت .. معاد ابي افكر في شي غير نفسي ..
بتال رفع حاجب / يا الاناني .. وتبي احد يساعدك ..
سعود تنهد وهو ينزل سلطان من حضنه و وقف و بسخرية / عاد اللي يسمعك يقول احد بيساعد ..
ما اقول الا لك الله يا سعود .. " طالع سلطان " .. وانت سلطون .. وراء ما تساعد عمك يا الخايس ..
بتال بعصبية / ما الخايس الا انت ..
سعود / ههههههه انا رايح للاستراحة .. تروح معي والا بتقعد عند صغارك ..
بتال طالع سلطان والظبي و هو مبتسم / يا فديتهم .. جلستهم ما تنمل .. بس لزم ارجعهم لامهم .. موعد اكلهم ..
سعود بخبث / موعد اكلهم .. والا تمنى شوفة زولهم لو هو من بعيد ..
بتال بصوت خافت /
ياسعود تكفى عشيري كان مـريته
قله تر الحال عقبه صارت احــوالي
الليل طال ودمعة العين هليـته
دايم جلوسي على مركاي ولحالي
سويت فنجال بن ماتقهويــته
من حر لاهوب صدري كنه الصالي
هاجوس يطريلي وهاجوس خليــته
واساوم الدمعات من ضيقة البـــالي
الموت شفته وعزراييل لاقيــته
اليا متى ينتظر والحال نحـــالي
قله ترا كان ماجاني فنا جيتــه
ما لي بغيره لو يقولون محتـــــالي
جالست ناس وبالمجاليس جاريتــه
لقيتهم يركبون النصب خيـالي
الي يبونه يدقونه بتوقيته
والي يبي غيرهم يعطون مــوالي
ليه عشير لياسولفت واطريتــه
غصبٍ علي دمع عيني يهمل اهمـالي
ماله اوصوف او كان بالوصف حليتـه
وصفه يخلي كامل العقل مهبــــالي
ابو ثمانٍ ياضحك شعة الليتـــه
ولا بروق بأضلم الليل بخيــالي
والجسم لو طولت بالبحث ماجيتــه
مقيوسة قيس لاتفصيل تفصـالي
غصبٍ عليك ليانضرته وحليتــه
تفقد شعورك تغني لآل يـــالآلي
ليته جفاني ليت ياليت ياليتــه
لاشك قلبي غيرها ماله الــوالي
بشوش وجه لاقسم الله وجيته
وصفه شبيه القمر في نصف الهـلالي
ارجوك لامريت لي حارة لبيتـه
وصلي المرسول ياسعود للغـالي
" منقول " ..
سعود اللي كان واقف .. ابتسم / صح السانك .. يا ابو سلطان ..
ابو بتال من وراهم .. وبتساؤل / ايش عندك .. انت تصور ؟..
بتال التفت على سعود وشافه يضحك .. و بقهر / صورتني و ارسلت با الواتس ..
سعود بضحكة .. / مو انت قلت و صلي المرسول يا سعود للغالي .. وانا وصلته ..
حس بتال بهتزاز جواله عرف ان قروب عيال عمه اشتغل حش عليه و تعليق .. سحب جواله و فتحه و هو مبتسم ..
التفت على سعود و هو يضحك / جعل العوبا نويل ما تخلي فيك عقل .. هههههههههههه ..
سعود وابو بتال / هههههههههههههههههههههه ..






ـــــــــــــــــــــــ






بيت ابناء سطام ..



بجناح العنود ..


جالسه على طرف الاريكة و سرحانه .. تطالع بنقطة معينه وهي رافعه حاجب و واضح انها تفكر بس مهم ..
دخلت سارة وهي تناديها .. / العنود .. عنوووووده .. ام سلطان .. " رفعة صوته " .. العنووووووووود ..
العنود سرحانه و لا ردت عليها ولا انتبهت لها .. ساره طالعت باختها ..
جالسه و مستنده على ركبها .. وبيدينها ورقة تقطع فيها لقطع صغيرة .. طالعت على الطاولة وشافت كيس الادوية ..
ساره بخوف تقدمت منها و بهدوء وهي تحط يدها على كتف العنود / العنود ..
العنود نقزت / هممم .. ساره .." عقدت حواجبها " .. ايش فيك ..
ساره با ستغراب / انتي ايش فيك ؟ .. من اول انادي عليك وانتي مو معاي ..
العنود تنهدت و هي تعدل جلستها .. و بتعب / ما فيني شي .. " انتبهت للورقة وبضيق " .. اووووه ..
ساره طالعت بالورقة وباهتمام / ايش هالورقة ..
العنود قرمشت باقي الورقة و رمتها بزباله " كرمتوا " .. / عادي .. الارشادات حقت العلاج الجديد .. مو مهم ..
العنود و قفت و توجهت لتسريحة .. و بتساؤل / سلطان والظبي رجعوا والا لسع ..
ساره ابتسمت وبمزح / ايه رجعوا .. ما شاء الله عليهم عيالك .. مؤدبين .. على الوقت بضبط اللي حددتية لرجعه ..
العنود رفعة حاجب وهي ترفع شعرها .. وبسخريها / اااها ...
ساره بضحكة / هههههههه خلاص فهمت .. النظره لحاله ترعب .. " وطلعت من الجناح " ..
العنود ابتسمت و هي تهز راسها .. اخذت جوالها و اتصلت على منار ..
العنود بهدوء / السلام عليكم .. اوف ليه معصبة .. " ابتسمت " طيب مبروك .. " عقدت حواجبها و بعدها ضحكت " ..
ههههههههه .. منار يا الخبلة .. بتصيرين ام و لساتك مطفوقه .. " و بجدية " .. معاه حق .. ناسية اجهاضك اللي قبل ..
و اصابة ظهرك .. الجية لشرقية .. " و بطفش من حال اخوانها " .. يمكن لك خيره .. ما تدرين الله وين حاط لك الخير ..
" وبعصبية " .. مناااااااار .. ايش ذا الكلام .. هي تعالي و شوفي ايش اسوي فيك .. يالله سلام .. " وقفلت المكالمه " ..
و بعصبية رمت الجوال على التسريحة و هي تافف .. / اوووووف .. استغفر الله العظيم ..
لا من اللي هينا مرتاحه ولا اللي من هناك .. حتى متعب و صلاح صاروا مثلهم .. يا رب ساعدني ..







ـــــــــــــــ







يوم جديد ..




بيت ابو سطام ..



العنود مبتسمه / ها يا جدتي .. مو قلت لك .. ان صبح و مساء عندك .. وراح نطفشك ..
ام سطام بمحبة / لا ما طفشتوني .. الا وسعتوا خاطر .. جعل عيني ما تبكيكم ..
العنود تاكل الظبي من البسكوت .. وسلطان يلعب في الصالة قبالها ..
جات الخدامة .. / ام شولتان .. " ام سلطان " .. شئود " سعود " .. يبقا شولتان .. " يبغى سلطان "..
هيفاء بضحكة / قلبت الاسماء قلب ..
ام سطام بتذمر / هالخدامه اتعبتني .. مريم " تقصد الخادمة ميري .. كل مرة تعطيها اسم " .. عيت تعلمها هرجنا ..
العنود و هيفاء ضحكوا على ام سطام اللي كل يوم تطلع اسم لشغالات / ههههههههههههه ..
العنود التفتت على الخدامة / طيب وينه سعود ..
هفاء بضحكة / شئود ..
العنود ابتسمت وهي تسمع الخدامه تقول لها " هينا بلاء " وي تاشر على باب الفلة .. هزت العنود راسها / طيب ..
بعد دقايق العنود توقف وهي تربط ملثمها / يالله .. انا صار لزم ارجع البيت .. يدوب اجهز الغداء ..
هيفاء وام سطام / الله يعينك ..
العنود اخذت الظبي و طلعت من الفله .. سمعت سعود يتنهد و يكلم سلطان ..
سعود و هو يلعب سلطان بالكورة / انت لو فيك خير كان من يوم ما تسمع عمك يتوجع و يون .. تفزع له ..
و تقول ابشر يا عمي جاك ما تبي .. لكن انت طالع لابوك و خالك راكان .. بخالاء ..
العنود بهدوء / ما هقيتها منك يا ابو سطام ..
سعود التفت و وقف بسرعة بحرج و هو يطالع سلطان و مبتسم / هههههه ما قصدتها ..
بس من حر ما بجوفي على ابوه و خاله .. " العنود ابسمت وهي فاهمه مقصد سعود " ..
سلطان من شاف امه و اقفه و بالعباية ترك الكورة وتوجه لها وهو فرحان ..
العنود مسكت يد سلطان وتوجهة لبيتهم .. سعود راح لسيارته و مشي رايح الشركة ..







ــــــــــــــــــ





بيت ابو سند ..




على طاولة الغداء ..




ام سند بهدوء / اليوم خالتكم ان شاء الله تطلع .. ابي احد منكم يوديني السوق ابي اشتري اغراض ..
فارس عارف لوين المشوار بسرعة / انا مشغول مواعد واحد رجال لزم ضروري اقابله ..
سند بسخرية / خف علينا يا المهم .. " التفت على امه و بهدوء " .. ياسر فاضي مغير منبطح في الاستراحة ..
حتى الشركة ساحب عنها لهه يومين .. انا ذا الايام مشغول .. لفضيت اورية ..
ام سند بعصبية / عاد انا بلغتكم .. العصر القي واحد منك عندي ..
نصلي العصر و نمشي ما ابي ابطي .. لو عيال خالتكم فاضين كان رحت معهم و جبت عازت امهم ..
سند ابتسم / افااا يا ام سند .. انتي تامرين امر .. " رفع جواله واتصل على ياسر .. وبامر و صوت حاد " ..
دقايق واشوفك قدامي في البيت .. ان تاخرت يا ياسر .. ما تمسي الا بالمستشفى .. " وقفل المكالمة " ..
ام سند بخوف / يا ويلي عنه .. الحين يسرع و ما يشوف قدامه .. وهذي حزت زحمة .. يا لله تستر عليه و تسلمه ..
سند و فارس ابتسموا لها / امين ..







ـــــــــــــــــ






بيت ابناء سطام ...




قبل الفجر بدقائق ..



سارة دخلت المطبخ .. فتحت الثلاجة وطلعت جبن و زيتون و طماطم وخيار ..
قطعت الخيار والطماطم شرائح و رتبت الصحون على الطاولة .. حطت الخبز في الميكروويف ..
التفتت ياستغراب و قرف / ايش ذا الريحة .. شكلها من الفواحة ..
العنود دخلت وهي تلم شعرها وباستغراب / انتي .. ايش صحاك ..
ساره ابتسمت / حسيت بالجوع و قلت انزل اكلي شي .. دخلت عليك شفتك نايمه ..
العنود بضيق / ايه .. " وهي تحط لها ماي بالكاسة .. و بغصة " .. شفت كابوس خنقني .. اعوذ بالله منه و صحيت ..
ساره و قفت قبال الباب الزجاجي المطل على الحديقة الخلفية للبيت .. حطت يدها على الزجاج وهي تطالع لبرا ..
العنود باستغراب وقرف / ايش ذا الريحة ..
ساره هزت اكتافها / ما ادري .. " تنهدت " .. تصدقين اشتقت لامي و ابوي .. ودي ارجع انام بحضنهم ..
العنود نزلت الكاسة .. وطالعتها بضيق و حنين .. حت هي اشتاقت لهم ..
بلعت غصتها .. وهي تتقدم من الباب راجعه لجناحه .. طالعت ساره / بعد ما تتعشين .. ااا ..
........ بوووووووووووووووووووووووووووووووووم ....
صوت انفجار هز البيت كله .. العنود بصراخ / سااااااااااااااااااااااااااااااااااااررررررررررررر ررره ..






انتهى ..

لا اله الا الله .. محمد رسول الله ..
سبحان الله .. و .. الحمد الله .. و .. الله اكبر ..

اعذروني عن القصور و التاخير .. و الاخطاء الاملائية ..
كتبت هالبارت من التاب .. فاعذروني اذا كان فيه اخطاء ..

لا تنسوني من صالح دعائكم ..

كونوا بخير ..

مشاعل السعودية ..












**


**

السلام عليكم
مشاااعل لالا يكفي العنود مشاكل وفقد لايصير لسااره شي والله العنود حتنهد من وين تحصلها بس اتوقع حترجع لبتال بس بعد ماتطلع عينه وتادبه ع الي سواها فيها واتوقع العنود تساعد سعود ع المهر والزواج

الله يعطيج العافية على هالبارت الرائع

يسلمو قلبي بارت رائع بتال مو ناوي على خير والعنود متى ترتاح من الهم
وسارة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟