"





بسم الله الرحمن الرحيم ..

السلام عليكم ورحمة الله وبركاته ..

الحمد لله والصلاة والسلام على رسول الله ..

توكلنا على الله .. لا اله الا الله محمد رسول الله ..





البارت 39 ..





يانبضة القلب فزة خاطري
ياجرة الآآآآه باقصى ضامري

تمضي الليالي والزمن فينا يدور
ويبقى الشعور نفس الشعور

ياخوي ياعزوتي ياضحكتي وبكاي
يامن على فزعتي يمينه في ميناي

ياما اخو دنيا عند النوايب يبري جراح
ولى زاد حملك تلقى فيه الخير

الدنيا تبقى بخير ليمال زمانك وانكرك الغير
دام الوفا بين البشر موصول

ياخوي ياعزوتي ياضحكتي وبكاي
يامن على فزعتي يمينه في يمناي

من لي سواك الي على كتاف ارتكي
لي ضامني الوقت وخان فيني الدهر
انت العضيد الي اشد فيه الظهر


" منقول " ..









بمنتصف اليل ..
سمع صوت رنين جواله ..
حاس بثقل على عيونه .. بالقوة تحرك علشان يدور جواله .. انقطع الاتصال وفرح ورجع لـ النوم ..
بس رجع الاتصال .. نفض الفراش بتافف / اوووووووووووووف ايش ذا الازعاج ..
تلفت يدور الجهاز و شافه على التسريحة .. وقف وبطفش راح جهته بدون لا يلبس الشبشب ..
كان لبس بجامة ببلوزة سودة و بنطلون رمادي .. رفع الجوال و تفاجاء من المتصل ..
عقد حواجبة / ايش عندة يتصل ذحين .. عسى خير ..
باهتمام / الو .. " تفاجاء من الصوت الغريب " .. من ؟ ..
بخوف وصدمة / ايه انا .. انت من .. " بلحضه حس ان الارض تهتز من تحته .. جلس على الارض .." ..
وبخوف و غصة / مات ..!!
المتصل وصوت واضح انه يبكي / ما اظن انه يعيش .. الحق عليه يا عناد .. اهئئئئئئئئئ .. بدر يا عناد ..
عناد بغصة / وين .. وين انت ..
المتصل مسح دموعه / انا في السيارة معاه .. الحين نوصل لمستشفى *** ..
عناد حس بان رجوله خذلته .. النفس انقطع عن الدخول لصدره .. ارتخت يده و نزل الجوال جنبه ..
اتكى على يدينه وسحب جسمه و قف .. بصعوبه وهو يشهق يبي يدخل الهواء لصدره ..
حط يده على مفتاح السيارة اللي على التسريحة وكان جنب الجوال .. وراح يجري .. طلع من جناحه يجري ..
فتح الباب الرئيسي و توجه لسيارته .. ولا قفل الباب وراه .. شغل سيارته و حركها بسرعة .. وتوجه للمستشفى ..






ــــــــــــــــــ







قبل صلاة الفجر بدقايق ..



جناح سند ..


رنيم تدور بفهد و تحاول تسكته ..
سند طلع من الحمام " كرمتوا " متوضئ لصلاة .. تنهد بضيق / طيب جربتي تدهنين جسمة بزيت دافي يمكن بردان ..
رنيم بتعب / ايه .. وارتاح شوي وكان بينام " وبقهر " .. بس جوالك رن وصحاه ..
سند بضيق توجه لثوبة لبسه و لبس شماغه .. رايح للمسجد اخذ جواله / اسمعي انا رايح للمسجد اذا ما سكت و نام ..
رحنا للمستشفى .. يمكن حرارة والا الاتهاب ولا حنا عارفين ..
رنيم بتعب / طيب ..
رجع رن جوال سند .. رفعه و باستغراب / الو .. هلا .. " وبصدمة و ضيق " .. لا حول ولا قوة الا بالله ..
انا لله وانا اليه راجعون .. " وهو يمسح على وجهه بضيق " .. انا لله وانا اليه لراجعون ..
" تنهد .. وهو يجلس على الكرسي " .. متى صار .. اههااا .. متى الصلاة عليه .. الظهر ..
وين ..؟ خلاص خلاص .. انا ابلغ جدي .. والكل .. فمان الله ..
رنيم بخوف / من مات ..
سند قفل المكالمة .. وبضيق / هذا سمير المنصور يقولون صار عليه حادث وهو جاي من ينبع .. الله يرحمه ..
رنيم شهقت / زوج مشيرة .. حرااام ..
سند بضيق / استغفر الله .. هذي ساعته .. قولي الله يرحمة ويغفر له ..
رنيم بضيق وهي تطالع ولدها اللي هدي ونام / الله يرحمه .. فهد نام .. " حطته بسريرة و توجهة للحمام .. " كرمتوا " ..
سند اخذ المحفظة و جوالة ومفاتيح سيارته .. و طلع من شقته .. متوجة لمسجد ..







ــــــــــــــــــ





بعد الصلاة ..



سلطان يمشي بجنب ابوة .. خارجين من المسجد .. متوجهين لسيارتهم ..
سند يقبل راس جده و يقبل راس عمة .. / صبحكم الله بالخير ..
ابو سطام و ابو بتال / صبحك الله بالنور ..
ابو سند / صباح الخير .. " وهو يقبل راس عمه .. ويسلم على سلطان " ..
سند يقبل راس ابوة / صبحك الله بنور ..
ابو سند باستغراب / ابو عناد وعياله ما شفتهم بالمسجد .. شفتوهم ..
الشباب بداو يطلعون من المسجد .. ويسلمون على جدهم وعمامهم و يصبحون عليهم بالخير ..
ابو طلال يسال / عسى ما شر ... وين ابو عناد وعياله ..
ابو سطام بخوف / عسى مابهم شي ..
سند يمسك يد جده وبهدء / لا ان شاء الله ما بهم شي .. بس يمكن سبقونا لعيال المنصور ..
ابو بتال باستغراب / وايش عندهم عيال المنصور ..
سند / انا لله وانا اليه لراجعون .. ولدهم سمير وهو جاي من ينبع صار عليه حادث وتوفى ..
الكل / انا لله وانا اليه لراجعون .. لا حول ولا قوة الا بالله ..
ابو بتال و ابو طلال مسكوا بيد ابوهم وركبوه السيارة .. ابو طلال ساق السيارة وسلطان ركب وراء ابوة وتوجهوا للبيت ..
ياسر جاء له اتصل وابتعد شوي عنهم حتى يرد على المتصل ..
ابو سند وهو يمشي / يا سند .. تعال معي خلنا نروح نشوف عمك وعياله .. قلبي مو مريحني ..
سند راح وراء ابوه .. سيف وفارس و رعد و طلال و راكان وزياد وبتال .. اتفقوا يروحون لبيت المنصور ..
ويوقفون معاهم .. بتال وراكان وزياد وسعود تحركوا بسيارة وحدة و توجوا لـ بيت المنصور ..
رعد وطلال وفارس وسيف .. كانوا يسولفون عن الحياة و يهللون و يستغفرون وهم يمشون شوي شوي ..
ياسر من فتح الخط و سمع الخبر جلس على الارض وهو مو عارف ايش يقول .. فارس كان بيتحرك متجة للبيت ..
حس بحركة سامر و صقر الغريبة .. التفت وشافهم جالسين جنب ياسر وكان ياسر تعبان .. بخوف / ياسر ..
الكل انتبه والتفت على فارس و بعدها التفتوا على ياسر .. تقدموا منه .. فارس يجلس على ركبه قبال ياسر ..
رعد واقف ومنحني على ياسر / ياسر تكلم .. من الي اتصل عليك .. ايش فيك ..
ياسر وبدا دموعه تنزل / هذا .. هذا واحد .. من اصدقاي يشتغلون بمستشفى *** .. " زاد بكاه " .. يقول بدر ..
صقر فز واقف وكانه مقروص / عناد .. وعمي خالد .. ما حضروا الصلاة .. معناته العلم صح ..
رعد بعصبية / اي علم .. تتكلم انت ويه عدل والا ..
سامر و قف بارتباك / هذا .. " وهو ياشر على ياسر " .. يقول بدر انصاب وهو بالمستشفى يمكن ما.... " وقطع كلامه "
رعد انخطف لونه .. رفع جواله واتصل على عناد بس مافي رد .. اتصل على جوال بدر .. ورد " خلف " ..
رعد بفرحة / بدر .. " واختفت فرحته اول ماسمع الصوت الغريب وبعد صمت وهو يسمع المتكلم من الطرف الثاني " ..
باهتمام / طيب انتم باي مستشفى .. خلاص .. طيب .. دقايق ونكون عندك .. " انهاء المكالمة والتفت على الشباب " ..
رعد بحزم / خلنا نروح للمستشفى *** بسرعة .. " التفت على طلال " بلغ الشباب انت ..





ــــــــــــ




"




بيت ابو سطام ..



بالمطبخ ..


سارة واقفه و مايله على دولاب المطبخ .. و بيدها سندويتشا ..
العنود عاقده حواجبها وهي ترتب الفطور وتسمع كلام سارة / ايه وبعدين ..
ساره رفعت كتوفها / ولا شي .. " عدلت وقفتها " .. بس غرام من هذاك اليوم وهي كل ما شافت شجون تصد عنها ..
" تاففت " .. اووووف .. نفسي اعرف سبب هوشتهم .. رنا تقول انها ما انتبهت هي وخزامى ..
الا وغرام تعطي شجون كف .. وقامت شجون رجعته لها .. مع كلام تقول ما فهمت مغزاة ..
العنود / .........................
سارة طالعت فيها وماكان واضح وجه العنود كله كانت مايلة على الطاولة وترتب وخصل من شعرها نازلة على وجهها..
ساره تقرب وهي تقرص عيونه / ليه حاسة انك عارفة شي ..
العنود وقفت شغله يدها والتفتت على سارة و رفعت حواجبها وبهدوء / واذا اعرف تبيني اقول لك ..
ساره تراجعت وهي مبوزة / مو انا اقول لك كل شي .. انتي ليه ما تقولين لي ..
العنود وهي تعدل وقفتها وتتوجة للمغسلة .. تنهدت / اشتقت لزهرة تصدقين ..
ساره هزت راسها / اي والله صادقة .. ليتها ترجع لنا ..
العنود بهدوء / الله يوفقها .. والله انها فرحتني يوم قالت تبي تجلس بالمزرعة تونس ام محمد ..
ام محمد مرة مسيكينه لحالها هي وزوجها وكبار بالسن .. وصبري وزهرة كان واضح انهم مو مرتاحين هينا ..
سارة تنهدت / امممم .. " التفتت على الباب .. وابتسمت .. لمن شافت رنا داخله " .. صباح الخير يا عروسه ..
رنا حمر وجهها / سارة .. " التفتت على العنود " .. اسفه تاخرت عليك ..
العنود ابتسمت لها / لا عادي .. " وبتساؤل " .. ليه وجهك مرهق ..
رنا بضيق / ريهام البارح كله تبكي .. قطعت قلبي .. وماعرفت ايش اقول لها .. بس بقيت تحت فرشتي نايمه ..
علشان ماتحس فيني اني صاحيه .. وتخجل .. " وبغصة " .. ايش اسوي ..
العنود تنهدت وهي تقفر بشي / ربك يحلها .. ويرزقها .. يمكن لها خيرة .. وراح يرزقها باللي احسن من عناد ..
سارة وهي تبلع لقمتها بسرعة وكانها افتكر شي مهم / الا ريهام تحب عناد .. علشان كذا زعلت ..
رنا احمر وجها خجل و صدمة ../ ................
العنود بغضب / ساااااااااااااااارة ..
سارة نقزت بفجعه وانكب العصير من الكاسة اللي كانت بيدها / .........................
العنود بغضب / يالله قدامي البسي وروحي مدرستك ..
ساره وهيفاتحة عيونها للاخير / وي بسسم الله عليه .. هذا اول يوم من الترم الثاني وبفجعه .. الله يكفينا شر اخرته ..
العنود بغضب وهي تضرب يدها بالطاوله / والله لو ما انقلعتي من وجهي .. لتشوفين شي مايعجبك ..
سارة برعب تركت الكاسة على الطاولة وباقي الساندويتش وطلعت من المطبخ بسرعة ..
رنا بارتباك صارت تلتفت حولين نفسها و هي تفرك بيدينها .. / اااا .. امم .. ااا .. انااا ..
" طلعت من المطبخ وهي تبعد شعرها عن وجهها بخجل وارتباك .. العنود تنهدت بغضب و بدات تستغفر حتى تهدى " ..







ـــــــــــــــــ





بيت ابو عناد ..



بالمجلس ..



ابو سند جالس بجنب اخوه وحاط يدة على فخذ اخوة / سلامات عليك .. ليكون اكلك البارح اكل مالح والا ..
ابو عناد تنهد بتعب / لا والله .. بس الظاهر زعلت شوي .. وارتفع الضغط ..
ابو سند بتساؤل / وايش اللي زعلك ..
ابو عناد تنهد بضيق وسكت لثواني .. / تحليل عناد و ريهام .. زعلت لانه ما تطابقوا .. " توافقوا " ..
ابو سند ببساطة / الحمد الله .. لعله خير وانا اخوك .. وربي يرزق ريهام بزوج صالح .. ويرزق عناد بزوجة صالحة ..
سند حس بجواله يهتز سحبه من جيبه .. وقف وابتعد عن عمه و ابوه .. وفتح الخط وبهمس صار يتكلم ..
ظن ابو سند وابو عناد انها رنيم .. سند بهمس / الو .. " صد عن ابوة وعمه وبهمس خايف " .. كيف ؟!!
ابو سند / وعناد وبدر وينهم ..
ابوعناد باستغراب / بدر خابر انه عنده استلام " الزام " .. اليلة ويسلم 5 الفجر ..
" رفع عينه على الساعة المعلقه بالجدار " .. والحين 6 ولا جاء .. عسى خير .. وعناد والله ما ادري عنه ..
سند رجع الجوال لجيبة تنهد و بجمود التف على عمه وابوة ورجع مكانه جنب ابوه .. وبهدوء / الا ياعم ..
ابو عناد / سم ..
سند / سم الله عدوك .. ايش رايك اخذك للمستشفى و تشوف ضغطك .. ترا وجهك ماهو بعاجبني ..
ابو سند يوقف / اي والله وانا ابوك .. قم يا اخوي .. ورح المستشفى ترا الضغط مثل السكر اقشر ..
ابو عناد بتهون / لا ان شاء الله مابه اخلاف .. وان جاء عناد يوديني .. ما ابي اتعبك يا ولدي ..
سند بهدوء / هذا انت تقول ولدي .. يعني انا مكان عناد .. لو لقدر الله وصار شي بعناد والا بدر حنا مانا عيالك ..
ابو عناد بخوف / بسم الله عليهم .. " وبضيق " .. يا ولدي لا تعيدها .. يكفي امهم .. البارح مغير تهوجس ..
ابو سند حس ان فيه شي من تغير وجه سند في المكالمة و طلبه والحين شك اكثر ../ اقول يا اخوي ..
خلنا نروح سوا للمستشفى انت تشوف ضغطك وانا اشوف سكري ومن هناك نروح لبيت المنصور ..
سند رفع راسه لابوة وشافه عاقد حواجبه .. وباهتمام .. / يبه تونس شي ..
ابو سند بغموض / مغير غرت من اخوي .." وابتسم " .. قم الله يهديك لا تخلينا نبطي .. " نتاخر " ..
ابو عناد وقف / لا اله الا الله .. طيب خلينا اغير ثيابي واجيب شماغي واجيكم ..
ابو سند يهز راسة / وحنا ننتظرك بالسيارة .. " التفت على سند وهو يمشي طالع من المجلس " ..
ابو سند بحزم / ايش عندك ..
سند بتهرب بعد ماطلع من باب المجلس / اجيب السيارة واجيك واعلمك .. " وبسرعة تحرك وهو يجري لسيارته " ..
ابو سند يهز راسه ما اعجبه الوضع .. بعد دقايق .. ابو عناد وابو سند و سند طلعوا من المجمع متوجهين للمستشفى ..







ـــــــــــــــــــــ






بالمستشفى ..




جالس على الارض جنب باب غرفة العمليات .. رجله اليسار مادها على الارض .. ورجله اليمنى طاويها ..
وساند راسه على الجدار .. يدينه على الرخام .. الدم بيدينه وعلى ملابسه .. مايدري كيف وصل .. و كم مر من الوقت ..
غمض عيونه وتذكر صورة بدر .. اول ماوصل كان توه خلف موصلة لطواري و بدر رفض يدخل غرفة العمليات ..
لحد مايوصل عناد .. لمن وصل عناد دخل مثل المجنون لطوارئ .. ابعد الممرضا والدكتور عن بدر ..
وهو يصارخ عليه مثل المجنون و صار يبكي .. / بدر يا اخوي ..
بدر وهو حاط يده على رقبته مكان الطعنه .. تكلم بحشرجة / سـا.. ـمــمـآآآحححــنني .. ابــ..ـبوي اامـي .. ااابـ..
" بعدها بدا يرتخي بدر وعيونه بدات تقفل حتى فقد الوعي " .. " وقتها عناد جن وهو يشوف الدم ..
اللي ينزل من رقبة اخوه .. ضمه على صدر وهو يصارخ باسمه " .. ابعدوا الدكاترة عناد بالقوة و بدا يشفون شغلهم ..
فتح عيونه اللي كانها جمر ودموعه اربع اربع .. لمن سمع صوت احد ينادي باسمه .. شاف طلال ..
عناد انفجر بكي وصار يشهق .. طلال بخوف توجه له وجلس على ركبه قباله .. هز رجل عناد .. / وين بدر ..
" بعصبية " .. تكلم .. انطق .. " عناد لملم رجوله وحط راسه بينهم وصار يبكي اكثر و يشهق " ..
وصل رعد وسيف وفارس و ياسر وسامر و صقر .. طلعت ممرضة وبلهجة مكسرة / يبقى تم .. " يبغى دم " ..
عناد من سمع صوت الباب وهو يحاول يوقف لكن رجوله خانته .. طلال ساعدة بالوقوف ..
عناد يرفع كم بلوزته و يمسح دموعه / انا .. احمم .. انا خذوا مني دم ..
الممرضة / نو .. نو .. امممم .. تاني .. " وهي تاشر بيدها واحد ثاني غيرك " ..
طلال انتبه للصقة اللي بيد عناد .. / لا انت سحبوا منك دم والحين دايخ ..
راح مع الممرضة كل الشباب معادا طلال مسك عناد وجلسة على كرسي .. دقايق ووصل بتال وراكان وسعود
و زياد ونايف .. بقسم الطوارئ .. بعد ما فحص ابو عناد وابو سند .. ابو سند وهو خارج من الغرفة ..
سند بضيق / يبه ..
ابو سند بخوف / من ؟
سند تنهد / اذكر الله يبه .. مافيه الا الخير ان شاء الله .. وبسيطة ..
ابو سند يجلس على الكرسي .. وبخوف / لا اله الا الله .. من فيهم .. بدر و الا عناد ..
سند بضيق / بدر ..
ابو سند بخوف وضيق و غصة / ايش جاه ..
سند بضيق / والله ما ادري .. بس هو بالعمليات هينا .. الحين ابي اقول لعمي خالد ..
ابو سند هز راسه .. دخل سند على غرفة عمه .. اللي ما زال الدكتور يكشف عليه .. وخبرة سند عن الوضع ..
سند جلس جنب عمه على السرير .. وابو عناد فاتح عيونه ومركز مع سند وكانه حاس بشي ..
سند بهدوء / عمي ..
ابو عناد بتعب / ابوك فيه شي ..
سند بضيق / عمي بدر صار عليه حادث بسيط ان شاء الله .. وهو هينا منوم ..
ابو عناد بخوف / امانه يا سند .. هو بخير .. حي ارجية ..
سند يمسك يدي عمه / والله انه حي .. بس يسون له عمليه .. بسيطة ان شاء الله ..
ابو عناد ينزل من السرير وهو يقفل ازارير ثوبة / ودني له .. " وقف و ساعدة سند و طلع من الغرفة ..
وهو يعدل لفة شماغه .. شاف ابو سند جالس على كرسي الانتظار و توجهوا جميع للعمليات .." ..
اول ما وصلوا .. ابو عناد تحشرح صوته وبغصة / عـ...ــنـ..ـاد ..
عناد كان حاط راسه بين يدينه ومغمض عيونه .. خلف جلس جنبة بعد ما خلص من التحقيق مع الشرطة ..
واخذوا منه تفاصيل الحادث .. عناد فز واقف اول ما سمع صوت ابوه .. شافه واقف ومتلطم بشماغه والدمعه بعينه ..
توجه له وضمه .. عناد يبكي / مطعون يبه .. مطعون برقبته .. ويلي على حال اخوي يبه ويلي على حال عضيدي ..
سند حاول يبعد عناد عن ابوه وهو مفجوع .. بلوزة عناد كلها دم .. وخلف بدلته العسكرية كلها دم ..
ابو عناد ضم عناد بقوة وهو يهتز من البكي .. / يناجيه الله .. يناجيه الله .. يا الله .. يا الله .. يا رب .. يارب ..
ابو سند بحزم / ابعد يا عناد عن ابوك .. لا اله الا الله .. اذكروا الله .. ما يصير اللي تسوونه ..
ابو عناد يبتعد عن عناد .. / لا اله الا الله .. " وهو يمسح دموعه ويتوجه للكرسي "..
وقف خلف و توجة لـ ابو عناد ويقبل راسه وراس ابو سند .. / ربي يسلمه يـ عم ..
ابو عناد واللي يعرف خلف من قبل ../ انت كنت معه .. وشلون صار الحادث ..
جلس ابو عناد وعناد وابو سند على الكراسي .. خلف واقف قبالهم .. وبداء يحكي القصة .. / هذا وحنا عند اشارة ** ..
وقفنا .. وبدر منزِل زجاج السيارة " نافذة السيارة " .. شوي .. حتى يتجدد الهواء .. وكنت اسولف معه واضحك ..
وما شفنا الا اليد السودا الي داخله مع فتحة الزجاج وبيدة شي .. بدر رجع علية شوي لكنها وصلته .. رفع الزجاج ..
وضغط بقوة عليه .. لحد ما بعد الادمي يده وشرد .. وماشفت الا الدم منتشر .. وبدر يحط يده على رقبته ..
بدا هو يضغط البنزين وانا الف الدريكسون الين وصلنا المستشفى .. وعلى طول نقلوا للعمليات ..
ابو عناد بغصة / الطعنه كبيرة ..
خلف بصدق / والله ياعمي ما ادري .. وما شفت الا الدم .. الي كانه نافورة ..
ابو عناد بقهر وغبينه / ذبح ولدي .. آآآآآآه .. تعرفه من هو .. شفت وجهه ..
خلف بذكاء .. وهو يشوف عيون عيال الفارس كلها متصوبة عليه وواضح عليهم الغضب / لا ما شفت وجهه ..
والشرطة اخذت السيارة تبي تاخذ البصمات .. و تصور الحادث ..
ابو سند بقهر / جعلها ما تجي .. اهم سلامة الولد ..
فز عناد اول ماشاف الدكتور خارج .. وبخوف / ها دكتور .. " الكل تجمع حولين الدكتور " ..
الدكتور بجدية / الحمدالله على سلامته .. الطعنة مو مرة كبيرة .. والحمد الله ان الاحبال الصوتية ماتاذت ..
عناد ماسمع الا الصراخ الي باسمه وبعدها غاب عن العالم .. " فقد الوعي " ..






ــــــــــــــ

"





بيت ابو سطام ..


بالصالة ..



ام سطام تمسح دموعه بطرف شيلتها .. ابو سطام بضيق / لا حول ولا قوة الا بالله .. الله يرحمه ويغفر له ..
بهـ الحظة دخلت العنود وسمت اخر كلام جدها .. انتبهت ان جدتها تبكي .. وبستفسر / السلام عليكم ..
" وهي تطالع جدتها " .. عسى ماشر .. " والتفتت على جدها وعمامها طالبه الجواب " ..
ابو بتال وهو يطالع بالعنود وهي تنزل صينية الفطور .. بضيق / سمير المنصور .. توفى ..
العنود بصدمة / سمير ابو منصور ..!!
ابو سطام بضيق / ايه هو .. الله يرحمه ..
العنود حطت يدها على فمها بخوف و حزن .. وقفت فجاة و طلعت من الصالة متجهه لجناحها ..
شافت سارة و روان و اماني و ريان و وليد عند الباب الرئيسي طالعين لسواق .. متجهين لمدارسهم ..
دخلت جناحها و اخذت جوالها اتصلت على متعب و لقيته مقفل و اتصلت على صلاح ونفس الشي ..
جلست على طرف السرير وهي خايفه ومتوترة لزم تكون جنب مشيرة الحين .. فزت اول ما رن جوالها ..
العنود بسرعة / السلام عليكم .. كيفك متعب .. ايش الاخبار ..
متعب تنهد بضيق وغصه .. وكان واضح الصدمة بصوته / وعليكم السلام .. الحال ما يسر .. المهم .. وينك الحين ..
العنود تنهدت / لا حول ولا قوة الا بالله .. انا في البيت .. الحين اجيكم .. بلغتوا مشيرة ..
متعب بضيق / لا .. " وبامر " .. الحين جايك تجهزي .. دقايق واكون قبال البيت ..
العنود هزت راسها / طيب .. " وقفلت الخط .. غيرت ملابسها ولبسة عبايتها واخذت جوالها وطلعت "..
شافت مياسة متوجهة لصالة .. وبسرعة / عمتي ..
مياسة التفتت لها وباستغراب / هلا .. وين بتروحين ..
العنود تنهدت / ابي اروح لبيت جدي منصور .. " وبضيق " .. سمير زوج مشيرة توفى ..
مياسة شهقت وهي تحط يدها على فمها / لا حول ولا قوة الا بالله .. انا لله وانا اليه راجعون ..
العنود اول مارن جوالها ينبها لوصول متعب .. لبست برقعها .. وبسرعة / انتبهي لعيالي .. مع السلامة ..
مياسة وهي تطالعها خارجة من الباب / مع السلامة .. " وتوجهة لصالة " ..
ابو سطام بفزع / لا حول ولا قوة الا بالله .. اعوذ بالله من الشيطان ..
مياسة باستغراب تطالعهم / ........................
ابو بتال وقف وبضيق / خلنا نروح نشوفهم .. " التفت لامه اللي تبكي و ابو طلال حاضنها ويهديها " ..
ابو بتال بضيق / والله سند قال انه بخير .. بس حدث بسيط .. ويمكن نطلعه اليوم ..
ابو طلال يقبل راسها وبضيق / يا ميمتي هذا بدال لا تدعين له .. الله يهديك بس ..
مياسة تقبل راس ابوها و امها و تجلس جنبها وبضيق / يمه اذكر الله .. وهذا العنود راحت لهم .. و شوي حنا نروح لـ..
الكل طالع مياسه باستغراب .. ابو بتال قاطعها / راحت لمن ..
مياسة / لبيت المنصور .. توها طلعت مع متعب ..
ابو سطام يوقف وبتعب / خذوني لبدر خلني اشوفهم ..
مياسة بخوف / ايش فيه بدر ..
ابو طلال / حادث بسيط ان شاء الله ..
مياسة شهقت بقوة / ياربي سترك ..
رن تلفون البت حتى يرفعه ابو بتال و بهدوء / الو .. " عقد حواجبة " .. من انتي .. ابرار من ..
مياسة بخوف توقف / ابرار بنت الهنوف ..
ابو بتال بخوف / ايش فيك تبكين .. امك .. ايش .. طيب طيب .. جايك .. " وقفل الخط " ..
ابو سطام بضيق / ايش فيها الهنوف ..
ابو بتال بضيق / والله ما ادري .. ابرار تبكي و مافهمت شي منها غير امي تبكي مدري ولد ..
مياسة بخوف / يا ويلي يا اختي .. هي حامل ليكون جاها شي والا عرفت عن بدر ..
ابو طلال يوقف / انا اروح اشوفها .. وانتم روحوا المستشفى ..






ـــــــــــــــــــ





بيت ابو عناد ..



ابرار تبكي / يمه .. يمه ايش فيك ..
الهنوف تتوجع وهي نايمه على الكنبة اللي بجناحها / ما.. ما .. فـ...ــيــ..ــنـي .. شي .. آآآآآآآآآآه ..
ابرار مو عارفه ايش فيها امها .. مسحت دموعها .. انتبهت لشي و فتحت فمها باستغراب .. طالعت امها / ....
الهنوف بالم / ابرار .. ااام .. اتصلي على خالتك .. العنود ..
ابرار هزت راسها و وقفت اتصلت على خالتها وبلغتها .. اول ما قفلت المكالمه سمعت صوت خالها عبدالعزيز ..
ابو طلال ينادي بصوت عالي / يا بنت .. يا الهنوف ..
مياسة دخلت بسرعه و كانت راح تصدم بابرار الي كانت طالعه من الغرفة .. مرت من عندها وهي تسالها / وين امك ..
الهنوف بالم / يا مياسه ..
مياسه دخلت وبخوف / بسم الله عليك .. ايش جاك .. " وهي تجلس جنب اختها " ..
الهنوف بالم / ما ادري وانا اختك .. مغير الم جاني بخاصرتي ذبحني ..
مياسة وقفت وتوجهة لدولاب واخذت عباية الهنوف .. / قوم خلنا نروح المستشفى .. عبدالعزيز برا ..
الهنوف بخجل / ايش له مستشفى .. ما له داعي .. ابرار الله يهديها بس شافتني اتوجع ما تدري عن شي خافت و....
دخلت العنود ام سند وبجمود / قومي خلنا نروح المستشفى ..
الهنوف باستغراب / انتم ايش فيها وجيهكم ..
مياسة والعنود طالعوا في بعض .. وبعدها طالعوا بالهنوف .. العنود / ايش فيها .. ما بها شي .. قوي بس ..
مياسة والعنود لبسوا الهنوف عباتها بالقوة و توجهوا مع عبدالعزيز للمستشفى ..






ــــــــــــــــ





بالمستشفى ..



عناد جالس على الكرسي .. وبتافف / خلاص ما فيني شي .. بس علشان الدم اللي سحبوه مني دخت ..
سند بجمود / طيب .. " دخل فارس ومعاه عصاير وسندويتشات .. سند اعطى عمه خالد وابوه و عناد " ..
عناد بضيق / ما لي نفس ..
سند بجمود / مو لازم .. " وبحزم " .. كل وانت ساكت ..
عناد رفع راسه وشاف نظرات سند الحادة تاشر له على ابوة .. عناد وهو ساكت مد يده على السندويتش و اكل منها وبدا يشرب عصير ..
ابو عناد الهم واضح على وجهه والضيق .. دخل ابو سطام و ابو بتال و سلموا وسألو عن حال بدر و كيف صار الحادث ..
دخل سعود وسلم على الموجودين .. وجلس على احد الكراسي و بهدوء / طلعوا بدر من غرفة العمليات ..
عناد فز واقف .. حتى يرجعه سند لوضع الجلوس على السرير .. وبهدوء وهو يرفع يده يطالع الساعة / ايشلون ..
بتال الي يطالع الساعة / توة اكتملت ساعة من انتهت العمليه ..
سند بيطلع من الغرفة / انا اروح اشوف الدكتور ..
عناد وقف / انا ابي اروح اشوف ..
سند بحزم / غير ملابسك اول .. تحمم .. و كُلك شي يرجع شوي من دمك ..
ابو عناد يمسك يد ولده وبتعب / لا تزيد همي هم يا عناد ..
عناد بضعف يجلس على السرير .. تنهد بضيق ومد يده للاكل وبدا ياكل ويشرب من العصير ..






ــــــــــــــــــــ






بيت ابو عبدالعزيز ..






دخلت العنود و متعب .. و وقفوا بالصالة ..
متعب وهو عاقد حواجبه بضيق / طارق بغرفة امه .. يقول امه لها صياح .. " تنهد بضيق " ..
العنود تنهدت بهم / الله يعينهم ويصبرهم ..
متعب غمض عيونه بحزن / ام سمير ما ادري كيف حالها .. هذا ولدها بكرها ..
العنود بحزم / من راح لها ..
متعب / راح لها عبدالمحسن .. تعالي خلنا نطلع لمشيرة .. نشوفها ..
العنود هزت راسها .. طلع متعب الدرج قدامها وطلعت بعده .. اول ما وصلوا لغرفة مشيرة ..
متعب وقف وبحزن .. همس / انتي ادخلي لها اول .. و ......
قطعهم فتحت الباب .. مشيرة ماكانت منتبه لهم .. كانت تطالع بجوالها بضيق وتافف ..
رفعت راسها باستغراب .. وارتباك / العنود .. هلا .. " سلمت عليها وباستغراب " .. ايش عندك هينا ..
العنود طالعت متعب ومسكت يد مشيرة وبحنان / خلينا ندخل الغرفة اول ..
مشيرة بخوف هزت راسها / طيب ..
دخلت العنود ومشيرة التفتت على متعب وهزت راسها وبهمس / ايش فيها ؟ ..
متعب بحزن صد / غيري ملابسك اول ..
مشيرة طالعت بملابسه باستغراب .. كانت لبسه بيجامة وردية وبيضاء .. قطنية بأكمام طويلة ساتره عادية ..
متعب صد بضيق وكانه رايح لجناحه .. مشيرة دخلت الغرفة وقفلت الباب ..
مشيرة باهتمام و استغراب وهي تشوف العنود فاتحه دولاب ملابسها وتطلع لبس / صار شي بينك وبين اهلك ..
العلنود طلعت لمشيرة بنطلون اسود عريض وبلوزة سودا .. وبجمود / غيري ملابسك اول ..
مشيرة طالعت بالبس باستغراب / ايش فيكم على لبسي .. " وبضيق " عنود والله مو فايقة لك .. يكفي سمير و منصور ..
منصور الصغير رجع لصراخ / اااااااااااببببببباااااااااا .. بابا .. ااااااااااااااااااااا ..
مشيرة تنهدت و كانت رايحة لمنصور .. العنود مسكتها وبحزم / البسي انتي وانا اشوف منصور ..
مشيرة بضيق / عنود .. ومن زين البس اللي مطلعته .. كله اسود .. كان بعزاء ........ " حتى تسكت فجاة "..
العنود بخوف التفتت لها .. مشيرة بهت لون وجهها و صارت تتنفس بسرعة وهي مجمعه يدينها على صدرها ..
العنود قربت منها و بحنان / مشيرة ...
مشيرة قاطعتها بخوف / من ..؟ .. طارق توني شفته .. وماجد بعد .. والحين متعب .. " هزت راسها " ..
وبنفي وعدم تصديق / اعوذ بالله من الشيطان الرجيم .. اعوذ بالله ..
العنود بحنان ممزوج بحزن / مشيرة .... " قطعها طرقات الباب " .. " العنود رفعت صوتها " .. لحظة ..
التفتت لمشيرة وبحزم / يالله البسي بسرعة ..
مشيرة توها بتتكلم حتى تسحبها العنود وتجبرها تغير ملابسها ..
مشيرة بعد ما غيرت ملابسها .. بضيق / وربي شككتوني بلبسي ..
العنود التفتت على مشيرة وشافت ان مشيرة تتهرب بنظراتها وكانها شاكة بس ما تبي هالشي يكون صحيح ..
العنود عدلت غطاها .. وكانت بتروح تفتح الباب .. لكن وقفها صوت مشيرة .. بغصة / سمير ..
العنود التفت عليها .. حتى تشوف مشيرة تطالعها بعيون دامعه و تهز راسه " لا تقولينها " ..
العنود صدت عنها حتى تفتح الباب " متعب و طارق كانوا وراء الباب " ..
منصور الصغير كان يبكي وينادي " بابا " .. طارق ما قدر يحط عينه بعين اخته ..
دخل متعب ومشيرة انفجرت بكي و صارت تشهق و تصارخ / لا تقول لا تقوووووووووول ..
متعب ضمها على صدره و بغصة / عظم الله اجرك وانا عمك .. سمير يطلبك لحل .. سامحيه ..
مشيرة ما ينسمع منها الا صوت شهقاتها وانينه .. امتزج صوتها بصوت منصور ولدها ..



ياونتي منها ظلوعي حطاما
على عشيرٍ بالهـوى مـات مغبـون
شالوه من دار الحيا للعداما
ومن الحصى وتـراب قامـوا يكبـّــون
من عقب مالفوه بقماش خاما
قاموا على بيض النصايب ينصّون
وبالله ياللي تدفنونه علـى الهـون
" منقول " ..



ـــــــــــــــ
"







الساعة 11 باليل ..


بيت ابو سطام ..


العنود تدخل البيت بتعب .. تنهدت بضيق .. / السلام عليكم ..
ام سطام و ام صقر وابو سطام الي توه دخل قبل العنود بنص ساعة / وعليكم السلام ..
العنود بعد ما سلمت على جدها وجدتها وجلست جنب عمتها وهي تمسح وجهها .. دخل راكان بتعب وسلم وجلس ..
ام سطام / بشريني كيف سوت ام منصور ..
العنود بتعب / الحمدالله على كل حال .. مغير عطيتها منوم .. حتى تنام وترتاح ..
الكل / الله يصبر قلبها ..
العنود / امين .. والله بغيت انام عندها .. بس عيالي .. بكرة وخير ..
ابو سطام بحزم / ايش اللي تباتين .. مالك مبات بغير بيتك ..
العنود باستغراب / يبه .. وهذاك بيتي بعد .. ما بيت غريب ..
راكان ببرود / لا غريب .. والحين الكل موجود هناك .. وطارق وماجد داخلين طالعين على اختهم وعبدالمحسن بعد ..
العنود بضيق هزت راسها / في ذي صدقت .. الله يخليهم لها ..
العنود وقفت / عن اذنكم ابي اروح اشوف عيالي ..
مياسة بهدوء / عيالك اخذهم ابوهم ..
العنود باهتمام / وين اخذهم ..
مياسة / لبيته ..
العنود طالعت راكان / اتصل عليه خله يرجعهم ..
راكان ببرود / لا .. " وقف " .. راح ينامون عنده الليلة .. وبلغني بهذا الشي ..
العنود بتعب / راكاااااان .. ما لي خلق للكلام .. " وبعصبية " .. ابي عيالي ..
ابو سطام بحزم / عيالك عند ابوهم .. " وقف بتعب " .. ولا ترجينا .. تصبحون على خير ..
الكل / وانت من اهله ..
راكان توجه لجناحة .. العنود التفتت لعمتها وجدتها / ايش فيهم ..
ام سطام بتعب / ما بهم شي .. بس تعبانبن من صبح وهم بالمستشفى و العزاء تعبوا ..
العنود باستغراب / مستشفى .. " جلست وباهتمام " عسى ما شر .. جدي فيه شي ..
مياسة بضيق / لا .. بس بدر انطعن .. والهنوف تعبت ويوم وديناها المستشفى وقلنا لها عن بدر زاد تعبها و اسلبت ..
العنود بضيق / لا حول ولا قوة الا بالله .. وكيف هم الحين ..
مياسة بغصة / ثنينهم بالعناية المركزة .. عسى ربي يلطف بحالهم .. و العنود اخذت ابرار وشجون عندها ..
العنود تنهدت بضيق وقت / لا حول و لا قوة الا بالله .. يا لله تصبحون على خير ..
ام سطام توقف / وانتي من اهله .. حتى انا ابي انام ..
مياسة توقف / وانا ايش يقعدني حتى انا ابي اسري ..






ــــــــــــــــــ






بعد اسبوع ..






دخل البيت و هو تعبان .. سمع صوت صراخ عياله بالصالة ..
بتال ابتسم / يا حلو هالصوت .. " توجه لهم وهو يرمي غترته على الكنبة .. جلس بينهم .. والعابهم متناثرة بكل مكان "..
الظبي شهقت بضحكة و وقفت وهي تصفق بيدينها ... وتردد / بابا .. بابا ..
بتال / هههههههههههه .. يا روح بابا .. " وهو يضمها " .. " التفت على امه " من متى وهم هينا ..
الجوهرة بهدوء / جيت من المستشفى لقيتهم هينا ..
سمر / انا جبتهم .. لان العنود راحت تشوف بيت المنصور .. و جدتي راحت لعمتي الهنوف .. فجبتهم ..
بتال توه بيتكلم والا جوال سمر يرن .. سمر ترفع جوالها / هذي العنود ..
فتحت المكالمة / الو .. هلا .. الحمد الله .. عند بيت ابوي .. طيب .. سلام .. " وانهت المكالمة " ..
سمر وهي تنزل جوالها / تبي عيالها ..
بتال بهدوء وهو يوقف شايل الظبي بيده .. وماسك يد سلطان / قولي لها راح ينامون عند ابوهم ..
سمر طالعت بتال وهو متوجه لدرج .. نزل وشال سلطان باليد الثانية وطلع الدرج .. التفتت لامها ..
الجوهرة طالعتها وصدت وكان الموضوع ما يهمها .. سمر اخذت شيخة و وقفت / انا استئذن ..
الجوهرة / مع السلامة ..







ـــــــــــــــ






بيت ابو سطام ..





العنود جالسه جنب جدها .. وبهدوء / لا الحمد الله .. احسن اليوم بكثير .. من بعد ما ابو سمير ..
اخذ ام سمير وبناته و راح بيته .. خف حزنها و هدت نفسها ..
ابو سطام بضيق / الله يعينهم .. ويصبرهم .. " وبالم " .. مافي اصعب من فراق الضنى ..
العنود وهي تطالع الساعة / الله يصبر قلوبهم .. مو محزني الا الصغير منصور " وبداخلها " .. " تاخر سمر " ..
دخلت سمر و ما معاها الا بنتها .. العنود طالعت ورا سمر يمكن مع الشغاله ..
سمر بابتسامه / بتال قال يبيهم ينامون عنده ..
العنود بعصبية / نعم ..
ابو سطام بحزم / وايش فيها .. خلهم ينامون عند ابوهم .. ما يحزنونك يوم مبعدتهم عن حضنك وحضن ابوهم ..
العنود التفتت على جدها بصدمة .. راكان دخل / السلام عليكم ..
الكل / وعليكم السلام ..
راكان بعد ما سلم على راس جده .. / خير يا ابو سطام ايش عندك زعلان ..
ابو سطام يوقف و بعصبية / ما عندي شي .. خلني اروح لغرفتي احسن ..
العنود بعد ما ابتعد جدها .. التفتت على راكان وبعصبية / انتم ايش عندكم .. ليش تكلموني بذا الاسلوب ..
راكان بسخرية / خير يا سمو الاميرة كيف تبينا نكلمك ..
العنود بغضب / راكاااان ...
راكان بحدة / قص بذا السان .. لا ترفعين صوتك مرة ثانية يا العنود لا تشوفين شي ما يعجبك ..
تحملتك زيادة عن الزوم .. وجهزوا اغراضكم .. البيت خلص .. ما ابي يجي الخميس الا وحنا فيه ..
العنود بصدمة ممزوجة بغضب تطالع راكان اللي ترك المكان وتوجه لجناحه .. و سمر ملتزمة الصمت ..
العنود وقفت بغضب وهي تنفض عبايته و توجهت لجناحه .. سمر وقفت و شيخة بيدها ولحقت راكان ..






ــــــــــــــــــ






بالمستشفى ..
اليوم نقلوا بدر لغرفة عادية .. من بعد ما كان بالعناية لفترة اسبوع .. تحت مراقبة الاطباء .


عناد يشرب بدر شوربه ... بدر بضحكة خفيفه حتى لا يالم نفسه / ترا الاصابة برقبتي مو بيدي ..
عناد بحزم / كُل ولا تكثر كلام .. ليوجعك ..
بدر يشرب شوي .. شوي .. ويبلع على مهل .. بعد ما خلص الاكل و مسح فمه .. اشر لعناد وهمس بخفوت / امي ..
عناد الي كان ينظف الطاولة ويبعد عنها صينية الاكل .. بهدوء / الحمد الله بخير .. ويمكن اليوم تطلع ..
بدر اشر بعيونه / الحمدالله .. " طالع عناد .. واشر على بطنه " ..
عناد عقد حواجبة / بطنك يوجعك ..؟
بدر ابتسم وبهمس وكلام متقطع / لا .. بس امي كم حامل ؟!!
عناد و واضح انه متفاجاء / كان سته شهور وزود ... كم يوم وتدخل السابع .. " ابتسم " .. كان ولد ..
بدر تنهد بالم وبهمس / انا السبب ..
عناد بحزم وهو يجلس على الكرسي / استغفر الله .. هذا مقدر ومكتوب .. والحمدالله وصل الخساير لموت الجنين وبس ..
والا النزيف اللي صاب امي بعد الولادة كان خطير .. الحمدالله بس ..
.........../ السلام عليكم ..
التفت عناد لابوة و جاء بيوقف لكن يد ابو عناد منعته .. جلس جنب بدر على السرير / كيف حالك ..
بدر ابتسم / بخير ..
ابو عناد بحنان / الحمدالله .. تقدر تقولي كيف صار الحادث ..
بدر بلع ريقه بالم .. وهو يقطع بالكلام وياشر بيده / ابد .. طلعت انا وخلف من المركز .. كان فيه اجتماع ..
تقابلنا هناك .. عزمته على الفطور ..وحنا بالطريق .. دخلت ريحة لسيارة .. قلت اغير الهواء ..
نزلت القزاز شوي " الزجاج .. نافذة السيارة ".. الاشارة حمراء .. وقفت .. " وكانه يتذكر " .. اضحك مع خلف ..
و ابي اغير الاذاعة .. والا خلف .. انتبه .. والا الاسود الي لح قبل عيني ..واميل جهة خلف .. وما احس الا بنار ..
" اشر على مكان الطعنه " .. رفت القزاز .. وشرد .. ضغطت البنزين وما اشوف الا الدم .. الين وصلت المستشفى ..
ابو عناد بوجع / الحمدالله على سلامتك ..
عناد بقهر / وانت ليه تسوق ليه ما خليت خلف يسوق ..
بدر يبلع ريقة بالم / ما فكرت بشي .. خلف كان مرعوب و يلف بالدريكسون .. " وسكت وهو يغمض عيونه بانزعاج "..
ابو عناد بخوف / بس بس .. اتعبنك ..
عناد ضرب الجرس حتى تدخل ممرضة وتضرب ابرة لبدر مسكنه للوجع وينام ..





ـــــــــــــــــــــــ
"





يوم جديد ..




العنود توها طالعه من الحمام " اكرمكم الله " .. وهي تنشف شعرها .. دخلت سمر ..
سمر بابتسامه / عرفت فين البنات ..
العنود بهدوء / وين ..
سمر / اممم با الاستراحة .. مجتمعين ..
العنود تنهدت / الجو اليوم متغير .. وفرفرة السوق اتعبتنا ..
سمر بعفوية / احسن ان بتال اخذ الظبي و سلطان والا تعبوا ..
العنود طالعتها و صدت عنها .. نزلت الفوطه و بدات تمشط شعرها .. سمر بهدوء انسحبت و طلعت لصالة ..
العنود بداخلها " ايش عندك يا بتال " .. تذكرت اللي صار قبل ما تروح السوق ..




العنود طالعه من البيت والظبي بيدها .. و سلطان ماسكته ساره من يده ويمشي ..
...... من وراها / سلطان ..
سلطان من شاف ابوه فرح و صار يقفز بفرح .. تركته ساره وراح لابوه ..
الظبي صارت تحرك بيد امها بانزعاج تبي ابوها .. العنود نزلتها بهدوء و راحت الظبي لابوها ..
وهي تمشي بخوف و فرح .. بتال ضمهم الاثنين و هو يضحك و يبوسهم ..
راكان بهدوء / خلهم عندك .. حنا عندنا مشوار لسوق ..
بتال ابتسم / وانا جاء علشان هالشي .. ما ابغاهم يروحون السوق .. " اخذهم وراح وكان العنود مو موجوده " ..
العنود بعصبية / راكان خله يرجعهم وانا بطلت خلاص ما ابي اروح لسوق ..
راكان بحزم / هصصصصصصص و اطلعي السيارة .. " طلع السيارة وتركها " ..
العنود تحس بضياع و مو عارفه ايش اللي يصير .. تنهدت بغضب وهي " تستغفر الله " وطلعت السيارة ..





لبست بنطلون اسود ضيق و بلوزه عنابية طويلة لحد نص الفخذ باكمام طويله .. ولفت شعرها بعشوائية ..
لبست عباتها و شيلتها بطريقتها المميزة وطلعت .. سمعت صوت ضحك رعد و سمر ..
العنود بهدوء وعاقده حواجبة واضح ان في بالها شي تفكر فيه / السلام عليكم ..
رعد ابتسم / وعليكم السلام .. " وبمزح " .. اقول العنود ايش كان وحامك وانتي حامل ..
العنود بنبرة مقصودة وهي تشوف راكان واقف عند مدخل جناحه / هم وغبن وقهر .. " ابتسمت بغموض " ..
رعد ابتسم بالم و نزل راسه .. سمر بحزن طالعتها .. " تذكرت نفسها وهي حامل " ..
راكان طالعه بنظرات غامضه و صد عنها وهو يعدل ساعة يده .. و يطلع من الصالة للباب الرئيسي بدون لا يتكلم ..
سمر وقفت تلبس شيلتها .. رعد حب يغير الموضوع .. ابتسم وهو يرفع الاكياس اللي بيده / ايش رايك ..
العنود كشت بوجها وابتسمت / الله يعينك ..
رعد بضحكه / اححححح .. صارت ملزمه لي .. كل يوم اكل هندي .. بس اليوم اخذت احتياطي .. " ورفع لها كيس " ..
العنود / هههههههههههههه باسكن روبنز ..
رعد يهز راسه / ايه حتى لا اكلت لقمة اكل وراه ايس كريم يطفيا لحريقه ..
العنود وسمر / ههههههههههههههههههه ..
العنود / الله يقومها بسلامه .. وتفرحون بضناكم ..
رعد / امين .. يالله لحقوا على السندويتشات اللي جبتهم للبنات .. سلام .. " وراح لجناحه " ..
سمر بقهر / توك تقول لنا عن السندويتشات .. اكيد خلصوها ..
العنود بهدوء ابتسمت / عادي راح نوصي غيرها .. يالله .. " وطلعوا من الفله متوجين لـ الاستراحة " ..






ــــــــــــــــ







بالاستراحة ...



مرام جالسه و مسترخية / والله احس هالشهر اطول شهر ..
رنيم بهدوء / يالله هانت .. كم باقي لك ..
مرام / توني داخله الثامن من اسبوع ..
ريما بهدوء / بس كانه هالحمل غير عن حملك بمريم ..
مرام ابتسمت / ايه ..
ريما ابتسمت / يعني نقول ولد ..
غرام ابتسمت / واضح من كشرتها .. ومن طلال اللي ماخذها ومو مخليها تتحرك ..
مرام بتعب / لا والله بس انا ما اطلع خالتي مريم ما تروح ولا تجي و خالتي الجازي تعبانه فاجلس معاهم ..
رنيم باستغراب / خالتي مريم من يوم ما صارت قصة طلال و هي شوي منطوية على نفسها ..
مرام بحب / يا روحي تقول مفتشله من العنود ..
ريما تهز اكتافه / ما اشوف ان الوضع فيه شي .. عادي ..
رنيم و غرام هزوا راسهم مؤيدين .. مرام وكان فيه شي مكتشفته / انا اتوقع الموضوع اكبر من كذا ..
الكل انشد لها .. ريما تهز راسها / كيف يعني .. مو فاهمه ..
مرام تهز كتوفه / ما ادري .. بس القصة شكلها اكبر من الرضاعة .. فيه شي بين ام راكان الله يرحمها و بين خالتي ..
الكل يطالعها باستغراب .. رنيم تهز راسها وكانه فهمت / ايييييييه .. والله يا هالعجايز يا وراهم اسرار ..
و لا هي كبر مغارة علي بابا ..
غرام تطالعها وبنص عين / يعني انتي شفتي مغارة علي بابا علشان تشبهين به ..
رنيم بانزعاج / تخيل .. تخيلي .. اعطي لعقلك مجال لتخيل .. " وهي تحرك يدينها .. شافت العنود تدخل " .. هلا ..
العنود ابتسمت / هلا بك ..
غرام تاشر على الغرفة / ترا بتال ارسل عيالك .. وساره وروان و اماني ينومونهم .. يعني الله يرحمهم ..
العنود انتفضت / بسم الله عليهم .. " وتوجهت لـ الغرفة بغضب من بتال "..
سمر تجلس وهي تنزل شيخه على الارض .. وبعتب / حرام عليك ليش قلتي كذا ..
غرام وهي تشد شيخه و تحطها بحضنها باستها بقوة بكت شيخه / ههههههههههههه هذا حلال هههههههههه ..
سمر بزعل سحبت شيخة وحطتها بحضنها وهي تهديها و تسكتها .. وسط ضحكات البنات ..






ـــــــــــــــ




بعد وقت ..



طلعت من الحمام " اكرمكم الله " ..
ما شافت احد بالصالة .. توقعت انهم بالحديقة ..
مرت من المطبخ بس وقفت فجاة وهي تسمع صوت شجون ..
بعد وقت طلعت شجون من المطبخ وتفاجات بالي واقفه قدامها ..
شجون بتوتر / اممم .. البنات .. بـ......
....... بجدية ممزوجه بحدة / من ؟






انتهى ...




لا اله الا الله .. محمد رسول الله ..

سبحان الله .. الحمد الله .. الله اكبر ..


اعذروني على القصور .. والاخطاء الاملائية ..


لا تنسوني من صالح دعائكم ..


اختكم .. مشاعل السعودية ..

يسلمو اختى مشاعل بارك الله فيكى ولا حرمنا منك فصل رائع كالعاده نفسى اعرف راكان ليه متغير مع العنود وكمان بتال عايزين ايه ؟ زعلت كمان على سمير يا حرام على مشيره اللى مبيليه ربنا يصبرها اعتقد انها بالاضافة لحزنها على موته انما احساسها بالتقصير من ناحية مشاعرها لنايف هيؤلمها جدا اعتقد ان العنود هى اللى سمعت شجون وهيكون ليها دور فى تصحيح اخطاءها شكرا يا مشاعل وفى انتظار الفصل على نااار

الله يعطيج العافية على هالقلم الرائع

مرحبا مشاعل

سلمت يمناج على البارت الحلو

لست من اللذين يجيدون التعبير و لكنني احببت ان اعبر عن مدى روعة قلمكي

كتبتي القصه و ابدعتي في كتابتها و اتقنتي مزج حروفكي لتحبكي قصة في غاية الروعه

إلى الامام دائما و ابدا عزيزتي

الحين نجي للبارت

اتوقع ان بتال غير اسلوبه عشان العنود تغير رايها و هذي ممكن تكون الفكرة من بتال نفسه بس متفق مع راكان و الجد فيها

اما سند قصه من نوع اخر متى ان شاء الله ناوية رنيم تتغير
ساعات احس انها ما تعرف تعبر او في شي في نفسها تبي توصله بس مش عارفه كيف

ما اعرف ليش احس في شي بيتغير مع موتة زوج مشيرة ممكن في حد من عيال الفارس يتزوجها

دمتي مبدعه دائما و ابدا

في انتظار البارت القادم