"





بسم الله الرحمن الرحيم ..

السلام عليكم ورحمة الله وبركاته ..

الحمد لله والصلاة والسلام على رسول الله ..

توكلنا على الله .. لا اله الا الله محمد رسول الله ..





البارت 38 ..





ابتديتك علاقه وانتهيتك غرام
ومن سقيتك قصيدي وانت بذرة غلا

حتى غنت ببستانك طيور الحمام
وصرت احصدك لبيت الشعر شوق وولا

مايمر الغلا الصادق مرور الكرام
كان ماكتب قصيدي فيك ولا فلا

جيت مثل الغمام ورحت مثل العسام
كنك المكرم اللي عن دياره جلا

الله اكبر جبرني الشوق جبر العظام
لين شرب السهر مني ليال وكلا

روح لا تعتذر والحمل فوق السنام
منت اول حبيب(ن) عن حبيبه سلا


" محمد بن مريبد العازمي " ..








بمجلس الرجال ..




متعب يشرب من فنجان القهوة / اليوم الغداء العنود بتطبخه ..
ابو عبدالعزيز بابتسامه وبنبرة مقصودة / اخت نايف ..
متعب ابتسم والتفت على ابو بتال / قولوا لابو محمد يقرب الذبايح ويخليها ويروح .. لا يذبحها ..
ابو عبدالعزيز عقد حواجبه / لا تكون هي اللي تبي تذبح ..
ابو مطلق باعجاب / هي تعرف تذبح ..
ابو عبدالعزيز بفخر / الله الله .. الله يرحمها الظبي .. ماخلت شي تعرفه ما علمت العنود .
" التفت على متعب وبحزم " .. لا تخلها تذبح .. صحتها ماهي مثل اول وذا الايام ماهي عجبتني ..
متعب ابتسم / انا ما ابي اخليها .. بس اسايرها واشوف اخرتها ..
.........../ السلام عليكم ..
الكل التفت على جهته / وعليكم السلام ..
ابو سند باستغراب / انت وينك من البارح ..
سند يسحب نظارته الشمسية ويدخلها جيبة / جاني شغل رحت له وخلصته و جيت .. امر يا الغالي ..
ابو سند بمحبة / سلامتك .. " وباهتمام " .. شكل وجهك تعيبان انت ما نمت ..
سند بعد ما سلم على الكل .. وهو يجلس .. حس بصداع راح يفجر راسه .. من السهر و الغضب / لا ..
" حس بهتزاز جواله رفعه واذا رسالة من رنيم .. تنهد وهو يوقف " .. عن اذنكم ابي انام لي شوي ..
" طلع من المجلس بدون لا يسمع رد احد عليه ".. تنهد بضيق وهو يرفع الجوال ويتصل على رنيم ..
وبضيق / افتحي لي طريق انا ابي ادخل الفله .. " وقفل المكالمه " .. وهو يتوجة للفلة ..







ـــــــــــــــــ






عند راكان وسمر ..

جالسين على احد الكراسي ..


شيخة تلعب بحضن ابوها .. راكان لبس ثوب ابيض .. وكاب اسود .. ونظارات شمسية .. ويطالع بنته بصمت ..
سمر مره تطالعه ومره تطالع بنتها .. رفعت يدينها بهدوء وحضنة ذراعه اليسرى ..
راكان التفت لها بهدوء وطالعها بغموض و رجع طالع شيخة ...
سمر بخجل .. وصوت خافت / راكان ..
راكان التفت لها وبهمس / هممممم ..
سمر بارتباك / اممممم زعلان مني ..
راكان التفت على شيخه وصار يلاعبها باصابعه /....................
سمر بغصه / اسفه ..
راكان مازال يلعب شيخه و يطالعها .. سمر شدت على ذراع راكان .. / .........
راكان حس انه زاد عليها وهو اشتاق لها .. ما ينكر انه نظرته للحب تغيرت 360 درجة ..
بس مزال يحبها .. التفت عليها و بهمس / راح اسامحك بس بشرط ..
سمر هزت راسها / ...................
راكان بهدوء / اذا شفتك تغيرتي ..
سمر صارت تطالعه .. حاسة بضياع .. /...............
راكان شاف شيخة بدات تنزعج و تبكي .. / خذي شيختي .. شكلها سوتها ..
سمر تطالع راكان بعيون ضايعه .. راكان انتبه لها .. ابتسم وقبل جبينها .. وبهمس صادق / والله احبك ..
راكان وقف وهو ينزل شيخه بحضن سمر و يتوجه لاخوانه ..
سمر ضمت شيخها لصدرها وهي حاسه بشي جديد ينبض بصدرها ..







ــــــــــــــــــــــــــ







عند العنود ..




بعد ما نيمت سلطان و الظبي .. دخلت الحمام وتوضأت و صلت الضحى ..

جلست على السرير وهي تحس بان غضبها شوي هدى ..
دخلت الجوهرة وبخوف / كيف سلطان ..
العنود بحدة / بخير .. " وقفت وسحبت جوالها و توجهة لباب الغرفة " .. ممكن ..!
الجوهرة طالعتها باستغراب و متفاجأه .. تراجعت كم خطوة لوراء .. العنود قللت باب الغرفة وطلعت لصالة ..
الجوهرة بعد ما راحت العنود .. بقهر / يا قلة الادب .. " فتحت الباب ودخلت الغرفة شافت وجه سلطان اشلون مخدش ".
الجوهرة بحنان وهي تمسح على شعره / يا حبيبي سلامتك .. " طلعت من الغرفة بهدوء وقفلت الباب " ..





ــــــــــــ






بجناح ابو سند ..



يتكون من 3 غرف وحمامين وصالة ..
غرفة لسند وزوجته .. وغرفة للبنات .. وغرفة لابوه وامه ..
سند طلع من الحمام " اكرمكم الله " وهو متحمم و لبس بيجامة بلوزة رمادية و بنطلون ابيض مخطط برمادي ..
دخل الغرفة وقفل الباب .. رنيم كانت جالسه على السرير و فهد بحضنها ترضعه و واضح عليها الارهاق ..
سند نشف شعره وعلق الفوطة وتوجه لسرير .. جلس بالجهة المكان اللي ينام فيه .. رنيم بعد ماشبع فهد وترك صدرها ..
رفعته وصارت تضرب ظهره بخفه علشان يطلع الهواء و ترتاح معدته .. بعد ما طلع الهواء .. رجع فهد لصياح ..
رنيم بتعب و هي تبكي / فهووووودي خلااااااص .. والله تعبت ..
سند وهو يكتم ضحكته .. صد عنها وهو يصمت تلفونه و يضبط المنبة ..
التفت على رنيم واخذ فهد بداء يهدنه شوي .. رنيم ما صدقت خبر حتى ترمي جسمها على السرير وتريح ..
تنهدت وغمضت عيونها وغفت .. دقايق بسيطة .. وبعدها حست بثقل على السرير وجسم دافي يحضنها ..
فتحت عيونها بكسل شافت الغرفة أضأتها خافته .. يعني فهد نام .. حست بقبلات سند .. بس كان فيه شي مختلف ..
بعد وقت .. كان سند معطيها ظهره و نايم .. رنيم حاسة روحها بتطلع .. هذي ثاني مرة .. من خلصت الاربعين ..
ورجعة لبيتها .. يعاملها كجسد رخيص .. اول مره قالت يمكن اتوهم .. لكن ذا المرة لا .. هي متاكدة ..
التفتت عليه و طالعت ظهرة تنفسه منتظم .. يعني نائم بهدوء و مرتاح ولا كانه مسوي شي ..
سحبت جسمها من على السرير وهي محمله وجع و قهر وذل و انكسار .. اخذت الفوطة و ملابسها ..
وتوجهة للحمام " كرمتوا " .. دخلت تحت الدوش بملابسها حاسة بغصة بحلقها طعمها مر ..


بعد ما سمع صوت قفل الباب .. فتح عيونه .. تنهد بالم .. ما يبي يوجعها .. بس هي اللي حدته لهذا الشي ..
التف لجهتها وسحب مخدتها استنشق ريحة عطرها بعمق .. كان يعشقها .. والان زاد عشقه لحد الجنون ..
وبهمس وهو مبتسم بسخرية / شكلي بالحقك يا جدي بالجنون .. " تنهد بضيق .. ابعد الفرشه و توجه لسرير فهد " ..
وقف قبال السرير وهو يطالع بملامح ولده .. ابتسم وهو يهمس له .. / والله بابا بيصير مجنون .. اذا ما عقلت امك ..
التفت جهة الباب اول ما انفتح .. شافها لفه الفوطة على راسها .. و لبسه بنطلون جينز عريض وبلوزة بيضاء ..
رنيم تفأجات من وجوده كانت متوقعته انه نايم .. طالعت فيه من فوق لتحت بنظرة غامضة ..
سند بسخرية / اول مرة تشوفيني ..
رنيم بصدمة من اسلوبه طالعت فيه / نعم ..
سند بامر وهو يمشي لها / روحي جيبي لي اكل .. " مر من عندها و فتح الباب وطلع و تجه للحمام " ..
رنيم مازالت بحالة الصدمة من تعامله البارد .. نفضت نفسها .. وبعصبية من نفسها / انتي ايش فيك ..
من متى يهمك .. " وبقهر " .. طيب يا سند .. ان ما خليتك تندم على اللي تسوية معاي ..
سحبت الفوطة من شعرها بقوه .. وبدات تنشف شعرها .. وتعدل لبسها ..
بعد وقت .. طلع سند من الحمام .. دخل الغرفة وهو متوقعها مو موجوده .. شم ريحته عطرها ..
التفت شافها واقفه لبسه فستان خوخي باكمام طويله .. بحزام من وسط الصدر ..
ولفه على اكتافها شال سكري صوفي وباطرافة نقش نفس لون الفستان .. مكياج خفيف على وجهها بس ساحر اذهله ..
مستشوره شعرها القصير و لبسه عليه ربطه سكرية وعليها وردة بلون الخوخ .. الروج اللي على شفاتها كان يناديه ..
رنيم اخذت جوالها .. و تقدمة منه بكل ثقه .. حتى تبعده وتفتح الباب و تقفلة وراها ..
سند اخذ ثواني وهو يفتح عيونه ويقفلها بصدمه .. حتى بعدها ينفجر ضحك .. كتمه بسرعه وهو يطالع بسرير فهد ..
اللي تحرك مفزوع ورجع لنوم .. سند يتقدم من سرير ولده و هو يحاول ما يطلع صوت عدل فرشة ولده وتوجه لسرير ..
جلس عليه وهو ينشف شعره .. وبعدها انسدح وهو يتذكر وضعهم ويضحك .. وبداخله " شر البلية ما يضحك " ..






ـــــــــــــــــ







بالصالة ..




العنود جلست بكنبة مفردة وهي تتنهد .. انتبهت لسارة و روان و اماني و البندري ..





البندري بقهر / الدوب .. انا اوريه .. " وبقهر اكبر " .. وطروق هو اللي جايبها بعد ..
ساره فرحانه / ههههههههههههه فديتهم ..
روان تضرب ساره على كتفها / شنو فديتهم .. عيب .. بس متعب ..
اماني بشقاوة / اقول .. متعب متزوج ..؟
البندري و ساره / لا ..
اماني تنهدت وبضحكه / اجل زوجوني اياه .. شكله واحد جنتل مان ..
البندري بقهره / قصدك جلطة مان .. قال جنتل قال ..
روان و سارة واماني ضحكوا على شكل البندري / ههههههههههههههههههه




العنود مبتسمه وهي تشوف الهدية اللي بحضن ساره ..
مشيرة جلست جنبها .. وبضحكه / متعب جايب لها كاميرة كانون و البندري والجوري قامت جنونهم ..
العنود / هههههههههههه .. هو كذا يعصبهم وبعدين يجيب لهم ..
مشيرة ابتسمت / ايه .. " وبجدية " .. تذكرت متعب كلمني يقول راح يغر مكان الطباخ لانه يبي يطبخ معاك ..
نورة وهي جالسه على الارض مع الحريم الاكبار .. وياكلون فواكه .. / قولي له لا يبعدها ..
العنود ابتسمت / اخت مطلق تبي تطبخ معي ..
نورة وهي تلف شيلتها على راسها وكانها شماغ .. وبطريقة مضحكة / الله الله ..
الكل / ههههههههههههههههههههههههههههههههه ..
رنيم داخله / السلام عليكم ..
الكل / وعليكم السلام ..
العنود تطالعها بنظرات استغراب .. رنيم جلست جنب العنود .. وبابتسامه / فيه شي غريب ..
العنود كانت بتتكلم .. بس قاطعتها ام سند / رنيم ..
التفتت رنيم لها / هلا ..
ام سند / سند نايم والا صاحي ..
رنيم بضيق / صاحي .. ويبي اكل .. قلت للخدامه تودي له ..
ام سند وقفت / انا رفعت له اكل .. وما قلت للخدامه عنه .. خلني اوديه له ..
العنود التفتت على رنيم وبحزم / والله عيب ..
رنيم بضيق وسخرية / الله يخليك .. بلا نصايح ..
العنود بقهر / رنيم سند مو مقصر معاك .. ليه انتي تقصرين معاه ..
رنيم بعصبية / يامرون بالمعروف وينسون انفسهم .. ناسية نفسك انتي ..
العنود بعصبية / انا غير عنك .. لا تقارنين نفسك فيني .. ولا تقارنين سند بـ بتال ..
رنيم اشرت بيدها بضيق وصدت وهي تتافف / اوووووووووف ..





العنود بعصبية و قهر و صدت عنها شافت سمر تدخل و على طول توجهة لهيفاء و لطيفة وجلست جنبهم ..
الجوهرة دخلت وبيدها صينية فيها فطاير .. دخلت غرام و خزامى و شجون ورنا من الباب الرئيسي ..
البنات جلسوا جنب سارة و صاروا يطالعون الكاميرا و يسولفون معاها ..
معادا شجون مسكة الجوال وشغاله فيه و غرام طلعت فوق متوجه لجناحهم ..
العنود طالعت خزامى .. التفتت على مشيرة / كان خزامى متغيرة ..
مشيرة باعجب / اوووو كثير .. " وبهمس " .. و وافقت على ماجد ..
العنود ابتسمت وبخبث / اهاااااااا .. وطالعت مشيرة " .. واكيد ماجد فرحان ..
مشيرة ابتسمت / كثير .. اصلا ما كنت متوقعه توافق ..
العنود بهدوء / انا قلت لك .. رفضها وعصبيتها و غرورها كله مراهقه ..
مشيرة بهدوء هامس / مثل سمر ..
العنود بهدوء هامس / سمر غير .. سمر لساتها طفله .. " مشيرة عقدت جواجبها بعدم فهم " ..
العنود تكمل / سمر كانت دلوعه .. الكل مدلعها ولا يخليها تفكر بامر يخصها او تخطط لشي ..
كل شي امها ابوها اخوانها .. هم يسونه لها .. واي شي يصير يخصها ماتعرف تمسكة .. للحين لو تلاحظين ..
" وهي تاشر لجهة سمر بعيونها " .. اول ما رجعت من راكان توجهت لخالتها .. حب راكان لسمر ماهو حب عشق ..
من موقف صار وهو بفترة مراهقه .. بنا عليه احلامه .. " ابتسمت بحنين " .. اذكر نايف الله يرحمه كان يقول ..
راح يجي يوم وتشوف ان اللي انت حاسة .. مجرد احساس كاذب .. وكان راكان يعصب و يهاوش ويطلع من البيت ..
هههههههههههههه .. " تنهدت بحنين " ... الله يرحمهم ..
مشيرة سرحت بفكرها لبعيد .. العنود انتبهت لـ مشيرة طالعتها بصمت لثواني .. وبهمس / كيف سمير معاك ..
مشيرة وهي تطالع الثريا .. ببرود / عادي .. " هزت اكتافه " .. روتين المتزوجين ..
العنود ارخت نفسها على الكنبه / اهم شي يحترمك و مريحك .. " غمضت عيونها " ..
مشيرة التفتت عليها .. و بنبرة مقصودة / والله ما احد جايب الشقاء لك غيرك ..
رنيم كانت تطالعهم بصمت .. ابتسمت على اخر كلمه لمشيرة / .............
العنود فتحت عيونها وطالعت بمشيرة ورنيم بنظرة حادة .. وقفت ومشيت لجهة المطبخ بعصبية ..
رنيم ابتسمت وهي تطالع مشيرة / تنصح و توجعنا و ما تشوف نفسها ..
مشيرة بابتسامة / الجمل ما يشوف عوج رقبته ..
مشيرة ورنيم / هههههههههههههههه ..






ـــــــــــــــــــــــــ





بجناح ابو سند ..



سند جفاه النوم , لبس ثوب اسود و شماغ ابيض و تطمن على فهد و شغل المسجل على اذاعة القران و طلع من غرفته ..
وقف فجاة و باستغراب وهو يسمع صوت بكاء وتأوه .. تقدم من غرفة اخواته وشاف الباب فاتح شوي ..
طل براسه و شاف غرام جالسه على السرير بعبايتها وتبكي .. فتح الباب ودخل الغرفة ..
بخوف وحنان وهو يحضنها ../ غرامي .. ليش تبكي ..
غرام رفعت يدها وحطتها على عضد اخوها و شدت عليه .. سند ابعدها و جلس تحت عند رجولها ..
رفع شعرها .. وابعد الشيله عن رقبتها .. وبخوف وهو يشوف غرام مغمضه عيونها وشادة على اسنانها / غرام ..
غرام بالم / آآآآآآآآآآآآآآآه .. رجـ... رجــلي ... آآآآآآآآآه ..
سند بخوف طالع برجولها .. شافه العبايه مغطية عليها .. رفع العباية واوجعه قلبه .. / من متى تجيك ..
غرام بالم / آآآآآآآآآآآآآآآآآآآآآآآآه .. آآآآآآآآآآآآآآآه ..
سند وقف و نيمها على السرير وبدا يسوي مساج لرجلها الا ان ارتخت ..
شاف غرام ما زالت عاقدة حواجبها وشادة على عيونها .. شاف المسجل الصغير على التسريحة ..
توجه له و اخذه شغله على اذاعة القران وحطه جنب راسها .. بعد ما شاف ارتخاء ملامح وجهها ..
سند بهمس .. وهو يجلس جنبها / كيفك الحين ..
غرام بتعب / احسن ..بس ابي انام ..
سند تنهد بضيق / طيب .. " عدل الفرشه عليها وتاكد من نومها بعد ما شاف انتظام تنفسها وطلع من الغرفة " ..
شاف امه و معاها صنية الاكل تنهد بقهر و بداخله " هالرنيم زودتها " .. وبحنان / تعبتي نفسك يمه ..
ام سند ابتسمت وهي تحط الاكل على الطاولة / لا تعب ولا شي .. وانا ابي اتطمن عليك .. وين رحت ..
سند ابتسم وهو يقبل راسها ويدها و جلس على الكرسي قبال الطاولة / كان عندي شغل .. خلصته وجيت ..
ام سند بعتب / وتروح كذا ما تعلم احد ولا تقول لاحد ..
سند ابتسم / العلم عند بتال .. بس عقلة مع العنود و سهى يبلغكم ..
ام سند تنهدت / والله يوم العنود تاخذ عاقلة ما يلام .. لو هي بالاول كانت هاا ماهي زينه .. بس معاها حق ..
سند عقد حواجبة / شلون ..
ام سند بضيق / حنا اللي اخطينا .. رحمة الله على خالك .. كان يتصل علينا ويسال .. ويوم مرض ما سالنا عنه ..
و شنا عليه .. قالنا سهى عنا .. وتركناهم .. ويوم عرفنا بمرضهم .. ما اهتمينا بهم .. وهم بنيات لحالهم ..
والله يا نورة بنت ابو مطلق .. يا قالت لنا كلام .. و عاتبتنا .. يا اني تمنيت الارض تنشق وتبلعني ..
سند بهدوء / قدر الله وما شاء فعل .. لعله خير يمه ..
ام سند هزت راسها / ونعم بالله ..
سند وهو يشرب من كاس العصير / يمه ..
ام سند / سم يا روح امك ..
سند ابتسم .. / ربي يطول لي بعمرك ويخليك لي .. " وبهدوء " .. غرام بالغرفة .. شكلها تعبانه شوي ..
ام سند بخوف / بسم الله على بنيتي .. " وقفت وكانت بتروح لغرفة غرام " ..
سند مسك يدها / يمه .. تراها نايمه .. لا تروحين لها الحين خله تنام وبعد ساعة شوفيها ..
ام سند بضيق / شد برجلها ..؟
سند هز راسه وبتسال / من متى يجيها ..؟
ام سند تجلس وبقهر ضيق و جع على حال بنتها / يجيها بين فترات .. بس خفيف تقرا عليه ويفك ..
سند تنهد وهو يمسح على وجهها / والحرمة اللي تروحون لها تقرا عليها ايش تقول ..
ام سند تنهدت / تقول الحمد الله خف كثير ومعاد يلتوي العصب وهي تقرا .. تقول ان شاء الله كم جلسه ويروح ..
سند هز راسه و هو يوقف / الحمد الله على كل حال .. رايح اشوف العيال ذبحو والا لا ..
ام سند وهي تجمع السفرة .. / سمعت ان العنود و متعب هم اللي بيطبخون ..
سند هز راسه وهو بيطلع من الجناح .. تنهد والتفت لامه / يمه .. قولي لام فهد تنتبه لولدها ..
ام سند هزت راسها .. وبعد ماطلع سند .. تنهدت / الله يهديكم ويصلح بينكم ..





ــــــــــــــــــــ






بالمطبخ ..



العنود تجهز الاغراض اللي محتاجتهم بالطبخ ..
دخلت سارة وهي مبتسمه وقفت اول ما شافت العنود .. العنود التفتت لها ورفعت لها حاجب ..
ساره بتوتر / ابي ماي ..
العنود مسكت كاس و صبت لها ماي و قدمته لساره .. ساره اخذت الكاسة وشربت الماي ..
العنود وهي تطالعها بابتسامة خفيفة / تعرفين تستعملين الكاميرة والا تبين احد يعلمك ..
ساره بغرور / لا اعرف ..
العنود رفعة حاجب وبسخرية / والله .. طيب لابغيتي مساعدة ترا طلال له بهالخرابيط اساليه ..
ساره شهقت بخجل / هئئئئئئئئئئئئئ لالالالا طلال لالا .. استحي ..
العنود ابتسمت وهي معطية ساره قفاها .. / طيب خلي احد من البنات تعلمك .. اعتقد ان الجوري تعرف ..
ساره ابتسمت / ايه هي قالت لي اعلمك .. وقلت لها بالسر .. وبعد ريهام و ابرار ..
العنود التفتت عليه وابتسمت / طيب تعالي اعطيني بوسه .. من زمان ما بستيني ..
ساره وهي تتقدم وتضحك بخجل ودلع / ههههههه .. لانك مزعلتيني .. بس الحين رضيت ..
العنود تسوي نفسها مو فاهمة / ليه انا ايش سويت .. " وهي تحضن ساره و تستنشق ريحتها " ..
ساره وهي بحضن العنود / اعرف انك انتي اللي قلتي لمتعب يشتري هالكاميرا ..
العنود / هههههههههههه " وهي تبعدها " .. والله مو هينه يا سارونتي ..
ساره بغرور / افاا عليك انا اخت نايف ..
العنود / ههههههههههههههههههههههههههههههههههههههههه والنعم ..






ـــــــــــــــــــــــــــ







بمجلس الرجال ..





سند يشرب قهوة وهو جالس جنب بتال .. / ايه وبعدين ..
بتال بضيق / ابد .. اخذته ولا شفته .. بس امي تقول خدوش صغيرة بوجه .. و نايم .. " تنهد بوجع " .. يا روح ابوة ..
سند طالعه لثواني بصمت .. وبنبرة مقصودة / والظبي ..
بتال طالعه وفهم المقصد .. ابتسم / الظبي ما اقدر اخليها معاي .. اخاف عليها مني .. " وسكت " ..
سند ابتسم وبنبرة مقصودة / علشانها تشبة امها ..
بتال التفت عليه بعصبية / سنيد ..
سند / هههههههههه .. " وبنبرة " .. تدري ان اليوم هي ومتعب بيطبخون الغداء ..
بتال ببرود غريب / ادري ..
سند متفاجاء / لالا .. تطور جيد والله ..
بتال يصب له قهوة في الفنجان / جدي كلمني .. قدام الشيبان .. بعد صلاة الفجر ..
سند باهتمام وهو يتكي على المركى .. وفي فمه تمره / امممممممممم ..
بتال طالع سند / يقولون اول ما نرجع للبيت .. ترجعها ..
سند فتح عيونه للاخير و وقف اكل بتمره / هممممممممممم ..
بتال رفع حواجبه وهز كتوفه ببرود / .....................
سند صد عنه و صار يطالع بشيبان و هم يسولفون ..





ــــــــــــــــــــــ






قبل اذان الظهر بشوي ..




متعب خلص من الذبح .. مع مساعدة من صبري وابو محمد و عناد .. " اكثر من خروف طبعا " ..


متعب ينشف يدينه .. وهو واقف جنب العنود .. / تبين مساعدة ..
العنود بهدوء / لا .. سلامتك ..
متعب بصوت خافت / اتصل صلاح .. يقول الاوراق جاهزة ..
العنود وهي تحط الحم على الماي الحار .. / زين ..
متعب بنبرة مقصودة هادئة / العنود ..
العنود رفعت راسها له باهتمام / ........
متعب بنفس النبرة / عاجبك حالك وحال اخوانك ..
العنود قرصت عيونها و باهتمام / ايش عندك .. لا تلف وتدور ..
متعب رفع راسه و طالع بجهة راكان ونايف و زياد / صايرين انطوائيين .. وسكوت راكان وبرودة مو عاجبني ..
حاس ان وراه شي .. و زياد .. مو طبيعي .. ابد مو طبيعي .. ساكت اربع و عشرين ساعة ..
العنود وقفت والتفت على جهة اخوانها بخوف .. هي شايفه وضعهم ومو عاجبها .. بس ما توقعت لها الدرجة ..
متعب تنهد / بعد العصر بنرجع للخبر .. وبعد كم يوم راح يوصل صلاح .. راح نتقابل ونحط النقط على الحروف ..
العنود التفتت له بتكلمه بس شافته راح بسرعة .. نورة من وراها / اقول يا العنود ..
التفتت لها العنود .. نورة وهي تطالع السماء / الجو مغيم .. شكلها بتمطر .. لتطفي النار ..
العنود بهدوء / نار الحر ما تطفي ..
نورة وهي ترفع اكمامها و باعجاب / و انا اشهد انك حره ..
العنود التفتت على جهة اخوانها و بالها معاهم .. وايش يقصد متعب .. ثواني والتهت بالطبخ ..
وبلجة نورة و جات ام سند و مياسة وام عزام و بداو يساعدونهم والبنات كل وحدة مسكت لها شغله ..






ــــــــــــــــ






بعد وقت ..

في المجلس ..





سند يلتفت لشباب .. وبتساؤل / يا عيال و ين ياسر و صقر وسامر ..
فارس / رجعوا الخبر .. يقولون ما نبي نخلي بدر لحاله ..
سند هز راسه / ....................
عناد / كثر الله خيرهم .. خلهم يونسون اخوي لا يقعد لحاله ..
سيف / ابو فهد .. ترا تصرفات ياسر وسامر و صقر مو عاجبتني .. حاس وراهم شي ..
سند يهز راسه / شايف .. يبي لهم قرصة اذن ..











بالدمام ...
قبال احد مراكز الشرطة ..




...... بعصبية / فضحتوني الله يفضحكم ..
ياسر بانزعاج / هياااا عاد .. خلصنا بدير ..
بدر بعصبية / والله لو مو خلف صاحبي و بينا معروف ما كان عدت الا بسجن والجلد ..
سامر يمسح على بطنه ولا كان صار شي / اقول انا جيعان من البارح وانا ما اكلت شي ..
بدر بغضب / انا نار وهم ثلج ..
صقر بضيق / والله معاك حق .. " تنهد " .. انا ابي اروح البيت .. ما لي نفس شي ..
ياسر و سامر بضجر / يووووووووه .. اووووووف ..
بدر بقهر / انقلعوا اطلعوا السيارة .. " وتوجهوا لسيار بدر طلعوا وتحركوا من قبال المركز " ..






ــــــــــــــــ





لـيـت الـعـنـاد الـلــي غـدابــك يـعـيـدك
تـاخـذ بـيـدي عــن مـجــرات الأحـــزان
وشاعرك عقـب فرقـاك أصـبـح وحـيـدك
ما غير إيطري اسم ( العنود ) على لسان
يــا سـيـدي قلـبـي وفـكــري قـصـيـدك
اكسب بمثلي أجر وافـرح بالاحسـان


" منقول " ..










نزل الجوال و وقف .. سند التفت عليه / وين رايح ..
بتا ل/ ابي اروح اشوف سلطاني ..
سعود / جيب الظبي معاك ..
بتال طالع فيه وطنشه وطلع من المجلس وتوجه لجلسة الحريم ..




العنود جالسه جنب نوره وقريب من مكان الطبخ ..

نورة بهدوء / شوفي يا العنود .. انا كبر امك الله يرحمها .. واسمعي مني الهرج ..
والله ان هالي انتي فيه مضر لك ولعيالك .. ان كان الحين والا بعدين ..
العنود بضيق / الله يخليك يا نورة لا ....
قاطعتها نوره / اسمعي .. جدتك من قبل سوت سواتك .. ورجاها سند وعيت .. واخر شي رجعت للفارس ..
جدتك ما كانت متعلمه و جاهلة .. انتي تعرفين ايش سووا بها جدك سعد .. عذبها .. الا ذبحها ..
العنود ابتسمت بسخرية / انتي ما تعرفين شي .. الظبي كف و كم كلمه وسوت هالسوايا .. وانا ..
اللي سواه بي بتال .. حتى كلام ما اقدر اقوله .. لا تحكمين بشي انتي ما تعرفين عنه شي ..
نورة بحدة / انا اللي اعرف ان بينكم صغار لا حول لهم ولا قوة الا بربهم سبحانه .. لا تكسرين عيالك يا بنت الظبي ..
العنود التفتت وشافت نورة قامت وتوجهت للجلسة .. واخر كلمة ترن باذنها " لا تكسرين عيالك يا بنت الظبي " ..
وقفت بعصبية اول ما شافت الجوهرة معاها سلطان وتعطيه لبتال .. تقدمت منه بعصبية / وين ..
بتال طالعها ببرود / خير بتمنعيني عن عيالي ..
العنود حست برجفه / خل عيونك عليه .. المرة الاولى الله ستر ..
بتال صد عنها و ببرود / ارسلوا الظبي اول ما تصحى ..
العنود تراجعت لوراء و رجعت مكانها حطت يدها على راسها وهي تضغط عليه .. وتحس بصداع ..






ــــــــــــــــــــ






بعد الغداء ..
في المجلس ..



بتال يلعب الظبي .. وسلطان الكبير مقعد سلطان الصغير بحضنه و معطيه جواله ..
ابو بتال بالم / يا روح جدك .. يا فديت هالخشم ..
سلطان الصغير يضحك .. والخدش على راس خشمه ..
سعود ياخذ الظبي / هذي .. هذي حبيبة عمها .. " وهو يقبلها بقوة خلتها تبكي " ..
ابو سطام بعصبية / اوجعتها .. نزل البنت ..
سعود وهو ينزل الظبي على الفرشة وتوجهة لمتعب .. / هههههههههههههههه ..
بتال كان مبتسم و تغير وجه اول ما شاف الظبي تروح لمتعب وترمي نفسها على صدر متعب ..
متعب يمسح على شعرها و ليعبها وهو حاضنها / والله انك ماتستحي يا سعود .. عندك بنت عمك انقلع لها واوجعها ..
اما بنتي مالك دخل بها .. " التفت لـ الظبي " .. ظبي الحلوة .. اضرب عمك الدوب ..
الظبي ابتسمت و صارت تنادي / ابببببببببببباااااااااااا .. اببببببببببببببببببببببببباااا ..
متعب / هههههه ياروح بابا ..
بتال وقف وتوجه له سحب الظبي من على صدر متعب و توجه للباب يبي يطلع ..
متعب / هههههههههههههههه ما مني فكه يا بتيل .. ههههههههههههههههههههه ..
ابو مطلق ينزل جواله و يوقف /هاا .. يالله .. هي فمان الله يا جماعه وسامحونا ..
ابو عبدالعزيز وابو سطام يوقفون / ماشين ..
ابو مطلق / الله الله .. هذا السواق يقول جهز السيارة ..
" وتوادعوا وطلع ابو مطلق و اخذ زوجته و بنته ورجعوا لبيتهم " ..
تو الرجال يرجعون يجلسون والا تدخل رهف وهي تصارخ ../ وليييد وليييد ..
غيث وقف وراح لها بخوف / رهف .. ايش فيك ..
رهف انفجرت بكي / اهئئئئئئئ وليد طاح هناااااااك .. " وهي تاشر بيدها .. لوراء النخل .." ..
سلطان وقف وتوجه لها وسعود لحقة ورعد وغيث رهف تجري قبالهم بسرعة وهي تنادي / بسرعة تعالوا ..
اول ما وصلوا شافو ريان حاط راس وليد بحضنه ويبكي .. / هو قال بطني يعوني و بعدي طلع ..
" وهو يطالع بجنب وليد " .. وبعدين طاح على الارض .. ماااااااااااااااات .. اهئئئئئئئئئئئئئئئئئئئئئئئئئئ ..
سيف و فارس اللي لحقوهم .. سعود شال وليد وحطه على طرف الدكة ورش على وجه وليد مويه وضربة على وجهه ..
سلطان بحدة / شيله خلنا نوديه المستشفى ..
رعد بهدوء / تلقيه دار بذا العبه وداخ شوي .. بسيطة ..
وليد صحي من الاغماء / انا لعبة مع رهف ودخت علشان لعبنا في هذي .. " وهو ياشر على احد الالعاب " ..
رهف طالعت بالعبه باستغراب " مالعبوا فيها " .. سلطان مسك يد وليد وصار يمشي معاه وهو يعاتبه ..
ريان مسك يد رهف وبهمس / ترا لو قلت لاحد ان وليد ما كان يلعب معاي ياويلك من وليد ..
رهف فتحت عيونها مفجوعه / بس الكذب حرام ..
ريان بحده يخوفها / علمي احد .. وشوفي ايش نسوي فيك ..
رهف كشت وفلتت يد ريان وراحت تجري لـ الفلة ..





ــــــــــــــــــــ







بعد صلاة العصر ..
الحريم مفرشين فراش قبال الفله وجالسين .. متعب يحط اغراض اهله بسيارة وهو واقف قريب من الفله ..
السماء مغيمه .. والهواء بارد منعش ..
ام عبدالعزيز / يا العنود ..
العنود بعد ما اخذت علاجها وريحة بغرفتها .. بدون لا احد يحس بتعبها / لبيه ..
ام عبدالعزيز / من زمان ما سمع قصيد منك .. ما تسمعيني ..
العنو ابتسمت .. و بداية رش المطر كان خفيف وصوت الرعد و البرق يبرق .. بصوتها المميز .. /



الغيم رشرش والبروق أستهلت
داخل فؤادي كن سيله عروقي
ويجري قراحه الغيث منها تملت
تترس فياضه وتكاشف بروقي
برقه يشعشع لو طواريه هلت
الصاحب الغالي وهو معشوقي
ثبت وسيطر بالحشا ثم تعلت
داخل معاليقن بالضماير يبوقي
ياما طواريها علي الدرب تلت
الي ذبحه الشوق روحه تسوقي
وجدي عليها وجد من له تخلت
كل الأقارب والحزن له لحوقي
صدو جميع الناس والعين ملت
من الحزن والناس عنه تعوقي
ولا الذي يشكي همومن تولت
وسط الحشا كنه معلق بطوقي
كن العرب بالضيق شوفه تسلت
تفرح اذا شافت فؤاده محروقي
أترك هروج العذل مالك بشلت
فرقي الولايف عندها مثل سوقي
تبيع وتشري وعمرها ماتملت
تسعد بفرقي بين شوقن وشوقي
عسي الولي يبليه مثل ماتبلت
بلوي التخلي وللحبايب فروقي
" منقول " ..



متعب اللي كان يسمع صوتها بوضوح ما رفع راسة عن ماخرت السيارة ..
ام سطام بهدوء / لا اله الا الله ..
متعب بصوت جهوري / يالله مشينا ..
وقفت عائلة ابو عبدالعزيز كلها ..ام خزامى تمشي بهدوء وبطنها البارز بوضوح قبلها ..
العنود ابتسمت لها وقفت قبلت الخدين .. ام خزامى / انتبهي لصحتك يا بنتي ..
العنود ابتسمت / مشكورة .. وربي يقومك بسلامه و تشوفين جنينك بخير و سلامه ..
ام خزامى بابتسامة هائة / امين يارب .. " وتوجهة لسيارة " ..
بنات الفارس بدا يجمعون الفرش قبل لا يبتل اكثر والمطر بدا ينزل اقوى من قبل ..






ــــــــــــــ





بعد صلاة العشاء ... " بالصيوان – الخيمة " ..




ابو سطام وسط عياله .. / لا اله الا الله .. يا ولد .. يا ريان .. قوم روح قل للحريم يجون عندنا ..
الشباب التفتتوا لبعضهم .. بتال تنهد بضيق وطالع سند .. سند اشر له " ايش فيك " ..
بتال يعدل جلسته ويهمس لسند / اخاف جدك يفتح سالفه رجعة العنود و بدال لا تكح تعمى ..
سند باستغراب / مو انت تبي ترجعها .. وكنت تبي جدي يكون معاك ..
بتال ابتسم بخبث / هذاك قبل .. الحين لا ..
سند تنهد / اقول انا مو فاهم شي .. احس جسمه متخدر و تعبان ومع هالجو البارد النوم احلو ..
لف الشماغ على وجهه " تلطم " .. وارخى جسمه / ................
دقايق حتى تدخل ام سطام وام عزام و وراها الحريم الكبار و بعدهم البنات .. ما عدا العنود و رنيم وابرار ..
طلال اخذ مريم من نوال وخلها بحضنه .. راكان اخذ شيخة ولفها بحضنه ..
دقايق حتى تدخل العنود ومعاها سلطان و برار معاها الظبي و رنيم معاها فهد وهو يبكي ..
سند فتح عيونه وابتسم وقف بتعب وهو ياخذ فهد / هههههههههه .. فهودي يبي حضن بابا ..
" رجع مكانه وانسدح وحط فهد على صدره .. وصار يهدن على ظهره حتى هدي ونام "..
سلطان من نزلته امه على الارض راح يجري لابوه .. والظبي لحقت سلطان تحبي ..
بتال حضن سلطان والظبي وهو يقبلهم ثنيناتهم بشغف .. ثواني حتى سعود ياخذ الظبي ..
العنود وقفت وراحت لراكان اللي ماكان لبس شي دافي .. ثوب ابيض صيفي و شماغ احمر ..
راكان اعطى فروته لنايف .. راكان انتبه لاخته طالعه باستغراب .. وبعدها انتبه بالي في يدها ..
العنود اعطت اخوها الفروة اللي كان لـ ابوه .. راكان قبض عليها بقوة .. والعنود رجعة بهدوء لمكانها ..
المجلس كان صمت .. فجاة .. صوت تشخير قوي / خخخخخخخخخخخخخخخخخخخخخخششششششششششش ..
سلطان اللي كان بحضن ابوه اللي جالس قريب من سند .. انفجع وبكي / واااااااااااااااااااااايييييييييييييييييييييي ..
الكل / ههههههههههههههههههههههههههههههههههههههههههههههههههههههه ..
سند فتح عيونه وهي حمراء .. بتال وهو يضحك ويسمي على سلطان ويحضنه على صدرة / قوم هههههههههه ..
قوم .. فجعت ولدي بتشخيرك .. " سند طالع بتال بعصبية ومزاج متعكر ورجع غمض عيونه و ابتسم " ..
سلطان التفت على سند و صار يبكي و يبي يروح لامه .. تركه بتال و سلطان من الفجعه راح لامه يحبي ..
العنود ضمت سلطان على صدرها و هي تسمي عليه ..الظبي بس شافت سلطان بحضن امها صارت تصارخ تبي امها ..
سعود تركها و خلها تحبي راجعه لامها .. العنود خلت الاثنين عندها وهي ترتب الغطاء على راسهم ..
بتال ما طالع فيهم ولا رفع نظره و كانها مو موجودة .. ابو سطام / يا عيال ما تسون لنا شي ..
سعود بخبث / ابشر يا بو سطام .. الحين تقوم ام سلطان وتسوي لنا .. " كان يقصد نوال " ..
بتال بعصبية طالع فيه .. بس سعود منزل راسه ويطالع بجواله ..
اماني بشقاوة اخذت كاميرة سارة وصارت تصور .. الكل طالعها باستغراب ..
العنود بهدوء / ابشر باللي تبيه ..
سعود بارتباك / لالا مو انتي .. اقصد ام سلطان حقتي ..
ابو سطام بحزم / ام سلطان حقتك والا غيرها .. مو قايمين .. قم انت سوا حليب و قهوة .. قم ..
" التفت على اماني " .. وانتي ايش اللي معاك ..
اماني تصور جدها / هذي كانون .. " وبنبرة " الناس الذوق لمن نجحوا بعض الناس جابوا لهم هدايا مو مثلنا ..
سيف بحدة / اقعدي و قصري صوتك لعطيك كف ..
اماني جلست بخوف .. ابو سطام بحزم / وانت ايش دخلت .. مانت شايفني .. والا مو معبي عينك ..
سيف بارتباك / محشوم يا جـ.........
ابو سطام / هص هص .. قم قم .. روح مع ولد عمك وسوا للبنات حليب و قهوة ..
سيف رفع حاجب و بصدمة / عجيييييييب .. ما بقى الا نقهويهم بعد وندور عليهم ..
ابو سطام بتاكيد / ايه .. و بقوم تدور عليهم وتقهويهم ..
راكان / من جاب الكاميرا لك يا ساره ..
اماني التفتت لسارة ولمن ما شافتها تكلمت / متعب ..
بتال لا اراديا / وانا اقول ليش غثتني اول ما شفتها ..
الشباب / هههههههههههههههههههههههههههههههههههه ..
بتال ابتسم / اتحدا اذا هو اشتراها ..
اماني / هئئئئئئئئئئئئئئئئ .. اهب يا الجني .. ايش دراك ..
سيف بعصبية / وجع ..
اماني تراجعت للخلف بخوف .. ابو سطام مسك فنجان القهوة و حذفة على سيف ..
ابو طلال وهو يضحك / جاك .. " واول ما ضرب الفنجان براس سيف " .. هههههههههههههههه تستاهل ..
اماني بفرحة / هههههههههههههه .. " وبميانه " .. بالله بتال ايش دراك ..
بتال ابتسم / هههههههههههههههه قلبي ..
سند وهو مغمض عيونه / خف علينا يا ابو قلب حساس ..
عناد نقز بخوف والتفت على سند / حسبي الله على عدوينك قطعت نسل سلطان بن بتال و الحين قطعت نسل عناد بن خالد
سند / هههههههههههههههههههههههه .. " ورفع فهد عن صدرة و وقف و توجه لرنيم .. الي كانت جالسه جنب العنود "..
العنود صدت بوجهها عن سند و رجعت للخلف .. سند بطرف عينه شاف تصرف العنود وابتسم ..
اول ما كان بيبتعد جات عينه على سلطان اخذه ورفعه لفوق وهو يضحك عليه .. / يا خوااااف هههههههههههههههه ..
نايف بابتسامه / كبيرة هذي يا ابو فهد .. وبحق ..
سند ابتسم / ولك اللي تبي .. " وبنبرة مقصودة " يا امر اخو العنود ..
العنود رفعت عينها بسند باستغراب .. و حاسة بمقصد من وراء هالكلمه ..
نايف بابتسامه / بناخي نايف ما يخاف .. بس انت غدرت به ..
سند ما زال باببتسامته .. الجو الحلو والنومه الي اخذها لو هي غفوة بس ريحته .. وهو ما زال واقف بنص الجلسه ..
بخبث / افاا يا اخو العنود انا ماني غدار .. الحين انا طلاب الحق ..
العنود ابتسمت / العين بالعين والسن بالسن ..
سند ابتسم وهو ينزل سلطان ويقبل راسه / وصلني حقي يا بو بتال .. " رفع عينه لبتال الا وجهه احمر من الغضب " ..
سند يلتفت لسعود وفارس و سيف / لا تكثرون الزنجبيل ترا بتال ما يحبه حيل ..
الكل فاهم التنغيزات و يضحكون عليهم ... الا البنات الفهاوة ماكلتهم ..
بتال غصب ضحك / هههههههههههههههههههه ..
العنود صدت عنهم و صارت تسمع لكلام هيفاء وهي مو معاها ابد ..






ـــــــــــــــــــ




يوم جديد ..

من امس .. الكل رجع من المزرعة ..




بمنتصف اليل ..
سمع صوت رنين جواله ..
حاس بثقل على عيونه .. بالقوة تحرك علشان يدور جواله .. انقطع الاتصال وفرح ورجع لـ النوم ..
بس رجع الاتصال .. نفض الفراش بتافف / اوووووووووووووف ايش ذا الازعاج ..
تلفت يدور الجهاز و شافه على التسريحة .. وقف وبطفش راح جهته بدون لا يلبس الشبشب ..
كان لبس بجامة ببلوزة سودة و بنطلون رمادي .. رفع الجوال و تفاجاء من المتصل ..
عقد حواجبة / ايش عندة يتصل ذحين .. عسى خير ..
باهتمام / الو .. " تفاجاء من الصوت الغريب " .. من ؟ ..
بخوف وصدمة / ايه انا .. انت من .. " بلحضه حس ان الارض تهتز من تحته .. جلس على الارض .." ..
وبخوف و غصة / مات ..!!







ــــــــــــــــــــ








قبل صلاة الفجر بدقايق ..



جناح سند ..


رنيم تدور بفهد و تحاول تسكته ..
سند طلع من الحمام " كرمتوا " متوضئ لصلاة .. تنهد بضيق / طيب جربتي تدهنين جسمة بزيت دافي يمكن بردان ..
رنيم بتعب / ايه .. وارتاح شوي وكان بينام " وبقهر " .. بس جوالك رن وصحاه ..
سند بضيق توجه لثوبة لبسه و لبس شماغه .. رايح للمسجد اخذ جواله / اسمعي انا رايح للمسجد اذا ما سكت و نام ..
رحنا للمستشفى .. يمكن حرارة والا الاتهاب ولا حنا عارفين ..
رنيم بتعب / طيب ..
رجع رن جوال سند .. رفعه و باستغراب / الو .. هلا .. " وبصدمة و ضيق " .. لا حول ولا قوة الا بالله ..
انا لله وانا اليه راجعون .. " وهو يمسح على وجهه بضيق " .. انا لله وانا اليه لراجعون ..







ـــــــــــــــــ





انتهى ..




لا اله الا الله محمد رسول الله ..
سبحان الله .. و .. الحمدالله .. و .. الله اكبر ..


توقعاتكم ..

من اللي مات ..؟؟
وايش وراء سكوت راكان ..؟؟


واللي توقع صح ..
راح تكون لها نجمة .. ^_* ..


اعذروني على القصور والاخطاء الاملائية ..


هالبارت اهداء .. للي طلعوا من خلف الكواليس ..
واللي سجلوا على شاني .. ربي يعلي شأنكم و قدركم ..


لا تنسوني من صالح دعائكم ..


اختكم .. مشاعل السعودية ..

السلام عليكم
اول شي تراني كتبت الرد وانمسح بالقهر ..

المهم انا تراني من متابعينك من زمان بس ماكتبت .. سجليني من متابعيينك ..روايتك رااااائعه وقلمك اروع ..

باعلق ع البارت بسرعه ع الاسئله وان شا الله تطلع صح

اول شي اللي مات راااشد عم سند واللي دق عليه ذاك المصري اللي كان عنده .. < يارب صح

وراااكان اتوقع اكتشف شي او حس بتأنيب الضمير خصوصاً من نايف ومن الحاله اللي هم فيها وصابته فتره سكون وهدوء ..


بس ان شا الله باعود اعلق عدل << انا اول وحده هههههه

مشاعل انتي رائعه وذوقك رائع ..
تقبليني
ودمتي بود

السلام عليكم
صباح الخيرات تسلمين ميشو الله يعطيك العافيه
ميشو قبل أخذ النجمة هههه وحده واثقه لي نجمه قبل ارجعي شوي
كمن شوي
كمن شوي
بالصفحه أربعين قلت ان الجد سند كان محير الضبي ميشو
مايضيع حق وراه مطالب أعطيني نجمتي مافي تفاهم ابيها بطيب بالغصب

العنود وش عندها مطيحه الميانه مع سند والله هال بينت بتشيب راس بتال
بس مادري ليش أحسها تعرف كل صغيره وكبيره عن سند ويكن أبوها كان يبي يزوجها له ودائم يسولف عنه هو والضبي مثل ماكان الجد سند يسولف له عن العنود

سند أحسه ينفخ في قربه مفقوعه خخخ يعني مايفيد فيها عوبه وابتلى فيها مير الله يصبره

ريان وليد وش مخبين غير الدخان الله يستر منهم ذى المهبل
ياسر وصقر وسامر ايش المصيبه الي مسوينه وتستر عليهم بدر وصاحبه وعقوبتهم السجن والجلد هو يانه لقو معهم خمر أو بستراحات مشبوهه
العايله مشغوله ببتال الفتى المدلل والعنود ألي حاطينها تحت المجهر وضيعو عيالهم

نجي للي مات توقعي يقول أبو صقر راشد وما عليه حسافه ويمكن انتحر كل شي جايز

ركان سكوته يمكن انصدم من أملاك أبوه وثروتهم وندم على انه بعد عنهم وتخلى عنهم وبعد معرفته بأعدائهم خاف انه مايكون قد المسؤليه ويبي يراجع حساباته
ويمكن عرف حقيقة مشاعره تجاه سمر انه ماهو حب وإنما تعلق فيها مثل ماقالت العنود وكانت حب مراهقه

ميشو ننتظرك بالعلوم السنعه والنجمات أحم أحم وحده واثقه

الله يعطسج العافية على هالبارت

اللى مات اكيد راشد فكه منه ومن شره

السلام عليكم


يسعد صباحكم ..



هههههههههههههههههه

عليكم توقعات .. شي خيال ..


ولا وحدة صابت بالتوقع ..


يالله ياشطار فكروا شوي ..


كونو بخير ..