المهره هلا بك يالغالية .. ونشوف يمكن اية يمكن لا

تحسنت الظروف ولله الحمد .. ان شاء الله البارت الليلة

السلام عليكم ورحمة الله وبركاته

الصلاة والسلام على سيدا محمد وعلى اله وصحبه اجمعين

يقال .." من لا يشكر الناس لا يشكر الله "

فشكرا لكل من شجعني لكمال الرواية من اعضاء في المنتدى او صديقات واخوات اعلم بمتابعتهم لي من خلف الكواليس
واشكر كل من انتقدني بانتقاد لبق بتنسيق احرف رائعة ومهذبه
وشكرا لمن مر مرورا كانسمه خفيفة ترسم بسمه على شفاتي
شكرا وشكرا وشكرا لحبيبات قلبي اللي غثيتهم شوي شويتن يمكن ثلاث ويعرفون انفسهم ^_^

اتمنى اذا احد يبي ينقل الرواية لمنتدى اخر يبلغني او يكتب اسمي تحتها >> مشاعل السعودية <<
واذا نسبتها لنفسها >> فحسبي الله ونعم الوكيل <<

وصل لي نقد عن اعمار الامهات وتشابه مابين احداث روايتي واحداث رواية اخر
اولا : يجوز بتشابه في الخواطر ولكن يشهد الله اني غير متقصدة نسخ لرواية اخر
ثانيا : جميع شخصيات الامهات انا مركبتها لشخصيات عايشه معاهم امي وخالاتي وعماتي وجاراتي حتى بأعمارهم
ثالثا : الرواية في بداياتها كثير من احداثها عشتها وتألمت منها او عاشوها اقرباء لي واحسست بآلامهم ومعاناتهم
رابعا : في الرواية رسائل قد نراها بسيطة او ليست ذو فائدة ولكن تجلب مشكلات وظلم لنفسنا تجعلنا نعض اصابعا ندم على اهمالها
خامسا : لم اتجرا على انزال الرواية لتسلية قرات كثير من الروايات وقد رأيت نقاط لقصص تعجبت من حدوثة وتخيلات كاتباتها ولكن من ما رأيت لم يحدث لمن هم حولي جعلني اصدق كل شيء
اخيرا : اتمنى ان اكون قد امالكم اللي .. امم ..مدري شنو اقول لان فعل عجزت عن هذا التعبير .. بكيت وخفت ومدري شنو صار لي بس قلت هذا تحدي ولازم اكون قدة واتمنى اتمنى اتمنى بجد اني مافشل احد فيك او اخيب اماله واعذروني اذا قصرت واعذروني اذا اخطات

اعذروني طولت هذرتي ... اختكم .. مشاعل السعودية

لا اله الا الله

البارت الثاني


في الرياض
نايف وصل منار من المطار ونزلها بالبيت
( منار نسخة ثانية من العنود بس فيه اختلاف بسيط اللي يعيش معاهم كم يوم يعرف يفرق بينهم ويشوف الفرق الواضح اللي بينهم بس اللي يشوفهم مره وحده او مابين فترات طويلة يفكرهم شخص واحد منار تشبه امها " شمه " بالملامح والعنود تشبه امها " شيخة " بالملامح لذالك الشبهة كبير بينهم لانهم امهاتهم خوات تؤام منار تجي فترات لـ الرياض هي ساكنه عند جدتها بجده عندها حريه كبيره وخالتها شريفة مالها دخل بها لانها ما تملك ثروة ماليه مثل العنود تحب العنود وساره ونايف وتجي الرياض على شانهم كم يوم وتسافر )
منار تدق الباب على العنود وساره
العنود / مين؟
منار بفرح / عنوده انا منار
العنود فتحت الباب / هلا منار الحمدلله على السلامة
منار تسلم عليها / الله يسلمك .. التفتت جهة ساره وشافتها نايمه على الكنبه
العنود / توها نايمه ... تعالي اجلسي مسويه شاي والبسكويت اللي تحبينه
منار بعد ما فسخت عبايتها / اهاا تيب.. وجلست على الكنبة.. وخذت لها قطعة بسكويت ... كيف الشرقية وكيف البيت بغيابي
العنود تبتسم / كل شيء على حطت يدك بس اللي زاد ان خالتي شريفه تبي تزوجني لعبدالله قريب
منار بخوف/ لا تقولين
العنود بابتسامة وسخرية / هذا اللي صار وانتي اعطيني اخبارك
منار بحزن على حال اختها وحبت تفرحها / امممم راح اكون بجده على طول بعد ثلاث شهور خلاص جهز كل شيء وراح يصير الامر بيدي وجدتي معاد تقدر تامرني
العنود بفرحه/ الله يوفقك ياعمري وانتي تستاهلين .. وبعدين جدتك تحبك فلا تزعلينها .. ضمت منار العنود
منار وهي تبكي / عنود ليه .. ليه ما تدافعين عن نفسك ليه ما تصرخين بلا انتي قوية والله قوية
العنود / حبيبتي كل شي بالهداوة يصير ... وبهمس .. اتممن اموركم بسر والكتمان .. وحبه حبه
منار رفعة راسه وتطالعها باستغراب ... ابتسمت لها العنود وغمزت لها
ــــــــــــــــــــــــــــــــــــــــــــــــــــــــــــ ـــــــــ
بتال وطلال مع سلطان في مكتبة الخاص اللي بالقصر
سلطان يطالع على ملف المشروع الجديد / هذا المشروع اللي بالرياض راح يكون تحت ادارتك انت يا بتال وهذا الملف فيه كل الدراسة والامور المتعلقة به راح ياخذ حوالي من 6 الى 10 شهور كتأسيس وبعدين فيك تكلف احد يتابعه
بتال / عندي فكرة كامله بالموضوع وان شاء الله راح انزل الاسبوع الجاي لفرعنا بالرياض واجهز اموري وبعد زواج طلال راح نبدأ بأول خطوة من المشروع
سلطان / وانت يا طلال من كلفت يمسك شغلك اللين ترجع
طلال / اخوي سيف وكلمت ابو مبارك يتابع معاه كل شيء وبهذي الطريقة يتعلم الشغل اكثر
سلطان / وانت واثق بسيف يقدر يتحمل صلاحياتك
طلال / ان شاء الله قادر وسيف ذكي وبسرعة راح يتعلم ومنها يحس بان له وجد وقيمة
سلطان فهم عليه/ اممم على خير ان شاء الله... وانت ناقصك شيء جهزت بيتك
طلال بابتسامه / تسلم يا عمي مو ناقصني شيء والبيت الحمدلله كملته وجهزته مما جميعه مو ناقصه الا تشريف العروس
سلطان يضحك / هههههه خلاص راح الكثير ما بقى الا القليل ... يكلم بتال .. امم كم تذكره حجزت لبيروت
بتال / امي واختي وسعود وفارس وعمتي العنود وبنتها مرام
سلطان / وزيد وحده لبنت عمتك الثانية
بتال وطلال باستغراب / غرام
سلطان / ايه انا وعدتها تروح مع سمر
بتال يبتسم / ان شاء الله تامر يبه
طلال نزل راسه يحاول يخفي ابتسامته
ـــــــــــــــــــــــــــــــــــــــــــــــــــــــ
سعود خارج من الفله ومتوجه لـ عيال عمته بعد ما عرف انهم متجمعين بالحديقة
وقف قدام بيت عمه عبدالعزيز بعد ما شاف سيارة غريبه واقفه قبالها ونزلت منها نوال
راح بسرعة لجهتها والشرار يطلع من عيونه وقبل ما تدخل البيت مسك يدها
سعود بحده/ من هذا اللي جيتي معاه؟
نوال فلتت يدها بقوة / وانت ايش يخصك!
سعود بعصبية / جاوبي وبس
نوال بعناد/ مالك دخل من انت حتى تسالني؟
سعود بعصبية / ولد عمك ومكسر راسك
نوال بعصبية مماثلة / تخسي
سعود جاء بيمد يده والا بيد سيف مسكته .. سيف بغضب / سعود ويش تسوي ؟
سعود بعصبية / اختك جايه مع واحد غريب ولما اسالها مع من جايه تقل مالك دخل
سيف بحدة / وهي ما غلطت انت ويش دخلك ابوها اخوها زوجها
سعود عصب اكثر وتركهم وهو في داخله يتحلف بنوال وراح يخليها تترك هالوظيفة وتقعد بالبيت بس بطريقة يقدر هو الوحيد المتحكم بها البوه المتمردة
سيف دخل وراء نوال وشافها تفسخ عبايتها .. بحدة / نوااال
نوال التفتت علية وبهدوء/ نعم
سيف بعصبية / من اللي جيتي معاه
نوال / دكتور ايمن وصلني مع اخته
سيف / وليه يوصلك ما عندنا سايق والا ما عندك اخوان لو اتصلتي علية كان جيتك
نوال بحده / شوف جوالك كم اتصال فيه وما رديت عليه وبعد طلال ما يرد والسواق مشغول مع امي واتصلت على ابوي وهو طلع مشغول واستاذنت منه ان صديقتي توصلني وهذي مي اول مره وابوي سمح لي واذا عندك اعتراض روح قولة لابوي .. مشت وتركت سيف واقف
ـــــــــــــــــــــــــــــــــــــــــــــــــــــــــــ
شجون وغرام وهم يفتحون الشنطة وانفتحت فجاه وبسرعه نطت بوجههم اماني
غرام وشجون صرخوا بخوف / يييييممممممممممممممممممممممممممههههههه
شجون مسكت اماني/ انتي شنو تسوين بالشنطة
اماني بارتباك/ ااااااااااااا كنننننت ابببببببببببي اسويلك سربرايز هههه هههه
شجون رافعة حاجب/ معصقل انا اعرفك ما تدخلين غرفتي الا وتأخذين شيء اعترفي احسن لك
اماني تحاول تهرب وغرام تحاول تبعدها عن الشنطة بس شجون ماسكه الثنتين
فجاه شجون حست بان يد ماسكتها من القفاء وعرفته على طول من ريحة عطره
عناد بحده / انتو ماتستحون على وجهكم هذا شكل بنات عوائل
( شجون كانت عبايتها مقلوبه وحافيه والبرقع خيطه نص العين ومايل وشوشه طالعه نصها وغرام عبايتها مرفوعه جنب عن جنب وشبشب نوعين والغطاء مرمي باهمال واماني معفسه من كثر ماجلست بالشنطة)
شجون مي عارفه ايش ترد بس ماسكه غرام واماني بقوة
عناد بعصبية لغرام/ انتي يالخبله ويش تبين بالشنطة هذي بتهاجرين
غرام بعباطة / لا قاعده على قلبك ... بس ابي اسافر كم يوم مع سمر لبنان وراجعه
عناد بعصبية / انخبلتي بنت مسافره تجهز نفسها للعرس ويش دخلك انتي
غرام ويدها على خصرها وتهز واصباع على راسها/ حوووووووووورررررررررره اسوي اللي ابيه محد يمنعني ابوي وامي موافقين انت ويش يخصك
عناد بحده / ما انتي برايحه وتنثبرين هنا مفهوم
غرام تحط يدينها على صدرها يعني انه خافت / ييااااااااااي خوفتني ياوووووووممممممااااااه ... وبصوت عالي ... هياااا انت اعرف حدودك لانت ابوي ولا اخوي حتى تحكمني... أيه والله اعطيناكم وجه وبزياده .. وتبون تتحكمون فينا .. تبي تنافخ نافخ على اختك ذي البطة مو علية يا معقد...
سند وفارس وياسر متفاجئين من الحوا ر اللي بين عناد وغرام..!
وصقر يحاول يبعد البنات عن عناد بدون ما يضربهم لان باين انه وصل حده ...
عناد فك اخته واتجه على غرام يبي يضربها بس سند وقف في وجهه
سند بحده/عنااااد احترم حدودك ولا تغلط انت مالك حق تعاقبها على شيء اذا شفت الغلط تخبرنا وحنا نتفاهم معاها
في هذي الحظة هربت اماني وغرام سحبت الشنطة بسرعة وشجون ما انتبهت لهم الا بعد ما بعدوا عنها
شجون طلعت غرفتها وهي مقهورة من عناد وغرام واماني ومتحلفه فيهم طبعاً قصدها غرام واماني لان عناد صعب
ــــــــــــــــــــــــــــــــــــــــــــــــــــــــــــ ـــــ
بتال وطلال طلعوا من مكتب سلطان وهم خارجين شافوا وليد وريان يلعبون كرة قدم
بتال وطلال نزلوا يلعبون معاهم شوي مرت من جنبهم اماني ونادت ريان و وليد
اماني / رييييييييااااااان وليييييييييييد تعالوا سرقت شريط بلاي ستيشن من شوجي مصارعة يجننننننن
ريان طالع وليد .. وليد طنشها وكمل لعب مع بتال وطلال وريان
اماني " هذا كله وما سمعوني خليني اروح عندهم"
اماني اتجهت لهم / ريانوه وليدوه ما تسمعوني يامل اصمخ
وليد برفعة حاجب/ سمعناك تتفاخرين بسرقة
اماني بابتسامه من تحت غطاها / ايه سرقة شريط المصارعة من شجونوه تعالوا نلعب فيه
بتال وطلال وقوف يسمعون للحديث بصمت والابتسامة على شفتهم
وليد رافع حاجب/ شيء بسرقه ما نبيه وبعدين المحلات ماليانه وغرفتي مليانه ليه حق شجون يعني
اماني تطالع ريان / هيه انت ما تبي تروح معاي تلعب بلاي ستيشن
ريان برفعة حاجب ونفس طريقة وليد بالكلام/ لا ابي العب مع وليد
اماني تطالع وليد / وليه ان شاء الله ما تبي تلعب معاي حضرة الاستاذ وليد
وليد برفعة حاجب / لانه سرقتيه ما اخذتيه باستأذن وهذا غلط
اماني فاتحة فمها متفاجأه لانه يتكلم نفس طريقة بتال / ياااااااااالله عقدك بتال حراااااااااام ضاعت طفولتك يا ولد عمي يالخبل احلا شيء لمن تاخذ لعبة وتلعب بها وهي ميب حقتك لها طعم ثاني والله اسال مجرب
بتال يطالعها / هييه ويش عقدته لانه قال الصح البزر وانتي يالخبلة ياكبرك ماتعرفين ان السرقة حرام
اماني طالعتهم وصدت وهي معصبها متجهة للبيت لانها متاكده راح تطلع وهي متعقده وكارها البلاي ستيشن
وليد بصوت عالي / احسن لك تروحين لشجون وتلعبين معاها اذا سمحت لك
اماني بخوف / لالالالالالا بعد اللي شفته لا لو اموت ما روح لها ... وراحت تجري لبيتهم
ـــــــــــــــــــــــــــــــــــــــــــــــــ
بعد ايام ....
بلبنان
سمر وغرام ومرام والجوهره والعنود وسعود وفارس في لبنان .. بأحد دار الازياء .. سعود وفارس عند كوفي مقابل الدار والجوهرة والعنود مع احد المسؤولات عن الدار وتوريهم احدث التصاميم والبنات يطالعون لباقي التصاميم المعروضة
سمر / غرام شوفي هذا الفستان ايش رايك فيه
غرام / ما عجبني كثير الا اذا غيرتي شوي فيه يعني من هنا.. تاشر على فتحت الصدر.. فتحتها كبيره حيل ... وشوفي الخصر .. راح يبين انك دوببااا ومطعج خصرك .. ماحبته
مرام جايتهم ومعاها فستان اسود قصير توب / غرام .. سمر ايش رايكم بها الفستان
سمر وغرام / واووووووو
غرام / ناعم ورايق يشبهك مرومه حياتي
سمر" تاشر على فستان طويل وضيق للخصر وبعدين يتسع فيروزي
لف على الرقبه وقصت الصدر رايقه وحلوة / غرام ايش رايك بالفستان هذا
مرام / مره روعة لونه وموديله يخلي الوحده كانها حورية البحر
غرام طالعته وكثير عجبها / روعه
سمر بابتسامه / هذا هدية مني انا ومرام لك
غرام دمعت عيونها بتفارق مرام وبعدها سمر حست العبره خانقتها / الله يخليكم ليه .. وضمتهم
سمر / بس ما نسينا شجون والا تذبحنا ما يكفي سافرنا وتركناها هناك
غرام تضحك / ايه تذكرت يوم شافتنا راكبين السيارة رايحين المطار هههههههههه
سمر / حزنتني وانا قلت لبابا يكلم عمي خالد ويسمح لها بس قالي ان عناد اخوها رافض وزعلان
غرام / هذا الشخص معقد قبل اقول اخوانك بس الحين لمن شفت سعود حسيته حبوب
سمر / كل اخواني حبوبين بس مايبينون
غرام/ محد مثل اخواني لبى قلوووووووبهم ياناس رواقاااااااااه
مرام / مادام ابوهم فهد وامهم العنود اكيد بيطلعون حلوين
العنود ضمتهم من وراء/ قاعدين تحشون فيني انا وابوكم
غرام بابتسامه / لا يمه قاعده امدحكم اقول لبى اخواني اللي رايقين بسبب امي وابوي
العنود بشوق / والله اشتقت لهم
الجوهرة بغمزه / اشتقتي لعيالك والا لابو العيال
العنود بضحكة / اكييييييييد للعيال وابوهم لبى قلب فهودي فديته والله
الكل / ههههههههههههههههههه
ــــــــــــــــــــــــــــــــــــــــــــــــــــــــــــ ـــ
سعود وفارس بالكوفي وسعود كل ما يتذكر نوال يعصب
فارس / ويش فيك انت ترا البنت ما غلطت السواق ماجاها واخوانها مقفله جوالاتهم ووصلتها صديقتها مع اخوها وابوها عنده علم يعني ما غلطت
سعود بعصبية / وليه ما اتصلت على وحده من بنات عمها تجيها مع واحد من عيال عمها او ترسلها سواق البيوت ممتلئة سواقين والا لزم ترز وجهها مع الغريب
سعود تذكر نقابها وعيونها وزاد غضبه (لان نوال لبسه برقع واسع فتحت عيونها ومو مغطيتهم بالشيله
وعيونها واضحه ونوال تتميز بعيون ساحره وساع وناعسة ورموشها كثيفه وسودا ومكحله رباني)
سعود ضرب الطاولة بيده " والله لربيك يا نوال واذا ما سويتها ما كون اخو بتال"
فارس استغرب عصبية سعود الزايدة وسعود معروف ببرودة اعصابه
ــــــــــــــــــــــــــــــــــــــــ
بالرياض نايف عرف بموضوع خطوبة عبدالله للعنود
نايف بعصبيه / والله لو يكون اخر واحد به الدنيا ما راح يتزوجها لو تقعد طول عمرها عانس ببيت ابوها مو مقصرين عليها وعبيد دواه عندي واحسن لكم تبعدون عنا لانه فاض بي من سوأياكم
ام عبدالله / نويف لا ترفع صوتك عليه تراك مانت بقدي لساتك بزر والعنود غير عبدالله مي ماخذه وزواجهم بعد رمضان 6 العيد ووريني يانويف ويش بتسوي
نايف بعصبيه / تشوفين يام السحور اذا ماخليتك تبكين دم على ولدك بدال ماتفرحين ماكون نايف اخو راكان وطلع من البيت معصب
ام عبدالله تفكر وخافت من نايف يسوي شيء .. وهو مثل راكان مو سهل بس لساته عضمه طري .. وراكان مايقعد بالبيت لو كان يقعد كان تصرفت بس مايقعد .. ولا ياكل عندهم واذا اكل ماياخذ غير من العنود كانهم شاكين بشيء.. زاد الخوف نايف ليش قال ام السحور اكيد يعرف شي قطع تفكيرها صوت خديجة
خديجة بغباء / شريفه ويش تسوين مع نايف .. ؟
شريفة بقرف / ما سوينا شي واسكتي ماني فايقة لك .. وبتفكير " لساتك بزر مو قدي ولا قد عبدالله اقدر اروضك بسيطة يا نويف بسيطة "
خديجة / انا رايحة البيت زوجي جاي من السفر وابي اروح استقبله
شريفة بقرف / ايه روحي روحي اركضي له روحي
ـــــــــــــــــــــــــــــــــــــــــــــــــ
في استراحة راكان بالرياض بتال وراكان وزياد وصديقهم تركي توه داخل
تركي / السلام عليكم
الكل / وعليكم السلام .. وبعد السلام والسؤال عن الحال .. جلس تركي بجنب زياد
زياد / هلا وغلا من طول الغيبات جاب الغنايم
تركي يبتسم / هههههه لا غيبات ولا شي سفره قصيره ورجعنا
راكان / لوين سافرت هالمره
تركي / للمغرب ... الحين ما تعرفوني على الوجه الغانم
راكان / ولد عمي بتال بن سلطان الفارس وقريبا اخو زوجتي
تركي عقد حواجبه / ولد عمك واخو زوجتك مو فاهم
راكان بابتسامه / خطبت وزواج قريب حيل ان شاء الله
تركي / اووووووووه على البركه وعقبال العزابيه .. بس اسمك مو غريب علية كاني سامعة
راكان / بتال رجل اعمال وله كلمته بالسوق
تركي بنبرة غريبه / اهااا والنعم
بتال / والنعم بحالك
دخل نايف وهو معصب ولا رد السلام قعد مقابل المسبح وكانت جلست راكان واللي معاه خلفها وما انتبه عليهم
كان لبس جنز لنص الساق وبلوزه سوداء وفيها كتابات وشعرها واصل لحد كتفه وبعض الخصل طايحه على وجهة
بتال بقرف / هذا مايعرف السلام ولا يعرف الاصول
زياد مستغرب بان نايف يدخل بها الطريقة/ انا رايح اشوفه ويش فيه
راكان معصب/ وقله ينقلع من هنا ولا عاد يطب ها المكان
زياد التفت لراكان / انا ماراح اطرده اذا انت ودك قله
زياد راح لعند نايف وجلس جنبه ونايف ما انتبه انه فيه احد بالاستراحة
زياد / نايف فيك شي؟
نايف انتبه لزياد / هلا زياد ما انتبهت لك اعذرني وقبل راس اخوه احتراما له
زياد / ويش صاير معاك
نايف" من متى تهتم يا زياد عمرك ما سالتنا دايم مع راكان" بدو نفس / ولا شيء
راكان جاء عندهم وبحده/ انت ما تستحي
نايف نقز من الصوت/ هلا راكان انت موجود ما انتبهت .. التفت وراء راكان وشاف بتال وتركي
نايف رافع حاجب / بتال وتركي موجودين كمان والله ما انتبهت
راكان / انت ما تستحي لبس لي لبس ما ادري كيف صاير ومطولي شعرك وكمان متعرف ترد السلام
نايف بحده/ قلت لك ما انتبهت وخير يا طير بلبسي وشعري بايش مضايقك فيه
راكان بغضب/ انقلع من استراحتي ولا اشوفك فيها وروح لصاحبك عبدالله واشباهك
نايف بغضب / انا ما حدني على عبدالله الا انتم يا اخواني
راكان مسك كتفه / لعرفت درب المرجلة تجي معانا ام اذا انت بهذا الشكل ما نبي نشوف وجهك
نايف ينزل يد راكان بقرف/ ما ابي مجالس تضم مثلك انت واخوك
تركهم وقبل ما يطلع من الاستراحة اعطى نظره لتركي ومشي
ــــــــــــــــــــــــــــــــــــــــــــــــــــــ
ام عبدالله تكلم عبدالله بتليفون
شريفة / اسمع تخليه يصير خاتم بصبعك.... اذا ما نفذت كلامي بتضيع منك العنود
......انت ماتفهم .. انا اسوي كل شيء علشانك انت ... حنا نحتاج نايف ولازم يكون معانا
ايه ... من الليله اذا تقدر ... انت ادراء ... فكر بس انا افكر يالله روح وبشرني بالاخبار الزينه
.... مع السلامه .... وسكرت الخط وهي مخططه على دمار نايف حتى تسيطر على اكبر
قدر من المال ما فكرت في مراقبة بناتها او تقربت الا الله وانتظار حسن الخاتمة
ــــــــــــــــــــــــــــــــــــــــــــــ
قبل زواج طلال بيومين رجع سعود وفارس والجوهره والعنود وبناتهم
سلطان يستقبل الجوهره بابتسامه / ياهلا وغلا تو مانورت الشرقية والسعودية بكبرها
ويضمها قدام عياله وبنتها ويقبل جبينها وسمر خجلت ووجهها حمر
سامر / احم احم احم نحن هنا
بتال / ايه يبه ارحم قلوب العزابيه
سعود / انا وصلت تراني مسافر معاهم كأنكم نسيتوني
بتال / افا يالعضيد ينساك الموت يالغالي ... ويسلم عليه
سامر يضم سمر/ وحشششششششتيني يادباااا
وجلسوا الكل يسال عن الحال والاحوال
سلطان / ها ان شاء الله جهزتوا وخلصتوا
الجوهره / ايه الله يسلمك العنود ومرام وغرام ماخالونا
سمر / مرام كانت مجهزه وخالصه بس راحت معانا حتى تساعد
رن جوال بتال بنغمة رسالة وكانت من راكان يبي يطمئنه
ابتسم بتال وطالع لسمر / هذي رساله من راكان يسال عن الحال... ويش تبونا نرد ... نقوله اجل شوي
الجوهره / بسم الله على بنتي ربي يتمم لها على خير
سلطان / طمنه ولا تشغل باله هو في الطريق جايب اهلة علشان عرس طلال لا تخليه يسرع ويتوتر
بتال باتسامه / ان شاء الله
سلطان بخبث / وفستان العروس
سمر حمر وجهها واستأذنت وطلعت لغرفتها
الجوهره بابتسامه/ احرجتها الله يهديك .. وان شاء الله الفستان يوصل بعد 10 ايام وراح يعجبك
سلطان بغزل / مادام انتي اللي اخترتيه اكيد بيعجبني ومسك يدها وقبلها
بتال وسعود وسامر سحبوا نفسهم وقاموا قبل الفشيله
ــــــــــــــــــــــــــــــــــــــــــــــــ
غرام راحت تركض جهة بيت عمها خالد ومعاها هدية لشوجي
غرام وكأنها تغني / شششششششششششوووووووووجييييييي
عناد نازل مع الدرج لبس جينز وتيشيرت .. عناد سد اذونه بيدينه من قوة الصوت .. ولما شافها عصب / هييه انتي ماتعرفين الادب ماتربيتي
غرام / اوووووووووه انا رايقه ومالي خلق اسمع عقدك شششششششششششششوووووجييييي
شجون نازله بسرعه ومانتبهت لعناد / غغغغغغغغغغررررررررررراممممي
وراحت تبوسها وتضمها وانفتح وجهه غرام لشدة ضمت شجون وعناد شاف وجهها وعصب
عناد صد / تغطي ياللي ماتستحين صدق قلة ادب وما تربيتي
عناد من كثر مايعيد هذا الكلمه جرحت قلب غرام وعزت نفسها
غرام بحده / انا متربيه امي وابوي ربوني احسن تربيه واحترم نفسك مو كل شوي ماتربيتي ماتربيتي
في هذي الحظة دخل ابوعناد ولمن شاف غرام ابتسم / هلا غرامي كيفك حبيبتي
غرام خانقتها العبرة / هلا عمي وقبلت راسه ويده
ابو عناد / كيف لبنان واجواها وان شاء الله مرام وسمر خلصوا جهازهم
غرام مي قادره تستحمل / الحمدلله ... عن اذنك عمي .. وقبل ما يرد عطت الهدية شجون وطلعت بسرعة
ابو عناد / ويش فيها غرام ليه طلعت بهذي الطريق
عناد لسه معصب / لانها قليلة ادب وما تربت >> بعد ما تاب
ابوعناد التفت على عناد بعصبيه / عنااااااااااد ويش ذا الكلام
عناد / وهذي الحقيقه يبه ها البنت ما تربت اهلها ما عرفوا يربونها و....
طررررررررررررررررررررررررررااااااااااااااااخ
عناد حس بالحراره على خده وحط يده على خده وهو منصدم
ابوعناد / والله انا اللي ماعرفت اربيك غرام تاج راسك
والله ياعناد ان سمعت انك مضايقها مايصير لخاطرك طيب
وتركه ابوه وهو واقف منصدم وشجون راحت تجري بعد ماشافت ابوها معصب
بدر صادف شجون بصاله اللي فوق ووجها متغير لونه
بدر بخوف / خير ويش فيه؟
شجون بارتباك / ابوي ضرب عناد كف علشان زعل غرام
بدر متفاجأ / تقولينه صدق والا تمزحين
شجون / والله صدق وعناد عصب حيل
بدر / الله يستر الليلة بتولع الاستراحة من عصبية عناد
ــــــــــــــــــــــــــــــــــــــــــــــــــــــــــــ ـــ
في المطار بالرياض كان باستقباله راكان وزياد واستقبلوه احلا استقبال
رعد / كيفها احوالكم ان شاء الله بخير
راكان/ الحمد لله تمام وانت
رعد / الحمدلله على كل حال
راكان ورعد كانوا بسيارة وحده لكزس 2012 لراكان وزياد معاه الارمادا تبع ابوه وفيها
ابو راكان وام راكان و شريفة و خديجة ومها وحنان وساره ومنار
ابونايف ما قدر يروح قال انه تعبان وما يقدر يروح وخلود تعبت نفسيتها واما العنود ..


قبل يومين
العنود بغموض / وليه ما اروح
شريفه بحدة/ كذا انا امرت انك ما تروحين والا عاجبك الهرج يوم انهم يقولون يبون يزوجونك لاحد من عيالهم لا يا حلوه العبي غيرها انتي لولدي عبدالله وبس
ساره / بس حرام العنود ماعمرها حضرت عرس خليها تروح
شريفة / اذا موعاجبك انتي بعد لا تروحين
ساره شهقت / لالا انا ابي اروح خلاص ما اتكلم
منار / ليه ماتروح خليها تتونس
شريفة بحده/ اقول مناروه موانك بتروحين جده خلاص مالي سلطة عليك والله والله يامناروه لو احطك براسي تعرفين ويش اسوي
العنود تركتهم وراح لغرفتها وساره ومنار كانوا بيلحقونها ووقفتهم شريفه
شريفة / هيه انتي وياها تعالوا هنيه ابيكم
ساره ومنار جلسوا وهم مرعوبين من شريفة
شريفه / سمعي يا منار ان رحتي لشرقيه اياني وياك تتلاطفين معاهم ابي السانك على الجنب الحد ادري عنك لسانك موس لعصبتي واسمك العنود مو منار وانتي ياسوير ياويلك ان طاح لسانك على السانهم اقصه لك
منار / وليه هم ما يعرفوني ؟
شريفة/ لا ما يعرفون ان عند شمه بنت وهي بنت سطام بالرضاعة .. لمن تروحين لهم يكون اسمك العنود لانكم تتشابهون وهم شافوا العنود مره وحده وراح يفكرون انها انتي
منار منصدمه من تفكيرها / يعني تبيني اكرههم في العنود
شريفه بابتسامة خبث/ اييييييييه عفيه على الشاطرة وان سويت اللي قلت لك عليه تروحين جده وانتي سالمه
"ساره ساكته مرعوبة ومنار كذلك "... ام عبدالله ../. ها فاهمين
ساره ومنار هزوا راسهم بالايجاب وصعدوا لجناحهم


تتذكر العنود وكلامها وايش وصتها ماخافت على نفسها كثر ماخافت على خواتها

العنود / لاتفكرين فيني انت طلعي من هالبيت واكيد انا راح اطلع مادام الله معاي ما راح تقدر تسوي لي شيء
منار بصدمة / تبيني اشوهه صورتك عند اهلك؟
العنود تبتسم لتطمئنها/ ماعليك مني واهلي انتم اما هم مايهموني الا اذا جاء الوقت راح يعرفوني زين بس المهم انتي خلصي عمرك وروحي لعمامك قبل ما تسوي لك شيء
منار / بس يالعنود....
تقاطعها العنود / لابس ولا شي ...

قطع عليها تفكيرها صوت ساره بهمس / في ايش تفكرين؟
منار بهمس/ في العنود .... وسكتوا منار وساره وتفكيرهم بالعنود
ــــــــــــــــــــــــــــــــ
نايف رفض يروح الزوج والعنود بالرياض
نايف / لاتخرجين من غرفتك ابد وانا راح اكون ملازم لعبدالله
العنود بتنبيه / انتبه منه هو وامه مخططين عليك بشيء ما ادري ايش
نايف يفرك راسة يحس بصداع بيفجر راسه / لا تخافين علية انا... منتبه زين لنفسي ... اهم شي انتبهي للجوال واي شيء يصير ارسليه رساله وانا راح اكون باسرع مايمكن عندك
العنود / ان شاء الله انتبه على نفسك وهذا ترمس الشاهي اللي تبيها تبي شيء ثاني
نايف / لا سلامتك
اخذ نايف ترمس الشاهي ومشي بعد ما طلعت اخته للجناحها وتأكد من تقفيل الباب عليها
ــــــــــــــــــــــــــــــــــــــــــــــــــــــــــــ ـــــــــ
بعد العصر الساعة 5:00م ابو سطام وام سطام كانوا جالسين بالحديقة الجوا لطيف جالسين بالمكان المعتاد تحت المظلية يحبون يجلسون تحتها صباح ومساء سمر جاءتهم
سمر / مساكم الله بالخير... وقبلت راس جدها وجدتها
ابو سطام وام سطام / مساك ربي رضاء ورحمه
ام سطام / هلا يمه هلا
سمر تمسك دلة القهوة وتصب لجدها وجدتها / اشلونك يبه
ابو سطام بابتسامه / بخير يا روح ابوك انتي ويشلونك وين غرامي وشجوني خاطري اضحك معاهم شوي
سمر بابتسامه دائما جدها يقول كذا ولا جوا عنده يقول صدعتوا براسي ويطردهم / الحين جايين يبه .. ويشلونك يمه
ام سطام بعتب / بخير.. زين انك سالتي والا يوم تشوفين ابوك سعود تنسين امك
سمر تقوم وتجلس عند جدتها وتضمها وتبوسها على خدها / فديته اللي يغار انا
سمعوا صوت سيارة والتفتوا وشافوها راكان ومعاه احد سمر على طول غطت وجهها
ما كانوا يعرفون ان رعد يوصل اليوم نزل رعد من السيارة وابتسامة صفراء على وجهة من لمن دخل الخبر وهو يتذكر كل الذكريات اللي صارت معاه ومع عبير
ام سطام بعبرة/هذا مو ولدي رعد
ابو سطام بفرحة / الا هو هو رعد ياهلا ياهلا
ووقف لكن رعد مشي بخطوات سريعة وضم ابوة وقبل راسة ويده والتفت على امه اللي ما قدرت تمسك دموعها
وقعدت تبكي جلس وضمها على صدرة وقبل راسها ويدينها وخدودها ومسح دموعها بيدينه
رعد بصوت مخنوق / دموعك غالية يا الغاليه
ام سطام بحزن وهي ماسكة يدينه / يوجعني حالك يمه لاعاد تتركني يا امك والله اني كل ليلة امسي واقول ياربي بكرة اصحى واشوف رعدي والا تاخذ امانتك وعيني متعطشة لشوفتك
رعد يقبل يدين امه / بعد عمر طويل يمه ليه هالحكي الحين يا الغاليه
راكان بيضيع الموضوع ويغير الجو / احم احم تراني انا بعد جاي من خط سفر يعني محد بيرحب فيني ويسلم علي .. ويطالع لجهة سمر ويبتسم
ابوسطام يضربه بعصاته / اهاا اسري تتبوسم لبنتي قدامي ياللي ماتستحي ... يضربه بعصاته على كتفة وراكان يضحك
راكان وهو يضحك / هههههه يبه الله يهديك مرتي وشلون ماتبني ابتسم لشوفتها
ابو سطام / للحين ماصارت مرتك لصارت تبوسم يالله الخلا
راكان بابتسامه / ويشلون الخلا وانا ما سلمت على القمر >> يقصد سمر بس هو توجه على جدته وباس راسها ويدها
رعد بغمزه وبنبرة مداعبه / القمر .. القمر هنا خليني انا اسلم عليها
سمر حمر وجهها وصارت تتصبب عرق من الخجل كرهة الساعة اللي نزلت فيها
رعد ضمها وباس يدها يعاند راكان ووقف جنبها وهو ضامها ويسالها وهو مبتسم ... رعد / ويشلونك حبيبتي وايش اخبارك
سمر بصوت مخنوق يالله ينسمع / الحمد لله بخير
راكان حاسد رعد ووده يذبحه وهو كل مارفع راسه تجيه ضربه من جده على راسة يخليه ينزل نظرة للأرض كره .. الموضوع عادي عند جده بس حب يحارش راكان ويعانده
سمعوا صوت صراخ وضحك .. سمر عرفتهم وابتسمت ... رعد رافع حاجب / ويش فيهم ؟
راكان بابتسامه / مهابيل العائلة بنات اخواتك .. ليت عناد فيه
سمر ابتسمت لابتسامته ونزلت راسها
شجون وغرام مانتبهوا لراكان ورعد / انااااا الفايززززززززززة
غرام / ههههههههههههييييه انا الاولى
شجون / هاا هاا اهااي ضحكتيني لا ياحلوة العبي غيرها انا الاولى
رعد بابتسامه لها الثنائي ما يكبرون ابد لسه فيهم الطفوله / انتم الاثنين وصلت سوا
التفتت شجون وغرام لمصدر الصوت وصرخوا مع بعض / لالالالالالالالالا رعاديييييي
الكل سد أذانه من قوة الصرخة ,, ابو سطام / وجع يالمخابيل فقعتوا اذوني
شجون تضم رعد وغرام تسحبها وتضمه ورعد يضحك على خبالهم
راكان بلعانه / هلا هلا عناد حياك
شجون انتفضت من ذكر اسم عناد وبعدت عن رعد والتفت يمين ويسار / وينه عناد
غرام تكلم شجون / وخير ياطير عناد ويش بيسوي يعني ... والتفت على راكان ... وانت تسوي نفسك خفيف دم .. مع نفسك
رعد اطلق ضحكة / هههههههههههههههههههههههههه حلووه مع نفسك من وين جايبتها
غرام بابتسامه / راحت ايامك ياخالي العزيز الحين طلعت كلمات لازم تلتزم بها والا تكون جاهل يبيلها قعده وان اعلمك كم رعادي عندنا ... ضمة رعد وبصوت عالي ... اشـــتـــقــــتـاااااااااااالـك
عناد داخل بها الوقت / السلام عليكم
الكل/ وعليكم السلام
ابوسطام / الطيب عند ذكرة
عناد ابتسم ... وهو مر من جنب غرام وسمعها وهي تهمس / قصدة جبن سيرت القط جانا ينط ...
ابتسم وراح جهة جده وجدته وباس راسهم ويدينهم وسلم على راكان وضم رعد بشوق / الحمدلله على السلامة وانا اشوف الخبر زايد نورها
رعد بابتسامه / الخبر منوره باهلها
البنات قرروا يطلعون لجناح سمر ... غرام تهمس لسمر/ خلينا شوي
سمر بهمس / معاد فيني راكان اكلني بنظراته فشيلة
شجون بخوف / وانا عناد بيذبحني
غرام بطفش / ماشي خلينا نستأذن بس
ابو سطام التفت لجهة البنات وسمع همسهم... ابو سطام / ويش عندكم يا بنات
غرام بلقافة/سمر وشجون بيطلعون وانا مابي
ابو سطام يكلم سمر وشجون / ليه تبون تتركون وانا ابوك ... اجلسوا الله يصلحكم ما فيه احد غريب
سمر وشجون سكتوا .. غرام بلقافة / نبي نجلس ياجدي بس بشرط راكان يصد يمين حتى ترتاح سمر .." يصبحون البنات على يساره وبينهم الجد والجدة ورعد وما يقدر يشوف سمر" .... وعنيد يحلف ما يفتح فمه على شجون ويخانقها
عناد عصب بس مابين عصبيته وزاد كرهة لغرام وراكان تمنى يصفق غرام كف حتى يسكتها انقهر منها
رعد بابتسامه / وانتي
غرام بابتسامه اكبر ومو مبينه غير عيونها من وراء الملثم / انا حوووووووووررررره معالي باحد دام ما اسوي غلط
ابو سطام ينقل نظراته مابين عناد وغرام ويضحك وبنفسة " الله يرحمك ياخوي لو انك حي كان الحين مزوج غرام وعناد " وبصوت هادي / اجلسوا اجلسوا ماحد بيحاكيكم .. وبحزم .. راكان صدد صدد "راكان صد عنهم" انت يا عناد والله ان سمعت انك قايلن شي لشيخة كسرت عصاتي على ظهرك
شجون / جدي اسمي شجووون مو شيخة
ابو سطام / اهاا شيخـ.. شجون شجون ياهالاسم الماسخ
غرام باستغلال / يا جدي هو دائما يخانقها ويضربها بعد وهي مسكينه ما تتكلم ولا يخليها تنام عندي او عند سمر او ببيت عمي راشد يقول عيب وما يصير حتى اخواني وعيال عمي كلهم مايخلونا بس عيب عيب
عناد طالعها بصدمه ورعد وراكان ماسكين نفسهم من الضحك وشجون تدعي بداخلها على غرام
شجون " جعلك الماحي ياغريم .. جعل ربي يمغصك .. اليوم بيذبحني عنيد الله يرحمني خليني اقراء على نفسي وقعدت تقراء الفاتحة والمعوذات وبعض الآيات اللي حافظتهم"
ابو سطام لعناد بحد / عنيد لابركتن في عدوينك ليه تضرب اختك
ام سطام بعتب / افاااا ياعناد وانا اقول انك رجال .. افااا ياعنادي طحت من عيني
عناد بفزع / والله يايمه ماقط رفعت يدي عليها
ابو سطام / وليه ماتخليها تنام عند خواتها ويش فيها بيوتنا بيتها مافيه احد غريب واعيال عمك هالاخبول مثلك
عناد / بس يبه ا..
قطع كلامه ابو سطام / لابس ولا شي ... التفت للبنات .. الليله كل البنات ينامون عندي .. وسوا كل اللي بخاطركم ولا احدا يقدر يقل لكم شيء
غرام بابتسامت نصر / ربي يخليك لنا ياتاج راسي.. وتقوم تبوس راس جدها ... وتكمل .. ياجدي هم كل ليله يسهرون ويتجمعون باستراحة خاصة فيهم واحنا لا .. يحسرة علينا ماعندنا مكان خاص فينا
ام سطام بستغراب / هاااا ويش ذا الخاص
غرام / يعني يايمه مكان فيه تلفزيون وبلاي ستيشن وكل انواع الترفية والتسلية ويكون مايزعج احد ويكون لنا لوحدنا
ام سطام / ما ادري عن خرابيطكم ذي معرفها بصركم
ابوسطام لام سطام/ هههه خليهم عليه انا افهمهم .. التفت لغرام .. ووين هذا المكان اللي تبون فيه استراحتكم علشان نسويه لكم
غرام بعدم فهم / كيف يعني
ابو سطام بابتسامه / يعني انا ابي اسويلكم استراحة خاصه فيكم تتونسون فيها
غرام مي مصدقة /احلللللللف ونااااااااسه
ابو سطام /ويش احلف بدون حلفان وانا ابوك امري وين خاطرك نسويه ونسويه لكم
غرام على طول اشرت على جهة الملحق لان من زمان خاطرها تخلية استراحة لهم / هناااك
ابو سطام والكل معاه التفتوا على الجهة اللي اشرت عليها .. ابو سطام بعد صمت لثواني / تم
عناد وراكان ورعد متفاجئين من ابو سطام وكيف اقتنع بسهوله لطلب غرام
غرام وسمر وشجون صرخوا وضموا جدهم وجدهم يضحك عليهم
سمعوا صوت احد يصارخ ويهاوش التفتوا وشافوهم العنود ومياسة والهنوف
العنود والهنوف / انا الاولى
العنود / انا الكبيره وانا الاولى
الهنوف / ههههية انا اللي فايزة مو انتي
مياسة تتنفس بسرعة / ويه انقطع نفسي تعبت
رعد بمرح / الكبر شين
الكل / هههههههههههههههههههههههههههههههههههه ماعدا عناد اللي الدخان طلع من راسه
التفتوا العنود والهنوف ومياسة لصوت وشافوا رعد
مياسة بصوت باكي / رعادددي حبيب قلبي ... وراحت بسرعة له وضمته
العنود تبعدها / مو بالحالك اللي مشتاقه له
الهنوف / ايه وبعدين ما يصير حنا خواته الكبار
راكان يهمس لعناد / اذا كذا الكبار فلا عتب على الصغار ... هذي الكلمة كسرت ظهر عناد وماعاد يستحمل
عناد بغضب وعصبية ترك المكان وراح بدون ما يستأذن
ام سطام / عناد وين راح
غرام / يمه مايقدر يمسك لسانه اكثر وهج قبل لايخربها
ابو سطام ساكت وفي راسة تدور افكار كثيره وراكان ماسك ضحكته على شكل عناد
مياسة لرعد/ رعدي اشتقت لك يانظر عيني
رعد يقبل راسه / وانا يا الغالية اشتقت لكم جميع
الهنوف / اجل ماعد به سفر وغربة خلاص
رعد ابتسم ابتسامه باهته / يصير خير
ابوسطام يناظر رعد بنظرات غريبة وصد بنظره للفراغ يفكر
باليل الكل مجتمع حتى ابو راكان واللي معاه بمناسبة رجوع رعد
ابو سطام / ياسطام يابوك لاتروح لفنادق ولا شيء المكان واسع ويشيل وان مشالك المكان تشيلك عيوني
سطام والتعب باين علية وبصوت واطي ويهتز وكانه خايف او بردان/ اا خاا ف ان ان مااا ماا ييزعلوون
سلطان فهم قصد اخوه واجرح بقلبه من كلمة " اخاف " / ولا يهمك ياخوي الحين اخلي العنود تكلم ام راكان وتقنعها بالنومه عندنا
سطام سكت ... وسلطان اتصل على العنود وقالها الموضوع
عند الحريم والبنات
العنود/ يا ام راكان ويش رايكم تنامون الليله عندنا المكان كبير والاجنحة كثيره والحمدلله هذا ببيتكم ومكانكم
ام راكان تناظر اللي حولها ولاتشوف الا الضياع ... ام عبدالله خاطرها تشوف الاجنحة اذا مجالسهم فخمة بهذا الشكل كيف الاجنحة
ام عبدالله بابتسامة مصلحة / خلاص ننام هينا هي ليلتين ونرجع لرياض ماله داعي مصاريف الفنادق
العنود والكل مستغرب من رد ام عبدالله بدال ام راكان وناسين سالفة مرضها وماعندهم المعرفة الكاملة باللي يسببه هالمرض << الله يحمينا ويحميكم وكل احبابنا منه
الكل باستغراب يلتفت لبعض بسبب حالة ام راكان اللي باين عليها التعب
ام سطام بفرحة / يا هلابكم و يا مرحبا اشيلكم بعيوني اذا ما شالتكم الارض
ام عبدالله تطالع المجلس اللي جالسين فيه والتقديم وبداخلها " مالنا اسبوعين من جيناهم غيروا اثاث المجلس ول ول ول هذا من زود الفلوس يامال الفقر " ام عبدالله تعتبر من الطبقات الغنية بس الحسد معمي قلبها وقبله الحقد
البنات يتهامسون بينهم على لبس منار واللي مفكرينها العنود وتفاجوا بلبسها غير عن المره اللي فاتت المره اللي قبل كانت متستره بالبس والعباه ام الحين مختلفة اختلاف كلي حتى بقصت الشعر ولونها " منار لابسة بنطلون ابيض لحد الركبه ولافه شريطة ذهبية على ساق وحدة ورابطتها فلونكه بدايتها والبلوزه ذهبي ملكي لف على الرقبة والظهر نصفة كاشف ومكياجها ثقيل شوي
حاولوا البنات ينادونها بس هي مطنشتهم وتلعب بجوالة "جالكسي نوت" وساره تناظر لخالتها وتهديدها وما قدرت تتحرك

ضيفوا العشاء بدري لان رعد تعبان من السفر وابو راكان واولاده فقرروا ينتهي العشاء بدري

البنات بالجناح اللي جهزوه لهم الخدم بقصر جدهم سهرانين
نوال / بنات ملاحظتوا فالعنود شيء غريب
رنيم ونظرها بالبلاك / كل عائلة سطام غريبه الله يعين سمر عليها
غرام برفعة حاجب / مع نفسهم ويش دخل سمر فيهم
ريما / ايش اللي ويش دخلها فيهم هم اهل زوجها .. وبعدين تعالي هينا وش هذا الكلمة اللي طالعة بها مع نفسك مع نفسك
غرام / تصدقين على كثر ما استخف بذا الكلمات اللي تطلع ومالها معنا زي خققققق و يب ومدري ويش الا اني استخفيتها على لسان احاول اني اتركها والا الاقي نفسي قايلتها
ابرار / مو من عوايدك ياغرام تقولين كلام مو موزون او ماله معنا انتبهي لنفسك يابنت
غرام / خلاص ان شاء الله على امركم يا ابلات
نوال بتافف / اوووووووووف منكم انا اتكلم معاكم بشي وهم يتكلمون بشي ثاني
مرام / بنات ظنكم راح اطلع حلوه بليلة عرسي
البنات التفتوا عليها وشافوها سرحانه وتفكر فكل وحده كتمت ضحكتها وغطت عمره بالفرشة ونامت
ــــــــــــــــــــــــــــــــــــــــــــــــــــــــــــ ـــــــــــــ
بعد يومين
يوم زواج " طلال " & " مرام "
الكل كان مشغول بتجهيز لزواج ... العنود ام سند رايحة جاية .. متوترة .. هذي ام العروس مشغولة فاضية ماتدري ايش تساوي بس رايحه جاية
ام سند / غرام ياغرررررررررررام
غرام / لبيه يمه
ام سند / اتصلتي تأكدين حجز الصالون مانبي مشاكل
غرام بعتب/ يمه هدي عمرك ... تأكدت من الصالون ومن المصورة ومن مسكت الورد وكللللللللل الحجوزات تطمني يمه
ام سند / متوتره ياغرام هذي اول عروس من بناتنا قلبي يدق دق مو طبيعي
غرام بسخرية على حالها " انا الحين اللي ماخذه دور الام لازم اهدي ام العروس والعروس "
غرام بابتسامه / هدي يمه ولا تروحين لمرام وانتي بذي الحاله بتزودين توتره فوق التوتر اللي هي فيه لا ويمكن يغمى عليها ....
ام سند / بسم الله على بنتي الله لايقوله ... يارب تساعدنا وتعدي ها الليلة على خير
غرام / امين ... يالله يمه رايحين لصالون لانتاخر عليهم .. مع السلامه نشوفك بالقاعة
ام سند / بحفظ الرحمن
تركت امها وطلعت لمرام ولبسوا عباياتهم وراحوا الصالون
ــــــــــــــــــــــــــــــــــــــــــــــــــــــــــــ ـــــــــــــــ
عند الشباب في الصالون كانوا يستهبلون على طلال ويغنون ويرقصون
سيف معاه الطبله ويغني كل الاغاني اللي تخطر على باله او احد من الشباب
و عريسنا يا بدر بادي .. دامت لياليك السرور
و عريسنا يا عطر زاهي .. غلّب على كل العطور
بدر وياسر وسامر وصقر / كللللللللللللللللللللللللللللللوووووش
راكان يغني الزفة الكويتية والشباب معاه
يامعيريس عين الله تراك ... والقمر والنجوم تمشي وراك
ويتغنى بالقمر .... والنجوم ترد عليه
يامعيريس عين الله تراك ... والقمر والنجوم تمشي وراك
سامر وياسر وبدر وصقر / كللللللللللللللللللووووووووووووووووش
الكل / ههههههههههههههههههههههههههه
طلال كانت اكثر نظراته وتركيزه على اخوه سيف وشاف الفرحة الصادقة بعيونه
خلص حلاقة طلال والتفت على سيف وهو مبتسم لاخوه وعيال عمه وعماته
سيف بابتسامه وهو يتذكر دعوات ام طلال ويقلدها / ماشاء الله تبارك الرحمن لا اله الا الله .. ربي يحماك من العين .. عين الحسود فيها عود .. وربي يسعدك ويكمل فرحتك ويرزقك بالذريه الصالحة والباره قوووولووووا امين
الشباب / اميييييييين .....هههههههههههههه
راكان بصدق ورافع يدية / عقبالي ياااااااااارب
الشباب /ههههههههههههههههههههه
طلال يضم اخوه وكانه له سنين ماشافه وهمس / ربي يخليك لي ياعزوتي
سيف قبل راس اخوه واخذه وراحوا للفندق يجهز نفسه وينزل للقاعة
ــــــــــــــــــــــــــــــــــــــــــــــــــــــــــــ ـــ
بالصالون النساء كانوا متقسمين البنات بصالون والحريم بصالون
صالون البنات مرام كثير متوتره وما اكلت شيء من الصباح
نوال / مرام ما يصير لازم تاكلين شيء ما تشوفين وجهك رايح اصفر
مرام / والله ماني مشتهيه وبطني مررره يعورني ماني قادره
نوال / لازم تجبرين نفسك على الاقل بقطعه من هالمعجنات وشوي من ها العصير حتى لاتدوخين نخاف يغمى عليك .. وبخبث .. والا كلمت طلال ويشوف صرفة معاك
مرام بخوف لانه عارفه نوال ان قالت كلمه تنفذها / لالالا الا طلال خلاص هاتي الاكل
جابت نوال المعجنات والعصير واكلت مرام منها وشربت العصير
وكل ماتقول خلاص نوال تهددها الا ان قضت على المعجنات كلها وشربت العصير
ــــــــــــــــــــــــــــــــــــــــــــــــــــــــــــ ـــــــــــــــــــــ
البنات خلصوا من الصالون والكل صار جاهز غرام تكلم مرام
غرام / السيارة وصلت هذا سند جاي ياخذك راح تروح معاك ريما و رنيم ونوال هم خلاص انتهوا اما انا ما اقدر اروح معاك رايحه اكلم لينا " اللي سوت لها المكياج " ابي اغير لون الروج مو عاجبني
مرام / وانا كنت ابي اقلك ان لون الروج مو مناسب غيره
غرام / خلاص اطلعي مع نوال سند برا
طلعت مرام ونوال ورنيم وريما وركبوا السياره مع سند
سند ماكان يدري من اللي راح يجي مع مرام
ركبوا البنات السيارة والقوا السلام
البنات / السلام عليكم
سند بهدوئه المعتاد / وعليكم السلام رفع نظره بدون قصد على المراية اللي امامه ووقعت عيونه على عيونها ارتبك وصد وغير اتجه المراية .. كانت قاعده خلفه وعيونها واضحه من شافها تذكر قصيدة خالد الفيصل " البراقع "

ما هقيت ان البراقع يفتننّي
لين شفت ظبى النفود مبرقعاتي
الله أكبر يا عيون ناظرنّي
فاتناتٍ ناعساتٍ ساحراتي
في هواهن يا سعد كيف طرحنّي
راح عمري من مودتهن فواتي
كان مما صابني ما عالجنيّ
الوكاد اني خطيرٍ بالمماتي
يا سعد خبر ظريف الطول عنيّ
كان وده لي بعمرٍ في الحياتي
من لحظني بس أهوجس به و اونيّ
ما تركني هاجسي لو بالصلاة

ابتسم / اخفف التبريد
مرام بارتباك / امم لا
سند بداء يحرك السيارة و بحنيه يمسك يدها / وليش ذي بارده .. وبهمس مسموع .. خليك واثقة من نفسك مثل دايم
مرام تاخذ نفس وبخاطرها " والله ما انتم مثلنا يالرجال ماتحسون ولا تخافون "
سند ابتسم وكانه عارف ما يدور بخاطرها / سوي مثل طلال .. سكت لثواني وهو يلتفت للجهة الثانية من الخط ويلف طارت السيارة .. مسوي فيها الثقيل واللي ماهمه شي وهو يرجف
مرام كانت مركزه معاه وابتسمت لابتسامة اخوها وتخيلت شك طلال ونسيت شوي من ارتباكها
ريما لنوال بهمس / ما شاء لله عليه سند ثقيل وراكز وفاهم اخته
نوال بهمس مماثل / سند احن واحد من شباب العايلة حض اللي تاخذه
رنيم سمعت كلام نوال وضحكت بداخله بسخرية " والله ما انتي عارفه شيء يا نوال على نياتك كلهم مثل بعض كللللللللللللهم مثل ابوي وجدي كللللللللللللهم عسى ربي يبعدني عنهم "
ــــــــــــــــــــــــــــــــــــــــــــــــــــــــــــ ــــ

عند البنات داخل الصالون سمر وغرام وشجون ورنا وريهام وابرار وروان واماني
ابرار تكلم البنات / بنات من يجي ياخذنا
سمر / راح اكلم سعود واشوف اذا يقدر يجي يا خذنا
غرام / خليه يجي بسياره كبيره نرتاح فيها او ثنين يجون ياخذونا
سمر تهز براسها وراحت تكلم اخوها
سمر / هلا سعود .. تقدر تجي تاخذنا من الصالون ... ايه جهزنا... بس احنا مجموعة ... ايوة .. طيب ننتظر ... مع السلامه
راحت جهة البنات وقالت لهم باللي صار ووصلت السياره
كان عناد بالسيارة جمس 2012 وما احد يدري من اللي يسوقه
طلعوا البنات لسياره ومن الصدفة غرام وراء عناد
كانت فاتحه عيونها وبالملثم كانت تلفت النظر كانت تطالع للخط وبالها مشغول باختها
وقف عناد عند الاشارة ووقفت جنبة سيارة فيها شباب وما انتبهت غرام لهم
عناد انتبه لنظرات الشباب ورفع نظرة وشاف وحده من البنات فاتحه عيونها وشيايله الغطاء عنها وماكان يعرف من هي
عناد بحده / اللي وراي غطي عيونك عساك العمى وبلا قلة ادب
غرام عرفت الصوت و تفأجات رفعت نظرها له وشافته يطالعها طنشته وصدت
فتحت الاشاره وعناد واقف ما تحرك وكانت أعصابه تغلي ويدينه مشدودة على الدريكسون " اطار السيارة"
ابرار اللي جالسة جنب عناد شافت العروق بيدين عناد من العصبية واصوات السيارات وراه تطلبه يمشي ويفتح السير
شجون تطالع غرام وتطالع نظرات عناد اللي لو كانت النظرات تقتل كانت قتلتها
عناد بغضب ومن بين اسنانه / غطي عيونك والا شفتي شيء ما يسرك
شجون بخوف وارتباك / غرام الله يخليك غطي عيونك وخلينا نوصل بسلام
عناد بس سمع اسم غرام زادت عصبية وغضب وغرام علشان البنات ولا هو وقت عناد
غطت عيونها وعناد ضغط على البنزين وزاد السرعة والبنات ميتين خوف
لمن وصلو القاعة عناد التفت على الجهة الثانية وقبل ماتنزل غرام وبدون مايرفع نظره لها بهمس /
رباتك على يدي يا بنت العم وقريب
غرام خوفها صوت عناد ووترها زيادة بس بسرعة رجعت لها الثقة والقوة /
ما تقدر تطولني ولا تقدر تمس مني شعرة واعلى ما في خيلك اركبه
واللي ماتطوله بيدينك طوله برجولك "وبستهزاء " ياولد العم وقفلت باب السيارة بقوة
خلت البنات ينقزون من الخرعة .. وعناد ابتسم... شجون كانت منتبهه لعناد وغرام بس ما سمعت الحوار اللي دار بينهم
ودخلوا للقاعه وكل وحده فكرها شغال بشيء
ــــــــــــــــــــــــــــــــــــــــــــــــــــــــــــ ـــــــ
في الرياض ....
كانت بجناحها واقفه امام المكتبة الصغيرة الموجودة .. وتفكر بشريط حياته والاسرار اللي عرفتها صدفه واللي خبرتها بها جدتها ام نايف وكاتمته بصدرها ومحد يدري فيها ولا يعرفها ..
رجعت ذاكرتها قبل 15 سنه وهي لبسه فستانها الوردي وشريط البيضاء الملفوفة على ضفيرتيها وتطالع ابوها وجدها وأعمامها وهم يودعون اهلها من خلف زجاج السيارة بالمقعد الخلفي
ابوسطام / انتبه للخط يابوك ولاتسرع والله الله بعمك وعمتك
سطام بصوته الجهوري والمميز / ابشر يبه .. وبهدوء ... يبه بخطرك شيء عليه
ابو سطام بحنان / لا يابوك جعلك سالم الا خاطري مسموح وراضي عليك
سطام بهدوء/ والله يوبه لو مو عمي ابو نايف تعب بعد الخسارة اللي تعرضلها وطلب مساعدتي وان ماعنده الا بنياته وولده نايف لساه صغير ماكان تركتكم يبه
ابو سطام يهز راسه / ماتقصر وابو نايف رجال كفو ويستاهل من يتعناله روح يبه لهم واذا احتجت لمساعدة لا يردك الا لسانك اطلب وامر يالغالي
سطام يقبل يد والده وراسه / فمان الله ... ليقترب اعمامها واولادهم ويقبلوا راس والدها .. واخوتها راكان وزياد يقبلون يد وراس جدهما واعمامهما وودعوا اولاد عمهم وركبوا السيارة
كان عمر راكان 17 سنه وزياد 13 سنه والعنود 7 سنين ونايف 2 وساره لم تبلغ السنه بعد
التفتت الى اولاد اعمامها وبذات ذلك الفتى الحنون فبتسمت وبان الفراغ الذي تركته اسنانها المقتلعة حديثا وتحركت السيارة الى الرياض لم اعلم ما الذي كان ينتظرنا .... وبعز زحمة الذكريات سمعت طرقات قوية على الباب

ــــــــــــــــــــــــــــــــــــــــــــــــــــــــ

بالقاعة ليلة الفرح كانت بالغرفة تلبس فستانها والإكسسوار وتتعطر
تذكرت كلامه وقاعدة تفكر به اول مره ماتعرف ويش يقصد حتى لمن ردت كانت تبي تعصبة بس تفأجات بابتسامته " ويش يقصد بكلامه ... ويش مغزاه ... وليه يبتسم .. اول مره اشوف ابتسامته .. " ابتسمت لمن تذكرت ابتسامته
سمعت صوت طرقات الباب توجهت ناحيته وفتحتها .. كانت سمر....
سمر منبهره / ماشاء الله تبارك الله غرامي تهبلين ماشاء الله تحصنتي حبيبتي
غرام بتنهيده / ايه تحصنت
سمر استغربت من غرام وباين انه فيها شيء ومزعجها / غرامي فيكي شيء
غرام / لا لتشغلين نفسك
سمر بعتب/ علية ياغرام
غرام تبرر / تدرين اليوم بفارق مرام هذي اول مره
سمر تضم غرام / ادعي ان الله يوفقها
غرام حست بالعبرة تخنقها متضايقة كثير بس ماحبت تضايق سمر هزت براسها
غرام حابه تغير الجوا طالعت سمر بابتسامه / ويش ذا الحلا لو يشوفك راكان الليله يملك وياخذك
سمر خجلت وحمر وجهها وضربت غرام على كتفها معناته اسكتي وغرام ضحكت عليها
وطلعت هي وسمر للمعازيم وصادفت البنات واقفين / سلام
البنات/ وعليكم السلام
غرام / ليش واقفين هينا فيه شيء
ريهام / لا بس تونا مخلصين وطالعين من غرفة الملابس
شجون بابتسامه / غرام انا اذكر ان مرام هيه العروس والله حاسة انك بتنخطبين الليله ويطيح حضنا
غرام ابتسمت وبمزاح / اصل طول عمري حلوة .. وبعد ماابي اقعد بعد ماتزوجت مرام وهذي سمر لاحقتها ليش اجلس تبيني اعنس يعني لازم اكشخ علشان اعجب الحضور يمكن احد منهم يبي يخطب لاخ لولد شي منا مناك
شجون / يالخاينه ولية ماقلتي لي عن مخططك كان كشخت اكثر
غرام / يمديك تكشخين اكثر بزواج سمر بعد اسبوعين
البنات كانوا ناسين عرس سمر مو متوقعين تروح عنهم بسرعة وراح تبعد عنهم وراح تسكن بالرياض
رنا / لالالالا لاتقولين نسسسسسسسسسسسيت زواج سمر
ريهام / اية والله نسينا بسرعة عدت الايام
المطربة بدت تحيي الحفل ونوال جاها اتصل وراحت تتكلم بالجوال بعيد عن الازعاج كان سيف يبيها تخبر خالته يشوفون البوفيه نوال راحت تكلم خالتها وتركت البنات اللي راح يرقص واللي راح يسلم على بعض صديقاتهم المعزومات واللي كمل سوالف
ريما / حبيبتي سمر خلصتي جهازك
سمر / لا لسه رايحة دبي بعد كم يوم وراح اكمل بس حاسة ماراح اقدر لوحدي انا وماما يبلنا مساعده
شجون بفزعه / افاااااااااا عليك انا ابي اروح معاك واساعدك
رنيم / على هونك مو بس انتي راح نروح كلنا معاها مو حنا بإجازة وما صيفنا نضربها عصفورين بحجر
غرام / فكرة حلوة بس كيف راح نقنع اهلنا
سمر بابتسامة / هذي خلوها علية انا اكلم بابا واخلية يقنع عمامي لاتخافون
شجون تضم سمر وتبوسها/ وووووووووووااه فديتك
غرام تبعد شجون عن سمر وبعصبية/يالخبلة كسرتيها والله لو درا عنك راكان كان ذبحك
سمر خجلت وراحت عنهم والبنات ضحكوا عليها وتوزعوا يشوفون المعازيم ويرحبون بهم و اللي يرقصون
ـــــــــــــــــــــــــــــــــــــــ
نوال تكلم خالتها ام طلال عن اتصال سيف
نوال / يمه مريم ..
مريم ام طلال التفتت لها/ هلا يمه هلا نوال امر حبيبتي
نوال بابتسامه / يمه سيف اتصل ويقول شوفوا البوفيه اذا كان ناقصة شيء
مريم برجاء / يمه نوال حبيبتي روحي انتي شوفيه اذا ناقصة شيء انا تعبت من كثر ماني رايحة جاية والحين اهل الجوهرة واصلين فشلة ما استقبلهم
نوال / تامرين يمه الحين اشوفه واذا محتاجة شيء لا تقومين اتصلي علية وانا أجيبه لعندك
مريم بمحبة لها البنت / تسلمين يالغالية وربي يشدك بعافيتك
نوال راحت لجهة صالة الطعام تبي تشوف البوفيه
ــــــــــــــــــــــــــــــــــــــــــــــــــــــــــ
كانت تمشي مع البنات وقلبها يدق تذكرت رسالته وابتسمت فتحت جوالها من جديد وقرت رسالة مرة ثانية

مشتاق لك ونبض قلبي يناديك ..
والعين ترمش لشوفتك يا غلاها ..
أسعد الأوقات ساعة ألاقيك ..
تشفا جروحي بنظرتك يا دواها ..

سمعت صوت يناديها التفتت لمصدر الصوت وشافتها
سمر بابتسامه / هلا العنود
منار بجمود / كيفك
سمر بابتسامها البريئة/ الحمدلله
منار / خلصتي جهازك
سمر بخجل / لسة باقي ا..
قاطعتها منار وبثقة وغرور / لاتتعبين حالك وتخسرين عمرك وتكثرين جهازك حابه اقولك انك انتي مو مطوله عند راكان اقل من شهر راجعة لاهلك مطلقة
كملت وبابتسامة استهزاء / ليكون مفكره ان راكان يحبك .."وبملامح حزين".. يا مسكينه تحزنين .."بملامحة ماكره".. راكان مايبي يتزوجك علشان العشق المزعوم .. راكان يبي يتزوجك مصلحة انتي بنت سلطان سعود الفارس اللي اسمه يهز السوق هز اكيد راكان يبي يستغل هذا الشي وخاصه ان سلطان له بنت وحيده ويعزها ويغليها كثير واكيد راكان له من الحب جانب
سمر مصدومه من الكلام وتدوره براسها مي فاهمة "ليه العنود تقول هالحكي"
منار خاطرها تقولها لا تصدقين بس الخوف مسيطر عليها التفتت على خالتها وشافت نظرات التهديد وخافت ورعت لها نصايح العنود .. وكملت / راكان يعشق مها وكل الاسبوع عندها ويعرفها من لما كانوا صغار ومخطوبين لبعض بس ينتهي منك راح يطلقك ويرجع لها .. انتي فكري فيها راكان ما يعرف شيء عنك .. وبحزن حقيقي غلب على نبرت صوتها .. ولا شيء .. ليش يحبك ويعرف كل شيء عن مها ويشوفها دائم ..والعبرة خانقتها.. ما سمعتي المثل اللي يقول البعيد عن العين بعيد عن القلب
منار حطت يدها على كتف سمر وبهمس وهي ترجف / فكري زين بكلامي يا بنت سلطان
وتركتها وراحت لخالته اللي شافت تأثير كلا منار على سمر
سمر ما انتبهت لمنار وهي تبعد عنها طالعت لمها وشافت نظرات مها وابتسامتها ابتسامة ثقة وغرور
تركت الصاله وتوجهت لدورات المياه دخلت وحده منها وقفلت على نفسها وجلست على الكرسي ريهام كانت بجهة المغاسل شافت سمر وراحت وراها ووقف تنتظرها لان حست ان سمر متغير لون وجهها بعد دقائق خافت ريهام على سمر .. سمر ماكانت تبي تبكي حبست عبرتها وخنقتها .. تخاف من البعد .. تخاف تبعد عن حضن ابوها واخوانها مصدر امانها وعزوتها حست الدنيا تلف فيها سمعت صوت ريهام
ريهام تدق الباب / سمر فيك شيء
سمر تحاول توقف وتفتح الباب .. بصعوبة وقفت وفتحت الباب.. وبصوت مخنوق يادوب ينسمع / ريهام ساعديني
ريهام بسرعة وخوف دفعت الباب وعضدت سمر اللي كانت تترنح وجلستها على الكرسي
ريهام بخوف / سمر انتي تعبانه ... ايش حاسه ... انادي خالتي الجوهره
سمر باندفاع / لالالا الا امي انا طيبه بس دايخة شوي يمكن لان مااكلت من الصباح والقلون انتفخ .. اكل شوي واشرب مويه واصير زينه
ريهام بشك / متأكدة
سمر بملل / ايه متأكدة
ريهام /طيب قومي معايه للغرفة اللي تجهزنا فيها ترتاحين وتأكلين وبعدين ننزل لصاله تمام
سمر هزت راسها بالموافقة ..وراحوا جهة الغرفة وريهام جابت اكل وعصير ومويه لسمر واجبرتها تأكل كل الاكل
ــــــــــــــــــــــــــــــــــــــــــــــــــــــــــــ ـــــــــــــــــــــــ
كان راجع لصالة الطعام نسى جواله بعد ماكان هو وسيف يتكلمون عن صواني الحلا ويضحكون

سيف / يا اخي الحريم يقولون لك بالبيت ما ناكل نسوي رجيم حتى لا نتخن وااااي تبي تخرب جسمنا لالالا مستحيل ابطل عن الدايت حقي " كان يقلد صوت انثوي "
" رجع لنبرة صوته " وشوف الحين صواني هالحلويات وغير اللي يتقدم لهم طول الليل واخر شيء رجيم .. دايت .. ابي اعرف كيف ينحفون وهم يأكلون كل هالانواع واللخبطة ... اقول ايش رايك نرجع بعد ما يتعشون ونشوف ويش مسوين بالصواني .. واتفقوا يرجعون بعد ما ينتهي الحفل

كانت تفتح الصواني وتشوف الاصناف والترتيبات ومركزه بشغلة

دخل وشافها واقفه قباله وتفتح الصواني دقات قلبه زادت والاحمر شعل بقلبه لهب وصد بسرعة وطلع وقرر بعد خمس دقايق يدخل ويأخذ جواله
سمعت صوت التفتت يمين ويسار ما شافت احد وجات بتطلع سمعت صوت رنة جوال راحت جهة الصوت
وشافت جوال أي فون 4 واسم المتصل عضيدي وصورة لشخص المتصل عرفت من له هالجوال اخذت الجهاز وهي مبتسمه بخبث وطلعت من الصالة
رجع بعد دقايق وما لقى جواله عصب وتوتر فيه اشياء خاص ومهم ومن الغباء ما قفلة برمز زفر زفرت ضيقة وطلع بسرعة

ــــــــــــــــــــــــــــــــــــــــــــــــــــــــــــ ــــ

دخلت الصالة وهي تمشي بثقة ومشيتها الشامخة المعروفة ولو كبرت بالسن مازالت جميله ومشيتها مشيت شموخ
استقبالاتها الجوهره بابتسامة / هلا يمه هلا يا الغالية
ام عزام / هلابك يا روحي ..
تعريف بأم عزام (مزون اخت موضي الصغيرة توفى زوجها من 5 سنين وهي تسكن القصيم اولادها
الجوهره ام بتال وتم التعريف بها 45سنه والبنت البكر لمزون
عزام 40 سنه متزوج وعنده اولاد ويشتغل بالسفارة السعودية ببريطانيا
غيث 35 سنه وسيم ابيض محامي كان فاتح مكتب بالقصيم والان ناوي ينقل للخبر عند اقرباه
هيفاء 27 سنه دلوعه وناعمة وجميله رافضة الزواج بحجة الدراسة والان مخلصة الدكتورة
الجوهرة / هلا بأختي هلا
هيفاء/ هلا بك زود .. الجوهره سلمت على والدتها واختها واخذتهم لخالتها والحريم بالاستقبال المعازيم
ام سطام بفرح / هلا بريحة اهلي كلهم هلا .. " لموضي 2 اخوات ام عزام وام فهد متوفيه "
ام عزام تقبل راس اختها الي بمقام والدتها / هلابك يا ريحة احبابي
وكملت ام عزام تسلم على بنات اختها وزوجات اولادها
هيفاء تقبل راس خالتها / كيفك يا خاله
ام سطام بتفحص / هيفاء يا هلا وغلا .. بخير يا الغالية .. انت ويشلونك
هيفاء بابتسامه / بخير الحمدلله
العنود بابتسامه / هيفاء ياهلا ياهلا وسلمت عليها
هيفاء بخجل من ترحيب الكل لها / هلابك زود
الجوهره تكلم ريما / حبيبتي ريما قولي لسمر جدتها وصلت خلها تسلم عليها وخلي البنات يجون يسلمون بعد
ام عزام / مبروك يام سطام العرس وربي يتمم لهم على خير
ام سطام / الله يبارك فيك و عقبال غيث وهيفاء
ام عزام / امين.. وتلتفت لام طلال مريم .. ويش لونك يام طلال ومبروك ماسويتو
ام طلال / هلا خالتي بخير الله يبارك فيك و عقبال احبابك ان شاء الله
ام عزام / كيف حال ابو طلال والعيال
ام طلال / بخير عساك بخير وانتي بشيرنا عن حالك
ام عزام / يسرك الحال .. تلتفت على العنود .. كيفك يا ام العروس
ام سند / بخير يالغالية والله اشتقنالك يا خالة مو ناوين تنقلون يمنا
ام عزام بابتسامه/ الا ان شاء الله قريب بننتقل ونغثكم
الجوهره بفرحة / صدق يمه
ام عزام / ايه ان شاء الله اخوك قال مالنا احد بالقصيم وشهو نقعد لها خلينا نروح الخبر وبينقل مكتبة للخبر
ام سطام / وهذي الساعة المباركة ساعة جيرتك يا خيتي
ام عناد بتلميح ونغزات / ما شاء الله ياخاله هيفاء محلوة زيادة زين انها جات معك
ام عزام / اية تقول مشتاقة لخالتها واختها وعيال اختها
ام صقر فهمت على ام عناد / مادام انها حابه خالتها وتشتاق لها ان شاء الله معاد هي بباعده عنها
ام عزام مافهمت المقصد والجوهره عقدت حواجبها وقعدت تطالع لهيفاء فتره وبعدين ابتسمت بفرح
سمر جات تركض من لمن سمعت ان جدتها جات تركت الرقص والبنات وجات مشتاقة لجدتها
سمر تضم جدتها وبصوت باكي / ديده وحشتيني وحشتيني موووووت
ام عزام تضمها / وانا اكثر يانظر ديده.. تمسح على شعر سمر وتبوسها..
سمر انتبهت لهيفاء / خالتو هيفاء اشتقتلك وراحت تضمها
ام عزام انتبهت للبنات اللي وراء سمر / ويش هالحلا ويش هالحلا يا ماشاء الله يا ماشاء لله كل وحده تسلم علية وتقلي اسمها واسم امها كود اني اخطب وحده لولدي غيث
البنات استحوا ماعدا غرام وشجون اللي تضاربوا حتى يسلمون على ام عزام
غرام / انا غرام بنت العنود يمه وصديقة سمر وسمر مررررررره تحبني اخطبيني انا
شجون تدفها / لا خالتي اخطبيني انا احلا ومربربه اخطبيني انا شجون بنت الهنوف
ام عزام تضحك على هبالهم / والله اني اشوف العنود والهنوف بصباهم
العنود بفزع / اففاااا ياخاله يعني انا عجزت لا والله اني كبر هالغرام اللي قبالك
ام عزام بضحكة راكزه / هههه والله ان هالغرام نسختك يالعنود ... تلتفت للبنت اللي شدت انتباهها اكثر...وانتم بنات من؟
ريما تقدمة لها وقبلت راسها ويدها وبخجل / انا ريما بنت مياسة
ام عزام اطلقت ضحكة /ههههههههههه وهذا انتاج مياسة يشبه لها العقل والخجل يا ماشاء لله يا ماشاء لله
ريهام تقدمة وبعدها ابرار ونوال ورنا ورنيم وروان ولمن وصلت لاماني
اماني بابتسامة عبط / وانا اماني ماني بنت العنود ولا بنت مياسه ولا الهنوف
ام عزام بضحكة / اجل من بنته
اماني / بنت الجازي وابوي عبدالعزيز زوج الثنتين
ام عزام / ههههههههههههه ياحلوك يا اماني طلعتي بنت عبدالعزيز ههههههه زوج الثنتين
الكل ضحك على كلام اماني وتعليقها على ابوها زوج الثنتين"
ــــــــــــــــــــــــــــــــــــــــــــــــــــــــــــ ــــــــــ
كانت بالغرفة وامها وغرام معاها لبسة فستانها الابيض جالسة متوتره وترجف
غرام / مرام اقري المعوذات وهدي حالك وهذا لكم فترة مخطوبين وتشوفون بعض وتتكلمون المفروض خاف تواترك ذا
مرام بتوتر/الحين غير ياغرام غير بطني يمغصني وآآآآآآآآآآييي يمه
ام سند / صلي على النبي يابنتي واقري المعوذات كذا مايصير
مرام اخذت نفس وطلعته بهدوا واخذت نفس ثاني وطلعت بهدوا ثواني وسمعت دق على الباب وزاد توترها
غرام لبست عباتها وتغطت وراحت فتحت الباب وشافتها نوال وهي بعباتها
نوال / هذا طلال الحين داخل جاهزه العروس
غرام / ايه لحظة.. غطت وجهة اختها بالطرحة... الحين جاهزه
دخل طلال لغرفة العروس وشافها واقفه ما شال عينه عنها ودخل معاه ابو سند وسند اللي وجهه محمر من الخجل وفارس وياسر
طلال قرب جهتها وهي منزله راسة ما شافت غير طرف بشته السكري وجزمته البيضاء... طلال شال الطرحة عن وجهها وباس جبينها وهمس / مبروك
مرام من الخجل صوتها اختفاء وبهمس ما ينسمع / الله يبارك فيك
قرب منها ابو سند وباس جبينها / مبروك يا روح ابوك ربي يتمم لك على خير وصاتي لك يا بنتي صوني بيتك وحفظيه
سند قرب منها وباس جبينه / ربي يوفقك ويسعدك
فارس حضنها وباس خدها / راح اشتاق لسهر معاك اذا ضاق خلقي واشتقت لك راح اجيك لو بنص الليل واسهر عندك
مرام خنقتها العبرة ونزلت دمعة .. غرام اللي واقفه بجهه الثانية من اختها شافت عيون اختها تنذز بهطول الدموع .. وبشهقة / فويرس لا تبكيها يخرب مكياجها
ياسر يدف فارس / معاليك منه مصدق انه يقدر يقرب من جهة بيت عمي عبدالعزيز والله يذبحك طليل ما شفت عيونه كيف طاره وانت تحضنها .. بعد كذا يالله >> دز فارس على جنب >> شوف كيف تسلم على العرايس >> ياسر باس جبينها .. مبروك ياختي ... باس خدها ... راح اشتاقلك... باس خدها الثاني .. واشتاق لنصايحك .. باس يدينها .. وراح اشتاق لكيك اللي تسوينه
طلال لا شعوريا بعد ياسر عن مرام / ههههههيييييه معاد بقيت لي شي
مرام حمر وجهها و تيبست مكانها وطلال حمر من الاحراج والباقي يضحك عليهم
دخل ابو سطام وسطام وسلطان وعبدالعزيز ورعد وراشد وخالد بعد ما خرجت العنود
ابو سطام / مبروك يا عيال وربي يسعدكم ان شاء الله طلع ظرف واعطاه لطلال وطلع علبة سوداء مخملية وفتحها طقم ذهب مرصع بالألماس هذي هديتي لكم
طلال يقبل يد وراس جده / ربي يطولنا بعمرك
مرام تقبل يد جدها / الله يبارك فيك ويخليك لنا
وتقدم عمامها وخوالها وكلن معاه هدايته وطلعوا بعدها ورفضوا التصوير وبقي رعد مع طلال ومرام يبي يتصور معاهم

رعد كان طول الوقت ساكت تذكر ليلة عرسة هو وعبير تذكر كيف كان جرئي وهي خجلانه كثير تذكر نعومته كانت راح تخونه الدمعة بس حاول ما ينتبه علية احد ويصد عن الوجيه وكانه مشغول بجواله الا ان بدات المصورة التصوير

وبعد التصوير طلع رعد وكملت المصورة باقي الصور مع مرام وطلال اللي كانت جريئة وطلال مبسوط ومرام تلعن المصورة داخلها

بعد ماخلصوا تصوير جاتهم نوال / الحين نبي نزفكم جاهزين
مرام عطشانه بس خجلانه انها تطلب قدام طلال .. طلال / نوال ممكن تجيبي لي مويه عطشان
نوال / تامر من عيوني وراحت تجيب مويه
طلال التفت على مرام وبهمس وابتسامة خبيثه على فمه/ عطشانه
مرام بابتسامه خجولة وعفوية / ايه ويشلون عرفت
طلال اطلق ضحكة / ههههههههههههه لان حالي من حالك انا عطشان وانتي الماي اللي يرويني وقرب منها .. بس نوال فتحت الباب بسرعة وخجلت من اللي شافته ..
نوال بخجل وارتباك/ الـ..مويــ..ـه جبتها
طلال ابتسم واخذ الكاسة وقربها من مرام .. اخذت الكاسه وشربت منها شوي واكتفت .. وطلال اخذ الكاسه وشرب من نفس المكان نوال انحرجت وطلعت ومرام عصبت من حركاته اللي فضحتها قبال الكل

ام سند وام طلال دخلوا عليهم / يالله حبايبي .. ام طلال تقدمة من طلال وهو توجهه لها بخطوات سريعة وضمها لصدره وباس راسها ويدينها... ام طلال / مبروك ياوليدي وجعل ربي يرزقك بالذرية الصالحة
طلال / امين الله يبارك فيك ويخليك لي يالغاليه
ام طلال / يالله يمه يالله نزفك انت وعروسك وبعدين تتسهلون
طلال مسك يد مرام اللي كانت مثل قطعة الجليد ومشي معاها
ــــــــــــــــــــــــــــــــــــــــــــــــــــــــــــ ــــــــــــ
عند الشباب بعد ما راحوا المعازيم من الصالة وما بيقي الا اهل العرس هذي عادت ابو سطام عرسهم 12 يخلص لرجال اماا النساء للفجر مايهمه
راكان يجلس مكان طلال ورافع يدينه / يارب يارب ياكريم مو الاسبوع الجاي اللي بعده يارب اكون في هذا المكان يارب
الشباب يطالعون راكان ويضحكون ... غيث بابتسامه/والله بنت اختي مي بهينه مجننتك
راكان بابتسامه / فديتها وفديت اجنانها... اروح لها فدوه انا >> قالها باللهجة العراقية
في هالحظة دخل سلطان وسمع كلام راكان / احم احم .. بتال انا رايح للبيت مع جدك وجدتك وانت لا تنسى تجيب امك واختك
راكان بس سمع صوت عمه سلطان انتفض ووقف
بتال كاتم ضحكة على شكل راكان/ تامر يبه روح ولا تشيل هم درب السلامه
سلطان بضحكة مكتومه على شكل راكان / تصبحون على خير وعقبال كل العزابيه
الكل / ههههههههههههههههه وانت بخير
بعد مامشي سلطان راكان جلس على الكنب وبتنهيده / والله حسيت قلبي بيوقف بس الحمدلله ان مزاجة رايق
الكل / هههههههههههههههههههههه
ــــــــــــــــــــــــــــــــــــــــــــــــــــــــــــ ــــــــــــــــــــــــــــــــــ
اقفلت كل الانوار ماعدا النور الموجهة على باب العروس وانفتح الباب وطلت منه عروس مثل الاميرات واميرها واقف بجنبها مشوا على زفه هادئة وموسيقى رومانسية الى ان ووقفوا على الكوشه وبدات الاغاني لرقص والاحتفال وبعد هذي الزفة دخل ابو سند واولاده .. سند منزل راسه مارفعه .. وفارس مره يرفع ومره ينزل راسه " مستحي مشتهي ".. اما ياسر فاكان هو اللي فالها اول ماوصلوا للكوشة اخذ يدا غرام وشارك بالرقص معاها والبنات يصفقون ويحمسونهم ونوال سحبت يد طلال ومرام وطلبتهم يرقصون وطلال ماحب يفشل اخته ورقص مع مرام اللي كانت مفتشله بس اللي سرق الاجواء وخلا كل الانظار عليهم ابو سند وام سند وكيف متناسيقين بالرقص وكانهم متدربين عليه وانتهت الزفه وطلع ابو سند واولاده وبعدها طلع طلال وعروسته وتوجهوا لفندق اللي حاجزين فيه
ــــــــــــــــــــــــــــــــــــــــــــــــــــــــــــ ـــــــــــــ
طول الزفة والفرح كانت تحسدهم على ساعدتهم وفرحهم
شريفة / شوفي شوفي كيف مبسوطين ومرتاحين اللي يبونه يجيهم لحدهم ماحد يقدر يقولهم شيء
خديجة اللي تقوله شريفة صح وموافقة علية / شفتي كيف الشايب يرقص مع مرته لاحياء ولا مستحى اعوذ باالله
منار / وااااااااي يحلوها عمتي وناسة الله يسعدها ويحميها من الحساد
شريفة / مناروه وجع وش ذا الكلام قاعدة تتمدحينهم
منار بتافف / اووووووفففففف زين زين ياشينهم >> تقولها بسخرية
شريفة / منير اشوف كان لسانك طولان ويبيله قص
منار سكتت ماتبي تزود وتخرب على نفسها تبي تبعد وترتاح وتبي تنفذ اللي طلبته العنود وبس .. هي صحيح ماتكون عندهم طول الوقت بس خلاص طاب خاطره كلها شهرين وتروح لجدة للابد وماعاد تشوفهم او تسال عنهم او تخاف منهم
خديجة / شفتي طقم الالماس اللي برقبتها وااااااااااي عليه يبرق برق عمالي عيوني
شريفة / ايه هذولا بيت الفارس لازم التبذير والفخفخه ..>>> يعني هي ماتبذر .. وعلى هالحال طول السهره ..
ام راكان ساكته طول السهره تسمع كلام خواتها ومو فاهمة شي بس الصداع فجر راسها
ساره كانت تركز بكل شيء يسونه بنات عمها .. تشوف ابتسامتهم وتبتسم معاهم لا أرديا .. والحسرة بقلبها ... شافت اماني وروان كيف يرقصون مبسوطين .. خاطرها تروح معاهم هم بعمرها ..تبي تسولف معاهم وتضحك ... كتمة عبرتها وتذكرت العنود وتوصياته يا هل ترا كيفها الحين ؟
ــــــــــــــــــــــــــــــــــــــــــــــــــــــــــــ ـــــــــ
ترددت من انها تقرب من الباب بس تذكرت سلاحها الوحيد سحبت السكين وقربت من الباب

العنود بصوت خافت / من عند الباب
عبدالله بصوت ثقيل / انا عبدالله فتحي الباب العنود فتحي البببااااااااااب
العنود برعب/ عـ..ــبـبـ..ـد..الـ..ـلـه
عبدالله بابتسامه / اية عبدالله ياروح عبدالله فتحي الباب فتحيه نايف مو موجود لاتخافين حبيبتي انا خطيبك عادي حبيبتي فتحي الباب يالله لا تخليني اوقف كثير عنودي
العنود خافت كثير على اخوها " شنو صار له وينه الحين ويش سواء فيه وينك يا نايف وينك"
اخذت جوالها اللي كان مرمي على السرير وكتبت رساله الى نايف " وينك ..." وارسلتها
ما قدرت ترسل له ان عبدالله عند باب الجناح خافت علية من السرعة والسيارات
بعد ثواني عبدالله يزيد ضربات على الباب وهو يطلبها تفتح الباب وهي صارت ترجف

فكرت لو كسر الباب ودخل اشلون تحمي نفسها لو صرخت محد راح يسمعها جناح جدها بدور الاول وبعيد وبعد جدها سمعة مو هذاك الزود او اذا كان شي ما يهمه ما يسمعه والعنود ما تهمه راحت تركض جهة باب الغرفة وقفلته مسكت جوالها واتصلت على جهاز نايف اول مره تتصل لكن مالقت رد رن اكثر من مره بس ما رد تأكدت ان اخوها فيه شيء زاد خوفها اكثر
بعد 10 دقايق فتحت باب غرفتها وماعاد سمعت صوت باب الجناح قربت اكثر
وسمعت صوت شخص يتكلم مع عبدالله وبعدها توقف ها الصوت
فجاه سمعت طرقات على الباب وهمس انثوي
خلود / العنود انا خلود فتحي الباب
العنود برعب/ لا لا ما راح افتحه اكيد عبدالله متخبي قريب وينتظر افتح الباب
خلود بحزن / والله راح مو موجود فتحي الباب
العنود باصرار / لا ما راح افتحه الا لمن يجي نايف
خلود رجعت لغرفتها وقفلت عليها الباب تأثير الادوية لسة مفعولها ما انتهاء وتحس بتعب راحت ترتاح بغرفتها وبعدين راح ترجع للعنود .. والعنود جلست برعب وخوف خلف الباب وبيدها سكين واليد الاخرى جوالها
ــــــــــــــــــــــــــــــــــــــــــــــــــــــــــــ
بعد العرس وروحت المعازيم ولم يبقى الا اهل العرس وام راكان وخواتها وام عزام وبنتها على الساعة 2:30 ص
سمر اتصلت على بتال وطلبت منه يوصلها للبيت لانها تعبانه بعد دقايق
سمر جاها اتصال من بتال يبلغها انه ينتظرها خارج القاعة وهي طالعه ام راكان وخواتها طالعين مع زياد
سمر توجهة لسيارة بتال وفتحت الباب/ السلام عليكم
بتال / وعليكم السلام .. انتبه بتال لسيارة زياد وخروج بنت بعباية مخصره ومبينه تفاصيل جسمها ونص وجهها كاشف وتمشي بتمايل ملفت سأل سمر وبحده / هالبنت اللي تستعرض من بنات عمك سطام
سمر رفعت راسة لبتال والجهة اللي يشر عليها وبعفوية/ ايه العنود بنت عمي سطام ليه تسال
بتال صد بقرف وحرك السيارة .. التفت لسمر / انتي ويش فيك
سمر بصوت مخنوق / تعبانه شوي
بتال غير وجهته وراح على البحر ووقف سيارته صمت لثواني / شنو مضايقك
سمر ببكية / مـ..ـابـ..ــي اتزوج .. وختنقت بالعبرة وطلعت منها شهقه مكتومه
بتال يعتزي / ابو سلطان والله ما تبكين يا الغالية اذا ما تبين الزواج ما يصير
سمر زادت شهقاتها ودموعها ... بعد فترة بتال كانت معاه علبة مويه مانفتحة فتحها لها / اشربي هاالموية وهدي نفسك وخلينا نتكلم بتفاهم ومايصير الا اللي بخاطرك
سمر بعد ماشربت الموية وبلت ريقها وهدت اخذت نفس / خلاص خلينا نرجع البيت
بتال / بنرجع بعد ما تقولين شالي صار وخلاك ماتبين الزواج ومضايقك هالكثر ومتعبك
سمر برجا/ تكفى بتال مابي اتكلم بالموضوع ومالي خلق للحكي
بتال بعتب / افاا الحين كل اسراري عندك واول ما تضايق اجيك والحين تقولين لي مالي خلق للحكي
سمر بابتسامه وتحاول تغير الموضوع / كل اسرارك عندي وسر القلب .. وغمزة له
ابتسم بتال / هذا السر عارفتيه بدون ما احكي لك ... غيره
سمر عارفة اخوها زين ما راح يتركها الا وهو عارف ويش اللي مضايقها " خليني اختصر و اقول له أي شيء"/ شفت مرام وهي تنزف وكيف غرام زعلانه عليها وهي ماراح تبعد عنهم ويقدرون يشوفونها كل يوم وشلون انا اللي باتغرب واروح الرياض
بتال بعدم تصدق وصد يطالع للبحر / اهاا وهذا هو السبب بسيطة نقول لراكان يتزوجك ويسكن بالخبر
سمر باندفاع / لا لا انا ماعاد ابي راكان
بتال بحده والتفت لها وركز عيونه بعيونها / سمر ماتبين الزواج والا راكان
سمر بارتباك / ماا..
قاطعها بتال وبحده/ سمر حنا ما نلعب يوم تبين تتزوجين ويوم لا ... زواجك بعد اسبوعين .. اذا ماتبين راكان ويش السبب .. ليه غيرتي رايك ... راكان يبيك ويعزك وانتي اكثر وحده تعرف بالموضوع ويش اللي صار وخلاك تغيرين رايك
سمر تبكي/ ماابيه خلاص مابيه
بتال بعصبيه /ولـــــــــــيــــــــــــه؟
سمر زادت شهقاتها / هو يحب مهاا ... آآآآآهئ ... بنت خالته ويبيني بس علشان سلطت ابوي وفلوسه مايحبني مايبيني ...آآآآآآآآآآآآآآآآآآآآآآآآآهئ
بتال عصب من تفكيرها والسبب الغبي اللي تفكر فيه/من قلك هالحكي .. واصحك تكذبين علية >>> قالها وهو رافع يدة بتهديد
سمر شهقات / سمعت .. وحده تتكلم .. بالموضوع
بتال مسك يدها وهزها بعصبية / من ؟.. جاوبيني من قالك هالحكي
سمر خافت من عصبيت اخوها/ اخته العنود
بتال كان قرفان من لبسها للعباية وطريقة حجابها ومشيتها والحين ها الحكي تقرف من ها المخلوقة اكثر حرك سيارته وزاد السرعة ووصل للبيت وتفاجاء بسيارة سعود معلنة وصول ام بتال للبيت قبل ماتنزل سمر مسك يدها وبحنية / اياك احد يدري بالحكي اللي قلتيه وانتي ماتعرفين الحساد العنود ماتبيك لخوها لانها ماتحبك تحب مها وهي مقربه منها وخاطرها تزوجها لاخوها .. لساتك صغيره على هالحركات لاتخافين منهم طول ما راس ابوك واخوانك يشم الهواء باذن الله مايوصلك ضيم ولا احد يقدر يأذيك
سمر هزت راسها بالموافقه ونزلت وطلعت غرفتها وقفلت على نفسها الباب وصارت تبكي ونامت على حالتها
بتال صعد غرفته وهو قرفان من هالعنود ياللي اول ماسمع عنها وشاف .. شاف التمرد وقلة الادب
ــــــــــــــــــــــــــــــــــــــــــــــــــــــــــــ ـــــــــــــــــــ
بجناح العرسان كانت بالصالة جالسة على الكنبة وتفرك بأصابيعها متوتره كثير شاف حركتها وابتسم وجلس جنبها
طلال يمسك يدينها ويحطها وسط يدينه ويضمها وبهمس/ ليه هالتوتر وماكان لنا فتره مملكين
مرام منزله راسها وابتسمت بخجل وماطلعت منها صوت
طلال بخبث / وين لسانك كلاه القطو>> يعرف مرام قد ايش تكره القطاوه
مرام باندفاع لانها ماتحب القطاوه / بسم الله علية
طلال اطلق ضحكة وضمها لصدره وهمس / اشتقت لشقاوت كلامك شهر ماسمعت هالصوت
بعدها عن حضنه شوي وشاف احمرار وجهها اللي زاد وبابتسامة خبث / راح احرم عمتي العنود من صوتك شهر
مرام بفزع / لا امي لا ابي اسمع صوتها كل يوم وكل وقت لازم اصبح وامسي عليها حرام طلال هذي امي
طلال مبتسم لانه نجح انه يكسر خجلها وتوترها / ابشري من عيوني وحتى الحين اذا خاطرك نروح لها ونسلم عليها قبل مانسافر ماعندي مانع
مرام بابتسامه /صدق والله اشتقت لها
طلال بخبث / بس على شرط
مرام باستغراب / شرط ... شنو
طلال بابتسامه / تبوسيني ... ويقرب وجهه منها
مرام حمر وجهها ونزلت راسها ... طلال بعد عنها وريح نفسة على الكنبة وحط رجل على رجل / اذا مابستيني مافي روحه والطيارة بعد ساعتين ماعاد عندك وقت لتفكير
مرام تفكر خاطرها تشوف امها غابت كم ساعه اشتاقت لها ... بس البوسة صعبة اول ليله هي تبوسة هذي قلة حياء لالالا ابي اشوف امي اشلون اشوفها دون مابوسه ... هي تفكر وطلال كان يتامل كل جزء من جسمها ... فاجأه حست بانفاس قريبه من انفاسها ماتعرف شنو سمعت همسه لها / انتي مابستيني انا بستك .. وقام توجه للغرفة تاركها بصدمتها ... سمعت صوته من الغرفة / يالله بسرعة غيري ملابسك ورتبي شنطتك لسفر ماعاد فية وقت
مرام قامت من على الكنبة وتحس بثقل وتوجهت لغرفة الملابس وغيرت فستانها واخذت روب الحمام والفوطة ودخلت اخذت لها شور سريع وطلعت طلال كان مسترخي على السرير ينتظرها تطلع من الحمام حس فيها لمن طلعت التفت عليها
مرام تلعن نفسها بداخله " غبية ليه ماخذتي ملابسك من قبل هااا اعجبتك نظراته غبية "
طلال قم من على السرير وتوجه ناحيتها وباس جبينها وبصوت هادي / حمام الهناء يا روحي
مرام حست انه وقف قلبها من قربه وبوسته ما صدقته انه بعد عنها بسلام ودخل للحمام .. بسرعة توجهة لشنطتها واخذت لها بنطلون جينز ازرق وبلوزه بيضاء واسعه وفيها تطريز ونقوش خفيف ومريحة لجلستها بالطياره ولبستها ومشطة شعرها ونشفته بسرعه
طلال طلع من الحمام وهو لف الفوطة على جسمه وصدرة كاشف .. مرام انتبهت انه طلع من الحمام التفتت علية وحست بحراره تمشي بجسمها ونزلت راسها بخجل وحمر وجهها .. طلال ابتسم لحركتها وتركها وراح يلبس
طلال / ها جهزتي شنطتك
مرام / شنطتي جاهزة وانت تبين اجهز شنطتك
قرب منها وباس خدها / شكرا حبي انا مجهز كل شي
مرام خجلت ونزلت راسها ... طلال بجديه / الليله اسمحلك بالخجل لكن بكره لا
مرام رفعت راسها له .. طلال / يالله لبسي عباتك وانا انزل الشنط سيف وصل وينتظرنا تحت
مرام هزت راسها بالموافقه ... اخذ طلال الشنطتين ونزلها .. ومرام لحقته بعد مالبسة عباتها و معاها شنطة اليد الصغيره ... بعد ماطلعوا سيارة سيف بانوراما 2012
سيف بابتسامة لاخوة / هلا وغلا تو مانورة السيارة
طلال /منوره بصاحبها
سيف لمرام بدون مايلتفت لها/ مبروك يامرت اخوي
مرام بصوت خجل / الله يبارك فيك
طول الطريق سيف وطلال يتكلمون ومرام مستمعه الى ان وصلوا المطار وطلعوا الطيارة واقلعت الى ماليزيا
ــــــــــــــــــــــــــــــــــــــــــــــــــــــــــــ ــــــــــــــــــــــــ
كانت جالسة على سريرها وتفكر في عناد وكلامه وفي ابتسامته واللي صار بعد ما طلعت من القاعة
غرام طالعة ومتوجهه لسيارة سند اللي هو ينتظرهم جواتها وما انتبهت لعناد اللي واقف جنب باب القاعة ينتظر امه ولمن نبهها بامر من صوته
عناد بامر/ غطي عيونك
غرام التفتت لمصدر الصوت وشافته دق قلبها كان كاشخ لابس غترة البيضاء وثوبه الابيض زايد وسامته حست بكهربه وهي تشوف ابتسامته الساخره على شفاته
عناد بابتسامه / مضيعة شيء بوجهي
غرام انتبهت على نفسها انها تطالع فية بارتباك/ اااا ... وبسرعة تداركت الموقف لصالحة بعصبية/ انت ويش موقف هنا
عناد بخبث/ ليه فيه احد غريب تغارين علية منه
غرام طالعته بصدمة مستغربة اسلوب كلامه .. برمجة الموضوع براسة " هذا لية يتكلم بهالاسلوب ويش اللي اغار علية .. لا ويتامر علية غطي عيونك .. مصدق عمره"
غرام بعصبية / هيييية انت شايف نفسك .. الحمدلله مافية احد غريب .. حتى لانحمل ذنبة .. لو شافك احد بتجية سكته قلبية من الخرعة باخر هاليول .. اللي يشوف وجهك يفكر مصاصين الدماء الي عند الامريكان وصلو عندنا .. الحمدلله وشكر يقول تغارين .. وعلى ايش اغر ؟؟( حطيت يدها على خصرها ناسية المكان اللي واقفة فية وتاشر علية بستهزاء ).. وعليك انت لية .. زوجي والا اخوي والا ابوي
عناد بابتسامه خبيثة / ههه عجبتني اول وحده .. غمزلها
غرام نست ايش قالت هذي طبيعة عندها لاعصبت تصارخ وتتكلم وتنسى ويش حكت ... ببرائة / ويش هي اول وحده
عناد ضحك ومشى عنها وطلع سيارته .. وغرام واقفة مكانها .. حست بيد على كتفها التفتت شافتها شجون
شجون / غرام خالتي وامي مشيو مع سند وانتي تعالي معانا مع عناد
غرام شهقت من الرعبه بصوت عالي والتفتت على جهة سيارة سند وشافتها واقفة في محلها وسند فيها
غرام بعصبية التفتت على شجون وماشافتها وصارت تدورها بعيونها وشافتها تصعد السيارة مع عناد وعناد مبتسم ويطالع في غرام وعرفة انه مقلب من شجون وبامر من عناد عصبت وحلفت تردها لشجون وراحت مع سند للبيت وصلت للبيت وصعدت غرفتها على طول
غرام وهي منسدحة على سريرها بعد ماخذت لها دوش ولبست بيجامة وردي ورمادي وفية صورة هميستار رافعة رجل ورجل مادتها.. وماسكة خصلة من شعرها البني واللي قاصته مدرج يوصل لنص ظهرها .. وتبرمها على صباعها معناته مركزة في التفكير" هو لية قبل ما انزل قال كلامة المغث لا وكانه قادر ينفذة .. بس اللي يقهر كلامه الاخير .. والله انا الغبية لية اتكلم واهذر وانا ماني مشغلة الحافظة على شان اتذكر كلامي ... انا ماشفت وحده بغبائي اشلون انسى كلامي اووووووووووووووووف جاني صداع من كثر ماافكر وابي انام .. الله يصدع براسك يعنيد ويطير النوم من عينك مثل ماجبتلي الصداع وطيرت النوم من عيني"غمضت عيونها لعل وعسى تقدر تنام مااخذت دقايق الا وهي بسابعة نومه
ــــــــــــــــــــــــــــــــــــــــــــــــــــــــــــ ــــــــــــــــــــــــــ
بعد ماخرجت من الحمام وهي تنشف شعرها قعدت على الاريكة الموجوده بغرفتها تذكرت لمن سمعت صوت غرام تتكلم مع شخص فالبداية فكرت انها تتكلم مع واحد من اخوانها بس بسرعة تلاشت هالفكرة لمن سمعت كلامه وتفاجأت من الكلام اللي قالة لغرام ووقفت تسمع باقي الحوار دون ماتلتفت لهم أي انتباه .. وبعد ماطلعت حبت تلعب على غرام وتشوف ردت فعل عناد وتفاجأت بضحكته وما عصب ورجعت تتذكر كلام غرام ورد عناد
شجون بنفسها"اوووووووووف يمكن انتي فهمتي غلط .. اشلون غلط غرام قالت له لية اغار عليك انت زوجي والا ابوي والا اخوي قالها عجبتني اول وحده وبعدها ضحك.. انا اعرف عناد زين ما يقول شيء بدون معانا ما يقول كلام على الفاضي الله يعينك يا غرام اذا صدق عناد ناوي يتزوجك شنو راح تسوين"
توجهت لسريرها ورمت بنفسها على سرير وتفكيرها بكلام عناد وغرام وبدون شعور نامت وهي على وضعها
ــــــــــــــــــــــــــــــــــــــــــــــــــــــــــــ ــ
مابقى وقت لصلاة الفجر كانت جالسة على سريرها وتتنتظر الاذان ياذن ماسكه جواله بيدها تفتش فيه
نوال / لها الدرجة غبي ماتقفل جوالك ... لا ومصور نفسة والعائلة كلها ... فتحت الرسايل وتفاجأت برسالة من رقم بدون اسم ( الرسالة كانت تحتوي على اسم وعنوان وكل تفاصيل الدكتور ايمن دكتورها بالمستشفى وموجود ملاحظة بالاسفل : راح يوصل لك ظرف فيه كل البيانات .. واللي تبيه يصير)
نوال وقلبها يضرب بقوة / ويش يبي بأيمن وليه كل هالبيانات حتى خواته ماسلموا منه .. ليكون مفكرة صديقي وبينا شيء غير اخلاقي ... شهقة بقوة لمن تبينت لها الصورة بوضوح
نوال بعصبية رمت الجهاز بالارض / غبي غبي ويش مفكر عمره المحقق كونان انا اوريك يالمغرور اذا ماكسرت راسك
التفتت تدور الجهاز وتفاجأت بانه صار قطعتين / الله لا يبارك في ابليسك يانوال ايش سويتي اوووووووووووووف
لمت قطع الجهاز وهي متأكدة ماعد فيه امل يتصلح .. نوال بلا اهتمام / احسن اقهره اكثر خليني افكر كيف ارسله له
سمعت صوت الاذان وقامت تصلي ... بعد الصلاة خلت الجوال على الرف وانسدحت على السرير ونامت وهي تخطط ويش تسوي بالجوال
ــــــــــــــــــــــــــــــــــــــــــــــــــــــــــــ ــــــــــــــــــــــــــــ
الشباب طالعين من الجامع ووقفت سيارة سيف قبالهم
راكان / تاخرت عن الصلاة
سيف / توني وصلت العرسان المطار وجيت .. ابي ادخل اصلي عن اذنكم
بدر / يالله شباب انا هلكان وجسمي مهدود هد ابي اروح انام باي
ياسر / وانا بعد تصبحون على خير
سامر / لية احنا ماصبحنا يالخبل
ياسر قافلة اخلاقة التفت علية وبعدين كمل مشي لبيته وطنش سامر
الشباب / ههههههههههه
سامر / والله لو مو تعبان كان وريته .. يتثاوب وسكر فمه بيده ... يالله تصبحون على خير
راكان وبتال وسند وعناد / هههههههههههههههههههههههههههههههههههه
عناد / مو توك تتريق على ياسر وتعيدها نفسه
سامر طالع عناد وطنشة ومشي للبيت
راكان / هههههههههههههه هذولا الاربعة متفقين ما يخنون بعض حتى بغياب بعضهم
بتال / ههههههههههههه الله يصلحهم يالله نشوفكم على خير
سند / مع السلامه
عناد وراكان / بحفظ الرحمن .. مع السلامه
راكان لعناد / وانت ايش عندك
عناد بابتسامه / ولا شي
راكان / لا تكذب علية
عناد يبتسم ويحط يده على كتفة / يالله مشينا نروح ننام يالله
راكان يهز راسة/ ماشي يعنيد بتخبي علية مصيرك تقلي
عناد / ههههههههههههههههههههه في ذي لا ما راح اقلك ههههههههههههههههههههههههه
راكان واقف ويطالعه وهو رافع حاجب / والله ما انت بخالي
وراحوا كلن لبيته و غرفته .. راكان وزياد كلن له غرفة في بيت جده كل ماجوا للخبر نامو فيها
ــــــــــــــــــــــــــــــــــــ
انتهى البارت

بعض الاخوات طلبوا مني اقصر البارت
بس بما انوا انا انزل بارت واحد بالاسبوع فحبيت يكون طويل شوي
اذا تعدلت وقت تنزيلي راح انفذ اللي طلبتوه ان شاء الله

مساء الابداع .... مساء المفاجآت الحلووة
احلى مفاجأة ان قلم مبدعه كابته ابداعها توها تكتب لنا وهي تحمل كل هالإبداع والررروعة
فديت ميشو ياعالم فديت الكاتبة الي توها تظهرر مواهبها
مبدعه ياروحي والي يشوف كتابتك يظن ان هذي خامس رواية لكـ
بس ماستغرب من وحدة تحمل رقي بالردود ومبدعه فيها ان تكون كل هالمواهب فيها
اما عن قولتك ياروحي يمكن احد قبلك تطرق لبعض الشحصيات او المشكلات يمكن لأن الروايات كثير بس انتي راح تحلينها بطريقه تختلف عن الكاتبة الي قبلك
احنا نتعرض لمواقف تشبه الغير او نفس مشكله مرت فيها أختي او صديقتي بس يمكن حلها للمشكله يكون غير عن حلي لها
اهم شي غاليتي صدق النية وأنتي تكتبي رواية ان تجني من كتاباتك رسائل هادفه تحمل المتعه والفائدة بنفس الوقت
لانك تعرفي اننا راح نموت ويكون كتاباتنا شاهد علينا
وانا لاحظت ان كتابتك محافظه والحمد لله فبارك الله فيك وفيما تكتبتيه وجعلها بميزان حسناتك يوم تلقينه
لاتتوقفي غاليتي عن الكتابة حتى لوجاك رد واحد واصلي ابداعك انا في روايتي الاولى جاني وقت انزل بارتات ماترد علي الا وردة الزيزفون فديتها وكل ماقول ابوقف الروايه هي تدعمني وتقولي واصلي
والحمد لله واصلت وقلت هذي آخر رواية هي قالت راح ننتظر رواية ثانيه وبقرارة نفسي اقول آخر روايه بس شفتي نزلت رواية رابعه
يعني لاتتحطمي واصلي ابداعك وابراز مواهبك
غاليتي اعدريني على الإطالة
وان مارديت عليك اعرفي اني راح اقراها بس تعرفي الرواية شاغلتني مرة مع كرف البيت ربك يعين
تقبلي مروري
وشكرا على الدعوة الرائعة
ننتظرك بالبارت الثالث ياعسسسسسسسسل
اختك ومحبتك همموووسه (( امي هي روحي ))