صباح الخير حبايبي ..


اسفه على التاخير ..
عند ضروف شوي متعبتني ..
بس ..
باذن الله راح انزل البارت قريب ..

" من كثر ما انتم شفقانين على معرفة قصة الظبي وسند علق البارت على سالفتهم " ..

اعتذر وبشدة ..

بسم الله الرحمن الرحيم ..

السلام عليكم ورحمة الله وبركاته ..

الحمد لله والصلاة والسلام على رسول الله ..

توكلنا على الله .. لا اله الا الله محمد رسول الله ..





البارت 36 ..






غـريـب تبيعـنـي وقلـبـي فــداك بنـبـضـه وعـمــره
وتتركنـي بشـمـوس الـويـل وتـاخـذ مـنـي ظـلالـي
افـا ماكنـت احسـب انـك تخـون الملـح والعـشـره
ولا فـكـرت يجيـنـي يــوم وتتـركـنـي انـــا لـحـالـي
تـروح وتـتـرك بقلـبـي طـعـون الـوقـت والحـسـره
واداري جرحي عن عين الشماتـه وعيـن عذالـي
عطيتك من حلا ايامي وشربـت مـن الوصـل مـره
عـشـان الـيـا لـفـت ســود اليـالـي تـوقـف قـبـالـي
عطيـتـك حــب فــي شـريـان قلـبـك صـافـي نـهـره
ولا بيـن فـي عينـك يـا ضعيـف النـفـس والحـالـي
نـعـم بغيـابـك اتشـكـل مــن الاوهــام الــى جـمـره
واحـرق اللـي بقـى فيـنـي مــن الاحــلام وامـالـي
هنـا بحـرق مـن اوراقـي وهـم مستقبلـي وقصـره
واحـرق طيوفـك بزفـرة اســف مــن نــار مـوالـي
خلـص كـل الوفـى بهالوقـت مـا فـي وافــي ســره
حبيـب يبـيـع كــل عـمـره عـشـان يعـيـش للغـالـي
وش اللي يجني هالطيب في هذا الوقت من صبره
ماغيـر الشـوك وجــروح الـيـال وضـيـم غربـالـي
بـوقــف قـلـبـي روح الـعــب بـعـيـد وانـقـلـع بـــره
اقـص الـراس لـو مثلـك يمـر لـو مـره فــي بـالـي
بوقـفـنـي واقـــول انـهــا ضـريـبـة وافـــيٍ قـــدره
بـذرة الصـدق ولا اتحسـف علـى نكـران الانذالـي
نـعـم مـجـروح ولـكـن م طــاح القـلـب مــن كـبـره
مثـل مـا اخطيـت انـا بحالـي بوقفـنـي انــا لحـالـي






المبدع " سالم سيار " ..






راكان و بتال ونايف كانوا يمشون من الجهة الثانية ..
بتال يمشي ولده سلطان / ههههههههه شوي شوي يا بابا ..
سلطان يضحك ويحاول حرك رجوله بسرعة ...
راكان / هههههههههههههههههههههه
نايف اللي اجبره راكان يمشي .. ابتسم على حركات سلطان ...
راكان بهمس / هالادمي انا متاكد اني فته بس فين ما اذكر ..
نايف رفع راسه وشاف الشخص اللي مبتسم باستفزاز له ..
نايف بغضب / انت .. الظاهر اللي ما كمله ابوي انا اللي ابي اكمله ..
لطام ببرود وهو يتقدم من نايف / سلمتك يا اخو العنود سلمت ما تشوف شر ..
نايف بغضب / انت ما تستحي على وجهك .. جاي لبيت الفارس اللي انطردت منه ..
لطام رفع حاجب وببرود / ليش معصب .. واللي راح راح وانا اخوك ..
نايف بغضب / تخسى ما انت اخو لي ..
راكان بغضب / تذكرت .. مو انت اللي ... الا انت .. اطلع .. اطلع من هينا قبل لا نبتلا فيك ..
سند بحدة / يا عيال عيب عليكم .. هذا ضيف عندنا ..
راكان بغضب / ماهو ضيف .. ابوي طرده من زمان .. وحلف ان رجع و الا قرب ليكون اخر يوم بعمره ..
راكان جاء بيهجم على لطام لكن سند حال بينه وبين لطام .. ورعد وغيث اللي كانوا يتكلمون بموضوع ثاني ..
وبعدوا عن سند و لطام توجهوا لهم بسرعة ابعدوهم عن بعض ..
رعد يبعد لطام ويسحبه / امسحها بوجهي واستر ما وجهت ..
لطام بغضب / هذي اخرتها انهان في مكانكم ..
رعد وهو يمشي مع لطام لسيارته / لك الحق وابشر به ..
لطام يركب سيارته ويمشي ولا رد على رعد .. رعد رجع لشباب ..
رعد بضيق / اعوذ بالله يا هالادمي ما حبيته ثقيل دم وعديم ذوق ..
راكان بغضب / انا قايل شفته من قبل بس مو متذكر وين ..؟
نايف بغضب / الحيـ**** جاي بكل قوة عين وساحب ابوة وراه ..
رعد باستغراب / انتم من وين تعرفونه ..
نايف مشي من قبالهم وهو يعكز على عصاه ..
راكان بغموض / هذا من زمان كانت له سالفه .. وابوي طرده .. و سامحه علشان ابوه ..
تحرك راكان وراح جنب نايف لا يحتاج مساعدة ومحد جنبه ..
سند بغضب / والله لو ما طبع كان ذبحته قليل الادب ..
رعد رفع حاجب وباستغراب / عيال سطام كيف يعرفونه ..
سند بعصبية / ما ادري .. بس الرجال اكل عرضنا بعيونه اكل ..
ما يستحي ولا يحشم .. والله ما ادري كيف مسكت نفسي ..
رعد بعصبية / تقوله صادق .. لا بعد يبي حقه من سوات راكان ونايف فيه ..
سند بغضب / والله ان ما ابتعد عن جيرتنا لكون ذابحه ..
" تركهم وراح " .. و بتال اخذ ولده سلطان وراح للفلة ..





ـــــــــــــــــــــ






بعد العشاء ..




العنود نيمت سلطان والظبي .. ولبست عبايتها ..
رنيم في الصاله و واضح التعب في وجها ..
العنود بهدوء / ايش فيك ..
رنيم بضيق / فهد مو راشي يسكت .. ارسلته لابوه ..
العنود بهدوء /اكيد فيه شي مضايقه مخليته يبكي كذا ..
رنيم بضيق / طيب ايش .. ما عرفت .. " وتعبت عيونها دمع "..
العنود ابتسمت / عادي رنوم .. يمكن بردان .. ادهني جسمه بزيت دافي .. وشبعيه وراح ينام ..
رنيم رفعت جوالها وردت بسرعه / الو .. طيب ..
" التفتت على العنود " .. هذا سند يقول عالي لجناح امي .. وفهد له صياح .. ااااااوووووه ياقلبي ..
العنود ابتسمت وهي تشوف رنيم تجري على جهة جناح عمها ..
طلعت وتوجهة لصالة .. شافت سارة واقفه وهي لبسة عبايتها وتضحك مع اماني وروان ... وبهدوء / يالله ساره ..
التفتت على نوال و ابرار / الصغار نايمين ..
نوال بضحكة / خلاص توكلي .. بس ان جيتي و مالقيتيهم اعرفي انا كليناهم ..
العنود ابتسمت .. ومسكت يد ساره وطلعت .. من الفله ..
شافت شجون جالسه على الكرسي و تتكلم بالجوال وبهمس خافت .. ساره / هذي بس تتكلم جوال .. ما تمل ..
العنود قربت من شجون .. وبهدوء / شجون ..
شجون ببرود / نعم ..
العنود بنظرات غريبه / الكل يسال عنك .. ادخلي لهم ..
شجون ببرود / طيب .. " رجعت حطت الجوال باذنه " .. وبهمس / اشوي اكلمك ..
العنود وسارة طالعوها بنظرات غريبة وراحوا عنها .. شجون وقفت ودخلت للفلة ..
العنود وهي تمشي جهة المكان اللي قاله عنه راكان .. بهدوء / ايش فيك ..
ساره ببرود / ولا شي ..
العنود تسحبها وتضمها / شنو ولا شي ..
ساره بعصبية / انتي شايفه شي ..
العنود بحزم / ساره ..
ساره بزعل / انتي من يوم جبتي عيالك وجينا هينا وانتي ما تسالين ولا شي .. الحين ليش تسالين ..
ساره تركتها وراحت تمشي لجهة اخوانها .. العنود شافت اخوانها شابين النار وقاعدين حولها ..
تقدمت بهدوء / السلام عليكم .. " قالتها وهي تجلس جنب نايف قبال راكان .. ساره جالسه جنب زياد " ..
الكل / وعليكم السلام
راكان بهدوء / ايش فيك ساره ..
ساره بزعل / ولا شي ..
العنود بهدوء ساخر / سارة .. ساره ما يبي لها الا عصى وتضربنا ..
راكان بضحكه وهو رافع حاجب / افاااا .. ساره بطلي غيرة تراك كبرتي ..
نايف اللي منسدح على جنب وعليه الفروة بهدوء / من زعل حبيبتي ..
ساره فزت وشهقت / هئئئئئئئئئئ تكلمت ..
نايف الفت على العنود وبنبرة مقصودة / ايش جاب لطام ..
العنود تسحب ترمس القهوة وتصب لنفسها بهدوء / جار للفارس .. " وبسخرية " .. بصدفه ..
نايف بعصبية / العنود ..
العنود لفت تطالعه ببرود / نايف ..
نايف بغضب صد عنها / جيته هينا مو صدفه ..
العنود بعصبية / واحد قالك اني اقرا الكف .. خوالك كلن قفى عني .. واخوانك هذا هم قبالك .. قاعدين كانهم حريم ..
راكان بغضب / العنود .. قصري صوتك .. والا والله كف يهد فمك ..
العنود بغضب طالعت فيه وهي فاتحه عيونها / ...............
راكان بغضب / الحين تقولين كل شي انتي ونايف .. " التفت لسارة " .. حتى ساره ..
ساره بسرعه / انا ما اعرف شي .. ومن لطام ذا ..
زياد يطالع فيهم وهو ساكت / ...................
راكان يهدي نفسه / انتي ما تذكرينه .. " التفت على العنود " .. الشركة .. متعب وصلاح .. وطلال .. لطام .. كل شي ..
العنود بحزم / قلت لك .. الشركة ابوي كان يبيك تتعلم وينهيها .. حتى تدخل بشركاته الكبيرة .. متعب وصلاح ..
رضعتهم جدتي الظبي .. ولهم نسبة بشركات .. وصلاح هو المدير العام لمجموعة النايفة ..
اللي بالاساس تملكها جدتي الظبي .. مقسمتها بنسب .. اما ليه ما عرفت ان متعب و صلاح خوالك ..
والله هذا من عماك .. حنا قبالك .. وعيونك شرقيه .. والا كيف ابوي يخلي شباب اربع وعشرين ساعة في بيتنا ..
ليه ما سالت .. " وبنبرة مستفزة " .. راكان تقصيرك لتعلقه علينا .. وطلال اذا هو ما عرف انت بتعرف ..
سمعوا صوت خطوات .. راكان التفت وشاف طلال .. راكان بهمس / هذا طلال ...
راكان يرفع صوته / حياك طلال .. تعال ..
طلال بتردد / ااا .. اذا فيه احد اروح عادي ..
العنود ابتسمت .. راكان / ههههههههههه لا مافي احد غريب تعال ..
طلال ابتسم وتقدم منهم .. وقفت العنود بهدوء .. وساره بخجل ..سلموا على طلال وجلسوا ..
طلال بين العنود وراكان .. و بدأوا يتكلمون بمواضيع عده و بهدوء ..






ــــــــــــــــ






يوم جديد ..





البنات متجمعين عند باب الفله ..




مرام بتعب / لا والله .. انا ودي اجلس مع الكبار ..
هيفاء بارهاق / وانا بعد ..
مرام و هيفاء طلعوا و توجهوا لجلسة الحريم ..
رنيم وهي شايلة فهد التفتت على العنود وبرجاء / لا تقولين انتي بعد بتروحين للحريم ..
العنود بضحكه / لا .. مو قايلة .. وبما ان سلطان والظبي مع ابوهم .. استودعتهم الله ..
خليني اشوف المزرعة على راحتي ..
رنيم بفرحة / تمام .. يالله قدام يا بنات ..
نوال بالم / انتم روحوا وانا الحقكم .. بطني يوجعني .. ابي اخذ مسكن لا هدي جيتكم ..
ابرار / وانا ابي انتظر نوال ..
ريهام تنزل جوالها / بنات .. امي تبيني اسوي شاهي اخضر .. اسويه واوديه لهم و اجيكم .. تمام ..
العنود ورنيم رفعوا حاجب / اجل من بيروح ..
رنيم طالعت بالعنود / احسن .. خلينا نروح لحالنا .. ناخذ راحتنا ..
العنود / ههههههههههههههههههه
نوال بعصبية / روحي .. وعسى فهودي ينكد عليكم ..
رنيم تضم فهد النائم بحضنها / بسم الله عليه ..
العنود بضحكه / يالله امشي .. طيب وين غرام و ساره و سمر والباقي ..
ابرار / طلعوا من زمان ..
العنود هزت راسها و طلعت هي و رنيم ..







ــــــــــــــــــــــ








بجلسة الحريم ..




لطيفه بهمس / طيب كم لها متاخره ..
هيفاء بهمس / لها عشرة ايام ..
لطيفه ابتسمت وبهمس / خلاص اول ما ترجعين للخبر .. روحي لطبيبة نسائية ..
هيفاء بتردد / انا سويت تحليل الحمل .. اللي بالمنزل .. واااا .. " بخجل " .. طلع في حمل ..
لطيفه بفرحه وهي تهمس لها / متى سويتيه .. وليه ما رحتي للمستشفى تتاكدين ..
هيفاء بخوف / ما ادري .. خوف يكون كاذب .. ما ادري ..
لطيفه مسك يد هيفاء وتضغط عليها / لا تخافين .. واللي ربك كاتبه بيصير ..
" ابتسمت لها " .. بس من شكلك يقول حامل ..
هيفاء بضحكه مازحه / حلو عليه ههههههههههه ..
لطيفه / هههههه ربي يتمم لك ..
هيفاء تنهدت بفرح / امين ..







ــــــــــــــــــ







عند الرجال ..



ابو سطام واقف / يا مرحبا .. حياكم الله ..
ابو عبدالعزيز وهو يدخل المجلس / لا اله الا الله .. السلام عليكم ..
الكل / وعليكم السلام ..
بعد السلام والسؤال عن الحال والاحوال ..
ابو مطلق يدخل المجلس وبصوت عالي / السلاااام عليكم ..
الكل بصوات متفرقه / وعليكم السلام ..
ابو سطام بابتسامه / يالله حيه ياهلا ومرحبا ..
ابو مطلق بابتسامه / سبقتني يا منصور ..
ابو عبدالعزيز بضحكة / والله توني قاعد .. مابعد هرجنا فيك .. ههههههههه ..
ابو مطلق يجلس جنب ابو عبدالعزيز وبضحكة / بتغيب فيني .. بتاكل لحمي ني ..
ابو عبد العزيز / لا والله لا ني بغايبك ولا ني باهتك .. كنت ابي اسال عنك ..
ابو مطلق / فيك الخير يا ابو عبدالعزيز .. " التفت على ابو سطام " .. الا من اخذ مزرعة ابو مبارك اللي جنبكم ..
ابو سطام / واحد ينقاله .. لطام بن صايل ال لطام ..
ابو عبدالعزيز انتفظ بغضب وهو يوقف / من ..؟






ــــــــــــــ





قريب من اسطبلات الخيل ..



العنود بابتسامه حزينه / انا خياله ..
رنيم بضحكه ساخره / انتي كل شي تعرفينه يا نخاف منك ما شاء الله عليك بس .. ههههههههههههههه ..
العنود تاخذ فهد من رنيم .. وبضحكة / تتريقين انتي و وجهك .. ايه خافي .. تراني مو هيناه .. ماشاء الله عليه ..
فهد الصغير رجع على برقع العنود وشيلتها بشكل كبير ..
رنيم شهقة بخوف / هئئئئئئئئئئئئئئئ .. يا ربي ..
العنود بضيق / تؤتؤتؤ .. شكل الولد دخله برد ..
رنيم تاخذه وتلفه بشال .. وبدا يرجع فهد اكثر .. رنيم تبكي / ايش اسووووي ..
العنود بضيق / ايش تسوين .. روحي ادهنيه بزيت ودفيه .. ايش بتسوين يعني ..
رنيم تهز راسها / طيب طيب .. وراح اكلم ابوه ..
العنود وهي تسحب برقعها وشيلتها اللي فوق وتلثمت بشيلتها الثانية .. / طيب .. روحي ..
رنيم راحت بسرعة .. وتركت العنود لوحدها ....







ـــــــــــــــ







عند الشباب ..




سعود وهو يمشي سلطان / يا اخي الكره اللي بين متعب واخوي غريب .. اتوقع بيوم راح يقلب صداقه وايش زينها ..
فارس وهو يلعب الظبي / الا ليش الظبي اضعف من سلطان ..
سعود بضحكة / لانها بنت .. ههههههه
سيف / يمكن .. لان حتى مريومه مثلها ضعيفه ..
فارس / الله يحفظهم ويحميهم هذا الاهم ..
الكل / امين ..
فارس يتنهد بضحكة / وعقبالي يارب ..
سعود يهز راسه / امين بس عقبي .. " بعدي " ..
سيف بضحكة / الحمدالله والشكر .. انا لولدت امي وقامت بسلامها .. ابي اقول لها تخطب لي وحدة من برا الفارس ..
سعود يرفع سلطان ويشيله على ظهره وسلطان فرح بالشعر وصار يشده / ههههههههه .. شف سلطين .. اااااااه ..
الكل / ههههههههههههههههههه
سيف بضحكة / ما شاء الله عليهم .. انا مريم شوي وامل منها اما الظبي وسلطان اتشفق عليهم كل حزة ..
سعود يحاول يفك يدين سلطان وسلطان يشد ويضحك .. بالم / ساعدوني شعري تقطع ..
الكل / ههههههههههههههههه






ــــــــــــــــــــ







باحد الجلسات اللي خارج المجلس ..




راكان رفع حاجب / يعني طلعت فزعاتك لي مو عشاني .. علشانك خالي ..
متعب بضحكة / انت من زين وجهك علشان احد يفزع له .. انا ابتلش بكم ..
نايف بنبرة مقصودة / وحنا ابتلشنا بانك خالي ..
متعب فهم القصد / هههههههههههههه نذل يا نويف من يومك .. بس زين انه انطلق لسانك .. الا ايش اللي اطلقه ..
راكان بضيق صد وهو عاقد حواجبه / ......................
نايف بنبرة مقصودة / لطام ؟
متعب عقد حواجبه وباستغراب / من ؟
نايف / لطام رجع .. ولا مجاورنا بمزرعة ابو مبارك ..
متعب بعصبية / انا ولد ابوي .. هذا يبي نذبحها ..
نايف بعصبية / الظاهر عارف ان دخالت ابوه على ابوي لوية يدينا .. لكن ان زادها السواد بوجه ابوه ماهو بوجيهنا ..
متعب بقهر / هو الدلع مخربة .. لكن انا الي باربية واعرفه المرجله ..







ــــــــــــــ







عند اسطبل الخيل ..



العنود كانت تطالع بعض الخيول من بعيد ..
شافت سمر وغرام يمشون من بعيد ومعاهم خيول ..
حست ببرد لفت يدينها ببعض و توجهة للفله ..
بس سمعت صوت صهيل خيل واضح انه قوي ..
توجهة لجهت الصوت وهي تلتفت يمين ويسار ..
شافت اسطبل غريب .. فتحت عيونها للاخير ..
وهي تشوف الي يصهل بقوة وهو يجري بالميدان ..
توجهت بخطوات سريعة و قلبها يدق بقوة .. ابتسمت بفرح ..
بس وقفت وهي تشوف الشبك عالي وما له منفذ ..
مشيت من جنبه وهي تنادي / الكااااااسر ..
صفقت بيدينها بطريقة مدروسة وكانها نغمه ..
الكاسر صهل بقوه وصار يجري اسرع من قبل ويدور بثوران ..
العنود شافت الباب بس مقفل .. سحبت القفل ودخلت ..
تقدمت منه بدون خوف و قفت بنص الميدان ..
ولا انتبهت لشخص اللي كان واقف عند باب الاسطبل ..






ـــــــــــ






عند غرام وسمر .. على الخيل ..




غرام بضيق / والله معاد عندي لياقه ..
سمر بتعب / وهذا انتي مو متزوجه ولا مخلفه ..
غرام بضيق / .................
سمر تنهدت / احس با نفجر من بعد راكان عني ..
غرام بهدوء / ايش تبينه يسوي .. المصايب والهموم على راسهم مثل المطر ..
سمر بضيق / وانا ما قلت يترك اخوانه .. بس يلتفت لي شوي ..
غرام بسخرية / والله انك فاضيه وبزر ..
سمر بصدمه / .................
غرام بحزم / ارجال مهدود حيله يبي من يساعده .. وانتي تبينه يدلعك ..
المفروض انتي اللي تريحينه وتنسينه شوي من همومه .. مو مهمله ..
جناحك تنظفه الشغاله .. بنتك اما مع امك والا جدتك مزنه والا العنود ..
وانتي .. تبين تدلع و تغنجين ولا احد يزعلني .. والله اللي يسوي راكان قليل فيك ..
سمر بغصة / غرام ..
غرام بحزم تلتفت لها ../ جرحتك .. و ازعجتك .. هذا الصحيح .. تبيني اكذب عليك ..
لا ما راح اكذب عليك .. شوفي .. راكان قبل .. ترك الكل و سعى لك .. وهو بكل قوته ..
الحين .. محتاج لقوتك .. مو جسدياً .. محتاج لك نفسياً .. مو الجناح ريحته خدامه .. لبسك مثل ما هو ..
ما سويتي جديد .. نفس ستايل سمر البنت الدلوعه .. ما فيك اي نضوج .. صح الرجل يبي الدلع ..
بس مو دائم حتى لا يمل .. يبي وحدة يطمن ان بالمستقبل يقدر يامن على عياله .. مو لـ.........
سمر تقاطعها بغصه / خلاص .. هئئئئئئئئ " شهقه طلعت منها غصب وصدت وهي تبكي " ..
غرام بضيق / سمر .. لاني احبك نبهتك .. ما ابي بيتك ينهدم وانتي باول عمرك ..
سمر تهز راسها وتمسح دموعها / طيب .. بس سكتي خلاص ..
غرام مشيت بخيلها و هي ساكته وضايق صدرها .. على حال صديقتها وعلى حال اخوها ..






ــــــــــــــــــــ








عند الكاسر ..






قرب من العنود .. العنود بهدوء رفعت يدها وصارت تمسح على رقبته وظهرة ..
العنود بهمس / وين رحت .. وليه رحت ..!!
وبحزن / نايف مات .. والظبي ماتت .. و سطام مات .. وشيخه ماتت ..
وبغصة .. / انا تعبانه .. ابي ارتاح .. " لفت يدينها حولين رقبة الكاسر " ..
ابتعدت شوي عنه وهو يرقص قبالها فرحان بشوفتها مثل ما هي فرحانه ..
العنود التفتت يمين ويسار شافت سرج عند بوابة الاسطبل .. بعيده شوي عنها ..
مشيت لسرج و شالته .. رجعة للكاسر و ربطته على ظهر الكاسر ولمن تاكدت من وثوقه ..
رفعت عبايتها لخصرها .. كانت لبسه بنطلون اسود واسع .. امتطته ..
العنود بالم وهي تحط يدها على فخذها / اااااااااااااااه .. والله وكبرنا يا الكاسر .. والياقة راحت ..
" مسحت على رقبة الكاسر وبدات تقودة .. توجهت للبوابه الكبيرة وفتحتها وطلعت "...
طلع من الاسطبل وهو مصدوم ومستغرب .. وبهمس / كيف قدرت عليه ..
رح لـ اسطبل الخيل الثاني واخذ خيله " كساب " .. ولحقها بدون لا تحس ..






ــــــــــــ






بالمجلس ..




ابو عبدالعزيز بغضب وهو يحاول يهدي نفسه / لا اله الا الله .. استغفر الله .. سود الله وجه من ولد ..
ابو سطام بستغراب / انت ما تقول وين تعرفه ..
ابو عبدالعزيز / من سنين .. ام نايف رحمة الله عليها راحت يم الشمال تبي لها حلال من واحد ..
مدحوه لها وقالو عنده حلال زين وهي راحت تشوف .. منها تشتري ومنها تشوف الديار ..
و راحت وسكنت جنب راعي الحلال اشترت منه و عجبتها الديره وخيمة هناك ..
كان به واحد يارد الماء لراعي الحلال .. راعي وايت .. وهو ابو لطام ..
ولده كان توه بالعشرين او دون " اقل " .. هذاك اليوم طلبه راعي الحلال بغير وقته وقال له ..
حولي مخيمين .. ويبون الماء .. وجابة ومعاه ولده .. و اخذت الظبي حول الشهر الا شوي ..
وهي بهذيك الديرة عجبتها وعجبت باهلها .. و راعي الوايت كل فترة وهو جايب لها الماء ..
وبيوم .. سمعوا صوت صياح .. و قام سطام مفزوع .. ونايف بوقتها كان باول العشرين الله يرحمهم جميع ..
يوم طلع سطام .. الا الغليم اللي ينقال له لطام ماسكـ..........
طارق وماجد بصوت جهوري / السلام عليكم ..
الكل التفت له / وعليكم السلام ..
بعد السلام والسؤال عن الحال .. دخل سعود وفارس وسيف بعد ما ارسلوا الظبي لزهرة ..
ابو مطلق بابتسامه / لا اله الا الله .. ما شاء الله .. جيب الشيخ جيبه ..
سعود حط سلطان بحضن ابو مطلق بس سلطان بكي مستغرب الرجال وتعلق برقبة سعود ..
سعود بضحكة / لالا ما ابيك خلاص .. قطعت شعري ..
ابو بتال / فداه .. وتستاهل .. هاته عندي انا اسكته ..
ابو بتال اخذ سلطان وهو يحاول يلعبه ويسكته لكنه ما يبي يسكت .. " طفشان "..
ابو سطام بحزم / لا تخلونه يصيح .. وده لامه ..
سعود يشيله ويطلع من المجلس وسلطان يبكي ..






ـــــــــــــــــ





بعد مسافة بعيدة عن الاسطبل ..
العنود انتبهت انها ابعدت وهي للحين ما تعرف المزرعة ..
سمعت صوت وراها التفتت بخوف الا بتال على الخيل ..
كان لبس ثوب اسود شتوي .. والشماغ ابيض لفه على وجهه ..
والنظارات الشمسية الرمادية اللي عاكسة صورتها فيها ..
صدت عنه وهي تحاول ترفع الثمه وتنزل الشيله على عيونه ..
الشيله ارتخت بسبب ركض الكاسر والهواء ..
بتال بنبرة غامض / يالله حي ام سلطان ..
العنود حاولت تحرك الكاسر لكن الكاسر رافض يطاوعه بالحركه ..
ارتبكت وعصبة من الكاسر اول مره ما يطاوعها .. معقول حتى هو بيخونها ..
بتال ابتسم ونزل من الخيل و حاول يمسك الرسن الكاسر لكن الكاسر ابتعد ..
بتال بنبرة / من سمح لك تمتطين خيلي ..
العنود بعصبية / الكاسر ماهو خيلك .. خيلي انا ..
بتال بابتسامه عريضة .. وبهدوء / يفداك الخيل وصاحبه ..
العنود فتحت عيونها بكبرها وبعصبية سحبت رسن الكاسر و ضربته بقوة حتى يتحرك ..
الكاسر صهل بقوة وتحرك بسرعه عن بتال ..
بتال رجع لكساب وامتطاه ولحقها .. وهو فرحان .. قرب منها وبنبرة / ترا اتجاهك خطاء .. الحقين توصلين ..
بتال اتجه يمين والعنود راحت على طول .. بس وقفت لمن شافت الطريق مقفول بسياج ..
بتال من وراها بعصبية / انتي الا تعاندين ..
العنود التفتت عليه وبعصبية / وانت ايش خصك فيني ..
بتال بنبرة مقصودة وهو مبتسم / انتي ايش رايك .. لي خص والا لا ..
العنود حست بان الرجفه راح تمتلكها وتوضح .. هي من البرد والا من وجوده ..
والا من الاثنين سواء .. العنود بلعت ريقها وهي تصد عنه وتمسك لثمتها لتطيح ..
بتال بحزم .. وداخله يغلي من الغيرة / عدلي شيلتك .. وامشي معاي .. المزرعة مليانه عمال ..
العنود .. يد ماسك فيها لثمته واليد الثانية تمشي كاسر .. لمن دخلت بين الشجر التفتت وراها وما شافته ..
فتحت لثمتها شوي وشدتها و عدلت لثمتها .. من وراها ببرود عكس البركان اللي بصدرة / يعني كذا محد شافك ..
العنود شهقت وهي تحط يدها على صدرها / هئئئئئئئئ .. " التفتت عليه بغضب " ..
بتال بنبرة مستفزة ساخرة / هههه بسم الله على قلب ام سلطان .. " وبعصبية " .. انتي متى تستحين و تحتشمين ..
العنود بغضب طنشته و مشت الكاسر بسرعة و طلع من الشجر شافت الفله من بعيد وتوجهت له ..
ما تبي ترجع لـ الاسطبل .. وبتال وراها ..



شفتك وزاد بي الولع والشوق
غنيتها من ساعه اقبلتي

عيني ماقد شافت كذا مخلوق
كنش على ذوقي تشكلتي

قلتيلي اصبر بس انا المطفوق
عجلت في شوفش وعجلتي

اثر معك لي مرسل ومسبوق
عز الله انك قلتي وطلتي

عين وشفاه وعاتق منتوق
وجسمن تغطينه ولاحتلتي

الليل عن وجه القمر مفهوق
والعود مالومش الا ملتي

غصن على ساقي وفيه عذوق
وش الغريبه لو تمايلتي

لكن قبل تمشين انا مسروق
من صدري قبل شوي وش شلتي

اتلا العهد به قابضه معلوق
من ساعه اقبلتي وحولتي

ماريته خالي وفيه فتوق
رديه واعدّش تجملتي



" محمد بن فطيس " ..







العنود وقفت كاسر وهي تشوف متعب وطارق وماجد ونايف وراكان وعناد وسند ورعد وسعود و طلال ..
وقفين ويضحكون و يسولفون قبال المجلس وكانهم كانوا بيدخلون ..



طارق رفع حاجب وابتسم / لا والله بس شفت ما في المجلس الا الشيبان قلت خليني اطلع ..
رعد ابتسم / وانت مفكر نفسك شباب تراك شايب .. الحق على عمرك واعرس ..
طارق بخبث / والله ودي بسـ.... " وقطع كلامه وهو يشوف العنود على خيلها و راها بتال "..
طارق صد بعيونه .. متعب ورعد والكل رفعوا عيونهم لجهة اللي طارق كان يطالع لها " ..
متعب فتح فمه وعيونه بصدمه /.............
رعد بضحكة / افااا بتيل ..
العنود بارتباك نزلت من الكاسر ونزلت عبايتها من على خصرها .. وتوجهة للفلة بارتباك ملحوظ ..
بتال بضحكة خبيثة / لا تفكر لبعيد .. " وبنبرة مقصودة " .. ابو سلطان وصل ام سلطان فيها شي ..
متعب توجه لـ الكاسر اللي كان يدور بمكانه .. بتال رفع حاجب بغرور وهو ينزل من كساب ..
سند يتقدم من متعب اللي وقف قبال الكاسر ويطالع فيه مو مصدق ..
سند باعجاب / ما شاء الله ما شفت خيال بجماله ولا بأصالته ..
" وباستغراب التفت على بتال " .. الا ام سلطان كيف ؟؟ .. " وقطع كلامها حركة متعب " ..
متعب مسك رسن الكاسر بقوة وشده .. الكاسر حاول يبتعد لكن متعب بسرعة امتطاه ..
بتال بعصبية / هيييييي انت .. من سمح لك ..
متعب رفع حاجب وهو يتلطم بشماغه وبخبث ساخر / ام سلطان .. " وتحرك بالكاسر بسرعة " ..
بتال بغضب / يا حيـ***.. " التفت لسند " .. شفت لا تلوموني ان ذبحته .. " وتوجه لكساب " ..
سند يمسك بتال من عضده وبضحكة / هدي هدي .. الرجال خيال احسن منك ..
بتال يفلت يد سند ورفع رجله بيمتطي كساب .. سند رجع مسكه وبحزم / وين بتروح ..
بتال بغضب / ابي اروح اذبح هالـ**** .. مايكفي امتطى خيلي بدون اذن بعد يجيب سيرة اهلي ..
سند بحزم / كانوا اهلك .. هم اهله قبلك ..
بتال فتح عيونه لـ الاخير بغضب / سنننننننننند ..
راكان يقرب منه وبهدوء / بتال .. متعب خالنا ..
بتال كان احد اعطاه كف زاده غضب .. بعصبية / يخسى ..
سند يهزة وبحدة / وطي صوتك .. و متعب طلع خال عيال عمك برضاعه ..
" وبهمس " .. واللي كنت تفكر فيه كله ظلم ..
راكان يقرب منه ببرود / قلت لك من قبل .. الا العنود ما تسوي اللي قلته ..
والحين اقولها لاخر مرة يا بتال .. ان قربت من اختي .. والله ما يردني عن قتلك شي ..
سند بحدة / اذكر الله انت وياه ..
بتال بغضب وصدمه وصدرة يطلع وينزل / ....................
راكان بغضب يحاول يسيطر عليه / لا اله الا الله ..







رعد بابتسامه / ليكون زعلت من حركات بتال .. انت تعرف اللي بينه وبين متعب من زمان ..
طارق بابتسامه يحاول تكون طبيعيه / لا والله .. بس انا عندي شغل .. وجيت بس اوصل الاهل ..
بكرة ان شاء الله اكون عندكم ..
طلال بابتسامه / براحتك ..
رعد بحرص / بس بكرة لازم تكون معانا ..
طارق هز راسه / خير ان شاء الله .. " رفع يده وهو يبتعد " .. مع السلامه ..
ماجد يطالع باخوه بضيق .. نايف بهمس وهو يطالع قفا طارق / ايش فيه ؟ ..
ماجد بضيق وهو يشوف اخوه يركب السيارة / ولا شي ..
طارق ركب سيارته وتحرك .. بعد ماطلع من المزرعه .. رفع يده وشغل المسجل ..
حتى يصدح صوت الشاعر ثامر بن شبيب ..




سقا الله زمان زال وبالذاكره مازال
فداه العمر لو راح الاول على التالي
قبل من عوايدنا نعشق السهر لا طال
معي بكل يوم وليله اقرب من اظلالي
تنام بعيوني فارعه ماعليها شال
سترها الغلا والخوف من عين عذالي
وفجأه بلا موعد صحينا على زلزال
اخذ كل شي ولا ترك غير غربالي
بقا بيننا يمكن تواصل بقايا وصال
تجيني بعد مده تدور عن اوصالي
مجرد سلام ومانسيتك وكيف الحال
هذا اخر الغالي وحقه وهو غالي ؟
واذا مر وقت ولا لفى منها مرسال
وبديت التفت عن حالها شوي في حالي
عن الوم والشرهه رسايل علي تنهال
من يدينها واحسها تسولف قبالي
يقولون : مايبكي على المقفيه رجال
وانا اقول : جعل قلوبهم مالها والي
على وين ماراحت اسوق القدم رحال
اخيل المدى والدرب موحش وبلحالي
ادور حدر غيمة مواعيدها همال
ولا شفت منها غير موعد مع اهمالي
خلاص انتهينا مابقا للسنين امال
بعد ماقصر مرسالها مات مرسالي
هي الحين..! صارت راعية بيت وام عيال
وانا االحين..! مثل اول على خبرها حالي





تنهد بضيق وهو يتذكر كلام نايف الكبير ..


قبل 8 سنين ..

وهم خارجين من مسجد الحي ..
طارق بضيق / يعني مالي نصيب فيها ..
نايف .. " الخال " .. / هذا بعلم الله .. انا كلمت سطام .. وقال انه هو يبيها لواحد من عيال اخوانه ..
طارق بعصبية / هم مايدرون عنها .. ولا يعرفونها .. كذا بس بيزوجونها لعيال عمها ..
نايف بضحكة / هدي اعصابك .. اللي عرفته ان سطام يبي هالولد لبنته من بد عيال اخونه كلهم ..
متعب بقرف / ليكون بتيل .. اذا هو انا بوقف في وجه سطام وارفض .. تخيل بس بتال رجل العنود ..
اعوذ بالله .. انا طارق ويالله بالعه .. العنود يبي لها واحد مميز ..
نايف / ههههههههه قصدك يبيلها واحد اعصابة ثلج .. يالله تمسون على خير ..
متعب بضحكه / خذني معاك ابي انام لو اقعد عند ذا رحت دوامي وانا قيس ابن الملوح ههههههههه ..





طارق بقهر يضرب الدريكسون بقبضة يده / والله اني احبك اكثر منه ..





ـــــــــــــــــــ






دخلت الفلة وفتحت لثمتها اخذت نفس عميق وتوجهت لصالة ..
ابتسمت اول ما سمعت الصوت العالي المعروف والمميز / هلا هلا هلا والله هلا بالشيخة نورة هلا ..
نورة بنت ام طلق .. " ضيفة شرف بروايتنا " ../ هلا بك زود يا روح وعين نورة انتي ..
العنود بعد ماجلست جنب نورة ومشيرة / اشلونك .. ايش اخبارك .. وكيف البنات ..
نورة / الحمد الله كلنا بخير .. والبنيات ابشرك زوجتهم .. وجعل ربي يوفقهم ويسعدهم ..
العنود بمحبة / امين يارب ..
نورة / انت ايشلونك .. وشلون عيالك .. شفتهم توي ربي يخليهم لك .. ويجعلهم من البارين الصالحين ..
العنود ابتسمت / امين يارب .. الا انتم جيتوا سوا .. " تقصد بيت ابو عبدالعزيز وابو مطلق " ..
مشيرة بضحكة وهي تشوف نظرات نورة للجوهرة / لا .. هههه ..
نورة التفتت لـ العنود وبهمس / استخفت ..
العنود بضحكه / ايش عندك ..
نورة بخبث ضاحك / الحين جوعانه بعد الغداء اقولك هههههههه ..
مشيرة و العنود / هههههههههه ..






ــــــــــــــــ






بعد العصر ..



مشيرة بعبايتها وماسك منصور بيده .. و بتساؤل / مو ابوه يبيه ..
العنود بهدوء وهي جالسه تلبس الظبي الجاكيت / ايه .. بس ما ابي ارسله .. يرميه على الشباب ويروح ..
مشيرة بهدوء / اهااا ..
العنود توقف وتلبس عبايتها / الشباب يدينهم حارة الله يهديهم .. يرفعونه فوق وينزلونه ويلعبونه بجنان ..
وهو الله يحفظه لي يحب العب و يضحك .. وهم مبسوطين ولا عندهم احد ينصحهم .. ما يجي ولدي الا هو مشع ..
مشيرة بضيق / ايه والله صدقتي .. " وبقهر " .. مثل متعب .. يا عنده حركة .. ودي اذبحه لمن يسويها بمنصور ..
العنود وهي تدف اولادها بالعربية / ههههههه متعب ما يعقل الا لتزوج .. مثل صلاح ..
مشيرة تنهدت / ما اتوقع انه يتزوج ابد ..
العنود بضحكه / لا بيتزوج .. بس خليني افضاء له شوي .. وبيتزوج غصب ..
طلعوا من الفله وبدا يمشون باتجاة جلسة الحريم خارج الفلة ..
متعب شاف العنود ومشيرة ولحقهم .. متعب ضم العنود من الخلف وبضحكة / وحشني الزعلان ..
العنود بعدت يدينه / .................
مشيرة بضحكة / اجل انا اروح وانتم تفاهموا .. " مشيرة بسرعة توجهت لجلسة الحريم " ..
متعب شاف بتال واقف عند دكة الشباب تحت النخل ويطالعهم ..
متعب بخبث يلف يده على خصر العنود ويقبل كتفها / عنوده حبيبي .. لا تفشليني ترا بتيل عيونه علينا ..
العنود ابتسمت / الله من لعب البزران .. متى تكبرون انتم ..
متعب ابتسم بهدوء / معاه ما ابي اكبر .. ما احبه ايش اسوي ..
العنود ابتسمت / ............
متعب بجدية ../ الا تعرفين كيف وصل الكاسر عنده ..
العنود بهدوء / لا .. انت عرفت ..
متعب بقهر / ايه .. عبدالله و ابوي سعد ..
العنود بهدوء / ايش دراك ..
متعب تنهد / الظهر كله وانا شغال اتصالات اللين وصلت لاول واحد اشترا الخيل وقالي ..
العنود بهدوء / كنت حاسه ان جدي وراء الموضوع .. الا متى اخر مرة رحت له ..
متعب / قبل اسبوعين .. اخذت كم يوم ورجعت .. " ابتسم " .. والله يا مساعد رجال .. وخلود هالايام ولادتها ..
العنود هزت راسها / ايه اكلمهم .. " وصلوا لجلسة الحريم " .. طيب ممكن اجلس مع الحريم ..
متعب ياخذ سلطان ويرميه فوق وهو يضحك / ههههه ايه بس الشيخ معي ..
العنود بعصبية / متعب نزل الولد ..
متعب يمسك سلطان ويبتعد عن العنود وهو يرفع سلطان وينزله وسلطان يشهق ويضحك ..
العنود بعصبية وهي بتلحقه / يا مجنون .. " التفتت على الجلسة " .. انتبهوا لـ الظبي ..
ام عبدالعزيز تصرخ / متيعب .. يا متيعب هات الولد .. ذبحته ..
متعب ابتعد عن الجلسة وهو يضحك والعنود تمشي وراه بعصبية ..
بتال توجه لمتعب والعنود .. وقف قبال متعب وكن بياخذ سلطان .. بس متعب ابتعد عن بتال ..
بتال بغضب / هات الولد ..
متعب ببرود وابتسامه خبيثه / خير .. من الاخ ..
العنود تسحب سلطان وتضمه لصدرة و رجعة للجلسة ..
بتال بغضب بعد ما العنود ابتعدت / انت لو تقرب من عيالي مرة ثانية يا ويلك ..
متعب يرفع حاجب وبسخرية / ايش فيك يا بتال .. صاير خفيف .. بسرعة تعصب .. تؤتؤ تؤ طحت من عيني ..
تركه وراح .. وبتال معصب للاخير .. بقهر / كله منك يا عنيد .. انا اوريك ..







ــــــــــــــــــ







عند الشباب ...


سند وهو ياكل تفاحه / هذا بدر ..
عناد يرجع جواله لجيبه .. وبعصبية / ايه .. يقول وصل وراح لدوام وبعده نام ونسي يتصل ..
سند بضحكة / عادي .. شوف شوف وراك ..
عناد التفت وشاف بتال جايهم ووجه احمر .. بضحكة / انا رايح لاخوان العنود .. اصلي و فرعي ههههههه ..
سند / ههههههههههههه .. " دخل عناد للمجلس .. و بتا لوقف قبال سند " ..
بتال بقهر / مقهور وحاس نفسي مربط .. ودي امسكها واضربها اللي ابرد حرتي ..
سند بجدية / علشان تنفر عنك مرة وحدة هي وعيالها .. وبعدها من جد تبرد حرتك ..
بتال بضيق / سند .. " حط يده على راسه " .. صداع بيفجر راسي " ..
سند بهدوء / انتي هدي نفسك وتوازن وراح ترجعها بسهولة ..
بتال عقد حواجبة / اشلون ..
سند بهدوء / انت بالاول اعقل واثقل واترك عنك متعب و لعب البزران وراح تعرف كيف ترجعها ..
بتال تنهد بضيق / انا بس ابي اعرف ليه ما قالت متعب خالي .. ليه سكتت ..
سند بهمس خافت / مثل جدتها .. عنيدة ..
بتال التفت عليه / همم .. قلت شي ..
سند يرمي بقايا التفاحة / خلنا ندخل ونتقهوا .. " ودخل المجلس اما بتال فحس بالضيق وراح لـ الكاسر " ..






ـــــــــــــــــ







قبل المغرب ...





العنود تمشي و بيدها سلطان .. نوال بيدها مريم .. ابرار بيدها الظبي .. مشيرة بيدها منصور .. رنيم بيدها فهد ..
العنود بضحكة / منصور خواف .. مو طالع على منصور الكبير ..
مشيرة / لا والله الا كاسرك مرعب .. ان كان انا يالكبيرة ارعبني ما تبين الصغير يرتعب ..
نوال / هههههه بس مريوم فديتها طالعه على عمتها ..
العنود بضحكة / وانا اشهد طالعه لعمتها العنود ..
نوال شهقت / يعني انا مو شجاعه ..
العنود بابتسامه / الا فيك الخير والبركة ..
...... من الخلف / ام سلطان ..
العنود التفتت وشافت بتال يقرب منها .. البنات ابتعدوا شوي .. العنود فكرت انه يبي سلطان ..
نزلت سلطان على الارض .. وكانت راح تتركه وتروح ..
بتال بحدة همسه / ليه ما كنتي تدافعين عن نفسك ..
العنود باستغراب رفعت نظرها له .. وبسرعه صدت وكانت راح تمشي لكن بتال وقف قبالها ..
البنات تحركوا بسرعة راجعين للفلة مفجوعات .. العنود وقف وهي متوترة / ابو سلطان .. اللي تسويه عيب ..
كانت بتبتعد عنه بس هو رجع وقف قبالها بغضب / وقفي هنا ..
العنود وقفت وهي فاتحة عيونها وبعصبية / ايش تبيني اقول .. وانت كنت تعطيني مجال .. سالت مثل الخلق ..
كنت مجهز الحكم وبتنفذة و وبدون لا تسمع شي .. وحتى ان سمعت .. انت عايف ..
واللي يعافنا عفناه لو كان غالي ياولد عمي .. " حملت سلطان اللي كان فرحان وهو يلعب بتراب و توجهت للفله " ..











انتهى ..

لا اله الا الله محمد رسول الله ..


سبحان الله .. و الحمد الله .. و الله اكبر ..


وسامحوني على القصور .. واعذروني على الاخطاء الاملائية ..


اختكم / مشاعل السعودية ..

صباح الخير ..


باذن الله راح يكون فيه بارت ثاني .. يوم الاحد .. ويمكن قبل .. ^ ^

وشاكرة لكم .. طولت بالكم عليه ..

واااااااااو اخيراً يعطيك الف عافيه ميشوو البارت من جد يستحق الانتظار اسبوعين وفوق يبرد الجبددد 😍😍😍😍
كنت انتظر لقاء متعب وبتال والعنود وحبيت صحوه نايف لطاام عسا ماكو لطاام منتظره اشوف خشته ممرغه بالتراب
سوووري انقطعت عن التعليقات بس كنت جد ادور اي فرصه عشان اقرا جم سطر لان مشغوله باختباراتي وتجهيزها تبدي بعد اسبوع ان شاء الله
منتظره بارت يوم الاحد ع احر من الجمر واتمنى العنود ترد لبتال ابكر وقت ممكن بس عشان ينقهر النذل لطام وهم لان بتال تأدب خلاص حرام تعذبه اكثر:(

شكرااا ياعسل