مسائك ورد الجوري
يعطيك العافيه ميشو على البارت


نايف
زي ما كنا متوقعين كان يشتغل مع الحكومة ضد المافيا ودخل نفسه في مشاكل وزين انها وفقت على إصابات وحروق وما قتلوه
تركي هذا صديقك يارا كان اللي أمنته على استراحتك وحطى فيها المخدرات وجاب لأخوك مصائب ماله اول من آخر
العنود أبوك أغنى رجل في العالم كيف قدرتي تنمين ثروته لوحدك وما احد درى عنك

زياد في كل مره تقول ميشو وزياد وراه متى بتقول يمشي جنبه حالتك لازم لها تدخل صراحه

صقر
صرت انت الاب وهو الولد المراهق اللي يبي له نصح وتوجيه بس ما حولك احد
مدري متى بيتعدل ويصحى
هو قبل كان عنده سطام يطلعه من مشاكله بس الحين مات المفروض انه يتوب ويخاف
بس ابو طبيع ما يجوز عن طبعه
راح يصاب بمرض ما له داء وهذا اللي بيخليك تتوب وتندم وقتها ما راح ينفع الندم
ام صقر

اللي شافته مع أبوك ياصقر يخليها تكره البيت حتى لو ماكان موجود
وإذا رجعت معك وطب أبوك عليكم وش بيفسر وجودها في البيت انها مقدره العشره وتحبها وخايفها على بناتها
لا طبعا راح يذلها أكثر ويتمادى عليها أكثر من اول
هي في بيت أبوها اذا يبيها هو بنفسه يروح ويرجعها
بس هو وين وترجيعها وين وهو لاهي في حياته وخرابيطه


رعد وهيفاء
كان مفروض انك تفهمها وضعك وكل شئ مريت فيه لانها مجروحه منك هي عندها قناعه انك رافضها بسبب حبك لعبير وفجأه تجي وتقول لها اشتقت لك
انت عرفتها عشان تشتاق لها
الكف اللي جاك تستاهله وراح تعذرها من حرتها سوت كذا

بتال
لا تذل نفسك لراكان أكثر القرار بيد العنود
وهي موب فاضيه لك ولا غيرك
فبدال اللي جالس تسويه اهتم بعيالك وزرهم دوم عشان تعرف انك مهتم فيهم بس انك ترمي كلام على راكان عشان تبين له انك تبي اخته موب حلوه أبد

ميشو ابدعتي

صباح الورد .....صباح المسك والعنبر ......تسلم ايدك ميشو على البارت الرائع .... كنت اتمنى رديت من اول مانزل البارت بس ظروفي هالاسبوعين ضغطتني وصرت ادخل وفيني ارهاق مايساعدني على الرد ...

نايف

مسكين نايف وجع قلبي حيل ماعاش مثل غيره من الشباب لاالطفولة كانت هادية ولا المراهقة عرفها وحتى الحين وهو لسى متعدي المراهقة شوي عليه احمال مايتحملها رجال ناضج ......الاول حمل هموم اهله والعنود ماقصرت رمت حمولها كلها عليه واعتمدت بشكل كلي عليه ويوم ربي نجاه من ايد عبدالله والمخدرات والادمان ماقدر يطلع من عصابة تركيوه والمافيا الي يتبعها
هو من اول مااكتشف المخدرات خبر متعب الي بدوره وصل القضية للمسؤلين وتركو نايف كدليل ومرشد لهم بس قدر تركي يتوصل انو هو الي عنده علم بالبضاعة لا راكان ولا زياد

الاضرار الي بجسمه بيضل اثرها طول العمر غير التعب النفسي والله يستر مايتعرض لخطر وانتقام ابشع وتنتهي حياته برصاصة قناص او اي طريقة تنهي حياته بصراحة مااتمنى هالشي علشانه هو بس خاطري يعوض الحرمان الي عاشه والحين وخبر موت اهله الله يعينه على الصدمة
اتمنى العنود تخف من حركاتها السخيفة وتتعدل بأسلوبها مع اخوانها ترى هم بحاجة بعض كثير يعني الى متى بتعترف انها انثى مهما ادعت من القوة مابتستغني عن السند مااقول الا الله يهديها

بتال والعنود

العنود قالت عن قصر لابوها وخبري انو بيت جدها مو قصر يعني انهم يملكون قصر غير البيت الي احترق والظاهر سطام يوم طلب من العنود تفلس اهله وتوصلهم لقاع الفقر عمل حساب انو يحط فلوس او ثروة سرية ماتدري عنها الا العنود علشان يضمن انو راكان مايوصل لها ويعدل من حال اهله بس ليش هالاسلوب وليش يعلم بنته الانتقام من اهلها مهما كانت المبررات ترى العيشة للتفكير والتخطيط للانتقام ورد الكرامة وغيرها بتضيع عمرها فوق ماهو ضاع من قبل هذا هي شافت حالهم اهلها ماتهنو بالفلوس الي جمعوهم بسبب السحر هي واخوانها ماعاشو عيشة طبيعية مترابطة ولا بينهم اي حواجز الا دايم هواش واستفزازات .....والي كسبته العنود المرض الي ممكن يتطور لجلطة اذا استمرت على حالها الاعوج ....ياخوفي انها وحدة من الي بيموتو في الاخير والسبب العصبية الي مابتنفعها ترى الدنيا ماتسوى نراكض وراها ونصر على تحقيق الي براسنا .......الانسان ضيف في هالدنيا مابياخذ معاه الا اعماله والي بتسويه الحين هي لتحقيق اغراض دنيوية تبغي من وراها غرض لابينفعها بأخرتها ولا بينفع الي تحت التراب لازم تراجع حساباتها وتغير نمط تفكيرها وتسعى لحياة مريحة لها ولاخوانها الي عاشو الضياع مثلها ولعيالها ماحد يستاهل تضيع عمرها ووقتها علشانه يعني عاجبتها حياتها الي عايشتها مااستغربت انها صارت صاحبة ضغط تكبر الامور وتصر تعرف كل كبيرة وصغيرة

اما بتال اذا بيظل هذا اسلوبه لايعتقد انو بيحرك اي ساكن ترى راكان مابيقدر يرجع له العنود ولا يجبرها لانها اساسا ماتحترمه ولا معترفة لابرجولته ولا برايه ولا بأي شي هو غلط غلطة كبيرة وكملها يوم يشكك بعياله لازم يسعى بعقل لتعديل الحال من صالح عيالهم يتربو تربية اسرية بحضن الاثنين مو مشتتين وكل واحد بمكان العنود ماعندها وقت تجلس معاهم مثل باقي الامهات فكيف بتعوضهم عن غيابها كأم ودور الاب الي بتسوي حالها قادرة عليه بتال اذا يبغي العنود يعتمد على حاله وممكن يستعين بسند لانو عنده الكثير الي ممكن يوصله لمبتغاه

سند
اعتقد عارف انو متعب وصلاح وابو عبد العزيز انهم يقربون للعنود وابتسامته اكبر دليل بس ليش مايخبر بتال ويريحه وبنفس الوقت يعلمه مقدار الظن الي فيه وين وصله ........هذا لو يعرف انو طارق خطبها من قبل ولليوم يبغيها غير لطاموه اللصقة الي ممكن يظهر فجأة مثل قبل .......سند بيكون له دور بتغيير الكثير ويمكن حتى العنود نفسها تعقل بسببه هو لانو اعقل واركز منها بكثير ويعرف بعض الاسرار الي تعرفها هي


صقر وابوه

صقر يكسر الخاطر واحد بعمره رجال ويسمع عن امور تفشل يسويها ابوه غير حياته الغير مستقرة جدا تأزم النفسية هالحياة .....اتمنى من كل قلبي موت راشد هناك بعيد عنهم اريح لهم بكثير واستر خصوصا لو موتته شينة وبوضع غير مقبول على الاقل مابينفضحو ويضيعو باقي البنات وصقر بيكون سند وخير عوض لهم وبيرجع هو وامه وخواته لبيتهم لانو حالهم بيكون احسن


هيفاء ورعد

الحين مو هي الي رمت حالها عليه واستخدمت اسلوب رخيص جدا ماتسويه بنت محترمة تعرف الخجل والحياء يعني مابتعرف تجيب راسه الا بحركاتها السخيفة ويوم واجهها زعلت هذي الحقيقة هي واخوانها وخصوصا رعد ماعندهم شي اسمه حياء عرفنا انو متزوجين وماعليه عتب لو سوو اي حركات من الي يسووها لكن ماتكون علنية بجد استصغر الي يسوي نفس هالحركات بدون مايراعي الناس الي جالسين عندهم يعني رعد محامي منصب وشهادة عقله وتصرفاته خفيفة جدا ماني قادرة ابلع حركاته ......هو مو مراهق المفروض يحترم سن امه وحتى خصوصيته مايطلعها عند القاصي والداني حلاوة الشي يكون خاص في هالامور ماحد يعرف الي بينهم ابد

الحين يوم جاها برجوله ولغرفتها وهي الي ميتة عليه تمد ايدها شهالوقاحة حرمة تضرب زوجها لانه حضنها مهما كانت اسبابها بس شرعا هي الخسرانة وماحد بيوقف بصفها لو رعد طلقها .......ولد عمتي زوجته مدت ايدها عليه وضربته بالجزمة وبوقت الملكة قبل زواجهم بثلاث شهور والسبب انو غرفة النوم ماعجبتها تبغيها بسعر اغلى اضعاف من سعر الي شراها مع انو سعر هذي مو قليل ابد بس عاد وحدة تبغي تفوشر عند ربعها مايهمها ....المهم اليوم الثاني طلقها وخطب بنفس الاسبوع وتملك وزواجه ماباقي عليه الا كم اسبوع وبنفس الصالة الي كان حاجزها ولا همه شي وحدة تتجرء وتمد ايدها على زوجها هل تستحق انو تنعطى فرصة وتكون ام لاولاده وحدة مااحترمت رجولة زوجها وياليت ضاربته لسبب قوي جدا ......

كان بأمكانها تعبر عن زعلها بطريقة كل انثى تعامله بنفس تعامله النفور والبرود ماحد بلايمها ومن حقها بس تمد ايدها وتنقص من رجولته ابد ماتستحق اي فرصة ......حتى لو بتقول طلعت بدون ارادتها هل لو مكان رعد عزام او غيث بتعبر عن زعلها بمدة الايد ...

يعني هي كاأنثى تشجع التعامل بالضرب .......في طريقة وحدة قدام رعد دامها مدت ايدها عليه وهو جاي يفتح صفحة جديدة يتركها ويطنشها كم اسبوع وبعدين ينهي حياته معاها والي بيزعل بالطقاق .....مافي رجال يرضاها على نفسه ابد وحتى الحرمة ماتحترم زوجها اذا سكت على ضربها له وتشوفه مو رجال ......

هي ماكانت تجهل سبب رفضه للزواج ليش تدبس عمرها فيه وليش ترفض الخطاب علشانه ماحد قال لها تعلق قلبها بواحد ماكان محرم لها ولا ملمح انو يبغيها .......ودامها رضت بواحد جسمه معاها وعقله بعيد خلاص كان صبرت وتحملت واعتبرتها فترة تعارف وان طالت الفترة لازم تتفسخ له ويقرب منها حتى لو مايبغيها اصلا بتحتقر عمرها يالله تستحق عقاب مو بسيط

في انتظارك يالغلا واعذريني اذا نسيت احد ماعلقت عليه ان شاء الله

اعوضها المرة الجاية

السلام عليكم ورحمه الله وبركاته

صباح الخير...صباح المحبه ....صباح الرياحين
صباحك نفحات من رضا الرحمن
جعل يدينك ماتمسها النار ويفرج همك ويوسع صدرك ويزيل كدرك ويشفي بنيتك

نايف
رجاااااال من يومك صغير شلت هموم ومسؤليااات اعجزوا ارجال عيلتك يشيلونهااا...واجهت مشاكل وصعوبات ..وحاميت عن خواتك واهلك ضد خالتك واعيالها..دخلت في معمعه المخدرات والعصابات ...وعودك لسى طري وفوق ذا كله تحملت نظرات اهل ابوك لك وانت ساكت ومتحمل رجااال يا نايففي زمن قلة فيه الرجاجيل....
وفوق كذاااا ميشووو مو عاتقتك لوجه الله مسلطه عليك اسلحتهاااا التايوانيه كان كانت نااقص بعد...وتاركتن زوير وعوير والمنكسر والي مافيه خير براحتهم يسرحون ويمرحون على كيفهم ولاا سوة لهم شيء...

ياربي تخليك وتمم شفاؤك يا نايف والله ان قلبي عورني عليك حييييييل وان اشوف حالتك ...واقول يااااالله عليه كيف تحمل هالعذاب والتعب بروحه وهو توه صغير...رويكن احجزه كم شهر استخف عليناااااا واغمى عليه دلوع سميروه وان تالي شفت النون وما يعلمون وصااااابر ...كان الله بعونك ياشيخ اعيال الفاارس كلهم...
انتي قلتي بتموتين احد من ابطال الروايه .. بس ياويلك ا ن جيتي انتي وقشارتك صوبه اذبببببببحك..

العنود وبتال
رده فعل العنود طبيعه من شوفة نايف....يعني تشوف رجالها حامي عرضها هي واختها الرجال الي ربته وراعته وحملته مسؤليتها هي واهلهاااا...وخلته رجاااال قبل اوانه بهذااا الحال الكسيف ..شيء طبيعي انها بتنجن انا لو منها لاثور بعيال الفارس كلهم واولهم الرخوم ركان وزياااااد...

اما سالفه بيت ابوها والحلال الي مخبيه سطام عندهاااا ..يمكن لانه كانت في يوم اقرب شخص له بعد قطاعته مع اهله وابتعاد راكان وزياد عنه وصغر سن نايف شاف انه ما قدامه الا العنود يثق فيها ويامنها على حلااله الي خايف من انه احد من اهله يعرف فيه وياخذه منهم ا وان راكان يلعب بالحلال ...

واتوقع ان بيت الجد هو اساسا بيت سطاام ...والا كيف العنود تنازلت ورضت تعيش فييييه ...وما اتوقع ان سطام موصيها انها تحارب اهله برزقهم او انها تكسرهم بتجارتهم...يمكن ذا كله من تحت العنود الي غذت فيها كره الفارس من صغرها..
باله هي وش استفادت من الحقد والكره ذا كله...غير التعب النفسي والجسدي ...اناما اقول مومن حقها تعاتبها بالعكس من حقها ...بس خلااص تعيش يومها وتستمتع بوجود اعيالها وتعيش الجو الاسري الي انحرمت منه ...وترمي حمولها على سنايدها وهم يقومون بالمهمه عنهااا...

بتال المفروض مو يجلس يتحابا عند راكان لانه الغبر لاحول له ولاا قوة ...ولاا بيقدر بيوم انه يقنع العنود ترجع له هو بالاول خل يحسن صورته عشان يحسن صورتك انت..
اللي عليك انك تروح لراس الكبيره العنودوتحاول تلين راسها ..

صقر وابوه وامه
وهذا بعد يااويلك يا ميشو ان قربتي منه...خليه وحيد امه تطالع الله ثم تطالعه وهو الوحيد اليم صبرها على هالغيشسه القشراااا...

ياعمري شايل هم امه وخواته ...وخايف عليهم من سوايا ابوه وجالس يغطي على سواااد وجه...صاير كانه هوالابو وهذااااك هو الولد المراهق...حسبي الله عليه كانه كاسر ظهر ولده ومفشله..زمحمله مسؤلية امه واخواته وهو توه صغير..والله لو يصير شيء لصقر وهذا اللي انا حاسه فيه ان تنجن المياسه...

ميشوووو اذا فيك قشاره وتبين تموتين احد عندك راشد اذبحيه سوي فيه الي تبين مسموحه يالغلاا تريحين وترتاحين...

سند
لاا يالذيب وش سر هالابتسامه يوم شفت بو عبدالعزيزومتعب وماجد ...اكيد انك تعرف العلاقه الي بينهم وبين العنود...وتعرف انهم حلاال على العنود .....ويمكن ابتسامتك لانك تعرف مقدار غيرة بتال من متعب وانه اللحين هو ميت من الغيره وجالس تضحك عليه...

رعد وهيفاء
ايوووه جينا للمصاخه...يعني اللحين انتي ياهيفووه ما بقى شيء ماسويتيه عشان يقرب منك والا حتى يلتفت عليك ...مابقى احمر ولاا اخضر ولاا اصفر مالبستيه...ولاا قميص بنعومي ماشريتيه سويتي ازمه عندالحريم يدورون الاقمصه ماحصلوهااا...
جايه اللحين تتمنعين....والا تطبقين مثل يتمنعن وهن الراغبااات...اللحين متي وحيتي تبينه ويوم الرجال جاك قمتي تسوين حركاتك القرعه ..اقول اهجدي اجسن الك والااطلع لك سيخ من اسياخ ميشوو واكويك ابها على راسك اشوف...

شوف شوف قليلة الادب تمدين يدك على الرجال ياكبرها عند رب العالمين ...ياقليله الادب ياللي ماتستحين..اللحين هو وش سوى عشان تضربينه كله عشان احظنك موانتي متي تبينه ويوم جاك وحقق مطلبك ترفضينه...بالله عليك كيف بعدين تقدرين تحطين عينك بعينه والا تكملين حياتك معاه وانتي فالعته ......
تاكدي انك بحركتك الخايسه هذا خسرتي رعد... لان مافيه رجال يقبل على عمره انه يعيش مع وحده مدت يدها عليه...لو مهما كان يحبها ويغليهاااا الا الرخمه..

ورعد هذا اللي يقول سكت دهرا ونطق كفرااا....اللحين انت لك دهر مجنب البنت ولا انت ملتفت لهااااا...ومخلي الكل يلاحظ عليكم تجيء اللحين وتخربها ولاا قدام ..الحاجه مارغريت تاتشر..ماهقيتك انك خفيف كذااا يارعد

ميشوووو فديت روحك ياعسل بانتظار طلتك الحلوه عليناااا
احووووووووبك مرررره ميشوووووووو

بسم الله الرحمن الرحيم ..

السلام عليكم ورحمة الله وبركاته ..

الحمد لله والصلاة والسلام على رسول الله ..

توكلنا على الله .. لا اله الا الله محمد رسول الله ..





البارت 33 ..





على بالي تناديني .. انا آسف ماسمعتك زين
ولاني أول العالم .. يخيب ظنه وأحساسه ..

احسب انك تبيني .. وقلت من هالعين قبل هالعين
وجيتك تايه الخطوه.. وصدري يشهق انفاسه ...

انا والله مدري .. وين انا رايح وجاي منين
غرابيل الزمن فيني تعدت حد مقياسه ..

توهمت بخيال الفكر.. هايم بين زين وشين
سحابة هم إحتاست مع النسمه ونسناسه ..

على هونك ترفق بي.. غريب وحاير الكفين
عجول اتبع صدى صوت بسمعي دقت اجراسه ..

ترى ماني من اللي .. يعشق اللعبه على الحبلين
وقلبي نيته اصفا من الما لورد كاسه ..

صحيح أخطيت .. واعذرني خطاي بسبة الأثنين
رداة الحظ .. وهموم تعاندني بوسواسه ..

ولاني من الخطا معصوم.. تدري والبشر من طين
ونفسه تامر بغفله .. ولاهو قاوي باسه ..

على كل حال سامحني .. انا ميت من الصوبين
خفوقي عايفن نفسه .. وعيني فارقت ناسه ..

تخطيت الدروب اللي .. تباري رحلة الماشين
سراب الشوق ياخذني لزلاتي وهوجاسه ..

على بالي تناديني .. وكني سامعك هالحين
ولاقصدي خطأ .. وادري عيون الناس عساسه ..

سهيت من الهموم اللي بقلبي.. ورحت مدري وين
على حظ الزمان اللي قلب وضعي على راسه .




" منقول " ..











شقة رعد ...



دخلت بعصبية وضيق .. رمت شنطتها بعصبية على الكنبة .. سحبة الغطاء بقوة وعبايتها وعلقتهم على المدخل ..
دخل وراها وشافها تسحب الشباصه بقوة من شعرها قفل الباب وتقدم لها ..
هي من لمن سمعت الباب يتقفل التفتت للخلف .. شافته يتقدم لها بهدوء ..
رعد بهدوء مد يده واخذ الشباصة منها .. طالع فيها وشافها كله شعر متقطع ...
رعد بضيق / كله كره من قربي ..
هيفاء باختناق / ما خليت محل بقلبي سليم .. حتى يتحمل منك جرح جديد ..
رعد لف يدينه حولينه وضمها .. قبلها بقوة جرحت قلبها قبل شفاتها ..
هيفاء ابعدته بحدة عنها .. حتى ترفع يده وتصفعه بقوة على وجهه ...
هيفاء بحدة وهي ترفع اصباعها بوجهها / ما راح اسمح لك تجرح وتغلط اكثر ..
ماجاء منك يكفي .." اهتز صوتها والعبرة زادت باختناقها .. وهي تشوفه يطالعها ببرود " ..
انا .. انا .. اا .. انااا مو بنت هواء .. " نزلت دموعها غصب " .. حتى تتصرف كااا .. " وانفجرت تبكي " ..
رعد تقدم لها وسحبها غصب لحضنه وضمها .. عارف قد ايش اوجعها والمها .. ومتاكد انها تعشقه ..
و يستاهل كل اللي تسويه فيه .. ابتسم وهو يحس بيدينها على صدره .. رفع يده وصار يمسح على شعرها ..
هيفاء رفعت يدينها ومسكت ببلوزتها من جهة الصدر .. وزادت بكي و عبره وصوت شهقاتها زادت ..
بعد فترة .. مو طويله .. رعد بهمس وهو يقبلها على راسها / خلاص هيفاء اهدئي ..
هيفاء ما زالت تشهق .. حست بانها بحضنه .. حاولت تبتعد بس رعد زاد بضمها ..
رعد بهمس وهو يقبلها والابتسامه على وجهه / لا ما راح اسمح لك تبعدين اللين ترضين ..
" وبنبرة مقصودة " .. حتى لو تضربيني مره ثانية .. " وبخبث " .. فدوة لعيون فوفو الحلوة ..
هيفاء ترفع وجهها و بكرهه / هاا هاا هااا .. ضحكتني .. " حاولت تبتعد لكن رعد ماسمح لها " ..
هيفاء بضيق وهي تطالع فيه / اتركني ..
رعد يطالع بوجهها الاحمر .. طالع بكل ملامحها اللي عشقها .. وطال النظر ..
هيفاء تطالعه بستغراب .. خجلت من نظراته .. صدت عنه وهي تحاول تبتعد ..
رعد ابتسم لمن شاف ازدياد احمرار وجهها من الخجل .. ضمها لصدره وجبرها بان تحط راسها على صدره ..
رعد وهو يمسح على شعرها .. وبهمس / انا اسف .. ادري باني اوجعتك .. و اوجعتك كثير بعد ..
بس انتي تدرين اني مريض .. " حس بارتجافها " .. " ابتسم بخبث وبنبرة مقصودة " ..
والا مفكرة اني ما ادري انك تفتشين بـ اوراقي .. " وبخبث اكثر " .. ليه تفتشين من وراي ..
" وبنبرة متلاعبه " .. خايفه اني اخونك والا متزوج غيرك ..
" ضحك لمن حس بانها تشد على نفسها من الخجل وتحاول تبعده " .. هههههه قلت لك ماني بتاركك ..
رعد زاد ضمها وبهمس " .. احبك .. " فجاه حس بجسم هيفاء يجمد عن الحركة ".. و الله احبك ..
ابتعد شوي ورفع راسها وحط عيونه بعيونها " .. اسف على كل اللي صار .. والله اسف .. " و قبل جبينها " ..
رعد يطالع بوجهها وهيفاء تطالع بالارض مو مصدقه و خجلانه ..
رعد بهدوء / سامحتيني والا لساتك زعلانه ..
هيفاء بخجل وهي منزله راسها / ....................
رعد ميل راسه ورفع خصله من شعرها كانت مغطيه على ملامح وجهها .. وطالعها شافها مبتسمه بخجل ..
هيفاء ما انتبهت له .. كانت مو مصدقه ان رعد واخيرا قال هالكلمة .. وتفكر ايش راح تسوي .. لكن .......
هيفاء صرخت بخوف لمن حست انها ارتفعت عن الارض ../ ااااااااااااه رعد .. رعد نزلني ..
رعد يضحك وهي بين يدينه خايفه .. وبخبث / ابي انزلك بس مو هينا .. هههههههههههههههههههههه ..
هيفاء غطت وجهها بيدينها وبخجل / رعآآآآآآآآآآآآآآآآآآآآآآآآآآد نزلني ..
رعد / هههههههههههههههههههههههههه .. " وهو يتقدم لغرفة النوم " ..





ـــــــــــــــــــــــ





بيت ابو بتال ..



بجناح بتال ..



الجوهره بعصبية / وهذي اخرتها يا بتال .. لا تدخلين يمه ..
بتال يغطي وجهه وبضيق / يمه .. ياروحي انتي .. " مال وقبل يدها " .. يا جعلني فداك ..
يمه موضوعي انا والعنود لا تدخلين فيه .. يكفي يمه يكككككككككككفي .. اذا مو علشاني علشان سلطان والظبي ..
يمه اتركي موضوعي ولا تفكرين في احد .. فكري بوضعك انتي وابوي .. يمه لاتفكرين انا ساكتين عاجبنا الوضع ..
لا والله مو عاجبنا .. " تنهد بضيق " .. يمه وليد صحته مو عاجبتني .. وسامر هاج للاستراحة ما يجي البيت شآآآآرد..
وسعود يسهر لاخر الليل ومايرجع الا بعد ما الكل نام ويشتغل بالشركة شغله وشغل غيرة كله مايبي يفكر ..
وسمر وتخبطها بحياتها وضياعها .. " وبقهر " .. يمه اللي تسوينه يضر الكل ..
الجوهره تطالعه فاتحه عيونها للاخير .. هي جات تعلمه عن سوات العنود فيها وهو في ايش يكلمها ..
الجوهرة بعصبية / بتااااااال .. انا جايه اكلمك عن تصرف العنود معاي .. مو وضعي انا وابوك ..
بتال يتنهد وبضيق / طيب .. قلت لك .. تصرف انتي غلط .. كيف تاخذين الولد بدون ما تبلغينها ..
اكيد بتعصب وبتاخذه منك .. تصرفها طبيعي .. مثل اي ام تحب عيالها ..
الجوهرة توقف وبغضب / يعني انا اللي ما احبكم .. وانا ليش اخذت الولد ما كنت ابي اجيبه لك بدال التشفق على شوفته ..
بتال جالس على الكنبة .. حط يده على راسه وسكت لثواني .. وبهدوء / يمه .. انتي تحتاجين طبيب نفسي ..
الوضع اللي انتي فيه مو طبيعي ..
الجوهرة تضرب على صدرها وبصدمة / تقول عن امك مجنونه .. هذي اخرتها يا بتال ..
بتال يوقف ويقرب منها بيقبل راسها بس الجوهرة ابعدت وبعصبية / لا تقرب مني ولا عاد تكلمني ..
هذي اخرتها تقول عني مجنونه اجل بكرة بترميني بدار العجزة .. " اهتز صوتها بعبرة " ..
جزاك الله خير يا ولدي ..جزاك الله خير .. " تركته وراحت لجناح سمر اللي هي جالسه فيه الحين " ..
بتال تنهد بضيق وجلس على الكنبة .. حط يده على راسه وبضيق / لاحول ولا قوة الا بالله ..





ــــــــــــــــــــ





بعد الظهر ..


بيت ابو سطام ..




راكان يدخل جناحه ..
سمر تنيم شيخه .. اشرت له باصباعها بان لا يصدر صوت حتى لاتصحى شيخة ..
راكان تركها وسحب الفوطه و دخل الحمام .. " اكرمكم الله " .. بعد رع ساعة طلع وهو ينشف شعره ..
شاف ملابسه مجهزة على طرف السرير .. توجه لها .. لبسها و توجه لشيخه ..
كان بيقبلها بس قال الحين تصحى وتبكي و ما اقدر انام .. تركها ورجع لسرير رفع الفرشه ودخل تحتها ..
كانت واقفه عند دولاب الملابس .. ترتب ملابس شيخه .. قفلت الدولاب وتوجهت لراكان .. رفعت الفرشة ونامت جنبه ..
سمر بهمس خافت / كيف نايف ..
راكان حاط يد تحت راسها والثانيه على بطنه .. ويفكر بكلام العنود .. / ..............
سمر بضيق و العبره خانقتها .. حطت يدها على صدره وبهمس مخنوق / راكان ..
راكان باستغراب التفت عليها وبهمس / ايش فيك ..
سمر والدمعه بعينها / لساتك زعلان عليها ..
راكان تنهد بضيق وبتعب وهو يغمض عيونه / سمر .. تعبان وابي انام مالي حيل لشي حتى الزعل مالي حيل له ..
هششششششششششششش .. " سمر سكتت وهي تحاول تبلع عبرتها .. راكان ثواني ونام وتعمق بالنوم .." ..
سمر فتحت عيونها للاخير وكتمت ضحكتها وهي تسمع تشخيرت راكان العاليه ..
ابتسمت بحنيه وهمست / ياروحي شكلها مره تعبان .. " فزت بخوف لمن سمعت صراخ شيخه " ..
سمر وقفت بسرعة وحملت شيخه لبست جلال الصلاة وطلعت من الغرفة لتصحي ابوها بصراخها ..





ــــــــــــــ





بجناح العنود ...




زهرة طلعت من الحمام وهي شايله بيدها سلطان ولفته بالفوطه ..
العنود تلبس الظبي .. العنود بتعب / كلمت خالتي ام عبدالعزيز ووصيتها .. قالت بكرة بتجيبها ان شاء الله ..
زهرة وهي تعطيها سلطان / ان شاء الله .. بس انتي ذحين لزم تنامي وترتاحي .. وجهك مره مرهق ..
العنود تلبس سلطان .. بضيق / انا ضايق صدري علشان الحليب .. قطع مرة وحدة ..
زهرة بحنية / ياروحي واللي شفتيه شي هين .. من خرعه لخرعه .. اكيد بينشف ..
العنود تنهدت وهي ترفع سلطان وتقبله / ربي يفرجها علينا .. " ابتسمت " .. حبيبي .. روحي .. " قبلته مره ثانيه " ..
العنود تنزل سلطان جنب اخته اللي ترضع واعطت سلطان الرضعه .. / انا ابي انام .. صحيني العصر ..
زهرة / طيب ليه ما تتغدين وتنامين ..
العنود بتعب / والله مو مشتهيه .. " وبامتنان " .. اتعبتك معاي ..
زهرة بعتب / لا تقولين كذا .. الله يعلم بغلاتك بقلبي .. وتعبك راحه .. " وقفت " ..
يالله روحي نامي .. والعصر اصحيك ان شاء الله ..
العنود توقف بتعب وتوجهت لسرير رفعت الفرشه ودخلت تحتها .. كانت تفكر بنايف وحاله وحال اخوانها ..
بس ما امداها تعمق بالتفكير الا وهي نايمه .. زهرة اخذت الظبي وطلعت .. وبعدها رجعت اخذت سلطان وطلعت ..
طلعت من جناح العنود وتوجهت لجناح ام سطام تنايمهم عند الجده حتى العنود ترتاح بنومتها .. وهذا بطلب من ام سطام ..




ــــــــــ




بشقة رعد ..



بغرفة النوم ..



واقف قبال التسريحه يمشط شعره المبلل .. وبهدوء / انا رايح اشوف ابوي ونايف ..
ابتسم والتفت للخلف .. شافها متغطيه كليا بالفرشة .. رجع يطالع المراية ..
نزل المشط وبداء يقفل ازارير ثوبه الاسود .. وبهدوء ليخلوا من الخبث / انتبهي لامي هاااا ..
هيفاء فهمت قصدة شهقت وكتمت صوتها / ....................
رعد / ههههههههههههههههههههههههههههه ..
سحب شماغه الابيض والعقال لبسهم .. سحب الساعة البيضاء ولبسها و تعطر ..
سحب المحفظه والمفاتيح وجواله وحطهم بجيبه .. تقدم من السرير .. سحب المفرش بقوة ..
هيفاء فزت من الخرعه ... قبل خدها بقوة .. ورجع المفرش عليها ..
وبصوت عالي / جهزي نفسك المساء بنطلع نتعشاء برا ..
هيفاء رفعت المفرش بعد ما سمعت صوت الباب يتقفل وبخجل سحبت الفرشه ولفتهم على جسمها وتوجهت للحمام ..





ـــــــــــ





بالصالة ..


مياسه .. وريهام ورنا وروان وساره وسمر ..
شيخه بالهزاز وساره تلعبها ..
والبنات يطالعون مسلسل بتلفزيون ..
رعد بابتسامه / السلام عليكم ..
الكل / وعليكم السلام ..
وقفوا وسلموا عليه معادا مياسه ..
رعد جلس بجنب ساره .. ريهام سحبت فنجان و ترمس القهوة وصبت لخاله ..
رعد اخذ الفنجان من ريهام وشرب منه .. التفت على ساره / كيف سارونه الحلوه ..
ساره ابتسمت بخجل / الحمد الله ..
رعد ابتسم وهو يرفع يده ويلعب بشعرها اللي مضفرته بطريقه الفرنسيه / حلو شعرك ما شاء الله ..
ساره بعدت / لا تخرب شعري ..
رعد رفع حاجب / اجل صح كلام راكان عنك .. ان السانك طويل ..
ساره حمر وجهها خجل وعصبية / ............
مياسه ابتسمت / لا بسم الله على بنتي عاقله ومنطوقها زين ..
رعد ابتسم / عارف بس امزح معاها ..
رنا بابتسامه ونبرة تمصلح << تعرفون ذا النبرة اكيد / عمييييييييي حبببببييييببببببييييييييي ..
رعد رفع حاجب وعارف النبرة / هااا .. " مد الفنجان على ريهام واشر لها بانه اكتفى " ..
رنا بنفس النبرة / عمي ممكن يعني تودينا السوق ..
رعد ابتسم / اذا فوفو تبي السوق وديتكم ..
البنات عقدوا حواجبهم باستغراب / ...............
روان بصوتها الناعم / من فوفو خالو ..
رعد ابتسم / من فوفو يعني .. هيفاء زوجتي ..
مياسه ابتسمت ../ ...............
رنا بفرحه / موافقه موافقه انا اضمن لك .. خلاص العصر تلقينا جاهزين ..
رعد بابتسامه وهو يهز راسه / اليوم لا .. مانا فاضين لك ..
رنا بضيق / لالا .. اووووووف .. ماعندنا الا صقر ..
رعد بجدية / ايش تبون بالسوق ومن اللي يبي يروح معاك ..
ريهام / البنات اللي عندهم مدرسه يبون السوق ..
رعد يهز راسه / اهمم .. خلاص خان يوديكم وميري .. والا خلصتوا كلموني وانا ادبر لكم احد يرجعكم ..
رنا تصفق / ووااوو حبيبي خالو ..
رعد وقف / يالله تبون شي .. انا رايح للمستشفى .. اشوف ابوي ونايف ..
مياسه / ايه والله نبي .. " تكلم ريهام " .. روحي جيبي السلة من المطبخ .. " ريهام بسرعة راحت للمطبخ لرعد "..
هذي قهوة وغداء للي مرافقين على نايف .. مجهزتهم العنود .. والعصر احنا بنروح له ..
رعد بجدية وحزم / لا .. محد يروح له .. حتى العنود ماراح تروح له ..
ساره بصدمه / ليه ..
رعد بحزم / بس .. وقولوا للعنود ..
ساره بضيق / ..............
مياسه بهدوء / ان شاء الله ..
رعد توجه للمطبخ واخذ السلة وطلع متوجه للمستشفى ..





ـــــــــــ





يوم جديد ..



الساعة 2:45 .. فجرا ..



بيت ابو سطام ..



في المطبخ جهزت القهوة .. تحس راسها مصدع و ثقيل .. ابد ما توقعت تنام هالوقت كله ..
حطت ترمس القهوة و حافظة التمر على الطاولة .. رجعت واخذت كيس التوست وصحن فيه شرايح الجبن ..
وصحن ثاني فيه شرايح خيار وطماطم .. وصحن ثالث فيه زيتون .. حطتهم على الطاولة ..
سحبت الكرسي و سمت بالله وجلست ..
سمعت صوت نحنحه واحد يكح .. رفعت جلال الصلاة على راسها ..
دخل راكان وهو عاقد حواجبه وعيونه منفخه .. وبصوت مبحوح من اثر النوم / السلام عليكم ..
العنود ابتسمت بتعب / وعليكم السلام .. " نزلت الجلال عن راسه " .. توك صاحي ..
راكان يسحب الكرسي الثاني ويجلس .. وبالم وهو يحط يده على راسه / ايه .. صددداااع ذبحني ..
العنود تصب له فنجان قهوة / تقهوا وافطر وراح يروح ..
راكان سم بالله و مد يده .. هدوء ما عدا صوت الصحون الصغيرة ..
بعد ما خلصوا فطورهم .. راكان سحب كاسة الموية وشرب ..
العنود لمت الصحون وغسلتهم ورتبتهم .. شبكت غلاية الماي بالكهرباء ..
ورجعت جلست عند راكان .. راكان كان لبس بجامتها ببلوزته السودء وبنطلونه الابيض مخطط بالاسود ..
العنود مسكت ترمس القهوة وبدات تتقهوا مع اخوها ..
راكان يتنحنح / سالتي عن نايف ..
العنود / ايه كلمت زياد قال انه هو وعناد عنده ..
راكان رفع جواله وارسل على عناد .. اذا صاحي يتصل عليه .. نزل جواله وطالع العنود بهدوء ..
راكان بهدوء / هاا ايش الي تبين تقولينه .. هذا انا صحصحت ..
العنود ابتسمت وبتلعب / بعد ما تشرب القهوة ..
راكان ابتسم / عنيد تكلمي ..
العنود وقفت وراحت تسوي الشاهي وتتكلم بجدية / لمتى بنقعد هينا ..
راكان عقد حواجبة / تبين ترجعين الرياض ..
العنود وهي تحط ورق الشاهي بـ الابريق / انا ما قلت كذا ..
راكان بهدوء / همممم ..
العنود بهدوء وهي تحط الابريق على النار / بيت ابوي اللي هينا .. " التفتت له " .. ليه ما نروح له ..
راكان بجمود يشرب من فنجان القهوة / تبين نفتحه ..
العنود تسحب الابريق وتصب لها في الكوب و لراكان ..
العنود بهدوء / ايش رايك .. نقعد في بيتنا براحتنا .. والا نقعد هينا ونتضايق ونضايق غيرنا ..
راكان ينزل فنجان القهوة .. تنهد / لا طبعا بيتنا افضل .. بس كيف ندخل .. الباب مقفل ..
وبعدين ابوي الله يرحمه حاط باب قوي وكبير .. يعني بنكسر ونهدم علشان ينفتح وندخل ..
العنود تجلس قباله و تمد كوب الشاهي لراكان .. / لا طبعا ما يحتاج لا هدم ولا تكسير .. المفتاح عندي ..
راكان تفاجاء بالاول بعدين رجع لهدوئه تنهد وهو يطالع لساعته / خمس دقايق وياذن الفجر .. بعد الصلاة نكمل الكلام ..
العنود بنبرة مقصودة / بعد الصلاة نروح نشوف البيت .. ايش رايك ..
راكان فكر لثواني وهز راسها / طيب ... اصلي وارجع اخذ المفاتيح واروح اشوف البيت ..
العنود ترفع حاجب / لحالك .. " تهز راسها ".. لا .. انا معاك ..
راكان يوقف ويبتسم / طيب .. " وبنبرة مقصودة " .. نشوف اخرتها معاك يا العنود ..
العنود / هههههههههههههه ..
راكان طلع وراح لجناحه غير ملابسه وتوضأ وتوجه لصلاة ..





ــــــــــــ






بيت ابو سند ..



ينشف راسه بالفوطة من الماي .. رفع نظرة وشافها قاعدة على الكنبة و تشرب حليب بارد .. شكلها متضايقه ..
رمى الفوطة على جنب وقرب منها ..
سند من الخلف حط يده على بطنها .. وبهمس / ايش فيك تعبانه ..
رنيم كانت سرحانه وفزعت لمن كلمها فجاة .. نفضت يده بعصبية / لو تعبانه ايش بتسوي بتداويني ..
انت وجعي وموتي وقهري .. الله ياخذكم كلكم .. " ضربت على بطنها " .. وياخذ اللي ببطني بعد ..
سند جن جنونه .. لمن ضربت بطنها .. مسكها بحدة / انتي مجنونه .. تبين تذبحين الولد ..
رنيم دفعت بحدة وبعصبية / ايه مجنونه ايش تبي .. تبي الفكة .. طلقني واخلص .. اكرهكم ..
اااكككررررررررررررههههههههههههههههههكككككككككككككككككم ..
سند بعصبية / استغفر الله العظيم .. يا الله صباح خير ..
" تركها وتوجه لغرفة الملابس .. لبس ثوب وسحب شماغة وعقالة وطلع " ..
رنيم جلست بتعب والم وقهر على الكنبة حطت يدها على بطنها محل الضربة ..
سمعت الباب وراها ينظرب بقوة معلن خروج سند .. رنيم انسدحت على الكنبة وانفجرت بكي ..





ــــــــــــــــــ





بعد الصلاة ..



العنود بعد ما صلت .. لبست عبايتها الجديدة .. عباية على الكتف .. واسعه .. مقفلة كلين ..
و ازرار صغير عند الرقبه .. لبست الشيلة وعليها البرقع .. وحطت شيلة عريضة ثانية تغطي لحد الخصر ..
وقفت قبال المراية وابتسمت .. وبهمس / راجعه الظبي .. بس اختلاف بسيط عنك يمه .. اسمحي لي ..
توجهة لغرفة النوم بهدوء .. شافت سارة نايمة .. بعد كم يوم الرجوع لـ المدارس .. سحبت الشنطة من تحت السرير ..
وطلعت الصندوق الخشبي .. فتحته بهدوء وطلعت المفاتيح .. اللي سببت ضجة من كثرهم ..
رفعت رسها تطالع لساره لتكون صحيت .. شافت ساره ما تحركت اخذت المفاتيح وحطتهم بشنطة صغيرة مع جواله ..
طلعت من الغرفة وتوجهة لباب المدخل .. شافت راكان يكلم بالجوال ..





راكان قفل الجوال وتنهد .. التفت على العنود ورفع حاجب وبضيق / رجعتي لحركاتك ..
العنود باستغراب / ليه ايش سويت !!..
راكان بطفش وهو يتوجه لها ويدخل جواله بجيبه / اقصد لبسك ..
العنود عقدت حواجبها / ليه مو ساتر .. فيه عيب ..
راكان يمسك يدها ويمشي جهة بيتهم وبضيق / لا ساتر .. مو انتي اللي يتعيب على سترها ..
العنود بخوف / راكان ايش فيك .. ليه ضايق .. نايف فيه شي ..
راكان بضيق / عناد يقول ان امس نفسيته تعبت وعصب وصار يصارخ عليهم .. و الدكتور عطاه مهدا ..
.... " سكت ثواني " ... ويقول محتاج لدكتور نفسي .. لازم يشوفه ..
العنود هزت راسها بضيق و وجع .. وهي تصد عنه / .................
لزمهم الصمت حد ما وقفت خطواتهم قبال جدار طووووويل وباب اسود اللي يشوفه يقول ماله فتحه لمدخل المفتاح ..
العنود حست برجفت يد راكان .. مارفعت عيونها له .. سحبت يدها من يده ..
فتحت الشنطه وطلعت المفتاح .. مسكت يد راكان وفتحت كفه وحطت المفاتيح بنص يده ..
راكان طالع المفاتيح بصمت .. فردهم وعدهم .. 10 مفاتيح .. مفاتيح صغيرة ومفاتيح كبيرة ..
انتبه للمفتاح الاسود الكبير .. وعليه نقشه بالذهبي .. مسك المفتاح ودخله لفتحت المفتاح ..
لكن يده وقفت عن تحريكه لفتحه .. حس برجفه تمتلكه .. فك يده عن المفتاح وجلس بضعف ..
العنود غصت بعبرتها .. ذكريات كثير مرت في بالها .. التفت على راكان بخوف وهي تمسك يده تحسب انه داخ ..
العنود بخوف / بسم الله عليك .. " جلست جنبه وهي تمسح على وجهه .. فتحت اول زر من ثوبه .."
راكان يحط يده على يد العنود ومد يده الثانية وحضن يدها .. سحب يدها وحطها على صدره ..
راكان بصوت يرجف والعبرة خانقته / احـ .. احســ ... احسه بيوو.. بيوقف ..
العنود جن جنونها رمت الشنطه على جنب وبخوف وهي تمسح على وجه / بسم الله عليك ..
" وبارتباك سحبت شنطتها وهي ماسكه بيدين راكان اللي على صدره " .. ابي اتصل على رعد يــ...
راكان يبلع جرعة من ريقة الموجع / لا .. لا .. لا تكلمين احد .. لا .. " حاول يوقف لكن الرجفة امتلكت رجوله " ..
العنود تسند اخوها وهي تسمي .. وبحنان / خلاص حبيبي خلنا نرجع .. ومتى ما ....
راكان يهز راسها وهو يضغط على كفها / لا .. لا .. بندخل ..
العنود تطالعه بالم .. ميلت نفسها للارض و مدت يدها واخذت الشنطة / .............
راكان ترك يدها وحط يده على مفتاح الباب وهو يتنفس بعمق .. حرك المفتاح .. و سمع صوت القفل ينفتح ..
" اخذ نفس عميق " .. و حرك المفتاح مرة ثانية حتى ينفتح الباب .. حس بثقل ..
ما يدري هو ثقل الباب اللي مال عليه .. والا ضعف صاب جسمه من سيل الذكريات الموجعه ..
دفع الباب حتى يتضح قبالهم الحديقة و زاوية صغيرة من البيت ..



وقفت خطاوية عن الحركة ..
ما قدر يدخل ..
رجوله خانته ..
عيونه تتجول بجزء من الحديقة اللي واضحة امامه ..


طاحت عينه على زاوية بعييييدة .. كان العريش بس مكسر و واضح علية اثار الهجر ..
ابتسم اذكر طرت على باله .. وكانه يشوفها ..



كان اول يوم يسكنون بالبيت ..
اول يوم لعايلة الفارس بالمجمع ..


كان الجد سند مريض .. ينقلونه بالنقالة ..
مايتذكر الجد سند وهو بقوة اليذكرها الجميع ..
كل ما يتذكر انه كان مريض ..
والوحيد اللي يدخل عنده ويشوفه وينام معاه سند ..


كان بعمر 9 سنين ..
يلعب بزاوية العريش بالكورة .. ابوة نبهها ان ينتبه لا يطيح ويتعور ..
لكن هو عنيد .. ما يسمع لاحد .. الا لتألم وبعدها يتندم .. طول عمره ما ينتبه الا بد ما يتألم ..
امه جالسه بجنب ابوه ويقهون .. وقتها امه حامل بالعنود ..
زياد بعمر 7 سنين جالس يلعب بالالوان الخشبية و كراسة رسم ..
فرحان فيها .. لانه بيدخل المدرسة بعد اسبوع ..
بدون ماينتبه زلت رجله وطاح من فوق العريش ..
فزع ابوة وبسرعه نزل حتى يشوفه جالس على الارض متالم ومفتشل ..
منزل راسه يطالع الارض .. ماسك عبرته ولف يده على ركبته ..
حس بيد ابوه على كتفه رفع راسه وشافه مبتسم بحنان / وانا ابوك .. بتكبر ان شاء الله ..
و لا بد بتطيح ويمكن تتوجع و تذرف الدم والدمع .. لكن مو هذا الوجع الحقيقي ..
الوجع انك ما تتعلم من طيحتك وتطيحها مرة ثانية ..




قطع سيل ذكرياته يد العنود اللي حطتها على كفه .. التفت عليها ..
العنود بحنان / راكان اذا تعبان لا تدخل ..
راكان صد عنها وطالع الباب .. رفع رجله اليمين وسما بالله ودخل ..


العنود سمت بالله ودخلت بعدة ..
حست بهواء قوي يدخل صدرها فجاه وبلا انذار .. محمل بكثير من الذكريات والاسرار ..
اختل توازنها وتمسكت بالباب ..
راكان واقف يطالع القصر الكبير .. والفخم الى اقصى حد ..
مختلف كلينا عن كل بيوت الفارس .. والى الان ماشف اجمل منه بتصميم ..
تقدم اكثر وهو كل خطوة بذكرى تخطر على باله ..
العنود تحركت وهي تذكر التوصيات والاسرار ..
وقفت وراء راكان .. قبال المدخل الرئيسي للقصر ..
التفتت لخلفها .. شافت الشجرة الكبيرة اللي بزاوية البيت .. كانت بس جذع واغصان ..
صحيح ما زالت شامخه بس جافه من الهجر والبعد .. كثير من الذكريات والاسرار تختبي تحت هالشجره ..
تذكرت العبة .. دمية صغيرة .. كان بسببها اول هوشه بينها وبين راكان ..
ابتسمت بحنين لهذيك الذكرى .. لكن سرعان ما تلاشت بس تذكرت من الشخص الثالث الي مشاركهم بها الذكرى !!
سمعت صوت المفاتيح التفت للخلف وشافت راكان يفتح الباب ويدخل ..
دخلت وراه وهي تسمي وتذكر الادعيه ..
راكان بتعب / كح كح .. كح .. الغبار يخنق ..
توجه لشبابيك وفتحهم .. حتى يتدخل اشعة الشمس بشوق للبيت ..
وضحت لهم الصاله ..
اثاث متناثر بكل مكان مغطى بفرشات مكوم عليها الغبار ..
راكان خنقته العبرة .. رفع عيونها لدرج .. تقدم خطوتين .. التفت على يسارة و طالع الاثاث متناثر ..
طالع لسقف .. اعشاش عصافير .. ثريا مكسورة .. تقدم اكثر رفع يده وتلطم بشماغه .. مايبي العنود تنتبه لدموعه ..
راكان وهو يحاول ما يبين نبرت صوته / الغبارة يخنق ..
العنود / .................
راكان قرب من الدرج .. شاف وضعه .. التفت على العنود وشافه واقفه عند الباب .. على اول خطواتها ..
راكان تقدم لها بهدوء ... العنود بنبرة حنين / دافي .. لزال دافي ..
راكان هز راسه .. وبنبرة يحاول تكون واضحه / البيت مايصلح ينسكن فيه ..
العنود باستغراب وهي عاقده حواجبها وبنبرة حادة خفيفه / ليه ..
ردد صدا البيت ورا كلمتها وكانه هو بعد مستغرب ..
راكان يمسك يدها ويطلعها برا البيت .. وبنبرة جدية / انتي شايفه وضعه .. يبغاله شغل كثير .. واكيد فلوس كثير ..
العنود بجدية وحزم / الفلوس موجودة .. و مادام الفلوس موجودة فالعمال موجودين ..
راكان ابتسم بسخرية / انتي مفكرة المبلغ اللي عطيتني اياه لساته موجود ويكفي ..
العنود بنبرة متلاعبه / لا طبعا .. انا بنت تجار ..
راكان عقد حواجبة وطالعها بنظرة تفهمها العنود ../ ..........
العنود ابتسمت .. فتحت شنطتها وطلعت كرت بنك .. ومدته له / اذا رحت تسحب .. خذا احد معك حتى لا يغمى عليك ..
راكان باستغراب عقد حواجبه ويطالعها / ليه كم فيه .. " مد يدة وسحب الكرت " .. ومن اين لك كل هذا ..؟!!
العنود ابتسمت / انت ولد من ؟..
راكان تنهد بضيق / اللهم طولك يا روح .. العنوووووووووود ..
العنود وهي تنزل من الدرج وتتوجه لشجرة / هههههههههههههههههههه ..
راكان بقهر التفت على باب المدخل وقفله .. وتوجه لها ..
العنود وصلت لشجرة .. وقفت قبالها .. رفعت راسها وطالعتها ..
راكان من وراها بعصبية / عنيد .. ردي عليه مثل الخلق .. لا اعطيك كف يهد وجهك لك ..
العنود ابتسمت وهي تلتف له / ايش اللي مو واضح .. " وبجدية " .. انت راكان سطام سعود الفارس ..
سطام يملك من الاموال الكثير .. وين هي .. ظنك انها كلها راحت بالشركة .. انت غلطان ..
سطام كان له حساب سري .. وهالحساب باسمك .. والرقم هو رقم ميلادك ..
هااا فيه شي مو واضح .. " وبنبرة مقصودة " ... يا ولد سطام .. " وبحزم " .. هالحين تكلم شركة **** ..
وتخليهم هم يتكلفون بكل شي .. وقل لهم ما ابي اي تغير ابي البيت يكون مثل ما اهو حتى الاثاث .. وهم يتصرفون ..
راكان واقف مصدوم .. / .......................
العنود حطت يدها على كتفها وضربتها مرتين بسخرية / لا تستغرب يا ولد سطام الفارس .. مشينا ..
راكان بقهر / عنود .. لا تلعبين معي ..
العنود طالعته وبنبرة مقصودة / فتح عيونك .. فتحها .. ومشينا الحين الكل صحى ..
العنود توجهت للباب .. وبعد ثواني لحقها راكان .. وهو يفكر بشي وبينفذه ..





ــــــــــــــــــ





بيت ابو سند ..


سند يفطر مع امه وابوة وهو عاقد حواجبة ..
سحب كاسة العصير بس انفلتت منه وانكبت على صدرة ..
ام سند وابو سند وفارس وياسر وغرام رفعوا روسهم له ..
ابو سند / بسم الله عليك .. اتركه واختك تجيب غيرة ..
سند يوقف وبضيق وهو يمسح اثار العصير بالمنديل ../ لالا خلاص .. الحمدالله ..
" ترك الطاولة وتوجه لمغاسل .. " اكرمكم الله " ..
ابو سند بهمس / كانه معصب ..
ام سند بهمس / الا معصب و مره .. من زمان ما شفته بذا التعصيب ..
ابو سند تنهد بضيق / .............
غرام وقفت وتوجهت للمغاسل .. شافت سند ..
سند بعصبية / خلصتي فطور ..
غرام باستغراب / ايه ..
سند بعصبية / اطلعي شقتي جيبي لي ثوب وتعالي ..
غرام باستغراب / ليه ما تطلع انت مره وحدة وتغـ...
سند بعصبية صرخ / تامرين عمتي .. انقلعي جيبي لي اللي طلبته بدون هرج فاضي ..
غرام تراجعت لورا بخوف و صدمه " اول مره سند يصرخ بوجهها كذا وبذا الحدة " ..
سند مسح وجهه وطلع لصالة .. توجه للكنب اللي قبال التلفزيون .. شغل التلفزيون و فتحه على قناة السعودية للقران ..
غرام طلعت من المغاسل ووجهها اسود من الضيقة .. ام سند تقدمت لبنته وبهمس / ايش فيه ..
غرام بغصة / طلب اجيب له غيار لملابسه من فوق .. قلت ليه ما تطلع انت .. قب فيني وصار يصارخ عليه ..
ام سند طالعت لسند .. ورجعت طالعت لابو سند وهزت كتوفها " ما ندري " ..
التفتت لبنتها / طيب اطلعي وجيبي له ملابس ..
غرام هزت راسها وتوجهة لدرج الخلفي .. فارس يوقف وتوجه لـ ابوة .. مال عليه ..
وبهمس / سند من امس متغير من بعد اتصال جاه وهو بالمستشفى عند نايف .. حتى ثار القلون واخذ ابرة ..
ابو سند يطالع لولدة .. هز راسه وهو يهمس / لا تكلمونه ولا تقولون شي .. هشششششش ..
فارس طالع لاخوة وتمنى لو يشيل الضيقة اللي بصدرة ..
ياسر وقف واخذ جواله والمفاتيح واشر " مع السلامة " وطلع .. ولحقه فارس ..
غرام بعد دقايق جابت غيار لخوها .. سند سحب الملابس ودخل اول غرفة قابلته .. غير وطلع ..
سحب شماغه والمفاتيح والمحفظة وجواله دخلهم بجيبة و طلع ...
ام سند بصدق / يالله يارب تحفظهم لي وتحميهم يالله .. " التفتت على غرام " .. وين رنيم ..
غرام بضيق / نايمة دخلت وطلعت ولا حست فيني ..
ابو سند / الله يفرج لها .. " ابتسم بحنان " .. هي متى تولد ..
ام سند بهم / هي المفروض بحسبتنا انه ذا الايام .. لكن هي تقول الدكتورة تقلها بداية الشهر الجاي .. والعلم عند الله ..
ابو سند / الله يقومها بسلامه هي واللي ببطنها ..
ام سند وغرام / امين ..






ـــــــــــــــ






بيت ابو سطام ..




ام سطام والعنود وراكان وسمر و مياسة يفطرون ..
راكان ساهي ويفكر ..
سمر والعنود ومياسه وام سطام يسولفون ويفطرون ..
راكان نزل فنجال الشاهي .. ووقف / تامرون على شي ..
الكل / سلامتك ..
العنود / ابو سطام .. لاهنت .. السلة مجهزتها على مدخل المطبخ .. قهوة وشاهي وفطاير ..
راكان رفع حاجب / متى سويتيها ..؟
ام سطام بفزع / لا اله الا الله .. اذكر الله ..
العنود / ههههههه .. " وبنبرة خبيثه " .. انا العنود .. " وغمزت لاخوها " ..
راكان بنفس النبرة / وانا راكان ..
العنود / هههههههههههههههههههههههههههه .. والنعم ..
رعد يتنحنح / احم احم .. يا ولد ..
مياسه / هلا حياك ..
رعد دخل خطوة وقف لتفت خلفه وهمس ورجع دخل / السلام عليكم ..
الكل / وعليكم السلام ..
رعد ابتسم وبنبرة مقصودة / مطول ..
راكان ابتسم / كنت ماشي .. " وبخبث " .. بس لانك مشتاق لي راح اجلس .. " و جلس " ..
رعد بعصبية / قم قم قمم .. مشتاق لك من قال .. كذاب قم انقلع بس ..
راكان باستغراب مع ضحكة / انا انقلع يا رعيد ..
رعد بعصبية / انا عمك عمت عين العدو .. احترمني ..
راكان يوقف / هههههههههه انا صاير ابو يعني كبير اما انت بح ..
رعد ينفخ صدرة وبنبرة مقصودة / يالله كلها تسع اشهر ثمانية اشهر واصير اب ..
ام سطام فتحت عيونها للاخير وبعدها ابتسمت وهي تكمل فطورة ../.....
رعد ابتسم / ما اقول الا مالت عليك انت وشيختك ذي النتفه .. " قبل راس امه " .. صباح الخير يا الغالية ..
ام سطام بنبرة مقصودة / صبحك الخير يا ابو سعود ..
رعد / ههههههههههههههههههههههههههههههههههههه .. يالله انا طالع تامرون على شي ..
العنود بنبرة مقصودة / ايه ..
رعد بجدية / امري ..
العنود بجدية / تعتذر من الشيخة ..
رعد رفع حاجب / اي شيخة .. " ابتسم " .. اييييييييييه .. " مال وسحب شيخة بقوة وقبلها بقوة خلاها تصيح " ..
رعد / هههههههههه .. " وهو يرجع شيخة لحضن امها " ..
سمر بزعل / لا عمي حراااام .. " وبعبرة " .. خلاص ماما ..
راكان يسحب عقال وبستفزاع / ابو شيخة .. تبكي بنتي انا ..
رعد يرفع ثوبه وبتمثيل / اجل النحشة .. هههههههههههههه .. " وطلع هو وراكان وسط ضحكاتهم ومزحهم " ..
هيفاء كانت واقفه ومصلبه خلف الجدار .. ما تبي تدخل مفتشله وان رجعت الباب فاتح للاخير راح يشوفونها ..
العنود بصوت عالي / فوفو .. تلعي .. طلعوا ..
هيفاء تدخل سحبت البرقع عن وجهها .. وبخجل / صباح الخير ..
الكل / صباح النور ..
قبلت راس خالتها وجلست جنب سمر وشيخه .. اخذت شيخه وقبلتها بهدوء .. / عمو زعلك ماشي انا اخذلك حقك ..
سمر بدلع / ايه خالتو تراه وجعها حيل ..
ام سطام قاعدة تفحص هيفاء بنظراتها .. وهيفاء انحرجت وصارت تتشيغل بلعب مع شيخه ..
سمر بهمس / خالتو شيوخ موسخه ممكن تسمحين اخذها ..
هيفاء بهمس / وانا بعد ابي اساعدك .. " توقف وتمشي قبالها تبي تنحاش من نظرات ام سطام " ..
العنود التفتت على مياسه وشافتها متضايقه وتسرح .. بهمس / عمه .. ايش فيك ..
مياسه تنهدت وبهمس / مضايقني حال صقر ..
العنود بضيق / ................
مياسه تنهدت وصدت ورجعت تفكر بولدها وحالهم ..
من وراهم بصوت عالي ...../ السلام عليكم ..
الكل التفت / وعليكم السلام ..
ام سطام توقف / هلا يا مرحبا .. حياكم الله ..
ام عبدالعزيز وهي تطلع الدرجتي / ابقاك الله ..
" وبعد السلام والسوال عن الحال " ...
العنود بابتسامه / ليه ما قلت انك جاية .. وبعد البندري والجوري ..
مشيرة / مفاجاة مو حلوة ..
العنود بابتسامه / الا حلوة .. " وقفت " .. خليني اشوف عيالي و اصحيه سارة ..
ام عبدالعزيز / يا م سلطان .. هاك .. هاك غرضك ..
العنود تقرب من ام عبدالعزيز وبشكر / فديتك .. جزاك الله خير ..
ام عبدالعزيز بنظرات حارقة للعنود .. لمن قربت العنود وجلست جنبها .. قرصتها بقوة .. العنود نقزت / اي يمه ..
ام عبدالعزيز بحدة / تشكريني على فعلي لولدي .. قمي ..
العنود / ههههههههههه .. اعذريني خلاص التوبه .. هههههههه ..
ام سطام / وانتي ايش جايبه ..
ام عبدالعزيز / جايبه اعشاب .. هذي خلطه للحروق قالي متعب ان نايف محروق ومجروح ..
" وبصدق " .. ربي اسلمهم من الحادث يا ربي لك الحمد .. انا يوم شفت فخذ ماجد كبدي انقطعت ..
العنود عقدت حواجبه وقرصت عيونها وجمعت شفايفها تركز في كلام ام عبدالعزيز وتربط الامور /..................
ام سطام / الحمدالله على سلمت ولدكم و سلمت ولدي ..
ام طارق / ايه والله يا ربي لك الحمد .. يوم شفته ما عرفته .. ويقولون نايف اكثر وجيعه ..
العنود تنهدت بضيق / الله يشافيه يا خاله .. ادعو له ..
الكل بدا يدعي بصوات متفرقه لشفائه ..
ام عبدالعزيز / وهذا سعوط .. وهذا مر انقعيه وشربيه منه كل صبح ومساء مقدار فنجان قهوة ..
والسعوط بعد له ولصغار .. زين لدوخه له .. ولصغار ما يضرهم المر ويخلف عليهم الروايح ..
ام طارق / وهذا بخنق خيطه على يدي .. حاطه فيه عويدي ومحلب .. البرد قرب لا تلتهب اذانهم ..
" تعرفون الفرنسيات الريفيات يوم يحطون على روسهم مثل الشلات الصغيرة اها مثلها هالبخانق " ..
العنود ابتسمت والتفتت على منصور الصغير / والله توني ابي اسئل مشيرة من وين اخذت هالبخنق ..
مشيرة ابتسمت / امي سوته له .. والله ريحته حلوة .. وبعد شوفي حاطة له سعوط ..
الجوري مغطيه انفها بطرف الشال والبندري بعد .. الجوري بقرف / خلاص شيلوة معاد اقدر ..
ام عبدالعزيز بحزم / ما تقـ....
......... باصوات متفرقه / السلام عليكم ..
الكل / وعليكم السلام ..
دخلت ام سند و ام سيف وام طلال وام عناد ...
العنود اخذت الاغراض وطلعت من الصالة .. حطت الاعشاب بمكن بعيد عن الاطفال ..
سحبت الخانق والسعوط شافت ميري .. وبهدوء / ميري ممكن تجيبين شيخة ..
ميري / ان شاء الله ..
العنود توجهت لجناحها .. صحت سارة واتصلت على زهرة تبلغها بوصول ضيوف ..
صحت اولادها ولبستهم وطلعت .. شافت ميري ومعاها شيخه ..
العنود سعطت شيخة ولبستها بخنق .. زهرة دخلت وباستغراب / ايش ذا ..
العنود / ههههههههههههه سعوط .. تعالي خلينا ناخذهم لصاله ..
زهرة ابتسمت / ابي اشوف شكل الدلوعه وهي تشوف بنتها ..
العنود بجدية / زهرة ما اسمح تغلطين على سمر ..
زهرة / ما اقصد .. بس دلعها ماسخ .. وثقيلة دم ..
العنود / لا من قال .. سمر دلوعه وهذا طبيعا .. متربيه على الدلع من هي صغيرة .. اما انها ماسخه وثقيلة دم ..
فلا .. هي حبابه .. بس ما عندها خبرة بالحياة .. وكل شي كان يتنفذ لها .. سمر حتى تفكير ما كانت تفكر ..
" وقفت " .. يالله بلا كلام فاضي .. وتعالي نشوف ضيوفنا .. " وبصوت عالي " .. سارونه لا تتاخرين ..
وطلعت لصاله ...





سمر بس شافت بنتها عقدت حواجبها .. العنود اعطتها شيخه .. سمر باستغراب وتقرف / ايش ذا .. توني منظفتها ..
الكل " على شكل سمر " / هههههههههههههههههههههههه ..
العنود ابتسمت / هذا سعوط وكل يوم راح احط لها ..
سمر / يعععععععع لالالالا ريحته شينه ومقرفه ..
ام سطام / لا بتحطه .. بنتك سنيناتها بتطلع والله ان ما حطتيه لتتعب عليك وانتي اللي بتعتلين ..
سمر خافت / هااا ..
العنود / لا تخافين .. شي عادي تتعب لمن تطلع الاسنان .. وبعدين اللي الله كاتبه بيصير .. هذي اسباب بس ..
سمر مو فاهمه بس هزت راسها / .................
الجوري تبوس الظبي .. الظبي كانت لبسه فستان اصفر بورود بيضاء وبلوزة بيضاء .. مع البخنق صايرة كانها ورده ..
البندري بخجل / عنود فيني اصور الظبي ..
العنود ابتسمت / بس لا ترسلينها و بلاك و واتس وما ادري شنو ..
البندري بفرحة / لالا بس ليه .. " وبدات تصور الظبي "..
هيفاء بعد ما البندري خلصت والتهت بجوالها .. هيفاء سحبت الظبي وفتحت جوالها ..
وصورت الظبي وسلطان باكثر من وضعيها .. وبعد دقيق بسيطة رن جوالها .. ابتسمت وفتحت الخط ..
محد كان منتبه لها الا سمر الباقي ملتهين بسوالف .. هيفاء بهمس / نعم .. ههههههه .. يمكن امها ماترضى ..
" رفعت حاجب وبخبث " .. واثق .. اوووووه .. طيب اسئلها واشوف .. " عقدت حواجبها " .. مره واثق ..
طيب .. " قفلت الخط والتفتت على سمر " .. يبيهم بالمجلس ..
سمر بهدوء التفتت على العنود وكانت قريبه منها بس الي بينهم مركى .../ العنود ..
العنود التفتت لها وبهدوء / نعم ..
سمر بهدوء خافت / بتال يبي عياله بالمجلس ..
العنود بهدوء / طيب .. " وقفت وتوجهت للمدخل سحبت عربية اولادها وجابتها طلعت اولادها فيهم " ..
سمر وقفت وتوجهت لهم / انا اوديهم ..
العنود بهدوء / ماشي .. " قبلت اولادها " .. استودعتكم الله ..
سمر اخذت الاولاد وطلعت بها للمجلس ..







ــــــــــــــــــــــــــــ




في المستشفى ..



سند عاقد حواجبه / ليه ..؟
راكان / بس ابي اطلع بدال الوثائق اللي راحت في البيت ..
سند عاقد حواجبه / طيب .. راح اكلم واحد واشوف ايش يقول ..
راكان / ضنك كم يوم تاخذ ..
سند تنهد بضيق / ما ادري .. " وبنبرة مقصودة " .. انا ليه حاس ان الموضوع غير ..
راكان ابتسم / لا غير ولا شي .. يالله خليني اشوف الدكتور واشوف تحاليل اخوي ..
سند هز راسه / طيب طيب .. وانا ابي اروح اشوف متى يطلع جدي لغرفة عادية ..
راكان / يالله بتوفيق .. بس لا تنسى موضوعي .. " وهو يضرب كتف سند " .. فمان الله ..
سند ميل شفته بسخرية / بحفظ الرحمن .. بس مردك تقول لي يا راكان ..
راكان وهو يدخل غرفة اخوه / هههههههههه ..
سند حط يدينه بجيوبه ومشي لغرفة جدة وباله مشغول بالاتصال .. تنهد بضيق وبهمس / الله يستر ..





ــــــــــــــــــ




بيت ابو عناد ..



على طاولة الفطور ..

ام عناد / ايه والله .. توها مقفله مني .. تقول تعالوا افطروا عندي .. قلتافطر ابو عناد والعيال واجيكم ..
ابو عناد بنبرة مقصودة / لو رحتي ..
ام عناد ابتسمت / وانت ما تفطر .. لا مايصير اخف الله فيك .. انت يتيم وما حولك احد ..
ابرار / ههههههههههههههه اجل رفته بحالك يبه مو حبا فيك ..
ابو عناد يهز راسه والابتسامه على شفاة / شفتي .. " رفع عينه لشجون المرهقه " وبنبرة حنونه .. شجون بابا ..
شجون رفعت راسها وبابتسامه / هلا بابا ..
ابو عناد عقد حواجبة / انتي تعبانه ..
شجون / لا بابا .. بس علشان سهرانه وما نمت ..
ابو عناد بحزم / ليه سهرانه ومانمتي ايش اللي مسهرك ..
ام عناد بضيق / على ذا الخربان الله لا يبارك فمن صنعه سهرانه هي وبنات عمها على الوس واس ذا ..
ابو عناد باستغراب / وس واس .. ايش الوس واس ذا .. " وهو يلتفت لبناته اللي يحاولون يكتمون ضحكتهم " ..
ابرار / هههههههههههههه يبه تقصد الواتس اب هههههههههههههه ..
ابو عناد وشجون وابرار / ههههههههههههههه ..
.......... بصوت مرح / السلام عليكم ..
الكل بفرحه / وعليكم السلام ..
بدر يقبل راس والديه ويجلس على احد الكراسي مقابل الطاولة وبفرحة / البشارة ..
ام عناد بفرحه / ابشر بها ..
ابو عناد / ها ايش عندك ..
بدر بفرحه / عندي اجازة اسبوع .. وبعدها اداوم بالمركز اللي بداية الشارع ..
الكل / مبروك ..
ابو عناد / ما شاء الله تبارك الله .. مو قالو بعد سنه ما ادري ايش ..
بدر بعجاب / الا يبه .. بس تدخل فيها متعب المنصور .. قبل فترة كلمته .. وقال ابشر .. وهاا ..
ام عناد بصدق / الله يجزاه الجنه .. ربي يفرح صدرة باللي يبيه .. ربي يرزقة بالزوجة اللي تسعدة ..
ابو عناد / اهاا ان شاء الله بس يطلع جدك و ولد خالك من المستشفى نحتفل بنقلك ..
بدر يوقف / ان شاء الله .. يالله انا طالع اغير وانام احس اني تعبان ..






ـــــــــــــــ






بعد ايام ..






بالمستشفى ..



............/ الحمد لله على السلامة ..
ابو سطام بتعب / الله يسلمك ..
سند / شوي شوي يبه على هونك .." وهو ينزله من السرير على الكرسي المدولب " ..
ابو سطام بتعب / ودوني لنايف ..
سند / نايف تلقاه وصل البيت قبلك ..
ابو سطام بتعب / هو طلع ..
سند / ايه طلع الصبح اليوم ..
ابو بتال / يبه لا تفكر كثير وتهتم .. الدكتور ايش قال لك ..
ابو سطام يعدل شماغه وهم يمشون باسياب المستشفى .. / ان شاء الله .. يارب .. استغفر الله .."وبداء يستغفر " ..








ــــــــــــــــــ






بيت ابو سطام ..



مجلس النساء الداخلي .. قلبته العنود غرفة لنايف ..



العنود وبيدها حافظة فيها مرق لحم / نايف وبعدين ..
نايف بعصبية / ابوي وامي وين ..
العنود صدت بتعب ورجعت طالعت فيه / ايش رايك .. تبيني اجيبهم لك هينا ..
انت تفكرهم لمن يشوفونك بذا المنظر ما يحسون .. خاف ربك يا نايف .. خاف ربك فيني ..
نايف يريح نفسه على السرير .. وبضيق / ابي انام ..
العنود وقفت وبتعب / نام .. نوم العوافي ..
طلعت من الغرفة وشافت راكان بيدخل سحبته وتوجهت للمطبخ / لازم يعرف ..
راكان هز راسها / الدكتور يقول نفسية الحين افضل .. وممكن نقوله بس الخوف انه ينتكس ..
العنود / لا ان شاء الله .. اول ما اشوف الوقت مناسب راح اقول له ..
راكان تنهد / يالله تفرجها من عندك .. جدي على وصول ..
العنود / عندي خبر ..





ــــــــــــــــــــ





بعد وصول الجد ..



عند جناح مياسة ..
كل البنات متجمعين ..
غرام / ودي اشوف جدي ..
نوال / كلنا ودنا ..
رنيم حست بالم اسفل بطنها وبسرعة حطت يدها اسفل بطنها وصرخت بقوة / ااااااااااااااااااه ..
البنات فزو على صرختها برعب .. غرام بخوف / ايش فيك ..
رنيم بالم / ابي اولد .. اولد .. ااااااااااااااااااااه يمممممممممممممممممممممه ..








انتهى ..


سبحان الله .. و .. الحمد الله .. و .. الله اكبر ..

لا اله الا الله محمد رسول الله ..

احوووووووووووووووووبكم

لا تنسوني من دعائكم ..


اختكم .. مشاعل السعودية ..