بسم الله الرحمن الرحيم

السلام عليكم ورحمة الله وبركاته

الحمد لله والصلاة والسلام على رسول الله

توكلنا على الله .. لا اله الا الله محمد رسول الله ..




البارت 29 ..




الله مــــن هـــمٍ تزايـــد علــى الــروح
طغــى عليها لــين روحـــي دمـرها
جــروح ســــد جـروح والقلب مجروح
فـي كـل ليـل العـين تشكي ســهرها
بــاب العنــى شفتــه مشـرع ومفتــوح
هـذي مـوردها والأخـرى صـــدرها
والصـدر قـام يـغــوش ياقـوم ويفـــوح
والنـار شبت فـي ضميري ســعرها
كــل السـبايب جــــادلٍ مــنـه مـــذبوح
عليـه عــينٍ تسحــر اللـي نـــظرها
مـــاودي أعـــــدد مزايــاه وأبــــــوح
مـن الأظــافر لــين هامت شــــعرها
الـعنق عنق الريــم والخصـر ممسوح
يــازين مــبسمها وزمــت نـــــحرها
بالمختصر غرون من الــبيض مملوح
مـثل الـقمر بـــالزين ســاطع قـمرها
جـعل الخيـال اللي سـرى بـــرقه يلوح
يــمطر على داره ويسـقي شـــجرها
نــطلبك يــامعبود يامنجـــين نــــــوح
يـامعـتني بــالناس عــــالم قـــــدرها
تــفرج لمنهو يزعج الصــوت وينوح
وســود الليــالي لـه تــزايد قـــشرها
وتـرد مـــنهو غاب والعـــذر مسموح
حبـــي بـــحبه ســــابحٍ فـــي بحرها
بيـوت شعــري لاسرت تبـعـد الشوح
وجــزل القوافــي لي تــقادح سـطرها
لــو مايخفف شعري الـهـــم والبــوح
عــيني خطيــر الهــم يعمي بـــصرها








بمكة المكرمة ..

احد الفنادق المجاورة للحرم ..



راكان / الحمد لله .. " وقف عن الطاولة وتوجه للكنب " .. " طلع جواله من جيبه وصار يفتش فيه " ..
ساره قاعدة على الكنب وتتراسل مع البنات بالواتس ..
العنود لملمت باقي الاكل ونظفت الطاولة .. شلت الصحون وتوجهت للمطبخ .. غسلت الصحون ونظفت المطبخ ..
اخذت سلة الزبالة " اكرمكم الله " .. وطلعتهم لعند الباب .. رجعت للمطبخ واخذت ابريق الشاهي وتوجهت لراكان ..
زياد طلع من الحمام .. وهو عند الباب .. العنود بهدوء / زياد .. " التفت عليها زياد " ..
العنود / اكرمك الله .. ممكن ترمي الزباله برا ..
زياد ابتسم / ابشري ..
العنود سكبت الشاهي بالفناجين .. قدمت لراكان وتركت فنجان على الطاولة امام المكان اللي بيجلس عليه زياد ..
واخذت فنجان .. راكان قفل جواله .. طالع ساره وشافها مركزة بالجوال .. ابتسم والتفت على العنود ..
راكان وهو مبتسم / متحمسه ..
العنود ابتسمت / يتكلمون عن المدرسة .. تبي تدخل علمي ..
راكان ابتسم والتفت عليها .. مد يده ولعب بشعرها .. ساره بضيق / راكااااان ..
العنود وراكان / هههههههههههه
راكان التفت على العنود وبهدوء / بكره نمشي لجدة .. نزور منار .. ونتمشى فيها شوي ..
العنود هزت راسها / على خير ان شاء الله .. متى نمشي ..
راكان / نصلي العصر .. ونمشي .. يعني اغراضكم تكون جاهزة قبل العصر .. وارتبها بالسيارة ..
ساره التفتت عليهم / ما نروح لـ الطائف ..
راكان بتلاعب وهو يشرب من فنجان الشاهي ويطالع لقباله / لا .. ورانا شغل .. وانتي وراك مدرسه ..
ساره بضيق / بس انت وعدتني ..
راكان بتلاعب / اشتقت لشيخة .. وابي اروح لها .. هي دلوعتي .. وانتي بطقاق ..
ساره صدت بضيق .. والعبرة خانقتها .. تلعب بجوالها والشاشة مو واضحة قبالها من الدموع ..
راكان التفت عليها وابتسم .. رجع ظهره للكنبه وسحبها لحضنه .. قبل راسها وبحنان ..
.. وهو يقرص انفها / امزح معاك يالدلوعه .. من عيوني نروح .. كم سارونه عندي .. كم يوم تبين تجلسين ..
ساره هزت راسها / ما ابي خلاص ..
راكان / هههههه .. طيب اجل حتى منار مافي لها روحه ..
ساره مسحت دموعها وصدت عنه .. حاولت تبعد عن حضنه لكن ما سمح لها راكان ..
زياد جلس مكان وابتسم / ليه زعلتها ..
راكان بابتسامه / لاني احبببببببهههاااا " وهو يقبلها بخدها بقوة " ..
ساره / اااااااي .. وجعتني ..
راكان يقبلها مره ثانيه / ما راح اتركك .. الا اذا قلتي خلاص ماني زعلانه ..
ساره تحاول تبعد بس ماقدرت / خلاص خلاص .. ماني زعلانها .. خلاااااااااص ..
راكان تركها .. وهي بعدت عنه وهي تعدل بلوزتها اللي تجعلكت .. / اوووف خنقني " مسحت على شعرها تعدله " ..
راكان يرفع يده .. وكانه بيحضنها مره ثانيه .. ساره بضحكة / لالا خلاص ما خنقتني ..
راكان / ههههههه تادبي .. " التفت على العنود " .. كم يوم تبون بالطايف ..
ساره / مو الطايف .. الطائف .. بـ الاف .. مو بالياء ..
راكان التفت عليها ورفع حاجبه وكنه يهدد .. ساره بتراجع / لالا الطايف بالياء .. بالياء " وهي ترجع تمسك جوالها " ..
راكان التفت على العنود / كم يوم ..
العنود بهدوء / على حسب الجوا اذا طيب جلسنا يومين او ثلاث واذا مو حلو .. مشينا لـ الخبر على طول ..
زياد بهدوء / منار متى تبينا نروح لها .. بعد المغرب ..
راكان / انا عرفت العنوان .. على طول نروح لها ونبقى شوي .. نصلي المغرب ونطلع برا .. مانبي نكلف عليهم ..
العنود / افضل ..
ساره تثاوبت .. العنود انتبهت لها .. / سارونه حبيبتي روحي نامي علشان تصحين لصلاة الفجر ..
سارة تطالع لساعة ../ توه بدري الساعة 11 ..
راكان بهدوء / لا مو بدري .. روحي نامي ..
ساره بعتراض / انا مو صغيرة لبغيت انام اقوم بدون لاحد يامرني ..
راكان ابتسم / مو ضغيرة .. طيب لا تنامين هينا وبعدين نبلش فيك انا وزياد .. تراك دوبيه ..
سارة رفعت حاجب بغرور ووقفت / على الاقل ازين من حرمتك ..
راكان ابتسم ونزل راسه يطالع فنجان الشاهي .. ساره فكرة انه زعل .. نزلت نفسها وقبلت راسه ..
ساره بعتذار / اسفه راكوني والله مو قصدي ازعلك ..
راكان بضحكة خفيفه / ههههه لا مازعلت .. يالله روحي نامي .. تصبحين على خير .. " مسك يدها وقبلها بحنان " ..
ساره راحت للعنود وقبلت خدة .. وبمزح / اباي انام بس عيالك لا يزعجوني ..
العنود بمزح / لا تشخرين وما راح يزعجونك ..
ساره شهقت .. وراكان وزياد والعنود يضححكون عليها .. ساره بزعل / انا اشخر ..
زياد بضحكة / لا تمزح عليك .. " مسك يدها وقبلها " .. احلام سعيدة ..
ساره وهي متوجه لغرفة النوم .. / يالله انا ابي انام وانتم اعقدوا اجتماع الامة .. تصبحون على خير ..
الكل / وانتي من اهله ..
راكان بهدوء بعد ما دخلت ساره لغرفته / كيف راسك الحين ..
العنود تنهدت / راكان .. قلتلك بس لاني زعلت .. الحين طيبه .. لا تشيل هم ..
راكان / وايش اللي زعلك ..
العنود بهدوء وهي تنزل فنجان الشاهي / ولا شي ..
راكان طالع زياد ورجع طالع العنود / العنود ما عاد ابيك تخبين شي .. يكفي اللي صار ..
العنود التفتت عليه وبحدة خافته / بالاول تعدل انت .. وبطل انانية .. خليني اثق فيك وبعدين راح اقل كل اللي عندي ..
" وقفت " .. تصبحون على خير .. " تركتهم وتوجهت لغرفة النوم " ..
زياد بعد مادخلت العنود لغرفة النوم .. التفت لراكان وبهدوء / ليه ما قلت لها ان المحامي اتصل ..
راكان / انتظر القضية تنتهي للاخير .. وتتقفل وبعدين اقول لها ..
زياد / راكان ؟
راكان وهو يلعب بجواله / هممم ..
زياد " بستغراب " / خالتي شريفة ليه كانت .. اممم .. كذا .. ما ادري احسها كانت تكرهنا ..
راكان بغموض / لانها مو خالتنا ..
زياد بستغراب / كيف ..؟
راكان رفع راسه / الحين امي وخالتي خديجو وخلود مو فيهم ملامح من بعض ..
زياد / الا ..
راكان / وشريفة كانت غير .. واللي عرفة باخر سنة من بعد رجوعي من امريكا .. ان شريفة مو خالتي بالصل ..
زياد بستغراب / اجل ..
راكان / شريفة ارضعتها جدتي الظبي .. وربتها بيننا .. كانت فيه حرمة جارت جدتي توفت هي وزوجها ..
" وكانه يحاول يتذكر " .. احترق البيت او شي .. المهم .. جدتك اخذتها ورضعتها و ربتها ..
زياد / وليه ما اخذوها اهلها ..
راكان يهز اكتافه / ما ادري .. يمكن مالها .. " وبضيق " .. خلاص ماتت وانتهاء الموضوع ..
زياد هز راسها .. راكان وقف .. / يالله خلنا ننام ..



ـــــــــــــ





بيت ابو سطام ..

شقة رعد ..

دخل شقته بهدوء .. شاف هيفاء جالسه قبال التلفزيون .. اول ما شافته .. وقفت وتقدمت له ..
هيفاء بابتسامه / هلا .. " مدت يدها بتاخذ شماغه " ..
رعد سحب شماغه وعلقها على العلاقة القريبه من المدخل .. تقدم خطوين ونزل جواله والمفاتيح والمحفظة ..
دخل غرفة تغير الملابس وسحب ثوبه ورماه على سلة الملابس .. ودخل الحمام ..
هيفاء واقفه عند المدخل .. له يومين يتصرف معاها بغرابه .. وكانها مو موجودة .. " معقول قرب وقت الطلاق "..
رجف قلبها .. التفتت على الغرفة وشافته يدخل للحمام .. توجهت للمطبخ و جهزت وجبة خفيفه .. فطاير جبن ..
وكاس عصير مانجو .. صارت تعرف كل التفاصيل اللي يحبها .. اخذت الصينية وطلعت لصالة قبال التلفزيون ..
طلع رعد من الحمام وهو ينشف شعره .. شاف البجامة جاهزة له .. لبسها وتوجه لغرفة النوم .. وقف قبال التسريحة ..
مشط شعره وتعطر .. توجه للإضاءة طفاها .. وراح لسرير رفع الفرشة ودخل تحتها ونام ..
هيفاء بالصاله قبال التلفزيون .. استغربت من إضاءة غرفة النوم ظلمت .. هيفاء بصدمه وداخله .. " معقول .. نام " ..
بعد دقائق .. وقفت وتوجهت له .. فتحت الاضاءة وتوجهت لسرير رفعت الفرشة بحدة .. / رعد ..
رعد ماكان نايم .. اصلا ماقدر ينام .. اول مرة ينام على السرير .. شم ريحة عطرة وحس بالنار شاعله بكل جسمه ..
هيفاء حكت يدا على كتف رعد وهزته .. وبحزم / قوم وتكلم معاي .. ليش تتصرف كذ..... هئئئئئئئئئئئئئئ ..
رعد سحبها ونيمها على السرير .. وصارت تحتها .. هيفاء تطالعه بصدمة ..
رعد بغضب / ليه .. ليه تقولين لهم اني ما لمستك .. ما توقعتك منحطة لهالدرجة .. بائعة هواء ..
حس بشي حار على وجهه .. هيفاء دفعته بيدينه ووقفت مبتعده عن السرير .. وبحدة وصدرة يطلع وينزل ..
....../ انا ما قلت لحد .. وانا مو بايعة هواء .. ولو ابي اقول لحد عن اللي بيننا كان قالته من اول شهر ..
مو بعد ما قرب زواجنا على سنه .. " رفعت اصباعها بوجهه " .. وانا قلت لك امك وابوك وامي كلهم يلمحون لشي ..
رعد وقف وقرب منها / انهم ابطيتي وما حملتي .. لكن مو انك بنت .. وانا ما لمستك ..
هيفاء بعصبية / وانت شايفني قليلة ادب اتكلم واقول ما لمسني .. وزوجي مو قادر عـ....
رعد جن جنونه .. ومن بين اسنانه وهيفاء مرمية على الارض وحاطه يدها على وجهها / قادر وغصب عنك ..
هيفاء والغصة بحلقها .. لملمت نفسها ووقفت ../ زوجي مو قادر على نسيان حبيبته ..
" صدت عنه وتوجهت للغرفة الثانية دخلت وقفلت الباب على نفسها " ..
رعد جلس على السرير وحط يدينه على راسه .. وهو يتذكر ابوة قبل يومين ..
ابو سطام بهمس / متى ناوي تدخل على مرتك ..
رعد بستغراب / اي مره ..
ابو سطام / هيفاء .. انت تحسبني ما ادري انك مالمستها .. انا عندي العلم ..
رعد ابتسم وبارتباك / يبه ايشلون مـ....
ابو سطام بحزم / اسمع يا ولد .. لك اسبوع .. ان ما جاني العلم انك دخلت عليها ..
وصارت مثل الرياجيل .. ليجيك علم شين .. والحين قم ورح لمرتك وفرح خاطرها ..




ــــــــــــــــ




بيت ابو طلال ..


شقة طلال ..

طلال يلعب مريم .. / بابا .. بابا .. يالله حبيبتي قولي بابا .. مريومه حبيبت بابا ..
مرام بهدوء جلست جنبهم .. طلال صد وصار يطالع التلفزيون ..
مريم بكيت .. مرام اخذتها وراحت لغرفتها .. غيرت لها ورضعتها ونيمتها ..
طلعت وشافت طلال يطالع فلم على mbc2 ومندمج معاهم ..
مرام عارفة انه زعلان .. توجت له وجلست جنبة .. قبلت كتفه وبهمس / اسفه ..
طلال بجمود يطالع التلفزيون / ...................
مرام والعبرة خانقتها .. / والله كنت ابي اقول لك من اول شهر بس ...
طلال بجمود / بس ايش .. تنتظرين تولدين وبعدين تقولين ..
مرام حطت يدها على فمها تكتم شهقتها .. طلال التفت عليها ورفع حاجب / تصبحين على خير ..
وقف وتوجه لغرفة النوم قفل الباب وتركها وراه .. مرام رمت نفسها على الكنبة وصارت تبكي ..




ـــــــــ



بيت ابو طلال ..

جناح الجازي ..

الجازي تحط الكريم مرطب على يدينها ../ ما شاء الله على مريم .. قالت لي انهم عيال بتال مو عيال نايف ..
عبدالعزيز ابتسم / ايه قالت لي .. " وبعد صمت لثواني .. بنبرة " .. الجازي ..
الجازي التفتت عليه باستغراب .. وقفت وتوجهت له وجلست بطرف السرير من جنبة / عيونها ..
عبدالعزيز مسك يدها وباهتمام / على انك انتي ومريم ضراير الا انك اقرب وحدة لها ..
الجازي / مريم قبل ما اكون ضرة لها انا بنت عمها ..
عبدالعزيز يهز راسه ويعدل جلسته وباهتمام / الجازي حلفت بالله .. تقولن لي مريم مرة شكت لك من شي ..
الجازي صدت .. مهما كان هي انثى وتغار .. / ايش قصدك ..
عبدالعزيز تنهد بضيق / مريم واضح انها تعبانه بس ماتبي تقول .. انتي تعرفين حالتها ..
من بعد ولادتها بطلال .. وتعبها اخر مرة .. خايف عليها ..
الجازي باهتمام / من ايش .. مريم ولا مره اشتكت من شي .. واذا تعبت يكون التعب الشهري المعتاد ..
عبدالعزيز باهتمام / ايشلون ..
الجازي بخجل / يعني .. الشهري يعني .. العادة ..
عبدالعزيز تنهد بضيق وبهمس / الجازي .. مريم اخر مرة جاتها الاتهابات حادة ..
لو ما لحقنا وعالجناها .. كان سببت لها سرطان بالقناة لبولية .. وانا خايف لا تسكت على نفسها وتتعب ..
الجازي بخوف / بسم الله عليها .. لا ان شاء الله ما فيها شي ..
عبدالعزيز / اسمع ..انتي قولي له انك شاكة بنفسك وتبين المستشفى وتبينها معاك ..
ولا راحت المستشفى اجبريها تسوي تحاليل .. تمام ..
الجازي تهز راسه / طيب ..
عبدالعزيز تنهد بضيق وشد الجازي على صدرة .. وبهمس / خلينا ننام .. وبكرة تسوين اللي قلته ..




ــــــــــــ




يوم جديد ..


بالمزرعة ..

في المجلس الخارجي ..

فتح عينه وشاف الضوء قوي .. معناته بانه مو صباح .. يمكن الظهر ..
رفع نفسه من الفرشة وهو يحس بجسمه مكسر .. التفت على يمينه اول ما سمع الصوت الساخر ..
.........بسخريه / يالله تمسية بالخير ..
بتال بصوت مبحوح واستغراب / انت متى جيت ..
........ وهو يصب له فنجان قهوة / قبل الفجر بساعة .. اتصل عليه ابو محمد .. وقال انك تعبان ..
بتال يحاول يتذكر .. التفت عليه وبحزم / سند تراني ماني فايق لك .. راسي مصدع ..
سند ابتسموبنبرة مقصودة / مو منك من من اللي تهذي باسمها طول الليل ..
بتال التفت عليه وبغضب / سند ..
سند ابتسم / تعوذ من اشيطان وقم صل .. وتعال افطر وتغدا ..
بتال سحب جواله وطالع في الساعة .. وبضيق / اووف الساعة 2 .. ليه ما صحيتني لصلاة ..
سند التفت عليه وهو مغطي نص وجه بالنظارة الشمسية .. وبغموض / مانت صاحي ..
بتال بضيق وقف وتوجة للفلة ودخل الحمام بعد ما تحمم ولبس و قضى صلواته الفايته .. رجع للمجلس ..
بتال بحزم وصوته مبحوح / قلي الموضوع من اوله .. تراني ما فهمت ايش تقول قبل شوي ..
سند ابتسم وهو يطالع قباله .. باب المجلس زجاجي كبير وفاتحة لـ الاخر ..
ويدخل معاه نسمات بارده محملة معاها رائحة العشب .. وبنبرة مقصودة / مانت صاحي ..
بتال عصب / انتم ايش فيكم مانت صاحي .. مانت صاحي ..
سند ضحك ضحكة خافته وقصيرة / طيب البارحة تتذكر ايش قلت لابو محمد ..
بتال يتذكر / ايه امممم اا " وفجاه تذكر وكانه حلم .. انخطف الون من وجه والتفت على سند " .. ايش قال لك ..
سند / هههههههههههههههههههههههههههههههههههههههههه
بتال صد عنه وهو معصب ويحس بصداع .. سند يحاول يتمالك نفسه .. / ههههه .. تعال تعال ..
" شال السفرة عن صينية الاكل .. والا حافظة فيه مرق لحم .. وصينية لحم وخضار .. وصحن رز " ..
سند بابتسامه / تعال كل .. علشان تاخذ علاجك ..
بتال / كح كح .. اي علاج .. " وهو يقرب من السفرة " ..
سند يعطية حافظة سلطة .. / اول كل سلطة .. لا تاكل دسم على معدة فاضية .. يوجعك ..
بتال ياكل من السلطة الخفيفة .. وبعد صمت ..
بتال بنبرة مقصودة / سند .. ايش قلت البارح ..
سند ابتسم وهو يطالع الباب / ولا شي .. بس صرت شاعر .. ههههههههه ..
بتال رفع حاجب وطالع سند / سننننننننند ..
سند نزل نظرة لصينية الاكل .. وبهدوء / الكل كان يخاف اطلع نسخة لجدي سند ...
صحيح كاني نسخة عنه بالشكل والصوت .. بس بالعشق لا .. اشبه جدي سعود ..
بتال رفع حاجب وبقهر / الحين ايش دخل جدك سند وسعود بالموضوع ..
سند ابتسم ورفع نظرة له .. / جدي سند من كثر ما كان يعشق الظبي .. ذبحها ..
مو يقولك ومن الحب ما قتل .. وهذا هو سند والظبي .. "صد وطالع جهت الباب .. وبنبرة مقصودة " ..
وليته عليها وعليه واكتفاء .. لا .. ظلم كثير .. واكثرهم جدتي شيخة وعياله .. كان كل ما عرف ان جدتي شيخة حامل ..
يزد جنونه .. يا ترا الظبي الحين حامل من زوجها .. لمسها وانا ما لمستها .. قدر يضمها وانا ما قدرت ..
قدر يتغزل فيها وانا لا .. ويزيد غضبه وقهره .. ويروح لجدتي شيخة ويضربها يضربها الى ان يرتاح ..
ولا شافها بدمها .. هج من البيت وراح للخلا .. يختلي بنفسه .. يعذب نفسه ويلومها .. " سكت شوي " ..
تعرف ايش كان يسوي .. كان يمسك الجمر ويكوي نفسه بجسمه .. اذكر لمن مرض وطاح ..
مكان يسمح لاحد يلمسه غيري وغير جدي سعود .. لانه ما كان يبي احد يعرف باللي فيه ..
" التفت على بتال وهو يشوف الصدمة على وجه " .. تدري من الظبي .. جدت العنود .. البارحة كنت مع جدي ..
وقال ياسند رجعت الظبي .. وياخوفي ترجع ياسند .. تدري من يقصد .. يقصدك انت ..
بتال رفع حاجب وبسخرية / الله اكبر .. انا الحين تشبهني بجدي سند .. انا عاشق .. عاشق من ..
سند بغموض / ..............
بتال بارتباك ترك حافظة السلطة واخذ من المرق .. والحم .. وصار ياكل ..
سند بغموض / ما اوجعت نفسك علشانك اوجعتها ..
بتال بقهر / ما اوجعتها .. ولا اوجعت نفسي ..
سند بغموض / و الي بساقك ..
بتال بصدمة رفع راسه وطالع سند .. وباستغراب / وانت ايش عرفك باللي بساقي .. فتشتني ..
سند يرفع يدة عن الاكل / البارح حممتك علشان تخف الحرارة .. وشفت العلامة ..
ويوم سالت ابو محمد قال انك انت حرقت نفسك ..
بتال يتذكر اللي صار ..

ابو محمد / تعشقها ..
بتال رفع راسه وطالعه بصدمه / ...........
وبعدها سحب العصى اللي بيده وحطها على ساقه وهو يطالع النار .. ما انتبه الا بصرخة ابو محمد ..
ابو محمد بخوف / انتبه .. تسلم .. تسلم .. " اخذ العصى منه .. رفع البنطلون وقطع الطرف اللي حولين الحرق "..
ابو محمد وقف / انا رايح اشوف الحرمة عندها مرهم للحرق والا نروح للمستشفى ..
بتال والحمى بدات تطلع لجسمه / والحرق اللي بصدري من يشفيه .. النار اللي هنا من يطفيها " وهو يضرب بصدرة "..
ليتها ما رجعت .. ليتني ما شفت زولها .. اوجعتني .. اوجعتني .. " رمى جسمه على الفرشة " ..
وبدا يهذي وينادي ويقول كلام مو مفهوم .. ابو محمد حاول يوديه المستشفى لكن ماقدر .. اتصل على سند وبلغه بحاله ..



بتال بغموض / ...............
سند بهدوء / ليه حاب توجع قلبك ..
بتال صد / ............
سند / البنت لو بها من اللي قلته كان وضح .. البنت شالت ابوها وامها واختها وعمرها ..
و حانا يا اهلها هادين الارض .. ولا شكت .. والله من اول مره شفته بالمستشفى ..
وانا اتحسف انك ضيعتها .. اللي مثلها ما يتركها الا المخبول .. عسى الله يرزقها بواحد يـ ...
بتال بعصبية / خلصت تغزلك فيها ..
سند يقهرة / وانت ايش يخصك .. اتغزل فيها ما اتغزل كيفي .. " وبنبرة مقصودة " .. انا افكر اخطبها واتزوجها ..
اذا سند الاول ما قدر يضم الظبي .. وفحفيدة يضمها .. " ما حس الا بتال ينط عليه ويضربه " ..
سند وبنية جسمة .. لف يدين بتال ورماه على الارض ومسكة بقوة .. صار بتال نايم على الارض وسند فوقه ..
ولف يدين بتال عكس بعض .. وبتال يصارخ من الالم .. سند يصرخ عليه / تحبها .. تحببههاااا ..
بتال بضعف / ايه احبها .. احبها .. بس قوم كسرت ضلوعي ..
سند يبعد عنه .. وبحزم / ويوم انك تحبها ليش طلقتها ..
بتال يجلس ويهمس يدينه .. / قلت لك .. كنت معمي من الغضب .. وو ..
سند بسخرية / ومفكر لو انك قلت تحبها ينكسر غرورك ..
بتال صد / ...............
سند يسحب المركى ويتكي عليها / اجل ذوق من عذاب فراقها .. وجدي سعود يقول اذا الظبي عنيدة مرة ..
فالعنود عنيدة مية .. قبل مشيهم لمكة .. قال لها استخيري ربك فارجعه لبتال .. تدري ايش قالت ..
بتال باهتمام التفت على سند / ............
سند / قالت له سميت ولدك بتال .. وهو بتل كل حبال الرجاء اللي بيني وبينه .. وانا ان تركته كذا تركته علشان عيالي ..
وحطوا في بالكم يا عيال الفارس ومقفاي مو مثل مقفى الظبي ..
بتال رفع حاجب .. وبنبرة غاضبة / تهدد ..
سند بغموض / .........
بتال بغضب / ايش تقصد بكلامها ..
سند / الظبي يوم راحت .. راحت لحاله .. بس العنود تقصد انها لا راحت راح تاخذ كل شي معاها .. فهمت ..
بتال عقد حواجبه / .................
سند بهدوء / شف كيس الادوية وراك خذ من كل نوع حبة ..



ـــــــــــ



بيت ابو طلال ..

الجازي متوترة ومرتبكه .. مريم منتبه لها من الصباح .. قربت منها وبهمس / الجازي .. انتي طيبه ؟ ..
الجازي تشتت نظرها بالصالة .. اماني تسولف مع نوال عن المدرسة .. وريان وسيف مع ابوهم ..
وطلال بشقته مع مرام وبنتهم .. الجازي بهمس / انا .. انا تعبانه .. شاك .. يعني .. ابي المستشفى ..
مريم بخوف واهتمام / عسى خير ..
الجازي خجلانه انها تكذب على مريم .. الي تعتبرها اختها اكثر من انها ضرتها ..
الجازي وهي تفرك باصابعها / خير .. خير .. بس ابيك تروحين معي للمستشفى .. تعرفيني ما احب اروح لحالي ..
مريم ابتسمت / خير ان شاء الله .. العصر نروح المستشفى ..
عبد العزيز اللي من شاف مريم والجازي يتهامسون و وجه الجازي احمر .. عرف انه تتكلم بالسالفه ..
قرب منهم بدون ما يحسون .. وهمس / عسى ماشر .. ليه تبون تروحون المستشفى ..
مريم ابتسمت بهمس / خير ان شاء الله .. بس الجازي بتسوي فحص .. وتبيني اروح معاها ..
عبدالعزيز ابتسم مو علشان الكذبه .. لان مريم ابتسمت .. وبهمس / اهاا طمنوني ..
مريم ابتسمت وهي تقام الحزن اللي بصدرها / ان شاء الله ..
عبدالعزيز ما خفت عليه نبرة الحزن .. وقف وتوجه للمكتب بسكات ...




ـــــــــــــ



بيت ابو سطام ..

شقة رعد ..

دخل شقته وشافه مظلمه .. ودافيه .. واضح ان التكيف مقفل من وقت طويل ..
دخل الصالة وشافها مقفلة اضاءتها بس اناره خفيفة .. سحب شماغه ورتبه ورماه على الكنبة ..
رعد / هيفاء .. هيفاء ..
دخل غرفة النوم وفتح الاضاءة .. وفتح التكيف .. وباستغراب / وين راحت ذي ..
توجه لتسريحة . فتح الكبكات .. وحطهم .. رفع يده بينزل الساعة طاحت عينه على ورقة طايحة على التسريحة ..
رفع الورقة .. وشافها من هيفاء ..


رعد ..
جافه الكلمة ..
احترت ماذا اكتب حبيبي ام عزيزي ..
عزيزي كشركات اتعامل مع احد عملائي ..
ام حبيبي .. لـ من ملك قلبي .. وتوج عليه حاكم من سنين ..
دون انتخابات او استئذان .. بال استحليته .. واقمت عليه نظامك ..
تجبرت وتفننت باصدار قوانينك .. حاولت لفت نظرك باني لا اريد هذا الحكم ..
اطالب بالتغيير السلمي .. ولكنك زدت تجبرا وطغيان ..
فشراييني دمرت .. وكريات الدم هاجرت ..
واصبح جسدي خاوي من الروح ..
ولكن ها انا اخيرا .. ارفع رايه العصيان ..
" اما حياة .. واما ممات " ..

هيفاء ..


جمع الورقة بقبضة يده بقهر .. جلس على كرسي التسريحة .. حط يده على راسه وشد شعره لوراء ..
رعد تنهد بضيق / اما زواج .. والا طلق .. كذا يا هيفاء ..
رمى الورقة بقهر بسلة الزبالة .. وقف وتوجه للحمام " اكرمكم الله " .. تحمم وطلع وهو ينشف شعرة ..
التفت يدور بيجامة له .. تافف بضيق وتوجه لدولاب .. فتح كم واحد يدور بيجامة او اي شي يلبسه ..
تضايق وهو يدور لبس وما لقي .. رعد بضيق / اوووووف وين هالملابس .. واخيرا ..
واخيرا لقي ملابسه لبس وخلاص .. توجه لجواله اللي كان يرن برنات رسائل الواتس ..
فتحها وشاف عيال الفارس يتراسلون راكان يرسل لهم من مكه .. و سند يرسل من المزرعة ..
يرسل صور الخيل والنخل .. ابتسم وهو يشوف صورة ابو محمد وهو يشوف الزرع ..
ابتسم اكثر وهو يشوف طلال يرسل صورة مريم هي على صدرة نايمة .. طلال كل كلامه ورسايلة بالواتس ..
او بالجلسه عن مريم .. وسند عن شوقة ولهفته لجيت المولود .. ابتسم بشوق وهو يشوف صورة الظبي وسلطان ..
رعد بهمس / ما شاء الله تبارك الله .. وحشتوني ..
ضحك وهو يشوف سعود يرسل صورة شيخة .. حس بشعور غريب .. بس بسرعه صد هالشعور ..
و ارسل لسند على الخاص بانهم مطولين بالمزرعة والا راجعين .. وسند بلغه بان بتال تعبان وراح يطولون ..
بس محد يدري بانه تعبان .. ولا يبلغ احد .. رعد توجه لغرفة الملابس .. وغير ملابسة ..
ومثل قبل تعب وهو يدور ملابس له .. لمن خرج كان وقت صلاة العصر .. صلى بالمسجد وتوجه للمزرعة بسرعة ..




ــــــــــــــ



بمكة ..

على طريق جدة ..



راكان من شاف صورة شيخة وهو قلبه يدق لها .. اشتاق لها ..
ساره خلف راكان .. تطالعه باستغراب / راكان ايش فيك سكتت ..
راكان بغموض / ولا شي ..
زياد طالع اخوه ورجع يطالع الطريق / ......
العنود ترضع الظبي .. ساره التفتت عليها / الظبي هاديه غير عن سلطان ..
العنود / اذكري الله ..
ساره / ما شاء الله .. لا تخافين عيني باردة ..
العنود بدون لا تنتبه وهي مشغوله ببنتها / العين حق .. وبعدين البنت دائما غير الولد .. بكل شي حتى بالولادة ..
ساره بخجل حمر وجهها صدت وطالعه الطريق من جهتها / ...........
راكان فجاه / هههههههههههههههههههههههههههههههه
زياد حط يده على فمه يكتم ضحكة وخجله / ............
العنود رفعت راسها باستغراب / ايش فيك ..
راكان / ههههههههههههههههههههههههه هههههههههههههههه..
العنود ابتسمت / بسم الله الرحمن الرحيم ..
راكان / هههههههه ايش قلتي هههههه ايش قلتي قبل شوي ..
العنود بصدق / اممم ما اذكر زين .. " وهي تحاول تتذكر " .. العين حق واا " تذكرت ايش قالت والتفتت على ساره " ..
العنود بخجل / ههههههههه .. وانت ما صدقت ..
راكان / ههههههههههههههههههههههههههههههههه " وهو يطالع ساره بالمراية اللي قباله " ..



ــــــــــــــــ



بيت ابو طلال ..

مريم والجازي لبسين العباية ونازلين من الدرج ..
سيف كان بالسيارة ينتظرهم ..
ركبت مريم قدام والجازي وراء .. توه سيف بيحرك الا ابوة يطق زجاج السيارة ..
سيف يفتح الزجاج / هلا يبه ..
ابو طلال بحدة / تاخذ حرييمي وتقول هلا . انزل انزل ..
سيف ابتسم وهو يفتح باب السيارة / هههه تفضل حضرة السلطان سليمان ..
ابو طلال / الا انا احسن منه " ركب وحرك سيارته " ..
مريم بهدوء / لو قلت لنا انك انت اللي ودك تودينا كان نزلت انا ورحت انت والجازي ..
عبدالعزيز " مو علشان كذا انا ماقلت " .. / انا بعد ابي المستشفى .. عندي شغله وابي اقضيها ..
مريم باهتمام / خير ان شاء الله ..
ابو طلال وهو يلتفت يساره ويلف يمين .. / خير ..


بعد ما وصلوا للمستشفى ..


ابو طلال عند المختبر / تحليل لنا كلنا ..
مريم التفت عليه .. / بس انا ما فيني شي .. الحمد لله ..
ابو طلال / ولا انا .. الحمد لله .. بس الحرص واجب ..
ابو طلال مكلم الدكتورة الخاصة بمريم من قبل .. ومبلغها بالفحوصات ..
الممرضة اخذت الجازي ومريم ودخلتهم قسم مختبر النساء ..
وابو طلال دخل مع الممرض قسم تحاليل الرجال ..




ــــــــــــ




بالمزرعة .. بعد ما وصل رعد ..
رعد يتكلم ومع سند ..
وبتال ماسك جوال سند وييطالع صورة سلطان والظبي .. جوال سند ممتلي منهم ..
بتال مو قادر يتمالك دقات قلبه .. يطالع الظبي ويشوفها شبه امها بس الفرق انها ملامحها بريئة .. اما العنود حادة ..
طالع بالعيون والانف والمبسم .. حس بنار بصدرة .. / كح كح كككككحححححححح ..
سند التفت عليه .. تقدم منه .. وحط يديه على جبهة بتال شاف الحراره رجعت وواضح انها اقوى ..
التفت لرعد / حرارته مرتفعه مره ..
رعد وهو يتقدم لهم / لزم ناخذه للمستشفى ..
بتال وصوته يرجف / لالا .. ما ابي مستشفى .. " ضم الـ اي فون لصدره " .. ليه رجعت .. لو بقيت بعيد ..
الحين ايش اللي بيحميه مني .. اذبحه .. متعب بالخبر .. تشوفه .. كح كح .. اكيد راح تحبه .. تحب عبدالله ..
راح اذبحهم .. لا تفكر انها تتزوجه .. كحححححح كححححححححححح ..
رعد باستغراب / هذا ايش يقول ..
سند وهو يقرب منه ويلف يده من تحت يد بتال ويثبتها من وراء كتف بتال / هذا يهذي ..
تعال ساعدني ناخذة للمستوصف القريب .. يعطونه ابرة تخفض هالحرارة ..
رعد يتقدم ويساعد سند ويحمله ../ لالا .. خلنا ناخذه على المستشفى .. هذا ما يبي له مستوصف ..
ابو محمد اللي شافهم من بعيد وجاهم وهو يجري / لا اله الا الله .. تعب زيادة ..
سند / ايه .. افتح الباب ياعم .. " يقصد باب السيارة " ..
ابو محمد يفتح الباب ويبتعد عنه .. نيمه سند على المقعد الخلفي .. وبتال يون ويهذي ..
سند ركب السيارة وطلع من المزرعة .. ورعد ركب سيارته ولحقة ..




ــــــــــــــــ




جدة ..


بيت منار ..


راكان جلس قبال منار على الكرسي .. والعنود جالسه بجنب منار على السرير ..
وساره تدور بالبيت .. زياد جالس على كرسي جنب راكان ..


العنود حاضنه منار من الجنب وبحنان / خلاص .. خلاص منور ..
راكان بهدوء / منار .. اذا بتقعدين تبكين ربع ساعة ثانية بنمشي .. تراك طفشتينا ..
منار تبعد عن حضن العنود وهي تمسح دموعه .. وبنبرة حجازية / لا لا خلاص .. بس وحشتوني مرررره ..
راكان رفع حاجب ويطالعها بضحكة / .............
ساره وهي تطالع بيت منار / منور ما شاء الله بيتك روعه ..
منار / ايوه هدا زوقوه لفتو اختو لعومر .. " ايوه هذا ذوق فتو اخت عمر " ..
راكان / هههههههههههههههههههههههههههههههههههههههههههههههههههههه
زياد يطالع منار باستغراب مع ضحكة / .................
منار باستغراب / واي ايشبك ياراكان ..
العنود غطت وجهه بيدينها وتضحك بقوة ..
زياد / هههههههههه منار ايش فيه لسانك انقلب ..
راكان وهو يضحك ياشر بيده / هههههههه لالا ههههههههههه منار ههههه ااااااه يابطني .. فضيعه .. ههههههههه ..
ساره باعجاب / لا والله منور كلامك مره حلوة .. قولي كمان قولي ..
منار ابتسمت وبعبط / ايش اقول .. واخوانك ايشبهم استخفوا ..
راكان والعنود / ههههههههههههههههههههههههه ..
العنود / ههههههه بدات شوي شوي ترجع هههههه ..
راكان يوقف وياخذ نفس / ااااااااه منار والله ان ما عدلتي لسانك على كلامنا لاصكك بكف ..
منار رجعت لطبيعتها / ياربي منك ياركين ابد مايمشي معك الدلع .. ما ادري سمر كيف متحملتك الله يعينها ..
العنود ابتسمت وبنبرة مقصودة / وهو قدر ..
منار التفتت عليها / ايش تقصدين ..
العنود غمزت بعينها .. راكان انتبه لهم .. رفع حاجب وبنبرة تهديد / اقول انتي وياها بلا نغزات مالها داعي ..
منار تغمز لها / اهااااا .. " و كانها تذكرت شي مهم " .. ايه صح خالتي شريفة وعبدالله ماتوا ..
العنود عقدت حواجبها / عبدالله .. " هزت اكتافها " .. ما ادري الحين عرفت ..
منار بهدوء / انا اكلم خالتي خديجة وخالتي خلود كل يومين او ثلاث .. وهي اليوم قالت لي ان عبدالله وشريفة ماتوا ..
بلغهم ابو عبدالله .. قال انهم ماتوا بحادث سيارة .. واخذ مها وحنان عنده .. الا ما دريتي ..
العنود فتحت عيونها للاخير .. وراكان بسخريه / لا اله الا الله .. شغاله بأخبار يقولون حضرتك ..
منار صد عنه .. وتكمل بفرحة / خالتي خديجة حامل .. وخلود بعد .. الفرق بينهم شهر ..
العنود بفرحة / حلفي ..
منار بفرحة / والله .. " تغير وجهها وبضيق " .. بس خديجة .. زوجها طلع متزوج عليها وحدة سورية من سنين ..
ومخلف عيال وبنات .. خالتي خديجة زعلت وتضايقت .. وبعدين رضيت .. لان زوجها يحبها موت ..
العنود بضيق / ......................
راكان بضيق / والله ما يلام الرجال .. متزوج من سنين وزوجته ما حملت ولا هو عارف السبب ..
فيبي يلحق على عمرة ويخلف خاصة انه هو مو صغير كبير .. وخالتي بعد كبيرة ..
منار بزعل / لا والله .. طيب يقول لها انه متزوج مو بسكاتي .. " وبحماس " .. ايه هو مو بس خباه عن خالتي ..
لا حتى اهله .. وامه زعلت وجدته صارت تدعي عليه .. وقاطعوه فتره .. وخالتي هي اللي صالحتهم مع بعض ..
زياد بهدوء / خالتي خديجة طيبه ..
راكان هز راسه / صح .. " وباستغراب " .. بس كان فيها شي غريب .. غباء او فهاوة ..
خاصه بعد وفاة جدتي .. مره رايحة مع شريفة وهي اللي كانت قبل تعارضها بكل شي ..
العنود بداخله " لانها كانت مسحورة .. ولقيت سحرها في بيت خالة شريزه حتى خلود ما خلتها في حالها ..
الحمد لله اللي الله شافاهم .. " ابتسمت " .. والله يسعدهم باقي حياتهم " ..
راكان يهزها من كتفها / هييييييييي وين رحتي ..
العنود انتبهت بهدوء / هممم سرحت شوي .. خير ..
راكان / يالله مشينا ..
منار برجاء / العنود الله يخليك اقعدوا شوي .. على الاقل لين يصحون عيالك ابي اشوفهم زين ..
العنود بمحبة / خلاص حبيبتي اللي قعدناه يكفي .. وبعد ما نبي نكلف على زوجك ..
سارة بحماس / راكان ابيك توديني منتجع الشلال ..
منار فتحت عيونها للاخير ../ بتروحون تتمشون ..
راكان وهو يحط يده بجيب بنطلونه الاسود .. واليد الثانية يقلب بها الجوال / ايه .. " غمز لها " .. يالله ..
منار تحرك نفسها ../ يالله ..
العنود تهديها / بنت شوي شوي .. و وين يالله .. وظهرك ..
منار بعناد / ابي اروح معاكم .. اختنقت من البيت .. والحركة عندي العربية اتحرك عليها ..
راكان حن عليها / طيب طيب شوي شوي .. خلاص نروح لشلال .. " التفت لساره " ..
انتي تلعبين وزياد معاك وانا اقعد مع منار والعنود والعيال .. بس ما نبي نطول فيها ..
ساره تهز راسها / طيب طيب .. بس خلينا ندخل .. ويصير خير ..
راكان فهم عليها وبصرامه / اهاااا يصير خير .. اجل مافي شلال .. نروح لـ الكورنيش لفه ..
" وهو ياشر بيدة على حركة دوران " ... وبعدين نروح لمطعم ونرجع منار ونرجع لمكه ..
ساره بصدمه / لالالالالالا ..
راكان بحزم / خلاص هذا اخر الكلام .. وبعدين انتي تلعبين واحنا ايش نسوي ..
ساره بدمع / راكااااااان ..
راكان بحدة / بنت ..
العنود لبست منار العبايه وهي تجلس منار على الكرسي .. التفتت لراكان / خلاص ..
.. " التفتت لساره " .. ساره .." واعطتها نظره يعني علشان منار " ..
منار تنهدت بتعب / اااه .. كذا تمام .. خلاص انا البس الطرحة .. " الشيلة " ..
العنود ماسكه الملثم .. بعد مالبست منار طرحتها ولبست الملثم .. / خلاص انا جاهزة ..
العنود تطالع بعباية منار السوداء والواسعة والشيلة العريضة ومافيه ولا لمعه والملثم الساتر .. ابتسمت بفرح ..
زياد / وزوجك ما تبلغينه ..
راكان ابتسم / انا ارسلت عليه اني راح اخطف اختي .. وهو قال خذها ولا ترجعها ابي اتزوج وحدة سليمه ..
منار قرصة عيونها / هو قال كذا .. طيب والله لينام الليلة بالفندق ..
راكان / ههههههههههههههههههه .. " وهو يعطيها الجوال " .. والله مانتي بهينه ..
الرجال مرعوب .. قاعد يترجاني ما قولك كلام يزعلك عليه ..
منار ابتسمت / فديتووو حبيبي ..
راكان / يالله يالله بلا دلع وغزل كذاب تاخرنا الحين تزدحم الشوارع ..




ـــــــــــــــ



بالمستشفى ..

سند يتكلم مع الدكتور / لا حول ولا قوة الا بالله .. والله فكرنا انها حرارة عادية ..
الدكتور / لا .. يبدوا ان الحرارة كانت داخليه من قبل .. لذالك الالتهاب حاد بصدرة .. ومتكوم البلغم بصدر ..
رعد / كم يوم راح يقعد بالمستشفى ..
الدكتور / الان معلقين فيه مضاد مع المغذي وان شاء الله يستجيب للعلاج وماراح يطول يومين او ثلاث ..
سند يمسح وجهه / خير ان شاء الله .. شكرا دكتور ..
الدكتور / العفو ..
راح الدكتور يكمل شغله .. سند رفع جواله .. / انا راح ابلغ خالي سلطان ..
رعد / لا تفجعه .. ترا سلطان يخرف على بتال ..
سند ابتسم / على عياله كلهم بس بتال اكثر .. " رفع الـ اي فون لذنه " .. الو .. السلام عليكم ..
كيف حالك ياخال .. بخير .. " فتح عيونه للاخير وبدهشه .. ابتسم " .. لا والله انه بخير ..
بس بتال ارتفعت حرارته شوي .. لالا ابد بخير .. بس الظاهر تروش وطلع للهواء وانت عارف الجو بدا يبرد ..
والمزرعة بزيادة .. هو الحين بالمستشفى *** .. يعطونه مضاد ويسون له شويت تحاليل .. على خير ..
" انهاء المكالمة والتفت على رعد .. وبستغراب " .. تصدق انه كان حاس .. على طول قالي بتال فيه شي ..
رعد / ههههههه ما قلت لك مخرف على بتال ..
سند يدخل جواله بجيبه ويتوجه لباب الغرفة / الله يخليه له ..
دخل الغرفة وشاف بتال نايم .. شاف المغذي وشاف بجنبة كيس المضاد .. / الله يشافيه ويخليه لعياله ..




ـــــــــــــ




يوم جديد ..


بيت ابو سند ..


في مجلس الرجال ..


فهد / معاها حق .. الحرمة لها سنه وهي في بيت اهلها وانت ما سالت عنها ولا عن بناتك تبيها ترجع لك بسهوله ..
راشد / اذا هي ما تبي ترجع فـ بكيفها .. اما بناتي يرجعون للبيت .. البيت صار فيه شباب .. وانا خايف على بناتي ..
فهد بسخرية / لا والله .. " وبجدية " .. توك تنتبه لهم .. وطول ماهم في بيت ابوسطام ماعليهم خوف ..
" فهد وقف " .. وانت يوم تسافر وتروح وتجي ما سالت عنهم و مأمن عليهم .. والحين تقول فيه وما فيه ..
" توجه لببابب المجلس ياخذ صينية الشاي من الشغالة " ..
خالد بهمس / اذا بتخاف على بناتك خاف من نفسك انت .. ونزل عيونك عن الشغالة لا ينتبه لك فهد ..
راشد عيونه اكلت الشغالة اكل .. صد عن الباب ورفع حاجبه مو عاجبه كلام راشد ..
فهد يحط الصينية على الطاولة .. راشد وقف / خلك يا اخوي انا اصب ..
فهد / والله يا هالعيال ما ادري وين راحوا ..
خالد / راحوا يزورون بتال يقولون تعبان ومتنوم بالمستشفى ..
فهد وهو ياخذ الفنجان من يد خالد / عزك الله يا ابو خالد .. اجل خلنا نتقهوا ونسير عليه ..
راشد / انا مو رايح " وقف " .. عندي شغل ..
فهد بسخرية / الله يا هالشغل اللي مقطع وقتك تقطع ..
راشد بضيق / مع السلامه .. "وطلع من مجلس ابو سند " ..
فهد بضيق / اخوك حاس انه بيجيب لنا مصيبة الله يكفينا شر غيباته ..
خالد بهمس خافت / ولو تدري ايش كان يسوي ..
فهد ينزل الفنجان / هاا ايش قلت ..
خالد / سلمتك .. بس ادعي له بالهداية ..
فهد يتنهد / الله يهديه ويصلحه .. اخوك من يوم تقاعد وهو " يهز راسه " متغير .. الفراغ خراب .. نبي نشغله بالشركة ..
خالد بسخرية / هو مراهق علشان يخرب .. لا والله " ابتسم " .. الا قول يبي له طقه على الراس كود يعقل ..
فهد / ههههه .. انت ماسمعت مراهقة المتاخرين .. كود انها صايبة اخوك ..
خالد بسخرية / ياليت ..
فهد / هااا .. انت ايش بلاك اليوم تتكلم وما افهمك ايش تقول ..
خالد / ولا شي ولاشي .. " يوقف " .. هيا مشينا نزور بتال ..
فهد يوقف / انتظر هنيا .. خلني اجيب شماغي من داخل ..



ــــــــــــــــ



بيت ابو طلال ..


بالصالة ..

الكل موجود ..

ابو طلال بابتسامة / ليه شايفني شيبت ..
طلال يبتسم / لا يبه .. ههههه الله يعطيك العافية ..
نوال معصبة من جوالها سعود بس يتصل ويرسل رسايل تهديد .. رمت جوالها على الكنبة بقهر ..
سيف التفت عليها / ايش فيك ..
نوال بعصبية / هذا ولد عمك صدع براسي ..
الجازي اللي معصبة من نفسها .. كذبت على مريم على انها شاكة وطلع صدق حامل .. توه حملها 3 اسابيع ..
التفتت عليها .. وبحدة / ردي عليه وخلصي نفسك ..
مريم ابتسمت .. وبهدوء / نوال ليه ما تبين تردين عليه ؟
عبدالعزيز بتحذير ممزوج بحزم / اصحك .. ولو تضطرين لتغير رقمك .. خله يتادب ..
نوال بقهر / يبه هذي ثالث مرة اغير الرقم وهو ياخذه من سمر ..
ريان يلعب بالاي بود وهو معصب .. فجأة رماه بقوة على الارض ..
الكل التفت عليه مستغرب ... الجازي بعصبية / ريان وجع .. ايش سويت ..
ريان تفاجا من صراخ امه ليه .. وانفجر صياح ..
الكل يطالعها باستغراب .. وقفت مريم وتوجت له وبحنان حضنته ومسح على ظهرة / خلاص حبيبي تزعل ..
اماني بسخرية / الله يادلع .. كله ذت غيرة علشان البيبي الجديد ..
ابو طلال فهم سر غضبة وزعله وقف وتوجه له بعد مريم عنه وحملة بين يدينه ورجع لمكانه ..
ابوطلال بحنان / افا افا افا الشيخ يزعل .. رياني يزعل .. وبعدين حتى لو جاء البيبي معاه بيجي بيبي طلال ومريومه ..
يعني بيسون رجه وانا ما احب الرجة .. ريوني حبيبي عاقل وكبير هو الي احبه .. ويروح معايه لزيارة الرجال ..
ريان يشهق بحضن ابوة / لا .. لا انت ماراح تحبني وبعدين ترمين عند الشارع وراوح عند الشحاديييييييييييين ..
الكل فتح عيونه للاخير مستغربين من الكلام .. طلال رفع عينه وشاف اماني تتسحب وتطلع الجري بسرعة ..
ابو طلال يكتم ضحكته .. ويمثل الجدية / انا لو ابي ارمي احد بالشارع ارمي المرجوجة اماني ..
" سحب منديل ومسح دموع ريان .. وقبله على خدة .. وبهدوء " .. انت كبير ورجال .. والرجال ما يبكي ..
ويالله روح غير ملابسك علشان نروح نزور بتال في المستشفى والا ما تبي .. " ونزل ريان عن حضنه " ..
ريان ينقز بفرح / الا الا ابي اروح .. " وتوجه لغرفته يغير ملابسه " ..
الكل ابتسم على حركته .. ابو طلال / هالاماني يبيلها مصعت اذن ..
نوال بضيق / يبببببببه فكني من ولد اخوك .. " وهي تمد جوالها " ..
ابو طلال يفتح الخط / ..................
سعود ماصدق / ما بغيتي واخيرا .. يعني حارمتني من الشوفه وحارمتني من الاتصال .. انتي من اي عصر ..
ومن اي نوع .. خبري البنات يموتون بذا السوالف لكن انتي عوبه عووووووووووبه ..
ابوطلال ينعم صوته / وانت مهبول مهببببببببببول ..
سعود / ...................
الكل يحاول يكتم ضحكته .. ابو طلال بجدية / سعودوة ان اتصلت مرة ثانية على بنتي ليتأجل زواجكم سنتين ..
سعود بارتباك / ااا لالا اا .. بس ياعمي ماترد عليها ولا تبيني ازورها ..
ابو طلال / ادفع المهر وجيب البيت والسيارة والخدامة والسواق وبعدين كلمها ماحد بيمنعك ..
سعود بضجر / طيب لو مرة وحدة بالاسبوع ..
ابو طلال / ولا دقيقة .. ويالله مع السلامة .. والحين جايك في المستشفى راح اكسر راسك .. " وانهاء المكالمة " ..
الكل / ههههههههههههههههه
نوال بفرحة / احسسسسن .. " ومسكت جواله واعطت الموجز الاخباري لـ ابرار .. والنشرة بعد قليل في بيت جدها " ..




ــــــــــــــــــ




بالمستشفى ..


ابوسطام وهو يميل على بتال ويهمس له بسخرية / ما تهواها .. " وهو يقلدة بهذيانه " .. العنود العنود ..
سند اللي كان واقف قريب من جده وبتال / ههههههههههه
بتال صد بغيض / ................
ابو سطام / ههههه يا ولد قل قلبك يهواها ..
بتال ببحه / لا .. وبداخله " مدري كيف هويتها .. بلا موعد وبلا استئذان .. فجاة امتلكت كل خلية فيني " ..
ابو سطام بسخرية / الله يعوض عليك ..
بتال التفت عليه بستغراب وهو عاقد حواجبة / .............
ابو سطام وهو مازال على نفس وضعه / اقولك تبي ترجعها لك ..
بتال / لا " وهو يصد ويطالع السقف " ..
ابو سطام يرفع راسه لسقف .. وبسخرية / من تشوف فوق .. " رجع لبتال وبهمس " .. عنود الصيد ..
بتال بغيض / ...................
ابو سطام بهمس / اسمع يا ولد .. انت اللي ابعدت العنود عنك ... وانت اللي ترجعها .. انا ما ابي اغصبها واخسرها ..
هذي ريحة سطام .. وانت الي غرست يدك بالشوك .. والحين طلع شوكك بالحالك ..
" وقف .. وبصوت عالي " .. الله يشافيك ويعافيك .. ويحقق امناك ..
بتال تنهد بصوت مسموع .. سند التفت عليه وصد عنه .. ابو سند طلع ورا عمه وابو عناد بعد ..
ابو طلال / الا كيف زادت عليك الالتهاب لدرجة ذي ..
ابو بتال / قبل لا يروح للمزرعه كان يحس بتعب .. وكان يبلع بالبندول ولا راح للمستشفى ..
وبعدها بيومين زادت عليه بالحيل وطاح على ابو محمد واتصل على سند .. وسند جب له مضاد وعلاج من الصيدليه ..
يحسبها صخنه عاديه .. وهي خبيثة قاعدة بصدرة .. والهبته له .. الحمد لله وصلت لها الحد ولا زادت ..
ابو طلال / اي والله الحمد لله .. " التفت يمين ويسار " .. الا وين رعد وغيث ..
عناد يرفع راسه من الجوال / نزلوا تحت الكفي .. " ورجع راسه للجوال " ..
ابو بتال / انت ما تقول ايش عندك فالجوال ..
عناد رفع راسه وبحماس / هذا راكان يرسل عليه صور من الشفاء يقول برد ومطر والله الصور تشوق الواحد لروحة ..
بتال ركز كل حواسة مع عناد .. ابو بتال / قله ينتبه من البرد على الصغار ..
عناد بعفوية / يقول ام سلطان ما خلتهم .. نزلتهم للهدا .. يقول برادها اشوا .. اخف شوي ..
ابو بتال / الصغار ما يتحملون البرد ضعيفين .. " ابتسم " .. والله اني اشتقت لهم ..
بتال رجع راسه للخلف وغمض عيونه وتنهد وبهمس خافت جدا / وانا اشتقت ..
سند ابتسم ومال عليه وبخبث / للعيال والا امهم ..
بتال وهو مغمض عيونه / هشششششششش
دقائق وسمع صوت انتظام انفاسه وعرف الكل انه نام .. فطلع الكل معدا عناد اللي راح ينام عنده ..




ـــــــــ



بيت ابو سطام ..

جناح بنات مياسة ..

نوال / وين هيفاء ؟ ..
ريهام / هيفاء من امس في بيت اهلها ..
ابرار / زياره ؟ ..
رنا / لا .. اتوقع انه زعل .. لان خالي رعد من امس ما رجع للبيت .. وصقر يقول نام معاه بالاستراحة ..
مرام متفاجأه / لاااا ..
ريهام / وريما تقول شكلها يا تعبانه يا زعلانه ..
رنيم ترفع جوالها .. / محد اتصل عليها ..
الكل / لا ..
رنيم تتصل وتفتح الصوت .. البنات سمع الرنين وسكتوا .. " وبصوت هادي " .. / الو ..
البنات / سلاااااااااام ..
هيفاء / هههههه هلا وعليكم السلام ..
رنيم / كيفك ..
هيفاء / بخير ..
نوال تغمز للبنات / وحشتيناااااا..
هيفاء بتعب / وانتم اكثر ..
ابرار / فوفو مطوله ..
هيفاء / اممم .. انا تعبانه الحين لمن اتشافى ان شاء الله ارجع ..
نوال بنبرة مقصودة / اقول فوفو ليكون سويتي سوات امي غرتي من مرام ووواااااا .. هاااا ..
هيفاء باستغراب / نعم .. نوال ما فهمتك .. ايش اللي سوته امك ومرام ..
نوال بضحكه / اوووووووووه انتي مو داريه عن العالم .. امي حامل ومرام حامل ..
هيفاء ببرود / اممم ما شاء الله الله يتممه على خير ويقومهم بالسلامة ..
الكل / امييييييين ..
نوال / وانتي ..
نوال ببرود / لا لا راح فكرك لبعيد .. بس انا تعبانه شوي شكله برد زي ولد اختي فحبيت ارتاح عند امي ..
البنات صدقوا / اهاااااااا ..
رنيم / يالله فوفو .. اصلنا علشان نطمن عليك ويبدو ازعجناك ..
هيفاء / لالا ابدا بلعكس فرحتوني ..
رنيم / حبيبتي .. فمان الله ..
هيفاء / فحفظ الرحمن ..
انهت رنيم المكالمة .. التفتت للبنات / الحرمة تعبانه شوي وتبي ترتاح بس ..
رنا / لا .. ريما تقول انه زعلانه .. وامي قالت لجدتي .. وخالتي ام عزام كذلك قالت لجدتي ..
وخالي رعد ما رجع ولا فتح جواله .. السالفه كبيرة .. الله يستر ..
البنات يطالعون بعضهم باستغراب .. رنيم توقف / الله يستر على خلقه .. المهم تطمن عليها ..
انا رايحة عند جدتي .. اللي تبي تروحي معاي تمشي .. " البنات كلهم وقفوا .. ولحقوها .." ..




ـــــــــــــــــ



بالطائف ..

راكان وقف قبال السوبر ماركت ونزل وزياد توجه لمحل التميس .. كان المطر يرش خفيف ..
ساره بضيق / واي ما ابي ارجع ..
العنود بحزم / بنت .. تعوذي من الشيطان .. وقولي يارب ترجعنا بالسلامة ..
ساره تنهدت وصدت تطالع الناس اللي برا .. عقدت حواجبها وهي تشوف راكان واقف مع واحد برا الماركت ..
مسحت الزجاج .. / العنود شوفي شوفي .. " العنود التفتت عليها .. ساره تاشر على جهة راكان " .. من ذا ..
العنود تعبانه من العادة والم ظهرها وبحدة / واحد قالك ان انا سجل الاحوال المدنية .. لرجع راكان اساليه ..
ساره عقدة حواجبه وسكتت .. العنود بحدة / بنت خلاص عيب .. الرجال الحين ينتبه عليك ..
ساره / لالا السيارة مضلله .. يعني ماراح يشوفني ..
العنود بحدة ومن بين اسنانه / سوير .. بلا قلة ادب .. والحياء من الله مو من خلقه .. ابعدي عن الزجاج والا ..
ساره من سمعت نبرة التهديد بعدت عن الزجاج بضيق .. / اوووف ما تشوفين ما تلعبين بس خليك دادا لظبي .. اوووف..
العنود رجعت راسها لورا بتعب وغمضت عيونها .. وسلطان نايم بحضنها ..
رجع زياد وراكان لسيارة وحركوا راجعين للمنتجع اللي حجزين فيه ..




ــــــــــــــ



بالكوفي ..




غيث ينزل كاس العصير بهدوء / يعني ..؟!!
رعد وهو يحرك السكر بكوب الكابتشينو وبهدوء يخلطه توتر / خليها ترتاح الحين وتفكر .. وبعدين نتكلم ..
غيث بجدية وهو يطالع كاسه / اسمع يا رعد .. انا اكثر واحد يعرف اللي بينك وبين عبير .. " سكت لثواني " ..
انت ما تحبها .. " رفع راسه وشاف رعد يطالعه بغضب " .. انت حتى ملامح وجهه ماتذكرها ..
اذكر عرسك زين .. واذكر ايش صار فيه .. " قرب لرعد وببهمس " .. ومتاكد ان عبير الله يرحمها عذرا ..
انت ما لمستها .. " وهو يهز راسه " .. ولا شفتها .. كانت خجوله .. ومتوتره .. وتعبت هذيك الليلة حيل ..
ونامت بحضن امها زوجة عمي الله يرحمهم .. واليوم الثاني الظهر لمن وصل العلم لابوي وعمي ..
راحوا للفندق اللي انت حاجز فيه .. ودخلوا على عمتي وعبير .. وضربوهم ضرب كسروهم فيه ..
" رعد حمر وجه قهر وغضب " .. " وغيث يتكلم بطريقة استفزته " ..
غيث / انا ما وصلت الا متاخر .. وانت ما عرفت كنت نايم بجناح ثاني .. ولمن صحيت على صوت ..
كان عمي واقف على باب جناحك يدق وهو بقمة الغضب .. رماها عند رجليك .. واعطك كم كلمه اجرحتك ..
اخذتها وبعدين توجهت للمطار .. وقت طيارتك .. طلعت والغضب والقهر بصدرك .. اسرعت بالسيارة ..
وكانت تصيح بخوف ورعب .. وتدعي .. " سكت وهو يشوف نظرات رعد تتغير لندم .." ..
رعد بغصة وهو يطالع الكوب / قتلتها .. لو ما ترجيت امها تنام عندها او ترجع بنتهم معاهم ما صار اللي صار ..
انا السبب .. انا .. وعصبت من كلام ابوها الجارح برجولتي .. " هز راسه وهو يقيض يده بقهر " .. ايه مو رجال ..
لو رجال كان احتويت خوفها .. لو رجال كان حميتها .. انا السبب .. كنت اصارخ عليها وادعي ..
" سد اذانه بيدينه " .. للحين اسمع صوت صراخها ودعائها وانينها .. للحين دعوات ابوها براسي ..
لو ما اسرعت بالسيارة ماصار الحادث ولو ما تركت الطب كان ممكن اساعدها .. بس .. " هز راسه " .. ما عاد يفيد ..
غيث بهدوء / انت تحتاج دكتور نفساني ..
رعد ابتسم بالم / رحت .. تفكر سنين اللي برا كنت العب .. بس ماكنت اطول واهرب منه ..
" صد عن غيث وبالم " .. سطام ياما حوال فيني .. بس بعدين تركني .. يمكن مل مني وتعب ..
" تنهد بضيق " .. ويمكن يئس .. الله يرحمه ..
غيث بهدوء / الله يرحمه .. بس ما يصير الحال اللي انت فيه .. راح اكلمك كا صديق مو اخو هيفاء ..
لا تخسر هيفاء .. صدقني ان خسرتها راح تندم مثل ما انت الحين ندمان ..
رعد هز راسه / ..............
غيث تنهد بضيق .. وقف واخذ محفظتها ومفاتيحه وجواله / اذا ودك تقول شي .. انا موجود .. فمان الله ..
رعد هز راسه وبضيق / فحفظ الرحمن ..




ـــــــــــــــــــ



بالطايف ..


العنود جالسة على كرسي بحوش الفلة اللي مستاجرينها بمنتجع .. الجوال بيدها تقلب الصور ..
وقفت عند صورة نايف .. طالعتها بشوق وخوف .. ضمت الاي فون لصدرها وكانها تبي تطمن قلبها ..


اذا انت تنام في الغربه
ومتهني في منامك
انا ليلي ما انامه
فمان الله يا مسافر
عسى الله يسمح ادروبك
وترجع بالسلامه
اذا بتطول الغربه
امانه لا تقاطعنا
ودوم ابعث سلامه
فمان الله يا مسافر
معاك ايام عشناها
لها بقلوبنا ذكرى
ولها شوق وهيامه
فمان الله يا مسافر
اذا انت تنام في الغربه
ومتهني في منامك
انا ليلي ما انامه
فمان الله يا مسافر
انا بيني وبين نفسي
اطلب من الله وادعي
يردك بالسلامه
فمان الله يا مسافر ..


تنهد بضيق وبهمس خافت / فمان الله .. استودعتك الله يا الغالي .. " حست بيد على كتفها " ..
راكان يجلس جنبها وحضنها من الجنب .. طالعها بحنان .. وبهدوء / اقلقك غيابه ..
العنود تطالع بالورد اللي قبالها .. بضيق / وانت ما اقلقك ؟
راكان بهدوء وهو يطالع مكان ما تطالع العنود / قبل يومين كلمت عزام ابو رفيف ..
كان يشتغل بسفارة ببريطانيا .. و له معارف هناك .. قال يسال عنه وعن ماجد وبعد كم يوم ويرد عليها ..
العنود ابتعدت عنه و التفتت عليه .. وباهتمام / اتصل .. رد عليك ..
راكان هز راسه / لا للحين .. " التفت عليها " .. وبعدين توني مكلم الرجال ..
العنود حطت راسها على كتف اخوها .. تنهدت بتعب وغمضت عيونها / ..............
راكان حضنها .. وبهدوء / ارمي حمولك عليه وانا عضيدك ..
العنود ابتسمت وهي مغمضه عيونها .. وبخبث / متاكد
راكان انشد جسمه اللي بدا يتعافى شوي من اهتمام العنود والاكل اللي تسوية .. وبحزم / افااا وانا ابو شيخه ..
العنود ضحكت وهي تبتعد عنه .. وبخبث / والنعم بولد شيخة ابو الشيخة ..
راكان ابتسم بالم ونزل راسها .. وبضيق / تكفين يا اخت نايف لا تزيدينها ..
العنود رجعت راسها على كتفه .. وبعتب / اوجعتنا بصدك يا راكان اوجعتنا حيل ..
راكان بالم / ................
العنود رفعت راسها وحضنت ذراع راكان .. فتحت شعرها ورجعت رمت راسها على كتف راكان ..
العنود بعد صمت لدقايق .. بهدوء / ايش تبي اقول ..
راكان بهدوء / كل شي ..
العنود ابتسمت .. وبنبرة مقصودة ممزوجه بخبث ودلع / كللللللللللل شي .. الله يا كبرها يا راكان ..
راكان يهز كتفه .. وبنبرة حازمه مازحة / ما كانك مستخفه فيني ..
العنود بنبرة جادة هادئة / قصدك مو مأمنه فيك ..
راكان نفضها عنه .. وبحدة / العنود ..
العنود ابتعدت عنه قليل .. رفعت حاجب / ليش زعلت .. انا ما قلت الصدق ؟!!..
راكان صد عنها .. وبضيق / كان زمان .. بس الحين كل شي تغير ..
العنود رفعت حاجب وبسخرية / زماااااااااان .. لالا حبيبي .. انت بس غيرت الوجهه علـ....
راكان قاطعها / اذا قصدك سمر فهذا شي ثاني .. هي لزم تتعاقب ..
العنود باهتمام / ليش ..
راكان تنهد بضيق / بعدين اقلك .. الحين قولي لي عندك .. وايش مخبيته عني ..
العنود بهدوء / اماا طيب ..
راكان يطالعها بفضول عارف ومتاكد ان اخته مخبيه اشياء كبيرة هي شبيهة الظبي والظبي قوية قوتها تخوفه ..
العنود بغموض وهدوء / انا السبب في خسارة شركة السعد ..
راكان بصدمة واستغراب / .................
العنود التفتت عليه .. وبهدوء / تفأجات والا استغربت ..
" طالعت بعيونه وبقوة رجف منها راكان من داخله " .. اكيد تسال ليه .. لان ابوي والظبي اللي طلبوا هالشي ..
راكان باستغراب وقهر / وليه ..؟ .. مو .. مو هم اللي طلبوني واعطوني الصلاحيات الكاملة والتصرف بكل الامور ..
ليه .. ليه يحاربوني بهذا الشكل .. ليه اتعبوني بذا الطريقه ..
العنود / كانوا يبونك تلتفت لطريق الصحيح .. كانوا يبونك تفتح عيونك على اشياء حولك كثير .. بس انت اعمى ..
خذك غرور الفارس وكبريائهم .. ونفخ الصدر الكذاب .. " وبوجه حاد قوي " .. بس قريب ..
راح يرجع كل شي لوضعه الصحيح .. راح ارجع الفارس لحقيقته .. راح اربيهم من جديد ..
" رفعت اصباعها بوجه " .. وانت انتبه .. " هزت راسها " .. اذا المرات اللي مضت ما عاقبتك فلا تظن اني ما اقدر ..
اللي كانوا يحمونك من غضبي ماتوا الله يرحمهم .. لكن الحين ياويلك .. ياويلك ياراكان لو تغلط ..
راح اوريك شي عمرك ما شفته " وقفت وكانت بتروح لداخل الفله .. بس راكان مسك يدها وشدها لتجلس على الارض " ..
راكان وصل حد الغضب .. العنود طالعت بوجه .. راكان من بين اسنانه / الظاهر انك ناسية ..
ان الدم اللي بعروك نفس الدم اللي بعروقي .. ايك يا العنود تجربين غضبي عليك ..
العنود بهدوء / ورينا مراجلك يا ابو شيخة ..
راكان قرص عيونه فيها بتهديد ونفض يده .. وبحزم / انقلعي عن وجهي قبل لا اسوي فيك شي ما يعجبك ..
ترا القلب عليك مليان ..
العنود تميل عليه .. وبستفزاز / افااا وانا عصابت راسك .. طلع اللي بقلبك ولا تخلي شي ..
راكان التفت عليها وعيونه محمره / العنووووووووووووود ..
العنود توقف وهي تضحك بسخرية مستفزة / هههههههههه تصبح على خير يا العضيد << قلتهم بسخرية ..
راكان كان بيقوم .. بس مسك نفسه ورجع جلس .. العنود دخلت غرفتها وعيالها وهي فرحانه ..
قدرت تحرك راكان سطام الخامل والنايم من سنين .. جلست على السرير وتنهدت ..
العنود بداخلها " راح امشي على طريقة يبه .. وارجع راكان وزياد .. " وبهم " .. زياااد زياااد ما ادري ايش بلاك "..
نامت على السرير والتفتت جنبها شافت اولادها نايمين بهدوء .. وبهمس / والله انتم اللي حامين بتال من ناري ..
قربت من اولادها وشمت ريحتهم ورجعت راسها للمخدة وهي تستنشق ريحة اولادها .. لحد ما نامت ..



ــــــــــــ



يوم جديد ..



بيت ام عزام ..


الصالة ..

ام عزام / انتي ماتبين تقولين ايش اللي بينك وبين رعد ..
هيفاء تطالع التلفزيون .. ببرود / ما في شي ..
ام عزام بحدة / اجل ليش قاعدة لي هنا ..
هيفاء تنزل الريموت كونترول على الطاولة .. وقفت ببرود / خلاص يمه اذا وجودي قبالك يزعجك ادخل غرفتي ..
ام عزام / انتي وختك تبون تذبحوني ناقصة عمر ..
هيفاء تنهدت بتعب .. ورفعت عيونها لفوق تبي تجفف الدمع قبل ينزل .. وفاجائهم الصوت من الخلف ..
........./ السلام عليكم ..
هيفاء وام عزام التفتوا للخلف بصدمه وخوف ..




ـــــــــــــــ



على طريق الخبر ..


راكان عاقد حواجبه .. وساكت ..

العنود تراقب وجه راكان واضح انه فيه شي بس ما يبي يقول ..
ساره بضيق / الحين مو قلتوا البارح تبون تاخذون يومين كمان ايش غيركم وخلاكم تمشون بدري كذا وبعجله ..
العنود بهدوء / اسالي ابو شيخة ..
راكان / خلاص سارة صجيتي راسي .. من طلعنا من الطايف وانتي تعدين الكلام ..
العنود بهدوء / طيب ممكن تلف على المحطة .. نبي نرتاح شوي .. واغير للعيال ..
راكان بهدوء هز راسها .. وبعد 10 دقايق وقف قبال محطة بين الرياض والخبر ..
العنود نزلت ونزلت ساره .. اخذت الظبي وسلطان وتوجهت للحمامات .. بعد نصف ساعة .. طلعت ..
راكان بعصبيه / هذا كله حمام ..
العنود باستغراب من عصبيته / ناسي الصغار .. وانت ايش فيك توترك وعصبيتك ابد مو طبيعيه ..
راكان بحزم / امشي .. امشي ..
طلعت العنود السيارة وحرك راكان بسرعة للخبر ..




ـــــــــــــ




بيت ابو سطام ..


في المجلس ..


رعد / هذي التذاكر .. اللي عندهم فيزا انا وسند وغيث .. راكان جوازه منتهي .. ولا عندة فيزا ..
ابو بتال / ومتى السفر ..
ابو طلال يدخل / السلام عليكم ..
الكل / وعليكم السلام ..
ابو طلال / انا رايح معكم .. انا طلبت فيزا من قبل لشغلة وطلعت لي .. وانا رايح معاكم ..
ابو بتال / احسن بعد .. وانا وراكان نلحقكم بعدين ..
ابو سطام بتعب / هو عايش ..
ابو بتال / عزام يقول عايش الحمد لله .. بس حالته صعبه ..
ابو سطام وجه اسود من التعب والقهر .. هز راسه / لا حول ولا قوة الا بالله .. لا حول ولا قوة الا بالله ...
ابو بتال بخوف / يبه لو تروح المستشفى تفحص مو احسن لك ..
ابو سطام باعتراض / لالا .. انا بخير .. بس شفوا لي ولد سطام .. شفوا لي نايف ..
رعد / ان شاء الله بخير يبه لا تخاف عليه ..
سند يدخل / السلام عليكم ..
الكل / وعليكم السلام ..
سند التفت لجدة / انا ما اقدر اسافر ..
الكل / ليه ..
سند بكذبه / جوازي بكرة ينتهي .. " التفت لرعد وغمز له " ..
رعد / خير ان شاء الله .. يعني بدالك يروح عبدالعزيز ..
ابو طلال / متى الطيارة ..
رعد / قبل اذان الفجر .. على 3 ..
ابو سطام / الحريم لا يجيهم علم .. والله لو جاهم علم للخبر كلها تعرف به ..
ابو بتال / لالا محد بيعلمهم ..




ــــــــــــ




بعد وقت طويل .. وبعد وصول راكان واخوانه للخبر ..



على صلاة الفجر ..

العنود بالمطبخ .. استغربت ان جدها ماصحي لصلاة الفجر ..
توجهت لجناحه .. وطقت الباب ..
فتحت باب الجناح ودخلت شافت جدتها تصلي بالزاوية المعتاده .. توجهت للغرفة .. وبهدوء / يبه ..
وشافت جدها جالس على الكنبة ويبدوا انه يحاول يتكلم .. العنود تقدمت منها .. وضعت يدها على كتف جدها ..
العنود بهدوء / يبه .. يبه تبي شي .. يبه .. " وضعت يدها بكف جدها اللي فاتحها " .. يبه ..
" بخوف " .. / يبه .. " ابو سطام فتح عيونه للاخر وصار يشد على يد العنود " ..
العنود التفتت لصاله وشافت جدتها لساتها تصلي .. التفتت يمين ويسار تدور على الجوال ..
وجدها كل ماله يضغط على يدها بقوة .. سحبت يدها بقوة وطلعت بسرعة لغرفة راكان وزياد فتحتهم مالقت احد ..
توقعت انهم بالمسجد .. توجهت لجناح رعد ومالقت احد بعد .. مياسه طلعت من جناحها وهي تهلل " لا اله الا الله " ..
العنود / عمتي .. " التفتت مياسة عليها بخرعة " ..
مياسه / هلا ..
العنود بارتباك / مافي احد وجدي تعبان .. اتصلي على احد وخليه يجي يشوفه ..
مياسه بتروح تشوف ابوها .. العنود توقفها / روحي اتصل على احد بسرعة ..
مياسة تروح لجناحها وتاخذ جوالها .. اتصلت باكثر من واحد اللي جواله مقفل والا مشغول واللي ما يرد ..
رجعت لجناح ابوها .. وشافت امها بصاله تهلل وواضع العبرة بصوتها .. شافت العنود لبسة عبايتها وبرقعها ..
العنود انتبهت لدخولها / هاا ..
مياسه تبكي بخوف / محد رد عليه اتصلت على الكل .. محد رد ..
العنود بسرعة راحت تجري لباب القصر .. شافت خان راجع من المسجد بيدخل الملحق اللي ينام فيه مع زوجته ..
العنود تصرخ علية / خااان خاااااااااااااااان ..
خان التفت عليها باستغراب / نئم يا ئمه .. " نعم يا عمه " ..
العنود / شغل السياره بسرعة وقربها لعند الباب وتعال ساعدني نشيل ابويه للمستشفى بسرعة ابويه تعبان ..
رجعت العنود لداخل وشافت كل بنات عمتها يطالعونها بخوف ..
العنود بحزم / ادخلوا وقفلوا الباب خان الحين يدخل ..
مياسة خرجت من جناح ابوها تبكي وهي متوجه لهم / ابوي ما يرد عليه ..
العنود تتوجه للجناح / لزم ناخذه للمستشفى .. كلمت خان والحين يجي ..
خان من ورا الباب بلهجته العربية المكسرة / يا اهل البيت درب درب ..
مياسه دخلت لجناحها .. و العنود / تعال خان ..
وتوجهت لجناح جدها .. مياسه جاتهم وهي لبسة عباتها وريهام معاها وهي تدفع العربية " الكرسي المدولب " ...
العنود التفتت عليها / الحمد لله انه فيه ..
ريهام ماسكة عبرتها / قلت يمكن تحتاجونه ..
خان حمل ابو سطام وجلسه على الكرسي ودفعه لسيارة ..
العنود تمسك يد ريهام / ريهام عيالي امانتك انتبهي لهم .. واتصلي على خالتي مريم خلها تجي عند جدتي ..
وطلعت بسرعة لحقت عمتها وخان .. خان طلع ابو سطام قدام وطلعت العنود ومياسه خلف .. وتوجهوا للمستشفى ..







بعد وقت ..


العنود ومياسة جالسين على الكراسي قبل غرفة الطواري .. وخان واقف بعيد عنهم شوي ..
خرج الدكتور ووجهها اسود ..
العنود ومياسه بخوف توجهوا له ..
العنود / ها دكتور كيف ابوي ..
الدكتور بضيق / .......................





انتهى ..

لا اله الا الله محمد رسول الله ..

سبحان الله .. والحمد لله .. والله اكبر ..

اتمنى يعجبكم .. واعذروني على القصور والاخطاء الاملائية ..

واعذروني على الغياب .. غير مقصود .. لكن ظروفي صعبة ..
ادعوا لي بالفرج ... وربي يقوم جدي بسلامه ..
ووقتها ابشروا ببارتين هدية ..


اختكم .. مشاعل السعودية ..

يعطيك الف عافيه ياميشو والله يقوم جدك بالسلامه يارب ♥♥

يسلمو ميشو على الروايه الاكثر من رائعه
الله يقوم جدك بسلامه ويلبسه ثوب الصحه والعافيه

صباح الخيرات .......هلا بشريكتي بنجوم ام اليزيد الحين انا بالموت لقيت لي نجمة نشبتي لي فيها يالله عسى هالنجمة تكون وجه خير ويكون البارت الخاص من نصيبي .....وحدة تحاول تتأمل خير خخخخ

ميشو صدق يعني الكل يهديني نجوم ودروع ونياشين وبارتات الا انتي وكريستو بخيلين ياختي فوتي لي ومشي الحال وعطيني سطر اهداء ترى عادي مافيها شي سطر ولا قحط نعمة هههههه ...فيس ولدي الدلوع يرمش لك بلكت تحني على امه وتشوفي لها حل مع اللقافة الي ذابحتها

العنود وبتال

الاثنين الغلط راكبهم من الاول هو بظنونه بدون لايتأكد ومااخذها الا لانه حاط بباله اشياء مو صحيحة وحكم عليها من خلال كلام امه واخته ناقصات العقل وهو شايف انو سمروه حتى سارة الي ماضرتها ولا ام راكان ومع ذلك ماسلمو لامن امه ولا منها ......على العموم بتال بدى يدفع ثمن تهوره بس الي يقهر عنودوه المغرورة مافي شي كسر راسها حتى موت امها وابوها ماادري حقدها على الفارس الي هي منهم والظبي منهم وعيالها منهم الى متى بيستمر .......ابوها يوم رفع حال اهله ماكان منتظر منهم رد الدين علشان تجي هي تتمنن عليهم ابوها بالي صار له كسب حسنات كثيرة لانو ماقابل الاسائة بالاسائة ولا تمنن مثل تمننها هي .......
وعلى فكرة ترى ابوها غلط يوم انه يتزوج بدون شور اهله حتى لو كانت زوجته قمة الاخلاق هو بدى رضى نفسه وزوجته على رضا امه وابوه يمكن هم ماعارضوه من القلب بس مسايرة لسند وشره بس بعد موت سند ابوها عاش عند اهله فترة الين جدها سعد فلس وهو قام بمساعدته بس شكان جزاه السحر له ولزوجته من وحدة حقيرة كانت تستحق الموت انا اشوف الي كانت تستحق العقاب شرفوه بس هي تركتها وبادرت بعقاب الفرس اكره شي عندي انو الواحد يضر اهله وعمامه علشان اشياء تافهة دنيوية وكأنها ضامنة عمرها بعد ماتبرد قلبها منهم وتكسرهم بتعيش لتكسب رضاهم ........كل واحد يعمل بأصله وكل واحد وتربيته هي بالي قاعدة تسويه مو قاعدة تسوي اعمال خير تنفع جدتها ولا ابوها بقبرهم علشان جاية تقول وصية منهم .....بالعكس المفروض يكون همها بعد فقدهم تسوي شي ينفعهم لاخرتهم وتترك الاسائة والانتقام هالشي ابد مااتقبلته منها ولا ارضاني يعني الى متى شايفة انو هي الي صح وكل عيال الفرس على غلط ابوها على الي جاه من اهله قبل مايبتلي بالسحر ماكان باخل على اهله بالمساعدة واكبر دليل رعد وراشد فليش تنبش بالماضي وتسبب حزازيات اذا هي مايهموها اهلها وحريصة على قطع الارحام ليش تنافقهم وتجي تجلس عندهم وتبين انها تحبهم لكن قلبها اسود عليهم جالسة تضحك ومسوية بريئة وهي جالسة تخطط لذلهم وكسرهم علشان يصيرو تحت رحمتها شهالغرور والنفاق دامها كارهتهم ليش عايشة بوسطهم اشوفها مو قادرة تجلس دقيقة وحدة تبغي تروح تعيش لحالها علشان تخطط مع متعب وغيرهم لضرر اهل ابوها الي كان لهم الفضل بوجوده للدنيا الي تعبو وربوه سنين ولو ايش ماسوى لهم هذا واجب عليه وملزوم فيه ماله منه عليهم مو بعد ماقدم لهم الشي يرجع يهدمه اذا هم غلطو وجازوه بشي مو من حقهم رب العالمين بياخذ حقه بس مايعطي اوامره لبنته تدمر اهله واخوانه وتحاربهم في ارزاقهم مو كل عيلة الفارس تستحق العقاب

الي كانو سبب في المشاكل والقطاعة صارو بقبورهم الظبي لاخيرة الله فيها يومها زرعت الحقد بقلب حفيدتها على اهلها والظاهر انها ارضعت حقدها لشرفوه وربي عاقبها ببناتها والسحور الي سوتها لهم شرفوه على كل الي سوته وهي عارفته بس ماجازتها مثل الي العنود جاية بتحاسب جدها وعمامها الي اكبر منها بالسن وواجب احترامهم ... بتحط حرة بعد ابوها عنهم هو الي اختار صاير خروف لحرمته واهلها وللظبي والله فلسو هو مو ملزوم يترك اهله ويسكن قريب من ابو نايف يساعده بس مايترك بيت اهله .......بصراحة العنود متناقضة وربي بيجازيها بشي غالي على قلبها ساعتها بتعرف انها تكابر على الفاضي عندها شي ولها حق تجي بالنور تواجه الناس مو تطعنهم بالضهر


ميشو ماعليش لاتلوميني بس جد العنود تفكيرها لايطاق اكره الناس الحقودة لانها ماتفرق عن شرفوه الا بالطرق والاساليب بس ....

بالنسبة لرجوعها لبتال اذا عيالها يهموها انهم يتربو تربية ماتحرمهم من شي تترك العناد وتفكر فيهم اعتقد هي جربت العيشة كيتيمة وامها وابوها على النيا ليش تحرم عيالها من ابوهم صح غلط وتسرع بس بتال رجال محترم صايم مصلي يعتمد عليه مايعرف الحرام ......يعني مافيه اي عيب شرعي ولاننسى انها بعد غلطت وبقوة لانها تعمدت تخفي الحقايق والا ليش مابينت الي سوته مناروه عساها ماتتوفق وفقد ولدها حوبات الي سوته وعساها ماتترقع الا اذا اعترفت بالي سوته ......

ودام العنود مصرة على خسارة اهلها وذلهم واهانتهم بكل فخر واعتزاز منها اجل ماتستاهل من يفكر يتزوجها ولطاموه كفوها وماتستاهل لاطارق ولا بتال لانها حية ومنافقة تظهر شي بس باطنها خبيث ومااقول الا عسى بتال ياخذ عياله منها لانها مابتزرع فيهم الا كره الاهل والانتقام لماضي هي مالها دخل فيه ونست هي وجدتها انو كل الي صار لهم ابتلاء واختبار من رب العباد وشي مكتوب لهم لو ايش ماسوو مابيتغير المكتوب لو كل واحد ربي بلاه بشي راح وانتقم وحقد كان مافي عيلة مترابطة ومتلاحمة

سند والظبي

الظبي بما انها من الفارس يعني بنت عمهم ومثل مااحنا شايفين قبل والحين ملزوم ولد العم ياخذ بنت العم وكأنو هالشي منزل من السماء ......هو كان يبغيها وعاشقها بس اظن انو يكابر او خافي هالشي ...صار شي او مكيدة خربت بينهم وسند بغروره ماتنازل عن الي براسه وهي لانها عنيدة مارضت تسامحه ولا تتزوجه واخوها نايف كان لها عون وهو الي زوجها لسعد واعتقد مات
وهالشي كسر سند وحوله لوحش متجبر مااعترف بغلطه لا حط الغلط على غيره فيوم عرف انو سطام تزوج بنت الظبي بالذات جن جنونه وطرد سطام او خيره بينهم كعيلته وبين بنت الظبي وسطام طبعا راح ورى زوجته الي تزوجها بدون علم اهله وماخبرهم الا وعنده راكان ومتأكدة بتشجيع من الظبي لانها تبغي تحرق قلب سند ....لانها مازوجة بنتها له الا وهي عارفته وعارفة قيمته عند اهله ......وماكفاها راحت وزرعت حقدها بالعنود الي جالسة تطبق دروس الظبي الي ماحقدت وفكرت بالانتقام الا لانها عاشقة لسند بس غرورها وكبريائها خلاها تبعد وتتزوج غيره وهي عاشقة لسند ولا نسته حتى بعد ماجابت منه عيال ......مهما كانت التهمة الي اتهمها اياها او الجرح هي ابتعدت عنهم وعن شرهم وتزوجت وربي انعم عليها بعيال خلاص تنساهم مو تبغي تنتقم منهم حتى وهي في قبرها

نايف

شالي صاير عليه اكيد من ورى السالفة الي دخل نفسه فيها والله يستر مايكون مصيره نفس مصير الي سبوقه وهو الموت بسن صغير نايف اخو الظبي الي شكله مات قبل مايتزوج ونايف الخال .........عاد ساعتها بيكون صدمة للعنود لو راح يمكن يصحيها من الحقد الي مابينفعها بشي ..........مع اني مااعتقد والمفروض دامه دخل بشي كبير الحكومة توفر له الحماية الكافية لانو تجار المخدرات معروفين بشبكاتهم الكبيرة والله يستر عليه كيف بيطلع منها سالم

راكان وسمروه

راكان اذا يبغي يأدب سمروه بعد ماتطلع من الاربعين يطلب من عمه انها تتجهز بياخذها لبيته وهناك يربيها على كيفه ويطلع الغرور والدلع ونقل الحكي من عيونها .......يمنع عنها الاتصال لاي احد وخصوصا امها يمكن تتربى وياليت يهمشها بعد الا ميشو ماشفنا اي ردة فعل من سلطان وعنزته وسمروه على برأة العنود من طيحتها ابغي اشوفها هل بتنشر برأتها مثل مانشرت اتهامها لها راكان لايرجعها الا حاط لها حدود تتعامل فيه مع خواته وتحترمهم هم ماضروها بشي فماله داعي هالغرور والا تبغي راكان يترك خواته مثل مااخوها طلق ام عياله بسببها المفروض تخاف عقوبة ربها لانها ظلمت غيرها وحتى الجوهرة ربي مابيتركها بدون عقاب

هيفوه ورعد

والله رعد مااصر على الزواج وكان رافض لانه عارف نفسه وغيثوه عارف البير وغطاه ليش مامنع اخته من هالزواجة بدل مايجبرو رعد حتى لو رعد مافيه شي مايجبروه على اي وحدة لانو الزواج عشرة عمر وهيفوه هي الي رمت حالها عليه ليش رفضت الي تقدمو لها وحطته ببالها الا تبغيه هو ماتبغي غيره مااحد حسد عبير غيرها وجابت اجلها ووجع فيها ماالوم رعد الي تتفسخ وهي مالها ايام عروس عند واحد مخبرها انو مايبغيها تستاهل ولو عندها كرامة تطلق منه ورعد اتمنى من قلبي مايهين كرامته يتعالج ويتزوج وحدة برضاه مو لانها رمت حالها وقالت تحبه يرضى فيها لو كل وحدة حطت واحد ببالها ورفضت الي يخطبوها لانها تبغي واحد معين كان اغلب البنات ماتزوجو
اعتقد الي جايهم اخوها عزام والا ليش هالخوف من الصوت ........وبصراحة تدخل الشايب وامها وامه قلة حياء عيني عينك اشياء خاصة يتحكمو فيها لو فيه خير الشايب كان لام نفسه اجبر بتال على العنود وتطلقت اجبر رعد على هيفوه وهذا هو مو متقبلها يعني يتحكم فيهم مثل ماسوى اخوه ومسوي نفسه الحكيم الامور الخاصة عيب يتدخل فيها اي طرف

سعودوه ونوالوه

يستاهل وهذي نوالوه تتفاخر بأنتصاراتها عليه وانو خططها كلها مشت وتعطي دروسها لغيرها من البنات يمكن يطبقوها كل وحدة مع الي تحطه براسها ولو هو رجال مارضى بوحدة مثلها اغرته واغرت ايمن علشان تضمن نجاح خطتها وحدة تستعرض عند الرجال هل ينوثق فيها كزوجة .......
اذا يبغي يربيها هي واهلها مايحرك ساكن وخلي السنين تمشي ولا يحاول يتصل فيها اتحدى اذا ابوها ماجاه لحد بيته خصوصا لو كل بنات العيلة تزوجو وهي مثل البيت الوقف ولا يرضى ياخذ ريال مساعدة من اي احد والا هي شفيها زود عن غيرها مهرها اغلى من غيرها وبيت وسواق وخادمة ليش ان شاء الله رنيم والعنود استخسرو فيهم الزواج وهالصايعة مكبرين راسها .........بس سعودوه مافيه من الرجولة ذرة يلاحقها ورامي عمره عليها


مراموه وطلال

ومراموه هذي بعد ملوعة كبدنا صارت ام وبتجيب الثاني وعقلها الحمد لله والشكر .....هي الي من الاول ماكانت حريصة تتقرب من طلال وتفهمه ويفهمها كان همها الاول تربطه بالعيال مو مهم كيف بتكون حياتها ولا مهم كيف بتربي هالعيال


الجازي
بصراحة ماله داعي غيرتها ماخذة زوج بنت عمها كيف قبلتها على حالها لا وتغار بعد مالت عليها هالقطوة بنتها على زواج وهي لسى ببالها تجيب عيال ماتخاف انو عيالها يطلع فيهم شي وهي بعمر كبير دام نوالوه بنتها يعني مو صغيرة
مالها حق تغار من حب ابو طلال لمريم لما الظروف الي مرت على مريم كان ماشاركتها وحدة فيه المفروض تكتم كل مشاعرها مهما كان هي الي تطفلت على حياة مريم .......وابو طلال ماادري شالي يحس فيه وهو ماخذ على زوجة بنت عمها حتى لو كان سبب زواجه اليال مريم جابت له طلال خلاص يحمد ربه ... حتى لو مريم مريضة وماخبرته في نظري يستاهل التجاهل خليه عايش مراهقته مع الجازي الي تتلصق فيه ويوم حملت سوت فيها مقهورة مالت عليها

سند
سند شعنده مابيسافر هل لانو موعد ولادة رنيموه قربت مايبغي يكون بعيد في هاللحظة ........فعلا وجوده عند زوجته اولى من سفره لولد خاله وخصةصا في غيره كثر يقدرون يسافرو بداله


الجد

اعتقد انو صابته جلطة من الصدمة الي سمعها ويمكن ينشل يمكن يفك الناس من تدخلاته ....والعنود يصحى ضميرها وماتزيدها على اهلها وخصوصا اذا عرفت السبب

راشد

هذا متى بيتعظ وبيتعدل ابو عيون زايغة اعتقد نهايته بتكون فضيحة مع شغالة اخوه ويمكن يكون قدام ولده صقر ويفقده بعدها ماراح يعقل الا بضربة كبيرة تهزه


في انتظارك ياعسل

السلام عليكم ورحممة الله وبركآته ...



مشآعل السعوديه ..:


أحبج يالغاليه .. وأعذريني وربي كنت أحآول

على كثر مآقدر ألحق البآرتآت وأنضم لهالقافلة الطيبه ..

والقرآآء ألي توسع الصدر ردودهم .. طبعآ أبي نجمة .. قبل كل شي

عشآن وصلت أخيرآ لج ..^ ^

كآن عندي حجي كثير بقوله لج وأنتقآدآت

لابد منهآ تطور من قلمج يبي لهآ قعدة .. بس قلت دآمني خلصت أخر بآرت

خليني أتوآجد هنيه قبل لايشغلني شآغل ولا ألاقي وقت ..


قبل مآبدى .. أذهلتيني شعوله بهالروآيه .. بهالعمق بالأحدآث ...

أسمتعت كثير مآبين الشخصيآت خصوصآ بتال والعنود ..

ورآح أعطيج النقد حول الروآيه عمومآ ..

(1)


.. في بدآيه الروآيه أكبر غلطة سويتيهآ شعوله هو سرد الأعمآر

والتعريف بالشخصيآت .. صدقيني هالطريقه بتقلل من قيمة الروآيه

وأنتي قلمج أكبر من كون شي يقلل منه .. الأغلب أنه مآرآح أحد يقرآه

ولو أحد قرآه صدقيني الربط بينهم رآح يكون صعب ..

حلو .. لمآ أرسم شخصية مآ في روآيه وأخلي القرآء يعيشون
دآخلهآ يكتشفون موآصفآتهآ من حوآرآتهآ ... أحس هالشي

بيزيد المتعه .. ويزيد أكثر قدرتج أنتي ككآتبه على تثبيت أسآس

الشخصيه في ذهن القرآء ..


(2)


الحوآر شعوله .. أرسمي له أحآسيس ومشآعر ترتبط فيه

أكثر .. سرد الحوآرآت ورآ بعض رآح يقلل من متعتها

والوصف .. كنت أحسه أحيآن معدوم في قلمج ..

هو مسآحة شآآسعه مآبين أي كآتب ووثآني ...

هينآ يكمن أسلوب الكآتب وتميزه عن غيره ..

تعرفين شعوله .. أعطي لخيالج قدر من الحريه في وصف

أي حدث وشوفي كيف بيكون لهالشي متعه خآصه للكآتب ...




(3)


وهالنقطة أقف لهآ أحترآم .. فيه فرق شآسع مآبين بدآيه

الروآيه لحد أخر بآرت .. لامن حيث السرد ولا الحوآرآت ..

في كل بآرت تصعد مشآعل السعوديه خطوة أكثر ....





عآد هالحين بتكلم عن الشخصيآت .. بس ودي أعلق على

ألي كآتبته وردتنآ ... سؤالي .. ليش بنآت مشآعل شآيله

عليهم يآوردة والعيال مآشالله .. O 0

سمروه .. نوالوه ..مآراموه ..
مآعدى العنود .. ألجآزي ..

أظن مالقيتي لهم دلع وردة ولا كآن أنضموآ لركب ..

بس أنآ أقدر أضبطهآ لج .. العنودوه .. ألجآزوه .. ظبيوه ..

شعوله جودي الهرج مني ولا عليج منهآ .. لا تعطينهآ نجمة .. خليهآ تعدل

أسمآء بنآتج << وحدة تفتن ..

ع فكرة وردة النجوم بروآيتي والمة بس تعالي بتعليقج وبقرآه

بعدين أشوف .. تعرفين لزوم أول توزيع لنجوم ..




أبصرآحه ,.. مآلوم العنود أبد أبد وبتال

يستآهل ألي يآآه وزوووود ... اأبصرآآحه أكثر أثنين

دخلت معهم جووو .. بشكل خووورآفي ...




رآكآن وسمر : كل ألي في خآطري كتبته وردة وأنآ معآهآ

ميه فالميه ..



هذآ ألي طلع لي وكتبته وأنآ مستعيله .. بس رآح أتوآجد

في البآرت القآدم وبيكون ردي أكثر تفصيل ...



بعدين لاتنسين النجمة << وحدة تبيهآ غصب طيب


ثآني شي .. لأني توآجدت أبي بآرت هديه عشآني هنيه

فالمتصفح << شفتي الثقه ...


أمزح يآقلبي ... ألله يوفقج وبكون متآبعه لج وأن شالله

أتوآجد بالوقت ألي تسمح فيه ظروفي ..


أختج :


الكريستآل ..