خساااااره:(((((((
بس ان شاء الله خيره وتروووح وترررد بالسلامه الله يسهل دربها ؛****
شكراً انك بلغتينا وان شاء الله يوصلك البارت😓😓

صباح الخيرات ......صباح نسمات الهواء الخريفية .....ميشو شهالبارت يجنن يجنن بصراحة بس يابنت خليني فرحانين يعني لازم التهديد برد الفرحة لنا ........اقول اهجدي تراك مو مقصرة ابد فينا من اول الرواية ......مانلحق ناخذ شهيق الا قطعتيه علينا ......ترجعين لنا بالسلامة ياقلبي

العنود وبتيل

العنود ابتدت بعد موت اهلها تحاول تأقلم حالها على تعويض فراقهم مع اهلها واهل ابوها الي انحرم منهم غصب وهم ماكانو بينهم مع انو احسن لهم لانو الجد مايعجبني تفكيره ولا اسلوبه ماعنده حكمة الاجداد .... وعيشتها بعيد عنهم اكسبتها الكثير من الاشياء الي بتصدم الكل في المستقبل ...

اجل هي كانت منتظرة احد يسألها عن العيال ببساطة خبرتهم وهي مامهدت لهم اذا حتى اخوانها انصدمو فكيف بالغير بصراحة هي كانت السبب مختفية عنهم ولا تدري بالي صاير وخافية امر حملها وهي عارفة انها بيوم لازم بتظهر هالعيال ........الحين الي متحمسة له ردة فعل بتيل واهله جواهروه وسمروه وبتالوه ........طبعا الاخ بيجيه رزقه من الصدمات بظهور برأة العنود ....والي ماصدق سمع هالتهمة الا ورايح مطلق

ورجعته بينصدم بعياله التوؤم وطبعا دام سعودوه رايح معاه هو الي بيهر السالفة وهو مايدري انو سبق واخته الي ماعندها عقل متهمة العنود ابغي هالشي ينذكر قدام الكل من سمروه وجواهروه وسلطان ومتأكدة سلطان بعد مايعرف بالظلم وبالعيال بيقلب عليهم وعساه يبرد قلبي في عجوزه مايمسي الا متزوج غيرها

بيبقى اهم شي كره بتالو فيها وعدم ثقته وهي معرفة سالفة مناروه واتمنى هالشي لما راكان يسافر عندها وهي تجيب هالطاري اذا عرفت انو راكان زعلان من البقرة الي متزوجها وشرفوه ماتت والي سوته مهية للعنود تسبب بطلاقها ........هنا راكان هو الي بيخبر عمه وبتالوه بالسالفة وعسى صداعه مايهجد مدمن قهوة العنود

بس العنود ينتظرها الكثر لطاموه مابيتركها دامه زوله الخايس ظهر .......وشرفوه مااعتقد انتهى شرها ماادري ليش مع انو الجثة تدل انها لها من الرصاصة للخاتم وانها الوحيدة الي دخلت البيت .......بس دامك ياميشو قلتي شرفوه بتتعاقب بس بترجع بشر جديد وكبير .......يمكن احد من طرفها وله دخل فيها في حال انها ماتت وهي على هالخاتمة

مازلت انتظر سر نظرات خديجة في الايام الاخيرة .......وهل في صدمة من طرفها ......كل شي متوقع منك

في كلمة قالها الجد لبتالوه الي شفط القهوة وماعرف انو السبب هي الي سوتها والي ماعاد هو يستطعم غير قهوتها
عن سند الجد الي استخف بعد بعد الظبي لللان ماعرفنا من تكون الظبي بس انا اقول انها وحدة محرم حتى لابو سطام وهي من الفارس لانو الجد يوم شاف العنود شبهها بالظبي يعني شايفها وشايف جمالها ولو كانت زوجة سند او بنت عم ماراح يتمقل فيها ....... ماادري ياميشو كيف بتصدمينا بهالعلاقة وكيف الظبي ماخافت من سند بعد مازوجة بنتها لسطام

الدور الجاي على بتيل وكيف العنود بتلعبه وتنتقم منه بس اهم شي تظهر لبتالوه كل لاسباب لتشويه صورتها بعدين هي بتقابله بعين قوية وجويهر لو تموت خلاص ماحد بيسمع لها ولا يمديها تطلع اكاذيب وربي بيعاقبها على تبليها وطعنها بشرف العنود من قبل

سمروه وراكان

احلى شي سواه راكان تسمية بنته على امه وتسفيهه لسمروه خليها تعرف مقدار خواته عنده والي يزعلهم يزعله مو بس هي اخوانها يطلقو حريمهم بسبب مصاختها ولسى لما يعرف راكان انها سبب طلاق اخته عساه يحقرها ويهجرها الين تتعدل وتصير تعامل خواته بااحترام وماتنشر كل الي يصير لها عند من هب ودب ........ولازم تتعاقب على نشرها طلاق العنود واتهامها لها اتحداها بتنشر انها ظلمتها وكلام غرام لها بمحله
لازم تعرف انو راكان ضحى علشانها الكثير بس هي ماقدرت له الي قدمه لها وحتى لو خواته غلطو بحقها ماتروح تنشر هالشي عند كل من يقابلها البيوت اسرار

سند ورنيموه

زين الي سواه في قليلة الادب تحمد ربها على سواد وجه ابوها في مين راضي فيها ......سند اذا يبغي ولد يتربى مثل الناس لازم يربي الام اول ويعلمها الاحترام لانو المعتمد عليها في تربية عياله وقت غيابه اذا ظل لسانها وقح عليه كيف بتكون صورته قدام عياله

سعودوه ونوالوه

يستاهل هو الي كبر راسها ودام افكارها ومخططاتها كانت ناجحة ليش ترد الحين وهي حققت مبتغاها عرفت كيف من قبل تلفت انتباهه وتتعمد تحاكي بجوالها بصوت عالي .......علقته فيها وخلته يحجزها لما خطبها وردته وبنفس الوقت اشتغلت اغراء للدكتور ايمن وهي توصل له بطريق غير مباشر انها ماقبلت الخطوبة علشان تضمن خطبته له وهي عارفة الغبي سعودوه بيثور وبيتمم الي هي تبغاه وسعت له .........بصراحة قمة الدنائة اتمنى نهايتها تكون عبرة لامثالها

رويشد

ووجع حتى وجع مااعتقد مياسة بترجع له ببساطة وسهولة لازم تضمن انو تاب عن فعايلة المخزية ويكف ايده عنها وعن بناتها ...... لازم يعرف انو وراها عزوة تطالب بحقوقها ........يحتاج لضربة تعقله بعدين ترجع له مياسة

كنت متوقعة انو مياسة هي الي بتكون شاكة لانها دخلت للعنود وهي كانت تستعد ترضع بنتها وكنت متوقعة تنصدم من الي بتشوفه وبعدين قلت ام سند مصرة على السؤال .......اما مريم كيف عرفت اكيد في شي وضح لها هالشي بنعرفه بعدين

ابو عناد

اكيد يفكر يزوج عياله لبنات اخوه واعتقد انو باقي ثنتين منهم .......يمكن وحدة يزوجوها لبدر اما الثانية اتوقع صغيرة يمكن يحجزها واحد ثاني اما لو ابو سند يخطبها لياسروه صفعة كبيرة لشجونوه ولو يملكوهم بعد قمة الوناسة

ميشو ياقلبي في انتظارك بكل شوق

السلام عليكم ورحمه الله وبركاته

صباح الخير...صباحك نفحات من رضا الرحمن
تسلمييييين ياقلبي على هالاهداء الرائع الله لايحرمني منك ولاا من اهداءاتك فديتك ميشووووو
باارت اليوووووم روووووووعه جنااااااان اخيرا جاتنا سمة هواء بارده بعد هالسموووووم ...بس عارفه
هدوءك هذاااا يسبق العاصفه ...الله يستر منه

جعل يدينك ماتمسها النار ويفرج همك ويوسع صدرك ويزيل كدرك ويشفي بنيتك

الظبي وسند
اممممممممم ميشوووو تكفين وش سالفتهم....والله جالسه افكر واحلل مو قادره اعرف نوع العلاقه
الي بينهم انا اقول انها بنت عمه وكانت محيره له...بس بسبة جلافته وقسوته .هي تركت اورفضت انها
تتزوج...وهذا الي واجعه حيييييل ويمكن تكون ماخذه خويه ...مما خلى قلبه يقسى على الكل ويعيش
بشخصية الظالم المتجبر نتيجة تخلي بنت عمه عنه.......

العنووووود
يااااالله موقف صعب انك تكشف على جثة احد من اهلك .....الله لايحطنا بهالموقف جدا مؤلم بس الي
مهون على العنود ومخليها قويه بعكس راكان >>الخيخه<< انها عارفه بحقيقة شريفوه وعارفه مدى
الشر والحقد الي بقلبها تجاهم عشام كذا ماتاثرت بموتتها.....

ههههههههههههههههههه حتى الضابط طاح ولاا احد سمى عليه ... صدمه المحامي يوم قال انها مدام والاخ جالس
يتميلح عندها ويكثر بالاسئله..... بس خي بتطلع براءه وخاصة ان وقت وقوع الجريمه هي بطريقها لرياض وفيه
شهود على كذاا...
واخيراااا يالعنووووود نطقتي وكشفتي هالجواهر الي مخبيتهم عن اهلهم..... بس هي ما كان عندها خلفيه عن كلام
ساره لهم وانهم اعيال نايف ..فبتصير لهم مثل الصدمه..والله يعينها علة مواجهة بتال وامه الي اكييييد بيقومون الدنيا
وبيقعدونها وخاصة جويهر الي بتسويهاا سالفه ويمكن تكذبها بعد.....

بتال
في مثل يقال >>طبخا طبختيه يالرفله اكليه<<وهذا انت يانك بتلذذ بهالطبخه وبتجلس تمخمخ عليهاااا لدرجة انكبتاكل
اصابعك من حلاتهااااااا....وخاصة بعد ما تروح لشرطه وتعرف ليه هم طالبين اختك وبتكشف ا نالي صار لها ماللعنود
أي دخل فيك وانكم يا اعيال الحيزبون تسرعتوا في اتهامهاااا....وبتركض لها عشان تراضيها وتنصدم بعيالك الي ماتدري عنهم
وبتزيد الحسره بقلبك....ذيك الساعه خل غباءك وامك واختك ينفعونك وانت تشوف اعيالك يربون بعيد عن حضنك ومو في بيتك.........
اجل يالمشفووح شربت الدله كلها بطنك جعلك الحصاار.... وداويت علة راسك من دلة العنود
راكان
كنت متوقعه منك مواقف اقوى من كذاااا...وشهالتصرف تترك اختك بمكتب المحقق وطق بروحك ذي رجووله...اذا هي
وهي مرره مرت عليها مواقف تشيب شعر الراس وشوفها متحمله ومقويه نفسها ...تقوم ماتتحمل عشان تذكرت موقف مريت فيه...
اللحين زعلاان ومنقهر من ضيم بتال لاختك الي ارخصتها له وهو ما حافظ عليها ..وانت مخاصم الماصخه سميروه
بسبة سواة اخوها وهذا وانت ما عرفت بفعايلهاااا وتشمتها فيهاا اذا عرفت وش بتسوي ؟؟
بس مهما كان ماااالك أي عذر انك ماتشوف بنتك وتتطمن على صحتها تعاقب امها ؟...هي وشذنبهاا بالي صار....وهذا
انت من شفتها انهبلت عليها واندفعت عندك عاطفة الابوه ..... واتحلت تفكير ك واتوقع ان وجوده بيصلح الامر بينك وبين سمر وهي الي بتقرب بينكم ...

نايف
مثل ما قلت من قبل غيبته مو طبيعيه واكيد متعب عنده خبر فيهاااا ...يمكن هم مخبينه عشان العصابه
ماتوصل له وخاصة بعد الاحداث الي صارت وحريق البيت... وقتل شريفه

الجد ابو سطااااام
ياقلبي عليه مو راضي ان أي احد يقول حرف لعيال سطام او يزعلهم بنظره كله خوف من انهم ينتركونه
ويسافرون مثل ماسوا ابوهم وهو الي فرحان حيييييل بقربهم ...وجودهم حوله هو اليم صبره ومعوضه
عن فقد سطاااام الي مو جعه وهاد حييييله....واتوقع انه بيفرح حيييييل بالتؤام وهو الي بيوقف بوجه
الجميع اذا حاولوا انهم يضايقون العنود بعيالها....

عمات العازه
اللحين هذا همكم بس تعرفون من اعياله والا كيف نايف ابوهم>> لقافه حريم عافانا الله.....
هذااااا بدال ماتوقفون مع بنات اخوكم وتحتونهم وتخففون عنهم المصايب الي تنزل عل
سندى روسهم من وفاه ابوهم الة فقد امهم..... صدق انكم ما منكم فايده وزين سوا الجد فيكم عطا كل وحده
فيكم الكلام الي يوقفها عند حدهاااااا

مريم وساره
ياااالبى هالمره والله انها احسن من هالعماااات الي مشتغلين كونان على غفله همهم الاخبار وبس
مو مثلها الي احتوتهم واهتمت فيهم....وشكل ساره تعلقت فيها لانها تعوضها عن حنان امهااااا
وهمريم لقت في ساره البنت الي انحرمت من انها تجيبها وشكل العلااقه بتقوى اكثر بينهم

سند ورنيم

سند في كل مررره تثبت انك خساره برنيمووه الي مو مقدرتك ولاا شاكره النعمه الي من الله بها
عليهاااا....بس مصيرهااا تتحسف اذا عرفت قيمتك وعسى يكون ما فاتها والوقت.........
سند شكلك ماخذ كثيررررر من خالك سطام مدري احس فيك بعض الصفات .....ويكفي انك قدرت تلم
سالفة عمك وتطلعه من الي هو فيييييه.....

ابو صقر ومياسه
على ان مياسه دلوعة بوها وحبيبة قلبه الا انها ماتوفقت بزوج عدل شيب راسها وفشلها قدام الكل.....
بو صقر بالله عليك يعني بتكبر اكثر من هالكبر ....الى متى وانت ماشي بدرب الضايع خاف الله بنفسك
خاف الله بمرتك وبناتك الي جالسين يتجرعون مرارة الي يصير لك....والا ولدك صقر الي كبرت قبل اوانه
وحملته مسؤليه امه وخواته وهو توه صغير على الحمل...بالله كيف تبيهم يرجعون لك وانت ماتبت من خرابيطك
حاول انك تصلح نفسك وتضم عيلتك تحت جناحك وتعوضهم عن الي فات......الي كان يتستر على عيوبك و
يغطي عليها ربي خذا امانته...وهو ما سوى كذا الا لاجل عيون اخته........

ميشوووو فديت روحك ياعسل بانتظار ابدااعك
احووووووووبك مرررره ميشووووووو
تسلمين يالغلاااااا على هالابداااااع لاخلاا ولاا عدم ...

صباح الخير ..... دقايق وينزل البارت يا ال ليللاس .......تفضلو ......وقرأة ممتعة واحداث شيقة باانتظاركم