بسم الله الرحمن الرحيم

السلام عليكم ورحمة الله وبركاته

الحمد لله والصلاة والسلام على رسول الله

توكلنا على الله .. لا اله الا الله محمد رسول الله ..




البارت 24 ..



اونّ وريـاح الليـالـي تـونّـي
و البرد في جوفٍ كما الغار خاوي
ما كنّ لي عقـلٍ ولا قلـب كنّـي
جذعٍ وقف في وجه الأيـام ذاوي
وبي عبـرةٍ محبوسـةٍ تمتحنّي
في عيني وْحلقي و صدي شكاوي
وبي من قديم الوقت جرحٍ مكنّـي
وبي من جديد أيام وقتي مكاوي
ان قلت زانت خالف الوقت ظنّـي
و أن قلت هانت عاجلتني بـلاوي
اجـامـل ايــام ولا جاملـنّـي
هامت بي الدنيا هيـام الخـلاوي
و الوقت جاير و الليالي أسهرنّـي
و الحزن ما بين الضلوع مْتلاوي
أون وكـلٍ يحسـب أنّـي أغنّـي
عليل و كلٍ يحسب أنّـي مـداوي


" خالد الفيصل " ..






بيت ابو نايف ..


خرجت من الحمام " اكرمكم الله " .. نشفت شعرها ومشطته .. رفعت شعرها ولفته .. لبست جلابيتها ..
توجهت لجلال الصلاة والسجادة .. فرشت سجادتها .. وقفت امامها .. وبخشوع رفعت يديها .. الـ..


......../ آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآه


صرخة قوية ومرعبة .. خلتها تترك صلاتها وتروح بسرعة لصالة الخارجية ..
وقفت متصلبة لثواني .. تبي تركز وتفهم الي يصير .. طالعت بساره الملتفه على نفسها تحت الكنب وتصارخ بخوف ..
رفعت نظرها لابوها الى بوجه اسود مزرق .. شبه عاري شافت ثوبه متقطع ومرمي بالارض ..
يشد شعره .. ويتخبط بين الجدران بحده .. ركضت له تبي تمسكه .. لكن هو كان اسرع .. هرب خارج من البيت ..
العنود تركض وراه مسرعة .. ابو راكان توجه للباب الرئيسي وفتحه وخرج .. زهرة شافته وتصلبة مكانها من الخوف ..
العنود سحبت الملثم من على وجه زهرة .. ولبسته .. وخرجت لتصرخ بصبري / امسكه .. امسكه ..
صبري والعمال كانوا مركزين ويراقبون المكان حتى لا تخرج الافعى وتغدرهم وتهرب ..
العمال وصبري انتبهوا لصرخة العنود متاخرين التفتوا لابو راكان الي وصل الى الباب الخارجي ..
ركض صبري وراه .. والعمال ما يدرون ايش الموضوع و واحد واحد بدأوا يلحقون صبري والعنود وابو راكان ..
وصل لشارع العام بسرعة ليصدم بسيارة مسرعة ليرتفع عاليا و يسقط بعدها على الارض بقوة ..




ـــــــــــــــ



بيت ابو سطام ..

في المجلس ...



ابو سطام بلهفه / وينه فيه ..
غيث بضيق / توا واحد من الشباب اللي اعرفهم بالشرطة مكلمني .. ويقول لقوا راكان ..
ابو سطام وهو يتقدم بخطاوي مسرعه / مشينا مشينا .. والله ان قلبي قارصني من الصبح وانا اقول اليوم ماهو بخالي ..
غيث باستغراب / على وين ..
ابو سطام بحدة / ومو تقول لقوة وهو بالشرطة .. مشينا له ..
غيث بضيق / راكان مو بالشرطة في المستشفى ..
ابو سطام بحدة / ودوني له وين ما كان .. امشوا ..
الكل خرج من المجلس وتوجه لراكان ..



ــــــــــ



بداخل بيت ابو سطام ..


البنات مقسومين قسمين .. رنا وروان واماني وشجون وغرام عند سمر في بيت ابوها هذا شهرها الاخير وثقلانه ..
نوال وريما ومرام وريهام ورنيم وابرار وهيفاء بغرفة الجلوس قبال التلفزيون ..

الحريم الكبار بالمجلس العربي .. اللي عبارة عن جلسة ارضية ..
مريم وهي تحتضن خالتها ام سطام من كتفها / قولي لا اله الا الله يا خاله .. وتعوذي من ابليس ..
ام سطام وهي تحاول التقاط انفاسها / لا اله الا الله .. اعوذ بالله منك يا بليس .. اعوذ بالله ..
الجازي بقلق والجوال بيدها / محد يرد عليه ..
العنود ترش ماي على امها / يمه هذا ماي زمزم مقري فيه امسحي به على صدرك ..
مياسه تبكي .. اختناق امها امامها ارعبها .. / .................
الجوهره معاها جوالها / اشفيهم هذول ما يردون وبعدين مشغول والحين مقفول ..
ام سطام بخوف / ما هم خالين .. انا من الصبح وبي ضيقة .. " حاولت تقف " ..
مريم تعيدها للجلوس / وين تروحين يا خاله وانتي تعبانه .. ارتاحي الله يهديك ..
الهنوف ببر لامها / انا اروح واشوفهم بالمجلس .. واقول لواحد من العيال يوديك للمستشفى ..
ام سطام بضيق / ما بيني شي .. شوفوا لي العيال هم طيبين ..
الهنوف توها بتخطي .. الـ ريما تجري فرحانه / سمعتوا اخر خبر ..
الكل التفت عليها بخوف / .........
مياسة بضيق وهي تمسح انفها / ايش عندك يا بنت ..
ريما بفرحة / عرفوا مكان راكان ..
ام سطام ما قدرت تكتم صيحتها .. وبكيت / .. يالله لك الحمد ... يالله لك الحمد ..
مريم تضم خالتها وتقبل راسها / الحمد لله على سلامته يا خاله .. وقرت عينك ..
ام سطام وكلماتها متقطعه من البكي / .. بشـ ...ـو... ف ..نبيك ..
العنود والهنوف والجازي صدوا عنها وصاروا يبكون على بكاها ...
ومياسه ام دميعه ما يحتاج فكتها وراحت تبكي ودموعها تسيل كانه خزان وانفجر ..
الجوهرة وقفت تبي تروح لسمر خايفه لتسمع الخبر من البنات وتتعب ..



ريما رجعت للبنات ووجهها احمر خانقة الصيحة ..
ريهام / ايش فيك ..
ريما وكانها ما صدقت وفتحت الخزان الوراثي .. وقالت للبنات وكل بنات مياسة فتحوا الخزان ..
نوال تحاول تكون قويه / خلاص بنات .. والله ولا مسلسل حياة الفهد ..
ابرار تبي تشغلهم / ليكون سمر عرفت ..
بنات مياسة تقفلت الخزان عندهم فجائه ...
هيفاء بتنبيه / اصحكم احد يعلم مراسلي الاخبار .. ما لكم دخل .. ابوها واخوانها يقولون لها ..
نوال / ايه صدق " وبغرور وابتسامه " .. وجهي خير .. مو مثل وجيه بعض الناس ..
الكل يطالع فيها مو فاهم / ..........
ابرار / كيف يعني ..
نوال / بعد عرس ذي وذي .. " وهي تاشر على ريما وهيفاء ".. جاتنا المصايب ..
اما انا بس ملكت والفرح جانا .. هذا اول الغيث وبكره تشوفون الخير ..
هيفاء و ريما عصبوا / هييييييييييييييييييييي ..
هيفاء / بالعدال يا حكيمه و دواس.. بالعدال يا البنك المركزي وعين السيح ..
قومي ارقصي وغني جاكم الخير جاكم احسن .. " كشت بيدينه " .. ماااااااااالت عليك ثم مااااااالت ..
ريما بقهر وعصبية وهي واقفه ومتخصره وتاشر بيدينها وتخلبط بالكلام / وبعدين لسه الرجال ما لقوه لقوه ..
هم لقوه بس مالقوه يعني كذا .. الا هو بالمستشفى ..وما يدرون هو صاحي والا ميت ..
يعني انتظري نشوف خير والا قحط .. شر.. يعني .. يمكن نبكي بسبب وجهك .. انتي وسعودك ..
مالت عليكم .. اجل غيوثي خير .. وانتم شر لا حبيبتي غيوثي شر وانتم خير .. انتي شايفه وجهك ..
الكل / .............................
ريما عدلت وقفتها وبعصبية طالعت وجيها الكل .. وبعصبية / ايش سكتي ..
الكل / ههههههههههههههههههههههههههههههههههههههههههههه
ريما تطالعهم مستغربه ضحكهم .. وبلقافة / ايش فيه .. " تطق ريهام " ايش صار ..
الكل / هههههههههههههههههههههههههههههههههههههههه
ريما ابتسمت عـ ضحكهم / ........................
رنيم توقف وتمسك اسفل بطنها البارز / ههههههه بتذبحيني انتي آآآآآآآآآه .. " وخرجت من الغرفة " ..
هيفاء / هههههه تذكرين شي من اللي قلتيه ههههه ..
ريما تفكر وبصدق تهز راسها / لا والله ...
الكل / ههههههههههههههههههههههههههههههههههههههه
ريما ترفع حواجبه وبفشيله / بنااااااااااات ..
البنات / ههههههههههههههههههههههههههههههههههه
نوال التفتت لمرام والي بقربها مريم الصغيرة تلعب بمصصتها / وانتي ايش فيك مبرطمه ..
مرام بخنقة / كل ما جيت احتفل بعيد زواجي يصير شي ويتفركش .. قهرررررررررررر ..
البنات / هههههههههههههههههههههههههههههههههههههههههههههههههه
نوال / ههههههه وجهك اقشر ههههههههههههههههههههههههههه
البنات / ههههههههههههههههههههههههههههه




ــــــــــــ



بيت ابو طارق ..

غرفة البندري ..
البندري توها طالعه من غرفة الملابس / كح كح كح .. ايش ذي الريحة .. كح كح .. اوووف ..
قربت من الشباك بتشوف اذا كان فاتح ودخلت الريحة .. شافت ضوء متوهج غريب من خلف الستار ..
رفعت الستارة وشافت النار .. وناس تركض بالشارع متوجهه لشارع العام واللي متوجه للبيت ..
الوضع مشكوك فيه .. انتبهت ان البيت بيت ابو نايف .. تركت الشباك ونزلت تجري تحت ..


بالاسفل ..

ام طارق / يا كاف البلا يا ذا الريحة اخنقتني ..
طارق يشرب من فنجان القهوة بسرعه / انا ابي اشيك على الفيوز ليكون واحد منها ملتمس والا شي ..
الجوري تصرخ وهي نازلة مع الدرج / طااااااااااااارق .. طاااااااااارق .. الحق ..
طارق باهتمام / ايش فيك ..
الجوري بخوف / حريقة .. حريقة في بيت عمي سطام ..
طارق رمى الفنجان ووقف بسرعة وتوجه لبيت ابو نايف .. ام طارق لبست عباتها وتوجهت وراه ..
طارق فتح الباب الرئيس وهو متوجه لبيت ابو نايف .. واحد من عيال الحي الصغار / صار حادث لـ العم سطام ..
وراح يجري لشارع العام .. طارق ما يدري وين يروح .. للبيت والا للحادث ..
واحد من رجال الحاره الكبار / لا حول ولا قوة الا بالله .. يا بو عبد العزيز شفت ابو راكان ..
طارق / وينه هو فيه ..
الرجال ياشر على الشارع / مدخل الحارة على الشارع العام ..
طارق راح يجري للمكان بسرعة ..
ام طارق خرجت من بيتها وتوجهت لبيت ابو نايف .. وما سمعت بالحوار اللي دار ..




ــــــــ



داخل البيت ..
سارة تبكي بخوف ورعب ...
زهرة حملت سلطان .. وصرخة على ساره / قومي بسرعة .. خلينا نطلع الصغار ونوديهم لجيراننا ..
ساره حملت الظبي بيدين ترجف .. وهي تبكي / امي اممممممي ...
ام طارق دخلت .. وبسرعة / روحوا بيتي بساع .. وانا اجيب ام راكان يالله يا بنات .. يالله ..
زهرة حملت الظبي بيدها الثانية لان سارة منهارة ومو قادرة تشيل نفسها ..
البندري لحقت امها .. دخلت البيت وطلعت لفوق .. شافت ساره منهاره ..
مسكت يدها ولبستها جلال الصلاة وطلعتها مع زهرة وتوجهت بهم لبيتهم ..
ام طارق دخلت على ام راكان ..قربت منها وشافتها نايمه على السرير بهدوء ..
ام طارق تهز كتف ام راكان / ام راكان .. يا ام راكان .. " جات بترفع ام راكان ولكن ام راكان ثقيله " ..
ام طارق بشك / ام راكان " ضربت ام راكان على خدها " .. ام راكان ..
وضعت يدها على انف ام راكان لتحس بتنفس خفيف .. بفزع / يا الله سترك ..
وقفت ونزلت تحت تطلب المساعدة .. لإنقاذ ام راكان ..



ــــــــــــــ



بالخبر ..

في احد المستشفيات ..

الدكتور / انهيار عصبي .. وسوء تغذيه .. مع ارهاق .. الان هو يعتبر نائم ما ادري بضبط متى يصحى ..
عناد بعصبية / كيف يعني ما تدري .. حدد متى بعد يومين ثلاث متى بالكثير ..
الدكتور / المدة الطبيعية من ثلاث ايام لـ اسبوع .. اذا تجاوزت هذا الحد تكون مرحلة خطره ..
بتال بتوتر / طيب بعد هالنوم راح تكون فيه اثار شي ننتبه عليه .. نبي نفهم الحاله ..
الدكتور / الان ما اقدر اجزم لك على شي .. الان وهو كانه نايم عادي .. راح نعلق فيه المغذي ..
وفيتامينات مع شوي مهدئات " سند فتح عيونه للأخر الدكتور انتبه وبتهدئة " ..
راح تكون نوعيتها خفيفة ما تاثر عليه مستقبل .. بس الان لزم نريحه اعصابه شوي .. لانها مشدودة ..
سند يصافح الدكتور / شكرا دكتور ..
الدكتور / لا شكر على واجب .. ما تشوفون شر .. عن اذنكم .. " راح الدكتور " ..



ـــــــــ



بجهة اخر من المستشفى ..


ابو بتال وابو سطام وابو عناد وابو سند وابو طلال واقفين خلف الزجاج يطالعون براكان ..
اللي معلقه فيه سلك المغذي وجهاز التنفس على انفها .. وجهه المرهق .. جسمه الهزيل جدا ..
ابو سطام / وهم وين لقوه ..
ابو بتال / يقولون في طريق مقطوع بين الدمام والرياض .. عند محطة **** ..
ابو عناد باستغراب / ايش وده لذاك المكان ..
ابو بتال بضيق / والله ما ادري .. غيث يسال الحين ويعرف لنا السالفه ..
ابو سطام تنهد / اعوذ بالله من الشيطان الرجيم .. " يحس ضيقة بصدرة كاتمه انفاسه " ..



ــــــــــ



بمركز الشرطة ..
عند غيث ..
غيث / يعني ما عرفتوا أي شي .. وين كان مختفي .. ومن وين جاء ..
الضابط يهز راسه / اخ غيث قلت لك كل اللي حصل .. وانت شفت البائع اللي بلغ .. وتكلمت معاه ..
كل الاسئلة اللي قلتها جوابها عند راكان .. الله يقومه بسلامه .. وبعدها راح تعرف انت وانا والكل الاجوبه ..
غيث يوقف ويصافح الضابط / اعذرني .. اتعبتك بالأسئلة ..
الضابط / لا ابد .. لك حق الخوف والاهتمام ..
غيث / مع السلامة ..
الضابط / مع السلامة ..
خرج غيث والضابط يتابعه بنظراته ..



ــــــــ



قبل ساعتين ..

بالرياض ..
صاحب السيارة نزل من سيارته / لا حول ولا قوة الا بالله .. من وين طلع لي هالرجال ..
زوجته بالسيارة وابنها الرضيع نائم في حضنها تبكي من الرعبه / حي والا ميت ..
العنود وصبري وصلوا له .. العنود توقفت عن الحركة .. وعيونها مركزة على ابوها بصدمه ..
صبري تقدم .. وبعبرة / يا عمي يا عمي ..
الرجال / ساعدني اركبه بالسيارة ..
العنود تقدمت بخطوات موجوعه .. وبغصه / يـ ـوبـه .. يـ يـ ـوبـه ..
الرجال ابتعد بارتباك / يا اختي .. خلنا نساعده ونوديه المستشفى ..
العنود بصمت جلست بالقرب من ابوها وحطت يدها على مكان النبض بيد ابوها .. رفعت يدها وجلست ..
واحد من المتفرجين الملقف عديمين الاحساس .. طلع جواله وصار يصور ..
واحد اخر .. لمن شاف الرجال بيحرك ابو سطام / لالا لا تحركه يمكن فيه كسر والا شي وبدال ما تساعده تأذيه اكثر ..
واحد اخر .. / انا اتصلت على الاسعاف وبلغتهم ..
واحد ملتحي / ان لله وان اليه راجعون .. " التفت لشباب يصورون بالجوال " ..
الله يهديكم يا شباب من ستر عورة مسلم بالدنيا ستر الله علية بيوم القيامة .. ولا تنسى بان ما قدمته اليوم يقدم لك غدا ..
وانتم با شهر فضيل كريم .. ما يصير الي تسونه .. " الشباب اثرت فيهم الكلمة ونزلوا جوالاتهم ومسحوا الصور " ..
طارق جاء يركض .. شاف العنود جالسة بجانب ابوها وعيونها عليه ..تقدم وجس نبض سطام وعرف انه غادر الحياة ..
تقدم منه المطوع وهمس معه .. المطوع فرد شماغه وستر ابو راكان .. منظر اقشعر له البدن ..
همسات ودعوات تعزي وتدعوا بالرحمه للميت والصبر لاهله .. طارق غص بعبرته .. التفت للعنود ..
شافها جامدة مكانها متحركة .. عرف انها عرفت بوفاته .. خالها نايف كان يعشق الطب ..
ولكن لاجل امه درس تجارة و ادارة اعمال .. ولكن يعرف الكثير في امور الطب وعلم العنود ..
تقدم لها بخوات مثقلة و مال عليها وهو صاد بعيونه وبهمس موجوع / عظم الله اجرك يا اخت نايف ..
" غص بباقي الكلام .. التفت للمطوع وهو امام المسجد .. وبنظرات ساعدني " ..
المطوع / يا بنتي .. ربك قال بكتابه الكريم .. وبشر الصابرين الذين إذا أصابتهم مصيبة
قالوا إنا لله وإنا إليه راجعون أولئك عليهم صلوات من ربهم ورحمة وأولئك هم المهتدون ..
اصبري يا بنتي واذكري الله .. وادعوا له بالرحمة والمغفرة .. اكثري من الاستغفار .. فهو يقوي القلب ويفرج الهم ..
.." انتبهوا على وصول الاسعاف " .. كانوا فيه حريم متوجهين للمسجد لصلاة العشاء والتراويح ..
شافوا العنود وتوجهوا له .. وقفوها وسندوها الى ان وصلوها لبيت ام طارق .. طارق طلع مع ابو راكان بالاسعاف ..
تفاجئوا المتجمهرين بسيارة اسعاف ودفاع مدني ليسيروا خلفها ..
اطفاء الدفاع المدني الحريق الذي وصل للملحق واتلف جزء منه ولم يصل الى البيت ويتأذى منه ..
المسعفين والممرضة صعدوا للأعلى واخذ ام راكان ..
ام طارق تهلل / لا اله الا الله .. لا اله الا الله ..
" وهي تسير خلف المسعفين الذين حملوا ام راكان وركبوها الاسعاف وذهبوا "..
وهي تودع ام راكان بعيونها انتبهت لوقوف النساء امام منزلها.. توجهت لمنزلها ..
ام طارق بتعب / عسى ما شر .. ليه واقفين هنا ..
واحده من النساء / لقينا بنت الظبي عند ابوها .. الله يرحمه ويصبرهم .. البنية شكلها تعيبانه ودوها المستشفى ..
ام طارق ما سمعت باقي الكلام وهي تدخل مسرعة الى منزلة ..
شافت العنود جالسة عند المدخل وهي واضعة يدها على راسها ..
ام طارق تجلس بجانبها / العنود يا بنتي .. العنود " هزت كتفها " ..
العنود ما تحس بمن حولها من لمن شافت ابوها بذاك المنظر الم قوي صاب راسها .. اعمى نظرها ..
واصب اذانها بطنين قوي .. الارض متزلزله تحتها .. حست بشي دافيء يسيل من انفها ..
لتبدا الرؤيا بالوضوح قليلا ويخف الطنين .. تسمع همهمات من حولها .. هناك اشخاص يكسوهم السواد واقفين ...
ام طارق سحبت الغطاء عنها لتشهق بخوف / هئئئئئ بسم الله عليك .. " لتصرخ " يا البندري يا البندري ..
البندري وهي تبكي / سمي يمه .. " الحريم اللي عند الباب سمعوا اقامت الصلاة وراحوا وهم يدعون للعنود " ..
ام طارق / جيبي فوطة توك اعجلي ..
البندري التفتت لوجه العنود ورجعت بسرعة لداخل جابت فوطة صغيرة بيضاء وتمدها لـ امها ..
ام طارق حطتها على انف العنود وهي تقرا المعوذتان والاخلاص واية الكرسي .. وبعض الأدعية ..
العنود افاقت وادركت بالي حولها واتزنت صورة الارض امامها .. سحبت الفوطه ووقفت .. وبهمس / امي ..
ام طارق تمسك بكتفها / اجلسي وارتاحي .. الحين اخلي طارق يودينا يمها ..
العنود تبعد يد ام طارق / امي في البيت .. اخاف الحريق يوصلها ..
ام طارق / الدفاع المدني طفاء الحريق وامك اخذوها للمستشفى و...
لتقاطعها العنود وهي تركض للبيتهم .. دخلت البيت وشافت صبري يبكي على عتبه الباب ..
العنود بصراخ / صبرررررررري .. ليه شبيت الحريق .. ليييييييييييه ..
صبري يبكي / والله ياعمه .. شفت حفرة الثعبان وقالوا اصدقائي هك عفن يمكن بيضها شعنا النار ..حتى تخروج ... لـ ..
العنود قاطعته وهي تدخل البيت بامر/ قوم شغل السيارة و وديني لهم قوم ..
العنود تلتقط عباءتها المعلقة بدولاب خاص بالعبي قريب من المدخل ..
لترمي جلال الصلاة على كنب الصاله وتلبس عبايته وشيلتها وبرقعها وتطلع بسرعة ..




ـــــــــ



متعب قلبـــي كل هـــمٍ يسـوقــــه
و انــا أقـاسي في حياتي مــعـانـاة
قــامـت تجـــدد كـل يـــومٍ فتــوقـــه
و الوقت ما جالي على كل مشهاة
حتـى عـيــونــي للمــدامـع شفوقــه
والليل كلــــه بيـن هـــمٍ وآهــــات
لا أقبـل عـليّـه نـومهــا مــا تذوقــه
ينام من حولي وأنــا دوم مـا بـات
يا ما انتظرت الصبح وارجي شروقه
كــن الدقــايـق فوق قلبـي ثقيلات
ويــن الســحـاب اللـي فقدنا بروقـه
لـيـن القفـر غطّى جميع المساحات
الارض عـطشى والنفوس امحروقـه
على الذبول اللي غشاها بلحـظـات
مـا للمـطـر طــاري وقـفت سـبوقـه
مـع الذي راح وتـركنـا بـمتـاهــات
الشـايب اللـي غـاب عـنّا شـروقــه
وش به تركنـا في ظروفٍ صعيبات
الضيـم اشـوفــه كل ساعة واذوقـه
و ذقت الألم من يوم ما عودنا مات
ودي بشـوفـه مـير صعبٍ طــروقـه
من راح .. راح وكل شيٍ وقد فات
نفسي على اللي راح دايم شـفوقه
أحـتاج له يا خال هالوقت بالــذات
مـــا دام قلبــي كـل هــــمٍ يطـوقــه
و حــنّـا بقينــا دايـم الـدوم بأشتــات
ليت الذي تحت الثرى صار فوقـه
حتى يشوف إش صابني بعد ما مات
(( والموت حق وكل نفسٍ تذوقـه *** مير البلا من ذاق موته ولا مـات))





الان بالمستشفى ..


طارق يتكلم مع الشرطي ..
ام طارق والعنود يجلسان بالقرب من بوابة العناية المركزة ..
طارق رفع جواله اللي نسية في البيت و جابته امه .. / هلا متعب .. لا .. حنا بمستشفى *** ..
نصف ساعة ليدخل متعب وهو ببدلته العسكرية .. ووجهه معتم وبصوت جهوري / السلام عليكم ..
العنود التفتت له .. / ..........................
متعب يقبل راسها / البقى براسك وانا خالك .. الله يرحمه ويسكنه فسيح جنانه ..
العنود بغصة / جزاك الله خير ..
متعب يتقدم من طارق / بلغت اهله ..
طارق يهز راسة / لا .. والشرطي قال تبلغونهم والا نتكفل احنا بتبليغهم قلت لا احنا نبلغهم ..
متعب يطلع جواله / اجل بلغهم انا مالي حيل .. ابوي ما بلغته ..
طارق / يوم كلمتك كنت وين ..
متعب / في الدوام وطلعت بسرعة ..
طارق يرفع ساعته وبخوف / مجنون من الدمام لرياض بساعتين ..
متعب بضيق / اجل تقولي اللي تقوله وما تبيني اجن .. هذا سطام و شيخة .. الا شلون شيخة ..
طارق بحزن / ميته دماغين .. ما شفت العنود وشلون صرخة بالدكاترة ..
يوم قالوا نسحب الاجهزة عنها .. والله بغت تذبحهم ..
متعب بضيق / لا حول ولا قوة الا بالله .. الحين لازم نبلغ عن وفاته .. ابلغ صلاح وهو يبلغهم ..
طارق / بكيفكم بس انا ما اقدر .. برغم اني شرطي و واجهت من قبل مثل هالمواقف بس الحين ما اقدر ..
متعب رفع جواله وبلغ صلاح .. متعب بعد ما قفل / صلاح قدها ويبلغهم بوفاة ولدهم ..
خليني اتصل على ابوي .. ويشوف احد يجيبه .. " رفع جواله وبلغ ابوه .. وقل انه راح يجي مع سمير زوج مشيرة " ..
صلاح وصل وبسرعة توجه للعنود وقبل راسه / عظم الله اجرك يا اخت نايف ..
العنود تنهدت / جزاك الله خير ..
صلاح تقدم من متعب وطارق وعزاهم / وين اهله ..
متعب يمد جواله / ما بلغناهم انت بلغهم ..
صلاح بضيق / والله ما اقوى ..
العنود من وراهم .. / متعب هات الجوال ..
متعب باستغراب مد الجوال لها / ............
العنود بغموض / افتحه واتصل على عمي سلطان واعطيني اياه ..
متعب / العنود لـ ...
قاطعته العنود باصرار / متعب سو اللي قالته وبس ..
متعب التفت لصلاح وطارق واشروا له ما لنا دخل .. متعب فتح جواله واتصل على سلطان ..




ـــــــــــ



بيت ابو سطام ..


ابو سطام دخل لجناحه وهو مرهق جدا ما بقي الا ساعتين على اذان الفجر ..
ام سطام قاعة تسمع القران والنوم مجافيه .. جلست على السرير / هلا ..
ابو سطام يجلس على الكرسي وبارهاق / السلام عليكم ..
ام سطام / وعليكم السلام .. ها بشر ايش لون راكان عساه بخير ..
ابو سطام يتنهد / على الله .. ادعي له يا حرمه ..
ام سطام تمسح دموعها بطرف شيلتها / والله اني بي ضيقة من قبل امس .. وما غير اهوجس ..
ابو سطام خنقة العبرة / ومن سمعك .. بي حرقة هنيا " وهو ياشر على صدرة " .. تقال منزوع من شي ..
" وقف ورمى شماغة وعقاله وتوجه للحمام الذي بجناحهم " ابي اصلي لي كم ركعه ..
وقولي للخدامه تحط لي سحور خفيف .. كبدي ماهي مشتهيه شي ..
ام سطام / ان شاء الله " قالتها وهي ترفع التلفون وتطلب الخدامه "..



ـــــــــــ



بيت ابو بتال ..

جالس بصالة قبال التلفزيون .. وبتال وسعود و سامر معاه ..
ابو بتال ياكل تمر ويشرب لبن .. يبي يتسحر قبل لا يأذن الاذان ..
بتال يطالع ابوة و بيده عصير مانجو .. وبضيق / ايش نقول لسمر ..
ابو بتال بجفاء ونبرة مقصودة / و ايش نقول لراكان ..
بتال / .................
سعود و سامر مو فاهمين / ............
ابو بتال ينزل كاسة البن .. رن جواله سحبة من على الطاولة واستغرب من الاسم ..
ابو بتال / هذا متعب الظاهر يبي يسالني عن راكان ..
بتال بقرف / من زود السنع يتصل بذا الساعة ..
ابو بتال بحدة / الا والله فيه الخير .. احسن من بعض الناس اللي السنع عندهم ضاع ..
بتال بقهر صد / .................
ابو بتال يتنهد / هلا بأبو منصور ..
........بهدوء / السلام عليكم ..
ابو بتال اعتدل بجلوسه .. و باستغراب / وعليكم السلام ..
......... بهدوء / ايشلونك يا اخو سطام ..
ابو بتال بضياع / من انتي ..؟
بتال وسعود وسامر التفتوا لـ ابوهم باستغراب ..
........ بهدوء يخفي وراه غصة / انا العنود بنت سطام ..
ابو بتال يبعد الجوال عن اذنه .. دقق بالاسم وكان مكتوب متعب بن منصور ..
رجع الجوال لاذنه وبخوف / العنود .. فيكم شي ..
بتال فتح عينه للاخير .. وكل حواسة مع ابوة ..
العنود والغصة تمكنت منها / ابوي .. يطلبك السماح ..
بهت وجهه .. تنهد و بغصة / ان لله وان اليه راجعون .. ان لله وان اليه راجعون ..
ان لله وان اليه راجعون .. " رددها اكثر من مره " .. " قفل المكالمه وهو ما زال يرددها " ..
.. " وبضيق يزداد وغصة كل مالها تكبر " .. لا اله الا الله .. لا اله الا الله ..
" وضع يده على صدره وهو يرفع راسه للأعلى لعله يقدر يتنفس " ..
بتال قفز من مكانه وبخوف / بسم الله عليك يبه .. بسم الله عليك ..
سعود يقدم كاس الماء لبتال / شربه ماء ..
بتال يقرب الماء من والده ليدفعها بعيد عن يده وقف ابو بتال وهو يلتقط جواله وشماغه وهو يمسح على وجهه ويهلل ..
ابو بتال / لا اله الا الله .. لا اله الا الله .. " وهو متوجه لـ الباب للخروج من المنزل " ..
بتال بترجي واهتمام / يبه .. يبه .. ايش قالت لك العنود ..
ابو بتال توقف عن المشي وهو قريب من الباب لف الشماغ على وجهه " تلطم يعني "/ عمك سطام يطلبك الحل ..
بتال وسعود وسامر بذهول / ...........
ابو بتال والعبرة خانقته طلع بسرعة وتوجه لبيت ابوه .. سعود وبتال وسامر على طول طلعوا فوق ..
وغيروا ملابسهم ونزلوا .. بتال اتصل على سند وطلال .. سعود بلغ عناد اللي مرافق على راكان و معاه زياد ..
وسامر ارسل النعي بالواتس اب .. وخرجوا جميعا لحقين با ابوهم ..



ـــــــــــــ



بيت رعد ..


دخل شقته وهو تعبان .. جوع وارهاق ..
التفت يمين ويسار ما شاف هيفاء .. استغرب بالعادة تستقبله بالابتسامة والجلسة الحلوة والاكلات الخفيفة والعصير..
توجه لغرفة الملابس يبي ياخذ ملابس ويدخل الحمام ياخذ له دش " اكرمكم الله " ..
هيفاء تو مالها ربع ساعة داخله تسحرت مع البنات في بيت ابو طلال ..
كانت تبدل ملابسها و تحاول تسحب كم البلوزة .. بدون لا توجع كتفها .. وهي مركزة بهالشي .. الا..
رعد من خلفها .. بذهول / ايش ذا ؟ " قرب منها " ..
هيفاء التفتت عليه ورفعت كم بلوزتها بسرعة اوجعتها .. واجهته .. وبحدة / ليه ما استأذنت قبل ما تدخل ..
رعد بحدة يلفها على الجدار ويسحب بلوزتها للاسفل .. وفتح عينه للاخير .. وبذهول / ايش ذا ..
هيفاء بعدت عنه ورفعت بلوزتها ببرود وبصد / ولا شي .." انتبهت ان هي نزلت البنطلون " ..
سحبت الروب ولفت جسمها .. بخجل مع ضيق / ممكن تطلع ابي اغير ملابسي ..
رعد بعصبية / اكيد ابي اطلع وانتي بتغيرين ملابسك .. رايحين للمستشفى لانـ ..
قاطعة رنين التلفون .. سحبة من جيبه بعصبية بيقفلة بس استغرب اول ما طاحت عينه على اسم سلطان .. يتصل بك ..
رعد بخوف / هلا ابو بتال عسى ما شر ... " اختفاء لون وجهه .. ليقفل المكالمة ويجلس على الكنبة " ..
هيفاء تقدمة منه وبخوف / رعد .. ايش فيك .. أيش قال لك ابو بتال .. رعـــــــــــد " وهي تهز كتفه " ..
رعد بعبرة / سطام .. توفى ..
هيفاء تراجعت خطوتين للخلف و حطة يدها على شفايفها / .....................
رعد وقف واخذ شماغة وتلطم بها وطلع لسلطان اللي ينتظرة عند باب جناح ابوه وامه ..




ــــــــــــ



امام جناح ابو سطام ..

واقف يحاول يقوي نفسه .. عبدالعزيز ورعد وطلال وبتال وسعود وسامر وسيف واقفين بالصالة ..
سلطان يتنهد وبهمس خافت / يا الله تسهلها يا رب .. ايشلون اقول لهم ..


بداخل الجناح ..

ابو سطام اللي كان يطالع بالخبز الاسمر امامه والخيار والبن ما اكل منها شي ..
كل ما جاء يحط لقمه بفمه حس بمراره ..وينزله ..
ام سطام بعينها دمعه وبحلقها غصه والضيقة مستوطن صدرها .. تستغفر مره ومره تسمع القران وتردد وراء الآيات ..
ابو سطام بضيق وهو يطالع بالأكل / البارحة جفاء عيني الرقاد .. من عقب منام جاني فيه سند .. وطلبني ولبيته ..
ام سطام باهتمام / ايش طلابته ؟..
ابو سطام بضيق / ...............
سمع صوت طرقات الباب .. ابو سطام بضيق / تعال ..
سلطان دخل وباستغراب وكان والده ينتظره .. ابو سطام رفع راسة وطالع بولدة وعيونه غرقانه بدمع ..
سلطان تقدم وقبل راس والده وتقدم اكثر ليقبل راس والدته .. ابو سطام ياشر له بيده .. / اجلس عند امك ..
سلطان يجلس بجنب والدته .. وبضيق / جاك العلم ..
ابو سطام بغموض وهو يطالع ام سطام / جاني البارحة ..
سلطان مو فاهم / ...........
ام سطام بخوف / ايش علمه .. وايش بلاكم ..
ابو سطام بصوت عالي / لا الـــــه الا الــلــــه .. لا الـــــه الا الــلــــه ..
وصوت القران يملا الجناج .. ليستوطن بقلبهم من بعد الضيق قوة لـ الصبر واحتساب الاجر ..
سلطان التفت لوالدته وبضيق / يمه .. الله اللي اعطى والله الي اخذ ..
ام سطام بغصة تهتز / في من ؟
سلطان يمسك يدها بقوة ويقبلها وبغصة / سطام يطلبك السماح ..
ابو سطام يمسح دمعة فرت من عينه / ان لله وان اليه راجعون ..
ام سطام وضعت يدها على راسها وبألم / يا الله يا الله .. " ليسيل الدمع على خدها " ..
سلطان / ان لله وان اليه راجعون .. ان لله وان اليه راجعون ..
ابو سطام وهو يمسح دموعه / ان لله وان اليه راجعون .. ان لله وان اليه راجعون ..
ام سطام كانت تردد مثل ما يردد .. وتبكي بصمت ..
ابو سطام وهو يلتفت لسلطان وبضيق / من قالك ؟ ..
سلطان بغصة / بنته العنود .. يبه بنمشي الرياض .. ونكرم اخونا ..
ابو سطام يوقف بتعب .. وكانه بهذه الدقائق كبر عشرين سنه فوق عمره .. امسك بعصاه ..
وتوجه الى ثوبه المعلق على الشماعة .. كان يبي يخلع ملابسه .. ولكن اهتز جسمه .. ليجلس على الكنبه بتعب ..
سلطان ساعد ابوه في تغيير لبسه .. خلع ثوب النوم ولبس الثوب الابيض وتلطم بشماغه ..
لتصرخ به ام سطام وهي تبكي / دخيلك لا تحرمني من شوفته .. يكفي السنين اللي انحرمت فيها منه ..
خلينا اودعه .. كبدي وعيني تقنع .. " تقصد بانها تتاكد من موته وفقدانه " .. دخيلك يا سعود ..
تقدم ابو سطام من مكان ما تعلق عباتها وسحبها .. هو يعلم بمقدار وجعها .. اخذ العباية واعطها اياه ..
ام سطام تبكي ولا قدرة تلف شيلتها .. دخلت العنود والهنوف وهم يبكون .. تقدموا من ابوهم واخوهم سلطان ..
قبلوا راسهم و توجهوا لامهم وارتموا بحضنها يبكيان ..
ابو سطام تقدم من باب الجناح يبي يخرج .. سلطان لاخواته / اذكروا الله .. وساعدوا امي بالبس ..
العنود وهي تمسح دموعها / راح اجي واراك يمه مع فهد وسند ..
سلطان بحدة / لا وين تجون ..
العنود تبكي / ما يصير نودع اخونا ..
سلطان صد / راح نجيبه هينا وتودعونه ..
الهنوف تسيل دموعها تلبس امها الشيلة والبرقع .. / لا حول ولا قوة الله بالله ..
سلطان عضد ابوه و خرجوا ..
عبدالعزيز وعيونه حمر تقدم من ابوة وقبل راسه وبعبرة / عظم الله اجرك يبه .. " وقبل راس اخية .. ليتوجه لوالدته "..
شاف كل رجال العايلة متجمعه .. الكل تقدم من ابو سطام وقبل راسه وعزاه ..
ام سطام وقفت عضدتها الهنوف والعنود ماسكة عبأت امها الى ان خرجت من الباب ومسكها عبدالعزيز ..
سلطان بتعب / فهد مو لازم الكل يروح .. قسم العيال ..
سند جهز سيارته وركب معاه ابو سطام وام سطام ..
بتال ركب معاه سلطان وفهد وخالد .. طلال ركب معاه عبدالعزيز ورعد وتوجهوا للمستشفى يخذون زياد ..
كان وقت قيام صلاة الفجر .. مرا من امام المسجد والناس بتدخل للمسجد واستغربوا مرورهم بهالسرعة ..
وصار الكل يتهامسون ويتوقعون ..
الى ان واحد من بيت المنصور بلغهم بصوت عالي / يا جماعة سطام الفارس يطلبكم الحل توفى البارح ..
امام المسجد / لا حول ولا قوة الا بالله .. ان لله وان اليه راجعون .. " وهو يدخل للمسجد " ..
واحد واقف قبال الباب / ايش دراك ..
ولد المنصور يدخل المسجد / بلغني واحد من عيال عمي هم جيران لولد عمنا الي بالرياض ..
الامام بدا يرتب الصفوف وينباهم لصلاة والخشوع ..




ـــــــــــ



بالرياض ..

في المستشفى .. انتشر الخبر بالواتس والرسائل النصية والتوتير والمكالمات .. تجمع رجال كثير ..
الرجل اللي صدم سطام اهله وصلوا من جدة وطلبوا السماح و حاضرين بدية ..


العنود اخذت جناح قريب من قسم العناية المركزة .. قريب من امها ..
متعب بتعب واقف عند الباب لان بداخل ام طارق / الحين هو موقف لانه كان مسرع ..
العنود تتنهد بضيق / ولو كان مخفف السرعة بيغير المكتوب ..
متعب / اهله برا يقولون ندفع اللي يبونه من الديه انا قـ ..
العنود قاطعته بحدة / سطام ما له ثمن لو يجيبون بوزنه سبايك ذهب صافي ..
متعب قلهم ينقلعون عن وجهي والا لذبحهم كلهم .. لجاء جدي وعمامي يتكلمون معاهم ..
متعب / وانا هذا اللي قلته لهم " انتبه خلف العنود بداية الممر وشاف ابو سطام وابو بتال وبتال " ..
متعب بضيق / جدك وصل ..
العنود التفتت لخلفه وتقدمت لجدها وعمها .. قبلت راس جدها وعمها بغصة / عظم الله اجركم ..
ابو سطام بغصة / اجرنا واجرك .. عظم الله اجرك يا بوك ..
سلطان / عظم الله اجرك وانا عمك ..
العنود بغصة وهمس / جزاكم الله خير ..
انتبهت لسواد اللي خلف جدها .. الا جدتها اللي ساندها بتال .. تقدمت منها ليبتعد بتال خطوة والنار تشتعل بصدرة ..
وبداخلة " ما صدقت تتطلق .. حتى تصيع على كيفها .. واقفه معاه قبال الخلق " .. صد عنها ولا عزاها ..
ام سطام تبكي / راح الغالي ..
العنود بغصة وضيق / راح لجنة الفردوس .. راح للي ارحم من الخلق جميع .. راح لربه .. ادعي له يمه ..
ام سطام / الله يرحمه ويغفر له .. الله يسامحه .. يا جعلة لجنة الفردوس ..
فهد " ابو سند " وخالد " ابو عناد " وسند با اصوات متفرقة / عظم الله اجرك ..
العنود / جزاكم الله خير .. " التفتت لجدتها " ..
صوت خشن من وراء العنود / عظم الله اجرك يا اخت نايف ..
التفتت للخلف .. الا بشيخ ال سعد .. العنود بغصة / جزاك الله خير ..
بتال فتح عينه للاخير ورفع نظره لسند سند عطاه نظرة يعني مو وقتك ..
لفت يدها خلف جدتها وبهمس / يمه تعالي معي للجناح .. ترتاحين ..
ام سطام بوجع / اشوف سطام ..
العنود بغصة / مو الحين يمه .. فيه اوراق يخلصونها وبعدها تشوفينه وتودعينه ..
توها خطت خطوتين .. الا بصوت خشن اخر / عظم الله اجرك يا اخت نايف ..
التفتت الى انه احد راجال الاعمال والشيوخ المعروفين جدا / جزاك الله خير ..
لا تستطيع الوقف اكثر .. تحاول ان تسرع لتدخل الجناح .. وصل عمها عبدالعزيز ورعد ومعاهم زياد ..
....... بصوت له فيه نبرة حزن واضحه / عظم الله اجرك يا اخت نايف ..
العنود اخذت نفس والتفتت .. الا بصديق والدها وهو بزي العسكري .. العنود / جزاك الله خير ياعم وعظم الله اجرك ..
..... الواء هز راسه وهو مغمض عيونه .. مايبي الدمع يخونه / ...................
العنود اخذت جدتها ودخلت الجناح .. والرجال بدات تعزي ابو سطام واخوه وعيال عمه ..
وصل عبدالعزيز ورعد وطلال وزياد اللي منهار .. دخل عبدالعزيز ورعد وزياد للجناح وعزوا العنود ..
العنود تحضن زياد وتقراء عليه والغصة متمكنه من حلقها ..
زياد يبكي / ابونا مات ..
العنود تمسح على ظهر وبغصة / زياد .. اذكر الله وشد نفسك .. اوقف جنب جدك وعمامك ..
وخذ عزاء ابوك .. خلي كل من شافك يقول من خلف ما مات .. لا تكسر ظهري وانا اختك ..
ما عندنا غيرك .. نايف سافر وراكان الله العالم بحاله ..
" زياد ابتعد عن حضنها ومسح دموعه " .. وهو يتنفس بضيق / نا..نايف سافر .. متـ.. متى ؟
العنود بضيق وهي تمسح دموعه / من اسبوع .. مو مهم ..
" احتضنت وجهه بيدينها " المهم الحين تروح وتمسك عزاء ابوك جنب جدك وعمامك ..
زياد يهز راسه وهو يمسح دموعه .. العنود تنهدت .. وفتحت باب الحمام " تكرمون " / اغسل وجهك ..
زياد غسل وجهه و نشفه تلطم بشماغة وطلع لجده وعمامه وعيال عمه ..



ـــــــــــ




تجمع رجال كبير بالمستشفى .. نقل سطام من المستشفى الى المغسلة بسيارة الاسعاف و كان معه بالسيارة رعد وزياد ..
بعد غسلة .. وتكفينه .. دخل ابو سطام .. وسلطان لـ يودعونه ..
ابو سطام يبكي بحسر وهو يقبل سطام على جبينه / وداعة الله وانا ابوك ..
" وهو يقبل خده " الى جنات النعيم .. " وهو يقبل خدة الاخر " .. سامحني وانا ابوك ..
" وهو يقبل انفه " .. ما حميتك ولا اهتميت فيك .. " وهو يقبل لحيته " .. ما حفظة الامانة والله خذاها ..
ابو سطام يبكي بحرقة فهو ابنه الاكبر .. ابنه الذي يا ماء تمنى كثير يكون عندة شبيه لسطام ..
انقذ عائلته من الفقر والعار .. جعل لهم صية وهيبة ياحترمها الكل من يسمع باسمهم .. يقول والنعم ..
ابو سطام يمسح بكفه وجه سطام .. وببكى مرير / وداعة الله وداعة الله ..
سلطان يبكي والغصة متمكنه منه .. قبل جبين اخيه ..وتامل ملامحه .. وكانه لم يكن مريض كبير بسن ..
وجهها منير .. مبتسم .. كانه نايم مو ميت .. مسح دموعة ورجع قبل جبينة / سامحني يا اخوي ..
مسك يد ابوة وطلع .. دخلت العنود بنته وام سطام ورعد وزياد وعبدالعزيز مع بعض ..
ام سطام وهي تبكي تنحني لتقبل جبينة سبقتها الدموع وهي تسقط لتقبل جبينة .. قبلته عدة قبلات ..
رفعت نفسها لتنظر الى وجهه المحبب لها .. واذ وجهه مريح مبتسم .. وكانها تسمع ما يقول ..
بحسرة / مسموح يا نظر عيني .. مسموح قلبي راضي عليك دنيا واخرة ماعمرك قصرت يوم مرضك ما ينشره عليك ..
العنود وضعت يدها على راسها الصداع عاد .. الرؤيا تلاشت .. من حولها اصبح ظلام ..
احست بالأرض تهتز من حولها كادت تسقط لولا ان انتبه لها رعد ليمسكها .. رعد يبكي / بسم الله عليك ..
العنود لا زات تضغط على جبينها .. احست بسائل يميل الى السخونه يسيل من انفها .. سمعت نداء رعد ..
رعد بخوف / العنود تسمعيني ..
العنود بصوت مخنوق / ايه .. " سمعت عبدالعزيز يستسمح من ابوها ويودعه .. واخذ امه معاه " ..
العنود رفعت راسها وضغطت على انفها بالمنديل اللذي معها ..
رعد بعبرة / تودعين ابوك ..
العنود بختناق / بعدك ..
رعد تقدم من اخية وقبل جبينه / اعذرني يا خوي قصرت بحقك كثير .. وانت ما عمرك قصرت بحقي ..
لا بغربتي ولا بدراستي .." قبل جبينه مره اخرا " .. مسامح يا خوي ولجنان الفردوس ..
العنود وقف نزيف انفها .. قبلت جبين والدها سريعا .. وبهمس مخنوق / اعذرني يا الغالي .. ما قدرت اساعدك ..
لجنات النعيم .. وداعة الله .. " تقدم زياد وهو يبكي ويشهق بصوت عالي قبل جبين والده وماقدر يتكلم بس يشهق ..
رعد سحب زياد العنود سحبت الكفن الابيض وغطة وجه ابوها .. وهي تودعه لاخر مرة بعيونها ..
وعيونها رافضة تدمع .. حست بان المنديل اللي بداء ينزلق معناته ان النزيف عاد ..
خرجت وهي واضعه يدها اسفل غطاها تمنع نزول الدم اكثر ..
دخل سند وفهد وخالد وطلال وبتال يودعونه .. وبعدها دخل ابو بتال وعبدالعزيز ورعد وزياد ..
وحملوا سطام لسيارة الاسعاف ينقلونه لـ الخبر .. ويتم الصلاة عليه و دفنه بالخبر ..
العنود بقيت با الرياض .. سارة منومة بالمستشفى صابتها حمى من الفجعة وصلت 41 ومن امس مو راضية تنزل ..




ــــــــــــ



بالخبر ..


رنا وريهام .. دخلوا بيت ابوهم يبون يا خذون اغراض لهم ..
رنا طلعت فوق بسرعة .. ريهام وهي طالعه سمعت صوت غريب من المطبخ .. توقعته قطو ..
تقدمة من المطبخ بهدوء وفتحت عينها للاخير وهي تشوف ابوها يشرب ماي ووجه ابد مو طبيعي ..
تراجعت بسرعة بدون صوت وطلعت فوق .. اتصلت على صقر وبلغته بان ابوها موجود في البيت وهو ما شافها ..

بعد دقائق قليلة ..
صقر بالمجلس الداخلي وجهه اسود من اللي شافه / يبه ايش هذا ما تخاف ربك حنا برمضان ..
ابو صقر بلسان ثقيل وعيونه حمرا .. وقباله اكل واضح انه من اليل .. / ليش الاكل ممنوع ..
صقر / يبه حنا برمضان ..
ابو صقر بلسان ثقيل وسخرية / اوووووه رمضان محد قالي ..
صقر بقهر / ............
ابو صقر بلسان ثقيل / انت ليش جيت .. وليش زعلان ..
صقر بضيق من حال ابوة ومن موت خاله / خالي سطام مات .. والحين جايبينه بالطريق وبيصلون علية المغرب ..
ابو صقر يوقف بصدمة وخوف / سطام مات ..
صقر باستغراب / ايه ..
ابو صقر جلس على المركى .. وضع راسه بين يدينه وبخوف .. وكلام مو مفهوم / يا الله .. الحين من ؟ من ؟ ..
صقر باستغراب / من ايش .. يبه مو فاهمك ..
ابو صقر يوقف وبغير اتزان بالمشي من العرجة ومن التحشيش / انا رايح الحمام .. سوي لي قهوة تركية وكثر البن ..
صقر بضيق / يبه حنا برمضان ..
ابو صقر بصراخ / سوي اللي قلت لك علية وبس ..
صقر راح للمطبخ وبضيق وهو يستغفر سوا القهوة وكثر البن وخلاها مره ..
ابو صقر خرج من الحمام واخذ ملابسة النظيفة من الدولاب ولبسها و سحب شماغ نظيف ..
وطلع للمطبخ شرب قهوته بسرعة وشرب وراها كاس ماي .. وبسرعة / وديني للمكان اللي بيوصلون فيه ..
صقر تنهد وبضيق / طيب .. " ابو صقر والعكاز بيده لبس شماغه وتلطم وطلع وراء ولده " ..




ـــــــــــــــ



بيت ابو بتال ..

سمر تبكي / اااااهئئئئئئئئئئئئ ااااااااااهئئئئئئئئئئئئئئئئئئ .. ابي اروح لراكااان ..
الجوهرة بضيق / يا بنتي ما يحس فيك .. وين بتروحين ومن بيوديك .. اخوانك وابوك مشغولين بالعزاء ..
سمر تبكي / مع السواق .. مو لازم ابوي واخواني ..
الجوهرة بضيق / لو عليه ما عليه .. بس ابوك .. انا ماصدقت انه يسمح لي اطلع وافطر عند جدتك موضي ..
لو رحنا بدون شورة ايش يسوي فينا وفيك .. يربطنا .. اصبري يابنتي ويمكن وقتها يصحى رجلك .. اذكري الله يا بنتي..
سمر تبكي / اااااهئئئئئئئئئئئئئ اااااهئئئئئئئئئئئئئئئئئئئئئئئئئئئئئئ ..
الجوهرة قامت وراحت لصالة الجناح .. وشافت غرام وشجون ..
الجوهرة وهي تلبس نقابها / خلوكم عندها .. واذا صار شي لقدر الله اتصلوا ليها ..
غرام بضيق / ان شاء الله ..
دخلت غرام وشجون لغرفة سمر وبداؤه يهدونها ويذكرونها بالله ولازم تدعي برحمه والمغفره لخالهم سطام ..



ـــــــــــ



بالرياض ..
بالمستشفى ..


ام عبدالعزيز واقفه و هي لبسه عبايته وبرقعها ومستنده على عصاتها .. بحنية ..
.. / يا بنتي انا رايحه لعزاء ابوك بالخبر .. تبين مني شي .. اقعد عند عيالك ارعاهم .. ؟!!
العنود غصب ابتسمت / لا يمه .. البندري وخالتي ام طارق وزهرة ما يقصرون .. فمان الله ..
ام عبدالعزيز تنهدت بضيق على حال هالبنت / اجل عظم الله اجرك .. و وداعة الله ..
العنود / جزاك الله خير ..
خرجت ام عبدالعزيز من الباب .. التفتت العنود لسارة اللي نايمه والمغذي بيدها ..
دخل صلاح وبصوت خافت / السلام عليكم ..
العنود اللي مازالت واقفه من بعد ماطلعت ام عبدالعزيز كانت فاتحه وجهها وشيله ملتفه على راسها ..
وبعض خصلات شعرها الصغيرة متمردة وطالعه واضح عليها التعب والضيق والارهاق .. بتعب / وعليكم السلام ..
صلاح اشر لها بان يطلعون لصالة الجناح .. طلعت العنود .. صلاح / كيفها ساره الحين ..
العنود تنهدت بضيق / كل ماصحت راحت تبكي وتصيح .. وترتفع عليها الحرارة وتهلوس .. البنت مرعوبه ..
صلاح يمسك ضايق صدرة على العنود وبدون سابق انذار سحبها لصدره وضمها .. وبعتب / ابكي ..
العنود والغصه ممتلكتها / وانا ابكي .. ان عيني ما بكت قلبي يبكي ..
صلاح ابعدها بضيق وضم وجهها بين يدينه / وايش قصة النزيف ..
العنود تنهدت / ما ادري .. بس الترة الاخيرة زايد ..
صلاح بعتب / وليه ما فحصتي ..
العنود ابتعدت عنه وجلست على الكنبة وهي تطالع لباب الغرفة / فحصت .. ما فيني شي ..
" رفعت عينها لصلاح " يا خال ما ظنتي ان الطب يعرف علتي ..
صلاح يطالعها بضيق وقهر وبعد صمت لثواني وبنبرة / ارمي همومك علينا .. يا روح خالك ..
العنود ابتسمت بسخرية / تدري ايش لصعب من الهم ..
اصْعَب مِن الّهـم انِك تُعَانِد الْهَم
تَمْشِي وَجـرَحُك مَاتَوَقَّف نَزَيـفَه
تَبْكِي بِلَا دَمْعُه وَتَصْرُخ بِلَا فَم
وَتُكَحِّل اهْدَاب الْعُيُوْن الكْفيفَه
يَامَا دُعِيْت الْحَظ مَاقَال لِي سْم
جَانِي عَلَى كِيْفِه وَغَادَر بِكَيْفَه
الْصَّدْر لِلَطَعَنَات مَهُوْب لِلْضَّم
لَاجَيْت اعَانِق صَاحِبَي سَل سَيْفَه
يَا كَم وَلَد خَال وَيَا كَم وَلَد عَم
قَلْبُه قَوِي لَكِن نَفْسَه ضَعِيْفَه
وَانَا احْسِب انّي حَافِظ الْسَّالِفَه صُم
لَكِن رُدُوْد الْفِعْل كَانَت عَنِّيْفَه
ايَّام ... وَالْايّام ماعِنْدَهَا دَم
ان جَت وَان اقْفَت مَاعَلَيْهَا حَسَيْفَه !!
صلاح بعتب / افاا وانا خالك .. هذا هقوتك فيني ..
العنود تنهدت / لا والله ما اقصدك يا خال .. واللي محملتك اياه يكفيك .. و ياما ايام حدتني على الضيم ..
مالقيت من يعوني غيرك .. انت عارف ايش مقصدي .. ولا تزودها عليه ..
صلاح تنهد بضيق ../ عنيدة طول عمرك عنيدة ..
" انحنى لها بسرعه ليقبل راسه " .. انا رايح للخبر .. يدوب الحق الدف والصلاة ..
العنود بغصة وهي صاده تطالع الباب / خذوه .. بعد هالعمر والسنين خذوه ..
صلاح بضيق وبنبرة مقصودة / كل طير مرده لعشه ..
العنود رفعت عينها بصلاح .. وكانت خالية من التعبر .. وكانها صدمها بالكلمة ..
وكانه يقول لها مردك للفارس مردك للخبر .. " كان صلاح يتكلم وهي مو منتبه ايش يقول ركزت باخر لحضة " ..
صلاح بحنية / وهذي حال الدنيا .. تأمرين على شي وانا خالك ..
العنود تنهدت / بغيتك تتصل على نايف وتبلغه .. من يوم ماسافر ما اتصل عليه .. خايفه من غيبته ..
صلاح يهز راسه / تامرين .. اذا مارد اتصل على ماجد والا اللي يتابعونه ..
العنود تهز راسها / فمان الله ..
طلع صلاح من الجناح .. العنود وقفت وتوجهت لساره داخل الغرفة ..



ـــــــــــ


بعد ساعات طويلة ..

بالخبر ..


تم دفن سطام .. وفتح مجلس ابوسطام لاستقبال المعزيين .. امتلاء بشخصيات مرموقة ..
من رجال الاعمال الى السياسيين الى الفنانين الى الاعلاميين المشهورين على العالم العربي والاجنبي ..


الشباب اللي يدورون بالقهوة .. عند مكان تصليح القهوة اللي حلف ابو عبدالعزيز ان تكاليف القهوة عليه ..
كان خارج المجلس مكان مجهز كخيمة يسوي فيها القهوة ..
سامر بذهول / والله ان عمي مو هين ..
بدر يالي وصل اول ليلة برمضان / ترحم عليه .. " اخذ دلة القهوة ومجموعة فناجين وطلع " ..
صقر يدخل / شفتوا من حضر ..
سامر / الله الله ..
ياسر ياكل من التمر / الا عمك ايش يشتغل ..
صقر بضيق / استغفر الله .. ترحموا عليه ..
ياسر وسامر / الله يرحمه ويغفر له ..
سند يدخل وبحدة / انت وياه وينكم ..
سعود يدخل وراه وبحدة / انتم ما تستحون قاعدين كانكم حريم ..
ياسر وسامر بسرعة ياخذون دلالهم ومجموعة فناجين ويطلعون ..
سند تكلم مع اللي يصلح لقهوة اذا ناقصة شي .. وراع القهوة قال ابد مو ناقص شي ..
كانوا 10 اشخاص .. ونارهم ما تطفي وريحة القهوة تهبل ..
سند بحزم لمن شاف بدر وسعود وسيف وفارس و صقر / ما ابي مماطله .. ما ابي اشوفكم جالسين ..
فارس يرمس نفسه على الكرسي ويمسك صرف ثوبه ويهف على فخذه .. وبضيق / انا ما اقدر اكمل ..
سيف يطرح دلته / القهوة حارة .. اكيد احترقت ..
سند بخوف / ايش صار ..
بتال يدخل وباهتمام / تعورت ..
فارس بضيق / لا مو كثير .. ما وصلت للجلد الحامي .. راس الجلد ..
سند بحزم / سيف وده المستوصف القريب وخلك معه ..
فارس ما صدق لان الحرق يوجعه بالحيل .. وقف ومشي مع سيف لسيارة ..
بتال بضيق / اعوذ بالله من الشيطان انفلتت الدله منه وهو نقز .. الحمد لله ما طاحت على احد المعزيين ..
طلال داخل / كيف فارس ..
بتال / راح للمستشفى ..
طلال يمد فنجان لسند / اعطه اخوك " ابتسم " واحد من الرجال قال ان صاحبة قال كلمة وما سكت الا على نقز اخوك ..
سند برعب / اعوذ بالله .. " وبصراخ " انتم ما تعرفون تحصنون نفسكم .. تبون تذبحونا هم ..
رعد دخل / ايش فيكم .. ووين القهوة .. عجلوا جوا معزيين جدد ..
طلع بتال .. وبدر صقر .. وسامر وياسر رجعوا واخذوا دلال ثانيه وطلعوا ..
سند اخذ الفنجان من طلال وسكبه بكيس نايلون ناوله اياه المسؤول عن الخيمة ..
ورمى الفنجان فيه وحطه بجيب ثوبه السفلي .. وبتنبيه / لجاء فارس كلموني .. واقروا المعوذات وتحصنوا بذكر الله ..
طلال وسند ورعد طلعوا بالدلال القهوة والفنجين ودخلوا المجلس ..
المجلس على كبرة الا ان المعزيين بعضهم ما يلقى مكان للجلوس ..
ابو سطام وبجنبة زياد اللي واضح عليه التعب .. كثير سال عن راكان ونايف .. وقالوا انه راكان تعبان ونايف مسافر ..
سلطان وعبدالعزيز جنب بعض .. عبدالعزيز بهمس / انت تعرف سطام كيف كانت علاقاته ..
سلطان بهمس / الله يرحمه كان كتوم ومحد يعرف عنه شي .. وبعد هذا كله .. ويش بقي ..
الشركة وراحت ماعاد بقى لها اثر .. اخوك ماخذ هالعلاقات الا من زين اخلاقه .. الله يرحمه ..
مافي احد يعرفه ما يحبه ويذكره .. جعله لجنات النعيم .. ويصبر قلب امي وابوي علة فراقه ..
عبدالعزيز تنهد / امين .. " دخلوا مجموعة معزيين وقف ابو سطام وعياله جميع " ..
باخر الصف .. خالد بهمس و بقهر / لا تحيب ان عمي غافل عنك .. الحين مو فاضي لك ..
بس يخلص العزاء ويشد حيله راح تشوف ايش يسوي فيك ..
راشد بتطنيش / وخير يطير .. وانا ايش سويت ..
خالد بقهر / انا شفتك وانت تدخل بيتك .. بس ما بغيت اجرح صومي علشانك ..
راشد صد عنه وطنشه / ................
خالد بقهر / سطام الحين مات .. يعني ان سويت مصيبه .. ماراح تلقى من يطلعك ويغطي على سواد وجهك ..
هذاك المره .. انسجنت وتوسط لك وخرجك مو علشانك علشان اخته مياسه ..
راشد بقهر / والله ان زودتها .. ليتكون مياسة مطلقه بالثلاث ..
فهد التفت عليهم وبهمس / ايش فيكم .. صوتكم مرتفع وكانكم تتهاوشون ..
خالد التفت لفهد / ما بنا شي .. بس اسال اخوك الشايب وينه فيه هالشهور ..
فهد بحزم / بعد العزاء لي كلام معاك ..
راشد وقف وتساند على عكازة وطلع من المجلس / ...............
خالد بقهر / معاد يحشم احد اخوك ..
فهد بضيق / الله يهديه .. " كان كل كلامهم همس ما بينهم " ..




ـــــــــــ



ايام عدة ..

وكل ماله الشهر الفضيل يقرب على الرحيل ..
غريب هالشهر .. كثر ما نحبه .. كثر ما يروح عنا بسرعة ونشتاق وتصيبنا الشفقه لرجعته ..
مثل احبابنا .. لتعلقنا فيهم . رحلوا وتركونا بسرعة ..



ابو سطام وام سطام بعد العزاء باسبوع .. راحوا لمكة .. اخذهم سند .. ابو سطام طلب سند .. اخذوا يومين ورجعوا ..
سلطان كان وده يخاويهم .. بس سمر نفسيتها تعبانه وقرب موعد ولادتها .. وهي كل يوم تبكي تبي تزور راكان ..
راكان بلا أي تطور .. نايم وكان رافض العودة للحياة .. حولوا ملفه لطبيب النفسي .. وعلى امل انه يومين ويصحى ..
عناد الضيق متملكته .. صديق عمره واخوه وروحه جثة امامه .. لهو ميت ولا حي .. كل يوم يسولف عليه ..
وبعض الاحيان يعصب ويصارخ .. ومره فكر انه يكب على وجه ماي بارد يمكن يصحى ..
بس الدكتور صرخ عليه وقال اذا ما عقل راح يطلعه من المستشفى .. راكان ما نام الا انه يبي الراحه ولازم تتوفر له ..
ساره .. وسلطان والظبي .. كل يوم يجون للعنود مع ام طارق للمستشفى .. العنود ما خرجت من المستشفى ابد ..
كل يوم تدخل على امها .. هو ممنوع .. بس العنود وواسطتها قدرت تكسر كل الممنوعات والعقوبات ..
كانت كل يوم تنظف امها .. تمسح جسمها بماي دافئ .. والكريم المرطب للجسم .. تنظف شعرها وتسرحه ..
تقصر اظافرها .. تقرا عليها ايات من القران .. وتغير لبسها ..كانت رافضة ان أي ممرضه تدخل وتساعده ..
ماتبي أي غريب يكشف على عورة امها .. وبعد ما تطلع من عند امها .. تروح للجناح القريب من العناية ..
تتحمم وتغير ملابسه .. مواعيدها محدده ودقيقه .. اول ما تطلع تلاقي ام طارق وسارة والظبي وسلطان ..
ترضع اولادها .. وتشوف ايش محتاجه ساره .. وتسولف معاها .. وصلاح مهتم بالعمال اللي في البيت ..




ــــــــــــــ



العناية المركزة ..

دخلت القسم .. شافتها الممرضة الفلبينية وعلى طول دخلت الغرفة وفتحت الستار ..
لتسمح للعنود بروية امها من خلف الزجاج العازل ..
اليوم ما قدرة تدخل .. ما قدرت تحمم امها .. انتفخ جسم امها بشكل رهيب .. وهي تراقب امها رحلت للماضي ..



.......بضحكه / يبه .. انت كيف تزوجت امي ..
سطام ابتسم وهو يلعب بشعرها / كم مره قلت لك السالفه ..
العنود بزعل / طيب قوله مره ثانيه علشاني .. والا انا مالي خاطر ..
سطام بحب / اذا العنود مهرة الفارس ما لها خاط من لها خاطر .. اقوله مره ومرتين وميه .. اممممم ..
يا طويلة العمر .. كنت انا صديقي عمر في الحرم .. نبي ندعي الله ان يسهل امرنا ..
العنود باهتمام / ايش كان امركم ..
سطام ابتسم وبداخله " كبرتي " / امرنا .. كنا نبي نسافر المانيا .. قابلنا واحد من التجار راعين الباصات ..
العنود / ايش الباصات ..
سطام / الحافلات الكبيرة مثل الحافلة اللي تحملكم للمدرسه بس اكبر تحمل الحجاج والمسافرين عرفتيهم ..
العنود تهز راسها / ايوه ..
سطام يمسح على دقنه / بس انا وعمر ما كنا نعرف بالباصات .. مره وحدة ركبنها ..
ونقلنا الحجاج من مكه للمدينه ورجعنا .. بس اللي نعرفه زين هي الواري والتريلات عرفتيها ..
العنود ابتسمت / ايوه .. اللي تشيل التراب واللي تشيل البضايع واللي تشيل الماي واللي تشيل .....
سطام يضحك / ههههههههه ايه ايه .. هي هي .. هههه .. المهم .. ويوم خلصنا عمره .. وصلينا الفجر ..
قال عمك عمر .. مانبي نرجع الحين ونستعجل خلنا ننام ونريحه وناكل وبعدين نمشي ونقول لرجال راينا ..
وفعلا .. راحنا حجزنا لنا غرفة ورقدنا فيها وارتحنا وعينا من الله خير .. نزلنا للحرم نبي نصلي العصر ..
وبعد ما صلينا وطلعنا .. وقفنا بتوسعة الحرم .. ونطالع لاحد المباني .. كانت عاليه حيل .. واول مره نشوف بعلوها ..
والا البنت اللي ورانا تبكي وتنادي .. فالاول فكرت انها تقصد احد ثاني معاها .. لكن من حسيت طقات خفيفه على كتفي..
التفت عليهم والا هم بنتين .. وحدة من البنات كانت مرعوبة وتبكي .. والثانية تكلمة ..
قالت وهي خجلانه وتبكبك " ابتسم ابتسامت عاشق " .. عبدالعزيز انا واختي ضعنا رجعنا لامي والله لتذبحنا ..
صديت والنار بقلبي تشتعل فكرت انها تقصد عمك عبدالعزيز .. واقول بنفسي " قبح الله لحيتك يا عبدالعزيز ..
وانا اقول مادام طلال رفيقة ماعليه خوف " .. كان مع عمك عبدالعزيز صاحب تقشعين ظهرك له .. تامنين ..
مايميل عليك غدار .. بس غدر به الموت الله يرحمه .. ويرحم اموات المسلمين .. المهم ..
قالت الاوله وهي تمشمش دميعاتها وماعجبها الوضع .. وبقهر " عبدالعزيز ايش فيك .. ليه ماترد .." ..
انا انار زادت بصدري بدال وحدة ثنتين .. والا عمر يدق كتفي ويهمس " انت تعرف هدولا البنات .."
وبلهجته الحجازية .. الله يرحمه ويغمد روحه الجنه .. رفيق غربة وضيم .. رديت عليه وانا معصب ..
" لا .. ايش يعرفني بهم " .. البنت كانها انتبهت ان فيه اختلاف .. وجهي ماكان واضح كله ..
ردت بخجل وارتباك " انت عبدالمحسن .. انا شمة وذي اختي شيخه .. بنات عمتك .." ..
انا قلت عبدالعزيز وعبد المحسن .. ذي ليكون مشبهتني لابوطارق .. شكيت بسالفه .. قلت له بحمية ..
" وصلتي ابشري اوصلك للمكان اللي تبين .." .. والا عمر يهمس لي " الحين نتاخر على التاجر .." ..
قلت له بحمية وشي بصدر يرفرف ما ادري ايش صابه " افا يا عمر تبينا اترك حميتي .." .. هههههههههه ..
عمر مافهم .. وقال " ايش .. ايش حميتك .. اسمع ياواد انا ما اعرف لكلام البدو كولوه اعرف شويه منوه .." ..
ههههههههههههه الله يرحمه .. قمت وقلت له " امش معي وبعدي افهمك " .. والله واقول للبنتين " تعالوا معي "..
واوديهم لعند بوابة الصفا والمروى .. واقول لهم " اجلسوا هينا ولا تتحركون .. ايش اسم ابوكم " ..
البنات التفتوا لبعض .. وهب هواء علينا اللي قشع وجه امك .. والله يسامحني ويغفر لي .. عيني زلت ..
وشفت خدها ومبسمها وانا من عقبها ما ادري ايش صابني .. ردت خالتك " انت مو ولد خالي منصور " ..
وقتها توكدت انهم يقصدون ابو طارق واخوه .. الا بذك الشايب ومعاه بنت اصغر وفاتحة وجها ..
ومرة كبيرة بس بصحتها ورضيع بيدها .. الشايب تشكرني .. وانا عرفته بنفسي .. وقلت له ان ابو عبدالعزيز ابوي ..
بس استغربت ضيقة الشايب واما المرة هلت ورحبت وسالتني عن امي وابوي واخواتي وخالاتي ..
وطلبت مني وامنتني اني ازورها لجيت الرياض .. وانا جايهم جايهم .. مامنه عوق ..
العنود باهتمام / يبه ايش قرابتك مع جدتي .. يعني كـ..


قطع عليها سيل ذكرياتها يد دافئة على كتفها .. قفزت لتلتفت برعبه .. واذ ....




انتهى ..

لا اله الا الله .. محمد رسول الله ..
سبحان الله .. و الحمد لله .. و الله اكبر ..

اتمنى اعجبكم .. وعذرا على القصور .. والاخطاء الاملائية ..
عارفة شنو بتقولون .. بتقولون ان هالبارت كئيب .. علشان كذا اخرته ..
ان شاء الله كم يوم والبارت الثاني ينزل .. بس ما اوعدكم بانه مفرح .. لا ..
راح بيزيد مصائب ومفاجئات لم تكن بالحسبان للعنود وغيرها ..

انتظروني ببارت الانقلاب ..

اختكم مشاعل السعودية ..

ياهلا ومرحب بكل من لفانا من خلف الكواليس .. حياكم الله ..

يسلموو ميشوو على البارات الثقيل
ابداعتي استفذتي مشاعرنا
بليز ميشو لتطولين علينا

صباح الخيرات ميشو .......كل عام وانتي بألف خير .....كنت داخلة ناوية اعلق على البارتات السابقة دام اليوم صحتي تمام بس لقيت البارت الجديد .......تسلم ايدك ياقلبي

سطام وشيخة

سطام المسكين راح من هالدنيا بعد ماتعذب بسبب الحقودة الله لايبيحها شرفوه ماادري ايش كسبت من الي سوته غير الذنوب .......وهذا سطام راح من الدنيا وارتاح من سحورها وحقه ماراح يضيع بياخذه بالاخرة منها ...وشيخة ماراح تطول اعتقد بتسوء حالتها وبتلحق زوجها والله يعين العنود واخوانها على الحزن ..... مااشوف شرفوه بينت حسبي الله عليها الله لايهنيها باقي ايامها طبعا ماراح تتأثر بالي صار واعتقد الحريق حرق السحر الي حاطته بالمخزن لذلك صار الي صار وشكلها شاملة العنود فيه بس بشكل مغاير ماكان واضح في البداية بس النزيف والي يصير فيها شكله سحر المفروض بعد ماتأكدت انو صحتها مافيها شي تتعالج عند شيخ وخصوصا الحين برقبتها صغار ثنين


العنود وبتال

بتالوه ماكلف على نفسه يعرف سبب اتصال العنود من جوال متعب وطبعا بما انه مايعرف انو عندها خوال من الرضاعة مفكر انو هالرجال الي حولها بسبب علاقاتها المحرمة بس بيندم واعتقد ردة فعل راكان بتكون مو بسيطة وهو الي بيصدم بتالوه بصلة القرابة الي تربطهم بصلاح ومتعب خليه يندم زين
واعتقد اذا العنود اخفت خبر عيالها عن ابوهم ماراح تطول لانو لابد بيوم وغصب عنها وبتعلمه بس ياخوفي يكون فات الاوان مو مرتاحة لشرفوه واحساسي انها مابتخلي هالعيال اذا عرفت انهم للعنود امثالها مابقلوبهم رحمة وساعتها العنود بتعرف انها كابرت وعنادها مانفعها حولها رجال تقدر تعتمد عليهم وهي الي براسها براسها ولا سكوتها ماله معنى عن وجود عيالها شي لازم بيوم بينعرف .....الله يستر على سلطان والظبي من شرفوه

اعتقد انو الجدة الظبي تقرب لسطام لانها من الفارس ..... اعتقد انها بنت عم جدها سعود وسند بس ايش الضرر الي سببوه لها .....وايش ردة فعل اهله يوم عرفوه مين ام زوجته متشوقة اعرف

الحمل الحين بيزيد على العنود وانتي قلتي المصايب جاية قدام اولها موت شيخة واعتقد عزاها بيكون بالرياض ويمكن مناروه تحضره وطبعا متعب واهله هم الي بيقومو بالعزاء لانها اختهم ويمكن هنا يكتشفو صلة قرابته للعنود
بس العيال متى بيعرفو بوجودهم .....

ماادري ليش حاسة انو طارق بيخطب العنود بس مابتقدر توافق لانو بتال بيهددها بعياله حاسة انو وجود طارق قريب من العنود بيكون له دور

راكان وسمروه

راكان والي تعرض له قمة الظلم وبكل بساطة جايين يقولو تشابه اسماء صدق ناس ضميرها ميت .....كل العذاب النفسي الي عانى منه راكان بسبب الحبس ماله قيمة عندهم حسبي الله ونعم الوكيل فيهم .....
الحين هو غايب عن اشياء كثيرة صارت بغيابه واعتقد انو الدلوعة بتولد وبتقوم مثل القردة بس الي ماعملت حسابه ردة فعل راكان اذا عرف انها سبب طلاق اخته اعتقد بيوقف بصف اخته خصوصا بعد المصايب الي مرت فيها واتمنى من قلبي يتركها تعفن عند امها خليها تتعلم مو كل الي يصير تروح تنقله وماتفكر بالعواقب ميشو مااوصيك ابغيك تبردي قلبي فيها موطايقتها تحمد ربها انو راكان تزوجها وصبر على ثقالة دمها .....متى تعرف انو الي كانت تكذب عليها مناروه الصايعة مو العنود كل العيلة بتنصدم حتى جواهروه الظالمة


هيفوه ورعد

لاالاخت مسوية فيها الخجلانة وهي الي ماعرفت الحياء بحركاتها وتفسخها عند رعد شفرقت يعني دخل وهي تبدل والا هي الي تتعمد تبرز مفاتنها وتسوي حركات ماتسويها الا عديمة الحياء اما العروس مستحيل تفكر بتفكيرها ....مهما سوت الي سوته طيحها من عينا لو من الاول فكرت بشي يحفظ كرامتها بدون حركاتها الماصخة كان وقفنا معاها البنت الجريئة ماتعجبني


نوالوه وسعودوه

مالت عليهم اثنينهم الاخت مصدقة عمرها تطلب مهر 500000 ا ريال ليش من تكون واحسن من بنات العيلة في ايش وحدة صايعة وقحة مغرورة مافيها شي الواحد يفتخر فيه مبسوطة انو الرجال تركض وراها وتلفت انتباههم بحركاتها التافهة تكلم هذا وذاك لاحيا ولا مستحى والمصيبة انو لقت مين يخطبها ويتهاوش عليها مالت على سعودوه الرخمة عرفت نوالوه تلعب عليه وخلته يخطبها وسعودوه كفوه واحد عديم كرامة بنت ترفضه يروح يتزوجها الله لايسعده لاهو ولاهي جد ناس تلوع الكبد .......والي يعل القلب الجد الي يشجع على المنكر والا بأي حق يمنع اخوان يفزعون لاختهم عرضهم شرفهم بأي حق سعودوه ياخذ وحدة ماتحل له ويختلي فيها ليلة كاملة والجد يصفق له استغفر الله ربي اذا هذا كبير العيلة مامنع المنكر مااشره على ابو صقر وبلاويه ........مهما كان غرض سعودوه والجد من الي سواه مايعطيهم الحق الي صار حرام ومايجوز بالشرع لو ربي كتب عليهم حادث وماتو الاثنين كانت الخاتمة من اسوء الخاتمات وفوقها كلام الناس الي بينهش نوالوه ......ماالوم اي وحدة من بنات العيلة الحين تحط واحد براسها وتخطط تجيب راسه بحركاتها دام نوالوه كسبت رهانها واخذت الي تبغيه وبطريقتها الكل بيتبعها

طلال ومراموه

حتى المهزلة الي صارت لطلال من الجد المفروض يستخدم اسلوب راقي ويجلس مع الولد بينه وبين طلال مو يسويه مسخرة للكبير والصغير هذا مو علاج الا همجية بالعكس كنت اتمنى طلال ياخذ حقه من مراموه يمكن تكبر عقلها المرات الجاية مو كافي متزوجها اجباري كل شي يفرضوه عليه شهالهمجية الي عايشين فيها كل شي يبغونه يمشي على كيفهم ........هذا زواج الاجبار شمتوقعين منه

يالله بنشوف ردة فعل الشايب اذا عرف انو بتالوه طلق العنود ومن شهور وهو مستغفلهم بشوف هل هالضربة بتصحيه من اجبار واحد من الطرفين على الزواج وبيعقل وبيخاف ربه وبيتبع الشرع في موافقة الطرفين على الزواج ولا بيضل على همجيته

رنيموه وسند

رنيموه مابطلت جنونها حتى بعد ماكبر ولدها ببطنها تتعمد تهمل ابسط حقوقه يعني خافت من امها وماخافت ربها وهي تتمنى موت هالطفل بكرة اذا جابت هالطفل فيه شي بصحته راح تتحمل ذنبه او يمكن ربي يحرمها منه بعد ماتتعلق فيه وتذكر اعتراضها على نعمة ربها ويمكن ساعتها بعد تخسر سند الي بيكون غبي اذا خلاها تمشيه مثل الخروف بعد كل الي سواه لها وهي مابين بعينها

تركيوه ورويشد

اجل تركيوه ورى المصايب واعتقد نايف ومتعب عرفو عن البضاعة وصاحبها ونايف الي شالها وتركيوه شك براكان وبعدين بزياد والله يستر عليه المسكين من شرهم .........اعتقد صلاح وطارق ومتعب عندهم علم بالقضية دام الثلاثة يشتغلو بالشرطة طارق هو الي كان مسوي حاله مجنون لانه شك بالسيارة الي تراقب بيت ابو راكان وصلاح وقتها كان يراقب شرفوه ام السحور ومع ذلك تاركينها تضر الناس ومامسكوها وحرموها شوفة النور باقي عمرها جزاء الي سوته بناس ماضروها بس لاحقاد وغيرة بقلبها
ورويشد له علاقة فيه وفي الخراب الي يمشون فيه وهذاك واثق انو ماراح يفتن عنه عند اي واحد من عيال الفارس بس هو ليش حاقد عليهم ومين الي يقصده من عيال الفارس غير راشد وغير زياد الي شاك انه صرف البضاعة هل له علاقة بدلالوه مااستبعد عليك ميشو شربكت الاحداث


شرفوه وقرودها

شرفوه راح تتفرعن بعد الي صار لسطام وشيخة وماراح تكف شرها واعتقد بتخطط على الصغار عيال العنود ....وبتحرق قلبها زيادة ماكفاها السحر الي شكلها مسويته للعنود ومسبب لها النزيف .....الله ياخذها ويكف شرها عن الناس جعلها الخبيث الي يتمكن منها .....بس ربي قادر يحرق قلبها بقرودها الي قهرني انو مهاوه نفذت من المصيدة وهربت ببساطة الا اذا خويتها مصورتها وبتبتزها وعساها تضيعها وتقهر شرفوه فيها


جواهروه
مصدقة عمرها بتسافر دبي ماادري بأمر مين اذا بيت اهلها بالموت سلطان يخليها تروح واخوانها ماعاد يحترموها لاوببالها تسوي الي يغضب ربها اكثر من الي سوتها وتحرفه بخلقتها لو تفطس وتموت مابيصير الي براسها وسلطان واخوانها راسهم يشم الهواء ......فالافضل تستر على عمرها لايحط سلطان على راسها الي تحرق قلبها او يطلقها بعد هالعمر وتصير شماته للي يسوى والي مايسوى

سطام لما تكلم عن شيخة واختها ذكر انو في اخت اصغر منهم اعتقد انها خديجة والرضيع نايف وخلود لسى ماانولدت اجل شرفوه وينها ومتى ظهرت بحياة سطام هذا هو التقى بشيخة وعشقها من اول نظرة وقبل ماتطيح عين شرفوه عليه والي مااعتقد في فرق كبير بين فترة زواج شيخة وزواجها لانو عبيد اكبر من العنود واصغر من راكان ويمكن زياد ........وماسوت سحرها اعتقد الا بعد موت الظبي لانو بحياتها ماكانت تتجراء ...يعني متزوجة ومعيلة ومااحترمت نفسها وحسدت اختها ودمرت حياتها ..... بدون اي احساس بالذنب

ميشو في انتظارك ياعسل والله

يستر من المصايب الجاية

كل عام و انتم بخير جمعياً و عيدكم مبارك

مشاعل ابدعتي بكلماتك و بالوصف و لا أجد في قاموسي كلمات تعبر عن مدى ابداعك

بارت موجع كوجع البارت السابق و لكن هنا زاد العيار لم اتوقع موت سطام ابدا ابدا

ما عندي اي توقع للبارت القادم

بانتظار البارت على احر من الجمر

ٍٍٍٍٍ