بسم الله الرحمن الرحيم

السلام عليكم ورحمة الله وبركاته

الحمد لله والصلاة والسلام على رسول الله

توكلنا على الله .. لا اله الا الله محمد رسول الله ..




البارت 23 ..




قالوا الشقا وشهو الشقا قلت الشقا .. ظلم السنين
( احد يمر ويتعبه ) !! ( واحد يمر ويقهره ) !!

قالوا الحزن وشهو الحزن قلت الحزن .. دمعة وعين
احد ٍ قوي .. ويصطبر .. واحدٍ تبلل محجره !!

قالوا الوفا .. وشهو الوفا قلت الوفا .. مسالم يدين
واللي يغدر فصاحبه .. عاد الليال بتغدره !!

قالوا الجفا وشهو الجفا قلت الجفا قسوة ولين
يما تغلى صاحبك .. يما ملقيك ظهره !!

قالوا الوصل وشهو الوصل قلت الوصل ماله وزين
يبري جروح ما برت .. والعفو عند المقدره

قالوا الامل وشهو الامل قلت الامل .. في نظرتين
احدن يحاول يكسبه .. واحدن يخاف ان يخسره !!

قالوا الرجاء وشهو الرجاء قلت الرجاء .. قلب حزين
يمشي على تراب الامل ,, ويخاف لا يسفى ثره !!

قالوا الوجيه اشهي الوجيه وقلت هي من جانبين
( وجه يزينه العفاف ) .. ( ووجه زين بمظهره ) !!

قالوا الحكي وشهو الحكي قلت الحكي .. ما بين بين
خير الحكي ما قل دل .. وزبدة القول ( ثمره )

قالوا الخجل وشهو الخجل قلت الخجل بالعام زين
( بس الخجل لا صار دون الحق .. خزي ومحقره )

قالوا الزمن وشهو الزمن قلت الزمن في ساعتين
ساعة طرب نفس وهوى وساعة خشوع وتذكره

قالوا الغلا وشهو الغلا قلت الغلا .. حب دفين
والحب لا قدهو حقيقه ودك انك تستره !!

قالوا الخطا وشهو الخطا قلت الخطا الله يعين
احدن ما لاخطاءه عذر واحدن ليا اخطا تعذره

قالوا المره وشهي المره .. قلت المره ضلع لدين
يبقى على طول آعوج .. من جاء يعدله كسره

قالوا الرجل وشهو الرجل قلت الرجل في حالتين
ابختصرها والذكي لا جاه حكيي فسره

( رجل سليط وكلمته ماهي تغدي لك كلمتين
ورجل معا العالم رجل .. لكن مسيرته مره !! )


" حمد البريدي " ..







بيت ابو نايف ..



شريفه / هذي الغرفه لـ عبدالله ..
تفتح الغرفة الثانية .. / وهذي ليه ..
تفتح الغرفة الثالثه .. / وهذي لـ مها ..
تفتح الغرفة الرابعه .. / وهذي لـ حنان ..
....... من خلفها بسخرية / للحين عندك امل تأخذني هالبيت ..
شريفه التفتت لتفتح عينيها للأخير / هذول عيال مين ؟!! ... " وهي تاشر بيدها " ..
نايف بحدة / عيالي .. والحين ورينا عرض مقفاك ..
شريف تختصر بقوة / هذا بيت ابوي ..
العنود بغموض / هذا بيت الظبي وسعد ماله شي فيه ..
شريفه تختصر / وأنا ايش عليه من سعد أنا بنت الظبي ..
العنود بغموض / علشان كذا عايشة للحين ..
شريفه تتنفس بقهر / هذا راكان وراح .. وراح يروح وراه زياد وبعده نايف .. وراح تبقين لوحدك .. مالك الا عبدالله ..
العنود بحده / أجل جهازي كفنه ..
شريفه رجفت قهر وخوف .. لتسرع وتلتقط عبائتها وتهرب / ......
العنود التفتت لنايف بحده / وين راكان ...
ساره الي نزلت بسرعه / العنود " لتحضنه و تقبلها " هذي الظبي .. واه فديتها ..
نايف / خذي سلطان .. اسمعي اذا أحد سألك من عياله .. قولي عيال نايف .. ﻻ أحد يأذيهم ..
ساره هزت راسها / طيب .. زياد مع عناد وغيث بالشركة..
العنود باستغراب / عناد وغيث ليه راكان وينه ..
ساره / راكان مختفي من سبعه شهور ..
العنود بغب / كيف يعني مختفي . . وليه ما قلتي لي ..
ساره التقطت سلطان وتراجعت بخوف من غضب العنود ..
نايف بعد ما اعطى سلطان ساره .. بهدوء / حنا قلنا لها ..
العنود بحدة / وليه .. ماني اخته ..
نايف / أنتي كنتي تعبانه ..
العنود بغضب تركته وطلعت غرفتها ... ساره / الحين تزعل عليه ..
نايف / لا ما تزعل و لا شي .. المهم أي أحد يسألك عن الظبي وسلطان .. قولي عيال نايف ..
ساره / أي أحد ..
نايف بسرعه وهو يطلع الدرج / ايه .. ايه ..
ساره تطلع الدرج وسلطان بحضنها / أي أحد .. أي أحد ..



ــــــــــ



بشقة بتال والعنود سابقا .. و غيث وريما حاليا ..


عناد / انتهينا من الجزء الصعب .. سحبنا ثلاث قضايا على ظهر راكان .. وبقى قضيتين ..
وخالي سطام انت قلت تقدر تقدم عذر طبي ما راح يقدرون يحاكمونه ..
غيث / ايه .. بس يلزمنا الدفع .. بس بهالعذر نقدر نطول المدة ..
عناد يريح ظهرة على الكنبة .. يتنهد / الحين يبي لي فترة نقاهه .. والله ياني مشتاق لخيلي .. العناد ..
زياد / ...............
غيث / ما شاء الله عليكم .. عمي سعود حببكم بالخيل مثل ما هو يحبها ..
عناد يبتسم / الله الله .. ومحد يعرفنا كثرة .. الا انت ما لك بركوب الخيل ..
غيث / الا لي .. بس ما املك خيل مثلكم ..
عناد بتحد / اجل تنافس ..
غيث يبتسم / خلني اشوف والقي ركوبه تعجبني وبعدين .. نتنافس ..
عناد / قدام .. " التفت لـ زياد " .. زياد جدي ملزم تجي ..
زياد / ياليت بس امي لها مراجعه وابوي بعد .. واختي وين اخليها ..
عناد / اووووه صدق .. اجل تلحقنا للخبر .. لو يوم وترجع ..
زياد ارتبك .. هو ما يحب يمشي بخط طويل لحاله يخاف / ما ادري اشوف ..
عناد يوقف / هذي مفاتيح الشركة .. ارسلها لـ ابو غازي .. مثل ما اتفقنا .. والله انه رجال ونشمي هالـ ابو غازي ..
غيث / أي والله ..
زياد يوقف / اجل انا استأذن ..
عناد / وانا بعد .. مشينا .. " التفت لغيث " .. بعد ساعتين ارجع ونروح سوا لشرقية ..
انا جيت مع سند وهو راح .. الله يستر عليه .. يعني مالي غيركم ..
غيث بمزح / الله من المغثة ..
عناد بابتسامه / كانت متوقع زياد يخاوينا واروح معه لك هذا قدر الله ومشيئته .. فشكوى لله ..
غيث / حياك يارجال السيارة سيارتك بس امزح معك ..
عناد / الله يهنيكم ويسعدكم .. يالله مع السلامه ..
طلع هو وزياد .. زياد يوصله للفندق ويروح للبيت ..



ــــــــــــــــــ


بيت ابو نايف ..

نايف / وين العنود ؟
سارة تلعب الظبي وسلطان نايم .. / طلعت ..
نايف باستغراب / وين راحت .. ومع من ؟
ساره تهز كتوفها / ما ادري اصلن هي معصبة من اول ما جيتوا وقعدت تتكلم بالجوال بعصبية وبعدين طلعت ..
نايف / اوووووف .. الله يستر .. انا طالع عندي مشوار قريب وراجع .. ما راح اطول ..
ساره / طيب .. " طلع نايف .. وساره نادت على زهرة " .. زهرة زهررررره ..
زهرة بسرعة / هص هص .. ليصحى الولد مفزوع .. انا اسوي فطاير احطها بالفرن وارجع ..
ساره / طيب ..



عند البوابه ..
زياد داخل وشاف نايف ..
نزل من السيارة بابتسامه / الحمد لله على السلامة متى وصلت ..
نايف / اليوم .. " وبعد السلام والسؤال عن الحال والاحوال " ..
زياد / جيت بوقتك .. ابيك بسالفه مهمه ..
نايف مستعجل / عندي مشوار قريب ومستعجل .. اروح وارجع وقول كل شي ..
زياد / وانا رايح لشرقيه مع عناد .. اجل لرجعت اقولك ما يصير نقولها بسرعة السالفه مهمه ..
نايف مستعجل / خلاص تم .. سلام " تركه وتوجه لسيارته اللي واقفه بالكراج ومجهزها صبري له ركبها وطلع بسرعة "
زياد .. رفع جواله واتصل على عناد وبلغه برجوع نايف .. وانه الحين يقدر يروح معاهم الشرقية ..


زياد دخل البيت .. / السلام عليكم ..
ساره / وعليكم السلام ..
زياد انتبه للبنت الصغيرة اللي بيدين ساره / من ذي .. " صحي سلطان بكي " .. ومن ذا ؟!!
ساره بعد تفكير لثواني .. وبارتباك / عيال نايف ..
زياد متفاجأ / تمزحين ..
ساره تهز راسها بـلا / ........
زياد بذهول / ....................
ساره تطالع فيه وفي تصرفه / ...............
زياد يوقف / انا ابي اسافر الشرقية مع عناد .. جدي يبيني ..
ساره / طيب ..
زياد طلع واخذ له لبستين بسرعة ونزل .. ساره باستغراب / بسرعة بتروح ..
زياد / ايه .. عناد وغيث ينتظرون .. مع السلامه ..
ساره / مع السلامه ..



ــــــــــ



بالمزرعة ..

الكل وصل .. ما عاد عناد وغيث وزياد .. وبدر لزال بالدورة العسكرية .. وابو صقر مسافر ..

بالمجلس المفتوح " الخيمة .. او الديوانية " .. ابو سطام وام سطام يتهامسون ..
ام سطام / تقول من يوم ما رجعت للبيت وهو ابد صاد ..
ابو سطام / اجل مرتاع ..
ام سطام / الظاهر ..
ابو سطام / اايييييييييييه خلاص ازهلي الموضوع .. الليلة نداويه بأذن الله ..
ام سطام / خير خير ..




ــــــــــــــ



في مكان ما ..

......./ ايه اسمه راكان سطام سعود الفارس .. من سبع اشهر ..
ابي كل شي .. مكالماته .. واخر اتصال .. من شافه .. كل شي ..



ـــــــــ


في مكان اخر وشخص اخر ..

......./ ابي سهره غيييييييير .. واجواء غير وبنات غير ..
........./ ابشر طال عمرك ..
........../ الا وين سامي ورامي .. من لمن جيت ما شفتهم ..
.......... / في السجن امسكوا من فترة طويلة كلها كم شهر ويطلعون ..
............/ كيف انمسكوا انا اعرفهم اذكياء ومثل القطاوة بسبع ارواح ..
.........../ ما ادري .. بس فيه واحد ثالث معاهم بس خرج ..
.......... باهتمام / كيف خرج .. ومن هو ؟
........... / عنده واسطة ... واسمه .. نايف الفارس ..
........... ابتسم بخبث / نايف .. والله انا قايل ذا الولد عاجبني وابيه .. كيف تعرف على رامي وسامي ..
........../ عبدالله .. تعرفه ... قريبه .. ولد خاله او خالته .. زي كذا ..
........ / هههههههههههههههه عيال الفارس .. آآآه من عيال الفارس .. هذول ذهب اذا وعدوا يوفون ..
خلك معاه .. ولا تفرط فيه .. ابيك تجيبه عندنا وهو مستوي .. فهمتني يا حسن ..
حسن / فهمت طال عمرك .. الا طال عمرك راشد و عمر و سالم سالوا عنك ..
....... / ايه ادري كلمتهم والحين على وصول .. شوف طالباتهم .. واهتم فيهم وخاصة راشد .. تعرف من راشد ..
حسن / اللي اعرفه ان اسمه الضابط ..
......... / هههههه صحيح .. الضابط راشد الفارس ..
دخل بعكازة وبنبرة مقصودة ........../ سمعت اسمي .. تمدح والا تذم يا تركي ..
تركي يوقف بخبث / اكيد امدح يا الضابط .. " وهو ياشر على مكانه " .. العين ما تعلى على الحاجب ..
تفضل صدر المجلس ..



ـــــــــــ


بالمزرعة ..

مرام بضيق / الليلة عيد زواجنا .. مرة سنه .. ولا سويت حفله وفرحت واستانست اوووف ..
نوال / مو لازم بنفس الليلة خليها بعد اسبوع يمكن تنفك عقدة طلال ..
غرام التفتت لمرام ونوال وتفتح عينها وتغمز وتاشر بحاجب يعني انتبهوا لكلامكم سمر موجودة ..
لكن نوال ومرام ما انتبهوا لها ..
سمر دمعت عيونه وبعبرة / عن اذنكم .." وقفت بتثاقل وابتعدت عنهم " ..
غرام بحدو / انتي واياها ما تحسون باللي حولكم .. انتي احمد ربك ان زوجك عندك وبخير ..
مو غايب ولا تدرين حي والا ميت .. احترموا شعور الغير .. " وقفت وتركتهم وتوجهت لسمر " ..
مرام عضت على شفايفها / يووووووه نسيت سمر ..
نوال / وانا ما انتبهت لها ..
ريهام / الله يهديكم بس .. الا وين شجون ..


بداخل الفلة ...

شجون تتكلم بالجوال ..

شجون / هلا سمية .. ايشلونك .. لا احنا بالمزرعة الكل خلص اختباراته قالنا نغير جوا ..
انتي كيفك وكيف اولادك .. " باستغراب " .. كيف .. اقابل من ؟.. " ضحكت " .. لا لا انتي رومانسية مره ..
لا طبعا ما اقدر .. ما في مجال ابد .. انتي تعرفين عائلتنا ايش كثرهم ما شاء الله .. ما تقدرين تاخذين نفس ..
الا فوق راسك عشر يتنفسون معاك .. يالله سمسم راح اتركك الحين .. ينادون عليها بااي ..
" قفلت المكالمه والتفتت لنفسها بالمراية نقصت كيلوغرام هالاسبوع .. جسمها احلو .. رفعت غرتها وحطت بنسه ..
وتركت باقي شعرها مفتوح توها قاصته جديد .. طلعت من الفلة وتوجهت للبنات اللي جالسي بالحديقة الخلفية ..


شجون / سلام .. " التفتت لغرام وسمر اللي جالسي جنب بعض " .. ايش فيهم ..
الكل / وعليكم السلام ..
رنيم تاكل فطاير باللحم والطحينه ../ سمر تبكي .. اامممم .. شجون ممكن تنادي نعيمة تجيب لي فطاير ..
ابرار تبتسم / ما شاء الله رنيم .. مره تغيرتي .. حلويتي وصرتي دبودبه تناكلين ..
رنيم بزعل / يعني انا قبل شينه ..
مرام تبتسم / لا هي تعقد مقارنه بيني وبينك .. انا بحملي سمرت وشكلي شين .. و سمر نحفانه ..
وانتي تهبلين .. " وبخوف " .. ما شاء الله ما شاء الله .. ليسمعني سند ويذبحني ..
رنيم كشرت وبقرف / اسكتي لا تسدين نفسي .. " وبصراخ " .. نعيمه نعيييييييييييمه ..
نعيمة جات لها ومعاها صينيه فيها فواكه وعصير و فطاير وساندويتشات وحليب ..
حطتهم قبال رنيم .. طلعت علبه صغيرة من جيبها / مدام .. هادا دواء .. بابا يعطي مدام يأكل ..
رنيم / ياكرهي للكلمات المتقاطعه .. دواء ما افي " وهي تهز راسها بلا " .. بس هاتي الاكل ..
" ريهام تدقها وبهمس " ../ امي تطالعك ... ان ما اكلتي بتزودين زعلها ..
رفعت رنيم نظرها لامها وشافتها تطالعها بحده .. اخذت العلبة من يد نعيمه وبلعت حبوب الفيتامين ..
نعيمة قربت صينية الاكل .. وبدات رنيم تاكل ..
نوال بابتسامه / بسم الله عليك ما شاء الله .. شوي شوي ..
رنيم تاكل بعصبية / ....................



ــــــــــــــــ



بيت ابو عبدالله ..

صوت رنين جوال ..
رفعت الجوال وفتحت المكالمة ..
.... / هاااااااااااي ..
مها / هااااااااااي ..
...../ كيفك يا قمر ..
مها بدلع / بخير .. كيفك سوسو ..
سهى / بخير .. اسمعي انا مسوية بارتين صغير وعازمتك ..
مها / واووو وناسة الاجازة بدات وماما مو راضية تسفرنا الى لمن يرجع عبدالله من السفر ..
سههى / يعني انتظر جيتك ..
مها / اكيد .. متى ووين ..
سهى / البارتين الصغير نهاية الاسبوع .. اما البارتين الكبير لسه ما حددت له وقت .. هذا تجربه ..
مها / وووووااااااااووووو وناسة ..
سهى / اكيد .. حاب تجيبي احد معاك ..
مها / راح اشوف حنون .. يمكن تجي ..
سهى / هلا بكم .. يالله باي قلبي رايحه اعزم الباقي ..
مها / بااااااااي ..


ـــــــــــــــ


بالمزرعة ..

ابو سطام / بتال ..
بتال التفت لجده / سم يبه ..
ابو سطام / وين مرتك من زمان ما شفتك رحت يم الرياض ولا جبتها ..
بتال بارتباك / يبه واشلون من زمان مارحت وانا قبل اسبوعين رايح له ..
بس ما اقدر اخذها من بيت اهلها وامها وابوها تعبانين ..
ابو سطام / اييه طلعت تروح وتجي والله ما دريت .. " وبنبرة مقصودة " اجل تعال قرب ابيك بسالفه ..
بتال يقرب من جده .. / سم ..
ابو سطام وشوشه باذنه ليبتسم بتال وياشر براسه / تأمر ..


ــــــــــــ


عند الحريم الكبار ..
ام سند / والله انك مو بصاحية يبيلك علاج ..
ام بتال تبتسم / الا والله الحين صحيت .. من الاول كان المفروض اشوف عمري ..
ام عناد / من اول يعني ماضي يعني الحين معاد يفيد شي ..
ام بتال / ايه انتم خلكم طول عمركم دافنين نفسكم .. لكن انا لا .. بس يرجع راكان وياخذ سمر ..
اخذ سامر وروح دبي واتونس عدل .. واشوف عمري ..
ام عناد / ادفن عمري بكرامتي ولا ادفن عمري بقهر وحرمة تشاركني خالد والا اتطلق بتالي عمري ..
ام بتال تبتسم / ايش تتطلقين والا حرمة ثانية .. الا اذا انتي مو واثقة من خالد وحبه هذا شي ثاني ..
لكن انا سلطان يشاهق باسمي ..
ام سند / واضح لدردجة العقال رقص سامر على ظهرك ..
ام بتال طالعتها بقهر / ..............
ام سند / الا يوم تقولين ابي اروح دبي واتونس واشوف نفسي وايش انتي مسوية ودبي ما رحتي لها وجهزتي بنتك منها ..
ام بتال / ابي اروح اسهر واشوف اللي في دبي كله .. يوم رحت لجهاز سمر ..
مغير بالصالون وكم يوم ورجعت وما شفت شي ..
ام عناد / والحين ايش بتسوين ..
ام بتال تبتسم / امشوا معي وتشوفون ..
ام سند / لا والله ماني برايحة .. ولا وحدة من خواتي بتروح .. ولا تخربين عقولهم ..
ان كان انتي ماخذه ولد سطام تراه حنين وفي دمه شوي من الحنان .. لكن حنا ماخذين عيال سند ..
والله لينحرونا نحر الشاة .. وعلى غير قبله ..
ام بتال / هههههههههههه انت تقولين هالكلام يا العنود لو مياسة كان صدقت بس انتي ..
مياسة " انا في ايش افكر وهم فا ايش " / ........................
ام سند / ايه انا .. اقول يا الجوهرة ليكون بتسوين عمليات تجميل ..
الجوهرة تصد بارتباك / ....................
ام عناد وسند وهم يضعون ايديهم بذهول على راسهم / الله اكبر ..
ام عناد تطالع بوجه الجوهرة لدقائق ثم انفجرت ضاحكه / ههههههههههههههههههههههههههه ..
تخيلي يا العنود تخيلي .. هههههههههههههههه شفايفها متنفخه كان قارصها نحل .. هههههههههههههه
ام سند / ههههههههههههههه والا خدودها .. هههههههههههههههههه والا الصدر ههههههههههههه
لالا هههههههههه ما اتخيل يا الجوهرة تسوينها ههههههههههههههههههههههه
الجوهرة / لية لا .. انا بس ابي اخفي هالتجاعيد .. اما الشفايف والصدر لا .. وابي اذوب هالشحم ..
" قالتها وهي تضرب على بطنها " .. لتنفجر العنود والهنوف ومياسة ضحك ..
مياسة / يا الجوهرة حنا خواتك ونبي مصلحتك .. اننتبهي لزوجك وعيالك .. قبل فوات الاوان ..
الجوهرة / زوجي وعيالي ما عليهم خوف .. كبروا ويعرفون مصالحهم بنفسهم ..
مياسة / وانا اختك هل يصلح العطار ما افسده الدهر .. ذي خلقت ربك .. واحمديه على الصحة والعافية ..
الجوهرة تصد عنهم ما عجبها رايهم ../ ..........................
العنود والهنوف ومياسة اشاروا لبعضهم يعني اتركوها بكيفها ...



ــــــــــــ



عند الرجال ..

بتال اشر لجده يعني كل شي جاهز ..
دخل سعود وهو شايل شوايه صغير " من النوع القديم اللي يحطون فيه الفحم " ووضعها بوسط المجلس ..
ابو عناد / سعود .. تشب الضوء وحنا بصيف ..
سعود / جدي يبيه ..
ابو سطام / ايه احس بالبرد وقلت شبوا الضوء ..
ابو بتال / اذا مريض يبه خلي رعد يكشف عليك ..
رعد عقد حواجبه وصد .. جات عينه بعين سند المبتسم / ........
ابو سطام بنبرة مقصودة / لالا انا ماني بمريض المريض طلال ..
طلال يلتفت لجده وباستغراب / اناا .. لا انا لا ني بمريض ولا بي شي ..
ابو سطام بخبث / الا والله بك بلا من يوم شفت وانت كانك مخبول تراكض مرتي ودت مرتي ولدت ..
طلال تذكر ذاك اليوم وكشر بوجهه .. صد عن جده وبضيق / ما فيني شي ..
ابو سطام ياشر لبتال .. بتال اشر لسعود وسند و رغد فارس حط سيخ في الفحم " حديده مثل المسمار بس طويل" ..
سند اللي كان جالس جنب طلال سحبه بحركة سريعه بسرعة قرب منه بتال ورعد وسعود وحملوا طلال ..
طلال متفاجأ / ايش فيكم وين بـ تودوني " يحاول يفلت نفسه من بين يدينهم لكن ما قدر "..
الشباب / هههههههههههههههههههههههه
ابو طلال / يا ولد ايش بتسوون ...
وسيف وقف بيفزع لا خوة بس رده عصات جده .. الشباب نزلوا طلال على الارض وثبتوه ..
ابو سطام يتقدم منهم / يا ولدي الظاهر من يوم جاك البزر .. زر عقلك وصرت مخبول ماغير فاتح فمك وساهي ..
ابي اطقك كم طق بالنار كود يرجعلك عقلك ..
ابو طلال يفز / يبه .. ايش تطقه ..
ابو سطام / يا فترس السيخ احتمى ..
سيف برعب / ايش سيخه يا جدي .. وايش تطقه ..
فارس يمسك السيخ بقطعه من القماش تحمي يده من حرارة السيخ .. ويعطيه جده ..
طلال اللي كان لبس جينز وبلوزه ... ابو سطام / يا سند افتح بطنه خليني اطقه كم كيه ..
طلال اللي طول الكلام ساكت صرخ / لالالالالالالالالالا جدي لالالالالالالالالالالالا ..
ابو سطام / يا سند تشوف صرته بها شي .. مايجه ولا منتفخة ..
سند بخبث / الا كانها ما يجه .. " ما يله " ..
طلال بخوف / لا مايجه ولا ما نتفخة اليوم متروش وهي بمكانها .. سيف يا خوي يبه ساعدوني ..
ابو سطام يحرك السيخ بوجه سيف وابو طلال / والله اللي يقرب لحطها بصرته .. اقعدوا مكانكم ..
........../ السلام عليكم ..
الكل " بأصوات متفاوتة / وعليكم السلام ..
ابو سطام / يالله حي عيالي .. هلا بكم هلا ..
عناد استغرب التجمع اللي بوسط المجلس وبلقافه / ايش فيكم ..
طلال / عناد انا داخل بوجهك انك تفكني ..
عناد يطالع بالشباب وجده وغيث وزياد بعد يطالعون ..
طلال / غيث زياد دخيلكم فكوني يببببببببببببه سيييييييف ..
ابو سطام / لا تردون على فزعته .. اللي يستفزع بكم مو طلال هذا الجني اللي ماسكه ..
" التفت لطلال " .. قل اشهد ان لا اله الا الله .. قل " وهو يهز السيخ اللي بيده كا تهديد " ..
طلال / اشهد ان لا اله الا الله .. محمد رسول الله .. قل اعوذ بكلمات الله التامات من شر ما خلق ..
قراء المعوذتين والا خلاص ثلاث مرات وايه الكرسي .. والشباب يحاولون يمسكون ضحكتهم ..
ابو سطام ما قدر و بصوت ثقيل / هههههههههه ... " ورمى السيخ على الفحم وتوجه لمكانه وهو يضحك " ..
الشباب انفجروا ضحك / ههههههههههههههههههههههههههههههههههههههههههههههههههههه ..
طلال اخذ نفس عميق / اوووووووووووف " عدل بلوزته وستر بطنه " .. ليش يا جدي تسوي في كذا ..
ابو سطام / هههههههههههههههههههههههههه علشان ما تقعد فاتح فمك وتسهى ههههههههههههههههه ..
الكل / ههههههههههههههههههههههههههههههههههههههههههه
عناد / سلامات سلامات يا ابو مريم شر وعدا ..
طلال صد عنهم بزعل / ......................
الكل / هههههههههههههههههههههههههههههههههههههه



ــــــــــــــــــ


يوم جديد ..


كان جالس ويفكر .. يحاول يتذكر ايش سواء ..
ابد ما يتذكر انه اخطاء .. آآآآآآآه .. رمى جسمه على السرير ليغفى بتعب ..
ليصحى برعب وهو يحاول يلتقط انفاسه .. من سقوط ماء مفاجأ على وجه ..
............... بحدة / قوم .. نمت وارتحت بما فيه الكفايه ..
........... تفاجاء بظلام دامس / انت من .. وايش تبي مني ..
.......... بحدة وهو يسحبه من بلوزته الرمادية الكئيبة / امشي وانت ساكت ..
........... وقف بسهوله .. فالأشهر الماضية كفيله بان تنقص منه عشرات الكيلوغرامات .. / طيب ..
......... فجاه من الخلف بلف يديه وقيدها بحدة .. والربط على عينية ..
......... دفعه من الخلف وامره بحده / امشي ..
مشى خطوتين مرتبكتين ضائعتين ..
....... بسخرية / خايف من الظلام والضياع .. ويوم جبت البضاعة ما خفت من ضياع شباب بلدك ..
ما خفت من ربك .. .. " وبصرخ " ... هاا يا راكان سطام الفارس ..
راكان عاقد حواجبه وهو يمشي بضياع / انت ايش تقول .. ماني فاهم ..
........... بسخرية / ههه مانت فاهم دقايق وتفهم يا طويل العمر ..



بعد وقت طويل على راكان .. يجلس على كرسي بارد لا يراء شي من حوله مربوط العينين ..



............. يضرب بيده على الطاوله امامه وبحده / كمية كبيرة من المتفجرات والأسلحة .. والمخدرات ..
والكتب التي تؤدي الى الفكر الضال .. كل هذا وتقول ما اعرف .. لا تنكر .. اعترف يخف جزائك ..
راكان بحده / ما راح اعترف على شي ما سويته .. انا ماني خوان ولاني من اتباع الفكر الضال ..
عائلتي تشهد بهذا الشي .. اسمي له وزنه بالسوق وابوي معروف .. وبايعنا ولاة الامر بالسمع والطاعة ..
....... بسخرية / ياما من العوائل والاسر المعروفة طلعوا عيال منهم دمروا وسوا سوايا محد يتوقعها .. وخانوا البيعه ..
" وبحدة " .. راكان سطام سعود فارس الفارس .. جاتنا اخبارية بان بحوزتك كمية كبيرة من المخدرات والمتفجرات ..
اعترف ..
راكان / مالي دخل بهذا الطريق .. وانا ما اعرف شي عن اللي تتكلم عنه.. والاخبارية كاذبه ..
....... بحدة / واشلون ما لك دخل .. والاخبارية اللي عندنا صحيحة ميه بالمية ..
راكان / .............................
........ بحدة / ليه تسكت .. انت تدري ايش راح تسوي البضاعة اللي جبتها .. ايش تصير بديرتك واهلك ..
راح تصير خراب ودمار .. انفس تموت .. واطفال تتيتم .. وامهات تقهر .. وزوجات تترمل ..
يعني عوائل ... يعني مجتمع .. يعني امه .. هذا اللي تعلمته .. هذا الي تربيت عليه ..
راكان / .............................
.......بحدة / ايش كانت مخططاتكم .. ومن راح يساعدك ..
راكان / ما راح اتكلم الا بوجود محامي ..
صمت لثواني طويله بنسبة لراكان ..
......... / ههههههههههههههههههههههههههههههههههههه ايش قلت ههههههههههههههههههههههههههه
راكان بعصبية عقد حواجبه / ......................
.........../ هههههههههههههههه " ضرب على الطاولة بقوة " .. " وبحدة " .. من كان يساعدك ..
راكان بحدة / قلت ما راح اتكلم الا بوجود محامي .. " سمع طرقات وهمهمه .. ثم هدوء " ..



جالس من وقت ... اعصابه تلفت من اللي صار .. ناد الى ان انبح صوته ولا رد يا صله ..
ما يدري قد ايش الوقت اللي مضاه وهو بهذا المكان .. جالس لا قدر يقضي حاجته " اكرمكم الله " ..
محتاج الحمام ضروري .. هو متاكد ان فيه فروض فاتته .. اخر فرض صلاة الفجر .. قعد يستغفر الله ..
ويدعي ربه ويناجيه بانه يزول هالمحنه عنه .. ويرجع لاهله ..
فجأة سمع صوت فتحت باب وخطوات ثقيلة .. وقف قريب منه ..
راكان يحاول يركز .. ويسمع الخطوات قريبه والا بعيدة / ............
........ / راح ترجع مكانك .. راح نشوف يا راكان راح تبقى على على عنادك ولا تعترف وتندم ..
راكان بعصبية / انا ما سيت شي علشان اندم عليه ..
..... وقفه بحدة ودفعه للامام .. راكان يمشي بخطوات خايفه ومرتبكه و ضايعه .. الا ان حس بان يدينه تنفتح قيدها ..
سحب الرباط عن عينه بسرعة والتفت للخلف وشاف الباب يتقفل التفت للمكان وشافه نفس الغرفة اللي كان فيها من قبل ..
راكان تنهد وبسرعة دخل الحمام " تكرمون " ... وبعد ما طلع كان مبلل بالماء صلى الصلوات اللي يعتقد بانها فاتته ..



ــــــــــــــ



بيت ابو نايف ..


خديجة تكلم العنود بالتلفون / ايشلونك العنود ..
العنود / بخير .. ايشلونك خالتي ..
خديجة / احسن من قبل .. الحمد لله .. الا العنود بغيت اسالك ..
العنود / هلا ..
خديجة / لي فترة اشيك على حسابي وحساب ابوي ولا القي رصيد .. راكان ما يحول لنا شي ..
العنود / ما تدرين ان راكان مختفي من شهور .. ولا نعرف ارضة من سماه والشركة خسرت ..
خديجة شهق / لا حول ولا قوة الا بالله .. والله ما ادري . انا التهيت بابوي وبنفسي .. ابوي محتاج عملية بالقلب ..
العنود / راح ارسل لك فلوس مع صبري .. بعت من ذهب امي وقعدنا نصرف منه ..
الحين راكان مطلوب بقضايا مالية وبعد جدي وابوي .. يا دوب نقدر نصرف حالنا ..
خديجة / والله ما ترسلين شي .. الحمدلله الخير واجد .. مسعود ومساعد ما يقصر .. هم قالوا حنا نتكفل بالعملية ..
لكن انا قلت ابوي وعنده خير والله ما ادري عنكم ..
العنود / خلهم يشيلون الخير اللي هم فيه من جدي بعد فضل ربي ..
خديجة / صدقتي .. سلمي لي على امك واخوانك وطمنيني عن حالكم كل بعد وقت .. اذا ما سالت تراي انسى اعذريني ..
العنود / معذورة يا خاله .. معذورة .. مع السلامه ..
بعد ما قفلت المكالمة .. التفتت لظبي وسلطان .. ابتسمت / فديت الشيوخ انا ..




ــــــــــــــ



بالمزرعة ..


رعد يضبط الفحم بوسط جلسة امه وخالته وحريم اخوانه ..
هيفاء اللي لبسة بلوزة اورونج من زارا وبنطلون رصاصية .. وقفت وتقدمت له ..
الجالسة كانت على الارض بعيد شوي عن جلسة الكراسي اللي جالسه عليها ام سطام وام عزام للمراقبة ..
هيفاء جلست جنب رعد .. وبهمس / من اللي قالك تجي تضبط الجلسه هذي .. حنا بصيف والا الشتاء ..
رعد عاقد حواجبه و بهمس / هذي امي تقول خاطر اجلس كذا ما ادري ايش عندها ..
هيفاء تقرب منه اكثر رعد بداخله " رجعنا للحراكات ذي انا ما صدقت افتك منها بعد اخر هوشه " انتبه لكلامها / هاا..
هيفاء بهمس / وين رحت .. اقولك امي وامك شاكين فينا .. امي كانت تسالني باشياء غريبه وامك طلبتك اليوم تبي تتاكد..
رعد رفع نظره فيها وهو قريب منها جدا / ايش قصدك ..
نوال من خلفهم صفرت بقوة جعلتهم يقفزون خوف .. نوال بابتسامه / خفوا علينا يا لميس ويحيى ..
رعد التفت عليها وبخبث / ياربي من الازعاج .. الواحد ما ياخذ راحته ..تعالي رتبي المكان تعالي ..
وانا رايح مشوار قريب مع حبيبتي وراجع ..
هيفاء ابتسمت بوجع " مردك يا رعد تقولها صدق ومن قلب " .. " مسك يدها رعد و وقفها / هاتي عباتك وتعالي ..
هيفاء ابتسمت / لحضه .. " توجهت لجلست امها وخالتها .. واخذت عبائتها وشنطتها " ..
ام سطام / وين بتروحون ..
هيفاء ابتسمت / رعد بياخذني مشوار .. ما ادري وين ..
رعد يستعجلها / يا لله هيفاء ..
ام سطام طالع ام عزام / ايه هيفاء .. رجلك يناديك ..
هيفاء ابتعد عنهم وتوجهت لرعد .. وابتعدوا وهم يتهامسون والعجايز بعد يتهامسون ..



ام سطام / قال لها هيفاء ..
ام عزام / هيفاء انتبهت لنظراتنا والظاهر انها شكت بشي علشان كذا راح توشوشه وهو تروعص .. " ارتبك " ...
ام سطام / لو بينهم شي كان اختلف جسمها كان ناداها حبيبتي مثل غيث وسند ..
ام عزام / والله انهم مثل الاخوان مقاريد .. مايبون العرس واغصبناهم وقالوا خلاص قضينا الحين مالهم كلام علينا ..
ام سطام / معصي .. والله اني لـ اقول لابو سطام وهو يداويهم مثل ما داؤه طلال ..
ام عزام وضعت يدها على فمها تكتم الضحكة .. / طالعي وراك ..
التفتت ام سطام .. لتجد طلال يدخل الفله / ههههه نسى كل شي من الروعة حتى بنته نساها شوفيها نايمه عند مريم ..
ام عزام تشير بيدها يعني خجلنه ..



ــــــــــــــ



عند هيفاء ورعد ..
هيفاء / وين بنروح الحين ..
رعد / نروح للخيل ...
هيفاء بزعل / انت بتركب الخيل وانا وين اروح اقعد لحالي ..
رعد يبتسم / لا بتركبين خيل بعد ..
هيفاء شهقت / هئئئئئئئئئ ما اعرف واخاف ..
رعد / افاا لالا ما يصير تخافين .. وراح تركبين على خيلي الرعد ..
هيفاء برجاء / لا رعد تكفى .. انا اخاف ..
رعد / ليه تخافين الخيل ما ياكل ..
هيفاء / ادري ما ياكل .. بس مره ركبت مع غيث وطحت وخلاص توبه معاد اركب ..
رعد يمسك يدها .. ابتسم / انا رعد مو غيث .. لا تخافين انا معاك ..
هيفاء مسكت يده بقوة / وما راح تخوني وتتركني .. " وهي تشير بيدها الثانيه كـ تاكيد " ..
رعد بضحكه / ههههه ما راح اخليك ولا اخونك ..
هيفاء بتاكيد اكثر / وععععد ..
رعد / ههههههههههه وعععععععععد يا الخوافه ..
هيفاء انتبهت انهم وصلوا للإسطبل .. رعد فتح باب الاسطبل ودخل جهز الرعد وطلع ..
رعد / يالله هاتي يدك ..
هيفاء تمد يدها .. رعد يسحبها ويقربها من الرعد .. ههيفاء شدت يدها ورجعتها بخوف / لالا خلاص ما عاد ابي ..
رعد يسحبها لجهته / يالله هيفاء ما راح يسوي شي ..
هيفاء بخوف / رعد لا تخليني ..
رعد / ما ني مخليك يا الخوافه اطلعي بس ..
هيفاء ركبت الخيل بمساعدة رعد بخوف / رعد ..
رعد / هااا ..
هيفاء / ما اعرف اسوق الخيل ..
رعد / هههههههههههههههههههههههههههههههههههه تسوقينه هو سياره ..
هيفاء / المهم .. ما اعرف اسوقه او جهه كلها ..
رعد بخفه يركب خلف هيفاء .. هيفاء صرخت بخوف تحسب نفسها طاحت ../ اااا .. خوفتني يالدب ..
رعد / ههههههههههههههه ..
وجه الخيل ومشى شوي بالميدان .. مرت عليهم نسمة هواء قوية محمله بالغبار ..
هيفاء صدت بوجهها ومالت لحضن رعد بعفوية ما تبي الغبار يدخل عيونها ..
رعد تغلغلت بصدرة ريحت عطر هيفاء وزلزلت كل احاسيسه .. ترك الخيل ونزل بسرعة ..
ابتعد كم خطوة .. ليلتفت بسرعة بعد ما سمع صرخة وتلاها صوة سقوط ..
رعد يجري لهيفاء اللي طايحه على الارض وتتاوه .. وعيونها مغرقة دمع .. بخوف / تعورتي ..
هيفاء نزلت راسها وبكت بصمت موجوع قلبها اكثر من يدها .. رعد ضمها لصدرة وبصدق / اسف .. والله اسف ..
هيفاء انفجرت بكى بصوت عالي ... رعد يزيد من ضمها .. / فين تعورتي .. رجلك يدك .. ظهرك ..
هيفاء تاشر على صدرها / هينا .. آآآآآآآآآآآآآآآآآآه ..
رعد يمسح دموعه ويقبل جبينه / اسف والله اسف .. لا تبكين هيفاء .. خلاص هوفى ..
قومي اوديك للمستشفى والا اقول لا تقومين انا اخلي سامر يقرب السيارة الى هينا ..
هيفاء تاخذ نفس علشان تهدا مسحت عيونها / لا ما يحتاج جات سليمه .. بس رضه بسيطة على يدي ..
وقفت وسندها رعد .. ابعد شعرها عن وجهها .. هيفاء سحبت الشيلة من على رقبتها مغبرة عبايتها وشيلتها ..
رجعت دمعت عيونها وهي تنفض عبايتها .. رعد ضم وجهها بين يدينه وقبل عيونها وحده وحده ..
ومسح الدمع اللي نزل منها .. وبصدق / اسف ..
هيفاء هزت راسها بصمت / ما صار شي .. انا الغبيه اللي صدقت غيث بالاول وبعدين انت ..
" تركته بغضب وتوجهت لـ الفله " .. رعد يلحقها / هيفاء قلت انا اسف ..
هيفاء / وانا قلت لك الغلط مو منك الغلط مني انا اللي امنتكم انت وغيث .. فلا تعتذر ..
رعد انتبه انهم قربوا من الفله والكل جال بار يطالعهم باستغراب .. هيفاء على طول دخلت الفله ..
ورعد توجه للمجلس بسكات ..



ــــــــــــــــ



يوم جديد ..

بيت ابو طلال ..
الدكتور ايمن .. وعمه و اخوة الاصغر .. بمجلس ابو طلال ..
عم ايمن / وحنا يشرفنا طلب يد كريمتكم المصون لولدنا ايمن ..
ابو طلال وطلال وسيف .. جالسين قبالهم ..
ابو طلال / وحنا نتشرف .. الدكتور ايمن معروف بحسن اخلاقه والسمعه الزينه ..
بس لازم نسال عنه اكثر وناخذ راي البنت وامها وبعدين يصير خير ..
عم ايمن / ذا حقكم .. وهذي ورقه فيها عنوان بيت ايمن اسالوا جيرانه واسالوا امام المسجد ..
ومكان شغلوا تعرفوه .. اسالوا زملائه .. وخذوا راحتكم ..
ابو طلال اعطى الورقة لطلال ../ الله يقدم الي فيه الخير والصلاح ..
عم ايمن يوقف ويوقف معاه ايمن واخوه .. ابو طلال / والله ما تخرجون اللين تاخذون حقكم من الضيافة ..
عم ايمن / تسلم وبيتك عامر .. ابد ما نبي نكلف عليك .. حنـ ..
ابو طلال يقاطعه / انا حلفت انكم ما تمشون اللين تاخذون حقكم وابوي واخواني لزم يشوفونكم ويتعرفون عليكم ..
عم ايمن التفت لـ ايمن وعاود اللتفات لـ ابو طلال / والله ما نقدر نردك ..



ـــــــــــ


فوق بغرفة نوال ..
ابرار / بتوافقين على طول ..
نوال / اكيد لا .. احد قالك اني مشفوحه على العرس ..
ابرار / ابدا بس انتي ما تبين سعود وقلتي تبين دكتور وهذا الدكتور تقدم لك ..
نوال / صحيح قلت ابي دكتور بس مو ايمن .. ومو لازم دكتور في الطب ..
انا اقصد بشكل عام واحد مثقف مو مثل ولد خالك داج ومعقد ..
ريهام تبتسم / تخيلوا .. يدخل سعود ويقولون هذا الدكتور ايمن خطب نوال .. ويصارخ بوسط المجلس ..
" وقفت واقفه وبطريقة المسلسلات البدوية " .. بنت عمي وانا اولا بها .. ويمسك البارودة ..
ويحطها على خشم ايمن .. ويقول له اطلع من الديرة لا اثور فيك .. وااااي حدث رهيييييييييب ..
ابرار ونوال فاتحين فمهم / ......................
نوال تقرب من ريهام / ريهام فيك شي " حطت يده على جبين ريهام التفتت لـ ابرار " ما عليها حراره ..
ريهام تبعد يد نوال / ايش فيك اقول تخيلوا ..
ابرار / لالا هذي من كثر ما قعدت مع جدي وجدتي ضرب عقلها على المسلسلات البدوية ..
ريهام تطالع فيهم بنظرات زعل / .................
نوال وابرار / ههههههههههههههههههههه
نوال / قوموا خلونا نروح لمرام نساعدها ..



ـــــــــ


في احد الاستراحات ..

صوت الدي جي عالي .. مها ترقص مع سهى .. كانت لبسه فستان احمر لنصف الفخذ ..
يكشف من الجسد اكثر من ما يستر .. مها تاشر لسهى بانها تعبت وتريد الجلوس ..
هزت سهى رسها / خذي راحتها .. بس توا السهره ما بدأت .. وفري مجهودك ..
مها / كنت متوقعه ان لسه .. لان مافي بنات كثير ..
سهى تضحك بخبث / هذي السهرة خاصه بس قريب راح تشوفي السهره الكبيرة .. لا تستعجلين ..
مها توجهت لاحد الطاولات اخذت شنطة اليد الحمراء المعه .. فتحت الشنطة وطلعت المراية الصغيرة ..
مها تهمس لنفسها / مكياجي يبي له تعديل .. " وقفت وتوجهت لدورة لمياه " ..
سمعت اصوات غريبة وتغيرت الموسيقى .. ابتسمت / شكل السهرة الحين تبدا ..
عدلت مكياجها وتقدمت بتدخل الصاله .. سمعت اصوات رجالية .. تراجعت للخلف كم خطوه ..
امالت براسها قليلن لتراء مجموعه من الرجال يختلطون مع النساء .. شهقت بخوف ..
توجهت سريعا لمكان تعليق العبي اخذت احد العبايات بسرعة وهربت من الاستراحة ..



ـــــــــــــ



بيت ابو طلال ..

الكل موجود معادا .. ابو صقر .. حتى زياد ما زال موجود .. ينتظر عناد يقول لنعود الى الرياض ..
سعود من اول ما دخل وهو عاقد حواجبه ومعصب بهمس / فارس تدري هذا ليش جاي ..
فارس / لا والله ما ادري بـ .. " قاطعه صوت ابو طلال يرحب بالضيوف " ..
ابو طلال / يا مرحبا يامرحبا .. يبه هذا الدكتور ايمن وهذا عمه وهذا اخوه ..
ابو سطام / حياكم الله يا مرحبا شرفتونا ..
عم ايمن / الله يحيك .. الشرف لنا .. ويكتمل ان شاء الله بنسبكم ..
ابو سطام رفع نظره لـ ابوطلال يعني فسر ..
ابو طلال / اليوم جانا الدكتور ايمن يخطب بنتي نوال ..
سعود وكان بركان مفاجئ انفجر .. وقف وبعصبية / يخسى .. والله انه ما يلمس شعره من راسها ..
ابو سطام والكل التفت له .. بتال مسك كتف اخوه / سعود خلنا نطلع .. وبعديـ ..
سعود ابعد اخوه بحدة / اسمع يا ولد الناس مالك نصيب عندنا ودور عليه عند غيرنا ..
ابو طلال بحزم / ولد احشم الضيوف اللي بمجلسي ..
سعود بحدة / ضيوفك على العين والراس يعمي لكن لشعر شارب لا والله ما يمسونه ..
سيف بعصبية / مالك دخل باختي .. واذا ما كانت تبيك لو تموت ما تاخذها وانقلع برا ..
ابو سطام بحزم / ولد " لسيف " .. سعود اطلع من المجلس الحين .. وبعدين نتفاهم ..
سعود يغلي من الغضب .. ترك المجلس وتوجه الا البيت .. بتال طلع وراه واول ما شافه دخل البيت تطمن ..
بتال رجع وجلس بمكانه .. سند / وين راح ..
بتال / للبيت ..
سند / عسى ما عنده سلاح ..
بتال / لا السلاح بمكتب ابوي اللي بغرفة نومه ومحد يعرف الرقم السري الا ابوي ..
ابو سطام / العذر والسموحة يا دكتور ..
الدكتور ايمن فرحان ان سعود انطرد / لا ابد ما صار شي ..



ـــــــــــ



بداخل البيت

النساء متجمعات بالمجلس الداخلي .. والبنات بالصالة ..
نوال توقف / انا رايحة اشوف ايش فيها الخدامه تاخرت ما جابت الشاهي ..
ريما / واااي نوالو ما تستحين اليوم المفروض ما تطلعين من الغرفة ..
نوال تلتفت لها / لا والله ليش ما طلع جربانه ولا معاي فيروس معدي ..
ريما / واااي اكلتيني بلسانك روحي جيبي الشاهي بلا بخل ..
نوال تمشي متجها للمطبخ / هههههههههه غيث خربك مره ريموه ..
ريما بدلع / فديـــ.... " ليقطعهم دخول سعود وهو يصارخ " ..
سعود بغضب / نووووووووووااااااااااااال ..
نوال واقفه بوسط الصاله امام الباب مباشرة وكانها بانتظاره ..
سعود شافها وما صدق بسرعة توجه لها وسحبها بقوة وسط صراخ البنات ..
سعود يسحب نوال ويرميها بسيارته .. وبسرعة ركب سيارته ومشي فيها ..
نوال وراء تحاول تفتح الباب / يا مجنوووون ايش تسووووي رجعني لاهلي ..
ابو طلال واللي بالمجلس سمعوا صوت الصراخ وراحوا يجرون يشوفون ايش صار ..
الجازي تصارخ / سعود اخذ نواال .. جيب نوااال ..
سيف يركض لسيارته .. ابو سطام صرخ على سند / امسك المخبول الثاني امسكه ..
سند بسرعة مسك سيف وطرحه بالارض وربط يدينه بالشماغ ..
سيف بغضب / والله لا اذبحه والله ما اخليه ...
ابو سطام امر رعد وغيث يمسكون طلال وما يتركونه ..
طلال بصراخ / اتركني انت وايه ..
ابو سطام يصرخ بالنساء / اصصصصصص لا اسمع صوتكم ..
" التفت لسند ورعد " .. وانتم ربطوا هالخبول ولا ينفلت احد منهم ..
" التفت لبتال وغيث " .. وانتم دوروا الخبل الثاني قبل تكبر السالفه ..
" لتفت لابو طلال والبقيه " .. قولوا لضيوف ان وحده من الورعان تعور وودوه المستشفى ..
دخل ابو سطام وهو يردد / لا حول ولا قوة الا بالله .. لا حول ولا قوة الا بالله ..
الدكتور ايمن / عسى ما شر ..
ابو طلال / لا بس واحد من الورعان طاح و تعور ونقلوه للمستشفى ..
عم ايمن / هم الاولاد كذا .. بكرة يكبر وينسى ..
عناد بوجه موضح فيه لضيق / يا عمي العشاء جاهز ..
ابو طلال يوقف بتعب / حياكم الله تفضلوا ..



ــــــــــــــــ





بسيارة سعود نوال جالسه بالخلف اسفل الكرسي .. ما يوضح منه شي تبكي ..
نوال / سعود رجعني لأهلي .. انت ايش تبي .. وين ما خذني ..
سعود يضرب الدريكسون بقوه .. بعصبية / اسكتي .. انا ترفضيني يا نوال علشان هالرخمه ايمن ..
نوال تبكي / ومن قالك انا وافقت عليه ..
سعود بعصبية / وليه يجي يخطبك .. كيف يتجراء .. لو ما شاف قبول منك ماكان تجراء ..
نوال بعصبية تبكي / ايه مو انا قليلة الادب ومو انا اللي باجيب الفضايح لبيت الفارس قلت ابعد علشان ترتحاون ..
سعود يهدي السرعة ويوقف السيارة .. وبعصبية / شوفي عباية امي مدري سمر مرمية عندك البسيها وانزلي ..
" سحب المفتاح وفتح الباب وقف واعطى نوال قفاه .. نوال انتبهت للعباية .. سحبتها ولبستها ..
دورت الشيله ولقتها طايحه تحت .. لبستها دورت نقاب او لثمه و برقع وما لقت .. اضطرت تتلثم بالشيله ..
عدلت جلستها وجلست وراء وهي عاقده يدينها على صدرها ..
سعود انتبه انها خلصت .. فتح الباب من جهتها .. وبامر / انزلي ..
نوال بحدة / لا ..
سعود قفل الباب من جهته .. وتوجه لها وسحبها من يدها .. وبفحيح / اذا تبين سلامتك لا تعانديني ..
نوال برعب نزلت .. و باختناق / سعود تعوذ من الشيطان واتركني ..
سعود بحدة / امشي وانت ساكته ... " سحب حبل كان بجيبه " .. " و بأمر " .. مدي يديك ..
نوال تراجعت خطوة للخلف .. وبخوف / ايش بتسوي ..
سعود يسحب يدينها بقوة / ابي اربطهم .. " لف الحبل على يدينها بقوة " ..
نوال تبكي / سعود انت مجنون .. والله مجنون ..
سعود ابتسم وبخبث / مجنون بحبك ..
نوال بخوف فتحت عيونها للاخر .. تراجعت خطوتين لكن سعود سحبها بالحبل وكانها بهيمه ..
تقدم من الشاليه وفتح الباب ودخل .. نوال تتلفت يمين ويسر تبي تشوف حسني ..
سعود انتبه لها .. بخبث / تدورين على شي ..
نوال بقهره / .............
سعود يتقدم من باب الغرفة وفتحها .. وبخبث / تفضلي يا دكتورة نوال ..
نوال بس شافت الغرفة شهقت بقوة وانفجرت بكي / سعود حرام عليك انا بنت عمك .. اللي تسويه حرام ..
يا ويلك من عذاب ربي .. بكرة الناس راح تكلم بالشينه علينا .. انت رجال عاقل .. خلاص والله ما اتزوج ايمن ..
راح ابطل شغل .. خلاص .. سعود الله يخليك علشان امك .. علشان اختك .. طيب علشان ولد اختك .. اتركني ..
" هي تبكي وتبربر وهو يضحك " .. " نوال خلص الكلام وصارت بس تبكي وتشاهق " ..
سعود بخبث / الا يا دكتورة نوال .. انتي وعدتيني بهديه من اول راتب تاخذينه بعد الشغل .. وين هديتك انتظرها ..
نوال بفرحة انها ممكن تخرج من هالكابوس / خلاص بس رجعني وانا اجيب لك احسن هديه ..
سعود يهز راسه / تؤت ؤ تؤت ؤ .. انا ابي هديتي الحين ..
نوال رجفت وانفجرت بكي .. سعود / هههههههههههههههههههههههههههههههههههههههههه ..
دخلها الغرفه ورماها على السرير وتركها وقف الباب عليها .. توجه للكنب اللي امام التلفزيون ..
جلس قبال التلفزيون شغله وصمت الصوت .. طلع جواله من جيبه وشاف عدد الاتصالات والرسائل ..
اتصل على جده ابو سطام ../ السلام عليكم ..
ابو سطام بحده / الله لا يسلم فيك عظم .. وينك فيه انت .. ووين وديت البنيه ..
سعود بضحكة / يا جدي القاء السلام سنه ورده واجب ..
ابو سطام بعصبية / اعقب تعلمني ديني يا ولد .. لو تعرف دينك كان ما اخذت البنت وما معاكم محرم ..
سعود بخبث / من قال ما معانا محرم ..
ابو سطام هدي وباستغراب / من معاكم ..
سعود بخبث / قلبي اللي تملكه بنتكم .. وعقلي اللي جننته ..
ابو سطام بضحكه / اعقب ياولد .. طلعت منت على سميك ..
سعود بخبث / الا والله اني طالع عليه .. هو يعش موضي وانا اعشق نوال الا عمي يوم جات بنت ليه م سماها موضي ..
ابو سطام بصدق / خبل .. الشكوى لله ..
سعود بخبث / خلاص اول ما اتزوجها .. واصير انا ولي امرها اغير اسمها من نوال لموضي ..
ابو سطام بخبث / انت جيبها .. ولك اللي تبي ..
سعود بخبث / لا لا الليلة عروس .. وبكرة نلتقي بالمستشفى ونحلل ويومين ونملك .. وبعدها ارجعها ..
ابو سطام بعصبية / اعقب يا ولد .. والله ان لمستها ما يردك عن يد اخوانها شي ..
سعود بنبرة مقصودة / القلب يرضا بجرحة مالكه ؟..
ابو سطام بعد صمت ثواني / انت وينك .. والله والله ان بكرة تسون التحليل وعقب ما تطلع تملك .. لا تشيل هم ..
سعود / بالشاليه ..
ابو سطام / اهااا الحين اجيكم .. وداعة الله .. " قفل المكالمة والتفت لـ ابو بتال " .. قم ابيك ..
ابو طلال يوقف / يبه ..
ابو سطام / حطبه .. انثبر هنيا اللين اجيب لك بنتك .. وها العلم جاك .. بكرة تحلل و بعدها تملك ..
والله لو ما نشب لنا هالتحليل كان اخذتك والشيخ وملكت لها واخذها و ما تبات الليلة الا بحضنه ..
لكن الشكوى لله طلع لنا هالنشبة تحاليل .. ما تعرسون اللين تحللون .. سنين وحنا لا نحلل ولا غيرة ولا صابنا شي ..
" وقف .. وبعصبية لـ ابو بتال " قم انت ..
ابو بتال وقف وتوجه مع ابوه لسيارة .. وركب وتوجهوا لشاليهات ..



ــــــــــــــــ



بفلته الخاصة ..
......./ طال عمرك .. صاير شي غريب .. وحبينا نعلمك به ..
....... وهو مركز بـ الاب توب / ايش عندك يا حسن ..
حسن / طال عمرك .. المبلغ اللي برصيد زياد كله انرفت ..تسديد ديون كانت على ابوة وجده واخوة المختفي راكان ..
تركي / يعني صرف اموالنا ..
حسن / لا طال عمرك .. ما لنا فيها شي ..
تركي يلتفت له / ايش تقصد ..
حسن / زياد ما دخل برصيده هالفلوس الا بعد بيع ممتلكات خاصة لهم .. وحنا تاكدنا من هذا الشي ..
تركي بعصبية / يعني وين اختفت البضاعة .. لنا كم شهر هينا .. قاعدين نلعب يا حسن ..
حسن / طال عمرك .. كل الدلائل تدين واحد بس .. و جاتنا رسالة من واحد من حبايبنا ..
بانه عنده خامه جيدة من الابيض والحب .. وعليه طلبيه كبيرة بالسوق ..
تركي / من تقصد يا حسن .. من هو اللي سرقها ..
حسن / لا تستعجل طال عمرك .. خلنا نتاكد من شكوكنا بالاول ..
تركي / وشلون تتاكد .. مو توك تقول كل الدلائل تدينه ..
حسن يطلع كيس من جيبه / شوف طال عمرك .. هذا من بضاعته اللي يبيعها .. ارسلنا واحد يشتري منه ..
تركي فتح الكيس وتأكد من انها بضاعته و .............................



ــــــــــ



يوم جديد ...


بالمستشفى ..
ابو سطام / ها وهذا حنا خلصنا تحليل وننتظر النتيجه ..
سعود / كلمت واحد اعرفه يشتغل هينا .. وبكرة العصر تطلع ..
ابو سطام يبتسم / طالع على سميك .. شقردي .. بس ما اخذت الرزانه والثقالة .. ناسي ان بكرة رمضان ..
سعود / اوووووووه صح .. " قبل راس جده " ..شهر مبارك يبه ..
ابو سطام / علينا وعليك ..
سعود يبتسم .. رفع نضرة لوالده الا يشوف نظرات لو قتله ارحم .. بلع العافية وصد ..
ابو سطام يشوف نوال طلعت من الغرفة / مشينا وانا ابوك ..
نوال بصد / وين ابوي واخواني ..
ابو سطام يوقف ويرفع عصاته يبي يضربها .. سعود يمسك عصاته / لا يبه عروس ..
ابو سطام بعصبية / انقلعوا قدام يالله ..
ابو بتال يسحب نوال لحضنه ويهمس لها ببعض الكلمات التي جعلتها تبتسم بخبث ..
اوصل ابو بتال نوال لمنزل والدها .. وابو سطام مع سعود ..
سند فتح يدين طلال وسيف واخذهم لبيت جدهم ابو سطام ..
سعود جالس بجانب ابو سطام ..
طلال وسيف اول مدخلوا كانوا بيهجمون على سعود بس ردهم صوت جدهم الحاد ..
ابو سطام بحده / علم ياصلكم ويتعداكم .. ان تعرضتوا لسعود والا نوال ما يصير لكم طيب ..
وانقلعوا يالله لبيت ابوكم .. يالله ..
طلال / وذا ما يتعاقب .. والا ما سوا شي ..
ابو سطام / من قال .. انا راح اتصرف معه .. انقلع بس يالله ..
طلال وسيف طلعوا من بيت جدهم وهم بقمة العصبية ..
سعود / الا يبه صدق تبي تعاقبني ..
ابو سطام بسخرية / لا ابد انت سمي وحبيبي ..
سعود يوقف ويقبل راسه / الله يطول بعمرك ويخليك لنا ..
ابو سطام / امين .. هي انقلع عن وجهي يالله ..
سعود توجه الى بيتهم وهو فرحان .. وابو سطام وراه يخطط لعقابه ..



" ايش توقعاتكم يكون عقابه " ..


ــــــــــ



يوم جديد ..


بيت ابو نايف ...


نايف شاف ساره بالصالة .. / السلام عليكم ..
ساره تلعب الظبي / وعليكم السلام ..
نايف بضحكة / كل ما اروح واجي القي احد من هالضعيفين بين يدينك ..
ساره / احبهم ويحبوني .. وما راح اخليهم يروحون ويتركوني لحالي مثلكم..
نايف / اهاا .. طيب قولي لـ العنود .. اني رجعت لبريطانيا .. " قبلها بقوة على خدها .. وقبل الصغار ليبكين متألمين "..
ساره بزعل / يا الدوب عورتنا .. ووين بتسافر متى ..
نايف صعد لدرج بدون لا يجاوبها .. توجه لوالدته وقبل يدها وراسها .. وتوجه لوالده وقبله وودعه ورحل ..
ساره باستغراب / ايش فيهم اخواني مطافيق .. كل واحد يروح بسرعة .. اوووف ..
العنود تدخل للبيت وهي بعباتها توها واصله / ايش فيك تكلمين نفسك ..
ساره / شفتي نايف ..
العنود باستغراب / لا .. ليش ..
ساره / توه طلع يقول بيرجع بريطانيا ..
العنود / ......................
ساره / وبسرعة طلع .. توقعتك شفتيه ..
العنود بغموض / لا ما شفته .. " وصعدت لجناحها " ..




ــــــــــ




له ايام طويلة .. لا اكل مثل قبل .. ولا ماي شرب .. حتى اضاءه ما في ..
عايش في ظلام .. حتى معرفته بالوقت ما يدري .. يصلي على النية ..
سحبوا الكتب والقران .. اعصبه تلفت .. صار يكلم نفسة كانه مجنون ..
سمع صوت خطوات تقرب .. انفتح الباب ودخل ضوء اجهر عيونه وما قدر يفتح عيونه ..


....... وصوت غير الاول / نعتذر .. كان تشابه بالأسماء ..
راكان باستغراب / كيف يعني ..
..........ببرود / تشابه الاسماء سبب المشكلة .. وحصل الخطاء عادي ..
راكان بعصبية / شهور وايام عدت وانا هينا والحين عادي ..
........... بحدة / هششششششششششش .. قالنا لك نعتذر انتهاء الموضوع ..
راكان بعصبية / كذا ببساطة .. نعتذر ..
..... سحبه بقوة .. ووقفه .. وبحدة / راح يوصلونك الشباب لمكان تقدر ترجع فيه لاهلك ..
راكان بعصبية يبتعد عن اليد اللي ماسكته / ...............
....... بتهديد / ان نطقت بحرف واحد عن اللي صار .. فودع اهلك طول العمر ..
راكان بخوف / ..........................
حس بشخصين يمسكونه وقيدوا يديه وربطوا عينيه مشوه .. هو مسير ليس مخير .. لا يراء شي ولا يستطيع المقاومة ..



ــــــــــــ



بيت ابو نايف ..

زهرة خارجة من الملحق اللي عايشه فيه هي وصبري تبي تدخل لبيت ..
لفت نظرها شي غريب التفتت جهت الشجره وشافت افعى كبيرة جدا تدخل لغرفة المخزن القابع بين البيت والملحق ..
زهرة تصرخ / يا صبررررررري يا صبري ..
صبري خرج وهو يجري / ايش بك يا حرمه ..
زهرة بخوف / افعى .. افعى " وهي تاشر على المكان " ..
صبري / متاكده ..
زهرة / ايوة متاكده .. شفتها ودخلت هالغرفة ..
صبري / والله شفتها قبل كم يوم .. ولكن ما صدقت عيوني .. صايم ودايخ واهذي .. وذحين انتي ..
زهرة / اذبحها يا صبري .. قبل لا تبلع احد .. البيت ذحين به صغار ..
صبري / خلاص لا تشيلي هم .. ذحين اكلم الشباب يجوا يساعدوني .. ننضف الغرفة .. ونذبحها ..
زهرة / وانا ابغى ابلغ العمه ..
" دخلت زهرة لتبلغ العنود باللي حصل .. وصبري جاب من يساعده .. " ..



ـــــــــــــــ



بعد مسافه طويلة ..
توقفت السيارة .. لينزلوه منها ويجلسوه على الرصيف ..
فتحوا قيده ثم رحلوا .. سحب الرباط على عيونه والتفت يمين ويسار والرؤيا ليست واضحه امامه ..
شوي شوي وضحت الصورة .. وقف بتعب .. التفت يمين ويسار .. شاف محطة قريبه ..
مشي بتعب الى ان وصل للمحطة .. التفت وشاف كافتيريا وسوبر ماركت .. تقدم ودخل الكافتيريا ..
البائع اليماني .. يراقبه بستغراب .. / ...........
راكان / السلام عليكم ..
البائع اليماني / وعليكم السلام ..
راكان حلقه ناشف / ممكن واحد ماي ..
البائع اليماني تاكد بانه مو صاحي يطلب ماي بعز نهار رمضان / ياولد استغفر ربك .. تجاهر بالمعصية قدام العالم ..
راكان دايخ ما يشوف قدامه زين / معصية انت الثثاني ورمضان ايه هات موية وبس ..
البائع يبي يساسره .. " ينادي المساعد " / ياولد .. جيب قرورة مويه ..
راكان دخل يده يجيبه طلع جواله .. ومحفظته .. حاول يفتح جواله بس مقفل .. توقع انه انتهاء شحنه ..
دور مبلغ من المال .. ما لقى شي .. راكان بارتباك / ممكن التلفون ..
البائع / تفضل .. " طلع التلفون الثابت " .. " كلم مساعده ".. ياولد انته اقعد هينا انا رايح مشوار وراقع ..
الولد / طيب ..
راكان يحس بصداع .. والرؤيا تتلاشاه امامه .. يحاول يتذكر أي رقم .. ولكن خانته الذاكرة وقوته ليسقط مغمى عليه ..



ـــــــــــــــ



بيت ابو نايف ..

قبل المغرب بدقائق ..
العماله ينظفون المكان .. شالوا كل الخشيب الموجود .. وبعض سعف النخل ..
واحد من العمال اليمانيين ../ ما لقينا شي ياصبري .. والان سيأذن المغرب .. خلنا نفطر وبعدها نكمل الشغل ..
احد اخر من العمال / شوفوا شوفوا ..
تجمعوا العمال على المكان اللي ياشر عليه .. وشافوا حفرة متوسطة الحجم باحد اركان الغرفة ..
صبري / ايش هذا .. شوفوا هذا هوا ..
واحد اخر يحرك اللي اشر عليه صبري / لا هذا حبل قديم وريحته عفناه اووووووع ..
" ابتعد عن الحفرة بسبب الرائعة العفنه التي صدرت من تحريك الحبل " ..
واحد اخر / اسمعوا .. النار والدخان راح تطلع الافعى .. خلينا نشعل النار بالحفرة ونراقب ..
صبري / اشعلوها ..
واحد من العمال صب شوي من البنزين واشعل النار فيها .. " اذن المغرب واصبح ذكر الله يتردد بالمكان " ..



داخل المنزل ..
العنود وسارة وزهرة يفطرون .. الظبي وسلطان نايمين بالغرفة ..
العنود رفعت يدينها وبصوت خاشع / ذهب الظمأ، وابتلت العروق، وثبت الأجر إن شاء الله ..
اللهم لكصمت وعلى رزقك أفطرت‏ .. الحمد لله الذي أعانني فَصمت، و رزقَني فأفطرت‏ ..
اللهم لك صمنا، وعلى رزقك أفطرنا فتقبل منا إنك أنت السميع ..
اللهم إني أسألك برحمتك التي وسعت كل شيء أن تغفر لي ..
" وبعدها بدت تتمتم بهمس خافت ادعية بينها وبين الله " ...
زهرة / واااااف ايش ذي الريحة الكريهه ..
ساره / انتي خليتي شي بالفرن .
زهرة / لا ..
العنود بعد ما خلصت الدعاء .. / افطروا قبل لا يبرد الاكل ..



ـــــــــــــــ


بيت ابو سطام ..

عقد قران سعود ونوال ..

الكل مجتمع معزومين على الفطور والملكة عادية جدا ولم يحضرها احد من خارج العائلة ..
نوال عند الباب وطلال واقف جنبها والشيخ وراء الباب / بشرط يا شيخ ..
سعود فتح عينه للاخير ../ ..................
الشيخ / تفضلي يابنتي .. نسمعك ..
نوال / اكتب ياشيخ .. الشرط الاول .. وظيفتي ما اتركها .. ولا يمنعني عنها ..
سعود بقهر / .................
الشيخ / موافق يا ابني على شرطها ..
طلال اشرله انك ساير الوضع .. سعود بقهر / موافق ..
نوال / ما خلصت ياشيخ ..
الشيخ / تفضلي يا بنتي ..
نوال بجرائه / الشرط الثاني مهري .. ابيه 500000 ريال سعودي .. وخدامه وسواق ..
وبيت لحالي.. وسيارة على كيفي اخر موديل .. ويكتبهم باسمي البيت والسيارة ..
سعود فتح عيونه للاخير .. طلال يهمس له انه كلام فاضي وانت ساير ..
الشيخ يطالع بسعود / موافق ..
سعود من بين اسنانه / موافق .. تامر امر الدكتورة نوال ..
الشيخ / على بركة الله .. وقعي يا بنتي ..



ــــــــــــ


بداخل البيت ..

البنات سحبوا نوال ..
ابرار / ها ايش سويتي ..
نوال / قلت له شروطي كلها ..
ريما / اللي قلتيهم لي البيت والسيارة والخدم والوظيفة ..
نوال بضحكة / ولا تنسين المهر اللي راح يكسر ظهرة ..
رنا / راح ياخذه من ابوه او جدي ..
نوال بفرحه / مو جدي وعمي معايه .. وهو اللي قالوا اطلبي هالشي واشرطي .. خليه يعرف انك غالية ..
ريهام تغني / حكم الئاضي .. " عدلت صوتها " يالله نكمل فطورنا ..


ــــــــــــ



بمجلس الرجال ..
سعود بقهر / 500000 ريال .. وبيت وسيارة وخدم .. ليه ؟..
ابو طلال بحدة / لساتنا على البر ماتبي طلق ..
ابو سطام / الله الله .. طلق ..
سعود شاف بنظرات الكل انهم ضده وبصف نوال / لالا خلاص موافق ..
ابو بتال / انا اقولها قدامكم .. انا ما لي دخل بعرس سعود ابد .. ولاني دافع ريال .. لا انا ولا اخوانه ..
سعود التفت على بتال وهز راسه اني مع ابوي .. وسامر اشر بيدينه اني مالي دخل ..
التفت على عيال عمه شاف كل واحد لهي باللي قدامه ياكل ..
سعود بثقة / قدها .. والله لتشوفون عرس ما صار بالمملكة كلها ..
ابو سطام اصدر صوت من فمه " يعني خرطي " ..
الكل / ههههههههههههههههههههههههههههههههههههههههه
سعود بضحكة / قمة التحطيم .. وبداخله " والله لو تسون اللي تسونه ما تكدرون عليه تحديت نوال وفزت وقادر بالثانية"..
دخل غيث ووجهه متغير / عرفت مكان راكان ..
الكل وقف / ..................



ـــــــــــ



بيت ابو نايف ..


بعد ما شالت زهرة السفرة ..
العنود تاخذ لها دوش .. ينشطها ويصحصها علشان تصلي الترويح ..
ساره قبال التلفزيون تشوف المسلسلات ..



احس بالنار تشتعل اكثر فاكثر .. وجوه مخيفه تهاجمه .. اختنق .. فاختنق .. فاختنق ..
ليقف ويمسك رسه بقوة .. ليلفت حول نفسه ويدور بالغرفة ويدور .. ليقطع ازرير ثوبه ..
يريد هؤاء يرد ان يهرب عن هذه الوجيه المخيفة يريد قتلها وابعادها .. ليركض الا الباب ويفتحه ويخرج ..



ساره التفتت لباب غرفة ابوها وشافت وجهه اسود مخيف .. وهو يقترب منها لتصرخ برعب ولكن ..












انتهى ..


اعذروني عن الاخطاء الاملائية ..


" سبحان الله و الحمد لله و الله اكبر .. "


" .. اختكم مشاعل السعودية .. لا تنسوني من دعائكم .. ادعو لبنتي بالشفاء .. " ..

مسائك تفأل وآمل

ميشو يعطيك العافيه على روعة البارت

العنود
كلنا واقفين ضدها لانها بتصرفاتها الغريبه ماخلت احد يحبها
هروبها من العائله وش وراه
كانت حامل والحين ولدت ولا خافت منهم إذا عرفوا عنها كيف قدرت تسجل العيال باسم أبوهم بالواسطات سوت كل شئ معقوله طيب لازم وجود إثبات إلا إذا هي عندها صوره من دفتر العائله
أتشوق لردة فعل العائله على سواياها وبتال أكثر واحد إذا عرف انه صار أبو وهو مايدري
الحين ندمت لو الواحد قدر يتحكم في أعصابه ماتفرقت اسر وتشتت أطفال
يعني ماكان يكفي الضرب اللي كانت تأخذه منك زدت عليها بالطلاق
وجع رأسك بسبب ادمانك على قهوتها تستاهل والله
طبعا هو ما يعرف هي كانت وين عند أهلها والا في مكان ثاني بس هي ليش ما جلست عنده أهلها وهي عارفه انه ابد موب سأل عنها
سر تركها لأهلها وهي حامل عشان خايفه ماتقدر تقدم لهم ألمساعده وهي في الوضع هذا والا لسبب في نفسها
نشوف ميشو وش تقول

سند ورنيم
كل اللي جالس يصير فيك من طبخ يدك الحين ذوقيه واستمتعي فيه
الرجال من اول مستحمل نفورك منه وقال مع الأيام بتتحسن بس انت مافيك رجا
شوفي الوجه الثاني لسند الحنون عشان تندمين على الأيام اللي راحت
انت صدق لازم يشوفك طبيب نفسي
حتى اللي في بطنك ماسلم من كرهك له حرام عليك وش ذنبه تسوين فيه كذا
خافي ربك بكره ربي يحرمك من النعمه هذه

شجون وياسر
شئ مارضيتها لاختك كيف ترضاه لبنت عمك وزوجتك مستقبلا
والشئ حلال عليك وحرام على غيرك
هي مسماه لك يعني ماحد خاطفها
بس انت اللي بيجي من ينفك منها ويكرهك فيها والسبب صديقتها
بتدخل بينكم وتسرقك منها

نايف
هو رجع وماجد بعد
يمكن ماجد هو نفسه المجنون اللي يراقب المجهولين ويبي يعرف طريق تركي
ومتعب يبي يعرف وين تركي متخبي فيه
لانه أكيد هربان إذا بضاعته اللي في الاستراحه مسروقه وهو شاك في راكان وزياد وجالس يراقبهم

طلال ومرام
حالة طلال طبيعيه جداً بعد اللي شافه
وحريم العائله بيعرفون يعلاجونه
بس لازم مرام تصبر عليه الين يرجع زي ماكان قبل

أبو صقر
ممكن متزوج وحده ثانيه وقائل لهم انه مسافر لبنان
عساه يكون زواج مايكون حاجه ثانيه
وياليت عمه يعرف عن بلاويه عشان يأخذ حق بنته منه

هيفاء ورعد
الطريقه الثانيه هي اهتمامك فيه واحتوأه بدال حركات الإغراء اللي كنت تسوينها

شريفه
جالسه تقسمين البيت عيني عينك
من اللي جأ وخوفك
انا أعتقد أنها العنود هي اللي عارفه بنواي شريفه واللي هي طمعانه فيه
ما اضن ان راكان يكون رجع
بعد رجوع العنود للبيت ومعرفتها عن راكان بتحاول تربط بين الخيوط اللي موب راضيه تربط معي وتحل لغز اختفأه

ميشو ابدعتي

ميشو نزلتي بارت جديد وأنا مدري بس كتبت ردي وبنزله:(


وربي يشفي لك بنتك ويحفظها من كل شر

تسم اناملج شعوله على البارت الرائع

و إن شاء الله تقوم بنوتج بالسلامة

بارت موجع حد النخاع

لي عوده للتعليق على البارت

يسلمو ميشو على البارتين والله عاذرينك المنتدى ها الايام ما ادري ليش يعلق كذا مرة اكتب تعليق وتعلق الصفحة واعيد من اول وجديد وربي يشافي بنوتك ويمن عليها بالصحة والعافية

ببدء من النهاية ابوراكان
اعتقد انو اللي كان في الحفرة وحرقوه هو السحر وكنت اظن انو اذا انحرق السحر ينفك بس يخوفي انه سطام ينجن اويموت
راكان
اعتقد اللي مسكوه هم امن الدولة وحاولو يستجوبوه وييضيقو عليه حتى يعترف بس العنود اتدخلت وخرجته بطريقتها الخاصة ههههه>>عميلة سرية
العنود
اعتقد اختفائها كان حتى لايعرف احد بحملها ويردوها لبتال وحتى تنتهي عدتها وخوفا من شريفة تأذي طفلها وتأذيها
شريفة
ابدا ماتتوبين لكن العنود لك بالمرصاد اعتقد ان السر اللي تعرفه العنود انو شريفة ماهي بنت الظبي وانهم اخذوها وربوها علشان كذا تكره عيالهم وتبي تدمرهم وتكوش على كل شيء وما استبعد انو الحادث كان من تدبير شريفة
سند
خلك على موقفك لان رنيم ماينفع معاها الا كذا وممكن اذا ولدت تعقل ومشاعر الامومة تغيرها
بتال
النقيض الكلي لسند يأخذ الامور بعصبية وتهور واي كلام يسمعه يصدقه يعني له شهور عايش معاها وشايفها حتى لو تمثل كان بان لكن هو خلاص مقفل مخه عن اي شيء وحكم ونفذ الحكم فالمفروض قبل ما يقدم على الشيء يتاكد ويسالها ويتبين لكن ماقول الا توك على الندم ياولد الجوهرة وراك مشوار طويل وحتعض اصابعك ندم
نايف
اعتقد انه انظم لمكافحة المخدرات وكان المخبر حقهم بعد مااتعالج ورجع وعن طريقه دخلو رجال تركي السجن
تركي وابو صقر
لا اعلم هل هو رئيس العصابة ام ابو صقر واذا كان تركي هو الرئيس فابو صقر هل هو شريك او مخدوع فيهم
المجنون
اعتقد انه صلاح وهو كان يراقب هالاثنين المجرمين

اللهم رب الناس اذهب الباس اشفي بنت مشاعل السعوديه شفاءً لايغادره سقم