مساء الخير ميشو يعطيك العافيه
البارت هادئ وحلو
ياترى هذا هدوء قبل العواصف

سند ورنيم
البنت هذه شايفه نفسها عليه وهو يشتري رضاها بس إذا عمها قال له عن سبب زعله منها وش بتكون ردة فعل سند
حتى لو كان أبوها زعلان عليها المفروض ما يقول لزوجها عن شئ عشان مايتسبب لهم في مشاكل مع أن سند عاقل وما اعتقد انه يصدق فيها شئ الواضح ان لهم شهرين متزوجين ولامعها جوال بس إذا فسر كرهها له أنها على علاقه بأحد غيره فهذا هو اللي بيقضي عليها

بتال والعنود
هو عرف انه غلطان واعتذر وهي وحده عاقله
وفكرت في كلام زهره واتركت عنادها شافت الوجه الطيب لبتال
بس راح تستمر حياتهم حلوه وإلا بيصير شئ ويخرب عليهم
مع أني اشك في أمك المتصابية تسوي لك مشاكل مع العنود
ومدري متى بيرجع لها عقلها
لازم يصير لك شئ عشان ترجعين زي ماكنتي
والفارس ما تغيروا هم نفسهم حقين زمان
عادي عندهم مدت اليد

نايف
ليش كاره العنود مع ان مالها ذنب في اللي هو فيه وهي كانت تعامله أحسن معامله ومعتمده عليه
هو شايف أنها السبب عشان حملت المسؤوليه وهو كان قدها

راكان
تصرفه مع اخوه كان غلط الولد مراهق يمكن يأخذ السالفة عناد
المفروض انه يحتويه ويعرف وشلون وصل لطريق هذا بس دائم متهور هالراكان

شريفه
يعني صدق مو بنت أبو نايف وهو يعرف من أبوها وش جابه عندهم وليش ربوها بينهم
يمكن أبوها صديق لأبو نايف ومات ووصاه عليها وهي تعرف الشئ هذا عشان كذا تكرهه أم راكان وتحقد عليها وإلا عمر أخت ما تسحر أختها
وش ناويه بعد تسوي لسمر أكيد راح تتبلى عليها وتطعن في شرفها

سعود ونوال
جين وراثي العناد في العائله
إذا رفضتي وأهلك غصبوك وش بتسوين وإلا بتوارينهم الرساله عشان تصير مشاكل في العائله

مهرة الفارس
الضبي متى بينكشف لنا سرك

ميشو ابدعتي

تسلم اناملج المبدعه على هالبارت الحلو

بتال و العنود ما بين مد و جزر بس الحمدلله شكلها الامور راح ترسي على خير

أما سند و رنيم فما اقدر اتوقع اي شي بعد الكلام اللي راح يقوله ابوصقر *_*

بنتظار البارت القادم ٍٍٍٍ

صباح الخيرات ميشو .........كيفك يالبطة ......شوفي من الحين اقولك ان قريتي درري الي ماتنمل وضحكتي وتمسخرتي مايردني عليك الا صقري الحلو اخليه ينتقم لامه منك .....وحدة ناوية الشر اي صح انتبهي لكشة بنتك منه خوب هالايام صاير مايتحمل الجنس الناعم هههههههههههه


العنود وبتال

امورهم حاليا حلوة بس متفرح لانها مابتستمر لانو في لهم اعداء من جبهات مختلفة ومازال الكثير مخفي عن بتال بخصوص العنود لانو بالاساس ماعرف شي عنها لذلك ممكن اي شخص يكيد لهم مكايد وتهدم السعادة المؤقتة بس ميشو نبي العنود تحمل بسرعة مو بس مراموه يهمنا ولد العنود وبتال اكثر

المهم جوهرة عجوز قريح من جهة مابتخليهم بحالهم وهي شافت التفاهم الي بينهم الا اذا كانت عيون سلطان عليها ومنكدة عليها اي محاولة بالتدخل فيما لايعنيها

وشرفوه مستحيل مابتدخل بس ربي لاينولها الي ببالها هي حتى لو طلقت العنود على قولتها ماراح تزوجها لولدها لانو بيجيها شي يخرب كل مخططها وهو موت واحد من عيالها او يمسكو عبيد بقضية مخدرات عاد تورينا ساعتها مراكضها ورى الفلوس بأيش بينفعها هي مفكرة انها اذا نجحت بتدمير حياة غيرها بتعيش لحظات انتصاراتهامثل ماتبغي متناسية انو مافي شي يصير بدون ارادة رب العباد الي مهما سوت بيجي اليوم الي ربها بينزل عليها سخطه


راكان وسمر

راكان للان مايدري بالي صار قبل زواجه من شرفوه ولا اهتم بسبب نفور سمر من خواته وخصوصا العنود ولا حط لسمر وغيرتها الي مالها داعي من خواته حد ........والحين شرفوه ناوية عليهم ومحترق قلبها تشوف ناس عايشين حياتهم براحة وماتنكد عليهم بتستغل البقرة بنتها والله يستر ماتصور سمر مثل ماصورت الشباب من قبل وتطيح سمر بمصيبة ........مااعتقد انو خطة شرفوه انها تخلي مهية تتقرب من سمر لانها عارفة كره سمر لبنتها وهي خبيثة وماتخاف ربها بتحاول تدمر سمعة سمر وياخوفي انها تنجح ........ماكفاها ضحاياها الي لليوم يتجرعو ثمن احقادها المريضة بس ارجع واقول كل الي تسويه بيرجع عليها وعلى بناتها اذا دمرت سمعة بنت شرف وحدة من بناتها بيكون الثمن وساعتها ماراح تنفعها لاسحورها ولا فلوسها


نايف
ليش يعامل العنود بجفا هي موذنبها انو صار مدمن واعتقد انو مابيسكت اذا عرفت وجات تلومه بيطلع كل الي بقلبه عليها وتتحمل ساعتها سكوتها لسنوات طويلة وتضييع عمر نايف بمشاكل فوق عمره

اما راكان ماله حق يمد ايده لانو لما جاء يتقرب منه ومن عيال عمه جرحه وابعده بدون وجه حق والحين جاي يفرد عضلاته عليه ليش ان شاء الله مو هو الي ابتعد عنهم وابعد اخوه بكل انانية وعجرفة لايجي الحين يسوي فيها المهتم وان شاء الله يسافر مكان مايبغي ويرتاح من مشاكلهم الي تعبت قلبه وكانت بتضيعه


غراااااام

اعتقد انو بينفع معاها العلاج بس فعلا مو الكل حضر شرفوه وبناتها وخواتها ماجاو كيف راح يجيبو الاثر منها وحتى العجوز الي زعلانة وغرام مو متذكرتها وماحد يدري عن السالفة كيف بيحلوها يعني باقي على ماتتخلص من الي هي فيه ........الا اذا حضرت الحرمة العجوز

والريحة اعتقد انحباس الدورة سببه هذا الي فهمته من ام زيد .....وام سند مامنها فايدة مااشوف سخافاتها قبل وهي تترقص مع شايبها قدام عيالها الي اطول منها خلاها تخجل ولا ترقصها مع رجلها بوسط الحريم خلاها تستحي وترتبك والحين علاج بنتها تبغي احد ينوب عنها من وين جاها الحياء على غفلة

لا وشايفة حالها يوم جابو لها الي بتسوي الي هي مو متنزلة تسويه والجوهرة دام مو عاجبه الشي ومو من مستواها من الي جبرها تقعد تدلف بس قال يع مقرفة لاتخاف اذا هي بيوم احتاجت اثر مابتلاقي المقرفة تلمه لها ولا مفكرة بنتها الدلوعة بتسويها لها .......مالت بس

رنيموه وسند

رنيموه زودتها على سند وشوفة الحال عليه لا ومنتظرته يصالحها على امها دامها ماتبغي شي منه ليش تلح عليه يشوف موضوعها وهذا هو بيعرف السبب ماادري اعتقد سند ردة فعله بتكون غير متوقعة ماراح يصدق حتى لو سمع المقطع ويمكن يروح يخبر رنيموه ويسألها ويطلع الحقيقة .........يعني مو بالضرورة يصدق ويعصب بس الي بيخليه يعصب هو انو بعد كل الي يسويه لها وهي تقلل ادبها منه وماعرفت قدره ساعتها كرامته اهم حبه الي بيذله ويهينه ويمكن هي تقدر له انو الشخص الوحيد الي ماصدق فيها العيب ووقف معاها وهو الي عمره ماخذ منها ريق حلو وامها الي قريبة منها صدقت فيها وعاقبتها


شرفوه

الطمع والحقد عامي عيونها وكلام ابو نايف له عدة معاني يعني هي ماتعرف ابوها ووين حلاله ايش المقصود وهل لسند الجد يد في ماضيها والي تعرضت له من قبل ......فيس قام يخورها

اذا كان ابو نايف مو ابوها والظبي مو امها اجل ليش ساكت على فعايلها في بناته واحفاده ليش مايوقفها عند حدها مهما كانت اسبابه بس مولدرجة تخلي بيته جحيم وتنفر الكل منه وهو ساكت لها

وزوجها ليش ساكت لها دام الي يسويه مو مبين في عيونها ولا مرضيها ليش من الاول ماطردها وحرمها من الخير الي موعاجبها وحرمها من عيالها وخلاها تعرف قدرها بدل مايوفر لها فلوس تدمر فيها الناس

وبعدين تحمد ربها انها متزوجة وعندها بيت وفلوس وعيال .......على ايش تقارن بينها وبين الي عند غيرها وعلى ايش عيال الحمايل بيفكرو فيها ان شاء الله وهي لاشكل ولا اخلاق ماراح تترك احد في حاله بس هل تعتقد انها بتعيش سعيدة وهي بنهايتها بتكون منبوذة ماحد يذكرها بخير ولا يبغي قربها خليها تعرف انها طول عمرها ماجنت شي بفعايلها

جويهر

الكل نصحها وهي ابد مكبرة راسها وناسية عمرها الي تبغي تعيشه وحدة بعمرها شبتسوي ببلد اجنبي ماتعرف لاعاداته ولا تقاليده .......بس همها تقلد اي احد علشان تثبت لخيالها المريض انها صارت شي بعيون الناس ...ماحد بيخسر غيرها واذا هي شايفة انها كبرت على ضرب زمان بس ماكبرت على سخافاتها سلطان بيصحيها من غيبوبتها


نوالوه وسعود

سعودوه غبي قدرت تنتصر عليك نوالوه بخطتها وهذا هي تبتسم بأنتصار لانها ضمنت انك راح تحقق غايتها وجيت مثل الخروف تخطبها ولا تعتقد انو هالشي اخر تصرفاتها لا هي بتضحك عليك كل مرة وهي تستخف بعقلك الصغير وتستدرجك لرغباتها هي من الاول تحدت انها بتخلي سعود يخطبها بطريقتها والظاهر نجحت .....

بس ليش تروح تعلق واحد ثاني فيها وليش رافعة الكلافة بينها وبين ايمن تناديه بأسمه حاف خير الاخت من يكون ايمن علشان تاخذ وتعطي معاه صدق انها مو متربية والي تحط عينها على واحد وتحطه براسه وتستدرجه علشان يتزوجها مو هو الي جاها بنفسه وفكر فيها لاتتوقع انها بتكون سعيدة لانو مابيكون لسعود تصرف من راسه تجاهها واتمنى انو سعود يسمعها وهي تضحك عليه وعلى نجاح خطتها وتأخير ابوه للخطبة يكون خيرة ويخطب غيرها ويصدمها خليه يكون درس محترم لها ولامثالها من الاول مو عاجبتني ولا بالعتها

عناد

اجل تعلق بوحدة من قبل وهي استغلته .....بس هو غبي وحدة لادين ولا مذهب شمتوقع منها يستاهل الي صار له يترك بنات بلده المسلكات المحتشمات ويناظر بالخمة الي جمالهم سبيل للرايح والجاي والي عنده فلوس اكثر


في انتظارك

السلام عليكم ورحمة الله وبركاته
مساء الخير...مساء الاشتياق...مساء المحبه...مساء الرياحين
هلاا وغلاا بميشووووو ياقلبي والله فديتك...بارتك ولاا اروع عن جد عجبني حيييل
تسلمين يالغلااااااالله لايحرمني منك

العنود وبتال
واخيرا استتب الامن عندهم واقدروا يعيشون بفترة راحه بعيد عن مبداء اادبها ثم احبها
والا العناد لي تمارسه العنود ...وش حلوكم وانتم كذا كتاكيت تهبلون...بس ياخوفي يكون الهدوء الي يسبق العاصفه
لاني متاكده اذا اسلمت من شر شريفوه فما راح تسلم من جويهر يعني الجهاد على جبهتين الله يكون بعونها
والي اعجبني انها ما كابرت ولا عندت يوم بتال طلبها بالعكس فكرت بكلام شريفه وخافت من ربها واعرفت ان زوجها
له حقوق عليها ولازم تاديها...بس صدقين ميشووو انا خايفه من تقفيلة التلفون بوجه بتال اكيييييد اه ماراح يمررها وبيطين عيشتها وخاصة اها سبت اخته بعد الله يعين

العنود وراكان
يالله يا رويكن انت متى تتخلى عن انانيتك وتفكر باهلك كل همك روحك وخبلتك ...حتى اهلك مو قادر تساعدهم وتحميمهم ...لدرجه مو شايف بالحرب البارده بين العنود وسميروه وغيره سمير الي مالها داعي من ساره
وانتم اخذ دور المتفرج او الا مبالي...بس يا انا شريفوه ناوية لك نية تعفس حياتك فوق تحت والله يستر منها
صحيح اني ماحبيت سمر ولا ارتحت لدلعها ...بس خايفه عليها من شر شريفوه ياخوفي انها تقذفها بشرفها والا
تسبب لها بمشكله كبيره مع راكان عاد ذاك خبل وبسرعه يثور...

غراااااام
ان شاء راح تشفى وخاصه بعد الاثر الي جمعته لها العنودراح يكون السبب بعد الله في شفاؤها
بس الي قاهرني امها...الي مسويه فيييه انها ماتقدر ومدري ايش يعني بالله عاجبك حاالة بنتك كذاااا الوحده
لو صاير لضناها شيء تسوي المستحيل عشانه وانتي على شويه اثر مو قادره....ولاا بعد رافعه خشمك
على العنود هذه طلعت بنت رجال وكسرت خشمك وجابت الاثر ليته ينفع فيك

سند ورنيم
الى الان وانا اقول حسافة سند في روينم صدق انها ماتستاهله رجال والنعم منه..
ولاا فوق شينها ومعاملتها الخايسه له بكل قواة عين تطلب منه انه يصالحها على امها انتي بالاول
عامليه باحترام ثم اطلبي منه...ترى ماحد وقف معك وصدقك غيره...وبيجي اليوم الي راح
تتحسفين على معاملتك له...وخاصه اذا كشف الي صار لك او سمع التسجيلات

شريفوه
الحقد والحسد الي مالي قلبها معمي عيونها عن اشياء كثيره ... وغيرتها الشينه هي الي مخليتها مو متهنيه
بحياتها..صدق المثل الي يقول>>من راق الناس مات هما<< هي مو مقدره النعمه الي عايشه فيها زوج مخليها
تسرح وتمرح على كيفها فلوس وعندها عيال وجابت وش تبي اكثر المفروض انها تنتبه لبيتها وعيالها
بس ابونايف وشقصده بكلامه لشريفه احس فيه سرر كبير الى الان ما انكشف

جويهر
الي ما يطيع يضيع هذا ينطبق عليها الكل حذرها ونصحها بس هي ماتسمع الا لروحها ومصير مراهقتها
المتاخره بتجي على راسها وبتعرف ان الله حق اذا ادبها سلطااااان ليت ياخذ عليها وحده ويكسر خشمها

نايف
ماحبيت طريقه سلامه على العنود هي وشذنبها يسلم عليها بهالبرودهذا جزاتها الي تخاف عليه وتسال عنه
في وقت الي الكل مهمله ولا بضارب له خبر
ورويكن ماله أي حق انه يمد يده عليه وينه من قبل وينه ما احتوى اخوه وراقبه وابعد عنه اصدقاء السوء
مو مخلينه وهو توه مراهق تحمل مسؤلية كبيره عليه وحمى خواته واهله من طغيان خالته وهم رقود بالعسل
الي مثل راكان هو الي يستاه الضرب مو نايف

ميشو ياقلبي جعل يدينك ماتمسها النار يالغلاااااااا مبددددددددعه

بسم الله الرحمن الرحيم

السلام عليكم ورحمة الله وبركاته

الحمد لله والصلاة والسلام على رسول الله

توكلنا على الله .. لا اله الا الله محمد رسول الله ..


البارت 17 ..


ادفن يدي .. تحت الثرى ..
واسقيها من جفني ارق ..
يذبل مابين اصابعي ..
عشب و ورق ..
ادفن يدي .. فوق الثرى ..
يلفها برد وسموم ..
واحس بعروقي يبست ..
ما توصل عروقي الثرى ..
ولا تشرب عروقي النجوم
وينبت على جفني سهاد ..
يذبل ورا صدري الشجن ..
اشقق اوراق الزمن ..
وانام ..

في حلقي الليله جفاف ..
شربت أيامي .. ومضت ..
واللي بقى جرحي الوفي ..
في خاطري باب يرد ..
وسراج دوبه ينطفي ..
اغطي الظلمه بظلام ..
كل ما اشد اصابعي ..
على العيون المتعبه ..

جرحٍ ينام .. وجرحٍ شعر بي وانتبه ..
قام وتبعني لشرفة ظلمه بعيد ..
جاني يقاسمني السهاد .. جاني قصيد ..
ادفن يدي تحت الثرى .. فوق الثرى ..
واعيش انا بباقي يدي ..
نصفٍ يموت .. ونصفٍ درى انه يموت ..
يا سيدي .. ربي انا نقطه فـ بحر ..
علمني كيف اهوى الحياه ..
علمني كيف اهوى القدر ..
علمني بإماني اكون ..
يارب .. اكثر من بشر

" بدر بن عبدالمحسن " ..



سند جلس جنب عمه راشد وبنبرة / وشلون ابو صقر ..
ابو صقر / بخير .. انت ايشلونك ..
سند / ماني بخير .. ضايق صدري ..
ابو صقر بتكشيرة / ادري .. بسبب بنت مياسة الله ياخذها ويفكنا منها ..
سند بحدة / ابو صقر .. مياسة وبناتها يرفعون الراس .. وانا وانت نعرف بذا الشي ..
ابو صقر صد عنه .. وبضيق / ويش تبي الحين يا سند ..
سند / ليش سويت اللي سويته ..
ابو صقر / احسن لك ما تعرف .. حتى ليضيق صدرك اكثر ..
سند / انت قول ومالك دخل بصدري ..
ابو صقر بتردد / متعرفه على واحد .. و مكلمته وااا .. ارسل عليه سوالفهم .. سواد الله وجههم ..
سند رفع حاجب وبسخرية / ومن ذا اللي سود الله وجه .. و ليه ما راحت له وعرفت سالفته ..
ابو صقر سكت وواضح عليه الارتباك .. / ........
سند / ليش ما ترد ..
ابو صقر بخوف /سند ليكون من اهل دلال ويبي يوصلي انا غيرت الرقم وافتكينا من المشكلة لا نلحقه ويفتح علينا باب ..
سند يرفع حاجب / اهاا دلال صديقة رنيم و بنت جارك اللي ...
ابو صقر يقاطعه / سند .. انا عمك لا تنسى ..
سند من بين اسنانه / وهذا البلا .. مير ابي اقولك ولازم تفهم ما سكت عن سواد الوجه اللي مسوية ..
الا حشيمة لخاتي وبنتها .. " ووقف وتركها وراح بدون ما يلفت له " ..
ابو صقر ضغط على عكازة وكتم قهرة ..


ـــــــــــ


بجانب اخر من الجلسة ..
بتال جالي جنب طلال ويشربون شاهي ..
طلال / كيف الوضع معاك .. عشاق والا متاعيس ..
بتال يبتسم / وين عشاق يالحبيب .. مثل وضعك نحاول نمشي المركب لبر الامان ..
طلال بضيق / لا والله ما انتم مثلي ..
بتال يطالعه من فوق لتحت / ويش فيك احسك متغير ..
طلال / حاسني مخنوق .. ودي ارجع طلال الاولي .. ابو خرجات وناسة ..
بتال يبتسم / الا كلام الشباب صحيح .. صاير تتوحم مع مرتك ..
طلال يكشر / لا تذكرني هذاك اليوم مصحيتني 2 الفجر وتبي ذرة .. من وين اجيب لك ذرة ..
قعدت تصيح وتبكي وابي ذرة لا تجي بوجة الولد .. يا اخي حسستني بانها عجوز من العصر الجاهلي ..
قلت ابي اهديها ... ابشري وما لك الا اللي يرضيك والبس واطلع من الشقة وانزل لجناحي القديم ..
واقفل الباب ونوووووومه ما صحيت الا الساعة 10 قلت الحين القيها قالبة البيت عليه ..
واطلع الشقة بسرعة والا القيها ناييم ولاهي بحولي ..
بتال يحاول يكتم ضحكة بس ما قدر / ههههههههههههههههههههههههه ....
طلال بحقد / تضحك جعل اللي صابنا يصيبك ..
بتال / هههههههههههههههههههههههههههههههههههههههههههههههههههه ..


ـــــــــ


سند طلع برا القاعة يحس باختناق .. شاف عناد واقف ..
سند يبتسم / ويش عندك واقف برا ..
عناد فرح بشوفت سند من وقت ما شافه ولا سولف معاه / .. كنت اتكلم بالجوال ..
سند يتنهد ../ تعال اجلس .. " وجلس على كرسي قريب من الباب " ..
عناد جلس جنبها وبهدوء / ويش فيك .. ايش اللي مزعجك ..
سند يتنهد وهو يطالع قباله / ابي اعرف سالفة ضرب عمي راشد لرنيم .. شاغلة بالي السالفة ..
عناد / ..........
سند يلتفت عليه / ليش سكتت .. " وبنبرة مقصودة " .. ليكون عندك علم ..
عناد بهدوء / ايه .. بس ما يصير اقولك الحين .. خله بعد الحفل اقولك كل شي ..
سند / وليه مو الحين ..
عناد / لان جوالي الثاني تركته في اليت .. وهو فيه كل شي ..
سند / وايش دخل جوالك بالموضوع ..
عناد / بعدين ياسند .. " وقف ودخل القاعة وترك سند لوحدة " ..


ــــــــــــــ


بعد الحفل اللي انتهاء بدري كان حفل بسيط دي.جي صغير وما في بالحفل أي تكلف او مبالغه ...

الساعة 12:30 ص ..
العنود واقفه جنب امها تلبسها العباية .. / سارة معاك جوالك القديم ..
ساره اللي لبسه فستان اخضر لنص الساق كت بقصه دائرية صغيرة وحزام ابيض .. بزعل / ايه ..
العنود رفعت عينها وبنظره قاسية / قفليه واعطيني اياه .. ولا تقولين لاحد اني اخذته ..
ساره تنهد / وليه ما تخلين بتال يجيب لك ..
العنود بعد ما خلصت من امها / سوير .. لا تكثرين حكي .. وان عرفت ان احد يدري بان الجهاز معي ياويلك ..
ساره بطفش / طيب طيب .. " وفتحت شنطتها الصغيرة وطلعت جوال اسود صغير " ابو كشاف ^_^ " ..
العنود مدت يدها واخذته وقفلته ودخلته شنطتها ../ يالله انتبهي لامي وانا راح اتصل عليك كل يوم ..
بس انتي لا تتصلين ولا تقولين لاحد انه معي .. فهمممممممممممتي ..
ساره / فهمت خلاص .. يالله اطلعي زياد برا .. وانا رايحة مع بتال ..


ــــــــــ

رنيم شافت امها وخواتها يلبسون عباياتهم وبيطلعون ..
رنيم بخنفة / يمه ..
مياسة تصد عنها .. وبحزم / البسوا والحقوني بسرعة لا تتاخرون صقر برا ينتظركم .. " وطلعت بدون لا تلتفت " ..
ريهام بمواساه / لا تزعلين ..
رنيم تلتفت عليها ودمعه على الرمش / ويشلون ما ازعل .. هذي امي ..
ريما / رنا روان اطلعوا لامي علشان صقر لا يعصب .. واحنا لحقينكم ..
رنا / قولي عندك سر .. يالله سلام .." وراحت مع روان " ..
ريما بهمس مسموع / تبين ترضين امي ..
رنيم بلهفه / اكيد ..
ريما / ارضي سند ولا تزعلينه منك ..
رنيم ترفع حواجبها / نعمممم ..
ريهام / سمعت خالتي العنود تتكلم مع امي قبل كم يوم وريما بعد سمعتها .. تقول ان سند ما .. " وسكتت خجلا " ..
رنيم باستغراب / ليش سكتتي كملي ..
ريما / خالتي العنود تقول ان سند ضايق صدرة من رنيم وانه ما نام معاها يعني " وسكتت الاخر خجلا " ..
رنيم مفاهمه / ليش سكتتوا ..
ريما تتنهد / امي قالت اذا رنيم ما ارضت سند ما راح ارضى ..
رنيم تفتح عيونها / وانا ايش سويت له بعد ..
ريهام كتمت ضحكها بخجل ../ .. رنيم .. ههههه .. انا ما اقدر اتكلم .. خلي زوجة المحامي تتكلم .. سلام ..
" وخرجت تركض بخجل .. وهي تحاول تكتم ضحكها الخجول .." ..
ريما تضرب كتف اختها رنيم بدعابه .. وبابتسامه / غبيه .. ما فهمتي ..
رنيم بضيق / تتكلمون وكاني بمسابقة الكلمات المتقاطعة ...
ريما بخجل / تعالي قربي " وبهمس خافت في اذنها / ..........
رفعت راسها والتفتت حولها ووجهها احمر من الخجل خوفا من احد قد سمع كلامها .. / انا رايحة سلام ..
رنيم ووجهها احمر .. بغضب من بين اسنانه / غيثوة خربك .. قليلة ادب .. انقلعي ..
وراحت تركض و هي تسمع ضحكات ريما ...


ـــــــــــ

عند مدخل النساء ..
ام عبدالعزيز تطلع لسيارتها .. مع متعب وابو عبدالعزيز ..

بتال كان بيوقف حتى ياخذ العنود .. سعود اللي واقف وراه بياخذ امه ..
نزل من سيارته .. وتوجة لسيارة بتال ووقف جنب السيارة / اقول ياحلو ..
بتال يبتسم / هلا ..
سعود / رايح لرياض والا راجع لمسقط راسك ..
بتال يبتسم / ويش عندك ؟ ..
سعود يبتسم / ابيك بسالفه .. من زمان ما سولفت معاك ..
بتال / من عيوني بكرة نتغداء سواء ويش رايك ..
سعود / تمام والحساب عليك ..
بتال / شحاد ويتشرط ..
سعود / هههههههههه " التفت جهت مدخل النساء وشاف احد واقف " .. شكل اهل متعب طلعوا ..
بتال التفت وشاف العنود ومتعب يتكلم ويضحك .. بتال حرك سيارته متوجه للعنود ..
متعب مشي ولا التفت وراه ... بتال وقف قبال العنود .. طلعت العنود السيارة .. وبهدوء القت السلام ..
بتال يسوق السيارة بسرعة وساكت / ...................
العنود بداخلها " سكنهم مساكنهم ويش فيه الحين ... استغفر الله العظيم .. " ..


ـــــــــــــ


مدخل الرجال ..

عناد بيركب سيارته ..سند يوقفه / عناااااااااد ..
عناد التفت / هلا ..
سند بحزم / انتظرك بالمجلس اول ما توصل تمر عليه ..
عناد / خلها بكرة الحين تعبان ..
سند بحزم قاطع / انتظرك .. لا تتاخر عليه ..
عناد يتنهد / يصير خير .. " ركب سيارته ومشي .." ..


سند اخذ رنيم ووصلها البيت ..
رنيم دخلت بخطوات سريعة .. وبدات تفسخ عباتها .. ما انتبهت للي على الطاولة ..
سند بهدوء / رنيم ..
رنيم تلتفت علية / نعم ..
سند بهدوء / انا نازل تحت .. علشان موضوعك مع ابوك ..
رنيم تطالعه بجمود / ........
سند / ابيك توعديني .. انك تكونين صريحة معاي ..
رنيم رفعت حاجب / في ايش ..
سند يتنهد / في كل شي ..
رنيم سرحت وهي تتذكر كلام اختها .. وجهها حمر .. وبهمس / طيب ..
سند استغرب تغير ملامحها / فيك شي ..
رنيم تهز راسها .. وقفت امام التسريحة وبدات بتنزل اكسسواراتها .. حست بيدين سند على رقبتها ..
سند بهمس / انا اللي لبستك اياه اونا اللي انزله .. " وبعد ما انتهاء قبل عنقها " ..
رفع عينه وانتبه لحمرار وجهها . وبهمس / انتظريني .. راح اشوف واحد بالمجلس وراجع ..
رنيم رفعت عينها فيه .. مستغربه من يكون بالمجلس بهذا الوقت / ..........
سند يبتسم / اذا رجعت وكنت صاحية قلت لك .. الموضوع يخصك .. تتنتظريني ؟ ..
رنيم تهز راسه بنعم / .........
تركها سند ونزل تحت .. يقابل عناد ..


ـــــــــــــ


جناح ام سند ابو سند ..

ابو سند / وشلون جمعته ..
ام سند تنهد / والله ما ادري .. بس شفت الخدم مروا على الطاولات وشالوا كل شي عليها وبعدها رجعوا..
بترمس شاهي بفناجين نظيفه .. وداروا على كل الحضور .. وبعد دقايق رجعوا جمعوا كل الفناجين ..
ويش سوت بعدها ما ادري .. جاتني وقالت ها ياعمه هذا طلبك ..
ابو سند وهو يطالع علبة الماي الكبيرة وبداخلها سائل يشهبه الشاهي / الله يجزاها خير ..
ام سند تنهد / امين .. ويشافي امها وابوها .. ويفك عوقهم ..


ــــــــــ


مجلس ابو سند ..
عناد / وهذي كل السالفة ..
سند اللي طول ما عناد يتكلم وهو يشتغل بجهازة جالكسي تاب 2 .. وبعد صمت وترقب من عناد / شوف ..
سند يمد جهاز تاب 2 لعناد .. / توقعت هذا ..
عناد فتح عينه للاخير / ..............
سند بنبرة / ويش فيك ليه متفاجأ .. صعبة الشغلة .. الحين سوالف ..
وصور واثباتات على شي بهذا الزمن اللي بعمر 8 سنين يسويه ..
ناد يبلع ريقة / يعي الصورة كذب .. خلعت قلبي .. قلت انفضحنا .. وما لقيت الا بدر ..
" كانت صورة لبدر وهو يجلس بحضنه امراة شقراء " ..
سند بحزم / حتى تحس باللي احسه .. بدر غالي عندك .. ورنيم غالية عندي ..
وهات جهازك ابي المقطع اللي فيه والصورة ..
عناد يبتسم / يفداك الجهاز وراعية يا ابو فهد بس اهم شي لا تزعل ..
سند يوقف ويبتسم / ماني زعلان .. بس اقلب وجهك اخرتني عن عروسي ..
عناد يوقف / ههههه هذي اخرتها طيب .. يالله تصبح على خير ..
سند / وانت من اهله .. " وطلع من المجلس .. شاف امه بتدخل غرفة غرام .. "
سند بحنان / الخدامه قالت لي نايمة وشجون عندها علشان كذا ما قدرت ادخل .. طمنيني عنها ..
ام سند تهز راسها / بخير .. " وبنبرة مقصودة " .. وانت روح لمرتك لا تخليها تنام بالحالها ..
سند يبتسم وبنبرة مقصودة / رايح لها يمه .. رايح لعروسي .. تصبحين على خير ..


ـــــــــــ


بسيارة بتال .. ما بين الخبر والرياض ..
العنود مو قادرة تسكت قاعد يسوق بسرعة جنونية .. بخوف / انت تبي تموتنا ..
بتال اللي انفجر غضب / ياليت تموتين وافتك منك انتي ماتبين تعيشين مثل الخلق ..
العنود التفتت عليه .. واشر بيدها / احترم نفسك ولا تغلط علية اذا عندك شي قول باحترام ..
بتال جن جنونه وهو يشوفها بدون قفزات ليدينها وبعد تاشر بها وتهدد .. ضربها بطرف اصبعها بقوة على يدها ..
العنود صرخت متوجعه ... ورفعت عيونها له وناظرته بقوة ..
بتال الغضب عنده وصل للاخير لمن شاف عيونها فاتحة .. ضربها بقفى يده على عيونها ..
بتال بغضب / انتي من أي نوع من البشر .. انتي الواحد وشلون يتعامل معاك .. اذبحك .. اذبحااااااااااااك ..
جن جنون العنود و هي تشوفه يلف على الجهة الرملية من الخط ويدخل لصحراء وبداخلها " بيذبحني " ..
وقف بتال السيارة .. فتح الباب من جهته وقفلة .. وتجهه لها من الجهة الاخر لكن العنود اسرع منه قفلت السيارة بالقفل ..
بتال سحب عقاله .. حاول يفتح الباب من جههة العنود بس الباب مقفل ركل الباب برجلة وبدا يصرخ على العنود ..
بتال بصراخ / افتحي الباب احسن لك .. افتحييييييييييييييييييي ..
العنود قلبها يدق بقوة وتدعي ربها ينجيها من غضب هالمجنون ..
بتال تعب من القهر ومن السهر وراح جلس على الرمل .. منظر متعب وهو يضحك جننه ..
.." ايش علاقتها فيه .. يمكن ابو عبدالعزيز سولف معاها .. حتى ابو عبدالعزيز مو رجال ..
ليش تكلمهم لييييييييييييييش .." رمى جسمة على الرمال واغمض عينية وبدا يتنفس بهدوء ..
لعل تهدا أعصابه ويقدر يحل هالموضوع ويبترة من جذوره .. وغفت عينه ونام ..


ــــــــــ


بيت سند ..

جناح سند ..

رنيم لبست قميص نوم سكري .. لبس الروب السكري علية وربطة الحزام بشدة ..
تنهدت وجلست على الكرسي اللي بغرفة تبديل الملابس ..وبداخلها " ارمي نفسي بالنار يمه .. لجل اشوف عيونك بس "..
وقفت وتقدمت بيدين ترجف فتحت الباب .. كان الجناح فاضي ما فيه احد تقدمت من الطاولة بتشرب ماي ..
شافت شي غريب .. أي فون 4 اس .. بلاك بير توتش .. جالكسي تاب 2 .. أي باد .. لاب توب توشيبا ..
رنيم بهمس / لمين هذي .. " ما حست بدخول سند وهي تقلب بالاجهزة " ..
سند بهدوء / عجبتك ..
رنيم بارتباك طاح منها جهاز الاي فون ../ ااامم لمين هذي ..
سند يقفل الباب بالمفتاح وبابتسامه / لمن يعني .. اكيد لحل رنيم بالكون ..
رنيم تصد عنه ماتبي تخرب على نفسها هي قررت تمشي بكل الطرق لتحصل رضاء امها ..
رنيم بهمس / شكرا كلفت على نفسك ..
سند ضمها من الخلف وحس برجفتها ../ ما فيها كلافة يا عمري .. واذا تبين شي ثاني اجيبة لك من عيوني امري بس ..
رنيم اختنقت بعبرتها / .... شـ شكرا ..
سند يقرب لها اكثر وقبلها قبلة عاشق انهكه البعد وهي قريبه .. اما هي فاستسلم لاجل الوصول لرضاء امها ..


ــــــــ


بالاستراحة ..
صقر / الا نويف انت ويش ودك تدرس ..
نايف / خاطري احقق امنيت ابوي وادرس هندسة .. وانا حاب هالشي ..
ياسر / طيب فيه بجامعاتنا هالتخصص ليش يعني بريطانيا ..
سامر / يعنني دارس برا بس .. يا اخي خله يدرس برا يفلهااااا ويشوف وجه حلوة ..
نايف سكت / ........
ياسر / لا من جد نايف ليه ..
نايف / الدراسه هناك غير .. " وبتغيير للموضوع " .. الا بدر متى يخلص عسكريته ..
ياسر / اووووووووه يا قلبي ذكرتني بحبيبي .. ييبله سنه .. توه قضت منها شهرين ..
نايف / يالله غمض عين وفتح عين وتقضي هالسنه ..
ياسر يغمض ويفتح .. / قضت هالسنه ..؟؟ ..
نايف تنهد / جعلها تمر على خير وسلام ..
الكل / امين ..

ــــــــــ




سعود ورعد وعناد بالصالة الرياضية .. يتدربون ..
رعد / الا انتم ليش ما نمتوا ..
سعود / انا فكري شاغلني والظاهر ما ارتاح اللين يتحقق اللي ابيه ..
عناد بضيق / وانا ضايق صدري ..
رعد / افاااا عسى ما شر ..
عناد يجلس .. يتنهد / قلت لسند عن سالفة رنيم ..
رعد يرفع نظرة لسعود .. سعود / انا بصراحة ما اشوف ان الموضوع يحتاج معرفة سند فيه ..
رعد / وانت من قالك ..
سعود يرفع حاجب / لا .. مفكر لحالك اللي تعرف بالمور الشباب كلها ..
رعد / انا عمهم لكن انت .. ولد عمهم .. يعني مو مههم كثري ..
عناد / اوووووووووووووووف اسمعوا .. سند ايش قال ..
رعد وسعود يوقفون عن التمرين ويجلسون قباله / ويش قال ..
عناد / جلس ساكت .. وانا افكر الحين بيقوم ويروح لزوجته ويقتلها .. لالالا يضربها .. يطلقها ..
صرت اضرب اخماس بأسداس .. واخر شي ويش سوا ..
رعد وسعود مركزين معاه .. / ايش ...
عناد / طلع لي صورة لبدر وبحضنه وحدة انقليزية .. وضعهم بصراحة يعني .....
رعد يعقد حواجبة / ما فهمت ويش دخل الموضوع هذا بنوال ..
سعود / بدر من وين يعرف الحرمة ..
عناد / سند دامجها وانا اسولف معه .. تصدقون ما دققت زين بصورة متقنه والا لا ..
بس شفت وجه بدر والحرمة وانا اختبص .. وسند باااااااااااااارد ولا كان الموضوع يهمه ..
سعود يوقف ويروح يكم تدريب / اقول سند ذا عنده قلب ما شاء الله علية بس ..
رعد وكان في كلام يبي يقولة بس متردد / اليوم شفت فارس مشتري اجهزة ياكثرها ..
فكرت بيفتح محل اجهزة الالكترونية .. طلع جايبها لسند .. علشان زوجته ..
عناد / طيب .. ويش فيها الاجهزة ..
رعد / بلاك بيري واي باد واي فون وما ادري ايش وكمبيوتر محمول .. يعني . ما ادري سند ويش يفكر فيه ..
عناد يكشر / يا اخي انا من يوم اسمع ان بنت معاها بلاك بيري اقرف منها احسها صاحبة حركااات ..
سعود / ليه .. مو كل البنات يستخدمونه استخدام خاطئ وهو جهاز عادي مثلة مثل الاي فون والجالكسي ..
عناد بضيق / عقلي كذا .. مو حاب البنت معاها البلاك بيري ..
رعد بخبث / انا واعد غرام لقامت بسلامة اعطيها بلاك بيري ..
عناد بعفوية / الله يقومها بسلامه اول شي وبعدين جيب لها مصنع بلاك بيري كلها ..
سعود / هههههههه هذا كله حب والا كره ..
عناد يلتفت عليه / ها .. لا والله البنت مسيكينه صح كانت تنرفزني بحركاتها بس والا ما اتمنى له الشر ..
رعد / هههه خلاص خلاص طحت وانكشفت ..
عناد يتثاوب / .. اااااااااااااااا .. اقول تصبحون على خير .. وفكروا وحللوا بكلامي مثل ما تبون .. سلام ..
سعود ورعد / هههههههههه وانت من اهلة ..


ـــــــــ

بعد ساعتين .. في الخلا ..

العنود تطالع لجهة بتال / هذا ويش جاه .. ما تحرك من ساعتين .. اوووف اعوذ بالله من الشيطان الرجيم ...
فتحت الباب ونزلت وبهمس " بسم الله الرحمن الرحيم " ..
قربت من بتال .. وبهمس مسموع .. / بتال بتااااااااال .. " رفعت الصوت اكثر " بتااااااااااااااااااااااال ..
بتال فتح عيونه الحمراء / كتمه تكتم هالصوت .. قولي امين ..
العنود وقفت وتركته .. ركبت السيارة وقفلت الباب .. / ............
بتال يتعوذ من الشيطان وقام نفض ملابسة من الرمل .. ركب السيارة وسمع صوت اذاعة القران ..
العنود غيرت الاذاعة ماكان مو معروف والدنيا ضلام .. وهذا نايم بارض مو معرف نظافتها ..
العنود صدت عنه وتطالع الجهة الثانية / ............
بتال طلع سيارته وقاد بسرعة جنونية لرياض .. والعنود تدعي بداخلها " يارب سترك .." ..


ـــــــــ


يوم جديد ..

بيت ابو سند ..

سند صحي من النوم الفجر .. تحمم وغير ملابسه وصلى الفجر .. ودخل غرفة غرام ..
ام سند وابو سند ما ناموا وهم ينتظرون الصباح حتى يكملون علاج غرام ..
شجون بعد صلاة الفجر مر عليها عناد واخذها لبيت ..
سند ساعد امه بتجهز الاغراض اللي تحتاجها لغسل غرام .. قسم الماء لثلاثة اقسام ..
ام سند بعد ما انتهت من غسل غرام ونيمتها .. طلعت لصالة ورمة نفسها بحضن سند وبكت ..
ابو سند طلع يتصدق عن غرام .. ويهرب من دموع العنود " ام سند " ..
سند يحاول يهديها ../ اذكري الله يمه ما يصير اللي تسوينه في نفسك .. ادعي لها ..
ام سند .. تمسح دموعها / رايحة اصلي ركعتين و ادعي ربي واطلبه يشافيها ويعافيها ..
سند يتنهد / اطلعي يمه واصلي وادعي ربك ونامي ..
طلعت ام سند لغرفتها .. سند دخل لغرام وشافها نايمه .. تركها وطلع فوق ..
دخل جناحه بهدوء لقى رنيم ما زلت نايمه ... غير ثوبه ولبس بجامته .. ونام جنبها ..
يمارس هويته بمراقبة ملمح وجهها واستنشاق ريحة عطرها وملمس شعرها البني الناعم ..
رنيم فتحت عينها وشافت بوجهها سند صدت عنه ...
سند يسحبها لحضنه وبهمس / صباح الخير ياحبي ..
رنيم / ..........
سند يكتم تنهيدته .. عارف بان اللي صار ما راح يكسر الحاجز اللي بانيته رنيم / ويش رايك تعشاء مع امك اليوم ..
حس بتجمد جسمها .. ابتسم / ما اشتقتي تاكلين من يدينها ..
رنيم تهتز وهي تكتم شهقاتها ../ .........
سند يزيد ضمها / دموعك غالية ياغلاي .. راح تتعشين من يدين امك واذا تبين تنامين بحضنها تنامين ..
رنيم بشهقة / البارح صدتني ووجعني صدها .. مو بس امي حتى صقر ..
سند / خلاص حبيبتي .. انحلت المشكلة ..
رنيم ترفع نفسها وتطالع بوجهها وتمسح دموعها / كيف حليتها .. ويش سويت انا ..
سند يتنهد / ما سويتي شي .. نروح لامك وتعتذرين لها وخلاص ..
رنيم ترفع حاجب / وبترضا لان انت قلت ارضوا ..
سند صد عنها وقام من السرير .. وبهدوء / رنيم لا تبدين .. مزاجي مو رايق ..
رنيم نفضت الفراش بعصبية وقامت متوجهه للحمام " اكرمكم الله " ..
رنيم وهي ترمي الروب .. / لانه قال انتهت المشكله نهوء المشكله وكان محد له دخل بالموضوع غيرهم ..
سند يرفع جواله / الو .. اشلونك خالتي .. الحين جاي عندك ابي اكلمك بموضوع .. فاضية .. طيب دقايق ..


ــــــــــــــ


بتال والعنود وصلوا الرياض ..
دخلت لشقة وهو وراها وقفل الباب .. وبعصبية / وقفي .. حركة البارحة ما نسيتها ..
العنود بعصبية / ويش سويت .. ما غير حميت نفسي من جنونك .. << تحسبة يتكلم عن قفل السيارة ونومته بالخلا ..
بتال بعصبية / لا تصارخين .. قلت ادبك البارحة اللي قبال المدخل نسيتيها .. والا تعودتي تكلمن كل رجال ..
العنود بشموخ / اسمعني زين لا انت .. ولا امثالك .. اسمح لهم يتطاولون على تربيتي والا يتكلمون فيها ..
والله والله لو مو خوفي من ربي .. كان تركتك انت ومن رماني عندك .. وما خليت احد منكم ..
يشوفني او يمس شعرة من راسي ... وانا اخت نايف كايد العداء ..
بتال رافع حاجب وسخرية / نايف كايد العداء .. قصدك نايف تاجر المخدرات ..
العنود وصلت لحد الغضب والحقد والكره .. مشاعر كموج البحر في هيجانه ..
بتال يكمل / نايف ما سكينه وهو متعاطي و معاه كمية يبي يتاجر فيها .. ولولا الله ثم ابوي كان خاس بسجون ..
العنود اختنقت بالمصيبة .. وبصوت مسموع / اسمع ياولد الناس طول الوقت جالسة في بيتك حشمية لعمي وجدي ..
لكن اذا بتوصل للمذلة والقذف بالادب والاخلاق .. فطلقني يا ابن الناس .. امساكن بمعروف او تسريحن باحسان ..
بتال يرفع حاجب / هذي اللي باقي .. اخليك علشان تسرحين وتمرحين على كيفك .. انتي بتجلسين خدامه عندي ..
العنود صدت عنه ودخلت غرفتها وبداخلها " ماعاش من ذل العنود بنت سطام " ..


ــــــــــــ


بالليل ..
ابو سطام / علام بتال رجع البارحة لرياض ..
ابو بتال / والله يبه ما ادري عنه .. يقول تذكر شغلة ورجع ..
رعد يبتسم / لا يغطي على الصدق .. شاف العنود وزينها وقال يبي يشرد بها ..
ام سطام تبتسم / يا ما شاء الله عليها البارحة زين ما بعده زين ... الله يحميها ويحفظها ..
سند يدخل وهو ماسك يد رنيم / السلام عليكم ..
الكل / وعليكم السلام ...
ابو سطام / حياكم الله ..
سند وهو يجلس بالقرب من جده / ابقاك الله .. اشلونك يبه عساك بخير ..
ابو سطام / بخير بس الركب لك عليها شوي قايمة توجعني بالحيل هالايام ..
سند / ما تشوف شر يبه .. ان شاء الله اخذك لدكتور شاطر بالمستشفى يعطيك مقويات شي ..
ابو سطام / لا يبوك ويش دواه عندي درج ملايان مغير ابلع 8 .. و .. 10 .. بهالحبوب
ما اعرف ويش الزين ويش الشين .. مغير اروح وهو يشخط يشخط وانت خذ وابلع ..
خلاص وانا ابوك العمر اخذ حقه .. يالله حسن الخاتمه ..
ابو بتال / يبه ليه ما تخلي رعد يشوف هالادوية اللي عندك ويقول ايش الزين وايش الشين ..
رعد غص .. سند / لا رعد ما عاد له بالطب عافه ونسى كل علومة ..
ابو سطام / صدق يا رعد ..
رعد يتنحنح / ايه يبه .. ما عاد لي هواء فيه .. " وقف " .. انا استاذن .. " وطلع " ..
ابو بتال / للحين على ذكرى عبير .. " رعد التفت عليه .. وكمل المشية .." ..
ابو سطام / بكرة يعرس على هيفاء وينسى عبير .. " التفت اخير لرنيم " .. الا ايشلونك يا ريم ..
رنيم تبتسم / بخير يبه .. بس اسمي رنيم مو ريم ..
ابو سطام / يووووووه انتم كلكم ريم ورنيم ومدري من اللي يطلع على لساني من اسم اقبلوة ..
رنيم تبتسم / فديتك يبه .. كل شي منك حلو ..
ابو بتال يوقف / انا استاذن .. تصبحون على خير ..
الكل / وانت من اهله ..
ام سطام / الا ويش جابكم علينا ..
سند يبتسم / افااا يا يمه ما تبينا نجي يمكم .. اجل مشينا يا رنيم مشينا " ووقف " ..
ام سطام / لالا يا مرحبا بكم كل ليلة بس مستغربه .. امانه تجلس يا وليدي ..
سند يعود للجلوس / ابشري يمه .. وراح اتعشى معاكم بعد .. انا قايل لخاتي مياسة ودي اتعشى من يدينها ..
ابو سطام / اييييييييه مياسة تنتظرك بالمجلس اشوفها تحوس وتسوي اثرها لك انت وبنيتها ..
سند / افاا يبه وانت ما تبي تتعشاء معانا ..
ابو سطام / انا تعشت عقب المغرب سهرت البارة اجعت راسي وخاطري احطه وانام ..
ام سطام / ايه والله من رج البارح .. راسي للحين وهو دج دج كان به ناس تنقز فوق راسي ..
ابو سطام / ايه اشوفهم عاني واحد ثنين " وهو ياشر على راسك .." اتركي عنك الخرطي وقولي ما تبيني انام وانتي بعيده عني .. تخافين اعرس عليك ..
ام سطام بغضب / اخاف تعرس علية توك تشتكي ركبك معاد بك فايدة قم نام بس قم مابك فايدة ..
وتركته لتدخل غرفتها وسط ضحكات سند وابو سطام و خجل رنيم ..
ابو سطام يوقف ويتعكز على عصاته / يالله .. تصبحون على خير ..
سند ورنيم / وانت من اهلة .. " بعد دخول ابو سطام لغرفة نومهم واقفال الباب .." ..
سند يميل على رنيم .. وبابتسامه / تخيلين لكبرنا وصرنا بعمرهم نكون مثلهم نتناقر والا رومانسيين ..
رنيم صدت عنها / ابي اشوف امي ..
سند يستهبل / يعني تبين تاخذين الجواب منها ..
رنيم التفتت عليه وبعصبية / اا.. " ليفاجاها بقبله عميقة على شفتيها اخجلتها " .. التفتت وراها ..
رنيم بغضب خجول / لو احد شافنا ..
سند يوقف ويمد يده / عادي زوجتي حبيبتي
رنيم تتجاهل يده وتوقف / امشي بس .. قلة حيا .. " وتوجهت للمجلس " .. بس تفاجات برفعها عن الارض ..
سند / لو عقلتي ومسكتي يدي كان تركتك على راحتك تمشين بالارض لكن الحين لا ..
رنيم تحول تحرر نفسها وتنزل ..بخجل / سننننننننننند نزلني ..
سند بخبث / اول شي بوسة وانزلك ..
رنيم تلفتت يمين ويسار .. وباسته بسرعة على خدة / هي نزلني ..
سند بخبث / بوسيني اول وبعدين ..
رنيم بحدة / بستك خلاص اووووف ..
سند / قربنا على المجلس .. تبين امك تشوفك وانتي بين يديني ..
رنيم تنهدت وباسته على خده .. وبهمس / نزلني خلاص ..
سند ينزلها ويبتسم / شفتي ياخاله دلع بنتك ..
التفتت رنيم وشافت امها واقفه .. مياسه برسمية / حياكم الله تفضلوا ..
رنيم تطالع سند .. وبهمس / راح تصدني ..
سند ضغط على يدها ودخل للمجلس / الله يبقي يا ام صقر ..
مياسة تجلس قبالهم .. / ..........
سند سحب جوال عناد من جيبه / .. ما ابي اطول بسالفه .. كلمتك الصبح وقلتي لي انك متاكدة انه رنيم ..
مياسة بجفاء / مافي امي تتوه عن صوت بنتها .. اعرف اميز كل صوت بناتي من بين الف صوت ..
رنيم تراقب الوضع / ............
سند يفتح تسجيل الصوت .. / رنيم / هههههههههه
الشاب / فديت هالضحكة ..
رنيم بضحكة / حبيبي وحشتني ههههههه
الشاب / وانتي اكثر ماتتصورين قد ايش وحشتيني ..
رنيم / ااهاا طيب " وبصوت هامس مثير " وحشتني موت هههههههههه ..
الشاب / وانتي اكثر .. متى اشوفك ..
رنيم / الحين الوضع شوي ملخبط تونا ناقلين وحالتنا حالة .. " كان فيه همس خفيف مختلط بصوت رنيم " ..
الشاب / والله مشتاق اشوف عيونك الناعسات وشفافك الوردية وغمازتك اليتيمة .. مشتاق اشم ريحة عطرك ..
رنيم بعجله / سلام بعدين اكلمكِ ..

مياسه بعبرة / مو هذا صوتك ردي ..
رنيم تطالع بالجهاز وتطالع امها مو فاهمة ...
سند يتنهد / اللي صار بسبب هالتسجل " محد يدري عن الصورة والبي بي .. من الكبار .." .. الاكيد انه صوتك ..
بس الثاني واضح بانه تركيب .. من ركبه وليه .. للحين ما عرفت بس قريب راح اعرف من ..
رنيم تطالع امها .. وبعبرة / يمه انتي مصدقة انه انا اسوي هالحركات ..
مياسة بعصبية / ايه مصدقة .. تذكرين يوم دخلت عليك الغرفة وانتي تضحكين وتسولفين ..
و واضح انك مو طبيعية ويش قلتي لي .. ويش قلتي لي يوم سالتك من تكلمين ..
بكل قوة عين قلتي لي هذي صالحة يمة انخطبت وتعلمني عن سواليفها مع خطيبة سوالف بنات يمه ..
وانا اللي صدقتك وقتها وقلت بنتي " اختنقت بعبرة " .. ماتسوي الغلط هذي رنيم ..
" وبكت " رنننيم بنتي اللي .. اللي ... حسبي الله عليك كسرتي ظهري .. كسرتيه ..
رنيم وقفت والدمع عالق برمشها .. وبشموخ / وللحين ما غلطت يمه .. ولا راح اغلط .. وانا رنيم ما تغيرت ..
" وتركت المجلس وطلعت .. تاركة سند وراها وامها تبكي " ..
سند يوقف / انا متاكد ان السالفها فيها شي مو صح .. ورنيم مالها دخل .. انا اشك بنفسي ولا اشك فيها ..
..وبنبرة مقصودة / هذي رنيم خالة .. رنيم اللي شافت وسكتت لو تبي تغلط غلطت بشي اكبر من كذا ..
مياسة رفعت نظرها لسند وبعبرة ودموع تسيل على خدها / وانا ايش اللي كسر ظهري غير انها رنيم ..
سند يتنهد / راح توضح الصورة وراح تبان الحقيقة .. تصبحين على خير ..
ولحق رنيم .. شافها واقفه عند باب مدخل القصر .. مسك يدها وصلعوا لسيارة ..
سند بهدوء / ايش رايك نتعشاء برا ..
رنيم بغموض / تعبانه وما ابي عشاء ..
سند يحرك السيارة وطلع من المجمع وتوجه للمطعم ما نفذ رغبة رنيم ..


ــــــــ


بيت ابو طلال ..
طلال جالسة بالصالة تحت امام التلفاز ..
نوال تجلس جنبة .. التفت علية وشافته شكلة منزعج .. بهدوء / ايش فيك ..
طلال يتنهد / ليعة كبدي ..
نوال تبتسم / مبروك حامل .. ههههه ..
طلال اعطاها نظرة / مو ؤقت مزحك البايخ ..
سيف ينزل وهو كاشخ .. وبروقان / سلاااااااااااااام ..
طلال ونوال / وعليكم السلام ..
طلال بجمود / على وين ..
سيف / طالع اتمشى شوي .. واشوف واحد من الشباب يتمشى معي ..
طلال / وما يصير انا ..
سيف شاف الضيقة اللي بوجة طلال / الا يصير ونص ..
نوال تقلد طلال / وما يصير انا ..
سيف يبتسم / اذا طلال سمح لك يصير وربع ..
نوال تتمصلح / تلوول حبيبي خليني اروح معاكم حبيبي ..
طلال بهدوء / امشي امشي روحي البسي عباتك و ... " ماكمل جملته الا نوال طايرة لغرفتها "..
سيف يبتسم / وللللللللل ما صدقت ..
طلال يتنهد .. ويوقف / خليه تجي فيني ضيقة لو اوزعها على العام تكفي وزود ..
سيف / لا دخيلك العالم باللي فيه يكفية من ضيقة ..
طلال طلع لجناحة القدرم ولبس تشيرت وجينز تمشي الحال ونزل .. لقى نوال واقفه بالصالة .. / يالله ..


ــــــــــــ


بالمطعم ..
سند بهدوء وهو يشرب عصير مانجو / من صالحة ..
رنيم تلعب بالمصاص بكاسة عصير الليمون اللي قبالها / .........
سند بهدوء / لزم تتكلمين حتى نقدر نعرف من اللي سبب هالمشكله ..
رنيم / صالحة صديقتي من ايام ما سكنا بابها .. تعرفني حيل .. انا ويها مثل الخوات واكثر ..
سند بهدوء / ممكن هي تكون سوت هالمقطع .. وسببت هالمشكلة ..
رنيم / لا مستحيل انا متاكدة من صالحة مستحيل تسوي شي يضرني ..
سند بنبرة / ممكن يكون احد اقاربها ..
رنيم تفكر وتذكرت كلام صالحة عن اخوها .. و وضح على وجهها ان فيه شي / .. امم لالا ما اتوقع ..
سند يمد يده ويمسك يدها ويشد عليها / رنيم قولي كل شي .. اللي قبالك مو سند زوجك .. اللي قبالك سند صديقك ..
رنيم تنهد .. وبعد صمت وارتباك .. / مره .. مره قالت لي عن اخوها .. برضاعة .. يبي يخطبني ..
" رفعت نظرها لوجه سند وشافته بلا أي ردت فعل .." .. قالت لي هالموضوع اكثر من مرة .. واخر مرة ..
واخر مره تخانقت معاها بسبب هالموضوع .. لان انا .. ما ابي الزواج ولا سيرته .. ومن بعدها ما تكلمة معاها ..
" وبسرعة لدفاع " .. بس صالحة ما تسويها انا متاكدة ..
سند يطلع جواله الاي فون 4 / قولي لي اسمها بالكامل .. واعطيني رقم جوالها ..
راح اتاكد اذا الرقم اللي ارسل المقطع لعمي يخصها او لا ..
رنيم بغيرة انثوية فطرية / وليه تبي اسمها ورقمها ..
سند كتم ابتسامته / امممممم ابي اعرف كل المعلومات عنها له اخو ما لها و لها علاقة بالمقطع او لا ..
رنيم صدت عنه / انا قلت مالها علاقة ..
سند ما زال ما سك يدها .. وبصوت حنون / المثل يقول احذر عدوك مرة وصديقة الف مره ..
رنيم التفتت له .. وبصوت مكسور / تظن انها هي ..
سند يتنهد / بعض الظن اثم .. بس انا ابي افك خيوط هالمشكله ..
رنيم تبلع غصتها / اسمها صالحة ****.... ورقم جوالها ******** ..
وصل العشاء وتعشوا .. سند حب يغير الجو ... وهو ياكل من الكنافة .. بنبرة مقصودة / رنيم ..
رنيم رفعت عينها .. وهي تاكل من الكنافة اللي تحبها / همممممم
سند يبتسم / لو جاء يوم وقالوا ان سند يخونك مع وحدة ويش تسوين ..
رنيم رجعت تطالع بصحن وبهدوء / عادي .. اقول الخيانة بدمهم عيال الفارس .. مو اول واحد يخون ..
سند وقف اكل ورفع نظرة فيها .. وبنبرة مقصودة / ليه من اول من خان ؟ ..
رنيم ما رفعت نظرها / ...................
سند ابتسم وبداخله " لو تعرفين انه انا اللي معك بهذيك الليلة ويش تسوين يا رنيم .. " ..
" خلصوا العشاء ورجعوا البيت " ..



ـــــــــــــ


على البحر ..

طلال و سيف و نوال ..
نوال تاكل من الساندويتش / اللحين عازمكم انا على عشاء واخر شي ساندويتش كباب ..
سيف / قولي لطلال انا مالي دخل ..
طلال / ...............
نوال / طلال ليش جبتنا هينا .. ايش اللي مضيق صدرك ..
طلال يتنهد / مرام .. اخنقتني .. ما ادري ايش اسوي معاها .. وكل ما كلمتها قالت وحامي حمالي .. وتبكي ..
نوال / بصراحة .. ما توقعت مرام تتغير بهذا الشكل بعد الزواج .. بس يمكن الحمل يسوي هالشي ..
اللي سمعته انه يغير بالهرمونات ويقلب حياة الحرمة .. يمكن بعد الولادة ترجع مثل قبل ..
سيف / ايه صدق .. طول بالك عليها .. وبعدين غير جوا .. انت من يوم رجعتوا من شهر العسل ما طلعتها ..
ولا تنسى انها اعصابها مضغوطة من اللي صاير في بيت اهلها .. وبعد ممنوعة من دخولة اللين تشفى اختها ..
طلال يتنهد / ... والله ما ني عارف ايش اوي ..
سيف / اخوي ساعدها لاتكون عليها انت والزمن .. خذها يومين وروح لشالية .. منها تريح اعصابك وتغيرون جو ..
نوال / ايه صدق طلال .. والله لمن اشوفه تكلم امها بالجوال وتبكي يضيق صدري عليها ..
طلال يهز راسة / ايه .. ودها تشوف غرام بس ما نعينها .. يخافون اللي في غرام يضر اللي في بطنها ..
نوال / وهم صادقين غرام حالتها صعبة .. " وبعد فترة صمت " .. الا اقول طلال ..
طلال / همممممممم ..
نوال / اذا جاك ولد ان شاء الله بتسمية عبدالعزيز اكيد .. واذا جاتك بنت .. ايش بتسميها ..
طلال / اكيد مريم ..
سيف / الله يجيبهم بالسلامة كاملين الخلقة وبصحة وعافية ..
طلال ونوال / امين ..
نوال / بس لا تكتبه مريم .. اكتبه مريام .. يعني علشان ما تتعقد لكبرت ..
طلال رفع حاجب / ليه ان شاء الله ايش فية اسم مريم ..
نوال / ما فيه شي بس انت عارف يعني ..
سيف / بلعكس الحين الاسماء القديمة هي اللي طالعة .. واسم مريم هو مريام ويش فرقت يعني ..
طلال / تفاهات حريم وحركات ما سخة ما لها داعي ..
نوال تطالعهم وبنظرات غرور / والله الحريم اللي تتكلمون عنهم مالكم غنات عنهم ..
سيف وطلال / ولا لكم غناتن عنا ..
نوال بعصبية / تبوني اعطيكم محاضرة والا تقولون الحريم افضل ..
طلال وسيف يهزون راسها / لا نقول الحريم افضل ..
نوال بغرور / رياجيل ما يمشون اللا بالعين الحمراء ..
طلال وسيف يبتسمون .. وبهمس / ناقصات عقل طويلات لسان .. هههههه .. " نوال تاكل الساندويتش ولا انتبهت لهم "


ــــــــــــ


يوم جديد ..

بيت ابو سند ..
حريم العائلة مجتمعين ويشربون قهوة الضحى ..
ام سطام / الا ويشلون بنتك ..
ام سند / مثل ماهي يمه بس ابوها يقول كانها متحسنه .. والله ما ادري .. انا اشوفها مثل ما هي ..
ام سطام / اللى من اللي ما حضر ..
الهنوف / كم وحدة يمة بس مريم تقول ما حضروا من عرس راكان ..
ام سطام وكانها تتذكر شي / الا اقول يا بنات .. " تقصد حريم عيالها وبناتها " ..
البنات انصتوا لها باهتمام / ام عِزيِز ما جات عرس راكان ..
مريم " ام طلال " / الا يا خاله جات وتشرهت عليك نسيتي وانتي ارضيتيها ورحتي لها بنفسك قبل العرس وعزمتيها ..
ام سطام / و اول امس .." تقصد ليلة الحفل " .. عزمتوها ..
ام سند / لا والله ما عزمناها ..

شجون اللي جالسة مع البنات ومركزة مع الحريم .. تذكرت اللي يصير فيها ..

قبل شهر ..
نايمه .. وحلم يتردد عليها .. " بيت مهجور باحد الزوايا بنت مربوطة بسلاسل حديد مقفلة ..
بشكل رث تبكي مو واضحه ملامحها .. شجون تشوف المفتاح بس مو قادرة توصل له .. " ..
وبعد كل فترة يعود لها الحلم ولكن بشي من الوضوح اكثر ..

الان ..
شجون بهمس ../ ام عِزيِز ..
اعتدلت بجلستها وهي تتذكر الحلم جيدا " .. بزاوية اخرى من البيت المهجور امراة عجوز تحمل لحم احمر نيء "
شجون ترفع صوتها .. وبشكل افزع من حولها / هيه هيييييييييييه هييييييييييييييييييييه ..
ام عناد تفز من الكرسي وتتجه لبنتها بخوف / بسم الله عليك .. شجون ماما حبيبتي .. ايش فيك ..
ام طلال تقرب من شجون / بسم الله .. وبدات تقرا المعوذتين والاخلاص ..
شجون والرجفة بدات بجسمها / يمه يمه .. الحرمة اللي قلت لك عنها بحلمي والبنت عرفتهم عرفتهم يمه ..
ام عناد تعرف بحلم بنتها / من يا ماما ..
شجون تبكي/ غرام .. غرام .. والحرمة ام عِزيز ..
ام سطام / يابنت اهدي بسم الله عليك وقولي لي السالفه زين ..
شجون تمسح دموعها .. الكل منصت لكلمها ومركز معاها .. وهي تشهق / يوم زواج سمر وراكان ..
غرام بطنها يوجعها ومعصبة من وحدة .. ويوم نزلت من الكوشة تعثرت بشي وصاحت ..
وبعدين عرفت انه عصات ام عزيز وقامت صارخت عليها وام عزيز صارت تهاوش وتقول كلام ..
وانا شفتها بالحلم ... الله والله يمه انها ام عِزيز ..
ام سطام بعبرة / لا اله الا الله .. لا اله الا الله .. اتصلي اتصلي على ام عبدالرحمن " تكلم مريم " ..
ام طلال / ان شاء الله .. " اتصلت وبعد الرد .." ..
ام سطام بصوت متعب / ايشلونك يا ام عبدالرحمن ..
ام عبدالرحمن / بخير .. ويش فيه صوتك يا موضي مهو عاجبني ..
ام سطام / بغيت بمويضيع غرام بنت العنود ..
ام عبدالرحمن بهتمام / امري ..
ام سطام / ما يصير اقولة بالتلفون .. العصر اخلي واحد من العيال يجيبني عندك ..
ام عبدالرحمن بترحين / يا مرحبا بك وياهلا ..
ام سطام / مع السلامة ..
ام عبدالرحمن / فمان الله ..
ام سند / يمه ليه العصر الحين نكلم سند ونروح لام عزيز يمه ..
ام عزام / يابنتي ام عبدالرحمن جارت ام عِزيز وتعرفها من سنين .. ما نبي ندخل على العجوز الفقيرة ونزعلها ..
ام سطام / مزنه صادقة يابنتي .. نبي نعرف السالفة ونفهمها زين وبعدين نبي نرضي الحرمة مو نزعلها ..
ام سند ترفع التلفون .. منهك جسدها متعبه .. وبصوت مخنوق / سند يمه ..



بجناح سند ..
جلس جنب رنيم على الكنب .. وهي مركزة بـ تاب 2 .. بهدوء / ليه ما نزلتي تحت .. الكل موجود ..
رنيم / ما لي مزاج ..
سند وهو يراقب تصرفاته .. وبنبرة مقصودة ../ والا علشان امك موجودة ..
رنيم رفعت حاجب والتفتت له وببرود / مالك دخل ..
سند / ..........................
رنيم رجعت كملت لعب ولا كان صار شي ...
رن التلفون .. سند / الو .. " تغيرت ملامح وجهه ووقف ..قفل المكالمة وتوجه للباب " ..
رنيم باهتمام لانها سمعت صوت خالتها / فيه شي ..
سند وهو يفتح الباب ومقفي / مالك دخل .. " وخرج " ..
رنيم انقهرت / بطقاااااااااااااق .. مالت عليك ..


ــــــــــــ


بالملحق ..
ريهام .. وابرار .. ونوال وريما ..
ريما / من جد رفضتي ..
نوال / ايه ..
ابرار وهي لبسه جينز وبلوزة بنية .. باستغراب / ما اصدق .. انتي كاني تتمنين يطالع فيك ..
الحين يخطبك وترفضين .. بصراحة ما اصدق ..
نوال بغرور / كنت صغيرة وما افهم .. وبعدين هو معقد .. وانا ابي دكتور مثلي يفهم طموحي وفكري ..
ريما ترفع حاجب / صغيرة .. نسينا اللي قبل كم شهر ..
ريهام / يمكن اختلاطها باشخاص اخرين فتحت عيونها على اشياء كانت تجهلها ..
نوال / صح عليك رهووومه ..
ابرار / وخالي ايش قال ..
نوال ببساطة / اللي يريحك ما ابي اغصبك على الزواج ..
ابرار / واخوانك ..
نوال / ما راح يغصبوني .. الوحيد اللي انغصب وندموا على غصبة طلال ..
ريهام / ليه .. طلال ومرام بينهم شي ..
ابرار / لا ان شاء الله .. صح مرام له زمان ما تجلس معانا ..
نوال / ولا معانا .. الوحام صاير متعبها بالحيل .. ومهمله نفسها .. وبس ما سكة التلفون وتبكي ..
وطلال ضايق خلقه .. يبي يغير حالها وهي ابد مو مساعدته .. قبل كم يوم قلنا له ياخذها ويروحون يغيرون جو ..
ريهام / حلو .. وما راحوا ..
نوال / لا .. بس كلنا ملاحظ ضيقة طلال .. بعض الاحيان اشفق عليه ..
ابرار اللي ماسكة فرشة وتغطي بعض ثقوب في الخطوط الزرقاء ومركزة بالشغل / ليش ..
نوال وهي تراقبها / لانه واحد كثير الخرجات واوناسة .. وبعدين يصير موقف يجبرونه يتزوج ليش علشان يعقل ..
وكانه كان مجنون .. " شافت ريما بدات تشتغل مع البنات " .. اعطوني انا بعد شغلة بس قاعدة ابربر عليكم " ..
ريهام وهي ترفع بقفى يدها خصلة من شعرها ../ شوفي الجدار اللي وراك الجزء الفاضي اصبغيه اورونج ..
نوال على طول بدات بحماس .. مسكت الفرشة / وين علبة البوية ..
ريهام / لحضة خليني اضبطها لك واعلمك كيف تصبغين حتى لا تخربين الشغل ..
نوال ترفع حاجب / اللي يسمعك يقول صعبة امسك الفرشة والمسحها بالجدار وخلاص كيمياء اهي ..
ابرار وريهام بغضب / اجل اقلبي وجهك بتخربين شغلنا كله ..
نوال بخوف / لالا خلاص علموني ..


ـــــــــــــ


راكان يتصل على سمر من الشركة ..
راكان / اقول سمر اليوم سارة راح تجي عندك .. وانا وزياد بناخذ امي وابوي للمراجعة عند الشيخ ..
سمر / طيب ..
راكان / سوي الغداء وكثري لاني راح يجيبهم زياد وينزلهم عندك .. انا نص ساعة وطالع من الشركة ..
سمر بدلع / ركوني جيب الغداء من المطعم ..
راكان يتنهد / سمر مو فاضي .. سوي الغداء واذا احتجتي مساعدة اطلبي من سارة .. سلام ..
سمر تطالع الجوال وبضيق / سلام ... اووووووووف قفل حتى قبل لا اودعه ..


ـــــــــــ


بعد العصر ..
بيت ابو سند ..
سند من نزل الضحى ما طلع لجناحه ورنيم مقهورة تبي تعرف اللي صار ..
سند يساعد جدته تطلع السيارة .. ام سند تطلع وراء امها .. وام عزام معاهم طلعت وراء سند ..
سند يطلع .. تنهد / بسم الله وتوكلنا على الله ..
وحرك سيارته لبيت ام عبدالرحمن جارت ام عِزيز ..
بعد ماوصل ام سطام وام عزام وام سند دخلوا لام عبدالرحمن ..
ابو عبدالرحمن دخل سند لمجلسة ..
ام سطام بعد ما ذكرت القصة لام عبدالرحمن / وهذا هي كل القصة ..
ام عبدالرحمن بأيمان / لا اله الا الله .. العين حق سبحانه .. ولا تعرفين هي من صديق والا عدو ..
ام عزام / الحين جينا ونبي مساعدتك .. الكل يعرف معزت ام عِزيز لك .. وجيرتكم من سنين ..
ام عبدالرحمن / والله انها مرة فقيرة واجوديه .. انتظروني البس عباتي ونروح لها ..
ام سطام / الحين ..
ام عبدالرحمن وهي واقفه / الله الله .. وليش ناخرة .. امشوا .. امشوا ..
بعد ما لبست ام عبدالرحمن عباتها واخذت ام سطام وام عزام وام سند معاها ..
وتوجهوا لبيت شعبي خلف بيت ام عبدالرحمن .. ام عبدالرحمن تطق باب الحديد القديم ..
واللي احتل الصداء جزء كبير منه .. فتحت الباب بنت صغيرة لبسة قميص من الروز احمر ..
ام عبدالرحمن / سماهر وين جدتك ..
سماهر بعمر 7 سنين / داخل حياك الله تفضلي .. " التفتت لخلف ام عبدالرحمن لتنقز وتركض داخلة البيت " ..
ام سطام وام عزام دخلوا وهم يطالعن بالبيت الشعبي المتهالك .. ام سند تطالع بكل زاوية ..
حوش صغير غرفة جانبية بباب خشب لونه اخضر .. وغرفتان متقابلتان وبينهما حمام ومطبخ ..
خرجت عجوز بعكازها والشيلة ملفوفة على راسة وتحتها اربع بنات اكبرهم بالسن سماهر ..
ام عِزيز / حياكم الله تفضلوا ..
سماهر وشقيقاتها يقفون خلف جدتهم .. ام عِزيز لسماهر / روحي ياسماهر افتحي باب المجلس بسرعة ..
سماهر تركت يد شقيقتها ذات 3 سنوات وراحت تركض لباب المجلس ..
ام عِزيز / تفضلوا تفضلوا ..
ام عبدالرحمن تاشر للبنات / تعالن يابنات تعالن .. "وفتحت شنطتها الصغيرة لتطلع شوكلاتات وتوزعها على البنات "..
سماهر بصوت الطفولي .. وابتسامه بريئة / الله يجزاك بالخير ياجده ..
ام سطام بغصة / هذيل بنات ولدها عِزيز رحمة الله علية ..
ام عزام تمسح دموعها / الله يرحمه .. ادخل وانا اختك ادخلي الحرمة تناظرنا ..
ام عبدالرحمن / يا ام عِزيز هذي ام سطام واختها وبنتها ما عرفتيهم ..
ام عِزيز بترحيب / حي الله بنات الفارس اقلطن اقلطن ..
دخلوا وجلسوا على فرش بني الون هو اصل لون الفراش او اكتسب هاللون من مر الزمان ..
ام سند / ..........................
ام عبدالرحمن / يا ام عِزيز بنت ام سند تطلبك السموحة والعذر ..
ام عِزيز باستغراب / بنت ام سند مابيني وبينها شي الله يسستر عليها ويسامحها ..
ام عزام / يا اختي البنية صغيرة وجاهلة .. ويوم العرس كانت تعيبانه والظاهر ازعلتك بهرجها ..
ام عِزيز / والله اني ما ني عارفه ويش تهرجون عنه ..
ام عبدالرحمن / يوم عرس ولد الفارس اللي رحتي له .. ما ضايقك احد ..
ام عِزيز وكانها تذكرت .. بزعل / اييييييييييييه .. هذيك البنية بنيتك يا ام سند ..
ام سند / .............................
ام سطام / ايه .. بيتها .. الله يشافيها ويرد لها .. والله يام عزام ما كنا ندري عن زعلك اللين اليوم قالت لنا بنت عمها ..
ام عِزيز / ورعان صغار وجهاله .. وانا ضاق صدري ذاك الوقت و بعدين نسيت ..
ام عبدالرحمن / بس يا ام عِزيز البنية تعيبانه بالحين .. واللي يشوفها الحين والله انه يقول ما بها حياة ..
ام عِزيز بفزع / لاحول ولا قوة الا بالله .. ويش صابها ..
ام عبدالرحمن / عين .. والعين حق .. وانتي مرة تعرفين الله وتعرفين حقه ..
ام عِزيز / ولا اله الا الله .. صدقتي العين حق ..
ام عبدالرحمن / اجل قومي يا ام عِزيز واغتسلي وتوضئ واعطينا اثرك ..
ام سطام وام عزام وام سند يراقبون الوضع ..
ام عِزيز توقف / ابشرا .. دقايق بس ..
ام سند يرن جوالها .. تفتح المكالمة وبغصة / الو .. سند حنا في بيت الحرمة .. تلقه وراء بيت ابو عبدالرحمن ..
سند نزل من بيت ابو عبدالرحمن وتوجه لبيت ام عِزيز .. سند راقب البيت من الخارج ..
وعرف ان وضع الحرمة جدا صعب .. شف بنت بقميص احمر بعمر 5 سنوات ونصف واقفه عند الباب ..
سند بهدوء / يا بنت .. تعالي ... " البنت خافت ونقزت بسرعة ودخلت البيت "..
ام عِزيز بعد دقايق جايبه وعاء وفيه ماء / وهذا هو .. وسامحوني ان جاءكم مني اذاء ..
ام سطام / الا انتي سامحينا ...
طلعوا والعبرة خانقتهم اخذت ام عزام الوعاء وراحت لسند ..
ام عزام / هذا الاثر يا ولد ..
سند يتنهد / ...............
ركبوا السيارة ورجعوا للبيت .. وام عبدالرحمن بقيت عند جارتها ام عِزيز ..


ـــــــــــ


بيت راكان ..
راكان اخذ امه وابوة وراحوا ومعاهم زياد لمراجعة الشيخ الاسبوعية ..
سمر / الا العنود ما تكلمك ..
ساره / لا ..
سمر / هي ما عندها جوال ..
ساره / لا ..
سمر ترفع حاجب / ويش فيك ..
ساره / ولا شي ..
سمر / مانتي صاحية والله ..
ساره / كلن يشوف الناس بعين طبعه ..
سمر تبتسم / يعني انا مو صاحية ..
سارة / الاعتراف بالحق فضيلة ..
سمر / ههههههههههههههههههه
سارة / ليش تضحكي .. شمتي انتي مو صاحية ..
سمر / هههههههههههههههه
ساره / .................
سمر / تصدقين هههههههه البنت كانوا يقولون معقدة نفسين ..
ساره التفتت لها / من البنات ؟ ..
سمر / بنات عمك وعماتك .. يقولون لية ما تتكلم معانا .. اكيد معقدة من اختها المغرورة ..
سارة صدت عنها / ................
سمر / ساره لا تزعلين بس انتي كنتي غريبة .
ساره / .................
سمر تنهدت وبداخلها " ايش ذي العقد اللي فيهم من اختها لـ لها .. الله لا يبلانا " ..


ــــــــــــــ

يوم جديد ..

بيت ابو سطام ..
دخل عناد / السلام عليكم ..
ابو سطام ورعد وام سطام ومياسة ... / وعليكم السلام ..
عناد بعد ما قبل راس ويد جده ابو سطام / امر يبه ..
ابو سطام / رح انت ورعد للمزرعة وشوفوا الخيل والحلال .. اتصل علية ابو محمد ويقول انه تعبان ..
والحلال مو قادر يرعاه .. رح انت وعمك واجلسوا كم يوم هناك .. ورتبوا المزرعة وشوفوا امورها ..
عناد / ابشر يبه .. بس ...
ابو سطام بحزم / لا بس ولا شي الشركة كلمت سلطان وقال ما وراكم شي .. الحين امشوا ..
رعد يبتسم / تامر يبه .. بس انت لا تزعل ..
بعد ما طلع عناد ورعد ..
ابو سطام يلتفت لمياسة .. / وانتي لمتى بتقعدين عندي انتي وبناتك ..
مياسة بحزن / ضايقناك يبه ..
ابو سطام يتنهد .. ام سطام / يابنتي البنت مالها الا بيت رجلها وبنياتك ما يصير يضيقون على اعمارهم ..
عيال عمهم داخلين طالعين .. والعمال يصلحون شقة رعد .. يابنتي نبي مصلحتك ..
مياسة تنزل عيونه الارض .. وبحزن / وهو دورانا والا سال عنا ..
ابو سطام يتنهد / لا والله ولا مر عليه .. وله كم يوم ما اشوفه حتى بالمسجد .. حتى اخوانه ما يدرون عنه ..
مياسة ترفع عيونه في ابوها .. وبنبرة غامضة / اسال خالد عنه يبه .. خالد يعرف كل شي ..
ابو سطام / خالد " ابو عناد " يقول ما يعرف عنه شي .. وصقر يقول له كم يوم ينام بالاستراحة مع نايف ..
مياسة بداخلها " رجع لخرابة يبه .. " وبرجاء / يبه داخله على الله ثم عليك يبه ما ترجعني له عفته يبه ..
ام سطام بخوف / بعد هالعمر يا بنت .. تبين تتركين بيتك .. انخبلتي انتي ..
مياسة تبكي / يمه دخيلك خلي اللي بالقلب بالقلم .. الكلام اللي بحلقي علقم ..
وان جيت ابي ابصقه لفوق رجع بوجهي وان بصقته لبعيد لصق بثوبي وفضحني ..
ابو سطام يتنهد / خلك في بيت ابوك .. خلك وان قالك احد كلمة انا اللي ارد علية ..
وبداخلة " والله وانا ابوك احس بالوجع اللي بقلبك .. ويش اللي شفتيه وعيفك منه .. يالله سترك " ..
ام سطام بحنان / الله يا بنيتي يهديك ويصلح لك حالك ..


ــــــــــــ


بيت بتال ..

دخل غرفة النوم الخاصة فيه ..توه تغداء .. من يوم اللي صار وهو ما شافها ..
تنظف البيت بوقت غيابه .. بعد صلاة الفجر يلقى الفطور وقهوته جاهزة ..
يفطر ويتقهوا ويطلع لشغلة .. ولا يرجعل الا الساعة 2 يلقى البيت نظيف والغداء جاهز ..
يتغداء ويدخل غرفته يقيل .. واذان العصر يروح يصلي ويرجع يلقى القهوة جاهزة والحلا ..
واذا فيه غرض ناقص في البيت يلقى ورقة جنب ترمس القهوة " التلاجة " ..
اللي مريحة انه مايشوف وجهها .. يحاول قد ما يقدر يسير المركب .. بس بقعة سوداء وسط قلبه كل يوم تكبر ..
وهو جالس على طرف السرير .. بتال تنهد وبداخله .." ايش اللي خلاني ابتلي فيها .. بدال ما ابعدها عن امي واختي ..
اقربها اكثر .. امي لها كم يوم كل ما اتصل عليها تقول تغيرت وهذا وصاتي لك .. ناسي افعالها فيني وفي سمر ..
اااااااااااااااااااااااه يمه .. لاتتعبين يمه ارجاك .. وانا لحقت انسى يمه .. مو كل مره هي تزيد فيها .. " ليزداد غضبا "
وانا وعدي لراكان مقيدني .. كل الي خططتها هدمته دخلة العنود لحياتي .. " حس بالنار تزيد بصدرة " ..
وقف مشي بالغرفة صوت بداخلة يقوله روح وبرد حرتك فيها .. ما صد هالصوت وتناسه ..
بخطوات غاضبة وسرعة فتح باب غرفته واول ما تنصف الصالة ..

" الــــــــــلــــــــــــه اكــــــــــــــــبــــــــــــــــــــر " ..

لا اله الا الله .. صوت الحق ..
تعوذ من الشيطان .. وردد وراء الاذان لطفئ شعلة الغضب .. ويغيب صوت الشيطان ..
رجع لغرفته وتوضاء وتوجه للمسجد ..


بغرفتها ..
العنود جالسة على الاريكة .. وبداخله " ليش تاخر عن الخروج .. بالعادة يطلع قبل الاذان "..
قلبت بالجوال اللي بين يدينها .. من فتحت الجهاز وصلها عدد كبير من الرسائل .. لها 3 ايام ما فتحت الجهاز ..
كان خالص شحنه .. دخلت غرفة بتال قبل كم يوم صباحا فترة وجود بتال بشغل ..
وكل امانيها تلقى شاحن نوكيا من النوع القديم .. ومن حسن حضها .. لقت الشاحن ومجموعة مفاتيح ..
راحت تجري لغرفتها وهي تبي تعرف مفتاح غرفتها .. لقت المفتاح وسحبته من المجموعه ..
رجعت لرسائل تشوف من مين .. ؟؟ ..
اول رساله .." سارة وكـ المعتاد الاخبار اليومية بادق التفاصيل .." ..
الرسالة الثانية من نايف .. اخذت فتره وهي تطالع بالجهاز وشعرور بقلبها غريب .. فتحت الرساله ..
" اول ما تقدرين تفتحين الخط اتصلي .. ادري ان الجوال معاك .. ^_^ ساره تخبي عن الكون كله لكن عني لا " ..
الرسالة الثانية من نايف " اليوم طيارتي على بريطانيا .. اتمنى اسمع صوتك قبل اسافر .. موعد الطيارة 8 من الدمام "
فتحت الرسال رسالة وارسلت لنايف ..
" وصاتي لك صلاتك .. بحفظ الرحمن .. " ..
ارسلت بعد رسالة نايف .. رسالة الى شخصين مضمون الرسالة واحد " العنود بنت الظبي " ..
تنهدت .. ورفعت نظرها لسقف / يالله ..
وقفت وراحت للمطبخ تسوي القهوة .. بعد ما سمعت صوت باب الشقة .. معلنه خروج بتال ..


ــــــــــــ


بعد اسبوع ..


سند يبتسم وهو يشوف اخته ..
غرام تتنفس / .................









انتهى .. اتمنى يعجبكم .. واعذروني على القصور ..
وبعد الاخطاء الاملائية ..


وعذرا .. عذرا .. عذرا .. لان ما قدرت ارد على كل تعليق .. بس بجد الاصال الى الحين ما رجع ..
ودخله بالكونيكت .. وبغصب ادخل وبترجي لشيخ الشباب زوجي ..

ويامرحب ويا مسهلا بكل البنات الجدد اللي انضموا لروايتي .. ونورتوا روايتي وزدتوها حلا ..

اختكم ... مشاعل السعودية ..

كونوا سعداء ..