صباح الخيرات ........ميشو البارت حلو وروعة مثل ماعودتينا .......لاخلا ولا عدم ياقلبي .......بس كل مااحاول اجمع خيوط عن الماضي مو قادرة تتجمع وتترابط ابد

بتال والعنود

العنود اعراضها تشبه اعراض الضغط من حيث الام الراس وتشويش الرؤيا وحتى نزيف الانم بعض الاحيان يكون سببه ارتفاع الضغط ويكون احسن الاماكن انفجار الدم يكون من الانف مو من الاذن ولا العين ....

اتذكر انها شكت من هالحالة قبل ماتهدد شرفوه .....يعني مو من قهر هذيك راحت وسوت لها شي ....وبعدين العنود عارفة بلاوي شرفوه يعني المفروض بما انها تعالج اهلها تاخذ اختياطاتها لاهذيك تسوي شي يضرها ويضر اخوانها وحتى اهلها لاتزيد عليهم

العنود ماتعرف بتال ولا هو يعرفها والمشكلة بيدها الحل لتجنب عصبية بتال تشرح له موضوع مناروه مافيها شي لابيقلل من قدرها ولا بينزلها من برجها العاجي

كلام زهرة سليم مليون بالمية الي تسويه العنود مو لصالحها ........والرجال مهما كانت طيبته بس مايقبل انو يكون مهمش بحياة زوجته .......اخوانها ابتعدو عنها زوجها بيكون سندها وماهو غريب ولد عمها ........لو تفتح له جزء من قلبها او من معناتها والله بتال مابيخذلها رجال كفو وشهم ....

الرجال يغار عليها واعتقد هو تعلق فيها والي صار بينهم بيعلقها اكثرواكثر بقلبه .......ياليت بدل ماتضيع حياتها بالهواش والعناد تختصر الوقت وتصارح بتال .......بترتاح كثير نصايح زهرة نصايح وحدة حكيمة وفاهمة

اذا زعلها تزويج جدها لبتال تحط ببالها انو لو ماربي كاتبه لها زوج كان لو ايش ماصار مابيتم الموضوع بس هي استخارت وربي تمم لها الموضوع .......تترك عنها كلام جدتها هي ماتت والي كان سبب اغلب مصايبها مات والي مازالو احياء ماعاد لهم ذاك الجبروت .........ماله داعي تخلط جيل الاجداد بجيل الاحفاد ...والقسوة ماكانت على الظبي بس حتى على عماتها الي هم بنات الفارس

لله يستر الحين من عبيد وشرفوه بعد ماعرفو بزواج العنود ....... اكيد هذيك بتغيب فترة وبترجع بضرب قاسية جدا والله يستر من شرها


شرفوه

مهما كان ماضيها ومهما كانت المصاعب مااعتقد انها اصعب من الي صار للظبي وحتى لو اصعب مو سبب يبرر لها حقدها على العالم لدرجة تلجأ الى الحرام وتضر خواتها اي مشاعر واي دم يجري بعروقها وهي تتلذذ بشوفة اختها وحرمان اطفال من امهم وابوهم ......اذا كانو ضروها ربي بيجازيهم لكن بعد الي سوته عقابها بيكون عسير جدا

وياليت اكتفت وندمت وحست بتأنيب ضمير الا انها شكلها ماراح توقف وبتكمل اجرامها والله العالم مين الي بيتضرر وبيكون ضحيتها غير الي عرفناهم

والجد عارف بسواد وجهها ومجاريها بحجة الماضي ..... وهي ليش مارحمت غيرها عاجبه حال بنته وحال احفاده وانعدام الامان مرتاح وهويشوف شرفوه تنتقم ماخاف ربه يوم الي بيقابله ويحاسبه على سكوته .......بس الي ابغي اعرفه هو تزوج الظبي بعد معاناتها مع الفارس ولا ضروها بعد ماتزوجها اذا كان قبل مايتزوجها المفروض كان له دور ينسيها الي صار خصوصا انها تخلصت منهم وصارت زوجة وام ماله داعي تعيد وتزيد الي صار لانها مو الوحيدة الي عانت والجد سند حتى زوجت ام عياله وهي حامل مارحمها على سبب تافه ....هو مات وهي ماتت وتركو وراهم ناس تحمل احقاد مالها داعي

وزوج شرفوه الى متى وهو يعطيها فلوس تروح تسوي فيها سحور للناس ...هو ايش مستفيد المفروض يهب فيها خلاص يطلع حق السنين الي راحت تبغي تاخذ وهي ماتعطي مو مسؤل يهلك حاله فوق طاقته اجل كان جلست بلا عرس دامه مو معبي عينها ...

الظاهر هو وشرفوه ماراح يصحو الا اذا ربي جازاهم بعيالهم ........ويازينه من عقاب لو شرفوه تفقد الثلاثة وتعرف انها ضيعت عمرها تراكض ورى وسخ دنيا مابينفعها ولا بينفع غيرها

يمكن كلام العنود لشرفوه ذكرها بشي تخاف منه في الماضي وهو الي خلاها مثل المجنونة تركض او راحت تتأكد من السحر الي دافنته لذلك كانت حالتها مزرية لما رجعت بيتها


سند ومراموه

الحين هي ماتدري بسوايا صالحة ولا بالمقطع ونافخة ريشها على سند ولا تعرف سبب زعل امها ولا ضرب ابوها وسند نفس الشي واعتقد انو وائل يمكن يوصل هالمقطع لسند مثل ماوصل لراشد ........ساعتها مراموه الي كارها الرجال ونافشة ريشها على سند ماحد بيصدقها ولا بتقدر تتفرعن عليه لانو بيكون متفضل عليها بزواجه او مخدوع من وجهة نظره لانو في من يعرف وهو مثل الاطرش في الزفة ........بنشوف عقدها كيف بتصير بعدين


سعودوه ونوالوه

والله طاح من عيني سعودوه وعرفت تجيب راسه ........والي تبيه بيصير هذا هو الاخ رايح لها برجوله لا وقال انها خطيبته ......اتمنى قبل مايخطبها يسمعها تخبر الي تعرف عن سالفتها ناسيتها المهم بنت مياسة وانو خطتها جابت راسه وهذا هو قريب بيخطبها خليه يروح يخطب غيرها ويبرد قلبي والله احس ابرار احسن منها الف مرة وعلى الاقل هذيك بالبيت ماعندها شي ........واذا خطبها بيحبها خاطري يبرد قلبي في نوالوه ام لسان


سمرووه وراكان

خير خير تونا نمدحها ونقول عاقلة خير تعصب من راكان علشان مدح اخته ترى راكان اذا ماحط حدود لهالنقطة وتعامل بجدية مع سمر بتشتغل كل مرة مدح احد من اهله خير يعني لو مدح اخته ودلعها هذا هي من كثر مادلعو فيها اغترت وماتبغي المدح الا لها .........ميشو مايعجبني سكوت راكان لها كافي تقصيره طول السنوات الي راحت حتى تعامله مع خواته بيحاسب عليه علشان خاطر ام عقل صغير عجبها اهلا وسهلا ماعجبها اقرب جدار هذا الي ناقص تحط حواجز وتفرض على زوجها كيف يعامل خواته


الجوهرة وسلطان

بس هذا الي ربي قدره عليه ماراح تخاف الحرمة مضيعة العقل لازم يكون اكثر صرامة معاها .......مو يسكت لها ويكتفي بالتهديدات ........لازم على الطالعة والنازلة يسوي لها شي يرجعها لعقلها ....ويكثر عقوباته الين تقطع علاقاتها الي خربتها ولا وحدة عجوز قريب بتصير جدة تبغي تسافر وتدشر بدولة اجنبية ماتعرف حتى كيف تتفاهم معاهم هناك .......وبعدين كل واحد يمد رجوله على قد لحافه


غرااااااااام

هل ممكن قربت تتخلص من معاناتها وفعلا يكون الحل الاكيد بيد هالحرمة ........ان شاء الله ربي لايبلا احد بالي فيها ....ومنتظرين نعرف سبب الريحة وسبب عدم قدرتها على الاكل وتقبله ... يالله ان شاء الله ترجع وتلاقي الاستراحة جاهزة هدية سلامتها وهي الي تفتتحها

غيث وريما

هالغيث ماحبيته الله يعين ريما على ثقالة دمه صدق يعني مو حاله مشفوح مو شايف خير ترى البنت بتمل من حركاته وجرأته وبتتحسس من قلة ذوقه تراها بنت مو واحد من الشباب صدق يلوع الكبد


طلال ورنيموه

وهذي بعد الله يعين طلال عليها وقسم الرجال ماتهنى والاخت كان همها تربطه بالعيال يعني اهمالها لشكلها ونومها هالشي ماينفر الزوج منها ومايخليه يفكر بغيرها .........صح الوحدة مالها نفس بفترة الحمل بس هي السبب كان انتظرت شوي الرجال يشبع من شكلها من اهتمامها فيه وفي حياتها الزوجية ........ترى جد كثير من الازواج من فترة الملكة يتفاهمو على هالشي لصالح الاثنين .........واصلا حتى الزوجة على بال ماتتعود على اطباع زوجها وتتأقلم اكثر على حياتها الجديدة بعدين تفكر بالحمل والامومة ....


نايف

هل فعلا ماله دخل بالتهريب ومجرد مدمن للاسف طاح من عيني هو اخذ جرعة بسيطة كان بأمكانه يتخلص منها لانو مالحق دخل مرحلة الادمان .....لانو مااخذ الا جرعات بسيطة ومرة وحدة .......بس للاسف انجرف ورى هالطريق والحين بعد ماانمسك لازم يتعالج كيف عمامه يسفروه وهو مدمن ماينفع ........
وين العنود تشوف اهتمام عمامها وانهم مايستحقو حقدها ...........ومنتظرة ردة فعلها اذا عرفت وخصوصا انها سبب في الي صار له بسبب سكوتها وتحميله حمل فوق طاقتها وعرضته لانتقام شرفوه الي هي عارفة سواد قلبها عسى بس ماتسوي نفس ماسوت لراكان التسفيه بدل المواجهه واذا على زواجها من عبيد ولا نايف الي اكد له وهو عارف انو نايف قريب منها يعني ماله داعي سخافاتها صدق مايعجبني اللف والدوران الي فيها عندها شي تواجه بالوجه التكتم ماراح يجر الا المصايب للي حولها ........وهذا درس كبير لها عسى بس يطيح شوي من عنادها


زياد

متى نعرف سالفته ومتى يتحرر من سكوته وايش الي بيخليه ينفجر ويتكلم منتظرة هاللحظة ابي افهم شخصيته

متعبوه

ماعجبني ولا ارتحت له ........ولا واحد بمنصبه يخون القسم ويزور بتقارير ويعترف انها مو اول مرة ماارتحت له وحاسة انو بيطلب شي ردا على الجميل الي بيتممن عليهم فيه واعتقد طلبه الكاسر اذا عرف انو ليبتال بس اتمنى من قلبي بتال يردها له ومايعطيه اياه ويخبره انو الي سواه مو مرجلة تراها خيانة للامانة الي البلد أئتمنته عليها يعني شي مايرفع الراس علشان يطلب مقابل ..........والرجال النشمي مايطلب ثمن شي سواه ...هالرد بس بيكسر غروره مالت عليه واحسن انو العنود ماتزوجته خليه يموت بقهره


في انتظارك يالغلا

السلام عليكم ورحمة الله وبركاته
مساء الخير...مساء الاشتياق...مساء المحبه...مساء الرياحين
هههههههههههه مساؤك قشطه وعسل آآآآآآآآآه يابطني
الله يسعدك ياميشو مثل مانتي جالسه تسعدينا بارتاتك كلها روووووعه مثل قلبك الابيض

العنود وبتال
وانتي صادقه يالعنود انتي عايشه مع اشباه الرجال ..الي تاركين لحمهم وعرضهم للغير يتحكم فيه ولاا دروا
عنه بس فالحين يتامرون ويتحكمون على كيفهم ...وينهم عنك وانتي جالسه تراكضين باهلك مابين الشيوخ تدورين
علاج لهم وتطحين بين النصابين والدجالين وهم لاهيين بحياتهم
بس اللحين هي صارت تحت ذمة واحد المفروض انها ترمي حمولها عليه مو اهم مزوجينها له عشان يساعدها في تحمل
المسؤليه المفروض انها تستغل هالنقطه وتستفيد منها لانها مهما صار محتاجه لرجال يوقف معها ويساعدها على هالمسؤليه ومافيه احسن من بتال الي بالرغم من مساؤه الا انه قد الحمل
لان حتى الحاله الي تجيها والنزيف من كثر الضغوط الي عليها والاحداث الي صارت ياريت انها تسمع كلام زهره لان
كلامها صح وفي مكانها ياريتها تاخذه بعين الاعتبار وتترك عنها العناد لانها مهما كان مره وضعيفه ما عنده القدره في المواجه واذا استمرت بطريقتها هذه هي الخسارانه

بتال لاا ياولد جويهر هذا الي ربي قدرك عليه كذا تثبت لها رجولتك الرجوله مو بطريقتك الهمجيه الرجوله تحمل مسؤليه
وانك تكون لها السند والعون ...بس والله شكللك طحت ولاا حد سمى عليك وبديت تميل للعنود وصارت لها مكانه عندك
بس لو تتركون عنكم العناد والبرياء كان انتم خير

راكان وسمر
صدقين ميشووو فيى كل مره رويكن يطيح من عيني اكثر بالرغم من انه عارف بحاله والدين هالا انه ما حرك ساكن
همه بس شركته وقردته سميروه كيف يتغزل فيها مااااااااااالت عليهم المايلات
وبعدين بهالسهوله تبي العنود تسامحك وتكلمك عادي وانت الي طعنتها ظهرها وسلمتها مثل الشاه لبتال يسلخ فيها على كيفه
عاد جاتنا غوريلا راكان اقول ياشين السرج على البقر وخير يااخت العرب وتغزل والا مدح اخته تستاهلاجل بس فالح يصروخ عليك وانتي مثل الهبله تصدقينه ...بعدين اخته ولها حق فيه يكفي السنين الي فاتت وهم محرومين منه

سلطان وجويهر
هذااااااا الي يقولون عنه المراهقه المتاخره ...على كبر بدت تراهق الي في عمرها المفروض تكون مثال يقتدى فيه وتهتم
ببيتها وزوجها وعيالها وتستنى احفادها عشان تلعب معهم ...مو تبي تفتر بدول الغرب على كيفها
وسلطان المفروض انه يكون حازم اكثر معها مو فالح يكفخ بهالشباب وتارك مرته على كيفها

نوال وسعود
هههههههههههههههه الله يضحك سنك مثل ماضحكتيني يستاهل سعود ليتها قالعة ضروسه عشان يتوب عنها
وش دربه على البنت رايح لها لمكان شغلها ويحرجها ...وفوق شينه قواة عينه يقول خطيتي جالس يطلع اشاعه عليها
فرضا الكل صدقة ولاصار اليهو قاله من يكون الضحيه غير نوال

سند ورويم
اللحين هذا الي يقول فوق ماهي غلطانه والمفروض تكون عينها مكسوره جالسه ترادد الرجال وكنه المنه عليه
هي تحمد ربها على معاملته الراقيه لها لو واحد ثاني كان مصبحها بكف ومسيها بكف على سواد وجهااا
حتى لو هو مايدري بالسبب الرئيسي لضرب ابوها بس يكفيه شينه نفسهاصدق انها ماتستاهل سند

طلال ومرام
ياشين الي تجلس تتعذر النساة مهما كان زوجها وله حق انها تستقبله بابتسامه وشكل عدل مو يجي يلقاها يا نايمه والا جالسه تبلع ..
.مع انها عارفه انه كان رافض قكرة الحمل الا انها بحركاتها ذيزادة الطين بله وكرهته فيها زياده

غرام
الله يفكها مما لابلاها ويشفيها وتكون ام زيد هي السبب في شفاؤها...سبحام الله هي احتقرت ذيك العجوز وطردتها
ما درت انها سببت على روحها الشر

نايف ومتعب
لاااااااا حراام ميشووووو مو قادرة اصدق ان نايف مدمن يمكن هو خذا جرعه بس عشان لايشكون فيه بس ما قدر يسيطر
على روحه ...مدري ليه مو راضيه اصدق انه مدمن وطاح بهالخراب الله يعين العنود اذا درت اكيد انها راح تنهاروتحمل
نفسها جزء من السؤليه
متعب احسه ان الي صار لنايق جاله على طبق من ذهب ....والا وش نرتجي من واحد خان وظيفته وقسمه ومشى الامور
مثل مايبي عشان يكسبهم جميله ويقدر يطلب منهم الي يبي وهم ماراح يقدرون يردونه لانه له فضل عليهم

شريفوه
احس ان ركودها هو الهدوء الي يسبق العاصفه...هي بعد كلامها مع العنود واكتشافها ان العنودتدري بسواد وجها قالت اخفف اللعب اللحين
عشان صار ما صار ماحد يمسك عليها شيء
والجد ليه خاضع لها كذا وراضي انها تتحكم بمصير عياله واحفاده وراضي بالضيم الي تسقيه اياهم ولاا بقادر يردعها ويوقفها عند حدها
حتى لو قلنا انه طفولتها تعيسه وان الغيره بينها وبين ام راكان كبيره ماتوصل انها تهدم بيت كامل وتحرم ام وابومن عيالهم وتحرم عيال من والدينهم

والكمخه رجلها بس فالح يكدس لها بهالفلوس الي تصرفهم على السحور والطبوب لو هو رجال عدل كان قضب مرته وكف شرها عن الناس
بس مقيوله المره من رجالها

ميشووووووو اعذريني على الانقطاع وماردني الا الشديد القوي

مسائك سعاده لاتنتهي
ميشو ابدعتي يعطيك ربي العافيه

العنود وبتال
إذا بتستمرين في التعامل معه بالطريقه هذه بتتعبين لان بتال ولد الفارس العناد فيكم غريزه
انت غلطانه من البدايه ليش تستفزينه ورجعتي سويتها ثانيه مع صبري شئ طبيعي انه بيصارخ يعني هو قدامك وتكلمين رجال ثاني زي ماقالت زهره حاولي تكسبينه بصفك ليش تخلينه ضدك
وقصة جدتك الضبي مع اهلك الفارس موب شرط أنها تتكرر معك
إلا إذا انت نسختها وتبين تذوقين اللي ذاقته فهذا شئ راجع لك


غرام
يعني سبب الريحه أن معدتها مقلوبه
يمكن العلاج الشعبي يقدر على اللي مقدر عليه الطب

سند ورنيم
ياصبره عليك والله الحين هو سافر وين تركها رجعت عند بيت جدها وأمه قالت ماتبيها
صار لؤي مرسل على رقم أبوها بس هي في الأصل كانت تكلمه لان البائن أنها عمرها ماكلمته بس أكيد هو غير الصوت ونادى في المكالمه علي اسمها وأبوها لما سمع انجن وضربها

سعود ونوال
راح يكنون لبعض وراح نشوف أكشن من الاثنين هذول

متعب
له طلب عند الفارس وأكيد بيعرف عن وجود الكاسر وراح يطلبه منهم

نايف
لما مسكوه اعترفوا اللي معه انه ماكان يتعاطى بس فيه نسبة مخدرات في التحليل
وبعد واضح انه مايشتغل في الشرطه
طيب ليش كان هناك في الأصل

زياد
لغز محير انت
وليش ظل لراكان حتى لما رجع البيت رجعت

الجوهره وسلطان
هذا اللي ينفع معك الحين شوفي من وين تتفخارين على هذه وهذه
الحساب وسكره اول الغيث قطره
أذا عنادتي راح يسوي اللي في باله ويتزوج عليك وتندمين في وقت ما ينفع فيه الندم فحطي عقلك في رأسك وارجعي الجوهره أم بتال الاوله

شريفه
والحاله اللي شافوها عليها بناتها وش ورآها
رايحه تسوي سحر جديد وصارت مداهمه وقدرت تهرب وعشان كذا خايفه تطلع وجالسه في البيت

دمتي مبدعه

بسم الله الرحمن الرحيم

السلام عليكم ورحمة الله وبركاته

الحمد لله والصلاة والسلام على رسول الله

توكلنا على الله .. لا اله الا الله محمد رسول الله ..


البارت 16 ..


فكري جليسي و التسآهيل مركـــآي
وأشرب همـــومي شـربة الشآذليّــه
وأصبر إلآ مـن لآمس اليــــآس بلـــوآي
وأبقى عـــزيــزه بـــآسمه شــآمخـــيّه
أحب ولآمني عشقت إسمع الجــآي
أكتـــم و أغــــآر و غيــرتي ( جآهليّه)
عندي الهوى أشبــه بــ معزوفة النـآي
وقت السهر وقت الضحى و المســيّه




بيت ابو عبدالله ..
عبدالله متفاجأ / تزوجت
شريفة / وانتي من قلك ..
مها تطالع حنان .. حنان بارتباك ../ اا ساااره .. سااره قالت لي .. " وبسرعة " وبعد خلود تزوجت ..
شريفة بقهر / وبعد هذولا قالوا غابت عنا نسوي اللي نبيه يبون يقهروني وبس .. ومن اخذوا اكيد عيال الحمايل ..
ابو عبدالله اللي كان واقف وراء البنات / وانتي اخذتي ارذلهم ..
شريفة بقهر وغل وكره / ايه ارذلهم ايييييييييييه ..
ابو عبدالله تركها وطلع من البيت .. مها تطالع امها بقهر ../ ليه يمه ابوي ويش سوء لك .. في ايش قصر معاك ..
عبدالله بعصبية / اسكتي انتي .. "التفت لامه " ارتحتي الحين .. انتظر وانتظر وهذي هي تزوجت ..
" التفت لحنان " .. قولي انطقي من تزوجت مممممممممممن ؟
حنان وهي ترجف من الخوف / ااااااااا ببتتتااال ولد عمها سلططاان ..
عبدالله بعصبية رمى الطاولة الزجاجة اللي بنص الغرفة وراحت الى قطع صغيرة ..
مها وحنان صرخوا بخوف / ااااااااااااااااااااااااااااااااااااااااااااااااااه ..
شريفة بخوف / هدي اعصابك .. انا احلها واخلية يطلقها باقرب فرصة ..
عبدالله / اذا مارجعتيها لي راح اذبح نفسي فهمتي ..
شريفة / ابشر خلاص بس لا تزعل نفسك يمه ...
عبدالله طلع من البيت وهو معصب ..
مها تجلس على الكنبة / يمه انتي ليه معاد تروحين لبيت جدي .. حتى بالعيد منعتينا نروح ..
شريفة وهي تهز رجلها بغضب وبهمس / العنود تحسب انها بتقدر عليه .. اوريك يالعنود ..
هذا انتي ورحتي عن البيت وفضي المكان لي .. ارح اوريك ويش تسوي شريفة ..
مها / ايش يمه ما اسمعك ايش تقولين ..
شريفة بحدة / اقول انقلعي عن وجهي .. انقلعي ..
مها وحنان تركوا امهم وطلعوا كل وحدة لغرفتها ..


ـــــــــــــ


بالمستشفى ...

الممرضة / دكتورة نوال الرجال اللي كشفتي عليه قبل جاي ويقول عنده مراجعه ادخله هينا والا احولة لدكتور سمير ..
نوال رافعة حاجب / تقصدين سعود .. " وقفت " .. انا اتفاهم معاه ..
نوال طلعت لبرا العيادة وبجدية / نعم سعود ..
سعود / عندي مراجعة والا ناسية ..
نوال / عندك الدكتور سمير فيك تكشف عنده ..
سعود / والله انا المرة الاولى كشفت هينا وابي اراجع هينا ..
نوال / سوسن لو سمحتي ممكن تطلبين الامن ..
سعود فتح عيونه للاخر / الامن لي انا ..
د. ايمن من وراء سعود / دكتورة نوال فيه مشكلة عندك ..
نوال / لا دكتور ايمن بس الاخ يبي يكشف عندي ..
د. ايمن لسعود / انا كاني شايفك من قبل ..
سعود بابتسامه خبيثة / سعود ولد عم نوال و " بخبث " .. خطيبها ..
د.ايمن رفع نظرة لنوال .. مصدوم / صحيح .. " وصلوا حراس الامن " ..
نوال / طبعا لا ايمن .. بس سعود حاب يسوي حركات .. بزر لاتهتم فيه ..
وهذا الامن اذا ما التزم بالقونين خليهم يسحبونه زية زي غيرة .. وما للقرابة واسطة عندي ..
" ودخلت عيادتها .. وقفلت الباب .. سعود بغضب ضرب باب العيادة برجله وراح .." ..
د.ايمن يبتسم بفرح / خلاص شباب ارجعوا مشكلة وانحلت ..


ــــــــــ


بمركز مكافحة المخدرات ..
متعب / وهذا نايف ..
نايف جلس بهدوء قبال عمامه .. / ...........
سلطان من بين اسنانه / هذي اخرت الصيعة والضيعة .. مخدرات ..
نايف / ...........
عبدالعزيز / ما تبي تقول شي ياولد ..
نايف / ............
متعب / اذا تبون تعاتبونه والا تعاقبونه خلوها في البيت ..
نايف / متى اخذ سيارتي ..
متعب / سيارتك تصادرت ..
نايف / بكيفكم تصادرونها ..
متعب رفع حاجب / ايه بكيفنا واحمد ربك انها تصادرت السيارة بس ..
سلطان / اص ياولد قال سيارته قال .. قوم وقم قدامي لا بارك الله فيك فضحتنا قدام الخلق ..
طلع نايف وعبدالعزيز من مكتب النقيب متعب .. متعب / ابو بتال لا تضغط عليها الولد بفترة مراهقة ..
سلطان / والله ما ادري ويش اسوي معاه .. بس بنشوف اذا اللي سواه علشان يسافر يدرس ساعدناه ..
متعب / انت سفرة وراح تشوف نايف القديم .. انا متاكد ان اللي فيه من الضغط النفسي ..
سلطان / يصير خير .. مع السلامة ..
متعب / فمان الله .." وجلس على الكرسي وهو يفكر باللي راح يصير لـ العنود لو عرفة باللي سواة نايف .." ..


ـــــــــــ


يوم جديد ..

بحفر الباطن ..
ام زيد / اقول ياحرمة .. البنت بها نظرة وشرهه ماكنه .. " متمكنه منها " ..
ام سند / كيف يعني ..
ام زيد / انتي ما تقولين ان اللي صار لبنت عقب عرس ولد اخوك ..
ام سند / ايه صحيح ..
ام زيد / اها بذاك الليلة بنتك طاهرة والا بها العادة ..
ام سند / لا معاها كانت توها اول يوم واخذت يومين والثالث وقطعت ولا هالحين ما جاتها ..
ام زيد / وشلون تجيها وهي بهالحال .. اسمعي .. اجمعي النسوان اللي حضروا بتيك الليلة ..
واللي ما تحضر روحي لبيتها .. واجمعي اثرهم واغسلي بنتك به واسقيها ثلاث ليالي ..
ودوري من اللي زعلانه عليها وراضيها وتصدقي عنها طول هالثلاث ليالي .. و وضيها كل ليلة ..
وخلي القران عند راسها يتلاء .. ولا تنيمينها الا وهي على طهرة .. غسليها ونظفيها ونيميها والقران عند راسها ..
ساااااامعة .. مره ثلاث ليال .. وهذا الزيت مقري فيه ادهني جسمها وراسها كله .. كل ليلة ..
لاتنسين شي ..
ام سند برتباك / انتظري .. " وفتحت المكالمة " .. سند يمه اسمع ..
ام زيد / لا حول ولا قوة الا بالله .. اسمع يولد .. اجمعوا اثر من حريم ليلة العرس واغسلوبه اختك ثلاث ليال ..
واسقوها منه .. وتصدق عنها بتيك الليال الثلاث .. ولا تنام الا وانتم مغسلينها ومنيمينها على طهارة ..
وخل القران يتلاء على راسها ثلاث ليال .. والزيت ادهنوها به اللين تقوم على حيلها ..
وان شاء الله ربي يعافيها ويرد لها صحتها .. ولا تنسى الاكل اللزين العصيد المرقوق السليق ..
الاكل اللي فيه فايدة وعليكم بالدبا والقثاء يقوي حيلها وعضمها والله الله بالعسل .. لا تنسى شي ..
سند يتنهد / لا ان شاء الله ماني بناسي شي ..
ام زيد / اها تعال خذ اختك خلصت من علاجها والباقي عند ربك .. هذا دواك يابنيتي وعند ربك اشفاك .. وسامحينا ..
ام سند / مسامح ..
سند دخل واخذ اخته وجمع الاغراض مع امه ورجع للخبر ..


ــــــــــــــ


قصر ابو سطام ..
ابو سطام بحدة / وتقوم تبيع المخدرات .. لو طاحت بيد اخوانك والا عيال عمك ويش تستفيد ..
نايف / استغفر الله .. من الصبح وانا اقول ما لي دخل بهاااااااااااا ..
ابوسطام / لاترفع صوتك .. ويش اللي دلك على اصحاب مثل هالرمم ..
نايف / اصدقاي كلهم سافروا يدرسون برا .. واخواني ما يبوني اجلس معاهم ..
وعيال عمي وينهم هم بديرة وانا بديرة وين تبين اروح ..
ابو سطام / تبي تروح تدرس مع ماجد ..
نايف بهدوء / ابوي وامي ما اقدر اخليهم بالحالهم ..
ابوسطام بسخرية / اللي يسمعك يقول قاعدا معهم طول الايام اللي فاتت .. لا تضحك علينا ياولد ..
نايف يتنهد / اليد قصيرة والعين بصيرة ..
ابو سطام / طلع جوازك ولا تشيل هم .. تكاليف الدراسة كلها علية ..
نايف التفت لجده / .............
ابو سطام / درست اخوك وعيال عمك ما ادرسك انت .. جهز ياولدي امورك ولا تشيل هم ابوك وامك راكان معاهم ..
نايف يوقف ويقبل راس جده ..وبهدوء / الله يطول بعمرك .. " وطلع من المجلس .. " ..
سلطان / نايف تعال هينا ..
نايف / نعم ..
سلطان / وين رايح ..
نايف / ابي اروح الرياض ..
سلطان / لا مالك روحة .. بتقعد هينا اللين تتعدل امورك وتسافر من هينا على بريطانيا على طول ..
نايف / بس ..
سلطان / لا بس ولا شي .. انتهاء .." ودخل لبوة " ..
نايف / اومر عسكرية .. يالله نجلس ونتعرف على عيال العم اكثر ..


ـــــــــــ


بالخبر ..

بيت ابو سند ..
وصل سند الساعة 1:00 بعد منتصف الليل .. كان يمشي بهدوء من الحفر للخبر ..
ووقف عند اكثر من محطة علشان غرام وامه .. بعد ما وصل ساعد امه بترتيب الاغراض ..
وبعد مانامت اخته وطلعت امه لغرفتها الا صارت الساعة 3:00 وطول الفترة محد حس فيهم ولا عرفوا بوصولهم ..
سند دخل بهدوء لغرفته .. وشاف رنيم مثل المعتاد نايمة ولا تحس بدخلته .. وهي طول الفترة تعتقد انه ينام عند اخته ..
سند اخذلة دوش وغير ملابسة بسرعة و نام جنب رنيم على اساس ينام شوي الى ان ياذن الفجر ..
ويصحى كالمعتاد قبل رنيم .. علشان ما تزعل .. وتثق فيه ..سند مع التعب نام وما صحي الا على صرخة رنيم ..
رنيم / وااااااااااااااااااااااااااااااااااااااااااه ..
سند نقز بخرعه / ويش صار ..
رنيم وهي على السرير لهي قاعدة ولا هي واقفه / انت كيف تنام على سريري ..
سند يطالع باب الغرفة اللي ينادي من وراه ابوه .. سند بحرج / اص لا تفضحينا ..
وراح لبال الغرفة وفتحة / هلا يبه ..
ابو سند /عسى ماشر فيكم شي ..
سند بحرج / لا يبه سلامتك .. بس رنيم ما تدري بانا وصلنا ويوم شافت احد نايم بالغرفة اخترعت ..
ابو سند / هههههههههههههه الله يهديكم بس .. " وبخبث " ارفق عليها ..
سند احمر وجهه / يببببببببببه ..
ابو سند / ههههههههه غير ملابسك وانزل افطر معنا تاخرت بانوم يالله وانا ابوك .. " ونزل تحت " ..
رنيم جالسة متربعه على السرير وبعصبية .. بعد ما قفل الباب سند / انت ويشلون تنام على السرير ..
سند بخطوات سريعة يمسك رنيم وينيمها على السرير .. رنيم شهقت / هههههههئئئئئئئئئئئئئئئئ ..
سند بابتسامه / كذا نمت .. يعني كيف .. " وقبلها بقوة " الله يسلمك ياقلبي ..
رنيم حمر وجهها / قلللللللللللللللللللللللة ادب .. هااااااااااااااه " تمسح شفاتها بقوة مكان قبلته " ..
سند وهو يرمي ملابسة الداخلية يبي يستعد للحمام / ههههههههههه عادي حبيبتي ..
رنيم جلست .. وبعصبية / ما ... " وغصت بالحكي لمن شافت سند يلف خصرة بالفوطة "..
رنيم رجعت راسها لسرير وتغطت بالمخدة / ياااااااااقليللللللللللللل الادب ..
سند / ههههههههههههههههههههههههه " وهو داخل الحمام اكرمكم الله " ..


ـــــــــــــــ



يوم جديد ..

بالرياض ..
بتال راجع من صلاة الجمعة .. كان خطيب الجامع يتكلم عن الزواج وعن المعاملة مع الزواجات ..
وكيف النبي كان يتعامل مع زوجاته .. هذي الخطبة اثرت كثير بقلب بتال ..
جلس بالصالة قبال التلفزيون وشافه مفتوحة على قناة السعودية للقران ولا مرة دخل البيت ..
وشاف التلفزيون على غير هذي القناة .. التفت على العنود وهي واقفة بالمطبخ تجهز الغداء ..
بتال بداخلة " كل اللي اشوفه يقول ان مالك بالغلط طريق .. بس اللي اعرفه غير .. يمكن ظالمها يا بتال.."
سمع صوت الشيخ عبدالرحمن السديس يخطب بالحرم عن الظلم والظالم ودعوت المظلوم ..
اقشعر جسمه ورجع التفت للعنود .. " يكون طالمك يالعنود .. ياربي ما اقدر اتحمل .. هالشي ..
يارب ساعدني .. يمكن لرحت الخبر وبعدتها عن هـ الأشياء تتحسن حياتنا "
العنود حست بان فيه احد يراقبها رفعت عيونها وشافت نظرات بتال .. وارتبكت ..
العنود بداخلة " ويش فيه يطالعني كذا .. يا ربي دخيلك .. يمكن تتخيلين يالعنود " ..
بتال كل بعد شوي يرفع نظرة فيها ويراقبها .. بتال " بالزين مالك شبية يبنت عمي .."
اول مرة يدقق بتفصيل جسمها .. كانت لبسه تايور ابيض وبلوزة حمرا بتموج ابيض ..
رافعه شعرها كله بشباصة ومتمردة خصل من شعرها على وجهها ..
العنود رفعت نظرها لبتال وشافت يراقبها ونظراته غريبة .. صدت عنه ..
العنود بداخلة " حسبي الله على ابليسك يازهروه قلبتي مخي وخليتيني اتخيل كلامك صحيح " ..
بتال حس بارتباكها من نظراته .. ابتسم بخبث ومشي لعندها بالمطبخ .. شافها تقطع الخيار لسلطة ..
بس تقطيعها غلط .. واضح انها تفكر .. مشي بهدوء الا ان وصل خلفها ..
بتال وهو حاضن العنود من الخلف .. وبهمس / انتبهي لا تقطعين اصباعك ..
العنود اللي كانت تعوم ببحر كلمات زهرة .. وما انتبهت لدخولة .. شهقت بخوف / هههئئئئئئئئئئئئئ ..
بتال يزيد من حضنها .. وبخبث / بسم الله على قلبك .. ويش اللي تفكرين فيه .. اكيد انا ..
العنود بارتباك / اا اممم ممكن تبعد عني ..
بتال يقبل اذنها وبهمس / لا .. ويش بتسوين ..
العنود مشتت تفكيرها / اصرخ ..
بتال بخبث .. وهو يقلد صوتها / لا الله يخليك .. لاتذبحني .. " وبضحكة " .. مثل ذيك الليلة ..
العنود عصبت .. لانها حست بذل والقهر ../ هذا اللي تمناه راكان .. تذلني بدال ما تكرمني ..
بتال سكت لثواني / معاش من يذلك يا بنت العم .. بس حق واخذته .. والا بتمنعيني ..
العنود بلعت ريقة / ما امنعك من حق شرعة الله ..
بتال لفها لتكون مقابلة وجهه .. وبهمس / سامحيني .. " قبل راسها وتركها " ..
العنود بقيت جامدة مو عارفة ايش تسوي .. ايش يعني هذا اعتذار او توديع ..
رتبت الغداء على الطاولة وهي كل بعد شوي ترفع نظرها لبتال وشافته مركز مع التلفزيون ولا عاد طالع فيها ..
العنود بهدوء / الغداء جاهز .. " قام بتال تغداء بهدوء .." ..



ـــــــــــ


بالاستراحة ..
عناد / وسحبوك حراس الامن ..
سعود بعصبية / اكيد لا .. انا طلعت وتركتهم ..
عناد / الحين ليه مصر الا نوال .. قلوا الدكاترة .. " وبخبث " .. والا القلب ينادي ..
سعود رفع حاجب / لا قلب ايش انت الثاني ..
عناد / ههههههههههه علية .. انا عندي خبرة ..
سعود / هوهو طلعت الاسرار استاذ عناد .. يالله غرد ..
عناد ارتبك / لا مو ليه ناسي راكان ورعد والشباب كذا يعني ..
سعود بخبث / كذا يعني والا .. عدناااااااااان ولينا .. " كان يغنيها " ..
عناد بعصبية / لا تذكرها مره ثانية ..
سعود / انتي ليه مكبر الموضوع .. بنت بالغربة وماهي خليجية ثلاث ارباع عمرها بأمريكا .. ايش تتوقع منها يعني ..
عناد بعصبية / سعععععععوووود ..
سعود بضحكة / والله صدق عناد .. ليش مكبر الموضوع .. اعجبت في بنت مدة شهر تقربت منها لمدة اسبوع ..
وبعدين اكتشفت .. هههه .. انها مخليت بنك متحرك .. وحابه واحد امريكي ..
عناد يطالعة بنظرة قاتله ....
سعود يضحك / هههههه عناد ههههههه انت شايف وجهك و وجه الامريكي احد يترك القمر ويروح للقـ ..
قطع كلامه وهو يضحك ويركض وعناد يركض وراه يبي يضربه ..
عناد كل ما ذكروه بهالموقف عصب .. يحسسه بقدر سذاجته وغبائه لو مو الله ثم عيال عمه فتحوا عينه ..
سعود يصارخ وهو يركض / حس بشعوري يوم تضحك على سالفتي مع نوال هههههههههههههههههههههههههه ..


ــــــــــــــ


بيت ابو سند ..
الحريم ولبنات متجمعين .. يسلمون على غرام وام سند ..

رنيم مشتاقة تسلم على امها .. بس امها ابد مو معطيتها وجه ..
تذكرت يوم راحت مع سند لمستشفى ..


الدكتورة / الحين فيك تتحركين براحه بس بعد لزم تنتبهين مو تشيلين اشياء ثقيلة ..
واذا صار وحملتي لازم تنتبهين للحمل وتذكرين لدكتور حالة ظهرك ..
رنيم وجهها حمر .. وبارتباك / ماله لازم ..
الدكتورة / كيف ماله لازم هذا شي مهم لصحتك ..
رنيم عصبت / صحتي يعني بكيفي اقول ما اقول وبعدين من قالك ابي ااا ... " وسكتت محرجة من وجود سند " ..
الدكتورة رفعت نظرها لسند وشافته مغطي فمه بيده وشكله كاتم ضحكته .. وعرفت ان رنيم محرجة ..
الدكتورة بابتسامه / اسفه .. وهي وصفة العلاج .. شويت فيتامينات ومقويات ..
اخذ سند الوصفة وشكرا الدكتورة وطلع هو ورنيم ..
بالسيارة ..
سند بهدوء / الحمد لله على السلامه .. عسى الحين مرتاحه بعد ما طلعتي المشد عن ظهرك ..
رنيم تتنهد / الحمد لله .. سند انت وعدتني توديني عند امي ..
سند بابتسامه / وانا عند الوعد ياقلبي ..
رنيم بعصبية / لا تقول قلبي ..
سند وبتسامه مو مفارقته / طيب امممم عمري ..
رنيم بعصبية / اووووووووووووووف لا تتغاباه ..
سند / طيب ويش تبيني اقولك يا روحي ..
رنيم بعصبية / اسكت اسكككككككككككت ..
وصلوا لبيت ابو سطام ودخلوا .. سند قبل راس خالته ولمن جات رنيم مياسه صدت عنها ..
رنيم بعبرة / يممه ليه زعلانه مني .. يمه والله ما سويت شي والله ..
مياسة بحدة / انقلعي من وجهي .. البنت اللي تنزل راس امها ماهي بنتي متبرئة منها ..
رنيم شهقة بوجع / ههئئئئئئئئئئئئ يممممممممممممممه انا موطيت راسك والله يمه جعلني اموت قبل لا اسويها ..
مياسة غمضت عيونها ماتبي تبين ضعفها لرنيم .. / لو مو متاكدة من اللي سويتية كان سامحت لكن متاكدة ..
طلعت مياسة من المجلس وتركت سند ورنيم ..
رنيم تبكي قهر وظلم / والله ماسويت شي والــــــــــــلـــــــــــــــــه يمه احللللللللللللللللللللللف لك ..
سند وقفها وضمها وبهمس / وعد مني اول ما اخلص من شغلت غرام احل المشكله هذي واصالحكم ..
بس انتي اهدي وخليهم هالفترة اللين يهدون وبعدين نتفاهم .. الحين خلينا نروح البيت ترتاحين ..


قطعت افكارها صوت اختها ريهام ..
ريهام بهدوء / معليه رنيم هالفترة بس اصبري وان شاء الله ترضاء صدقيني انها هي بعد مشتاقه لك ..
رنيم صدت عنه تطالع امها وعيونها مغرقة دموع .. وبغصة / والله ما سويت شي ..
ريهام تمسح على كتفها و بمواساة / الله كريم .. الله كريم ..

عند الحريم ..
ام سند / والله ما ادري ويش السواه ..
ام سطام / نسوي عزيمة كبيرة كانها عرس .. واللي ما تحضر نروح لبيتها وناخذ اثارها ..
ام سند / يمه نروح لبيتها ونقول عطينا من اثرك لانك اعطيتي بنتي عين ..
ام سطام / العين حق يابنتي والحق ما ينزعل منه ..
ام عناد / والشرهه ويش حلها ..
ام سطام / نرضي اللي شرهان ونطيب خاطره بس خلنا نعرف من ..
ام سند / سالت غرام فيه احد زعلان منك تقول ما تدري ولا تذكر ..
ام سطام / خلنا نسوي العزيمة وعقبها ندور علية ..


ــــــــــ


بالرياض ..
بيت ابو نايف ..
راكان / والله البيت صاير احلا ..
زياد / ايه الله يخلي لنا العنود .. غيرت الاضائة ودهان البيت .. توسع البيت وتغير ..
راكان / ماكان قارفنا في هالبيت الا خالتك شريفة ..
شريفة من وراهم بحقد / وقالتوا غابت نلعب بحلال ابوها على كيفكم يا عيال الفارس ..
راكان بغرور / شايفين خير .. مانا بجيعاني حتى نحط عينى على حلال غيرنا ..
شريفة / وبامر من تغيرون في البيت ..
راكان برفعة حاجب / البيت بيت ابونا والقوم حاربون .. هي يا ام عبدالله البيت باسم ابوي يعني مالك فيه طوبه ..
شريفة بصراخ / تسرقوني عينك عينك ..
ابو نايف من خلفها وبنبرة / وانتي ويش لك دخل بمال ابوهم ..انتي تعرفين وين ابوك وين حلاله ..
شريفه ارتبكت / اا يبه ايشلونك ..
ابو نايف يصد عنها وهو يتعكز على عصاه ويدخل غرفته / بخير وارجعي لبيتك الليل امسى " وقفل باب غرفته وراه "
شريفة اللي كانت بعباتها طلعت والكره والحقد مرسوم على وجهها ..
زهرة شافتها من شباك المطبخ / اعوذ بالله منك ومن شرك ..


ـــــــــ



بيت بتال ..
العنود بعد ما تعشوا ودخل بتال غرفة نومه .. دخلت هي غرفة نومها .. وبتاخذ لها دوش يريح اعصابها قبل النوم ..
العنود طالعه من الحمام " اكرمكم الله " وعليها الروب وتنشف شعرها الاسود الطويل بالفوطة ..
وصلت لتسريحة بتمشط شعرها انتبهت لوجود علبه حمراء صغيرة مربعة الشكل .. ملفوفه وكانها هديه ..
فتحت العلبة وطلعت اللي بداخلها .. شافت قطعه قماش صغيرة في البداية ما عرفت ايش ...
بس لمن ***ة قطعة القماش " قميص نوم صغر واحمر " رجعتها بسرعة لـ العلبة .. ووجهها احمر ..
العنود بداخلها " ايش يقصد " .. شافت كرت مرمي بجانب العلبة طحت منها اول ما سحبت القميص ..
فتحت الكرت الا هو ابيض ما فيه ولا أي كلمه ... جلست على الريكه تفكر ..
العنود بداخلها " تبي تفتح صفحة جديدة .. ايش اللي غيرك فجأة يا بتال .." ..
العنود بعد فتره قررت تلبسه .. مهما كان هو زوجها ودعاها و واجب عليها تلبي الدعوة ..
تخاف من غضب الله ولعنة الملائكة .. لبست القميص بيدين ترجف .. فردت شعرها واللي كان اطول من القميص ..
غطاء اجزاء كثيرة من جسمها .. وتعطرت .. العنود بداخلها " ياربي احس بخوف .. اغيره واستسمحه يعطيني وقت ..
اعوذ بالله من الشيطان .. سمي بالله وتوكلي عليه مو صاير الا كل خير " .. توجهت للباب ..
واول ما حطت يدها على المقبض سحبتها وتراجعت .. العنود بهمس خجول وخايف ..
.. / لا خلص ابي اطلب منه السماح ويعطيني فرصة .. توها خطت خطوتين الا الباب ينفتح ..
التفتت وتلاقت عينها بعين بتال .. بتال اللي كان جالس بصاله وحس انها طولت قال بيشوف وضعها ..
وهل فهمت معنى الهدية وقبلت العرض والا لا .. واذا كان لا فما راح يغصبها على شيء ..
بس تفاجاء لمن شافها لبست انتبه لاحمرار وجهها وحركت يدينها .. واضح خجلها وارتباكها ..
دخل وقفل الباب وراه .. تقدم منها .. مسك يدها اللي تفرك فيها وهي منزله عيونها بالارض ..
بتال رفع يدها لشفايفه وقبلها .. وبهمس / القميص لم اخذت توقعت جميل .. بس طلع لباسه اجمل ..
العنود اللي مارفعت عيونها فيه وتلوم نفسها على استعجالها ..
بتال يقبل جبينها .. وبهمس / ما ودك اشوف عيونك .. " حس برجفتها زادت .. ابتسم وضمها لصدرة " ..


ــــــــــــــ


يوم جديد ...


الخبر .. الجامعة ..
شجون شافت صديقتها سمية .. تعرفت عليها هي صحيح اكبر منها بـ 3 سنين ..
بس الظروف ما سمحت لها تدرس الا ذا السنه ..
شجون بابتسامه / صباح الخير ..
سمية بصوتها الانثوي الناعم المغري / صباح النور ..
شجون بابتسامه / صراحة سمووي لمن اسمع صوتك احسنس ذكر مو انثى تشككيني بنفسي ما شاء الله عليك ..
سمية اللي امها من اصل باكستان وابوها سعودي ../ هههههههههههه حياتي ههههههه ...
شجون / اممم اقول سموي عيونك عدسات والا خلقة وشعرك صابغتيه والا بصراحة هالسؤال بخاطر من اول ما شفتك ..
سمية تبتسم / لا ياقلبي عيوني خضراء من ربي وشعري كستنائي من الله .. اممم وراثة من امي ..
شجون / اهاااا ما شاء الله عليك .. " طالعت بساعتها " .. يالله المحاضرة راح تبدا ..



ـــــــــــ


بيت ابو سطام ..
ريهام وابرار متوجهين للملحق .. رعد جاب عمال ونظفوا الملحق ..
ابرار معاها كراست رسم وقلم رصاص .. وريهام كذلك ..
رعد اللي كان رايح لشركة يبي يكلم سلطان بموضوع الشغل شافهم ولحقهم ..
رعد / هااااه يا حلوات مستعدات ..
ريهام بحماسة / مره متحمسات ..
ابرار/ بقوووووووووووة اسمع عمي ترا بس انت اللي سمحنا لك بدخول برغم ان رنيم ذبحتنا صراخ ..
رعد رفع حاجب / ليه ..
ريهام / تقول ما تبي أي جنس ذكري ..
رعد بابتسامه / حتى لو صرصور ..
ابرار / اعوذ بالله لا ان شاء الله ما يدخل عندنا صرصور
رعد ابتسم / يالله انا عندي شغل ولا اعطلكم عن شغلكم كمان .. واي شي تحتاجونها قولوا لي عليه وانا اجيبه ..
ريهام وابرار / شكرا ..
رعد اشر لهم مع السلامه وراح .... ابرار بحماس / يالله ..
ريهام بحماس مماثل / ياااااااااااااااااااااااااااا لله ..


ــــــــــــــــ


بيت بتال ..
فتح عيونه وما شاف العنود جنبة ابتسم وهو يشم ريحة القهوة والفطور مغيرت عادتها حتى بعد اللي صار البارح ..
جلس على السرير .. مسح وجها وقام .. دخل للحمام ولاول مره يدخل حمام غرفة العنود .. وقف عند باب الحمام ..
شاف الترتيب .. وكيف الحمام نضيف وريحته الحلوة .. ريحة الشامبو والصابون والرغوة .. شاف البانيو مليان مويه ..
وكانه جاهز لـ احد يتحمم فيه .. تمنى يكون جاهز له المويه شكلها دافيه وريحت الرغوة منعشة ..
العنود من وراه بخجل / جهزته لك قلت يمكن حاب تتحمم .. وجبت الفوطة تبعك وعلقتها داخل .. وملابسك جاهزة ..
" واشرت على الكنبه .. " .. ابتسم بتال وبهدوء / شكرا .. " ودخل يتحمم .." ..
العنود بداخلها " يا ربي تهدية ولا تغير علينا يارب .. " ..


ــــــــ


شركة الفارس ..
سلطان / وليه ما تروح تدور لك شغل بشهادتك ..
رعد ارتبك / ما ابي الطب .. عفته يا خوي .. ابي اشتغل بالشركة لي مكان ولا لا ..
سلطان يتنهد / لا حول ولا قوة الا بالله .. الا فيه شغل ذا الايام عندنا ضغط .. سند مع اخته .. وبتال بالرياض ..
رعد يبتسم / تسلم وين اروح اشتغل ..
سلطان يبتسم / مستعجل .. روح شوف ابو مبارك وين يوظفك ..
رعد / لالا ما ابي ابو مبارك يدربني .. خلي واحد من العيال ..
سلطان / علشان تلعب ..
رعد / جربني بس 3 شهور وبعدين ان ما عجبك شغلي ارسلني لابو مبارك .. " يوقف " اقول انا رايح لعناد .. سلام ..
سلطان يضحك / اثرك ناوي ومخطط وخالص .. وعليكم السلام .. الله يوفقك ..


ــــــــــ


بيت ابو سند ..
سند / يمة هذي كروت الدعوة .. وعندك قائمة اسماء المعازيم اللي بعرس راكان ..
ام سند / مو كلهم فيه معازيم ام راكان وانا ما اعرفهم ..
سند / في هذي بسيطه اكلم بتال يقول لزوجته تعزم نفس معازيم زواج اخوها ..
ام سند تلوي فمها / ما ظنيت ترضا ..
سند باستغراب / ليه يمه .. ويش فيها ..
ام سند / مغروره وشايفه نفسها .. ما ادري وانا امك تحسها كذا ما تريح ..
سند يتنهد / يمه خلنا نقول لبتال وهو يحلها لا تعقدينها يمه ..
ام سند / بكيفك انت تصرف انا مالي دخل فيها ابد ..
سند / لا حول ولا قوة الا بالله .. " ووقف يتصل على بتال " ..


ــــــــــــــ


بشركة السعد ..
راكان / الوضع صعب بالشركة .. الخساير قلة صح بس الميزانية ضعيفة وينقصة مبلغ كبير ..
زياد / لو صار لقدر الله وفلست الشركة .. من راح يتعاقب انت والا ابوي ..
راكان / الشركة نسبة 51 % لجدي 49 % لابوي .. وبما انهم موكلين .. فكلنا نروح فيها ..
زياد بتوتر / لا .. ان شاء الله ما يصير شي ..
راكان يتنهد / ان شاء الله .. ان شاء الله ..


ـــــــــــ


بيت ابو عبدالله ..
مها / يمه .. تدرين من شفت بالجامعة اليوم ..
شريفة بنظرة / ويش يدريني من .. وانتي متى بتفلحين وتتخرجين من الجامعة السنة بسنتين عندك ..
مها / خلاص يمه هذا اخر ترم ..
شريفة / المهم من شفتي ..؟
مها / سمر زوجة راكان ولد خالي .. طلعت بالجامعة .. يالبسه تايورات وبلايز والا الشنطه شي ثاني كله ماركات ..
شريفة بكره / جعلها ما تتهنى بها .. ااااااااااه يالقهر ياخذون من فلوس ذا الشايب وغير فلوس اهلهم .. ااااه يالقهر ..
مها باستغراب وهي تاكل من فطرة الجبن اللي بيدها / من الشايب يمه ..
شريفة تفكر ... مها / يمممممممممممممه ..
شريفة بعصبية / وصممممممممممه ..
مها نقزت / يمه ويش فيك ليه تسرحين كذا ..
شريفة / تبين تريحيني .. وتساعديني..
مها / اكيد يمه .. ايش تبين ..
شريفة بخبث / ............


ـــــــــــــ


بيت ابو سند ..
شجون مثل المعتاد تجي تمر على غرام قبل ماتروح الجامعة وبعد ما ترجع ..
ياسر خارج من البيت معزوم على الغداء مع نايف وصقر وسامر او بالاصح حاشر نفسة معاهم ..
واقف عند الباب .. ياسر بابتسامه / هلا وغلا بشوجي ..
شجون / هلا بك ..
ياسر / كيف الجامعة ..
شجون بتدخل بس هذا مو مخلي مساحة لها .. / الحمد لله تمام ..
ياسر / اذا احتجتي مساعدة انا موجود ..
شجون / ايه محتاجه ..
ياسر / افاا قولي لي وانا البيها لك ..
شجون / وخر عن الباب الشمس احرقتني ..
ياسر / ههههههه طيب تفضلي هههه " وراح لسيارته " ..
شجون / مجنون والله .. " ودخلت لغرام " ..


ــــــــــ


بيت بتال ..
بتال يتغداء ../ اقول العنود نهاية الاسبوع نازلين الشرقية ..
العنود رفعة راسه وجت عينها بعينه .. ورجعت عينها لصحن الاكل / ...........
بتال / مسوين عزيمة ويبونك تعزمين اللي عزمتيهم بعرس راكان ..
العنود رفعت حواجبها .. وباستغراب / ليه ..؟
بتال / بصراحة العزيمة علشان غرام .. يبون ياخذون اثر من كل المعازيم ويغسلونها علشان مرضها ..
المهم .. ان الشيخ ما ادري من بضبكط قال سوا هذا الشي وان شاء الله تلقون فيه فايدة ..
العنود / واعزمهم على ايت مناسبة يعني وايش اقولهم مناسبة العزيمة ..
بتال ببساطة / علشان عرسك .. هذي عزيمة لعرس سند وعرسي ..
العنود سكتت لدقايق .. وبهدوء / ان شاء الله .. بس ما ادري اذا يحضرون او لا .. بس بحاول ..
بتال بخبث / ما اظن اذا قالوا العروس العنود ما راح يحضرون ..
العنود سكتت .. وبهدوء / الفرحة حلاتها بالاوله ..
بتال / ............ " وقف " .. الحمد لله ..
العنود لمت السفره ودخلت لغرفتها ..

بعد العصر ...
بتال يتقهوا والعنود جالسة معاه بالصالة .. وبهدوء / جهزي نفسك علشان اوديك السوق تاخذين لك فستان ..
العنود بهدوء / مو مهم انا المهم ساره ..
بتال / كيف مو مهم انتي .. راح تاخذين احسن فستان وراح تكونين احلى عروس ..
العنود صدت بعيونها عنه / ما ابي اكون عروس .. راحت عليه ..
بتال / ليه .. ؟
العنود التفتت له / بتال ما اظن حلوة وحدة متزوجه لها شهر والحين تسوي زفه وعرس ويش تبي الناس تقول ..
بتال / خلاص براحتك بس لازم تاخذين فستان ويكون احلى فستان .. وساره اتوقع راحت مع سمر ..
العنود كشرت وصدت / ذوقي غير ..
بتال برفعت حاجب / لالالا يعني سمر معندها ذوق ..
العنود التفت له / مو قصدي بس انا اعرف سارة واعرف راكان واعرف سمر ..
بتال رفع حاجب / غرررررررووووور ياكافي ..
العنود طالعته ورجعت صدت ..
بتال / قومي جهزي نفسك ..


ــــــــــ



بيت ابو سند ..
سند يدخل جناحه ..
رنيم جالسة على الكنب تتصفح الاي باد / نعم ..
سند يغير ملابسه / ينعم عليك ..
رنيم تغطي وجهها بالاي باد / قلللللللللللللة ادب ..
سند رمى البلوزة وقرب منها وهو لبس بس البنطلون .. بهمس / ايش قلتي ..
رنيم حست بانه قريب منها بعدت الاي باد ..وشهقت / هئئئئئئئئئئئئئئئئئئ قلة ادب .. " وغمضت عيونها " ..
سند يسحب الاي باد ويحطه على الكنب .. وبهمس وهو يوقف رنيم / افتحي عيونك ..
رنيم حمر وجهها ../ بعد عني ياوسخ ..
سند يكتم ضحكت / ايش قلتي ..
رنيم بعصبية ووجهها احمر من الحياء ومغمضة عيونه / سند بعد عني وروح البس ملابسك ..
سند يقبل شفايفه بقوة / ما راح البس وراح انام كذا بعد وعلى السرير ..
رنيم غمضت عيونها وبقهر / وسسسسسسسسسسسسسسخ اكرهك ..
سند قربها منه زود لدرجة ان وجهها صدم بصدره / وانااا احبببببببببببك موووووووووت ..
رنيم تدفه وبكره / عساك تموت وافتك منك .. " جات بتمر من عنده بس سند مسك يدها بقوة " ..
سند بحدة / اذا زاد الشي عن حدة ينقلب ضدة يارنيم فانتبهي .. " وتركها وراح ينام على السرير " ..
رنيم جلست على الكنبة بقهر وهي تهز رجولها .. وبهمس / يا بروووووده .. اوووووف ..
سند حاول ينام وماقدر فز من السرير ولبس بلوزته وطلع من البيت وراح لصالة الرياضية يفرغ عصبيته ..



ـــــــــــــــــــ


بيت راكان ..
راكان تعبان ويبي ينام / سمر لا تغثيني خلاص العزيمة الخميس احنا نروح الاربعاء والجمعة نرجع ..
سمر / اوووف راكان انا خاطري اروح قبل ..
ركان يتنهد / سمر تعباااااااااااااااااااااااااان هم الشركة وبعده السوق ولفك انتي وساره هد حيلي يالله نامي ..
سمر / واروحه لشرقية ..
راكان / الاربعاء كلنا نروح .. حتى بتال .. سمر اخر مره اقولك انا تعبان لتخليني اتصرف معاك تصرف يزعلك ..
سمر سكتت وهي خاطرها تروح قبل مشتاقة لأهلها .. رمت نفسها بجنب راكان اللي ما عاد تسمع الا شخيره من التعب ..



ــــــــــــ


بيت ابو نايف ..
زياد / جدي ما يبي يروح .. يقول يبي يروح مع مسعود لديرتهم يزور خلود ..
ساره / احسن شي .. ايش رايك صبري وزهرة يروحون معانا ..
زياد / ومن يقعد بالبيت .. لا ما يصير وكلها يومين ونرجع ..
ساره / لا خلي زهرة تهتم بامي .. احسن شي ..
زياد / قولي للعنود وراكان .. انا مالي دخل ..
ساره / خلاص ان اقول لهم ..


ــــــــــ


بيت ابو طلال ..
نوال سمعت رنة الواتس وفتحت الرساله ....... / مساء الخير يا دكتورة ..
نوال عرفته / ويش تبي .. << وفيس معصب << ..
سعود / بس ابي امسي ..
نوال سوت له بلوك وارتاحت ..
وصلتها رسالة نصية .. " يعني بتقدرين تمنعيني او صلك .. ايه صدق راح اقول لابوي يكلم جدي وعمي ..
ويقولهم اني ابي اقدم الزواج .. افرحي يا بنت سعود الفارس راح يتزوجك .." ..
نوال ارسلت له " ههههههههه احلم على قدك .. وانا ما يشرفني اتزوج واحد مريض مثلك .. انت مرفوض " ..
سعود عصب وارسل لها " اذا لك حق الرفض والقبول هذاك الوقت ارفضي غصب عنك راح توافقين " ..
نوال ابتسمت بانتصار " راح احفظ هالرسالة وراح اوريها لطلال وسيف .. واذا فيك خير اخطب وشوف ويش اسوي "..
سعود عصب ورمى الجوال على السرير بقهر ..


ــــــــــ


بيت ابوعناد ...
ابرار جالسه ترسم وتفكر وتخطط لديكور الاستراحة .. وتبحث بالنت عن اخر مانزل بالسوق من ديكورات اثاث ..
عناد يطق الباب / ابرار ..
ابرار والقلم الرصاص بفمها / ادخل ..
عناد دخل وهو رافع حاجب مستغرب النغمة / ويش فيه صوتك ..
ابرار تسحب القلم من فمها .. وبابتسامه / القلم في فمي ..
عناد يكشر / قرف ..
ابرار / هههههههههه علشان الافكار تجيني ..
عناد يبتسم / اذا خلصتي ابي اشوفها واذا كانت حلوة خليتك تسوين استراحتنا ..
ابرار بغرور / اكيد راح يكون حلو .. وبعدين ممنوع الرجال يشوفونها ..
عناد / عجيييييييييب ومن بامره .. هالمنع ..
ابرار / حنا البنات اتفقنا على كذا ..
عناد بخبث / اهاااا يصير خير .. يالله لا تتاخرين بالسهر ونامي ..
ابرار تقلده / اهااا يصير خير ..
عناد / هههههههههه لا يكثر يالله نامي .. " ونذاله فيها قفل الإضاءة " ..
ابرار بقهر / لالالالالالالالالالالا .. اوووف ..
عناد قفل الباب عليها وراح غرفته يضحك .. لحظ التغير اللي على ابرار واسعده هالتغير ..


ــــــــــــ


اخر الاسبوع .. قبل ليلة الحفل ..
راكان بسيارته معاه سمر .. زياد بسيارته معاه ابوه وامه واخته " زهرة وصبري رفض راكان اخذهم " ..
بتال مشي قبل راكان واهله .. باقل من الساعة ..

العنود معاها ترمس قهوة وترمس شاي وحافظه لتمر وحافظة حاطه فيها فطاير بالجبن هي مسويتها ..
بتال بهدوء / تسلم يدينك على هالقهوة ..
العنود اللي باله مشغول على نايف ولا الحين محد جاب لها خبر .. تنهدت / يسلمك ..
بتال بصوت مميز / يا ضايق الصدر بالله وسع الخاطر
دنياك يازين ما تستاهل الضيقه
الله على ما يفرج كربتك قادر
والله له الحكم في دبرة مخاليقه " كلمات خالد الفيصل " ..
العنود التفتت له.. / صح لسانك ..
بتال / ويش اللي مكدر خاطرك ومشغل بالك ..
العنود وهي ترفع الغطاء عن فتحت عيونها من وراء البرقع ../ نايف لا له حس ولا خبر ..
بتال يطالع بعيونها الوساع المكحله بحاده انثوية .. وبغيره / غطي عيونك ..
العنود رجعت الغطاء بسرعة .. خافت ان فيه سيارة بتمر وما انتبهت ..
بتال / نايف بالشرقية له اسبوع واكثر ..
العنود بلهفه / تقوله صادق وهو طيب فيه شي ..
بتال رفع حاجب .. وصد عنها / بعد شوي تشوفينه مافيه ولا شي كما القرد ..
العنود تضايقت من التشبية / بسم الله علية من القرد ..
بتال بامر / صبي شاهي ..
العنود صبت شاهي فتحت حافظة الفطاير وخلته بينهم ..


ـــــــــ

ركان شاف سيارة بتال ..
راكان بابتسامه / لحقنا اخوك الخاين ..
سمر تبتسم / يافديته اشتقت له ..
راكان يبتسم / يا فديت اختي اشتقت لها ..
سمر / غيووووووور ..
راكان / غيوووووووره ..
زاد السرعة وقرب من بتال وشاف بتال ياشر له بابتسامه بفنجان الشاهي ..
راكان يتقدم عنه ويوقف قبال بنص الخط وينزل ..
بتال ينزل زجاج سيارته / ههههههه ويش تبي ..
راكان بابتسامه / راسي دايخ وانا اخوك وابي قهوة ..
العنود مدت الترمس وحافظة التمر وفنجانين قهوة / ..........
راكان / للحين زعلانه .. متى بترضين .. ايش اللي يرضيك .. امري يا مهرة الفارس ..
بتال نفخ صدرة / الله الله .. وما غير فارسها ..
راكان برفعة حاجب / بالهون بالهون لاتنفجر هذي جدتي كانت تناديها بذا الاسم .. الله يرحمها ..
العنود / .................
زياد وقف جنبهم / فيكم شي ..
العنود / لا حبيبي .. كيف امي وابوي وساره ..
راكان / افاااااااااااااا اثر الحرب عليه انا بس وانا احسب الحرب جماعية .. اثرني مسيكين ..
بتال ياخذ ترمس القهوة منه / اجل اقلب وجهك ومافي قهوة ..
راكان بخبث / اجل لا تزعلون لو دخت ودخلت ببعير ولا انفلتت السيارة وصار عليه حادث ومت انا وسمر ..
العنود برعب / بسم الله عليكم .. انت غبي تتفاول على نفسك ..
راكان يبتسم / يافديت اللي تحبني ..
بتال يفتح الباب وينزل / انا رايح اجيب اختي واركبها معاي ما تنظمن صراحة ..
راكان يبعد له / اصلن هي توها تقول مشتاقه لاخوي شوي وتبكي .. " بتال نزل وراح لسمر " ..
عند سيارة راكان .. بتال بابتسامه وهو يفتح الباب جهت السواق / ويش اخبار الحلوة ..
سمر بابتسامه / بخير .. انتم تبادلتوا السيارات ..
بتال سمع صوت سيارة وراه ..التفت وشاف سيارته . بتال بقهر / خدعني الـ .. انا اوريه " وركب سيارة راكان ولحقة "
سمر/ هههههههههههههههه ليش سوا كذا ههههههههههههه
بتال/ يبي القهوة والشاهي والسوالف الزينه .. انتي ويش معاك ..
سمر تفتح شنطتها الصغيرة / اممممم جالكسي وسنكرز وكتكات وووو
بتال بتكشيره / اسكتي خلاص ..


بسيارة بتال ..
راكان / هههههههههههههههههههه خله الحين يذوق ..
العنود صبت فنجان قهوة / تفضل ..
راكان ياخذ الفنجان / يزيد فضلك .. ما تبين تقولين لي ليش هالزعل .. لتقولين علشان سالفت زواجك ..
المفروض انا اللي ازعل مو انتي يالعنود ..
العنود بهدوء / ويش اخبار نايف ..
راكان / بالشرقية مكلم ابوي سعود وقايل له ابي ادرس برا مع ماجد وابيك تساعدني ..
العنود / اصدقني لقول يا راكان ..
راكان / هذا اللي قاله لي ابوي سعود .. وانا مو مصدق هالشي .. اتوقع فيه شي ثاني بس خليني اوصل وبعد اعرف ..
العنود / ...............
راكان / هذا اللي مزعلك ..
العنود / ................
راكان بعصبية / صبي قهوة بس .. يرضي بتال انا مالي دخل فيك .. لو افكر اموت وما عرفت .. الله يعين بتال عليك ..
العنود بغرور / الا يا هني يا له ..
راكان ابتسم / اعطيني تمره ..
العنود بامر / اقول اشر لزياد خله يوقف وياخذ الفطاير والشاي له ولساره ..
راكان / تامرين امر .. " طالع وراه وشاف زياد .. اشر لزياد ووقف زياد جنبه " ..
راكان بسرعة ينزل ويعطي ساره الترمس والحافظة ويرجع بسرعة ..
العنود / ههههههههههههههه الله لا يفضحنا بس ..


ـــــــــــــ


بيت ابو بتال ..
بالمكتب .. سعود يدخل على ابوه / السلام عليكم ..
ابو بتال / وعليكم السلام ..
سعود / يبه بغيت اكلمك بموضوع ..
ابو بتال " سلطان " / عسى خير ..
سعد / يبه ابي اتزوج .. قبل تقولي بعد عرس اخوك والحين تزوج فابي اتزوج انا بعد ..
سلطان رافع حاجب / شكلك حامي ..
سعود / يببببببببه والله اتكلم جد ..
سلطان ابتسم / طيب ومن تبي ..
سعود / نوال بنت عمي عبدالعزيز ..
سلطان / هههههههههههه مغيرت رايك من يوم انت صغير ..
سعود يبتسم / لا يبه خلاص مسماه لي ..
سلطان / اكلم جدك وبعدها اكلم عمك عبدالعزيز وبعدين نشوف ..
سعود بتحطم / ياطول المشوار ..
سلطان يرفع حاجب / اجل ويش تبي ..
سعود / زي سند و بتال اسبوع و تزوجوا ..
سلطان عقد حواجبة .. وبحدة / لا .. عرسهم له ظروفه وعرسك له ظروفه ..
سعود بهدوء / طيب يبه اللي تشوفه بس عجل بسالفة الخطبه ..
سلطان / يصير خير .. والحين اطلع عندي شغل ..



ـــــــــــ


وصل راكان وزياد وبتال للخبر ..
راكان اول ما وقف السيارة نزل بتال بسرعة ومسكة من رقبة الثوب بضحكة ..
بتال / تسرق سيارتي وتشرب قهوتي عينك عينك .. ابي حقيييييييييي ..
راكان بضحكة / حقك عند اختي هي ترضيك وتعطيك اياه ..
بتال بابتسامه ويلتفت للعنود / ها تكفلين اخوك ..
العنود بضحكة / خذ حقك من زوجته .. من عندي انت اللي راح تخسر المال مالك ..
ركان / يانذذذذذذذل انا اخوك ..
العنود شافت نايف واقف قبال باب بيت جدها نزلت وتركت بتال وراكان ..
العنود بخطوات سريعة / نااايف .. من طول الغيبات .. ويش يجيب ..
نايف ببرود / الحمد لله على السلامة .. " وتركها ونزل لامه قبل يد وراس امه .." ..
نايف / وشلونك يمه .. " شاف ابوه وراح قبل راسه ويده " .. ومسكة ووداه المجلس عند جده سعود ..
العنود تطالعه وهي مصدومة من تصرفه .. سارة تناديها / العنود تعالي ساعديني ..
العنود نزلت الدرجات وساعدت امها تدخل بيت جدها سعود ..
راكان بعد ما شاف ان الجميع راح معدا بتال ../ تدري ويش سبب قعدت نايف هنا ..
بتال مافهم / ايه .. فشلنا الله يفشله .. ومن ساعده ما ساعدة الا متيعب حسبي الله عليه ..
راكان عقد حواجبة / أيش الموضوع ..
بتال التفت عليه / انت ما عندك خبر .. نايف مسكته مكافحة المخدرات وما طلعه الا ابوي وعمي عبدالعزيز ..
محد يدري بسالفه غيري انا وطلال فكرت ان عندك علم ..
راكان / جدي ما قالي كذا ابد .. وانت من قالك ..
بتال / ابوي قالي .. والله ياني انقهرت يوم قال ما ساعدة الا متعب .. اححححححححححححح بس يالقهر ..
راكان توجه بسرعة للمجلس وهو معصب .. وبحدة / نويييف ..
نايف اللي كان واقف بنص المجلس يبي يقهوي جده وابوة .. نزل دلة القهوة على الطاولة .. و التفت علية ..
راكان ضربه بوكس على وجها خلا نايف يطيح بالارض .. راكان ينزل عليه وبقهر يضربه على وجها ..
راكان بصراخ / هذي نهاية صحبتك مع عبيد هذي هي .. يالداشر ..
بتال وزياد يحاولون يبعدون راكان عن نايف .. ونايف مستسلم له ولا حاول يدافع عن نفسة ..
دخل رعد ودخل طلال وساعدوا بابعاد راكان عن نايف ..
ابو سطام بحدة / ما بقى الا هذي يا عيال سطام .. تكسروني هبتي وتتهاوشون قدامي ..
راكان بغضب / هذا من الحرة اللي فيني .. ما بقى الا المخدرات يا نويف ويش مسوي كمان من بلاوي ..
ابو سطام / بسسسسسسسسسسسسس وانقلع ياراكان برا مجلسي انقلع ..
طلال وبتال يسحبون راكان ويطلعونه برا المجلس ..


ــــــــــــ


بعد تناول العشاء
أبو بتال وابو عبدالعزيز طالعين من المجلس .. شافوا بتال واقف عند سيارة ينزل اغراضه ..
أبو بتال بخبث / أقول ماودك تضحك شوي ..
أبو عبدالعزيز / في أحد ماودة يضحك الا ودي وودي بعد ..
أبو بتال / أجل تعال وراي ..
أبو بتال / بتال ويش عندك ..
بتال التفت / سلامتك طال عمرك .. بس أنزل اغراضي تامر على شي ..
أبو بتال / ما شاء الله هذي اغراضك أنت والمدام ..
بتال يبتسم .. وبنبرة مقصودة / ايه يبه .. يبه ويش عندك تسأل هالأسئلة .. حاس ان وراها شي ..
أبو بتال / سلامتك .. بس وين شنطة العنود أنا أبي أوديها لها وعمك يبيك بكلمة رأس ..
أبو طلال يتنحنح / ايه صدق ابوك ابيك بسالفه ..
بتال صدق / أمر يا عمي ..
أبو بتال بسرعة / وين نشطة العنود ..
بتال / هذي هي .. " اشر على الشنطة السوداء الوسط " ..
أبو بتال اخذها ومشي بسرعة لبيت ابوه .. أبو طلال يتنحنح .. / .. احم .. احم ..
بتال يطالع عمه ينتظره يتكلم .. أبو طلال / السلام عليكم .. " وترك بتال وتوجه لبيت ابوه " ..
بتال عقد حواجبة ولحقهم ...
أبو بتال / يا العنود أنتي عروس بكره .. يعني الليلة تنامين هينا وﻻ تشوفين زوجك اللين بكرة بعد العرس ..
العنود انتبهت لدخول بتال وسماعه لكلام ابوه .. العنود تغطي وجهها بشيله / تامر يأعمي ،،
" وقفت تبي تروح لجناح امها .. بتال فهم الموضوع .. راح لجهتها بسرعة ومسكها .. " ..
بتال يبتسم / يعني تلعبون فيني يا عيال سعود ..
ابوسطام / أجل تعيب في قهوتنا يا ولد وﻻ تبي نأخذ بحقنا .. اهاا بنيتنا الليلة تنام عندنا وأنت رح لحالك ..
بتال يضحك / بنتكم هي اللي خربت علية ههههههههههه ذقت قهوتها وما عاد ابي غيرها ..
رعد / أجل تنام عندنا و تقهوينا بكره .. واذا صدق اللي تقوله سامحناك .. وبكره خذها ..
أبو طﻻل / صدق رعد .. والا ايش رايك يا العنود ..
بتال يرد / أقول والله ثم والله ثم والله .. ان ما تنام الا في المكان اللي انام فيه .. تصبحون على خير ..
" وسحبها معاه .. العنود حمر وجهها خجل وحرج وحمدت ربها ان وجهها مغطى بشيله ..
الكل / ههههههههههههه هههههههههههه هههههههههه ..
رعد / والله قدرت عليك مهرة الفارس على قول راكان ...
أبو سطام بهمس / مهرة الفارس ..
أم سطام بهمس / ما كان يناديها سند كذا ..
أبو سطام يهز راسه بنعم / الله يرحمهم ...


ـــــــــ


بيت أبو سند ..
الجوهرة / خاطري اسافر اشوف هالدنيا .. طلبت مستحيل أنا ..
العنود / اللي يسمعك يقول ما تعرف عيال الفارس ..
الجوهرة / العالم تغيرت وهم بيقعدون على هالعادات لاخر العمر ..
العنود / أقول يا الجوهرة اعقلي وأنا اختك .. واحمدي ربك على اللي أنتي فيه ..
أم بندر داجه على راسها مثل زوجها والكل يعرفها ومحد يصاحبها الا قضاء مصلحة ..
الجوهرة / أنتي ما تعريفها وﻻ شفتي اللي شفته ..
العنود بحزم / الجوهرة .. أم بندر لهي من ثوبنا وﻻ حنا من ثوبها و حلات الثوب رقعته منه وفيه ..
الجوهرة توقف / الظاهر ازعجتك .. تصبحون على خير ..
العنود تمسكها / ﻻ تخربين بيتك والا نسيتي أيام قبل ..
الجوهرة / قبل غير والحين غير ..
العنود / عند الفارس مافي قبل والحين .. ما يردهم شي ، فحشمي عمرك يا الجوهرة ..
الجوهره تنهد / تصبحون على خير ..
العنود تهز راسها / وانتي من اهله ..


ــــــــــــــ


بيت أبو بتال ..

بتال والعنود طالعين الدرج ..
بتال بنظرة / اللي تامر عليه ياعمي هاه ..
العنود بدلال / أجل تعيب قهوة اهلي يا ولد ..
بتال برفعة حاجب / ولد أنا ولد اطلعي وأنا اوريك ويش يسوي الولد ،،
الجوهره دخلت البيت وشافتهم على الدرج ..
الجوهرة بغرور / بتال ..
بتال يلتفت لجهة امه / هلا يمه ..
الجوهرة بغرور / تعال ابيك واللي معاك خلها مكانها ما ابي اشوفها ..
بتال يتنهد / ان شاء الله يمه .. التفت على العنود وبهمس / خلك هينأ ثواني وارجع ..
العنود بهدوء تمسك يده وبهمس / ممكن تقول لي مكان غرفتك وأنا اروح بدل ما انتظر هنا شكلي راح يكون غلط ..
بتال بهمس / وين الغلط ثواني وارجع ..
العنود بهمس / الغلط لو دخل أحد من اخوانك .. وين اروح ..
بتال يبتسم و بهمس / طيب أول باب على يدك اليسار .. " ونزل لأمه " " والعنود طلعت لغرفته" ..
الجوهرة اللي جالسه على الكنب وتشوف همسهم لبعض وﻻ معبريناها جالسه تهز رجالها بقهر ../ بدري ..
بتال يبتسم / امري يالغاليه ..
الجوهرة توقف / ما عاد ابي شي شفت بعيني اللي كفاني ..
تركته وطلعت لجناحها .. بتال تنهد / لاحول وﻻ قوة الا بالله ..
العنود دخلت الجناح وقفلت الباب .. علقة عباتها والتفتت للجناح تطالع الديكور والاثاث ..
بتال يفتح الباب وبحدة / أنتي ويش مدخلك هينا هذي غرفة سعود ..
العنود بسرعة راحت لعباتها / أنت قلت أول باب على اليسار ..
بتال يضحك / ههههههههههه أجل اللي تامر عليه يا عمي ..
العنود ترفع حاجب / تلعب عليه ..
بتال يقفل الباب بالمفتاح / أخذت حقي
العنود بغنج / طيييب ماعاد فيه قهوة ..
بتال يقرب منها ،، بهمس / مدحناها وبتغترين ..
العنود بغرور / وما يحق لي الغرور ..
بتال يقرب لها أكثر وبخبث / يحقلك ما دام بتال الفارس زوجك ..


ـــــــــ


يوم الحفل ..



العنود في بيت جدها تشوف فستان سارة ..
ساره طلعت فستان جملي قصير لفوق الركبه وفتحت الصدر واسعة والظهر نصه كاشف ..
يضيق من الصدر ويوسع من الخصر بقصة فرنسية .. وبالوسط حزام اسود وبروش ذهبي ..
العنود فتحت عينها للاخير .. ورفعة حاجب / هذي بلوزة والا فستان ..
ساره بدلع وهي ماسكته / فستاااااان .. مو رهييييييييب ..
العنود بعصبية تاخذه من يدها وترمية بسلة الزباله .. / هذا هينا مكانه مو على جسمك ..
ساره تشهق / لييييييييييييييييييه والله عاجبني ..
العنود بصراخ / اسكتي .. الشرهه مو عليك على اللي شراه لك ..
سحبت الجوال واتصلت على زياد .. وبحزم / زياد تعال بسرعة ابغيك .. ضروري لا تتاخر .. " وقفلت " ..
اتصلت على بتال وبسرعة / الو بتال انا طالعه السوق اشتري فستان لسارة..
قلت لك اعرفها واعرف سمر .. ما خذه لها فستان غبي مثلها .. الووو الووو " انتبهت ان الجوال قفل " ..
العنود ترمي الجوال على ساره / خلص شحنه .. انتبهي لامي رايحة اجيب لك فستان صاحي وارجع ..
طلعت العنود وراحت مع زياد .. وبعدها راحت الصالون عند بنات عمها وساره معاهم ..



ـــــــــــ


بيت ابو سند ..

رنيم لبسه فستان سكري بتطريز ذهبي .. واقفه امام التسريحة تلبس اكسسواراتها .. وخانقتها العبره ..
سند واقف امام المراية الكبيرة يقفل ازرير ثوبه .. لاحظ توترها .. و عصبيتها ..
سند التفت عليها وتقدم بهدوء .. وبحنان / ليش هالتكشيره والليلة ليلتك ..
رنيم ماصدقت تلقى شي حتى تفرغ عصبيتها فيه .. وبعصبية / تكشيره .. أجل وشتبي بهاليوم ..
اضحك والا ارقص هذي يوم جنازة عندي .. المفروض الطم وابكي ... ابكيييييي .. "وجلست على الأرض تبكي "..
سند جلس قبالها وسحبها لحضنه وكأنها طفله .. وبهمس /هششششششش .. من زعل روحي .. خلاص حبيبتي اهدي ..
رنيم تشهق من البكي ../ أمي ... ااااااااا ... والله ما سويت شي .. ااااااااا ...
سند بهدوء يبعدها عن حضنه / تبين الليلة نحل كل شي .. ونعرف أخرت الموضوع ..
رنيم تسمح دمعها اللي اندمجت مع الكحل / مايسمي الا أمي ابي اعرف ليش زعلانه مني ..
سند يبتسم / بس كذا .. تامرين أمر .. الحين قومي وامسحي دموعك وعلي زينك لأنه اخترب ..
" طالع جهة صدرة وشفاف أثار المكياج " ..وأنا اغير الثوب ..
رنيم انتبهت لمكان جلوسها ووقفت بسرعة وكانت راح تطيح لو ما انتبه لها سند / بسم الله عليك ...
رنيم بحرج / أسفه وسخت ثوبك ..
سند يبتسم / حلالك ياقلبي .. يالله بسرعة البسي ﻻ نتاخر ..
رنيم عدلت مكياجها .. جات بتلبس العقد بس ماقدرت .. حست بيدين دافئة على رقابتها ...
سند بهمس / اسمحيلي .. " لبسها العقد .. وبأنها على عنها بهدوء .." ما احلا من العقد الا لابسه ..
رنيم ارتجفت من لمسه وهمسه .. ابتعدت عنه / ..........
سند ابتسم وبعد عنها يلبس شماغه ... وهم طالعين من الجناح ..
سند بهدوء / تصدقين ان رقم جوالك مو معاي .. اعطيني اياه ..
رنيم وهي تلبس الشيلة / ما عندي جوال .. والاي باد حق ريهام انا ماخذته منها .. عمك كسر كل اجهزتي ..
سند سكت .. وبهدوء / خلينا نمشي ..


ــــــــــــ


بالقاعة ... "ملاحظة .. العزيمة مختصرة .. لنساء فقط .." ..

أم سند بتوتر / وكيف اخذ الأثر الحين ..
ام عبدالعزيز وام مطلق اللي جالسين جنب ام سطام وام عزام ..
ام مطلق / الله يا حافظ .. يا مكثر اللي يبلعونه اخذي من كل شي مشروب واجمعية سوا ..
ام سند بتوتر / والله ركبي تصافق احس كني باختبار والكل يطالعني ..
ام عبدالعزيز / اقلك سمي بالرحمن وسوي شغل بنتك .. يالله يا بنتي ..
ام مطلق / اقول سجلتن اسماء اللي ما حضروا ..
الهنوف / ايه انا اسجلهم ..
ام مطلق / وين الدفتر ما اشوف شي بيدك ..
الهنوف ببرائة / لا بقلبي ..
ام عبد العزيز بسخرية / بقلبك .. و ابو عناد وينه عنك .. نادي وحدة من البنات تكتب الاسماء ..
ام مطلق تضحك / هههه يا مزنه بنات اختك كلهم رقيقات طالعين لها ..
مزنه / من طيب اصلهم مالهم بالحقادة ..
ام مطلق / ييييييييييييييييه يا مزنه انت ما ينمزح معك ..


العنود واقفه بفستانها الاحمر .. كت .. بقصه دائرية .. زادها فتنه .. بمكياجها الاسود وروجها الاحمر ..
وتسريحة شعرها التكسير .. رنيم من وراها تصفر .. / هوووهووو شريك شكلك بتضربين بتال الضربة القاضية ..
العنود تلتفت وبابتسامه / الناس تسلم بالاول .. " وبعد السلام والسؤال عن الاحوال .. جلسوا جنب بعض ..
على طاولة قريب من باب المدخل لصالة الحفل .. " .. العنود / ايشلونك ..
رنيم / مثل ما انا ما تغيرت ..
العنود / بالعكس قبل شكلك يكسر الخاطر .. لكن الحين ما شاء الله عليك .. تجننين ..
رنيم / ما اقصد شكلين .. اقصد نفسياً ..
العنود / في هذا يختلف الجواب ..
رنيم / ههههههه كيف الوضع عند ..
العنود / متقلب .. مره غائم ومرة جاف ومره حار ..
رنيم / لا زين .. انا حار مغبر دائما .. اختنقنا ..
العنود / ليه .. برغم اللي اعرفه ان سند هو اعقل واحد ..
رنيم بصد / ابرد واحد قصدك .. ثلج كل شي عنده ياخذه ببرود ..
العنود ترفع حاجب / وضحي ..
رنيم تنهد / عندك سالفتي مع امي انا محروقة وميته ابي اعرف ليه زعلانه عليه .. وهو عادي ..
كل يوم يردد مواله انا اوعدك احلها " وهي تقلد صوته " .. ياختي مفكر نفسه سوبر مان ..
العنود تتنهد / احمدي ربك يا رنيم على اللي انتي فيه .. والله اذا حس بوجعي وسألني ووعدني بالمساعدة ..
احمله اكبر جميل بقلبي .. يكفي انه حس فيني .. غيرك يشرح ويقول ويترجى وبدل مايساعدك يزيد همك ..
رنيم / انا مقهورة .. متاكدة اني ما غلطت ويعاقبوني على شي يقولون متاكدين انك سويتيه ولا يقولون ..
اشلون تاكدوا والا ايش اللي سويته .. وهو نافخ صدره الوقت اللي تبين نحلها .. اووووف منه ..
العنود / رنيم انتي شايفه الوضع اللي هم فيه .. شايل هم اخته .. وشايل همك .. يعني ارحميه ..
رنيم بوجع / صدق غرام تكسر خاطري بس .. هذي امي جفاها يعني تعاستي بالدنيا والاخرة .. يوجع يالعنود ..
العنود بالم / صادقة .. يوجع ان كان قصد ولا بدون ..


ـــــــــــ


ام سند توقف .. تمشي خطوتين وبعدين ترجع تجلس .. وبتوتر / ويش اسوي ..
ام عبد العزيز وام مطلق / لا حول ولا قوة الا بالله ..
ام مطلق / لو لي حيل وتشيلني عظامي كان قمت ..
ام عزام / وانا اكثر المعازيم ما اعرفها وافتشل اجي المهم منهم ..
ام سطام / يابنتي روحي سوي شغلك هذي بنيتك ..
ام سند / يمه ودي بس ما اعرف .. قولوا لي ويش اسوي ..
ام عبدالعزيز / اقولك نادي العنود بنت الظبي ..
ام سند بنظرة استحقار / وهذي ايش بتسوي ..
ام عبدالعزيز بحزم / نادية وشوفي ويش تسوي .. " شافت اماني تمشي " .. يابنت يا بنت ..
اماني / نعم يا جدتي ..
ام عبدالعزيز / روحي نادي العنود بنت سطام .. بسرعة ..
اماني ما تصدق / بسرعة .. " وراحت تنادي العنود " ..
دقايق والعنود واقفه عندهم وبخوف / هلا .. فيه شي خالتي ..
ام عبدالعزيز / سالمتك يارح خالتك .. تعالي جنبي ..
ام مطلق / لا والله الا تجي جنبي ..
ام عبدالعزيز / بينا بس تعالي ..
العنود جلست جنبهم / خير ..
ام عبدالعزيز / نبي نجمع اثر الحريم لغرام .. وانا وخالتك ترفه ما فينا حيل نقوم وجدتك موضي وعمتك رقيقات ..
العنود ابتسمت / والمطلوب يام عبدالعزيز ..
ام عبدالعزيز تبتسم / يا فديت هالزين يا ذكر الله عليه .. ابيك تجمعين اثر الحين بدون لا يحسون واجيبيه لعمتك ..
العنود التفتت للحضور وبعد ثواني .. / ابشري .. " ووقفت وراحت لمطبخ الصالة .." ..
وبعد النصف ساعة .. العنود / عمتي انا جمعت الاثر وحفظته لك بالغرفة.. لا انتهى الحفل اعطيتك اياه ..
ام عبدلعزيز / جعل ربي يجعلة بميزان حسناتك ويفك علة امك وابيك قادر ياكريم ويفرجها عليك مثل ما فرجتيها علينا ..
الكل / امين ..
الجوهرة تطالع العنود من فوق لتحت وهي قرفانه منها ... " وبداخلها ... ييييع يالمقرفة .. " ..


ــــــــــــ


عند قسم الرجال ..
ما كان احد موجود .. الا عائلة الفارس .. وابو مطلق وابو عبد العزيز ومتعب ..
سند جلس جنب عمه راشد وبنبرة / وشلون ابو صقر ..
ابو صقر / بخير .. انت ايشلونك ..
سند / ماني بخير .. ضايق صدري ..
ابو صقر بتكشيرة / ادري بسبب بنت مياسة الله ياخذها ويفكنا منها ..
سند بحدة / ابو صقر .. مياسة وبناتها يرفعون الراس .. وانا ونت نعرف بذا الشي ..
ابو صقر صد عنه .. وبضيق / ويش تبي الحين يا سند ..
سند / ليش سويت اللي سويته ..
ابو صقر / احسن لك ما تعرف .. حتى ليضيق صدرك اكثر ..
سند / انت قول ومالك دخل بصدري ..
ابو صقر بتردد / ...................





انتهى .. اتمنى يعجبكم وعذا على القصور .. اختكم / مشاعل السعودية ..

تسلم يدك مشاعل تصدقين راجعه من الدوام وانا بالسياره احكي مع نفسي لو ارجع واحصل مشاعل منزله بارت ومن فتحت المتصفح ماتتخيلي فرحتي وابتسامتي الي شاقه الوجه