بسم الله الرحمن الرحيم

السلام عليكم ورحمة الله وبركاته

الحمد لله والصلاة والسلام على رسول الله

توكلنا على الله .. لا اله الا الله محمد رسول الله ..


البارت 14


يبكي الصوت و النظرات تشكي
و المعاني ولو صاحت حبيسه
يصمت الليل و التنهيد يحكي
و المعاليق في قلبي يبيسه
يا حبيبه سألت الليل انا عنك
و كل نجم فقد مثلي أنيسه
هل دمعي و قام الليل يبكي
و القمر نشّ من فرقى جليسه
ويل من شالته موجة بحرك
ليتني ما نزلت الشط أقيسه
لو لمستي البحير بأطراف يدك
من حلالك غدا طعمه مريسه
للهوى حس اذا لامس زهرك
ينعش القلب اذا جاني حسيسه


" خالد الفيصل " ..



عند غرام ...

شجون / ما قدمت على الجامعه .. ما ابي اروح .. سمر قدمت بالرياض .. كانت ماتبي تكمل بس غصبها خالي سلطان ..
غرام على الاي باد / ليه انت لا ..
شجون / لاني ما لي خلق .. انتي مو موجوده .. سمر مو موجودة .. حتى خزامى تقول ماتبي ..
غرام / تحبيني ..
شجون تبتسم / لها الدرجة اشبه عناد هههههههههههه ..
غرام بنظره .. >> وفيس يضرب ..
شجون / هههههههه اكيد احبك والا ما تركت الرجه اللي هناك وجيتك .. ليش هالسؤال ..
غرام انجرحت من كلمة شجون بس هي عارفة انه بدون قصد / كملي ..
شجون / ما فهمت ..
غرام / كملي جامعه ..
شجون سكتت / ماللي خاطر فيها صدقيني ..
غرام / على شاني ..
شجون / طيب .. اذا لقيت مكان لي .. واتوقع التسجيل خلص خلاص راحت عليها خليها السنه الجاية ونقدم سوا ..
غرام / خلي موضوع التسجيل عليها ..
شجون تبتسم / معناتها انزل السوق واجهز للجامعه ..
غرام << فيس مبتسم ..
سمعوا صوت طق الباب .. وبعدها سند / غرام عندك احد ..
شجون بضحكة / الله وناسة العريس .. اكيد بيقول لك عن رنيم .. الله يخليك غرام ابي اسمع ايش يقول ..
لبست شجون العباية والغطاء وراحت تفتح الباب ../ مبروك يالعريس ..
سند بابتسامه / يبارك فيك وعقبالك وعقبال ما نبارك لك بزواج اخوانك ..
شجون / خلك من الكلام الفاضي واعطينا الاهم ..
سند يطالع بغرام مستغرب .. غرام شافت وجهه وضحكت / هههااااااااااااااااااااههههههههههههااااااااااااااااااا ...
سند بابتسامه / شجون عناد ينتظرك برا ..
شجون / لا تقول اوووووووووف .. يالله راحت عليه بكراه اخذ الاخبار منك .. مع السلامه ..
سند يضحك / هههههههه مع السلامة .. " ولغرام " .. هذي متى تكبر .. << يقصد شجون ..
غرام على الاي باد .. / شفت رنيم ايش صار ..
سند يجلس / ويش تبين اقولك يعني .. كلام خاص بيني وبين زوجتي تبيني اقوله لكم ..
امااا قلة الادب .. عيب عيييب هذا خصوصيات ..
غرام بنظرة .. سند بضحكة / طيب طيب اقول لك .. سولفت شوي عن حالتها الصحية ..
وانه اول ماراح تطيب راح اجيبها البيت لاني رجال غيور وسالت عنك وطمنتها وبس ذا اللي صار ..
هي تعبانه ما حبيت اكثر معاها كلام وتتعب اكثر .. كذا تمام والا تبين كل كلمه وكل حركة ..
غرام تبتسم / تمام .. ابي اقول عن شجون ..
سند يهز راسه .. غرام تكمل / جامعه ..
سند / قدمت على الجامعة ..
غرام / لا ... علشان انا ..
سند / شجون ما قدمت على الجامعة علشانك ..
غرام تهز راسها بنعم ..
سند / طيب وايش تبين انتي ..
غرام / قدم لشجون ..
سند ياشر على عيونه / من عيوني اللي تبينه .. بس هي تبي تكمل ..
غرام / انا قلت لها ..
سند ../ خلاص فهمت حبيبتي .. يالله خذي علاجك ونامي الوقت تأخر ..



ـــــــــــ



يوم جديد ..
رجع بتال لرياض .. ومثل ما قال لـ العنود بغرفة وهو بغرفة ..
اول مدخلت العنود البيت كان واضح انه مو منظيف الغبار متكوم والاثاث مو مرتب .. شقة عزوب ..
بتال / انا رايح لشغل مو مطول .. شوفي ايش اللي ناقص في البيت واكتبيه بورقة وانا بعدين راح اجيبها ..
العنود بهدوء / ان شاء الله ..
دخلت غرفتها وطلعت لها لبس مريح لشغل .. طلعت بيجامة مريحه ورفعت شعرها كله لفوق ..
دخلت الحمام تدور ادوات تنظيف لقت بعض الاغراض راحت للمطبخ لقيت بعض الاغراض مو مرتبه بمكان واحد ..
بدات بغرفة بتال وبعدها بغرفتها والمجلس والمقلط ونظفت الحمامات وبعدها المطبخ .. وقفت في وسط الصالة ..
العنود / انته المشكله الكبيرة .. الاثاث يبله ترتيب .. يالله بسم الله ..
وسحبت الكنبات والاريكه وبدله الاماكن والتحف ومسحت الارضية ومسحت المدخل ..
العنود وهي تمسح جبينها ../ بقيت الريحة الحلوة ..
راحت للمطبخ تدور فحم .. ودورت مبخره وما لقت ..
العنود تنهدت / ويش اسوي الحين .. " وبعد تفكير " .. هديت ام عبدالعزيز ..
رجعت للمطبخ اخذت قطعت الفحم ولعته .. راحت لشنطتها وطلعت هدية ام عبدالعزيز ..
كانت صندوق وفيه مبخره وبخور ودهن عود ومصحف .. طلعت المبخره والبخور وبخرت البيت ..
العنود / الحين وقت نظافتي انا .. " راح للحمام واخذت لها دوش يريح اعصابها بعد الحرب اللي سوتها " ..
طلعت من الحمام " اكرمكم الله " ولبست .. طلعت لصاله و شافت الساعة 2:00 / اوووف جوعانه والبيت مافيه اكل ..
ما انتبهت للمحفظة والمفتاح على الطاولة .. من وراها / خسى الجوع ..
العنود نقزت / بسم الله .. " وهي حاطه يدها على قلبها " ..
بتال بابتسامه / خوووافه ..
العنود / الله يجيرنا من ساعة الغفله ..
بتال رفع حاجب / الغداء بالمطبخ حطيه وخلينا نتغداء قبل لا يبرد ..
العنود راحت للمطبخ وحطت الغداء على الطاوله .. طلعت لصاله وبهدوء / جهزت الغداء ..
بتال وهو يتوجه لها / هالمره راح اسمح لك تتغدين معي المره الجايه تتغدين بعدي ..
العنود انجرحت كرامتها تركته وتوجهة لغرفة نومها بس ماكملت لن بتال مسك يدها ..
بتال / وين رايحه ..
العنود / كثر الله خيرك مالي نفس بالاكل ..
بتال / يعني مو جوعانه ..
العنود تفلت يدها / لا .. " تركته ودخلت غرفتها كانت تبي تقفل الباب بس تفأجات بان الباب بدون مفتاح "..
العنود بداخلها " انا متاكده ان فيه مفتاح وين راح "..
بتال كان وده يدخل وراها ويقول لها ترجع تتغداء معاه بس مايبي يبين محنيته .. يبي يروضها ..
راح المطبخ وجلس على الطاولة وهو يطالع بالصالة .. المطبخ مكشوف على البيت ..
بتال بداخله " والله تعبت .. بس احسن خلها تستاهل .. لمن تحس بالجوع تجي تاكل " ..
العنود بغرفتها وبضيق / بطني جوعانه .. التفتت يمين ويسار شافت جك الماي ..
رحت للجك وبقيت تشرب الماي الا ان خلص .. العنود وهي تحاول انها ما تستفرغ ..
العنود / ها سكت بطني .. " ثواني وراحت تجري للحمام ورجعت كل اللي ببطنها اكرمكم الله " ..
بتال تغداء وخلص غداء وقام وراح لغرفته ..
العنود رجعت دايخة ورمت نفسها على السرير تقلبت يمين يسار ما جاها نوم ..
قامت وراحت للمطبخ لمت الاكل ورمته .. شهيتها انعدمت للاكل ..
بتال اللي مالقى ماي بغرفته طلع وشاف حركتها .. / ما امداك تاكلين ..
العنود ببرود / شبعانه ..
بتال بسخرية / ويش اكلتي بغرفتك .." وهو يتوجه لثلاجة " .. مندي والا مثلوثه ..
العنود تركته وراحت لغرفتها .. بتال التفت للخلف وما شافها وجن جنونه ..
قفل الثلاجة بقوة وراح لها .. العنود نايمه على السرير .. دخل بتال وفزت لمن شافته ..
بتال بعصبية / لمن اكلمك توقفين اللين ما اخلص مو تقفين وتتركيني ..
العنود تطالعه / .......
بتال عصب اكثر / ردي اكلمك ..
العنود / ........
بتال يمسك يدها بقوة ويسحبها لجهته .. / انتي تبين من يربيك ..
العنود بحدة / ابوي رباني على قوة الباس ركز شموخه في ثنايا طبوعي ..
" نفضت يده " .. ما احتاج تربيتك ولا فضلك عليه .. " وتركته ودخلت الحمام " ..


ـــــــــ


بالخبر ..

راكان / امر جدي طلبتني ..
ابو سطام / مايامر عليك عدو .. ابي اوصيك على ابوك .. والزعل واللي راح خلاص ماله داعي الحين ..
ابوك محتاجك والله الله فيه واذا احتجت شي كلم عمك سلطان وهو يساعدك ..
راكان يقبل راس جده / لا توصي حريص يبه .. ادعي لي ..
ابو سطام / الله يوفقكم .. فمان الله واول ما توصلون اتصل طمني ولا تسرع ..
راكان وهو عند الباب / ان شاء الله يبه ..
سمر واقفه عند باب بيت ابوها ..م خلاص يمه والله فهمت ..
الجوهرة / كل يوم تتصلين علية وتجيبين اخبارهم .. هي خبيثة و يا قلب امه بتال قلبه ابيض ..
سمر / يممممممه تاخرت الحين راكان يعصب ..
الجوهرة بحدة / وخير ياطير يعصب يضرب راسه باقرب جدار ..
سمر / يمه مع السلامه .. بااااااااااي " وهي تهرب من امها " ..
سمر بداخلها " على قولتك يا غرام لو اتبعت اللي تقوله امي بتصير حياتي مسلسل خليجي " ..
راكان بالسيارة / تاخرتي ..
سمر بتنهيدة / امي الله يهديها انتبهي لنفسك وكلي زين وووو ... عارف التوصيات ..
راكان بابتسامه وهو يحرك السيارة وزراد وراءه / الله يخليها لكم بنتها الوحيدة وتخاف عليك ..
سمر تنزل الشيلة على عيونها وبداخلها " لو تدري ويش توصياتها .. بس بتال وغرام قالوا لي كلام خلاني افتح عيوني ".

بسيارة زياد ..
ساره / امي شكلها بتنام ..
زياد / تبيني اخفف السرعه ..
ساره م لا مو كذا بس العنود كانت تحط على زجاج الشباك غطاء علشان الشمس ما تزعجها ..
زياد اشر لراكان ووقف على جنب ..
راكان يوقف .. وينزل له ..
راكان / ويش فيه ..
زياد / امي نامت وساره تقول العنود كانت تحط غطاء علشان الشمس ما تزعجها ..
راكان / لحظة .. " جاب سجادة من عند سيارته وحطها زجاج الي بجهة امه و جهة ساره " ..
راكان من المقدمة ../ ها ساره كذا تمام ..
ساره / ايه .. وانا بعد ابي انام ..
راكان التفت لابوة وشافه يطالع يمين ويسار ويلعب بالسبحه ..تنهد ../ يالله زياد خلنا نمشي ..
زياد / نايف ما يرد عليك ..
ركان / لا .. " وطلع سيارته " ..
سمر / ويش فيه ..
راكان بضيق / امي وابي ..
سمر شافت الضيق اللي بوجهه بالعد الكلام اللي سمعته وكيف حالتهم ماراح تضغط عليه وتصير حمل ثاني عليه ..
هذا اللي طلبه منها بتال .. بعد ما قالت له عن طلب امها وزعلاها من زواجه بالعنود ..



ــــــــــ


بالرياض ..
العصر ..
بتال طلب من العنود تسوي قهوة ..
بتال وهو يطالع التلفزيون بس عيونها تروح للعنود اللي لبسه تايور اسود وبلوزه كحليها .. رافعة شعرها كله فوق ..
وبعض الخصل متمردة ونازله على وجهها .. واضح من حركتها زعلانه .. او مقهوره ..
العنود بداخلها " ياربي انا ويش جاني .. ماني قادرة افكر ولا اسيطر على نفسي .. اووووووووووف ..
اهدي العنود اهدي .. حتى تقدرين تسيطرين على الميدان .. " .. " وقفت ثواني واخذت نفس .. وكملت شغلها " ..
بتال يراقب حركاتها وبخبث " مهرة اصيلة .. بس ما تروضت .. " وزادت ابتسامتها " .. وانا عشقي ترويض المهور "
انتهت من القهوة وحطت معاها تمر ورتبتهم .. ونزلته قبال بتال على الطاولة وما رفعت نظرها له ..
بتال بهدوء / العنود ..
وقفت وبدون ولا كلمه ولا نظره .. بداخلها .." ويش عنده بعد " ..
بتال بهدوء / ما ودك تتطمنين على اختك وامك ..
العنود التفتت له وبسرعه / فيهم شي .. راكان قالك شي ..
بتال / على الهون .. راكان ما كلمني بس قلت يمكن خاطرك تكلمينهم بس مستحيه ..
العنود تاخذ نفس / اذا ما يزعجك هالشي ..
بتال بابتسامه / لا ابد تفضلي .. " ومد لها جهاز سوني اريكسون " ..
العنود مدت يدها بتاخذها بس انسحبت بقوة وطاحت بحضن بتال ..
بتال بخبث / مافي شي ببلاش .. " وياشر على خده .. وياشر على الجوال " ..
العنود تصلبت ما عرفت ويش تسوي .. خوفها على امها وابوها وايش سوت اختها بغيابها ..
مخليها بين نار انها تطاوع بتال وتكلمهم او انها تعز نفسه وتصد عنه ..
قامت من حضنه بسرعة .. وبحدة / ياولد عمي .. ابوي رباني على عزة النفس وكرمها ان كان ودك تذلني ..
فنجوم الثريا اقرب لك .. " وتركتها ودخلت غرفتها " ..
بتال تفاجاء من ردها وبعدها ابتسم ابتسامه واسعه .. وصب له فنجان قهوة وبقي يتقهوة ..
وكل مره تتسع ابتسامته .. الا ان اصبحت ضحكه عاليه ... وبهمس / مهرة اصيلة .. صدق جدي ..
بس بسرعة تلاشت ابتسامته .. ورجعت له صورة البنت اللي بالحديقة وصوتها .. كلماتها .. ضحكتها ..
وضع يده على جبينه وضغط عليه .. وبهمس / فيه شي مو مفهوم .. لا تتسرع يابتال .. لا تامن لها وتغدرك ..


ــــــــ


بالخبر ..
طلع سعود من البيت متوجه لصالة الرياضية .. شاف نوال نزاله من السيارة وعلى يدها البالطو ابيض ..
سعود بهمس / حضرت الدكتورة نوال .. الحين جايه ومع السواق ..
نوال انتبهت لشخص وقف ويراقبها .. وبهمس / سعودوة المعقد الحمد لله والشكر ويش فيه يطالع فيني كذا ..
طنشت وقوفه واتجهت للبيت .. قابلها سيف وبابتسامه / هلا بالدكتورة .. طافك غداء اليوم ..
نوال وهي على الدرج ../ ليه ويش متغدين ..
سيف بابتسامه / ابوي عزمنا على الغداء بالمطعم .. ولو شفتيها عاد لنا مسلسل ابو قلبين ..
نوال بصوت عالي / والله .. اخذتوها فرصه هااااا طيييييييييييب ..
سيف / هههههههههه محد قالك اشتغلي وقفلي جوالك ..
نوال / طيب انا اخذ حق العزيمة من عيونكم كلكم .. " ودخلت البيت "..
سيف / ههههههه .. " انتبه لسعود " .. سلاااااااام ..
سعود بابتسامه مغصوبه / وعليكم السلام .. " وطنشه وراح لصالة الرياضية " ..


ـــــــــ


بيت ابو عناد ..
عناد نازل من غرفته بلبس رياضي ..
عناد / سلام ..
ابرار ماسكة الجالكسي وعلى الواتس اب بهدوء / وعليكم السلام ..
عناد شافها مركزة على الشاشة سحب منها الجهاز بسرعة .. وبحزم / ويش تسوين .. " وبدا يقلب بالجهاز " ..
ابرار عصبت .. ما يسالها عن حالها ولا يطالع فيها واول ما شافها يسوي هالحركة الجارحة ..
اخذت الجهاز منه بالقوة مثل حركته ورمتها بالأرض بقوة حتى اصبح قطعتين ..
ابرار بصراخ والعبرة خانقتها / ارتاااااااح هذا انا كسرته .. " وطلعت لغرفتها وهي تجري " ..
الهنوف اللي كانت واقفه عند مدخل المطبخ .. / عناد ويش سويت انت ..
عناد رافع حاجب / ويش سويت .. كانت ابي اشوف في ايش مركزة ومو منتبه للي حولها ..
الهنوف / لا وهذا طريقة تشوف فيها اللي تشوفه .. وهذا انت زعلتها بدال ما تكون اخ لها يمسح الحزن عنها ..
ويشيل الهم عنها .. ويحسسها بقيمتها .. تقوم انت تجرحها .. انت متى اخر مره سالتها عن حالها ..
عناد باستغراب / يمه ويش داعي للي تقولينه .. انا وهي كل يوم متقابلين بالبيت .. ليه اسألها ..
الهنوف / ليه تسالها .. يمه اختكم مالها احد بهالدنيا غيركم ان ما كنتوا سند وعون لها من يكون ..
عناد / الله يطول بعمرك ويش له داعي هالكلام ..
الهنوف / من اللي اشوفه قبل بدر شوي يهتم بابرار لكن الحين ابد ولا احد يمر عليها لو تغيب يوم كامل ما سالتوا عنها ..
يمه اختكم كبرت واللي بعمرها تزوجوا .. هذي ريما ورنيم انشغلوا بعرسهم ومرام بزوجها والحين الولد بالطريق ..
ونوال بشغلها .. من بقاء لها ما بقى الا الصغار لاتضغطون عليها وانا امك كون حنون عليها ..
عناد بعصبية / يعني ابرار تبي الزواج .. هذا والله اللي يبيلها كف يعدلها ..
الهنوف بحدة / ولد انا ماقلت هالكلام علشان تقول لي كف وما كف .. وبعدين كل بنت بسن اختك اكيد تبي الزواج ..
اجل تقعد ببيت اهلها عانس .. عجيب والله ..
عناد مو عاجبه الكلام / لا يمه بسمو كذا .. يعني ..
الهنوف تقاطعه / قوم قوم من وجهي بس رفعت ضغطي انت ذا الايام ما ادري ويش صابك ..
عناد يقوم ويقبل جبينها / اعذريني يمه بس ضغط الشغل .. " يتنهد " .. طيب وين شجون ..
الهنوف / شجون ارحت لجدها تقول من زمان ما قعدت معاه ..


ــــــــ


عند ابو سطام بالجلسة امام البيت ..
شجون .. بجالكسي تاب .. تتصفح جريدة سبق الكترونية ..
شجون / ياجدي شوف يقولك ان الهيئة مسكت مجموعة من الاجانب من الجنسية الأفريقية والأسيوية ..
تشتغل بالسحر والشعوذة .. وتم القبض على معاونين لهم .. وتم فك بعض الاسحار والعقد ولله الحمد ..
ابوسطام / الله يحميهم الله يوفقهم اللي يبارك بيديهم ويسدد خطاهم الله يرد شر هالسحار لنحرهم ..
شجون / ياجدي اعوذ بالله كثروا بذا الزمن قبل رمضان مسكوا مجموعة وبرمضان مسكوا مجموعة والحين بعد ..
ابوسطام / هذا بسبب ضعف الايمان ياوليدي والبعد عن الرحمن ..
شجون / تصدق يبه فيه بعض الحريم يقولون انه سحر المحبه والسحر اللي بين الزوجين اللي يخلي الزوج يحب زوجته
واللي ماتضر حلال .. ويشلون حلال ربي قال السحر حرام .. بصراحة ما ادري ويشلون يفكرون ..
ابوسطام وهو يفكر في ولده سطام وزوجته وحالهم ..
" العنود / والله ياجدي ما خليت مكان .. من يوم شفتهم تغيروا .. نايف كان 15 سنه وجسمه نحيف ..
اخذت امي وابوي لشيخ ماهو بعيد عن بيتنا سمعت انه طيب .. ويوم وديتهم طلب مبلغ 10 الف وقطعه من ملابسهم ..
فالبداية كنت ابي اوافق كان مغشي على قلبي لكن سبحان الله باخر لحضة امي طلبت الحمام وطلعتها وطلع نايف ابوي ..
والاهي دقايق والشرطة طابه المحل وماسكة الرجال ومعاونيه وبفضل الله طلعنا بدون ماحد ينتبه لنا من رجال الشرطة ..
والشيخ الثاني .. قال علاج ابوي القراية وكان يقرا ويصارخ ويقول كلام ما افهمه ومسك ابوي وخنقة ..
الا ان بغى يمت بين يده صرخت على نايف ونقز عليه وضربه واخذت ابوي وهو يكح واخذ شهر والعلامات برقبته ..
والثالث قال لنا علاجه الكي ومسك ابوي واحده بنص راسه والثانية باسفل راسه ويوم جاء بيحط الثالثة شرد ابوي ..
والله كنت كل ما اشوف علامتها يجن جنوني والوم نفسي وشلون لو مات .. اللين ربي رزقنا بشيخ دلتنا عليه ام طارق ..
ورحت له والحمد لله تحسن .. لكن ما اخذ شهرين اللا يمرض وياخذونه عياله سفروة برا يعالجونه واخذت شهور ..
وانا الخوف على امي وابوي من هالدجالين مرعبني وخايفة لاروح لوحدا منهم يذبحهم .. اللين قبل فترة ..
رجعت ام طارق وقالت لنا عن شيخ وسال طارق واخذا لنه والحمد لله ابوي تحسن وامي بعد .. وطلب نراجعه ..
نايف هالايام متغير علية وراكان شايل بخاطر من يوم هذيك الحادثة .. لا يدخل البيت الا وهو واقف ويمشي ..
وما اجيب طاري امي وابي الا هج من البيت .. .." ..
شجون / يبببببببببببه وين رحت ..
ابو سطام / هاااا معك معك ..
شجون / اقول متى تصلح الملحق استراحة انت وعدت غرام .. والا يبه تراجعت ..
ابو سطام / أي ملحق واي استراحة ناسي وانا ابوك ..
شجون / يبه الملحق مو غرام طلبت منك نسوية استراحة هذاك الملحق يبه ..
ابو سطام وكانه تذكر / ايييييييه صدقتي خلاص من بكرة ادور لكم عمال ينظفون اللي فية وانتم سوا اللي تبغونه ..
وان شاء الله اول ما تقوم غرام على حيالها الا هو جاهز وتفرح فيه ... هااا زين كذا ..
شجون بابتسامة / زين الزين .. " سمعت صوت وراها ورجعت لثمتها " ..
غيث / السلام عليكم ..
الجد بنبرة مقصودة / وعليكم السلام .. شجون ادخلي داخل .. تعال يا غيث بغيتك بكلمه ..


ـــــــــــ



بالرياض ..
بيت ام طارق ..
متعب وطارق بالجلسة الحديقة ..
متعب بقهر / ما لقوا يزوجونها الا بتال ..
طارق بضيق / خلاص متعب لا تزيد عليه ..
متعب يوقف وبيده فنجان قهوة ../ الحين العنود تتزوج بذا الطريقة .. مشيرة يوم كلمتها تقول اتصل وماترد ..
طارق بسخرية / جدتي تقول ما حد يزين للعنود غير بتال ..
متعب / الصراحة بتال رجال بس انا ما احبه والعنود شي خاص ..
طارق / هههههه دائما انت وبتال تتحدون على من يكسب بالخيل .. والحين " تنهد " .. بتال فاز باحلا المهور ..
متعب رفع حاجب / هيييييه انت تـ ...
البندري والجوري معاهم شاهي وصحنين فطاير ..
البندري / الحين قولوا لي ايت صحن فطاير لذيذ ..
متعب بسرعة / انا صايم ..
طارق / وانا الدكتور منعني من اكل الخماير ..
البندري تاخذ احد الصحون .. وبتهديد / طارق انت اخوي الكبير صح .. بس لا تنسى انا اصغر وحدة بالبيت ..
وقراراتي لازم تتنفذ لاني الدلوعة .. فاذا ما سميت بالله واكلت ووقلت اني انا اللي طبخي احلى تعرف ايش اسوي ..
الجوري / لا والله الحين مانتي شايفتني واقفه يعني .. عمتك واكبر منك وبعد بتفوزين عليه وبتهديد والغش ..
متعب ياخذ الصحنين ../ اقول انتي واياها ادخلوا جوة بسرعة .. واحد من العيال الحين جاي لا يدخل وانتم واقفات ..
ووقتها تشوفون من اللي يطبخ احسن انتم والا انا .. بسرررررررررررررعة على البيت ..
الجوري و البندري بسرعة دخلوا للبيت ..
طارق بضحكة / هههههه حرام عليك .. مناقرتهم تعجبني ...
متعب بضيق / لمن يكون مزاجي رايق خلهم يتناقرون لكن الحين مالي خلق الهواء يمر من قدامي ..
طارق / الا صدق مالقيت الكاسر ..
متعب يتنهد / لا حتى صلاح دور ومالقى شي ..
طارق / تعتقد سفروة برا المملكة ..
متعب وهو يجلس على الكرسي / لا ما اتوقع لان لو طلع كان عرفت .. وبعد لاتنسى ان كل الاثباتات معي ..
طارق / وما سالت اصحاب الاسطبلات يمكن يعرفون ..
متعب / سالت ولا استفدت شي .. " وبعد صمت لدقائق "..
طارق رفع راسه جهة شباك العنود وشاف الإضاءة مفتوحة / شكلهم وصلوا ..
متعب يرفع راسة .. وبضيق / ما ادري سارة وشلون بتعيش وهي متعلقة با اختها ..
طارق / قلت للبندري تزورها يومين وبالمدرسة ما تخليها ابد ..
متعب وهو ياكل احد الفطاير / اممممم ويكون افضل .. والله الفطاير ماهي بشينه ذوق ..


ـــــــ


بالخبر..
بيت ابوسطام .. غرفة رنيم ..
رنيم / ااااااااااااوووووووووووووووف ما ابي اروح ما ابي ..
ريهام / اص رنيم وطي صوتك .. غيث موجود وجدي موجود والحين سند يجي وانتي صوت عالي بتفضحينا ..
رنيم / محد يهمني وقولي لسنيد ما ابي اروح ..
رنا / رنيم استحي على وجهك انتي مانتي شايفه الوضع اللي حنا فيه وكله بسببك ..
امي واللي صار لها وريما و الاحراجات اللي سببتيها له مع جدي ومع زوجها واهله ..
انتي ما تبين تفكينا من شرك .. اسمعي امي قالت اذا رنيم ما تبي تعتدل لتشوف شي ما يعجبها ..
رنيم بعصبية / قومي واضربيني احسن مابقى الا الصغار يتفلسفون علينا ..
رنا بعصبية / انا مو صغيره عمري 19 سنه بس عقلي اكبر من عقلك الاناني .. واللي تسوينه عندي امي ..
وتركتهم وطلعت متجهة لغرفة امها " ..
ريهام / رنيم ياقلبي لا تزعلين امي اكثر من كذا .. روحي موعدك وارضي امي ما اشتقتي تنامين بحضنها ..
رنيم سكتت .. دخلت روان ../ سند ينتظركي برا .. " وطلعت على طول " ..
ريهام تقرب من رنيم ومعاها العباية / يالله حبيبتي .. علشان امي مو علشان احد ثاني ..
رنيم لبست وهي مو راضية بس علشان امها مستعده تسوي أي شي ..


ــــــ


عند الجد ..
ابو سطام / اسمع ياغيث انا ما احب الروحات و الجايات اللي مالها داعي .. تقول تبي مرتك اقولك مافيها شي ..
بس سوي عرسك وخذها ولا احد يقدر يقولك شي ..
غيث بابتسامه / وانا جاي اليوم اقول لكم متى العرس .. ان الله شاء راح يكون بعيد الاضحى ..
ابوسطام / زين الزين .. خلاص اعتبر ان الخبر وصل ..
رعد بابتسامه / والحين اركب سيارتك وروح بتكم خلاص اللي تبي تقولك وصل ..
ابو سطام بنظرة / وانت روح شوف ويش ناقصك لان عرسك بليلة عرسه مره وحدة ..
غيث بابتسامة / انا استاذن باشوف العروس .. اذا ما يضايقك يبه ..
ابو سطام / البيت بيتك وانا ابوك بس لا تبطي اذان المغرب واطلع ..


ــــــــــــ


بيت ابو نايف ..
زهرة تنظف جناح العنود وسارة .. وتغني .. / الاماكن كلها مشتاقة لك .. مشتاااااقة لك ..
رن جوالها .. / نعم .. مين وصل ... اه طيب نازلة .. " وقفلت الخط "..
نزلت زهرة بعد ما قفلت باب الجناح واخذت المفتاح معاها .. ووضعته بصدرها ..
صبري بالصالة الطابق الاسفل / اسمعي اخر خبر ..
زهرة / ايش فيه ..
صبري / بنت العم ابو نايف خلود تزوجت ..
زهرة رمت السطل اللي معاها / انت تمزح .. ايش فيهم هالعايلة يزوجوا بناتهم بين يوم وليلة ..
صبري / احسن احسن .. البنت من حادث امها وطلقها زوجها الاول وهي تعبانه ..
زهرة / ليه هي متزوجة من قبل ..
صبري / ايوه بس مو زواج زواج يعني بس عقد قران ..
زهرة / ايووووه ذحين فهمت .. الا متى يوصلوا الجماعة ..
صبري / يمكن على العشاء ..
زهرة / اجل انا ابغى اسوي العشاء وانت تساعدني ..


ــــــــ


بالخبر ..
سيارة سند .. وهم راجعين من المستشفى ..
سند / عساك الحين احسن ..
رنيم / لا مو احسن لمن افتك منك راح اصير احسن ..
سند بابتسامه / اجل ابشرك ما فيه مني فكة ..
رنيم وهي صادة عنه / ههه هه ضحكتني وانا مالي نفس تصدق دمك مرة خفيف ..
سند يحاول يكتم ضحكته / ادري ماو شي جديد .. بس الجديد انك تغزلتي فيني يعني اسميه حب ..
رنيم طالعته وبحدة / انت هيييييييه تراك مصدق عمرك انك لك قيمه علشان اتغزل فيك ..
سند سكت .. رنيم تكمل ../ انت لو انك رجال ما كان تزوجت وحدة ما تبيك ما تطيقك تكرهك وقالتها بوجههك ..
بس اللي ماهو رجال ويش تسوين فيه .. ولا تفكر اني ساكته عن الزواجه هذي بتستمر ..
انا راح اروح للمحكمة وراح انشر قصتي بالجرايد وراح افضحكم يا عيال الفارس ..
واقول انكم مانتم رياجيل اشباه رجال .. كرررررررررررررههههههههكمممممممممممممممممم ..
سند وقف قدام بيتهم .. وبهدوء / انزلي وصلتي بيتك ياعروس ..
رنيم التفتت للمكان وشافته بيت عمها فهد / انت .. انت .. انت ليه وقفت هينا .. رجعني لعند امي ..
سند / وامك هي اللي قالت شيل زوجتك .. ما عاد ابي اشوفها ..
رنيم بعبرة / كذاب كذاااااااااااااااااااااااااب ..
سند على كثر ما ينجرح منها لكن عارف ان الجرح اللي بقلبها اكبر .. وبهدوء طلع جهازة الاي فون ..
سند / شوفي رسالتها ... " خذ زوجتك ولا ترجعها .. اعذرني ما عرفت اربيها .. " ..
رنيم شافت الرسالة وانهارت بكي .. كلمة ما عرفت اربيها قهرتها ..
سند سحب مفتاح سيارته والجوال والمحفظة وكيس الادوية .. ونزل من السيارة ..
توجه لجهة رنيم وفح باب السيارة .. وحملها بين يدينه ورنيم تنتحب ..
دخل من الباب الخلفي وطلع الدرج ودخلها جناحة .. ووضعها على سريرة .. وتركها تنتحب ..



ـــــــــــــ



بيت الجد ..
ريما / غيث انت تخوفني ..
غيث اللي مجلس ريما بحضنه .. بهمس / ليه تخافين من ياروح غيث ..
ريما وجهه احمر / طيب خليني اجلس على الكنبة اريح لي .. واقول لك ليش ..
غيث يضمها لصدرة / انا مرتاح كذا .. لا تحرميني من هذا الراحه .. " قبلها على جبينها وخدها " ..
ريما تبعده وتوقف وبحدة انثوية ناعمة / غيث لو سمحت .." وغصت بعبرتها " ..
غيث وقف / اسف حبيبتي .. لا تزعلين .. " وبهمس " ... احبك اعشقك اهوائك ..
ريما رفع عيونها لغيث وبتوتر / اذن المغرب اطلع خلاص ..
غيث يحاول ما يوضح ضحكته / طرده يعني ..
ريما / تستاهل لانك قليل ادب ..
غيث / ههههههههههه طيب ياريما هههههههههه انا قليل ادب يالله كلها شهرين وتكونين ببيتي وبحضني ..
" وبخبث " ووقتها اعلمك ايش قلة الادب ..
ريما شهقت وطلعت تجري برا المجلس ..
غيث يضحك عليها واخذ جواله ومحفظته والمفاتيح وطلع ..


ـــــــــ


بيت ام عزام ..
الجوهرة م الا ياعزام وشلون زوجتك تتعامل مع زوجات اللي يشتغلون معاك بالسفارة ..
عزام التفت لزوجته وبابتسامه / مثل ماتتعامل معاكم الحين ..
لطيفة بابتسامه وهدوء / لمن تكونين بغربة انتي محتاجة لناس يكونون قريبين منك ..
ومرتاحة معاهم .. ويحبونك بصدق حتى تبعدين شعور الغربة عنك ..
ام عزام بابتسامة / الله يبعد عنكم عيال الحرام وبنات الحرام يمه ويرزقك على قد نيتك ..
لطيفة بابتسامه / امين ...
هيفاء / رفيف وليف .. تدرسون عربي والا لا ..
رفيف عمره 12 سنه / اكيد وماما وجارتنا خاله فدوى يدرسون قران مع مجموعة بنات بنفس العمارة ..
وليف 10 سنين / انا حافظة 4 اجزاء .. ان شاء الله احفظ القران كامل .. بس اطيب اصير احفظ اكثر ..
هيفاء / حياتي .. " التفتت لعزام " .. كيف صدرها الحين ..
عزام / لا الحمد لله متحسنه كثير ونوبات الحساسية خفت عنها الحمد لله ..
ام عزام / والله قبل كنت خايفة يوم يجون عندنا ما يعرفون يتكلمون عربي بس الحمدلله ..
لطيفة / انا ما ارضى يتكلمون بالبيت غير العربية ..
الجوهرة / ما شاء الله عليك ..
هيفاء بهمس / شفتي تدور مصلحة بناتها قبل .. مو مثلك بعد ما كبروا عيالك بتسوين العيب ..
الجوهرة / انا ويش سويت كل اللي ابية اسافر اعيش حياتي اللي انحرمت منها ..
هيفاء / والله ان نهاية هالي تسوينه بتكون شينه ..
الجوهرة بسخرية / خلك بحالك احسن لك .. بكرة تروحين لرعد وتحسين باللي احسة ..
هيفاء / ابعدي عني وانا راح اكون بخير ..
الجوهرة طالعتها بنظرة وصدت / الا ياعزام متى بترجع بريطانيا ..
عزام / بعد يومين .. وان شاء الله هالسنه ناوي احج انا ولطيفة .. يعني الحج بتشوفونا مرة ثانية ..
ام عزام بابتسامة / العين اوسع لكم من المكان ...



ـــــــــــ



بيت ابو نايف ..
راكان / الحمد لله على السلامة ..
ساره واقفة عند الباب .. وتطالع البيت ..
راكان يضمها / ليش سارونه واقفه ومادخلت ..
ساره بعبرة / اول مره راح انام في البيت لحالي ..
راكان / من قال لحالك .. امي وابوي وزياد وخلود وجدي موجودين ..
ساره تبكي / العنود ونايف مو موجودين هئئئئئئئئئئئئ اللي قلت عليهم كلهم راح يتركوني ويروحون هئئئئئئئ ..
راكان يضمها / سارونه الدلوعه ويش يرضيها ننام عندها الليلة ..
سارة تبعد عنه / قول والله ..
راكان بابتسامه / اذا رضت سمر ننام ..
ساره بزعل / هه اجل ما بترضى ..
راكان ينادي سمر / سمر " وياشر بيده " .. " نزلت سمر من السيارة " ..
سمر بهدوء / نعم ..
راكان / ويش رايك ننام الليلة عند ساره ..
سمر بابتسامه / اذا لنا مكان ننام ليش لا ..
ساره فرحت وضمت سمر / لكم مكان حياكم ..
سمر وساره دخلوا البيت وقابلتهم زهرة / اهلا وسهلا .. " وقبلت ساره " ..
ساره / سمر هذي زهرة زوجة صبري .. زهرة هذي سمر زوجة راكان راح تنام عندي الليلة ..
زهرة / يامرحبا البيت بيتها .. تفضلوا .. ساره وين العمة ان راكان ..
ساره / الحين ينزلها راكان ..
نزل راكان امه وابوه بمساعدة زياد وطلعوهم فوق ..
راكان مر على جده ولقاة متوضي بيروح يصلي العشاء ..
ابو نايف بابتسامه / راكان انت هنيا ..
راكان / ايه ياجدي .. تونا وصلنا .. رايح تصلي ..
ابو نايف / الله الله تصلي معي والا صليت ..
راكان / لا ما صليت انتظرني بس اتوضاء ..


بعد الصلاة ..
ابو نايف .. / ابشرك ترا خالتك خلود تزوجت .. اخذها اخو مسعود زوج وضحى .. الارمل ..
راكان / ما شاء الله .. الله يوفقها ..
متعب وطارق قابلوهم عند الباب ../ السلام عليكم ..
ابو نايف وراكان / وعليكم السلام ..
متعب / مبروك على زواج العنود ..
راكان / يبارك فيك ..
طارق / شكلك تعبان ..
راكان / أيه والله توني واصل والخط هد ظهري ..
متعب / انت توك واصل واحنا الحين ماشين .. يالله نشوفكم على خير مع السلامه ..
راكان / مع السلامه ..
وراح متعب وطارق .. ابو نايف ../ العنود تزوجت ..
راكان بنبرة / ايه اخذها بتال ولد عمي ..
ابو نايف / الحمد لله .. الله يوفقها ..
راكان / يعني ما زعلت ..
ابو نايف / لا .. يالله مشينا للبيت ..
راكان استغرب تصرف جده وكلامه وبهمس / اسمع كلامك اصدق اشوف امورك استغرب .. هالشايب عجيب غريب ..


ـــــــ



بيت بتال ..
العنود جالسة على السرير تفكر ...
بتال واقف عند الباب / في ايش تفكرين ..
العنود التفتت له / متى تتعلم ادب الدخول ..
بتال يمشي بهدوء ويجلس على السرير / اتوقع انا اللي اعلمك الادب مو انتي ..
العنود / ...........
بتال يطالع فيها ويدقق بملامحها اخجلت العنود صدت عنه وقامت من السرير ..
بتال بهدوء / العشاء على الطاولة بالمطبخ .. انا طالع .. الا كتبتي الاغراض اللي ناقصة البيت ..
العنود توجهة لتسريحة واخذت الورقة واعطتها بتال .. بتال مازال جالس على السرير ..
مسك يدها وسحبها على السرير ... السحبة مفاجاة خلت العنود تطيح كليا على السرير ..
بتال حاضن العنود ../ مسوي نفسك مضربة عن الطعام ..
العنود محمر وجهه / ................
بتال بخبث يقبل عنقها ../ قومي كلي .. ولا تخلين شي .. انتي امانه غالية عندي ..
العنود بسبب الجوع والضغط اللي عليها والصداع اللي براسها مو قادرة تقاول بتال ..
العنود بارتباك وهي مغمضة عيونها / ممكن تـ..بعـ..ـد عني ..
بتال انسحر بجمالها ..وبشامه اللي على خدها .. قبلها بقوة على عنقها ..
العنود بحدة / بعد عني .. " وابعدته بيدينها " ..
بتال يبتعد وبهدوء / مره ثانية ان عدتي هالتصرفات راح تكونين انتي الخسرانه .. تأدبي ما راح اضايقك ..
العنود راحت تجري على الحمام وقفلت الباب ..
بتال طلع برا واخذ المفاتيح والمحفظة وشماغة .. وطلع من البيت ..
العنود بالحمام >> اكرمكم الله << حاطه يدينها على راسها الصداع بيفجر راسها ..
جلست على ارضية الحمام وهي تحس بدوخة .. وبهمس / بيذبحني ...
ضلت على هالوضعية لدقائق وقامت .. غسلت وجهها وراح للمطبخ ..
وبعد ما اكلت الكل سوت لها قهورة وطلعت التمر وبقيت تتقهوة " راح اعيش حياتي وكانك مو موجود يابتال ..
واشوف ويش تسوي ماراح اخليك تشوفني الحين عرفت متى تطلع ومتى ترجع ونشوف ويش تسوي .."


ـــــــــ


بيت ابو نايف بعد العشاء ..
راكان / انا طالع عندي مشوار مهم .. انتي اقعدي مع سارة لا تخلينها ..
سمر / طيب ..
راكان يقبل جبينها / شكرا سمر ..
سمر بابتسامه / العفو حبيبي ما سويت شي ..
راكان / جد مو متضايقة ..
سمر / لا حياتي .. اذا ما كنت معاك بهالوقت متى اكون معاك ..
راكان يضمها / فديت حبيبتي الرايقة ..
سمر/ والله من زمان رايقة بس انت ما فهمتني ..
راكان / اسسسسسسسسسفه والله اسفه .. يالله تامرين على شي ..
سمر/ سلامتك ..
طلع راكان ودخلت سمر عند ساره اللي قاعدة تمشط شعرها .. ساره بابتسامه / خلصتوا المسلسل التركي ..
سمر / بنت عييييب ..
ساره برفعة حاجب / والله مسوية كبيرة .. اقول الفرق بيني وبينك 3 سنين بس ..
سمر / ولو كبيرة .." تثاوبت " يالله ننام انا حدي تعبانه ..
ساره / وانا بعد .. تعالي نامي جنبي .. " وتترك لها مساحة .. ونامت فيها سمر .."


ــــــــ


بيت ابو سند ..
سند / يمه ترا رنيم فوق بجناحي ..
فارس / انت بتقعد فوق على طول والا بتبني لك بيت ..
سند / الحين مشغول راسي بغرام ..
ام سند / يمه سند اطلع لزوجتك وشوف تعشت والا لا .. واخذت علاجها والا لا ..
سند / انا طالع لها اصلا .. " ووقف " ..
ابو سند / وانا ابوك غرام حنا نهتم فيها لكن زوجتك هي اللي محتاجه اهتمام ..
سند بابتسامه / لا تخاف عليه يبه .. راح اهتم بالثنتين ..
ابو سند / انا بغيت راحتك ..
سند / كذا ارتاح يبه اكثر .. عن اذنكم .. " وطلع لجناحة " ..
ام سند / ياسر وينه له كم يوم ماينشاف ابد ..
فارس / يمه لصق ببدر بكرة تشوفينه 24 ساعة قدامك ..
ابوسند / بكرة بدر راجع لطائف..
فارس / بضبط ..
ام سند / والله يامياسة متضايقة من صقر وغيبته ..
فارس / صقر هالايام يخوف 24 ساعة قاعد بالنادي .. وبس معصب ويصارخ ..
ابو سند / لاحول ولا قوة الا بالله .. وهالراشد راسة يابس ما ادري طالع لمن مو راضي يراضي زوجته ويرجعها ..
ام سند بنظرة / ماتدري طالع لمن .. خلني ساكته احسن ...
ابو سند اعطاها نظرة سكتتها ..
فارس يوقف / لا انا شكل مكاني هنا غلط .. مع السلامة ..
ابو سند وام سند / مع السلامة ..
ابوسند / انتي متى تبين تنظفين قلبك ..
ام سند توقف / لا رجعت طفولتي ولا تعلمت اذا رجعتها هذاك الوقت انسى وينضف قلبي .. " وتركته وطلعت لغرفتها "
ابو سند يوقف / لاحول ولا قوة الا بالله .. " وتوجه لغرفة بنته يتطمن عليها وشافها نايمة .. "



غرفة سند ..
دخل وشاف رنيم نايمة ..
سند بهمس / رنيم .. رنيم ..
اخذ كيس الادوية وشافها انها ما انفتحت ..
رفع التلفون واتصل على الخادمة .. تجهز له عشاء وتجيبه جناحة ..
رنيم فتحت عيونها وكانت حمراء ومنفوخة من البكي ..
سند / الحين بيجي العشاء لازم تتعشين وتاخذين علاجك .. حتى ما تتالمين ..
رنيم بصد / ما ابي شي واطلع برا ..
سند سمع طق الباب .. وراح اخذ العشاء من الخدامة ورجع لرنيم ..
سحب كرسي وجلس قريب من السرير ..
سند بهدوء / اسمعي رنيم .. الحين انا مشغول مع غرام .. ما اني فاضي لزواج وغيرة ..
هالفترة ما اطلع من البت ومحتاج صديق .. ايش رايك تكونين صديقي وانا صديقك ..
على ما اظن حتى انتي محتاجة هالايام لصديق .. والا انا غلطان ..
رنيم تصد عنه / ايه غلطان .. وانا ما ابي صداقتك ..
سند يقرب منها صحن الشوربة .. / تاكلين والا اكلك ..
رنيم اخذت الصحن وبدات تشرب وهي ساكته ..
سند / انا انام عند غرام .. لان بالليل تتعب ومحد يدري بهالشي غيري انا والشيخ ..
ضم يدينه على صدرة .. / تدرين ان اصعب شي مر عليه بحياتي وضع اختي ..
اصعب شي لمن تشوف اللي تحبه يتعذب قدامك وما تقدر تساعده ..
رنيم انسجمت معه وبدات تاكل وتسمع له .. وبداخلها " والله يحس مو بارد" ..
سند / اكيد ماتحسين باللي انا احسها " فتح لها كيس العلاج وطلع لها الحبة " سمي ..
رنيم اخذت الحبة لان الم ظهرة بدا يزيد .. / بسم الله .. شكرا ..
سند بابتسامه / فيها الشفاء .. " وقف " انا نازل لغرام اذا بغيتي شي .. بس دقي التحويلة وانا ارد عليك الرقم 30 ..
رنيم راقبته الا ان طلع من الجناح ../ فككككككككه .. احسن شي انه ما ينام هينا .. اوووه ..


ـــــــــ


يوم جديد ..

سعود خارج لشركة مستعجل اليوم تاخر اكيد راح يعاقبة ابوة على هالتاخير هالايام الجو متوتر بالشركة ..
نوال طالعة من البيت البالطو الابيض على يدها .. وماسكة جوالها جالكسي تاب وواضح انها ما انتبهت لسعود ..
ركبت السيارة مع السواق ومشيت السيارة ..
سعود ركب سيارته وتوجه لشركة وهو مو عارف ايش سبب تفكيرة الزايد بنوال هذي الايام ..


ـــــــــ


بتال جالس على الطاولة يفطر مره عينة على الاكل ومره على باب غرفة العنود ..
من كم يوم ما يشوفها الا لمحه سريعة .. وهو ما ودة يدخل عليها غرفتها ..
بعد ما خلص فطور .. اخذ ورقة وكتب عليها .. " راح اتاخر اليوم .. لا تنتظريني على الغداء " ..
بعد ما خرج بتال .. طلعت العنود ولملمت باقي الاكل .. ومسحت الطاولة لفت نظرها الورقة ..
العنود / احسن ريحتني .. " وبتنهيدة " .. الله يوفقك ..


ــــــــــ


راكان / يالله سمر استعجلي ..
سمر معاها شماغ / راح تتاخر مثل امس ..
راكان / يمكن .. اذا خلصت بدري راح امر على ساره .. تبين شي ..
سمر / سلامتك .. مع السلامه ..
سمر سمعت رن التلفون وردت وكانت امها / الو هلا يمه ..
الجوهرة / ويشلونك .. لك كم يوم ماتتصلين عليه قلت خليني انا اتصل ..
سمر تعضي شفتها السفلية .. / انشغلت يمه اسفه .. اشلونك يمه ..
الجوهرة / بخير .. قولي لي كيف راكان معاك ..
سمر / بخير يمه .. يسوي أي شي علشان يرضيني ..
الجوهرة / ايه زين اسمعي نهاية الاسبوع قبل دوامات المدارس زورينا ..
سمر / ما اقدر يمه راكان مشغول هالفترة اذا قدرت زرتكم ..
الجوهرة / الا اخوك ايش اخبارة ..
سمر باستغراب / من يمه ..؟
الجوهرة / من غيره بتال .. والغبراء مرته ..
سمر / ما ادري عنهم يمه لا زرتهم ولا سالت عنهم ..
الجوهرة بحدة / عد هذا اللي ناقص تزورينها لا تعطينها أي اهمية واخوك اذا ما سال عنك لا تسالين عنه ابد ..
هذي بدايتها خلته يقطعك والا قبل كل يوم عندك .. وانتي تقولين يمه ما تقدر على بتال .. هذي عقربه واخوك طيب ..
سمر تبعد السماعه عن اذنها / يمه بتال هالفترة مرحلة المشروع اللي يديرة صعبة ومهمه اكيد راح ينشغل عنا مـ ..
الجوهرة / شغلللللللله أي شغل هذا بتال عمرة ما اشغله شي عنك والحين ينشغل ما اقول الا الله يصبر قلبي عليكم ..
انتي وخالتك هالخبلة اللي كل ما اقول لها شي تقولي انتي مو صاحية .. " تنهدت " انا ابيكم تعيشون حياتكم صح وانتم ..
سمر تقاطعها / يمه يممممممممه الله يخليك لا تزعلين عليه بس صدق انتي هالايام مره متغيرة ..
حتى يوم كنت عندكم ابوي تعبان ومضغوط من الشغل وانتي ابد ما انتبهتي عليه يمـ ..
الجوهرة تقاطعة / اص اص هذا اللي ناقصني صغيرة ما فقصت من البيضة تبي تعلمني ويش اسوي ..
اقول انتي الكلام معاك ما ينفع .. مع السلامة .. " وقفلت الخط " ..
سمر ماسكه السماعة والدمعه بعينها .. رجعت السماعة لمكانها ..
" بتردد / بتال .. فيني اتكلم معاك شوي ..
بتال / تعالي من متى تستاذنين .. انتي باي وقت تجي وتتكلمين ..
سمر / بتال .. امي هالايام متغيرة .. وطلبت مني اشياء ما ادري .. احسه صعبه عليه ..
بتلا / ايش هي الاشياء ..
سمر / يعني .. كيف اتصرف مع راكان واطلب منه ينزلني كل اسبوع الخبر وغير السهر وغير ..
اشياء انا مو متعودة عليها ما ادري اتبع امي والا اتصرف مع راكان بطبيعتي ..
بتال / انتي مرتاحة مع راكان ؟ ..
سمر / بصراحة ..
بتال / اكيد ..
سمر / بعض الاحيان ما افهمه .. بدون ما اطلب القاه جايب اللي بخاطري ومرات اطلب يعصب علية ويقهرني ..
بتال / انتي تدرين ان راكان شركته معرضة للفلاس باي لحضة ..
واذا خسر راح تسبب مشاكل كبيرة له ولابوة ولجدة يمكن توصل لسجن ..
سمر / لا انا اول مره اعرف بهالشي ..
بتال بعد سكوت لدقايق / انتي تصرفي مع راكان باللي يريحكم انتم الاثنين .. لا تاخذين بكلام امي وتخسرين راكان ..
راكان يحبك وهو بحاجتك .." ..
...../ سمررررررررررررر ..
سمر انتبهت / هااا انت من متى هينا ..
راكان / توني رجعت ابي اخذ ملف نسيته فوق وانتي بوادي ثاني ..
سمر توقف / خلاص خليك انا انزله لك .. ايت ملف ..
راكان / الازرق اللي البارح معاي .. " وجلس على الكنبة " .. طلعت سمر لفوق تجيب الملف ..
" بتال / انت ليه ما قلت لسمر عن وضع شركتك ..
راكان / ما ابيها تتضايق ..
بتال / راكان اذا تبي حياتك تمشي صح مع سمر قول لها كل اللي بخاطرك ولا تخلي شي ..
وصدقني تلقاها تساعدك وهي فرحانه وسعيدة لكن لو خبيت عنها شي انت اللي بتتعب ..
راكان / شفت هالشي .. زعلتها كثير بس ويش اسوي .. ما ابي اضايقها بهمومي ..
بتال / انت قول لها وراح ترتاح وهي ترتاح ..اختي واعرفها اكثر منك واذا سعتها تشتكي من اهلك .. لا تستغرب ..
راكان باستغراب / ليه .. واهلي ويش خصهم بالموضوع ..
بتال / قبل عرسكم اختك العنود قالت لها انك ما تبيها وانك تبي مها وكلام ماله داعي ..
راكان ابتسم / تبي تعرف سمر تستاهلني والا لا .. اما مها فاكثر وحدة تعرف مدا كرهي لها العنود ..
علشاني قالت لها هالكلام بس هي ما تقصدة ..
بتال / بس مو بذا الطريقة الجارحة ..
راكان بابتسامه / لا وقتها سمر غارت والا لا ..
بتال بابتسامه / كانت راح ترفض تتزوجك .. " ..
..../ رااكككككاااااااااااااااااان ويش فيك ..
راكان يفتح عيونه وبابتسامه / افكر في بنت حلوة شفته قبل شوي ..
سمر بغيرة / لا والله .. حلوة وشلون شفتها ..
راكان بخبث / واقفه قدامي الحين ..
سمر بخجل / قوم تاخرت على الشركة .. " وتركت وراحت المطبخ " ..



ــــــــــ



بيت ابو سند ..

ام سند / يامرحبا .. حياكم الله ..
ام مطلق / الله يبقيك .. اشلونكم وشلون معاريسكم ..
ام سند / بخير ..
سند بابتسامه / يامرحبا ..
ام عبدالعزيز / ها هذا العريس وين هديتك ..
ام مطلق / مو الحين .. وين العروس ..
سند / وفوق .. ويشلونك يمه ترفه عساك بخير ..
ام مطلق / بخير .. انت اشلونك وشلون عروسك عساها تعجبك ..
ام عبدالعزيز / اكيد تعجبه بنت مياسة ما شاء الله عليها الزين كله ..
ام مطلق / ال وشلون اخيتك يولد ..
سند / الحين كبرت وبعد تناديني ولد .. المهم اختي بخير ..
ام مطلق / جايين نشوفه ونسلم عليها من يوم اللي قلتيه وانا فكري يوديني ويجيبني لها ..
سند / الحين ادخل عندها اشوف صاحية والا نايمه .. اسمحولي ..
ام سند / وشلونكم عساكم بخير .. والله فرحتوني بهالزيارة ..
ام مطلق / حنا بخير .. من يوم ما قلتي اللي قلتية عن بنيتك وانا افكر ويش اللي يخلي هالبنت بهالحال ..
والنظرة والمس ما يطلع هالريحة الشينه .. واقولبها وافكر قلت يمكن طب العشاب يفيدة ..
وكلمت مرة له بطب هالاعشاب .. وقالت انها هاليومين بالمدينه عندها حالة ولا رجعت جات تشوفها ..
ام عبد العزيز / الا يام سند انتم ما اخذتوا من اثركم وغسلتوها ..
ام سند / الا والله اخذت من اثر ابوها واخوانها بس ما ش شي ..
ام مطلق / مو بس ابوها واخوانها انتي امك اخوانك عمامها وعيالهم وحريمهم اللي حضروا عرس ولدكم كلهم ..
ام سند / ومن وين اجمعهم ..
ام عبدالعزيز / سوي عزيمة عرس لولدك واعزمي فيها الحريم كلهم ولا جو خذي فنجاين الشاهي والقهوة ..
واغسليها بماي نضيف واقري فيها والا الشيخ يقراء فيه واغسليها بالسدر سبع مرات وان شاء الله ربي يشافيها ..
ام سند / والله ما ادري ابي اقول لابوها واشوف ..
سند / حياكم غرام جاهزة ..
ام مطلق وهي تعتكز على عصاها وام عبدالعزيز ويتوجون مع ام سند لغرفة غرام ..
سند طلع لجناحة يشوف رنيم ..
ام عبدالعزيز ترفع برقعها / لا اله الا الله بسم الله عليك .. يم سند عندك ماء مقري فيه ..
ام سند / ايه وزمزم بعد جابه اخوها ياسر يوم راح برمضان يعتمر..
ام مطلق / هتيه وبلا طوالت هرج ..
ام سند جابت علبة ماي صغيرة واعطتهم اياه ..
ام عبدالعزيز شربت منه شوي ونفخ فيه على غرام فجاة خلت غرام تنقز وام مطلق نفس الشي سوت بغرام ..
ام مطلق / فيه الشفاء والعافية .. رب الناس اذهب الباس ..
ام عبدالعزيز / سامحيني يبنيتي فجعتك .. عساها فيها الشفاء والعافيه ..
ام سند كاتمه ضحكتها / حياكم تفضلوا ارتاحوا ..
ام مطلق ترجع برقعها وام عبدالعزيز على وجههم ويجلسون قبال غرام ..
ام مطلق / يابنتي ما رايتي رؤيا شي يدل على علاج حالتك ..
غرام عقدة حواجبها .. مو فاهمه ..
ام عبدالعزيز / يا العنود هي ما قالت انها شافت حلم برقادها ولا بعد قرايت الشيخ عليها ..
انها شافت شي يمكن تفسيرة علاج لها .. احلامكم اعلامكم ..
ام سند / والله ما ادري بس اكيد العلم عند سند لو شافت شي ..
ام عبدالعزيز ماعاد تقدر تتحمل الريحة وقفت / على طاري هالسند بنروح نشوف عروسة .. هي فمان الله والله يشافيك ..
ام مطلق وقفت معاها وطلعت من الغرفة ..


بغرفة رنيم ..
رنيم متضايقة ../ يالله صباح خير ويش يبون ..
سند / رنوممه عيب حبيبي هذيلا ضيوف ما يصير نقول عنهم كذا ..
رنيم بنظره / هي انت ويش رنوومه ومادري ايش ..
سند بابتسامه / عادي انتي ما تقولين لصديقتك حبيبتي ودلعين اسمها ..
رنيم / صديقتي مو عدوتي ..
سند / افاااااااااا الحين انا عدوك ..
رنيم / أيه واستحاله تصير غير كذا ..
سند / غيري الموضوع والحين بيجون انتبهي تراهم لماحات .. لتعلقينا بلسانهم ..
رنيم طالعته بنظرة وطنشته وهي تعدل جلستها على السرير ..
سند توجه لباب الجناح وفتحه ... ورجع لرنيم ..
سند / انا راح انزل تحت " وقبلها بسرعة على خدها " ..
رنيم تمسح مكان القبلة / ووووووععععععع كم مره قلت لك لا تقرب مني ..
سند / وانا قلت لك اعقلي اصير مطيع لك تطولين لسانك تلقين مني اللي ما يسرك ..
رنيم / اووووووووووووووف اكرهك .. يععععععععععععععععع ..
سند توجه للباب ونزل الدرج .. شاف ام مطلق وام عبد العزيز بصاله بيطلعون فوق ..
سند / يا مرحبا بكم .. تفضلوا ..
طلعتهم ام سند وسلموا على رنيم وباركوا لها واعطوها هديتهم ..
ام مطلق / يا العنود نادي سند ..
العنود اتصلت على سند وطلع لهم فوق ..
سند بابتسامه وهو يجلس باجهه الثانية على السرير .. / امري يمه ..
ام مطلق تطلع الصندوق الكرتوني من الكيس اللي معاها وتفتحه / ها هاك هذي هديتك ..
سند يطالع بالخيزرانه / ويش ذا يمه ..
ام مطلق / انا حلفت ان تزوجت هدية عرسك خيزرانه مثل خيزرانه جدك سند ..
العنود اللي انتفضت رعب من الخيزرانه ومن طاري خيزرانه عمها سند ..
سند / هههههههههههه الله يطول بعمرك يمه .. راح زمن الخيزران واللي كان يسوي جدي ..
ام مطلق / وانا جبته لك علشان تضرب به مرتك لا ابد علشان تعلقه بصدر البيت الخيزران بالبيت يعني هيبه لراعيه ..
سند / هههههه ابشري يمه .. " اخذ الخيزرانه .. ووقف " .. انا استاذن .. " وطلع وهو يلعب بالخيزرانه "..
ودعت ام مطلق وام عبدالعزيز ام سند وطلعوا من البيت ..


ـــــــــــ


بشركة الفارس ..
خالد " ابو عناد " / المال موجود ..
سلطان " ابو بتال " / ايه ادري ان المال موجود بس لازم ناخذ احتياطاتنا .. السوق بهالوقت بأزمة ..
يا نقدر نتصدا هالخساير يا نروح فيها .. ونعلن الافلاس ..
عبدالعزيز " ابو طلال " / الله لا يقوله .. ان شاء نقدر نتصدا هالخساير .. وبعدين كل الشركات فهالوقت مثلنا ..
خالد " ابو عناد " / الا شركة النايفة ماكله الاخضر واليابس بالسوق ..
سلطان " ابو بتال " / ما شاء الله برغم من ان ابو غازي صغير الا انه ذكي وقدر يثبت جدارته بالسوق ..
عبدالعزيز " ابو طلال " / الا هو صدق مو صاحب الشركة الاساسي وله شركاء ..
سلطان / انا سمعت هالكلام بس مو مصدقة ..
خالد / لو فيه كان عرفنا ..
سلطان / المهم الحين لازم العيال ينتبهون لشغل زين .. " ضغط باصابعه على راسه " .. الصداع بيفجر راسي ..
خالد / قلت النوم .. واضح على وجهك ..
عبدالعزيز / ويش اللي يخليك ما ترجع البيت الا متاخر .. كانك شارد من البيت ..
سلطان / ما ابي اهل البيت يعرفون ان عندنا مشاكل بالشركة ..
عبدالعزيز / انا حريمي الثنتين يدرون .. ما فيها شي ..
خالد / والهنوف تدري .. بلعكس ترتاح ان قلت لها تلقى من يواسيك وتحط راسك وانت عندك امل ببكرة ..
عبدالعزيز بضحكة / ياهووو يا امل ببكره .. قلبي الصغير لا يتحمل ..
خالد وسلطان / ههههههههه ..
سلطان / ويش قلبي الصغير لا يتحمل ...
عبدالعزيز / صجوا براسي اماني وريان كل يوم والثاني طالعين لي بكلمه والا حركة ..
خالد يبتسم / الله يخليهم لك .. يالله انا استأذن .. " وطلع " ..
عبدالعزيز يلتفت لاخوة / ويش اللي بينك وبين الجوهرة حاس بانه فيه شي ..
سلطان بضيق / خرفت ..
عبدالعزيز باستغراب / ايش .. وضح ..
سلطان / اسمع .....
عبد العزيز / لا هذي يبالها دكتور نفسي .. وايش حرية ودمقراطية ومدري ايش بتتراس دولة ذي ..
سلطان / هي من يوم مشت مع ام خزامى وتعرفت على ام بندر وام مدري من وهي متغيرة .. مطلعة الاول والتالي ..
عبدالعزيز / الدلع خربها .. يبي لك تربيها مثل قبل ..
سلطان / بس على كبر .. عيالها طولي وبنتها عروس يعني .. صعبه ارجع مثل قبل عيشتنا كلها ضرب وقسوة ..
عبدالعزيز / الله يرحم عمي سند .. شاف خالتي بس تذوق الشاهي قباله الا حذفها بالحجر على قفنادها وهي حامل بعد ..
سلطان / الله يرحمه كان طاغي مره .. ذبح ولده مدري بنت وهو ماطلع ولا رجف له رمش ..
عبدالعزيز / اقولك حرمتك مالك الا تكويها بالحرمة تربيها وتعرف تعقل ..
سلطان / انا خليني اخلص من هم الشغل بعدين اتصرف معاها .. اهم شي العيال ما يدرون وتطيح امهم من عينهم ..
عبدالعزيز / الله يعينك ..


ـــــــــ


بيت ام سطام ..
جلسة الضحى ..
الهنوف / مياسة ما تشوفين الجوهرة متغيرة ..
مياسة / الا متغيرة حيل .. مدري ويش جاها ..
الهنوف / خلي تجي العنود واقولها تسالها ونعرف ..
مياسة / وانتي ليه ماتسالينها ..
الهنوف / سالتها نفحت بشعرها يمين ويسار وطنشت رفعت ضغطي ..
مياسة / ما شفتي يوم باركت لها ام عبدالعزيز وقالت ام خزامى تسلم عليك وهذي هدية من عندها .. وجهها صار الوان ..
الهنوف / صدق بتال يوم خطب خزامى قبل سنتين ما قالوا ولد عمها محجر عليها " محجر .. حاجزها " ..
مياسة / الا .. وقبل رمضان سمعت الجوهرة تقول للعنود انها تبي ترجع تخطبها لان ولد عمها مسافر ..
الهنوف / ربي رزق هالبتال بوحدة تسوى خزامى مليون مره .. والا ظلمنا هالعنود ..
مياسة / بصراحة البنت هالفترة كانت تتصرف بطريقة مؤدبة ومحترمة حببتني فيها ..
بس كل ما اذكر اللي سوته بالمزرعة وكلامها اخاف منها واقول ناوية على شي مو زين ..
الهنوف / انا اتوقع من خالاتها بصراحة اللي اسمها ام عبدالله ما حبيتها ..
اما خلود وخديجة لا والله الظلم شي ما سمعت حسهم ولا شفت شي منهم ..
مياسة / يمكن .. الحين العنود صارت قريبه منا وراح نعاشرها ونشوف ..
الهنوف / الا كيف رنيم ..
مياسة بضيق / ما ادري عنها ما ابي اكلمها ولا اشوفها .. ودخيلك الهنوف لا تزيدينها على اسكتي ..



ــــــــ



بتال داخل الشقة .. / ايه لحضة .. توني داخل ..
راكان / ساره زعلانه مره ومستعجله ..
بتال بابتسامه / طيب ثواني انادي العنود ..
ساره تبكي / الوووو العنود ..
بتال / هلا سارة انتظري بس دقايق وتكلمك العنود ..
ساره / اهئئئئئئئئئئئئ " وانقطعت المكالمه " ..
بتال يطالع الجوال .. وبابتسامه / لا من جد زعلانه ..
وقف قبال باب غرفة العنود وشاف العنود على سجادتها تصلي ..
من كم يوم ما شافها اشتاق يسمع صوتها ويشوف سواد عيونها ..
احتار مع هذي الانثى الغريبة ما قدر يقسى عليها ولا قدر يلين ..
خلت حياته مثل البحر مره هادي ومره هايج ..
خايف يغوص فيه ويغرق .. وخايف يجلس على الشاطئ ويحرم نفسة من الروعة اللي بداخلة ..
سمع صوت رنين الجوال .. التفتت العنود للخلف وشافت بتال .. العنود وقفت ..
بتال فتح الباب وبهدوء / ساره تبيك .. شكلها زعلانه حيل .. " ومد الجوال لها " ..
العنود اخذت الجوال بسرعة وردة بلهفة كانت مشتاقة لها حيل وخايفة عليها ..
العنود بحنان / هلا ياروحي .. هلا عمري .. " جلست على السرير هي لساتها بجلال الصلاة " ..
شوي شوي ياقلبي ما فهمت .. روحي سارة .. اهدي ماما واذكري الله ..
ساره تبكي / لا الله ... الا الله .. العنود اهئئئئئئئئئئئئ ااااااااااه ..
العنود / روح العنود وعمرها انتي حبيبتي هدي شوي علشان افهمك ..
ساره / امي .. امي تعبت وانا ما ادري ايش اسوي والبيت فاضي انا خفت مره ...ااااااااااااااااااااااااااااه ..
العنود وقفت وبعصبية / ساره ساره تسمعيني ..
راكان / الو العنود ..
العنود بحدة / راكان ويش اللي قالته سارة هذا امي ويش فيها ..
بتال يراقب ويسمع كل اللي ينقال ..
راكان / ما صار شي تطمني امي انخفض عندها السكر وساره ما عرفت ايش تسوي وخافت ..
الحين امي بخير وديتها المستشفى وقالوا طيبه وتعدل وضعها ورجعتها ..
العنود بغضب / راكااااان لا تكذب عليه ماحد يعرف حالة امي كثري وانا كاتبه كل شي لك ولزياد ..
راكان بحدة / العنود وطي صوتك ..
العنود بحدة / وين نايف اعطيني نايف اكلمه ..
راكان / وانا ويش يدريني عن نايف من يوم زواجك ما شفته ولا ادري عنه ..
العنود جن جنونها / ولا سالت عنه .. يا اخي انت ماتحس ايش اللي بصدرك قلب والا حجر انت .. انت ..
" قفلت المكالمه بوجه .. " .. العنود تتنفس بغضب .. رمت جلال الصلاه على الاريكه ..
بتال / ويش صار خلاك تعصبين ها الكثر ..
العنود عطته نظرها وطنشته وضغطت على ارقام حافظتهم ... رن ورن ورررن الا ان رفعة المكالمة ..
العنود / الو مشيرة انا العنود ..
مشيرة / هلا بالعروس هذا رقم ..
قاطعتها العنود / مشيرة اسمعي كلمي ماجد واساليه عن نايف اذا كان معاه او يعرف مكانه ..
واتصلي على هالرقم وبلغيني تمام ..
مشيرة / ماجد ببريطانيه من زمان .. وما سمعت ان نايف معاه ...
العنود تدور بالغرفة وهي تقضم اظافرها من القهر / طيب وين راح .. اسمعي ما عندي الا متعب ..
كلمية وقولي له يدور نايف له كم يوم غايب والا له حس ولا خبر قلبي ما كلني عليه ..
مشيرة / ولا يهمك ..
العنود / اسمعي قولي له يتصل على جوال بتال ويطمني ماشي هو اكيد يعرفة .. بسرعة مشيرة ها ..
مشيرة / ان شاء الله قلبي .. الله معاك لا قبل الزواج مرتاحه ولا بعدة ..
العنود / خليها على ربك .. يالله باي ..

بتال من حركة تطنيشها له ولا كانه موجود الا اتصالها بمشيرة وطلبها مساعدة من اسم يكرها ..
بس ما يعرف من هو الشخص اللي طلبت مساعدته وهو درجة الغضب وصلت حدها عنده ..
بتال بحدة .. والعنود تدور بالغرفة ولا هي شايفته / العنووووووووووووووووووود ..
العنود نقزت من صرخته المفاجاة .. وبعصبية / نعم ويش فيك ..
بتال يمسك شعرها / قلة ادب عيني عينك ولا حيا ولا مستحاء ..
العنود متوجعه من مسكت الشعر بعصبية / احترم نفسك ..
بتال / انا اللي احترم نفسي " ويزيد من شد الشعر " .. والا انتي من ذا ماجد و متعب اللي طلبتي مساعدتهم ..
العنود بنظرة حادة وقوية / واحد صاحبي وواحد عشيقي مثل عبدالله اللي راكان بسببه بلاني بك ..
بتال بغضب / انا اللي ابتليت بك .. تقولين بوجهي انك مصاحبه رياجيل ..
العنود بغصب وصراخ / ايه اصاحب رياجيل لان ما حولي رياجيل اللي حولي اشباه رياجيل ..
بتال يسحب عقاله / انا اوريك من اشباه الرياجيل ..
وبدا يضرب فيها وهي متكورة على نفسها ... بتال بعد تعب رفع نفسه ياخذ نفس ..
العنود رفعت راسه / اضرب .. اضرب على بالك ضرب الحرمة مرجله .. لو انك رجال ماضربت حرمة ..
بتال بغضب / انا اوريك المرجله اللي تعجبك .. وعلى هواك يابنت الهواء ..
وبدا بفتح ازارير ثوبه .. العنود من كلمة بنت الهواء وكل حصون الطيب انهارت ..
العنود تصرخ فيه / .............











انتهى ..

اتمنى يعجبكم ... واعذروني على القصور والاخطاء الاملائية وحل الطلاسم على قول اموله ..

سبحان الله والحمد لله ولا اله الا الله ..

اختكم .. مشاعل السعودية ..

ابدعتي مشااااعل تسلم الانامل الي كتبت مااعرف اعلق بس كله الا العنود جرح المهره الغاليه صعب وبتال كسرررره بتصرفه واهوا الي حيتعب ويخسر اكثير بهالتصرف كلش الا العنود

مساء التميز
مساء الإبداع*
الف مبروك ميشو تثبيت الروايه
تستاهلين تملكين قلم وأسلوب سلس*

نجي لأحداث الروايه
سند ورنيم
الله يصبرك عليها كرهها للرجال بتطلعه فيك بس انت عندك قدرة تحمل وحلم عليها تعاملك مع غرام بيخليها تغير نظرتها لك انت عكس سميك سند الجد اللي زي ما يقولون ذبح ولده ولا رف له جفن

غرام*
حالتها في تحسن بس الريحه هذه مره تحيري معقوله يفيد معها الأعشاب طيب من وين تطلع اصلا*
والله يا ميشو الألغاز كثار في الروايه*

راكان*
صدق بتظل مهمل اهلك أخوك غايب من عرس العنود ولا سألت عنه ليش احس ان الشركه اللي يتكلم عنها أعمامهم هي لنايف يبي يروريهم انه موب ذاك البزر اللي ما احد مهتم فيه وانه قدر ينافسهم خاصه انه ذكي وشاطر*
سمر*
والله البنت أعقل من أمها اللي مدري متى بتحس على عمرها وتعقل معقوله يسويها سلطان ويتزوج عليها والا بس يهدد عشان تحس*
بائن على العائله هذه انهم كانوا يتعاملون بالضرب مع زوجاتهم بس لما كبروا العيال استحوا الا طبعا راشد اللي الى الان متبع السياسة هذه مع مياسه

سعود ونوال
الثنين احسه لبعض لو كابروا*
يمكن سعود يأخذها مسالة عناد خاصه انه موب راضي عن شغلها بس في الاصل هو يبيها

متعب
انت صاحب الكاسر*
لو تدري عند مين بتكرهه اكثر من الحين خذ العنود والكاسر
بس كيف موب حقة ثوره وهو شراها منهم لأنهم ما قدور يروضوها

بتال والعنود
داء فيكم يالفارس العزه والكبرياء*
ليش ماطلبتي ألمساعده من بتال يعني لازم تستفزينه بكلامك وش استفدتي غير الضرب والاهانه وطبعا الضرب عاده متعودين عليها موب جديده
هو أكيد كان يمد يده علي امك في شئ طبيعي يكون هذا ردك
بس هذا بيكفيك والا ناوي تقضي عليها*

مساء الخير .......تسلم ايدك ياميشو ومشكورة على الهدية حلوة مثل راعيتها ......بس لو تخف علينا من الالغاز ....قربنا نصلع من كثر ماحكينا بهاالراس ومايطلع معانا الا الصواريخ .......وبعدين تعالي هنا فيس محمر عيونه الحين انا اكتب واتوقع وانتي ماغير تقرين وتضحكي علي ....... اصلا انا لو ابي اعلمك الي اعرفه كان كتبته بس مابي هذي اسرار الناس عيب ......ولا تضحكي تراني اشوفك


العنود وبتال

الاثنين غلطانين وبقوة هو بحركاته وكلامه الي ماله داعي .......مهما كان هذي زوجته وبنت عمه حتى لو فعلا هي كانت داشرة دامه ربط اسمه فيها لازم تكون علاقته معاها قايمة على الاحترام .......ومثل ماراكان حفظ سر اخته وهذا هو مراعيها من الواجب عليه انو يرد له الدين .........وبعدين ليش ماياخذ كلام راكان عن العنود على محمل الجد ... ليش مايشوف تصرفاتها تعاملها معاه ويشغل مخه ......انا ماانكر انو مافي رجال شرقي يقبل انو زوجته تكون راعية علاقات او تحب قبله وبدون اي صفة شرعية .........بس اذا هو يبغي يربيها من وجهة نظره يرجع لوضعها قبل الزواج والي عرفه عن مرض عمه وزوجته .........يحاول يتقرب منها ويحتويها ترى حتى اللين ينفع في تغيير الاشخاص ......للاسف راح يندم كثير على الي سواه الضرب والعنف ابد مو اسلوب تعامل بين الزوجين هذا وهي ماكملت معاه فترة مازالت عروس مو كافي انو مقصر معاها في ابسط حقوقها .........اجل لو متزوج رنيموه كيف كان بيتصرف ولا متزوج خزامى الي خطبها قبل دام امها هذي تصرفاتها اجل ايش تصرفات بنتها

يحمد ربه انها سكتت على حرمانها من انها تسوي حفلة زواج مثل غيرها .........وغير كذا ساكنة بشقة وهي كانت ساكنة بفلة ماقالت مثل مااخوي سوى زواج لسمر انا مااقل عنها ولا اسكن بشقة وهي تسكن بفلة


اما العنود مهما كان خوفها على نايف ومهما كانت درجة عصبيتها عيب عليها ترفع صوتها على زوجها نايف مو اول مرة يغيب عنها وهي لو كانت ببيتهم هل بتمنعه يغيب على كيف هي شايفة تغيره وتصرفاته من قبل تتزوج وبعدين اعتبرها وقاحة تتصل لصديقتها تقول لاخوها يدور على نايف وهي عندها اخوين وزووووووووج مو طرطور

ومافي رجال عنده كرامة يرضى انو زوجته تقول عندي صديق وعندي عشيق ولا وتعددهم ثلاثة حتى لو مزح الزوج مايرضاها ولا ينساها وبعدين في بنت متربية تقول الي قالته العنود عيب والله عيب ومالها عذر مهما بررت ولو جلست بينها وبين نفسها بتعرف مدى حجم الي قالته ........هو حتى لو اخوها سامع هالكلام كان مابيسكت وبيعصب وبيضربها بعد لانو مافي رجال يرضى يكون رخمة في امور الشرف

وبعدين اذا كان متعب خاطبها قبل ومازال يبغيها كيف تطلب منه شي هالموضوع حساس هذا وبتال مايعرف هالسالفة غير انو عبيد كان بيتزوجها .....

اعتقد انو بتال ماراح يسوي الي ناوي عليه لانو العنود ماهي بذاك الضعف واعتقد بتمنعه بكلمتها الي وقفتي عندها الامور ساءت اكثر من قبل والله العالم ايش الي بيوصلون له


سند ورنيموه

سند عنده صبر وطاقة تحمل ورنيمو فعلا امها ماعرفت تربيها لانها ماتراعي احاسيس غيرها ........سند موهو الي دمر امها سند مو هو سبب سكوت امها ......لاترمي عقدها على ناس مايدرون عن فعايل ابوها ........حتى خواتها الي عايشين نفس حالتها ماتعاملهم بأدب .........تحمد ربها زوجها سند لاعناد العصبي ولا سعود ولا بتال .....كانت بتعيش معاهم نفس عيشة امها وخالاتها .......

وبدل ماتلوم ابوها وتكره الرجال تلوم امها على سكوتها واهدار كرامتها يوم انها مو كفو تاخذ حقها ليش جابتها على الدنيا علشان تعيد نفس المعاناة

ترمي كلام مو من حقها على زوجها وبدون وجه حق على ايش شوفة النفس ......ارجع اقول بتعض اصابيعها ندم ومثل ماظلمت غيرها بيجي يوم وبتنظلم ..........صالحة ماراح تكتفي بالي سوته وبنشوف طولة لسانها بأيش راح تنفعها ...وحتى سند الي صبر عليها بيجي يوم وبتكون كرامته فوق اي شي


سمر وراكان

عجبتني سمر في هالبارت حسستني انها بنت عاقلة لانها ماهي مقتنعة بكلام امها شاورت الي اكبر منها وفعلا نصايحهم لصالحها هي ......بس للان ماعرفنا ايش سرها وهل بيأثر على حياتها في المستقبل او لا

راكان ايش الحادثة القديمة الي بعدته عن اهله ........وخلته لليوم ماينسى لهم الي صار .....غير كذا الشخص الي يبغي يضره ومتعمد يخسره ليش وايش السبب مااعتقد الكراهية لراكان لانو الحرب ضده وضد عمامه يعني عيال الفارس كلهم .......ومين صاحب شركة النايفة هل شخص مايتوقعوه ولا يخطر على بالهم .......وشرفوه هل بتسوي الي هددت فيه من قبل ولا بتنشغل بالعنود وانتقامها منها


الجد ابو نايف
ماعرفنا له هو كان يأكد لشرفوه اتمام الزواج غريبة تقبل الموضوع حتى بدون اي انفعال وبارك لهالزواج ياترى هل فعلا راضي ولا في موال براسه وبيصدمنا فيه بعدين ........سر تغيره هو من بعد سفرته مع بناته وتغير خلود وقبولها الزواج وهي الي كانت غرقانة بحزنها .........وخديجة وسكوتها الغير طبيعي ونظراتها .........كثرة الالغاز والحيرة


نايف

غيابه واختفائه وتغيره ........هل ممكن يكون له يد بشركة النايفة وهو صاحبها الاصلي ومتخفي ........او انو الشركة هي مصدر الفلوس الي عند العنود مع اني استبعد انو العنود تنتقم من شركة ابوها وتعرضها للافلاس ...بس نايف مااستبعد بسبب قهره من اخوه وعمامه وغير كذا الولد ذكي ومتفوق بدراسته


الجوهرة

وجع عليها هالعجوز زين خليها ماتهدى وبيجي اليوم الي سلطان بيتفرغ لها ورده ماراح يكون العقاب القديم لا اعتقد بيكون شي اكبر اجل تبغي تتدخل بحياة الي حولها بنتها وولدها واختها خير ان شاء الله بأي صفة واحسن مافي الامر انو بتال بعيد عنها خليها تحرق بروحها ........اجل خطبت خزامى ورفضو ولدها وتبغي تخطبها من جديد صدق ماعندها كرامة ...........ميشو ماعرفنا ردة فعل خزامى من زواج بتال من العنود


عناد وابرار

عناد تصرفه غلط بغلط مو من حقه الي سواه مو علشان الي سوته رنيموه يشك بخواته ........اذا خايف عليهم يتقرب منهم ويحاول يعوضهم عن الفراغ الي يعانو منه .........بكذا بيعرف تحركاتهم بدون مايجرحهم

ابرار بدل حبستها وبدل تفكيرها الي مابينفعها تدور لها شي يشغلها .......تدرس دورات في معاهد اللغات او كمبيوتر او اي شي يشغلها دام اهلها ضد انها تشتغل .......اما الزواج والي بعمرها تزوجو هالشي مو بيد احد متى ماجاء النصيب راح تتزوج بس هي لازم تشغل وقت فراغها وتتخلص من الملل

سعود ونوالوه

لايكون سعودوه بيفكر فيها وبيخطبها لالالالالالا ميشو خلي سعود يتزوج ابرار احسها اعقل من ام لسان مابي نوالوه تفرح انو خطتها ونظريتها في لفت انتباه سعود تنجح .........لو كانت بس تحبه بدون ماتخطط للفت انتباهه وتتفاخر بنجاح خطتها كان تقبلنا الامر بس بكذا ماراح تتعلم وبتظل على وقاحتها

غيث وريما

غيث ماحبيته ولا حبيت جرأته خير الاخ من اول ماشافها وهو يتصرف وكأنو من شهور متزوجها .......بدل مايتعرف على زوجته ويعرفها على نفسه وشخصيته من خلال الحوارات الي ممكن تفيد الاثنين همه ياخذها بحضنه ويرضي رغباته ........ماادري احس بعد زواجهم راح تصير بينهم مشاكل لانو الاثنين مايعرفو بعض


سارة

الله يعينها بنت بسنها بعد ماكانت بحماية اختها واخوها الاثنين بعيد عنها توقعت نايف على الاقل مايتركها وهو عارف شرفوه ووقاحة عبيد كيف مايحط بباله انو يتعرض لسارة مثل ماتعرض للعنود وانو ممكن ينتقم من زواج العنود وخصوصا مافي الي يحميها .........مسكينة المسؤلية فوق طاقتها وسنها .....واذا هو له يد بأنشغال راكان بيندم مثل ندم اخوه بعدين اذا صار شي ماهو على البال


اعتقد الكاسر الي يتكلمو عليه طارق ومتعب ....هو نفس الخيل الي عند بتال وماحد بيعرف هالشي الا العنود بعدين اذا شافته وعرفته وبتعرف تتصرف معاه وبتصدم بتال

في انتظارك ياعسل

بسم الله الرحمن الرحيم

السلام عليكم ورحمة الله وبركاته

الحمد لله والصلاة والسلام على رسول الله

توكلنا على الله .. لا اله الا الله محمد رسول الله ..


البارت 15


آآآآآه يمه
إحضنيني
وبحنانك إحتويني
ذكرّيني
يوم أنا طفلهـ بحضنك
تذرف دموعي للعبه
كنت أبيها ...,,,
وكان أكبر همي إني!! كيف أنا أحصل عليها
كنت يمه,,,
كنت أشوف الكون كله يحتويني,,, بالمحبه
لعب أطفال وسوالف فيها كذبه .,,,. والف كذبه
كل واحد كان يحلم
وكانت الأحلام عذبه
مرت الأيام فينا
مادرينا
إن أحلام الطفوله هي سسسسراب
والهموم أكبر من العاب وسوالف
والعذاب
يحترينا
يحتوينا
يهتوينا
كبر الطفل الصغير
وكبرت الأحلام معه ..... لكن أحلام الطفوله غير يممممه
ليش يمه ؟؟
ليش هالعالم كئيب
ليش كل الناس تجرح في بعضها
ما تسامح ..
ما تصافح ..
ليش نزعل ...
ليش نحمل في القلوب اكبر ضغينه
كل واحد صار وده يكون ربان السفينه
لأجل يظهر هو المهم ..
ما يهمه //
يجرح قلوب البشر او ينتقم
المهم أنه يكون شيٍ مهم
يووووووووووووه يمه
شفت أنا جرح الصديق لصاحبه
وشفت غدر الأخ لأخوانه جميع
شفت تعذيب الحبيب لمن يحب
ليش يمه ؟
ذا يخون وذا يبيع
لا ضمير ولا مبادي
صار أسهل شي هو جرح المشاعر
إن عجبك الوضع والا قم وهاجر
وين أهاجر؟؟
وين أروح ؟؟
والأماكن ما تغير !! هي هي نفس الأماكن
والزمن كله جروح ..
يمه يا شين الزمان
يمه يا شين الحياة بلا أمان
و آآآآآه يمه ليتني باقي صغير
وارتمي في حضنك ,,, إللي يحتويني بالحنان
وأنسى حزني والهموم
وأرجع أحلم كيف بكرا ؟؟؟


" منقول " ..


تحت الماي البارد .. جالسه ترجف من القهر اللي بداخلها ..
الحراره مشتعله بجسمها .. كل ما تذكرت كلماته ..
كل ما تذكرت ترجيها له .. ولا مره بحياتها ترجت احد ..
هالمره ذلت نفسها وترجت .. الصداع ضاغط على عيونه ..
مو قادرة تفتح عيونها .. حست بسائل دافئ ينزل من انفها ..
وضعت يدينها علية وفتحت عيونها شوي الرؤيا شبة معدومه ..
بس اللي شافته عرفته ... دم .. انفها ينزف .. بدات تتضح الرؤيا قدامها ..
انتبهت للبلاط الابيض متحول للون الاحمر .. حولت تعدل نفسها وتركز راسها ..
بدأت تردد بداخله " حسبي الله ونعم الوكيل " رددتها الا ان سيطرت على اعصابها ..
قدرت توقف بس فاجأتها دوخه .. تمسكت بالجدار وتنهدت الا ان زالت الدوخة ..
اغتسلت و توضأت ولبست الروب وطلعت من الحمام .. ما يصير تقعد اكثر لها 3 ساعات ..
اول ما طلعت من الحمام تحاشت النظر لسرير والملابس المقطعة والمرمية بكل مكان بالغرفة ..
لبست قميص روز يخص امها الظبي .. لمن تتعب وتخاف تلبسه وتتذكر امها الظبي وتحس بالقوة ..
اخذت جلال الصلاة والسجادة وفرشتها باتجاه القبله .. و .. " الله اكبر " ..
كلمة هدت حصون السواد والحقد .. كلمة ذكرتها بان بعد العسر يسر ..
كلمة ذكرتها بان لا بد يجي يوم وتجني فيها ثمار الصبر .. كلمة ذكرتها بان الله دائما مجيب المضطر اذا دعاة ..
وفي سجودها شكت لله ما يجول بداخلها فلا احد يعلم ولا يستطيع فهمها غيره ..



قاعد في غرفته وهو حاس بالندم والقهر بس ما ينلام سالها من اللي سالتي عنهم واثارته بجوابها ..
لو ما غضبت لو مسكت نفسي ... اعوذ بالله من الشيطان الرجيم ..
تذكر الحديث " عن أبي هريرة رضي الله عنه ، أن رجلا قال للنبي صلى الله عليه وسلم : " أوصني " ..
قال : ( لا تغضب ) ، فردّد ، قال : ( لا تغضب ) .. رواه البخاري ..
الغضب عمى عينه البنت خايفة على امها واخوها ..
بسرعة تراجع عن تبريرة لتصرفها بس تستاهل ليه تطلب الفزعة من الغرب ..
ومن متعب بن منصور اللي الحين لشافني يتمسخر عليه ..
ما انتي شايفتنا رجال يا العنود تستاهلين وراح تشوفين كيف الرجال صح ..
قام وتوجه بعصبية للحمام " اكرمكم الله " واغتسل وطلع .. سمع صوت اذان الفجر .. وطلع للمسجد يصلي ..



ــــــــ


يوم جديد ..

شركة الفارس ..
سلطان / الو ..
....../ السلام عليكم ..
سلطان / وعليكم السلام .. من معاي ؟ ..
......../ متعب بن منصور .. وشلونك يابو بتال ..
سلطان / يالله حيه .. بخير جعلك بخير .. ويشلونك انت .. والوالد والاخوان ..
متعب / بخير جميع الحمد لله .. العذر منك يا ابو بتال ..
سلطان باستغراب / ويش عذرة مجانا منك شي ..
متعب / عن نايف له ثلاث ايام بالمركز ولا دريت عنه الا اليوم بلغني عنه واحد من زملائي ..
سلطان / نايف من .. متعب تراني ماني فاهم منك شي ..
متعب / ولد اخوك نايف بن سطام .. ماسكينه المباحث هو مجموعة من الشباب ومعاهم مجموعة من الاشياء الممنوعة ..
سلطان يوقف / ويش لقين معه .. متعب قولي الصحيح ..
متعب يتنهد / لقوا معه مخدرات .. وبعد ما سوا لهم فحص لقوهم كلهم متعاطين ..
سلطان بعصبية / حسبي الله ونعم الوكيل عليه .. حسبي الله ..
متعب / انا قلت ابلغك علشان تشوفونه وتساعدونه ..
سلطان / هو باي مركز الحين ..
متعب / بمركز ....



ـــــــ



بمكتب الشباب ..
سعود يتألم / البارح ما نيمني اقول لك ..
عناد م يقولك ما الم الا الم الضرس وما هم الا هم العرس ..
سعود / انا وين وانت وين .. ااااااااه راسي بينفجر وعيوني تألمني ..
عناد / طيب روح المستشفى ..
سعود يوقف / رايح الحين ابي اخذ مسكن له وارجع الشركة الشغل هالايام زايد ..
عناد / لاترجع روح البيت وريح .. وياليت سند يرجع على الاقل يشيل شوي من الحمل ..
سعود / يبي لنا نكلمه .. يالله ادعي لي ..
عناد / ربي يشاقيك ويعينك ..


ــــــــــــ


على الواتس بنات الفارس ..
قروب بدون غرام ..
شجون / بنات جدي قال خلاص الملحق سو فيه اللي تبون ..
سمر / الحين قربت الدوامات .. مافي وقت ...
ابرا / انتم مشغولات لكن احنا فاضيات ..
ريما / انا مو فاضية وراي لف اسواق ..
ريهام / انا فاضية .. الفراغ ذابحني اول سنه بدون دراسه ..
رنيم / وانا بعد اول ما اخلص من علاجي راح اكون معاكم ..
رنا / انتي خليك مع زوجك >_<
رنيم / كلي هواء وانطمي وبلا تفلسف زايد لا اجي واكسر راسك ..
نوال / بنات كلموا ابو محمد ينظف الملحق و ابرار بما انها ديكور ترسم كيف تصميم الملحق وتساعدها ريهام ..
وبعد ما تخلصون الشغلتين .. نكلم احد من الشباب يساعدنا بالعمال ويحط الدهان ..
ريهام / لالالالالالالالا الدهان انا احطه .. بس يتنظف الملحق واشوف اذا ناقصة سباكة او شي نجيب عمال ..
اما البوية والرسم عليه .. واذا الديكور ناقص جيبس شي نطلب العمال ..
ابرار / صح الكلام .. الديكور انا ارسمه .. واضبطه .. راح تكون احلا استراحة ..
رنيم / اهم شي ممنوع دخول الرجال ..
نوال / الوحة اللي بنحط فيها الاعلان عليه ..
رنا / كثر الله خيرك .. كلفتي على نفسك ..
نوال / كلي هواء .. باي جاني مريض ..


ـــــــ


بالعيادة ..
الممرضة / دكتورة نوال فيه مريض برا مصر يدخل وتكشفين عليه ..
نوال / ما قلتي له اني ما اكشف على رجال هذي عيادة اسنان نساء بس ..
الممرضة / قلت له بسسسس اااا ..
نوال / بس ايش .. اذا بيسوي ازعاج اطلبي له الامن ..
الممرضة / قلت له بس هو يقول هو يعرفك ..
نوال رافعه حواجبه / لا والله صاحبي وانا ما ادري .. قولي له يروح بدون مشاكل ..
الممرضة طلعت وبعد دقايق رجعة / دكتورة نوال تفضل هذا الكرت ..
نوال اخذت الكرت وشافت ايش مكتوب فيه .. اول ما قرت المكتوب تفاجات وبعدها ابتسمت بخبث ..
نوال بابتسامه / اقول لك خليه ربع ساعة وبعدين دخلية ماشي .. بس انتي لا تدخلين معاه ..
الممرضة رفعت حاجب مستغربه وطلعت ..
نوال مسكت جوالها وفتحت الواتس .. ريماااا .. تتوقعين من جاء يكشف عندي ..
ريما / مين وحدة اعرفها ..
نوال / قصدك واحد ..
ريما >> فيس رافع حاجب ..
نوال / سعوووووووووووود ولد عمي سلطان ..
ريما / تمزززززززززززحين .. ما اصدق ..
نوال / راح اخلع له ضروسه كلها واصوره وارسل صورته علشان تصدقين .. باااااااااي ..

دخل سعود وهو يطالع بالعيادة بنظرات سخرية وكان العيادة مو عاجبته ..
نوال مسويه نفسها مشغولة والا كانها تنتظرة ابد .. ولا هامها ..
سعود / السلام عليكم ..
نوال ترفع راسه وبعملية / وعليكم السلام .. اخ سعود انت تعرف ان هذي العيادة خاصة بنساء ..
سعود يمسح شاربه ../ ايه .. بس الدكتور اللي بعيادة الرجال مو موجود وعيادتك فاضية فقلت ادخل هينا ..
نوال / وهذا شي ممنوع .. علشان كذا " وتاشر على الباب " تفضل .. ما حبيت انادي الامن واسوي فضيحة لنفسي ..
سعود يسحب شماغه ويرتبه ويعلقة على الشماعة قريب من عباية نوال وينسدح على سرير الكشف ..
سعود ببرود / ضرسي مو منيمني البارح .. والشركة تاركها وورانا اجتماع .. فاعجلي عليها ولايكثر ..
نوال تقرص عيونها ومن بين اسنانه / تامر امر ..
سحبت نوال طاولة ادوات الكشف وبدات تشوف الضرس التعبان .. ضربته ابرة البنج حطت ادات فتح الفم للاخير ..
وسحبت ادات خلع الاسنان ورفعتها بوجه سعود .. وبخبث / ويش رايك اريحك من اسنانك كلها ..
وبعد لسانك بطريق مره وحدة .. ترتاح وتريح العالم منه .. ويش رايك في الفكرة مو دكتورة شاطره ..
سعود اللي حمر وجهه مو قادر يسوي شي ولا يقول الطاولة على صدرة ضاغطة على يدينه وفمه ..
نوال تبتسم من تحت لثمتها .. بدات تحفر وتنظف وترقع وهو كل فكرة في شكلة بدون اسنان ..
نوال بصوت عالي / خلصت قوم ..
سعود فتح عيونة وعدل جسمه وبدا يغسل فمه .. مقهووووووووور من نوال ..
نوال / سوووووسسسسسسسسسن << الممرضة ..
سوسن دخلت على طول اصلا الباب فاتح وكل اللي صار شافته وسمعتها ..
نوال بخبث / ساعدي الاخ في دل طريقة .. مسكين دايخ ..
سعود التفت عليها وبخبث / افاااااااااا حبيبتي تخلين الممرضة تدل خطيبك على الطريق ..
نوال فتحت عيونها للاخير .. ممرضتها بخور المستشفى أي شي يصير تعرفه وتزيد بنشرة ..
نوال بارتباك / أي خطيبي انت الثاني .. انت ولد عمي وبس وابي اسوي لك خدمة لتزودها ..
سعود يلتف على الممرضة / سلمي لي على الدكتور ايمن .. قولي له سعود الفارس ...
نوال بقهر / لو خلعت لسانك كان احسن ..
سعود بابتسامه / اكتبي الوصفة ولا يكثر ..
نوال بقهر / عندك الاتهاب باللثة .. وتراكم دم .. لزم تراجع مره ثانية وتسوي غسيل حتى ليسبب لك عفن ..
يكفي لعفن اللي فيك .. " وكتبت الوصفة له ورمتها عليه " ..
سعود / انا فيني عفن .. طيب يانويل يصير خير .. " ووقف " ..
نوال / نويل في عينك .. اووووووف " سعود اخذ شماغة وطلع من العيادة وهو يضحك " ..
الممرضة سوسن / بصراحة اولاد عمك يجننون .. الا متى زواجكم ..
نوال بحدة / سوسنوووه الظاهر ابي اقول لدكتور ايمن يوديك قسم النساء و الولادة ..
سوسن / لالالالا دخيلك هااااه سكتنا " وهي تحط يدها على فمها " ..
نوال تسحب لثمتها على تحت وبدات قضم اظافرها من القهر ../ للحين ماينسى .. نويل >> قالتها وهي تقلده ..


ــــــــــــ


مكتب سلطان ..
سلطان / عبدالعزيز تعال مكتبي فورا ..
بعد دقيقتين .. عبدالعزيز / عسى ما شر ويش فيه ..
سلطان بعصبية / اتصل عليها متعب بن منصور .. وقال لي ان نايف ماسكته مكافحة المخدرات ...
عبدالعزيز يتعزوا / اخو العنود .. هذي نهايتها .. حنا تنجاب سيرتنا بالمخدرات ..
سلطان / الحين ويش السواة .. متعب يقول تعالوا شوفوه ..
عبدالعزيز/ قوم خلنا نروح نشوف ويش قضيته ..
سلطان يوقف / انا بغيت اتصل على راكان بس قلت لو اقول له بيترك شغله ويجينا طاير وبعيد ويش يقدر يسوي ..
ما يقدر يسوي شي خله وبعد ما نحلها نقوله ..
عبدالعزيز / وانا اخوك ما نبي نجيب سيرة عند احد خلنا نحلها ونلم الموضوع ..
وبعدين نقول لبوي يشوف ويش يسوي معه .. حسبي الله ونعم الوكيل ..
سلطان وعبدالعزيز طلعوا من المكتب وتوجهوا لمركز مكافحة المخدرات ..


ــــــــــــ


بيت بتال ..
جهزت الغداء .. و وضعته .. طول الوقت تشتغل بهدوء وسكوت ..
بتال مشغول بملف بين يدينه بس بعد كل لحضة والثانية يرفع راسه ويطالعها ..
ولا كان صار لها شي .. ما انكسرت .. بس فيها شي تغير ماعرف ايش هو ..
رجع للملف .. يحاول يركز فيه اكثر .. وينساها ..
التفت وشاف الاكل على الطاولة .. بس العنود مالها اثر ..
بتال وقف بعصبية وراح لطاولة وبصوت عالي / يا بنت ..
العنود كانت جالسه على سريرها وساكته .. حسه بألم اول مره تحس فيه ..
سمعت صوته تنهدت بضيق ووقفت طلعت له بهدوء ووقفت قباله ..
بتال بعصبية / من سمح لك ترجعين لغرفتك ..
العنود / ............
بتال بعصبية / مره ثانية توقفين الين انا اطلب منك تنقلعين عن وجهي ..
العنود / .............
بتال بعصبية / تعالي اعطيني لبن ..
العنود تقدمت منه وحطت كاسه البن قباله ..
بتال شرب شوي ورجعها على الطاولة وبطرف اصبعه رمى الكاسه ..
انسكب البن على الطاولة و بنطلون بيجامته وارضية المطبخ ..
العنود تطالع تصرفه ببرود ..
بتال بعصبية / يا غبية ماتشوفين جيب شي ونضفي هذا ..
العنود سحبت وحدة من الفوط الصغيرة ونظفت المكان بهدوء عصب بتال اكثر ..
مايبيها تسكت .. يبيها ترد عليه وبقوة .. مو لازم بالكلام قوة عيونها تكفي لكن هذي حتى من نظرات عيونها حرمته ..
بتال رمى الملعقة وقام من الطاولة طلع لصاله وجلس قبال التلفزيون ..
العنود لمت الاكل ورتبت المكان .. وهي راجعه لغرفتها ..
بتال بعصبية / تعالي ..
العنود جات لعنده / ............
بتال بعصبية / تعالي سوي مساج لرجولي ..
العنود رجعت للمطبخ وجابت فوط صغيرة ووضعت ماي دافئ ورجعت لها ..
عملت له المساج وهي ساكته ومارفعت راسها ابد .. و ببعد ما خلصت من المساج ..
وقفت ورجعت كل شي للمكانه ..
بتال بحدة / كل مره اجي من الشغل تسوين هالمساج ليه .. مو تنتظرين اقولك .. مفهووم ..
العنود دخلت غرفتها ولا ردت عليه .. بتال التفت للمطبخ ولا شافه .. شاف غرفتها مقفلة عرف انها داخلة غرفتها ..
وقف وراح لها بعصبية .. بي قبل ما يفتح الباب سمع صوت رنين جواله .. رجع لمكانه .. وشاف لمتصل سعود ..
بتال / نعم ..
سعود / سلام عليكم ..
بتال / وعليكم السلام ..
سعود / ويش فيه صوتك شكلك معصب ..
بتال / الحين متصل تسال هذا السؤال .. كثر خيرك والله ..
سعود / اوف اوف اوف .. هدي يارجال .. بس كنت ابي اسال عن حالك وابي اقولك شي ..
بس ما دام انت معصب لا ما ابي اقولك .. واسف على الازعاج .. سلام ..
بتال / سلام .. " وقفل " ..


ــــــــــــ



بيت ابو نايف ..
راكان وسمر تغدوا اليوم عندهم ..
ساره / اشتقت للعنود .. اول مره بحياتي اغيب هالكثر عنها ..
سمر / ما تتصلين عليها ..
ساره / ما عندها جوال .. بس راكان يتصل على جوال بتال ويكلمه ..
سمر / طيب انتي اتصلي على بتال وطلبي العنود ..
ساره / والله يصير ..
سمر تطلع جوالها / ايه يصير هذا رقم بتال سجليه عندك ..
ساره ما صدقت وعلى طول سجلته .. ساره / ابي اكلمها الحين ..
طلعت ساره من غرفة الجلوس وراحت غرفتها ..
سمر التفتت لام راكان اللي جالسه وواضح عليها انها تبي تنام ..
سمر بخجل / خاله تعالي معاي ارجعك غرفتك ترتاحين هناك ..
سمر ماقدرت على ام راكان كانت تعاند معاها ..
دخلت زهرة ومعاها الشاهي .. / اتركيها .. انا اخذها .. انت ما تقدري ..
سمر تركت ام راكان وجلست على الكنب .. تطالع لام راكان بشفقة وعطف ..
اخذت زهرة ام راكان ورحت بها لغرفتها ونيمتها .. ورجعت لسمر ..
سمر / انتي من متى تشتغلين عندهم ..
زهرة / من تقصدي ..
سمر / انتي من متى تخدمين عند خالتي ام راكان ..
زهرة / انا مو خدامه انا حبيت ام راكان وحبيت بنتاها وهذا انا اساعدهم بلا مقابل ..
زوجي صبري تربا عندهم .. ربته جدتهم الكبيرة رحمها الله .. ولمن تزوجني سكنت معاه وتعرفت على العنود وحبيتها ..
سمر ماعجبها كلام زهرة فصدت عنها ..
زهرة لوت شفايفاه وبداخله " والله ما اعرف كيف العنود بنت عمك هذيك سوكرة وانتي ملح " ..



بغرفة ساره ..
ساره بخجل / الو ..
بتال باستغراب / نعم ..
ساره / انا .. انا ساره .. ابي ..
بتال / استغفر الله العظيم .. " وقفل " ..
ساره بكت من الخجل والفشلة ماتوقعت ان الموضوع محرج لها الدرجة ..
سمر استغربت تاخر سارة وطلعت لها ..
سمر / ساره ويش فيك ليه تبكين ..
ساره تبكي / اتصلت على بتال قلت له انا ساره قال استغفر الله وقفل .. يحسب اني اغازل ..
سمر / هههههههههههههههه
راكان دخل عليهم وهو يضحك .. سمع كلام ساره / هههههههههه والله اللي ما يعرف للحلوين الغبي بتيل ..
سمر / لا والله اختك اللي غلطانه والا المفروض تقول له ابي العنود انا اختها ساره ..
راكان برفعة حاجب / اختي دلوعة وخجولة مو مثلكم ..
سمر غارت من دلع راكان لساره فصدت عنه وهي زعلانه .. راكان طنشها ورجع لساره ..
راكان / سارونه عيدي الاتصال ..
عادة ساره الاتصال وبتال ما راد وعادتها مره ومرتين وثلاث الين رد عليها وهو معصب ..
بتال بعصية / انتم ماتستحون تزعجون الناس ..
ساره نقزت من الصوت .. راكان / هههههههههههههههه هههههههههههههههههه
بتال يسمع صوت الضحك وكانه عارف الصوت / الوووووووو من معي ..
راكان / هههههههههههه انا راكان ههههههههه ارعبت اختي ياشيخ ..
بتال / انتي ويش تبي ..
راكان / ابيك تراضي اختي سارة والا زعلت اختك مثل ما زعلت اختي ..
بتال / ماتقدر تزعل اختي لان اختك عندي ..
راكان / لا العنود قوية راح تطلع عيونك لو فكرت تزعلها ..
بتال بداخلة " هي شكلها ناوية تسوية لكن تحلم والا لكسر راسها .. " ..
راكان / الوووووووو
بتال بضيق / هااااااه ويش تبي ..
راكان / ليش تزعل ساره ..
بتال يبتسم / ما زعلتها .. هي ماقالت انا ساره بنت سطام .. ولا قالت ويش تبي ..
راكان / هاه هذي هي تبي تكلمك وتقولك ايش تبي ..
ساره بهمس / لا ما ابي اكلمه ابي اكلم العنود ..
راكان / ما تبي تسمع صوتك المعفن تبي اختها العنود ..
بتال يوقف ويتوجه لغرفة العنود .. وبابتسامه / وقول لسارونه ايش تبي من رضاوه لزعلاتها ..
راكان / ههههههههههه ادبتك .. " ويسال سارة " ويش تبين رضاوة لزعلتك ..
ساره / خله يحلف انه يسويها ..
راكان / بدون حلفان يسويها وبغصب عنه ..
بتال يبتسم / اقول لا يكثر بس ..
ساره / خله يجيب العنود عندنا امي تعبانه .. وابيها تشوف الادوية الجديدة انا ما اعرف الله يخليك خليه يجيبها ..
راكان / ايه بتال امي تعبانه شوي والعنود الوحيدة اللي تفهم لها اذا ماعندك شي الليلة جيبها ..
بتال سكت وهو يشوف العنود واقفه قباله .. وبهدوء / يصير خير .. خذ العنود ..
العنود تطالع الجوال الممدود لها .. بتال / ساره ..
ما خلص كلمته الا والجوال ينخطف من يده .. وبلهفه / فديت هالصوت ..
ساره / الو العنود .. " وبعبرة " .. وحشتيني ..
العنود / ياروحي انتي .. وانتي وحشتيني اكثر .. كيف امي الحين تحسنت ..
ساره / لا امي تعبانه وابوي تعبان وانا تعبانه ... اهئئئئئئئئئئئئئ
راكان يسحب الدوال / لا تصدقينها تدلع ..
العنود / ................
راكان / الوو العنود .. تسمعيني ..
العنود / ...........
ساره ترجع وتخطف الجوال من راكان / الو العنود ..
العنود / روحي يا ماما انتي امري ياقلبي ..
سارة / نايف ما جاء ولا اتصل .. وخلود تزوجت .. اخو مسعود زوج خالتي خديجة ..
اسمه سليمان وعنده بنت صغيرة اسمها هيام .. وخالتي شريفة ما عاد تجي البيت ..
البيت صار فاضي وكبير وحلو .. العنود تعالي بسرعة ..
العنود بستغراب / خلود متى تزوجت .. جدي موجود والا راح ..
ساره / لا جدي موجود .. فتح الغرفة اللي بجهة الحوش اللي قريب من البوابة تذكرينها ..
وصار يجلس وينام ويستقبل الضيوف فيها .. جدي مره تغير .. مو زي قبل ..
العنود / طيب حبيبتي انتبهي لنفسك واي شي تحتاجينه قولي لراكان وهو يجيبه لك .. ماشي .. مع السلامه ..
ساره بضيق / ماشي .. مع السلامه ..
ساره / بتال متى قالت بيجي عندنا ..
راكان بضيق / ما قال شي .. انا ابي انام شوي للعصر .. " وقام وراح لغرفته سابقا " ..
سمر لحقته وهي معصبه .. زياد دخل غرفته من قبل ونام ..



ـــــــ


مركز مكافحة المخدرات ..
متعب / احب اطمنكم ان اللي معاه اعترفوا بان المخدرات لهم ونايف ماله أي علاقة .. بس تحليل البول هو المشكله ..
سلطان بقهر / حسبي الله عليه ونعم الوكيل هذي اخرتها ..
متعب / انا اللي مستغربه ايش اللي وصل نايف هالمواصيل .. شاب ذكي ومحترم .. انا الا الان مستغرب ..
عبدالعزيز / اصحاب السوء حسبي الله عليهم ..
متعب / ما توقعت ابدا ان سفر ماجد ودراسته راح تخرب نايف لو ادري بهذا الشي كان سفرته على حسابي ..
سلطان انجرحت كرامته / نايف مو بحاجة احد .. اذا الدراسة برا بتعقله حنا ارسلنه من قبل ارسنا عيال عمه ..
عبدالعزيز / هو خله يطلع وبعدين نشوف موضوع الدراسة ..
متعب / خروجة سهل راح الف الموضوع بطريقتي ...
سلطان / ويش لون ..
متعب / راح اطلب تحليل بول جديد وراح انا اسويه باسمه وكذا تنتهي القضية ..
سلطان / اخاف تصير معاك مشاكل ..
عبدالعزيز / اذا كان له ذنب فلازم ياخذ جزاؤه ..
متعب / ابدا انا سويتها للغرب ما اسويها للقريب ولا يهمكم يومين واتصل عليكم تكون المشكلة انحلت ..
سلطان / جزاك الله خير .. وجميلك هذا ما راح ننساه ..
متعب بمزح / ها اشهد يابو طلال .. لي وحدة عند ابو بتال ..
عبدالعزيز بجدية / افاا عليك عيال سعود ما يخلفون الوعد ..
متعب ابتسم بخبث ...وبهدوء / والنعم ..


ــــــــــ



بيت طلال ..
طلال داخل جناحة شاف مرام مثل العادة جالسه بصاله مقابل التلفزيون وتاكل ..
طالع بمرام لبسه بيجامه قطنية واسعه بمبي فاتح مع رمادي جامعه شعرها بطريقة عشوائية كله لفوق وماسكته بشباصه ..
طلال يتنهد / السلام عليكم ..
مرام وهي تاكل من الطبق اللي قباله / وعليكم السلام ..
طلال رفع حاجب وهو يدقق بالاكل اللي تاكل منه / ايش تاكلين ..
مرام / قشطة قيمر مع عسل مخلوط بالمكسرات << فيس يناظر هموس .." ماتذكرتي شي " >>..
طلال لعت كبدة / بالعافية .. " وتوجه للغرفة " .. الله يستر من هالوحام ويش بتكون نهايته ..
طلال غير ملابسه وطلع لصاله لقي مرام نايمه .. بعصبية / استغفر الله هذي يانايمة ياتاكل بقرف .. اووف ..
طلال تركها مثل ماهي عليه ونزل تحت لغرفة اخوه سيف يسولف معاه ويتغداء ..


ــــــــــ


بالرياض ..
بيت ابو نايف ..
بغرفة راكان سابقا ..
سمر واقفه متخصرة .. وبغيرة / اختي دلوعة وخجولة مو مثلكم .. يعني انا ايش ولد شايفني ..
راكان كاتم ضحكته / شي من هذا القبيل ..
سمر بعصبية / راكااااااااااااااان ..
راكان / ههههههههه ياعيونه .. " ويسحبها ويجلسها بحضنه " .. امري ويش تبين ..
سمر بدلع / انا الدلوعه وانا الخجولة وانا اللي مافي مثلي ..
راكان يقلدها / وبعد انتي سمول اكس لراج .. ههههههههههههههههههههههههه
سمر توقف وبشهقة / قالك بتال .. نذذذذذذذذذذذذذااااااااااااااااال ..
راكان يسحبه ويرجعها لحضنه / هههههههههه والله صادق .. انتي طفله بتصرفاتك ..
بس لمن يكلمك الواحد بعقل ما يتوقع تفهمينه هالكثر .. " وبهمس " احبببببببببك ..
سمر حمر وجهه / عيب حنا مو في بيتنا ..
راكان بخبث / هذي غرفتي بأيام العزوبية اقولك ايش كنت اسوي لمن اتمنى تكونين بحضني ..
سمر ببرائة / ايش ..
راكان / تخيلي نفسك مخده ..
سمر تهز راسها .. بنعم ..
راكان / اسحبك كذا واناااااااااااااااااااااااااام هههههههههههههههههههههههههههههههههه " سحب سمر على صدره " ..
سمر تصارخ / قلللللللللللليييييييييييييييييييييللل ادب ..
راكان بهمس وهو يضحك / ههههههه هههههههييييييييييش زياد بالغرفة اللي جنبي لا يسمعنا وبعدين يضيع الولد ..
سمر حمر وجهها وبهمس انت قليل ادب .. وابعد عني لا اطيح من السرير ..
راكان / افااا تطيحين وانتي بحضني .. تعالي بس ...............


ـــــــــــــ


بيت بتال ..
بتال بحدة / هي انتي .. اصلي العصر وارجع القاك جاهزة علشان تروحين لأهلك ..
العنود / ..........
طلع بتال وراح صلى ورجع بسرعة .. لقى العنود لبسة عباتها وجالسة بالصالة ..
بتال بعصبية / بتروحين قبل ما اتقهوى من يقهويني ان شاء لله والا علشان خاطرك اروح وانا مصدع ..
العنود سحبت ترمس القهوة وفتحت الحلا اللي كان محطوط على الطاولة وبتال ما شافها ..
بتال بعصبية / بايش سويتي القهوة بالهيل انا مزاجي بقهوة بالزنجبيل ليش تسوين بدون ما تساليني ..
العنود سحبت الترمس الثانية وحطتها قباله ..
بتال انقهر ورفع يده بيضربها / انتي ناويه تقهريني وبس ..
العنود وقفت رفعت عيونها له وعطته نظرة مليئة بعزت النفس والغرور والكبرياء نظرة تهز كيان بتال ..
بتال نزل يده / لو مو خاطر راكان كان ماطلعتي من هالباب .. "وجلس على الكنبة قبال القهوة "
العنود مخنوقة منه ومن راكان / ولو مو خاطر امي واختي مكان طلعت معاك ..
بتال رفع عينه فيها / اجل اقعدي بين هالجدران مالك طلعة ..
العنود بخبث / ما عندي مشكله .. بس المشكله على الرجال اللي يوعد ويخلف ويش ينقال عنه ..
بتال يشرب القهوة / عادي اقول لهم ما تبي تجي ..
العنود / اخواني يعرفوني وماراح يصدقونك ..
بتال رفع حاجب / انا وعدت ساره .. وراكان قال لي ان امك تعبانه وانتي تعرفين علاجها علشان كذا راح اخذك لهم ..
العنود قفت عنه وابتسم بانتصار ..
بتال من وراها / مشينا ..


ـــــــــــــ


...../ الو .. وعليكم السلام ..
ام مطلق / ايشلونك يا ام سند .. عساك بخير ..
ام سند / بخير جعلك بخير .. ويشلونك يام مطلق عساك بخير ..
ام مطلق / بخير يالغالية .. والله من يوم رجعت من عندك رحت للحرمة اللي قلت لك عنها وجبت رقم الطبيبة ..
وهذا هو عندي .. اسمها ام زيد بحفر الباطن .. اسسصلي " اتصلي " عليها وهي تعطيكم موعد وتدلكم على العنوان ..
بس يابنتي قولي لها حال بنتك واذكري هداياكم لها ووعدوها ان ربي شافاء بنيتك لها هدية زينه .. تراهاء عجوز وتحب الزين يعني تصابا تصابا " يعني تحب ان تظهر بانها صبيه صغيرة " ..
ام سند / جزاك الله خير ..
ام مطلق / اها البنات كتبوة بورقة و الورقة ارسلها لك مع السواق ويجيبها لك .. انتظريه ..
ام سند / ابشري باخلي العيال ينتظرونه .. جزاك الله خير ..


ـــــــ



بيت ابو نايف ..
استقبلتها زهرة بالحضن .. / هلا وغلا البيت مايسوى بدونك ..
العنود بابتسامه / فديتك ياقلبي .. اشتقت لسواليفك ..
ساره نازلة مع الدرج / عنووووووووووووووووود " ونقزت عليها تحضنها " ..
العنود / هلا بروحي هلا وغلا حياتي فديت هالريحة الحلوة ..
ساره تبعد عنها شوي / تعالي معاي نطلع فوق ..
العنود / لا حبيبتي روحي انتي وزهرة للمجلس بتال واقف مع راكان برا اكيد راح يجي يسلم على امي ..
شافت سمر نازلة بهدوء من على الدرج / السلام عليكم ..
العنود / وعليكم السلام .. ساره روحي شوفي امي جاهز حتى يسلم عليها بتال ..
زهرة / جاهزة جاهزة انا لبستها .. بس مو راضيها تخلينا نحممها ابد ..
العنود تتنهد / راح احل هالمشكلة بعد اشوي .. الحين خليني اشوف جدي ..


العنود / اشلونك يابو نايف ..
ابو نايف رفع عينه بالعنود ونزلها ../ ...........
العنود جلست قدامه / زوجت خلود .. وتزوجت انا .. وشريفة انقطعت رجلها عن البيت ..
ليه رجعت وانت كاره البيت .. والا القلب ما يقدر يكره حتى لو السان نطق بها ..
" وبعد صمت طال .. " ........... رجعت للفارس ..
ابو نايف / ما ازعلني افرحني ..
العنود / ليه ما راحت ..
ابو نايف / ابي اموت بمحل الظبي ..
العنود / ليه تحن على شرفة وانت اكثر واحد كارها ..
ابو نايف / ما تدرين .. الظبي دايم توصيني احن عليها ولا اقهرها يكفي قهر الذل اللي ذاقته وحنا بعيدين عنها ..
العنود / بس ان زادت بغلطها .. ماراح ارحمها ..
ابو نايف / ...................
العنود / من خذت خلود ..
ابو نايف / اخو مسعود زوج خديجة .. اسمه سليمان .. المره الاولة اللي رحنا لهم فيها كانت مرته مالها مدة متوفيه ..
وبنته لحمة حمر لفينها بخرقة " شال " .. خلود سولفت وضحكت مع البنية وحبتها وشفت بنتي خلود القديمة ..
والمره التالية قال ابيها حليلة لي وسالتها وقالت تبيه وتزوجوا مثل ما انتي تزوجتي بين ليه وضحاها ..
العنود / وانا ..
ابو نايف / ما ابي الفارس يقهرونك مثل ما قهروا الظبي ما ابي لمسى الليل هلت دموعك ..
العنود / كنت تحس فيها وما لمتها " عاتبتها " ..
ابو نايف / لمتها " عاتبتها " .. بس ما دريت اني باذبحها واذبح نفسي معاها ..
العنود / .........
ابو نايف يرفع نظره فيها / مرتاحة ؟
العنود / ما عاد يفيد هالسؤال الحين .. " وقفت " ابي اشوف امي تعيبانه شوي ..
ابو نايف يهز راسة وهو صاد يطالع الحوش من فتحت الباب ..


ـــــــــــ



بيت ابو سند ..
ام سند / صقر يمه .. سواق خالتي ام مطلق الحين بيجيب ورقة فيها عنوان الحرمة الطبيبة .. دخيلك يمه انتظرة ..
سند / ابشري يمه ..
بعد دقائق ... دخل سند وهو يحمل ورقة بيده ويقرا اللي فيها ..
سند / هذي هي يمه ..
ام سند بتاتاه / هي اتصل على الرقم وخذ موعد .. ام مطلق تقول اتصلوا وقولوا لها الحالة صعبة و واا ..
ياسند ما ادري وايش اقول انت كلمهم وتفاهم معاهم انا عظامي مو شايلتني حالة اختك اتعبتني ..
عسى ربي يجازيها خير على صبرها .. ويكون له محي سيئات ..
سند يتنهد .. ويجلس على الكرسي القريب من طاولة التلفون .. ويرفع السماعة .. وبعد الاتصال ..
وانتظار الرد .. / الو .. السلام عليكم ..
ام زيد / وعليكم السلام .. نعم .. من معي ..
سند / ياخاله دلونا على طبيبة ينقال انها ام زيد ..
ام زيد / وصلت .. وايش علتكم ..
سند / اختي بـ 19 جاها شر من حول 3 شهور والطب ماعرفوا له دواء وقالوا باذن الله ان تلقى طلبك عن ام زيد ..
ام زيد بهدوء / ايييييييييه .. اوصف علتها ..
سند / انحرمت من العيشة اللين طاحت عضامها والتوا لسانه صارت هي والخرقة واحد .. " الخرقة قطعة قماش قديمة "
وشبكوا لها الدكاتره لي بخشمها نحط به الاكل .. جبنا لها قاري والحمد لله تحسنت ..
بس كبدها للحين ماتقبل الاكل الا بالي نغصبها غصيبه .. والله ياخاله الوصف مو مثل الشوف والحاله عصيبة ..
ام زيد / .........
سند / وانا اخوها الكبير ناذر نذر ان اللي يساعدها بشفى عمرته و حجته عليه ..
وابوي وجدها وعمامها وخوالها كل ناذر بشي زين ..
ام زيد / ياوليدي .. حنا ما بيدينا الا الاسباب ام الشفاء والعافية من عند الله ..
سند برزانه / والنعم بالله حنا مؤمنين بالله ونسعى ندور الاسباب .. ربي قال اسعى يا عبد وانا اسعى معاك ..
ام زيد ../ تعال الحفر بعد اسبوع انا مسافره بكرة يومين وارجع ..
سند / خير ان شاء الله .. ومنها حنا نجهز امورنا ..
ام زيد / مع السلامه ..
سند / مع السلامة .. التفت لامه بعد ما قفل المكالمة .. بابتسامه / العجوز حابه الدراهم ..
ام سند / قالته ام مطلق ..
سند يتنهد / الفلوس مو مهمه يمه المهم صحة اختي ترجع ..
ام سند بأمل / ان شاء الله .. ان شاء الله ..


ــــــــــــ



بيت ابو نايف ..
راكان بالصالة الداخلية بالطابق الاسفل بتال يتكلم تلفون عند باب البيت الخارجي .. بابتسامه / حي الله العنود ..
العنود مشت من جنبة / ..............
راكان نزل راسة تحت .. مسح شاربه .. وبهمس / زعلانه ..
العنود طلعت فوق .. ودخلت غرفة امها وقبلت راس امها ويدها ورمت راسها بحضن امها ..
راكان يدخل ووراه بتال / السلام عليكم ..
العنود بهمس / وعليكم السلام ..
العنود بهمس لامها / يالغاليه ايش لونك ويش اللي متعبك ياروح العنود ..
مسحت وجه امها اللي تطالعها بابتسامه .. وبهمس / اشتقتي لي .. وانا بعد اشتقت لك ..
بتال يطالع في العنود ويسمع همهمه بس مايفهمها .. وبصوته المميز / سلامتك ياخاله ..
العنود تمسك يد امها وتحطها على خدها وبابتسامه لوجه امها / الله يسلمك ..
تبوس يد امها / فدي هالريحة .. اممممم من زمان ما حنيت يدك .. ويش رايك احنيها ..
وبعد احني شعرك واحني شعر ساره .. ما اشتقتي لعنودك يمه .. ما ودك تقولين شي ..
بتال وراكان يطالعونها ومستغربين اللي تسوية .. راكان / العنود ما ودك تسلمين عليه ..
العنود نزلت يد امها ووقفت راكان توقع وقفت حتى تسلم عليه بس تفاجاء انها تركته واتجهت لدولاب الملابس ..
اخذت لبس نظيف لامها واخذت الروب والفوطة لشعرها .. العنود ببرود / ابي احمم امي ولزم لي مساعدة اطلعوا برا ..
راكان يحاول يكتم عصبيته / عنود بعد ماتخلصين لي كلام معاك ..
العنود تبتسم لامها / نروح نتحمم .. يالله " وهي تمسك يد امها وتنادي بعالي الصوت " زهرررررررررررره ..
راكان / يالله بتال نروح لابوي وزياد بالمجلس ..
بتال يراقب تصرفات العنود مع امها احتضانها لامها قبلتها حنانها وكانها هي الام مو البنت .. تنهد / مشينا ..
راكان بابتسامه /هههووووهوووو حرقتنا بذا التنهيده ..
بتال موفاهم / هممم ..
راكان شاف سمر تطلع من غرفته وعيونها منفخه .. سمر / ليه ما صحيتني ..
بتال بابتسامه / تعالي سلمي بعدين عاتبيه ..
سمر بابتسامه تضم بتال / اشتقت لك حبيبي ..
راكان يسحبها من حضنه / حبته العنود بنت سطام .. تعالي .. انتي لحضي انا وبس ..
بتال رفع حاجب ونزل تحت ..
راكان / ويش فيه اخوك ..
سمر بغرور / عنده ذوق والا حضني مثل حضن العنود ..
راكان / طبعا لا حضن العنود عنده غير مثل ما حضنك عندي غير .. يالله روحي لغرفة ساره وصلي ..


زهرة طلعت للعنود وساعدتها بتحميم ام راكان وتلبيسها حتى تتعود ام راكان على زهرة ..
زهرة بعد ما نامت ام راكان .. / يالله قولي اللي عندك ..
العنود ببرود / ما عندي شي ..
زهرة تنهدت / بنرجع للموال القديم " وبفصحى كوميديا " ان الحكي يفتح عيونك على اشياء ماتشوفينها بوقت السكوت ..
احكي ترتاحي .. احكي وكان ما حولك احد ..
العنود تبتسم ووقف / خلينا نطلع فوق السطح .. حاسة بخنقه ..
زهرة / يالله .. " طلعوا لفوق كان وقت غروب الشمس .. " ..
زهرة بحماس / من الاول .. انتي قبل ما تمشين من هينا قلتي قلبك مو مرتاح وانك ناوية تسمعين بنصيحة ام تارك ..
العنود تنهد/ اية صحيح .. انتظرت الفرصة المناسبة وكلمت جدي .. وقلت له عن ابوي وعن امي ..
ودوراني مع نايف على الشيوخ .. وبعدها تغير نايف وخوفي عليه وقلت له اني رحت مع طارق لشيخ ..
واكثر من مره صحيح عصب بس مالامني لام راكان وقال ان زعلة اعمى عيونه ...
ولام نفسه انه شاف ولده وعرف علتها ولا سعى يساعدة .. " سكتت بضيق " ..
زهرة / وهذا شي يزعل هذا يفرح ..
العنود تهز راسها بنعم .. وتنهدت / .. وبعد يومين .. جاتني ساره و لون وجهها مخطوف ..
وقالت لي انها سمعت جدي يقول لجدتي بنزوج العنود بتال .. لان راكان يقول ان عبدالله يبي يتزوجها ..
وبنتنا ما تروح لغريب .. تعرفين اللي يكون براس جبل عالي وفجاة يطيح بوادي ..
هذا هو كان شعوري توقعت ان راكان ماصدق كلام نايف .. عصبت وانقهرت ويشلون يسونها ..
مفكرين عمرهم انهم يقدرون يغصبوني على شي ما ابيه .. قلت ابي ارجع لرياض وما اخلي احد يردني ..
لكن الله ارد وشاء ان ما القى من يساعدني .. قعدت طول الليل وانا اتقلب .. كاني على جمر ..
شفت سجاتي وجلال الصلاة وعرفت ان ما حد غيرة يقدر يساعدني .. رحت وتوضئت ..
وطلبت اللي ما يخب طلابه .. واستخرته وقلت يارب ان كان في الامر خيرة ييسرها لي ..
وغمضت العين وفتحت العين والا انا مسماه لبتال وتزوجنا .. " التفتت لزهرة " ..
تصدقين لو اقولك للحين اني احسني بحلم ما ني مصدقة اني اترك امي وابوي واخواني واروح ..
زهرة / كلنا مو مصدقين .. اجي كل ليلة امر على ساره القيها حاضنه قميص لك والا بجامه ونايمه ..
العنود بمحبة / ياروحي والله شايله همهم كبر الجبل .. عسى ربي يفرجها ..
زهرة / بس يمكن زوجك يقدر يشيل عنك الحمل .. هو كيف يتعامل معاك ..
العنود كشرت / في البداية كنت ناوية اكرهه عيشته وانا ضلع اعوج يازهرة ولبد اخطيء .. بس بصدري شي يقول لا ..
يمكن هو اللي يكون عون لك .. ويساعدك بحمل امك وابوك واخوانك .. يمكن تلقين السعادة اللي فقدتيها .. بس ...
زهرة / بس ايه لا تسكتي ..
العنود / قصة خطبة عبدالله عارف بها ومفكر اني ابيه واعشقه .. وانا كرهت هالنظرة فيه ..
عصبت عليه وبدال ما اكحلها الظاهر عميتها .. ما ادري .. بس ما اهتميت له ..
زهرة / مخبول على عقلة هذيك الشيفة تنحب هو وابليس واحد ..
العنود / ههههههههه تصدقين يا زهرة من زمان ما ضحكت .. انتي وين شفتي ابليس علشان تقارنين عبدالله فيه ..
زهرة / والله انا اتكلم صدق .. اجل واحد عيونه حمرا واسنانه صفراااااااااااا تلوع الكبد ووجهوا اعوذ بالله بس ..
اما زوجك اسمحي لي اقول .. بصراحة يذبح من الزين ما شاء الله .. وانتي ليقه عليه .. المفروض تفهمينه ..
العنود / انا ما احب ابرر تصرفاتي لاحد الكل يعرف العنود ..
زهرة / هو ما يعرفك .. ولازم تهتمين له وتوضحين له السالفة ..
العنود صدت عنها / خلاص زهرة اختنقت .. قلت لجدي عن الحال قام وزوجني واحد لو اعطس شب فيني ..
زهرة / وليه ما تخلينها العكس .. كل ما عطستي توجع خاف عليك من الالم .. وقال جعله فيني ولا فيك ..
العنود تطالع زهرة وهي فاتحه عيونه للاخر / اييييييييييييش
زهرة / كيد النسااااااااااااء يالعنود استعمليه .. يعني ...............
العنود وجهها يحمر / زهرررررررررررة هذي قلة ادب ..
زهرة / لا مو قلة ادب .. " وفجاه " .. انتي للحين بنت ..
العنود احمر وجهها وغصت بالحكي ..
زهرة / لالالا ما اصدق فيه واحد عندة وحدة بجمالك ويقدر يتحمل الا اذا كااااااان ..
العنود غضب خجول / زهرررررررة وايش تبيني اقولك ..
زهرة بابتسامه خبيثة / اجل " وتغمز بعينها " صار ..
العنود توقف / قومي قوم بس انتي اللي يجلس معاك يخرب ..
زهرة تمسك يدها / اقول والله انك غشيمه .. اكيد بتتعاملي معاه مثل ما تتعاملين مع الغرب تسكتي وبس هذا عقابك ..
اجل ابشرك بتشوفين النجوم بعز الظهر ولا فات الفوت قلتي ياليت اللي كان ما صار .. انتي متى تبطلين هالعناد اللي فيك
العنود تتنهد / ..........
زهرة / اسمعي مع زوجك ما يفيد السكوت ولا العناد مع زوجك لزم تكسرين كل شي اللين تكسبينه ..
وبعدها شوفي الحياة كيف تتغير .. صدقيني يالعنود ان زوجك غير .. غير عن كل العالم ..
وتذكري كلام ربك عن الزواج .. واذا ما تعملتي مع زوجك بكيد النساء واللي قلت لك عنه والله راح تندمين ..
العنود بعصبية / وجعععععععععععععع وفوكي يدي يالله
زهرة بصراخ / لا انا شفت زوجك شكله واحد قوي راس واسمعي حطيها براسك ..
ما في رجال يجي مع حرمه وما يطلب .. وانتي فطينه .. شوفيه وشوفي تصرفاته وعيونه تنطق بهذا الشي ..
واذا ما كان صح قولي زهرة ما تفهم وغبية ..
العنود تسحب يدها / ايه غبية ما لك دخل واذا طلبت مساعدتك هذاك الوقت انصحي .. " وتركتها ونزلت تحت "
زهرة تخصرت / والله راح تخرب على نفسها .. لو عندي جمالها كان قعدت الرجال جيوش تحت رجلي ..


العنود تدخل عند سارة وسمر بغرفة الجلوس ../ تاخرت عليكم ..
سارة بدلع / شوي بس .. العنود ابي اروح لسوق .. نروح بكرة ... باقي كم غرض للمدرسة ..
العنود بهدوء / ما اقدر حبيبتي اوعدك .. بس اغراضك مو ناقصة كثير .. كلمي زياد وهو يوديك ..
ساره / بس ابي احد معاي ..
العنود حطت يدها على راسها تحس بصداع ../ ساره انا مو فاضية لسوق والاغراض بسيطة ما يحتاج وجودي معاك ..
سمر بهدوء / ساره انا نازلة السوق .. ايش رايك تروحيني معاي انا بعد ابي احد يكون معاي ..
ساره تطالع بالعنود / امممم " اشرت لها العنود بعيونها " .. طيب اروح ..
العنود توقف / انا ابي اشوف البيت ايش يحتاج ..
العنود بعد مالفت في لبيت وشافت اللي يلزمه طلعت لها فكرت تغيير وضع البيت بما ان صار يدخله زوار ..
وخلود تزوجت و راكان صار ينام بالبيت .. دخلت على اخوانها .. وبامر / زياد تعال ..
بتال اللي كان مركز مع راكان ويطالع بالملفات اللي معاه .. رفع راسه ويطالعها بستغراب ..
زياد / ان شاء الله .. " ووقف ولحق العنود " ..
راكان / زعلانه علية وبقوة العنود .. ما كاني موجود ..
بتال بعصبية / قلة ادب ذي ..
راكان برفعة حاجب / هيييييييييي حدك ..
بتال بعصبية / وانا صادق راكان اختك وصلتني لحد لا يطاق ..
راكان برفعة حاجب / والله يبتال لو فيه مثل العنود 10 كان العالم بخير .. العنود عن 10 رجال ..
بتال مو عاجبة الكلام / والله انت اللي مو قادر تشوفها زين .. ماخذ اكبر مقلب بحياتك ..
راكان بحدة / بتال عندك هرج قوله بدون لف ودوران ..
بتال / شوف بالله تصرفاتها .. ابوك وامك حالتهم حالة ولا قالت لحد .. وتروح تطلب مساعدة جار ما يقرب لها ..
وتبي تتزوج من دوب شوركم .. والحين ما عندها أي احترام لاخوانها الكبار .. وتمدح فيها ..
راكان بحدة / اقول يوم نفخت الصدر وقلت تبي تتزوجها ماكان هذا كلامك ..
محد ضربك على يدك وقالك افزع وتزوج .. وانا قلت لك اذا ما ودك اختي مو مضايقتني .. مو الحين تعيب فيها ..
راكان وقف وطلع من المجلس .. بتال يسحب اطراف الشماغ ويرجع ينسفها ..
وقف بتال عند الباب وبحدة / يا بننننننننننننننننت مشيناااااااااااا ..
العنود اللي كانت بالطابق السفلي مع زياد .. يعني مو بعيد عن المجلس .. بهمس / سكنهم مساكنهم ..
العنود بهدوء / زياد فهمت اللي قلته ..
زياد / ايه .. واحسن شي انا كنت متضايق اليوم وانا جنب غرفة راكان ..
العنود / خلاص .. راكان يفتح غرفتها على غرفتك و الحمام اللي بينها فيصير جناح لهم ..
غرفتك وغرفة نايف خليها تحت الغرف ياكثرها .. يالله انا لزم اطلع لا اتاخر على بتال ..
زياد يمسك يدها .. وبهدوء / زعلانه ..
العنود ببتسامه / ازعل من الدنيا كلها ولا ازعل منك .. بس لو تقول اللي مضايقك ..
زياد يصد بنظره عنها .. العنود تنهدت / يالله فمان الله .. وطلعت لفوق ..
العنود بسرعة وهي تلبس عباتها / زهرة فيه حنا انتي تعرفين مكانه .. حني شعر امي ويدينها ورجولها ..
وحني شعر ساره.. انا لو عندي وقت كان حنيتهم بس ...." وتنهدت " .. يالله سلام ..
" مرت على ساره وسمر وسلمت عليهم .. ومرت على امها النايمه بالغرفة وقبلت يدينها وطلعت من البيت ..
شافت ابوها جالس بالحديقة وبتال جالس جنبة .. وصبري واقف عند بداية الجلسة "
العنود / يبه انا رايحة .. ابو راكان صد عنها والا كانها موجودة ..
رفعت راسها وشافت صبري واقف ../ انتبه عليه ياصبري .. " بتال فتح عيونه للاخير عصب "
صبري بابتسامه / في عيوني ياعمه ..
التفتت على جهة جدها شافت زجاج شباكة مقفل .. عرفة انه ما يبي يشوفها رايحة مع زوجها ..
بتال من بين سنونه / امشي قبل ما يصير شي ما يعجبك ..
" قبلت راس ابوها ويده ومشت وراء بتال وهي متاكدة بان عاصفة قوية راح تجيها " ..


ـــــــــــــ


بالاستراحة ..
عناد / هههههههههههههههههه والله قوية هههههههههههههههههه
سعود / تضحك وانت وجهك ..
عناد / هههههه كيف كان شعورك تقول ههههههههههه ...
سعود يبتسم / والله يوم قعدت فاتح فمي ولا احس بشي غير ما اسمع الا ششششششننننن هننننننننننن ..
وانا متصلب ما ادري ويش جاني .. غير عيوني تلاقط هالادوات اللي تمسكها .. وكل بعد اشوي اقول ضرس انخلع ..
عناد اللي جلس على الارض من كثر ما يضحك وهو يمسك ببطنه / هههههههههههههههههاااااي ..
طلال وسيف يدخلون و بستغراب / السلام عليكم ..
سعود / وعليكم السلام ههههههههههه .. تعالوا اجلسوا تعالوا ..
عناد راح يجري لدورات المياة .. طلال يبتسم / سلامات ويش فيه ..
سعود / بسبب اختك واللي سوته فيني ..
سيف / انت تستاهل ..
طلال / اماني ويش سوت فيك ..
سيف يجلس قبال ترمس القهوة / لالا نوال ..
طلال رافع حاجب / نوال ويش صار ..
سعود حكى القصة لطلال وسيف وما سمع الا ضحكهم ..
سعود / من يوم هي صغيرة اختك عوبه ..
عناد / والله كل ما تخيل شكلك اضحك .. والله اخت رجال ..
سيف بنبرة مقصودة / هي قالت عيادة نساء تروح لها انت وبتسوي لها شوشرة ..
ولا بعد انت كنت اكثر واحد معترض على شغله .. والحيييييييييييين انت تروح تخرب نظامها ..
سعود اعرف حدودك والعب على قدك مانت قد نوال ..
سعود رفع حاجب وصد عنه .. بدا الشباب يوصلون للاستراحة وبدا تغير اجواء الحديث ..


ــــــــــ


بيت ابو بتال ..
الجوهرة / اقول سلطان ..
سلطان ببرود وهو يقرا احد الصحف / نعم ..
الجوهرة / ابي اسافر باريس مع ام بندر عزمتني وانا قبلت عزيمتها ..
سلطان بسخرية / ما شاء الله على حسابها ..
الجوهرة / لااا بس انا قلت تحولي انت والعيال على حسابي و.........
سلطان يقاطعها وببرود / مو يكون عندك احساب اول ..
الجوهرة بستغراب / ويشلون ما عندي هذا البطاقة بالشنطة اجيبها .....
سلطان يقاطعها وبسخرية / اااااااااييييه الا انا ما قلت لك اني اغلقتها ...
الجوهرة متفاجأه / ويش اغلقت ؟؟
سلطان يوقف / اذا بغيتي فلوس تطلبين مني وانا يا اعطيك يالا .. واذا عرفت انك اخذتي من العيال ريال واحد ..
ليحرم عليك الطلوع من هالبيت.. والسفر انسية وام بندر ابعدي عنها ..
ام خزامى سنين مصاحبه ام بندر عمرها ما سافرت معاها ماتختلط معاها الا علشان تمشي شغل زوجها ..
وانا مالي شغل مع ابو بندر يعني علاقتك معها اقطعيها .. الجوهرة انتبهي لعيالك وبيتك وقولي يالله حسن الخاتمة ..
" تركها وطلع لمكتبه " .. الجوهرة بقيت تهز برجلها مقهوره ..



ــــــــــ



بيت بتال ..
بتال يقفل باب الشقة وبحدة / تعالي هينا ..
العنود التفتت له وبهدوء / نعم ..
بتال بعصبية / من ذا الصبري اللي تكلمينه وكانه واحد من العايلة ..
العنود بهدوء / وهو واحد من العايلة ..
بتال يلف يدينه على بعض / لا والله ... اخوك والا عمك والا خالك وانا ما عندي خبر ..
العنود / لا هذا ولا ذا بس ...
بتال يقاطعها / وتكلمينه ولا كان احد جنبك .. ما انتي شايفتني .. ويوم توصينه على ابوك ليه ما عنده عيال ولا اهل ..
العنود بهدوء / عياله كل واحد عندة مشاغله ولاهي عنه ..
بتال انقهر / انقلعي من وجهي ما ابي اذبحك وابتلى فيك .. " العنود تركته وراحت لغرفتها " ..
بتال يجلس على الكنبة وبهمس / لو مو انك بنت عمي كان تصرفت معك بشكل ثاني ..



ــــــــ



يوم جديد ..


سند يدخل جناحه .. وبهدوء / رنيم يالله استعجلي ..
رنيم بضيق / قلت لك مااااا ابي اروح معاك ..
سند يبتسم/ بكيفك .. بس ما راح تلقين احد يوديك ..
رنيم بثقة / انا كلمت صقر قال بيوديني اطلع منها انت وهي تسلم ..
سند يرفع حواجبه / غريب صقر اتصل عليه وقال لي اوديك ..
رنيم عصبت / لا تكذذذذذذذذب ..
سند بهدوء / تبيني اتصل وتتاكدين ها .." رفع جوالة واتصل على صقر " الو .. اقول صقر قول لختك اللي قلته لي ..
رنيم / الو صقر ....
صقر يقاطعها / رنيم انا مو فاضي لدلعك عندك زوجك ولا تزعجيني ..... " وقفل المكالمة " ..
رنيم وضح الضيق على وجهها واختنقت بالعبرة / ..............
سند جلس جنبها على السرير / لزم تعرفيني اني اكذب على العالم كله الا عليك انتي ما اكذب ..
ثانيا .. امك وصقر للحين زعلانين من اللي زعل ابوك وما اتوقع اللي زعل ابوك طولت لسان ..
رنيم بقهر / ما طووووولت لساني ولا قربت منه هو كذا جاء من غرفته وضربني ما ادري عن شي ..
لمعت عيون رنيم بالدمع رفعت شعرها عن وجهها ورجعته لوراء ..
سند بعد صمت .. بهدوء / خلينا نروح المستشفى وبعدين لكل حادث حديث ..
رنيم بعبرة / ما ابي .. واطلع ابي انام ..
سند يمسح دمعة نزلت على خدها / وعد مني لرجعنا من المستشفى تمرين على امك وتسلمين عليها ..
رنيم / احلف ..
سند يبتسم / انا ما اخلف بالوعد .. يالله اساعدك تجهزين " قالها وهو يوقف " ..
رنيم وهي تنزل من السرير بهدوء / لا انا اجهز نفسي ..


ــــــــــ


... / الو ..
غيث / السلام عليكم ..
ريما بخجل / وعليكم السلام ..
غيث بزعل / ويشلون اللي يتغلا ولا عبرنا حتى برسالة ..
ريما / لا مو اتغلا بس كنت تعبانه شوي ..
غيث يخوف / بسم الله عليك ياقلبي عسى ما شر ..
ريما بخجل / لا مو .. مو تعب مره خفيف بس وخلاص ..
غيث يبتسم ريما مكشوفة له / اممممممم يعني كل شهر راح يكون كذا ..
ريم ببراءة / هااا ايش هو ..
غيث بخبث / هههه التعب راح يكون شهري بهذا الوقت ..
ريما حمر وجهها وقفلت المكالمة ...
ريهام دخلت الغرفة وشافت وجه ريما وبهتمام / للحين بطنك يعورك ..
ريما نزلت دموعها .. رن جوالها وقفلت ورمته على الكنب وكانه انلسعت بنار ../ اهئئئئئئئئئئئئ ...
ريهام تضمها وبخوف / ريموو ويش فيك يا قلبي مره تعبانه ..
ريما تهز راسها بلا ..
ريهام / اجل ايش فيك ليه هالدموع ..
ريما تبكي/ غيث اهئئئئئئئئئئ ..
ريهام / زعلك انطقي تكلمي ..
ريما بخجل / لا بس قليل ادب ..
ريهام بستغراب / هاااااااااااه قليل ادب ..
ريما بخجل / قلت له تعبانه شوي قالي " وههي تقلد صوته " .. يعني راح يكون شهري بهذا الوقت ..
ريهام حمر وجهها من الخجل / قللللللللللللة ادب ..
ريما رجعت تبكي .... وريهام تواسيها ..


بيت غيث ..
غيث / ههههههههههههه ههههههههههههههههههههههه ههههههههههههههههههه
ياحبني لها يانااااااااااااااااااااااااااااااااااااااااس ..
هيفاء تطالع فيه بابتسامه / حرام عليك غيث احرجتها بنات مياسة كلهم خجولات وحساسات ..
غيث يبتسم / والله احبه ياهيفاء احسه مثل الفراشة ناعمه ورقيقة ومليانه بالفرح ..
هيفاء تبتسم / الله يسعدكم ..
غيث يوقف / امين ويسعدك مع رعد ..
هيفاء رجعت نظرها لكوب القهوة اللي بيدها .. وسكتت تفكر برعد ..
غيث / انا طالع رايح اشوف ريما .. وارضيها ..



ـــــــــــ


بالاستراحة المشبوهة ..
لؤي / وين صاحبتك .. ما ردت ولا اعطتنا خبر ..
صالحة / انا اعطيتك كل اللي معاي يخصها وقلت لك تصرف معاها .. اعطيتك رقمها ورقم ابوها ..
لؤي / انا ارسلت مقطع الصوت لها وانتظرت اتصالها بس ما اتصلت ..
صالحة / انا اتصلت عليها اكثر من مرة وجهازها مقفل .. اشوف أي رقم ارسلت عليه المقطع ..
لؤي يفتح احد الجوالات اللي معاه / وهذا هووووه ..
صالحة تفتح عيونه / اتوقع البنت ماتت هذا رقم ابوها اكيد ذبحها .. ابوها واحد اقشر ..
لؤي وهو يدخن من سيجارة / اقوووووووووووول صوصو هالكلام ما يمشي عندي ..
صالحة / انت اللي ضيعتها فلا تلومني ..
لؤي يضربها كف / لا ترفعين صوتك ياكلبه .. وانقلعي عن وجهي ..
طلعت صالحة وهي مقهورة من لؤي .. لو مو الصور اللي ما سكها كان من زمان انتقمت منه وانهته ..
بس تحصل على الصور رح تنتقم منه .. ويكون عبرة لغيرة ..
لؤي / انحرق كرتك يا صالحة وصار لازم ارميك ..



ــــــــــــ


بالصالة الرياضية ..
عناد / الا سند فين يتدرب ..
صقر / شفت تقسيم جسمه كل مره يزيد ...
رعد / يجي كل ليلة يتدرب هينا اللين الفجر وفي البيت جيته اكثر من مره لقيت عنده الات رياضية ويتمرن فيها ..
عناد بضيق / كل ليه يجي هنا وزوجته وينها عنه ..
رعد / عنااااد ..
صقر وقف التمرين / كاني حاس ان فيه شيفرت بين كلامكم ..
رعد / مافي شي ..
عناد يتنهد / ..............
صقر / عناااااد انت تدري باللي صار ..؟
عناد بجمود / لا ..
صقر / عناد واضح انك تعرف كل شي قولي ايش اللي صار ..
رعد / صقر قال لك ما يعرف شي خلاص ..
غيث / السلام عليكم ..
الكل / وعليكم السلام ..
غيث / لي مكان اتمرن رحت ابي الشوف زوجتي طردني عمي ابو سطام ..
رعد وعناد / هههههههههههههه
صقر / اعذرني غيث انا رايح عند مشوار ..
غيث / خذ راحتك .." بعد مطلع صقر " .. ويش فيه صقر متغير هالايام ..
رعد / زعلان من امه وابوه واخواته على اللي صار برمضان ..
غيث / له حق يزعل بس مو لها الدرجة .. خالتي تشتكي منه ..
عناد / حاولنا فيه مو راضي بكيفه بكرة ينشغل بالجامعة ويلتهي شوي ..
رعد / يالله ابدا في الرياضة وورينا لياقتك ..



ــــــــــ



مكتب سلطان ..
متعب / سوت اللي قدرت عليه وبعد ما توسطت له وكفته قدام اللي ما سك القضية قدرت اطلعه منها ..
بكرة تجي للمركز وتكفله وتتعهد وتاخذة معاك ..
سلطان / جزالك الله خير يا متعب ..
متعب/ هذا واجبي ما سويت شي ..
عبدالعزيز / انا اخذت شهادته وكملت الاوراق وارسلتها وكلمت عزام يساعدنا هناك عسى تتيسر الامور ويروح يدرس ..
متعب / واذا محتاجين مساعدة انا موجود نايف بغلات ماجد عندي ..
سلطان / كثر الله خيرك اتعبناك معانا ..
متعب يوقف / لا تعب ولا شي .. يالله انا لزم اروح اشوفكم على خير ..
عبدالعزيز وسلطان / فمان الله ..


ـــــــــــ


يوم جديد ..

رجعوا الطلاب والطالبات للمدارس ..


سند وام سند وغرام راحوا لحفر الباطن ام زيد طلبت من سند ياخذ غرام للمستشفى ويسحبون الي اللي بانفها ..
وبعد ما وصل سند لـ ام زيد .. ام زيد تكشف على غرام / ييييييييههههههههه معدتها مقلوبه وخاوية ..
سند اللي طلبت ام سند حضورة قاعد عند الباب ومعطي ام زيد واخته ظهرة ..
ام سند / كيف يعني خاوية ..
ام زيد / تعبانه بنتك حيل يبيلها غذاء .. اقول يابنت انتي طحتي او شلتي شي ثقيل وانتي صايمة عن الزاد ..
ام سند / ليلة الزواج قالت انها دايخة وما اكلت شي ..
ام زيد / اجل ياطاحت يا شالت شي ثقيل وهي جيعانه قلب معدتها ..
سند / وريحه ..
ام زيد اللي لبسه برقع وجلال صلاة احمر و جلابية روز ازرق وريحة الاعشاب فايحة منها / اسمع ياولد ..
به شيخ بالمسجد اللي باول الحارة المسجد الكبير اريته " رايته " .. به هناك شيخ زين خله يجي ويقرا على اختك ..
جنبي رقد وانا امرخها " ما اعرف افسرها لكم اللي تعرف تعرف والاي ما تعرف تسال امها وشلون ^_^" ..
بها شر للحين ما طلع منها .. " وبعد ما خلصت من الكشف ربطة بطن غرام بشماغ " .. هذي اعشاب مطحونه ..
خلها تاخذها على الريق مع كاس حليب دافي .. انتم بترجعون دياركم متى ..
سند / متى ما خلص علاجها ..
ام زيد / اها شف البيت اللي قبالي به بيت صغير استاجره ان ما كان احد سبقك عليه ..
وكل صبح ومساء امر عليها وشوفها .. والله ان البنت كسرت خاطري الله يقومها لكم سالمه غانمه ..
سند وام سند / امين ..
سند تلطم بشماغه ولف اخته بالفرشه اللي معاه وشالها .. بعد ما وصل لسيارة نيمها فيه ..
سند / يمه انا رايح اشوف البيت اللي قالت عنه الحرمة ..
ام سند / طيب ..
راح سند واستاجر الملحق كان غرفتين ومطبخ صغير وصالة .. وراح لشيخ وقاله عن غرام ..



ـــــــــــ



بيت ابو عبدالله ..
ابو عبدالله يدخل البيت وهو اللي غايب عنه 3 شهور ../ السلام عليكم ..
حنان ومها / يببببببببببه " وراحوا يجرون يسلمون عليه ويحضنونه " ..
شريفه اللي لها ايام متغيرة ومو على عوايدها / وعليكم .. ويش عندك راجع ..؟
ابو عبدالله / ما يصير ارجع ..؟
شريفة / لك شهور غايب ما ندري عنك والحين راجع ويش عندك ..
ابو عبدالله / غايب اجيب لك فلوس والا ما تشوفين رصيدك .. " تركها ودخل البيت " ..
مها / يمه ليه قلتي لبوي هالكلام ..
شريفة / انقلعي عن وجهي .. انا قاعدة طفشانه وانتي ولا داريه عن شي ..
مها / وليه ما تروحين لبيت جدي ولمشاويرك اللي ما نعرف عنها وتغيري هالنفسية اللي عليك ..
شريفة بارتباك / أي مشاوير اللي اروح لها ما رحت لمكان وبيت جدك زعلانه منهم ما ابي اروح ..
حنان / يمه انتي اخر مره لمن جيتي وعبايتك مشقوقة ومغبرة وين رحتي فيه ..
شريفة بعصبية / اسكتي انا ما قلت لك لا تطرين هالسالفة مرة ثانية ..
مها / على هونك يمه لا تعصبين .. حنان صادقة انتي وين كنتي هذاك اليوم رحتي وانتي مبسوطه ..
ورجعتي وقها وحالتك حالة وبعد هذاك اليوم معاد طلعتي من البيت ..
شريفة / بنننننننننننننننننننننت ما بقى الا تحاسبوني ..
عبدالله من وراها / ويش مسوين انتي ووياها للغالية ..
مها بخبث / حنا ما سوينا اللي سوت العنود ..
عبدالله باهتمام / ويش سوت العنود ..
مها وبابتسامه خبيثة / تزوجت ..
عبدالله متفاجأ / تــــــــــــــزوجـــــــــــــــــــت ..
شريفة / ..............











اتمنى يعجبكم ..
وعذرا على القصور والا خطاء الاملائية ..
واسفة جدا للي ما قدرت ارد على تعليقهم .. بس اسعدني تواجدهم جدا ..
اختكم ... مشاعل السعودية ..


سبحان الله و الحمد لله و الله اكبر ...