السلام عليكم شعوله.

كيف الحااال

روايتك حلوه بس يبيلهااا تركيز. ماشااااالله عليك الي متمكنه منهم كلهم

أنا لي في راكان وسمر والعنود وبتال

بالنسبه لرنيم أكيد ابو صقر عرف شي عنها بس مااهو من صالحه لان صالحه تبيها تجي لانها مهدده

فماهو من صالحها ان أبوها يعرف ببلاويها وتطير ورقة الأمان منها

ليش راكان ماهو مراااتاح مع سمر
احيانا الحبيب يحط محبوبه ملاك ويتفاجئ في الواااااقع والعشره

العنود. لا يكون بيجيها الي جااا أمها

ننتظرك شعوله *

مساء الخير ....تسلم ايدك ميشو على البارت مامنك قصور ........بس للان الالغاز والخفاية ماتوضح لنا اي شي بالعكس كل مرة تزيديها علينا ....يعني بالنا مشغول بالماضي جيل الاجداد وبعدين جيل الاباء والي صار فيه وانعكس الحين على جيل الاولاد ......نلف وندور ونشيل ونحط ومازال الغموض محيرنا وردودك تزيد حيرتنا

رنيم ومياسة

اول شي صاحبة المسجات والعلاقات هي مها بنت شرفوه عديمة التربية لانها هي الي صورت الشباب يوم تجي الزرعة وانهبلت على بتال بالذات وطاحت براس رنيم انا قلت انو مستحيل موقف الصور يمر بدون مشاكل وهي صرحت انها بتوري الصور صديقاتها وللاسف طاح فيها غيرها بس مصيرها ومصير اختها والطريق الاعوج الي ماشيين فيه راح يضربهم في الصميم

اما رنيم مااعتقد انو ابوها ضربها على سالفة الجوال مين راح يقوله اصلا اعتقد انو مو كل الشباب يدرون بعد ...الا اذا رعد لانو مايعرف زوج اخته وقشارته والعذاب الي معيشهم فيه راح ينصحه هذاك شي ثاني .........او يمكن الابو يقصد موضوع ثاني وهو موضوع خطبة سند لها وهي عرفت فيه وصرحت عند احد او عند عمها بالرفض وطبعا بما انو هو اعطى الموافقة ويوصل لاخوه رفض بنته هالشي بينزل كلمته وبينزل راسه بعد من وجهة نظره .....ماادري هذا الي جاء ببالي
بعد هالموقف مياسة ماراح تسكت خصوصا اننا مانعرف الحالة الي وصلت لها رنيم بعد الضرب وحجم الاضرار يمكن هالشي بيكون سبب انفجار مياسة وتكشف زوجها الموقر عند كل العيلة ........متشوقة اعرف سالفة دلال ومن تكون .......ومنتظرة اشوف رنيم والي بتصير عليه حياتها وهل بيتم موضوع زواجها من سند الي بهالفترة هو مشغول على اخته ولابباله موضوع ثاني


العنود

ميشو انا مو كارهة العنود ككره بس اكره الوحدة الي مسوية حالها انها قادرة تتصرف بكل الامور الصعبة وماتبي مساعدة احد وتحط اللوم على غيرها بينما هي عارفة ومتكتمة على امور كفيلة انها تخلصها وتخلص اهلها من الي عايشينه دامها عارفة مقدار الضرر الي متعرضين له اهلها وهي من شرفوه والسكن ببيت الجد ماجاب لهم الا المصايب ليش مالجأت للي اكبر منها وقوى منها يحط حد لشرفوه وامثالها الى متى تشوف عمرها انها قادرة تحمي الكل وهي مثلها مثل الي حولها معرضة للضرر ...........تعاقب الكل وتحمل على الكل بقلبها ليه ماتحط ببالها انو ممكن بأي لحظة تموت ويموت سر اهلها والي ضرهم او ممكن تصير مكان امها كل هالامور واردة الى متى وهي ساكتة عن شرفوه وهي شايفة تماديها .......

حتى لو كانت لوصية من جدتها او اي سبب شرفوه وامثالها مايستحقون الرحمة لانهم مارحمو غيرهم وحدة همها الدنيا ومفاتنها ولاهمها يوم الحساب ولا متى تموت وهي حاملة اكبر قدر من الذنوب

مهما كان ذكاء البنت وقوتها هي مخلوق ضعيف يحتاج لسند وهي اعتمدت على نايف وحرمته من عيشته الطبيعية وعندها اخوان اثنين رجال بدل ماتتقرب منهم وتعتمد عليهم تنفرهم منها بأسلوبها ونغزاتها لهم والى متى الحين هي عند عمامها ليش ماتستغل الفرصة وتخبر جدها على الاقل يساعدها .........خصوصا بعد موقفها مع شرفوه هي عارفة انو انتصار مؤقت وعارفة مدى الحقد الي تحمله شرفوه والي ممكن تسويه دامها ماشية ورى رغباتها لازم تحتاط منها بعد الي سوته ومثل ماتعالج اهلها من السحر لازم تخلي الشيخ يسوي لهم شي يحميها هي واخوانها من اي سحر ممكن تسويه الي ماتخاف ربها

الصداع وزغللة العين هل هو مرض تحمله بسبب الحمل الكبير ولا شر من شرفوه اتمنى يكون الاول مانبي سحور زايدة كافي الي منصابين منه ..........واعتقد راكان بيسوي لها تحاليل زواج مع بتال لانو شك بكلام بتال بعد ماعرف الي كان بيصير من وراه مع انو عارف اخلاق العنود بس البعد والتوقيت خلاه يشك بكلام بتال وهو مستحيل يزوجها لعبيد حتى لو كانت هي راغبة فيه .......بس هل بيقدر على العنود وعنادها الي يعل القلب وحقدها الي تحمله لاهل ابوها ...ماادري


نايف
نايف وشخصيته الجديدة انا مع تخمين هموس خصوصا انو سبق للعنود شافت عنده حبوب او علب ادوية اعتقد انها كانت للعلاج مو للادمان لو هي مخدرات ماراح يرميها بمكان سهل احد يشوفها وهم قالو انو محلو ومغير شكله ماقالو دابل وشاحب والمدمن صحته تتأثر ويكون مهمل لشكله الخارجي لانو همه يدبر فلوس للسموم الي ياخذها بس شكله وتصرفاته تمويه لشي يبغي يوصل له ...........نايف مو بسهولة بيرمي حاله للدمار وهو في اصعب اللحظات الي عاشها ماانحرف غير كذا عارف الي ممكن يصير لخواته من ضياع لو هو انحرف واخوانه لاهيين هو تعمد يقول الي قاله لراكان علشان يشغله وهو عارف كرهه لعبيد ولانه من داخله خايف على العنود من شرفوه فقال الي قاله علشان يكون خلاصها بحل من راكان .....بس هل بيرضيه الحل وممكن يأمن على العنود وهو عارف يباسة راسها ولا بيصير الي يتمناه

شرفوه وقرودها

اعتقد الي كشفته العنود لها شي عن ماضيها والي هو سبب حقدها وكرهها للناس شي خبرتها عنه الظبي والي شكت شرفوه انو العنود تعرفه .........اكيد في اشياء اكبر تعرفها العنود وماخبرتها الا بالي هي تبغي شرفوه تعرفه ........هي الحين بتكون متوجسة ومتخوفة من كشف الخفايا الي يمكن لو طلعت عند احد كفيلة تدمرها وتدمر حتى بيتها وتبعد عيالها عنها .......طبعا شرفوه ماتعرف الا الشر والسحور يمكن تحاول تسعى لهالشي بس الي ماعملت حسابه انو العنود تتزوج غير ولدها وتبعد عنها ........عاد كيف بتقدر تمسك ولدها وتهوره وهي الي وعدته وعشمته بالعنود واهمالها لبناتها وكل وحدة وراها بلاوي وهي موداريه عنها راح تطيح على راسها مرة وحدة وهنا بتكون الضربة القاضية لها حتى من زوجها الي سكت لها سنين .........بنشوف سحورها واحقادها هل بتنفعها ......

واظن قصد العنود من رضى الجد بتزويجها لعبيد علشان يرضي شرفوه بسبب الماضي وتقصيره معاها والي هو كان سبب فيه اعتقد انها بنته من زوجة متزوجها لغرض معين بس هذيك حملت وحطته امام الامر الواقع وهو ابتلى بشرفوه وكرهها لذلك عاملها غير عن خواتها وهذا سبب كرهها لهم

خديجة

ايش سر نظرتها وليش قلت جيتها لبيت ابوها وحتى قل كلامها وهي الي ماتسكت هل عرفت شي من فعايل شرفوه هل سكوتها ونظراتها تدل على حدث قوي ممكن يصير ويفاجئ شرفوه


الجوهرة وغبائها

مراهقتها الي جاية تبغي تعيشها راح تهدم حياتها يعني هي اغترت بالمظاهر والفلوس الي عايشين فيها غيرها ماحطت ببالها انو هي عندها الي ماعند اصحاب الفلوس هي شعرفها عن حياتهم وعيشتهم هل هم مرتاحين هل عندهم بيت مثل بيتها وعيال يتمنون رضاها ومايرضون عليها ......هل عندهم ازواج ينتبهون لتغيراتها ولبسهم او اي تصرف يبدر منهم والا مشغولين عنهم بجمع الفلوس ومسكتينهم بالاشياء المادية والسفرات ........هل معتقدة انو الي تشوفهم وكل وحدة تتفشخر من جهة انهم بقمة السعادة ........كل وحدة تتفشخر علشان تلفت انتباه الي حولها وتنتظر كلمة مدح هذا يدل على انها محرومة من الكلمة الحلوة الي تتمناها كل زوجة ..........للاسف كثيرات الي نفس الجوهر لما يكبرون يتشكون انهم عايشات بحرمان ........يتناسو كل اللحظات الحلوة الي عاشوها مع ازواجهم وعيالهم بلحظة غباء .........اعتقد الجوهرة عقابها بيكون قوي غير متوقع وبتتحسر على انها رفضت النعمة الي كانت فيها


سمر وراكان

سمر ماالومها على كرهها للعنود ولو انا مكانها بكون نفسها .....يعني لما تجيني وحدة على اساس انها بنت عمي واخت زوجي بالمستقبل تجرحني وترمي علي كلام قاسي وتوعدني بالطلاق وبزواج اخوها من غيري وتحطم كل الي كنت عايشته من خلال خطبة راكان وحجزه لها سنين .....اكيد بكرهها كلامها كان قاسي حتى لو الي قاله مو نفس العنود ومجبور بس العنود عرفت كل الي صار من منار هل بادرت تصلح الي صار هل اهتمت احسها مبسوطة وفرحانة لانها ماتبغي اخوها ياخذ من بنات عمها مو لانها تحمل عليهم بقلبها تنتظر من اخوانها المقاطعة ومتوقعة لو ابوها يرجع مثل قبل بيقاطع اهله ولا بيجيب خبرها ........بس اتمنى من سمر شي ماتطيع امها بكلامها ولا تسمع لها ولاتخبرها اي شي عن حياتها الخاصة ........تتكتم على كل امورها وتهتم بزوجها وبس ولو ماتكثر زياراتها واتصالاتها لامها بيكون احسن واحسن

اما راكان الى متى وهو مو عارف الي يصير من وراه وهل بيكتشف مرض اهله بالصدفة اعتقد اذا عرف بيثور وردة فعله على العنود بتكون نارية ........مهما كان مايصير انو توصل حالة اهله للدمار وهي تروح تلجئ للغرب وهو مثل الصنم مايعرف شي بعده موعذر انو العنود ماتعلمه ..........واعتقد انوبيكون له دور كبير بحياة اهله في الاحداث الجاية

غرام

بداية تحسن بسيط في حالتها بس مازال المشوار طويل على مااعتقد .......وهي بعد لازم تكون عندها الارادة للخروج من حالتها مو تعتب على غيرها لو تغيبو عنها ........هي عارفة انو كل واحد وله حياته وظروفه ويمكن يجي الوقت الي غيرها ظروفه تجبره يبعد عنها اذا بتتحسس من هالغياب هي الي بتخسر مو غيرها ....... وننتظر نشوف سبب الي تمر فيه كله وهل للحرمة الي هاوشتها بعرس سمر يد ولو بشكل غير متعمد

بتال
بتال وردة فعله على الي طلبه راكان اعتقد انو راكان خبره بالي عرفه من نايف هل بتال هو الي بادر بالخطبة لما شاف حالة راكان وسمع كلامه او راكان نخاه وطلبه ........هو كاره العنود لانو مايعرف اي شي بس لو تزوجها وشاف شكلها هل ممكن يدقق وينتبه للشكل الي فيه اختلاف ....... مو معقولة منار نسخة من العنود وهي موتوئمها لابد في فرق هم لو خوات من نفس الام ماراح يتشابهون نسخة وحدة ...........منتظرة اعرف بتال وشخصيته واسراره ...والاهم ردة فعل الجوهرة ههههههههههه ياني ابيها تحترق حرق من القهر وسلطان يزيد عليها

رعد وهيفاء

رعد حاط بباله شي متوقع انو بيقدر ينفذه لانو ماعنده خلفية عن زوجة المستقبل اذا هي ناوية تجيب راسه ماراح تخليه يسوي الي براسه ومهما كان هو رجال ومعاه حرمة ببيت واحد وحلاله مابيقدر يتجاهل وجودها

عناد

لايكون هو الي خبر ابو رنيم عن سالفة الصور لانو قال انو مايعتقد انو الموضوع انتهى بمجرد رمي الجوال والتخلص منه .........او يقصد انو بيتابع الموضوع مع الي خبره وطبعا دام الصايعة مهية هي الي تسوي هالاشياء ماراح يوقف كذبها وهو بيحاول يعرف مين البنت ويتأكد ... بنشوف ياميشو رايك انتي


الاشخاص المخفيين مين يكونو هل ممكن يكون واحد منهم تركي خوي راكان او شخصية بتصدمنا مانتوقع منها هالشي الله يستر منك ياميشو


اي والله ذكرتينا براعية هالكلمة الله يحفظها ويرجعها لنا بالسلامة

في انتظارك يابطة

بسم الله الرحمن الرحيم

السلام عليكم ورحمة الله وبركاته

الحمد لله والصلاة والسلام على رسول الله

توكلنا على الله .. لا اله الا الله محمد رسول الله ..


البارت 13



مقـــــــــــــــــــادير ياقلب العنا
مقادير وش ذنبي أنا
مقـــــــــــــــــــــــــــــادير
وتمضي حياتي
مشاوير واتمنى الهنا
مقـــــــــــــــــــــــــــــادير
على ميعاد حنا
والفرح كنا
وكنا بعاد وعشنا
على الأمل حنا
وكان الفرح غايب
وأثر الأمل كاذب
مقـــــــــــــــــــــــــــــــــــــــادير
ياأهل الهوى كيف المحبه تهـــون
كيف النوى يقدر ينسي العيـــــون
نظرة حنين وأحلى سنين
عشناها ياقلبي الحزين
مقـــــــــــــــــــــــــــــــــــــــادير



30 - 9 - .. الساعة 9:45 م .. بالخبر ..

واقف امام باب القصر .. متعكز على عصاته ..
..... يتنهد / لا اله الا الله .." قالها وهو يمسح على لحيته البيضاء من الشيب "
قرص عينيه ليوضح الصورة لشخص الجالس على احد مقاعد الحديقة ..
وبخطوات متمهله لكبر سنه وثقل الهم المحمول على اكتافه ..
الى ان وصل للمقعد .. وبحنية وهو يضع كفه المتجعدة على كتفـ ../ راكان ..
راكان بضيق / هلا يبه .. " ويتعد عن الكرسي ليجلس ابو سطام بجوارة "
ابو سطام بعد ما جلس على الكرسي / ويش فيك .. لك كم يوم منت عاجبني ..
راكان / ضايق صدري يبه .. حاس هينا " وهو يشير الى رقبته " غصة خانقتني ..
ابو سطام بحنية / بسم الله عليك .. ويش اللي مضايقك .. سمر ؟
راكان بضيق / لا .. " يتنهد " العنود ..
ابو سطام عقد حواجبه / اختك ويش فيها ..؟
راكان صامت لثواني ../ خطبها عبدالله ولد خالتي ... خطبها من جدي ووافق ..
وكانوا ناوين يزوجونها بالعيد يبه .. بدون علما ولا شورنا ..
اللي قاهرني ومضيق صدري ان ابوي وشلون وافق .. وليه ما عـ..
قاطعة صوت جدهه الغاضب / يخسي .. قال ابوها مريض واهله بعيدين ازوجها للي ابي ..
ماني سعود اخو سند ان خليت العنود تروح مثل ما راحت الظبي ..
راكان التفت لجده وهو مستغرب وبهمس / من الظبي ؟
ابو سطام ما سمع سؤال راكان .. وبحدة / ناد لي سلطان وتعالوا لي بالمجلس ..
وقف وبخطوات سريعة بعض الشي تدل على غضبة .. توجه الى المجلس ..
راكان اللي مستغرب من ذكر اسم الظبي وماتوقع ابد انها جدته ... وهو يرفع جواله بيتصل على عمه ..
... / من ذي الظبي ؟ وايش دخلها بموضوع العنود ؟ .... هلا عمي اسف اتصلت عليك بهالوقت ..
.. لا احنا بخير .. بس جدي يبيك .. هو ينتظرك بالمجلس ..



بيت ابو عناد ...
سلطان يقفل جواله .. ووقف / ابوي يبيني ..انا رايح اشوف ويش فيه ..
وانت يا راشد ان طبيت المستشفى ما يصير لك طيب ..
راشد بعصبية / بنت اخطت ما تبيني اادبها .. لو هي بنتك كان ذبحتها ..
خالد بحدة / راشد انت ناوي تفضحنا وين انت عايش فيه ..
سلطان بحدة / فهم اخوك وعقله .. الموضوع ما ينحل بهالطريقة .. زمان اول راح ..
طلع سلطان .. وراشد وخالد جالسين قبال بعض ..
راشد بنبرة مقصودة / اللي سويته الحين اهون وهذا ردهم عليك اجل لو عرفوا اللي مخفي ويش يسوون فيك ..
راشد / ويش بيسوون .. هذا اللي تربينا عليه .. الرجال ما يعيبه شي والبنت هي اللي تنعاب ..
خالد بحدة / لو ابوي عايش ويش كان رد عليك ..
راشد يضحك بسخرية / هههههه وانا ويش وصلني لها الحال غير ابوي .." وبتنهيدة " الله يرحمه وبس ..
خالد / عمي سعود ما يستاهل هذا منك .. حنيته علينا كانت اكثر من حنيت ابوي علينا ..
راشد بصد / عمك سعود .. عمك سعود عمرة ما كان يسوي شي علشانا ..
خالد باستغراب / اجل علشان من .. ؟
راشد / علشان بناته .. كل اللي كان يسوية علشان بناته المدللات ..
خالد بسخرية / من ... من المدلللات .. بنات عمي .. انت ماشفت اللي صار فيهم ..
تزوجوا اطفال .. وعاشوا حياة محد يقدر يتحملها بهالزمن .. " وبضحكة " انت بعقلك ..
مدللات ههههههههههههههههههههههههههههههههههههههههههههههههههه ههههههههههههه ..
راشد ساكت وهو يفكر بتهديدات سلطان وعمه .. مياسة رافضة الرجوع له ..
خالد / المهم مياسة خليها كم يوم ترتاح في بيتها وانت احجزلك في الفندق .. و ..
قاطعة راشد وبحدة / انا اطلع من بيتي .. اذا تبي ترجع هذا البيت موجود ..
و اذا تبي تروح بيت اهله وما ترجع يكون احسن .. خففت علينا ..
خالد متفاجأ / انت من جدك تتكلمن .. انت صاحي والا مجنون ..
راشد يمسك عكازة ويوقف / لا صاحي .. وهذا اخر كلامي ..
وهالكـ *** اللي بالمستشفى راح اذبحها واتخلص من همها ..
خالد يوقف / وكذا راح تخلص غلطان راح ينشرون المقطع ويصدقونه الناس ..
ومياسه بعد هالعمر والصبر اللي صبرته عليك تـ ...
راشد يقاطعه بقهر / كله بسبب هالي ما تتسمى امها .. مره سمعت بنتها وهي تسولف بالتلفون ..
وضحكها هاد البيت وتقول كلام ما ينقال .. ويوم جيت ابي اربيها وقفت بوجهي وصارت تدافع عنها ..
وخلت صقر يوقف معها .. وسكت مو علشانها .. علشان ولدي صقري .. اللي مصبرني عليها ..
طول هالسنين هو صقر اللي ما يرضى عليه ويزعل لشافها زعلانه وانا ما حب اشوفه زعلان ..
خالد يتنهد / ادري باللي في خاطرك ياراشد بس والله مياسه ..
يقاطعه راشد / اذا بتتكلم عنها ياخالد خليني امشي بيتي .. مع السلامة ..
خالد / الله يهدي بالك يا خوي .. مع السلامة ..



بالمجلس ..
ابو سطام بحزم / سلطان .. بنتك لجيت تزوجها .. تزوجها لرجال يصونها ويكرمها والا لرجال يهينها ..
سلطان التفت لراكان ورجع التفت لابوة / لرجال يصونها ويكرمها يبه .. ليه يبه ويش له داعي هالسؤال ؟
ابو سطام / بنتك يبون يزوجونها لواحد رخمه بلا اصل ينرفع فيه الراس لامن خوال ولا عمام ..
سلطان يطالع بابوه وواضح انه مو فاهم .. وراكان يطالع جده وبعد مو فاهم ..
ابو سطام يكمل .. ابو نايف ناوي يزوج العنود لولد بنته الصايع ومجهز العرس .. شاف اخوك مريض ..
ولا حوله احد قال انه هو ولي امرها .. ويزوجها للي يبي .. " وبفزعة " ولدي ياولدي .. لاتكسر ظهري ..
ولا تفرح العداء بنت اخوك لا تطلع من بيتنا .. هذي شعرة من لحيتي " قالها وهو يمسك لحيته " ..
سلطان يوقف وبفزعه / ابشر يبه .. والله ما اخلي للعداء مدخال لشماته .. وما ياخذ العنود الا بتال ..
راكان اللي فاتح فمه مو عارف ويش قاعد يصير .." اول شي الظبي .. وبعدها مرض ابوه ..
والعداء .. ويش يصير بالضبط .. " قطع تفكيره صوت جده ..
ابو سطام بحده / ولد .. انا اكلمك وانت فاتح فمك ..
راكان ببلاهه / هاا .. " التفت حوله والا عمه مو موجود .. راح وما انتبه "
ابو سطام بحدة / هوا عدوك بالبير .. راح وخذ اختك وسوي لها التحاليل ..
ولا طلعت ملكنا لها هي واللي مرمية بالمستشفى ..
راكان / يبه بكره عيد ما في مختبرات مفتوحه .. خلها كم يوم .. وبعدين ابوي ما عنده خبر ..
ابو سطام يتراجع بظهر للخلف .. وهو فاتح عيونه باستغراب / ابوك .. ابوك بعقله يوم ينوخذ شوره ..
راكان با ستغراب / ليه ابوي ويش فيه ..
ابو سطام يرفع عصاه ويضرب بها راكان وبحدة / قم قم انقاع من وجهي ..
راكان يوقف ويبتعد قليلا / جدي الله يهديك .. ويش فيك قلبت عليه .. فهمني ابوي ويش فيه ..
ابو سطام يتنهد / لا حول ولا قوة الا بالله .. اقعد وانا اقولك كل شي ..



ــــــــــ

الان .. 3 – 10 .. بالمستشفى ..

راكان يمسك يدها ويمشي .. والعنود اتبعته بسكوت .. الا ان وصلوا لغرفة ..
راكان / ادخلي ..
العنود تطالع فيه وتطالع بالغرفة / ليش ؟ ..
راكان بهدوء / راح يأخذون عينه من دمك بس ..
العنود بسخرية / اخوي العزيز خايف على صحتي ويبي يتطمن ..
راكان بسخرية مشابهه / يمكن اختي مريضة مثل امي وابوي وانا ما ادري ..
العنود سكتت ...
راكان من بين اسنانه / ليه ما قلتي لي ..
العنود بسخرية / وانت اعطيتني فرصة اقولك .. كل ما طريت امي والا ابوي .. قلت امك وابوك ..
راكان بصد / ولو كان لازم تقولين ولا تدخلين الغُرب ..
العنود / الغُرب ..
راكان يتنهد / مو وقته الحين .. بعدين راح احاسبك على هالشي .. الحين ادخلي وسوي التحاليل ..
العنود تتنهد / ليش هالتحاليل .. ؟
راكان بحدة / سويها وانتي ساكته ..
العنود بحدة / وان قلت لا ..!
راكان يمسك يدها ويضغط عليها بقوة ومن بين اسنانه / راح يكون اخر يوم لك تشوفين فيه الناس ..
العنود تألمت من المسكة بس ما وضحت / ومن قالك يهموني الناس .. احسن تفرحني ..
راكان بتهدد / وامك وابوك واختك واخوك .. كلهم محد يهمك منهم ..
العنود دفت يده و دخلت للغرفة وهي مغصوبة شافت ممرضة يبدوا انها سعودية ..
العنود بعد ما قفلت الباب وبهمس / السلام عليكم ..
الممرضة / وعليكم السلام .. تفضلي " وهي تأشر لها على كرسي " ..
جلست العنود وهي تفكر في كلام راكان وايش هي هالتحاليل ..
الممرضة تعلي صوتها / لو سمحت يا اخت ..
العنود انتبهت / هممم ..
الممرضة بمهنية / ممكن ترفعي كم عبايتك ..
العنود لبسه عباية على الراس وقفازات .. سحبت قفاز من يدها اليمنى ورفعت العباية ..
العنود تحاول تعرف التحليل ليش بس بدون ماتوضع عدم معرفته / امم كم يوم راح تاخذ التحاليل ..
الممرضة ضحكت ../ هههه من حقك تستعجلين .. الاستاذ بتال ما يتفوت .. بكرة راح تطلع ..
العنود زاد استغرابها .. وبهمس مسموع / بتال ..
الممرضة وهي تحط الاستر على مكان الابره .. / ايه انا اخذت العينه منه .. ما كان فيه ممرض ..
" وبضحكة " .. وبما انه انا سويتها لك وللأستاذ بتال .. فاول بنوته سموها على اسمي ..
العنود حست بحرارة في عيونهها غمضت وضغطت بيدها عليهم ..
الممرضة حست انه فيها شي .. وباعتذار / اا اسفه اذا ازعجتك بس كنت امزح مكان قصدي شي ..
العنود تحاول تسيطر على نفسها ../ لا .. لا .. لا تعتذرين .. ما ازعجتيني ..بس يبدوا اني دخت ..
الممرضة بحنية / طيب ارتاحي وانا رايحة اجيب لك عصير وراجعها " وبداخلها .. مسكينه ..
شكلها غاصبينها على الزواج .. كثير من البنات توقعوا ان التحليل بيمنع زواج الغصب بس .. لا حول ولا قوة الا بالله "
طلعت الممرضة وراكان واقف عند الباب .. التفت عليها ../ وين البنت اللي دخلت قبل شوي ..
الممرضة بمهنية مع شوية حدة / قاعدة داخل شكلها دايخة لزم تشرب لها عصير علشان تسترجع اتزانها ..
راكان بجمود / شكرا .. بس ممكن تـ .. والا ماله داعي .. " مد يدة علشان يمسك يد العنود الل يوقفه خلف الممرضة "..
العنود طنشت يدة وبامتنان للممرضة / شكرا .. " ومشيت بدون لا تلتفت لراكان .. حاسه بالم وسط صدرها وانكسار .."
راكان يمسك عضدها .. / وين رايحة من هينا غرفة رنيم .. جدتي وسمر عندها ..
العنود تركته وراحت لهم .. دخلت عليهم ../ السلام عليكم ..
الجميع / وعليكم السلام ..
العنود تقبل راس خالتها الهنوف اللي مرافقه رنيم ورفضت احد يرافق عليها من البنات .. / عيدك مبارك ياعمه ..
الهنوف بابتسامه / وعيدك يا قلبي ويش لونك انتي وكيف امك وابوك ..
العنود اللي جلست بجنب جدتها وكسفت عن وجهها / بخير الحمد لله ..
كان موجود .." ام طلال , وام سيف , ونوال , وريما , وسمر "
العنود بابتسامة وما كان بها ضيقة بصدرها / شلونك رنيم ان شاء الله احسن ..
رنيم اللي وجهها كله كدمات ويدها المجبسة والشد اللي بظهرها .. بنبرة مقصودة ../ مثل حالتك ..
العنود طالعه رنيم متفاجأه من ردها .. وايش تقصد .. قاطع عليها صوت جدتها الهامس ..
ام سطام بهمس ليخلو من الالم لحال هـ البنتين / تقصد الزواج .. راح تتزوجون سوا ..
العنود التفتت على رنيم وشافت الكدمات اللي حولين عيونها وحولتها لشكل بشع .. الجرح اللي اسفل شفتها ..
انفها اللي فيه اثار دم اسود ناشف .. وعليها لستر .. وبسخرية / تشرفنا ..
رنيم ابتسم سخرية وبداخلها " شر البلية ما يضحك .. كنت اتمنى اتعرف على العنود واتقرب منها اكثر ..
بس مو بهذا الوضع .. " ..



ــــــــ



بالاستراحة ..
عناد بعصبية / قلت لكم هي ما في غيرها ..
طلال بحدة / طيب ويش صار هذا احنا لحقنا عليها قبل لا تضيع اكثر ..
عناد يطلع جواله الاي فون ويشغل المقطع / ..
رنيم / هههههههههه
الشاب / فديت هالضحكة ..
رنيم بضحكة / حبيبي وحشتني ههههههه
الشاب / وانتي اكثر ماتتصورين قد ايش وحشتيني ..
رنيم / ااهاا طيب " وبصوت هامس مثير " وحشتني موت هههههههههه ..
سكر عناد المقطع قبل لا يكتمل لنهاية .. وبعصبية /.. سمعت سمعت الكلام سمعت الغزل سمعت القرف ..
واخر شي طاحت براس سند ابي افهم ويشلون رضي ها ويشلون ..
رعد حط يده على راسه / تصدق الشرهه مو عليك الشرهه عليه انا اللي علمتك ويش سبب اللي سواه راشد ..
عناد بسخرية / ولو ما قلت لي انت راح ادري .. مثل ما وصل لي هالمقطع ..
طلال / ايه صدق انت كيف وصلك هالمقطع ..
عناد يتنهد ويجلس مقابل لطلال ورعد / من جوال ابوي .. سمعته وهو يقول لعمي راشد يرسله على جواله ..
طلال / ليش اخذته ويش بتسوي فيه ..
عناد / بس كذا ابي اعرف محتواه .. ويمكن اعرف صاحب الصوت ..
رعد بسخرية / يالله .. وكيف تعرفه .. يا محقق كونان ..
عناد رفع حاجب / تتمسخر انت ووجهك .. راح اشوف رقم اللي ارسله على عمي .. واذا ماله صاحب ..
راح اسال اللي ارسلي الصور وراح يقول لي اذا كان من اصدقاءه .. هو له يدين في كل مكان هالفؤاد ..
طلال يصد / انا ما الي دخل اللي فيني يكفيني ..
رعد بتنبية / على فكرة ترا سند مايدري عن موضوع هالمكالمة .. ولا يدري عن السبب الي انضربت علشانه ..
ومحد يدري غيرنا حنا 3 والكبار .. ابوي قال لسند ان رنيم طولت لسانه على ابوها وضربها ..
يعني اللقافة مالك فيها ياعناد واللي في سند يكفيه .. من مرض اخته الا زواجة بهالوضع ..
عناد بتطنيش / انا ابي اعرف صاحب الصوت واجيبه عند سند والصورة ومقطع الصوت ..
واقوله الموضوع كامل .. وان شاء الله راح ابينها له قبل العرس .. علشان يلحق يتصرف ..
رعد / ههههههه عرس هههههههههه انت تدري متى العرس ..
عناد / لا ..
رعد / بعد بكره ..
عناد وطلال تفاجأوه / تممممممممممممممزززززززززززززززززح ..
رعد يهز راسه ... لا / لا ما امزح .. وانا وغيث بنفس اليوم ..
عناد وهو فاتح عيونه وبصرخة / كمان زواجك ..
رعد اللي كان يشرب موية .. شرق بها / كح كككحححححح كح .. لا .. كح كححححح .. بس ملكة .. فجعتني ..
طلال / ههههههههههههههههههههه ههههههههههههه شكلك يضحك ههههههههههههه
رعد بسخرية / لا من جد ضحكتك هه هه .. قوم قوم " وهو يبعده بيده " قوم ورنا عرض مقفاك ..
من يوم زوجتك حملت وانت صرت ثقيل دم مثلها ..
عناد / صادق .. وبارد وغثيث ومقرف ..
طلال / الله اكبر عليكم كل هذا فيني .. " وقف " .. خليني اروح عند مروووومتتتي " قالها وهو يتمغط " واناااام ..
رعد / تكون سويت خير .. يالله لا تورينا وجهك الا لمن ترجع طلال اللي نعرفة ..
عناد بابتسامه / يعني بعد 7 شهور .. لالالا 8 شهور .. شهر النفاس ما نبي ريحة خياس بالاستراحة ..
عناد ورعد / ههههههههههههههههههههه هههههههههههههه
طلال يطالعه بنظرات .. / تبي تخفف دم على حسابي .. يجي لكم يوم انت مع هيفاء وانت " وبخبث " مع لـ لـ لـ ..
وحط رجله منحاش من عناد .. قبل لا ينسدح بالمستشفى ..
ورعد اللي رمى نفسه على الكنبة هو منفجر ضحك على شكل عناد وطلال وهم يجرون ورا بعض ..


ـــــــــ


بعد يومين ..
مياسة ورنيم طلعوا من المستشفى وراحوا بيت ابو سطام .. والبنات راحوا لامهم ..
وقعدوا عندها ورفضوا الرجوع للبيت بدون امهم .. وصقر طلب من ابوه يسمح لهم ..
وطبعا راشد وافق علشان خاطر صقر .. بس يقعدون كم يوم ويرجعون ..

نتايج التحليل طلعت .. رعد خطب هيفاء من اخوها عزام اللي وصل 29 من رمضان ..
غيث خطب ريما ولا كان صار شي بامها واختها وهذا طلب من ابو سطام ..



بيت سلطان ..
جناح الجوهرة وسلطان ..
الجوهرة بعصبية / انا اللي احمل واولاد واتعب بتربيتهم .. واخر شي تحرمني من الفرحة بزواج ولدي ..
وياليت كذا وبس لا خاطب له وبتزوجه وحدة ماتسوا .. لا ياسلطان لا ما راح اسمح لك ..
سلطان بعصبية / وطي صوتك .. وبعدين بتال موافق والعروس ويش يعيبها .. بنت عمه اصل وفصل واخلاق ..
الجوهرة بسخرية / اخلاق ايت اخلاق تتكلم عنها الله اعلم ليه بتزوجونها ولدي بهالسرعة وسكيتي ..
اكيد مسوية مصيبة وتبون ولدي يتستر عليها اللي مثلـ .. آآآآآآآآآآآآآآآآه ..
" حطت يدها على خدها وهي متفاجأه من اللي جاها " .. تضربني يا سلطان علشانها ..
سلطان بغضب / واكسر راسك بعد .. والله والله يالجوهرة لو ما تعدلتي لتشوفين وجه سلطان القديم ..
الظاهر نسيتيه وحنيتي له .. قومي البسي وخذي الشبكة والهدية اللي جايبهم وتودينها عروس ولدك ..
وتباركين لها وانتي تضحكين والله يالجوهرة ان سمعت انك مسوية شي يزعلها والا قلتي كلمه تجرحها ..
ليكون اخر يوم بحياتك .. وموتك على يدي .." وخرج وتركها بقهرها" ..
الجوهرة واقفه والدموع على خدها وبقهر / طيب ياسلطان طيب انا اوريك .. والعنود دواها عندي بس صبركم ..



ــــــــ



بيت ابو سطام مساء ..
تم عقد القران .. غيث ورعد وسند وبتال ..
غيث طلب يشوف عروسته .. رعد تحجج بانه مو جاهز اليوم .. سند وضع رنيم ما يسمح ..
بتال قال انه بعد يومين ماخذها ونازل الرياض يعني مو لازم لا شوفه ولا زواج ..
وهذا التفاق لقاء الرضاء من راكان والجد ..

وقت الشوفة ..
في بيت ابو سطام ..

الهنوف واقفه بجنب ريما وتحاول تهديها ../ يا قلبي سمي بالرحمن وادخلي الرجال له ربع ساعة وهو ينتظر ..
ريما خوف مقابلة رجل اول مرة تشوفه بحياتها .. وحالة امها واختها وزعل امها من اختها ..
كانت واقفة وعيونها بالارض .. وبالها مشغول " بايش اقوله .. كيف ادخل " ..
حست بيد تحضنها وصدر يضمها ../ لا تخافين ولا تنزلين هالراس .. ادخلي بشموخ وثقة ..
ريما ضمته بقوة / صقر لا تخليني ادخل معي ..
صقر بابتسامه / بس ابشري من عيوني .. تعالي " مسكها وسحبها وراه وما خلا لها فرصة تتكلم "
صقر بضحكة / وهذي هي زوجتك .. لا ترفع قضية ولا غيرها ..
غيث بضحكة / اجل اطلع برا واتركنا مع بعض ..
صقر رافع حاجب / كيف اخليكم لحالكم ..
غيث يتقدم منه ويطلعه برا المجلس / كذا .. مو عقدنا القران خلاص ماعاد لك دخل ..
رجع غيث للغرفة بسرعة وقفل الباب .. ريما صارت مثل قالب الثلج ..
غيث بهدوء / السلام عليكم .. " مد يده كمصافح " .. انا غيث العزام .. زوج الاميره ريما الفارس ..
ريما قلبها يدق بقوة مو قادرة تهدا .. وبكلامه وقربة زادت دقات قلبها اكثر .. حست بانفاسة دافئة على خدها ..
غيث بخبث / اذا بتطولين بسكوت راح تكثر البوسات .. " وقرب له مره ثانية وباسها " ..
ريما فتحت عيونها للاخر المره الاول كانت تظنها حلم لكن الحين .. نقزت بشهقة / هههههئئئئئئئئ
غيث / هههههه يعني كذا بعدتي .. طيب ماشي " ومد يده " ماتبين تسلمين للحين .. والاااا ..
ريما رفعت عينه فيه تبي تفهم مقصدة .. شافه قرب منها اكثر / لالالا " وبعدت عنه خطوتين " ..
غيث مد يده لعضدها ومسكها وقربها منه .. ريما تحاول تبعد بس مو قادره ..
غيث .. يقبل جبينها وبهمس / اذا ما مديتي يدك وصافحتي يدي راح يزود القرب اكثر ..
ريما من الخوف مسكت يده اليسار وتحاول تصافحها باليمين .. وبخوف خجول / طيب ..
اااا .. طيب انا اسلم هاا .. " رفعت عينها وسحرتها ابتسامه غيث .. ونست نفسها " ..
غيث انتبه لنظراتها و انتبه للون عيونها الرمادية وانفها الصغير الشامخ وشفايفها الورديه ..
ريما ما كانت حاطه أي مساحيق تجميليه ولابسه فستان وردي قصير كت ناعم سحرته ..
بأنوثتها .. وبراءتها .. ونعومة بشرتها .. ريما رافعت نظره لعيون العسلية وانفه الشامخ ..
ولحيته السوداء المحدده بدقة .. قطع عليها همسه ببحه غريبه / عجبتك ...
ريما حست على نفسها وحاولت تبعد بس ما قدرت .. من شد غيث لها ..
قبلها غيث على خدودها وبهمس وانفاسه الحاره تلفح اذنها اليسرى / صار لازم اطلع ..
لو طولت راح يصير شي ما هو بمصلحتنا .. " وابتعد عنها وتنحنح ليعدل صوته " ..
هذي شبكتك وهذي هدية من خواتي ان شاء الله تعجبك .. " و توجه للباب " ..
ايه اذا احتجتي شي بلغيني رقمي موجود بعلبة الشبكة .. " وطلع بسرعة وهو يحاول يهدي انفاسه .." ..
ريما رمت نفسها على الكنبه تاخذ نفس .. رفعت يدها اليمنى وحطتهم على قلبها .. يمكن يهدا ..
...../ اجمل احساس فى الكون انك تعشق بجنون ودة حالى معاك
خالتينى اعيش ايام مالينة بشوق وغرام دوبنى هواك
عشقاك بجنون روحى انا قلبى المفتون كلة غناة
وياك بيعيش احلى هنا
حبيبى انا يا روحى انا
يا ويلى حالي عليك يا ريووومه دانتي طحتي يابت ومحدش سم عليكي ..
دا الرجال طلع من بدري وانت لهالا قاعده .. << كانت تغني وهي ترقص مع ابرار ..
ريما بابتسامهه خجوله / وانتم من متى هينا ..
نوال بابتسامة خبيثه / من يوم غيث طرد صقر ..
ابرار بضحكة / والله يا حالنا صار حال الله لا يوريك اذانينا لاصقة بالباب ..
الحمد لله ما انفضحنى قدام الرجال انحشنا قبل لا يفتح الباب بثواني ....
نوال بابتسامه / احنا نرحم بس اهي مسيكينه شوفي كيف حالها ..
وهي بدون مكياج وبدون حركات اجل لو سويتيها ..
على وين يابن الناس على وين بتاخذني << قالتها وهي تغني وتغمز بعينها ..
ريما وقفت ووجهها احمر من الخجل / قللللللللللة ادددددددددددب ..
ابرار كاتمه ضحكتها ../ اقول ريما لا تنسين الهدية وروحي لامك تبيك بسرعة ..
ريما تفرك يدينها في بعض / عندها احد .. مفتشله اروح لهم ..
نوال تمسكها من يدها / لا فشلة ولا شي غيث زوجك .. " وبمزح " لو انا منك كان رحت مشوار معاه ..
ابرار / ههههههههههههههههههههه ههههههههههههههههه ريما شكلك يضحك ..
ريما تطالع ابرار / مجنونه هالبنت وربي ماتعرفينها ..<< تقصد نوال ..
ابرار تهدا / من اللي ما يعرفها انا ؟!!.. انا خبزها وعجناها .. يالله خلينا نطلع ..


ــــــــ



بعد العشاء .. الكل راح يرتاح في بيته .. عائلة سطام توجهوا لجناحهم ..

الهنوف تلبس عباتها عند المدخل ..
ام سطام / الهنوف ..
التفتت عليها الهنوف / هلا يمه تامرين على شي ..
ام سطام بهمس مسموع / ايه تعالي ..
الهنوف بقلق لحقت امها لحد الغرف الجانبية / عسى ما شر يمه ..
ام سطام تاشر بيدها / قفلي الباب وراك وتعالي جنبي ...
الهنوف زاد قلقها قفلت الباب وبخطوات سريعة جات وجلست جنب امها ../ امر يمه ..
ام سطام طلعت الكرت من جيبها / خذي هالذي وروحي السوق اشتري فستان لبنت اخوك ..
واشتري لها هاللي تشترونه لبناتكم يوم العروس .. انا كلمت جارتنا ورفيقاتنا وقلت لهم عندنا عرس صغير ..
وابي بنت سطام ما تقل عن باقي العرايس .. انا قلت لها تنزل وتروح السوق " تنهدت " بس هي مارضت ..
الهنوف / يمه ابوي ما قال عزيمة رجال وبس ..
ام سطام بحدة / والبنت ماتفرح .. وانا ما افرح .. وام العريس ماتفرح .. مزوج سند وبتال بيوم واحد بلا عرس ..
ابوك خرف خلاص .. المهم بتجيبين اللي طلبته والا اوصي غيرك ..
الهنوف بتهدئة لامها / ابشري يمه بكره اخذ البنات واشتري لها احسن فستان وا اسوي اللي تبينه ..
بس انتي بتزفين بس العنود والمعاريس اثنين اكيد الحضور بيسالك وين العروس الثانية ..
ام سطام / بنقول زلقة وانكسرت رجلها .. عاد هذا نصيبها ..
الهنوف توقف / على راحتك يمه .. يالله تامرين على شي ثاني يالغالية ..
ام سطام / الله يوفقك ويسعدك ويصلحلك عيالك .. وداعت الله يابنيتي .. اخرتك على زوجك وعيالك ..
الهنوف تقبل راس امها / تصبحين على خير ..
ام سطام توقف معاها ../ وانتي من اهلة .. يالله ابي اروح انام اليوم سهرت واجد ..
الهنوف / هههههههههه يمه وايش سهرتي توها 10:30 ..
ام سطام وهي تطلع من الغرفة / يوه يابنتي انا حدي 9:30 وحط راسي انام ..
الهنوف توجهت للباب وهي تضحك على امها .. / الله يطول بعمرك يمه ..
رعد داخل وشافها / مساء الخير على الحلوين ..
الهنوف / مساء النور يالمعرس ..
رعد كشر بوجهه / لا تذكريني ..
الهنوف عقدة حواجبهها / ليه ما اذكرك المفروض تنبسط زالله هيفاء ما في مثلها ..
رعد يبي ينهي السالفه ماله خلق يتكلم بهالموضوع ../ ادري بس احساسك بانك راح تودع الحرية شين ..
يالله تصبحين على خير .. جسمي مكسر وخاطري احط راسي وانااااااام ..
الهنوف / تصبح على خير ..." وطلعت من البيت " ..

رعد وهو رايح لجناحة شاف العنود وهي لابسه تيور اسود وبلوزة خضرا باكمام طويله مخصره عليها ..
رعد اول مره يجلس مع العنود بنت اخوه هالمرة اللي زروهم فيها ابد ما شافها الا وهي صغيره ما تعدت 12 سنه ..
رعد بابتسامه / ما اقول الا يا حض بتال فيك ..
العنود ما اكانت منتبها له كانت متوجهه للمطبخ بتجيب موية لسارة اللي فاتحتها مناحة بالغرفة ..
العنود بابتسامه مغصوبة على شفاتها / هلا .. اسفه ما نتبهت عليك ..
رعد شاف عيونها اللي واضح فيها الضيق ../ ويش عندك الحين ..
العنود ترفع كتوفها / ولا شي .. بس رايحه اجيب موية لدلوعه ساره .. وانيمها ..
رعد رفع حاجب/ تنيمينها .. ما تعرف تنام لحالها ..
العنود بسخرية / تودع ايام الدلع .. بكره ما تلقى اللي يدلعها ..
رعد نزل راسه وبعد ثواني رفع راسه / اممم ممكن بعد ما تنام ساره تجين عندي ندردش ..
اذا لك خلق لدردشة .. وفي خاطرك شي تبين تقولينه ..
العنود بتنهيده / ما في خاطري شي .. " وبابتسامه " .. تصبح على خير ..
رعد حب يخليها على راحتها .. وماحد انتبه لوجود شخص اخر بنفس المكان ..
.... وبصوته المميز / تو الليل ..

ـــــــــ


غرفة رنيم في بيت جده ابو سطام ..
رنيم بعصبية / اوووووووف ريموووه ان ما قفلتي هالزفت وكلمتين والله لاقوم من السرير واكسره هالعلة على راسك ..
ريما / اوووووووووووووووووف منك انتي انا اكلم غيوثي على الواتس انتي ويش فيك ..
اتصال قلتي ازعجتوني بالصوت قلت خلاص الكلمه بالواتس وبدون صوت بعد عصبتي ويش عندك انتي ..
ويش تبين اقلقتيني رنيم والله اقلقتيني .. ايش تبين قولي وخلصيني ..
رنيم من بين اسنانها / انقلعي برا انقللللللللللللللللللللللللعي .. " قالتها بصرخة كل اللي في البيت يسمعونها " ..
ريما فتحت عيونها / انا ويش قلت علشان تعصبين هالكثر ..
رنيم ووجهها مليان دموع وهي تصارخ / ااااااااااه اطلعي باراااااااااااااااا اطلععععععععععععععععععي ما ابي احد ..
ريهام جاتهم تجري من الغرفة اللي جنبهم وهي لبسه بيجامة النوم / رنيم ويش فيك فيه شي يوجعك ..
رنيم تتاوه وتتام / اااااااااااااااااااااااااه امممممممممممممممممممممم اااااااااااااااااه بموت من الالم ..
ريهام بخوف / انا انااا رايحة انادي خالي رعد يشوفها ..
ريما رمت جواله وراحت لاختها ...


بالصالة امام جناح رعد
.... بصوته المميز / تو الليل ..
نقزت العنود والتفت وهي حاطة يدها على قلبها .. اول ما شافت الشخص راحت تجري لجناح رعد ..
رعد بابتسامه / انت من متى هينا ..
بتال يطنش سؤاله ويحاول يبعد رعد عن الباب ..
رعد بهمس وهو يحاول يمنعه / على وين يالحبيب ..!
بتال بجديته المعروفة / على وين يعني .. ابي اكلمها والفرصة هذي هي جاتني وماتتفوت ..
رعد / اول شي اشاورها اذا رضت تدخل واذا رفضت تروح بدون مشاكل ..
بتال رفع حاجب / لا تـ ..
قاطعة صوت ريهام الباكي / خالي الحقنا رنيم تعبانه بسرعة تعال ..
بتال مقفي والا التفت .. رعد من خوفه على رنيم وشكل ريهام ما يطمن .. راح ولا انتبه لبتال وابتسامته الخبيثه ..
داخل غرفة النوم العنود واقف وتدور .. سمعت صوت وراها .. / اخيرا راح مـ ..
بتال بابتسامه خبيثه / ليه .. ماتبين تشوفيني ..
العنود حمر وجهها شخص اول مرة تشوففه بدون حجاب قلبها يدق بقوة ..
بتال يقرب منها / ماكنت ناوي اشوفك او اتكلم معاك الا بعد ما نمشي لرياض .. بس ارادة ربك ..
العنود تحاول تبعد عنه هي ترجع على وراء وهو يقرب منها .. وصلت لنهاية الغرفة ما وراها الا الجدار ..
بتال يجلس على الكرسي وياشر لها / ارتاحي ..
العنود رفعت عينها وشافته ياشر بيدة على الكرسي اللي جنبها .. ما انتبهت ان فيه جلسة صغير باخر الغرفة ..
رفعت عينها جهت الباب ونزلت يدها على التنوره بهدوء استعداد للهرب .. وتوها بتهرب ..
الا بيد بتال تمسكها .. بجدية / لزم تجلسين وتسمعين الي ابي اقوله .. " ورماها على الكرسي " ..
بتال متطمن ان رعد ما راح يدخل لانه قفل باب الجناح وبجدية / اسمعي يا بنت عمي ..
راكان قالي عن سالفة خطبة عبدالله .. وانه كان بيتزوجك دون علم اهلك .. وبيستغل مرض ابوك ..
وقال انه ما يبيك تتزوجين واحد ما يستاهلك .. " تنهد " ابوي لمن جا وقال لي انه خطبك من جدي ..
واني لازم اتوجك باقرب واقت استغربت واصريت اعرف السبب وعرفت انه علشان سالفت عبدالله ..
بس انا ما وافقت علشان هالسبب " وهو يهز راسه " لا .. انا اخذتك علشان اشياء ثانية ..
العنود طول الوقت كانت تسمعه وهي منزله راسها بس لمن قال جملته الاخيره رفعت راسها ..
وجات عينها بعين بتال .. بتال اللي عيونه الحادة وبنبرته الحادة واضح انه مو ناوي على خير ابد ..
بتال يكمل / لتحسبيني مغفل .. ولا مثل راكان اللي واثق فيك ثقة عمياء .. انا اعرف علاقتك بعبدالله ..
وبلغت راكان بها بس راكان خيب املي وقال انه انا غلطان .. لو كان ما عندي دليل كان صدقت ونسيت ..
بس انا شفت وسمعت .. شفت خيانتك لثقة اهلك .. وغير هذا قلة ادبك ..
العنود كل ما يتكلم اكثر كل ما تذكرت كلام جدتها عن عيال الفارس ..
بتال يوقف / لا تحسبين زواجنا راح يكون مثل كل المتزوجين .. " نزل لعند راسه وهي رجعة لوراء " ..
راح يكون مكن لاعادة تاهيل .. " العنود عقدت حواجبها " .. اعادة تاهيل لتربية ..
وراح وتركها .. العنود رفعت راسها .. وابتسمت كانت تبي تضحك بس مسكت ضحكتها بالقوة ..
العنود بداخلها " مصدق نفسه .. الا صدق هو ويش شاف وسمع .. الظاهر منار مخبصة عندهم ومكلمة حبيب القلب ..
ويش مسوية يا منور وماقلتي لي .. " وقفت " طيب يابتيل تبي تعيد تربيتي زين نشوف من يربي الثاني ..
انا والا انت يالمغرور .. مو شي جديد طول عمرك مغرور .. من يوم كنا صغار .. "
طلعت من الجناح ورجعت لجناحهم ..


بجناح رنيم ..
رعد مبتلش .. مو عارف ويش يسوي .. / متى اخذت علاجها ..
ريهام انا اعطيتها الظهر .. بس بالليل ما ادري ..
رنا / انا ما اعطيتها شي كنت عند امي ..
ريما / وانا مشغولة ..
رعد / طيب اعطيتوها الحين ..
ريهام / لا ..
رعد / اعطوها العلاج .. اكيد مفعول المسكن انتهاء واذا راحت المستشفى ما بيعطونا شي ثاني ..
رنا / متاكد ..
رعد ارتبك بس ريحته ريهام ../ اكيد متاكد مو هو دكتور يا الغبية .. خليني اعطيها علاجها بس ..
طلع رعد بسرعة من عندهم وهو يحاول ياخذ نفس .. وبداخله " ياربي ويش ذا الورطة ..
لو اني مو مكذب عليهم ما كان احسن .. افففففففف .. متى يقومون بسلامة واخلص من ذا الهم .."



ــــــ



جناح سمر ..
راكان جالس وحاط راسة بين يدينه .. " انا اللي سويته صحيح .. ايه صحيح ..
لو ما سويت هالشي كان حياة اختي تدمرت .. والحمد لله انه صار على الاقل فتحت عيني على حال اهلي ..
غمض عيونه وشد شعرة .. يالله قد ايش كنت اعمى .. قد ايش قلبي كان اسود .. وعيوني معميه ..

تذكر كلام جدة ..

" ابو سطام / ابوك وامك تعابا من حول سنه وزود .. واختك واخوك نايف حاولوا كثير يعالجونهم ..
راحوا لشيوخ واطباء .. وما فاد شي .. وقبل شهر وزود اخذهم طارق ولد عبد العزيز ووداهم لشيخ ..
ويارب لك الحمد ربي طرح البركة فيه .. وهذا هو ابوك يجلس معنا ويسولف صحيح تجيه لحظات ..
يغيب فيها عقلة .. ويقعد يسرح و لا يميزنا .. بس احسن من قبل .. " تنهد " ياولدي اهلك ياولدي ..
اهلك محتاجين لك لا تجعل تفاهات الدنيا تحرمك من جنتك .. الجنة ببر والديك .. والا الفلوس تروح ..
وما تجيب لصاحبها الا الهم .. اختك العنود كانت شايلة البيت مع نايف .. بس نايف ماهو حمل هالهم ..
صغير وعظمه طري .. الحين العنود بتتيسر لبيت رجلها واختك الصغيرة مالها معرفة بهالدنيا ..
انت واخوك زياد الحين جاء دوركم .. انتم الكبار .. " حط يده على ركبت راكان " لاتخيب ظني فيك " ..
راكان طول ما جدة يتكلم وهو ساكت ما يرد .. مو مصدق .. وليه العنود ما قالت له .. ليه ؟ "
.... حس بحركة على كتفه / راكاااااان فيك شي ..
راكان التفت عليها وببرود / ليش تصارخين اصمخ انا ..
سمر بعصبية / لا والله لي ساعة اكلمك وانت ولا حاس قلبي بغى يوقف فكرت فيك شي ..
راكان يوقف وببرود / راسي مصدع وجسمي مكسر ما فيني حيل لشي سمر ابي انام ممكن ..
سمر هدت بعد ما شافت وجهه مايل لسواد وعيونه حمراء يعني اكثر من التعبان .. مشت معاه لغرفة النوم ..
سمر راحت لطرف الثاني لسرير .. راكان رمى جسمه وغمض عيونه يبي يحاول ينام له ثلاث ايام ما طب النوم جفنه ..
حس باصابيع باردة وناعمه على جبينه .. سمر تسوي مساج لراسه .. ابتسم راكان غصب عنه ...
راكان بهمس وو يسحب يدها ويقبلها / تبين تريحيني صدق ..
سمر / ايه .. " راكان سحبها وانام بحضنها .. وبهمس ../ خذيني بحضنك وارتاح ..


ــــــــــ


بيت غيث ..
هيفاء خارجة من المطبخ وبيدها كوب حليب ..
شافت نور غرفة غيث مفتوح عرفة انه صاحي .. تقدمت من باب الغرفة وبطرقات هادية ..
غيث وهو جالس على الاريكة ويحاول يضبط تنفسه .. بصوت متعب / تفضل ..
هيفاء استغربت نبرة الصوت دخلت وتفاجات من منظر غيث .. وبقلق / غيث انت تعبان ..
غيث وهو يحط يده على قلبه / هذا تعبان ..
هيفاء / مو فاهمه ..
غيث / انتم تكرهوني .. انا ايش سويت لكم ..
هيفاء تحط يدها على جبين غيث وتشيله يدها بسرعة / غيث حرارتك مرتفعه ..
غيث / ههههههههه مو حرارة طبيعية هذي حرارة ريماااااا ..
هيفاء فاتحة فمها مو فاهمة / انت ويش تهذي فية ..
غيث بغمزة / اخوك صح ومحد سمى علية .. عقبال رعد .. " وقف " انا ابي اخذلي دوش بارد قبل لا انجن ..
هيفاء / ههههههه حالتك صعبة اجل ..
غيث وهو يسحب الفوطة / وبقوووووووووووووووة .. هههههههههههه ..
هيفاء وهي تطالع الكوب وبداخلها " ياليت رعد مثلك ياخوي .. الله يتمم عليك فرحتك ويهنيكم في بعض " ..


ـــــــــ


يوم جديد ..

بمكة .. احد الفنادق البسيطة ..
زهرة / قوم قوم يا صبري قوووووووم
صبري يقفز من الخوف / ويش صابك ياحرمة ..
زهرة تجلس مقابل له .. وتحط الجوال على الكوميدينه /العمه العنود ..
صبري يعدل جلسته / ويش فيا .. رجعوا لرياض .. زعلانه لانها ما لقتنا ..
انا قلت لك ياحرمة خلينا نرجع بس انتي لازم تكسري كلامي .. مـ ..
زهرة تقاطعة / اسكت اسكت واسمعني .. العمة تزوجت ..
صبري يطالعة فيها مو مصدق / انتي مسخنه ياحرمة .. كيف تتزوج ومتى تزوجت و ..
زهرة بسخرية / وليه هالاسئلة .. كان لازم يخذوا شورك ياحضرة السولطان سوليمان على غفلة ..
صبري / لا بس يـ ..
زهرة تقاطعة / اسمع وبس .. العمه اتصلت وقالت لي بانها لازم نرجع للبيت وننظفه و انها لن تستطيع ترجع ..
وانها تامني على سارة .. وان أي شي يصير تقوله لك وانت تقولة للعم راكان .. تقول صبري يعرف رقم جواله ..
صبري / ايوة اعرفوة بس ما عمري اتصل بووة ..
زهرة / المهم ذحينه تقوم وتجهز لنا امور سفرنا ..
صبري / قومي قومي لمي اغراضنا وسيارتنا تحت .. نركب ونمشي يالله ..
زهرة توقف / ااااه الله يجازية خير هالنايف .. والله فرح قلبي يوم عطاك السيارة ..
وقال لك روح لمكة واعتمر وزورو اهلكم اللي بجدة .. والله لو ادعيلوة لاخر العمر ما اقدر ارد معروفه..
صبري / اهم حاجة انك دعيتي لوه بالحرم وهذا رد لمعروفوة ..
زهرة وهي تلم بعض الاغراض / دعيت لوه .. دعيت ان ربي يحمية من كل شر .. ويخليه لاختوة ..
صبري وهو يساعد زهرة بلم الاغراض / امين .. ربي يستجيب دعائك ..


ــــــ


يوم الحفل بزواج بتال وسند ..
هو عشاء كبير لرجال .. وعشاء صغير ومختصر لنساء ..

سند بغرفة غرام وهو يعدل شماغه / اقول غرام الشماغ والا الغترة ..
غرام تبتسم / شـ..شما .. شماغ ..
سند / وانا اقول كذا لان بالعرس راح البس غترة ..
" الشماغ اللي لونه احمر .. والغترة اللي لونها ابيض .. لتوضيح فقط "
غرام تكتب على الاي باد ../ انت تسوي عرس 2 ..
سند يقرب لها / انت بتسوي عرس ثاني .. اممممممم .. وانتي بظنك هذا عرس ..
هذا بس حماية لرنيم .. انا ابيها تجي هينا لان ابوها حالف انها ما تطب له بيت وصعبه اخليها في بيت جدي ..
الشباب طالعين داخلين .." وبغمزة " اخوك يغار .. هذا اولا .. ثانيا سند اخوك يعني ممكن يكون زواجه كذا ..
طبعا لا زواجي لازم يكون احسن من زواج رويكين ولا زم انتي اللي تزفيني لرنومه وترقصين بعد ..
غرام دمعة عيونها .. سند / ههااااااه ايش قلت ما قلت بلا دموع ..
غرام تبتسم وتكتب على أي باد ../ روح تاخرت جدي >> وفيس معصب ..
سند يبتسم / لا ما راح يعصب اليوم اخوك ضد التعصيب والزعل منه ..
" ويقبل جبينها " تامرين على شي يا الغلا ..
غرام / لاااا ..
طلع سند وترك غرام وحدها شغلت القران من الاي باد وبقيت تحاول تمنع الدمعة من النزول لكن فشلت وانفجرت بكي ..
" تركوني وحيدة تركوني الجميع .. ما كاني موجوده ولا كان لي حق بالفرح لزواج اخوي .. " وبقيت تبكي الا ان نامت ..

ــــــ


بيت ابو سطام ..
الهنوف / يمه العنود .. جدتك حبت تفرح فيك لا تكسرين فرحتها ..
العنود بابتسامه / وانا ما راح اكسر فرحتها .. راح البس الفستان واسوي اللي تبيه ..
ام سطام والفرحة مو سايعتها العنود تلبي كل اللي تبيه / ياعل عيني ماتبكي ياجعلني افرح بعيالكم ..
العنود حست بمغص في بطنها .. " عيال يا جدتي .. كثري منها .." ..
ريهام جات تجري / خاله تعالي شوفي رنيم تصارخ ومو راضيه تسوي شي ابد ..
الهنوف / لا حول ولا قوة الا بالله هالبنت بتفضحنا عند ام طلق .. ويش اسوي معاها ..
ام سطام تتعكز على عصاها / البنت ما حد راح يقدر يهجدها الا هالعصا ..
العنود /ارتاحي ياجدتي اتركيها عليه انا اتفاهم مع رنيم .. " وراحت العنود لعند رنيم "..

بغرفة رنيم ..
العنود تدق الباب ..
رنيم بعصبية / انا ما قلت ما ابي اشوف احد ..
العنود تفتح الباب وتدخل وبابتسامه / مو احد انا العنود .." وتتمختر قدامها " ايش رايك مو حلوة ..
رنيم برفعة حاجب وبسخرية / روعة تهبلين لالالالالا انا غرت ابي اسوي مثلك .. انقلعي بس ..
العنود / هههههههه " وتجلس جنبها .. وبهمس " بالهون على نفسك ..
رنيم بهدوء / ويش عندك ..
العنود بخبث / سلامتك .. الموضوع ومافيه .....
ورنيم كل مالها وابتسامتها تتوسع .. / انتي ماتعرفين بتال ولا سند ..
العنود / وانتي ماتعرفين العنود ..
رنيم بحماس / انتي سوي مخططك وانا اسوي مخططي ونشوف من اللي راح يفوز بالنهاية ..
العنود برفعة حاجب / مبارة كورة هي ..
رنيم / ايه مواحنا الكورة وهم يشوتونا على كيفهم .. بس ابي اوريهم ويش اسوي ..
ان ما خليت هالسند يكرة عمرة ما اكون رنيم ..
العنود توقف / والله انا نصحتك وانتي براحتك ..
رنيم بضحكة / موفق شريك .. " وتغمز لها " ..



ــــــ


عند ام سطام بالمجلس الداخلي ..
ام عبدالعزيز اللي حضرت من العصر وهي فرحانه ان اليوم عرس العنود ..
ام مطلق جارة قديمة وصديقة من الماضي لظبي و خزمة و موضي ..
ام مطلق وام عبد العزيز يستمعون لكلام العنود ام سند عن بنتها غرام ..
ام مطلق / لا حول ولا قوة الا بالله .. والمطوع ويش قالكم الجني بيطلع ..
ام عبدالعزيز بنظرة / تعوذي منه ليجيك ..
ام مطلق ذات القلب الخفيف / اعوذ بالله من الشيطان الرجيم .. قل اعوذ برب الفلق ..
ام عبدالعزيز تمد يدها من الخلف بدون ما تنتبه لها ام طلق لتحرك احد الإكسسوارآت بجهة ام طلق ..
ام مطلق تقفز بذعر وبصراخ / يااااااااااايييييييييييبه ..
ام عبدالعزيز وام سطام وام سند / ههههههههههههههههههههههه
ام عبدالعزيز / ههههههه للحين ذروق يا ترفه " ذروق – خوافه " ..
ام مطلق تعود للجلوس / وانتي ما تعقلين يا خزمى ..
ام عبدالعزيز تلتفت للعنود / ها يابنتي ما قلتي لنا ويش قالك الشيخ ..
العنود " ام سند " / يقول ان بها نظرة مع فجعه .. ودخلها مس .. لكن الريحة اللي فيها ما عرفنا لها من وين ..
ام عبد العزيز / يمكن من الفراش والا فضلتها .. هي ما تروح الحمام .. ؟
ام سند / باول الشهر ما كانا نقدر نحركها وبعد العلاج الحمد لله صارت تتحرك شوي وتلين معانا ..
ونوديها ونجيبها .. بس ما هم كان انا اروشها كل يوم مرتين وثلاث واربع .. المفروض ما تطلع هذيك الريحه ..
ام مطلق / ان خرج الشر منها تروح هالريحة معاها بس انتي ادعي ربك وعليك بالصدقة يابنتي تصدقوا عن نيتها ..
الصدقة تدفع البلا .. اذكر وحدة من جاراتي صار لولدها حادث وقالوا لها الاطباء مره ما منه رجاء ..
الضربه على راسه .. والله وهي تترك حكيهم وتدعي ربها وتقوم الليل وتتصدق وتقرا عليها القران ..
ولا اله الا الله شهر والا الولد يفتح عينه وشوي شوي الا بدا يتجاوب معهم يسالونه ويردهم وياكل ..
والا الاطباء ويش سويتوا ويش سويتوا قالت امهم ما سويت شي الله وحده هو اللي سو ادعيته وما خيب رجاء ..
وها الحين ولدها ياصلاتي على النبي تزوج وجب له ورع مثل القمر .. خلك مع ربك يابنتي والله ما بيخيبك ..
العنود تتنهد / والنعم بالله ..
ام عبدالعزيز / الا وين العروس .. ابي اروح اسلم عليها ..
ام سطام / العنود ما ادري عنها خلصت والا لساتها تتصلح .. والعروس الثانية الله راد وزلقت البارح ..
والا رجلها من كسره .. وزعلت انا كيف اجي عند الحريم ورجلي كذا قال سند خلاص اخذها بعد العشاء واسري بها ..
ام مطلق / لا حول ولا قوة الا بالله ... سند حنين وحبيب بكره لاقامت بيسوي لها حفله تبسطها وتطيب خاطرها ..
ولدي واعرفه .. لكن ما ابي اخليه ابي ابارك لها مثل ما سوت ام عبدالعزيز مع راكان ..
ام عبد العزيز تضحك / ههههههه تغارين مني للحين يا ترفه ..
ام مطلق بنظره / ومن قال اغار منك .. من زينك .. علشان اغار منك شايفتن نفسك الظبي ..
ام عبدالرحمن تدخل عليهم / السلام عليكم ..
الكل / وعليكم السلام ..
وبدا السلام على ام عبدالرحمن والسؤال عن الحال والاحوال ... وتدرجوا بمحاور احاديث اخرا ..


ـــــ


باحد الزوايا ..
ام عزام بحده / الجوهرة والله ان ما سميتي بالرحمن ورحتي للعروس وباركتي لها واعطيتيها هديتها مثل الناس ..
لا اتبرا منك وحرمك شوفتي وشوفت اخوانك وبعد امنعك من حضور عرس اختك .. انتي ويش صابك من شعف ..
وياليته على صغر الا على كبر وشين .. لا تحسبين اني ما ني منتبها لتصرفاتك ومو بس انا بعد خالتك منبهه ..
الجوهرة بقهر / وانتي بعد علية يمه .. يمه نار شابه بصدري .. انا ابي ازوج ولدي بنت غير عن كل البنات و ..
ام عزام تقاطعها / واللي الحين متزوجها ولدك شينه .. ويش فيها العنود بنت سطام .. شيخة البنات ماشفنا منها العيب ..
وحتى لو فيها العيب هذا ولد عمها وهو سترها وغطاها وهي ستر ولد عمها وغاطاه لشافت العيب فيه سترته ..
ولا شافت الزين فيه مدحته .. العنود زين وجه وزين منطق .. لا تخربين فرحة ولدك ولا تخربين بيتك ..
الجوهرة بخنقه وقهر توقف / زين يمه ابي اعطيها هديتها .. بس لا تطلبون مني اكثر من كذا ..
ام عزام / قومي بعرس ولدك مثل ما قمتي بعرس بنتك ومحد متكلم وطالب منك شي ..
الجوهرة بغرور / ويش جاب لجاب ويش جاب عرس سمر لعرس العنود ..
ام عزام برفعة حاجب / ليه ويش فرقت هذاك ولد سطام وبنت سلطان وهذا ولد سلطان وبنت سطام ..
يعني البيت واحد والفرح واحد ما به خلاف .. قومي وروح شوفي امورك ولا تفشلين نفسك .. يالله ..
وقامت ام عزام وتوجهت لجلست اختها والحريم الكبار اللي معاها والجوهره تغلي من القهر ..


ـــــــ



غرفة العنود ...
ساره بحضن العنود تبكي / يعني انا اقعد لحالي ..
العنود بحنان / من قال .. زهرة وين راحت .. لو سمعتك الحين فتحتلك الراديو اللي بالعته وما خلت لك نفس ..
رفعت ساره راسه ودموع معبئة وجهها والعنود تطالع لها بابتسامتها الجذابه الحنونه / بس انتي غير ..
العنود تضمها / حبيبتي هذا نصيب وانكتب .. وانتي كبرتي .. " بعدتها شوي " .. مو انتي قلتي انا كبرت ..
ساره تمسح دموعها / الا بس ما ابي اكبر وانتي تروحين ..
العنود / اللي يسمعك يقول بتروح المريخ .. بتال ساكن بالرياض ومتى ما حبيتي تعالي عندي ..
ساره / هئئئئئئئ عيب ما يصير اجي اخاف بتال يتضايق ..
العنود بابتسامه / بكيفه يزعل وحنا ويش دخلنا فيه اهم شي عندي ما تزعل حبيبتي سارونه ..
دخلت الهنوف ../ ها حبيبتي نامت امك ..
العنود تطالع امها بحزن وبهمس مسموع / ايه نامت ..
الهنوف حست بنبرت الحزن حطت يدها على متن العنود / لاتزعلين انا امك .. ادري ..
ادري انك تتمنين زواج مثل باقي البنات .. ملاك وشبكة وفتره قبل العرس تنبسطين فيها وتتعرفين عليه ..
وتجهزين جهازك على ذوقك وتفرحين بليلة عرسك .. بس هذا هو بيت الفارس ..
انا وعماتك وحريم عمامك تزوجنا مثل طريقتك .. لا والله انتي احسن انتي عرفتي ..
لكن احنا اخذونا من بين فرحتنا بالعابنا وقالوا لنا انتم الحين حريم وشفنا اللي ما اتمناه تشوفه عدوتي ..
وانا امك ابي انصحك بنصيحة وحطيها في عقلك .. الرجال مثل الطفل امسحي راسه يمشي معك مثل ماتبين ..
لا تخلين عليه قاصر .. ولا تعاندينه ان عاندتيه انتي اللي بتنكسرين .. اسمعي كلامه .. وطيعيه ولا تغضبينه ..
ارضه عليك هي جنتك .. وبتال رجال عاقل وطيب لطلبتيه عون لك ما يخيبك .. ربي يرزقكم بالذرية الصالحة ..
والحين وانا امك الحريم ينتظرونك يبون يباركون لك ما بقى على العشاء شيء الحين بتال ينادي وتتيسرون ..
العنود ساكته والهنوف كانت تفكر انها تسمع الكلام بس اللي ما تعرفه الهنوف ان العنود رحلت لذكريات جدتها الظبي ..


.. " يمه الظبي انتي ليه تكرهين بيت ابوي سعود وما تبيني انا وساره نروح..
الظبي / يابنتي ما ابيكم تنظلمون وتذوقون العذاب اللي انا ذقتها ..
العنود بعقدة حاجب / ايت عذاب يمه ..
الظبي بابتسامه وهي تهز راسها / اممم عذاب الظلم يابنتي اقسى عذاب ..
عيال الفارس قد ما هم كراما وما يسمحون ان احد يتعدا على بنتهم ..
لكن هم اكثر ناس يظلمون البنت ..
العنود بخوف / يمه انا ما ابي اتعذب كيف اهرب منهم ..
الظبي / خلك بعيده .. واذا جبرك الزمن .. اغلبيهم ..
العنود بتركيز / ويشلون ..
الظبي / تكونين ... " قطع عليها التفكير مسكت الهنوف ليدها وخروجهم من الغرفة ..


عند البنات ..
نوال / اماني روحي لغرفتي وجيبي الشال الوردي اللي من الطرف شك بالصوف .. عرفتيه ..
اماني بتافف / اووووف ماابي اروح لحالي ..
نوال / روحي رنا معاها وشوفي أي شال يعجبك وخذيه ..
رنا / طيب " لبست عبايتها وتغطت بالشيلة واماني كذالك " ..
وهم طالعين الا صدمت رنا ببدر ..
رنا / يمه .. بسم الله عليه ..
بدر اللي كان داخل ومعاه غترته اللي توسخ من ياسر بدون ما ينتبه طيح فنجان القهوة عليه ..
اماني بضحكة / بديررررررر ههههههه والله شكلك يضحك ..
بدر عاقد حواجبه معصب وماله خلق يتكلم ..
رنا بضحكة / ووواااااي العسكرية تخلي الولد رجال .. " حاقدة البنت لنه شاله بالسوق سوي خير وارمية بحر "
بدر بعصبية ../ والعقال يربي البنت ويخليها مؤدبه انقلعي من جهي انتي واياها لـ اعطيك كف يشوه وجهك ..
اماني سحبت رنا بسرعة من الخوف لان واضح ان بدر وصل للفل وضرب عنده ..
بدر وهو يدخل جذبة ريحة عطر سحرته كان معلق بذاكرته وكل ماتعب بالتدريب كان يشم هالعطر ويرتاح ..
التفت للبنتين اللي يجرون .. وبداخله " اماني ومن الثانية ..اممم رناا ايه هي رنا "
دخل والابتسامة على وجهه .. ابرار قابلته بالغترة اللي اخذتها من غرفة رعد واخذها وعدل نفسة وطلع ..


ـــــــــ


بمجلس الرجال ..
راكان / حاس ان العنود زعلانه عليه ..
زياد / انت تفهم عليها اكثر مني ..
نايف وهو يشرب قهوة / هذا احسن شي لها .. بتال ما فيه عيب .. واحنا نبي لها لخير .. ليش تزعل ..
راكان بنبرة / انت لي كلام معاك .. ابي اعرف سر هالغيبات اللي تغيبها ويش وراها .. شفناك اول العيد ..
وبعدين غطيت وماجيت اللا يوم الملكه كم ساعة واختفيت .. والليلة شرفت وين تروح ولا تخلي خبر عند احد ..
نايف بسخرية / والله يهمك امري .. مو انت قلت مايهمك امري .. والحين انت مالك حق تسال ..
" رمى الفنجان على الطاولة وقام .. راكان وزياد يتلفتون حولهم عسى ما انتبه لهم احد " ..


ابوسطام وبجانبه ابو عبدالعزيز وابو مطلق وابو عبدالرحمن ..
ابو سطام / اليوم جاينا لحالك يابو عبدالعزيز وين العيال ..
ابو عبدالعزيز / عبدالمحسن مسافر عنده شغل .. ومتعب اخذ اخته وراح الجنوب يزور خواله ..
" ابو عبدالعزيز تزوج زوجة ثانية وانجبت له متعب والجوري وتوفت وهم صغار وربتهم ام عبدالعزيز " ..
قبل ما تجيني العزيمة لو جات قبل يسافر كان قعد وحضرها معي .. وطارق رجع الرياض يقول خلصت اجازته ..
وماجد مسافر يدرس برا الله يوفقه ..
ابو بتال / ماجد مو صديق نايف ولد اخوي ..
ابو عبدالعزيز / الا هو .. والله اني تمنيت ان نايف يروح معه .. ما شاء الله ممتاز بدراسته وجاب نتيجة زينه ..
ماجد يقول كان وده بس ما يقدر يترك ابوه .. لو تساعده يا سعود وتخليه يدرس مع ماجد الولد ذكي وشاطر ..
ابو سطام / والله يابو عبدالعزيز انا معاد ودي بها السفر والدراسة .. بس اذا كان فيها فايده ربي يكتبها له ..
ابو مطلق / الا بنت فهد ويش حالها ..
ابو سطام يتنهد / والله حالها مايسر ابد ..
ابو عبدالرحمن / الدعاء وانا اخوك الدعاء .. ارج ربك تالي الليل وتلقاه يلبيك .. ماحد بيفيدك كثرة ..
ابو سطام / والنعم بالله ..


ــــــــ


بعد العشاء ..
سمر / بتال انتبه على نفسك ..
بتال بضحكة / هههه انتي وامك قائمة وصايا .. " وبجدية " انتم مكبرين الموضوع .. هذا بدال ماتفرحون ..
سمر / فـ ..
سعود يقاطعها / روحي شوفي العروس جهزت والا لا .. بتال وراه سفر ..
سمر بزعل / اوووووووف طيب رايحة ..
سعود بجدية / بتال انت مقتنع بهالزواج ..
بتال يطالع فيه بنظرة .. سامر يتدخل / اكيد مقتنع لو مو مقتنع ماكان تزوج هذا بتال ما ينغصب ..
بتال صد عنهم واعطاهم قفاه وهو يطالع بالحديقة يحاول ما يشد اعصابة لزم يكون هادي حتى يقدر يكمل خطته ..
سعود وسامر سكتوا وهم يشوفون بتال واضح على وجهه التفكير ..
سعود لسامر وبهمس / ما تحس ان الموضوع كبير ..
سامر / كيف كبير ..
سعود / زواج سند وبتال وبهالوضع ما تشوف ان فيه شي ..
سامر يهز كتوفه ../ ما فكرت فيها ..
سعود بقهر / الشرهه مو عليك عليه انا اللي اكلمك ..


ــــــــ


عند العنود ..
راكان واقف قباله ويده اليمنى بجيبه واليسرى حضن فيها ساره ../ ما يحتاج اوصيك ..
العنود تلبس عباتها ولا تطالعه .. نايف يحاول يبلع عبرتها ويقدر يتكلم ..
زياد قرب من العنود ومد يده بهدية .. وبابتسامة / اتمنى تعجبك ..
العنود التفتت له وابتسمت له ابتسامه حنونه / أي شي منك راح يعجبني ..
قبلها زياد على جبينها وبارتباك / الله يوفقك .. واذا احتجتي اي انا موجود ..
العنود / ما ابي منك الا ان تنتبه لابوي وامي و تحط ساره بعيونك ..
راكان / ساره راح تكون بعيونا جميع .. انتي انتبهي على نفسك ..
نايف يقرب منها وبصوت مخنوق / سامحيني " وماقدر الا انه يضمها " ..
العنود تهمس باذنه / مسامحتك .. بس لا تاذي نفسك لا اذيت نفسك هذك الوقت ما راح اسامحك ..
سمر تطق الباب .. وبصوت خجول / راكان ..
راكان توجهه لها .. وبحزم / ويش جابك ليه ما اتصلتي على جوالي ..
سمر / جوالك مقفل او ما فيه ارسال ما ادري .. وبعدين بتال واقف برا ينتظر له ساعه ..
راكان يتنهد / طيب روحي اخواني الحين يطلعون ..
راحت سمر وراكان رجع لاخوانه وبصوت حنون وهو يقرب للعنود / زوجك ينتظرك برا ..
قرب منها يبي يقبل راسها بس تفاجاء من صدها له ../ بعض الوجع يقطع مثل قطع الامواس ..
سحبت ساره من حضنه وحضنتها .. وبهمس / انتبهي لنفسك ولامي وابوي .. واي شي يصير ..
قولي لزهرة او روحي لخالتي ام طارق باي وقت وهي تتصرف .. انا كلمتها ووصيتها عليك .. مفهوم ..
ساره تهز راسها .. بنعم والدموع تجري على خدها ..
طلعت العنود بعد مالبست غطاها وتجهزت .. نايف اخذ الشنطة المتوسطة اللي جابتها معاها من الرياض ..
واللي خذتها الهنوف جهاز للعنود موجودة بسيارة بتال ..


ـــــــ


بغرفة رنيم ..
رنيم بعصبية / ما ابي اشوفه مااااااااااااابي ..
ريما / الحين هو زوجك تدرين يعني ايش ؟
رنيم بسخرية وهي تقلدها / لا ما ادري تصدقين توني عرفت يالله .. اقول انقلعوا من وجهي وقولوا رنيم ماتبيهههه ..
دخلت ام سند واضح انه معصبة / ترا ولدي ميت عليك .. على ايش تصارخين وتنافخين ..
من زينك مكسرة وطويله لسان .. هذا اللي ينقال عنها شين وقوة عين ..
دخلت مياسة وهذي اول مرة تشوفها رنيم من يوم الحادث .. وباعتذار / سامحيني ياختي ..
الظاهر العيب فيني ما عرفت اربيها ..
رنيم اللي انفشلت من خالتها وانقهرت من نبرة صوت امها وكانها مكسورة وذليلة ..
مياسة / انتم اطلعوا الحين وانا اتفاهم معاها ..
طلع الجميع .. مياسه واقفه ولا التفتت لرنيم من وقت دخولها وهي ما التفتت لها ..
مياسه بحزم / اسمعي يابنت ان قللتي ادبك لاتحرم عليك شوفتي لاخر يوم بعمري حتى بعد وفاتي ..
والحين سند راح يجي يشوفك ان ما استقبلتيه استقبال زين وعقلتي رميتك عند جدك وخوالك وعمامك ..
خليتهم هم يربونك .. بما اني ماعرفت اربيك .. صدق ابوكم يوم قالـ ..
رنيم تبكي / لا يمه والله انتي ربيتينا احسن تربيه ومحد يقدر يقول غير كذا يمه .. يمه طالعيني يمه ..
مياسة تحاول تقسي قلبها / اذا تبين تشوفين وتبين رضاي وتبيني اسامحك على اللي سويتية ارضي سند ..
وطلعت وتركت رنيم تبكي قهر وظلم .. دقايق وسمعت صوت نحنحه ..
ما التفتت عرفة انه سند ..
سند دخل وقفل الباب وراه بالمفتاح ..
رنيم بس سمعت صوت المفتاح مابقي فيها عظمة ما رجفت ..
سند وقف قريب من رنيم وشافها تطالع جهة الشباك الطل على الحديقة الخلفية ..
سند بصوت هادي / حلو المنظر .. " وبابتسامه " .. بس انا احلى ..
رنيم رفعت حاجب وبداخلها " ياثقل دمك " ..
حست بان السرير يهتز .. ومن بين اسنانه / قوم عن السرير ..
سند ابتسم اكثر وقرب منها .. وبلعانه / وان ماقمت ويش بتسوين ..
رنيم التفتت له / انت ماخذ بنفسك مقلب .. مفكر نفسك خفيف دم ..
سند قبلها بسرعة على خدها وبابتسامه / مبروك ..
رنيم بقهر / طلقني ..
سند يكتم ضحكته / هذا بس بوسه قلتي طلقني .. " وبغمزة " اجل لو .. ويش تطلبين ..
رنيم حمر وجهها / قلة ادب اطلع برا .. وطلقني لاني ما اطيقك ..
سند ينزل عقاله " رنيم شافته فتحت عيونها يبي يضربني " .. نزل شماغه وطاقيته ورتبهم على الكنبه ..
ونزل جزمته وانسدح جنب رنيم ..
رنيم فتحت عيونها على الاخر كان ودها تتحرك بس ظهرها يؤالمها ../ قوم قوووووووووم ..
سند بروقان / مرتاح هينا ..
رنيم تحاول انه ما تقرب منه / سند من جد تراني توجعت .. قوم .. ظهري يوجعني ..
سند قعد بسرعة وبعد عنها وبحنان / اسف حبيبتي .. اخذتي علاجك ..
رنيم من قال حبيبتي وهي اعصابها ثارت اكثر .. وبقهر / طلللللللللللللقققققققققققققققننننننننننييييييييي ..
سند سحب كرسي وقرب منها / طيب اسوي اللي تبينه بس مو الحين لانه ما يصير ..
رنيم فرحت انه بيطلقها / ادري انه مايصير .. بعد شهر طلقني ..
سند حب يلعب معاها ../ بعد مايصير .. هذا من الشروط ..
رنيم باستغراب / ايت شروط انا ما اشترطت شي ..
سند يحاول يمثل الجدية / يوم الحادثة .. شلتك ورحت اجري للمستشفى .. وما كان معي لا اثبات ولا احد يشهد ..
رنيم حمر وجهها .. وبقهر / من طلب منك تشيلني ياقليل الادب ..
سند نزل راسه وحط يده على راسه يحك شعره وهو يكتم ضحكته ../ هذا اللي صار المهم .." رفع راسه وبجدية " ..
المستشفى بلغت الشرطة الهيئة .. ومسكوني ودخلوني التوقيف .. وما طلعت الا يوم جاء جدي وابوي وابوك ..
وقالوا انها خطيبته وان زواجهم بعد يومين .. والهيئة ما صدقت وقالت عندكم 10 ايام اذا ما تزوجوا راح نسحبهم ..
رنيم تقاطعها / والله تحسبني غبية اصدقك ... وليتهم ماطلعوك من التوقيف وودوك السجن ..
والهيئة قالت تزوجوا وهذا حنا تزوجنا وخلاص طلق .. ما ابيك ..
سند انجرح من كلمتها بس هو يدري ليه تسوي كذا / اممممم ما قلت لك اسوي اللي تبينه بس مو الحين ..
بعد سنه .. لان قـ ..
رنيم بشهقة / هئئئئئئئ .. نعمممممممممممممممم .. سنه ليه ان شاء الله ..
سند / انتي لو سمعتني للأخير بدون ما تقاطعيني كان فهمتي .. قوانين الهيئة بهالحالات لازم الزوج سنه ..
وبعدها اذا يبون الانفصال ينفصلون واذا يبون يكملون كملوا يمكن يعشقون بعض ويتراضون وتحلو حياتهم ..
رنيم بنظره / ما راح احد يحب احد .. وهالقصة اللي الفتها واضح انها كذبه .. عيب عيب عليك كبير وتكذب ..
سند بنبرة / وانتي مو عيب عليك تكلمين زوجك كذا ..
رنيم سكتت شوي / لا مو عيب لانك مو زوجي .. الزواج بتراضي مو بالغصب ..
سند / والله اللي معروف الحين شرعا وقانونا انا زوجك .. " وقف " .. انتبهي لصحتك ..
وبكرة موعد المراجعه اشوفك ..
رنيم بحدة / ما ابي منك شي انا اكررهههههههههههك ماتفهم ..
سند بسرعة نزل جسمه لها .. رنيم شهقة من الخوف ..
سند بهمس بعد ما قبل شفايفها ../ احلام سعيده وانا بطلها ..
رنيم وهي مغمضة .. حمر وجها وحست بالحرارة فل عندها .. من بين اسنانها / انت قليل ادب ..
نوال / ههههههههههه ليش ايش سوا .. ههههههههههه ..
رنيم تفتح عيونها وشافت ابرار ونوال وريهام وريما ورنا واقفات قبالها .. وبعصبية / انقللللللللللعععععععععععوووووواا ..
نوال / ههههههههههههه ههههههههههههههههههههههههه شكلك يموت ضحك ..
الكل / ههههههههههههههههههههههههه
رنيم ودموع تجري على خدها / انقلعوووووووااااااااا .. اهئئئئئئئئئئئئئئئئئئ .. انقلعوا انقلعوا .. اكرهكككم ..
البنات تفاجأوا من صراخها وبكاها فكروها محرجه وحبوا يخففون عنها بس ابد ما توقعوا هالانفعال ..
رعد يدخل وبحدة / ويش هالصراخ .. " انتبه لصوت بكاء رنيم " .. رنيم ويش صار لها ..
نوال بتبرير / ما ادري بس دخلنا عليها بنمزح و ...
رعد / اطلعوا برا .. " طلعوا البنات وكل وحده تفسر تصرف رنيم على كيفها " ..
نوال / اكيد زعلانه لان يوم زواجها مريضة ..
ابرار / يمكن سند ضايقها ..
ريما وريهام ورنا سكتوا ولا علقوا ..
رعد يضم رنيم .. وبحنية / خلاص رنوومه خلاص حبيبتي اهدي .. هذا مو زين علشان ظهرك ..
واخذ وقت وهو يمسح على ظهرها يمكن تهدا .. وبداخله " يالله كل ماجيت ابي افاتحها بموضوع التسجيل ..
تصير مشكله .. اووووف .. انا متاكد ان المقطع مركب عليها .. بس ابي اعرف منها " ..
رنيم تبعد عن حضنه وتمسح دموعها بيدها .. رعد سحب لها مناديل واعطاها اياه ..
رنيم بجفاء / نعم في خاطرك شي تبي تقوله ...
رعد بعقدة حاجب / رنيم .. ويش فيك .. ويش صار وضايقك لها الدرجة ..
رنيم / اطلع ابي انام ..
رعد يتنهد / فيه شي لازم تعرفينه .. بس الوقت الحين مو مناسب اول ما تهدين وتتحسن نفسيتك راح نتكلم فيه ..
يالله نامي وارتاحي ما في شي مهم بهالدنيا كثر صحتك .. تصبحين على خير .. " قبل جبينها وطلع " ..
رنيم رجعت راسها على المخده وبقيت دموعها تسيل على خدها .. الا ان خذاها نوم ونامت ..


ـــــــ


من وقت طلوعهم من القصر والهدوء يعم المكان ..
لـ هي نطقت بكلمه ولا هو نطق ..
كانت مفتكره انهم راجعين على الرياض على طول بس تفأجات بوقوفه قدام فندق ..
بتال / انزلي ..
العنود نزلت بهدوء .. ومشت وراه بهدوء .. كان يراقبها .. مو باين منها شي اسود في اسود ..
بتال توجها للمصاعد وطلع للجناح اللي ماخذه ..
العنود بداخلها " حاجز من قبل يعني .. طيب ليش قال ينزل على الرياض على طول " ..
بتال بحدة / مطولة ..
انتبهت العنود له ودخلت الجناح .. وبهمس / بسم الله .. اعوذ بكلمات الله التامة من شر ما خلق ..
بتال / هذي غرفة النوم وفيها حمام خذي راحتك .. " قالها وهو يجلس على الكنبة ويشغل التلفزيون "..
العند دخلت على طول الغرفة .. وهي متغطية .. رمت عبايتها وجلست على السرير تأخذ نفس ..
بداخلها " مو مصدقة اللي يصير .. احس اني بحلم وراح اصحى منه .. قلت راح افتك من شريفة وراح اكسر قوتها ..
وراح يتحسن ابوي وامي .. بس ما في فايدة .. وين القي السحر وين ياشريفة حطيتيه .. انا تاكدت خلاص .
انه انتي اللي سحرتيهم .. راح تشوفين ياشريفة ويش راح اسوي فيك بس ينفك سحر امي وابوي .. يارب ساعدني .. "
وقفت وارحت لشنطتها واطلعت الروب منه وفوطة كبيره تنشف فيها شعرها وطلعت لها بجامة من اللي شرتهم للعيد ..
شنطة الهنوف استحاله راح تفتحها او تاخذ منها شي .. وقفت قبال المراية وتذكرت جدتها الظبي ..
" ... / يمه لو انجبرت وقابلت الفارس وشلون اتعامل معاهم ..
الظبي / خلك مثل الخيزران انحني مع ريحهم وباي اتجاه بس لا تنكسرين واول ما يهدون ..
ارجعي اوقفي وبقوه واوجعيهم ..
العنود / يعني شلون ..
الظبي / هذي الخيزرانه " مسطت خيزرانه عندها وجعلتها منحنيه " شفتي اشلون انحنت ..
بس ما انكسرت لكن اول ما امنت لها ووقفت هااا ..
العنود تنقز / ااااااااي يمه وجعتيني ..
الظبي / هههههههههه علشان ما تنسين .. لقابلتي عدوك خلك كذا واجهيه ولا متي خلك مثل النخلة واقفه وشامخه .. "
ابتسمت لذكرا جدتها .. بس قطع عليها ذكراها .. صوت بتال الساخر ../ ما قالوا لي مجنونه ..
العنود التفتت له متفاجأه دخوله ولا حست فيه ..
بتال استغل صدمتها وقرب منها .. العنود ما قدرت تبعد صدت عنه وسوت نفسها مشغوله باللي بيدها ..
بتال مد يده ولف وجهها على ناحيته والتقت عيونهم مرة ثانيه بس هالمره كمان اربكت بتال ..
بتال بهمس ساخر / تدرين انك جميله .. بس مشوه جمالك ..
بتال يتركها / استعجلي بنصلي ننام ورانا سفر ..
العنود ارتجف قلبها .. " ويش ننام هذا مقال ما راح يكون زواجنا مثل كل الزواجات " ..
بتال بحده وصوت عالي / ماقلت لك استعجلي ..
العنود نقزت من الصوت واخذت اغراضها وراحت للحمام بسرعة ..
بتال ضحك بداخله .. " اكثر من انك جميلة يابنت العم بس لزم تتادبين وبعدين نتفاهم معاك من جديد "..
تذكر كلام راكان له ..
.. / بتال لا اوصيك على العنود .. كل اللي قلته لي تراه مو صحيح العنود انا متاكد .. يمكن وحده من بنات خالتي ..
انت ماتعرفهم .. " تنهد " ابوي وامي تعبانين وعانوا الكثير لو العنود مثل ما قلت كان سعت لعلاجهم ..
اللي قاهرني انها ما قالت لي عن مرضهم .. طيب انا زعلان من تركهم لنا .. تقول لجدي لعمي ..
لاي احد تطلب مساعدته من اهلها مو الغريب طارق .. عنيده هالعنود طول عمرها عنيده .. بتال امانك العنود ..
مثل ما امنتني على سمر .. وقلت لي اللي صار معاها .. انا قلت لك كل شي عن العنود .. " ..
" راح اكسر غرورها وعنادها .. وراح اخليها مهره مروضه .. وبعدين راح تكون زوجه صحيح .. " ..
بعد ربع ساعة خرجت العنود ونشفت شعرها ولبست بجامتها ولبست جلال الصلاة وصلت ركعتين ..
ورجت ربها ان يحفظ والديها ويشافيهم ويحفظ سارة من شر شريفة وييسر لها بنات الحلال اللي يساعدونها ..
ويوفق منار اللي اليوم كلمتهم وهي تبكي لانها عروس ولا شاركوها فرحتها ولا حضروا عرسها ..
ولا قدرت تحضر عرس العنود وتفرح معاهم .. دعت ان اللي يرزق منار الزوج الجنون والاولاد البارين ..
اللي شافته بحياتها من تشتت وضياع يكفيها .. ودعت ربها ان يهدي اخوانها ويرجعهم لطريق المستقيم ..
ويبعد عيال الحرام عن نايف .. ويرزق راكان بالذرية الصالحة ويهدي زياد ..
ودعت ربها بان يجعل زواجهم مبارك فيه ويسهل دربها لما فيه خير .. "
وبعد ما خلصت ما عرفت ايش تسوي تنادي بتال او تنتظره او ايش بضبط ..
...../ قومي نصلي ..
رفعت راسها وشافت بتال واقف ويبدوا انه متحمم يعني هو له وقت بالغرفة ..
العنود بداخلها " هذا اولها يالعنود ماتنتبهين لوجودة ... يبالك لسعة خيزران " ..
وصلت مع بتال .. بعد الصلاة قرب بتال وحط يده على راسها ودعاء ..
" اللهم إني أسألك خيرها وخير ماجبلتها عليه وأعوذ بك من شرها وشر ماجبلتها عليه " ..
العنود كانت مغمض عيونها حست بانفاس الحارة على جبينها .. " قبلها " ..
وقف بتال ومد يده لها وبصوت هادي ../ قومي ننام ورانا قومة من الصبح ..
مدت يدها ووقفت معاه .. بس فاجأها انه تركها وراح لسرير ..
العنود محتاره تروح للجهه الثانية والا توقف مكانها والا تجلس على الكنبة والا تنتظره يناديها ..
بتال / العنووووووود مطوله بالوقوف ..
العنود انتبهت / هااا امم .. وفسخت جلال الصلاه ولفتهم مع السجادة وخلتها على جنب .. وراحت لطرف الثاني ..
بتال يطالعها من فوق لتحت .. وبخبث / هذا لبس تلبسه العروس بليلة عرسها عند زوجها ..
" كانت لبسه بجامه بلوزة بيضاء ضيقة باكمام طويله مرسوم عليها بالونه حمراء وبنطلون وسيع ابيض ..
وفيه بالونات صغيرة ملونه ازرق اخضر اصفر احمر .. " .. " هذا نهاية اللي يطاوعك ياساره " ..
العنود كل مافي جسمها ولع نار .. احررررراااااج .. تنحنحت / ما ..مااعندي غيرها ..
بتال ببرود / ولا تحتاجينها .. الليلة بنام على سرير واحد لان ما في غرفة ثانية ..
بس اول ما نوصل الرياض انتي لك غرفة وانا لي غرفتي .. تصبحين على خير ..
العنود وكان احد صب عليها مويه باردة لدرجة الصقيع .. التفتت على بتال وشافته مغمض عيونها ..
بتال وهو معطيها ظهره ومغمض عيونها / قومي قفلي النور ..
العنود قامت وهي معصبه وراحت قفلت النور وراحت للكنبه جلست عليها .." خلها من الليلة كلن ينام بمكان " ..
بتال بداخله " ههههههههه اوريك يا العنود لسه ماشفتي شي يابنت العم " ..


ــــــ


انتهى ..
اتمنى يحوز على اعجابكم ..
واعذروني على القصور .. والاخطاء الاملائية ..

اختكم / مشاعل السعودية ..


" سبحان الله .. والحمد لله .. والله اكبر " ..

مسائك جنائن الورد
ميشو يعطيك العافيه على البارت الحلو

صار الجد ورأ تزويج العنود لبتال وعشان ما تضيع زي الضبي اللي هربت منكم ومن قسوتكم وانت موب راضي تنساها*
مدري ليش احس ان أخوك سند هو اللي كان ورأ رفض الضبي لكم*
الغازك كثار يا ميشو*
ابو سطام هو اللي كان يبيها والا اخوه*
لان في احد البارتات ذكر ان سند مات وما قدر يوصل للظبي عشان تسامحه*
هذا اللي اذكرها فالواضح ان سند هو اللي ظالمها وبس وش نوع الظلم اللي شافتها*

بتال والعنود
كل واحد يقول الزود عندي في العناد وكل واحد يتوعد يكسر رأس الثاني
كيف بتربيها وهي ماغير جالسه تتذكر وصايا الضبي لها عشان تقدر توقف في واجهك
معارك بتصير بينكم راكان باح لك بسر أختك*
وطالبت منه يحميها
وانت قلت لراكان عن سمر وش ياترى قلت عن اختك
لغز جديد ينظم لنا

راكان
يعني انت ماتحب سمر تزوجتها عشان اخوها قالك سرها*
ياربي دانو هذا سر ولغز جديد
وأكيد ان العنود تعرف عشان كذا دايم ترمي حكي على سمر
وأخيرا عرفت عن مرض امك وأبوك *وعساك توقف خالتك عن حدها
رعد وهيفاء*
لمتى وانت مخبئ على اهلك انك موب دكتور
طيب انت ماتشتغل في مستشفى كيف مالاحظوا
هروبك من اهلك السنين هذه عشان ما يكشفونك وقصة حبك لزوجتك اللي توفت ستار تغطي فيه على نفسك
وانت ياهيفاء بتتعبين معه شوي بس بيعرف حبك له فبينسى بنت عمك

سند ورنيم
احمدي ربك ان سند هو زوجك صاحب القلب الحنون*
انت متعقده من الرجال بسبب أبوك واللي يسويه في امك*
ومعرفتك بقصة دلال خلاك تكرهينهم اكثر*
بس دلال هذه مين زوجه والا عشيقه لابوك*
حياة الآباء والأمهات كانت كلها غصب في غصب يمكن راشد ما حب مياسه وبعد شكله ما يحب عمه عشان كذا كان يدور الحب في مكان ثاني*

دنو في انتظارالمزيد

صباح الخيرات والليرات .......صباح التميز والابداع ........تستاهلي ياقلبي التثبيت لانك ابدعتي وتميزتي بأسلوبك وافكارك الجديدة غير كثرة الغموض والالغاز على انها مجننتنا الا انها هي الي زايدة تعلقنا وحماسنا لها لاننا نبغي نكتشف المخفي ........


بتال والعنود

كللووووووووووووووووووووووووش واخيرا مابغينا ...ميشو شفتي انو زواجهم خير عليك .......مع انك ماسويتي لهم ذاك العرس الي يليق فيهم بس راضيين ومبسوطين فيهم

الحين فهمت معنى كلام العنود عن الموال الي براس جدها ابو نايف يبغي يزوجها لعبيد علشان يحرم ابو سطام من قربها وتزويجها لواحد من احفاده ........بسبب حقده القديم والي العنود اكيد تعرفه من جدتها .......ولانها شبيهة الظبي يبغي يقهره فيها مثل ماقهره قبل وصارت الظبي ام عياله

بس مستغربة رضوخ العنود للزواج بدون حتى ماتعترض لو بشكل بسيط .......حتى لو لغاية براسها او لانها عارفة انو هالزواج بيتم بس رضوخها مو متعودين عليه وخصوصا انو الظبي حاشية راسها بالافكار الغلط ......الظبي انظرت من الجد سند ويمكن ابو سطام لانها عاشت بزمنهم مالها حق تحكم على الاحفاد وتحشي راس حفيدتها وتحرضها على اهلها هذا يعتبر قطع للارحام وهذا هي ماتت وسند مات .........بس الي صار بالماضي مازال اثره موجود ومازال البعض يتذكره

اتمنى من العنود تنسى كلام جدتها وماتطبقه الا في الحالات الي تستدعي هالامر هي بتعيش مع بتال الي مهما تعرف عنه بس ماراح يكون مثل ماهي معاشرته يعني لاتلتزم بكلام جدتها وتعاند وتخطط بشي مايكون لصالحها ....

هي عرفت انو بتال ماخذ عنها فكرة وفهمت هالفكرة من خلال تصرفات مناروه الي موبس مكالماتها كان لها دور كل الاشياء الغلط الي سوتها اثرت وجرحت ناس مالهم ذنب بحقد شرفوه

بتال واثق من الافكار الي ماخذها ومايعرف عن العنود اي شي ويمكن متوقعها سهلة مثل سمر اخته او مثل بنات عمه بس ماعرف انو العنود تملك من الذكاء والاسرار الي تقدر تبهر اقوى الرجال .........متحمسة لهالشخصيتين لانهم اقوى الشخصيات بالرواية وخصوصا صفة الذكاء والتحدي والعناد بنعيش حروب باردة لذيذة بتال كسر العنود ليلة الزواج بكلامة انها بتكون بغرفة غير غرفته بس العنود بترد له نفس الطعنة بس بوقتها ....ياسلام عز الطلب خخخ
الحلو انها بتكون قريبة من اهلها بس مو حلو انها قريبة من شرفوه وجدها لانها قريبة للخطر ......واكيد ماراح يتركوها تعيش بسلام وخصوصا شرفوه الي من قبل ناوية عليها كيف والحين هي زوجة لغير ولدها وضاع منها العز الي تبغيه .........

وانا بعد مع اختي نور في انو العنود عندها املاك واعتقد انها من الظبي والا عندها ذهب الظبي وهالاشياء المفروض تتوزع على الورثة الي هم بناتها ........والمبالغ الضخمة الي عندها مو من شركة ابوها وراكان مايعطيها شي لانو بالاساس مايدر عن احوال ابوه ويمكن هالشي هو الي مخلي شرفوه مصرة على العنود تكون زوجة لولدها .....

الله يعين العنود على المصايب الي بتجيها من شرفوه والي مااقدر اخمن ايش بتكون بس ياخوفي انها تستغل شبه مناروه للمرة المليون حتى لو هذيك تزوجت وتسوي شي غير متوقع


سند ورنيم

خخخخخخخ على اني مقهورة من تفكير رنيموه بس ضحكت على تناحتها من حركات سند واعتقد انها خسرانة ومغلوبة بسهولة ........سند بيتحملها على الرغم من تجريحها الي ماتحاسب نفسها عليه .......واعتقد انها وقت مابتعقل وبتعلن استسلامها سند بيعرف عن المقطع وبينصدم المسكين ........ومثل ماهي مقومة الدنيا الحين على هالزواج بدون مراعاة مشاعر لاخالتها ولا امها بتندم وبتكون قرصة لها ...........وبتندم على انها بيوم كانت بتطاوع طالحة الي كانت بتجرها للهاوية ..........كيف بتثبت برأتها وترجع ثقة الي حولها الي موبس المقطع خرب سمعتها لا حتى الي سوته مهية طاح براسها وماحد بيصدقها اذا انكرت لاني مااعتقد انو هذيك بتوقف عن كذبها حتى لو عرفت انو تزوج العنود ....الا اذا انكشفت بسواد وجهها


رعد وهيفاء

هيفاء اذا بتظل تقارن تصرفات اخوها برعد ماراح تقدر تغير فكرة رعد ولا بتقدر تتحمله لانو مو كل الرجال سوا ...اهم شي تتصرف بعقل وقناعة وماعليها من كلام الجوهرة لانها تخربط من عندها والحين بعد عقلها بدى يخرف على كبر ...بس بنشوف رعد الى وين بيضل على رايه والي متى بيضل ساكت عن الكذبة الي توهق فيها والسبب في كل هالاشياء


راكان وسمر

راكان عرف انو اهله مريضين بس هل عرف الي فيهم بالظبط ......وهل بينفذ كلامه وبيغير معاملته وبيزيد اهتمامه بأهله والا المصايب الي تنتظره ممكن تبعده عنهم .........وسمر ايش سرها وهل اهلها يعرفوه لو بس بتال مااعتقد سمر تعرف شي والجوهرة لو تعرف مانفخت ريشها كان انطمت وسكتت .........مااعتقد انو سمر تعاني من مرض وهل هو خبر العنود لذلك ترمي نغزات مع انها المفروض اذا كان السر خطير تشجع اخوها مو تحسسه انو غلط لما فزع لولد عمه مهما كان سمر بنت عمها لايعميها حقدها على اهلها وتعاقب ناس مالهم ذنب هي عارفة انو لولا تصرفات مناروه وكلامها الموجع كان ماكرهتها سمر ولا الجوهرة ..... ياترى ايش ينتظر راكان وايش ممكن يخفي عنا من اسرار مازلنا نجهل الكثر عن شخصية راكان


الجوهرة وسلطان

هههههههههه كف مرة وحدة بس ورى ماشال العقال وخلاه يرقص على بدنها قليلة الحياء صدق وقحة وشكلها حنت لايام زمان مع اني مااعرف عنها شي خخخخخخ...........اجل مقهورة تبي تفوشر وتنفخ ريشها عند الحريم بس كلامها قوي عن العنود وسبب زواجه والله يستر ماتنشر حقدها عند الحريم الي فارين مخها بس اذا فعلا انتشر وانعرف المصدر راح يكون عقابها غير متوقع خصوصا اذا كان سر سمر له دخل بطفولة تدمرت وهي ماتوعى للدنيا والجوهرة ماتدري عن هالسر او تدري ومتناسية ........ميشو زيد العيار ياختي دامك مومبردة قلبي بشرفوه سكتي هالعجوز ..........الا شردة فعل خزامى من زواج بتال ...فيس يبي يتشمت

عقبال زواج سعود من وحدة غير نوالوه ........وربي اتمنى هالشي ومنتظرته بشوف يتعدل مخها المصدي لو لا


نايف

اذا كان ماجد مسافرمن زمان يدرس اجل الله يستر من الطريق الماشي فيه ان شاء الله توقعنا القديم يطلع صح مااتمنى لنايف بالذات الضياع والمصير الموجع العنود ماراح تتحمل علاقتها بنايف غير كل اخوانها ماعاشت لحظات الامان الا وهو معاها ......خصوصا اذا صار الي قلتي عليه ميشو .......العنود وسارة بينهارو لوخسرو نايف


زياد

للان منتظرة اعرف سبب شخصيته المهزوزة وليش ملازم لراكان حتى بالسكن ..........ليش مايعيش مع اهله في سبب لهالشي ومنتظرين نكتشفه

راشد ومياسة

ليش راشد كاره مياسة هل كان رافض الزواج منها وابوه وعمه اجبروه عليها وهي الي دفعت الثمن وهل كان يحب دلال وابوه حرمه منها حتى لو كان لهالسبب ماله حق يظلم بنت عمه اذا هو الرجال ماقدر على ابوه كيف بمياسة الي تزوجت صغيرة جدا ........مهما برر ماله عذر دمر حياة بناته وياخوفي صحوته تكون بفقده شي غالي مثل صقر


بدر ورنا

شكل الاخ بيحط عينه على رنا ومااستغرب لو هي رفضته انها تنجبر عليه لانو الجد ماشي على سياسته القديمة مثل مازوج بناته بكيفه بيجبر احفاده على هواه


غرااااااااااااام

الله يعينها على الشعور بالوحدة وخصوصا انها كانت ماتهجد ببيتهم ولا تصك حلقها وصوتها يلعلع بدون اهتمام للمكان الي هي فيه والحين محرومة من كل هالامور ..........عرفنا بعض الامور عن مرضها بس ماعرفنا السبب يعني سبب الروعة او النظرة ماادري الي صار لها قبل يتلبسها الي ماينطرى ........وباقي سبب الريحة مو يمكن بسبب الي متلبسها علشان يبعد اهلها عنها لايعالجوها


ميشو في انتظارك ياعسل