؛
)
(
ًُ
بسببَ آلحمممـــآس آلي شفته هذا آالجزء
]ٍ لعيونككــــــــــم [
آخوكم محمد العاصمي )) آننككسآري ((

الجزء الخامس
(1)
) أوراق الحـ ـ ـ ـ ـ ـ ـ ـــظ (...

تجري الرياح ... وتتخابط الأمواج ..
ويسمع الصرير والأهات ..
ترمي الحياه بأبطال روايتنا ..
يمنة ...ويسره ...
يتخبطون ...لكن
أين سترسوا بهم ..؟؟
هل على أوراق الحظ الأفضل ...؟؟
أم على أوراق الحظ الاوفر ...؟؟



نوف بخوف : يبه شجابك أنت ؟؟
أبو نوف : أنا بعلمك ذلحين الأدب ...
سحبها من شعرها بقوه ... وركبها السيــــارهـ غصب ..


كان فيصل جاي يمشي من بعيد .. ولما شاف أبو نوف ..
يسحب بنته حتى من غير عبايه ...
راح يركض ..
مسك فيصل يد زوج خالته وهو يحاول يدخل نوف بالسياره ..
أبو نوف فك يد فيصل بعنف : خير شتبغى ..ياحقير..؟
فيصل وهو زعلان : أقول أنت شكلك ما تفهم ...خل البنت عندنا ..
أبو نوف : تبغونها ..
فيصل : أيه..
أبو نوف : تعال أخطبها ...
فيصل وقف مصدوم من أبوها الوصخ ..
نوف بخوف : خلاص فيصل خلني أروح معاهـ ...
فيصل : لا مقدر ...
نوف وهي تبكي : خلاص ... سو ألي هو يبغاهـ ..وفكني ..
قفل أبو نوف السياره وفيصل مصدوم ...
وحرك بسرعة البرق ...






طلع طلال من محاضرته اليوم بدري مره ع غير العاده ..
وقف يناظر ساعته : أما عاد توها تسع أجل خلني أروح أزوره ...
وهو يمشي شاف بوجهه يوسف وسيف : السلام عليكم ..
يوسف وسيف : وعليكم السلام ..
طلال:وين رايحين ..؟؟
يوسف : والله كنا ناوين نروح لريان ...
طلال: حلو حتى أنا أبي أدز له ...
سيف : أجل يلا كلنا ... التفت على يوسف ببلاهه...
أجل اليــــــــــــــاس جاي معك اليوم ؟؟
يوسف : أيه بس كلمته هو ذلحين بالمستشفى ...
طلال : كيف راح وسيارته خربانه ..؟
يوسف : يقول أنه قابل عزيز وحالته ما تسر وطلع معه وسحبوا اليوم ع الجامعه ...
طلال : زين ... طيب كل واحد يروح بسيارته الله يعين ...
سيف : من جد ...
وأتجه كل واحد لسيارته ...



بالطريق كان كل واحد يفكر ...

يوسف : ياخي شسوات ...مالي أقارب أبداً من جهة أمي ولا من جهة أبو إلا عمتي أم بدر الطماعه وعيالها ...
شسوي بدنيتي ... ع الأقل لو أني متزوج كان أحسن لي ...
لكن من هي البنت الي تستاهلني .. أنا فوق ...
سرمد أخت سيف ... مره متشدده بعدين أكيد انها مخطوبه ..
ريم الي تقرب الريان .. أحس أنها تحب ريان ..
وهو غبي مايعرف ....
لمار أخت عزيز ما تناسبني ابداً ...
أجل وش أسوي ..؟؟
مالي إلا أني أخلص وبعدين أدور أنا بنفسي ...





سيف : يالله من هالزياد ..من يومي وأنا أكرهه ...
الياس شذنبه ... طيب وحبوب ...
وأخوي شهاب أبو المصالح ويعتبر البيت فندق ..ينام وياكل فيه ولا له دخل بحد ...
أما أبوي ... خيخه قدام أمي لو تقول له طب بالنار طب ...
وأما أمي ... ما ينقدر عليها ...هههههه تقول هيلاري كلنتون ...
محد يحس فيني إلا هي ... أه يا سرمد متى تتزوجين وأرتاح ..
وانا من أقدر أتزوج ... للأسف محد ..
الله يعين بس ...
سكت مده وخطرت ع راسه فكره شيطانيه ...
سيف بجديه : يالله كيف ما فكرت فيها من زمان ..
وذلحين يا سرمــــد بريحك من أهلك الي قلق ..



طلال بحزن : يالله .. أحس نفسي مخنوق ...
أحس أني قاعد أخون أخوي ...
وش ذنب سنمار أجرحه ..
ووش ذنب جنستا أذبح فيها جميع العواطف ...
يالله أنا طحت بحيره ... مدري كيف أطلع منها ...
الله يعين بس ...
لو أستشير يوسف كان علمني ..
لكن أنا بطبعي كتوم ...صح أني أثق بيوسف ثقة عمياء ...
لكن ما أحب أحد يعرف سدي ...




ريم وهي بالطريق رايحـــــه لريان ....
يالله .. أحس نفسي صرت أميل له بطريقه غير طبيعيه ...
شسوي طيب .. أنا أحبه ومقدر أتخلى عنه ...
ولمار هالمكروه ...لو أعترف لها بحبي له فضحتني ..
صدق انها وصخه وما تنأمن ...
وشادن مره حبوب بس أعتبره أخوي الكبير ..
لكن ريان غير ...
يوم قرب مني ذاك اليوم كنت أحس بأنفاسه تشق وجهي ..
حتى الكف الي عطاني ... حبيت يعطيني ثاني ..على خدي الثاني ..
ههههههههههه .... صدق اني هبله وما مني فايده ..
هههههههههههههه..
الله يقومه بالسلامه ..



آدم كان جالس بغرفته ع الاب ...يسمع ميوزك ...
دخلت عليه أمه ...
آدم : هلا وغلا يمه ...
أم آدم : هلابك زود ... حكت راسها كنها تبي تتذكر شي..
تصدق اني أخر مره دخلت غرفتك قبل سبع شهور ممكن ...
آدم بنفسه : ))هذا من حرصك الزايد((.. حياك الله يا يمه ..
أم آدم : أنا جايتك أبي منك خدمه ..
آدم : أمري بس ...
أم آدم : ابيك تروح للمطار بكره ...
آدم بخوف : أيش فيه ؟؟
أم آدم وهي متكلفه الأبتسامه : أخوانك بيجون من كندا ...
آدم بفرح : من جدك ...
أم آدم : أيوه من جدي ...
آدم بفرح : الله يبشرك بالخيـــــر يا أمي ...
طلعت أمه من عنده بدون حتى مع السلامه ..
لكن ما أهتم لأن فرحته بإخوانه كبيـــــره ...





أم يعقوب كان عقلها بجده لكن قلبها بالرياض ...
يعقوب : شفيكي يمه ؟؟
أم يعقوب : لا ولا شي .. أنت فيك شي ..؟
يعقوب : ههههههههه .. لا لا بس أحس أنك متضايقه ..
أم يعقوب بإستسلام : أي والله ..
يعقوب : أفا من الي يضيق خاطر أمي الحلوه ..
ام يعقوب : جنستا خايفه عليها ...
يعقوب : لا تخافي.... خير أن شاء الله ...
أم يعقوب : لا لا لزوم أنا أدق عليها ...
رفعت الجوال ودقت على رقم جنستا ..
جنستا : هلا وغلا يايمه .. هلا بالغاليه أم الغاليه ..
أم يعقوب : هههههههه يقطع الله بليسك تمدحين نفسك ...
جنستا : أكيد مامي أمدح نفسي وفيه أجمل مني بهالدنيا ...
ملاحظه : البنات الي موجودات بالروايه على مراتب ... طبعاً تتقدمهم بالجمال ريم وأخت أدم ميساء المسافره إلي راح ترجع...
ومن ثما جنستا ...
وبعدين لمار ...
وبعدين نوف ..
☺██ مجرد تنبيه☺
أم يعقوب : طيب خلينا من هالهدره ... شخبارك وشلونك ... كيف طلال وسنمار معكي ...؟
جنستا تريح أمها :والله كلهم عسل ويعتبروني مثل أختهم وأكثرر بعد ..
أم يعقوب براحه : الله يوفقهم ويوفقك .. فمان الله ..
جنستا : فمان الكريم ...



في هذا الوقت وصل الكل للمستشفى ...
يوسف : ها بشر يا شادن ..؟
شادن : هو طيب وبخير .. لكن لسى بالغيبوبه ..
يوسف : الله يقومه بالســـلامه..
شادن : أميــــــــن ...شباب الي يبي يشوفه يخش بس لازم واحد واحد ..
يوسف: أوكيه ...
راح يوسف وقبل لا يدخل كان بجنب الباب أم شادن ..
يوسف ما يعرف أحساس الأم لأبنها لأنه يتيم الأم من يوم عمره ثانيه لأن أمه ماتت وهي تولده ...
يوسف : أدري أنه صعب عليكي أنه بغيبوبه ... لكن والله أنّا نحبه ...
والله يقومه بالسلامه ..
حست أم شادن أن يوسف رجال ...
وفعلاً يوسف بتصرفاته يعتبر أرجل واحد فيهم ..
أم شادن بفرحه : هذا العشم فيكم والله ..
أبتسم يوسف بكبر : الله يسلمك .. من طيبك ...
وخش للغرفه ...
قرب منه ولقى الأسلاك بكل جسمه ...
يوسف ببرود : الله يقومك بالسلامه ...وطلع ...

دخل بعده طلال ... وليته ما طلع ...
نزلت منه كم دمعه ..
لأنه من يومه صغير وهو جاره .. الحيط بالحيط ..
طلال بعد ما شاف لونه شاحب وكأن الدم مختفي عنه : الله يقومك بالسلامه ..
مسح على راس ريان ...طلال : سبحان الله كنت أمل من عيونك الرصاصيه ...تقول كنك من الي بدعاية عطر لوكستا ...لكن ذلحين صرت أشتاق لها ...
ضحك ع سماجته : هههههه ... صدق أني سامج ...
ورجع لحزنه مره ثانيه ...
وطلع وهو مكسور....

دخل بعده سيف ..وقرب من خويه ...
سيف : من يومي وأنا أعتبرك زميل مو صديق ...
لكن اليوم أحساسي أتجاهك كبر مره ثانيه وحسيتك عن جد صديق ..
لكن ما أقول إلا الله يقومك بالسلامه ...
طلع وهو حزين بعد ...



جلسوا العيال يتحمدون ويدعون الله ...
الياس : يوسف أسف اليوم سحبت عليك ...
يوسف : لا عادي .... بس تعال ..شلون عزيز ذلحين؟؟
الياس : لا هو ذلحين ...
قطع عليهم الكلام صوت مو غريب ...صوت ترددد بذانهم كلهم الخمسه ..
هم قد سمعوا هالصوت لكن وين ...
تذكروا باللحظه وحده أنه ..كعب البنت الي أسمها ريم ...
المنفتحه الي ما تتغطى ...
قربت منهم وكالعاده جمالها شرس وخارق ...
الكل مفجوع منها ويقول : ليتها زوجتي ..؟
قربت من شادن : وين غرفة ريان ...
أشر لها شادن للغرفه ...
دخلت الغرفه
قربت من ريان .. ولما شافته نزلت دموعها ...
هي مره تحبه ومتعلقه فيه لدرجه محد يتصورها لكن هي ما تبين لحد ..
قربت منه وباست راسه : ريان يابعد هالكون ... وتهزه شوي شوي .. تكفى أصحاء .. أدري أنك تبي تقهرني ...
لما عرفت أنوه ما فيه أمل ...
جلست جنبه ...


الكل برى الغرفه
الــيــــــــــــاس في أذن يوسف : أحس أني بموت ..
يوسف وهو فاهم شيقصد .. بس يستغبي عليه ..: وشو ؟؟
الياس : شفيها تأخرت ...
يوسف أبتسم له : شدخلك أنت خلها بكيفها ..
طلال قرب منهم وقال وهو مذهول : شفتوا يالربع الي أنا
شفته ..
الياس وهو من جده : وما ذبحني إلا إلي شفته ...
يوسف يضحك عليهم : ههههههه ... أنتم تنقادون بالمظاهر ... أسمع أسمع هالمثل إلي على لسان عمتي أم بدر الله يلعنها.. )) من برى الله الله ... ومن جوى يعلم الله((....
الياس : أنه البرى أحسن من إلي جوى ..
طلال : بعدين تعال الزين ياخي مهم ..
يوسف : أنتم ما تحسون أنّا نخطط على حبيبت خوينا ..
الياس وطلال بحزن : من جد ..


سيف وهو جالس لوحده ...
سيف : والله لجيب راسها ولا ماكون سيف ...


عزيز كان في عالم ثاني من الحزن على ريان ..
أما شادن كان قريب من أمه ويذكرها بالإيمان بالله وأن الله غفور رحيم ...
طلعت ريم وخدودها كلها أثر للكحل إلي كانت حاطته ..
مشت بسرعه ... بدون ما يلحظها شادن وأمه ...
لكن الشباب شافوها ...
طلال ببرائه: حرام شكلها متعلقه فيه ...
الياس ببرائه بعد : أي والله ...الله يهنيهم ..
يوسف بمكر : ويهنيكم بالي أحلى منها ...
الكل : أميـــــــــــــــــن ..
ضحك يوسف على دلاخة أخوياه...


رن جوال يوسف شاف المتصل ...
رد : هلا وغلا يبه ؟؟
أبو يوسف : هلا وغلا بولدي ...شخبارك ؟؟
يوسف : والله بخير ... أنت شلونك ؟؟
أبو يوسف : والله بخير لكن مو ذاك الزود ...
يوسف : أفا شلي متعبك ..؟
أبو يوسف : والله يولدي أنت قاســـي .. وكنت أتمنى أشوفك رءوف ..
يوسف بعد من أخوياه وبصوت رسمي خالي من العاطفه : شسالفه ؟؟
أبو يوسف : بدر ولد عمتك أشتكى لي منك ...
أخذ يوسف نفس كبير ...ورد ع أبوه : والله يبه ذا الولد أنا ما أطيقه وكم مره قلت لك تراهم يتمصلحون ...
أبو يوسف : لا والله أنه رجال ويحبنا ...لكن أنت الي وسع خاطرك عليه ...
يوسف : أبشر ... لكن أنا بقولك من ذلحين ...تراني ما أدانيه ولا راح أدانيه لا هو ولا أمه ...
أبو يوسف : أفا عليك بس ... هذي أختي مهما كان تبقى عمتك ...
يوسف : والقرابه إلي منهم أنا بايعها ...
أبو يوسف : الله يهديك بس ...
يوسف بمكر لأن يعرف تفكير أبوه : يبه ..
أبو يوسف : هلا ..
يوسف : تبيني عادي أكون معهم ..
أبو يوسف : أيـــــــــــــــــــــــه يولدي وسع الخاطر عليهم ...
يوسف : أبشر لكن بشرط ...
أبو يوسف مستغرب من هالشرط : وشو الشرط ...؟
يوسف : الشرط ... أنهم ما يسكنون معي بالقصر ...
أرتبك أبو يوسف : كيف لا يعني مقدر ...
يوسف عرف أن ابوه أرتبك : بكيفك ؟؟ لكن ترى أن سكنوا ... أنا راح أسكن عند طلال ...
أبو يوسف بإستسلام : خلاص ...شورك وهداية الله ...مع السلامه ..
يوسف بإبتسامه شيطانيه : مع السلامه ..
قفل الجوال وكلم نفسه : هذا أنت يابدر أنت وأمك مقلقيني .... ما كفى أمك ألي سوته ... الله يلعن... أستغفر الله ...لكن أنا لكم والزمن طويل ..
ورجع للعيال ...




وصلت الساعه 2 والكل ينتظر ...
مايدرون يمكن ما يصحى صاحبهم ... ويمكن يصحى ...
ريم تململت من نظرات سيف ...
ألتفتت يمين وشمال ما حصلت لا شادن ولا أمه ...
قربت من سيف ..
ريم بعصبيه : خير ؟؟
العيال أنصدموا منها ... أما سيف : نعم بغيتي شي ..؟
ريم : أسمعني أنا ماني من البنات الي ببالك .. وأصحى تناظرني مره ثانيه بهالشكل ..
سيف بدلع مصطنع : حرام أناظر ..
ريم : لا مو حرام ...لكن الحرام أنك تحلم وتناظر فوق .. أصحى حبيبي أنت تحت وأنا فووق فووووق ...ولا ترفع راسك مره لأن ممكن يوم من الأيام تنكسر عليك ...وأنت عارف الرقبه إذا أنكسرت مالها جبر ...
أنصدموا العيال منها ... وقرب منها يوسف : شفيكي ..شمسوي لك ..؟
ريم بلا مباله : هو إلى الان حده نظر ..لكن ترى أن زودتها ...راح أدوسك وأنا ما أشوفك ...وضربت رجلها على الأرض كأنها تدوس على شي ...
سيف بعصبيه : أقول ...
سكتته يدها : لا تقول ولا تزود ...لأنك لو ما تأدبت راح أعلمك الأدب أنا ...وقتها بتندم في يوم ما ينفع فيه الندم ...وتناظره من فوق لتحت ..صدق ناااس رمه لكن حبيبي لا تناظر فوق ناظر تحت ...شفت هذي الأرض الي نوطئ عليها قدرك ...فاهم علي ...
راحت منه ودخلت لغرفة ريان ...
أما العيال أنصدموا ...
سيف أنحرج من العيال ... سيف ويسوي نفسه معصب : من هي عشان تسوي نفسها ؟؟
طلال : يخوي طيب ليه تناظرها أنت .. لو أني بنت وقعدت تسوي لي هالحركات صكيت وجهك بالكعب ..يعني هي يا حليلها بس تكلمت عليك ...
سيف : طلال لو سمحت مالك شغل ...
طلال ناظره نظره حاده : من هو الي ماله شغل ؟؟ قلي من
هو ؟؟
الياس بعصبيه : خلاص أنتم ...ترى أزعجتونا وأنت يا سيف ثاني مره لعد تناظرها ... ترى ريان غالي وما نبي نخسره...
سيف : يعني أنا الغلطان ..
يوسف ببرود : ولا بعد مو غلطان وبس ...راكبك من ساسك لكرياسك ...
سيف : أقول تمونون ....بس أنت يا طلال مالك شغل فيني ..
طلال قرب منه لحد أختلاط الأنفاس : أسمع حبيبي إلي يظر ريان ..كأنه ضرني .. فاهم ..
سيف : أقول مالك شغل ...
طلال مسكه من ثوبه :شكلك تبي من يأدبك ..
جاو العيال مسرعين وفكوا كل واحد من الثاني ..
طلال : أنا ما مديت يدي عشانها .. أنا عشان ريان ... الله أكبر ..من متى الواحد منَّا صار يخون خويه ...
عزيز قرب منهم والشر يتطاير من عيونه : أقول يا ورع أنت ووياه خلاص ..لأنكم لو ما سكتوا راح العن شكلكم ...
الكل أحترم عزيز لأنه الوحيد الي متأثر مره وما يبون يزودونه ..
راح طلال مع يوسف بعيد عن الياس وسيف .. عشان لا يتضاربُ ..


أما ريم كانت في الغرفه عند راس ريان ...
ريم : ريان تكفى أصحاء ... أنا من دونك ولا شي ...
تكفى ياريان ... خلاص أنا زهقت ..
وبدت تبكي ...
مسحت على راسه ...
وحطت راسها على صدره ...
ودخلت بنومه ...


بعد نص ساعه من نومت ريم ..
صحاء ريان .... وراسه يوجعه من الألم ...
شاف راس ريم على صدره نايمه ...
مسح على شعرها وتذكر الحادث ....
وتذكر أصوت الي كانوا حوله بعد الحادث ...
أنقذوه ... الرجال ينزف ممكن يموت ...
يالله شهالحادث .... وش نسوي ..
دقوا ع الإسعاف ....
اشمئز من الذكرى المرعبه .. وحمد ربه ..
شاف ريم نايمه ووجهها كله دموع والكحل متناثر ع خدودها ...
وشفايفها تتوهج من البكي ...
ناظر ملامحها ولأول مره يحس أنه يحبها من قلب ...
قال لنفسه : وين كنت ياريان الأعمى ..كل هالطيبه وهالزين حولك ولا فتحت عيونك ...
مسح على راسها مره ثانيه ..
حس انها قامت ولما شافت عيونه فاتحه ..قربت منه ...
ريم بهمس: ريان أنت صحيت ..؟
ريان بحنان : أيوه ...شفيكي تبكين ...؟
بدت تضرب على صدره شوي شوي وبحنان وهي تبكي : ريان ..تكفى لا تروح مني ثاني مره ... ريان أنا بدونك ولا شي ... تكفى يا ريان .. خلاص أنت لما صار لك الحادث ... أحس قلبي وقف ...حتى لما كلمتني قبل الحادث تعتذر ... حسيت نفسي غلطانه ... تكفى يا ريان .. لا تخليني مره ثانيه .. أنا أحبك ومقدر أستغني عنك ...
أنحرج ريان .. وحس قلبه بيتفطر على دموعها ...: خلاص ريومه لا تبكين ..خلاص ما فات مات ..
ريم : مقدر مقدر ...تكفى ياريان أوعدني أنك ما تتركني ...
ريان مسك يدينها : وعد مني ... وبداء يمسح دموعها ..
ريم : خلاص بروح أبشر خالتي ....
طلعت من الغرفه وبطلعتها حس قلبه بيطلع معها ووراها ..
طلعت مسرعه لخالتها إلي كانت تنتظر ولدها على أحر من الجمر ...
قربت لعمتها وشادن بجمب أمه ...
وبصوت مسموع : خاله كم لي على البشاره ..؟
أم شادن حست أنه بخصوص ريان : عيوني لك ..
ريم بصيحه : ريان صحي ...
ام شادن : كلوووووويش ماصدق ..وراحت ركض للغرفه هي ولدها... والعيال ...فرحوا وكلهم ينتظرون خروج أمه عشان يدخلوا عليه ...
قرب يوسف من ريم : الحمد لله ع سلامته ..
ريم والفرحه شاقه وجهها : الله يسلمك ...
وجلست ع كرسي قريب من باب ريان ...


أم شادن : ما صدق يولدي ... وبدت تبكي .. الحمد لله على سلامتك ..
ريان وهو ماسك يد أمه : لا تخافين يا يمه ... أنا بخير...
شادن وهو مبتسم : الحمد لله ع سلامتك ...
ريان : الله يسلمك يا أخوي ياعزوتي ...
شادن بجديه: والله ما تدري لما عرفت أنك صار لك حادث ..حسيت الدنيا أنقلبت ع راسي ....
ريان : لا أن شاء الله أنا بخير .. ولله الحمد ..
شادن : اللهم أمين ..
سكتوا ... رجع شادن يتكلم : ما تبي تشوف أصحابك ... من يوم كنت هنا وهم محضرين ... والله تعبوا
أبتسم ريان : خلهم يخشون ..
طلعوا هو وأمه ..
قرب شادن من العيال : تبون تشوفون ...ريان ..
العيال بصيحه وحده: أكيـــــــــــــــــــــــــــــــــــــــــــــــــــــــــ ــــــــــــــــــــــــــــــــد ..
دخل عزيز ووراه يوسف ووراه طلال ووراه الياس ووراه سيف ...
وقفت ريم لما مر سيف وعطته نظره بنت كلب ومشت
لخالتها ..
ريم بمزح : الحمد لله على سلامته ... الحين مالك عذر راح تسامحيني وغصب بعد ....
أم شادن بنفس المزح : أكيد ... ومن ما يقدر يسامح ريموه ..
الكل : هههههههههههه....


أما العيال بالغرفه ...
عزيز : الحمد لله ع سلامتك وقلبي بغى يوقف ...مره ثانيه لا تسرع ..
ريان مبتسم : الله يسلمك .. أبشر مره ثانيه ما راح
أزعجك ...
يوسف : الحمد لله ع سلامتك ...
ريان بنفس الإبتسامه : الله يسلمك ..
طلال : عني أنا واليــــــاس وادم ... نقول الحمد لله على سلامتك .. إهداء من جيرانك النشبه ..
ريان : ههههههه .....الله يسلمكم ...
سيف : الحمد لله ع سلامتك ..
ريان بنفس الإبتسامه : الله يسلمك ...
يوسف : خلاص بتطلع اليوم ..؟
ريان: لا معتقد ...
قرب طلال من أذنه وقال : البنت الي كانت هنا ...
ريان : شفيها ..؟
طلال : بغى يوقف قلبها عليك ..
ريان : ههههههههههههه .. الله يرجك أنقلع بس انقلع ..
طلال : ههههههههه ... من جد ..
العيال : ؟؟؟
طلال : ملاقيف ...
اليــــــــــــاس : شسالفه ؟؟
ريان : ما عليكم منه ذا الغـزـ ـ ـ ـ ـ ـ
طلال مسك فمه ..: خلاص معد راح أقولك مره ثانيه ...
الكل : ههههههههههههههه ..

طلعوا من عنده ومروا كلهم عند شادن وأمه ومعهم ريم ..
يوسف : خاله عني وعن العيال .. الحمد لله ع سلامته ...
أم شادن : الله يسلمكم وما قصرتوا والله ... الله يحفظكم ...
العيال : فمان الله ...
أم شادن وشادن : فمان الكريم ...


بعد ما طلعوا العيال ...
شادن : يمه الدكتور المشرف ع حالة ريان يقول ما يطلع اليوم ممكن يطلع بكره ...
أم شدان : عاااااااادي .... بس أهم شي أنه بخير وسلامه ....
ريم وهي مستحيه : خلاص أنا بظل عنده ...
شادن ما شك بالوضع : لا لا روحي ريحي أنا إلي برافق ..
ريم بإصرار : لا لا أنا الي بجلس لأن صحباتي ودهم يشوفو ريان وممكن يجو ...
شادن : ما عندك أجل مشاكل ...يلا مع السلامه ..
أم شادن : مع السلامه ياريم ..
ريم وجهت الكلام لهم ثنيناتهم بفرح : مع السلامه ...

طلعوا ...
ورجعت ريم للغرفه ...
جلست جمبه وهي ساكته وهو كذلك ...
دخل عليهم الدكتور المشرف ع حالة ريان ...
الدكتور : الســـــــــــــــــــــــــلام عليكم ..
أبتسم ريان : وعليكم السلام ..
الدكتور : ها قلي كيفك ألحين ؟؟
ريان: والله بخير ...بس أحس بألم بسيط برأسي ...
الدكتور : أيه لا عادي هذا بسبب الكدمات ..لكن ماشاء الله عليك ..لو تشوف شكلك ما فيه أي كدمه ولا أي شي يدل أنك سويت حادث ...ماشاء الله شكلك سليم مرررره..
ريان: الحمد لله ..
الدكتور : جسمك ما شاء الله متكامل ... وبعدين مساعدك مره جسدك ..لأنه مره مقاوم ما شاء الله للمرض ...
ريان : دكتور أنا جسمي عادي ..مافيه شي ..
الدكتور : أيه ما شاء الله مافيه أي شي ..ساعدك عضلات جسمك لأنو وقت الضربه ..ما أثرت عليك لأن جسمك كله لياقه .... والمفروض أنو يا ريان .. كل الشباب يصيروا
مثلك ...
أبتسم ريان وناظر ريم ورجع يقول: مشكور والله ... ما قصرت يا دكتور ..؟
الدكتور : أسمي الدكتور حمود ...
ريان : هلا وغلا والله يادكتور حمود...
الدكتور حمود : ممكن سؤال شخصي ...
ريم وقفت : عن أذنكم ..
الدكتور حمود : لا عادي ...أجلسي...
رجعت تجلس ريم وريان يقول: تفضل ...
الدكتور حمود : أنت خاطب أو متزوج ... أو أعزب ..
ريان: لا والله أعزب ..
أبتسم الدكتور وشال الأوراق وكان متجهه للباب ....
بس وقفه صوت ريان: ليه ؟
ألتفت الدكتور وهو مبتسم : أجل لعد تخوف أحد عليك ... وغمز له يقصد ريم ...
أبتسم ريان وفهم قصده: أبشر ..
طلع الدكتور ....
ريم : أنا أسفه يا ريان ع تصرفي اليوم أول ما صحيت ... حسيت أني أستعجلت ...
أبتسم ريان من قلب : لا عادي أساساً أنا حسيت أول ما فتحت عيوني بإحساس غريب ...
ريم بفرح : شنو ؟؟
ريان بإبتسامه تسحر :والله مدري كيف أوضح لك بس ... أقل شي أقدر أقوله أني ...أحبك ...
ريم وهي مستحيه بنفس الوقت : أنت تقولها من قلب ..
ريان : لا أجل من رئه ..هههههههههه ..أكيد من قلب ...
ريم : ههههههه ..وأنا أكثر يا قلبي ....
وبدت تبكي ....
رفع السرير عنه بعد ما شالوا الأسلاك ...
وجلس ورفع وجهها وعيونها كلها دموع ...
ريان بحنان : ريومه شفيكي يا قلبي ...شلي يبكيكي ...
ريم وهي من بين أنفاسها تبكي : مقدر أعيش بدونك ... أخاف يصير لك شي...
ريان ضمها لصدره وهو يقول : لا تخافي لو أقدر أشق صدري ودخلك بقلبي كان سويته من زمان ...
ريم : جعلني ما أفقدك ...
وبدت تبكي ع صدره طول الوقت ..



العيال بعد ما طلعوا من ريان ..
ركب كل واحد سيارته إلا الياس رجع مع طلال ...
بالسياره ... طلال ســــــــــــــــــــــــــــــــــــــــاكت ..
والياس يغني ..
طلال : الأخ مروق ..
الياس : أي والله .... ألا تعال أقولك جوالك فيه رصيد ...
طلال : لا ..ليه ؟؟
الياس : طيب آدم عندك بالبيبي ..؟
طلال : أيه ..
الياس : عطني ...
كلم الياس آدم ع البيبي ..

الياس :"هااااااااااااااااااي  "
آدم :" هلاوغلا ..... طلال "
الياس :" أنا مو طلال ... أنا الياس يا الغبي  "
آدم :"هلا وغلا ....  "
الياس :" آدم أنت فاضي ... ؟"
آدم :" لا والله أبي أنام لأني بكره بروح لخواني للمطار..."
الياس :" أها  ... طيب كم الساعه ذلحين .."
آدم:" 8 العشاء"
الياس:" أجل بااااااااااااااي مالت على وجهك .. "
آدم:" بايات ... "


الياس بمزح : مالت عليه بكره بيروح يجيب أخوانه ..
طلال : طيب أنت شتبي فيه ..
الياس : لا ولا شي ..
وصلوا للبيت وكل واحد دز لبيته ..



نوف كانت جالسه ببيتها وحيـــــــــــــــــــــــــــــدهـ ما معها إلا أبوها السكير
دخل البيت وهو عجل وبصوته المزعج :يا بنت الكلب ..
نوف وهي تمسح دموعها : لبيــــــه ..؟؟
أبو نوف : أخوياي جاو وأبي تجهزي المكسرات والثلج بعد ...
نوف : أبشر....بس يبه ..
التفت عليها وهو قده رايح : خير ..
نوف : الجامعه طلبت مني بعض الملازم المهمه مررره .. وأحتاج مية ريـال
أبو نوف : أنا مامعي فلوس ...وسمعيني زين أن طلبتي مني شي ثاني ...قسم بالله أن أفصلك ...
نوف نزلت دموعها غصب عنها : أبشر ...
راح ورجعت هي لمطبخها تجهز أغراض أبوها ..
نوف : يارب أنا مالي ذنب ... فرجها بوجهي يارب العالمين ...يارب أنت تدري أني أخاف منك وكل حرام أبتعد عنه .... ولا لي صحبات ولا لي أقارب أشد فيهم الظهر .... أرحمني يارب وفرجها بوجهي ....وأرحم أخوي محمد برحمتك
الواسعه ..




دخل الياس من الباب ولقاء عمه وزوجته بالصاله ..
الياس وهو مبتسم : السلام عليكم ...
مبتسم يبي يقهر عمه .... أبو أدريس بدون ما يرد السلام : وين كنت ؟؟
الياس يستغبي : من أنا ؟؟
أبو أدريس : تستخف دمك علي ...
الياس : لا أثقله ...
أبو أدريس قام من العصبيه : أقول أنت ما تعرف تنطم ...
الياس بلع القهر من عمه المكروه وهو مو فاضي فضاخ ...
سفهه ورقاء ...
ناده عمه : أرجع ..
طنشه وراح لغرفته وقفل الباب ...
جلس ع السرير ..
فكر فيه وفي أصحابه ..
يوسف ثقيل وكل واحد يتمنى يصاحبه ومو راعي بنات ..
سيف دلخ وغبي ...لكن أحس وراه مشاكل ببيتهم .. أجل خلني بكره أروح لخالتي أسلم ومنها أشوف شفيه ؟؟
أما عزيز أحسه مدري كيف متقلب ويحقد على يوسف لأن كل العيال يعتبروا يوسف هو راعي الشله ...
أما طلال ما تعرف وش وراه سده كبير وما تقدر تاخذ منه لا حق ولا باطل ..
أما ريان .. أأأأه يا ريان حظك ... يحب له بنت ومتعلقه فيه هي بعد ..
ولا مو أي بنت أجمل بنت شفتها بحياتي ..
بس شقول عن نفسي .. بكره ميســـــــــاء جايه ... لكن بيجي معها ذا الغثيث ..أدريس ما أدانيه ......
الله يعين بس .... وش هالعالم ....
آدم نسيت آدم ... أطيب واحد من عيال عمي معي ...
كيف ما أنتبه له؟؟.. هو الوحيد المفروض أستمسك به ..


--------------




طلال : يالله شسوي بجنستا ذلحين لو أدخل وألاقيها ..
فتح الباب شوي شوي وخش ..
لكن أنصدم لما شاف جنستا معطيته ظهرها ..رجع يحاول يقفل الباب ..
بس عينها كانت أسرع ولقطته ..
جنستا : طلال
طلال يسوي نفسه توه يدخل : هلا وغلا ..
جنستا بخوف : شفيك تأخرت ؟؟
طلال : ما فيني شي ...))وراح لدرج يبي يرقاء(( ...
بس وقفه صوتها ..: طلال سنمار مو موجود ...
وأنا لازم وأعترف لك وأقولك أني أحبك ..
تجمد العروق بدمه وما قدر يقول شي ثاني ..
جنستا : يخوي تعبت من التلميح ..
طلال : وأنا أكرهك ..
أنصدمت جنستا : شتقول أنت .... أكيد أنك قاعد تخرف ؟؟
طلال من ورى قلبه : مقدر بيوم أني أحبك .. مقدر مقدر ؟؟
جنستا : ليــــــــــــــــــــــــــــــــــــــــــــــــــــــــــ ـــــــــــــــــــــــــــــــــش ؟؟
طلال نزل من الدرج وقرب لها وقال : لأن سنمار يحبك ... وأنا مقدر أخون أخوي ...
أنصدمت جنستا من إلي تسمعه مستحيل مستحيل : طلال مستحيل أنت تمزح ... ليش علقتني فيك ويوم فات الآوان ..تقول سنمار يحبك ..ليش كنت تبي تجرحني ولا كنت متعمد تدمرني وتدمر نفسك معي ..
طلال بحزن : مقدر مقدر أبد أني أرجع لك أبداً ومستحيل أني أخون أخوي ... مع وحده ممكن بيوم من الأيام تصير زوجته ..
وركض لباب مسرع ... وطلع ..
حطت جنستا يدها ع فمها تمنع الشهقات الي صارت تطلع منها لا شعورياً .. ماهي مصدقه أن طلال وسنمار كلهم يحبونها ... هي تبي طلال لها وما تبي سنمار ...
وش الحل ..راحت تركض بسرعه لغرفتها بس أنصدمت أن سنمار توه طلع من غرفته وكان مبتسم ...
ما صدقت كان من قبيل برى كيف دخل ...
جنستا قربت منه : أنت كنت هنا ؟؟
سنمار ببرائه : أيوه أيش المشكله ؟؟
جنستا خافت أنه يكون سمعهم ...: طيب كيف دخلت ؟
سنمار : من الباب الي ورى .. ليش فيه شي؟؟
جنستا بإرتباك : هاه ...لا أبد ولا شي ...
سنمار هز كتوفه ونزل ...



عزيز دخل بسرعه للبيت وهو فرحان ... وراح يدور ع أمه ..
مالقاها ... وراح لغرفت أخته ما لقاها .. رفع جوال وأتصل ع أمه ..
عزيز : هلا وغلا يمه ؟؟
أمه بحنان : هلا وغلا بالغالي ولد الغالي .
عزيز : وينكم يمه .؟
أم عزيز : والله أنا وأخيتك عند خوالك ..
عزيز : زين سلمي على الجميع ..باي ..
أم عزيز : مع السلامه ..
قفل منها ومر من غرفة أمه وأبوه وهو كان رايح لغرفته ...
لكن وقفه صوت من غرفة أمه ...
أنصدم من هالصوت الوصخ مو غريب عليه أبداً ..
فتح الباب شوي شوي ..
وأنصدم من الي يشوفه ..ومسك شعر راسه...: ما صدق ماصدق ..

‘؛
)
(
وش توقعآتككم للجزءء آلجآي
وآنطبآعاتكم عن هذآ الجزءء ؟؟
بإنتظآركم محبككم
)) آنكساري *

‘؛
)
(
وين ردودكم يآ آل ليلآآآآس
آليَ تبردد آلخآطر

عودنا بعد قراءة الجزء الاول
غريبه الاسم سنمار اللي شنو معناه
القصه تدور حول شله شباب اشوفهم للحين
طيبين اجل الشر وين راح يكون من اللي حوليهم
نشوف من وين بس عاد ماني حزينه حيل مالي خلق للدموع لوول
تحياتي للجميع

؛‘
) ❝
♪♪♪
آختي منآر أشكر مرورك وردودك آلحلوه
آنا بصرآآحه مآفهمتَ معنى )) عودنا بعد قراءة الجزء الأول
وآسم سنمار معناه : القمر , وقيل من لا ينآم ليلاً
وآنا بطبعي أحب يكون في روايتي دائماً آسم غريب
و مع الأيام راح تعرفين من وين يجيَ ألشر )) غموض هههههه
وشآكر مره ثآنيه ردودك ألحلوه ولآ تحرمينا منك ومن ردودككك
تقبلي مروري ..