اوه نسيت ارد السلام ههههههه
وعليكم السلام ورحمة الله وبركاته

الجزء العاشـــــــــــر
))وتذبل السطور))
لا تنظر الى الأوراق التي تغير لونها ..
وبهتت حروفها ..
وتاهت سطورها بين الألم و الوحشه ..‏
سوف تكتشف أن هذه السطور ليست أجمل ما كتبت ..
وأن هذه الأوراق ليست اخر ما سطرت ..‏
ويجب أن تفرق بين من وضع سطورك في عينيه ..
ومن القى بها للرياح ..‏
لم تكن هذه السطور مجرد كلام جميل عابر .. ولكنها مشاعر قلب عاشها حرفاً حرفاً ..‏
ونبض إنسان حملها حلماً ..
واكتوى بنارها ألماً..))منقول




طلعت من السوق ..
وكانت تبي تركب مع السواق ...
لكن سمعت صوت يناديها ..: ريم ...
ألتفتت للصوت وشافته صوت شاب مو غريب عليها .. دققت فيه وقالت : أنت يا حقيييييييير ...
سيف وهو مبتسم : ما ودك أوصلك ...
قربت منه : بلا ودي ...))وصكته كف على وجهه))..
نزل من السياره ومسك يدها وهو يهزها :قدها يا حقيره ...
ريم : فك يدي أحسن لك ..
سيف : وإذا ما فكيت ..
ريم : تشوف شبسوي ... نزلت الغطأ عن وجهها ..
وقامت تصيح : حرااام عليك ... الله لا يوفقك تشيل الغطأ عن وجههي ... يا ناااااااااااااااااااس .. يا عااااااااالم..
الحقوني .......
خاف منها وفكها وركب السياره ...
بس مسكه من كتفه رجال وسحبه وعطاها كم ضربه ...
وجاو خمسه معه .. وكلهم طايحين ضرب فيه ..
ريم تناظره : خلك تتربى يا واطي ..
لما خلصوا منه قرب منها رجال : يا اختي يكفي ولا نزود ..
ريم : لا بس يكفي ..
والناس ملتمين على المضاربه ..
قربت منه وهو يتألم ويتأوه : هذا قدرك يا حقير ... وتفلت
عليه ..
وركبت السياره .. وراحت للبيت ..
دقت ع ريان وهي تبكي : ......
ريان وهو خلاص شوي وقلبه بيطيح ...: شفيك؟؟
ريم وهي تبكي : مقدر يا ريان ... مقدر ...
ريان : ريومه .. هدي شفيك .. طيب وينك فيه ..؟؟
ريم : بالطريق الملك عبد الله ...
ريان : طيب خليك عند أبل بيز .. بجيك ...
ريم : يلا أنتظرك ....



سيف معه أخوه شهاب بالمستشفى : شفيك ؟؟
خبر أخوه بالسالفه .. وحقد ع ريم وريان ...
شهاب : أوريهم شغلهم ولا ما أكون شهاب ...
سيف : شبتسوي ...؟؟
شهاب : ولا شي ..بس بأدبهم ...
سيف : نشوف ...



شادن بمكتبه ...
يدرو ويحوس بين الأوراق ...
شادن : يارررررررررررررررربي .. وين رقم فيصل ؟؟ ولد خالت نوف...
جلس يدور ويدور .. بس ما حصله ...
شادن : شكلي مااااالي حظ لا في نوف ولا ريم ...
أوووووووووووف ...
سمع الباب ينفتح بقوه ..
وقف شادن وناظر شهاب ..
شهاب بعصبيه : بطل حركاتكم أنت وريان ..
شادن وهو ما يدري وش الطبخه : وش السالفه ؟؟
شهاب : أنت ما تدري وش إلي صاااااار ...
حكى شهاب السالفه لشادن ....
وقف شادن معصب ومسك شهاب من لايقة اللبس حقه .
شهاب وهو يبلع ريقه : شفيك ؟؟
شادن : يتعرض لريم وتقول رح أدب أخوك .. يا أبن الكلب أنت وأخوك ... وعطاه كم ضربه لين أغماء عليه ...
وصل للطوارئ لقاء أخوه ريان ضارب سيف ليييييين قال
أمين ..
شادن قرب من أخوه : شفيك ؟؟
ريان وهو ماسك يد أخوه : أبن الكلب معترض لريم وتقول شفيه ؟؟
جاء الياس من بعيد .. يمشي لأن خالته دقت عليه وعلمته السالفه...
الياس : السلام عليكم ...
قرب منه ريان ومسكه من فنيلته ..
الياس : شفيك ؟؟ وش السالفه ؟؟
ريان : والله لو أنك مو عزيز وغالي كان لعنت شكلك معهم ..
الياس فك يد ريان بقوه وراح لشادن وسأله ؟؟
الياس بعد ما حكى له شادن السالفه : والله أني متفشل منكم لكن والله مدري ..
شادن ضرب كتفه بخفيف وأبتسم : ما في منك يا الياس .. ولد رجال مو مثل الكلاب الي جواء ..
قرب الياس من ريان ...
وريان مو طايق أحد ...
مسك الياس خويه من كتفه ولفه له : والله ياخوك أني جاي أعتذر .. صح مالي دخل بالسالفه ..
بس والله أني مستحي منك ..
ريان بضيقه : لا عادي .. مايجي منك أخلاف ...
الياس : الله يسلمك .. خلني أدخل أشوف ذا الفشيله إلي
جوى ..
خش عليهم ..
الياس : والله السلام عيب عليكم ..
شهاب وهو متضايق : لا بعد تعال أضربني بعد ..
اليس قرب منه وعطاه نظره : وأكسر راسك بعد أنت وأخوك ..
سيف : أنت لا تقعد تهايط ..
الياس : والله لو أدري أنكم وصخين لهدرجه .. كان تبريت منكم ..سيف شلي سويته لريان .. مو حرام عليك خويك وتسوي فيه كذا ..ولا بعد تدري أنه يبي يخطبها .. ذلحين مستحيل ريان يرضى عليك .. هذي بنت خاله وبنفس الوقت بتصير زوجته بإذن الله ....
سيف نزل راسه : شسوي وقت طيش ..
شهاب : أقول معليك منه يا سيف .. أسمعني يا الياس أنا مو مثل أخوي على سرير وتسبني لين تشبع .. أنا عكرسي وبس كدمات فيني يعني .. لا تقعد تهايط ...
ماكمل كلامه إلا بكس جااايه يمشي ألفين على خده ..
شهاب طاح من البكس إلي جاه ..
الياس وهو معصب : ترى من اليوم واصله لخشمي وتجي أنت تزودها ...
شهاب ماقدر يستحمل الألم وقعد يون ..
طلع الياس منهم .. وشافوه معصب ..
قرب منه شادن ومسك كتفه وهزه : شفيك ..؟؟
الياس بعصبيه : وأنت ما تعرف تخاوي إلا قليل الذوق ..
شادن : والله توني أدري أن شهاب قليل خاتمه ..
طلع شهاب وهو يعطي نظره لشادن : ريان .. شفت ريم إلي تضربنا عشانها .. ترى أخوك يحبها .. وأنت خربت عليهم المووود .. يعني أفهمها .. ترى يطقطقون عليك ..
هنا خلاص ريان أنصدم وقرب منه : يا $$$$$ يا #### ..
وقرب منه ريان وضربه لين خلاص تكسر والناس مجتمعين ..
معد أستحمل ريان الوضع وطلع وشادن يلحق وراه ..
شادن مسك كتف أخوه : ريان معليك منه ..
ريان وهو يفك يد أخوه بقرف : خلاص .. معد فيه أمل طحت من عيني ..
شادن وهو يضغط ع راسه : وأنا وش دراني أنك تحبها ...
ريان بعصبيه : بسسسسسسسسسسسس ..
وطلع مسرع ...
ورجع شادن مسرع ولقاء شهاب يرفعونه ع سرير .. ورجع ضربه ضربه لين خلاص حس نفسه يدينه تكسرت من الضرب ....
والياس منصدم .. ولأول مره يحس أن شادن مو سهل ..



طلع ريان منهار وع طول طق باب بيت عزيز ..
طلع له عزيز وخاف لما شاف شكله : شفيك ؟؟
ووش فيه شكلك كذا ؟؟
ريان : سالفه طويله .. أمش أطلع معي ..
طلعوا مع بعض وبعد ما سمع عزيز سالفته أستغل الفرصه ..
عزيز مد قاروره لريان : خذ أشرب ..
ريان بدون معاند أخذ وشرب وبداء تسود بعينه الدنيا ..


طلع الياس من عيال خالته إلي بالمستشفى ...
وهو منصدم من سيف ....
رفع الجوال ....
ودق ع طلال ..
بعد عدة رنات رد طلال : الو .. هلا وغلا ..
الياس :................
طلال : اليـــــــــــــــــــــــــــــــــــــــــــــــــــــــــ ــــــــــاس ..
الياس : ....................
طلال : الياس أنت معي ..؟؟
الياس وهو يون : آآآآآآآآآآآآآآآهـ يا طلال ...
هنا عاد خلاص عرف طلال أن خويه من الأيام إلي راحت مو طبيعي ..: حبيبي وينك فيه طيب ؟؟؟
الياس : في السياره ..
طلال : طيب وين تبيني أقابلك ..؟؟
الياس : إلي تبغى ..
طلال : أخوي سنمار اليوم مستلم .. وأبوي بالشرقيه .. ومافي البيت إلا أنا يعني بتأخذ راحتك بالكلام ....



بقصر أبو يوسف ...
يوسف بطفش : أووووووووف وين العيال ؟؟
خل أروح الإستراحه اليوم وشوف ...
وهو يبي يطلع ... دخلت عمته أم بدر ..
كشر يوسف ..
أم بدر : ما ودك اتسلم ....
يوسف قرب منها وصافحها بس : أهلين ...
أم بدر : وين أبوك ؟؟
يوسف : مدري .. إذا ناقصكم شي قولي لي أروح أصرف وأعطيكم ... ترى ما يحتاج تنتظرين أبوي ..
أم بدر بقهر : والله أنك قليل أدب .. لكن معليه كلها كم يوم ونسكن هنا على قلبك ..
يوسف مثل بطريقه مسرحيه :ووااااااووو خوفتيني .. شفتي العز هذا كله .. لي .. وانتم بالزباله .." الله يكرمكم "
أم بدر : نشوف .. كم يوم وأحنا داخلين البيت .. ونشوف من الي بياخذ العز ..
يوسف : أتحداك ... خلاها وراح لغرفته ...





ريان دخل البيت سكرااااااااااان بعد صلاة المغرب ..
رقاء الدرج وراح لغرفة ريم ...
دق الباب ودخل ..
لما شافته خافت من قلب عليه ..
قربت منه وشمت فيه ريحه غريبه ..
سدحته ع السرير وفصخت الشوز إلي عليه ..
ريان وهو مره سكران : ريم ..
ريم كانت تبكي لما شافت شكله :...........
ريان : ممكن سؤال ..؟؟
ريم وهي تبكي : تفضل ....
ريان : أنتي تحبين شاااااااااادن ..
هنا فعلاً أنصدمت ريم ونزلت لوجهه وقربت منه وبدت دموعها تطيح ع وجهه : أنا أحبك وما أفكر بغيرك ..
ريان : بس طلع شادن يحبك ....
ريم وهي تبكي أنصدمت مره : أيششششش؟؟
حست أنه من الشراب بداء يهلوس ...
راحت لغرفته وأخذت لها ملابس له ..
وهي بطريقها وقفها صوته : رييييييييييييييييييييم ...
التفتت ع صوته وأبتسمت : نعم ..!!؟؟
قرب شادن منها : معليك من ريان ... فعلاً أنا كنت أحبك .. بس خلاص من لما عرفت أنه يحبك .. أثرت أخوي عليك .. وخلاص حنا عيال اليوم ..
ربتت على كتفه بمرح : ولو ما طلبت شي ..
وراحت وخلته .. حس بضيقه وراح لغرفته ...
دخلت ريم عليه ...وقف وهو يتمايل .. وقرب منها ومسك يدها وحبها : والله أحبك يا ريم ..
نزلت دموعها : روح تروش....
ريان : طيب ........





قصر أبو طلال ..
كان طلال ينتظر الياس بالديوانيه ...
دخل الياس.. وأول ما دخل .. وقف طلال ..
راح يركض الياس لطلال ..
وهو تنزل منه دموع القهر ...
طلال وهو يمسح ع شعره : شفيك ؟؟ أحد مضايقك ؟؟
الياس : آآآآآآآآآآآآآهـ يا طلال .. قلبي راح ..
طلال جلسه جمبه وهو ماسك يد الياس : شوووووف ..
أنا أخوك طلال .. لا تستحي .. لا حدك الزمن علي أرم الي بخاطرك وأصير لك عون مو فرعون .....
الياس شرح له القصه .. وفعلاً حس طلال بمعناة خويه ..
صعبه أنك تاخذ وحده عشان ترضى عليك النفوس .. وأنت تحب وحده وللأسف ما تقدر تاخذها عشان مكانتها ....
طلال وهو ماسك يدين خويه إلي مثل الطفل يبكي ...
قرب من خويه : خلاص يا قلبي .. دموعك غاليه .. أنت رجال .. الياس لا تبكي ..
الياس : أمي وأبوي وأختي عبير ماتوا ما بكيت ع فراقهم .. لأنهم راحوا لرب العالمين ... بس ميساء غير يا طلال غير ..
طلال مسد على يده : والله أني حاس فيك يا الياس .. بس دام هذا نصيبك لا تضيق خلقك ....
أذكر الله والعن أبليس .. والي فاااات ماااات ..
الياس : أعوذ بالله منك يا أبليس ...



ريان طلع من دورة الميااااااه وهو متضايق مره .... كيف قدر يشرب .. ويخلي بعد ريم تشوفه ..
طلع وهي منزله راسها وتبكي .....
حس بضيقه قرب منها .. ورفع راسها ..: خلاص لا تبكين دموعك غاااااااااااااااااليه .... غاليه حيل يا قلبي ...
ريم : مقدر أحس أني ضايقه .. والناس صلوا العشاء .. وأحنا لسى ..
ريان وهو يبتسم : شرااااااااااايك ؟؟ نصلي ونطلع بعدين ..
ريم وهي تبتسم : الي تامر به ...
صلوا وطلعوا ....




آدم كان جااااالس بغرفته ...
وكان يفكر بأشياء كثير مره وما يدري ايش بالتحديد
ومن ضمنها فكر في سرمد ..
هو طول عمره يبغاها ...ويحبها حب عذري ..
بس شيسوي دامه يحبها ..
لازم يخطبها ....
وبيكلم أبوه يخطبها له ..
بس الياس ككان مشغل تفكيره لكن على كلام الياس انه ما يبيها ..




-----------------

اليااااااااااااااااااس مو مصدق إلي صار له ..
دخل غرفته كأيب وحط راسه ع الوساده وما قدر ينام ..
دق على طلال : هلا طلال ..
طلال يبي يخفف عليه : هلا بروحي ودنيتي وكل مالي ...
الياس أبتسم من قلب : والله .. طيب أنا ما جاني نوم ..
طلال : يالدجاجه الساعه 9 وكل العيال بيجتمعون بالإستراحه ..
الياس : أوكي مرني ...
طلال : أبشر ..........


الإستراحـــــــــــــــــــــــــــــــــــه
وصل يوسف للإستراحه ....
وما حصل أحد ....
جهز العده ...
اليوم بيشوووون ....
جلس ع التلفزيون مرات وبعض الأحيان يشوف
الجمر...
وده يسوي اليوم شاهي بالجمر ...
جلس ينتظر فجأه ويطب عليه الياس ..
الياس : السلام عليكم ..
يوسف أبتسم : وعليكم السلام ... رفع الإبريق وحطه ع الجمر .....الياس مين بجي من الشباب ؟؟
الياس : ممكن طلال بس وريان ما أعتقد ...
يوسف : وسيف ....
تقلب وجه الياس ..وعرف يوسف أن فيه شي ..
نزل البياله إلي بيده : فيك شي ... وقام يناظر وجه خويه بتفحص ... قلي لا تستحي ...
الياس : أيوه ..
وخبر يوسف بالسالفه ...
يوسف : إن لله وإنّا إليه راجعون ..متى بيعقل
هالسيف ..
الياس : والله أن وجهي طاح من ريان ...
يوسف : أعوذ بالله منهم ومن شرهم سيف وأخوه ..
طيب شلونهم ...؟؟
الياس : والله شهاب عنده 10 كسور وثنين منها خطيره ..
أما سيف رجله ويده اليمين متكسره وبعض الكدمات ووجه مورم شويات ...
يوسف : لا إله إلا الله .. لعبوا فيهم ...
الياس : من جد يا شيخ ...
شوي إلا يسمعون بوري ورى بوري....
يوسف : من ذا المجنون ؟؟
الياس : هههههههههه .. هذا طلال نزلني وراح
يكلم ...
يوسف : ههههههههه .. الله يرجه ..
وقف السياره ...
ونزل لهم : الله يحيي الشباب ..
الشباب : ويحييك ...
جلسوا وصب لهم يوسف شاهي ..
مد للألياس ... وبعدين طلال ..
يوسف : سم ..
طلال : عدوك السم ... أقول وين ريان وسيف ..
حكوا له القصه : أوووووف ... والله وطلع ذا الريان مو هوين ....
الياس : من جد ...يا شيخ ...
يوسف : أقول ... مين ذلحين بيصير يقابلنا ريان ولا سيف ....
الياس : والله أنا كلهم ..
طلال : حتى أنا ...
يوسف : لازم نصلح بينهم ...
طلال : من جد ....
الياس : ياشيخ .. مستحيل يتراضون ...
يوسف : وليش ...؟؟
الياس : لأن ريان ممكن يتزوج ريم .. وإذا تزوجها صعب يكون له خوي بيوم من الأيام أعترض لزوجته سابقاً ..
طلال : بس ما قصر فيهم جاهم أكله محترمه ..
يوسف : حتى ولو ... يحق له ما يرضى ..
: من هو الي ما يرضى ؟؟؟
التفتوا الشباب لصوت .. وأنصدموا أنه ريان ..خافوا أنه سمع شي ...
يوسف تبنج وفتح فمه : هاه .. وقام يغمض عيونه ..ويفتحها ...
ريان :لو أشوفه قدامي كسرت أسنانه ..
طلال : يخوك هدي الأمور ما تنحل كذا ...
ريان : مستحيل أرضى عليه ...
يوسف :يحق لك ...
دخل عليهم : السلام عليــــــــــــكم ...
الكل وهو مبتسم : وعليكم السلام ....
طلال : وينك يا ورع من أسبوع مختفي ؟؟
عزيز وهو لابس ملابس كشخه : والله مشغول .. تعرف البزنس ...
يوسف : الله يوفقك ... طيب كيفك ؟؟
عزيز عطاه نظرت أحتقار : تمام ..
الياس : يا شيخ ... مسوي ثقل .. والله فاتتك سفره بنت كلب ...
عزيز : من مين ؟؟
الياس : أبو يوسف ما قصر .. رحنا الشرقيه وبالأخص منتجع النخيل ..
عزيز عطا يوسف نظره : فلوسي معي ومو محتاج نفقات وصدقات من أحد ..
يوسف حس أن الي يبي يضربه من طرف عزيز ..
يوسف رجال وما يحب الكلام الكثير : أها .. زين الله يغنيك ..
العيال أنصدموا من تغير عزيز في لبسه .. وأنصدموا من وقاحته مع يوسف ...
جلسوا هذره على هالحال ...


بعد ما تعشوا ..
عزيز : عن أذنكم ..
الكل : أذنك معك ..
الياس : عزيز متغير ..
طلال : من جد ..
الياس : ياشيخ .. تقول ما كأنه عزيز إلي نعرفه ..
ريان : هههههه ... الرجال تكشخ ..
يوسف يسمع تعليقهم وساكت .. لأنه لو تكلم راح يضرب أبو من جابه .. لأنه من يوم جلس وهو وقح معه ..
دخل عزيز .. وبيده بلاك وسكي))نوع من الخمور الأمريكيه .. والبراءه لله أني أعرفه عن طريق الصور والأنترنت ... الله يدوم ع دولتنا الصحه والعافيه والأمن والأمان ...وجعل تعب أبو متعب في موازين حسناته..... أمين ))..
الكل أنفجع .. طبعاً ماعدا ريان ..
طلال : شنو هذا ؟؟
الياس : من جد يا شيخ .. وشو ؟؟
يوسف يناظرهم وساااكت ..
جلس عزيز : هذا وسكي بلاك...
طلال وقف معصب : أنت ما تستحي ...
يوسف : ................
الياس : والله أنك وقح ...
ريان : شباب هدوا إلي يبغى ياخذ وألي ما يبغى
يسكت ..
قرب طلال من ريان .. والشر يتطاير من بين
عيونه ..
ومسكه من مقدمة فنيلته : أنت ما تستحي ...
الله يلعنك ..
ريان فك يده : شوف أنا ما حرظته هو الي جابه بمزاجه ...
عزيز ناظر يوسف : ما ودك تذوق ..
يوسف : أنا ما راح أخلفك .. أساساً أنا مستانس أن أكره واحد لي بالدنيا بداء يخرب ... وترى من الزمان أدري أنك حاقد علي .. بس جعله السم الهاري إلي يقطع أمصارك يا وقح ...
الياس مسك يوسف وخذاه لبرئ. .
طلال تفل عليهم وطلع ...
وهم ولا هم بدو يشربون ..
عزيز يشرب ريان كثير وهو مستمتع أنه بداء يخربهم ...
يوسف ركب معه الياس وساق به ... وطلال بعدهم يمشي شوي شوي ...
وصلوا لبيت يوسف .. ودخلوا كلهم ...
إلا الياس وصاه يوسف ببوكه وجواله بالسياره ..
وهو راجع بالطريق ...
يفكر : وش فيهم الشباب بدو يتغيرون ..
يالله هذا أول ثنين خربوا الله يستر من الباقي ..
... وهو رايح جاته ضربه من ورى حس نفسه داخ ..
وطاااااااااااااااح على الأرض ...






مين ضرب الياس ؟؟
والياس وش بيطلع له من البنك ؟؟
وسيف وش بيصير عليه ؟؟
وريان وريم هل بتزحزح علاقتهم بسبب شرب ريان للخمر ..؟؟
وعزيز إلى أي مداء بداء يخرب العيال ..؟؟
وشااااااااادن أيش موقفه ..؟؟ من بعد ريم ونوف ..؟؟
ووش أخبار نوف ؟؟
كلها هذا وأكثر بالبارت الجااااي ...

تنويه هآآآآآم

نزول آلبآرتآت راح يكون ككككل جمعه لأسباب تمنعني من تنزيل أكثر من كذا
وأكيد لو أفضى راح انزل بارت هديه لكم حبآيبيَ

تسلم يمين جابتك يا أختي نجلاء
فعلن لو تقرين مقدمتي بتلاحظين أني مدقق بمسألة الصديق
وفعلاً الصاب ساحب ما يندراء وش اخرتك ياريان
سيف وشهاب الله يهديم بس