السلااااااااام عليكم ورحمة الله وبركاته ....

البارت الثاني والعشرون


مريم \ابوووووووووووووووووك يا القهر ليتني معهم
هند \وش تبين تسوين معهم ..عمي ناصر طردهم وهم هجوا المطبخ وبيظلون مسجونين هناك لين تنتهي المباراة
مريم بعناد \عادي اظل معهم ..
عبير \ اختي حبيبتي وش اللي مو عاجبك فينا
سمر \مريم اذا ماتبين تجلسين معنا انقلعي الباب يفوت كبش
مريم \ كبش يدوس بطنك زين ..
هند \ يااختي ازعجتينا صدق انتي مو محترمة
مريم تشهق \ ياالبطة من الغير محترمة هاه
عبير \هههههههههههههه انتي ومنى وفوز
مريم مفتحة عيونها ع الاخير مفجوعة \هاه
سمر \مريوم عمي ناصر دائما يسميكم بنات غير محترمات
مريم بصراخ \لا والله ليش جايين من الشارع ولا وش سالفته هاه
هند \على صراخك هذا يخسون عندك بنات الشوارع
مريم تركض وتنط على هند \ من بنت الشوارع هاه منهي الحين قولي قولي
نور تسحب مريم من على هند وتساعدها سمر ويسحبون مريم برات الغرفة ويقفلون الباب في وجها ..ومريم تصارخ وتتوعد <<مسكينة توها تكتشف ان عمها قايل عنها وشلتها انهم غير محترمات <<
ندى\ الحمدلله تخلصنا منها العلة
عبير\مسكينة اختي حرام
سمر \ يووووه قلبها حساس الدلوعة
عبير بدلع فطري \ ااااااااااااااااااه بس والله مو دلوعة
هند \ ليش تعصبين اذا قلنا انك دلوعة
عبير \لاني مو دلوعة ظلم تشوهون سمعتي
ندى بقهر\ انطمي لا ادوسك الحين ..ندور على الدلع دواره وانتي مو دلوعة ..الله ياخذك مااحلى الدلع عليك
سمر \ههههههههههههههههههههههه مقهورة عمتوووووه مرة
هند\ والله بجد تقهر دلعها يهبببببل حظك يا عبووورة
عبير بعدم اهتمام \ وش حظي فيه
سمر \ بتتزوجين واحد وبيمووووت فيك وفي دلعك ياحظك
نور\ وجع لاتقولون كلام قليل ادب فيه اطفال هنا <<وتاشر على عبير <<
عبير بعصبية \ كذابة انا اكبر منك لا تكذبين ..بس انتي ولدتي قبل وقتك بثلاثة شهووور
سمر\ صح نور ليش الغش عبير اكبر منك
نور\ لا مالي دخل انا اللي تنفست الاولى .. وبكيت الاولى
عبير \ انا ولدت بعدك بشهر ..
نور\ تقلديني دائما شفتيني جيت الدنيا جيتي وراي من وين مااروح تجين وراي
عبير\ جب جب انا طلعت من المستشفى بعد ولادتي باسبوع وانتي ظليتي ثلاث شهور ..
نور\ ظليت با المستشفى .. عشان ..عشاااان ايوه عشان امي كانت منومة في المستشفى فظليت مرافقة لها اعتني فيها
هند\ كذاااابة امي طلعت قبلك بشهرين ونص
نور تناظرهند بقهر\ انتي وش دخلك ..احد طلب رايك هاه ؟
هند بفشلة \ ههههههههههه لا بس مااحب الغش
ندى\ خلااااااص ازعجتونا ..كانكم غنم وجع
نور تناظر ندى\ اعصابك عمتوووووه روقي
ندى \اخرسي وقومي جيبي ال Unoخلينا نلعب
عبير تضحك \ هههههههه قومي قومي صغير القوم خدامهم
ندى ترفس عبير برجلها \ تنطمين ولا اشوتك
عبير بوجع \ااااااه سوفاج عمتوه
البنااات كلهم \ يالبييييييييه يا الدلع
وقامت عبير تصارخ وهم يعلقون عليها وعلى دلعها الرباني ..


منى \ فكي يدي يا دوبة
فوز متمسكة بيد منى بقوة \منى يا ويلك بيذبحونا تكفين لا تسوينها
منى تنافخ \الحين من اللي قالك تعالي معي انتي صح ؟مو انا .
فوز \ لاني حسيت با الاهانة
منى تشجعها \ خلينا ننتقم منهم .. شوفينا مشردتيييين كان نحن الله يعزني لحالي كلا.. ..
فوز\ مابرد عليك حسابك بعدين بس خلصيني
منى تناظر الكابل وتحاول تحدد اللي يطفي الطابق الاول بس
منى \ خخخخخخخخ لقيته ..لقيته
فوز\ حلو اجل طفيه
منى \اسمعي لما اطفيه نركض نتخبى هناااك ورى الشجر
فوز \هههههههه وناسة طيب




........
فهد \ وااااااااااللله لعب تماااام شوف كيف باالله شوف
خالد\ والله دائما نفوز عليهم ..واليوم ان شاء الله بنفوز
عادل بعصبية \ يا اخي غش طالع كيف الحكم غشااااش غشاش
ماجد\ صدق كل شيء ضدنا ..هذا مو لعب هذي مصخرة
فهد \ دائما هذا عذركم الحكم ..او الجمهور يا اخوي شوف البلى في اللعيبة
عادل \اقول لايكثر احسن العبين معنا بس البلى منكم
خالد \ايه تصدق عادل انا رشيت الحكم ههههههههههههههههههههه
ناصر\ هههههههههههههه صدق طيب شوف يا عادل الحكم طلع علينا تسلل
ماجد \بس فالح في التسلل ... اما يوم كسرتوا << اسم لاعب << مافيه كرت ..
فهد بصراااااااخ \الللللللللللللللللللللللللللله شوف شوف ضربت جزاء بيسددها الشلهوب ..
<<تكهرب الجو والشباب كلهم ينتظرون التسديد << ..وشوي الا والكهرباء تنقطع عليهم ويضيع عليهم الهدف الثاني للهلال ..
الشباب بصوت عالي \ لا ..وش ذا الفصلة ..مو وقته والله .. ابوك يا الحظ
فارس بعصبية \الله ياخذكم ..من ربي لانكم شوي وتتقاتلون ..يارب ما يسددون لانه ظلم ياااارب
فهد \ الله ياخذ الكهرب وساعته <<ويقوم ويضوح طريقه بجواله << وش السالفة
هادي رااااااااااااااااايق \ ماسددنا الفاتورة هههههههههههههههههههه
فارس وماجد \ ههههههههههههههههههههههههههه
عادل \ وش يضحكم المباراة بتروح علينا
خالد \شوف فوق النور شغال
فهد وخارج من الصالة \البلى في الكيبل بااروح اشوفه

منى وفوز متخبين بين الشجر ويضحكون على اللي سووه ..وشوي الا ويشوفون فهد طالع من الفلة ومن باب المطبخ .... كتموا انفاسهم ..
فهد يركض ووصل للكابل وشافه مقفل على الطابق الارضي شغله وهو يتسال ..من الغبي اللي طفاه ..الله ياخذ الهنود
ورجع يركض ودخل الفلة ..يلحق على المباراة
دخل الصالة يركض \هاه بشروا سجلوا
خالد يقوم ويسلم على فهد \هههههههههههههه ابشرك الثاني
فهد انبسط \ اللللللللللللللللللللله هذا اللعب والله ..بس ليش مايعيدون الهدف
ناصر \لا عادوه وانت برا ..وش سالفة الكهرب ..
فهد \والله مدري من اللي فصله علينا
ويرجع ينقطع الكهرب مرة ثانية ..بس هاالمرة على الفلة كاملة فوق وتحت
هادي \اقولكم ماسددنا الفاتورة والكهرب الحين يعاقبنا
فارس \هههههههههههههههههه حلوووة
ناصر \بلى هبال انت وهو انطموا
<<ويشتغل الكهرب مرة ثانية << ولا يمديه ياخذ خمس دقايق الا ويطفى
فهد قايم \لاااااااااااااااااه هذي مو حالة
وخرج بسرعة راجع لكابل الكهرب وكان يضوي بجواله حط الجوال على الخشبة وشغل الكهرب وهو معصصصصصصب .. الله ياخذك ترى مو وقتك خلنا نشوف المباراة ..ولما ينتهي الشوط الاول وقف واصلحك ..وجع ... ورجع يركض للفلة ..ومجرد مادخل ..منى تركض عند الكابل تبي تطفيه وفوز تركض وراها ....
اول ماجلس الا ويصرخ مفجوووع
فهد \لاااااااااااااااااااااااا متى سددوا غش غش
ماجد \هههههههههههههههههه وش غش لا مو غش الا تسديده صح ..
عادل \ ان شاء الله نجيب التعادل الحين
ناصر \لا ماعاد تقدرون انتهى الشوط الاول ..
فهد \ابوك يا القهر فاتني اهم مافي المباراة
ناصر \وش بلاه ذا الكهرب
فهد\ تدري وش قالي ..قال يافهد قدني كابل هريااااان ...سنين وانا اشتغل ما غيرتوني ..قلتله ياابن الحلال اصبر شوي ..قال خرطي باالعب فيكم وقت المباراة عشان تحسون فيني
الشباب كلهم \هههههههههههههههههههههههههههههههههههه <<يضحكون على عصبية فهد اللي مبالغ فيها بدرجة كبيرة ..بس هذا فهد وهذي طباعه .. وخرج فهد ناوي على الكهرب نية مو طيبة ....


فوز تركض وتتخبى عند الشجر <<خونت في منى << ...منى تطفي الكهرب وتلف تبي تهرب بس <<<<< فهد في وجها << وتصرخ من الخوف << فهد مو مصدق يعني هي اللي لاعبة فيهم كذا بهبالها ..هذي متى بتتعدل ..متى بتعقل ..اوريها الحين ..<<
منى بكذب \ انا انا ادور فوز ...شفتها وينها << فهد مايرد ويناظرها بطريقة تخوف << ماشفتها هاه ..اوكى خلاص انا ادورها ..باي
وتمشي تبي تتعداه بس فهد يوقف في وجها ويمنعها ...
فهد بخبث \ هلا والله بمنى ..وينك يا القاطعة صارلي مدة ادورك ..واحتريك ..عسى ماشر ان شاء الله ..
منى مفجوعة \ اا لا انت ما <<بفتنه << مو شغلك ..
فهد مروق \ لا عاد مو شغلي اسال عليك .. ترى باازعل ..جزاتي الحين اقولك انه لك وحشة .. وانتي تفتنين علي
منى <<قليل ادب بينت على حقيقتك <<\ هيه ابعد هناك لا .....
فهد يكمل \لا ...... ايش كملي ..ترميني با البيض او تشترين لي ايسكريم ابو هدية ..ولا تسرقين فردي ..امممممممم ولا تعفسين سيارتي ..او تفوتين علي المباراة
منى بقوة عين \ تستااااهل ..والجايات اكثر
فهد \ بعااااااااااااااااااااااااااااد لساتك مصممة على هبالك
منى حمقت \الهبال فيك وفي اشكالك
فهد \اوكى << وياخذ العقال من على راسه ويفرده ويلعب فيه قدامها <<
فوز كانت تراقب كل شيء ..ولما شافت فهد مسك عقاله راحت تركض عنده وعند منى <<
فوز \ منى ياهبلة انتهت اللعبة مالقيتيني ..انا اللي فزت
فهد يناظر فوز بعصبية \ وش تسوين هنا ..وش خرجك من الفلة ؟
فوز في خاطرها <<استاهل وش له افزع << \انا كنت ..اا منى نلعب
فهد \ وكيف تلعبون تطفون الكهرب وتهربون هاه ؟
فوز \ وش نطفي الكهرب لا مو احنا لا لا
فهد بقوة \اجل مين
منى بعصبية \ انت ..
فهد يناظرها بقهر\ كذوووب انتي اللي طفيتيه شفتك
منى \ ماعندك دليل
فهد\ انا شفتك
منى \ شهادتك شهادة زوووووور
فوز تمسك منى وتحاول تسحبها لان فهد كان معصب ..بس فهد يمنعهم ويوقف قدامهم ..
منى بصراخ وكانت تحس ان لثمتها يمكن تنفك في أي لحظة \ ابعد عن طريقي
فهد \باابعد والله باابعد ..بس باعطيك هدية مني مخبيها لك من زمان
فوز \فهد احترم بنت عمك
فهد \لا وانتي يا فوز هديتك مثل هديتها .. خذوا تتهنوا فيها
<<ويرفع يده با العقال ويضرب فوز على خصرها ..ويرفعها مرة ثانية يبي يضرب منى ..منى ترمي فهد بقوة بجواله اللي كان ناسيه على خشبة الكيبل .. وتركض هاربة منه ..فهد يركض وراها وضربها على كتفها ..وفوز تركض وراهم ..بس منى قدرت تدخل الفلة وقفلت باب المطبخ في وجه فهد وفوز ..وتاشر لفهد بعلامة النصر بس تتوعد لانه ضربها على كتفها ..<<
فهد \افتحي يا غبية
منى تاشر بيدها على راسه <<انت مجنون << وتخرج من المطبخ وتراقب الصالة وشافتها فاضية الا من ناصر وياسر ..واضطرت تمشي قدامهم طالعة فوق بسرعة .....

فوز\ فهد خلاص تكفى روق حاك
فهد وحط كل عصبيته في فوز \ الله ياخذك وياخذها ..هي راس الخراب وانتي تلحقينها ..يا غبية <وضربها مرة ثانية على يدها <<
فوز\ اااه فهد وش لك بها الكلام .لا تتكلم عنها كذا
فهد بعصبية \انقلعي من قدام وجهي الحين
فوز والدموع بعيونها \ هي صادقة في كل كلمة قالتها عنك << ولفت عنه تبي تدخل الفلة من الباب الرئيسي << بس فهد لفها عليه
فهد حمقان \ وايش هي تقول ؟
فوز دموعها على خدها \ اللي تسويه الحين ..انت بجد ماترحم وقاسي <وتحاول تسحب نفسها منه ..بس فهد اقوى منها وماخلاها <<
فهد مصمم \ وليش تقول كذا ؟
فوز بصوت باكي \ اسال نفسك << وتسحب نفسها منه وتركض تبي تدخل الفلة .. وتصدم في خالد اللي كب كاس العصير عليها <<
خالد \ ااسف والله ماقصدي
فوز بقهر \ ابعد عنييييييي ..<< خالد مو معقولة ليش كل هاالبكاء وش فيها وش صاير معها ... حاول يتكلم معها <<
خالد بحنية \ فوز وش فيك ؟ تعبانة .. قولي وش فيك ؟
فوز تناظره بقوة \ مو شغلك اصلا انت اكيد مثله ..ابعد ابعد
وتخطته فوز وطلعت فوق وهي تركض .... ودخلت غرفة كانت لناصر وقفلت على نفسها .. لحتى تهداء ..

منى بكذب \اااااااااااااااااخ اخ تعورني ضربته الدب
البنات يضحكون \ ههههههههههههههههههههههههههههههه تستاهلين جزاك
نور بزعل \ جعله ال ........ وش اقول مااقدر ادعي عليه ليش يضربك
منى بدلع \يضربني لاني ضعيفة بنية
سمر تصرخ برعب \انتي ضعيفة يا الكذوووب ولا حولك ضعف
عبير \ بس بجد مايجوز يضربك
منى بكذب \اااخ ضربني على راسي وكتفي وبطني اااه وفخذي
مريم \ تستاهلين لو اني معك كان تقاسمنا الضرب مو تنضربين انتي لحالك
ندى مفجوعه\ اعوذ باالله منك يا مريم حتى على الضرب حسووودة
مريم بشهامة \احب اشارك احبتي حتى تعاستهم
منى \سمر انتي الحين عدوتي انقلعي براااااااا
سمر \ليش وفوز تصير عدوتك
منى \لا فديتها اصلا فوز شريكتي با الضرب هربت وخليتها معه
فوز بضحكة عند الباب \ يا النذلة تقفلين الباب في وجهي مالت عليك ..بجد مالك صاحب
سمر تمسك فوز وتهمس باذنها \ عسى ماضربك فهد
فوز تناظرها \ لا مو معقولة يضربني
منى تشهق \بلى شفته ..ولا انتي وهو تلعبون علي هاه ضربني بقووووة كان راح يقطع عروووقي ..ويكسر ظهري
فوز مفجوعة بكذب منى \ياويلك من ربي والله ان العقال مسك مسه خفيفة
منى تشهق\ قولي انك واقفة مع اخوك يا الدوبة مالت عليك
فوز \والله انا شفت ضربته لا عاد تفتنين على اخووي
نور\ ليش يمد يده عليها ماله حق ..بجد طاح من عيني .
عبير \اقول ولا احد يزعل
ندى\قولي دلع
عبير طنشت ندى \ منى انتي رفعتي ضغطه ..كل اللي سويتيه ولا تبينه يفقد اعصابه
سمر \بجد منى انتي ماعندك سبب يخليك تحقدين على فهد
منى بخاطرها <<بلى فيه سبب والايام تثبت لكم <<
منى \مهما قلتوا ..انا راح انتقم لنفسي ولكرامتي ..
انتهت سهرتهم بخناق وبغناء وبضراب ودلع ..

بعد مروور يومين ...
عبير \نور ماطفشتي
نور \مررررررررررررررررررة ..بس وش نسوي
عبير \قهر الشباب مسببين لنا حبس في هاالفلة
نور\ اوف منهم مانطلع الا قبل المغرب بربع ساعة وبعدها حصار
عبير \تدرين نفسي اسبح وش رايك نروح نسبح
نور تتذكر اوقات وذكريات جميلة لها في المسبح ..وتحن لذيك الايام وطبعا مع شخص واحد اشتاقتله ..ليته يرجع ولا ليتني اروحله انا .بس كيف كيف

عبير \نووووور دوبه وين رحتي
نور \لا ودي ان احنا نرجع للحضارة ..نخرج نتمشى نروح الاسواق
عبير \عندي فكرة انتظري
وتتصل عبير على عادل ..من جوالها
عادل \هلااااااااااااااا والله بدلوعتي
عبير بسحى \ههههههههههه وحشتني عادل
عادل \لا لا تنزلين ولا اطلع
عبير \ههههههههههههههههه صعبة كيف تطلع وكيف انزل
عادل \اامريني يا قلبي
عبير \ مايامر عليك ظالم ..اممممم انت فاضي
عادل \افضي نفسي لعيونك
عبير \اااااااااااااااااااه ياحبي لك
عادل \هههههههههههههههه شوي شوي تراني حنووون
عبير \عدول ابي اطلع من المزرعة وش رايك تاخذني مشوووا
عادل \من عيوني يا عيوني انا ..وين تبين تروحين
عبير \نرجع للحضارة على قولت بعض الناس
عادل \اوكى القيني بعد نص ساعة في مواقف السيارات زين
عبير \امممم عدول ترى مو انا لحالي <<نور تاشر لها انا انا بااروح <<
عادل \من معك مريم وامل
عبير \اا لا هذي ولا هذي ..عادي تروح معي نور
نور خذت الجوال من عبير وحطت سبيكر <<
عادل مبسوووووووووط \ اكييييييييييييييييييييييييييييد تروح وهي اول وحدة تركب وش رايك
نور نفخت ريشها \ انا قبلك
عبير \ عادل لا تعلم احد من البنات عشان لا يضاربونا زين
عادل ومو مصدق انها بتطلع معه \ لا وانتوا لا تعلمون احد احنا الثلاثة بس


........
فهد\انت وش بلاك شارد بعقلك ؟
خالد \مافيني شيء بس افكر في الوظيفة
فهد\ ان شاء الله يوصلك الرد قريب ريح بالك
ماجد \ يابن الحلال هذا هم الوظيفة وهذا اصعب وقت تمر فيه عشانها ..
فارس \روق خلوودي الوظيفة مضمونة
خالد\ وش خلوودي ذي لا عاد اسمعها ادوسك <<بالي مع فوز وبس <<
ويناظر اخوانها <<عاد لو تدرون اني افكر باختكم وش بتسوون فيني <<
هادي \فهد شوف خيلك كانه جربان
فهد حمق \انت الجربان يا الدب مو خيلي
ماجد \ ماقلتوا وش رايكم في الفرس
ناصر \ماشاء الله ..بس وش سميتها
ماجد يناظر ناصر بفخر \ احب احتفظ بااسمها لنفسي <<ويغمز لناصر ..وناصر فهم عليه <<
فارس \ والله خطير علمنا
ابوعادل \ ابيلي فرس مثل فرسك يا ماجد
ماجد بخاطره لو تعرف اسمها ترميها با النار
ماجد\ ماتغلى عليك
ابوعادل\ لا والله ماتليق الا بخيالها
ماجد <<لو تدري ان نور ركبتها قبلي بس فدوتها والله <<
فهد بصوت عالي \ عاااااااادل وين ياابو الشباب
عادل ياشر بيده يودعهم وهو يبتسم مو مصدق قلبه بتركب معه بعد دقايق
راح مواقف السيارات ودخل السيارة واتصل بعبير
عبير \هلا عدول
عادل \يا الله وينكم انا انتظركم في سيارة ابوي
عبير \انتظر شوي جايين <<وتقفل التلفون <<
نور\ امشي بسرعة قبل لا يخرجون من المطبخ
عبير ونور يركضون عند مكتبة التلفزيون ويطلعون عباياتهم وشنطهم ويلبسونها وهم يركضون ..وبعدها خرجوا وراحوا المواقف ..شافهم ماجد لما ركبوا سيارة ابو عادل ..بس مااهتم ..لانه قال هذؤلاء عادل وخواته طالعين معه ..ماكان يدري ان نور مع عادل ..ولا كان سحبها مع شعرها .

منى \ اقولك حطي سكر زيادة
سمر \اسكتي انا اعرف المقادير صح انطمي
منى \براحتك بس انا ابي اكل حلىىىىىى مو مررررر
هند\ ههههههههههههههه منى خلاص طفشتيها هي تعرف وش تسوي
ندى \منى تعالي ذوقي هاالكوكتيل اللي سويته ..
منى مصدقة نفسها \لا اله الا الله ماتعرفون تسوون شيء بدوني
فوز \كل شيء تحطينه في صفك ..
مريم \اذا ماسوتها ماتكون منى
حموووود\ حالة <<ويمسك قميص منى <<
منى \هاه حمووودوووه وش تبي ؟
حموود\ اعب <<نلعب <<
منى \ من عيوني الاعبك اللي تبي انت وش تبي تلعب
حموود \ سيالة <<سيارة <<
منى مفجوعه\ سيارة في خشمك يا بزر
حموود \ سوني ..
منى \ااااه تبي تلعب بلاي ستيشن << سوني
حموود يهز راسه بقوووة باايوه
سمر \هههههههههههه حمود شوي شوي على راسك لا يطير
منى\ قل جب يا سمر
حمود\ اب يا دمر
سمر تشهق \ يا الخسيس انا جب يا الحم....
منى \قل انتي الحما.........
حموود \ اتي كببببة
البنات يضحكون على حركات حمود وهو يفتن
منى \هههههههههههههههههه فديته هذي خليفتي في هاالعائلة
سلمى بعصبية \منى وش لك بولدي
منى\ جب هذا ولد ياسر ولد عمي ..مو بفلوسك
سلمى مفجوعة \مو بفلوسي ..الله ياخذك هذا النتفة تعذبت فيه
منى \مااحد قالك هههههههههههههههههههههههه
قامت سلمى تبي تدوس منى بس منى اخذت حمود وطلعت معه فوق يلعبون سوني <<لان هذا حمود حبيب منى .. تموت فيه ويموووت فيها ..ويشتركون في حقدهم على فهد <<
منى \حمووودي من الكب
حمود \عمو فهد كببببب
منى \صح هههههههههههههههههههههههههههههههه




....يحس بسعادة مو طبيعية ..ياليت ان الوقت يوقف وتظل معي ...
عبير \عادل وين بنروح ؟
عادل \تحت امركم يا نواعم ..وين ماتبون نروح نروح
عبير \نبي نتسوق ونتمشى ونهيص وووووو ونتعشاء برا بعد ونروح الملاهي
عادل \تامرين امر ..... وانتي نور وش تامرين
نور بخجل \ سلامتك ...وين ماتحب
عادل \اجل خلوها علي اطلعكم واسهركم الى الفجر ............


كان ودي اطوله بسسسسسس اعذروني ..
الجايات احسن ان شاء الله ...

الردوووود
وش تقولون في :
قسوة فهد ؟؟ مع فوز ..مع الكل ؟
وانتقااام منى ؟
دلع عبير ... ؟
وخروج نور وعبير مع عادل من دون علم احد ..؟
نور والمسبح ..والشخص اللي تحن لرجوعه في حياتها ..... من يكون ؟


ودمت بالف خير ..
مع حبي ..صمت الرحيل ..

السلااااااااااااااام عليكم ...
New part ..

عبير بحماااس \ وااااااو اخيرا ماني مصدقة نوربصوت واطي \انطمي فضحتينا اول مرة تدخلين مول
عبير \ مبسوطة يا الدوبة رجعنا على قولتك للحضارة
نور بحسرة \مسكين عمي عبدالرحمن ماخذ ذنبنا يوم عيشكم دهر في البر
عبير \هههههههههه مسكين ..بس احنا بنات ملوووك مانعيش اكثر من يوم بعيد عن الفخامة
نور تناظرها بسخرية \ عدال بس تراك نجدية يعني بدوية يا الملكة
عبير \ مو شغلك بنت ابن سعوووود انا
نور \وانا بنت البطة السوداء .. اخيرا شرف اخوك
عادل \ ياالله با الموت لقيت موقف للسيارة
عبير \ عدوووول
عادل \عيونه
عبير بخجل\ ياقلبي انت ..بس خلاص بعدين اقولك
نور تهمس لعبير \ الله ياخذك ليش ماقلتي له
عبير \بعدين خلينا نفلس ابوي بعدين اقوله
نور \ دلعك موخوفني .. جبانة
عبير \جب لا اقطك الحين با المول واروح واخليك
نور \لا يا شيخة ..اصلا عادل بيدوس بطنك ويرميك ونروح ونزبلك كمان ..
عادل\ وين تحبون تدخلون ؟
عبير تناظر نور \ نور وين نروح ؟
نور تناظرها بصدمة <<يعني وش دخلني انا ؟<< \ مثل ماتحبون
عبير\ انتي حافظة المول ..دليني
نور بخجل وصوت واطي \ قلتلك وين ماتحبين
عادل فهم عليها \ اوكى انتوا ادخلوا الاسواق اللي تبونها وانا انتظركم في الكوفي زين ؟ واذا خلصتوا كلميني ..
عبير \انشاء الله
عادل \ خذي بطاقتي ...
عبير \لا معي بطاقت ابوي مشكوووور حبيبي
عادل يناظر نور \ نور تاخذين بطاقتي ؟
نور <<لا يا شيخ من زين وجهك <<\ لا لا مشكور عادل معي بطاقتي
راح عادل وتركهم يدخلون اللي يبون ...
وفعلا دخلوا الاميرات الاسواق تشروا بس مو كثير
نور \ عبير ناظري <<وتاشر على فستان فوشي وهذا لون عبير المفضل <<
عبير \واااو روعة ابيه ابيه هاتيه
نور بهمس\ عبورة هدي مو انا اللي ابيع عشان هاتيه ..
عبير طلبت الفستان بس كان اكبر من مقاسها وهي عندت الا تبي مثله بس مالقوا مقاسها
عبير \ مو شغلي ابيه
نور تضحك \ههههههههه اوكى خذيه وخلي الخياطة تصلحه على مقاسك
عبير \اوكى .... ابي واحد مثله تماااما حتى اللون مثله
نور \ وش تبين فيه واحد يكفيك
عبير \ لا واحد لي وواحد لك
نور \لا قلبو مشكورة ماابي مااحب هااللون
عبير \لانك كئيبة ..ماتحبين الالوان المرحة
نور تعترف \ايه كئيبة ومااحب هااللون مبالغ في فرحته
عبير \ههههههههههه حاقدة ع اللون قلبووو
نور تبتسم \ احب البني او الاسود او .....
عبير تكمل \ او الرمادي ..اعرف الوانك ..بس انا راح اشتري هاالفستان لك بكيفي بفلوسي بمزاجي
نور بعدم اهتمام \ بس ماراح البسه
عبير تناظرها بثقة \بتلبسينه بتلبسينه ..اوعدك
نور \ههههههههههههههه يا حبي للواثق
الهندي طفش منهم \ وس فيه مسكل انتي فيه اخذ هادا ولا روح
عبير خافت \يومه نور طالعي يفتن
نور \ طيب يا الهندي بليز لا تضرب انا انا مسكين
الهندي \روه يا الله
عبير \ لا هندي انت بطل مافيه اصرخ كتير
نور \ صدييييق خليك صديق ..خلاص هندي صديق جيب واحد مثل هذا
وراح الهندي وهو مبسوط انهم خافوا منه .....
عبير \ههههههههههههههههههههههه مسكين
نور تضحك بقوة \ههههههههههههههههههههه صدق ابن اللذين ان احنا خفنا منه
عبير \لا بس شوفي كيف يفتن علينا ...
نور\ والله لو ماني رايقة لعنت شكله الغبي
عبير \ هذا هو رجع خافي خافي
الهندي ويعننه لساته معصب \ هادا واحد تاني يا الله روه
نور \طيب بنروووه
عبير ونور اخذوا الاغراض اللي اشتروها وكانوا يبون يطلعون من المحل ويبون يحاسبون... انتظروا الهند يحاسبهم بس هو يفتن عليهم ... ويطردهم
نور \يا صديق حساااب انت ماتبغى حساب
الهندي \ انت مافيه معلوم لا انا ماابغى حساب يا الله روه
عبير \هههههههههههههه رزقة جات لعندنا لا ترفسينها
نور تضحك \هههههههههه والله مانلطع لحتى نحاسب ولا فضحنا
الهندي \ انا فيه نادي شرطة روه يا الله
عبير \نور تعالي هذا مامنه فايدة بنروح نحاسب هناك
نور تستهبل \ انت سلمان خان ولا شاروك خان
الهندي يكذذذذذذب \ انا انا سوراج خان ..شاروك خان اخو انا
نور \لعنبوك مااكذبك .. وبعدين صديق وش صار
الهندي مافهم \ ايوه ايوه .. اشوريا راي صديق مال انا
نور \ لا يا شيخ ... انت زوج اشوريا راي وااااو
الهندي ماصدق انبسط \ هب انا ..انا فيه غني شاروك اشوري كلو
نور \والله انك خطير ..اجل وش جايبك عندنا تبيع وتشتري في هاالمحل
الهندي \ مافيه معلوم انت وس فيه قول
نور \انا قول انت قووود هندي قووود <<وتاشر بيدها <<
الهند \سكرا سكرا ..انت قووود <<وياشر بيده
نور \اجل وش رايك تحاسبنا ونطلع من هنا
الهندي عصب \ انا مافيه حساب روه اطلع برا
نور \الله ياخذك كل هاالهذرة معك ولساتك تفتن
عبير ميته ضحك \ ههههههههههههههههههههههه نور نور تكفين هيا نطلع
نور \هههههههههههههههههههه صدق هندي الله ياخذه نشفلي حلقي
عبير \تستاهلين عطيتيه وجه
نور \ههههههههههه ابيه يحاسب وهو معند حمار
حاسبوا البنات عند المحاسب وكان سوري
المحاسب \ لك اهلا وسهلا والله كيفكن يا صبايا
عبير \ كم الحساب
المحاسب \ امممممم 3790 ريال
نور \الله ياخذك يا عبير مامعي غير الف وميتين
عبير تطلع بطاقة من محفظتها وتعطيها المحاسب
نور \كم في بطاقتك
عبير \هذي بطاقة ابوي ..ولا يهمك ملياااانة
نور تشهق \ لا حبيبتي خلي فلوس ابوك لك ..اغراضي انا بااحاسب عليها
عبير \حاسبي اغراضك ..بس الفستان انا بااحاسب عليه
نور حمقت \ لا خذي حقك وحقي ماعاد ابيه ماابي شيء من فلوس ابوك
عبير طنشتها وحاسبت ... وخذوا الاغراض
المحاسب \ ابقى زورونا
نور معصبة \ اقول تلايط
عبير \ههههههههههههههههههههههه
نور \اضحكي والله ماالبسه الفستان
عبير \ والله اني اشتريت فستانك بفلوسي مو بفلوس ابوي والله
نور \ماابي منك شيء لا انتي ولا ابوك
عبير \فديتها انا الفتااانة .. والله مااخذتلك شيء بفلوس ابوي والله
نور تناظر عبير \ والله لو ادري انه بفلوس ابوك لا احرقه قدامك انتي وابوك
عبير \الحين ليش طرينا ابوي
نور تلومها \انتي جبتي طاريه اوف
عبير \نور انا اموت في ابوي لا تسبينه قدامي
نور \ مااخسرك عشانه ..انسي الموضوع تعالي نشرب شيء احس اني عطشانة ...
عبير\ استني بااتصل بعادل يجي
نور\ هههههههههه تصدقين نسيت ان عادل معنا
عبير تناظرها بقوة\ لا ياشيخة احلفي بس جاية لحالك هاه ..وجع كيف تنسين عدول
نور \عدال بس يا عدول ..مااحد عنده اخ غيرها
عبير \ عادل وينك ؟؟.. ... هههههههههههههه اسفين والله بس التهينا با التسووووق ......... طيب بنجيك الحين
قفلت عبير من عادل \ نور عادل في الكوفي ينتظرنا تعالي نشرب شيء
نور تفتن \ لا انا ابي اكلللللللللللللل جوعانة
عبير\ وانا كمان تعالي ونخليه يطلب لنا وجبة دسمة
نور تستهبل \ ابيه يذبحلي خروف ..وانتي يذبحلك دجاجة
عبير \ وش رايك انا اذبحلك قطوة
نور \وع الله يقرفك >>وتناظر حولها << وينه عادل
عبير \ هذاك هو ..... لا لا مو هو يومه يشبهه
نور \يمكنه اخوك اللي ضاع زمان
عبير \انتي لما تكونين جوعانة تجيبين العيد
... دق عادل على جوال عبير
عبير \يااخي وينك انت ؟
عادل\ انتي وين ؟
عبير دلته على مكانهم وهو جاهم ..
عادل \ماتعرفون انتوا كيف تدلون ابد
نور ماسكة ضحكتها لان عادل فشل عبير
عبير بزعل\ والله ماعرفت ادلك زين قلتلي وينكم ..وقلتلك عند الباب
عادل يضحك \ههههههههههههههههههه باالله كم فيه باب في المجمع
نور << الله يرجك ..بطني يبي ياكل دووووب اكلنا <<
عبير \ لا تتمصخر علي .. ماهو ذنبي اذا انت ماتعرف اسم الكوفي
عادل \اوكى دلع لاتزعلين ... تحبون اطلبلكم شيء
نور <<ايوه ايوه ابالي عشاء جوعااانة ..وكانت تشد يد عبير <<
عبير \ايه نبي ناكل جوعانين
عادل \ تبين تاكلين في الكوفي
نور ماقدرت تمسك نفسها \ ههههههههه <<بس كتمت نفسها
عادل انبسط انها ضحكت ..اخيرا
عبير عصبت \ احلف بس ليش تتمزه فيني وخليتها تضحك علي بعد
عادل تورط\ لا وش ذا الكلام خلاص تعالي اوديك احسن مطعم وش رايك ؟
عبير \لا ماعاد ابي شكرا شبعت بمصخرتك
نور مفجوعة << ياويلك يادلع ابي اكل انا وش الدلع هذا <<
عادل\ لا فديت الدلوع انا اراضيك ولو من عيوني اراضيك
نور تشد يد عبير بقوة وتهمس في اذنها \والله ان ماقلتيله يودينا المطعم لا اكلك ..تراني جوعااانة
عبير بصوت عالي \لا مافيه ليش تضحكين علي
عادل \ يادلوع قلنالك اسفين
عبير \ خلاص رضيت بسرعة عدول ودنا المطعم جوعاااانييين
....

منى \ لا لا مو معقوووول وين بناتنا راحوا
سمر \ مو شغلك ..
فوز\ سمر بجد وينهم
سمر تخبي على نور وعبير \ مدري يمكن في المزرعة يتمشون
ندى دخلت تركض\ بنات انا نازلة عند الشباب توصون على شيء
هند تركض تمسك ندى وتضمها \بااروح معك
منى تصرخ\ لا والله وش ينزلك وحن نظل محبوسين هنا
ندى\ مو شغلي تنطقون انتوا بنات ومكانكم في البيت
مريم \لا يا شيخ وانتي مو بنت
سمر\ ندى يحق لها اللي مايحق لغيرها
ندى بدلع \صح انا اكون انسانة محترمة <<تشدد على الكلمة عشان تقهر فوز ومريم ومنى <<
هند\ وانا وسمر محترمات ..
ندى\ صح ...بس انا اكون محرم لكل الشباب اللي تحت لاني عمتهم
منى\ غغغغغغغغغغغغغغغغغش كذب افتراء
ندى بااستغراب \وشهو اللي غش ؟
منى\ لا تنسين اني اختك با الرضاعة ..
البنات يصرخون من زلت منى ..........
هند حمقت \ يا غبية كيف اختها با الرضاعة يعني انتي اخت ابووووي ..حماااارة
منى بااستخفاف \لا مو اخت ابوي ..انا بنت ابوي وعمت الشباب اللي تحت
ندى زبلتها \ بنات تبون اوصل سلام لاحد من الشباب تروني مرسول الحب
منى بسرعة \انا انا انا وصلي رسالتي لفهد
فوز \منى اكفينا شرك
هند\انتي لسى ماتبتي من هبالك
مريم \منى استمري با الجهاد
منى \مو شغلكم ..انا ابي اعقد هدنة مع فهيدان
مريم تشهق\ لا يا منى هذا يسيء لسمعتك ..لا تتنازلين
منى \لا تصدقين انتي ووجهك ..انا راح اغدر فيه ..انا مو قد كلمتي
سمر \لعنبو غيرك انتي جنيتي تراني اخته وبااقوله
منى \اخرسي يا عدوة الحرية يا عدوة المراءة يا مناصرة للعدو
ندى \ايتها المعتوه منى اخبريني برسالتك والا ساذهب وازبلكي
منى \اسمعي قوليله تقولك منى << والله لا اقطع العقال في ظهرك ..والله لا اخبص سيارتك واوراقك ..وقوليله انا لن اتنازل عن حقوقي وراح افوز عليه واسترد منه غنائمنا << الى شعار اخر
سمر بصدمة \الحين هذي هدنة ... اجل كيف التهديد
منى \ ايه هذي هدنة ... اما التهديد فباقي ماقد جاء وقته
هند\ ندى ماعليك منها مهبولة لا تنقلين كلامها
منى تفتن \انتي الحين اختي ولا اخته ليش توقفين معه ؟
هند\ مدري ..
فوز\انا ادري لان اخوي بري وانتي تفتنين عليه دايم
منى تناظر مريم \مريم فوز خرجت عن الطريق المستقيم وصارت توقف مع فهيدان ضدي
مريم مصدومة \تخسي ..وين كلامنا عن الانتقام لحقوق المراءة
ندى تقاطعهم \يا بنات القاعدة .. عاد تبوني اوصل رسايل غير منى
مريم \ايه قولي لخالد ان فوز مريضة وصابتها حمى غريبة ويمكن تموت ..
فوز \لا مو شغلك لو ابي ارسله ارسله مو شغلك .. عمتوه قولي لفهد لساتني زعلانة منه و و ولا اقولك اصلا ماراح يهمه زعلي لا تقولين له شيء ..لانه مايحبني ولا يهتم <<وبان الضيق عليها <<
سمر تناظر هند \وقولي لعادل ان هند ترسل سلامها
هند بجدية \ وش معنى عادل ...
مريم \لانه حبيب ماااال انتي
هند \ لا حبيب ولاغيره عادل مايعنيلي شيء .
فوز \هند مو يقولون انك لعادل وراح تتزوجون
هند بعصبية \ لا حبيبتي لا راح اخذ عادل ولا اتزوجه ..لانه في نظري مجرد اخ وبس ..اخ او ولد عم ونقطة ع السطر
خرجت هند من الغرفة والبنات مصدومين من تعليقها ع الموضوع
مريم \هند ماهي بصاحية ..وش هاالكلام اللي تقوله
سمر\ ماادري ..بس ...مدري
منى \ هذا رايها وراح نحترمه <<وش وراك يا هند <
ندى \وش رايها ..لا حبيبتي عادل متكلم على هند من زمان والكل يدرون با الموضوع
منى \اجل يغيرون معرفتهم لانه هند قالت ماتبيه
مريم \خلاص هاالموضوع مايعنينا ..الكلام بين الرجال مو بينا
ندى \باي اشوفكم بعدين ..باانزل عند الشباب

..... ناصر \ اقول لا يكثر
ماجد \ههههههههههههههههههه والله اني صادق وش رايك
ناصر يناظر ماجد \ياابن اخوي احلامك كبيرة
ماجد\ ادري انها صعبة بس مو مستحيلة ...هاه وش قلت
ناصر \الحين انا لا قد خطبت ولا قد تكلمت في الموضوع ..وانت لا خطبت ولا راح تخطب اصلا وتبي زواجنا في نفس الليلة ..صعبة حبيبي صعبة ..
ماجد \ لا راح اخطب ونور كمان ..واذا ماتبي تتزوج معي بنفس الليلة كيفك ..انا ناوي اتزوج في هاالصيف
ناصر \لا يا شيخ وش تتزوج في هاالصيف .. ونور بعد قلتلك احلامك فوق
ماجد بثقة \ قريبة والله قريبة .. ويمكن احكي مع الوالد الليلة
ناصر خاف \اقول تلايط لا ادوس بطنك ..وبعدين كيف تتزوج نور وهند ومنى باقي ماتزوجوا هاه
ماجد \مو شغلي .. انا همي نور وبس ..عادل متى مايبي يتزوج يتفق هو وهند ..اما منى ف ............ خلني ساكت احسن لا تدوس بطني ..
ناصر \وش فيها منى ؟
ماجد \فهد ..وخل الكلام بيني وبينك قال انه بيكلم الوالد عشانها ..وبكذا ماعاد عندك يا الحبيب أي عذر
ناصر \لا والله انك محلل الوضع ومقرر ومصدق نفسك بعد
ماجد بشوووق \ يحق لي ... نور بنت عمي وانا اولى فيها من غيري صح ولا انا غلطان
ناصر قايم \ ماباارد عليك .. الايام جاية وتصحيك من احلامك
ماجد شاف ندى جاية عندهم
ماجد غير الموضوع
ناصر \والله انك ..وش اقول انا ماعاد اعرفك تغيرت
ماجد\ فديييييت اللي كان السبب وخلاني اتغير <<يقصد نور <<
ندى \ سلااااااااام ....
ماجد وناصر \ هلا وعليك السلام
ناصر \حيا الله اختي كيف حالك ؟
ندى \طييييييبة ..وانتوا اخباركم
ماجد \الحمدلله ..وش الحلاوة هذي ..بجد عمة ترفعين الراس
ندى \ههههههههههههههه خجلتني .. بس ماعندي لك رسالة سوووري
ماجد \افا اجل وشهو له اتغزل فيك
ناصر \انا نفسي ادري انتي متى تخلين اللقافة ونقل الكلام هاه
ندى \كيف نقل الكلام ؟<<تستهبل <<انا ماانقل كلام
ماجد \صح ماتنقل كلام
ناصر \ البلى انهم يشجعونك
ندى تشبك يدها اليمين بيده ويدها اليسار بيد ماجد وتمشي معهم وهي في النص بينهم .. وشكلها كان تحفة ..
لقوا فهد \ ندووووو كيف الحال يا قمر
ندى \هههههههههه بخير ايه عندي لك رسالتين
ماجد\ اخس والله كشخة حظك
ناصر يناظر ندى بعصبية \ يا اخوي وش فيك الرسالة من فوز
ماجد \وش فيها فوز
ندى تناظر فهد \تقولك مع انها ترى غيرت رايها وقالت لا اقولك بس راح اقولك
فهد \قوووووووولي
ندى \قالت انها زعلانة منك مع انك ماتهتم لزعلها وماتحبها عشان كذا قالتلي لا اقولك ...انت وش مسوي فيها تراها متضايقة منك
ماجد \فهد ..وش فيك عليها تراك مصختها ..وانا من زمان قلتلك لا عاد تجرح فوز او تزعلها
فهد \ انا ..
ناصر حمق \ انت وشهو وش قلت لها
فهد \كنت معصب والله و ..خلاص انا بحل الموضوع معها
راح فهد ..وهي يفكر في فوز اللي دائما يضايقها ويزعلها ..بس مايراضيها ..وهي ترضى بنفسها ..هو تعود عليها ترضى بدون أي اعتذار منه ...ونسى ان ندى قالت ان فيه رسالتين ..

فوز \ الى متى وانتي تسبين اخوي ..بسك عاد زودتيها
مريم \منى بس ازعجتي فوز
منى \فوز مو تقولون فهد حبيبي ..خلاص كيفي حبيبي وكيفي
فوز \ حبك ثوووور قولي امييين
منى \ فوز انقلعي ابي اقول سر لمريم
فوز \اصلا ماعاد يشرفني اجلس مع بنات غير محترمات مثلكم
منى ومريم \ تراك مثلنا غير محترمة
فوز \قررت انضم للمحترمات .
منى ومريم يسحبون فوز ويخرجونها من الغرفة
مريم \روحي صيري محترمة
منى \ مردك لي ..تفوه عليك
فوز تمط شعر منى \ تفوه عليك انتي
مريم تشجع \عاشوا بنات عمي ..منى دوسيها فوز شوتيها عاشوا عاشوا ...
ام ياسر مفجوعة \حسبي الله عليكم حشا ولا بزارين ..بس اقولكم بس
مريم حطت يدها على كتف ام ياسر \ خليهم عمتي خليهم هذا مجرد مزح
ام ياسروليش ماانتي بمعهم
مريم \انا اشجع
فوز \يومه ساعديني تكفيييين ....اااه فكي
ام ياسر تضحك \ لا حبيبتي مالي شغل فيكم ..انتوا خوات وكيفكم
منى مخنوقة \ عشتي عمتي انتي انسانة معاصرة << وش جاب هاالكلمة << مدري
ام ياسر \خلاص احترموني قوموا
منى \ عشان خاطرك عمة بااقوم بس فوزوه حسابك عندي بعدين
فوز تقوم وتبي تهجم على منى ..بس ام ياسر تمسكها مع اذنها وتمسك منى من اذنها الثانية ..وتسحبهم معها
ام ياسر \ تنزلون معي الحين وانتوا ساكتات زين انا اوريكم كيف تتادبون
منى \خلاص عمتووو سامحينا السموحة
فوز \اااه يومه خلاص اسفين ااه فكيني
نزلت ام ياسر وهي تضحك على اشكالهم وهبالهم ..ولا تستمع لترجيهم ...
منى \كله منك فوزوه كان خليتيني اطقك وانطميتي
فوز \لا يا شيخة من زينك ..اخليك تطقين
منى تجر شعر فوز \ايه زينة واكفخك كمان
فوز تصارخ وتمسك منى من رقبتها ويحاولون يتضاربون وام ياسر بينهم ..تحاول تفكهم من بعض وهم مصممين على الضرب
ام ياسر \بس ..يا حمارة انتي وهي خلاص وقفوا لا تطيحوني
..كانوا في نص الدرج واصواتهم عالية ..ومريم كانت جنبهم تشجع وتحارشهم على بعض وتضرب الثنتين ..<<يعني مشاركة <<
.......... صرخة عالية تخوف \بنت
البنات جمدوا مفجوعين من هذا اللي يصرخ ... فكوا بعض وناظروا تحت ...كان واقف مفجوع بااشكالهم وهم يتضاربون ويصارخون ..واللي فجعه اكثر امه في النص بينهم
فهد \انتوا ماينفع معكم الا العقال ...
وبسرعة يشيل عقاله من على راسه ويطلع الدرج بسرعة يبي يضربهم
البنات قاموا يصارخون ويركضون طالعين فوق ..والخوف ماخذهم
ام ياسر ماسكته وهي تضحك \هههههههههههههههههه بس خلاص هجوا
فهد \هههههههههههههههههههههههههههه قسم باالله ماهم بصاحيات هذؤلاء مجانين
ام ياسر \ ماتدري ان ها الثلاث ضحكة العائلة كلها
فهد ماقدر ينسى اشكالهم \ههههههههههههههههههههههههههههههه
ههههههههههههههههههههههه والله اشكالهم تجنن الله يخسهم

.... منى وفوز ومريم هربوا وتخبوا وانتوا بكرامة في <<دورة المياه <<
منى \اعوذ باالله من الشيطان الرجيم
مريم \ فوز اخوك جني
فوز \بسم الله ايوه اعوذ باالله منه
منى \عشان لما اقولكم شرير تصدقوني
مريم \يومه يمكنه الحين متخبي عند الباب لما نطلع يضربنا
فوز \والله ان اخوي يخوف
وظلوا في الحمام <<وانتوا بكرامة <<ربع ساعة وبعدها طلعوا وهم يتوعدون في فهد ...


....... جالسة لحالها وتناظر من طاقة الغرفة اللي مخصصه لامها وابوها ... الكلام جدي .. عادل وانا الكل يقول ان عادل بيتزوجني ... بس انا ماراح اوافق عليه ..وفي الاصل هو ماراح يخطبني لانه يحب نور .. يحب اختي ..كيف اتزوج واحد يحب اختي ..نور قسيت قلبي عليها عشانه بس مااحد يستاهل اخسر اختي لعيونه
وحتى لو طلبني عادل وش بتكون ردة فعلي .. اكيد الرفض ليش افكر في الموضوع ..انا كرامتي فوق كل شيء ..صحيح احبه بس يموت قلب وتموت روحي ولا اخذ عادل وهو يحب اختي ..ولا اخذ عادل واهين نفسي ...


عادل \ انشاء الله شبعتوا
عبير \اااخ الحمدلله احس بتخمة .. مو قادرة اتحرك
نور << ليش انت خليتنا ناكل جالس معنا ..مطيح الميانة <<
عادل \ نور
نور رفعت عيونها وكانت خايفة لا يكون سمعها وهي تكلم نفسها
عادل \ مااكلتي شيء .. مو جوعانة ولا ...
نور \الحمدلله
عبير \عادل تعشيت صح خلاص روح خل نور تتعشاء مسكينة
نور مفجوعة \لا لا الحمدلله خلاص تعشيت مشكور عادل
وقامت بسرعة قبل لا يقوم عادل وراحت دورة المياه تغسل
الله يخسك يا عبير وش ناوية عليه دوووبة ... بغيت اموت من الفشلة .. استاهل وش خرجني معهم .. اوووف ليتني في المزرعة
عبير \ هههههههههههههه ابوك يا الاحراج
نور تناظرها ببرود \ حيوانة .. اشوف فيك يوم
عبير تضمها من ورى \اسفة اسفة كنت امزح معك قلبووو
نور \انقلعي تغزلي بااخوك حمارة
عبير \والله انه شرشحني قال ليه احرجك عصب علي عشانك
نور \تستاهلين مرة ثانية ماتعيدينها
عبير \قالي روحي افقدي نور لا تكون هربت مع الطاقة
نور \عبير تراك رفعتي ضغطي جب لا اشوتك الحين
عبير \ نور ليش متوترة
نور \ لانه مااحد يدري اني خرجت معكم ..واحس اليوم مابيعدي على خير
عبير\ خلي احد بس يفتح فمه بكلمة اوريك فيه
نور بخاطرها <<وش بتسوين في ابوك <<
خرجوا وطلعوا من المطعم وهم يتفرجون على باقي الاسواق والمعروضات ..عادل يمشي وهم جنبه .. دخلت عبير تشتري عطر ونور دخلت معها ..عبير راحت تختار ونور وقفت تناظر العطورات المعروضة وتشوف الجديد منها واخذت عطرها المفضل وناوية تشتريه..قرب منها عادل ووقف جنبها ..حست فيه نور بس مااهتمت ..
عادل \وش رايك بهذا <<كان شايل عطر ROCK IN ROES
نور توترت \ اممم اا حلو
عادل \ تقولين تحبه عبير ..
نور تناظر وين عبير \ ما اعتقد لانه هذا عطرها المفضل>NINA
عادل اخذ العطر منها وشمه \ روعة ..طيب انتي وش عطرك المفضل ؟
نور احترقت من الخجل \ م م ولا شيء ...عن اذنك
حطت العطر اللي كانت ناوية تشتريه وراحت ورى عبير
حاسب عادل على اغراض عبير وعلى اغراض اشتراها هو ..وطلعوا..نور تمسك كم عبير
نور بصوت واطي \عبورة قوليله
عبير \ اخاف يعصب علي
نور \لا مابيعصب عليك لانه يحبك
عبير \امري لله ...
مشت وقربت من عادل ومسكت يده ..عادل انتبه عليها ومسك يدها ..وناظر نور اللي تمشي وراهم ..
عبير \عادل ..اخر طلب تكفى لا تقول لا
عادل يبتسم \ مااقدر اقولك لا ... امريني
عبير تاشر لنور بس نور ماجاتهم ..وعادل انتبه عليها
عبير \ عادل نبي نصور انا ونور ..بليز خلنا نروح نصور تكفى
عادل يفكر ومو مقتنع \ ماله داعي تصوير هنا
عبير \ لاااا تكفى عادل تكفى مابنطول ساعة وتكون صورنا معنا
عادل \ اممممممممممممممم ونور وش رايها
عبير \اسالها
عادل يناظر نور اللي كانت بعيدة عنهم ويروح لها ..
نور <<يوووه وش بيسوي الحين ..اكيد بيشرشحني <<
عادل \ تبين تصورين ؟
نور تناظره بخوف \ ااا ا انا .. <<تهز راسها با النفي <<
عادل بحنية \ ماتبين ...او تبين
نور \ انت انت تبي ..عادي نصور
عادل يحس انه مبسوط انها تاخذ الاذن منه ..
عادل \اللي يرضيك يرضيني
نور تناظر عبير اللي توها وصلت عندهم ...
عبير \ وش قلت عادل ؟
عادل \اسالي نور ..ليش ماترد علي ..مستحية مني مرة
مشى عادل وهم مشوا وراه
عبير \ليش كل هاالسحى من عادل تراه اخوك ..
عادل حس وكان احد ضربه بقوة على بطنه .. وش اخوها ..الله لا يبارك في عدوك يا عبير ..لا ماني اخوها ..ماابي اكون اخوها
نور \ ادري انه اخوي ..بس مااقدر مااخجل منه
عادل <<وش اخوك لا ماني اخوك ماني اخوك لا بينا دم ولا رضاعة وش جعلني اخوك <<
عادل بعصبية \ هذا هو الاستديوا لا تتاخرون علي استعجلوا
عبير ونور دخلوا وهم مستغربين من عادل ليش عصب
عبير \ ماله داعي يعصب علينا بس بناخذ كم صورة ونطلع
نور \شكله مو مرتاح للصور
تفاهموا مع المصورة وحكوا لها عن الديكور اللي يبونه ..فسخوا عباياتهم وجلسوا يتصورون مع بعض ..وكل وحدة لحالها ..
صوروا 8صور ..اربع لهم الثنتين مع بعض ..ثنتين لنور لوحدها وثنتين لعبير لحالها .. وكانت صور رائعة ..اعجبتهم مرررة
خرجوا بعد ساعة ونص ..ولقوا عادل قدامهم .. وخرجوا من المجمع ..وركبوا السيارة
عادل \ كيف الصور
عبير \تهببببببل ..روعة .. فديتك انا تسلم على هاالطلعة الجميلة
عادل \لا باقي ماانتهت سهرتنا
عبير مبسوطة \يعني ماراح نرجع المزرعة الحين ..لا تو الناس باقي الساعة 11 .. وش رايكم نروح الملاهي
عبير \ايييه تكفى عادل
عادل يناظر نور من المرايه وينتظرها تتكلم بس نور تحس مالها حق تحكي .. لانه عادل يبقى ولد عمها مهما صار ..
عبير \ عادل ..
عادل \ عيونه ..
عبير \فديت عيونك انا .. كلم ابوي وقله ان احنا راح نتاخر
عادل \ بعدين راح اكلمه مو الحين ..
عبير \بس اخاف يعصب علي
عادل \ كيف تخافين وانا معك
عبير \ هههههههههههههههه فديته سنايدي والله
ظلوا عادل وعبير يسولفون ..عبير تتدلع وعادل يدلعها اكثر ..كانت نور تراقبهم .. وتحس انها مخنوقة ..<< الله لو كان عندي اخ مثل عادل ..يعاملني مثل ماعادل يعامل عبير ..يدلعني يحبني .. يضحكني يزعلني وعلى طول يراضيني .. لو كان عندي اخ ..وش كان راح يكون حالي ..اكيد كان راح يكون طيب وحنون ومستحيل يسمح لمنصور ..او او ماجد يقربون مني ..كان حماني منهم ومن ابوي ومن امي << تناظر عادل وتتمنى لو كان اخوها << الله يحفظك لي يا هادي فديت روحك ..والله انه يذبح نفسه عشاني ..جعلني فداه ..طيب وملقوف واخ وروحي .. مااتمنى احد غيره .


.......
هند \ سمر احكي وينهم فيه ؟
مريم \سمر حرام عليك الساعة وحدة الا ربع تكلمي
ام عادل \ لا يكونون في المزرعة في هاالوقت
سمر \لا عمتي ..مو في المزرعة
ام هادي \اجل وينهم فيه ؟
سمر \ طلعوا مع عادل في السيارة .. قالوا ماراح يتاخرون
مريم \نعم طلعوا معه وليش ماعلمونا نطلع معهم ؟
منى \ حيوانات حسابهم عندي
ام عادل \طيب ليش ماعلمتني عبير ؟
سمر \والله ماادري ..قالت انها استاذنت من عمي منصور
ام عادل \ اذا قالت لابوها ماعليه بس ليتها قالتلي
ام هادي \ونور يا سمر ..
سمر <<هذا اللي كنت خايفة منه << \ وش فيها نور
ام هادي \ قالت لابوها انها بتطلع مع عادل
هند بكذب \ايه يومه قالتله
مريم \ مو مهم المهم انهم طلعوا من دون ماياخذونا وهذي اهانة
فوز\ اتصلي على جوال عبيروه
ندى \والله يعجبوني هاالثنتين .. مااهتموا لاحد احبهم



.........
عادل \هلا يوبه ...هههههههههههههههه خلاص راجعين الحين ولا يهمك ... والله راجعين ..لا لا ... قل لناصر قفلت المطاعم الحين ماعاد الحق ..انشاء الله ولا يهمك ..على خير فمان الله .
عبير \ يووووه معصب صح ؟
عادل \اكيد بيعصب طالعي الساعة 2وربع ومشوارنا للمزرعة طويل ..
عبير \ يعني انتهت رحلتنا
عادل \من عيوني اعيدها لكم مرة ثانية بس بعض الناس يحكون معنا شوي
نور بخجل \مشكور عادل والله انبسطنا بها الطلعة ..
عادل \ بس مو قدي انا انبسطت اكثر ..يا خوافات
عبير \تكفى عادل لا تعلم احد
عادل \هههههههههههههههه لا لا مابااعلم احد حرام افضحكم
نور تحس بفشلة \ والله كانت صعبة حرام عليك
عادل \ انتوا كل شيء صعب عليكم ..ولا هو دلع فيكم مدري
عبير \عدول حراااااام بغينا نموت
عادل \ههههههههههههههههههه يا الظالمة انتوا اصلا ماخليتوه يبداء اللعبة ..فشلتوني بصراخكم .. الكل عرف اني عادل
<<يقلدهم << تكفى عادل خله يوقف ..عاااااااادل ساعدني ..عادل عادل .. فضحتوني ..
كان يتمصخر عليهم وهم ساكتين ومتفشلين من اللي سووه ..لانها اول مابدت اللعبة بدوو يصارخون باسمه يبونه يوقف اللعبة ... وهو ضحك عليهم وقال للهندي يزود السرعة .. نزلوا وهم دايخين وحلفوا مايركبون شيء ثاني ..
عادل \ لا يكونون الاميرات زعلوا مني ... الحمدلله هذا اللي ابيه
عبير مصدومة \ تبينا نزعل ؟
عادل \ايه ..انتي زعلانة
عبير بدلع \ايوه زعلانة
عادل \نور انتي زعلانة ؟
نور مبسوطة \لا
عادل \ افا ..ازعلي باالله
نور \ههههههههههه ليش
عادل ميت على ضحكتها \ عشان اراضيكم
نور \خلاص زعلت .
عادل يوقف السيارة ويعطي عبير كيس ونور كيس ..<<هدايا<<
عبير \ عادل وش هذي ؟
عادل يبتسم \ رضوتكم ..اشتريتها وانتوا تصورون .. والعطورات اشتريتها وانتوا معي . اعجبتكم
عبير تفتش كيسها \وااااااااااااااو مشكوووور عدول فديت قلبك انا
واااو يا قلبي يااخوي مشكوووور فديتك .
كان مشتري لعبير علبتين من عطرها .. وساعة مزخرفة بالماسات صغار..وعلبة مكياج من ماكس فاكتر واكسسوارات للشعر ..
عادل يرلقب نور من المرايه ..بس نور مافتحت الكيس ..
عادل \وش رايك نور ؟
نور\مشكور ..ماله داعي تتعب نفسك
عادل \لا عاد وش ماله داعي انتوا تستاهلون ..
نور حطت الكيس على جنب ... وتفكر في المزرعة ..عندي احساس غريب ..احس انه مستحيل تمر الليلة على خير ..بس ماراح اسمح لاحد يفسد علي طلعتي اليوم ..



.....
ماجد بصوت عالي \لا عفوا مافهمت كيف يعني طلعت معه ؟
ناصر يحاول يهديه \ماجد قصر حسك ..طلعت مع عبير وعادل وش عندك
ماجد معصصصصصصب \وش اللي طلعها معه ..من اللي سمح لها .. باي حق تخرج معه ..
ناصر عصب \قلتلك عبير معها ..وش فيك انت
ماجد \ ماعلي من اللي معها ..وش خرجها من المزرعة وش تبي با الاسواق ..عشان تطلع معه ..والحين الساعة 3 الفجر ولسى ماشرفت ..
ناصر \ ماهو شغلك ليش خرجت ومع مين فاهم ابوها عندها وعلى راسها
ماجد بتصميم \لا شغلي ..وانا اوريها كيف تطلع معه ..وهو ليش يطلعها هاه.. اخته وينفلق معها اما نور ليش وش عنده معها ..
ناصر يمسكه بقوة \ماجد انت تسمع نفسك وش قاعد تقول ؟انت صاحي ..خلاص قلتلك هي استئذنت من ابوها وابوها سمحلها
ماجد\ لا تكذب هي مااستئذنت منه .. تاخذ شورها من راسها بس طيب خلها تجي ..ان ماطلعت روحها مااكون ماجد
وخرج ماجد من عند ناصر وهو ناوي على عادل وعلى نور
<<تخرجين معه هاه ..وانا اللي ذابح عمري عليك كل ماشفتيني يغمى عليك او تجنين من خوفك ..بس هين انا اعلمك الخوف صح يا نور ..<<

وصلوا المزرعة .................

عاد انتوا علقوا ع البارت بكيفكم ...
ولا تحرموني ردودكم ..
مع حبي ............ صمت الرحيل
انتظروني قريب ..

السلااااااااااام عليكم ورحمة الله وبركاته ...
البارت الثالث والعشرون..

سمر\ والله لو تحكين كلمة وحدة معهم انتي وهي اذبحكم .
منى \مو شغلك ..اصلا انتي حسابك بعدين
مريم \ المصيبة اخوي واختي خانوني طلعوا من دوني
فوز\ عار عليهم ..صراحة انصدمت فيهم
ندى تضحك \ههههههههههههههه كل هذا لانهم طنشوكم وخرجوا بدونكم ..
منى \لو سمحتي انتي يا عديمة الاحساس لا تتكلمين
سمر\ صدق انتوا ماعندكم كرامة .. ليش زعلانين هاه
منى \ماقاهرني الا ان الساعة الحين 3 ولسى مارجعوا ..بس لو احنا معهم كان رجعوا الساعة 9 كانحن دجاج
مريم شهقت \اااااااااااااااااااااااه يا قهري وتعشوا برا كمان حظهم
فوز تشوت مريم \هذا اللي همك بطنك والاكل ..صدق دوبه
مريم حمقت \انطمي كيفي الاكل اساس الطلعة اصلا
منى\ بعدين عادل كيف يرضاها على نفسه يطلعهم وانا ماني بمعهم
هند بهدؤ \ لانه يحبهم .. ويعزهم وماراح يرفض لهم طلب
فوز \والله افتن عليهم ابوي وعمامي ..
منى \صح ماعندنا بنات يظلون برات البيت للساعة 4 الفجر
مريم \صدق وين حن عايشين سهرات للفجر
سمر \ ماكذب عمي يوم سماكم غير محترمات
ندى\ وين عقال فهد مني بس ..
منى \مالقيتي غير عدونا تذكرينه
فوز \رجاء لما نكون موجودات لا تذكرون اسم فهيدان
مريم \يسبب لنا حساسية وخووووف
سمر \فديتوا اخووووي قولوا امين
ندى \ هنوده طفي النور ابي انام ..
منى \اول عطيني مفتاح باب الغرفة
ندى \لو تموتين مااعطيك اياه تبين تتضاربين معهم اول مايجون انسييييي ..
مريم \ عمتوه كيف ننام والباب مقفول ..مثلا صارت حريقة
فوز \او جاء حرامي وسرق اهلنا من اللي بينقذهم
ندى \ يسرق اهلنا هاه ..يعننك الحين انتي اللي بتردينه مايسرق ابوك ؟ مالت عليكم
<<نامت ندى والبنات يترجونها تعطيهم المفتاح اللي مايدرون هي وين خبته ولما تاكدوا انها ماراح تعطيهم المفتاح استسلموا وناموا ..ماعدا <<< منى <<< ...


وقف عادل السيارة في المواقف ونزل مع عبير ونور
نور متمسكة بعبير وتحس بخوف مو طبيعي
عبير \ ماعليك من احد ..كنا مع عادل مو احد غريب
نور بهمس \ تعالي ندخل من الباب الخلفي..احس اني راح القى ابوك قدامي
عبير \خلينا ندخل مع عادل عشان اذا فيه احد يكون عادل معنا
نور بتصميم \لا انا بااروح من باب المطبخ ماابي القى ابوك
راحت نور ..وعبير دخلت ورى عادل وفعلا لقوا ابوهم في الصالة مع ناصر ..
ابوعادل \ لا ياولدي وش ذا الكلام ..ليش تاخرتوا كذا
عادل \الله يسامحك يوبه وش شايفني بزر
ابوعادل \ ياولدي ماصارت تاخرتوا مرررة ..اقلقتني عليكم
عادل \ماصار الا كل خير ..انت تدري الناس صيف ومااحد ينام في الليل با الرياض ..
عبير بهمس \ يوبه ليييش معصب ؟
ابوعادل يدور على نور \ انا مو معصب بس كنت ...ولا شيء
ناصر \ عادل ... من اللي كان معكم ؟
عادل يناظر ابوه \ كانت معنا ...نور
ابوعادل بسرعة \وهي وينها ..مااشوفها معكم ..؟
عبير \ نور ... >>وتناظر عادل <<
عادل \ نور دخلت قبلنا هي فوق الحين ..
ابوعادل \لا مادخلت لو دخلت كان شفتها .
عادل \دخلت من الباب الخلفي ..باب المطبخ
.....

كانت تمشي بخوف وتحس بذنب فظيع <<ليتني قلت لابوي كان الحين عندي عذر ..يارب هونها << تحس ان الباب بعيد وتتمنى لو انها تختفي من المزرعة بسرعة من دون مااحد يدري عنها
ماجد\ نور وقفي
شهقت ووقفت مكانها <<من اللي يناديني .. يارب يكون ناصر <<
حست بيد تمسكها من ذراعها وتلفها على ورى بقوة .. حست ان شيلتها بتطيح من على راسها ..حاولت تثبتها بس هو مسك يدها وماسمح لها تلمس طرحتها ..
ماجد \بدري ... لسى بدري وش رجعك على طلوع الفجر
نور ترفع راسها تبي تشوف من يكون هذا اللي يصرخ فيها من يكون هذا اللي يمسكها بتملك وبقوة تحس ان عظامها راح تتكسر ..
حاولت تسحب يدها منه ..بس هو شدد ضغط يده عليها عشان يزيد المها ...
نور \ااااه اتركني ابعععد
ماجد\ وش اللي خرجك مع عادل ..؟ وش دخلك تخرجين معه ؟
نور رفعت عيونها وشافت وجهه القريب منها ..واللي الغضب محوله للاحمر ..عيونه يخرج منها شرار ..<<من هذا ؟<<
نور وتحس بضيقة قوية تبي تصرخ بس ماتقدر ..الخوف ربط لسانها ..واقفة عجزانه بين يدينه .. ماتقدر حتى تسحب يدها منه .
نور \ م ممم . لا ااببعد << تحاول تسحب يدها ..وشوي تحاول انها تبعده عنها ..بس ماقدرت ..ابعد يا ماجد ابعد عنييي <<
ماجد بحقد \ الحين عرفتي الخوف ..بس ماعرفتيه قبل لا تطلعين مع عادل صح ؟ تاخذين شورك من راسك .
نور بقهر \ ابعد ابععععد لا تلمسني ..اتركني اتركنيييييي
كانت تسحب نفسها منه ..بس هو ثبتها على الجدار بقوة
ماجد \ لو اعرف مرة ثانية انك خرجتي مع عادل او غيره ..والله لا اذبحك بيديني فاهمة ؟
نور تشهق من الخوف وتهز راسها با النفي
نور \لا لا مم م لااااا ابعد ماجد ماابي ابعد ابعععععععد
ماجد يهزها بقوة لدرجة انها طاحت طرحتها من عليها على الارض
ماجد بهمس يخوف \ والله يانور اذا شفتك معه مرة ثانية ..ماتلومين غير نفسك .. وهذا انا حذرتك وخوفك اللي ماله سبب لا اجعلها مليون سبب فاهمة ؟ <<ويهزها <<فاهمة ؟
نور تبكي بدموع حارة \ مم ماعلمت احد والله .. لا لاتذبحني مو مو انا ..هو انت مو هو .. لا لا ماابى ابعد ابعد <<وتشهق وتحاول تبعده عنها .. وصارت تهز راسها بقوة .. وتسحب نفسها منه ..بس هو يشدها اكثر ناحيته .. <<
ماجد بهمس \ماعلمتي احد بشو ؟ نور <<مسك وجها بيد وحدة وثبته على الجدار لحتى يناظر عيونها << نور خوفك مني ..مايشفعلك ..واوعدك ان الايام بتثبتلك معنى كلامي .. حتى دموعك << يمسح دموعها << ماراح اسمح لها تردعني عن اللي بااسويه
واللي انا ناوي عليه يانور ..واذا مو مصدقة اسالي ناصر ..عن نيتي .. وهو يقولك ..زين يا قلبو <<باس اصبعه السبابة وحطها على شفايفها <<


تركها وراح ولا عاد التفت لها ..<<يحس بانتصار وبحب كبير في قلبه ..لا انا مو ندمان على اللي سويته .. كان لازم احذرها من عادل لاني ماابيها تقرب منه او غيره لانها راح تكون لي .. ادري انها راح تكرهني اكثر وتخاف اكثر بس مصيرها ترضى ..ولو مارضت ..انا ابيها ..ومن قربي منها قبل دقايق انا متاكد اني ابيها..
بس اااااخ من دموعها وشهقاتها تبكي وانا ازيدها ..بس ماراح اندم ومصمم اكمل معها لحتى اتزوجها ..واتحداك ياناصر انت او غيرك توقفون بوجهي << وقف بعيد عنها وشافها جالسة بنفس المكان وضامة نفسها ..حاطة يدينها على وجها وتبكي ..

تركني ..خلاص راح خلاص بعد عني ... <<كانت تبكي بقهر وخوف ..وتحاول تخفف عن نفسها وتذكرها ان ماجد راح << ليش مانسى الى الحين ..بعدين ليش يبي يذبحني انا ماعلمت احد
الى متى بتظلمني ياماجد ..الى متى بتعذبني معك .. كافي اللي انت سويته فيني كافي .. مالي ذنب ماااالي ذنب ..انا قلت الصدق بس انت كذبتني ..اكرهك اكرهههههههك <<حطت وجها على ركبتها وارتفع صوتها با البكى << حست بااحد يقرب منها ويدين ترفعها وتقومها من على الارض ...بعدت نور بخوف ..بس هو ماتركها قربها منه وضمها بقوووة .... قاومته حاولت تبعده عنها بس ماسمح لها .. كان يلمس على شعرها ..ويحاول يهديها ..
بعد دقايق بعدها عنه وثبتها على الجدار وناظر وجها بحزن ..بس حزنه ما حنن قلبه عليها ..رفع يده وبقووووووووووووووووة
ضربها على خدها كففففففففففففففففففففف .. وضربها على خدها الثاني بنفس القوة ..وضربها الثالث .. وكان راح يضربها الرابع ..بس فيه يد مسكت يده
ناصر بصراخ \ يا مجنوووووووووووووووووون ابعد عنها
منصور ابوعادل \ خلني اربيها الكلبة ..ابعد عنها مو شغلك
ناصر يشيل نور ويبعد عن اخوه المجنون ..
ابوعادل \خلني اخذ حقي منها .. رجعها يا ناصر

<<كان يراقبها وهي تبكي ..ويوعدها يعتذر منها بعدين لما تصير زوجته ..شاف عمه منصور يقرب منها ويحضنها بحب ... استغرب لا انفجع مو معقول مع انه يكرها كره الموت بس ليش يحضنها .. بس هو تصنم مكانه لما شافه يضربها ويضربها ..راح يركض راجع لها ..بس وصول ناصر قبله خلاه يتراجع .. ويبعد عنهم قبل لا يشوفونه <<

دخلها المطبخ وقفل الباب عليهم ..ظل ضامها اكثر من ربع ساعة ... بعد عنها وناظرها وهي تناظره بضياع وكانها ماتعرفه .. بعد عنها وجاب مكعبات ثلج حطها بفوطة وحطها على خدودها ..
مانطق بكلمة .. كل اللي سواه انه يمرر الثلج على خدودها وسرحان بفكره وعيونه ..تناظره وتتمنى لو تدخل جواته وتتخبى فيه طول عمرها << هذا حبيبي واخوي وهلي هذا سنيدي في كل يوم وعام هذا اللي ابيع عمري عشانه اخسر روحي فداه ..من لي غيره ..من يحس فيني غيره من يحبني بجنونه وحنيته وخوفه ..دائما يساعدني ويضمني يهربني من دنياي لدنياه .. يحاربهم عشاني ..يضيق لضيقتي ..يهم همي ويحزن لحزني ..قال اني روحه بس انا مدري وش اسميه وش اوصفه من يكون بحياتي ..مهما اقول راح اكون مقصرة بحقه .. مستحيل اقدر اوفيه جميله معي << قامت من على الكرسي وباست ناصر على جبينه ولصقت خدها بجبينه ..ودموعها تنزل بغزارة .. وهو يحس بحرارة على جبينه مايدري هي من دموعها ..او حرارة خدها الملتهب من الضرب ..<< كيف اراضيها ..كيف اواسيها او انسيها .. الى متى اكذب عليها واقول اني بااحميها دائما يضربها يهينها ومااوصل الا بعد ماتنهار وتطيح .. وش اقول ماعندي حيلة .. هي روحي واحس انها اغلى من نفسي احبها موت ماابي احد يجرحها .. بس كيف اخبيها منهم كيف .. سامحيني يانور عجزت احميك << قام وحضنها ..وظل الصمت مسيطر عليهم مايقطعه الا شهقات من نور وهي تبكي .. يناظر بعيونها وتناظره
مايقدرون يحكون .. يمكن لانهم سئمو من الكلام ..او يمكن لانه الصمت ابلغ من الكلام ....
<<مداخلة << عندما اعجز افضل الصمت لعل الصمت يحميني<<

دخل يبي ينام بس اول ماشاف عادل نايم كان يتمنى لو يذبحه ويفتك منه ..<<نايم ولا يدري هو وش سوى ..كل اللي صار اليوم بسبته لو ترك نور بحالها ماكان احد ضايقها ..الله ياخذك وابوك العلة بديت اكرهه وش الحل معه ..الى متى باسمحله ياذيها وانا موجود ..يضربها اااااخ بس ليت الضرب فيني شل وجها شل ..اعوذباالله ليته مو عمي كان .....لا ياشيخ ..ماتشووف نفسك وش سويت فيها .طيحت قلبها افزعتها ..تستاهل مرة ثانية ماتعيدها وتروح معه لازم تعرف حدودها معه ومع غيره .. مالك حق ياماجد انت ماترضاها لاختك يصير فيها كذا .. فكيف ترضاها لبنت عمك ..والله لو عندها اخو كبرك كان ماقدرت لا انت ولا غيرك تلمسونها
ولا تستغفلها ..لانها تخاف منك وانت تدري بها الشيء سويت اللي سويته ..بس والله لو تحكي لناصر او ابوها .. يطردونك من العائلة ..اللي سويته مو هين مو هين .. ادري اني سويت الشيء الغلط بس كانت وسيلتي عشان اكلمها واحذرها .. وانا مقتنع ولاني ندمان على اللي سويته ..<<


...... عند المسبح وقت العصر الجو مغيم وينذر بسقوط المطر
سمر \ عبورة خليني اغرقك ..
عبير تسبح بمهارة \ اتحداك ؟
مريم تسبح مثل عبير \ حبيبتي حصلت انا واختي على جائزة نوبل للسباحة ومدربنا كان ابوي وعدوووول قصدي عادل نسيت اني مزاعلته ..
منى جالسة على حافة المسبح \ اااااه ابي اسبح
هند\ تعالي خلينا نعلمك
منى بفزع تقوم وتبعد عن المسبح \ لا تبون تموتونيييي
فوز\ منى خلي خبالك وتعالي نعلمك احسن
منى بخوف \ماابى
سمر\ منى اذا ماتعلمتي الحين مستحيل تتعلمين بعدين
هند \ يوووه ياسمر عجزنا معها تتلبس وتتزين وتجي تجلس على حااافة المسبح .. واذا قال ابوي تجي يعلمها تهرب عند امي
منى حمقت \هند هذي اسرار عائلية بلييييز انطمي
عبير تسند نفسها ع الحافة \ منى صدقيني سهل صح يخوف في البداية ..بس متعة فظييييعة في الماي تحسين براااحة تعالي وانا اعلمك ..
مريم \ منى خلاص تعالي وتعلمي ..
منى تجلس على كرسي \ماابى خلوني على راحتي ..
ندى \ انفلقي مالت عليك ..
منى \مالت عليكم يارب يجيكم سمك قرش
البنات ضحكوا من كلام منى المقهورة والخايفة من الماي ..


.... واقفة وتناظر نفسها في المرايه وتشوف وجها كيف محمر وشفايفها مشققة من كثر البكي .... انا مابكيت من ضربك يا منصور با العكس خدي تعود على ضربك وضرب ابوي .. انا ابكي لان اللي انا خايفة منه بيصير كره ماجد لي وكرهي له حقيقي <<تخلع بلوزتها وتناظر ظهرها في المرايه << مثل ما الجرح اللي بظهري حقيقي .. انا بس ابي اتاكد من اذا كان موجود فعلا فراح يكون كل شيء حقيقي .. ومدري وش راح اسوي بعمري .. انا لازم اروح واشوف لازم اتاكد اذا كان اللي بذاكرتي صح او خيال ..
غيرت ملابسها ..وحطت شال بني على راسها وثبتته بدبوس اسود اخذت كاب فوز وحطته على راسها وخرجت من الفلة ..


فهد \ الحين من ظرافتك او غبائك تتكلم ؟
فارس \لا والله من ذكائي ..
خالد \ هههههههههههههههههههه حلوة يا فارس عطله عطله
فهد حمق \انت وبعدين معك كل مايقول فارس كلمة تضحك وتشجعه
خالد\ حرية شخصية اشجع اللي يعجبني صح فارس ؟
فارس يبتسم ويقهر فهد \صحين يا ابن العم ..
عادل وهو يسرج خيله \ خالد وش رايك تنسحب من بين الاخوان وتخلي منك اللقافة
خالد\ انا مع الحق ولا فهد وش عنده يقول صاحبو ولا تصاحبون
فهد \انا انصحهم لاني اهتم بمصلحتهم ولا امنعهم الا من شيء غلط
هادي \ لا عاد صدقتك ..وليش تمنعنا من دوانيتكم
فهد\ لان كل اللي فيها اكبر منكم بكثير ..والاحسن انكم تصاحبون اللي بسنكم وعمركم
عادل \ معك حق .. ولا تخرجون مع احد وانتوا ماتعرفونه الا بعد ماتعرفون اطباعه كذا تسلمون شره
فارس \الله الله من يبي يلقي محاضرة بعد ..شاركنا اخ ماجد شاركنا عمي ناصر
ناصر \عن اذنكم بااطلع من المزرعة ويمكن ماارجع اليوم
<<مشى ناصر ولا رد على عادل لما ناداه ..كلهم مستغربين الا ماجد لانه يدري با اللي في ناصر ..انه مقهور على نور ..مشى ناصر وهو يتمنى لو يسحب نور معه حتى لو رفضت ..هو طلبها لما كلمها تروح معه بس هي قالت ..الى متى راح اهرب ؟ كل مايجي مكان اهرب منه .. لا يا ناصر اذا كان كارهني ومايبي يشوفني ..فهو اللي لازم يروح مو انا ..<<
عادل \ غريبة وش فيه ناصر ماهو على طبعه حتى انه مارد علي ولا كلمني اليوم كله
ماجد بحقد\ اسال نفسك انت وش مسوي ..
عادل مستغرب \ وش مسوي ..ابد ماسويت شيء واصلا ماشفته امس موليه لاني كنت طالع ..ماشفته الا اليوم على الغداء ..
ماجد ويطلع على الفرس وبسخرية \ ابد مو مسوي شيء
ابتعد ماجد عنهم وخلاهم مذهولين من تصرفه مع عادل ..بس عادل ركب على خيله واسرع ورى ماجد .... وهذا اللي كان يبيه ماجد ....


منى بطفش \بناااات ياالله اطلعوا خلونا نرجع الفلة اخاف يجي مطر
سمر \ منىىىى ماراح نطلع تعالي اسبحي اصرفلك
منى \ انا مااحكي معك ..فوز مريومة عبورة باالله اطلعوا
عبير \ لا لسى ماتعبت ..ابي اسبح اكثر
منى\ مريم الدوبة اطلعي
مريم طنشتها وكملت سباحة من غير ما تناظر منى
منى\ اجل بااروح انا لحالي اتمشى وارجع البيت ..مالت عليكم وعلى اللي يعطيكم وجه
خرجت منى من بيت المسبح الزجاجي المخفي .. وراحت تتمشى وهي معجبة با الجو وتتمنى لو ينزل مطر بس بدون برق ورعد لانها تخااااف من الصوت ...


... كان يسمع عادل وهو يناديه ويركض وراه بس ماجد ماوقف لانه مايبيه ولا يبي يحكي معه يحس انه مقهور منه موووت ..بس وش اقوله ..انت اخذت حبيبتي مشوار ولا رجعتها الا بطلوع الفجر .. راح يقول انا وش ددخلني بنور .. مالي كلمة عليها .. بس راح اوريك شغلك يا عادل .. واليوم بعد وتشوف ..
قرب عادل منه \ماجد وقف واسمعني
ماجد يخفف سرعته \ وش تبي يا عادل
عادل \ انت ليش حاقد علي وش فيك معصب ؟
ماجد \ .................. راجع نفسك انت سويت شيء غلط
عادل يمشي بمستوى ماجد\ مااعتقد ..واذا سويتلك شيء علمني
ماجد ينزل من على الفرس ..وينزل عادل
عادل \ماجد يااخوك وش فيك ..وش اللي مضايقك
ماجد \ تهمك ضيقتي
عادل \ افا عليك ..وش ذا الكلام ..اضيق انا ولا تضيق وخصوصا مني
ماجد \ ليش خرجت نور معك امس ؟
عادل يحاول يستوعب \ وش دخل نور بضيقتك ؟
ماجد \هذا اللي مضايقني ..خروج نور معك ..مالك حق تخرجها ..
عادل مصدوم هذا وش يقول \ انت ...طيب وش السالفة ..وش يعني اذا خرجت نور معي ؟ وين الغلط ؟
ماجد بصوت قوي \ الغلط انه مالك حق عليها ومايحق لك ولا لغيرك تخرجون معها ..
عادل \ بس نور ماكانت لحالها معي كانت اختي عبير معنا
ماجد \ ماغير في الموضوع شيء .. نور تظل بنت عمك ومايحقلك تخرجها حتى بدون شور ابوها ..
عادل حمق \وش عندك انت بدون ومالك حق ومدري وشهو ..لا يكون تظن اني مااصون بنت عمي .. الى هاالدرجة نازل من عينك
ماجد بعصبية \افهمها مثل ماتحب .. انا ماني راضي يطلعون خواتي معك بوجودي وبدون عذر وشور وماارضاها لبنات عمي
.. عادل فهم ان غيرت ماجد على بنت عمه طبيعيه لانها تكون بعمر خواته او اصغر منهم وهو يعتبر نفسه اخ لها ولخواتها عشان كذا عصب وحمق عليه ..
عادل يبتسم بتسامح \ خلاص ولا يهمك ..غلطنا ومنك العفو ..بس لاتنسى يا ماجد انها بنت عمي بعد واخاف عليها اكثر من خوفي على خواتي ..
ماجد غيرته على نور خلته انسان ناري ومتحفظ مع عادل ..بس فكر وقال طلعها لانه يعتبرها اخت له ..وبعدين وش فيك يا ماجد عادل محير هند من زمان ..ونور باالنسبة له اخت صغيرة وبس
ابوك يا الغيرة ..
ماجد \ اعذرني يا عادل بس انقهرت من طلوعكم امس ومارجعتوا الا الساعة 3 الفجر ..وعمي منصور وعمي سالم عصبوا
عادل \ لا خلاص الشيبان وراضيناهم ..المهم انت يا اخوي ماتزعل ولا تشيل بقلبك ..<< وطلع عادل على خيله قال بيرجع الفلة <<
ماجد \ انت ارجع انا بااظل اتمشى شوي وادرب هاالفرس
عادل \ اقول ماجد ماتبي تعلمني وش سميت فرسك
ماجد بغيرة وحب \ توكل توكل .. فرسي هذي سري
عادل يضحك \هههههههههههههه الله يعافينا بس
راح عادل وترك ماجد يتمشى على راحته << الحمدلله ماكبرت بينا بس والله لو يعيدها ادوس في بطنه ..ااااااااااااااه فديتك يا نور طيرت عقلك من الخوف ...يتذكر شكلها ويتمنى لو يلقاها او يشوفها ... ماقرب ناحية المسبح لانه جاتهم تعليمات صارمة تحذرهم من الاقتراب من المسبح لان البنات فيه ...<< بس اكيد هي مو معهم
تعبانة او شقيانة ... اااخ ليت الضرب في وجهي مو بوجهك ..بس هين يا عمي منصور ..انتهى وقت هبالك <<


مشت ومشت وهي تدري ان المكان بعيد ..بس خلاص هي صممت
<< ابي اوصل ابي اتاكد قبل لا اضعف واتراجع ... ابي اتاكد اذا الماضي صدق او كذب .. ساعدني ربي ..<< تمشي وتحمس نفسها وتشجعها على الوصول .. بس التعب يجري بدمها بارجولها بقلبها الشقيان ..بعيونها اللي تنزل دموع بشكل غير ارادي .. تحس بوجهها محروق ... <<لازم اكمل ..بس تعبت تعبت ااخ المكان بعيد .. والالم ذابحني بكل مكان ...تناظر يدينها ..ليش ترجفين باقي ماوصلنا ... اااخ راسي بيذبحني ..كله من الخوف ..بس ماابي اوقف ماابي ..اريد اكمل واريح نفسيييييييي ...اخخخخخخخخ ابي اوصل للماضي ... ابي ارجع واشوف الماضي .... الماضي اللي ذبحني .. بعد فترة مو طويلة حست بصوت الخيل وراها وقفت مكانها لما وصل لها ..نزع الكاب من عليها ... تناظره خلاص مو قادرة تتحمل كافي اللي صار امس .. كافي اني اجاهد نفسي الحين عشان اعرف الماضي ..مو ناقصة ابعد عني ابعد ... مو قادرة تعبت ااااااااااااااااه وجلست على ركبها .... ارحمني عسى الله يرحمك
اتعبتني اشقيتني ..نزل من على الخيل وشلها بدون أي كلمة وركبها وركب وراها ... وركض با الخيل على نفس الطريق اللي كانت تمشي عليه بعكس طريق الفلة ... والمطر يضربها ضرب ويضربه معها .. << خلاص انتهيت<< ارخت راسها على صدره وكملت بكاها ودموعها تنزل وتختلط با المطر .... بس هو مااثرت فيه دموعها ....


تتمشى وهي تحكي مع نفسها وتغني بصوت واطي وهمهمة
تناظر السماء وتدور حول نفسها ..كانت راجعة الفلة بس غيرت رايها وقررت تتمشى في هالجو الحلو ... تحس با المطر ينزل وشوي شوي يغرقها ..انبسطت وحاولت تعد كم قطرة مطر تقدر تمسكها ... وشوي شوي بدا المطر يزيد وحبها له يزيد ..بس ماكان فيه صوت رعد ..وعشان كذا استمرت تمشي وتحكي مع المطر ..


كان يمشي الفرس ويدربها وشوي يخليها تركض وشوي تمشي ..
حس با المطر اللي بداء ينزل عليه ..حمد الله وحول طريقه يبي يرجع للاسطبلات ... وهو راجع شافها تمشي شوي وتوقف وبعدها تمشي ببطء قاتل وبرووود .. ماعرف من تكون ..من هذي اللي جاية اخر المزرعة ..لا وعلى ارجولها بعد ... وجه الفرس وركض ناحيتها ..... بس خفف سرعته لما شافه يقرب منها وهو على خيله.. ويسحب الكاب من عليها ...... عرفها مع انها بعيدة مرررررررة بس قلبه علمه من تكون .... شافها تناظره بااستسلام وتجلس على ركبها .. بس هو نزل من على خيله شلها وركبها معه على الخيل
وانطلق بخيله بس مو راجع الفلة لا هذا رايح لابعد حد في المزرعة
<<انت وش تنتظر اركض وراه ..اسرع لا ياخذ حبيبتك منك الواطي .<<


منى والفزع اخذ قلبها <<يومه والله عصب المطر ..يومممممه وحتى الرعد يضرب بقووووة ... استاهل ليتني رجعت بدري << تمشي بسرعة وتحاول توصل الفلة اللي بعدت عنها وهي تركض ورى المطر ... وكل ما سمعت صوت الرعد صرخت من الخوف
..صارت تركض وتركض وتبكي لانها مو قد الرعد وصوته القوي
تنادي امها ..وابوها بس مااحد يسمعها ... <<اااااااااااااااااااااه يومممممااه << جلست ع الارض وصارت تضم نفسها بقووووة وتبكي ... مو قادرة تتحمل مو قادرة تكمل طريقها ..منى خوااافة واللي تخاف منه ابدا ماتواجهه ... ظلت جالسة تبكي وتصرخ مع كل ضربة برق ... ولا حست الا بالحصان واقف جنبها وشخص ينحني فوقها .. ويحاول يقومها على ارجولها ... بس هي مو قادرة توقف الخوف .. سيطر عليها ...
فهد بحنية \ منى قومي ... لا تخافين
منى تبكي \ م ما مااقدر ... صوته قوييييييي
فهد يقومها \ لا تخافين انا معك ... باارجعك للفلة
منى تتمسك فيه \ ما وقف ... <<بصراخ <<ماوقف ..انت تسمعه
فهد \ اهدي اهدي ماراح يسويلك شيء .. ماراح اخليه يئذيك

فهد \منى ناظري هذيك الفلة قريبة ... بنوصل لها الحين
منى تشهق من الصوت العالي وتطيح جالسة على ركبها ............




........ اسفة لاني تاخرت عليكم ..واعذروني .

الردوووود ....
كلكم توقعت ردة فعل ماجد .. ف وش رايكم با اللي سواه ؟
ونيته مثل ماصورها لنور ..تسلطه والتملك .. وتوعده لها با الذبح ؟
العم منصور <<<< وحقده الابدي على نور ..؟
ناصر الحنون ..ناصر الحزين على نور ..وش موقفكم منه ..ولو كنتوا مكانه وش تسووون ؟ وهل الصمت يعنيلكم شيء ؟
عادل وماجد ..... كل واحد فهم الثاني على هواه .. ؟ كيف راح يكتشفون خطاهم ؟ ومتى ؟
منى وفهد ..... والمطر يضربهم ....وبعدين هل راح تكون هذي نهاية الخلاف ؟
من اللي اخذ نور لاخر المزرعة ؟ وايش يبي فيها ..؟وليش اخذها على نفس الطريق اللي كانت تمشي فيه ؟ ومارجعها الفلة ؟
ماجد ..بيقدر يلحق على نور او .......... ؟

لا تحرموني اراكم وردودكم ..
مع حبي .... صمت الرحيل ..

السلام عليكم ورحمة الله وبركاته .......
الباااااااااااااااااااارت << الخامس والعشرون


..... توسلت ..بكت وصرخت ..تعلقت فيه مثل الطفلة وترجته يتركها ... باست راسه وخده ...بس هو ماهزت فيه شعره .. ولا كانه يسمعها ..ودموعها تقويه وتزيد تصميمه ع اللي براسه ..
نور بصوت معدوم من البكاء \ لا ..لا توديني ماابي اروح معك ..نزلنيييييييييييييييي .. لا تكون معي ماابي ماابي ........ ليش ليش كل هذا ماابيك اتركنيييييييييييي ..عمي عمي تكفى اتركني ..لا توديني هناك ماابييييييييييييييييييي ..ااااااااااااااه <<بصراخ << نااااااااااااااااااااااااااااصر ناااااصر تكفى تعااااال تعاااااااااااااال
تحاول تضربه ..منصور ابعد ابععععععععععععععد يا حقير اتركني اتركنيييييييييييييييييييييي .. نزلنييييي ..لا توديني هناك ماابي اروح ماابيييييييييييي ...
منصور .. العم ابو عادل << خوفك وصراخك يذبحني .. دموعك تحرق قلبي ..بس يزيد حقدي ... ردة فعلك تثبتلي انك تذكرين ..بس ليش وكيف تجرئتي تجين وترجعين لها المكان لوحدك ... انا ماقد جاتني الجراءة ارجع..بس شفتك طلعتي من الفلة ولحقتك ..ماصدقت انك قاصدة هاالمكااااان ..طلعتي اقوى مني وتجرئتي ترجعين .. قررت اروح وتكونين معي وانا معك .. اليوم اقدر اخذ حقي منك ..اقدر انتقم لنفسي ..واقدر انتقم من نفسي فيك ..لا تقولين مالك ذنب في اللي صار .. انت السبب فيه .. كنتي صغيرة صح ..بس ماعندي غيرك احمله المسؤلية .. ظلمته دمرت حياته دفنته حي عشانك ..بس طلع مظلوووم مظلوم ..وانتي لازم تدفعين الثمن
ماعاد اقدر القاه واقوله سامحني ظلمتك ..لانه خلاص راح ..بس راح انتقمله مني انا فيك انتي ..
.

يركض والخوف تملك فيه ...مستحيل اضيعهم ..وين راحوا ماعاد اشوفهم ...اعوذ باالله وين طس هذا ..وين وداها ..<<يمسح وجهه من المطر ويناظر حوله .. >> لا لا مو بكيفه ياخذها ..الحين يضربها او ياذيها وانا ادور ..<< ناظر للجهه اللي يكره وجودها .. ليش احس انهم رجعوا لها المكان .. وليش ياخذ نور ..لا يكون يبي يعيد الماضي معها .. بس مستحيل يروحون هناك لا مابياخذها ..عمي مو بها القسوة ..مو قاسي عشان يرجعها للمكان اللي .....
انا وش قاعد اقول حقده اكبر من تفكيري .. <<وجه الفرس ناحية الغرب وانطلق راجع للماضي مع منصور ونور ....


منى بعصبية \ ابععععد ... اقولك ماابى امشي
فهد بعصبية \تمشين غصب عنك ..مهبولة انتي مافيه احد يجلس تحت الاشجار وفيه رعد وبرق .. فيه صواعق وممكن تحرقك
منى بعبرة \ طيب لما يهدى المطر باارجع الفلة
فهد وماعطاها وجه مسك يدها وسحبها معه غصب عنها
منى \ لااااااا ماابي اتركني
فهد اسرع وصار يركض و يجبرها تركض معه .. وتسمع صوت الرعد وتلصق في فهد وتضربه
منى بفزع \شفت شفت قلتلك بس انت انت ما ما تفهم
فهد مسك وجها بيدينه ورفعه فوق بحيث انها تناظر السماء ..حاولت تسحب نفسها منه بس هو ثبتها ...
فهد\ خلي المطر يغسل فمك الغبي .. ووجهك القبيح
منى تشهق \ ابععععععد اتركني اتركنييييييييييييي <<تشوته منى على ساقه بقوة ..فهد صرخ من الضربة ..كانت راح تهرب بس مسكها مع شعرها وسحبها ناحيته <<
فهد بتسلية \ ماراح تفهمين انتي مو قدي ..دومك تضربين وتهربين ..بس الحين انا اوريك
منى \ اتركني .. حقير
فهد حط يده على فمها يبيها توقف سب ..بس هي عضت يده بقوووووووووة فسحب يده من على فمها ..منى استغلت لحظة المه ودفته بقوة فطاح على الارض ..
منى تكمل سب وهي بعيدة عنه \ تافه ..غبي دجااااااجة
حاول يقوم بس هي دفته فطاح قبل لا يقوم ..وراحت ترررررركض راجعة الفلة ..ونست صوت المطر من خوفها من فهد لا يمسكها ..التفتت وراها شافته يركض ..دخلت الفلة وقفلت الباب وطلعت فوووق ركضضضضضض ...


وقف خيله ونزلها ..اول مالمست رجلها الارض ..خبت نفسها بحضنه ...وهو حط يدينه حولها يضمها ..<< يدري بمقدار خوفها يدري وش اللي بخاطرها .. يحن عليها بس بنفس الوقت يكرها <<
نور بالم \ رجعني ..ماابي اشوفه ..مو معك انت خاين ..ماابيه يشوفني معك .. انت قتلته ..اكرهك اكرهك <<صارت تضربه بقوة وتحاول تبعد نفسها منه ..بس هو ماسمح لها ..
منصور بحسرة \ايييييه قتلته قتلته وانتي السبب ..انتي اللي قتلتيه
كان يحميك ..قتلته عشان احميك منه ..ليته يفهمني << ابعدها عنه بقسوة ورماها على الارض ... صارت تحبي مثل الاطفال على ركبها ..وتحاول توصل للمكان اللي مات فيه ... كان يراقبها بحزن بعذاب .. ولا قدر يقرب منها كان يتمنى لو يضربها لو يذبحها ..زمان كانت طفلة ماقوى يقتلها ..بس مع مرور السنين اجبر نفسه على كرها والحين يقدر يقتلها ويبرد قلبه ... حاول يتحرك بس ماقدر ..يتخيله يشوفه الحين وهو ياذيها ..وش كان سوى لو يدري با اللي سويته فيك كل ها السنين ..وش كان راح يسوي فيني .. احسه الحين يراقبني .. ماابيه يزعل مني ويشوفني اجرحها او اضربها .. قتلته عشانها .. <<وصلت للمكان اللي مات فيه اللي اندفن فيه .. انسدحت على قبره وخبت وجها بترابه ..وبكت بحرقه بالم بعذاااااب ... صرخت مقهوووورة ..لانها اكتشفت ان اللي بذاكرتها حقيقة مو خيال ..والدليل وجود قبره ودموع عمها منصور وكلامه لما اكد لها انه قتله عشانها ....
نور وهي تشهق با البكي \ لااااااااااااااااا لااااااااا ارجع ارجع تكفى ارجع ..انا السبب سامحني ..اكرهم والله اكرهم ماراح اسامحهم والله مااسامحهم ..تعاااااااال عذبوني بعدك كرهوني بحالي ..سامحني ااااااااااااااه سامحني مسحتك من عقلي وكذبت على نفسي وقلت انك خيااااال .. رجعت شوفني رجعت الحين تكفى ارجعلي ارجعليييييييييي .. انت مو خيال مو خيال ارجع اااااااااااااااااااااااااااااااااه ....احبببببك احبك << تتذكر حبه لها وتتذكر كيف كان يدلعها وياخذها معه ..تتذكر حبها وتعلقها فيه مع انها كانت صغيرة ... وحشني ابيه يرجع .. ابي اضمه وابكي عليه
ابيه يضربهم ويصارخ عليهم ليش انهم ضربوني وعذبوني ..ابيه يرجع ..لا ابي اروح معه ..ابي اروح عنده هنا تحت الترااب
ابييييك ...
نور بصراخ \ طلاااااااااااااااااااااااااااااااااااااااااااااااا اال طلاااااااااااااااااااااااال تكفى تعال تكفى .. عذبوني بعدك تعااال قتلوك قدامي دفنوك قدامي ..طلااااال احبك احبببببببببك
<< صارت تحفر بيدينها الثنتين قبره تبي تخرجه ..
نور بقهر ورجاء \ طلااال لا تموت.. الحين اطلعك لا تموت ..اصبر اصبر ..لا تموت تنفس تنفس طلال الحين اطلعك واهرب معاااك بعيد ..طلاااال لا تموت لا تموت ...

...ماعاد قدر يوقف مكانه اكثر من كذا ..راح لها يركض مسكها يحاول يوقفها عن الحفر بس هي تضربه وترجع تحفر .. نزل على مستواها ومسك يدينها بقوة وصرخ فيها
منصور بصرخة \ طلال مات ماااااات مااااااااااااات
نور تناظره بحقد بكره وترميه با التراب اللي بلله المطر .
نور وهي تضربه \انت اللي قتلته اكرهك اكرهك ..انت موووووت باادفنك مكانه ..انت قتلته قتلته
..وقف وحاول يشيلها بس هي كانت تقاومه بقوة ..يحاول يهديها ..
ضربته بقوة على صدره ..فضربها بكف قوي على وجها .. خلاها تطيح على الارض ...


كان واقف ويناظرهم ..عمه الحقير اللي رجع نور للماضي وحطمها
ونور رجعت البنت الصغيرة الطفلة اللي شافت اكثر المواقف وحشية ... << فهمت كرهها لي الحين ..كنت اظنها صغيرة ولا راح تتذكر بس هي تكرهني وتخاف مني ... انا ساعدت عمي صح لما قتل طلال ..بس انقذتها لما حاول عمي ييذبحها<<
... قطعت قلبه لما انهارت وصارت تصارخ بااسم طلال ..واللي ذبحه اكثر شكلها وهي تحفر با الارض وتقول لطلال لا يموت لانها راح تنقذه .. تاخرتي يا نور14 سنة عشان تنقذينه ...
بس انقطع صبره وذكرياته با الكف اللي ضرب وجه نور ..
ماجد يوقف بوجه عمه ونور وراه \ ماكفاك موت طلال وانت ظالمه ..بعد تبي تذبح نور يا المجنون ..
ابوعادل مصدوم \انت وش جابك هنا ؟ وش عرفك اني هنا ؟
ماجد\ شفتكم راجعين للماضي قلت ارجع معكم عشان تكتمل الذكرى صح ...
ابوعادل \ انقلع من هنا ..
ماجد بكره \راح انقلع بس راح اخذ نور معي ..
انحنى ماجد ووقف نور حط يده على كتوفها ..وهو يناظر عمه بنظرات تحدي
ماجد \ من اليوم ..انا اللي راح اوقف بوجهك ..انت وغيرك

ناظرته نور بخوف وكره << هذؤلا هم اللي ذبحوك يا طلال كذبوني واذبحوك ..ولما قتلوك .. ها المجرم كان بيذبحني << نور دفعت ماجد عنها بقوة وتخبت ورى منصور \..ماجد واقف مصدوم منها ..تخاف مني وتحتمي بمنصور ..منصور اللي كان بيذبحها ..وانا اللي انقذتها منه .. تحتمي مني وعند مين عند منصوووور

ماجد برجاء \نور تعالي عندي ..ابعدي عنه ..هذا مايحبك تعالي

.. نور تركض هاربة منهم الاثنين ..وتتوعد انها تنتقم منهم عشان اللي سووه في طلال وفيها ..صارت تركض وتركض ..بس وين ولمين وفي أي اتجاه ماتدري ماتدري ..المهم انها تهرب منهم ..

منصور يناظره بشماته \ بتوقف بوجهي هي تحتمي فيني منك ..كيف بتحلها هذي ؟ وبعدين تراك انت اللي كنت بتذبحها مو انا ؟
ماجد بحقد\ انا ادري وش اللي انت ناوي عليه ..نور فاهمة غلط بس مافيه مشكلة افهمها ..راح اذكرها بانك انت اللي طعنتها ..
..الحين فهمت حقدك وكرهك ..واليوم بعد عرفت نيتك انت ناوي تذبحها ..وامها وابوها ماراح يعارضونك ..لانك في نظرهم البطل اللي انقذ بنتهم وانقذ ...... <<ماكمل كلمته << وبنظرهم أي شيء تقوله وتسويه فهو صح .. وحتى لو ذبحتها حلال ..
ابوعادل \ انا بااسوي اللي براسي يا ماجد .. ولا راح تقدر توقفني او تمنعني .. نور منتهيه وميته من سنين ..بس هي ماتدري انها ......... <<<ماكمل كلامه لانه مايبي ماجد يفهم عليه <<
ماجد طلع على الفرس \ قبل لا تذبح نور اذبحني ..واتحداك

بعدها انطلق ماجد على فرسه يدور على نور ..اللي هربت منه ومن عمه ...ويقول انه راح يلاقيها بسرعة لانها خايفة وماقد بعدت كثير
لازم افهمها كل شيء..لازم تدري اني ماحاولت بحياتي أأذيها ... وان اللي في بالها غلططط غلط .. وينك حبيبي وينك ؟


هند تضم منى \بسم الله عليك وش فيك يا قلبي ؟
منى تبكي بقهر \ ما ماشيء بس خايفة
مريم بخوف \منى حبيبتي وش فيك وش مخوفك ؟
منى \ الرعد بس المطر كنت برا وخايفة منه
دخلت فوز ومعها ام هادي ..
ام هادي بخوف تضم منى \ منى حبيبتي صلي على النبي ..ماله داعي كل هاالخوف ..شوفيني معك لاتخافين ..
منى تعلقت باامها \ والله لااذبحه ..
ام هادي مفجوعه \ منهو ؟
مريم \ تبي تذبح المطر ههههههههههههه خبلا
منى ترفسها برجلها \انقلعي ابى اجلس مع امي ..
ام هادي تكلم مريم \ماعليك منها مريوم خليك عندي
فوز \ وانا احسبك يا منى عربجية وماتخافين اتاريك دجاجة
منى حمقت \ما الدجاجة غير اخوك ..
سمر بصرخة \وش دخل اخوي الحين يا الظالمة ؟
منى \يوممممممممه متى بنرجع البيت
ندى \وتقولون ان عبير الدلوعة .. وهذي دلعها حقيقي هزوووولت
سمر \عبير عصبي ..
عبير \..........
ندى \عبووووووورة يا هوووه وينك
عبير تناظرها بغباء \هاه
سمر \عبير وش فيك ؟
عبير \ ماشيء <<قامت خارجة من الغرفة رايحة تتطمن على نور ..اللي من اول ما رجعوا من المول امس ماشافتها <<
<< يا قلبي يا نور ..كم بكيتي وصرختي ولا تحركت باامك شعره ..ولما درت ان منى تبكي وخايفة جات تركض تضمها وتهديها .. سبحانك ربي لكل شيء حكمة .. << دخلت الغرفة اللي كانت نور فيها بس لقتها مقفلة ..ودقت الباب بس مااحد رد عليها
عبير \نور ..نور انتي هنا افتحي الباب ..نوار مو معقولة انك نايمة تراه اذن المغرب قومي ..
بس مالقت رد .. انسحبت ورجعت عند البنات .. وهي مو مطمنة ..


...... هين انا اوريك ..دومك تهربين بس دواك عندي ان ماخليتك تبكين دم ما اكون فهد << كان يبدل ملابسه الغرقانة ويتوعد فيها ... يناظر يده اللي عضتها ويناظر يده اللي مسك بها شعرها ..وكان يبتسم على اسلوبه واسلوبها معه ..كيف انهم دائما يتضاربون ويتهاوشون .. ماارحمها ولا ترحمني ..هههههههههههه عز الله ان حن مانصلح الا لبعض .. لااااااااا ودجاجة بعد طيب طيب .. اوريك يا الجبانة ..


.... مل من كثر ما يصرخ بااسمها ويدور عليها <<وين طست هذي وين اختفت ..انا متاكد انها تسمعني ..بس مستحيل ترد ..تموت ولا ترد علي .. حسبي الله عليك يا عمي انت السبب في كل شيء ..
اخ بس ليت ناصر هنا .. كان هانت مرة ..والحين كيف اتصل عليه واقوله يجي ..هي ماتامن الا له ... بس هو خرج من المزرعة .. اوووووف والسواة الحين ... << نزل من على الفرس لما وصل عند غرف تستخدم للتخزين ..وقال يمكن هي دخلت هنا .. ودخل يدور عليها .. بس مالقاها ..والغرف اصلا كانت مزحومة ..
ودخل وقت صلاة المغرب ..
ماجد \ نور انتي هنا ... نور ردي علي ..والله ماراح اضرك بس ردي ..طمنيني عليك .. قولي ايه ..ووعد اني اخرج واخلي ناصر يجي ياخذك من هنا زين ..بس ردي علي ..نورر باالله ردي.. نور وينك لا تضيعيني معك .... <<تكلم وتكلم يحاول يستدرجها بس هي ماردت ..لانها مو موجودة <<
خرج من المخازن ولقى المطر شوي يشتد وشوي يهداء .. ركب ع الفرس ..وركض بااتجاه الفلة يمكن يلقاها با الطريق ..



...... كانت جالسة وضامة نفسها بقوووة ... ماتقدر تتحرك ماتقدر تصرخ وتبكي .. تحس باارهاق والم تحس بقهررررر بحزن بضياع ..<< ااااااااااه يا طلال بجد انت مت .. ليتك ماكنت حقيقة ..ليتك مجرد خيال ..ليتك معي ..لو انك مامت كان كل شيء غير ماكان فيه شيء غلط .. ذبحني الماضي يا طلال ..كان المفروض يظل الماضي ماضي ..بس هم عيشوني الماضي طول عمري ..ما معي مستقبل ولا معي حاضر ..مامعي غير الندم عليك .. انت مااذيتني ماسويتلي شيء ..انا مافهمت ولساتني مو فاهمة ليه قتلوك وايش ذنبك .. انت حبيبي <<ابتسمت وهي تتذكره
طلال \ من حبيبي ؟
نور بصراااااخ \ اناااااااااااااااااااااااااااا <<وتركض له وهو يشيلها ويدور فيها <<
طلال \وش اسمي انا ؟
نور \ انت تلااال حبيبي
طلال يضحك \هههههههههههههههههه فديت التلاااال حبيبي
عبير بغيرة \ خالي تلال وانا
طلال يشيلها بيده الثانية \ ياروووح خالك تلال
نور \ تلال نروح نسبح
طلال \ يوووه يا خبلا برررررد مررررة
عبير تضحك \ههههههههههههه حبلا
نور تضرب عبير بكف على رقبتها \ انتي الحبلا
عبير تبكي وتحاول ترد ضربت نور بس طلال يراضيهم
طلال \ يوووه قامت الهدة الحين ..خلاص انا الحبللللل زين
نور تبوسه على رقبته \لا عبيل حبل
ابوعادل \ ههههههههههههههه وين ربي يفكك منهم الحين
طلال \لا انا اعشق ها النور بااهرب معها ..
ابوعادل \ههههههههههههههههههه انت بحسبت خالها
طلال \امووووووت فيها <<ويرجع يشل نور ويركض بها وهي تصرخ مبسوطة << هذي حبيبييييييييييي ..

صحاها صوت ماجد من احلامها ... اللي كان يصرخ ويناديها
ضمت نفسها اكثر وثبتت عن الحركة ..عشان مايلقاها .. <<ليتك معي يا طلال ..<< وينك يا ناصر .. كانت خايفة لا يوقف ماجد عندها ويلقاها ..بس هو كان يركض ع الفرس ويناديها ومر من عندها ولا شافها لانها كانت متخبية تحت الشجر ... << روح واتركني بحالي يا ماجد اكرهك كره الموت انت ومنصور وحتى ابوي ..وامي ..الله ينتقم منكم << انسدحت ع الارض وهي تتذكر طلال وذكرياتها القليلة واللي قدرت تتذكرها ..<<


ماجد \ الوووه ناصر وينك
ناصر \ وش فيك عسى ماشر
ماجد \ ارجع المزرعة بسرعة قبل لليل
ناصر بخوف \ وش صار بلاكم شيء ؟
ماجد بقلة صبر \ ايه نور هربت من منصور ومدري وينها الحين في اخر المزرعة ..انت وينك ؟
ناصر قفل الجوال بدون مايرد على ماجد ...

لما طلع من المزرعة مشى با السيارة ودخل مزرعة مجاورة لهم لواحد من ربع ابوه ..وعشان كذا ركب سيارته ورجع المزرعة بسرعة ...دخل ومشى با السيارة لاخر المزرعة ..واتصل بماجد
ناصر \وينكم في أي جهة ؟
ماجد \ في الجنوبية الغربية انا عند المخازن

وصل ناصر للمكان اللي حدده ماجد والتقى بماجد .. دخل المخازن
ناصر \نور انتي هنا ؟ نور انا ناصر وينك .. نور ..نور تسمعيني
ماجد \ ماردت علي وانا ماادري هي هنا او لا ..
ناصر يناظر ماجد \ هو ضربها ؟
ماجد يدري بحال ناصر فكذب عليه \لا ماضربها .. لانها هربت

..افترقوا ماجد وناصر وكل واحد اح بطريق يدورون عليها .. الجو بداء يظلم .. ولسى مالقوها ...


عبير بعصبية \نور تراك مصختيها افتحي ..
هند \خليها براحتها ..
عبير \يااختي ماابردك ..وش راحتها ليش انتي تعرفين راحتها
هند مصدومة من كلام عبير \ انتي وش فيك ليش تصارخين علي ..اصغر بزارينك ؟
عبير \هند ابعدي من هنا ..خليني اكلم نور
هند\ انتي مو بصاحية لو كانت تبي تحكي كان فتحت الباب
ندى \وش رايك انتي وهي تضفون وجيهكم من هنا ؟
عبير \انا ابي ادري هي وش فيها وش مزعلها عشان تسوي كذا
اخاف لا يكون احد مضاربها لانها طلعت معي ومع عادل
هند\ نور اكيد مو في الغرفة ..لو كانت فيه كان ردت علينا
عبير وطنشتهم جلست على الارض عند باب الغرفة
عبير بعبرة \ ماني ماشية لحتى تفتح ...
جلست معها هند وندى .. وظلوا يتوقعون ويتسالون عن حركة نور الغريبة وليش انها ماتفتح الباب ..
مرت من عندهم مريم وفوز
مريم \ مسوين حفلة..؟
فوز تشهق \ليش مادعيتونا ؟ نذلات ..
ناظرتهم ندى بعصبية فجلسوا وخلوا منهم الهبال ..
مريم تقوم وتضرب باب الغرفة بقوة
مريم \نووووور افتحي افتحي ..بسرعة منى بتذبحني خبيني عندك ...
ندى تسحب مريم \ انثبري ازعجتينا بصراخك
مريم \جزاتي ابيها تفتح ..



<<بجد غبية وش مخبيك هنا ..خلاص اكيد راح مل وراح ارجعي للفلة ..اااخ ماني قادرة احس بتعب ارجولي تعورنيييييي
ليت ها اليوم ماجاء ... ليتني معك يا طلال ..اااه << قامت ولفت الشال على راسها ..وبدت تمشي وهي تتعثر ... وكانت خايفة لاتكون ضيعت الطريق ..بس حمدت ربي لما شافت انوار الفلة
..تحس ببرد فظيع ..لانه المطر برد الجو ولبسها مو ذاك الزود لانه خفيف والحين لاصق على جسمها ... توهمت انها تسمع صوت قريب ناظرت حولها بس ماشافت شيء .. الخوف لعب فيها نست المها ووجعها ... وصارت تركض وتركض وتركض ... شوي تبكي وشوي تشهق ..حالتها حالة <<الحمد لله وصلت الفلة وصلت
ابي اتخبى ابي اتخبى .... حاولت تفتح الباب بس كان مقفول ..صرخت فيه مو وقتك الحين مو وقتك افتح افتح ...
........\ نور ..وش فيك
نشف الدم بعروقها ....والتفتت لصاحب الصوت ..ضمته وتعلقت فيه بقووووة ..ارتبك وحاول يهديها ..حاول يبعدها عنه بس هي كانت ميته من الخوف .... ومتعلقة فيه ومستحيل تتركه ....
فارس \ نور وش فيك ؟ وش صار لك
نور تبكي \فارس فارس مات مااات
فارس بخوف يبعدها عنه ويناظرها بقوة \منهو ؟ انتي وش تقولين ؟
نور \ انا اااا انا ما ..وين اروح اب ابى اروح
هادي اللي فتح الباب انفجع بشكل نور \ نور وين كنتي ؟وشفيك ؟
نور تناظره بحزن \ انا ما ما فيني شيء
بعدت عنهم ودخلت الفلة .. كانت راح تطلع الدرج لما سمعت امها تكلمها ...
ام هادي \نور وين كنتي ؟ وليش حالك كذا ؟
نور بقهر وحقد \ انتي انتي مايخصك ..لانك انتي السبب انتي اللي مااهتميتي فيني <<بصراخ << مااايخصك
طلعت تركض ..كانت منى وسمر وسلمى جالسين في الصالة فوق
انفجعوا من شكلها كيف الطين مغطي وجها ملابسها .. دموعها وصراخها ..هم مو عارفين هي وش تقول ..نور لما شافت سلمى راحت لها ووقفت قدامها ... وتناظرها بقهر وحقد
نور بصراخ وهي تبكي \ ابوك حقييييير تافه نذل قاتل قاتل
اكرهه واكرهكم ..كلكم
جاؤ البنات لما سمعوا صراخ نور با الصالة
عبير \نور ...
ماكملت كلامها لان نور قاطعتها
نور بقهر \وش تبين يا بنت الحقير
هند قربت من نور تحاول تهديها ..بس نور بعدت عنها بقوة
نور بقهر \وش تبين انتي بعد وش تبيييين مو ابوك اخو ابوها
ام هادي بصراخ \ نور احترمي نفسك وانطمي ..
نور تقرب من امها وتصرخ فيها \ وش بتسوين اذا ماسكت <<تمسك يد امها وتضرب خدها بقوة << اضربي اضربي ماهو طول عمرك تضربين يا الام الفاضلة .. يا المربية ..اكرهك اكرههههههههههك ..اكرهكم كلكم كلكم ..
كانوا البنات يبكون مو مصدقين هذي من تكون ..من هذي وش صار فيها ليش كذا ليش ...
منى تقرب من نور \نور طالعيني انا منى طالعي حبيبتي اسمعيني
نور تسحب منى وترميها على امها \ هذي حبيبتك مو انا ..مو انااااااا


رجعوا الفلة يبون ياخذون الكشافات ويرجعون يدورون عليها ..
بس شافوا العيال واقفين عند باب الفلة وحالتهم مو طبيعية ..
ناصر وصل عندهم وهو يلهث \ وش فيكم ؟
فارس \عمي نو..................
ماكمل كلامه لانهم سمعوا صراخ من جوات الفلة
ندى بصراخ \ بسم الله عليك اهدي صلي على النبي .. نووووور
نور كانت تكسر كل شيء قدامها
نور \مجرمين كلكم كلكم ..الله ينتقم منكم..<<تشهق من البكي << مااااات مات ماااات قتلتووووه يامجرمين
دخل ناصر يركض وطلع فوق ولحقه فارس وهادي ....
ناصر يناظر نور مو مصدق <<وش هذي <<
ناصر حاول يقرب منها \نور ...نور طالعيني
ناظرته نور وعرفته ..شالت تحفة على شكل بنت حولها وز..ورمته بها بقوة بس هو ابتعد عنها ...
نور بقهر \ انت مثلهم ... انقلع لا تقرب مني انقلع ..اكرهك اكرهك

وصل ابو عادل مع ابو هادي والعم عبدالرحمن على كل هاالصوت
ابوعادل يناظر نور \ وش فيك انتي جنيتي ؟
نور تركض ناحيته تبي تذبحه \ ايه جنيت جنيت ..بااقتلك بااقتلك ..
بس ناصر مسكها من خصرها وسحبها يبي يدخلها لاحدى الغرف
نور \ابعد عني اتركني ... المجرم قتله قتله
ابوهادي \انتي وش تسوين ..وش صابك يا المجنونة
نور بصوت مبحوح من البكي والصراخ \ ليش اللي يعيش معكم مايصيبه شيء ذبحتوني ..ليش قتلتوه ليييييش ؟
ابو ياسر يقرب منها \ صلي على النبي ..وش اللي انتي تسوينه
نور تصرخ فيه \ ماابي ابعد عني ابععععععععععد قتلووووووووووووه قتلوووه يا عمي قتلووه
العم عبدالرحمن عرف من نور تقصد بكلامها ..فاشر لناصر يشيلها ..ناصر شل نور ودخلها الغرفة ودخل معه العم عبدالرحمن ..وقفلوا الباب ....
ابوهادي مفجوع \جنت البنت ..بنتي جنت
هادي يناظر عمه منصور بقوة \ وش سويت لها ؟ قووول وش سويت هي كانت بخير .. مافيها شيء بس انت وش سويت لها
ابوهادي \ انطم لا اصكك كف الحين
منى بقهر \ليش هادي يقول الصدق ... وش سويتلها يا عمي نور كانت بخير قول انت وش سويت ؟
ام هادي سحبت منى وهند وراحت لغرفة مخصصة لها مع زوجها
عبير قربت من ابوها وهي تبكي \ انت مو طبيعي .. انت تبي تذبحها تبي تذبحها ؟؟؟
انسحبوا البنات من الصالة اللي ماظل فيها غير العم منصور وابو هادي ...
ابوهادي \ بنتي استخفت ...
منصور \ لا يااخوي بنتك تذكر كل شيء عن طلال
ابوهادي يناظره مفجوع \ ك كك كيف ..من اللي علمها ..مستحيل تعرف مستحيل ...
ابوعادل \ انا لحقتها وهي رايحة هناك ..ولقت قبره وبعدها استجنت ... وصراحة ماالومها
ابوهادي \ بس هي درت انها ........ <<ماكمل كلامه <<
ابوعادل \لا لا لا ..هي ماتدري ولاراح تدري ..
ابوهادي بحسرة \ تشوف يااخوي هذا وهي بس عرفت انه مات بسببها ..اجل لو تدري با الباقي وش بتسوي بعمرها ؟
ابوعادل \ لا تشل هم ... علاجها عندي

فتح ناصر باب الغرفة وصار يصارخ
ناصر \ فااارس هادي هادي
طلع هادي يركض \ هاه عمي وش وش فيك
ناصر يهمس في اذن هادي ..وهادي نزل يركض ..


بعد ماتطمنوا ان كل شيء بخير ..قرر فهد يسحبهم يروحون الملحق لانه وقفتهم من اساسها غلط ... شافوا هادي خارج يركض وراح لسيارة ناصر وصار يفتش فيها .... اخذ كيس مخفي من السيارة ورجع الفلة ركض ... طلع ودق الباب على ناصر ...
فتح ناصر الباب واخذ الغرض اللي مع هادي وقفل الباب ..بس قبل مايقفل ..اسمعوا اللي في الصالة صوت العم عبدالرحمن وهو يقراء القران بصوت جهوووري يطمن ...
قرب ناصر من اخوه عبدالرحمن وكان يبي يشيل نور من حضنه بس ابو ياسر منعه ..وظل يقراء قران على نور ..اللي انهارت بشكل مو طبيعي .. << كانت تئن بصوت يقطع القلب .. مايفارق خيالها كيف قتلوا طلال قدامها ..<<
كان ناصر يبي يعطيها علاج الاكتئاب اللي وصفته لهم الدكتورة ..بس العم عبدالرحمن اخذ العلاج من ناصر وخرجه معه ..يوم شاف نور نامت .. وهو يتحسر عليها ..
خرج من الغرفة وصار يناظر اخوانه بلؤم ..وكانه يقول حذرتكم من ها اليوم ...
العم عبدالرحمن \ والله يا منصور اذا شكيت انك معلمها بشيء عن اللي صار معها لاذبحك بيدي ..
ابوهادي كان منزل راسه ويحس بخجل مو طبيعي من اخوانه ..
ابوعادل بنفاق \ انا ماقلت لها شيء هي اللي راحت لقبر طلال بحالها .. بس هي ماتدري عن ......... لانه
سكت ماكمل كلامه لان ابوياسر مشى ةاتركه يحكي
ابوياسر \ انت واخوك تتوهمون ..وتعاقبونها على خطاكم وذنبكم
بس الله اكبر منك ومنه ..وحسابكم مع ربي ..
بعد مانزل العم عبدالرحمن نظر العيال بعصبية وهم فهموا عليه وكلن راح لحاله ..ماعدا ماجد اللي قرر وصمم
ماجد بهدؤ \يوبه ابيك بموضوع لاهنت ؟
ابوياسر \ تعال معي المجلس الداخلي ويصير خير
............

ام هادي تبكي \ مو معقووولة ..هذي مو بصاحية فضحتنا قدام هلكم فضحتنا ...بس استاهل انا فعلا ماعرفت اربيها .. تصارخ بعمامها واهلها بها الطريقة ..ماعادت تحشم احد .. فشلتني والله فشلتني .. كيف اقابل عمامك وحريمهم الحين بعد سوات اختك ..
هند\ يومه نور تعبانة ومعذورة ..شفتيها كيف .....
ام هادي بصراخ \هند انطمي ولا تتعذرين لها فاهمة
منى وهي تبكي \هذا اللي همك صح فشلتني وفشلتني ..اما اختي بنتتتتتك ماهمتك ..ماتشوفين حالتها ..ماتشوفينها كيف منهارة ومقهورة ..انتي ماترحمين ماترحمين ..متى بتحسين فيها متىىىىىىىىىىىىىىى؟
ام هادي تحط يدها على فم منى \ انطمي انطمي يا غبية انتي انتي مو فاهمة شيء مو فاهمة << يزيد بكاها << نور نور ذبحتني من سنيييين ذبحتني انا وابوك ..واي شيء يسويه عمك منصور فيها فهو لصالحها .. انا فاهمة عمك وفاهمة قهره ..
هند بقهر \ماله حق لا عمي منصور ولا حتى انتي تعذبونها كذا ..يومه حرام عليك مهما كان اللي بخاطركم .. فهو مايشفع لكم مايشفع لكم عند نور .. ماااالكم حق
ام هادي بنحيب <<وتجلس ع الارض << \ اااااااااااااااه مااحد شايل القهر اللي جواتي غيري وغير ابوكم .. انتوا ماتفهمون ولا راح تفهمون ...بس نور نور اللي بتتحطم من ...لما تعرف راح تفهم وتعذر عمها راح تعذره وتعذرنا ...
منى وهي تبي تطلع من الغرفة \ والله والله لو يكون السبب مايكون يا يومه ..عمرك وحياتك ماعاد تقدرين تزيلين الحواجز اللي بنيتيها مع نور ..ونور مستحيييل تسامحك ..تدرين ليش لانك ماتستاهلين ماااااااااااتستاهلين الغفرااان لا انتي ولا ابوي ولا حتى احنااااا ..

.......خرجت منى واتركت امها تبكي على السر المخفي واللي راح يدمر نور ... هند مع زعلها من امها الا انها ماقدرت تتركها وتروح
قربت منها وضمتها وظلوا يبكون مقهوريين ....


..............
بعد مرووور ثلاث ايام ..وقت العصر
منى وفوز با المطبخ جالسين على الطاولة ..حاولوا طول الايام اللي مضت يلطفون الجو المشحون ..بعد اللي صار مع نور .. بعدوا عن بعض وخف هبالهم ..
فوز \ منى ؟
منى \همممممم
فوز \ اااا وش رايك نسوي شيء يروق الجووووو
منى تناظرها \ وش نسوي ..مافيه غير شيء واحد ممكن يونسني
فوز \ادري تقتلين فهد ..
منى \يووووه اتاريني مكشوووفة الى ها الدرجة
فوز \ منى بجد ليش تكرهين فهد ؟
منى بتعجب \ ومن قال اني اكره فهد ؟
فوز \منى لا تجننيني اجل ليش تسوين فيه كل هذا مو كره ؟
منى ببساطة \لا يا قلبي انا مااكره فهد ..لانه الكره نابع من القلب وانا مستحيل اوهبه كرهي اللي من قلبي ..
فوز فاتحة فمها \لا يا شيخة ..اجل وش مشاعرك اتجاه فهد ؟
منى \ ولا شيء ..الاحتقار الانحطاط الاستخفاف هذا اللي اعطيه فهيدااان ...
فوز حمقت \الله ياخذك ...........
وقبل ماتكمل اسمعوا صوت عيال جايين المطبخ .... قاموا يركضون يبون يطلعون بس ماامداهم فتخبوا تحت الطاولة ..

دخل فهد وخالد المطبخ ومعهم فارس
جلس فهد على نفس الكرسي اللي كانت عليه منى وخالد جنبه ..فارس \ ااااااااااه جوعان <<يفتح الثلاجة ويفتش فيها <<
خالد \بشر وش لقيت ؟
فارس \ امممم طماط ..كتشب 2بيبسي ووو ايه فواكه وحافظات مدري وش فيها ..وووو وش هذا ..ايه اعتقد انه يمكن لا لا والله مدري وشهو ..
فهد \هههههههههههههههه متاكد
فارس \ شووف البيت مليااان بنات ولا منهم فايدة ..يعني ولا وحدة منهم حست على دمها وسوت لنا طبق حلا او معجنات
خالد \ والله صادق وش ها البنات قليلات ادب
فهد \ مااكذبكم دومهم يدلعونا بس ها اليومين طفشوا ماالومهم
بس البلى في وحدة منهم ..لانها سوسة ماتخلي احد بحاله حتى الكهرب مايسلم منها
<<يقصد منى <<وطبعا منى فهمت عليه وطارت شياطينها ..
منى بهمس لفوز \اسمعي اخوك
فوز تحط يدها على فم منى \هششش لا يسمعونك
منى عصبت \انا اوريه <<وصارت تفكر وش تسوي فيه <<
منى \فوز اخوك يمد ارجوله اخاف يحس فينا
بس فوز كانت تدعي ربي ومو فاضية ..
منى تبتسم وهي مبسوطة \ فوز عندي فكرة

مسكت منى رباط نعال فهد ونعال خالد وربطتهم في بعض وهي تتوعد <<كانت فوز تناظرها بصدمة ومو مصدقة ان منى الى ها الدرجة بايعة حياتها <<
فارس بعد ماقفل جواله \ غريبة ماجد صارله ثلاث ايام اتصل عليه ولا يرد علي ..
فهد يصرف \ ايه هو قالي عنده دورة اعتقد في دبي ومقفل جواله مو فاضي لاحد
خالد \ الله يعينه ..ليتني في ارامكوا الحين كان اصرفلي
فهد \يااخي عن حركات البزارين انت تدري انك مقبول فيها
خالد\ كلكم متفائلين بس مابتجي الا علي
فارس \ عن اذنكم بااروح عند عمامي بينهم امر سري ابي اعرفه
فهد \خل عنك اللقافة
فارس يناظره \وانت ماراح تخلي لقافتك
خالد \انتظر بنطلع معك ..قوم فهيدان
فهد وهو قايم \ لا تقول فهيدان ادوسك الحين
ولا امداهم يمشون خطوة الا وهم طراااااااااااااااااااااااااااااااخ
طايحين فوق بعض ولا هم دارين كيف وايش صار كانه حلم
فارس ولا فوت اللقطة \ههههههههههههههههههههههههه ههههههههههههههههههههههااااااي سلامات سلامات
فهد \اااخ ويحاول يقوم من على خالد ..بس يرجع يطيح اول ماسحب خالد رجله وطاح مرة ثانية <<
خالد مفجوع \وش بلاك وش صاااير ؟
فهد\ مدرررري ..ابعد شوي ااه ..لا مو كذا وقف انا اول ..لا ماقدرت قوم انت اول
<<ولا قدروا يوقفون ولا اصلا طراء في بالهم ان جزمهم مربوطة في بعض <<
اما منى وفوز زحفوا على ركبهم وايديهم وخرجوا من المطبخ واول ماخرجوا انفجروا من الضحك بصوووت عالي ..وبعدها قاموا وركضضض على فوق <<وصوتهم وصل للعيال وشافهم فارس بس طبعا ماعلم عليهم ..

خالد \انت الحين ليش رابط جزمتك بجزمتي ؟
فهد \احلف انت ووجهك ..وشلي بجزمتك ؟
حاولوا يفكون جزمهم وماقدروا لان منى عقدتها عدللللللللل ..
فااضطروا يفسخونها ويقطعون حبالها با السكين ...
فهد\ مدري ولا عندي الجراءة اسال من اللي ربطها
خالد\ مننننننننننننننننننننننن ؟ وش ذا المصخرة مافيه غيرنا في المطبخ ؟
فارس \ههههههههههههههههههههههههه حتى انا مدري
فهد\ والله انك تدري
فارس \لا لا تحط في ذمتك
خالد\ احط في ذمتي ..قووول من ؟
فارس خرج من المطبخ ركض وهم وراه ..


خرجت تمشي ولا عاد يهمها احد تدور حول نفسها وتدور ولا تدري عن من هي تبحث ... <<مليت من كثر ماحكيت مع نفسي .. ومليت من ناصر ومراقبته لي ..<< شافت ابوها جالس وعنده عبير وامل بنات عمها منصور وشافت ابوها كيف يضحك ويسولف مع عبير ..ضاقت نفسها وراحت لهم ..
وقفت بدون أي كلمة ..بس تناظرهم ناظرتها عبير بعتب بس نور مااهتمت مع انها قاطعت عبير وطردتها كذا مرة من الغرفة ..
نور بسخرية \ انتي ماعندك اب ؟ لاصقة في ابوي طول وقتك ؟
عبير تتبسم \ هذا ابوي كمان ..
نور بنفس النبرة \ ليش ماتروحين عند ابوك .. ابعدي عن ابوي هذا مكاني انا مو مكانك فاهمة
عبير ارتبكت \ نور انتي تحكين بجد
نور بعصبية غريبة \ اييييه احكي بجد ..مو هذا ابوي ليش مايضحك معي مثلك هاه ..ليش مايضمني مثلك ..انا اقولك ليش لانه يعتقد انك انا من كثر ماانتي لاصقة فيه ..
ابوهادي مو مصدق \نور يوبه وش هاالكلام تعالي هنا <<وياشر على حضنه << كلكم بناتي
نور بقهر \ شكرا خله لبنتك عبير ..واخواتها..انا مو بنتك مو هذا كلامك ...
مشت واتركتهم بحيرتهم .. ضاقت عبير من ها الحال <<انا ماالومك يا نور ..قهرك كبيييير ومستحيل الومك ..معك حق والله ابوك يحبني اكثر منك وحتى امك ..بس وش اسوي اكره معاملتهم لك .. بس مااقدر اصد حبهم الحقيقي لي .. والله لو ابوي يقولي كلمة تزعل لا انهار ..عاد انتي كل هذا يصير واحساسك مات ... وغيرتك طفولية تغارين ليش ان ابوك يحبني اكثر منك ..بس مالي ذنب <<

قامت عبير واخذت امل معها وراحوا يمشون في المزرعة وصلوا لحد مزرعتهم مع مزرعة ثانية ... والمزرعة الثانية كانت <<تابعة للجيش السعودي << وهذا كان يخلي البنات يتخيلون انفسهم مع الجيش ويراقبونهم بعض الاحيان ... كانوا راح يرجعون بس عبير شافت ورد في المزرعة الثانية وتمنت لو تاخذ منه وتراضي نور
واقنعت امل تروح معها وتوعدها ماتعلم احد ....
وفعلا دخلوا من المزرعة الثانية من شق صغير في السور المشترك
بين المزرعتين .. كانت فرحتهم كبيييرة بكل ها الورد
عبير \وش رايك امل مو احلى من مزرعتنا ؟
امل \عبير ليش ماعندنا ورد في المزرعة
عبير تضحك \هههههههههه اسالي عمامي اهم شيء النخل السكري ومدري وش الثاني
امل \ تعالي نلعب ..
عبير \ لا مانقدر نتاخر ..خلينا ناخذ ورد ونروح نلعب بمزرعتنا ..اخاف احد يشوفنا ويقولون جواسيس
امل \ههههههههههههه ويلحقونا با الدبابة الكبيرة
عبير \اعوذ باالله خيالك واسع
صارت امل تلعب وعبير تقطف من الورد وهي تتخيل فرحت نور با الورد


............ دخل بسيارته الهمر الاسود ..ومثل ماتوقع مالقى الكتيبة جاهزة ..وهذا كله بسبب غيابه فهم مايتوقعون حضوره اليوم بس راح يفجعهم بدخوله .. وقف سيارته ونزل وهو لابس اللبس العسكري المخصص للقوات <<.....................<< ونظاراته الشمسية اللي تخفي عيونه القاسية .. كان في استقباله عند الباب مساعده الايمن < حامد <
حامد \ الحمدلله ع السلامة طال عمرك ..<<ويضرب التحية <<
العقيد رائد ويردله التحية\ الله يسلمك <<يشيل النظارات << يعني لساتهم سايبين ..
حامد \ مثل ماامرت سيدي ماعندهم علم انك واصل اليوم
العقيد رائد \ تعال وراي
دخل رائد المعسكر ووراه نائبه حامد .... واول مادخل وقفوا كل الجنود وصاروا يراكضون كلن يوقف بمكانه المخصص له ... وهم مفجوعين بوجوده ..<<جاك الموت يا تارك الصلاة<<
بعد ماشافهم وقفوا باانضباط ..مشى في النص بينهم وعيونه ع الارض ....
العقيد رائد بصوت يخوف \ يا حامد
حامد\ امر طال عمرك
رائد\ من المسؤل عن ها الكتيبة ؟
حامد\ المسؤل عنهم صالح ال........
رائد\ تقدم يا صالح
وتقدم صالح عن الصف اللي هو فيه خطوة
وصل عنده رائد وصار يناظره من فوق لتحت وبااحتقار واستفزاز
رائد\ انا قبل ثمانية ايام امرت انه ها الكتيبة التعبانة تكون جاهزة عشان نروح للربع صح او غلط
صالح يضرب التحية \صحيح طال عمرك
رائد\ وجيت اليوم ومالقيت اللي امرت فيه جاهز
صالح \يا طويل العمر ..............
رائد يقاطعه بصوت عالي \ اطلع برا مفصول مدة شهرين
صالح مفجوع \لا تكفى طال عمرك ..........
رائد بحسم \حامد قلعه برا ويكون بعلمك راح تنزل عن مرتبتك هذي .... <<بصرخة جندي << يا كتيييييييبة استعدااد
...امر حامد يجهزهم با المعدات الازمة للرحلة ..
رائد\ حامد تعال برا

............
<< مهما قست علي ادري انها بترضى لانها نور ..نور الغالية << كانت عبير لابسة بنطلون جنز وقميص احمر كت وحاطة بندانة حمراء على راسها ... وكان شكلها مرررة كيوت ويهبل .... فيما كانت تقطف الورد كانت تراقب امل اللي تلعب بعيد عنها شوي ....
امل \عبير خلصتي
عبير تضحك \ امممم شوية بس
امل \عبير شوفي هناك سيارات كثير
عبير تناظر \ايه المهم لا يدرون عنا ..ياالله وش رايك نروح المزرعة حقتنا
امل \هههههههههه سرقناهم
عبير \هههههههه ايه سرقناهم تدرين ...........
ماكملت كلامها لانها شافت شيء جاي يركض ناحيتهم شيء ضخم كبييييير يخوف ...
عبير تمسك امل وتحطها وراها \ يومه وش هذا <<طاح الورد من يدها << هذا كانه بقرة اعوذ باالله مااكبره
الخوف والرعب اللي تملك عبير ماخلاها تحاول تهرب او تفكر في الهرب ...
امل بخوف وصراااخ \ عبيييير كلب كلب يومممممممممممه
عبير تناظره وتصرخ باامل \امل اهربي اهربييييييييييي
الكلب ماترك فرصة لعبير او امل كان يبي يمسك الثنتين ضرب امل بمخالبه على يدها ..وهنا عبير طمرت فيه وضمته بقوووووة عشان تبعده عن امل وكان كلب من الكلاب البوليسية المدربة على الامساك با المجرمين والدخلاء ..وعبير وامل دخلاء في نظره ... كان حجمه كبييييير ولونه اسود مع بني واللعاب كان يسيل منه بشكل مقزز ومخيف ..
عبير تصرخ باامل \امل اهربيييييييييييييييييييييييييييييييي
ركضت امل هاربة ماتدري وين تروح .... راحت تركض بااتجاه السيارات والبنايات اللي تشوفها ...
اما عبير فكانت طايحة ع الارض تحت الكلب اللي كان يغرز اسنانه ومخالبه فيها على جسمها وعلى وجها وهي ماسكته لاجل انه ما يلحق امل .... صارت تحاول مع صراخها تبعده عن وجها ..بس الكلب كان اقوى منها بكثيييييييييير
وظلت عبير تحت رحمته ...

ركضت امل وركضت وهي تصرخ وتبكي وتنادي امها وابوها بس مااحد كان يسمعها قربت من المركز وهي تصيح مذعووووووووووورة ....

خرج حامد مع العقيد ...
العقيد رائد\ انا راجع اليوم للمدينة العسكرية بتبوك والحقكم بعد يومين للربع ... واذا لقيت تسيب ماراح تذكر بيوم انك كنت با العسكرية فاهم
حامد\ امرك سيدي
كان ماشي يبي يطلع السيارة لما سمع صوت صراخ ..ناظر حوله بطريقة استكشافية ..وشاف شيء صغير يركض ناحيته ..
راح يركض بااتجاه ها الجسم الصغير ووراه حامد

امل تركض وتصيح وتعلقت برجل رائد ..رائد شالها من على الارض
رائد \وش فيك << ويناظر الجهة اللي جات منها البنت بس ماشاف شيء <<
حامد\ انتي من وين جاية ؟ وش الدم هذا ؟
امل تشهق من البكي \ كك كللللب كلب كبير اكل عبييير اكل اختي هناااك << وكملت صراخها وبكاها <<
رائد رمى امل على حامد وركض ركب سيارته وراح با الاتجاه اللي جات منه امل ....


ردودكم وتوقعاتكم ... بلييييييييييز

... اكتشفتوا سر نور ..او جزء منه ...؟
من يكون طلال ؟ وينه ؟ وليش قتلوه وقالوا مظلوم ؟
..شو علاقته بنور ..بمنصور وماجد ؟
ومن اللي حاول يقتل نور ومن اللي حاول ينقذها ؟ منصور ام ماجد؟
انهيار نور وحنينها لطلال ووعدها انها راح تنتقمله منهم ؟
وايش اللي خايف منه ابوهادي وام هادي ..ان نور تعرفه ؟ ومتاكدين انها راح تسامحهم وتعذرهم ؟.
وموقف ابو ياسر من اخوانه وقسوتهم ؟ ويقول انهم متوهمين؟
منى وفهد ...اللي مستحيل يلتقون <<< وش رايكم بربط الجزم ببعض ..؟
غيرت نور الطفولية من عبير لانها بحضن ابوها << وش تقولون فيها ؟

واخيرا دخوووول شخصية جديدة بقووووووة لقصتنا <<رائد<< ..كيف راح يكون لقاه بعبير ..وهل راح يقدر ينقذها ؟
وعبير وش راح يصير فيها بعد ماهاجمها الكلب ؟


لم احرمكم ..فلا تحرموني تعليقاتكم ..

مع حبي صمت الرحيل ..