هذا رد أختي كريستو وكان الكهرب عندنا طافي ودقايق بس
أنزل البارت وكووونوا بالقرب
<


<

<

السلام عليكم ورحمة الله وبركاته ..


للجميييع .. أحبكم .. ومساكم الله بالسرور


للأمانه .. نزلت أختي الفصل وأنا مابعد رجعت أقرا الردود كلها يعني قرأتي

لها ع السريع والوقت كان ينسرق مني قلت أرحب بالجميع في بداية الفصل

وراح عن بالي أني أنوه أنه بيكون لي تواجد ع النقد ^ ^

.. ويوم شفت نفسي جدا فاضيه

رجعت للردود كلها أقراها من جديد ع الجوال .. مع بعض سواء ألي نزل بعد الفصل وألي كان قبله فالمنتدى
المجاور

بما أن الروايه أتقفلت في منتدى واحد بس ..

ما أحب أترك الاسئله والنقد بدون جواب كافي وافي لها .. ألا بحالة وحدة أن السؤال تم أجابته ومناقشته

أكثر من مرة أو أن الوقت ماأسعفني وأعتذاري فيه حق وواجب ..

هبه يابت الفايد .. توي أنتبه وأدقق في ردك للنقد ألي أتوجه لي بخصوص لقب لافي لليليان ..
يخليك ربي لي يالغاليه .. كلامك وحرفك جمال في جمال .. وأزيده عليه وأصحح ..

يسميها ( وجع لافي وليس وجع قلبي .. فيه فرق ) ..!!!

وتغريد كان يلقبها قبل .. ( بفراشة لافي ) .. وراح يكون نصيب لماضيهم لما يسافرون
لفرنسا وأشياء كثيرة راح تتمحور حولها ..

كفة التعويض من قبل وبعد هالحين واضحة لكم ..بالعكس .. التحليل النفسي لشخصية لافي وأختياره لهاللقب واضحة ..
وطلب منها بشكل واضح تكون الوجع لكل شي مر فيه .. لكن ليليان نفس ماعرفتوا أخذت اللقب
لطرف آخر بعيد .. وحطت في بالها أنه يقصد المكانه .. وهو يقصد معاناته ..
لاحظوا بالبر لما دقت عليه تغريد وشافت ليليان اللقب .. ماكان له ردة فعل جادة ..
يعني كان عادي جدا ولا أهتم كونه قايل لها ..أنه تغريد كان يسميها فراشة لافي ..!
جمعهم لقاء .. وقال بوجه ليليان تغريد فراشتي .. ( فراشة لافي ) .. بعدين بنفس الحوار قال لها أبيك
الوجع ..! وسماها وجع لافي .. بنفس لحظة أعترافه بذكرى هاللقب في حياته ربطها هي بلقب
ينتمي له .. يعني وقت ماأظهر الوجع دواه ..
ملاحظين بنات كيف فيه شي ماضي في حبه وأستبدله بالحاضر ..
ماعاش الفراغ .. الشخصيه تركيبتها جدا صعبه ..
ولازال .. متذبذب بشكل غريب مابين الحب الي فات والحب الجديد ..
على فكرة .. هو يتعامل مع ليليان بنفس مستوى ذكائها وفطنتها لكن هي أخذت بعض الأمور
من منطلق قلبها كون أنها خلته في مكانة أبوها .. والجده للمرة الألف طلبت من ليليان تبعد عن
دائرة الحب العنيفه ألي لازالوا مرتبطين فيها أقصد تغريد ولافي ..
تعرف أن ولدها لافي .. من قبل لايعرف ليليان أو حتى تظهر بحياته عشقه لتغريد عشق البدو
ألي يرهن كل مافيه للي يحبها ... أصيل .. وطاهر ,, وحباله قويه
والنسيان فيه شبه مستحيل .. لو تتذكرون وصاياها قبل لليليان وخوفها المتتكرر من أرتباطها بلافي
هذا أنتم تعيشون أحداثه .. وقالت للافي بالحرف أنها ماكانت تبي بنتها من نصيبه ووضعه
مو بين فيه شي .. لكن القدر أقوى من الكل وجمعهم ..
هي عوضت وهو عوض ... فاهمين علي ..!!
فهمتي يالغاليه .. وأهنييك ياهبه على هالكلام ولو لاحظتي اللقبين بتعرفين نقطة
هبه وروعة تحليلها .. ترا بالعادة أحنا يالكتاب نقدر نفسر مضمون الأفكار بشكل أكثر وضوح
كونا ننتمي لنفس الخط ^ ^ ..

السلام عليكم ورحمة الله وبركاته ..

الحمدالله انا بخير يالغاليات وربي يسلمكم من الشر
لكل من سأل عني .. عسى أموركم تمام ..؟!!
نجماتي الكريستاليه من نصيب
( هبه الفايد .. لتعليق لها كان خورافي .. للبحر حكايات .. ليالي الود ..
جود السبيعي ^ ^ ,,)


الفصل ( 67 )

الخطوة 62 .. خطوة الطيران في سماء حلم أريد منك أكثر مما أريد


وقف حتى بخطوة يقرب من حافة الطاولة .. يريح يده عليها وهو ضايع ..


عمر بأندفاع : أنا مش عارف واللهي أخرتها مع جنونه .. أكيد الصحف حتتكلم ويكتر بأه الكلام عنه وعن حياته .. وينكشف جوازه ده ومش غريبه يسجنوه
ساره بهدوء والصدمة مخليه حواجبها تنعقد ببطء : ليليان .. ماغيرها ماخذه لافي ..لا أكيد أنت تمزح .. مستحيل..!
عمر طالعها وبأمر : حنمشي ياساره دلوقت .. يلا بينا

أبتعد بخطواته الواسعه متحرك صوب باب المكتب حتى يطلع ويتركها هي واقفه
بصدمتها ..
لافي الفرنسي ألي كانوا يضحكون عليه وهي ماتدانيه متزوجها ..!
ألي ورطتها يوم مصدقه حالها أن أم سعود ماخذه لها فرنسي وجايبه منه ولد ومطرود ..
مستحيل ..


( ياساره ..! )

صوته يرتفع يناديها وهي على طول تحركت والضياع يحتويها .. جى على بالها
يوم أنها دقت عليها وهي بالكويت الدموع خاينتها تقول لها ان هالافي بيسكن
معهم .. ياالله .. كيف ياليليان وافقتي على هاللي تكرهينه ..
وش ألي خلاك توافقين .. لايكون أحد غاصبها ..
وبملامح بارده طلعت من المكتبه حتى تتحرك ماشيه فالصاله وقفت عند
باب غرفة النوم وهي تشوفه ينحني ساحب شنطة السفر من تحت السرير
ويوقف حاطها فوق اللحاف


ساره : بتعمل أيه ..!
عمر ينحني بظهره ويفتح الشنطه وعيونه مركزة عليها : مش أنتي عاوزه
تسافري مع مامتك للكويت ..
ساره بضيق وعبره : يعني أنت بتسافر ..؟
عمر رفع عيونه لها وشعره الأشقر كله راجع لورى بشكل مرتب : آآه
ساره تحركت بخطواتها حتى بسرعه تبعد أيديه الطويله عن الشنطة : والله
ماتمشي هالحين ..


وقف بأستقامة وهو يشوفها ترجع تسكر الشنطة وتنزلها على الأرض

عمر : مالك ياساره .. الأمور محتاجة سفرتي
ساره طالعته بنظرة رجا : مابي بهالسرعه .. بس هالليله خلنا ويا بعض ..
ولا صحينا تسافر .. ( حركت كتوفها ) حتى انا لازم أرجع للكويت حاسه أن ليليان
محتاجتني .. مستحيل وافقت على لافي بختيارها
عمر ظلت عيونه تتأمل عيونها : بس
ساره بسرعه قربت منه .. لصقت بصدره حتى ترفع أيديها وتتمسك بجكيته :
الله يخليك عمر .. بس هالليله .. عاوزنها تبقى لينا لوحدنا ..!
عمر أرتخت عظامه حتى يحرك عيونه صوبها : مصره
ساره هزت راسها : أييه
عمر أبتسم بدفا حتى يرفع أيديه .. يريحها على كتوفه : عندي شرط
ساره رفعت حواجبها ومسرع ماأبعدت عنه : لاتنسى وعدك لي ألي أخلفته .. مانسيته والله
عمر طالعها متنح : وأيه الي جاب سيرته ياشاطره
ساره رفعت كتوفها : أقولك عشان ماتتشرط .. هههههه


أرتفع صوت جرس الشقه حتى يطالعها عمر باستغراب


عمر : أنتي ناطره حد
ساره رفعت يدها بحماس : دي أكيد ماما ..


تحركت تركض متحمسه طالعه من غرفة النوم ومسرع ماكملت بخطواتها
صوب باب الشقه .. قربت من الباب ورفعت جسدها تطالع من العين السحريه
وعلى طول فتحت الباب ..

أم ساره تدخل بعبايتها الكتف والشيله لافتها بأهتمام وبدون مايبان منها
شي من شعرها : السلام عليكم ..
ساره على طول أتركت الباب وحضنت امها : قسم بالله مشتاقه لك ..


أبعدت عنها ووقفت تطالع الباب ألي رجع حتى يتسكر


ساره : وين خوات عمر .. ورا ماحد جى يمه
أم ساره بأبتسامة بارده : هوا فينه عمر ..؟
ساره بشك طالعت أمها : يمه فيه شي .. ملامحك ماطمن بخير ..

أرتفع صوته وهو يطلع بخطواته المتوازنه من غرفة النوم

عمر : مين ياساره ..؟!


تحركت بسرعه أم ساره حتى تطلع لصاله ووراها ساره تحركت تمشي

عمر أبتسم بفرح من شاف عمته : يامرحب بيكي عمتي
أم ساره وقفت وبأرتباك : عمر أنا جيت .. عايزة أقولك عن كل عمايل
مامتك .. مش حقدر أسكت أكتر من كده
عمر وقف مايدري شسالفه .. أو شاللي صاير : فيه حاجه أنا ماعرفهاش ..؟!
أم ساره أخذت نفس بقوة حتى تنطق : مامتك هيا من بعتت أبو ساره
حتى يسجنك ..
عمر أتسعت عيونه : أيه ..!!
أم ساره : أستغلته بكم قرش .. باباك عارف بكل حاجه عملتها ورفض يواجهك
بالحقيقه حتى إخواتك ياعمر حالف محدش ينطق بحاقه ليك


كان شكله يوحي بحزن متواصل من تصرف صديقه
وأذا بداخله يعيش حكايه للحزن من نوع ثاني ..
وش غرضها أمها تحاول سجنه .. ألا بحاله وحدة أذا عرفت انها أسلم
وأنه ماغير أسمه حنين للوطن ..
لكن أتباع لهدي هالأسلام ..
مافيه أكثر ألم من أنه ماينفجر فيك ألا أذا ألتفت له بنفسك .. وظليت تسترجع
الذكريات فيه ..
مايكون أكثر من سهم .. وأنت بحجم أهتمامك فيه ..
تتأملك عيونهم بصمت ..
بلع ريقه بهدوء حتى يتحرك منحني جالس على أقرب كنبه .. شبك أصابعه
بتوتر ..


عمر بضياع وهو يرفع عيونه لعمته : دي أكيد عرفت بحكاية أسلامي
ساره وهي بألم تطالع ملامحه ألي زادت ضياع وضيق : ...............
أم ساره بأندفاع تحركت حتى تجلس جنبه : وأنتا مالك .. مصيرها تعرف
يابني .. مش كفايه أنها حرمتك من باباك ..
عمر صد بعيونه عنها .. ماراح أحد يفهم ليش هو خايف : ....................
أم ساره ترفع يدها .. تريحها على كتفه: يابني أرمي حمولك على ربنا ..
هوا حيتكفل يبعدها بشرها عنك
ساره وهي تطالع عمر : أنت ليش ماحاولت تخليها تسلم ..؟!


رفع عيونه بحده يطالعها ومسرع مارجع صاد

أم ساره تطالع بنتها : هوا وقت السؤال دا .. يابنتي دي حاولت تنشر دينها
وهيا كانت زمان على زمة أبو عمر ... عمال توزع على الحته كلها كتب وحاجات كتيره مش عارفين هيا أيه ... دي غير أنها تقول كلام عن القرآن
أستغفر الله .. والله مش قادرة حتى أنطقه ..!


طارت عيون ساره عند هالكلام وعلى طول طالعت عمر ..
بلاها سوابق بهالسوالف .. نزل عمر عيونه بالأرض حتى يعدل راسه
بأستقامة ويريح كوع أيديه على ركبه ..
حست بقلبها ينكسر من شافته مو قادر يرفع عيونه ..
على شفاتها تقول لأمها أنها هي حاولت معها تدخلها في ديانتها
بس الجهل كان أكبر نعمه بحالتها ..
ضمت شفاتها ساكته من نطق عمر

عمر بصوت أمتلى بحة أنكسار ووجع وعيونه تطالع خيوط سجاد صغير قباله :
حاولت أكتر من مرة أفاتحها .. لكن حاسس أنه مش حينفع معها خالص حكايه
أني اعرفها عالأسلام أكتر .. أحساس غريب بحس بيه ناحيتها وأنه مهما
أتكلمت مش حينفع أبدا
أم ساره حاولت تغير السالفه من حست بصوته يتغير : ساره عايزة كوباية ميه ياحبيبتي
ساره على طول تحركت : أن شاءالله يمه ..


رفع راسه بعبث وعيونه تصغر بضيق .. الأخبار ماتبشر بخير
وهي ما تكتشف أسلامه ألا فالوقت ألي فيه ميشيل يتصرف
تصرفات غريبه ..
غمض عيونه ببطء حتى يفتحها ومسرع مارفع يده ومسح على شعره
بقهر ..
من ألي يراقب الفلة أجل وأرسل له صور الكنيسه ..
معقوله ميشيل يحاول يحطه تحت ضغط نفسي وخوف أو أمه بدت نيران
الحقد في أسلامه تشتعل فيها ..
هز راسه ببطء ينفي هالشي .. لا مستحيل بتقوم تصور حالها وترسله له
مع صوره ويا ساره بحديقة الفله ..!!
ثبت راسه وهو بدى يرفض حتى هالمنطق .. وليش ماتكون هي تحاول تثبت
له أنها قادره عليه ..
ياخوفه من غضبها توقف هي وميشيل في صف واحد ..
الله يستر على لافي ..لازم يسافر لفرنسا ويستدعيه ..
لازم ..



× × × × × × × × × × ×

فالكويت ..

وقف بسيارته تحت المظلات وسط هالليل ألي عبى تفاصيل الأشياء بسواده ..
ينعكس ضوء السياره قباله على الجدار ومسرع ماطفى السياره حتى يختفي
الضوء من قباله ويعود الظلام من جديد يحتويهم ..
سحب مفتاح السياره حتى يريح أيديه في حضنه وهي بجنبه ساكته .. مايسمع منها غير صوت
انفاس قوي تسحبه لصدرها ومسرع ماتزفره بقوة .. وتبقى بجنبه جسد صامت ..
بلل شفاته حتى يحرك راسه صوبها يطالع الشيله السودا ألي مغطيه فيها كامل تفاصيل
وجها ..

سالم : أسمعي .. بتقابلين أمي العودة .. الشيخه حمده وحجي ناقص مابي أسمعه عندها ..


أبتسمت بهدوء .. رغم أنها مرتبكه .. خايفه .. رفضت ألف مرة شور ضاري أنه ياخذها لها
بس ماتدري ليش بالراحة تسكن فيها .. يمكن لأنها ملاذها الوحيد وبتفتك من هالسالم ..
كل شي صار بتقوله لحمده ..
ياما تكلم لها سعود هن حنان هالشيخة حمده وقساوتها فالأمور أحيان ..
ماتعرف غير أنصاف الأمور .. هذا رايي سعود فيها ..
دق قلبها بقوة وأسم سعود وهي تنطقه في أعماق قلبها يحسسها بالسعادة والفرح ..
أنت الفؤاد ياسعود ..
الأماني العظيمة فيها
وانكسار الحلم ..
أبتسمت أكثر وهي تخاطب ذاتها أن نوافذ الحب فيها مقفله .. ومهما علا الصوت لواحد غيره
وأنجبرت عليه .. سعود مستوطن العروق ..

سالم : تسمعين ..!
عذوب بصوت واطي : الله يشغلك بنفسك ..
سالم ماسمعها زين : شنو
عذوب وهي تحرك أيديها تدور يد الباب ومسرع مافتحته : بنزل ..


فتح عيونه على الأخر ... ماخلص كلامه ولا حتى علقت بشي .. بس بدون نفس رفع يده
خلها تولي وش يبي فيها عمرها ماسمعت ..
فتح بابه حتى بحركه سريعه ينزل رجله ويسحب جسمه
طالع برا السياره .. سكر الباب وتحرك بخطواته الواسعه صوب باب الشارع تاركها
محشورة بمكان ضيق مابين الجدار وباب السياره قبال الشارع ..!
حط المفاتيح بجيبه حتى يرفع رجوله ويصعد لديوانيه .. نزل نعاله بثقه حتى يبتسم من شاف الجده
حمده جالسه بصمت غريب وفي حضنها الساعه ألي رمتها ليليان للافي ولا أهتم ياخذها
أو حتى نطق حرف واحد عنها ..!


سالم وهو يتوجه للجده بضخامة جسمه ينحني لها .. يبوس راسها : مساج الله بالخير
الجده حمده ولا نطقت بحرف : ......................


تعدل بوقفته وهو لابس ثوب رصاصي وشعره الأسود مبعثر في كل جهه .. ظلت عيونه
متعلقه بملامح أمه العوده ألي ولا كأنه واقف عندها ..

سالم رفع يده .. قام يلمس رقبته ويميل براسه بربكه : أخبارج يمه ..!
الجده بصوت أرتفع ... صار حاد بقوة تتملكه لهجه آمره : طس جهز مهر البنيه وبيتها وأحجز لزواجك
ياولد ناصر قصر يحضرونه الكل ثم تعال أسأل عن أخباري .. يلا


وقفت يده على رقبته وعيونه صغرت وهو يطالع جدته ألي
كانت لهجتها أقرب لطرد .. ورفضها الرد على سؤاله بأخباره كفيل يهز قلبه ..
يعرف جدته أذا ماردت على أحد شايله بقلبها بشي كبير ..!
بس وين يطس يجهز بيت لها ويحجز قصر .. هو فاضي لهالأمور وزوجته متوفيه ..
بالعافيه متقبل أمر الزواج ووجود هالأدميه معه بنفس السياره .. بأمور قامت تتحاذف عليه
من عرفها ..
شلون تبيه يعزم الخلق ويسوي زواج ..


سالم وهو مصدوم من ألي قالته : أحجز قصر .. لا والله مانيب أهبل أنا .. أسوي زواج
وزوجتي توها متوفيه ..!
الجده ترفع عيونها بنظرات الغضب : لا أفضحنا عند العرب .. خلهم يزيدون فالهرج علينا
سالم نزل يده حتى يحركها وهو يفرد كفه مأشر للجده : يمه ...
الجده ترفع صوتها : علمن يوصلك ويتعداك أن ماتم هالزواج بين عيون العرب لاتحسبني بسكت
لك .. وفاة زوجتك أمر الله .. أخذ الله قبلها من الالاف السنين ألي ولت روح النبي الطاهره .. لاتقولي
زوجتي ميته ..!
سالم ينحني على ركبه برجا .. يجلس مقابل لجدته : رجيتك يمه ألا هالأمر .. أنا يمناك ألي ماتعصاك
ولا واحدن فينا يقدر يجنب عن شورن تقولينه .. بس ألا هالأمر
الجده تطالعه : أنت ماراح تكون لحالك .. ولد عمك طلال بيتزوج بنفس اليوم على أختك
سالم على طول تغير وجهه وصد وهو ينفخ صدره من قالت أختك : ......................
الجده حست أن فيه شي : وش بلاك أنت ..!
سالم بعصبيه : وراكم أنتم علي .. خلوني بروحي .. تبينه أنتي يمه خليه عائلي وأنتهينا
الجده بعصبيه أكثر : أنت توحي العلم الوكاد ألي أقوله لك .. وبيت أبوك صكيناه وشمر عن يدك قط
مع الكل خلهم يشرون بيت يضفون فيه العايله كلها
سالم لف للجده حتى تطير عيونه : شنو .. أقط وأنا شكو
الجده شهقت : مانتب رجالن عرضك من عرض أبوك وعلي حتى طلال بخليه يقط


تحرك سالم حتى يوقف ويدخل أيديه في جيوب ثوبه حتى يطلعهم بقهر

سالم : مقطر .. صاكتن الديون ظهري .. أقساط سياره وديون وزودن على هذا مبلي بزواج ومهر
وبحجز قصر وتبوني أقط والله ماولدت وبفمي قطعة ذهب
الجده تمايل بجسمها حتى تطير عيونها : ماتقعد قدامي وتقول لي هاللي يسمونها محاضره ..!
سالم بتبرير : وأنا أدري عنج يمه .. مرة وحدة سوا وأفعل
الجده ترفع يده : خل البربرة الزايده ألي بليا نفع وأطلع ولا ترجع لي ألا وأنت حاجز القصر وموزع
الكروت بعد ..
سالم زفر هوا بقهر : أستغفر الله العظيم .. حسبي الله ونعم الوكيل عليك ياضاري ..
أن كان بليتني
الجده سحبت عصاها بسرعه : تدعي على الولد عندي أيا هاللي ماتستحي

حركت العصا بقوة وعلى طول تحرك بخرعه صوب الباب ..

سالم : بلاك ماتدرين ..
الجده بأنفعال : أنقلع قلع الله أبليسك بعيد .. يلا فارق مابي أسمع منك كلمة وحدة .. فارق ..!
سالم من شاف ملامحها زادت حده وخلاص وصلت حدها من العصبيه : يمه أسمعيني
الجده ترفع عصاها : والله ياسالم أن ماذلفت وسويت ألي قلته لك ماكون بنت لافي أن ماخليت
علومك تطلع بين العرب


تحرك بسرعه وبخطوات مقهورة حتى يطلع من الديوانيه نازل خاف لايغلط بكلمه ... ضرب كتف
عذوب بقساوة وهي واقفه عند الباب خايفه ..
كل شي أختلف داخلها من سمعت صوت الجده الحاد وقوتها .. تمايلت وسط هالظلام حتى تتمسك
بأطار الباب بقوة لا تلمس رجلها الملتفه بشاش الأرض وتتوجع ..


سالم : فارقي عني .. أففف ..!


طاحت عبايتها على كتوفها بخوف وسط هالظلام ألي تسمع فيه أصوات السيارات ولا تشوف


الجده بصوت أرتفع من تذكرت أنها ماسألته عن العذوب : زوجتك وين هي ياسالم .. سالم ..
لا بالله هالولد ماعاد فيه فايدة ..


حست بكل كيانها يتلخبط من سمعت أن الجده طالبتها ..
خلاص موافقه على هالزواج وبأرادتها بعد .. أذا سالم معصبه عليه وهاوشته كيف
فيها هي الغريبه وزوجة سعود بالسر ..
أبعدت عن الأطار وهي تنط بخرعه من سمعت صوت السياره وكأنها أشتغل ..
يبي يمشي ويتركها هينا .. ماعاد تبي زواج بتقولهم بس يوقف معها ..
لايخليها واقفه عند الباب ماتدري وين تروح ..!


عذوب تتلمس الجدار وبصوت بالعافيه يطلع : سالم .. سالم


ولا درى عنها تحرك بسرعه حتى يزيد من سرعة السياره طالع من تحت الظلة تاركها ..
رمشت برعشه غريبه هزت كل أطرافها وصوت سيارته خلاص أبتعد عنه ..!
( أستغفر الله بسسسس )
أنقالت بصوت بنت وراها ناعم حيل وعبير وقفت عند الباب ماتدري من ألي واقفه بعبايتها المرميه
على كتوفها وشيلتها مغطيه وجها ومربوطة من ورا ..
لوت فمها بطفش ومن طلعت ليليان و أخذها خالها وهي تحس العبره واقفه بحنجرتها
ودها تبكي بس ماهي بقادرة ..
ضايعه مع هاللافي ألي ماعادت تدري ليش يعلق البنيه فيه وهو يبي يتغريد ..
وأذا يبي يتغريد من الأساس ليش عذبها وماتدري أذا هالكلام ألي قالته تغريد لليليان
صحيح أو لأ .. ماتشوف خالتها سوت شي لو أنه صحيح ..!
ماتظن فيه أم بترضى أن بنتها يصير فيها شي وهي ساكته .. على أيام يوم تغريد طلبت الطلاق
كل شوي طالعه بسالفه ببيتهم وبس جايتهم تتخانق .. سبحاااان الله ..
طيب .. ليش حاسه هي أن لافي يحب ليليان وعمره ماراح ينسى ألي صار من سنتين ...
رفعت يدها وضربت راسها


عبير بقهر : تقولج تمم الزواج .. يعني أفهمي

أخذت نفس وزفرته بقوة .. وش مقصد تغريد أنها تقول لليليان أنها تممت هالزواج ..
وش تبي فيها ..
معقوله حاسه أن بين ليليان وأخوها شي .. الفله وألي طلعت باسم ليليان فتحت العيون عليهم
والله .. بس تغريد متأكده مليووون بالميه أن وراها مقصد وأكيد تبي تقول لليليان أن
لافي وتغريد خلاص .. حياتهم بتستمر ..
رفعت أيديها ومسك راسها .. خلاص ماهي فاهمه شي .. تحس راسها بينفجر من هالافي
وسواياه .. تحركت بخطوات واسعه بالحوش حتى تجر الباب وعذوب واقفه قبالها ,,
يد مريحته على جدار الحوش ويد برا بالجهه الثانيه وهي واقفه قبال الجدار
ومن نزلت عيونها ألا تشوفها رافعه وحده من رجولها ..
طارت عيونها وقلبها تحسه وقف .. لايكون مبتورة رجلها ذي

عبير بحزن وبصوتها الهادي : خاله يعطينا ويعطيج الله ..
عذوب رفعت حواجبها من ألي قالته .. تحسب أنها شحاذه : ..............!
عبير تسحب الباب وهي توقف وراه ماتبي يبان شي منها : وراج واقفه ياخاله ... شلون وصلتي لحد هنيه
وأنتي بهالشكل
عذوب تلعثمت .. ضيعت وش بتقول .. : ......................
عبير بأسف : دقايق يمكن القى عند أمي فلوس ..
الجده من سمعت صوت عبير : أنتي من تكلمين ..؟!
عبير تحط يدها على خصرها وهي تحرك عيونها بالحوش ألي ماأشتغلت لمباته يملاه الظلام : شحاااذه يمه
عند الباب ..
الجده بأنارة الديوانيه ألي تنير بسيط من الحوش كأنها قامت : بسم الله ..
عبير تحرك عيونها صوب العذوب ترفعها لفوق لها : أدخلي حياج
عذوب جامدة ولاهي قادرة تنطق بشي : .....................


كان صوت الجده وحدتها فالكلام كسر شي من الجراءة والفرحة فيها ..
حكمت على كل كلام سعود بالخطا من وقفت وسمعتها وهي تكلم سالم ..
طلعت عصا الجده حتى تتساند فيها ولحظات تطالع جسمها الضخم والنقاب مظهر عيونها
بحواجب تقترب من بعض بضيقه الي تحس فيها


الجده تطالع الحرمة : هو انتي مين .. ( طارت عيونها ) أنتي العذوب زوجة سالم ..


فتحت عبير عيونها على الأخر حتى تتعدل بوقفها لاشعوريا وتحرك عيونها صوب
عذوب الي قامت تهز راسها .. نطقت بصوت بالعافيه طلع ( أيه . )


الجده بضيق وهي ترفع العصا بوجه عبير : هو أنتي ماتشوفين زين ..!
عبير من الأحراج وجها قلب أحمر : هبلوا فيني عيالج ..
الجده تأمرها : أقربي جاي يالعذوب .. حياك الله في بيتج يمه .. ( طالعت عبير ) عاونيها أنتي ..
مانتي مباعده الربع
عبير تجر الباب وهي توقف وراه ..ومسرع مامدت يدها ماسك ذراع العذوب
بدون ماتطلع جسمها : حياج ..


أبعد العذوب عن الباب بهدوء يمتلكه ربكه وهي تحاول تمشي عدل .. توطى على رجلها
الملفوفه بالشاش بخفه بدون ماتضغط عليها .. ومن دخلت سكرت عبير الباب بسرعه
وساندتها .. الجده ببطء تنزل رجلها بتدخل داخل وهي بين قبضة يدها الساعه

الجده : داخل يمي .. ( أول مانزلت قربت من عذوب ) ورا مارديتي وأنا أسأل عنج
عذوب ماتدري وش تقول :
عبير تطالع جدتها تبي تفسر لها الحرمة وش فيها تحس أنها ماتدري وين تمشي : ......
الجده بهدوء رفعت عيونها لعذوب : يمي وين عصاج
عذوب بربكه وهي توقف : مدري ياخاله .. ضاعت
الجده بأهتمام : وش فيها رجلك
العذوب بخوف شوي من الأستجواب ألي تحس الجده أستملتها فيه : طحت
الجده بأندفاع : من سالم ..؟!
عذوب بسرعه تكلمت وهي تهز راسها : لالا
الجده : وأخوج ضاري وين غادي
عذوب هزت كتوفها : مدري
الجده أبعدت عيونها عنها : أذا ماتدرين من ألي يدري .. مايصير يمي هالرد


أبتسمت عبير بدون ماتبان أسنانها ولاتدري وش فيها الجده أستملت البنت أسئله و
تحقيق .. على أطراف شفاتها تقول لأمها خلينا ندخل .. تتحس البنت أنحرجت وحدها مرتبكه ..
تحس برعشه غريبه تتملكها .. كسرت خاطرها بقوة .. ومن تحركت الجده تحركت عذوب وهي
أطول منها زوجة سالم .. رفعت عيونها لفوق .. نفس طول مناير بس كيف قدر
ياخذها .. وليش أخذها وش معنى هي ..؟
كيف نسى مناير .. معقوله تكون بجمالها .. وبدلعها .. وبطيبة قلبها ..
ممكن تاخذ مكان مناير وممكن لأ ..
أبعدت عيونها من وصلت لباب المدخل .. أجل هذي أخت ضاري ..!

عبير تبعد يدها عنها وتقول بصوت أمتلى خجل : والله مو مقصدي قبل شوي
عذوب : لا عادي
عبير :تفضلي باب الصالة قدامج ..


مدت عذوب يدها وصارت تتلمس الجدار ومسرع مارفعت رجلها ونطت داخلها وهي تسحب
يدها على الجدار مع كل خطوة ولحظات حتى تتحرك الجده داخله
وهي بقت واقفه ..
تكتفت بصمت غريب وشي غريب كتم أنفاسها .. هذي أرملة أخوها سعود ..وأخت ضاري
بلعت ريقها من حست بدمع يندفع لعيونها من رسمت ذاكرتها صورة أمها وهي تبكي
قبالها من خانها الدمع على ذكرى سعود وسواته ..!
ليش ياسعود .. وش ألي حدك تتزوج بالسر وتحرم أهلك من فرحة زواجك ..
عشان تبطل يمين الجد لافي تقوم تذبح الفرحة بصدر أمك ..!
قالت لها أنها تبي تعوض هالفرحة بزواج لافي .. وماتدري أن لافي متزوج غير تغريد بالسر ..
ياااالله .. وش ببتسوي أمها لاعرفت بهالشي ..
بتروح فيها وهي كل فرحتها رمتها بهالزواج رغم أن لافي رافضه ..
حتى لافي ماتدري وش يبي ..؟!


الجده : القهوة ياعبير ..!

عبير بضيق تحركت داخله الصاله وهي لابسه قميص سماوي طويل : تامريني يمه ...


× × × × × × × × × × ×

واقف وراها وهو ماسك الجوال بأيديه الثنتين ومقربه من بطنه ..
عيونه مافارقت ظهرها وشعرها الي يتحرك يمين ويسار من الهوا بخفه ..
الليل بسواد يغطي تفاصيل الأشياء حولهم ماغير عمود أناره خفيفه كان واقف
يراقبهم بمسافه بعيده عنهم .. يرسل لهم تبعات نوره لعله يبدد
هالصمت ألي يغلف شفاهم ..!!
حرك يده دافن الجوال بكفه ومسرع ماحطه بمخباته ولحظات رفع أيديه
وصار يجر أطراف غترته .. ريح طرف على صدر الواسع حتى يرمي طرف
غترته اليسار على كتف اليمين

لافي بصوته الهادي : مطوله وأنتي ساكته ..!
تغريد تنحني ساحبه عود طايح حتى تغرسه فالتراب ألي
جنب رجولها : مدري عنك
لافي طارت عيونه : تغريد ماظنتي قلت شي .. قلت لج يلا خلينا نمشي
طق براسي السفر هالحين
تغريد حركت راسها صوبه وعيونها بأندهاش تطالعه : من صج تتكلم أنت .. أي سفر .. أهلك أحد يدري أنك بتمشي
لافي هز راسه بالنفي : لاوالله
تغريد بهدوء : وتبيني أن شاءالله أروح ماودعت أحد
لافي يرفع عيونه لسما والقمر متوسط هالنجوم : اليوم الجو حلو
تغريد تطالع القمر تلقائيا وماسرع ماطالعته : لافي ماراح أمشي
لافي يطالعها ومسرع ماتحرك صوها .. أنحني بركبه بدون مايجلس : ولا انا
كنت ناوي السفر وفي بالي أنتظر موافقه أختي على ضاري وملكتها بس مالله أراد
لازم أسافر
تغريد عقدت حواجبها وهي تطالع بملامحه القريبه منه .. ركبته
تحس أنها على كتفها : عبير بتملج ..!
لافي زفر هوا حتى تندفع ريحة السيجاير صوبها : أيه .. يلا جهزي أغراضج
تغريد رفعت يدها حتى تضرب كتفه بقهر : مدخن أنت ...؟!
لافي تمايل ظهره لورا ومسرع مامد يده ساحب بلوزتها لايطيح
على العشب المتبلل بالماي : أييه .. وراج أنتي
تغريد تصد عنه : تعرف أني ماتحمل ريحة السيجاير ..
لافي بدون أهتمام لها وهو يفز واقف : بنطرج برا
تغريد بسرعه لفت ومسكت ثوبه من تحت : أبوي يالافي ماراح يوافق
لافي أبتسم : من اولى أنطرج تقولينها .. ماعليه بروح أقرص أذانيه شوي


تحركت بسرعه واقفه وبخوف

تغريد بأندفاع :بعد عنه .. خلاص بروح
لافي طالعها بحده وهو يقرب منها : شنو فيج أنتي
تغريد تنزل عيونها بالأرض وبنرفزة : ولاشي .. بمشي معك بس أبعد عن أبوي
لافي طارت عيونه : على أساس أني مناشبه مو العكس ..!
تغريد ترفع ملامحها ألي فجأة ذبلت : بس ماسك عليه فلوس
لافي ببرود وهو يحرك أيديه : هو الي استلف مني
تغريد بأندفاع : أستلف منك عشاني
لافي أخذ نفس وبهدوء نطق : أنتي شنو تبين بالضبط
تغريد بصوت أمتتلى ضياع وبحة حزينه : مدري ..
لافي طالعها بصمت : .....
تغريد وهي تبعد عيونها عنه بضياع : والله مدري شنو ابي منك بالضبط .. أحبك وأكرهك .. أبيك وماأبيك ..
لافي صد عنها حتى يتحرك طرف غترته المرمي على كتفه من الهوا
الباردة والليل الكئيب على غير العاده : .........................


ظلت تطالع ملامحه المتشبعه رجوله وهو كل ماكبر
كل ماشافت هالرجوله فيه تزداد وسامه ..
تحس أنها بهاللحظة تبلع شي مذاقه مر في فم ذاكرتها وصوت ليليان
لازال يعيش فالموت فيها ..!!
تبي تقوله ( أحتاجك ) ولاتتقدر ..
تبي تقوله ( أشتاق لك ) والصوت أصم فيها
هي مشكلتها أن قوتها فيه .. كبرت بين أيامه .. ألتصقت فيه
تعبانه هي..
وماتدري الليل دون حلمه وش بيكون ...
تشوف كل حرف فيها ينزل .. يتحول لرماد
دونك يالافي كل أمانيها سراب

تغريد : لافي
لافي ظل صاد يطالع بعبث كل تفاصيل الحديقه قباله : ....................
تغريد تتحرك توقف قبال نظره : أنت ليش تغيرت فجأة وصرت لين معي
لافي تحركت شفاهه : ذي السالفه ألي تبين تقولينها لي
تغريد تندفع بضياع لسؤال ثاني زاد الضياع فيها أضعاف: حنا بننفصل ..؟!
لافي تكتف يطالع فيها : ......................
تغريد ولا أهتمت بنظراته : شنو بينك وبين بنت عمتك ليليان ..


فك أيديه حتى يتحرك بسرعه صوب باب مدخل بيتهم

تغريد تناديه : ماراح أروح معك وأنت ماجاوبتني
لافي رفع يده وبضيق : روحي زين


وقف بسرعه من شاف خالته لاصقه في واجهه زجاج تطالع فيهم
تقول خايفه من شي ..!
لوى فمه حتى يحرك راسه وعلى طول جرت أم تغريد الستاره مبتعده


لافي يأشر بيده صوب الزجاج : بالله من متى وهي واقفه ..؟!
تغريد تتحرك بخطوات واسعه سحبت يده مثبتتها وهو فتح عيونه
على الأخر : أنا أسألك
لافي بحده : نزلي يدج
تغريد بقهر : لا تحسسني أن ألي صار بالغرفه كان مجرد شهوه منك ..!
لافي ينزل يده بقوة : بالله شنو دخل .. قلتي لي كم سالفه وأنا قلت لج
لاسافرنا هناك نحل أمرنا
تغريد : حتى أبوي تسلمني الأوراق ألي موقع عليها
لافي أبتسم : حلو حلوو
تغريد بصرامة : ها
لافي أبتعد عنها : بروح أقابله أحسن وأنتي روحي جهزي أغراضج


وبالمجلس .. نزل كاسة الشاي ومسرع مارفع راسه وهو يطالع الباب ..
وراهم طولوا لايكون فيه أحد ولاقالوا له ..
رفع حواجبه بسرعه من دخل لافي عليه بطوله .. حرك أيديه وسحب
أطراف شماغه رافعهم لفوق

لافي بأبتسامة غريبه : السلام عليكم
أبو تغريد بدون نفس : وعليكم السلام
لافي يكمل خطواته لين جلس قباله : أخبارك يالنسيب
أبو تغريد بأسلوب هجوم : شنو ألي موصلك لحد هنيه
لافي بنظره ثابته وهو يرفع أيديه : جاي أخذ زوجتي
أبو تغريد رفع صوته : قم أطلع ولا نفذت شروط أمك تعال واجهني
لافي أبتسم أكثر لحد مابانت أسنانه وهو يغلفها بالخبث : أفا .. تطردني أنا من مجلسك
أبو تغريد بنرفزة : وأكسر راسك بعد
لافي ريح ظهره على الكنب حاط رجل على رجل : ماعليه مقبوله منك والله
أبو تغريد : أنت تسمع أنا شنو قلت
لافي بنبره حاده : وأعتقد أنا قلت بعد
أبو تغريد طارت عيونه من وقاحته : ماعندي لك زوجه لين توفر لها الي طلبناه
لافي ينزل رجل مقدم ظهره وعيونه بحدتها تعلقت بأبو تغريد : وتحسب أنه على كيفك
أبو تغريد ضحك : هاللي خليتني اوقع عليه والله لا أفضحك فيه بين العرب
لافي أبعد عيونه عنه وكأنه يفكر : لالا .. هالأسلوب مير ماعاد يفيد معك ..
أشوفك قمت تتدخل حتى بفعولي
أبو تغريد : بلاك تعرف نفسك غلطان .. بنتي تحطها في بيت لوحده ماهي محرم لك .. لاوالله ماسكت لك ..


فز لافي واقف حتى يتحرك بأستقامه لأبو تغريد وقف قباله بالضبط حتى ينحني
وأبو تغريد مايدري وش فيه قرب منه ..!!


لافي يريح يده على المركة وبصوت واطي حيل غليض : تعرف بعيالن
لم واحدن يقاله عبدالعزيز .. والثاني نايف .. وخليل ..
أبو تغريد أنتفض من سمع هالأسماء : ...........................
لافي ضحك : هذا ماهوب زواجن بالسر لالا .. أتفاق موافقه عليه العايله ماشاءالله
مايقوله أحد .. وأبصراحة محافظين عليه .. عايلتكم عجيبه والله
أبو تغريد ضاعت علومه : أنت .. أنت شنو
لافي حرك يده حتى يربت على كتف أبو تغريد : هد هد .. ماحدن قايله ألا بحالة وحده نويت خراب بيتك .. أنا تراي أعين واعاون ..!!!
أبو تغريد رفع يده ألي قامت تنتفض : جذاب
لافي : تبيني أقولك من تكون هالزوجة ألي راحت تدور لك الوالدة عليها ..وباتفاق
مع خواتك .. الكل بعايلتك يعرف بهالزواج ومتكتمين عليه خوفن من بطش أم تغريد .. عاد هالله لو درت .. ذنبك على جنبك ..وفر فلوس لمؤخرها
زودن على الفلوس الي مستلفها مني .. ها عندك أعتراض أن بنتك تمشي معي ..!
أبو تغريد قام العرق يوضح على ملامح وجهه وعيونه طارت : ..................
لافي بهدوء : شف كيف أنا معك أعصابي باردة ..يعني عارف ببلوتك
ذي وساكت بمزاجي وأنت بقواة عينك حاشرن عمرك بأموري ..!!
ترا مايفرق عندي لو أحد عرف .. هذا بكيفك تزوجت ماتزوجت أنا همي لاعرفت
خالتي وطلبت الطلاق .. عاد عليك تدفع فوق فلوسي فلوس ثانيه ..
ولا عيالك كبار بعد ماشاءالله ..
مير الله يكون بعونك بس ..!

<

<

<

كــــــــــــــــــــــــــــــت .

لاتنسون الوتر ..

مدري آحس إن ليليـآن رآح تختفي كذآ بـآرآت

ورآح يكون التركيز على لافي وتغريد وسالم وعذوووب

هذآ اللي طلع معي وآنـآ آقرآ البـآرت عالرسريع

هزا ابو تغريد عامل مصايب لافي مسكه ياويله ازا ما نفز ا طلبه سيسافر من دون ان يعرف ان لليان تطلي الطلاق منه اعتقد يسافر ولليان ايضا تزهب الى عمها حمود وهناك تتغير الى الاحسن