كاتب الموضوع :
#الكريستال#
المنتدى :
القصص المكتمله من وحي قلم الاعضاء
رد: أريد منك أكثر مما أريد
... ومسرع
ماتساندت بيدها حتى ترفع جسمها بصعوبه ...
قالت بنبرة كره وألم ( الله لايردك يالافي ..!! )
حطت الجده يدها فوق راسها ومسرع مابيدها الثانيه سحبت شيلتها
حتى تغطي فيها فمها .. الأرض قبالها متبلله على الأخر ...
التجاعيد تلتف حون نظرات أهلكها كل ألي صار ...
والشوارع وقفت تنزف مطر ..!!
تطالع سيارته مثل الكابوس تندفع صوب بوابه الجاخور حتى يطلع في هالظلام
ويبتعد عنهم .. لفت صوب بنتها بذهول ..
الجده تحاول تمسك نفسها على الحال ألي هي فيه : أنتي شنو هببتي فيه ..
خسرتي زوجك عشان مييين .... عشان شين ماتعرفينه ...
سكتت الجده حتى يعم السكون المكان ..
كان موحش هالسكون .. مرعب وصوت الماي ينزل
من الفتحات ينهدر فالأرض ... يرتدد على مسامعهن .. رصت على خصرها
حتى تحرك رجولها المتخدره من قوة رميته وتحاول تقوم ...
ليليان وهي تحاول تقوم : أخسر واحدن ماعمره شراني ..!! ...
طلعت الجده والعصبيه على ملامحها تعريها من كل هدوء وراحة
محتاجتها في هالعمر ...
ماراح تقدر تراددها فالكلام في هاللحظة ...
تحس الضغط أرتفع عندهآ .. راحت صوب الصاله حتى تدخلها
وقطع من الحديد ووالبراميل في هالصاله الفاضيه منتشره
في كل مكان ...
الجده حمده : ميييييري .. ياميري
ميري تطلع من االغرفه تركض : يس ماما
الجده حمده : روحي دقي على وليدي فلاح أبيه ..
هزت راسها تلقائيا حتى تبتعد عن الجده وهي تمشي حافيه ...
تحركت الجده بتعب حتى تجلس على أقرب كرسي من حديد وراها ...
تمايلت بظهرها حتى تحط يدها على راسها ...
ولحظات جدت الخدامة تركض حتى تحط الجوال عند أذنها
ميري : كلم ماما
الجده تحرك يدها وتمسك الجوال : فلاح ...!!
فلاح بهدوء : هلا يممه ..
الجده : هو الملحق جهز ..
فلاح بعد صمت : ولدج لافي ألي ماسكه من صباح الله خير ورفض
مير أحد يدخله أو حتى يقرب منه .. وشفته جايبن له أثاث ..هو ماكان عندج قبل شوي ..؟!!
الجده بتعب وبصوت واطي وهي تتنفس بحرقه : تعال خذني أنا والبنيه ..
فلاح بخوف : يمه صوتج ماهوب طبيعي .. متعبج شي
الجده بضيق : أنت شنو عليك مني .. تعال أخلص خذني
فلاح : طيب .. أنا مابعدت كثير عنكم .. ماراح أطول ..
أبعدت الجوال ورمته على الأرض حتى ترجع تحط يدها على راسها ...
هالبنت خربت كل شي ..
خربت وبيجي لها اليوم ألي بتندم على سواتها ذي ..
غمضت عيونها بتعب حتى تفتحها بحواجب معقودة ....
الجده بصوت مرتفع .. ضايق: ياميري ألبسي وروحي قولي لطويلة اللسان تمشي ..
ميري تطلع : زين ..
الجده ترفع يدها : لا تاخذين شي ..
دخلت الخدامة من جديد غرفتها وعلى طول حركت الجده نظرها
ببطء فالصالة ألي فرشها مطوي على ماهو عليه والجدارن متغرقه
ماي ... يطول الوقت حتى يوصل ولدها وتركب بدون ولا كلمة ...
فلاح يسحب يدها ويبوسها : صبحج الله بالخير ..
الجده بصوت بالعافيه طلع : هلا ..
فلاح : هو أنتي تونسين شي ..
الجده تأشر بيدها صوبه : دق على عايشه بكلمها ..
فتحت الخدامة الباب ألي ورا وركبت حتى لحظات تطلع ليليان
من الغرفه وتتوج صوب السيارة وتركب بالسيت ألي ورا خالها ..
فلاح يسحب جواله من جيبه : ولايهمج ..
تحركت السيارة بهدوء ولحظات طالع بشاشة جواله حتى يحطه عند أذنه ...
فلاح بأستغراب : سواقج يمه وينه..؟
الجده : هو أنت تدق عليها
فلاح هز راسه : أيه
الجده تحرك راسها صوب النخل أول مامرت منها : لاشغل ولا مشغله
خليته عند كومار يساعده ..
فلاح تكلم : هلا عايشه .. امي تبيج .. أيه ( مد الجوال لأمه ) هاج
الجده تسحب الجوال وتحطه عند أذنها : الو .. هلا عايشه .. بخير ياربي
لك الحمد ؟ .. أسمعيني دقي على وليدج لافي .. شوفي لي وينه ..
حنا هالحين جايين لمكم .. أيه ..
تمايلت براسها على زجاج الشباك رغم برودته ومن سمعت الجده
تلفظ أسمه حركت عيونها صوبها ...
هي وش سوت عشان تعاملها الجده بهالشكل ...
لاسألت وش ألي صار .. ولا وش ألي خلاها تقول لعلي ..
بس يبطي عشان تنزل دمعه بهاللحظة عشانه ...
فلاح يطالع أمه والظلام ألتحفهم : فيه شي لافي ..؟!!
الجده : خلك بعيد أنت .. دام النفس عليك طيبه
فلاح رفع حواجبه : أفا يمه ..
الجده أشرت بيدها : تراي تعبانه .. لاتزيدها علي قرقره ..!!
ظل ساكت يطالع في أمه ألي منقلب مزاجها والتعب واضح
في نظرة عيونها .. في نبرة صوتها ..
رجع يطالع الشارع قباله ومسرع ماوصل للبيت
حتى يوقف بسيارته تحت مظلته .. فتحت الجده
الباب ونزلت حتى تفتح ليليان الباب وتنزل بصمت غريب ...
أبتسمت على هالأقدار الغريبه ..
رااحت تتحرك ورا جدتها ألي تمشي بخطوات بطيئه صوب باب الشارع ...
ومن دخلت شافت عايشه تطلع من باب المدخل
تهلي في أم زوجها ...
عايشه تمشي صوب الجده : ياحيالله الشيخه حمده .. والله هذي الحزة
المباركة
حمده أبتسمت غصب : المفروض أننا جاينكم الصبح مو تالي هالليل
وفي هالبرد الله يجيرنا
عايشه باست راس الجده : مير أبشرج الكل صاحي ..
الجده بضيق : ها دقيتي عليه ..؟
عايشه : أيه ومارد علي تلقينه نايم ولا مشغول بشي
الجده زفرت هوا بقهر : ..........................
عايشه تأشر لللبيت : خلونا ندخل عن هالبرد
الجده برفض : لالالا ... بدخل الملحق تعبانه يابنيتي
عايشه بأبتسامة : والله معذورة .. الملحق مفاتيحه فالباب مع أني مادخلته
حركت عيونها صوبه ... معقوله بتعيش بين ذكريات هالافي
وزوجته ..!!!
ولاهي مستغربه من قرار الجده وأنها ماعطتها خبر ...
كانت حاسه أن مصير هالملحق بتسكن فيه ..
وتعيش في هالجدران ألي تحكي حكايات أثنين يعيشون فالضوء
وهي فالظلام ...
تذكرت رفضه لطاري هالملحق وأنه ماحد يجيه ... وش تغير هالحين
يوم أنه ألي سنعه وأشتغل فيه نفس ماقال أبوه ...
أخذت نفس حتى تتحرك تاركه الكل متوجه صوب هالملحق .. مدت يدها
من وصلت له حتى تمسك مفاتيحه الباردة برودة الثلج .. تميلها
حتى تفتحها .. تدخل صوب الظلام ألي يركض قبالها في كل الزوايا ...
أندفعت لجسمها أكثر لداخل ... مدت يدها حتى تفتح اللمبات
بأنارتها الصفرا ..
ومن أشتغلت .. أنكشفت لها الصاله بأثات جديد
غير ذيك الحاله المرثيه لصاله أول مادخلت فيها ... تحركت
تطالع فالتحف .. فالزوايا والمرايا ..
فالكنب ..!!!
ومسرع ماتوجهت لأول غرفه تفتحها .. كأنها تنادي الذكريات تتفجر
قبال هالنزف ألي عايش بداخلها ...
مجلس طالعته ببرود حتى تتوجه في سيب صغير تملاه الصور ..
تدخله وتفتح الباب ..
وقفت بجمود تطالع المساحة الممتدده قبالها من النور ..
وهي كاشفه عن ورد أحمر مجفف مرمي على الأرض وطرف
من سرير لحافه أسود باين لهآ من النور المنسكب على حافته ..
ريحة ورد خفيف تندفع لها بقوة .. تحاصرها بفضول ...
لفت براسها لورى تطالع الصاله أذا الجده دخلت ولا لأ .. بس مسرع
ماتحركت
رغم تعبها تدخل الغرفه وهي تلم عبايتها المبلله من تحت من الحوش
ألي توها جايه منه ... حركت راسها لليمين تدور المكان ألي تقدر
تشغل منه لمبات الغرفه والورد ريحته تضج بالتعب لروحهآ ..
تحس في شي قام يتوجع من هالغرفه ..ماتدري ليش ..
والساعات في هالظلام تحاول تنسى ..!!
مدت يدها حتى تشغل اللمبات .. رمشت ببطء ولفت بجسمها كامل
صوب السرير .. ومن أنفتح ..
ظلت تطالع قبالها بلغة الذهول والجرح ..
فستان أبيض ينام
على السرير .. وذيله الفخم بترتيب ينزل من حواف السرير ويغطي نص
المساحة قبال هالسرير .... يلتم حوله ورد أبيض ..
حركت عيونها تبي تستوعب غرفة النوم ... تبي تستوعب المكان
ألي هي فيه ..
من له هالغرفه ... لايكون هو مسويها عشانها ...!!
هو ألي مشتري هالفستان ..
وش مقصده من هالحركة ... غرقت عيونها بالدموع وهي تتخيله يدخل
هالغرفه يشيل هالفستان بين أيديه .. يحطه على السرير ...
يمرر أصابعه على خصر
هالفستان .. يتخيله لابسته ...!!
غمضت عيونها بقوة ... هي ليش تتخيل .. خلاص كل شي أنتهي ..
كل شي .. تحركت بسرعه حتى تدوس الورد برجولها ...
سحبت الفستان من على السرير بقهر حتى ترميه على الأرض ...
وش يبي فيها دام أنه مايشوف فيها لا لبس ولا فهم ولادراسه ...!!!
يعني بيسوي فيها معروف يوم رايحن يشري لها فستان ...
عمره ماأعلن هالزواج .. أن شاءالله تعيش طول عمرها بالسر ولا تخليه
يذلها أو يشوفها بنظرته الخايسه هالي شايف نفسه ..
عافته .. هالغبي ماراح يفهم هالشي ألا أذآ علمته منهي ليليان ألي
مايشوف فيها شي ...
هالي حلف مايطلقها .. !!!
داست الفستان برجولها..
صارت تتوطى عليه ... حقير بسواته .. بأفعاله ...
بغروره .. بكل شي .. بقواة عينه ورداه بعد ماكشفت كل شي
وهو لاهمه ... جايدن يصارخ عليهآ بسس..
الجده : ياميري تعالي شوفي غريفتي هي مرتبه ..!!
شهقت بسرعه وانحنت تلملم هالفستان من بين أيديهآ .. صارت تدعسه
بالغصب تحت السرير حتى ماتشوفه الجده...
لمت ذيله الطويله
بسرعه ودعست الباقي من هالذيل بالعافيه ...
فزت واقفه حتى تتحرك بخطوات مرتبكة صوب الغرفه
ومن وصلت للباب طلعت الجده بوجها
الجده بدون نفس : هو أنتي شنو تسوين هنيا ..؟
ليليان توقف وببرود ترفع أيديها تنزل نقابها كأنها ماسوت شي :
لقيت غرفة نوم تقول غرفة متزوجين ..تصدقين يمه ..!!
طارت عيون الجده وتقدمت تبي تصدق ألي تقوله ...
وقفت تطالع الورد المرمي ... السرير الواسع ...
حست بالضيق يخنقها ..
هو كان يعرف بنوايا الجده وماسألها ألا عشان يتأكد بس..
هالبنت عاشت وسط قليبه ..!!
أحيت الدفآ ألي تبيه الجده يعيش في قلب ولدها العود حتى تعلن هالزواج ..
الجده بصوت ضاق أكثر : هذي لافي جهزها عشانج ..!
ليليان تمر من عند الجده وبدون نفس : جعله ماعلنه .. أنا بروح أنام
ماتحملت الجده وعلى طول لفت لهآ .. سحبت يدها بقوة ..
الجده بضيق : هو أنتي خبيله .. خربتي بيتج عشان مين ؟
ليليان بحرقه : عشان نفسي .. ترا تغريد ماهمتني .. ولاعاد يهمني هو ..
الجده بعصبيه : أنا سألتج مرة أذآ تعرفين شي عن تغريد ولا لافي ..
ليش سكتي .. وراج دخلتي في حياتهم .. والله لايجي لج يوم يابنت راشد
وتسكر الباب بوجهك أم تغريد مع بنتها ..
ليليان تبي أحد يفهمها وبحرقه : شفتها يمه ببيتتس .. شفتها تنتظرتس البنيه .. تبيتس
تفكينها من هالافي ... يدها محترقه .. وتقول أنه تسان مريض
ليش ماقلتي لي عن هالشي ... أنه ذبح أخوه .. ( سكتت حتى تقول بشك )
وش بلاتس جده .. وراتس مانتيب مهتمه بسواياه الرديه
الجده بطنازة : تحسبين تغريد لاقالت هالكلام هي تبيج تفكينها من لافي ..!!
هذي تشري الأرض ألي يمشي عليها هو ... وقد قالتها أمها لي
أنها عمرها ماراح تخلي بنتها تفرط في لافي .. قالتها لي ولأأخوها علي ..
عجزانتن تقولين لي .. أنا هالردى كنت عارفه أحله وأرميه برا بيتي ..
بس أنا حلفت أني ماتدخل في شين عارفه عنه وساكته ..
ليليان بعناد ولا همها : خالها ولازم يدري
الجده هزت راسها بأسف : تغريد عندها أبو وأمن تقدر بشرها تتدبر
أمورها وخالن شفتي سواته بلافي .. أنتي ماتقولين لي من ألي بيتدبر
أمورج يوم أنج خربتيها مع لافي .. ها ..؟؟
ليليان بدون مقدمات : لي الله ..!!!!
الجده تركت يدها : ونعم بالله .. بس طبخن طبختيه يالرفلى كوليه .. مير
أنا نبهتج لا خليتي لافي في يدج أقولج عن كل ألي صار ..
بس هالحين لو أشوفج مرميه ماشقيت فيج بعد سواتج ذي
تحركت تاركتها حتى تطلع للصاله .. ظلت تطالع فيها ومسرع مالفت
تطالع بالغرفه .. هي ليش تدور غيرها .. غرفه جاهزة مجهزة ..
أساسا غصبن عليه يشري لها غرفة ..
زوجته على أساس وش ...؟!!
دخلت الغرفه بعناد وسكرتها .. الوعد قدام يالافي .. قدام ..!!
× × × × × × × ×
في مصر ..
جالسه بملل تطالع أم زوجها تقرقر كالعادة فوق راسها ... وهي بقلة حيله
وبصمت تطالع فيها وتهز راسها ...وش هالحياة الروتينيه الممله ألي وصلت
لهآ .. وزوجها من طلع مع أخته ياخذها للمستتشفى مارد
ولا شافته أبد ...
هالساميه ألي كان يشتكي لها عن أبوها .. بلاها تصير بنت خالها ..!!
عقدت حواجبها وهي تتذكر كلام أمها عن خوالها ..
ياكثرهم وهي تهرج عنهم .. أوقات كانت تتمنى تروح لهم ... وأوقات طاري
السفره لمصر ترفضه من أساسه ..
بس هي ليش ماتروح هي وعمر لهم ...
الله لو تدري أمها أنها للحين ماقابلت أحد بس مسنتره مع أم عصاقيل .. أم الزوج
المصون .. جالها أوقات صارت تتخيل أنها تطلع من هالفله تهذي أنجليزي
من كثر ماتصج راسها بقرقرتها ... أول مرة تدري أن الأجانب فيهم هذره
تشبه هذره بعض العجز ألله يصلحهم ويهداهم ...!!
وهي ألي كانت تحسب أنهم مختلفين عنهم ...وبعدين فيها طاقه وحماس
للكلام معها غير طبيعيه مابقى غير تشري سبورة وتقوم تشرح قبالها ..
أخذت نفس حتى تصد بعيونها لزوايا لحظات طلعت منها خدامة بلبسها
ألي للركبه ... هذا الشي ألي فعلا ماعادت تتصور تطيقه ...
كل لبس الخدم قصير وعيني عينك يطلعون لشارع يتمشون ويردون ...
أعوذ بالله منهم ومن شرهم ... لازم تكلم عمر عن هالشي بعد ...
زفرت هوا بضيق هو وينه عمر أساسا ياحظي .. هي لوعندها جوال بس
كانت تدبرت وضعها وهالفلة على كبرها مافيها تليفون ...
متأكدة أول مادخلت كانت تشوفه بس بعدين فص وملح وأختفى ...
سارة قاطعت ماري ألي حاطة رجل على رجل وتقرقر عليها: يور فون .. وينه ..؟
ماري عقدت حواجبه وقالت بأستنفار : أسلوبك في الحديث سئ ...
سارة قامت وهي تلملم عباتها وبملل: أبي جوالج وينه ... يور فون
ماري مدت يدها وسحبت جوالها من جنب فخذها : أتقصدين هذا ...؟!!
أخذت نفس بفرح وسحبته من بين أيديها بس مسرع مالوت فمها ...
هي تفرح ليه ورقم عمر ماتعرفه ..!!
طالعتها مرة ثانيه حتى تنطق
سارة : نمبر يور صن ..؟
ماري بضيق : لا تستطعين التحدث بالأنجليزيه .. ياألهي
سارة فهمت عليهآ : لا خوذي البشارة بقرقر فيها من وراج
ماري تنحت تطالع فيها : ..................
مدت لها وهي تحاول تشرح لها أنها تبي رقم ولدهآ ..
تبي تكلمه بتعرف وين طس أمس كله ... وهي أساسا متأكده أن هالماري
عارفه ولدها وين غاطس .. لأنها شغاله أتصالات ولا قعدت فالبيت
ألا قليل وبس تكلم بهالجوال وتنافخ ...!!
أخذت ماري الجوال وصارت تطالعه ومسرع مامدته لها .. طالعت الشاشه
حتى تبتسم من شافتها ضاغطة على رقم أتصال ..
بس هي ليش فرحانه ... !!!
حطت الجوال عند أذنها حتى يجي لها صوته الهادي .. وكأنه توه صاحي من النوم ..
سارة تبتعد عن ماري : أنت عمر ...!!
قامت ماري بفضول وصارت تمشي ورا ساره في صالة الفلة الفخمة ...
عمر بصوت أمتلى أبتسامة : أنتي سارة ..؟!!
سارة وقفت وحطت يدها على خصرها : تتطنز علي ..
عمر بصوت هادي : لا واللهي ... ( سكت حتى يقول بصوت أخترق
قلبها مثل الطيف )صباح الخير ياحبيبتي
طارت عيونها حبيبتي ...!!!
لا أكيد مو بصاحي أو أنه نايم مو مستوعب أنها تكلمة
سارة رجعت تعيد أسمها وهي تطالع الدرج الواسع قبالها : أنا سارة ..!!
عمر بصوت واضح أنه توه صاحي : واللهي عارف أنك سارة .. ها أوليلي
أزاي خدك دلوقت ..!!
خدها.. وش جاب طاري خدها ...
ماكانت مستوعبه أنه يقصد القبله ألي أرسمت أصفى مشاعر
على خده فالحديقه ..
|
13-01-13, 11:47 PM
جديد مواضيع قسم القصص المكتمله من وحي قلم الاعضاء
العرض العادي
