السلام عليكم ورحمة الله وبركآته :




والله مدري شآآقول لكم .. العذر والسموحة وربي هاليومين أنحآست أموري فووق تحت

وتعرضت لضغوط كبيره مآكنت قآدرة أتنفس منهآ ولا لي القدرة أدخل اتوآصل معكم ...

وقآلوهآ مآبعد الضيق ألا الفرج .. الحمدالله من حسيت أموري تمآم دخلت لكم ...

مآحب أعطيكم وقت وأخلف فيه بس الظروف أحيآن توقف بوجهي ..

أحط في بالي شي وسبحآن الله يطرى شي ثآني ..

والله يشهد تضآيقت كثير من هالتأخير ..

وبعد أمي تعبت شويآت وزيآآدة شلت هم أكبر .. فكرت أقفل الروآيه حتى مآ أحط نفسي

بموقف مو حلو معكم بس الحمدالله حتى يبلغ الحمد منتهآه .. الأمور تمآم عندي ...

عن الفصل .. ع السآعه 11 بليل

بنزله بكون أنتهيت من أشغالي وعلى طوول بنزله لكم ..

حاليآ مآأقدر ورآي أمور لي الليل ^ ^ ... قلت أدخل وأطمنكم وأخليكم تتجهزون ..

ومنهآ أقرى الردود عشآن أوزع نجمآت ... ^ ^ .. الشنطة الكريستاليه قآمت تتعبني ..



عندي لكم رجآآء أحبة الحلم .. من هنيه لحد مآ يشآء رب العالمين وأدخل بالفصل ع السآعه

11 .. نتوقف عن الردود المخالفه ... لأن فيه قوآنين مجبورين نلتزم فيهآ

ولا نتعب المشرفآت أكثر ..


وتحيه خآآصه لمشرفآت القسم .. ألله يجعل مآيسعون له في ميزآن حسنآتهم ...
...

ودي ..



الكريستال

فيس الأنتظآر لحد مآتصير السآعه 11 حتى أنزل الفصل ^ ^ ..






ربي لايحرمني من هالردود ألي تشرح الصد\ر .. قوم ليليآن وشآعرتهم فيتو ..

قوم لافي ورئيستهم وردة ..

قوم تغريد ورئيستهم نجول ..


أحبكم ^ ^ ...

السلام عليكم ورحمة الله وبركاته ..
يآحبيلكم والله .. تظآهرآت وشعآرآت وشآعرآآت .. لالالا .. لازم نسلم نجمآت
لشآعرآت الحلم .. دقآيق بس أفتح شنطتي الكريستاليه ..
أحم أحم .. هذي نجمة لفيتو . أقصد النجمة الثآنيه ونجمة لنجلاء الريم ...
ونجمة بعد لفديت الضحكة وخآطرتهآ عن لافي وليليآن أعجبتني حيل الخآطرة .. فديتكم والله ..
بس ترآهآ نجمآت أستثنآئيه .. مو كل شوي بسلم نجمآت ..ههه ..أمزح..
تستآهلون والله ..
عن ألي يستحق نجمآت للتوقعآت .. أبصرآآحة صرت أخآف من
أشتآق أليك .. يآآوالله أنهآ قالت توقع طآآرت عيوني له ..مآشالله لا أله ألا الله ..
يعني قالت توقع جآبته صح وبيصير بس مو حاليآ يعني بعد كم فصل ..
وبيكون ثغرة تدخل فيه ليليآن ع لافي وبالسر بيصير ..^ ^ ..
لا أنسى نجمآتكم يآ ( أبرآر .. من طيب أبوي أعتزيت .. أشتآق أليك وتومه ) ..
مآشالله عليكم توقعآتكم سليمة .. وميه بالميه صح ..



الفصل السادس والثلاثون ..


الخطوة الواحدة والثلاثون .. خطوة الوقوف نحو حلم أريد منك أكثر ممآ أريد ..


( يآأمي .. ظلال الأمآني تلاشت .. قد طآرت ك غنوة خرسآء
في زمن كزمني عقيم ..!! )






كآنت أنفآسه ملتهبه .. متعطشه لأكثر من ألي سوآآه ..
صرخت بصوت عالي من تحرك حتى تطلع ملامحه قبالهآ ...
نص ملامحة ظلام والنص الثاني نور ..
ملامح مآكآنت غير ملامح لافي .. أيه لافي .. نزلت بالأرض
تبي تزحف عنه وهو يجره لهآ .. يبيهآ توقف
نقطة ضوء وحدة تتلاشى منهآ الصورة أول مآحست برآسهآ
على صدر أبوهآ .. وجسمهآ بين أيديه ..
فتحت عيونهآ تطالع فيه تسمعه يقولهآ بصوت مهزوز .. متصلب



تغريد أصحي .. قووومي والله أنج تحلمين .. أنتي بعيده عن لافي )
.. بعيده ألله يآآخذه أخذة عزيز مقتدر .. !!!)

أبعدت عنه بذهول وهي تشوف نفسهآ وسط الصالة .. وظهر
الكنبة قبالهآ .. كل شي كآن نآصع .. حقيقي .. ألا هي ..!!
تغرق فأوهآم الأحلام أكثر وأكثر ..
جلس بو تغريد زين على رجوله وهو يتنآفض من الخرعه ..
طلعت له تركض .. تصآرخ .. تنآدي أحد مآعرف من يكون ..
وفجأة ضمهآ يبي يهديهآ واذآ فيهآ تبعد عنه بهستيريآ ..
وتصآرخ أكثر وأكثر .. لامآيقدر يسكت عن هالوضع .. لازم يآخذ بنته
للمستشفى .. لاززم ..


بو تغريد يطالع في بنته : قووومي .. قومي بآخذج للمستشفى وأدق
على أمج تروح ويانا .. قومي حالج ماعاد يسر لا حبيب ولا عدوو



ظلت سآآكته وهي تطالع في أبوهآ بصمت .. وجهآ ذآآبل ومصفر
غير عيونهآ ألي كل مالهآ ويغمق لونهآ للأحمر أكثر وأكثر ..
شعرهآ طآير في كل جهة .. صدت بعيونهآ عنه وزحفت
مبتعدة عنه ببرود أشبه ببرود الأمآكن الخاليه ..
ذيك ألي تحكي حكآية غربآء رحلوآ تآركين الأرض
ترثي فرآآقهم ..
أخذت نفس وهي تهتز من شهقآت كآنت غصب عنهآ ..
تحلم .. كآنت تحلم ..!!
وش كثر تعيش الأعجوبة لاصحت من كوآبيس الأحلام ..
ولحظآت ببطء قآمت من الأرض البآردة ..


بو تغريد يطالعهآ وبدون مقدمآت : ألبسي عبايتج يبه يلاااا ..
تغريد بعد صمت طويل تقآطعه بكلمتين : بروح أتروش ...
بو تغريد صرخ مآعآد يتحمل رفضهآ : قلت ألبسي ..؟


تحركت مبتعده عن أبوهآ ألي فز وآقف ...
خلاص .. فآض كيله ولايدري وش يسوي لهآ ..
نوى يتكلم .. بس جواله دق وبملل سحبه من جيبه ...


بو تغريد بعصبيه : نعم ..!!
أم تغريد بتعب : ألحقني .. ألحقني بسرعه
بو تغريد طآرت عيونه : شنو فيج يآحرمة ..
أم تغريد : ظهري يوجعني .. طحت من الدري على الأرض
بو تغريد بطفش : شنو له تطآمرين فوقه .. هآآآ ... نآقص أنآ
هالحين ..
أم تغريد بضيق : أنت فيك شي.. أتوجع ومعصب .. هذآ
بدال مآ تيي ركيض لي . وبعدين شنو ورآك يآحظي
بو تغريد : لا أله ألا الله .. عز الله مآ عينآ خيييير .. لا .. عطالي بطالي أبشرج
ولا لي شغله غيرج ..!!



أبعد الجوال عنه ومن رفع عيونه .. شآفهآ تمشي متوجه
لبآب الحمآم ألي كآن مفتوح نصه ..


بو تغريد بطفش وهو وصل حده : أمج تبيني ..


مآردت عليه .. دخلت الحمآم وسكرته ورآهآ حتى بدون
مآتطالعه ..


بو تغريد يرفع صوته وبقلة حيله : يبت لج أكل وعلاج تلقينه ع الطآولة بالصاله



سكت والصمت لازآل يحتضنهآ ... لازم يقولهآ وش ألي خلاه
يسلمهآ للافي .. لازم يقولهآ أنه رآآح يدخل السجن وهو خآف ..
خآآف من أنه يحبسه .,..!!
أخذ نفس وتحرك بخطوآته لبآب الشقه .. رجع جواله من بين
أصآبعه يدق مره ثآنيه ..


بو تغريد يفتح الخط ويحط الجوآل عند أذنه : يآبنت الحلال يآآي لج
أم تغريد بفرح : أنتظرك ( وبصوت أظهرت فيه التعب ) لا تتأخر علي ..


أبعدت الجوال وهي تبتسم .. متمآيله بجسمهآ على الكنب وجالسه ...
ولحظآت حتى تطالع بشآشة الجوآل حتى تطلع رقم وتدق عليه ..
وأول مآنفتح الخط ..


أم تغريد بصوت هآدي : هلا لافي ..
لافي بصوت متجرد من أي نبرة معروفه : هلا .. هآ متى بيطلع
أم تغريد : جذبت عليه وقلت له أني تعبانه ... وهذآ هو
بيي لي .. أكيد بتشوفه بيطلع من الفندق .. مآعليك منه رح خذ
زوجتك بس
فهد يتسآند بظهره على السيت : أنآ وآقف قباله هالحين ..
أم تغريد : ألله يهدي زوجي .. مدري شنو فيه .. مآعليك لاشفته
بعلمه كيف يمنعك من شوفه زوجتك ..



أبتسم من أخر كلامآت قالتهآ ..
وهو ألي دق عليهآ وأستدرجهآ بالهرج
لين عرف أنهآ مآبعد شآفت أبو تغريد ولا تدري بشي ..وقالهآ
أنه منعه
من شوفة تغريد وعطاها الحل البسيط .. بس تتميرض على زوجهآ
حتى يطلع من الشقه ويروح لهآ ... وأذآ فيهآ بكل بسآطة
تطق الصدر وتوعده بتنفيذ كل شي ..
كآن أسهل عليه تنفيذ هالأمر .. سهل عليه لدرجة حس بغبآء
أبو تغريد .. مآيدري بالضبط وش يفكر فيه لمآ أخذهآ لهالمكآن ..
المكآن ألي بالذآت بو تغريد يستأجره من فلوس فهد ...!!!
هالحين يقدر يقول أنه نجح في تفكيك بيت بو تغريد .. خصوصآ لاعرف
أنه خالته هي ألي دلته على مكان بنتهآ .. وبيكون سهل عليه
يدخل بينهم ويعرف ألي يبي يعرفه ... وخالته لاصآرت هوشه مردهآ لبيت علي
وهذآ ألي محتاجة بهالوقت ..يشغلهم بأنفسهم حتى يعرف تفآصيل الأمور الغايبه ..
مآينكر أن خالته قدمت له فكرة من ذهب
كآن ينتظرهآ ...!! ضحك غصب عنه والحقد الغريب
لازال دخآن نآره مشتعله في صدره ولايدري متى تطفي ..؟!!
سكت حتى يرفع عيونه بحوآجب معقودة صوب بوآبة الفندق الضخمة والأضآآءة
الجذآبه تنتشر معطي لهالبوآبه جماليه خآصه تنفرد فيه وآجهة
هالفندق ..ضم شفآته ومسرع مآمد يده صوب البآب أول
مآلمح البآب ينفتح تلقآئي من ظهر بو تغريد من ورآ الزجآج الشفاف
يمشي بخطوآت وآسعه حتى يطلع من البوآبة وينزل من الدرج
بخطوآته المتسآرعه متوجه لسيآرته ألي كآنت تنتظره في مسآفه بعيده
عنه ... ومن تأكد أنه ركب سيآرته وأبتعد ... نزل من سيآرته
الجيب بسوآد لونهآ حتى يسكر البآب وبيده كيس أبيض
صغير مآسكه بيده اليمنى ... حرك جكيته الأسود يسحبه لقدآم
ومعه تحرك بخطوآته المتوآزنه .. وقف يتلفت يمين ويسآر حتى
تندفع الهوآء تحرك خصلات شعره وأطرآف جكيته ..
مد رجله اليمين حتى تتسآرع خطوآته وهو يقطع الشآرع متوجه
للبوآبه .. أنفتحت ودخلهآ بثقه متجآهل كل شي حوله وعيونه
مآتفآرق الأصنصير ألي يركن بمسآفه بعيده عنه ..
خطوآت متوآزنه لشخص نفسه دآرس هالمكآن حتى يوقف قباله..
أنحنى مآد يده وضغط الزر تتبعهآ الدقآيق وينفتح ..
دخل وبعد مآسكر الأصنصير وأخذه لطابق ألي متأكد
بوجود زوجته فيه طلع منه .. خطوة تتبعهآ خطوآت صوب رقم
الشقه وأطرآف جكيته تتحرك مآبين خطوة والثآنيه ,., رفع
يده وسحب المفآتيح حتى يدخلهآ بفتحة البآب .. يمد يده الثآنيه
ويسحب يد البآب تحت بعد مآفتح القفل بهدوء وبطء .. تنكشف
له الصاله وطاولة الأكل ألي تحتل جزء كبير من هالصاله
عليهآ أكيآس فوق بعض .. ريحة كل شي هآآديه مآتحمل
في طيآتهآ غير الوجع له .. تتبع أثآث الصالة بحذر
حتى يدخل أكثر وهو يسمع صوت المآآي بقوة يندفع صوبه
وهي .. فزت بخرعه لافة برآسهآ صوب بآب الحمآم
المسكر من سمعت بصوت الشقه أتسكر والمآي من الدش
يندفع بقوة صوب رآسهآ .. رفعت أيديهآ برجفة وتمسكت
فالحديد قبالهآ ... قآم قلبهآ يضرب بسرعه مآتدري ليه ..؟
أبوهآ توه طالع .. ليش رد ..؟!!
طلعت من البآنيو وملابسهآ كلهآ متبلله ولاصقه في جسمهآ
حتى بخطوة وآسعه تمد يدهآ وتقفل البآب بالمفتاح ألي على طول تحركت يده ..
حطت يدهآ على قلبهآ ألي ينبض بقوة وعيونهآ أنفتحت على الأخر



تغريد بخوف : يبه ..


سكن كل شي ولارجع لهآ أي صوت ... مآغير صوت المآي ورآهآ
يتردد بقوة ... رفعت صوتهآ أكثر ..


تغريد : هذآ أنت يبه ..؟!!


ولا من مجيب ...صآرت ترجف من البرد والمآي ألي كآن
بسخونته يدفي جسمهآ صآر أبرد .. رجعت خطوة .. خطوتين ..
حتى تفتح عيونهآ أكثر من صآرت تسمع صوت شي
ينسحب ويستقر قريب من البآب ... أخذت نفس بصعوبه
وزفرته .. من ألي فتح الشقه عليهآ .. من ..؟!!!
تمسكت فالمغسله ألي على يمينهآ من دخل مفتآح بفتحة البآب
وصآر يفتح القفل ألي هي سكرته من عندهآ ومآيمديهآ تركض
ألا يندف البآب بقوة ويظهر لهآ لافي وآقف ... شهقت بقوة
وتصلبت في مكآنهآ تبي تستوعب أنه موجود .. رفع يده
بنظرة شرسة متأمله لهآ من فوق لي تحت حتى يحطهآ على أطآر البآب


لافي بنظرة قاتله : والله وطلع أبوج فيه الخير ...

قالهآ بنبرة طنآزة تمتلي خفآيآ وخفآيآ .. تركض صوب مسآمعهآ مثل
الكلب المسعور ...!
كتمت نفسهآ وهي تحس بقلبهآ من كثر مآينبض رآح يوقف ...
كيف عرف وين هي ..؟!! ليش جآي هالحين ..
ليش تحلمته خيال ووآقع ..!
ليش
تحس أنهآ وآقفه قباله بتدفع ثمن شي مآتعرفه ..
تحس أنهآ قبال جسد غآآمض .. نظرآته تضرب جسدهآ المتهآوي
بألف سوط وسوط ..!!
لأول مرة تحس أنهآ تكرهه .. رآضي قلبهآ وعقلهآ بهالشي ..
تكره بروده .. شكله .. غطرسته .. والأنسآن الجلاد ألي يعيش
وسط روحة .. تكرهه مثل مقبره مآينآم فيهآ غير الموتى ..!
... أبد مآحست بالدموع تهزمهآ ...
عكس كل ضعف يحتوي هالجسد ..
وكل هالمرض ألي صآر مثل الظل بيلازمهآ
طول عمرهآ .. رفعت عيونهآ الحمرآ تطالعه .. تبآدله النظرة
ع قد مآتقدر ... تحرك ببرود قاتل صوب الكرسي ألي سحبه
حتى يقابل الحمآم بمسآفه بعيده عنه جالس عليه .. رفع رجله
وحطهآ على الثآنيه ...


لافي : ألبسي الروب وأطلعي ..


أوآمر مآكآنت ملزومة لأي سبب تنفذهآ ... تحركت طالعه من الحمآم وهي
بالعافيه تتحرك تحت نظرآت منه مآأبعدت عنهآ أبد ..
المآي كآن يرسم خطوآت مبعثره وبقع صغيره وهو ينزل من ملابسهآ
وخطوآت رجولهآ ع الأرض ...
طالع يدهآ ألي تحآول مآتحركهآ كثير والدم لازال يلطخ بيآض بشرتهآ ..!
كأنه فرحآن بهالأنكسآر ألي يشوفه يحتضنهآ ..
فرحآن فعشقه ألي كسر كل شي ورمآه رمآد للهوآ ..
نفس أنكسآآره قبل..
نفس الوحدة ألي عآشهآ في الغربه لأول مرة ..!!
المآء مغطي كل شعرهآ ولحظآت جلست على كنبة منفرده
لحالهآ حتى تغمض عيونهآ من حست بألم غريب يحتوي
حوضهآ ... جلست على يسآره وبحركة سريعه لف بجسمه
صوبهآ ..



لافي بصوت بآرد .هآدي : تصدقين أن ألي دلني عليج أمج .. ههههههه .. قالت لي
روح خذهآ هذي زوجتك ..


أمهآ ..!!!
رفعت عيونهآ وطالعته بنظرة صآآمته .. بآردة .. مغلفتهآ بالجرح
الغريب ألي شطر أرضهآ لنصين ..!!
قطرآت من المآي
تنزل من خصلات شعرهآ على وجهآ المبلل ..
كأنه نآوي يقدم أكفآن العشق ألي تأملت في بقآيآه ...
حركت يدهآ المحترقه حتى تحطهآ على حضنهآ والضعف رجع من جديد
يآكل وليمة الضيآع دآخل ضلوعهآ ..
مآتبيه يطآلع الشي ألي سوآه فيهآ ويتشمت ..
جرت كم بلوزتهآ وغطت يدهآ المحترقه ببطء .. رصت على أسنآنهآ
من مر قمآش البلوزة على بشرتهآ المحترقه وألم فضيع تملكهآ ..
بس بتتحمل ..صآرت تغطيهآ وهي تطالع فيه ...
بلعت ريقهآ وهي مآملت تطالعه بنظرآت تحآول ع قد مآتقدر تكون
ثآبته .. تهتز أيه .. ترجف من البرد ألي يحتوي صاله بآردة
مثل هالصالة أكيد ..
بس عمرهآ مآرآح تبعد عيونهآ عنه في هاللحظة ..
بتطالعه يسوي ألي يبيه حتى تحس أنه رجع لهآ كآمل جميلهآ
فيه يوم تركته وهو مريض ..
جميل قررته عشآن تخفف عنه وأذآ فيها تدفع الثمن ..
صحت على نبرآت صوته الجآفه وهو يكمل بنفس الأبتسآمة السآخره



لافي : تصدقين عمري مآتوقعت أن أبوج بهالغبآء .. يعني يآخذج
من الجآخور ويوديج لمكآن هو ملك لي أسآسآ .. غبآء صح ..؟



تبدلت نظرآتهآ الثابته لأستغرآب من هالكلام ألي يحذفه
محمل بهموم صوب هالضعف المرسوم قباله بصدق ...
حآولت تترجم هالكلام لمفآهيم تستوعبهآ ..
كيف ملكه .. ومتى ...؟!!
أشبه بالوآثق في كلامه ... وآثق بشكل غريب .. وهالشقه
يآمآ قعدوآ فيهآ وتتذكر أبوهآ زين كآن يدفع الأيجآر السنوي أول بأول ..



تغريد حركت رآسه ببطء وهي ترفع حآجبهآ : ..................
لافي : أكيد مآتعرفون أن هالشقه أنآ شآريهآ ملك من صآحب الفندق
بملايين ... وخليت يكون العقد مآبيني وبينه سر ..
وأبوج يوم يدفع أيجآرهآ تتحول لحسآبي فالبنك مو لصاحب هالفندق ..



وش يبي فيهم ... عشآن يشري الشقه ألي يستأجرونهآ ,,,؟!!
ليه يلاحقهم مثل الظل .. هذآ ألي صآرت متأكدة منه ..؟
تمنت تهجم عليه في حزة هالغرور والتسلط ألي يلبسه صوب
ملامحه .. تشمخهآ بأظآفيرهآ ..
تمنت تطرده برآآ .. بس الصمت أقوى من كل أفكآرهآ ..
أضعف بنفس الوقت من أنهآ تتحرك ...!
وهو ..كآنت قباله عشق الأغتيال والتحرير ..
عشق الأفكآر المتنآثره والأحلام الكآذبة ..
العشق الخآين .. ألي وصل فيه أنه فقد شهيتة للحيآة ..!!!
كيف يكمن الحب مآبين ثورآت أنتقآم وحقد ..
وهو ألي يعلمنآ كيف نشوف الأشيآء حلوة ..
كيف يكون بدآية الطريق لحكآية نهآيتهآ نفس هالمسآحة الغريبه
ألي تسكنهم هالحين ..
أنفس حآقدة وأنفس تتعذب تحت مسمى الحب .,..
يدفعون ضريبته أيآم دآفيه وأيآم ملتهبه ..
أيآم نتوسد أسرة مرتبه ..
وأيآم نتلحف فيه بدموعنآ .. وسط بيت الوحدة ؟؟!!
فز وآقف وهو ينزع فتيل الأسرآر .. يقرر يجهر فيهآ
ويرتآح ... تحرك بخطوآته الثآبته وصوت المآي يغيب
في السكون المميت ألي أحتضنهم في هاللحظة ...
معقولة يكون موت الحب بهالقذآرة .. بهالرخص بالأفكآر والتخطيط
الخبيث ..!!.. جلس على حآفة كنبة طويله مقآبلهآ وجه لوجه
والحقآيق ألي يقولهآ فتحت في وجه تغريد ألف سؤآل ..
ألف نية من الأفكآر والشكوك ..
أرتد صوته الجهوري بنبره غآمضه ...


لافي : مستغربه ..!!


تغريد بدون أية مقدمآت وبصوت حآقد : جذآب ..


غبيه نفس غبآء أبوهآ ... وهم ألي كآنوآ يدفعون حياتهم
حتى تتسلط تحت الضوء قباله أكثر وأكثر ...


لافي بسخريته المستترة أكثر وأكثر : جذآب ..!! خلي أبوج
يسأل صآحب الفندق عن صآحب هالشقه المالك الأسآسي لهآ ..
بيقولج فهد بن فلاح ..!!! شنو له أجذب عليج وكل أيجآر
هالشقه فالبنك مآلمست منه قرش وآحد




وش له يسوي هالحركآت .. وش هدفه الأسآسي منهآ ..!!
أخذت نفس .. ونبض قلبهآ تحسه هدآ ..
أستسلم لوجود هالجبآر قبالهآ .. بلعت ريقهآ أكثر وبطنهآ
بدى يوجعهآ من جديد وأحسآس بالأستفرآغ يحتضنهآ ..



تغريد تضم شفآتهآ حتى تتحرك بصوت وآطي بالعافيه طلع : شنو
مقصدك بالضبط ..


أبتسم وصد بعيونه عنهآ حتى يفز وآآقف .. يتحرك بعبث
صوب طآولة الأكل حتى يمد يده ويسحب الأكيآس ..
مآل برآسه يطالع أول كيس حتى يلقآه وجبة من المطعم .. ومسرع
مآمد أصبعه للكيس الثآني ويسحبه .. ظل بصمت يطالع ألي بوسطه ..
صمت غريب وعيون أنغرزت وسط ألي أحتوآه هالكيس ..



لافي يبتعد عن الطآولة معطيهآ ظهره : أنتي تعرفين أن أبوج طول
هالسنتين يآخذ مني فلوس ... يعني عشآن ينسى سالفة الطلاق ..


مآعآدت قآدرة تتحمل هالمصآيب ألي يقولهآ ... تحملت سالفة أن
أمهآ ألي دلته على مكآنهآ وبلعتهآ بس هالحين مآتقدر ..
رفعت عيونهآ لسقف والدموع رجعت تحتضن عيونهآ ...
لأي رخص وصلت له هي ...
خلاص يآدموع الوجع .. مآتقدرين تسكتين حتى تنتهي
هالحكآية ..
خلاص .. تعرف أن مرآكب الحقيقه تآهت ..
والدم غطى مغيب الشمس في وسط هالحكآية ..


لافي يكمل : وطبعآ موقع على ورقه وأتفآق بيني وبينه أنه بعد سنتين
عليه يرد كل الفلوس .. أو يحق لي أطالبه بالفلوس وأرميه رمية الجلاب
فالسجن .. ألا في حاله وحدة
تغريد عدلت رآسه وعيونهآ بصدمة تطالعه : ....................
لافي حرك يده وأشر بأصبعه صوبهآ : يرميج علي عشآن مآيدخل السجن ..
لأن الفلوس ألي كنت أدفعهآ لبوج بالملايين ..


نزلت دموعهآ غصب .. شقآعد يقول هذآ .. فزت وآقفه وبسرعه
رآحت تركض .. نآسيه كل شي يحتويهآ من الوجع ,,, صرخت بوجه
وهي تجر جكيته


تغريد تصآرخ بقوة لدرجة صوت بدى يختفي : جذآآب يالتافه .. يالحقير ...
فهد بسرعه مسك يدهآ وكآن سهل عليه يرجعهآ لورآ ظهرهآ :
شوي شوي .. مآنتي قدي يآآحلوة ..
تغريد تتحرك تبيه يفكهآ وهي تصآرخ : وخررر عني .. ألله يآخذك
يالظآآلم .. ألله ينتقم منك يالظآآآلم ..



لف يده الثآنيه حول صدره مكتفهآ .. وبحركة وحدة رفعهآ وصآر يمشي
فيهآ للغرفه وهي تحآول ترفسه برجولهآ .. تحرك رجولهآ بقوة مع جسمهآ
تبيه يفكهآ ... ومن دخل غرفة النوم
رفعهآ ورمآهآ على السرير ... أنحنى ثآني ركبته مريحهآ
على السرير حتى تستقر يد على صدرهآ ويد على يدهآ ألي تحآول
تمسك فيه شعره ..


فهد يقرب من وجهآ حتى يصرخ : بسسس .. ألله ينتقم مني ..!!
تدعين علي .. تدعين علي أنآ بعد كل شي سويته لج ..!
تغريد تتفل بوجهه : تفووو عليك من ريآآل .. لو فيك ذرة رجووله مآستفردت
فيني فالجآخوور وعذبتني يالظآآلم ..



صد بوجهه عنهآ والغضب لبسه من ألي سوته .. ولحظه أقرب
للصمت كسآهآ أول مآجر صدرهآ بأيديه الثنتين بقسآآوة حتى يرصهآ
على خشب السرير ويصرخ ...


لافي بصوت مقهور أنفجر برآآكيين وهو يهزهآ : تركتيني في عز
وجعي وتقولين لي ألله ينتقم منك .. خليتي النآس يتشمتون في الشيخ لافي
ويتهمونه بالمرض وتقولين لي ألله ينتقم مننك .. خليتهم يقولون
زوجته مآعآدت تقدر تتحمل وآحد مينون نفسه وتقولين ألله ينتقم منك ..
( جرهآ بعيد عن خشب السرير ورجع يرصهآ عليه بأيديه
القآسيه المنشده بغضب وهو يصرخ ) .. قولي لي .. شنو هالحب
ألي ضحكتي فيه علي هآآ ..
تغريد بكت بقوة حتى تصرخ بوجهه : أنآ مريضه يالظآلم . مريضة ببهجت ..!
مآعرفت فيه ألا بعد موت سعود بأسبوعين .... قالوآ لي مصيرك تصيرين
معآقه ..( أنهآرت تبكي قباله ) مصيرك تنعمين .. ( صرخت ) شنو بيدي أسوي ..
وأنت كنت مقعد ع الكرسي ... هآآآآ
لافي يضربهآ على الخشب بقوة ويفك أيديه بنبرة لازالت غآمضة : غبيه .. وعذرج هذآ تآآفه يآفرآشة لافي


قالهآ بطنآزة حتى يميل بجسمه وينزل رجوله وآقف على الأرض ..
وهي ظلت تطالعه من بين دموعهآ ألي كآنت مثل مآتنزل على خدودهآ ..
تنزل على كل شي دآخل يحتويهآ .. تغسل هالدموع فآجعة بروده
قبال ألي قالته ..مآهتز لخبر هالمرض .. ولا أنصدم .. رفعت عيونهآ
لملامحه .. مثل لو كآن من الأسآس يدري بهالمرض ..
يدري وهو رآميهآ فالجآخور كم يوم ..



تغريد وصدرهآ يرتفع وينزل بشهقآت متتاليه : أنت .. أنت تعرف
أني مريضه ,, تعرف طول هالسنتين ألي عشتهآ أنآ لامطلقه ولا متزوجه ..



أبعد بعيونه عنهآ ومآقال شي ,, أكتفى أنه يطلع من جيبه سيجآرة وحده ..
يحطهآ بين شفآته وهو يتنفس بصوت مسموع ..
شعره الرمآدي رآجع لورآ ومآغير خصلات متفرقه نآزله على جبهته ..
وجهه بدى يتغير للون الأحمر من كثر عصبيته ومحآولة يآئسه
يمسك نفسه .. سحب من جكيته ولاعه حتى يقربهآ من السيجآرة ..
ويدخنهآ من أشتعلت .. وهي تطالع هالأنسآن القاسي الوآقف
قبالهآ ... أشبه بالخيال كل شير يصير قبالهآ ...
عذبهآ وهو عآرف بمرضهآ .. رمى شنطتهآ بالصحرآ وهو عآرف تعلقهآ
بهالأدويه ... نزل بالعصآ على جسدهآ ألي يلتهمه المرض
وهو عآرف فيه .. حبسهآ بالجآخور وبين عبدآت مآيرحمن
وهو عآرف بحالتهآ ...!!!
صرخت بقوة منحنيه بظهرهآ شوي



تغريد : تعرف .. تعرف يالجلموود .. يالظآآلم .. تعررف
يالافي .. تعرف أني مرريضه ..( صرخت بأعلى صوت تقدر عليه )
تحجى قووول لي .. قوول



شي من الصمت لبسه قبال صرآخهآ وهي جالسه على السرير ..
لحظة .. رفع عيونه الملتهبه بحقد غريب حتى يقولهآ
( أيه .. أعرف )..!!
رمشت حتى تغرق رموشهآ بالدموع ألي صآرت تنسكب على صفحة
وجهآ .. أي أنسآن نفسه حبته ..؟!!
أي وآحد ظآلم عشقته ..وضيعت حياتهآ معه ..
نزلت من السرير بالقوة الفآنيه ألي بدت تضيع منهآ حتى ترمي بجسدهآ
عليه .. تضرب كتفه ووجهه بيدهآ وهو مآ فكر يمنعهآ تركهآ تسوي
ألي تبيه .. وبكل ضربه يرجع خطوة لورى ..
طآحت سيجآرته المولعه على الزوليه .. وهي دآست عليهآ برجلهآ ..
حولتهآ لرمآد بعد مآحرقت رجلهآ ولا هتمت في هالألم ألي مآكآن غير دخيل
عليهآ وهو ظل بصمته يطالع وجهآ .. ملامحهآ ...
دموعهآ ..


تغريد : يالحقييير ... يالوآآطي ..تعرف وسويت ألي سويته فيني
.. ألله ينتقم منك ..



وقف من لمس ظهره الجدآر وهي صآرت بقلة حيله تحرك يدهآ
تبي تضربه بأقوى مآعندهآ بس مالهآ حييل .. مالهآ قوة
عليه


لافي حرك يده مآسك يدهآ : أدعي علي ع قد مآتبين ... أدعي على من سفرج
من الكويت لألمآنيآ .. من صرف عليج بفلوسه ... أدعي على من أرسل لج
أكبر أخصآآئي صآر همه رآحتج وعآفيتج .. أدعي علي تغريد .. زيدي بالدعآوي ..
مآعدت أنطر من أحد يذكرني بالخير
تغريد تشآهق وتبكي : ألله لايذكر لك فضل دآآمك عذبتني ودمرتني يالخآيس ..
لافي ينزل يدهآ وبيده الثآنيه رفع وجهآ لعيونه وبصوت وآآطي : شوفي الفرق مآبين
حب لافي وحب تغريد .. أنتي بعز الوجع ألي فيني .. بعز تخلي الكل عني
مآزدتي ع لافي ألآ بوجع أكبر وطلبتي الطلاق بس لأنج مريضه ..
وأنآ بعز غربتي وعز جرح أقرب النآس لي مآتركتج .. ومن عرفت
أنج مريضه وصيت عليج كل من أعرفهم .. كنت أعرف وين تروحين
ووين تردين ... زرتج فالمستشفى بس بدون مآحد يدري أني
موجود .. ( هزهآ ) ليش عطيت أبوج فلوس أسآسآ وأنتم أول من تخلى
عني .. حبن فيه ولا فيج ..!! قولي لي ..
تغريد تطالع ودموعهآ لا زالت تغرق أكثر وأكثر بالدموع : .............
لافي يكمل بعد صمت : الورد بالمستشفى وأنتي فألمآنيآ من كآن يرسله لج ..
أنآ أموت تحت الأرض ولا أتخلى عن من عشت معهآ حب ولو أنه كآذب
نص عمري ..
تغريد بصوت متعب .. مجهد : تدآويني متى مآتبي وتعذبني متى مآتبي ..
شتبي فيني ... شتبي .. يالخآآيس
لافي ضغط على فكهآ بأصآبعه القآسيه وطآري الثآر بدى يلمع بعيونه : سؤآلي ..
من ذبح سعود ..؟! ولاقلتي لي .. بعتق رقبتج وأطلقج
تغريد بقهر صرخت حتى تحرك جسمهآ : شنو دخلني بموتة سعود ..
لافي صرخ : لاتقولين لي مآعرف .. أنتي الوحيدة ألي كنتي تعرفين
أنه رآح يرد من السفر قبل الزوآج بيومين ..( ضغط على فكهآ بقوة حتى حست
بعظم فكهآ رآح يتكسر ) صح ولا لأ ..؟
تغريد من الوجع هزت رآسهآ : مآدري .. مآعرف ..
لافي رص على أسنآنه : لا تجذذذبين .. سعود دق علي وقالي أنه رآد
يوم الثلاثآء والزوآج يوم الخميس .. وأنتي الوحيدة ألي كنتي معي بالديوآنيه




غمضت عيونهآ وذكرى ذآك اليوم ردت لهآ .. شآفت صورته
بذآكرتهآ المتهالكه وهو يكلم سعود .. أييه صح .. دق عليه سعود
ذآك اليوم .. دق ..


تغريد بالعافيه تكلمت : أييه .. ت...ذكرت ..
لافي رفع حآجبه : شنو معنى أنج تطلبين مني أأجل الدخله وأخليهآ في ليلة الثلاثآء ... ( قالهآ والنيرآن بدت تحرقه ) تحجي قولي .. شنو معنى أصرآرج
على الثلاثآء .. في يوم ردة سعود .. من ألي طلب منج هالشي .. من ..؟
كيف صآر ألي صآآر .. تحجي
تغريد بكت : والله .. والله مآعرف ..


رمآهآ بقرف بعيد عنه ... وهي طآحت على ألأرض حتى
تطلع منهآ آآآه بقوة ...


لافي رفع يده : هالحين أنتي مآعندج أحد .. لا أبوج نآآفعج ألي رمآج علي
ولا أمج ألي بعد سوت نفس الشي .. فأحسن لج تشيلين عفشج وتمشين معي
.. وأذآ تبينهم .. أذلفي ألله لايردج وأبوج والله لا أدخله السجن عنآدن فيج
أنتي ..ولا أنآ يآبنت النآس مآتفرق عندي جم مليون صرفتهم عليج أو على غيرج
تغريد قآطعته وهي تهتز من البكآ : حآطن نفسك ريال ومسوي فيني خير وتصرف
علي لسنتين وهالحين تطالبنآ بالفلوس ..
لافي وهو يطالعهآ بعصبيه : قولي أني طول هالسنتين ... عرفت أنآ من حبيت ..
عرفت ليه سعود كآن الوحيد ألي رآآفض هالزوآج .. عرفت وبعيوني
شفت هيآتج مآبين ديرة والثانيه .. قالي أن تغريد عمرهآ
مآرآح تكون منآسبه لك بس أنآ عآندته .. الوضع هالحين تغير لأنج الوحيده ألي عندج الجوآب لسؤآلي
من ألي قالج تأجلينه الثلاثآء مين ..؟!


تغريد : خلاص .. طلقني .. طلقني وروح تزوج من تبي .. فكني
منك ..
لافي يرجع يعيد السؤآل بتهديد : سألتج سؤآل وجآوبي عليه ..




صدت بعيونهآ والكلام وقف على شفآهآ ..
ألي طلب منهآ تأجله لثلاثآء أمهآ ... خآيفه من الحسد هذآ ألي قالته ...
أذآ هالمريض عشآنه بس شآك أنهآ تعرف سوآ فيه كل هالسوآيآ
أجل لا جآبت طآري أمهآ وش بيصير ...
وأصلن مستحيل أمهآ بتصير ورآ ذبح سعود ... سعود مآت بحآدث ..
مآت والسبب هو .. هو مآفي أحد غيره .. فزت بخرعه له
من تكلم ..



لافي : والله يآتغريد أني مآرآح أرحم كل من أعرف أنه له علاقه
بسالفة سعود .. وذباحه مآرآح يردني عنه ألا طلقه من الرصآص برآسه ..!!
تغريد قاطعته بصوتهآ الوآطي : أنت وآحد مريض ..( وبصوت وآثق ) مريض ولأنك من ذبحت
أخوك بتحطهآ برآآس أحد غيرك ..




صرخات ورآ بعض ترددت منهآ أول مآسحب لافي تحفه متوسطة كآنت جنبه حتى يرميهآ على
الجدآر ورآهآ .. لحقهآ بالثآنيه وبسرعه طلع من الغرفه .. مالت برآسهآ على الأرض
وحطت أيديهآ عليهآ ...
وش بتسوي هالحين .. وأبوهآ بيسجن ... لا مستحيل بيصير
هالشي مستحيل ...


على يسآرهآ ومن
شبآك هالغرفه الزجآجي بكبر حجمه يطل على وآجهة الفندق
ألي وقفت قبالهآ سيآرة أبوهآ
بسرعه جنونيه عند مدخل الفندق .. فتح بآب السآيق وهو هآآيج ..
ثآير بشكل غير طبيعي ... صعد الدرج ومن أنفتحت البوآبه ونوى يدخل
طلعوآ له الأمن .. حتى يوقفون قباله مآنعينه

وآحد من الأمن : لو سمحت بهدوء أطلع .. أنت ممنوع من الدخله
على هالفندق ..
بو تغريد طآرت عيونه : شنووو .. ( دفه بقوة) وخر عني يآآحمآآر
زوج بنتي عندهآ فوق وهو وآحد مريض .. مرريض .. وخر عني
لايصير شي مآهو بمصلحتك ..!!

<

كـــــــــــــــــــت ..

طبعآ الفصل القآدم رآح يكون بيوم أنآ أدخل وأحدده لكم ..
أخآف أحدد ومآأقدر أنزله بنفس الموعد ..

كريستآلتكم ..

السلام عليكم

وووواو انا اول رد وناااسه<<<العالم كلهم منصدمين<<وعيوونهم طايره
يووووووووووه كرستو وش هالبارت يوووووجع القلب على اني من قووم ليلوووو

بس كسرت خاااطري هالتغريد <<<متحمسه اشووف وش بيصير بين قوم تغريد وقوم لافي
هالله يعينك

يارب وش هالحقائق هذا لافي يعالجها ويصرف عليها وهو ناوي على الانتقام وش هالرجل يممممه الله يسترعلى بنيتنا ليلو
هذا وهي ناويه ترووح لامها

ياحرام ياتغريد حسيتها بريئه من كل شي
حتى قبل لاتقول ان امها اللي قايله لها تاجل ابد ابد ماشكيت بها تجرح هالتغريد مدري تلقاها من هالزوج المريض ولا من ابوها واللحين مار امها الغبيه خييير مهما كان المفروض تاكد وش السالفه مو تنط من عندها
تقهررررررر<<حاقده عليها من زمان واللحين زدت

اما هاللافي قطيعه طلع داري بكل شي
هو ليش متاكد ان حادث سعود بفعل فاعل
لحضه كرستو تخربطت اجل ماهو وسعود تصادمو بسيارت هذا الحادث صح
شلون يصير بفعل فاعل

الله يعين عليه حاد بكل شي بالحب والحرب
يمكن الفرنسين اللي دبرو الحادث عشان يقدرون ياثروون عليه<<<لالا ياربي ياكرستو حستي كل التوقعااات اللي براسي بعد هالبارت

ليلوووو فاقدينه بهالبارت بقوووه<<احسن لاتطلع هالحين هاللافي منجن

وربي انك مبدعه وبخصووص ظرووفك يارووحي غيبي وحنا عااااذرينك انتي ملتزمه معنا دايم وندري مايردك عنا الا الشديد القووي
والحمدلله على سلامة الوالده وماتشوف شر يارب

ودمتي بود يالغلا